News @ M-Media

Category: ဆောင်းပါး

  • မြန်မာ-တရုတ် နှစ်နိုင်ငံ ဆက်ဆံရေး ပြန်လည် ဆန်းသစ်ဖို့ လိုပြီလား ?

    မြန်မာ-တရုတ် နှစ်နိုင်ငံ ဆက်ဆံရေး ပြန်လည် ဆန်းသစ်ဖို့ လိုပြီလား ?

    ဇန်န၀ါရီ ၁၆၊ ၂၀၁၆

    M-Media
    china myan
    ၂၀၁၅ ဇွန်လ ၁၁ ရက်၊ တရုတ်ပြည်သူ့ခန်းမဆောင်၌ မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တရုတ်သမ္မတ ရှီကျင်းပင်တို့ တွေ့ဆုံကြစဉ်

    – ဘေဂျင်းရဲ့အကူအညီ မပါဘဲနဲ့လည်း မြန်မာနိုင်ငံရဲ့ဒီမိုကရေစီအကူးအပြောင်း အောင်မြင်နိုင်တယ်ဆိုတာက မှန်သယောင်နဲ့ မှားယွင်းလာပုံရပါတယ်။

    မြန်မာနိုင်ငံဟာ နှစ်ပေါင်း ၅၀ ကျော်အတွင်း အကြမ်းတမ်းဆုံး နိုင်ငံရေးအပြောင်းအလဲတစ်ခုကို စတင်ကြုံတွေ့နေရပါပြီ။ နိုဝင်ဘာလ ရွေးကောက်ပွဲမှာ အတိုက်အခံ NLD ပါတီအနေနဲ့ သောင်ပြိုကမ်းပြို အနိုင်ရရှိလာခဲ့တယ်။ အတိုက်အခံခေါင်းဆောင် နိုဗယ်ဆုရှင် ဒေါ်အောင်ဆန်းစုကြည် ဦးဆောင်တဲ့ အစိုးရသစ်တစ်ရပ်ဟာ များမကြာမီ နိုင်ငံ့တာဝန်ကို ထမ်းဆောင်ကြပါတော့မယ်။ နှစ် ၆၀ ကြာ အာဏာရှင်အစိုးရရဲ့ ခွာတော်မူခဏ်း ခင်းကျင်းရခြင်းကို ထူးထူးခြားခြား ကိုယ်စားပြုနေပါတယ်။ သို့ပေမယ့်လည်း ဆယ်စုနှစ်များစွာ တိုင်းပြည်ကို ထိန်းချုပ်လာခဲ့တဲ့ ဗမာစစ်တပ်အတွက် ဖွဲ့ခြေဥအရ အရံသင့်နေရာတွေ ချန်ထားပေးရဆဲဖြစ်တယ်။ ဒီအခြေအနေအောက်က အကူးအပြောင်း ပြုလုပ်နေရပါတယ်။ များမကြာမီ မြန်မာနိုင်ငံရဲ့ စမ်းသပ်ခံဒီမိုကရေစီအဖွင့်အတွက် သေရေးရှင်ရေးအချိန်ကာလတစ်ခု ရောက်ရှိလို့လာပါတော့မယ်။

    သဟဇာတမူဝါဒနဲ့အတူ အနောက်တိုင်းအတွက် တံခါဖွင့်ပေးလိုက်တဲ့နောက် ကမ္ဘာ့မီဒီယာတွေက မြန်မာနိုင်ငံကို လက်ခံမှုများစွာနဲ့ အာရုံစိုက်လာခဲ့ကြတယ်။ တစ်ချိန်တည်းမှာပဲ မြန်မာ-တရုတ်ဆက်ဆံရေး မဆိုစလောက် အားပျော့သွားတာတွေ့ရတယ်။ တရုတ်နိုင်ငံရဲ့ခေါင်းထောင်လာခြင်းက ကမ္ဘာမှာ တစ်မူထူးခြားပြီး သူ့ရဲ့သြဇာသက်ရောက်မှုဟာ သူ့အိမ်နီးချင်း မြန်မာနိုင်ငံထက် အားကောင်းနေဦးမှာဖြစ်တယ်။

    လာမယ့်အစိုးရသစ်အနေနဲ့ အဓိကဦးစားပေးရမယ့် သော့ချက်နှစ်ခု ရှိနေပါတယ်။ မြန်မာ့စီးပွားရေး တိုးတက်ဖွံ့ဖြိုးရေး နဲ့ နှစ် ၇၀ နီးပါးကြာမြင့်နေတဲ့ ပြည်တွင်းစစ်ကို အဆုံးသတ်ရေးပဲ ဖြစ်ပါတယ်။ ဒီပန်းတိုင်ကို အရောက်လှမ်းနိုင်ပါမှ ဒီမိုကရေစီကူးပြောင်းမှုကို လုံခြုံစိတ်ချစေပြီး ရေရှည်တည်တံ့နိုင်ပါမယ်။ ဒီမျက်နှာစာနှစ်ရပ်စလုံးမှာ တရုတ်ပြည်ရဲ့ ပါဝင်မှုအခန်းကဏ္ဍ အတော်အတန် ကြီးမားနေပါတယ်။ မြန်မာနိုင်ငံက အနောက်တိုင်းကို တံခါးဖွင့်ပေးလိုက်သည့်တိုင်အောင် တရုတ်ပြည်က အရေးအကြီးဆုံး စီးပွားဖက်အဖြစ် တည်ရှိနေဆဲဖြစ်တယ်။ ဒါ့အပြင် မြန်မာမြောက်ပိုင်းနယ်စပ် ပိုင်နက်တစ်လျှောက်မှာ သူ့ရဲ့ သြဇာလွှမ်းမှုက အလွန်အကျွံ ဖြစ်နေတဲ့အတွက် ငြိမ်းချမ်းရေးလုပ်ငန်းစဉ်ထဲ မဖြစ်မနေ ထည့်သွင်းရဦးမယ့် အဓိကဇာတ်ကောင်လည်း ဖြစ်နေပါတယ်။

    နှစ်နိုင်ငံရဲ့အနာဂတ်ဆက်ဆံရေး တိုးတက်မြင့်မားဖို့ ပိုပြီး အရေးကြီးလာပါပြီ။ မြန်မာဟာ အာရှတိုက်ရဲ့ အဆင်းရဲဆုံးနိုင်ငံစာရင်းထဲ ပါဝင်နေသော်လည်း တရုတ်၊ အိန္ဒိယ၊ အရှေ့တောင်အာရှဒေသများရဲ့ ဖြတ်မှတ်တစ်ခု ဖြစ်နေတာကြောင့် ဒေသတွင်း အချက်အချာကျတဲ့ တိုင်းပြည်တစ်ခုပါ။ ပြည်သူလူထု အကျိုးဖြစ်ထွန်းစေမယ့် ကကြိုးတန်ဆာဖြစ်တဲ့ ပထ၀ီဝင်အနေအထားကို မြန်မာခေါင်းဆောင်တို့ဟာ ပြိုင်ဖက်ကင်းအခွင့်အလမ်းတစ်ခုအဖြစ် ပိုင်ဆိုင်ထားကြပါတယ်။ ဒါပေမယ့် နှစ်နိုင်ငံဆက်ဆံရေးကို အကောင်းဆုံးဖြစ်အောင် ဘယ်လိုဖန်တီးမလဲ ဆိုတဲ့ ဆုံးဖြတ်ချက်နဲ့အတူ – တရုတ်ပြည်ရဲ့အောက်စည်းကနေ ရပ်တည်နေရတဲ့အနေအထားကို ဖယ်ရှားဖို့တော့ လိုအပ်ပါလိမ့်မယ်။

    တရုတ်ပြည်နဲ့ဆက်နွယ်နေတဲ့ မြန်မာ့သမိုင်းကြောင်းက ရှုပ်ထွေးပြီး စိတ်ပျက်စရာကောင်းလှပါတယ်။ ဒီပုံအတိုင်း ရှေ့ဆက်သွားဖို့ မလုံလောက်ပါဘူး။ အစိုးရသစ်ဟာ နှစ်နိုင်ငံဆက်ဆံရေးကို အခြေခံကျကျ ပြန်လည်ဆန်းသစ်ရေးအတွက် ပုံစံချရပါလိမ့်မယ်။ တရုတ်ပြည်ရဲ့ မဟာဗျူဟာလမ်းစဉ်နဲ့ လိုက်လျောညီထွေဖြစ်အောင် ပြင်ဆင်ရင်း တစ်ချိန်တည်းမှာပဲ မြန်မာပြည်သူတွေရဲ့ အတွင်းအပြင် အကျိုးစီးပွားများကို ရှေ့ရှုဆောင်ရွက်သွားရမှာဖြစ်တယ်။

    ဒီလိုလုပ်ဖို့ မလွယ်လှပါဘူး။ မြန်မာခေါင်းဆောင်တွေဟာ ဘေဂျင်းနဲ့ ဆက်ဆံရေးနွေးထွေးအောင် ရေရှည်ထိန်းသိမ်းဖို့ဆိုတဲ့ ခံယူချက်ရှိသော်လည်း တရုတ်ပြည်ဟာ ရံဖန်ရံခါ ဆိုးကျိုးပေးတတ်ကြောင်းကိုလည်း အမြင်ရှိထားပါတယ်။ ၁၉၆၀ နှစ်နှောင်းပိုင်းတွေမှာ တရုတ်က ကွန်မြူနစ်သူပုန်တွေကို နယ်စပ်ဖြတ်ကျော် လက်နက်တပ်ဆင်ပေးပြီး နိုင်ငံအရှေ့မြောက်ပိုင်းထဲ လွတ်မြောက်ဇုံတစ်ခုကို တည်ထောင်စေခဲ့တယ်။ ၁၉၈၉ ခုနှစ်မှာတော့ အဲ့ဒီအုပ်စု ပြိုလဲသွားခဲ့ပေမယ့် ကျန်ရှိဆဲ တိုင်းရင်းသားလက်နက်ကိုင်အုပ်စုအသီးသီးနဲ့ ချိတ်ဆက်ထားပြန်ပါတယ်။ အဲ့ဒီအဖွဲ့တွေထဲမှာ အထူးခြားဆုံး အခိုင်မာဆုံး ချိတ်ဆက်နေတာကတော့ အင်အား ၂၅၀၀၀ ရှိတဲ့ ၀ပြည်နယ်တပ်မတော်ပဲ ဖြစ်ပါတယ်။

    ၂၀၁၁ ခုနှစ်မှာ ဆက်ဆံရေးအပြောင်းအလဲ ဖြစ်လာတယ်။ မြန်မာနယ်စပ် ယူနန်ပြည်နယ်ကို လျှပ်စစ်ဓာတ်အားပို့လွှတ်ပေးနိုင်အောင် ပြုလုပ်ခဲ့တဲ့ ဒေါ်လာ ၃.၆ ဘီလီယံတန် မြစ်ဆုံဆည်စီမံကိန်းဟာ အငြင်းပွားဖွယ်ရာကိစ္စဖြစ်ပေါ်လာခဲ့ပြီး သမ္မတဦးသိန်းစိန်အစိုးရအဖွဲ့က ဆိုင်းငံ့ထားစေလိုက်တယ်။ ဘေဂျင်းဖက်က မကျေမနပ်ဖြစ်ခဲ့တယ်။ နှစ်ကုန်ပိုင်းကျတော့ နှစ်ပေါင်း ၂၀ နီးပါးအတွင်း ပထမဆုံးအကြိမ်အဖြစ် ဗမာစစ်တပ်နဲ့ ကေအိုင်အေတို့အကြား မြန်မာနိုင်ငံမြောက်ဖျားမှာ အကြီးအကျယ် တိုက်ပွဲဖြစ်ပွားတယ်။ ဒုက္ခသည် ထောင်ပေါင်းများစွာ ပေါ်ထွက်စေပြီး တရုတ်ပြည်ထဲ အမြောက်ပစ်ခတ်မှု လမ်းချော်ဝင်ရောက်သွားတယ်။ ၂၀၁၂ ခုနှစ်မှာ တရုတ်လူမျိုးတွေ ကိုင်တွယ်လည်ပတ်နေတဲ့ ကြေးနီသတ္ထုတူးဖော်ရေးလုပ်ငန်းကို ဆန့်ကျင်ဆန္ဒပြမှုတွေ ပွင့်ထွက်လာခဲ့တယ်။ တရုတ်ပြည်မကုမ္ပဏီများရဲ့ ရင်းနှီးမြုပ်နှံမှုတန်ဖိုးဟာ ၂၀၁၀-၁၁ မှာ ဒေါ်လာ ၈.၂ ဘီလီယံရှိရာက ၂၀၁၃-၁၄ ခုနှစ်မှာ ဒေါ်လာ သန်း ၁၀၀ အထိ ဒလိမ့်ကောက်ကွေး ကျဆင်းသွားခဲ့တယ်လို့ ခန့်မှန်းသုံးသပ်ကြတယ်။

    ယခုအချိန်မှာတော့ မြန်မာအနေနဲ့ မိမိရဲ့မဟာအင်အားကြီး အိမ်နီးချင်းအပေါ် သဘောတူညီထားချက်ကို ပြန်လည်ဖော်ဆောင်ဖို့ အချိန်ကျရောက်လာပါပြီ။ ပြန်လည်ထူထောင်မယ့် ဆက်ဆံရေးအသစ်က ပုံစံအမျိုးမျိုး ဖြစ်နိုင်ပါတယ်။ သို့သော် အရေးကြီးတဲ့ အချက်သုံးရပ်ပါဝင်ဖို့ လိုအပ်ပါတယ်။ ပထမတစ်ချက်က – တရုတ်ကို လက်ဦးမှု ပေးခြင်းထက် မိမိတိုင်းပြည်စီးပွားရေးပြန်လည်ဦးမော့ဖို့ လိုအပ်တဲ့ ဒေါ်လာဘီလီယံများစွာ တန်ကြေးရှိ အခြေခံအဆောက်အဦဖွံ့ဖြိုးတိုးတက်ရေးလုပ်ငန်းအတွက် ကိုယ်ပိုင်အစီအမံကောင်းတွေကို ပြန်လည်ဆင်ယင်ထားရပါမယ်။ တရုတ်ပြည်ကို အဓိကဇာတ်ကောင်တစ်ဦးအနေနဲ့ ပြန်ပြီး လက်ကမ်းသင့်တယ်။ ဒါပေမယ့် ဆိုးကျိုးဒဏ်ခံ လူ့အဖွဲ့အစည်းဝင်တွေနဲ့ အနီးကပ်တိုင်ပင်နှီးနှောချက်များထဲက ချမှတ်ထားတဲ့ မြန်မာအစိုးရသစ်ရဲ့မူဘောင်ထဲကတော့ ဖြစ်ရပါလိမ့်မယ်။

    ဒုတိယတစ်ချက်က – ငြိမ်းချမ်းရေး မရှိဘဲ ဖွံ့ဖြိုးတိုးတက်ရေးကို ရှေ့တိုးလို့မရကြောင်း မြန်မာခေါင်းဆောင်များက လက်ခံထားရပါမယ်။ ဥပမာအားဖြင့် မြစ်ဆုံဆည်စီမံကိန်းနဲ့ဆက်စပ်နေတဲ့ အငြင်းပွားဖွယ်ကိစ္စများက စီးပွားရေးဆိုင်ရာဆွေးနွေးငြင်းခုံဖို့သက်သက်မျှ မဟုတ်ဘဲ ကချင်ပြည်နယ်ထဲက ရေရှည်ပဋိပက္ခအဖြေရှာခြင်းနဲ့ အတွင်းကျကျ ချိတ်ဆက်နေပါတယ်။ ဒေသခံလူ့အသိုင်းအ၀ိုင်းများက တရုတ်စီမံကိန်းများကြောင့် မိမိတို့ရဲ့ အိုးအိမ်၊ ဘ၀အနေအထားတွေ ပျက်စီးသွားမှာ စိုးရိမ်နေကြတယ်။ ဒါကလည်း သဘာဝကျတဲ့ အကြောင်းရင်းပါ။ အနာဂတ်အစိုးရအနေနဲ့ လူနည်းစုတိုင်းရင်းသားဒေသများထဲ ဖွံ့ဖြိုးရေးတွေကိုစဉ်းစားတဲ့အခါ – တိုင်းရင်းသားလက်နက်ကိုင်များနဲ့ ဆက်နွယ်ထားတဲ့ လုပ်ငန်းအကျိုးစီးပွား သို့မဟုတ် စစ်တပ်ရဲ့မြေယာသိမ်းမှု စတဲ့ ထိလွယ်ရှလွယ်နိုင်ငံရေးပြဿနာများနဲ့တွဲဖက်ပြီး စဉ်းစားသုံးသပ်ကြရမှာဖြစ်တယ်။

    တတိယအချက်က – မြန်မာ့ငြိမ်းချမ်းရေးလုပ်ငန်းစဉ်ဟာ ထိရောက်မှုမဲ့ ထင်ရာစိုင်းခြင်း မဟုတ်ဘဲ နိုင်ငံတကာနဲ့ ပူးပေါင်းလက်တွဲဖြေရှင်းတာမျိုး ဖြစ်သင့်ပါတယ်။ မြန်မာ့ငြိမ်းချမ်းရေးလုပ်ငန်းစဉ်အပေါ် အနောက်တိုင်းနဲ့ ဂျပန်တို့က သြဇာမညောင်းသင့်ဘူး၊ ဒါဟာ တရုတ်-မြန်မာနယ်စပ်ရဲ့ အနာဂတ်အတွက် အကျိုးသက်ရောက်မှု ရှိလာနိုင်တယ်ဆိုပြီး တရုတ်က စိုးရိမ်မကင်းတဲ့အမြင် ရှိနေပါတယ်။ မြေမြှုပ်မိုင်းရှင်းလင်းရေးကနေ အပစ်အခတ်ရပ်စဲနိုင်ရေးအထိ လိုအပ်ချက်တွေက ကြီးမားနေတုန်းပါပဲ။ တရုတ်နိုင်ငံလည်း ပါဝင်လက်တွဲနိုင်ပြီး ကုလသမဂ္ဂနဲ့ချိတ်ဆက်ထားတဲ့ လုပ်ငန်းယန္တရားအသစ်တစ်ရပ်အားဖြင့် သူတို့တစ်တွေ ပွင့်လင်းမြင်သာစွာ တွေ့ဆုံဆွေးနွေးအဖြေရှာအပ်ပါတယ်။

    နှစ်နိုင်ငံဆက်ဆံရေးအသစ်တစ်ရပ် အစပြုနိုင်ရေးအတွက် မြန်မာက ဘေဂျင်းကို နားချနိုင်ပါ့မလား ? တရုတ်တွေကို နယ်စပ်တွေမှာ သူတို့ရဲ့သြဇာညောင်းမှုကို အသုံးချလို့ သူတို့ရနိုင်မယ့် စီးပွားရေးအကျိုးအမြတ်အတိုင်းအတာတွေ ချပြပြီး သိမ်းသွင်းရပါလိမ့်မယ်။ အထက်ကဆိုထားပြီးတဲ့အတိုင်း သူတို့စိုးရိမ်နေတဲ့အချက်တွေ သူတို့ရဲ့မြင်ကွင်းကနေ မကွယ်ပျောက်မချင်း မြန်မာ့ငြိမ်းချမ်းရေးလုပ်ငန်းစဉ်အတွက် ပြတ်သားတဲ့ ထောက်ခံမှု မပေးဘူးဆိုပြီး တင်းခံချင်ခံနေပါလိမ့်မယ်။

    ဒီလိုဆိုရင်တော့ မြန်မာ့နိုင်ငံရေးအခင်းအကျင်းထဲက အမျိုးသားရေးတုန့်ပြန်မှုတစ်ရပ်ကို မီးမွှေးပေးရာ ရောက်သွားနိုင်ပါတယ်။ အစိုးရသစ်အဖို့လည်း တိမ်းချော်မှု ဖြစ်သွားနိုင်ပါတယ်။ ငြိမ်းချမ်းရေးလုပ်ငန်းစဉ် အထောက်အကူဖြစ်လိုဖြစ်ငြား တရုတ်တွေရဲ့ တောင်းဆိုချက်တစ်ခုချင်းစီကို အနုစိပ် လိုက်စဉ်းစားပေးမယ်ဆိုရင်ပေါ့။ အဲ့ဒီအစား နှစ်နိုင်ငံဆက်ဆံရေးအတွက် နှစ်ဖက်စလုံးက ပရိယာယ်ကြွယ်ကြွယ်နဲ့ အမြင်သစ်တစ်ရပ်ရရှိဖို့ အားထုတ်ရမှာဖြစ်တယ်။

    မြန်မာဆီက တရုတ် လိုချင်နေတာတွေ အမှန်တကယ်လည်း ရှိနေတယ်။ မြန်မာအနေနဲ့လည်း ဒါကိုအသုံးချပြီး အမြတ်ထွက်အောင် လုပ်နိုင်ရပါမယ်။ တရုတ်နိုင်ငံ ယူနန်ပြည်နယ် စီးပွားရေးဖွံ့ဖြိုးတိုးတက်မှုက မြန်မာနိုင်ငံပေါ် အမှီပြုထားပါတယ်။ နှစ်ပေါင်း ၂၀ နီးပါး အခြေခံလူသုံးကုန်တွေကို ဒိုင်ခံဖြုန်းပေးခဲ့တဲ့ မြန်မာဟာ သူ့ရဲ့ အဓိက စားသုံးသူဈေးကွက်ဖြစ်နေတယ်။ မကြာသေးမီက ပြီးဆုံးသွားတဲ့ မြန်မာပြည်က ရေနံနဲ့သဘာဝဓာတ်ငွေ့ပိုက်လိုင်းတွေ၊ ရေအားလျှပ်စစ်စီမံကိန်းတွေဟာ ယူနန်ပြည်နယ်နဲ့ တရုတ်ပြည်အနောက်တောင်ပိုင်းအထိ စွမ်းအင်လိုအပ်ချက်ကို အဓိက ဖြည့်ဆည်းပေးနေပါတယ်။

    အိန္ဒိယနိုင်ငံနဲ့ အိန္ဒိယသမုဒ္ဒရာအတွက် ကုန်းကြောင်းတံတားတစ်စင်းလို ဖြစ်နေတဲ့ မြန်မာနိုင်ငံအနေအထားကလည်း အရေးပါတဲ့အချက်တစ်ခုပါ။ ရှီကျင်းပင် ရဲ့ One Belt One Road ကူးသန်းလမ်းကြောင်းအစီအမံမှာ မြန်မာနိုင်ငံက အဓိကကြားခံနယ်ပယ် ဖြစ်နေပါတယ်။ တရုတ်ပြည်အနေနဲ့ သူ့နယ်အတွင်းပိုင်းကနေ ဘင်္ဂလားပင်လယ်အော်ထိ ခရီးပေါက်မယ့် မီးရထားလမ်းသစ်တစ်ခု၊ အိန္ဒိယထိ ချဲ့ထွင်မယ့် အဝေးပြေးလမ်းတွေ၊ အနောက်တိုင်းဖက်ပို့မယ့် တရုတ်ကုန်စည်များအတွက် ရေလမ်းကြောင်းတစ်ခုအဖြစ်အသွင်ပြောင်းနိုင်တဲ့ ဧရာဝတီမြစ် – ဒါတွေကို တရုတ်ပြည်က နှစ်သက်မှု ရှိနေပါလိမ့်မယ်။

    အဆုံးသတ်ဆိုရရင် တရုတ်နဲ့အမေရိကန်အကြား ကြီးထွားလာနေတဲ့ အားပြိုင်မှုမှာ မြန်မာပြည်က အရေးကြီးတဲ့နေရာတစ်ခုကို ပိုင်ဆိုင်ထားပါတယ်။ တရုတ်မြန်မာနယ်နမိတ်မျဉ်းဟာ မိုင်ပေါင်း ၁၃၀၀ ထိ ရှည်လျားစွာ ထိစပ်လျက်ရှိပါတယ်။ ဒီနယ်စပ်တစ်ကြော အနောက်တိုင်းရဲ့စစ်ရေးအငွေ့အသက်တွေ မ၀င်လာသေးသမျှတော့ မြန်မာနိုင်ငံရဲ့ အနောက်တိုင်းနဲ့လက်တွဲမှု၊ တံခါးဖွင့်ဝါဒအပေါ် တရုတ်က အမြင်ကြည်လင်နေဦးမှာပါ။

    မြန်မာနိုင်ငံရဲ့ အပြည်ပြည်ဆိုင်ရာမိတ်ဆွေနိုင်ငံများအနေနဲ့ မြန်မာနဲ့ဘေဂျင်းအကြားက သိမ်မွေ့တဲ့အနေအထားကို တန်ဖိုးထားတတ်ဖို့၊ လမ်းဖယ်ပေးကြဖို့ အရေးကြီးပါတယ်။ မြန်မာပြည်ကလည်း မိမိလူထုကို အကျိုးဖြစ်ထွန်းစေနိုင်သော ဘယ်တိုင်းပြည်နဲ့မဆို အကောင်းဆုံးဆက်ဆံရေးကို ထားရှိနိုင်ရပါမယ်။ မြန်မာ-တရုတ်ဆက်ဆံရေးအပေါ် အမေရိကန်အပါအ၀င် နိုင်ငံတကာမှ စိတ်ဝင်စားနေကြတယ်။ ဒါကြောင့်လည်း နှစ်နိုင်ငံခေါင်းဆောင်များက ပြန်လည်ဆန်းသစ်ရေးလိုအပ်ချက်ကို အသိအမှတ်ပြုဖို့၊ ဖြစ်မြောက်လာအောင် စတင်လိုက်ကြဖို့ အချိန်တန်လာပြီဖြစ်ပါကြောင်း။

    Ref: Foreign Policy
    (Thant Myint-U ၏ Why Burma Must Reset Its Relationship With China ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။)

  • နိုင်ငံရပ်ခြားအထိ လက်တံရှည်လာတဲ့ မြန်မာဟက်ကာများ

    နိုင်ငံရပ်ခြားအထိ လက်တံရှည်လာတဲ့ မြန်မာဟက်ကာများ

    ဇန်န၀ါရီ ၁၂၊ ၂၀၁၆

    M-Media


    – အင်တာနက်ကို ကောင်းစွာအသုံးချနိုင်မှုက မြန်မာဟက်ကာအသိုင်းအ၀ိုင်းကို မြှင့်တင်ပေးနေသလိုဖြစ်နေ၏။ ၎င်းတို့အနက် အဖွဲ့အ၀င်အချို့သည် အိမ်နီးချင်းနိုင်ငံတို့ကိုပင် ဆိုက်ဘာစစ်ပွဲ ဆင်နွှဲနေပေသည်။

    “ကျွန်တော်တို့က မြန်မာကို မတိုက်ဘူး။ အများအားဖြင့် ဘင်္ဂလားဒေ့ရ်ှနဲ့ အင်ဒိုနီးရှား ၀က်ဘ်ဆိုက်တွေကို Hacking ဖောက်ယူပါတယ်” ဟူ၍ မိမိကိုယ်ကို Cyber Root ဟု အမည်ပေးထားသော မြန်မာဟက်ကာတစ်ဦးက ဆိုသည်။

    လွန်ခဲ့သော ၃ နှစ်ကတည်းက ၎င်း Cyber Root နှင့် အခြားဟက်ကာ အမြောက်အများတို့သည် ဘင်္ဂလားဒေ့ရ်ှမှ ဟက်ကာတို့ကို မြေအောက်ဆိုက်ဘာစစ်ဆင်ရေးတစ်ရပ် ပြုလုပ်နေခဲ့ကြသည်။

    “သူတို့ဟာ ကျွန်တော်တို့ရဲ့ အစိုးရနဲ့လုပ်ငန်းပိုင်းဆိုင်ရာ ၀က်ဘ်ဆိုက်တွေကို တိုက်ခိုက်ကြတယ်။ ၀က်ဘ်ဆိုက်ရဲ့ ဖော်ပြချက်အညွှန်းတွေ၊ သွင်ပြင်လက္ခဏာတွေကိုပြောင်းလဲပြီး အချက်အလက်အားလုံးကို ဖျက်ဆီးပစ်ကြပါတယ်။ သူတို့က မြန်မာနိုင်ငံကို အကျည်းတန်အောင် လုပ်ချင်နေပုံရတယ်။ ဒါကြောင့် ကျွန်တော်တို့ လက်တုန့်ပြန်ရမယ်။ မြန်မာ(ရဲ့ပုံရိပ်)ကို ကျွန်တော် ကာကွယ်သွားမယ်” ဟု Mr.$ud0 အဖြစ် လူသိများသည့် နောက်ထပ်ဟက်ကာတစ်ဦးက Frontier သို့ပြောကြားသည်။

    ဘင်္ဂလားဒေ့ရ်ှဝက်ဘ်ဆိုက်များကို တိုက်ခိုက်နေသည့် မိမိတို့၏လုပ်ရပ်များကို ဖော်ပြ၍ ဂုဏ်ယူလျက်ရှိကြသော်လည်း မြန်မာပြည်တွင်းရှိ အစိုးရ၀က်ဘ်ဆိုက်များ၌ ယင်းသို့ပြုလုပ်ရန်အစီအစဉ် ရှိမရှိ အဆိုပါဟက်ကာများကို မေးမြန်းသောအခါ မည်သူမျှအားတက်သရော မရှိကြောင်း တွေ့ရ၏။ ယင်းမေးမြန်းချက်ကို တစ်ဦးသောသူက “တခြားသူတွေနဲ့ အင်တာဗျူးတာတွေလည်း ကံကောင်းပါစေ” ဟုသာ တုန့်ပြန်ခဲ့သည်။

    ဆိုက်ဘာစစ်ပွဲများကြောင့် မြန်မာသမ္မတရုံးနှင့် ဘင်္ဂလားဒေ့ရှိလေတပ် ၀က်ဘ်ဆိုက်များအပါအ၀င် ရာနှင့်ချီသော ၀က်ဘ်ဆိုက်များ ကျဆုံးခဲ့ကြသည်။ ဟက်ကာတစ်ဦး၏အဆိုအရ ၎င်းတို့သည် အကယ်၍ အကြောင်းတစ်ရပ်ရပ်ကို သိစေလိုလျှင် သတင်းနှင့်မီဒီယာဝက်ဘ်ဆိုက်များကို ပစ်မှတ်ထားမည်၊ ထိုးဖောက်သိမ်းဆည်းခံရသည့် မြန်မာဝက်ဘ်ဆိုက်တစ်ခုကို ပြန်ပေးလိုလျှင် ၎င်းတို့၏အစိုးရ၀က်ဘ်ဆိုက်များကို ထိုးဖောက်တိုက်ခိုက်မည်ဖြစ်ကြောင်း သိရသည်။

    နှစ်ဖက်စလုံးမှ တူညီစွာအသုံးပြုနေကြသည်မှာ DDos – Distributed Denial of Service တိုက်ခိုက်ရေးနည်းလမ်းနှင့် ၀က်ဘ်ဆိုက်များကို အသွင်ပြောင်းလိုက်ခြင်းဖြစ်သည်။ ယင်းသို့နည်းလမ်းမှာ Hacking လောကတွင် ရိုးစင်းလွန်းလှသော်လည်း ထိထိရောက်ရောက် တိုက်ခိုက်နိုင်ကြ၏။

    ဆိုက်ဘာပဋိပက္ခသည် လူနည်းစုမြန်မာမွတ်စ်လင်မ်များနှင့် ရခိုင်ပြည်နယ်ရှိ ရိုဟင်ဂျာများအပေါ် ပြုမူဆက်ဆံမှု၌ အခြေပြုနေသည်။ ရိုဟင်ဂျာများမှာ ဘင်္ဂလားဒေ့ရ်ှမှ တရားမ၀င် ၀င်ရောက်လာသူများအဖြစ် မြန်မာနိုင်ငံအစိုးရနှင့် နိုင်ငံသားအများစုက ယုံကြည်နေခြင်းကြောင့် သူတို့ကို ဘင်္ဂလီများဟူ၍ ခေါ်ဆိုကြသည်။

    “ကျွန်တော်တို့က အချင်းချင်း သတ်နေကြတယ်လို့ သူတို့(ဘင်္ဂလားဒေ့ရ်ှသား)တွေက ပြောတယ်။ ဒါပေမယ့် ကျွန်တော်တို့ မသတ်ကြဘူး၊ တစ်ဦးနဲ့တစ်ဦး အပြန်အလှန် လေးစားမှု ရှိကြပါတယ်။ ဒါပေမယ့် မြန်မာနိုင်ငံမှာ ရိုဟင်ဂျာ ဆိုတာ မရှိပါဘူး” ဟု Cyber Root က ဆိုသည်။

    ၂၀၁၂ ခုနှစ် ဇွန်လအတွင်း ရခိုင်ပြည်နယ်တွင် ဗုဒ္ဓဘာသာဝင်များနှင့် မွတ်စ်လင်မ်တို့အကြား ပွင့်ထွက်လာသည့် အကြမ်းဖက်မှုက ဆိုင်ဘာစစ်ပွဲကို အရှိန်မြင့်တက်သွားစေခဲ့သည်။ အစိုးရထုတ်ပြန်ချက် စာရင်းအင်းအရ ယင်းမတည်ငြိမ်မှုကြောင့် လူ ၂၀၀ သေဆုံးပြီး တစ်သိန်းလေးသောင်းခန့် အိုးအိမ်မဲ့ခဲ့ရသည်။ အများစုမှာ မွတ်စ်လင်မ်များ ဖြစ်ကြသည်။

    “မြန်မာနိုင်ငံထဲမှာ အပြစ်မဲ့မွတ်စ်လင်မ်တွေ သတ်ဖြတ်ခံနေကြရတယ်။ မွတ်စ်လင်မ်တွေအပေါ် ဒီလို တရားမဲ့လုပ်ရပ်တွေနဲ့ ဘင်္ဂလားဒေ့ရ်ှဆိုက်ဘာလောကကိုတိုက်ခိုက်ချက်ဟာ ကျွန်တော်တို့ကို ပြန်လည်တုန့်ပြန်လာစေဖို့ တွန်းအားပေးခဲ့ပါတယ်” ဟူ၍ ၂၀၁၂ ဇွန်လ ၁၉ ရက်တွင် မြန်မာကို ဆိုက်ဘာစစ်ပွဲဆင်နွှဲမည်ဟု ကြေငြာလိုက်သော ဘင်္ဂလားဒေ့ရ်ှမှ Cyber Army – BCA က ဆိုသည်။ များမကြာမီ ပြည်ထဲရေးဝန်ကြီးဋ္ဌာနအပါအ၀င် မြန်မာပြည်မှ နာမည်ကြီးဝက်ဘ်ဆိုက်တို့ကို BCA မှ စတင်တိုက်ခိုက်တော့သည်။ ဟိုတယ်များ၊ ခရီးသွားလာရေးလုပ်ငန်းများအပါဝင် ၀က်ဘ်ဆိုက်အများအပြားကို ထိုးဖောက်သိမ်းယူနိုင်ခဲ့ကြသည်။

    နောက်တစ်နေ့၌ မြန်မာဟက်ကာများ လက်တုန့်ပြန်ခဲ့ကြသည်။ ဘင်္ဂလားဒေ့ရ်ှအစိုးရ၀က်ဘ်ဆိုက် ၉၂ ခု အွန်လိုင်းပေါ်မှ ပျောက်သွားသည်။ စစ်တကောင်းတက္ကသိုလ်ဝက်ဘ်ဆိုက်မှာ အသွင်ပြောင်းခံရသည်။ ဘင်္ဂလားဒေ့ရှ်၏ ပင်မသတင်းဋ္ဌာနတစ်ခုဖြစ်သော BDNews24 သတင်းဆိုက်၏ အချက်အလက်များစွာ ဖျက်ဆီးခံရသည်။ အဆိုပါတိုက်ခိုက်မှုပြီးသည့်နောက် မြန်မာဟက်ကာတစ်ဦးက “အလိမ်အညာတွေရပ်၊ ရိုဟင်ဂျာတွေအကြောင်း အသင်တို့ မသိ၊ အသင်တို့လူကို အသင်တို့တိုင်းပြည်ထဲ ပြန်ခေါ်သွားကြ၊ ဗမာပြည်ကို ကျူးကျော်ဖို့ မကြိုးစားနှင့်” ဟု ရေးသားခဲ့သည်။

    ၂၀၁၃ ခုနှစ်တွင် ကမ္ဘာ့နာမည်ကြီး Anonymous အဖွဲ့က ၎င်း၏ပစ်မှတ်ကို မြန်မာအစိုးရဖက်သို့ လှည့်ပြောင်းသည့်အခါ နိုင်ငံတကာအသိုင်းအ၀ိုင်းမှ ဤဆိုင်ဘာစစ်ပွဲအပေါ် စိတ်ဝင်စားလာကြလေသည်။ Anonymous အဖွဲ့ကို နိုင်ငံတကာမှ လှုပ်ရှားတက်ကြွသူဟက်ကာများနှင့် လျော့တိလျော့ရဲ ဖွဲ့စည်းထားပြီး၊ V for Vendetta ရုပ်ရှင်ဇာတ်ကားမှ နာမည်ကြီး မျက်နှာဖုံးစွပ်ပုံအမှတ်အသားဖြင့် လူသိများထင်ရှားသည်။

    Anonymous အဖွဲ့သည် မြန်မာအစိုးရအပေါ် ပြတ်ပြတ်သားသား ဆန့်ကျင်မှုပြုသော်လည်း၊ မိမိတို့သည် ဆိုင်ဘာပဋိပက္ခ၏ မည်သည့်ဖက်ကိုမျှ မလိုက်ဟု အဖွဲ့သားတစ်ခုမှ Frontier သို့ပြောကြားသည်။

    “ဒီမြန်မာဟက်ကာတွေဟာ ဘင်္ဂလားဒေ့ရ်ှအစိုးရကို တိုက်ခိုက်ကြတယ်။ ပြီးတော့ ရိုဟင်ဂျာတွေအပေါ် ဖိနှိပ်နေတဲ့ နောက်အစိုးရတစ်ရပ်ကိုလည်း တိုက်ခိုက်ကြပြန်တယ်။ ဒါကြောင့် သူတို့ဟာ သူတို့ရဲ့နလပိန်းတုံးလုပ်ရပ်တွေထဲ ပစ်မှတ် လွဲချော်နေကြတယ်။ ရိုဟင်ဂျာတွေအပေါ် နောက်ထပ်တိုက်ခိုက်မယ့်အစီအမံဆိုင်ရာ ကောလဟလတွေကို ကျွန်တော်တို့ ၂၀၁၃ ခုနှစ်မှာ စတင်တုန့်ပြန်ခဲ့ကြတယ်။ အဲ့ဒီချိန်ကစပြီး ကျွန်တော်တို့ရဲ့ပန်းတိုင်ဟာ အာဏာပိုင်အစိုးရဖက်က ကျူးလွန်တဲ့ဒုစရိုက်တွေကို ဖော်ထုတ်ဖို့ သို့မဟုတ် ဇောင်းပေးဖော်ပြဖို့ဆိုပြီးဖြစ်လာပါတယ်။ ကာလတစ်ရပ်အထိတော့ တကယ်ကို ထိရောက်အောင်မြင်ခဲ့ကြတယ်။ ဒါပေမယ့် ဘေးဒုက္ခတစ်ခုပြီးတစ်ခု ဆက်တိုက်စုပြုံကျရောက်နေတဲ့ လောကတစ်ခုထဲ ရေရှည်တည်တံ့မယ့်အပြောင်းအလဲတစ်ရပ်ကို ဖန်တီးဖို့ဆိုတာ အတော်ခဲယဉ်းလှပါတယ်”။

    ၂၀၁၃ မတ်လ ၂၄ ရက် ကြေငြာတိုက်ခိုက်မှု နာရီအနည်းငယ်အတွင်း Anonymous အဖွဲ့၏ ဗွေဆော်ဦးလက်စွမ်းပြချက်က သိသိသာသာ ကသောင်းကနင်း ဖြစ်သွားစေခဲ့၏။ သမ္မတရုံး၊ ပြန်ကြားရေးဝန်ကြီးဋ္ဌာနအပါအ၀င် အစိုးရ၀က်ဘ်ဆိုက် ၁၄ ခု အွန်လိုင်းပေါ် တက်မရတော့။ အခြားဝက်ဘ်ဆိုက်အများအပြားမှာလည်း အစိုးရဆန့်ကျင်ရေးကြွေးကြော်ချက်တို့နှင့်တစ်ကွ ပုံပြောင်းခံလိုက်ရသည်။ ယင်းအုပ်စုသည် #RohingyaNOW ဟူသောစာသားနှင့်အတူ ရိုဟင်ဂျာပုံ ပရိုဖိုင်းများကို တင်ကြရာ ၂၀၁၃ မတ် ၂၄ ရက်၌ တစ်နာရီအတွင်း ယင်းစာသားအသုံးပြုမှု အကြိမ်ရေ ၂၄၀၀၀ အထိ ကမ္ဘာ့ hashtag ကဏ္ဍအတွက် စံချိန်တင်သွားခဲ့သည်။

    “ဒီအရေးကို ထိပ်ဆုံးအထိ ဆွဲတင်ပြီး နိုင်ငံတကာအရေးဖြစ်အောင် စီမံကူညီပေးဖို့ ကျွန်တော်တို့ စဉ်းစားထားပါတယ်။ ရိုဟင်ဂျာတွေဟာ နိုင်ငံသားအဖြစ် သူတို့ရဲ့ မူလအခွင့်အရေးနဲ့ ကာကွယ်မှုရလာမယ်ဆိုရင် ကျွန်တော်တို့ရဲ့ ဒီလုပ်ဆောင်ချက်ကို ရပ်နားပါမယ်။ အဲ့ဒါပြီးတဲ့နောက်မှာ မြန်မာပြည်သူလူထုတွေအတွက်လည်း ဆက်လက်တိုက်ပွဲဝင်သွားဦးမှာဖြစ်ပါတယ်” ဟု ၎င်းက အသိပေးလိုက်သည်။

    မြန်မာနိုင်ငံဖက် ပစ်မှတ်ထားနေသော Anonymous ၏ လှုပ်ရှားမှုများက ကျဆင်းလာသော်လည်း မျက်ခြေမပြတ် စောင့်ကြည့်နေဆဲဖြစ်သည်။ ထိုအုပ်စုက ၂၀၁၅ ဇွန်လအတွင်း တစ်ယူသန်ဗုဒ္ဓဘာသာအမျိုးသားရေးဝါဒီများအဖွဲ့ ၉၆၉ (နှင့်) ၎င်း၏ခေါင်းဆောင် မဘသအဖွဲ့ဝင် အရှင်ဝီရသူတို့အား တုန့်ပြန်သော Operation 969 ကို စတင်ရန် အချက်ပြခဲ့ကြသည်။ Anonymous ၏အဆိုအား လက်ခံသည့်အနေနှင့် ဘာသာမဲ့မြန်မာဟက်ကာအုပ်စုက ဦးဝီရသူ၏ ဖေ့စ်ဘွတ်နှင့် ဂျီမေးလ်အကောင့်များကို တိုက်ခိုက်ခဲ့ကြသည်။

    “ဒီလူတွေဟာ လူထုအကြား အမုန်းတရားထည့်သွင်းမွှေနှောက်ပြီး သွေးကွဲအောင် – လူမျိုးခွဲခြားရေးဝါဒ ကြီးထွားလာအောင် နိုင်ငံတော်က ကျောထောက်နောက်ခံပြုစီမံထားတယ်လို့ ယုံကြည်ယူဆထားသူတွေဖြစ်တယ်။ ဒီလူတွေ(မြန်မာနိုင်ငံသားလှုပ်ရှားတက်ကြွသူတွေ)က ဒီအချက်ကို သတိပေးနှိုးဆော်ပေးချင်လို့ ဒီလိုလုပ်ကြတာပါ။ ရိုဟင်ဂျာနဲ့ မြန်မာမွတ်စ်လင်မ်တွေ၊ ဒါ့အပြင် ကရင်နဲ့ကချင်တွေထဲမှာလည်း အားပေးကူညီသူတွေ အများအပြား ရှိနေကြပါတယ်။ ဒါပေမယ့် သူတို့ကိုယ်တိုင်က ဒါကို ထုတ်ဖော်ပြောချင်မှပြောပါလိမ့်မယ်” ဟု အဆိုပါ Anonymous အဖွဲ့ပြောရေးဆိုခွင့်ရှိသူက အစိုးရအပေါ် ပြည်တွင်းဟက်ကာများ၏တိုက်ခိုက်မှု မြင့်မားလာကြောင်းကိုပါ ထည့်သွင်းရှင်းပြခဲ့သည်။

    အထူးသဖြင့် E-Commerce စနစ်ဖက်သို့ အရှိန်အဟုန်မြင့် ကူးပြောင်းလာလျှင် ဆိုက်ဘာပဋိပက္ခများသည် မြန်မာနိုင်ငံအတွက် တကယ့်အန္တရာယ်ကြီးတစ်ရပ်အဖြစ် ဆက်လက်တည်တံ့နေဦးမည်ဖြစ်သည်။ မြန်မာနိုင်ငံအခြေစိုက် ဆိုက်ဘာလုံခြုံရေးအကြံပေးပုဂ္ဂိုလ် Doron Landau က အောက်ပါအတိုင်း ပြောကြားသည်။

    “လက်ရှိအချိန်မှာ အပျော်တမ်းလက်သင်တွေအဆင့်ပဲ ရှိနေပေမယ့် (မကြာခင်) အံတိုနောကျေပြီး တိုက်ခိုက်မှုများ မြင့်တက်လာပါတော့မယ်။ မြန်မာနိုင်ငံထဲ ပီပြင်ခိုင်မာတဲ့ ဆိုက်ဘာလုံခြုံရေးစနစ်ဆိုတာ မရှိသေးပါဘူး။ ဒါကြောင့်မို့ ဆိုက်ဘာဒုစရိုက်မှုက အဲ့ဒီအချိန်မှာ အန္တရာယ် အထူးကြီးမားလာမှာဖြစ်ပါတယ်။ ဆိုက်ဘာစစ်ပွဲခေါင်းစဉ်အောက်က ပါဝင်နေကြတဲ့ ဒီဟက်ကာများဟာ – ငါတို့က ငွေကြေးတွေ ခိုးယူနေတာ မဟုတ်ဘူးလို့ အကြောင်းပြပြောဆိုနေကြတယ်။ သို့သော် သူတို့ဟာ ပြစ်မှုကျူးလွန်သူစာရင်းထဲ ပါဝင်နေကြပြီဖြစ်တယ်။ ပြီးတော့ ဒီလိုလုပ်ရပ်မျိုးနဲ့ ငွေအပုံအပင် ရှာနိုင်ကြောင်း သူတို့ နားလည်သွားတဲ့အခါ သူတို့ ဒီလိုမလုပ်ပါဘူးလို့ ဘယ်သူပြောနိုင်မလဲ”။

    မြန်မာနိုင်ငံ၏ E-Commerce သက်တမ်းနုနုလေးမှာပင်လျှင် ငွေကြေးဆိုင်ရာ ဆိုက်ဘာရာဇ၀တ်မှု၏ သားကောင်ဘ၀ ရောက်ခဲ့ရပြီးဖြစ်၏။

    ၂၀၁၄ ခုနှစ်တွင် ATM ကဒ်အတုပြုလုပ်ပြီး လူလိမ်များက ကျပ်ငွေ ၂၅.၂ သန်း ခိုးယူရန် ကြံစည်ခဲ့သည်။ ရန်ကုန်မြို့ ဟော်တယ်တစ်ခုတွင် ရုံးဖွင့်ထားပြီး နိုဝင်ဘာ ၈ ရက်ရွေးကောက်ပွဲ၌ လေ့လာသူများကိုစေလွှတ်ကူညီခဲ့သော အပြည်ပြည်ဆိုင်ရာအဖွဲ့အစည်းကြီးတစ်ခုဖြစ်သည့် Carter Center ရုံးလိပ်စာကို သူခိုးတစ်ဦးမှ hacking လုပ်ကာ ၂၀၁၅ နိုဝင်ဘာလတွင် အမေရိကန်ဒေါ်လာ ၄၂၄၆၆ (ကျပ်ငွေ ၅၅ သန်းခန့်) ခိုးယူသွားခဲ့သည်။

    မြန်မာဆိုက်ဘာစစ်ပွဲမှာ အရှိန်လျော့ခြင်း၊ ရပ်တန့်ခြင်း၏ မည်သည့်လက္ခဏာမျှ မတွေ့ရ။ သာမန် hacking နည်းပညာများအပြင် အခြားနည်းလမ်းများ အသုံးပြုမည့် အရိပ်အယောင်ကိုလည်း မမြင်သေးချေ။ သို့သော် မစ္စတာ Landau က သတိပေးစကားတော့ ဆိုလိုက်ပါသည်။

    “ဒီကာလမှာဖြစ်စေ နောင်တစ်ချိန်မှာဖြစ်စေ ဖောက်ယူလိမ်လည်တဲ့ အဓိကရအဖွဲ့တစ်ခု ပေါ်ပေါက်လာပါလိမ့်မယ်။ ဒီဟက်ကာတွေထဲကဟုတ်မဟုတ် မပြောတတ်ပေမယ့် ဒီလိုကိစ္စတွေ ဖြစ်လာပါလိမ့်မယ်”။

    ရန်ကုန်မြို့ အင်တာနက်ဆိုင်တစ်ဆိုင်တွင် တွေ့ရသော လူငယ်တစ်ဦး (ဓာတ်ပုံ – AFP)

    (Ref : James Coe’s The Cyber Wars ; Frontier Myanmar)

    ပြန်ဆိုသူ – သာကီထက်ကောင်း

  • မိုင်းလား သို့မဟုတ် ဒုစရိုက်မှုများ ပျော်စံရာမြို့

    မိုင်းလား သို့မဟုတ် ဒုစရိုက်မှုများ ပျော်စံရာမြို့

    ဇန်န၀ါရီ ၁၁၊ ၂၀၁၆
    M-Media

    maila

    – ဒုစရိုက်မြို့တော် မိုင်းလား….

    မိုင်းလားဆိုသည်မှာ မြန်မာနိုင်ငံတွင်တည်ရှိသော မြို့ငယ်လေးတစ်ခု။ သို့သော်လည်း လောင်းကစား၊ ပြည့်တန်ဆာ၊ မူးယစ်ဆေးနှင့် တရားမ၀င် တိရိစ္ဆာန်ကုန်သွယ်မှုတို့ ပေါများပြန့်နှံ့သည့်အတွက်ကြေကာင့် မြန်မာအစိုးရ အာဏာပိုင်များကတော့ “အထူးဒေသ ၄” ဟု ခေါ်ကြသည်။

    မြို့အတွင်းရှိ ဈေးများသို့ လျှောက်ကြည့်ပါက ကျားလက်သည်းမှ ဆင်သားရေအထိ မည်သည့် တိရစ္ဆာန်ထွက်ကုန်ကိုမဆို တွေ့မြင်နိုင်ပြီး ထိုထွက်ကုန်အများစုအား ဆေးဘက်ဆိုင်ရာ ရည်ရွယ်ချက်ဖြင့် ရောင်းကြ၀ယ်ကြခြင်းဖြစ်သည်။ အစားအသောက်အတွက် ဆိုလျှင်တော့ ပုရွက်စားကောင်း၊ ၀က်ဝံနက်နှင့် မြန်မာ စပါးအုံးမွေးကြီများကိုလည်း တွေ့မြင်နိုင်ပြီး သတ်ဖြတ်ထားသည့် ထိုအကောင်ပလောင်များကို စိတ်တိုင်းကျ ခုတ်ထစ်ရောင်းချပေးလေသည်။

    ညအိပ်ညနေ စီးပွားရေးသမားဆိုလျှင်တော့ ဇိမ်မယ်များစာရင်းကို နံရံတွင်ကပ်ထားသည့် ဟိုတယ်များကို ရွေးချယ်နိုင်သည်။

    ပျော်စရာရှာသည့် ကမ္ဘာလှည့်ခရီးသွားများအတွက်လည်း ပြဿနာမရှိ။ ကာစီနိုလောင်းကစားဝိုင်းများလည်း မိုင်းလားမြို့တစ်းဝိုက်တွက် လက်ညှိုးထိုးမလွဲသလို စိတ်ကြွဆေးပြား၊ ခိုးရာပါကားနှင့် ပစ္စတိုများကိုလည်း ဖောဖောသီသီ ရရှိနိုင်လေသည်။

    ထိုထိုသော ဒုစရိုက်လုပ်ငန်းများ တည်ရှိရာ မိုင်းလားမြို့မှာ အဘယ်မြို့နည်း။

    ငြိမ်းချမ်းရေး သဘောတူညီချက် ပျက်သုဉ်းမှုမှ ပေါ်ထွက်လာသည့် မြို့ဖြစ်သည်။ ထိုဒေသကို စိုင်းလွန်းဟုခေါ်သည့် စစ်ဘုရင်က ကွပ်ကဲအုပ်ချုပ်ခြင်းဖြစ်သည်။ လက်နက်ကိုင်တပ်သား ထောင်ပေါင်းများစွာကို စုစည်းပြီး အာဏာစွန့်လွှတ်ရန် ငြင်းဆန်ခဲ့ပြီးနောက် ဆိုင်းလွန်းမှာ လုပ်ချင်သည်ကို လုပ်ခွင့်ရှိသော အာဏာနှင့်အတူ မိုင်းလားမြို့မှာလည်း သီးခြားလွတ်လပ်သောမြို့ ဖြစ်လာခဲ့သည်။

    မူအရ မြန်မာနိုင်ငံ၏ အစိတ်အပိုင်းဖြစ်နေသော်လည်း လက်တွေ့တွင်ထိုကဲ့သို့မဟုတ်။ ဒေသအတွင်း အများဆုံး အသုံးပြုသည့် ငွေကြေးမှာ တရုတ်ယွမ်ငွေဖြစ်သည်။ လျှစ်စစ်၊ ဖုန်းလိုင်းများကလည်း တရုတ်ပြည်မှပင်ဖြစ်ပြီး ပြောသည့်စကားမှာလည်း တရုတ်စကားဖြစ်သည်။ ထို့ပြင် အချိန်သတ်မှတ်မှုမှာလည်း မြန်မာနိုင်ငံ၏ အခြားသော ဒေသများနှင့်မတူဘဲ တရုတ်နိုင်ငံ မြို့တော်ဘေဂျင်း၏ စံတော်ချိန်ကို အသုံးပြုလေသည်။

    ထိုကဲ့သို့ ကွဲပြားခြားနားနေမှုမှာ လောင်းကစားလုပ်ရန်၊ နိုင်ငံကူးလက်မှတ် သို့မဟုတ် အထောက်အထားစာရွက်စာရွက်များကို အသုံးပြုဝင်ရောက်ခြင်းကို မလိုလားဘဲ တရားမ၀င်ကုန်ပစ္စည်းများဝယ်ယူရန်အတွက် တရုတ်ခရီးသွားများ နယ်စပ်ဖြတ်ကျော်ကာ ၀င်ရောက်လာခြင်းကြောင့်လည်း ဖြစ်လေသည်။

    maila 3

    မြို့တွင်းရှိ စီးပွားရေးလုပ်ငန်းကြီးများကို တရုတ်သူဌေးကြီးများက လျှို့ဝှက် ပိုင်ဆိုင်ထားကြပြီး ၎င်းတို့၏ ကာစီနိုဝိုင်းများ၊ ဟိုတယ်များကို တရုတ်နယ်နမိတ်အပြင်ဘက် ငွေကြေးခ၀ါချရာတွင် အသုံးပြုကြသည်။

    မြန်မာနိုင်ငံနှင့် တရုတ်နိုင်ငံတို့တွင် တရားမ၀င်ဟု သတ်မှတ်ထားသည့် လုပ်ရပ်များက မိုင်လားမြို့တွင် အရေးယူခံရမှု မရှိသောကြောင့် မြို့အတွင်းတွင် ဥပဒေစိုးမိုးရေးအဖွဲ့များ မရှိဟု ယေဘူယျအားဖြင့် ယူဆ၍ရသည်။ ထို့ပြင် တရုတ်ခရီးသွားများ၊ ဈေးကွက်ကျယ်ပြန့်လာမှု၊ ပြည့်တန်ဆာလုပ်ငန်း မြင့်တက်လာခြင်းနှင့် မျိုးတုန်းမည့်အန္တရာယ်ရှိနေသော တိရစ္ဆာန်များ စတေးခံရမှုတို့မှတစ်ဆင့် ငွေကြေးများကလည်း မိုင်းလားမြို့ရှိ စီးပွားရေးတွင် ပို၍ပို၍ စီးဝင်နေလေသည်။

    ထိုမြို့၏ သားရဲတိရိစ္ဆာန်များကို နှစ်သက်မှုက မျိုးတုန်းမည့်အန္တရာယ်ရှိနေသည့် တိရစ္ဆာန်မျိုးစိတ်များကို ဆိုးရွားစွာ ထိခိုက်လေသည်။ သားရိုင်းတိရစ္ဆာန်များထိန်းသိမ်းရေး ဆောင်ရွက်သူများကတော့ မိုင်းလားနှင့် မြို့တွင်းရှိ ဈေး များကို ထိန်းချုပ်မှုမရှိသောကြောင့် တရုတ်နှင့် မြန်မာအစိုးရတို့ကို ပြစ်တင်ပြောကြားခဲ့သည်။ ရှားပါးတိရစ္ဆာန်များနှင့် မျိုးတုန်းတော့မည့် တိရစ္ဆာန်များကို မိုင်းလားတွင် ရောင်းချခြင်းက နှစ်နိုင်ငံစလုံး၏ သစ်တောများတွင်မကဘဲ အာဖရိကကဲ့သို့ ဝေးလံသည့်ဒေသရှိ သစ်တောများမှ မျိုးတုန်းမည့်အန္တရာယ်ရှိသည့် တိရစ္ဆာန်အရေအတွက်ကိုပင် ကျဆင်းလေသည်။

    သားရိုင်းတိရစ္ဆာန် ထိမ်းသိမ်းစောင့်ရှောက်ရေးအဖွဲ့ Traffic မှ ဒေါက်တာနစ်ဂျမန်က မြို့တွင်းသို့ လှည့်လည်ကြည့်ရှုခဲ့ရာ မူလအတိုင်းရှိနေသည့် ဆင်စွယ် ၄၉ ချောင်းနှင့် ဆင်စွယ်ဖြင့်လုပ်ထားသည့်ပစ္စည်း ၃၃၀၀ ခန့်ကို တွေ့ရှိခဲ့သည်ဟု ၎င်းက ပြောကြားခဲ့သည်။

    maila 2

    “ပုန်းတာကွယ်တာမျိုး လုံးဝမရှိဘူးဗျ။ ပေါ်တင်ပဲ။ ရောင်းနေတဲ့ ပမာဏတွေက ကြောက်စရာကြီး” ဟု ဒေါက်တာ ပြောကြားခဲ့သည်။

    မိုင်းလားရှိ တရားမ၀င်ကုန်သွယ်မှုများတွင် တရုတ်လူမျိုးများ ခြေရှုပ်နေကြသော်လည်း တရုတ်အစိုးရကတော့ ထိုဒေသနှင့် အဆက်ဖြတ်ရန် ကြိုးစားခဲ့သည်။ လွန်ခဲ့သည့် ၁၀ နှစ်က မြို့တွင်းရှိ ကာစီနိုဝိုင်းများအားလုံးကို ပိတ်သိမ်းရန်အတွက် တရုတ်စစ်သားများမှာ နယ်စပ်ဖြတ်ကျော် ၀င်ရောက်လာကြသည်။ တရုတ်အစိုးရတာဝန်ရှိသူများက ၎င်းတို့ဖြောင်ထားသည့် ပြည်သူ့ဘဏ္ဍာများကို ကာစီနိုလောင်းကစားတွင် လာရောက် ဖြုန်းတီးခြင်းကြောင့်ဖြစ်လေသည်။

    သို့သော်လည်း စိုင်းလွန်းကတော့ တရုတ်နယ်စပ်မှ ၁၀ မိုင်အကွာအဝေးမှာပင် ကာစီနိုလောင်းကစားရုံများကို ထပ်မံတည်ဆောက်ခဲ့လေသည်။

    ၂၀၁၂ ခုနှစ်တွင် ကျော်ကြားလာသည့် အင်တာနက်လောင်းကစားမှုများကို ပိတ်ပစ်ရန် ကြိုးပမ်းမှုအဖြစ် တရုတ်နိုင်ငံမှာ မိုင်းလားဒေသအတွင်းအသုံးပြုနေသည့် ဖုန်းလိုင်းများကို ဖြတ်တောက်ပစ်ခဲ့သည်။

    သို့သော်လည်း စိုင်းလွန်းက အွန်လိုင်းလောင်းကစားကို ကြိုက်နှစ်သက်သည့် စီးပွားရေးသမားများ၏ အိတ်ကပ်ထဲမှ ငွေများကို နှိုက်ယူရန် ဂြိုဟ်တုစလောင်းကြီးများကို တပ်ဆင်လိုက်လေသည်။

    တရုတ်နိုင်ငံက ဆန္ဒရှိလျှင် မိုင်းလားဒေသအတွင်းသို့ ၎င်းတို့နိုင်ငံသားများ ခရီးသွားလာမှုကို ပိတ်ပင်နိုင်သည်။ သို့သော်လည်း ယူနန်ပြည်နယ်နှင့် မိုင်းလားတို့၏ စီးပွားရေးဆက်သွယ်မှုမှာ အလွန်ခိုင်မာနေပြီး၊ မိုင်းလားမှ ငွေကြေးအမြောက်အမြား စီးဝင်နေခြင်းကြောင့် ထိုသို့ မလုပ်ခြင်းဖြစ်သည်။ ယူနန်ရှိ လူမှုသိပ္ပံအကယ်ဒီမှ တရုတ်-မြန်မာ ဆက်ဆံရေး ကျွမ်းကျင်သူ ဇူ ဇန်နင်းက

    “ခရီးသွားလုပ်ငန်းကို လုံးဝ ပိတ်ပင်လိုက်ရင် ကာစီနိုထက်ကို ပိုပြီး အထိနာမှာပါ။ ပြည်နယ်စီးပွားရေးကို ထောက်ပံ့ ပေးနေတဲ့ လုပ်ငန်းတွေကို တော်တော်လေး ထိခိုက်သွားပါလိမ့်မယ်” ဟု ပြောကြားခဲ့သည်။

    ကာစီနိုလောင်းကစားဝိုင်းနှင့် ဟုိုတယ်အသင်းများ ထပ်မံဆောက်လုပ်နေမှုကြောင့် မိုင်းလားမြို့ကတော့ ဆက်လက်ကြီးထွားနေအုံးမည်ဖြစ်သည်။ သို့သော်လည်း အဆောက်အဦးများက ဘေးအန္တရာယ်ကင်းရှင်းမှု လုံးဝမရှိ။ ကုန်ကျစားရိတ်များခိုခြင်းနှင့် အလျင်အမြန်ပြီးလိုခြင်းတို့ကြောင့်ဖြစ်သည်။ ထို့ကြောင့် ငလျင်လှုပ်ပါက ပြိုကျမည့်အန္တရာယ်ရှိနေသည်။

    သို့သော်လည်း ထိုအကြောင်းအရင်းက မြို့ပျက်စီးမည့် တစ်ခုတည်းသော အကြောင်းအရင်းတော့မဟုတ်။

    တစ်နေ့နေ့တစ်ချိန်ချိန် မြန်မာနှင့် တရုတ်အစိုးရကတို့ မိုင်းလား၏ မင်းမဲ့စရိုက်စနစ်ကြီးကို အဆုံးသတ်ရန်အတွက် အရေးယူမှု ပြုလုပ်မည်ဟု ထင်မြင်နေသည်များလည်း ရှိနေသည်။ ထိုကဲ့သို့ဖြစ်လာပါက ပြည့်တန်ဆာနှင့် လောင်းကစားသာသိကြသော ဒေသခံပြည်သူများအနေဖြင့် မည်သို့ ခံစားရမည်နည်း။ စိတ်ကြွဆေးပြားများနှင့် လက်နက်များကလည်း မည်သို့ ရောက်သွားမည်နည်း။

    maila 4

    Ref: Viralthread.com

  • မြန်မာပြည်က မြေမြှုပ်မိုင်းတွေ ဘာကြောင့် မရှင်းလင်းနိုင်သေးသလဲ ?

    မြန်မာပြည်က မြေမြှုပ်မိုင်းတွေ ဘာကြောင့် မရှင်းလင်းနိုင်သေးသလဲ ?

    ဇန်န၀ါရီ ၉၊ ၂၀၁၆

    M-Media
    myan
    မြေမြှုပ်မိုင်းကွဲမှုမှာ ရလာတဲ့ဒဏ်ရာတွေကို ပြသနေသူ လျှိုပင်ကျင်း (ဓာတ်ပုံ – Ann Wang/ IRIN)

    – နေ့တစ်နေ့ရဲ့နံနက်ခင်းမှာ မြန်မာ-တရုတ်နယ်စပ်အနီး ငြိမ်သက်နေတဲ့လူ့အုပ်စုဝင်အားလုံးနီးပါးအတိုင်း ၀မ်းကွဲညီအစ်ကိုတော်စပ်တဲ့ လူငယ်လေးသုံးဦးအတွက် အရာရာကို စတင်ပြောင်းလဲသွားစေခဲ့ပါတယ်။ နံနက်ခင်းနေရောင်အောက်ထဲ ဒီကလေးငယ်တွေက ညစ်စုတ်စုတ်လမ်းငယ်လေးတစ်ခုမှာ လမ်းလျှောက်နေခဲ့ကြတယ်။ အဲ့ဒီအချိန်မှာပဲ ရုတ်တရက် ကြီးမားတဲ့ပေါက်ကွဲခြင်းတစ်ခုက တည်ငြိမ်အေးချမ်းမှုကို တစ်စစီ ချေမွပစ်လိုက်တယ်။

    ဖုန်တွေသဲမှုန်တွေ ကင်းစင်သွားတဲ့အခါမှာတော့ သူတို့တစ်တွေဟာ သွေအလိမ်းလိမ်းနဲ့ မြေပြင်ပေါ်မှာ နာကျင်ခံစားခြင်းကြီးစွာနဲ့ လူးလိမ့်နေပါတော့တယ်။ သူတို့ကတော့ မြန်မာ့စစ်မက်တွေကြောင့် ပျက်စီးနေတဲ့နယ်စပ်ဒေသအတွင်း စွန့်ပစ်ကျန်ရစ်နေတဲ့ မြေမြှုပ်မှိုင်းများရဲ့ နောက်ဆုံးဓားစားခံတွေ ဖြစ်သွားရပါပြီ။

    “ကလေးသုံးယောက်မှာ နှစ်ယောက်က သတိလစ်နေခဲ့တယ်။အသက်ရှူမရတော့ဘူးလို့ ညည်းတွားယင်း သတိလည်နေတဲ့ ကလေးတစ်ယောက်သာ ကျန်ရစ်တယ်။ ဒီကလေးတွေ မရှင်နိုင်တော့ဘူးလို့ ကျွန်တော်တို့ ထင်မှတ်သွားခဲ့ကြတယ်” လို့ ဦးလေးတစ်ဦးဖြစ်သူ လောက်တုံးက ပြောပြတယ်။

    အဲ့ဒီ အောက်တိုဘာလပေါက်ကွဲမှုကနေ ကလေးတွေ ပြန်ရှင်လာခဲ့တယ်။ ဒါပေမယ့် ပြင်းထန်တဲ့ဒဏ်ရာတွေကြောင့် နာလန်ထစ အခြေအနေမှာ ရှိနေဆဲပါ။

    အသက် ၁၀ နှစ်အရွယ် လျှိုပင်စင်းဟာ ခြေထောက်တွေ ပြတ်ထွက်သွားတယ်။ သူ့ခန္ဓာအထက်ပိုင်းမှာလည်း ချုပ်ရာဒဏ်ချက်တွေ အပြည့်ပါပဲ။ အလားတူ အသက် ၁၀ နှစ်အရွယ် လျှိုပင်ကျင်းကလည်း ယာဖက်ဒူးခေါင်းအရေပြားပြန်ဆက်ထားရသလို မျက်စေ့တစ်လုံး ကွယ်ခဲ့ရတယ်။ အသက် ၁၂ အရွယ် လျှိုကျန်းရှောင်ကတော့ သူမရဲ့ ယာဖက်ခြေသလုံးထဲ လက်သီးဆုပ်လောက် ပေါက်ထွက်သွားပြီး တစ်ကိုယ်လုံး လောင်ကျွမ်းသွားရတယ်။ သူမဟာ ဆေးရုံတက်နေရဆဲ ဖြစ်ပြီး လွန်ခဲ့တဲ့နှစ်လလောက်က ခန္ဓာကိုယ်ထဲ နစ်မြုပ်နေတဲ့ မြေမြှုပ်မှိုင်းအစအနတွေကို ဆရာဝန်တွေမှ ခွဲစိပ်ထုတ်ယူနေပါတယ်။

    ဆယ်စုနှစ်များစွာ ပြည်တွင်းစစ်ပွဲကာလအတွင်း စစ်တပ် သို့မဟုတ် လက်နက်ကိုင်တိုင်းရင်းအုပ်စုတွေ မြုပ်နှံထားခဲ့တဲ့ မြေမြှုပ်မှိုင်းတွေကြောင့် သေဆုံး၊ ဒဏ်ရာရခဲ့ကြသူ မြန်မာနိုင်ငံသား ထောင်ပေါင်းများစွာအနက် ဒီကလေးသုံးယောက်ဟာလည်း အပါအ၀င် ဖြစ်လာခဲ့ပါတယ်။

    ဒီပြဿနာကို မျက်စေ့ရှေ့မှာ မြင်နေရလင့်ကစား ပြည်တွင်းစစ်ပဋိပက္ခကို အမြစ်ပြတ်အောင် ကြိုးပမ်းချက် အလျဉ်း မရှိသေးပါဘူး။ မှိုင်းရှင်းလင်းရေးကိစ္စဟာလည်း ရှေ့ဆက်နေတဲ့ ပဋိပက္ခကြောင့် အတားအဆီးဖြစ်နေရတယ်။ ဒါ့အပြင် စစ်တပ်အုပ်ချုပ်ရေးပိုင်းကလည်း ပူးပေါင်းပါဝင်ဆောင်ရွက်မှု မရှိပါဘူး။ ဒါပေမယ့် အပြောင်းလဲဖြစ်ဖို့ တာစူနေပါပြီ။

    နိုင်ငံရေးတိုးတက်မှုဖြစ်ထွန်းလာတာနဲ့အမျှ မိမိတို့ဟာ သိပ်မကြာခင်မှာ အလုပ်ဆက်လုပ်နိုင်ပါလိမ့်မယ်လို့ မြေမြှုပ်မှိုင်းနဲ့ ပေါက်ကွဲစေတတ်သောအရာများရှင်းလင်းရေးတွေကို ဆောင်ရွက်နေကြတဲ့ အဖွဲ့အစည်းများရဲ့ ကိုယ်စားလှယ်တွေက ပြောကြားပါတယ်။

    စစ်ထွက်များနဲ့ တာဝန်ထမ်းဆောင်ဆဲ တပ်မတော်အရာရှိများကြီးစိုးထားတဲ့ အစိုးရဟာ နိုဝင်ဘာရွေးကောက်ပွဲအတွင်း အကြီးကျယ်ရှုံးနိမ့်သွားပြီး၊ ဒေါ်အောင်ဆန်းစုကြည်ရဲ့ အမျိုးသားဒီမိုကရေစီအဖွဲ့ချုပ်က သောင်ပြိုကမ်းပြို အနိုင်ရရှိသွားခဲ့ပါတယ်။ အပစ်အခတ်ရပ်စဲရေးသဘောတူညီချက်အသစ်တစ်ရပ်က စာရွက်ပေါ်မှာတော့ ရှိနေပါပြီ၊ သို့သော်လည်း မြေမြှုပ်မှိုင်းနဲ့ပေါက်ကွဲစေတဲ့ပစ္စည်းများရှင်းလင်းရာမှာ အဖွဲ့အုပ်စုအသီးသီးက ပူးပေါင်းပါဝင်ရေးဆိုတဲ့အချက်ကို အဲ့ဒီစာချုပ်ထဲ ထည့်သွင်းပေးဖို့ လိုအပ်နေပါတယ်။

    “နောက်တက်လာမယ့်အစိုးရသစ်အပေါ် ကျွန်မတို့ အထူး မျှော်လင့်ထားပါတယ်။ အသက်နဲ့ကျန်းမာရေးကို အထူးအန္တရာယ်ပြုနိုင်တဲ့ မြေမြှုပ်မှိုင်း(နဲ့အလားတူပေါက်ကွဲပစ္စည်း)တွေကို ရှင်းလင်းဖယ်ရှားပေးနေတဲ့ NPA လို နိုင်ငံတကာအဖွဲ့အစည်းများနဲ့ သူတို့ လက်တွဲဆောင်ရွက်မယ်လို့လည်း မျှော်လင့်ရပါတယ်” ဆိုပြီး Norwegian People’s Aid ရဲ့ မြန်မာနိုင်ငံဒါရိုက်တာ Ingeborg Moa က IRIN သတင်းဋ္ဌာနကို ပြောကြားပါတယ်။

    ပဿနာအတိမ်အနက်

    မြန်မာနိုင်ငံဟာ ၁၉၄၈ ခုနှစ် လွတ်လပ်ရေးရပြီးကတည်းက ပဋိပက္ခတွေနဲ့ လုံးထွေးနေခဲ့တယ်။ အဲ့ဒီနောက် တိုင်းရင်းသားလက်နက်ကိုင်အုပ်စုတွေ အလျှိုလျှို ပေါ်ထွက်လာပြီး လွတ်မြောက်ရေး သို့မဟုတ် ကိုယ်ပိုင်အုပ်ချုပ်ခွင့်ရရှိရေးအတွက် စစ်တပ်ကို တော်လှန်တိုက်ခိုက်လာကြတယ်။ အုပ်စုအသီးသီးကရော တပ်မတော်ဖက်ကပါ မြေမြှုပ်မှိုင်းတွေ ထောင်ခဲ့ကြပေမယ့် အရေအတွက် ဘယ်လောက်များပြားကြောင်း ဘယ်သူမှ မသိကြတော့ပါဘူး။

    မြေမြှုပ်မှိုင်းနဲ့ ပေါက်ကွဲစေနိုင်တဲ့ခဲယမ်းမီးကျောက်တွေကြောင့် ထိခိုက်ဒဏ်ရာရသူများဟာ ကိုလံဘီယာနဲ့ အာဖဂန်နစ္စတန် ပြီးရင် မြန်မာနိုင်ငံက ကမ္ဘာ့တတိယ အများအပြားဆုံးအဆင့်မှာ ရှိနေပါတယ်။ မှတ်တမ်းများအရ ၁၉၉၉ နဲ့ ၂၀၁၄ ခုနှစ်အတွင်း ထိခိုက်သေဆုံးဒဏ်ရာရသူပေါင်း ၃၇၄၅ ဦးရှိကြောင်း ဆိုထားပါတယ်။

    “ဒါဟာ အနိမ့်ဆုံးကိန်းဂဏန်းမျှသာ ဖြစ်ပါတယ်။ Mine Free Myanmar အဖွဲ့ကတော့ လူ လေးသောင်းအထက်မှာရှိတယ်လို့ ခန့်မှန်းထားပါတယ်” လို့ နိုင်ငံတကာ မြေမြှုပ်မှိုင်းနဲ့ ပေါက်ကွဲစေနိုင်သောခဲယမ်းမီးကျောက်များ တားဆီးရေးလှုပ်ရှားမှုအဖွဲ့ Monitor က ထုတ်ဝေတဲ့ နိုဝင်ဘာ ၁၀ ရက် အစီရင်ခံစာအရ သိရှိရပါတယ်။

    အဆိုပါဖော်ပြချက်မှာ – ထိခိုက်သေဆုံးဒဏ်ရာသူအရေအတွက်ကို စာရင်းကောက်ယူပြုစုဖို့ ကြိုးပမ်းချက်မှန်သမျှ အာဏာပိုင်များဖက်က တစ်နည်းမဟုတ်တစ်နည်းနဲ့ ဖုံးကွယ်လိုက်ခြင်းကိုခံရကြောင်း ဆိုပါတယ်။

    ယခုနှစ် နိုဝင်ဘာလထုတ် အဲ့ဒီအဖွဲ့ရဲ့ ၂၀၁၄ အစီရင်ခံစာအရ မြန်မာနိုင်ငံဟာ အစိုးရမဟုတ်တဲ့ လက်နက်ကိုင်အုပ်စုများက တန်ပြန်မြေမြှုပ်မှိုင်း သို့မဟုတ် လက်လုပ်ပေါက်ကွဲပစ္စည်း အသုံးပြုအများဆုံး ၁၀ နိုင်ငံအနက် အပါအ၀င်ဖြစ်တယ်လို့ ရေးသားထားပါတယ်။

    အစိုးရဖက်အပိုင်းမှာ မြန်မာနိုင်ငံနဲ့အတူ အိန္ဒိယ၊ ပါကစ္စတန်၊ တောင်ကိုးရီးယားတို့ဟာ မြေမြှုပ်မှိုင်းကို အားတက်သရောထုတ်လုပ်တဲ့နိုင်ငံများအဖြစ် စာရင်းသွင်းထားပါတယ်။ ၂၀၁၄ ခုနှစ်အတွင်း ဒီမှိုင်းတွေကို ကမ္ဘာပေါ်မှာ ပြန်လည်ဆန်းသစ်အသုံးပြုနေတာက ဆီးရီးယား၊ မြောက်ကိုးရီးယားနဲ့ မြန်မာ – သုံးနိုင်ငံသာ ရှိနေပါတယ်။

    အောက်တိုဘာ မြေမြှုပ်မှိုင်းပေါက်ကွဲမှုက ရခဲတဲ့ဒဏ်ရာတွေ အနာကျက်စပြုနေပြီဖြစ်တဲ့ လျှိုပင်စင်း (ဓာတ်ပုံ – Ann Wang/ IRIN)

    အထူးသတိထားကျင့်သုံးရမယ့် အကောင်းမြင်ဝါဒ

    NPA ရဲ့ မြန်မာနိုင်ငံဆိုင်ရာဒါရိုက်တာ Moa က သူမတို့ရဲ့အဖွဲ့လိုမျိုး အုပ်စုများက မြေမြှုပ်မှိုင်းတွေကို ရှင်းလင်းနိုင်ဖို့ အရေအတွက် ဘယ်လောက်ကျန်ရှိနေတယ်၊ ဘယ်မှာ ရှိနေကြတယ်ဆိုတာကို ကွင်းဆင်းလုပ်ငန်းတွေ မဆောင်ရွက်နိုင်သေးကြောင်း၊ ဘာကြောင့်လဲဆိုတော့ တစ်နိုင်ငံလုံးအပစ်အခတ်ရပ်စဲရေးသဘောတူညီချက် NCA ကို လက်မှတ်အရင်ထိုးနိုင်ဖို့ အစိုးရနဲ့လက်နက်ကိုင်တိုင်းရင်းအုပ်စုများက လိုလားနေကြောင်း ပြောကြားပါတယ်။ အချို့အုပ်စုများဟာ အောက်တိုဘာလအတွင်း နောက်ဆုံးထား လက်မှတ်ထိုးရမယ်လို့ အတန်တန် သတိပေးထားခဲ့ပြီးလည်း ဖြစ်ပါတယ်။

    “NCA သဘောတူလက်မှတ်ထိုးပြီးတဲ့နေ့ကတည်းက ကျွန်မတို့ရဲ့ ရှေ့ဆက်လုပ်ငန်းစဉ်များနဲ့ပတ်သက်ပြီး ဖြစ်နိုင်ချေများကို တိုင်းရင်းသားလက်နက်ကိုင်အုပ်စုအချို့နဲ့ ဆွေးနွေးချက်အသစ်တွေ လုပ်ဖြစ်ပါတယ်။ ဒါပေမယ့် ဒီဆွေးနွေးချက်တွေအပေါ် နယ်မြေသစ်တွေမှာပါ လက်တွေ့ကွင်းဆင်းဆောင်ရွက်နိုင်ဖို့ ကျွန်မတို့ စောင့်ဆိုင်းနေရဆဲဖြစ်နေပါတယ်” လို့ သူမက ဆိုပါတယ်။

    NCA ဟာ ဘယ်အတိုင်းအတာထိ အကျိုးသက်ရောက်မှုရှိမလဲလို့ မေးခွန်းထုတ်စရာ ဖြစ်လို့နေပါပြီ။ တိုင်းရင်းသားလက်နက်ကိုင်အုပ်စု ၁၅ ဖွဲ့အနက် ၈ ဖွဲ့တည်းကိုသာ လက်မှတ်ထိုးဖို့ ဖိတ်ခေါ်ခဲ့ပြီး၊ နောက်တစ်ဖက်မှာ အစိုးရက ကျန်အုပ်စုတွေနဲ့ တက်တက်ကြွကြွ ပဋိပက္ခဖန်တီးလျက်ရှိနေပါတယ်။ NLD ဦးဆောင်တဲ့အစိုးရသစ်က ငြိမ်းချမ်းရေးရင်ကြားစေ့မှုကို တစ်ကျော့ပြန်ဆောင်ရွက်သွားနိုင်မယ်လို့ မျှော်လင့်နေရပါတယ်။

    တကယ်လို့ ပြောဆိုဆွေးနွေးပြီးတဲ့အတိုင်း ရှေ့ဆက်လုပ်ကိုင်ဆောင်ရွက်သွားနိုင်ခဲ့တယ်၊ မှိုင်းရှင်းရေးအတွက် လုံခြုံရေးအပြည့်အ၀ရခဲ့တယ်ဆိုလျှင်ပင် ထောင်နဲ့ချီသော မှိုင်းဒဏ်သင့်သူများအတွက် သိပ်နောက်ကျနေပါပြီ။

    လျှိုပင်ကျင်းဟာ မှိုင်းထိခံခဲ့ရကတည်းက စိတ်ကျဝေဒနာခံစားနေရပြီး စကားတစ်ခွန်းမှ မပြောဆိုတော့ပါ။ သူ့ဒဏ်ရာ ပျောက်ကင်းသွားဖို့ – အနာကျက်မြန်စေဖို့အတွက် မဖြစ်မနေလမ်းလျှောက်လေ့ကျင့်ခန်းလုပ်ရမယ်လို့ ဆရာဝန်များက ပြောဆိုပေမယ့် သူက ငြင်းဆန်နေကြောင်း၊ ပုံမှန်ဘ၀ပြန်မရနိုင်တော့မှာ စိုးရိမ်ကြောင်း သူ့မိခင်က ဆိုပါတယ်။

    “သူ့ကို ကျောင်းထွက်ခိုင်းရတော့မယ်။ သူ့ယာဖက်မျက်လုံးကလည်း ကွယ်သွားပြီဆိုတော့ ကျွန်မ ဘာဆက်လုပ်ရတော့မှာလဲရှင်”။

    Ref: IRIN
    (Ann Wang ၏ Why can’t Myanmar clear its landmines ? ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)

  • ဒုံးကျည်ကိစ္စနဲ့ ကျူးဘားရဲ့ ကတုံးပေါ်ထိပ်ကွက်မှု ခံလိုက်ရတဲ့ အမေရိကန်

    ဒုံးကျည်ကိစ္စနဲ့ ကျူးဘားရဲ့ ကတုံးပေါ်ထိပ်ကွက်မှု ခံလိုက်ရတဲ့ အမေရိကန်

    ဇန်န၀ါရီ ၈၊ ၂၀၁၆
    M-Media

    us 1

    – ၂၀၁၄ ခုနှစ်အတွင်းက စပိန်ကနေ အမေရိကန်ကို ပြန်ပို့စဉ်အတွင်း ပျောက်ဆုံးသွားခဲ့တဲ့ အမေရိကန် ဝေဟင်ကနေ မြေပြင်ပစ် Hellfire ဒုံးကျည်ဟာ ကျူးဘားကို ရောက်သွားခဲ့ပြီး အဲဒီကနေတစ်ဆင့် ဒုံးကျည်မှာ အသုံးပြုထားတဲ့နည်းပညာဟာ ပြိုင်ဘက်နိုင်ငံတွေဖြစ်တဲ့ တရုတ်၊ ရုရှား ဒါမှမဟုတ် မြောက်ကိုရီးယားကို ရောက်သွားမလားဆိုပြီး အမေရိကန် အာဏာပိုင်တွေက စိုးရိမ်နေတယ်လို့ Wall Street Journal (WSJ) က မနေ့မှာ ဖွင့်ချလိုက်ပါတယ်။

    အဲဒီဒုံးကျည်ဟာ ထိပ်ဖူးတပ်မထားပေမယ့်လည်း ဥရောပကနေ ပြန်ပို့တဲ့အချိန် စိုးရိမ်စရာကောင်းတဲ့ လမ်းကြောင်းပြောင်းပြီး ကွန်မြူနစ်ကျူးဘားကို ရောက်သွားမှုဟာ ရာဇ၀တ်မှုဆိုင်ရာ လှုပ်ရှားမှုကြောင့်လား၊ ဒါမှမဟုတ် အဖြစ်နည်းတဲ့ မှားယွင်းမှုတွေကြောင့်လား ဆိုတာကို စုံစမ်းစစ်ဆေးဖို့ အမေရိကန်အာဏာပိုင်တွေကို တိုက်တွန်းလိုက်သလို ဖြစ်စေခဲ့တယ်လို့လဲ သတင်းစာက ဆိုပါတယ်။

    ပြီးခဲ့တဲ့နှစ်အတွင်းမှာ ကျူးဘားနဲ့ အမေရိကန်တို့ရဲ့ ဆက်ဆံရေးဟာ သမိုင်းဝင်လောက်အောင် ကောင်းမွန်ခဲ့ပေမယ့်လည်း ပျောက်ဆုံးသွားတဲ့ ဒီဒုံးကျည်ကို ပြန်ရအောင်တော့ အမေရိကန်တို့ မလုပ်ဆောင်နိုင်ခဲ့ဘူးလို့ အမည်မဖော်လိုသူ ရင်းမြစ်တွေက WSJ ကို ပြောကြားခဲ့ပါတယ်။

    ရဟတ်ယာဉ်တွေမှာ မကြာခဏအသုံးပြုတဲ့ ဒီ Hellfire ဒုံးကျည်ကို ကျူးဘားက ပိုင်ဆိုင်တာ အမေရိကန်က မစိုးရိမ်ပေမယ့် ဒုံးကျည်နည်းပညာကို ကျူးဘားက အမေရိကန်ရဲ့ ပြိုင်ဘက်တွေဖြစ်တဲ့ တရုတ်၊ ရုရှားနဲ့ မြောက်ကိုရီးယားတို့ကို မျှဝေလိုက်လားဆိုတာကိုတော့ အမေရိကန်က စိုးရိမ်နေပါတယ်။

    ဒီဒုံးကျည်ကို ၂၀၁၄ ခုနှစ်မှာ လက်နက် ကုမ္ပဏီ Lockheed Matin က အော်လန်ဒို နိုင်ငံတကာလေဆိပ်ကနေ စပိန်နိုင်ငံကို ပို့ဆောင်ပေးခဲ့တာဖြစ်ပြီး နေတိုးအဖွဲ့ရဲ့ စစ်ရေးလေ့ကျင့်မှုတွေမှာ အသုံးပြုခဲ့ပါတယ်။

    စပိန်ကနေ အမေရိကန်ကို ပြန်ပို့ဖို့လို့ ယူဆရတဲ့ ခရီးစဉ် ပထမအကျော့မှာ ဒုံးကျည်ဟာ ပစ္စည်းပို့တဲ့ လုပ်ငန်းတော် တော်များများကို ဖြန်သန်းခဲ့ရပါတယ်။

    ဟာဗားနားသို့ ရောက်ခြင်း

    မက်ဒရစ်က သယ်ဆောင်သွားမယ့် လေယာဉ်ပေါ်ကို ဒုံးကျည်တင်နေစဉ်အတွင်းမှာ အာဏာပိုင်တွေဟာ ဒုံးကျည်ပျောက်ဆုံးကြောင်းကို သတိပြုမိသွားတာဖြစ်တယ်လို့ ဂျာနယ်က ဆိုပါတယ်။

    အဲဒီနောက်မှာတော့ ဒုံးကျည်ဟာ ပြင်သစ်လေကြောင်းက အသုံးပြုနေတဲ့ ထရပ်ကားတစ်စီးနဲ့ ပါသွားပြီး ပဲရစ်က ချားလ်စ်ဒီဂေါလ်လေယာဉ်ကွင်းကို ရောက်ရှိခဲ့ကာ အဲဒီကနေတစ်ဆင့် ကျူးဘားကိုသွားမယ့် လေယာဉ်ပေါ် တင်ဆောင်မိခဲ့တာဖြစ်မယ်လို့ တာဝန်ရှိသူတွေက ဆုံးဖြတ်ခဲ့ကြပါတယ်။

    ဒုံးကျည်ကို ခြေရာခံမိတဲ့အချိန်မှာတော့ လေယာဉ်ဟာ ဟာဗားနားကို သွားနေတဲ့ လမ်းကြောင်းပေါ်မှာ ရှိနေခဲ့ပြီး ရောက်ရှိတဲ့အခါမှာ ကျူးဘား အာဏာပိုင်တစ်ဦးက သေတ္တာမှာကပ်ထားတဲ့ တံဆိပ်ကိုတွေ့လို့ သိမ်းယူခဲ့တာဖြစ်ပါတယ်။

    ၂၀၁၄ ခုနှစ် ဇွန်လ၀န်းကျင်လောက်မှာ ဒုံးကျည်ပျောက်ဆုံးသွားကြောင်းကို Lockheed Martin က သိရှိသွားပြီးနောက်ပိုင်း ဒီအဖြစ်အပျက်ကို အမေရိကန်အစိုးရထံ အကြောင်းကြားခဲ့တာဖြစ်တယ်လို့ WSJ က ဆိုပါတယ်။

    အမေရိကန်တရားရေးဌာနကတော့ ဒီကိစ္စကို စုံးစမ်းစစ်ဆေးမှုတွေ ပြုလုပ်ခဲ့ပါတယ်။

    တကယ်လို့များ ဒီဒုံးကျည်ဟာ ဟာဗားနာကို ရည်ရွယ်ချက်ရှိရှိ လမ်းကြောင်းပြောင်းသွားတာဆိုရင်တော့ ဒါဟာ လက်နက်ခဲယမ်း တင်ပို့မှု ထိန်းချုပ်ရေး အက်ဥပဒေနဲ့ ကျူးဘားအပေါ်ပြုလုပ်ထားတဲ့ ပိတ်ဆို့မှု ဥပဒေတွေကိုချိုးဖောက်တာဖြစ်ပါတယ်။

    ၀ါရှင်တန်နဲ့ ဟာဗားနားအကြား ပြည့်ဝတဲ့ သံတမန်ဆက်ဆံရေး ပြန်လည်တည်ဆောက်ဖို့အတွက် ၂၀၁၄ ခုနှစ် ဒီဇင်ဘာမှာ စတင်ကြေငြာခဲ့ပြီး ဆက်လက်ကြိုးစားနေတဲ့အချိန် ဒီ ဒုံးကျည်မှားယွင်းပေးပို့မှုပြဿနာ ပေါ်ပေါက်လာခဲ့တာဖြစ်ပါတယ်။

    ပြီးခဲ့တဲ့ ဇူလိုင်မှာ သူတို့ နှစ်နိုင်ငံဟာ တရားဝင် သံတမန်အဆက်အသွယ် ပြန်စခဲ့ပြီး မြို့တော်တွေမှာ သံရုံးတွေကိုလည်း အသီးသီး ပြန်လည်ဖွင့်လှစ်ခဲ့ကြပါတယ်။

    နှစ်ပေါင်း ၅၀ လောက် ကျူးဘားနဲ့ သီးခြားဖြစ်နေတဲ့အချိန် ကျူးဘားနိုင်ငံအတွင်း ဒီမိုကရေစီနဲ့ စီးပွားရေးပြောင်းလဲမှုတွေဖြစ်လာဖို့ အားပေးတိုက်တွန်းမှုတွေဟာ မအောင်မမြင်ဖြစ်ခဲ့တယ်လို့ သုံးသပ်တာကြောင့် သံတမန်ဆက်ဆံရေး ပြန်စဖို့ ဆုံးဖြတ်ခဲ့တယ်လို့ အိုဘားမားက ပြောကြားခဲ့ပါတယ်။

    ဒီပြဿနာဟာ ဒီလအတွင်း ဟိုက်ဒရိုဂျင်ဗုံး စမ်းသပ်မှုနဲ့ပတ်သက်ပြီး အမေရိကန်က မြောက်ကိုရီးယားကို ဖိအားပိုမိုပေးနေတာ၊ ဆီးရီးယားပြည်တွင်းစစ်၊ ယူကရိန်းပဋိပက္ခ၊ တောင်တရုတ်ပင်လယ်အတွင်း လွတ်လပ်စွာ ရေကြောင်းသွားလာမှု စတာတွေအတွက် ရုရှား၊ တရုတ်တို့နဲ့ အတိုက်အခံလုပ်နေရတဲ့အချိန် တိုက်တိုက်ဆိုင်ဆိုင် ထွက်ပေါ်လာတာဖြစ်ပါတယ်။

    Ref: Channelnewsasia

    (Channelnewsasia တွင်ဖော်ပြသည့် US missile disappears, turns up in Cuba: WSJ ဆောင်းပါးကို လေးေ
    မာင်မှ ဆီလျော်အောင် ဘာသာပြန်ဆိုသည်)