News @ M-Media

Category: ဆောင်းပါး

  • ရေနံဈေးကွက် အတွင်း လျော့ဈေးနဲ့ အားပြိုင်နေတဲ့ဆော်ဒီ

    ရေနံဈေးကွက် အတွင်း လျော့ဈေးနဲ့ အားပြိုင်နေတဲ့ဆော်ဒီ

    ဇန်နဝါရီ ၂၈ ၊ ၂၀၁၆
    M-Media
    ဆောင်းပါးရှင်- မောင်ရဲဝင်း (တောင်ကြီး)
    1016546133
    ဈေးကွက်စီးပွားရေးမှာ ကုန်စည်းတွေရဲ့တန်ဖိုးကို ဈေးကွက်ကပဲ ဆုံးဖြတ်တယ်ဆိုပေမယ့် ရေနံနဲ့ သဘာဝဓါတ်ငွေ့ရဲ့ တန်ဖိုးကတော့ ရေနံကုမ္ပဏီကြီးတွေရဲ့ ကစားကွက်ထဲရှိနေတတ်ပါတယ်။ ရေနံဈေးတွေ တဟုန်ထိုး ကျဆင်းနေချိန်မှာ ရေနံ ကုမ္ပဏီကြီးတွေ အနေနဲ့ ကိုယ်ကျိုးစီးပွား အတွက် ကာကွယ်ကြတာဟာ အထူးအဆန်းတော့ မဟုတ်ပါ။ ရေနံ သူဌေးနိုင်ငံတွေဖြစ်တဲ့ ဆော်ဒီ အာရေးဗီးယား၊ အီရန်နဲ့ အီရတ် နိုင်ငံတွေကလည်း ကမ္ဘာ့ရေနံဈေးကွက်မှာ သူတို့ရဲ့ဈေးကွက် ရှယ်ယာခိုင်မာနေဖို့ ယှဉ်ပြိုင်နေကြပါတယ်။

    ရေနံဈေးဟာ ခြောက်နှစ်ကျော်ကာလအတွင်း အနိမ့်ဆုံးအဖြစ် တစ် စည်ကို ၃၀ ဒေါ်လာအောက် ကျဆင်းနေပေမယ့် ဈေးကွက် ရှယ်ယာရှိဖို့အရေး ရေနံထွက်နှုန်းတွေ တိုးမြှင့်နေကြပါတယ်။ ရေနံဈေး ကျဆင်းနေမှုအပေါ် ထိမ်းချုပ်မှုတွေ လုပ်ဖို့ အီရန်နိုင်ငံက ကမ်းလှမ်းဖို့ဟန်ပြင်နေပေမယ့် အီရန်အပေါ် နူကလီးယားနဲ့ ပတ်သက်တဲ့ စီးပွားရေးပိတ်ဆို့မှုတွေ ဖယ်လိုက်ရင် တစ်နေ့ စည် တစ်သန်း ထိ တိုးမြှင့်ဖို့ အစီအစဉ်ရှိတယ်လို့ အီရန်ရဲ့ ရေနံနဲ့သဘာဝဓါတ်ငွေ့ ဝန်ကြီး Bijan Zanganeh က ကြေညာခဲ့ပြန်ပါတယ်။ လွန်ခဲ့တဲ့နှစ်တွေအတွင်း အီရန်နဲ့ အီရတ်တို့ရဲ့ နိုင်ငံရေးမတည်ငြိမ်မှု ဖြစ်ပွားနေခဲ့ချိန်မှာ သူတို့ဈေးကွက်ကို ဆော်ဒီကဖဲ့ယူထားခဲ့လို့ အခုအခါမှာ ပြိုင်ဆိုင်မှု ပြင်းထန်နေတာဖြစ်တယ်လို့ လေ့လာသူတွေက သုံးသပ်ကြပါတယ်။

    ဒီသုံးနိုင်ငံလုံးဟာ ရေနံစိမ်းထုတ်လုပ်တင်ပို့တဲ့ နိုင်ငံတွေစုဝေးဖွဲ့စည်းထားတဲ့OPEC အဖွဲ့ရဲ့ အဖွဲ့ဝင်နိုင်ငံတွေဖြစ်ကြပါတယ်။ ဒါပေမယ့် အခုတင်းမာနေမှုတွေကို OPEC အတွင်းမှာတောင် ညှီနှိုင်းဖို့မလွယ်ဘူးလို့Oxford Institute for Energy Studies အဖွဲ့က Bassam Fattouh ကသုံးသပ်ထားပါတယ်။ ပြီးခဲ့တဲ့နှစ် နိုဝင်ဘာလက OPEC အနေနဲ့ ရေနံဈေးကို ဈေးကွက်ကပဲအဆုံးအဖြတ်ပေးစေရမယ်လို့ သဘောတူထားတဲ့အတွက် ဒီနိုင်ငံတွေအနေနဲ့ အခုအခြေအနေမှာ အညှီအနှိုင်းမလုပ်ကြပဲ ထုတ်လုပ်မှုတွေကို အပြိုင်အဆိုင်မြှင့်တင်နေကြတာဖြစ်ပါတယ်။

    အဲဒီအထဲမှာ ဈေးနှိမ်ပြီးရောင်းနေရလည်း တာရှည်တောင့်ခံနိုင်စွမ်း အရှိဆုံးကတော့ ဆော်ဒီ ဖြစ်ပါတယ်။ ဒါကြောင့်လည်း OPECအစည်းအဝေးမှာ ရေနံထုတ်လုပ်မှု ပမာဏ ကန့်သတ်ဖို့အဆိုကို ဆော်ဒီက ဦးဆောင်ကန့်ကွက်ခဲ့တာဖြစ်ပါတယ်။ တကယ်တော့ ဆော်ဒီအနေနဲ့ ပြီးခဲ့တဲ့ ဆယ်စုနှစ်အတွင်းမှာ နိုင်ငံတော် အသုံးစရိတ် သုံးဆမြှင့်တင်ထားခဲ့လို့ ရေနံဈေးကောင်းနေ မှသာ နိုင်ငံတော် ရသုံးမှန်းခြေကို ထိမ်းညှိနိုင်မှာပါ။ ဒါပေမယ့် နိုင်ငံခြားရင်းနှီးမြှုပ်နှံ့မှုအားကောင်းပြီး နိုင်ငံတော်အကြွေးက GDP ရဲ့ (၁.၆) ရာခိုင်နှုန်းပဲရှိတဲ့ဆော်ဒီ အတွက်ကတော့ ဈေးကွက်ရှယ်ယာ ခိုင်မာဖို့ အောက်ဈေးနဲ့ရေရှည် ရပ်တည်လို့ ရနေပါသေးတယ်။ ပြိုင်ဘက်နိုင်ငံတွေကို အကျပ်အတည်းထဲ တွန်းပို့နိုင်စွမ်းရှိနေပါတယ်။

    OPEC နိုင်ငံအတွင်းမှာ သြဇာအရှိဆုံးကလည်း ဆော်ဒီရဲ့ ရေနံဝန်ကြီး Ali al-Naimi ပါပဲ။ ဆော်ဒီအနေနဲ့ အခုလိုရေနံဈေးကျနေတာကို ညှီနှိုင်းလိုကလည်း ညှီနှိုင်းနိုင်သလို ဆွေးနွေးမှုတွေမလုပ်ပဲ တရုတ်နိုင်ငံစီးပွားရေးကျနေတဲ့အတွက် ဝယ်အားနည်းပြီး ဈေးကျနေတာပါလို့ ဆင်ခြေပေး၊ ထုတ်လုပ်မှုတွေကိုမြှင့်တင်နိုင်ပါတယ်။ ၁၉၈၀ နဲ့ ၁၉၈၅-၈၆ ခုနှစ်တွေကလို ရေနံ ထုတ်လုပ်မှုလျော့ချခဲ့ပေမယ့် ဈေးကပြန် မတက်လာခဲ့တဲ့ သာဓကတွေရှိနေတဲ့အတွက် ထုတ်လုပ်မှုကန့်သတ်ဖို့ကိုတော့ အလွယ်တကူလုပ်ကြဦးမှမဟုတ်ပါဘူး။ အီရန်ကလည်း အလားတူထုတ်လုပ်မြှင့်တင်နေရာမှာ ဆော်ဒီထက်အရှိုန်မြှင့်နေတယ်လို့ ပဲရစ်ခြေစိုက်International Energy Agency က ဆိုပါတယ်။

    ရေနံဈေးကျလာနေတဲ့အတွက် ထုတ်လုပ်မှုစရိတ်ကြီးတဲ့ ဘရာဇီး ရေနက်တွင်းတွေ၊ ကနေဒါက သဲသောင်ပြင်ရေနံတွင်းတွေလည်း အမြတ်နည်းခဲ့ပါတယ်။ OPECအဖွဲ့ဝင်မဟုတ်တဲ့ အခြားနိုင်ငံတွေကတော့ ထုတ်လုပ်မှုတွေ လျော့ချလာကြပါတယ်။ OPECနိုင်ငံတွေအနေနဲ့ ဈေးကွက် ရှယ်ယာထိမ်းချုပ်နိုင်ဖို့အရေး ထုတ်လုပ်မှုတွေကို မကန့်သတ်ဘူးဆိုရင်တော့ ရှေရည်မှာ ကိုယ့်သေတွင်းကိုယ်တူးသလို ဖြစ်ကောင်းဖြစ်နိုင်ပါတယ်။ ဒါပေမယ့် စီးပွားရေးအင်အားတောင့်နေတဲ့ ဆော်ဒီ အတွက်ကတော့ ရေနံဈေး ထက်ဝက်ကျော်ကျဆင်းသွားလည်း ပြိုင်ဘက်တွေနဲ့ ယှဉ်ပြီး ဈေးကွက်ကိုခိုင်မြဲအောင် ဆုတ်ကိုင်နိုင်စွမ်းရှိနေပါသေးတယ်။

  • ကန့်လန့်ကာနောက်ကွယ်မှ ကမ္ဘာ့ရာသီဥတုအပြောင်းအလဲတိုက်ပွဲ၏ သူရဲကောင်း ဗုဒ္ဓဘာသာဝင်ဘုန်းတော်ကြီး

    ကန့်လန့်ကာနောက်ကွယ်မှ ကမ္ဘာ့ရာသီဥတုအပြောင်းအလဲတိုက်ပွဲ၏ သူရဲကောင်း ဗုဒ္ဓဘာသာဝင်ဘုန်းတော်ကြီး

    ဇန်န၀ါရီ ၂၈၊ ၂၀၁၆

    M-Media
    ဗီယက်နမ်လူမျိုး ဗုဒ္ဓဘာသာဘုန်းတော်ကြီး Thich Nhat Hanh

    – Thich Nhat Hanh ၏ သြ၀ါဒအားဖြင့် ကမ္ဘာ့ရာသီဥတုအပြောင်းအလဲဆိုင်ရာ သမိုင်းဝင်ပါရီညှိနှိုင်းဆွေးနွေးပွဲကို ကြားခံဆောင်ရွက်ပေးသူများမှတဆင့် ပေါ်ထွန်းလာခဲ့သည်။ ဘုန်းတော်ကြီး Thich Nhat Hanh သည် ဤအရေး၏ ဗိသုကာဟု ဆိုရပေမည်။

    ကမ္ဘာ့ရာသီဥတုအပြောင်းအလဲဆိုင်ရာ ပါရီပဋိညာဉ်၏မြင်ကွင်းများနောက်ကွယ်မှ ဦးဆောင်တွန်းအားတစ်ရပ်မှာ သက်တော် ၈၉ နှစ်အရွယ် ဗီယက်နမ်လူမျိုး ဇင်ဗုဒ္ဓဘာသာဘုန်းတော်ကြီးတစ်ပါး ဖြစ်နေသည်။

    မကြုံစဖူး နိုင်ငံပေါင်း ၁၉၆ နိုင်ငံဖြင့်ရပ်တည်ထားသော သဘောတူညီမှုအား ရုပ်လုံးဖော်နိုင်ရန်လိုအပ်သည့် ခွန်အား၊ အမြော်အမြင်နှင့် ခံစားချက်များကို အဓိကအခန်းကဏ္ဍမှ ကူညီအားပေးခဲ့သူမှာ ဘုန်းတော်ကြီး Thich Nhat Hanh ဖြစ်ပါကြောင်း ယင်းဆွေးနွေးပွဲဦးဆောင်ဟောပြောသူ Christiana Figueres က ဂုဏ်ပြုထုတ်ဖော်ပြောကြားလိုက်သည်။

    ကုလသမဂ္ဂရာသီဥတုအပြောင်းအလဲဆိုင်ရာပဋိညာဉ်ဖြစ်မြောက်ရေးအဖွဲ့၏ အမှုဆောင်အတွင်းရေးမှူး Figueres သည် သူမ၏ ကိုယ်ရေးပြဿနာ သုံးနှစ်တာကာလတစ်လျှောက်လုံး ကမ္ဘာတစ်ဝှန်း သိန်းချီရှိသော ဇင်ဗုဒ္ဓဘာသာဝင်များအကြား ကျော်ကြားလှသည့် ၎င်းဘုန်းတော်ကြီး၏ သြ၀ါဒမွန်များက မိမိအပေါ် လွှမ်းမိုးကြီးစိုးထားခဲ့ကြောင်း၊ သူ၏ ဗုဒ္ဓဒဿနများက သူမ၏ပြဿနာကို ရင်ဆိုင်ဖြေရှင်းရန်သာမက ရာသီဥတုဆိုင်ရာဆွေးနွေးချက်များအပေါ် အာရုံမပြောင်းလဲစေရန်ကိုပါ ကူညီပေးခဲ့ကြောင်း ဆိုသည်။

    ပြီးခဲ့သည့်သီတင်းပတ် ဆွစ်ဇာလန်နိုင်ငံ ဒါဗော့စ်မြို့တွင် ကျင်းပသော ကမ္ဘာ့စီးပွားရေးဖိုရမ် နှစ်ပတ်လည်ဆွေးနွေးပွဲ၌ Figueres မှ The Huffington Post အား ဤသို့ ပြောကြားခဲ့သည်။

    “ခြောက်နှစ်လုံးလုံး အနားယူမှုမရှိဘဲ မရပ်မနားလှုပ်ရှားနေရတဲ့အတွက် ကျွန်မမှာ တစ်စုံတစ်ရာသော ကျားကန်ပေးမှု လိုအပ်နေခဲ့ပါတယ်။ တကယ်လို့များ ဘုန်းတော်ကြီး Thich Nhat Hanh ရဲ့ သြ၀ါဒသွန်သင်မှုတွေကို နှလုံးမသွင်းခဲ့ဘူးဆိုရင် ကျွန်မဆီမှာ အဇ္ဈတ္တအင်အား၊ အကောင်းမြင်သဘောထား၊ လုံ့လ၀ီရိယ၊ မျှော်မှန်းချက်တွေ ရရှိအားကောင်းလာမှာမဟုတ်ဘူးလို့ ကျွန်မ ထင်မြင်ပါတယ်။ ကျွန်မ ဒီကိုရောက်ရှိလာတာ ဒီအချက်ကြောင့်ပါပဲ။ ဒီိလိုမှမဟုတ်ခဲ့ရင် ဒီကိုရောက်လာဆောင်ရွက်ဖို့၊ ကျွန်မရဲ့လုပ်ငန်းတွေ ဆက်လက်ဆောင်ရွက် တစ်နေ့တာအတွက်တောင် ရပ်တည်ဖို့ မလွယ်ပါဘူး”။

    သို့ဆိုလျှင် ဘုန်းတော်ကြီးက သူမအား မည်သည်ကို သင်ကြားပေးခဲ့ပါသနည်း ?

    Figueres က ဤအကြောင်းကို ဂျာမနီနိုင်ငံ Waldbrol ရှိ ၎င်းဘုန်းတော်ကြီး သီတင်းသုံးရာ ကျောင်းတိုက်သို့ ရောက်ရှိမှုနှင့်အတူ ရှင်းလင်းတင်ပြပါသည်။ ယင်းနေရာမှာ ဟစ်တလာလူငယ်များ မသိမ်းယူမီ၊ စိတ်ဝေဒနာရှင်တို့ကို လက်စတုန်းရှင်းလင်းခြင်းမပြုမီက ရောဂါသည် ၇၀၀ အား ကုသမှုပေးနေခဲ့သည့် နေရာဋ္ဌာနတစ်ခုဖြစ်သည်။

    ဘုန်းတော်ကြီး Thich Nhat Hanh က သီတင်းသုံးရန် ၎င်းနေရာကို ရွေးချယ်ခဲ့သည်။ နာကျင်ခြင်းကို မေတ္တာတရားသို့လည်းကောင်း၊ ဓားစာခံအဖြစ်မှ အောင်မြင်သူအဖြစ်သို့လည်းကောင်း၊ အမုန်းတရားမှ မေတ္တာနှင့်ခွင့်လွှတ်ခြင်းထံသို့လည်းကောင်း အကြွင်းမဲ့လှည့်ပြောင်းနိုင်ကြောင်းကို သူမှ သက်သေပြလို၍ဖြစ်သည်။ ၎င်းအပြင် ဤနေရာ၌ လူမဆန်လွန်းလှစွာ ရက်စက်ယုတ်မာမှုများရှိခဲ့ကြောင်း ဖော်ထုတ်လိုသည့် အာသီသလည်း ရှိခဲ့ပေသည်။

    သူက ပထမဆုံးအနေဖြင့် မိမိသည် နှလုံးသားများကို အလိုရှိပါကြောင်း၊ ဤနေရာ၌ သတ်ဖြတ်ခံလိုက်ရသော လူတစ်ဦးချင်းစီ၏နှလုံးသားနှင့် နီးစပ်ဒွန်တွဲစေနိုင်သည့် နှလုံးသားများဖြစ်ကြောင်း၊ သို့မှသာ မိမိတို့သည် ဤအဆောက်အဦ၊ ဤနေရာဒေသနှင့် ဤစွမ်းအင်များကို အသွင်းပြောင်းမည့်ခြေလှမ်းကို စတင်နိုင်လိမ့်မည်ဖြစ်ကြောင်း သူ၏ ဗုဒ္ဓဘာသာဝင်လူ့အဖွဲ့အစည်းထံ စာရေးသားခဲ့သည်။

    “ကျွန်မအဖို့ အလွန်အင်မတန် သြဇာကြီးမားတဲ့ ဖြစ်စဉ်လေးတစ်ရပ်ပါပဲ။ ဒါက ရာသီဥတုဆိုင်ရာစေ့စပ်ညှိနှိုင်းရေးခရီးလမ်းအပေါ် ထောင့်ပေါင်းစုံက အကျိုးသက်ရောက်နိုင်တယ်လေ။ အဲ့ဒီခရီးလမ်းမှာ တစ်ဦးကိုတစ်ဦး ပြစ်တင်နေမှုကနေ အမှန်တကယ် ပူးပေါင်းဆောင်ရွက်မှုဆီရောက်အောင် သွားရပါမယ်။ မျှော်လင့်ချက်မရှိဘဲ ဆန့်တငင်ငင်အဖြစ်ကနေ အကောင်အထည်ပေါ်အောင်၊ ကျွန်မတို့တကယ်လုပ်ဆောင်နိုင်ကြောင်း ခံစားချက်ဝင်လာအောင်အထိ သွားရမယ့် ခရီးစဉ်ပါ။ အဲ့ဒါက ကျွန်မအတွက် အဇ္ဈတ္တပြုပြင်ရေးလမ်းကြောင်းတစ်ခု အမှန်တကယ် ဖြစ်သွားစေခဲ့ပါတယ်။ ကျွန်မဟာ ကိုယ်ရေးကိုယ်တာပြဿနာတွေဖက်လည်း ပြန်လှည့်ရဦးမှာဖြစ်လို့ မတူညီတဲ့ဘ၀ပုံဟန်တွေအကြား လှုပ်ရှားရုန်းကန်သွားဖို့ ရှိနေတယ်လေ။ ဒါကြောင့် ကျွန်မ အသွင်ပြောင်းမှရတော့မယ်။ ပြီးတော့ ဒီထူးခြားတဲ့သွန်သင်ချက်ဟာ ရာသီဥတုအပြောင်းအလဲဆိုင်ရာပဋိညာဉ်ဖော်ဆောင်ရေးကိစ္စမှာ အတိအကျ လိုအပ်နေတဲ့ – နှလုံးသွင်းထားရမယ့် စွမ်းအင်ဖြစ်ကြောင်း ကျွန်မ ခံစားမိတယ်” ဟူ၍ Figueres မှ ပြောပြခဲ့သည်။

    ဘုန်းတော်ကြီးသည် အခန်းပေါင်း ၄၀၀ ရှိသည့် အဆိုပါ နာဇီဋ္ဌာနချုပ်နေရာဟောင်းသို့ ပထမဆုံးအကြိမ် ရောက်ရှိလာသောအခါ သေဆုံးလူနာများအား ရည်ညွှန်း၍ စာတစ်စောင်ရေးသားသည်။ ၎င်းစာကိုလည်း ထိုနေရာတွင်နေထိုင်ကြသည့် သံဃာများ၊ သီလရှင်များအား နေ့စဉ် ဖတ်ကြားစေသည်။

    ထိုစာ၌ ပါဝင်ရေးသားထားသည်မှာ “ ယခုသော် ရဟန်းသံဃာများ ရောက်ရှိလာလေပြီ။ အသင်တို့ ခံစားခဲ့ကြရသော မတရားမှုနှင့် ဒုက္ခဝေဒနာများကို ကြားသိနားလည်ပေးကြပါသည်။ အသင်တို့ကို ဒုက္ခပေးခဲ့ကြသောသူတို့မှာလည်း ကြီးမားသည့်ဒုက္ခများ တွေ့ကြုံခဲ့ကြပြီးဖြစ်သည်။ ထိုစဉ်အခါက သူတို့ပြုလုပ်နေသည့်အရာကို သူတို့ မသိခဲ့ကြ။ သို့ဖြစ်၍ အသင်တို့၏နှလုံးသား၌ မေတ္တာနှင့်ခွင့်လွှတ်ခြင်းတရားကို မွေးဖွားကိန်းအောင်းစေပါလော့။ သို့မှသာ သူတို့သည်လည်း အသွင်ပြောင်းမည့်အခွင့်အရေးနှင့် သင့်မြတ်ရေး ရရှိလာပေမည်။ ဤ Waldbrol ဒေသတင်မက ဂျာမနီတစ်နိုင်ငံလုံးနှင့် ကမ္ဘာ့တစ်ခွင်ရှိဒုက္ခဋ္ဌာနေများအား အသွင်ပြောင်းရေးနှင့်သင့်မြတ်ရေးဒေသများဖြစ်လာအောင် ပြောင်းလဲနိုင်ရန်အလို့ငှာ ကျွန်ုပ်တို့နှင့် အလားတူကျင့်ဆောင်ကြမည့်သူများကို အသင်တို့မှ ကူညီအားပေးကြပါကုန်” ဟူ၍ ဖြစ်ပါသည်။

    နှစ်ပေါင်း ၂၀ ကျော် သဘာဝပတ်ဝန်းကျင်အရေး ဆောင်ရွက်နေသော ဤဆရာတော်ကြီးကို အနောက်တိုင်းသားများစွာက ၀ိပဿနာဖခင်အဖြစ် သတ်မှတ်ထားကြသည်။ သူ၏ကျောင်းတိုက်များ ကမ္ဘာအနှံ့ ရှိနေသလို ကမ္ဘာတွင် ဘုန်းတော်ကြီးကျောင်းများကို အလျင်မြန်ဆုံး တိုးပွားလာအောင် ဆောင်ရွက်နိုင်သူလည်းဖြစ်၏။

    ယမန်နှစ်က ကမ္ဘာ့ဘဏ်ဥက္ကဋ္ဌ Jim Yong Kim က ဇင်ဗုဒ္ဓဘာသာဝင်ဆရာတော်အား ၀ါရှင်တန်ရှိ ကမ္ဘာ့ဘဏ်ဋ္ဌာနချုပ်သို့ ဖိတ်ကြားခဲ့ပြီး ၎င်းမေတ္တာပို့ဆောင်ရွက်ချက်များအပေါ် ချီးမွှမ်းဂုဏ်ပြုခဲ့သည်။ ဆရာတော်၏ The Miracle of Mindfulness စာအုပ်မှာ သူအနှစ်သက်ဆုံး စာအုပ်တစ်အုပ်လည်းဖြစ်သည်။

    ကမ္ဘာ့သြဇာအကြီးမားဆုံး နည်းပညာကုမ္ပဏီ ၁၅ ခုအနက်အပါအ၀င်ဖြစ်သည့် Google မှလည်း ၎င်း၏စီအီးအိုများအတွက် သီးသန့်တစ်ရက် ဘာဝနာတရားပြပေးရန် ဆရာတော်အား Silicon Valley သို့ ၂၀၁၃ ခုနှစ်က ဖိတ်ကြားခဲ့သေးသည်။ Cloud computing giant Salesforce မှ CEO ဖြစ်သူ Marc Benioff ကလည်း ရောဂါဝေဒနာဖြစ်ပြီးသည့်နောက် ဆရာတော်၏ ပြန်လည်ထူထောင်မွမ်းမံရေးလုပ်ငန်းစဉ်များ၌ ရပ်တည်အားပေးခဲ့၏။

    ဆရာတော်သည် ဗီယက်နမ်စစ်ပွဲအဆုံးသတ်ရေးစွမ်းဆောင်မှုကြောင့် ၁၉၆၇ ခုနှစ်တွင် နိုဗယ်ငြိမ်းချမ်းရေးဆုရှင်လျာထားစာရင်း၌ မာတင်လူသာကင်းမှ တင်သွင်းအဆိုပြုခဲ့သည်။ “ဗီယက်နမ်က ဒီလိုသိက္ခာမြင့်မြတ်တဲ့ ဘုန်းတော်ကြီးထက် နိုဗယ်လ်ဆုထိုက်တန်သူကို ကျွန်တော့်ဖက်က မသိရှိထားပါဘူး။ သူ့ရဲ့ငြိမ်းချမ်းရေးအတွေးအမြင်ကို လက်တွေ့အသုံးချနိုင်မယ်ဆိုရင် မတူကွဲပြားမှုများပေါင်းစည်းညီညွတ်ရေး၊ ကမ္ဘာ့ညီနောင်ဝါဒနဲ့ လူသားဆန်မှုကျောက်တိုင်ကြီးကို တည်ဆောက်သွားနိုင်ပါလိမ့်မယ်” ဟူ၍ မာတင်လူသာကင်းမှ ညွှန်းဆိုခဲ့ရသူပင်။

    (Huffington Post ၏ ဆန်းသစ်မှုနှင့်သြဇာသက်ရောက်မှုကဏ္ဍ အမှုဆောင်အယ်ဒီတာ Jo Confino ရေးသားသော The Buddhist Monk Is An Unsung Hero in The World’s Climate Fight ဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုသည်။)

  • အကြမ်းဖက်မှုကို တိုက်ဖျက်ရာမှာ မွတ်စလင်တွေက မဟာမိတ်တွေပါပဲ (အမေရိကန်ရှေ့နေချုပ်)

    အကြမ်းဖက်မှုကို တိုက်ဖျက်ရာမှာ မွတ်စလင်တွေက မဟာမိတ်တွေပါပဲ (အမေရိကန်ရှေ့နေချုပ်)

    ဇန်န၀ါရီ ၂၇၊ ၂၀၁၆
    M-Media

    – ဆန်ဘာရ်နာဒီနိုက မသန်စွမ်းကုသရေး ဆေးခန်းတစ်ခုမှာ အစုလိုက်အပြုံလိုက်ပစ်ခတ်မှုဖြစ်ခဲ့ခြင်းက အမေရိကန်တွေကို အစွန်းရောက်အောင်၊ အကြမ်းဖက်လုပ်ရပ်တွေကို အားကျလာအောင် လုပ်နေတဲ့ နိုင်ငံရပ်ခြား အကြမ်းဖက်အဖွဲ့အစည်းတွေရဲ့ အန္တရာယ်အတွက် သတိပေးသံချောင်းခေါက်လိုက်တာပဲ ဖြစ်ပါတယ်။

    ကျွန်တော်တို့ Central Valley ကလူတွေကလည်း ကမ္ဘာတစ်ဝှမ်းရိုက်ခတ်နေတဲ့ ဒီကိစ္စတွေကို ခုခံနိုင်စွမ်းမရှိပါဘူး။ ပြီးခဲ့တဲ့လမှာ ဆန်ဂျိုအာကွင်း ခရိုင်က လူငယ်အမျိုးသား နီကိုလက်စ် တီယူဆန့်ဟာ နိုင်ငံရပ်ခြားကိုသွားပြီး IS နဲ့ ပူးပေါင်းဖို့ ကြိုးစားခဲ့မှုအတွက် အပြစ်ရှိကြောင်း ၀န်ခံခဲ့ပါတယ်။ အခုလမှာလည်း စခရာမန်တိုမှာ နေထိုင်တဲ့ လူငယ်တစ်ယောက်ဟာ အကြမ်းဖက်အဖွဲ့အစည်းမှာ ပါဝင်တိုက်ခိုက်ဖို့ ဆီးရီးယားသွားရောက်မယ့် ကိစ္စနဲ့ပတ်သက်ပြီး လူဝင်မှုကြီး ကြပ်ရေးတာဝန်ရှိသူတွေ လိမ်လည်ခဲ့တယ်ဆိုတဲ့ စွပ်စွဲချက်နဲ့ ကျွန်တော့်ရဲ့ ရုံးက တရားစွဲဆိုမှုတွေ ပြုလုပ်ထားပါတယ်။ အမေရိကန်အတွင်းမှာ အကြမ်းဖက်လုပ်ရပ်တွေလုပ်ဖို့ စီစဉ်မှုနဲ့ တရားစွဲဆိုခံရတာ မဟုတ်ပေမယ့် ဒီအဖြစ်အပျက် ၂ ခုစလုံးက အကြမ်းဖက်သမားတွေရဲ့ ကမ္ဘာတစ်ဝှမ်းလက်တံရှည်မှုကို ပြသနေပါတယ်။

    အမေရိကန် ရှေ့နေချုပ်တစ်ယောက်အဖြစ် ပြည်သူလူထုကို ကာကွယ်ဖို့ဆိုတာ ကျွန်တော်ရဲ့ ရည်မှန်းချက်ဖြစ်ပြီး အကြမ်းဖက်လုပ်ရပ်တွေကို တားဆီးဖို့ဆိုတာလည်း ကျွန်တော့်ရဲ့ ပထမ ဦးစားပေးအရာပါပဲ။ ရုံးမှာ ကျွန်တော်ရဲ့ ပထမဆုံး ဆောင်ရွက်ချက်က ရှုပ်ထွေးတဲ့ အမျိုးသားလုံခြုံရေး စုံစမ်းစစ်ဆေးမှုတွေကို ကိုင်တွယ်ရာမှာ လုံလောက်တဲ့ ကျွမ်းကျင်မှု ကျွန်တော်တို့မှာရှိဖို့အတွက် အဖွဲ့တစ်ခုဖွဲ့စည်းဖို့ဖြစ်ပါတယ်။ ကျွန်တော့်ရဲ့ရုံးဟာ ပြည်သူလူထု ဘေးအန္တရာယ်ကင်းစေဖို့အတွက် FBI ရဲ့ Joint Terrorism Task Force၊ ပြည်နယ်တွေ၊ ဒေသတွင်းမိတ်ဖက်တွေရဲ့အတူ နေ့စဉ် နီးနီးကပ်ကပ် ဆောင်ရွက်နေပါတယ်။

    ဒါပေမယ့် နိုင်ငံရပ်ခြား အကြမ်းဖက်အဖွဲ့အစည်းတွေရဲ့ ခြိမ်းခြောက်မှုဟာ ကျွန်တော့်ရဲ့ တစ်ခုတည်းသော စိုးရိမ်မှု မဟုတ်ပါဘူး။ တကယ်လို့များ ကြောက်ရွံ့မှုတွေ၊ နားလည်မှုလွဲမှားမှုတွေက ကျွန်တော်တို့ရဲ့ အမေရိကန်မွတ်စလင်လူထု ဒါမှမဟုတ် မွတ်စလင်အဖြစ် ခံယူထားတဲ့သူတွေအပေါ် ရန်လိုမှုတွေ၊ အကြမ်းဖက်တိုက်ခိုက်မှုတွေအထိ ဖြစ်စေခဲ့မယ်ဆိုရင် ကိုယ်တိုင်ဖန်တီးတဲ့ အဲဒီဒဏ်ရာဒဏ်ချက်တွေက ကျွန်တော်တို့လူ့အဖွဲ့အစည်းကို အမှန်တကယ် ထိခိုက်ပျက်ဆီးကာ အဲဒီထိခိုက်မှုကလည်း တာရှည်သွားမှာဖြစ်ပါတယ်။

    အမေရိကန်ဟာ အစ္စလာမ်အပေါ် စစ်ဆင်နွှဲနေတယ်လို့ နိုင်ငံရပ်ခြားအကြမ်းဖက်အဖွဲ့အစည်းတွေက အမေရိကန်မွတ်စလင်တွေကို အယုံသွင်းပြီး တိုင်းပြည်ကနေ ခွဲထုတ်ဖို့ ကြိုးစားကြပါတယ်။ ဒီလိုပြောဆိုမှုဟာ မှားယွင်းပေမယ့် မဲဆွယ်မှုတွေနဲ့ မီဒီယာတွေမှာ မွတ်စလင်ဆန့်ကျင်ရေးစကားတွေက ထွက်ပေါ်လာခြင်းဟာ အမေရိကန် မွတ်စလင်တွေရဲ့ လုံခြုံရေးအသိကို ဂယောက်ဂယက်ဖြစ်စေပါတယ်။

    အမေရိကန်ရှေ့နေချုပ်အဖြစ် ကျွန်တော့်ရဲ့ ၆ နှစ်တာ တာဝန်ထမ်းဆောင်မှုအတွင်းမှာ Central Valley ဒေသတစ်ဝှမ်းက မွတ်စလင်ပြည်သူလူထုနဲ့ အချိန်တော်တော်များများ ကုန်ဆုံးခဲ့ပါတယ်။ ဗလီတွေနဲ့ မွတ်စလင်လူမှုရေးစင်တာတွေကို သွားရောက်လည်ပတ်ခဲ့တယ်။ ကျွန်တော့်ရဲ့ ရုံးခန်းမှာလည်း သူတို့တွေကို ဖိတ်ခေါ်ပြီး အစည်းအဝေးတွေ လုပ်ခဲ့ပါတယ်။ ဘယ်ပဲသွားသွား ကျွန်တော့်ကို နွေးနွေးထွေးထွေးနဲ့ ဖော်ဖော်ရွေရွေ ဆက်ဆံကြပါတယ်။ အစ္စလာမ်အမည်ခံပြီးလုပ်နေတဲ့ အကြမ်းဖက်သမားတွေကြောင့် ဘယ်လောက်တုန်လှုပ်နေရကြောင်း၊ ဘယ်လို တွန်းလှန်နေရကြောင်းတွေကိုလည်း သူတို့ အမြဲတမ်း ပြောပြကြပါတယ်။ သူတိုရဲ့ ဘာသာတရားကို ဖျက်လိုဖျက်ဆီးလုပ်တာကို သူတို့က ဆန့်ကျင်ကြတယ်။ အစ္စလာမ်နဲ့ပတ်သက်ပြီး မီဒီယာကနေတစ်ဆင့် အမေရိကန်တော်တော်များများ အဓိကမြင်နေ ရတာက အကြမ်းဖက်မှုတွေ၊ အမုန်းတွေပဲဖြစ်နေတယ်ဆိုတဲ့ ကိစ္စအတွက်လည်း သူတို့က စိတ်မကောင်းဖြစ်ကြပါတယ်။

    အမေရိကန်မွတ်စလင်လူ့အဖွဲ့အစည်းဟာ တော်တော်လေးကို သဟဇာတဖြစ်ပြီး ၀င့်ကြွားဖွယ်ရာ အောင်မြင်တဲ့သမိုင်းကြောင်းတွေလည်း အမြောက်အများ ရှိပါတယ်။ Pew Research Center စစ်တမ်းတွေအရ သူတို့ရဲ့ ၀င်ငွေဟာအခြားသော အမေရိကန်ပြည်သူတွေရဲ့ ၀င်ငွေလောက်ရှိပြီး သူတို့ရဲ့ နိုင်ငံရေးနဲ့ လူမှုရေး တန်ဖိုးတွေကလည်း များသောအားဖြင့် ခြားသောပြည်သူတွေနဲ့ တစ်သတ်မတ်တည်းရှိပါတယ်။

    အခုအချိန်အထိ အမေရိကန်အများစုဟာ အမေရိကန်မွတ်စလင်တွေအပေါ် မကောင်းထင်မှုတွေ ဆက်လက်ရှိနေဆဲပါပဲ။ အကြမ်းဖက်တိုက်ခိုက်မှုတွေ ပေါ်ထွက်လာတာတဲ့အခါ ဒီမကောင်းထင်မှုတွေက ရန်လိုမှုတွေဆီကို ဦးတည်သွားခဲ့ပါတယ်။ ပြီးခဲ့တဲ့လက ထရာစီမြို့မှာ ဗလီဝတ်ကျောင်းတော်တစ်ခု ဓာတ်ဆီဗုံးနဲ့ တိုက်ခိုက်ခံခဲ့ရတယ်။ နိုင်ငံရဲ့ အခြားအစိတ်အပိုင်းတွေမှာလည်း ဗလီဝတ်ကျောင်းတော်တွေကို ဖျက်လိုဖျက်ဆီးလုပ်တာ၊ အသက် အန္တရာယ်ခြိမ်းခြောက်တာ၊ မီးရှို့တာမျိုးတွေ ရှိခဲ့ပါတယ်။ ပြီးခဲ့ သီတင်းပတ်အနည်းငယ်က မွတ်စလင်အမျိုးသား၊ အမျိုးသမီးတွေနဲ့ စကားပြောတဲ့အခါ သူတို့စော်ကားခံရတာတွေ၊ မခံချိမခံသာဖြစ်အောင် ပြောဆိုခံရတာတွေကို သူတို့က ပြန်ပြောခဲ့ပါ တယ်။ မွတ်စလင်ကလေးတွေကလည်း ကျောင်းတွေမှာ မကြာခဏ အနိုင်ကျင့်ခံရတယ်။ ဟိဂျဘ်ဝတ်ဆင်တဲ့ အမျိုး
    သမီးတွေလည်း အထူးသဖြင့် ပစ်မှတ်ထားခြင်း ခံခဲ့ရပါတယ်။

    wegner
    ဘင်ဂျမင် ဘီ ၀ဂ်နာမှာ ကယ်လီဖိုးနီးယားအရှေ့ပိုင်းခရိုင် ရှေ့နေချုပ်အဖြစ် ၂၀၀၉ ခုနှစ်ကတည်းက ယနေ့အချိန်အထိ တာဝန်ထမ်းဆောင်နေသူဖြစ်သည်။

    အဲဒီလိုကိစ္စတွေဟာ ဥပဒေနဲ့ ဆန့်ကျင်ပါတယ်။ ကျွန်တော်တို့ရုံးက ကိုင်တွယ်ကျင့်သုံးနေတဲ့ အမုန်းရာဇ၀တ်မှုဆိုင်ရာ ဖက်ဒရယ်ဥပဒေတွေကလည်း ဘာသာရေးကိုအခြေခံပြီး အကြမ်းဖက်မှု ဒါမှမဟုတ် ခြိမ်းခြောက်မှုတွေကနေ ပြည်သူတွေကို ကာကွယ်ပေးထားပါတယ်။ ဘာသာရေးလူနည်းစုတွေ သူတို့ရဲ့ အခွင့်အရေးကို လွတ်လွတ်လပ်လပ် ကျင့်သုံးနိုင်ဖို့အတွက် အခြားသော ဥပဒေတွေကိုလည်း ပြဌာန်းသတ်မှတ်ထားပါတယ်။ အမေရိကန်မွတ်စလင်တွေကို ပစ်မှတ်ထားတဲ့ လက်စားခြေမှုလုပ်ရပ်ဟာ အမေရိကန်ရဲ့ အမျိုးသားလုံခြုံရေးကို ထိခိုက်ပျက်ဆီးစေပါတယ်။ အစွန်းရောက်မှု၊ အကြမ်းဖက်မှုတွေကို တိုက်ဖျက်ရာမှာ မွတ်စလင်လူ့အဖွဲ့အစည်းဟာ အရေးပါတဲ့ မိတ်ဖက်ဖြစ်ပါတယ်။ မွတ်စလင်တွေကို အရှက်ရအောင်လုပ်တာ၊ ရန်လိုတာဟာ သူတို့နဲ့ ဥပဒေစိုးမိုးရေးအဖွဲ့တွေကြားက ရင်းနှီးမှုကို အား နည်းစေပါတယ်။

    နောက်ဆုံးအနေနဲ့ပြောရရင် မွတ်စလင်ဆန့်ကျင်ရေး အရှက်ရစေမှုဟာ အမေရိကန်ရဲ့ စံချိန်စံညွှန်းနဲ့ မညီပါဘူးး။ ကျွန်တော်တို့တိုင်းပြည်ရဲ့ တစ်ခုတည်းသော တန်ဖိုးကို ပြောပါဆိုရင် တန်းတူညီမျှဖြစ်မှုနဲ့ ဘာသာရေးလွတ်လပ်ခွင့်တွေအတွက် ကျွန်တော်တို့ရဲ့ ကတိက၀တ်ကိုပဲ ပြရပါလိမ့်မယ်။ အကြမ်းဖက်ဝါဒ ခြိမ်းခြောက်မှုတွေ အမှန်တကယ်ပုံစံမျိုး ဖြစ်လာနေတဲ့ အခုလို သောကဖြစ်စရာ အခြေအနေမျိုးမှာ အမေရိကန်တွေဖြစ်တဲ့ ကျွန်တော်တို့ဟာ စုစည်းညီညွတ်ရမှာဖြစ်ပြီး ကျွန်တော်တို့ကို သွေးကွဲစေမယ့် အားထုတ်မှုတွေကို ခုခံကာကွယ်ရပါလိမ့်မယ်။ ဒီလိုမှ မလုပ်နိုင်ရင်တော့ ကျွန်တော်တို့ရဲ့တန်ဖိုးတွေ ထိခိုက်စေမယ့် အန္တရာယ်တွေ တိုးလာမှာပဲဖြစ်ပါတယ်။

    (The Sacrament To Bee ၀ဘ်ဆိုက်တွင် ဖော်ပြထားသည့် အမေရိကန် ရှေ့နေချုပ် ဘင်ဂျမင် ဘီ ၀ဂ်နာ၏ ပေးစာကို လေးမောင်မှ ဆီလျော်အောင် ဘာသာပြန်ဆိုသည်။ ဘင်ဂျမင် ဘီ ၀ဂ်နာမှာ ကယ်လီဖိုးနီးယားအရှေ့ပိုင်းခရိုင် ရှေ့နေချုပ်အဖြစ် ၂၀၀၉ ခုနှစ်ကတည်းက ယနေ့အချိန်အထိ တာဝန်ထမ်းဆောင်နေသူဖြစ်သည်။)

  • ဗလီပြာမှ အစ္စလာမ့်သတင်းစကားဖြန့်ဝေသူ (သို့မဟုတ်) အီလစ်ဖ် ဇိုင်နပ် ယီလ်မက်ဇ်

    ဗလီပြာမှ အစ္စလာမ့်သတင်းစကားဖြန့်ဝေသူ (သို့မဟုတ်) အီလစ်ဖ် ဇိုင်နပ် ယီလ်မက်ဇ်

    ဇန်န၀ါရီ ၂၆၊ ၂၀၁၆
    M-Media

    turkey

    – တူရကီနိုင်ငံ မြို့တော် အစ္စတန်ဘူလ်မှာရှိတဲ့ ကမ္ဘာလှည့်ခရီးသွားများ စိတ်ဝင်စားရာ ဗလီပြာ (Blue Mosque) က သတင်းအချက်အလက်စင်တာဟာ အစ္စလာမ့် သတင်းစကားမျှဝေပေးရာ နေရာတစ်ခု ဖြစ်လို့နေပါတယ်။

    စာအုပ်စာတမ်းတွေမျှဝေတာ၊ ပရော်ဂျက်တာတွေနဲ့ ရှင်းလင်းပြသတာတွေအပါအ၀င် အဲဒီ အစ္စလာမ့်အသိပညာပေးရေးလုပ်ငန်းကို ဦးစီးလုပ်ဆောင်နေသူကတော့ နိုင်ငံအတွင်းက ပထမဆုံး အမျိုးသမီး ဗလီဧည့်လမ်းညွှန်တစ်ဦးဖြစ်တဲ့ အီလစ်ဖ် ဇိုင်နပ် ယီလ်မက်ဇ်ပဲဖြစ်ပါတယ်။

    ယီလ်မက်ဇ်က သူမဟာ နေ့စဉ် ဒါဇင်နဲ့ချီတဲ့ ကမ္ဘာလှည့်ခရီးသွားတွေကို အစ္စလာမ်နဲ့ပတ်သက်တဲ့ သတင်းအချက်အလက်တွေကို မျှဝေပေးနေတယ်လို့ ဆိုပါတယ်။

    “နေ့စဉ်နေ့တိုင်း ကမ္ဘာလှည့်ခရီးသွား တော်တော်များများဟာ အစ္စလာမ်နဲ့ပတ်သက်ပြီး သူတို့ရဲ့အသိကို တိုးမြှင့်ဖို့၊ တင်ကူးမှန်းဆမှုတွေကိုအခြေခံတဲ့ မှားယွင်းတဲ့ ထင်မြင်ယူဆချက်တွေကို ဖယ်ရှားဖို့အတွက် ကျွန်မတို့ထံကို ရောက်ရှိလာကြပါတယ်”

    ဗလီဝတ်ကျောင်းတော်ကို လာရောက်ပြီး အစ္စလာမ်နဲ့ပတ်သက်လို့ စူးစမ်းလေ့လာကြသူအများစုဟာ အမေရိကန်၊ ဗြိတိန်နဲ့ လက်တင်အမေရိက နိုင်ငံတွေက ဖြစ်တယ်လို့ ယီလ်မက်ဇ်က ထည့်သွင်းပြောကြားခဲ့ပါသေးတယ်။

    “အထူးသဖြင့် အမေရိကန်နဲ့ ယူကေကလူတွေဟာ အစ္စလာမ်နဲ့ပတ်သက်ပြီး သတင်းအမှားပေးခြင်းကို ခံထားရပါတယ်။ ဒါပေမယ့် ဒီဗလီဝတ်ကျောင်းတော်မှာ အစ္စလာမ်နဲ့ပတ်သက်ပြီး သူတို့ကို သတင်းအချက်အလက်အမှန်တွေ ပေးတယ်။ သူတို့ဆန္ဒရှိမယ်ဆိုရင် ဘယ်လိုဝတ်ပြုရလဲဆိုတာကိုပါ သင်ပေးပါတယ်” လို့ သူမက ဆိုပါတယ်။

    နောက်ပြီး အစ္စလာမ်မှာ အမျိုးသမီးတွေဟာ နေ့စဉ်ဘ၀မှာ ပါဝင်လို့မရဘဲ အိမ်တွင်းပုန်းနေရတယ်လို့ ခရီးသွားတွေက မှားယွင်းယူဆထားတာကြောင့် ဧည့်လမ်းညွှန်တစ်ယောက်အဖြစ် ဗလီဝတ်ကျောင်းတော်တွေကို ၀င်လိုက်ထွက်လိုက်လုပ်နေတဲ့ သူမကိုမြင်တဲ့အခါ အံ့သြမိတယ်လို့ ဖွင့်ဟပြောဆိုကြောင်း သူမရဲ့အတွေ့အကြုံကို ယီလ်မက်ဇ်က ပြောပြခဲ့ပါတယ်။

    “ဧည့်သည်တွေက သူတို့စိတ်ထဲမှာ အစ္စလာမ်နဲ့ပတ်သက်ပြီး ယူဆချက်အမှားတွေပဲ ပြည့်နေတယ်လို့ ၀န်ခံပါတယ်။ ဒါပေမယ့် သူတို့ အမှန်တရားကို ရှာဖွေစူးစမ်းချင်တဲ့စိတ် ရှိတယ်ဆိုတာ တွေ့ရတဲ့အခါမှာတော့ ကျွန်မတို့ တကယ်ပဲ ၀မ်းသာမိပါတယ်”

    သစ္စာတရားရှာတွေ့သူ

    ယီလ်မက်ဇ်ရဲ့ အသိပညာပေးမှုမှာ အစ္စလာမ်နဲ့ပတ်သက်ပြီး နားလည်သဘောပေါက်ကာ အစ္စလာမ့်အေးရိပ်ဆာယာအောက် ၀င်ရောက်ခိုလှုံခဲ့တဲ့ အဖြစ်အပျက်တွေလည်း ရှိခဲ့တယ်လို့ သူမက ဖွင့်ဟခဲ့ပါသေးတယ်။

    “တစ်ခါက ပြင်သစ်ခရီးသွားတစ်ယောက်ဟာ ရုတ်တရက်ကြီး သူ အစ္စလာမ်ကို သက်ဝင်ချင်တယ်လို့ ပြောလာပါတယ်။ ကျွန်မတို့ တော်တော်လေး အံ့အားသင့်သွားခဲ့ပါတယ်”

    ယီလ်မက်ဇ်တို့လို ဧည်လမ်းညွှန်တွေ အစ္စလာမ်နဲ့ပတ်သက်လို့ အသိပညာပေးဝေတဲ့နေရာကတော့ တူရကီက နာမည်ကြီး ဗလီပြာ (Bluse Mosque) ၀န်းကျင်တစ်ဝိုက်ပဲ ဖြစ်ပါတယ်။ အဲဒီနေရာဟာ ယခုလအတွင်းမှာ IS အဖွဲ့ဝင်တွေရဲ့ အကြမ်းဖက်တိုက်ခိုက်မှုကို ခံခဲ့ရပြီး နိုင်ငံခြားခရီးသွား ၁၀ ဦးလောက် သေဆုံးခဲ့ပါတယ်။

    ဒါပေမယ့် ဒီဖြစ်ရပ်ဆိုးကြီးဟာ သူတို့ရဲ့ ကြိုးပမ်းအားထုတ်မှုကိုတော့ မထိခိုက်ဘူးလို့ သူမက ဆိုပါတယ်။ ဗလီပြာက သတင်းအချက်အလက်စင်တာမှာပြုလုပ်တဲ့ ယီလ်မက်ဇ်ရဲ့ အစ္စလာမ့်သတင်းစကားဖြန့်ဝေမှု အစီအစဉ်ကိုတော့ ကမ္ဘာလှည့်ခရီးသွားတွေဟာ နေ့စဉ် တိုးလို့သာ လာရောက်နေကြပါတယ်။

    ဗလီဧည့်လမ်းညွှန်

    နိုင်ငံအတွင်းက ထင်ရှားတဲ့ ဗလီဝတ်ကျောင်းတော်တွေနဲ့ အစ္စလာမ့်ယဉ်ကျေးမှုဆိုင်ရာ သမိုင်းဝင်နေရာတွေကို လိုက်လံပြသဖို့အတွက် တူရကီသမ္မတ သာသနာရေးရာဌာန DIB က ဗလီဧည့်လမ်းညွှန်တွေကို သတ်မှတ်ပေးထားပါတယ်။

    ဗလီဧည့်လမ်းညွှန်တစ်ယောက်ဖြစ်တဲ့ ယီလ်မက်ဇ်ကတော့ လွန်ခဲ့တဲ့ ၂ နှစ်လောက်ကစလို့ အစ္စလာမ့်သတင်းစကား ဖြန့်ဝေမှုအစီအစဉ်ကို လုပ်ဆောင်ခဲ့တာဖြစ်ပါတယ်။

    ဗလီပြာရဲ့ ပရ၀ုဏ်အတွင်းမှာပြုလုပ်တဲ့ အဲဒီအစီအစဉ်ကို ကမ္ဘာလှည့်ခရီးသွားတွေ အနားယူတဲ့ နေ့လည်ပိုင်းနဲ့ ညနေပိုင်းတွေမှာ ပြုလုပ်တာဖြစ်ပြီး၊ ဧည်သည့်တွေဆီကနေ အပြုသဘောဆောင်တဲ့မှတ်ချက်တွေရခဲ့တယ်လို့ ယီလ်မက်ဇ်က ထည့်သွင်းပြောကြားခဲ့ပါတယ်။

    ခရီးသွားလုပ်ငန်းဖွံ့ဖြိုးတဲ့ တူရကီနိုင်ငံဟာ အစ္စလာမ့်သတင်းစကားမျှဝေမှုလုပ်ငန်းမှာလည်း အောင်မြင်မှုတွေရရှိနေပြီး နှစ်စဉ် အစ္စလာမ့်အေးရိပ်ဆာယာအောက်ကို ခိုလှုံလာသူအရေအတွက်ဟာ ရာနဲ့ချီရှိနေတယ်လို့လည်း စစ်တမ်းတွေအရ သိရပါတယ်။

    Ref : IINA

  • အီဘိုလာပြီးနောက် ကမ္ဘာကြီးကို ခြိမ်းခြောက်လာတဲ့ ဇီကာ

    အီဘိုလာပြီးနောက် ကမ္ဘာကြီးကို ခြိမ်းခြောက်လာတဲ့ ဇီကာ

    ဇန်န၀ါရီ ၂၆၊ ၂၀၁၆
    M-Media

    zika

    – လက်တင်အမေရိကနဲ့ ကာရစ်ဘီယံဒေသတွေက နိုင်ငံတစ်ချို့မှာ ကူးစက်ပြန့်ပွားမှုတွေကို တွေ့မြင်ခဲ့ရပြီးနောက်ပိုင်း ခြင်ကတစ်ဆင့်ကူးစက်ကာ ဦးနှောက်ပျက်ဆီးစေတဲ့ ဇီကာဗိုင်းရပ်စ် (Zika Virus) ဟာ ကနေဒါနဲ့ ချီလီနိုင်ငံတို့ကလွဲပြီး အမေရိကတစ်ဝှမ်း ပြန့်နှံ့ဖို့ အလားအလာရှိနေတယ်လို့ ကမ္ဘာ့ကျန်းမာရေးအဖွဲ့ WHO က ယမန်နေ့မှာ သတိပေး ပြောကြားလိုက်ပါတယ်။

    အဲဒီဇီကာဗိုင်းရပ်စ်ဟာ ကာကွယ်မှုမရှိတာ၊ ခြင်ကတစ်ဆင့် လျင်လျင်မြန်မြန် ပြန့်နှံ့နိုင်တာတွေကြောင့် ၂၀၁၅ ခုနှစ် မေလနောက်ပိုင်း နိုင်ငံပေါင်း ၂၁ နိုင်ငံလောက်ကို ပြန့်နှံနေပြီလို့ WHO က ထုတ်ပြန်တဲ့ ကြေငြာချက်ထဲမှာ ဖော်ပြထားပါတယ်။

    ကူးစက်မှုအများဆုံးနိုင်ငံကတော့ ဘရာဇီးလ်နိုင်ငံဖြစ်နေပြီး၊ ဒုတိယအများဆုံးကတော့ ကိုလံဘီယာနိုင်ငံဖြစ်ပါတယ်။ အမေရိကန်မှာလည်း ပြီးခဲ့တဲ့တတစ်ပတ်အတွင်းမှာ ဇီကာဗိုင်းရပ်စ်ပိုး ကူးစက်နေသူ ၃ ဦးကို တွေ့ရှိခဲ့ရပေမယ့် အခြားနိုင်ငံကနေ ရောက်ရှိလာသူတွေဖြစ်ပြီး အမေရိကန်နိုင်ငံအတွင်းမှာ ကူးစက်မှု မရှိသေးပါဘူး။

    ဒါပေမယ့် ရောဂါပိုး ပြန့်နှံနေတဲ့ နိုင်ငံတွေ၊ အထူးသဖြင့် အမေရိကတိုက်အတွင်းက အပူပိုင်းဒေသတွေကို သွားရောက်တဲ့အခါ သတိထား သွားရောက်ကြဖို့ အမေရိကန်က သတိပေးချက်တွေ ထုတ်ပြန်ထားပါတယ်။

    ကိုဝန်ဆောင်အမျိုးသမီးတွေ ကူးစက်မှုအများဆုံးဖြစ်နေပြီး မွေးဖွားလာတဲ့ကလေးငယ်တွေဟာ ဦးနှောက်သေးကွေးကာ မူမမှန် ပျက်ဆီးတာမျိုးတွေ ဖြစ်တတ်တာကြောင့် အဲလ်ဆာဗေဒိုး၊ ကိုလံဘီယာနဲ့ ဂျမေကာနိုင်ငံတွေမှာ အမျိုးသမီးတွေ ကိုယ်ဝန်မဆောင်ဖို့ သတိပေး၊ အကြံပြုတာတွေလည်း ရှိနေပါတယ်။

    ဘယ်ကစသလဲ

    ဇီကာဗိုင်းရပ်စ်ကို ၁၉၅၀ ပြည့်နှစ်တွေမှာ အီကွေတာနဲ့နီးတဲ့ အာဖရိကနဲ့ အာရှနိုင်ငံတစ်ချို့မှာ စတင်တွေ့ရှိခဲ့ပါတယ်။ ၂၀၁၄ ခုနှစ်မှာတော့ ဒီဗိုင်းရပ်စ်ဟာ ပစိဖိတ်သမုဒ္ဒရာကနေ ပြင်သစ်ပိုလီနီးရှား၊ အီစတာကျွန်းတွေအထိ ရောက်ခဲ့ပါတယ်။

    အလယ်အမေရိက ကာရစ်ဘီယံနဲ့ တောင်အမေရိက နိုင်ငံတွေမှာ ကူးစက်ပြန့်နှံနေကြောင်း ၂၀၁၅ ခုနှစ်မေလမှာ ပန်အမေရိကန်ကျန်းမာရေးအဖွဲ့ PAHO က အတည်ပြုထုတ်ပြန်လိုက်တဲ့အခါမှာတော့ ကမ္ဘာကြီးက ကြောက်စရာကောင်းတဲ့ ဒီ ဇီကာဗိုင်းရပ်စ်ပိုးအကြောင်းကို သတိပြုမိခဲ့ကြပါတယ်။

    ဗိုင်းရပ်စ်ပိုးဟာ အဓိကအားဖြင့် ခြင်ကတစ်ဆင့် ပြန့်နှံ့တာဖြစ်ပြီး ကိုယ်ဝန်ဆောင်မိခင်ကနေတစ်ဆင့် ကလေးကိုလည်း ကူးစက်နိုင်ပါတယ်။ ရောဂါပိုးသယ်ဆောင်နိုင်သူတွေက လူနဲ့ မျောက်တွေဖြစ်ပြီး ရောဂါပိုး ပေါက်ဖွားမှုကတော့ ၁၀ ရက်ခန့် ကြာတတ်ပါတယ်။ ဗိုင်းရပ်စ်ပိုးဟာ သုတ်သွေးမှာ ခိုအောင်းတတ်ပေမယ့် လိင်ဆက်ဆံမှုကနေ ကူးဆက်နိုင်လားဆိုတာကိုတော့ အတိအကျ မပြောနိုင်သေးဘဲ လေ့လာမှုတွေ ပြုလုပ်နေဆဲဖြစ်ပါတယ်။

    ဗိုင်းရပ်စ်ကူးစက်ခံထားရပြီဆိုရင် ဖျားတာနာတာ၊ ခန္ဓာကိုယ်မှာ အင်ပြင်တွေထွက်တာ၊ အဆစ်အမြစ်တွေကိုက်ခဲတာ ခေါင်းကိုက်တာ၊ မျက်လုံးတွေနီလာတာမျိုးတွေ ဖြစ်တတ်ပါတယ်။ ဒီလိုလက္ခဏာတွေဟာ ရောဂါပိုး ကူးစက်ပြီး တစ်ပတ်အတွင်းမှာ တွေ့ရတာမျိုး ဖြစ်ပါတယ်။

    ရောဂါကြောင့် သေဆုံးမှုမရှိပေမယ့် ဦးနှောက်ပျက်ဆီးနိုင်တဲ့အတွက် ရောဂါပိုးကူးစက်ခံရသူတွေဟာ နောက်ပိုင်းမှာ အသိဉာဏ်မပြည့်ဝမှုတွေ၊ မသန်စွမ်းမှုတွေ ဖြစ်လာနိုင်တဲ့အထိ ဦးတည်သွားနိုင်ပါတယ်။

    ကုသနိုင်ပြီလား

    အပူပိုင်းဒေသတွေမှာ ဖြစ်လေ့ရှိတဲ့ ဒီ ဇီကာရောဂါကို လတ်တလော ကုသဖို့ ဆေးမရှိသေးဘဲ သုတေသနပြုလုပ်နေ ဆဲအဆင့်သာ ရှိပါသေးတယ်။

    သိပ္ပံပညာရှင်တွေကတော့ အီဘိုလာလို ကပ်ရောဂါတစ်ခု ဖြစ်လာနိုင်တဲ့အတွက်ကြောင့် ဆေးရရှိဖို့ အပြင်းအထန် ကြိုးစားနေပေမယ့် ဆေးပေါ်ထွက်လာဖို့အတွက်တော့ ၃ နှစ်ကနေ ၅ နှစ်လောက်အထိ ကြာနိုင်တယ်လို့ ဇီကာဗိုင်းရစ်နဲ့ပတ်သက်ပြီး သုတေသနတွေပြုလုပ်နေတဲ့ ဆော်ပေါ်လိုအခြေစိုက် Butantan Institute က ပြောကြားခဲ့ပါတယ်။

    ဗြိတိန် ဆေးထုတ်လုပ်ရေး GlaxoSmithKline ကလည်း ဇီကာဗိုင်းရပ်စ်အတွက် အသုံးပြုနိုင်မယ့် ဆေးကို လေ့လာနေတုန်းဖြစ်ပြီး၊ ပြင်သစ်က Sanofi ကုမ္ပဏီကလည်း ဖြစ်နိုင်ချေတွေကို သုံးသပ်နေတယ်လို့ ပြောကြားခဲ့ပါတယ်။

    လက်ရှိအချိန်မှာ တောင်အမေရိကနဲ့ ကာရစ်ဘီယံဒေသတွေမှာ ကူးစက်ပြန့်နှံ့နေပေမယ့် ကမ္ဘာနဲ့ချီတဲ့ ကပ်ရောဂါမျိုး ဖြစ်လာမှာကို ပညာရှင်တွေက စိုးရိမ်နေကြပါတယ်။

    Ref: Aljazeera, Channelnewsasia, Wiki