News @ M-Media

Category: ဆောင်းပါး

  • ကျွန်ုပ်သိသမျှ မြောက်ကိုးရီးယားခေါင်းဆောင် ကင်မ်ဂျုံအွန်း အကြောင်း

    ကျွန်ုပ်သိသမျှ မြောက်ကိုးရီးယားခေါင်းဆောင် ကင်မ်ဂျုံအွန်း အကြောင်း

    ဇန်န၀ါရီ ၈၊ ၂၀၁၆

    M-Media
    north
    Hwa Islet ကာကွယ်ရေးတပ်ခွဲတစ်ခုအား မှန်ပြောင်းဖြင့် ကြည့်ရှုစစ်ဆေးနေသော မြောက်ကိုးရီးယားခေါင်းဆောင် ကင်မ်ဂျုံအွန်း (ဓာတ်ပုံ – Reuters)

     

    – ဗုံးခွဲစမ်းသပ်မှုအပေါ် နိုင်ငံတကာအသိုင်းအ၀ိုင်းမှ တွေးမြင်ယူဆချက်များနှင့်ပတ်သက်ပြီး သူသည် အလျဉ်း အရေးမလုပ်။

    မြောက်ကိုးရီးယားပြည်သူများစွာသည် ဇန်န၀ါရီ ၈ ရက်မှာ အထူးအလေးထားရမည့်နေ့ဖြစ်ကြောင်း ၂၀၁၁ ခုနှစ် ဇန်န၀ါရီအစောပိုင်းကပင် သိမြင်ခဲ့ကြသည်။ ထိုနေ့သည်ကား ကြယ်လေးပွင့်ဗိုလ်ချုပ်ရာထူးသို့ လတ်လတ်ဆတ်ဆတ် တိုးမြှင့်ခံရသည့် လူငယ်တစ်ဦးကို အမှတ်တရဂုဏ်ပြုအခမ်းအနား၊ ၎င်းအပြင် မြောက်ကိုးရီးယား၏ထိပ်တန်းခေါင်းဆောင်ပိုင်းသို့ အဖွဲ့ဝင်အဖြစ် ထည့်သွင်းခြင်း စသည့်ဖြစ်ရပ်များကြောင့် ထင်ရှားသည်။

    ထိုလူငယ်၏အမည်က ကင်မ်ဂျုံအွန်း။ သူ့အား ယခုအခါကွယ်လွန်သွားပြီဖြစ်သည့် ချစ်လှစွာသောခေါင်းဆောင်ကြီးနှင့်စစ်တပ်အပေါင်းဦးစီးချုပ် ကင်မ်ဂျုံအီ၏သားအဖြစ် လူတိုင်းက သိရှိနေကြသည်။ သို့တိုင် တရားဝင်မီဒီယာ၌ အဆိုပါ မိသားစုဆက်နွှယ်မှုကို လူသိရှင်ကြား ဖော်ပြခြင်း အလျဉ်း မရှိခဲ့ချေ။

    သူသည် ၁၉၈၄ ခုနှစ်တွင် မွေးဖွားခဲ့သော်လည်း သူ့မွေးသက္ကရာဇ်အား လျှို့ဝှက်ထားသေး၏။ ဤသည်မှာ လူငယ်လေးတစ်ဦးအား အမွေစားအမွေခံအဖြစ် စီမံထားခြင်းအပေါ် စစ်သည်များ ထိတ်လန့်ကုန်မည်ကိုစိုး၍ ပြုလုပ်ထားခဲ့သည့် မြောက်ကိုးရီးယား၏နိုင်ငံရေးအစီအမံ ဖြစ်တန်ရာ၏။ ကင်မ်ဂျုံအီ၏ ကျန်းမာရေး ဆိုးဝါးနေစဉ်က သူ့လက်ရှိနေရာ ဆက်ခံမည့်သူကို မျှော်လင့်ထားသူဟူ၍ တစ်ဦးတစ်ယောက်မျှ မရှိခဲ့။

    ၂၀၁၀ ခုနှစ် စက်တင်ဘာလ၌ ပုံနှိပ်စာမျက်နှာများထက်တွင် ကင်မ်ဂျုံအွန်း၏အမည် ပထမဆုံး ထွက်ပေါ်လာသည်။ သို့သော် ၁၄ လတာမျှ လွန်မြောက်ချိန် ၂၀၁၁ ခုနှစ် ဒီဇင်ဘာလ၌ သူ့ဖခင်သည် ရုတ်တရက်ကွယ်လွန်ပြီးသည့်နောက် သူသည် မြောက်ကိုးရီးယား၏ ခေါင်းဆောင်အဖြစ် တင်မြှောက်ခံရသည်။

    ထိုစဉ်က လူငယ်လေးကင်မ်သည် အုပ်ချုပ်ရေးကောင်စီမှ အရေးပါသည့်အခန်းကဏ္ဍကို ပဲ့ထိန်းမောင်းနှင်နေကြသော သူ့ဖခင်၏၀ါရင့်အကြံပေးပုဂ္ဂိုလ်များ၏ နည်းပေးလမ်းညွှန်မှုကို နှစ်အနည်းငယ်မျှ ခံယူလိမ့်ဦးမည်ဟု လေ့လာသူအများစုက မျှော်လင့်ထားခဲ့ကြသည်။ (စင်စစ်၌ ထိုသူများသည် အမည်ခံမျှသာဖြစ်ကြသည်)။

    သို့သော်လည်း ကင်မ်ဂျုံအွန်းမှာ ကိုယ့်လမ်းကိုယ်ရှာဖောက်သူ ဖြစ်နေခဲ့သည်။ သူ့အုပ်ချုပ်မှု၏ ပထမဆုံးရက်သတ္တပတ်အတွင်းမှာပင် အခြေခိုင်ပြီးသော စနစ်များကို တစ်ခုပြီးတစ်ခု ချိုးဖောက်ခဲ့၏။ အုပ်ချုပ်ရေးဆိုင်ရာအကြီးအကဲများ၏အကြံပြုလမ်းညွှန်မှုကို အလေးအနက် မထားကြောင်း ပြသလိုက်ခြင်းဖြစ်သည်။

    နောက်ဆုံးတော့ ယင်းအနေအထားနှင့်ပတ်သက်၍ ထိပ်တန်းအကြံပေးပုဂ္ဂိုလ်သုံးဦးမှ အသံထွက်လာကြသည်။ အကြံပေးတစ်ဦးမှာ အစိုးရအစည်းအဝေးတစ်ခုအတွင်း ကင်မရာများရှေ့မှောက်မှာပင် အဖမ်းခံရပြီး နောက်တစ်ပတ်၌ ကွပ်မျက်ခံရသည်။ နောက်တစ်ဦးမှာ တနင်္ဂနွေနံနက်ခင်းတွေ့ဆုံမှုအတွက် ဖိတ်ကြားခံရပြီးနောက် ၎င်းနှင့်စပ်လျဉ်းပြီး မည်သည့်အသံ မကြားရတော့။ ကင်မ်၏အဒေါ်အရင်းခေါက်ခေါက်ဖြစ်နေသော နောက်ထပ်တစ်ဦးမှာကား နေအိမ်အကျယ်ချုပ်ဖြင့် ထိန်းသိမ်းခံလိုက်ရသည်ဟု ဆိုကြသည်။

    ကင်မ်ဂျုံအွန်းမှာ သူ၏သဘောထားတင်းမာမှုကိုယ်ရည်ကိုယ်သွေးကို သူကိုယ်တိုင်ကပင် ခင်းကျင်းပြသခဲ့သူဖြစ်၏။ တိုတောင်းလှသော သူ့လက်ထက်အတွင်း စစ်တပ်ဗိုလ်ချုပ်များ၊ ကက်ဘိနက်ဝန်ကြီးများ၊ ပါတီအတွင်းရေးမှူးများ ကဲ့သို့ ထိပ်တန်းအရာရှိပေါင်း ၇၀ ကျော်ကို သုတ်သင်ခဲ့ပြီးလေပြီ။

    ကျွန်ုပ်တို့မှ ဖော်ပြရန် မမေ့သင့်သည့်သူများရှိနေ၏။ ယမန်နှစ်က ကာကွယ်ရေးဝန်ကြီးသည် ဧပြီလအတွင်း ပျောက်ဆုံးသွားခဲ့ပြီး၊ ၎င်းမှာ ကွပ်မျက်ခံလိုက်ရသည်ဟု လူအများစုမှ ယုံကြည်ထားကြသည်။ ထို့အပြင် တောင်ကိုးရီးယားနှင့် စေ့စပ်ညှိနှိုင်းရေးခေါင်းဆောင်သည် လူ ၁၀၀ စီးနင်းလိုက်ပါလာသော ကားတစ်စီးအတွင်း ယာဉ်မတော်တဆမှုဖြင့် ကံဆိုးလှစွာ သေဆုံးခဲ့ကြောင်း အသံထွက်ခဲ့၏။

    အူကြောင်ကြောင် ဆံပင်ပုံစံ၊ ကို့ယို့ကားရား ၀တ်စားဆင်ယင်မှု၊ ထိပ်တန်းအရာရှိများအား သုတ်သင်ရှင်းလင်းရေး၌ ခုံမင်နှစ်သက်နေခြင်းတို့ကြောင့် ကင်မ်ဂျုံအွန်းမှာ ကမ္ဘာ့မီဒီယာများအလယ် ပြောင်လှောင်စရာသတ္တ၀ါ ဖြစ်လာခဲ့သည်။ သို့သော် ယင်းသို့ဖော်ပြချက်များက သူ၏အမှန်တကယ်ထူးခြားသည့်အောင်မြင်မှုများကို ကျွန်ုပ်တို့အား မျက်စေ့လျှမ်းသွားစေခဲ့၏။

    တောင်ကိုးရီးယားလူ့အဖွဲ့အစည်း၏ခေါင်းဆောင်ပိုင်းမှ သူ၏ပြိုင်ဖက်ဖြစ်သူများကပင်လျှင် အဆိုပါ ချာတိတ်ခေါင်းဆောင်သည် မြောက်ကိုးရီးယားသားအများစုအကြား အလွန်ရေပန်းစားလူကြိုက်များနေကြောင်း ယေဘူယျအားဖြင့် ၀န်ခံထားကြရသည်။

    သူ၏ ဖြုတ်ထုတ်သတ်အုပ်ချုပ်ရေးမှာ ပြုံးယမ်းရှိ လက်တစ်ဆုပ်စာ အခွင့်ထူးခံများအား ထိခတ်လှုပ်ခတ်သွားသော်လည်း လူနေမှုအဆင့်အတန်းများမှာမူ ခပ်ကြမ်းကြမ်း တိုးတက်လာသည်ကို တွေ့ရပေသည်။

    ဤသည်မှာ အနောက်တိုင်းမီဒီယာပရိသတ်များအဖို့ အထူးတဆန်း ဖြစ်သွားစေပေမည်။ ကင်မ်ဂျုံအွန်း၏ လေးနှစ်တာမျှ အုပ်ချုပ်မှုကာလလေးအတွင်း အရေးပါသောတိုးတက်မှုများ ထင်ထင်ရှားရှား ဖြစ်ပေါ်ခဲ့သည်။ နှစ်စဉ်တိုးတက်မှုနှုန်းက ပျမ်းမျှ ၃ ရာခိုင်နှုန်းမှ ၄ ရာခိုင်နှုန်းအထိ ရှိနေသည်။ လွန်ခဲ့သောနှစ် ၂၀ ကာလ၌ စီးပွားရေးမှာ ဒလိမ့်ကောက်ကွေးကျဆင်းသွားပြီးနောက် ရပ်တန့်ဝပ်ဆင်းနေခဲ့၏။ ကင်မ်ဂျုံအီ၏နောက်ဆုံးနေ့ရက်များအတွင်း အနည်းငယ် ခေါင်းပြန်ထောင်လာသော်လည်း သူ့သားလက်ထက်တွင်မူ အရှိန်အဟုန်ဖြင့် တိုးတက်လာလေသည်။

    လယ်ယာစိုက်ပျိုးရေးအစီအမံများကို အပြောင်းအလဲလုပ်လိုက်ခြင်းမှသည် မည်သို့မျှ ထင်မှတ်မထားသော ဤအောင်မြင်မှုကို အကျိုးဆက်ဖြစ်ထွန်းသွားစေသည်။ မြောက်ကိုးရီးယားသားတို့မှာ ဆယ်စုနှစ်များစွာ ပုံသေခွဲတမ်းများဖြင့် နိုင်ငံတော်အတွက် အလုပ်လုပ်ခဲ့ကြသည်။ သို့သော် ကင်မ်ဂျုံအွန်းသည် အဆိုပါစနစ်ကို ၂၀၁၂ ခုနှစ်တွင် ပြောင်းလဲလိုက်သည်။

    ယခုသော် လယ်သမားတို့သည် သီးနှံများ၏ ၃၀ ရာခိုင်နှုန်းဝေစုအတွက် အလုပ်လုပ်ကိုင်နေကြလေပြီ။ သူတို့သည် ပို၍ ကြိုးစားလာသဖြင့် မြောက်ကိုးရီးယား၏ စားနပ်ရိက္ခာအနေအထားမှာ ခါတိုင်းနှင့်မတူအောင် ကောင်းမွန်တိုးတက်လာပုံရ၏။

    ပုဂ္ဂလိကစီးပွားရေးကဏ္ဍမွမ်းမံမှုတည်းဟူသော ကင်မ်ဂျုံအွန်း၏ ပေါ်လစီတစ်စိတ်တစ်ပိုင်းကိုလည်း မျက်စေ့လျှမ်းနေကြသည်။ ၎င်းမှာ လူအများအပြားမှ သိမြင်ထားသည်ထက်ပင် သြဇာကောင်းလျက်ရှိ၏။

    ကွန်မြူနစ်ဝါဒမှိုင်း အကြွင်းမဲ့ဖုံးလွှမ်းနေလင့်ကစား ယခုအခါတွင် မြောက်ကိုးရီးယား၌ ပုဂ္ဂလိကပိုင်စားသောက်ဆိုင်နှင့် တည်းခိုရိပ်သာများသာမက ပုဂ္ဂလိကပိုင် သတ္ထုတွင်းများ၊ ရေနံချက်စက်ရုံများနှင့် ငါးလုပ်ငန်းကုမ္ပဏီများကိုပင် တွေ့မြင်နိုင်ပေသည်။ ၎င်းတို့ကို ပုဂ္ဂလိကပိုင်အဖြစ် သတ်မှတ်ဖော်ပြမှုမရှိသော်လည်း အလွန်အကျိုးအမြတ်များပြားလှ၏။ သူ့ဖခင်နှင့်မတူကွဲပြားစွာ ကင်မ်ဂျုံအွန်းသည် ပုဂ္ဂလိကပိုင်စီးပွားရေးအား အုံ့ပုန်းလက်ခံထားပြီး အခါအားလျော်စွာ အားပေးအားမြှောက်ပြုပေးခြင်းကို တွေ့ရပေ၏။

    ကင်မ်ဂျုံအွန်းသည် ယခုနှစ်သူ၏မွေးနေ့တွင် သူ့ဖာသာသူ လက်ဆောင်ကောင်းတစ်ခု ပေးအပ်လိုက်သည်။ ဇန်န၀ါရီ ၆ ရက်နေ့က သူသည် အပူချိန်မြင့်နျူကလိယလက်နက်တစ်ခုကို ဖောက်ခွဲစမ်းသပ်ခဲ့၏။ ဤသည်မှာ မြောက်ကိုးရီးယားခေါင်းဆောင်က နိုင်ငံတကာအသိုင်းအ၀ိုင်းကို ကရုမစိုက်လှကြောင်း၊ မိမိပြည်တွင်း၌ ကြိုက်ရာလုပ်သည့်ကိစ္စ နိုင်ငံတကာမသက်ဆိုင်ကြောင်း ပြသလိုက်သည့် သတိပေးချက်တစ်ရပ်ဖြစ်လာသည်။

    မြောက်ကိုးရီးယား၏ လက်ဝေခံခေါင်းဆောင်ငယ်မှာ ၁၉၈၄ ခုနှစ်တွင် မွေးဖွားခဲ့ပြီး ဧကန်ပင် သူ၏ ၃၂ နှစ်မြောက်ကို ကျင်းပနေခြင်းဖြစ်သည်။ ဤမွေးနေ့အထိမ်းအမှတ်လုပ်ရပ်ကလည်း သူ၏အာဏာရသက်တမ်း လေးနှစ်မြောက်နှင့် အတန်ပင် တိုက်ဆိုင်နေသည်။ သူအာဏာရခဲ့သည့် ရှေ့ပိုင်းနှစ်အနည်းငယ်က သွေးရူးသွေးတန်းဆန်ပြီး ပရမ်းပတာဖြစ်နေခဲ့သော်လည်း ကျဆုံးမှုမရှိခဲ့ကြောင်း ရှင်းလင်းလှသည်။ မည်သို့ပင်ဆိုစေ ၎င်းမြင်းရိုင်းစီးမူဝါဒမှာ အချိန်ကာလတစ်ခုအထိ တည်ရှိနေဦးမည်ဟု သုံးသပ်ရပါကြောင်း။

    Sorce : Al Jazeera
    (The Real North Korea : Life and Politics in the Failed Stalinist Utopia စာအုပ်ရေးသားသူ၊ ဆိုးလ်မြို့ Kookmin တက္ကသိုလ် ကိုးရီးယားရေးရာလေ့လာရေးပါမောက္ခ Andrel Lankov ရေးသားသော Kim Jong-un: What we know about the North Korean Leader ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)

  • နန်းကျမြို့တော်ရဲ့ ယာဉ်ကြောပိတ်ဆို့မှု ပြဿနာ

    နန်းကျမြို့တော်ရဲ့ ယာဉ်ကြောပိတ်ဆို့မှု ပြဿနာ

    20150715215734_IMG_9803-01

    နန်းကျမြို့တော်ရဲ့ ယာဉ်ကြောပိတ်ဆို့မှု ပြဿနာ

    ထက်ခေါင်လင်း၊ အန်ဆန်ဝါ / Myanmar Now

    ရန်ကုန် (Myanmar Now) – ရန်ကုန်၊ လှိုင်သာယာမြို့နယ်မှာ နေတဲ့ ကိုသန်းဌေးတစ်ယောက် အလုပ်ကို ၉ နာရီထိုး အရောက်သွားရမှာဖြစ်တဲ့အတွက် အိမ်က ၆ နာရီခွဲလောက်ကတည်းက ထွက်လာပြီး လက်ဘက်ရည်ကိုတောင် အရသာခံမသောက်နိုင်ဘဲ ကားမှတ်တိုင်ကို အလျင်စလို လျှောက်နေရပါတယ်။

    ကားထဲ လှောင်ပိတ်နေတဲ့ လူတွေကြား အသက်ရှုရပ်မတတ် ဖြစ်နေရတာဟာ ရန်ကုန်မှာ ဘတ်စ်ကား အားကိုးပြီး အလုပ်ဆင်းသူ အများအပြား မနက်တိုင်း ကြုံတွေ့နေရတဲ့ ဖြစ်ရပ်ပါ။ နွေရာသီဆိုရင်တော့ ချွေးတရွှဲရွှဲနဲ့ပေါ့။ တချို့ခရီးသည်တွေဟာ အလုပ်ကိုရောက်ဖို့  ကား နှစ်ဆင့်သုံးဆင့် စီးကြရပါတယ်။ ကိုသန်းဌေးအလုပ်က ကားတစ်ဆင့်နဲ့ ရောက်ပေမယ့် သူက အဲဒီတစ်ဆင့်ကို တမေ့တမော  စီးရသူပါ။

    “အိမ်ပြန်ရောက်ချိန်က ည ၁ဝ နာရီမှ။ အနားယူချိန် သီးသန့်မရှိပါဘူးဗျာ၊ ကားပေါ်မှာပဲ အချိန်တွေ ကုန်နေပါတယ်” လို့ ကိုသန်းဌေးက ဆိုပါတယ်။

    တောင်ဒဂုံမြို့နယ် အမှတ် ၅၆ ရပ်ကွက်မှာ နေထိုင်တဲ့  မကေသီထွန်းက  ရန်ကုန်မြို့လယ် ဖက်ရှင်ဆိုင်တစ်ခုမှာ လုပ်ကိုင်နေပါတယ်။  အလုပ်နောက်ကျရင် ဒဏ်ရိုက်ခံရမှာဖြစ်တဲ့အတွက် ၉ နာရီ မတိုင်ခင် အလုပ်ကို ရောက်ဖို့ ကြိုးစားရသူပါ။

    “ဆိုင်ဖွင့်ချိန်ကို အမီလာဖို့ဆို အနည်းဆုံး   ၂ နာရီလောက်ကို ကြိုထွက်ရတယ်။ အဲဒီလိုမှ မထွက်ရင် ဆိုင်ဖွင့်အမီ မရောက်တော့ ကျွန်မတို့ လခထဲက  ပြန်အဖြတ်ခံရတယ်” လို့ သူက ရှင်းပြပါတယ်။

    မကေသီထွန်း၊ ကိုသန်းဌေးတို့ဟာ ခေတ်နောက်ကျနေတဲ့ ပို့ဆောင်ရေးစနစ်ကြောင့်   ကိုယ်ပိုင်အားလပ်ချိန်တွေ  ဆုံးရှုံး၊ ကျန်းမာရေးနဲ့ ဝင်ငွေ ထိခိုက်လာကြတဲ့ ရန်ကုန်သူ ရန်ကုန်သား သန်းဂဏန်းအရေအတွက်ထဲက နှစ်ယောက်ပါ။
    စင်္ကာပူလိုမျိုး ဒေသတွင်း မြ်ို့တော်ကြီးတွေမှာ တွေ့ရတဲ့ အများပြည်သူ ပို့ဆောင်ရေးစနစ်ကို အကောင်အထည်မဖော်ပေးနိုင်သရွေ့တော့ ရန်ကုန်မြို့တွင်း ခရီးသွားတွေဟာ လူအဆမတန်ပြည့်နေတဲ့ ဘတ်စ်ကားတွေကိုပဲ အားကိုးနေရမှာဖြစ်ပါတယ်။

    နန်းကျမြို့တော်ရဲ့ သယ်ယူပို့ဆောင်ရေး
    ————————————
    ရန်ကုန်ဟာ မြန်မာပြည်ရဲ့မြို့တော်ဖြစ်ခဲ့စဉ်က ဦးစားပေးအခံရဆုံး မြို့ကြီးပါ။ သို့သော်လည်း လွန်ခဲ့တဲ့ ဆယ်နှစ်က မြို့တော်သစ်ရှိရာ နေပြည်တော်ကို ဝန်ကြီးဌာနတွေ ပြောင်းရွှေ့သွားချိန်ကစပြီး ရန်ကုန်ဟာ အစိုးရရဲ့ ပထမဦးစားပေးမြို့ကြီး မဟုတ်တော့ပါဘူး။

    အစိုးရက မော်တော်ကားဈေးနှုန်းတွေ ကျဆင်းသွားအောင် မူဝါဒတွေ ပြုပြင်ပြောင်းလဲလိုက်တဲ့အတွက် မြန်မာပြည်မှာ ကားဝယ်စီးနိုင်သူ အများအပြား ပေါ်လာပါတယ်။ အခုဆိုရင် မြို့တော်ဟောင်း ရန်ကုန်မှာ  ကားပေါင်းစုံ ၅ သိန်းကျော် ရှိနေပါပြီ။
    အရပ်သားအစိုးရသစ်ရဲ့ ပြီးခဲ့တဲ့ လေးနှစ်ကျော်ကြာ ကာလအတွင်း  ရန်ကုန်ရဲ့ မော်တော်ယာဉ်    အရေအတွက်   နှစ်ဆခွဲနီးပါး တိုးမြင့်လာခြင်းဟာ ကားလမ်းပိတ်ဆို့မှုရဲ့  အဓိကအကြောင်းအရင်း တစ်ခုဖြစ်တယ်လို့ တိုင်းအစိုးရအဖွဲ့ဝင် ဦးကျော်စိုးက ဒီဇင်ဘာ လဆန်းပိုင်း   သတင်းစာရှင်းလင်းပွဲတစ်ခုမှာ ပြောကြားခဲ့ပါတယ်။

    ရန်ကုန်ရဲ့ ကားလမ်းပိတ်ဆို့မှုပြဿနာ ပေါ်ပေါက်လာခြင်းနဲ့ ပတ်သက်ပြီး ဦးကျော်စိုးက အစိုးရရဲ့ မော်တော်ယာဉ်မူဝါဒကို ကာကွယ် ပြောဆိုခဲ့ပါတယ်။

    “အားလုံးအဆင်သင့် မဖြစ်သေးခင်မှာ မူဝါဒအသစ်တွေ ချမှတ်လိုက်တဲ့ အကျိုးဆက်လို့ ဆိုလို့တော့ မရပါဘူး။ ကျနော်တို့ ရန်ကုန်ပဲဖြစ်တာလေ၊ မြန်မာတနိုင်ငံလုံး ဖြစ်တာမှ မဟုတ်တာ” လို့ ဦးကျော်စိုးက ပြောပါတယ်။

    ကားအရေအတွက် ပေါက်ကွဲသွားတဲ့ နန်းကျမြို့တော်ရန်ကုန်ရဲ့ ရုံးတက်၊ ရုံးဆင်းချိန်နဲ့ နေ့ခင်းဘက်မှာ လမ်းတွေပေါ် ကားပိတ်နေတတ်ပြီး ညဘက်ရောက်မှပဲ ကားနဲ့သွားလာသူတွေ အဆင်ပြေကြပါတယ်။

    လုပ်သက် ၁ဝ နှစ်ကျော်ပြီဖြစ်တဲ့ အငှားယာဉ်မောင်း ကိုဇော်မင်းက ကားလမ်းပိတ်ဆို့မှုကြောင့် ဝင်ငွေ ထိခိုက်တယ်လို့ ပြောပြတယ်။

    “မိနစ် ၂ဝ လောက်ပဲ သွားရမယ့်ခရီးကို အခုက ၂ နာရီ လောက်အချိန်ပေးသွားနေရတာ၊ နေ့ဘက်ကား မောင်းတာကိုတောင် တော်တော်လေး စိတ်ကုန်နေပြီ” လို့ ကိုဇော်မင်းက ရှင်းပြပါတယ်။

    နောက်ဆက်တွဲ ကျန်းမာရေး ပြဿနာ
    ————————————-
    ခရီးသည်ပြည့်နေတဲ့ ဘတ်စ်ကားအတွင်း ရှူရတဲ့ လေထဲမှာ အောက်ဆီဂျင် နည်းပါးမှု၊ စိတ်ဖိစီးမှု၊ ကားမီးခိုး၊ ကားထဲကလူတွေရဲ့ ချွေးနံ့၊ ယာဉ်မောင်းတချို့ရဲ့ ဆေးလိပ်ငွေ့၊ ကားအတွင်းပိုင်း သန့်ရှင်းမှုမရှိလို့ ထွက်လာတဲ့ အနံ့ဆိုးတွေကြောင့် ခရီးသွားတွေရဲ့ ကျန်းမာရေး   ထိခိုက်စေကြောင်း  ရန်ကုန်က အတိုင်ပင်ခံ ဆရာဝန်တစ်ဦးဖြစ်တဲ့  ဒေါက်တာအောင်စိုးဝင်းက ပြောပါတယ်။

    “တချို့အမျိုးသမီးတွေဟာ ခရီးသည်တင်လိုင်းကားတွေမှာ လိင်ပိုင်းဆိုင်ရာစော်ကားခံရမလားဆိုတဲ့ စိတ်ဖိစီးမှုတွေလည်း ရှိလာတယ်” လို့ ဒေါက်တာအောင်စိုးဝင်းက ပြောပါတယ်။

    ကားထဲမှာပဲ အချိန်ကုန်ရတဲ့အတွက် ဆီးချုပ်ဝမ်းချုပ်ဖြစ်နိုင်ချေရှိတယ်၊ တက်သုတ်ရိုက် သွားရသူအများအပြားက  အသင့်စား ဆီကြော် အစားအစာတွေကို ပိုမို အားကိုးလာရတာကလည်း ကျန်းမာရေး ထိခိုက်စေတဲ့ အကြောင်းအရာတွေပဲလို့ သူက ဆိုပါတယ်။
    မော်တော်ယာဉ်တွေများတဲ့ ဘန်ကောက်မြို့မှာ လေထုညစ်ညမ်းမှုကြောင့်၂ဝဝဝ ပြည့်နှစ်အတွင်း ပြင်းထန်တဲ့ အသက်ရှုလမ်းကြောင်းဆိုင်ရာ ရောဂါကို ပြသခဲ့ကြရသူပေါင်း ၈ဝ၅,၆၂၅ ဦး ရှိခဲ့တယ်လို့ အမေရိကန်ပြည်ထောင်စု၊ မြောက်ကယ်ရိုလိုင်းနားတက္ကသိုလ်ရဲ့ သုတေသနစာတမ်းတစ်ခုမှာ ရေးထားပါတယ်၊ အဲဒီထဲကမှ သေဆုံးသူ ၁,၆၈၃ ဦး ရှိပါတယ်။

    ရန်ကုန်ရဲ့ လေထုညစ်ညမ်းမှုနဲ့ ပတ်သက်တဲ့ ကျန်းမာရေးဆိုင်ရာ စစ်တမ်းတွေတော့ ထွက်ပေါ်လာခြင်း မရှိသေးပါဘူး။

    အမှတ်  ၃၉ ယာဉ်လိုင်းရဲ့ ယာဉ်မောင်းတစ်ဦးဖြစ်သူ ကိုအောင်က ကားလမ်းပိတ်တာ ကြာမြင့်လာတဲ့အခါ သူတို့တွေ  စိတ်တိုလွယ်လာတယ်၊    စိတ်ဖိစီးမှုလည်း တိုးလာတယ်လို့ ပြောပါတယ်။

    နိုင်ငံတကာမှာ ဘယ်လိုဖြေရှင်းနေလဲ
    ———————————-
    ဒေသတွင်းနိုင်ငံ မြို့ကြီးတွေမှာလည်း  လမ်းပိတ်ဆို့မှုတွေ ဖြစ်ပေါ်ကြပေမယ့် ကောင်းကင်ရထား၊ မြေအောက်အမြန်ရထား၊ ဆိုင်ကယ်၊ ကားမသွားရလမ်း၊ ခရီးသည်တင်ယာဉ်သီးသန့်လမ်း စသဖြင့် နည်းလမ်းမျိုးစုံသုံးပြီး ဖြေရှင်းခဲ့ကြပါတယ်။

    ဘန်ကောက်မှာ   အငှား ဆိုင်ကယ်ပြေးဆွဲလုပ်ကိုင်ခွင့် ပေးထားတာဟာ ကားပိတ်ဆို့မှု လျော့ကျစေတဲ့ နည်းလမ်းတစ်ခု ဖြစ်နေပါတယ်။ မြေအောက်ရထား၊ မိုးပျံရထားတွေ ပြေးဆွဲတဲ့အတွက်   ဘန်ကောက်ဟာ ၁၉၉ဝ အလွန်နှစ်တွေကလို   ကားပိတ်ဆို့မှု အလွန်အကျွံ မဖြစ်တော့ပါဘူး။

    အင်ဒိုနီးရှားရဲ့ ဂျကာတာမြို့မှာတော့   မြို့တွင်းသွား မီးရထားတွေကို စနစ်တကျနဲ့ တိုးမြှင့် လုပ်ဆောင်ဖို့ စီမံကိန်းတွေချမှတ်ပြီး  မိုးပျံရထား ပြေးဆွဲနိုင်အောင်လည်း လုပ်ဆောင်ခဲ့ပါတယ်။  ဆိုင်ကယ် စီးနင်းဖို့  စနစ်တကျ ခွင့်ပြုပေးခဲ့ပြီး အလုပ်လုပ်ကိုင်ကြသူတွေ၊ ကျောင်းသားတွေ  တော်တော်လေး အဆင်ပြေစေခဲ့တယ်လို့ သိရပါတယ်။

    ရန်ကုန်စည်ပင်သာယာရေးကော်မတီကတော့ ဂျပန်နိုင်ငံတကာ ပူးပေါင်းဆောင်ရွက်ရေး အေဂျင်စီ (JICA) ရဲ့ အကူအညီနဲ့  ခရီးသည်တင်ကားတွေအတွက် သီးသန့်လမ်း၊   ကင်မရာတပ်ဆင်ထားတဲ့ ခေတ်မီမီးပွိုင့်များ ဆောက်လုပ်ရေး၊  ရန်ကုန်မြို့ပတ် မီးရထားလမ်း  အဆင့်မြှင့်တင်ရေးတို့ကို စီမံနေကြောင်း သိရပါတယ်။

    ရေရှည်အဆင်ပြေစေဖို့ကတော့ လုပ်ဆောင်စရာ အများအပြားကျန်နေသေးတယ်လို့ JICA   အကြီးတန်းကိုယ်စားလှယ် စန်ဂျိုအာခီဟီထိုက ဆိုပါတယ်။

    “ကျွန်တော်တို့ စည်ပင်ကို တင်ပြထားတဲ့ မြို့ပြသယ်ယူပို့ဆောင်ရေးစနစ် မဟာစီမံကိန်းမှာ ခရီးသည်တင်ကားတွေအတွက် သီးသန့်လမ်းစနစ်က ကောင်းပေမယ့် ရေတိုအတွက်ပဲ အဆင်ပြေမှာ” လို့ သူက ပြောပါတယ်။

    ခုံးကျော်တံတားကုထုံး
    —————————
    ကားပိတ်ဆို့မှုရဲ့ အဓိကအကြောင်းရင်း နှစ်ခုကတော့  စည်းကမ်းမဲ့မောင်းနှင်မှု၊ ရန်ကုန်မြို့တွင်းလမ်းများမှာ ကားတွေ ပြည့်နှက်နေမှုတို့ ဖြစ်တယ်လို့  ရန်ကုန်တိုင်း ယာဉ်ထိန်းရဲတပ်ဖွဲ့က ဒုတိယရဲမှူးဝင်းနိုင်က ပြောပါတယ်။

    ရန်ကုန်မြို့က အထင်ကရ လွှတ်တော်ကိုယ်စားလှယ်တစ်ယောက်ဖြစ်တဲ့ ဒေါက်တာမြတ်ဉာဏစိုးကလည်း အလားတူ မှတ်ချက်ပေးပါတယ် – မြို့ပြကြီးရဲ့ အင်္ဂါရပ်နဲ့ မညီခြင်း၊  ယာဉ်မောင်း သူတွေ စည်းကမ်းမရှိခြင်းလို့ သူက ဆိုပါတယ်။

    ဒီအခြေအနေမှာပဲ ရန်ကုန်ရဲ့ လမ်းဆုံတချို့မှာ  ခုံးကျော်တံတားကြီးတွေ တည်ဆောက်နေတာ တွေ့ရမှာပါ။  ခုံးကျော်တံတားများ ဆောက်လုပ်ခြင်းနဲ့ ပတ်သက်ပြီး ဝေဖန်မှုအများအပြား ခံနေရပေမယ့်  တိုင်းအစိုးရအဖွဲ့ဝင် ဦးကျော်စိုးကတော့ ဒီအစီအစဉ်ကို  ကာကွယ်ပြောဆိုပါတယ်။

    “ခုံးကျော်တံတား ဆောက်လိုက်လို့ ကားကျပ်မှုတွေ ပျောက်သွားပြီလားဆိုရင်တော့ အတိုင်းအတာ တစ်ခုထိတော့ ပြေလျော့သွားတယ်လို့ ဆိုရမယ်။ အရင်ကလည်း ကျပ်တယ်၊ အခု ကားအစီးရေ မြင့်တက်လာမှုကြောင့် ပိုကျပ်လာမှာကို မြင်လို့ အခုလို ဆောက်ရတာ” လို့ ဦးကျော်စိုးက ဆိုပါတယ်။

    ဒေါက်တာမြတ်ဉာဏစိုးကတော့  ဒီအစီအစဉ်ကို သဘောမကျပါဘူး။

    “ခုံးကျော်ကို   လမ်းတစ်လျှောက်လုံးကို လုပ်ရမှာ။ ရန်ကုန်မြို့ရဲ့ တောင်နဲ့မြောက်တစ်တန်းလုံး၊ အရှေ့နဲ့အနောက် တစ်တန်းလုံးနဲ့ကို အဲဒီလိုလမ်းမျိုး ၄ လမ်းလောက်ကို လိုအပ်တာ” လို့ ဒေါက်တာမြတ်ဉာဏစိုးက ပြောပါတယ်။

    မြို့ဟောင်းမြို့ကွက်အနေအထားနဲ့ ဆိုရင် လမ်းပိတ်ဆို့မှုကို ဖြေရှင်းဖို့ ခက်ခဲနေဦးမယ်၊ မြို့သစ် တိုးချဲ့ တည်ဆောက်ဖို့ လိုအပ်မယ်လို့  ရန်ကုန်တိုင်းဒေသကြီး၊ မြို့ပြအင်ဂျင်နီယာဌာနက ဦးမြတ်ကိုကိုက သုံးသပ်ပါတယ်။

    ရန်ကုန်မှာ ယခင်အစိုးရ အဆက်ဆက်က ဆောက်လုပ်ခဲ့ကြတဲ့ အထပ်မြင့်တိုက်ခန်းများမှာ ကားရပ်နားဖို့ နေရာ မပါဝင်ခြင်းကလည်း    ကားလမ်းပိတ်ဆို့ရတဲ့ အကြောင်းအရင်းတစ်ခု ဖြစ်တယ်လို့   သူက ဆက်ပြောပါတယ်။

    “မြို့နယ်တိုင်းလိုလို ကားရပ်နားဖို့ သီးသန့် လုပ်ထားတဲ့ အဆောက်အဦတွေ လိုအပ်ပါတယ်။ ဒါမှလည်း ကားတွေကို ရပ်နားဖို့ နေရာရမှာ။ မြို့တွင်း ၆ မြို့နယ်မှာတော့ အဲဒီလို အဆောက်အဦတွေ ဖြစ်လာဖို့က မြေနေရာမရှိတော့သလိုဖြစ်နေတယ်”  လို့ ဦးမြတ်ကိုကိုက ပြောလိုက်ပါတယ်။     ။

  • လူကုန်ကူးမှုတွင်းနက်ထဲက အာသံပြည်နယ်ကလေးငယ်များ

    လူကုန်ကူးမှုတွင်းနက်ထဲက အာသံပြည်နယ်ကလေးငယ်များ

    ဇန်န၀ါရီ ၄၊ ၂၀၁၆
    M-Media

    – အာသံပြည်နယ်မှ ကလေးငယ်အများအပြားတို့မှာ လုပ်သားအဖြစ်လည်းကောင်း၊ လိင်ပိုင်းဆိုင်ရာအလွဲသုံးစားခြင်း၌လည်းကောင်း အဓမ္မတွန်းပို့ခံနေကြရ၏။

    in
    ဥတ္တရခန်းပြည်နုယ်သို့ ပြည်တွင်းလုပ်သားအဖြစ် လူကုန်ကူးခံခဲ့ရသော Sukurmoni Mormu ၏ မိသားစု (ဓာတ်ပုံ – Sarita Santoshini/Al Jazeera)

    မိမိ၏အိမ်ရှေ့ ခြေကျင်းဝတ်ထိနစ်နေသော ရွှံ့နွံထဲရပ်လျက် လန်ကွတ်တီပတ်ထားသည့် Kandana Mormu သည် သူ၏ ၁၄ နှစ်အရွယ် သမီးငယ် Sukurmoni Mormu မှပြောဆိုသည်များအပေါ် စိတ်ရှုပ်ထွေးလျက်ရှိ၏။ လွန်ခဲ့သည့် ၇ လတာက နောက်ဆုံးမြင်ခဲ့ရသည့် သူမကို မှတ်မိလက်ခံရန် သူ့အနေနှင့် အတော်အတန်ပင် ကြိုးစားခဲ့ရသည်။

    Mormu နှင့်မိသားစုသည် အိန္ဒိယနိုင်ငံအရှေ့မြောက်ပိုင်း အာသံပြည်နယ် Kokrajhar ခရိုင်ရှိ ရွာငယ်လေးတစ်ခုတွင် နေထိုင်လျက်ရှိသည်။ ၁၉၉၆ ခုနှစ် လူမျိုးရေးအဓိကရုဏ်းအတွင်း နေအိမ်မီးလောင်ပြာကျခဲ့ပြီးနောက် သူတို့သည် ကယ်ဆယ်ရေးစခန်းတစ်ခု၌ ဆယ်နှစ်တာမျှ ခိုနားခဲ့ကြသည်။ Mormu သည် ၂၀၀၆ ခုနှစ်တွင် ရွာကိုပြန်ပြီး လယ်ယာလုပ်ငန်းပြန်စတင်ခြင်း မတိုင်မီ သူ့ကလေးငယ်များ၏ ပညာရေးနှင့်ကျွေးမွေးစားရိတ်အတွက် ကြုံသလို လုပ်ကိုင်အသက်ဆက်ခဲ့ရသည်။ သို့တစေလည်း သူတို့မိသားစုထံ ဆင်းရဲမွဲတေမှုကပ်ဆိုး ဆိုက်ကပ်နေဆဲ။

    ဇွန်လ၏ညနေခင်းတစ်ခုတွင် သူသည် ပျောက်ဆုံးနေသောသမီးငယ်ကို ရှာရန် အိမ်သို့ပြန်ရောက်လာသည်။

    “ကျွန်တော် သူမကို နေရာအနှံ့ရှာခဲ့ပါတယ်။ နောက်ဆုံးတော့ အနီးအနားရွာက လူတစ်ယောက်က သူမနဲ့ သူမရဲ့သူငယ်ချင်းတစ်ယောက်ကို အလုပ်ကောင်းကောင်းတစ်ခုရအောင်လုပ်ပေးမယ်ဆိုပြီး ဒေလီမြို့ကို ဖြားယောင်းသွေးဆောင် ခေါ်ယူသွားခဲ့တယ်လို့ သိခဲ့ရတယ်။ အဲ့ဒီလူလည်း ဒီနေ့ထိ ပျောက်ဆုံးနေဆဲဖြစ်တယ်။ ကျွန်တော် ဘာတတ်နိုင်မှာလဲဗျာ။ သူမ ပြန်လာဖို့ကို ထိုင်စောင့်နေယုံပဲ ရှိတော့တာပေါ့” ဟူ၍ Mormu က ပြောပြသည်။

    အမျိုးသမီးများနှင့် ကလေးသူငယ်များအပေါ် အလွဲသုံးစားပြုခြင်းကို ဖြေရှင်းဆောင်ရွက်ပေးနေသော နယ်ခံ NGO တစ်ခုဖြစ်သည့် Nedan Foundation ၏အဆိုအရ Mormu ၏ သမီးမှာ အိန္ဒိယမြောက်ပိုင်း ဥတ္တရခန်းပြည်နယ်ရှိ မိသားစုတစ်ခုထံ အိမ်စေအလုပ်လုပ်နေခဲ့ရပြီး လွန်ခဲ့သည့်တစ်လခန့်က ကယ်တင်ခံခဲ့ရသည်။ ထို့နောက် အာဏာပိုင်များမှ ဘေးမသီရန်မခ နေရပ်သို့ ပြန်ပို့ဆောင်ပေးနိုင်ရေးအတွက် သူမသည် ဒေလီမြို့ရှိ ပြန်လည်ထူထောင်ရေးစင်တာတစ်ခုတွင် စောင့်စားနေထိုင်ခဲ့ရသည်။

    အာသံပြည်နယ်မှ ဆင်းရဲမွဲတေမှုနှင့် ကလေးကုန်ကူးခြင်း

    အိန္ဒိယ၌ နှစ်စဉ်နှစ်တိုင်း ကလေးသူငယ်များ လေးသောင်းမှ လေးသောင်းခွဲအထိ ပျောက်ဆုံးလေ့ရှိကြောင်း စာရင်းအင်းများအရ သိရှိရသည်။ အလားတူ ကလေးသူငယ်များပျောက်ဆုံးရသည့်အဖြစ်ကို အာသံပြည်နယ်အတွင်း နေ့စဉ်မရိုးနိုင်အောင် အမှန်တကယ် မြင်တွေ့နေရသည်။

    အောက်တိုဘာလက ကလေးသူငယ်များအခွင့်အရေးဆွေးနွေးမှုကာလအတွင်း ထုတ်ပြန်ခဲ့သည့် အိန္ဒိယနိုင်ငံ ရာဇ၀တ်မှုများစုံစမ်းဖော်ထုတ်ရေးဋ္ဌာန၏အစီရင်ခံစာတစ်ရပ်တွင် အာသံပြည်နယ်မှ ကလေးငယ်ပေါင်း အနည်းဆုံး ၄၇၅၄ ဦးမှာ ၂၀၁၂ ခုနှစ်ကတည်းက ပျောက်ဆုံးသွားကြောင်း၊ ၎င်းတို့အနက် ၂၇၅၃ ဦးမှာ မိန်းကလေးများဖြစ်ကြောင်း ဖော်ပြထားသည်။ ကလေးကုန်ကူးမှုများ၌ အဓိကအကြောင်းရင်းတစ်ခုက လုပ်သားအဖြစ်စေခိုင်းရန်နှင့် လိင်အလွဲသုံးစားပြုရန်အတွက်ဖြစ်သည်။ ယမန်နှစ်တစ်နှစ်တည်းပင် အနည်းဆုံး မိန်းကလေး ၁၂၉ ဦးမှာ ပြည့်တန်ဆာများအဖြစ် လူကုန်ကူးသူများက အဓမ္မခိုင်းစေခဲ့ကြောင်း အစီရင်ခံစာကဆိုထားသည်။

    အာသံပြည်နယ်၏ စီးပွားရေး ချွတ်ခြုံကျမှုနှင့် လူမျိုးရေးတင်းမာမှုများသမိုင်းကြောင်းက ၎င်းနယ်သားအလုံးအရင်းကို လူကုန်ကူးမှု၏သားကောင်ဘ၀သို့ရောက်အောင် တွန်းပို့ခဲ့သည်။

    လူမျိုးရေးအကြမ်းဖက်မှုအပြင် တအုံတကျင်း နေရာရွှေ့ပြောင်းခြင်းကိုဖြစ်ပွားစေသော နှစ်စဉ်ရေလွှမ်းမိုးမှု၏အကျိုးဆက်အားဖြင့် လူသန်းပေါင်းများစွာတို့သည် အိုးမဲ့အိမ်မဲ့ဖြစ်၍ မကြာခဏဆိုသလို စုတ်ချာချာကယ်ဆယ်ရေးစခန်းများ၌ အကန့်အသတ်မရှိ နေထိုင်ကြရလေ့ရှိသည်။

    အာသံနယ်မှ လ္ဘက်လုပ်ငန်းအကျိုးဆက်များ

    အာသံပြည်နယ်တွင် အကြီးအကျယ်ရေလွှမ်းမှုကြောင့် စာသင်ကျောင်းများစွာ ပျက်စီးပြီး ဆင်းရဲတွင်းနက်နေရသည့် နယ်သားများအဖို့ ပြဿနာပိုမို ကြီးမားတိုးပွားလျက်ရှိ၏ (ဓာတ်ပုံ – EPA/STR)

    ဆင်းရဲတွင်းနက်နေရသည့် နောက်ထပ်အကြောင်းရင်းတစ်ခုမှာ အာသံပြည်နယ်၌ ၁၉၅၁ အလုပ်အကိုင်စီမံနေရာချထားရေးအက်ဥပဒေကို အာဏာပိုင်များက ကြပ်မတ်အကောင်အထည်ဖော်ရန် ပျက်ကွက်ခဲ့ခြင်းကြောင့်ဖြစ်သည်။ အာသံပြည်နယ်၏လ္ဘက်နယ်မြေအများအပြားရှိ လုပ်ငန်းခွင်တို့တွင် လုပ်အားခနိမ့်ကျလှကြောင်း၊ ကျန်းမာရေးနှင့် ပညာရေးဆိုင်ရာဖြည့်ဆည်းပေးမှုကင်းမဲ့နေကြောင်း ဆင်းရဲမွဲတေမှုတိုက်ဖျက်ရေးကို ဆောင်ရွက်နေသော NGO တစ်ခုဖြစ်သည့် Action Aid က တင်ပြထားသည်။

    အာသံပြည်နယ် လ္ဘက်ခင်းလုပ်သားများရေးရာဝန်ကြီး Atuwa Munda က စည်းမျဉ်းစည်းကမ်းများ ရှိနေလင့်ကစား လ္ဘက်လုပ်ငန်းရှင်ကုမ္ပဏီများသည် အဆိုပါဥပဒေအား တာဝန်ခံလိုက်နာရန် အကြီးအကျယ် ပျက်ကွက်လျက်ရှိသည်ဟု အလ်ဂျဇီးရားသို့ ပြောကြားသည်။

    “သူတို့တစ်တွေ ဆေးဝါးကုသမှုဆိုင်ရာ၊ ပညာရေးဆိုင်ရာဖြည့်ဆည်းမှု မပေးခြင်းဆိုတဲ့အချက်ကိုပင်လျှင် ဥပဒေချိုးဖောက်မှုအတွက် ဥပဒေအရ တင်းကြပ်စွာ အရေးယူဆောင်ရွက်တဲ့စနစ်မျိုး ရှိမနေဘူး။ ဥပဒေထဲမှာ ယိုပေါက်ဂယ်ပေါက် အများအပြားရှိနေပါတယ်။ အဲ့ဒီအပေါ် ကုမ္ပဏီတွေက ခေါင်းပုံဖြတ်အမြတ်ထုတ်နေကြပါတယ်။ လ္ဘက်ခြံတွေထဲက အခြေအနေတွေ တိုးတက်မြင့်မားလာစေမယ့် ဥပဒေများပြင်ဆင်ပြောင်းလဲနိုင်ဖို့ ကျွန်တော်တို့ ကြိုးစားနေပါတယ်”။

    သို့သာမကသေး။ လွန်ခဲ့သည့် ဆယ်စုနှစ်များအတွင်း အထူးသဖြင့် Lakhimpur ခရိုင်မှ လ္ဘက်ခြံလုပ်ငန်းရှင် အများအပြားသည် လုပ်သားတို့ကို ၀င်ငွေလစာနှင့် မိသားစုထောက်ပံ့မှု မပေးဘဲ ပိတ်သိမ်းခဲ့ကြကြောင်း အဆိုပါနယ်၌ ၁၈ နှစ်တာမျှ လူ့အခွင့်အရေးလှုပ်ရှားမှုဆောင်ရွက်သူ လူ့အခွင့်အရေးဆုရှင် Hasina Kharbhih ၏ အဆိုအရ သိရသည်။

    ကလေးလုပ်သားပြဿနာ

    အဆိုပါအနေအထားများ၌ မိသားစုအများအပြားတို့က မိမိတို့ကလေးငယ်များကို လုပ်ငန်းခွင်သို့ လိုလိုလားလားဝင်ရောက်စေကြသည်။ ကလေးငယ်တို့မှာ အိမ်သို့ ငွေပြန်မပို့ပေးနိုင်သည်သာမက ပျက်စီးနစ်နာကုန်မည်ကိုလည်း သတိမမူမိကြချေ။

    ကြားပွဲစားများ၊ တရားမ၀င် အတည်တကျမရှိသည့် အေဂျင်စီများမှတဆင့် ကလေးသူငယ်တို့သည် မွန်ဘိုင်းနှင့် ဒေလီ စသော မြို့ကြီးများအပါအ၀င် နိုင်ငံဒေသအသီးသီးထံ အိမ်စေများအဖြစ်သော်လည်းကောင်း၊ စက်ရုံလုပ်သားအဖြစ်သော်လည်းကောင်း၊ ပြည့်တန်ဆာလမ်းကြောင်းသို့လည်းကောင်း ပို့ဆောင်ခံနေကြရသည်။

    “လွန်ခဲ့တဲ့နှစ်အနည်းငယ်က ကပ်လျက်ရှိတဲ့ နာဂါလန်းပြည်နယ်ဆီ ကလေးငယ်တွေကို ပြောင်းရွှေ့ပို့ဆောင်နေတာ၊ အစိုးရအရာရှိနေအိမ်မှာ အိမ်စေအဖြစ် လုပ်ကိုင်စေတာကိုပင်လျှင် ကျွန်မတို့ တွေ့မြင်ခဲ့ရသေးတယ်။ လုပ်ခလစာပေးသလို ကောင်းကောင်းမွန်မွန်ဆက်ဆံပါတယ်လို့ သူတို့က ဆိုကြတယ်။ ဒါပေမယ့် ကလေးလုပ်သားဆိုတာ ရာဇ၀တ်မှုမကင်းတဲ့လုပ်ရပ်အဖြစ် စာရင်းဝင်နေဆဲပါ” ဟု Hasina Kharbhih က ဆိုသည်။

    အဓမ္မ ထိမ်းမြားစေမှုများ

    နောက်ထပ် စိုးရိမ်ဖွယ်ပြဿနာရှိသေးကြောင်း၊ ၎င်းမှာ လိင်ပိုင်းဆိုင်ရာ အချိုးမညီမျှမှုကြောင့် ဟရ်ယာနာ၊ ဥတ္တားပရာဒက်ရ်ှနှင့် ရာဂျတ်စတာန်း ပြည်နယ်များ၌ သတို့သမီးလိုအပ်ချက် များပြားနေကြောင်း၊ မိန်းကလေးငယ်များမှာ ထိုဒေသများထံ အဓမ္မထိမ်းမြားစေရန် လူကုန်ကူးခံနေရကြောင်း သူမက ဖြည့်စွက်ပြောကြားသည်။

    ထိုခင်ပွန်းသည်အမျိုးသားတို့မှာလည်း အပိုဝင်ငွေရရန် ၎င်းတို့၏ဇနီးမယားများကို ပျက်စီးမှုသို့ တွန်းပို့လေ့ရှိတတ်သေး၏။ ထိမ်းမြားပြီးသည့်နောက်ဝယ် ခိုင်မာမှုမဲ့အေဂျင်စီများမှတဆင့်ဖြစ်စေ၊ ခင်ပွန်းသည်များမှ တိုက်ရိုက်ဖြစ်စေ ဇနီးမယားတို့အား ငွေကျွန်အိမ်စေများအဖြစ်လည်းကောင်း၊ ပြည့်တန်ဆာများအဖြစ်လည်းကောင်း ပို့လွှတ်ခိုင်းစေတတ်ကြ၏။ ထိုမိန်းမငယ်များမှာ ခြေရာပျောက်သွားတတ်ကြသည် သို့တည်းမဟုတ် နှစ်အနည်းငယ်ကြာပြီးလျှင် တစ်ပါးယောက်ျားများထံ ဇနီးမယားအဖြစ် ထပ်မံရောင်းချခံရလေ့ရှိကုန်သည်။

    ထပ်ဆင့်ဆိုရပါလျှင် အဆိုပါလူကုန်ကူးမှုအတွက် အာသံနယ်မှာ အဓိကကြားစခန်းဖြစ်နေခြင်းက ကလေးသူငယ်များစွာအဖို့ အန္တရာယ်တွင်းမှ မလွတ်နိုင်အောင်ဖြစ်နေရ၏။ ထိုပြည်နယ်သည် အိန္ဒိယအရှေ့မြောက်ပိုင်းမှ အိမ်နီးချင်းအရှေ့တောင်အာရှနိုင်ငံများဖြစ်သော ဘင်္ဂလားဒေ့ရှ်၊ ဘူတန်၊ မြန်မာနိုင်ငံတို့နှင့် နယ်နမိတ်ဆက်စပ်လျက်ရှိသည်။ အိန္ဒိယ၊ မြန်မာ၊ ထိုင်းနိုင်ငံများအကြား ဒေသတွင်း ပူးပေါင်းဆောင်ရွက်မှုအားကောင်းခိုင်မာရေးနှင့် စီးပွားရေးဆိုင်ရာပဋိညာဉ်တစ်ရပ် ချုပ်ဆိုပြီးနောက် သုံးနိုင်ငံ အဝေးပြေးလမ်းမတစ်ခုကို ၂၀၁၆ ခုနှစ်တွင် ဖွင့်လှစ်နိုင်ရန် စီစဉ်ထားကြသည်။

    ၎င်းစီမံကိန်းက ကလေးသူငယ်လူကုန်ကူးခြင်းလုပ်ငန်းကို တဟုန်ထိုး ပိုမိုတိုးမြင့်လာစေနိုင်ကြောင်း အာသံပြည်နယ်၏အကြီးဆုံးမြို့တော် ဂူဝါဟာတီ အခြေစိုက် လူမှုအရေးလှုပ်ရှားသူ Miguel Queah က ဆို၏။

    “အစိုးရအဖွဲ့အနေနဲ့ အကြီးဆုံးမြင်ကွင်းကို ကြည့်ရှုသုံးသပ်ဖို့ ပျက်ကွက်နေပါတယ်။ ဖွံ့ဖြိုးတိုးတက်ရေးဆိုတာ လိုအပ်ပါတယ်။ တစ်ချိန်တည်းမှာပဲ အကောင်းဆုံးဆက်သွယ်ရေးကြောင့် ဖြစ်လာလတ္တံ့သော ပြဿနာတွေ၊ သူတို့အပေါ် တင်ရှိမယ့် လုပ်ငန်းတွေအပေါ် သတိကရုပြုဖို့ကလည်း ထပ်တူထပ်မျှ အရေးကြီးပါတယ်”။

    အာသံမှ လူမျိုးရေးအကြမ်းဖက်မှုသည်လည်း နေရပ်ပြောင်းရွှေ့ခြင်းနှင့် ဆင်းရဲမွဲတေခြင်း၏ အဓိကအကြောင်းတစ်ရပ် ဖြစ်နေသည်။ (ဓာတ်ပုံ – EPA/STR)

    ကလေးသူငယ်များ၏အခွင့်အရေး ကာကွယ်ပေး

    အိန္ဒိယ၌ ကလေးသူငယ်အခွင့်အရေးများကို အကာအကွယ်ပေးသည့်ဥပဒေ အများအပြားရှိသော်လည်း ရံဖန်ရံခါမှသာ ကြပ်ကြပ်မတ်မတ် ကျင့်သုံးလေ့ရှိကြသည်။

    ၂၀၁၂ ကလေးသူငယ်များကို လိင်ပိုင်းအလွဲသုံးစားပြုမှုဆိုင်ရာ အက်ဥပဒေအောက်ရှိ အမှုများကို လိုက်လံဖော်ထုတ်အရေးယူရန် ရဲတပ်ဖွဲ့ဝင်တို့သည် အပြည့်အ၀ အားစိုက်ဆောင်ရွက်မှုမရှိပါဟု အကြောင်းအမျိုးမျိုးကြောင့် အမည်မဖော်လိုသော တက်ကြွလှုပ်ရှားသူတစ်ဦးက အလ်ဂျဇီးရားသို့ ပြောပြသည်။

    “ဒုစရိုက်ကျူးလွန်ရာဒေသများဆီကို သူတို့က စုံစမ်းရေးအဖွဲ့တွေ စေလွှတ်ဖို့ ဆန္ဒ မရှိကြဘူး။ ပိုပြီးဆိုးဝါးတာကတော့ နယ်ခံရဲတွေဟာ ကျွန်တော့်နယ်ပယ်ထဲက ဒုစရိုက်မှုတွေ စွဲချက်မတင်နိုင်အောင် မကြာခဏ ကျွန်တော့်ကို တားဆီးနေကြတာပါပဲ။ နေရာအနှံ့မှာ ဒီဒုစရိုက်မှုတွေ ကြီးစိုးနေတာကြောင့်လို့ ဆိုကြတယ်။ အဆုံးတစ်နေ့မှာ ဒီလိုအမှုမျိုးတွေ ရုံးတင်နိုင်ဖို့အတွက် အမြင့်ဆုံးအာဏာပိုင်တွေကို ကျွန်တော် ဆက်သွယ်ထားပါတယ်”။

    အာသံပြည်နယ်ရဲချုပ်ကမူ ၎င်းလူမှုလှုပ်ရှားသူ၏အဆိုကို လက်မခံဘဲ ၎င်းတို့မှာ သီးသန့်ဖြစ်ရပ်များ ဟူ၍ ဆိုသည်။

    “ကျွန်တော်တို့ရဲ့အရည်အသွေး မြှင့်တင်နိုင်ဖို့ ကျွန်တော်တို့ ကြိုးစားနေကြပါတယ်။ UNICEF လို အသင်းအဖွဲ့များစွာရဲ့အကူအညီနဲ့ ကျွန်တော်တို့ရဲ့အရာရှိများကို ဥပဒေရေးရာ သင်တန်းတွေပေးနေပါတယ်။ ကလေးသူငယ်ကုန်ကူးမှုတွေကို တိုက်ဖျက်ဖို့ ကျွန်တော်တို့ အပြင်းအထန် လုပ်ဆောင်လျက်ရှိပါတယ်။ ကလေးသူငယ်ဆိုင်ရာ ဒုစရိုက်မှုများနဲ့ပတ်သက်ပြီး လက်ခံရရှိတဲ့ အီးမေးတွေ၊ အကြောင်းကြားချက်တွေအပေါ်မှာပင် ကျွန်တော်တို့ အလေးထားဦးစားပေးနေကြတာပါ”။

    သို့သော် Nedan Foundation မှ Digambar Narzary က ရဲတပ်ဖွဲ့ဝင်တို့၏ ပြုမူဆောင်ရွက်မည့် အရည်အသွေးဆိုသည်ကို မေးခွန်းထုတ်လိုက်ပါသည်။

    “ပြည်နယ်တွင်း လူကုန်ကူးမှုတိုက်ဖျက်ရေးအဖွဲ့ ၁၄ ခုအနက် အဖွဲ့ ၅ ဖွဲ့သာလျှင် တစ်နှစ်အတွက် ရံပုံငွေ ဒေါ်လာ ၁၄၉၅ သာသာပဲ ရရှိနေတယ်ဆိုတာ လူတိုင်း သိနေကြပါတယ်။ ကယ်ဆယ်ရေးလုပ်ငန်းတွေ အကောင်အထည်ဖော်ဖို့ ငွေကြေးမရှိတော့ရင် သူတို့အပေါ် ကျွန်တော်တို့ ဘယ်လောက်အထိ မျှော်လင့်ချက်ထားနိုင်တော့မှာလဲ”။

    နိုင်ငံ၏ ပြစ်မှုမှတ်တမ်းဗျူရို – NCRB ၏အဆိုအရ ၂၀၁၃ ခုနှစ်တွင် အာသံပြည်နယ်၌ တရားမ၀င်လူကုန်ကူးမှုကာကွယ်ရေး ဥပဒေအရ မှတ်တမ်းပြုထားသည်မှာ အမှု ၁၈ ခုသာရှိသည်ဟု သိရ၏။ အာသံပြည်နယ်တွင် ၂၀၁၀ မှ ၂၀၁၂ ခုနှစ်အတွင်း လိင်ကုန်ကူးမှုအတွက် လူပေါင်း ၅၀၁ ဦးကို ဖမ်းဆီးထိန်းသိမ်းခဲ့သည်ဟု ထုတ်ပြန်သော်လည်း ၎င်းမှာ ပြစ်မှုကျူးလွန်နှုန်း၏ ၁ ရာခိုင်နှုန်းသာ ရှိနေပေသည်။

    ပညာရေးကဏ္ဍ

    အာသံပြည်နယ် ကလေးသူငယ်အခွင့်အရေးကာကွယ်ရေးကော်မရှင်ဥက္ကဋ္ဌ Runumi Gogoi က ကလေးသူငယ်ကုန်ကူးမှုသည် လူမှုဖွံ့ဖြိုးရေးစီမံချက်များ အကောင်အထည်ဖော်မှု ညံ့ဖျင်းခြင်း၊ ပြည်နယ်ဒေသအများစုထံ၌ ပေါက်ရောက်မှု မရှိခြင်းတို့နှင့် အပြန်အလှန်တိုက်ရိုက်ဆက်စပ်နေသည်ဟု သုံးသပ်ထား၏။

    “ဘူတန်နိုင်ငံနယ်စပ်အနီးမှာတည်ရှိနေတဲ့ Kokrajhar ဒေသအချို့ကလူတွေဟာ ကြိုးဝိုင်းသစ်တောနေရာများအတွင်း အစိုးရဆီက ဘာအထောက်အပံ့မှ မရရှိဘဲ နေထိုင်နေကြရတယ်။ ဒီလို အစွန်းအဖျားဒေသတွေ၊ ဘာသာရေးအဖွဲ့အစည်းတွေထဲမှာ ပညာရေးနဲ့ ဘ၀စိုပြေရေး မက်လုံးတွေသုံးပြီး ကလေးသူငယ်များကို မြို့ကြီးတွေဆီ ပို့ဆောင်(လူကုန်ကူး)နေကြပါတယ်” ဟု သူမက ထောက်ပြ၏။

    အသက် ၆ နှစ်မှ ၁၄ နှစ်အတွင်း အိန္ဒိယကလေးငယ်များသည် မသင်မနေရအခမဲ့ပညာရေးစနစ်၏ အခွင့်အရေးကို ပညာရေးဥပဒေအောက်မှ ခံစားခွင့် ရှိကြသည်။ သို့သော် အာသံပြည်နယ် ကျေးရွာများရှိ အစိုးရကျောင်းများ၌ ကလေးတို့၏ အဆိုပါလိုအပ်ချက်များကို မဖြည့်စွမ်းပေးနိုင်ကြ။ ဤသည်မှာလည်း ဥပဒေချိုးဖောက်မှု စာရင်းဝင်နေပေသည်။

    အာသံပြည်နယ်မှ ဆရာဆရာမ အမြောက်အများတို့သည်လည်း လပေါင်းများစွာ လခ မရရှိကြ။ စာသင်ကျောင်း ၉၀ ရာခိုင်နှုန်း၌ ၀င်းတံတိုင်းနံရံများ၊ အမျိုးသမီးသန့်စင်ခန်းများ မရှိကြသည့်အပြင် ဆရာ-ကျောင်းသား ဦးရေ အချိုးအစား မမျှမတ ဖြစ်နေရသည်ဟု Gogoi က ဆိုသည်။

    ဒဏ်ပေးဆုံးမခြင်းတို့မှာလည်း မမြင်ချင်မှအဆုံး ဖြစ်နေကြပြီး၊ အမျိုးသားစီမံကိန်းအရ အစိုးရကျောင်းများက ပြုလုပ်ပေးရမည်ဖြစ်သော နေ့လည်စာကျွေးမွေးခြင်းမှာလည်း ရံဖန်ရံခါမှသာ ဆောင်ရွက်လေ့ရှိကြသည်။

    “လူမျိုးရေးအဓိကရုဏ်း သို့မဟုတ် သဘာဝဘေးဒဏ်တစ်ရပ်ရပ် ကြုံဆုံခဲ့ဖူးပြီး ကရုမစိုက်တတ်တဲ့ ပတ်ဝန်းကျင်ထဲ နေထိုင်နေရသူ သို့မဟုတ် ကျောင်းတက်နေရသူ ကလေးငယ်တစ်ဦးအဖို့ အလွန်အကျွံ ပျက်စီးမှု ဖြစ်သွားစေနိုင်ပါတယ်” ဟု Miguel Queah က ထပ်၍ ပြောပြပါသည်။

    Phoolmoni Hemrom (၁၅ နှစ်)သည် ဒေလီမြို့တွင် ၂ နှစ်အထိ အိမ်စေအဖြစ်လုပ်ကိုင်ခဲ့ပြီး Kokrajhar ရှိ ကယ်ဆယ်ရေးစခန်းမှတဆင့် မကြာသေးမီက နေရပ်သို့ပြန်ရောက်လာသည်။ သူမသည် စကားများများ မဆိုဘဲ “ကျွန်မ ကျောင်းပြန်တက်တော့မယ်” ဟုသာ မသဲမကွဲ ပြောကြားခဲ့သည်။

    Hemrom သည် လူကုန်ကူးခံရပြီးနောက် ကယ်တင်လွတ်မြောက်လာသော ကလေးငယ်ရာပေါင်းများစွာအနက်မှ တစ်ဦးအပါအ၀င်ဖြစ်သည်။ သို့သော် ထိုကလေးငယ်များသည် နှစ်သိမ့်ဆွေးနွေးခြင်းသော်လည်းကောင်း၊ သူတို့ကြုံဆုံခဲ့ရသည့်အဖြစ်ဆိုးအပေါ် စာနာသောအားဖြင့် နစ်နာကြေးသော်လည်းကောင်း တစ်စုံတစ်ရာမျှပင် မရရှိမခံစားခဲ့ကြရချေ။ ထို့ကြောင့်လည်း လူကုန်ကူးမှု၏သားကောင်ဘ၀သို့ နောက်ထပ်တဖန် ပြန်လည်သက်ဆင်းမိကြ၏။

    လူ့အခွင့်အရေးဆုရှင် Kharbhih က ဤသို့ပြောကြားခဲ့ပါသည်။

    “ကျွန်မတို့ကတော့ ကလေးငယ်တွေကို ဆက်လက် ကယ်ဆယ်သွားမှာဖြစ်ပါတယ်။ ဒါပေမယ့်လည်း အစိုးရဖက်က သူတို့ကို ပညာပေးတာ၊ အခွင့်အရေးပေးတာမျိုးကို ထိထိရောက်ရောက် မဆောင်ရွက်ပေးသမျှတော့ ဒီပြဿနာတွေ ဆက်လက်တည်ရှိနေပါလိမ့်မယ်”။

    (Source: Al Jazeera Sarita Santoshini ၏ Children of Assam forced into labour, prostitution ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)

  • ကင်ညာမွတ်စ်လင်မ်များက ကမ္ဘာကိုပေးအပ်လိုက်သည့် ခရစ္စမတ်နှင့် ၂၀၁၆ နှစ်သစ်လက်ဆောင်မွန်

    ကင်ညာမွတ်စ်လင်မ်များက ကမ္ဘာကိုပေးအပ်လိုက်သည့် ခရစ္စမတ်နှင့် ၂၀၁၆ နှစ်သစ်လက်ဆောင်မွန်

    ဇန်န၀ါရီ ၃၊ ၂၀၁၆

    M-Media

    kenya
    – အကြမ်းဖက်လှိုင်း တစ်နှစ်တာကာလ လွန်မြောက်ပြီးနောက် ထိပ်တိုက်ရင်ဆိုင်ခြင်းသည် လူသားတို့၏ ဘာသာတရာများအကြား ရှောင်ဖယ်မရနိုင်သောကိစ္စတစ်ရပ်အဖြစ် လူအချို့အား ယူဆလက်ခံသွားစေသည်၌ ကင်ညာအရှေ့မြောက်ပိုင်းရှိ ဘတ်စ်ကားခရီးသည်မွတ်စ်လင်မ်လူတစ်စုက ကျွန်တော်တို့အားလုံးကို ခရစ္စမတ်နှင့် နှစ်သစ်ကူးလက်ဆောင်တစ်ရပ်အား ဆောင်ကြဉ်းပေးလိုက်ပါသည်။

    ဒီဇင်ဘာ ၂၁ ရက် မန်ဒီရာမြို့အနီး ဘတ်စ်ကားတစ်စင်းကို အလ်ရှဘာ့ဘ် လက်နက်ကိုင်အစွန်းရောက်များမှ စီးနင်းခဲ့၏။ လက်ရှိနှစ်များအတွင်း ကင်ညာနိုင်ငံသားတို့အပေါ် စိတ်လိုက်မာန်ပါ ထပ်ပြန်တလဲ ပြုလုပ်နေခဲ့သော တိုက်ခိုက်မှုများအတိုင်း ၎င်းတို့က ခရစ်ယာန်ဘာသာဝင်ခရီးသည်များကို ကွပ်မျက်နိုင်ရန်အတွက် မွတ်စ်လင်မ်တို့အား သီးခြားခွဲနေဖို့ ခိုင်းစေခဲ့ကြသည်။

    သို့သော် မွတ်စ်လင်မ်ခရီးသည်များသည် ၎င်းတို့နှင့်တစ်နယ်တည်းသားဖြစ်သည့် ခရစ်ယာန်များကို လူအစုအဝေးဖြင့် ၀ိုင်းရံကာကွယ်လိုက်ကြသည်။ ၎င်းနောက် သတ်မည်ဆိုလျှင် မွတ်စ်လင်မ်ရော ခရစ်ယာန်များကိုပါ မခွဲမခြား ကားတစ်စီးလုံး သတ်ဖြတ်လိုက်ကြရန် သူတို့က တိုက်ခိုက်ရေးသမားတို့အား တောင်းဆိုခဲ့သည်။ မွတ်စ်လင်မ်အမျိုးသမီးတို့က သူမတို့၏အစဉ်အလာဦးခေါင်းခြုံပုဝါများကို ဖယ်ရှား၍ မွတ်စ်လင်မ်မဟုတ်သူအမျိုးသမီးတို့ထံ အကာအကွယ်ဖြစ်စေရေးအလို့ငှာ လက်ကမ်းပေးလိုက်ကြကုန်၏။

    ဤကင်ညာသားတို့သည် ၎င်းတို့၏ခရစ်ယာန်မိတ်ဆွေများအတွက် အကာအကွယ်ပြုပေးခြင်းဖြင့် အကောင်းဆုံးသောလက်ဆောင် ပေးလိုက်ချေပြီ။

    ကင်ညာလူ့အဖွဲ့အစည်းသည် ခရစ်ယာန် လူများစု ဖြစ်သော်လည်း မွတ်စ်လင်မ်၊ ဘဟာအီ၊ ဗုဒ္ဓဘာသာနှင့် အာဖရိကန်ရိုးရာကိုးကွယ်မှုဆိုင်ရာ လူ့အစုအဝေးတို့က ကင်ညာပြည်သူများအကြား ယဉ်ကျေးမှု၊ စီးပွားရေးနှင့် လူမှုရေးကဏ္ဍများတွင် အရေးပါနေကြ၏။

    ဘာသာတရားများဆိုင်ရာ လူ့အသိုင်းအ၀ိုင်းတို့၏ ပေါင်းကူးတံတားတစ်ခုအဖြစ် ဖွဲ့စည်းထားသော Inter-Religious Council of Kenya ကဲ့သို့ အသင်းအဖွဲ့ကြီးများက ကင်ညာလူ့အဖွဲ့အစည်း၏ ကာလရှည် သဟဇာတဖြစ်ခြင်းနှင့် စုပေါင်းနေထိုင်ခြင်းအကြောင်းကို အားသွန်ခွန်စိုက် ဆောင်ရွက်ပြောဆိုနေကြသည်။

    တစ်စထက်တစ်စ ဒုက္ခနှင့်ဒေါသ အရှိန်မြင့်လာသော လောက၀န်းကျင်တစ်ရပ်၌ အစွန်းရောက်ဝါဒအပေါ် စုစည်းညီညွတ်မှု၏စွမ်းပကားဖြင့် အောင်နိုင်ကြောင်း ယင်းအဖြစ်က ကျွန်တော်တို့အားလုံးကို သတိပေးနှိုးဆော်လိုက်ပေ၏။

    ကမ္ဘာ့မွတ်စ်လင်မ်ဦးရေ သန်းပေါင်း ၁၆၀၀ မှ အများစုတို့က အကြမ်းဖက်မှုအခြေတည် သာသနာ့အတွေးအမြင်ကို ဆန့်ကျင်လျက်ရှိကြရာ မွတ်စ်လင်မ်ခရီးသည်တို့၏ သေနတ်ပြောင်းဝရှေ့ မားမားမတ်မတ်ရပ်လျက် ရဲဝံ့စွန့်စားမှုများကြောင့် အစွန်းရောက်အုပ်စုများက ခရစ်ယာန်နှင့် မွတ်စ်လင်မ်တို့ကို ခွဲခြားမရနိုင်တော့ပေ။

    ကမ္ဘာ့လူဦးရေအများပြားဆုံး ဘာသာရေးနှစ်ရပ်၏ လူ့အဖွဲ့အစည်းများက သဟဇာတသင့်မြတ်မှုနှင့် ငြိမ်းချမ်းရေးကို တူညီစွာ ပြသကျင့်သုံးနိုင်ပါလျှင် ဘာသာရေး သို့မဟုတ် လူမျိုးရေးဆိုင်ရာ အခြားအုပ်စုကွဲများအပေါ် အောင်မြင်လွှမ်းမိုးနိုင်ပါသည်။

    မွတ်စ်လင်မ်နှင့် ခရစ်ယာန်တို့၏ အပြန်အလှန်လေးစားအသိအမှတ်ပြုမှုသည် အရှေ့အာဖရိက၌ ၇ ရာစုကတည်းက အမှန်ပင် အမြစ်တွယ်ခဲ့ပြီးဖြစ်သည်။ ထိုကာလအတွင်း ရှေးဦးမွတ်စ်လင်မ်များသည် Axum မည်သော ရှေးဟောင်းခရစ်ယာန်ဘုရင့်နယ်မြေသို့ ထွက်ပြေးလာခဲ့ပြီး ဒုက္ခသည်များအဖြစ် ခိုလှုံကာကွယ်မှု ရရှိခဲ့ကြ၏။ ယင်းဖြစ်ရပ်မှာ (ရှေးဦးမွတ်စ်လင်မ်တို့၏) ပထမဆုံး ဟိဂ်ျရဟ်(ဇာတိစွန့်ခရီး)ဟု ကျော်ကြားထင်ရှား၏။

    တောကြိုအုံကြားလမ်းဘေးတစ်နေရာမှ ငြိမ်းချမ်းမှုအခြေတည် ဤအံတုချက်လုပ်ရပ်သည် ကင်ညာတွင်သာ သီးခြားဖြစ်သော ဖြစ်အင်မဟုတ်။ ဒေသန္တရဆိုင်ရာ ခွဲခြားမှု အုံကြွလာသည်နှင့်အမျှ ၎င်းတိုင်းပြည်၏ မတူကွဲပြားသော လူမျိုးရေးနှင့် ဘာသာရေးအသိုင်းအ၀ိုင်းများအကြား သဟဇာတဖြစ်မှုနှင့် ပူးပေါင်းဆောင်ရွက်မှုမှာလည်း မတ်စောက်မြင့်တက်လာတတ်ပေသည်။

    ယခုနှစ်များအတွင်း နိုင်ရိုဘီ၊ ဂါရစ်ဆာနှင့် အခြားပြည်တွင်းဒေသများသည်လည်း အကြမ်းဖက်သမားတို့၏ တိုက်ခိုက်မှုကို ခါးသည်းစွာ ခံစားခဲ့ကြရသည်။ သို့ဖြင့် လူငယ်များအကြား တစ်ယူသန်ဝါဒ မပြန့်နှံ့အောင် ကာကွယ်သည့်အနေဖြင့် ဒေသခံအမျိုးသမီးများက “နယ်စည်းမခြား ညီအစ်မများ” အသင်းကို ထူထောင်ခဲ့ကြ၏။ သူတို့သည်လည်း ကင်ညာရဲတပ်ဖွဲ့များအတွက် အကောင်းဆုံး အကူအညီပေးနိုင်ရန် ကင်ညာအမတ်များကို တွန်းအားပေးစည်းရုံးထားကြသည်။

    အဆိုပါ မန်ဒီရာအရပ်မှ သတ္တိရှိရှိစာနာမှုတရားလုပ်ရပ်ကဲ့သို့သောအရာများကို ကျွန်တော်တို့ မကြာခဏ သတိလက်လွတ်ဖြစ်ကြလေ့ရှိသည်။ ဖေဖော်ဝါရီလက နော်ဝေးတွင် ဂျူးတို့အပေါ် အစွန်းရောက်တိုက်ခိုက်မှုကို ရှုတ်ချဆန့်ကျင်သောအားဖြင့် မွတ်စ်လင်မ်ပေါင်း ၁၀၀၀ ကျော်တို့သည် ဂျူးဘုရားကျောင်းတစ်ခုအား လက်ချင်းချိတ်ဝန်းရံပေးခဲ့ကြသည်။

    လန်ဒန်မှ ခရိုင်ဒေသတစ်ခုတွင်လည်း မိမိတို့နှင့်တစ်နယ်တည်းနေ မွတ်စ်လင်မ်များအပေါ် အမုန်းတရားအခြေတည်ဒုစရိုက်မှုများမှ ကာကွယ်ပေးနိုင်ရန် ရှေးရိုးစွဲဂျူးတို့က ကင်းလှည့်စောင့်ကြပ်ရေးအဖွဲ့များကို မကြာသေးမီက ဖွဲ့စည်းခဲ့ကြ၏။

    ဆီးရီးယား၊ အီရတ်၊ အာဖဂန်နစ္စတန် စသည်တို့မှ စစ်မက်ရေးရာများကို သတင်းခေါင်းစည်းပိုင်း၌ အဆက်မပြတ် ဖော်ပြနေခြင်းက ISIS ၊ အလ်ရှဘာ့ဘ်၊ ဘိုကိုဟရာမ် ကဲ့သို့သော အစွန်းရောက်အုပ်စုတို့အပေါ် ထိုးနှက်ရာ မရောက်ဘဲ နိုင်ငံတကာမူဝါဒများနှင့်စပ်လျဉ်းသည့် လူထု၏ နက်ရှိုင်းသော တုန်လှုပ်ခံစားမှုကိုသာ ဖြစ်ပေါ်နေစေသည်။

    သို့သော် အဆိုပါသတင်းခေါင်းကြီးပိုင်းဖော်ပြချက်၏တစ်ဖက်မှ အချက်အလက်မှန်များကို တူးဆွနေသည့် လူမှုသိပ္ပံပညာရှင်များကမူ အစွန်းရောက်ဝါဒအား မည်သည့်အချက်များဖြင့် ထိရောက်စွာ ကာကွယ်နိုင်သနည်း ဟူသည်ကို လေ့လာစူးစမ်းလျက်ရှိသည်။ US Institute of Peace အသိအမှတ်ပြု ကမ္ဘာလုံးဆိုင်ရာသုတေသန ကွန်ရက်တစ်ခုဖြစ်သော RESOLVE သည် လက်တွေ့ကျကျအသုံးချနိုင်ပြီး အံဝင်ခွင်ကျဖြစ်နိုင်သည့် မည်သည့်နည်းလမ်းကိုမဆို ဖော်ထုတ်ကာ လူ့အသိုင်းအ၀ိုင်းအတွင်း အခိုင်အမာ စိုက်ထူထားအပ်သည်ဟူ၍ ရိုးရှင်းစွာ ကောက်ချက်ချထား၏။

    မန်ဒီရာအနီး ဘတ်စ်ကားခရီးသည်တို့၏ထိပ်တိုက်ရင်ဆိုင်မှုအတွင်း ဤအချက်ကို ထင်ထင်ရှားရှား ဖော်ကျူးပြနေသည်။ ထိုမွတ်စ်လင်မ်ခရီးသည်တို့က မိမိတို့နှင့်တစ်မြေတည်းနေတစ်ရေတည်းသောက်သူများကို ကူညီကာကွယ်ရမည်ဟူသည့် ပင်ကိုယ်အသိစိတ်ဓာတ်တစ်ခုတည်းဖြင့် ပြုမူဆောင်ရွက်ခဲ့ကြခြင်းဖြစ်၏။

    မန်ဒီရာဇာတ်လမ်းက အထောက်အကူတစ်ရပ်အဖြစ် အစပျိုးပေးခဲ့လေသည်။ ကင်ညာအစိုးရနှင့် ကမ္ဘာ့အသိုင်းအ၀ိုင်းမှ ၎င်းသာမန်ပြည်သူများ၏ ရဲစွမ်းသတ္တိအပေါ် ဂုဏ်ပြုချီးမွှမ်းခဲ့ရသည်။

    ကင်ညာ၊ အာဖရိကနှင့် ကမ္ဘာတစ်ဝှန်းမှ ရေဒီယို၊ အင်တာနက်၊ လူမှုမီဒီယာအခင်းအကျင်းများ၌ ကင်ညာမွတ်စ်လင်မ်များအကြောင်းနှင့် မွတ်စ်လင်မ်အစစ်အမှန်များအကြောင်း တမဟုတ်ချင်း ဖုံးလွှမ်းသွားပေသည်။

    သို့ဖြစ်ရာ တစ်သွေးတစ်သားစိတ်ဓာတ်၊ ရဲစွမ်းသတ္တိ၊ စည်းလုံးညီညွတ်မှု၏ အချက်ပေးသံကား ခွဲခြားခြင်း၊ အကြမ်းဖက်မှု၊ ဖယ်ကြဉ်မှုတို့၏အသံထက် ပိုမိုကျယ်လောင်ထိရောက်ကြောင်း သိမြင်နိုင်ပေသည်။

    သို့သော် မန်ဒီရာဖြစ်အင်သည် ကြုံတောင့်ကြုံခဲ ဖြစ်စဉ်မျှသာ မဟုတ်၊ ကျွန်တော်တို့ဝန်းကျင်တစ်ခွင်ရှိ လူသားအားလုံးမှာ ကမ္ဘာ့မိသားစုဝင်များ ဖြစ်ကြောင်းကိုလည်း ချိန်ထိုးကြည့်မြင်စေပါသည်။

    ဘာသာရေးခေါင်းစဉ်အောက်မှ အယူသည်းမှုနှင့် အကြမ်းဖက်မှုကို ရုပ်လုံးဖော်နေသူတို့၏အဆိုများထက် လက်တွဲညီညာအောင်ကြောင်းဖြာဖြစ်စဉ်များက မပြတ်စတမ်း ပိုမိုကျယ်လောင်လာပါလျှင် ကျွန်ုပ်တို့အဖို့ အကြမ်းဖက်အစွန်းရောက်ဝါဒကို အောင်နိုင်ရန် (နှင့်) ကျွန်ုပ်တို့၏လူ့အစုအဝေး၌ ငြိမ်းချမ်းမှုတည်ဆောက်ရန် နောက်ထပ်အဆင့်တစ်ခုသို့ နီးကပ်တက်လှမ်းလာမည်ဖြစ်ပေသည်။

    (United States Institute of Peace မှ အစွန်းရောက်အကြမ်းဖက်ဝါဒရေးရာ အထူးအကြံပေး Beth Ellen Cole နှင့် အာဖရိကရေးရာ ပရိုဂရမ်အရာရှိ Muhammad Fraser-Rahim တို့ ပူးပေါင်းရေးသားသော Muslims in Kenya offer a Christmas present to the world ဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုရေးသားသည်။)

    Source : Al Jazeera

  • Facebook ၏ အခမဲ့အင်တာနက်ဝန်ဆောင်မှုအစီအစဉ် အိန္ဒိယတွင် ပြင်းထန်သော ဆန့်ကျင်မှုနှင့် ကြုံနေရ

    Facebook ၏ အခမဲ့အင်တာနက်ဝန်ဆောင်မှုအစီအစဉ် အိန္ဒိယတွင် ပြင်းထန်သော ဆန့်ကျင်မှုနှင့် ကြုံနေရ

    ဒီဇင်ဘာ ၃၁၊ ၂၀၁၅
    M-Media

    – အခမဲ့ အင်တာနက်အသုံးပြုခွင့်ရဖို့အတွက် အိန္ဒိယနိုင်ငံဟာ စစ်မြေပြင်ဖြစ်လာခဲ့ပြီး နိုင်ငံအတွင်းမှာ အင်တာနက် အခမဲ့အသုံးပြုခွင့်ပေးဖို့ Facebook တည်ထောင်သူ မာ့ခ်ဇူကဘာ့ဂ်ရဲ့ ကြိုးပမ်းမှုကို ဒေသအတွင်းက နည်းပညာကုမ္ပဏီတွေ ပူးပေါင်းကာ ကန့်ကွက်ဖို့ အားကြိုးမာန်တက် လုပ်ဆောင်နေကြပါတယ်။

    Fee Basics လို့ခေါ်တဲ့ Facebook ရဲ့ အဲဒီ အခမဲ့အင်တာနက်အစီအစဉ်ကို လောလောဆယ်မှာ ခဏဆိုင်းငံ့ထားဖို့ အိန္ဒိယအစိုးရက အမိန့်ပေးထားပြီး သူတို့ဘာလုပ်ရမလဲဆိုတာကို ဆုံးဖြတ်ဖို့အတွက် ဆောင်ရွက်နေကြပါတယ်။

    ဖွံ့ဖြိုးဆဲနိုင်ငံ ၃၀ ကျော်လောက်မှာ ဆောင်ရွက်နေတဲ့ ဒီအစီအစဉ်ဟာ ၀ဘ်ဆိုက်တွေကို မိုဘိုင်းဖုန်းထဲ ရောက်ရှိစေပြီး၊ Facebook ကို မက်ဆေ့ခ်ျအပါအ၀င် ပိုက်ဆံပေးစရာမလိုဘဲ သုံးစွဲနိုင်ပါတယ်။

    ဒါပေမယ့် Reliance Communications ကုမ္ပဏီနဲ့ ပူးပေါင်းပြီး လွန်ခဲ့တဲ့ ၁၀ လကတည်း အိန္ဒိယမှာ လုပ်ဆောင်နေတဲ့ Facebook ရဲ့ အခမဲ့အင်တာနက်အစီအစဉ်ဟာ အင်တာနက်ကုမ္ပဏီတွေကို ဥပဒေက တူညီစွာ ဆက်ဆံရမယ်ဆိုတဲ့ စည်းကမ်းကို ချိုးဖောက်နေတယ်လို့ ဝေဖန်ဆန်းစစ်သူတွေက စောဒကတက်ခဲ့ကြပါတယ်။ ၀ဘ်ဆိုက်ကုမ္ပဏီအသေးလေးတွေနဲ့ တည်ထောင်ကာစ ကုမ္ပဏီလေးတွေကိုလည်း ထိခိုက်စေတယ်လို့လည်း ဆိုကြပါတယ်။

    “အိန္ဒိယဟာ Facebook လို ကုမ္ပဏီတစ်ခုအတွက် အစမ်းသပ်ခံနေရာပါပဲ။ ဒီမှာဖြစ်တာတွေဟာ အဲဒီ အင်တာနက် အခမဲ့အစီအစဉ်ကို သွားလုပ်မယ့် အခြားသော နိုင်ငံငယ်လေးတွေမှာလည်း သက်ရောက်မှာပါ။ အဲဒီနိုင်ငံတွေမှာ အခုအချိန်အထိ သတိမပြုမိကြသေးပါဘူး” လို့ နည်းပညာနဲ့ အင်တာနက် အကြံပေး ပြဿနာတွေနဲ့ပက်သတ်ပြီး အလုပ်လုပ်နေတဲ့ နယူးယောက်အခြေစိုက် ဥပဒေပညာရှင် မီရှီချောင်ဒရီက ဆိုပါတယ်။

    Facebook ရဲ့ အင်တာနက်အခမဲ့ အစီအစဉ်ဟာ သူတို့ရဲ့ အကြီးဆုံးဈေးကွက်ကြီးကို အမေရိကန်ပြင်ပမှာ ချဲ့ထွင်ဖို့ ရည်ရွယ်ချက်လည်း ပါဝင်ပါတယ်။ အိန္ဒိယနိုင်ငံရဲ့ ၁.၃ ဘီလီယံသော လူဦးရေမှာ အင်တာနက်အသုံးပြုခွင့်ရသူဟာ ၂၅၂ သန်းသာ ရှိပါသေးတယ်။ ဒါဟာ Google နဲ့ Facebook တို့လို လုပ်ငန်းတွေအတွက် ဈေးကွက်တိုးတက်အောင်လုပ်ဖို့ အခွင့်အလမ်းပါပဲ။

    စံချိန်တင်တောင်းဆိုမှု

    အိန္ဒိယ တယ်လီဖုန်းဆက်သွယ်ရေးဆိုင်ရာ အာဏာပိုင်အဖွဲ့ TRAI ကတော့ ဒီကိစ္စနဲ့ပတ်သက်လို့ ဥပဒေသတ်မှတ်ရေးလုပ်ငန်းစဉ် ရှေ့ပြေးအဖြစ် အများပြည်သူ အကြံပြုရေးအစီအစဉ်မှာ စံချိန်တင် အကြံပြုမှုကို ရရှိခဲ့တယ်လို့ ဒီကနေ့မှာ ပြောခဲ့ပါတယ်။

    ဒါပေမယ့် Facebook ကနေတစ်ဆင့် ရရှိတဲ့ မှတ်ချက်ပေါင်း ၁.၈ သန်းမှာ ၄ ပုံ ၃ ပုံကျော်ဟာ အခမဲ့အင်တာနက်အစီအစဉ်ကို ထောက်ခံကြတယ်လို့ TRAI ဥက္ကဌ ရမ် ဆီဗက် ရာရ်မာက သတင်းစာရှင်းလင်းပွဲမှာ ပြောကြားခဲ့ပါတယ်။

    ပြီးခဲ့တဲ့သီတင်းပတ်ကလည်း Facebook ဟာ အိန္ဒိယမှာရှိတဲ့ အသုံးပြုသူတွေကို TRAI ဆီ လှုမှုကွန်ယက်တွေ၊ မိုဘိုင်းဖုန်းတွေကနေတစ်ဆင့် အခမဲ့အင်တာနက် ပိတ်ပင်ရေးအစီအစဉ်ကို တုန့်ပြန်ပြောဆိုကြဖို့ တိုက်တွန်းခဲ့ပါတယ်။

    ဒါပေမယ့် ပြင်းထန်တဲ့ ဟန့်တားမှုကိုတော့ Facebook က ကြုံတွေ့နေရပါတယ်။

    Reuters သတင်းဌာနက ရရှိခဲ့တဲ့ စာတစ်စောင်ထဲမှာ Alibaba ကျောထောက်နောက်ခံပြုထားတဲ့ Paytm နဲ့ Zomato တို့အပါဝင် တည်ထောင်တာမကြာသေးတဲ့ အင်တာနက်လုပ်ငန်း ၉ ခုက အကြီးအကဲတွေဟာ လက်မှတ်ရေးထိုးထားပြီး TRAI ကို လိပ်မှုထားတာ တွေ့ရပါတယ်။ စာထဲမှာတော့ အင်တာနက်အသုံးပြုခွင့်ကို ဈေးနှုန်း ကွဲပြားမှုမရှိစေဘဲ လုပ်ကိုင်ခွင့်ပေးရေးကို သေချာအောင်ဆောင်ရွက်ဖို့ တိုက်တွန်းထားပါတယ်။

    အင်တာနက်အသုံးပြုခွင့်အတွက် မတူညီတဲ့ ဈေးနှုန်းတွေကို လုပ်မယ်ဆိုရင် Free Basics ၀န်ဆောင်မှုနဲ့ Facebook လို ကုမ္ပဏီအနည်းစုဟာ ဈေးကွက်ကို သိမ်းကြုံးယူသွားလိမ့်မယ်လို့ အဲဒီစာမှာ ထည့်သွင်းရေးသားခဲ့ပါတယ်။

    ”ဆင်းရဲသူတွေကို အင်တာနက်အသုံးပြုခွင့်ပေးတယ်ဆိုတဲ့ ခေါင်းနဲ့ ကန့်သတ်ထားတဲ့ဝန်ဆောင်မှုတွေကိုပေးပြီး ဒစ်ဂျစ်တယ်လုပ်ငန်းကို ခွဲပစ်ဖို့ကို ဘယ်လိုမှ လက်မခံနိုင်ပါဘူး” လို့ နည်းပညာဆိုင်ရာ အဲဒီကုမ္ပဏီတွေရဲ့ အကြီးအကဲတွေက ထည့်သွင်းရေးသားခဲ့ပါတယ်။

    ဇူကာဘာ့ဂ်ကလည်း ပြန်လည်တုန့်ပြန်ခဲ့ပါတယ်။

    “အင်တာနက်ကို အသုံးပြုနေသူ ၁၀ ဦးမှာ အကြမ်းဖျင်း တစ်ဦးဟာ ဆင်းရဲတဲ့သူဖြစ်တယ်ဆိုတာကို ကျွန်တော်တို့ သိပါတယ်။ အိန္ဒိယနိုင်ငံကို တိုးတက်အောင်လုပ်ဖို့ဆိုရင် လူ ၁ ဘီလီယံကျော်လောက်ဟာ အင်တာနက် ဆက်သွယ်အသုံးပြုနိုင်ဖို့ လိုအပ်တယ်ဆိုတာကိုလည်း ကျွန်တေ်ာတို့ သိပါတယ်။ ဆက်သွယ်ရေး၊ ပညာရေး၊ ကျန်းမာရေး၊ အလုပ်အကိုင်ရရှိရေး၊ လယ်ယာလုပ်ငန်းနဲ့ အမျိုးသမီးအခွင့်အရေးတွေအတွက် အရေးပါတဲ့ ၀န်ဆောင်မှု ရရှိတာကို လက်မခံတဲ့ အကြောင်းအရင်းက ဘာလဲ” လို့ ဒီတစ်ပတ်ထုတ် the Times of India သတင်းစာမှာ ဇူကာဘာ့ဂ်က ရေးသားခဲ့ပါတယ်။

    ဘက်နှစ်ဖက်

    Facebook ရဲ့ ပြောရေးဆိုခွင့်ရှိသူတစ်ဦးကတော့ သူတို့ရဲ့ Free Basics အခမဲ့အင်တာနက်ဝန်ဆောင်မှုဟာ အင်တာနက်က ဘာတွေကို ပေးအပ်နိုင်လဲဆိုတာကို လူတွေမြည်းစမ်းဖို့အတွက် ရည်ရွယ်တယ်လို့ ဆိုပါတယ်။ ပြီးတော့ သူတို့ရဲ့အစီအစဉ်အတွက် ဆန့်ကျင်မှုတွေကို သတင်းစာတွေမှာ စာမျက်နှာအပြည့် ကြော်ငြာတွေထည့်ခြင်း၊ လမ်းတွေမှာ ဆိုင်းဘုတ်အကြီးတွေ ထောင်ခြင်းအားဖြင့်လည်း ပြန်လည်တုန့်ပြန်မှုတွေ ပြုလုပ်နေပါတယ်။

    “Free Basics အဒီအစဉ်ဟာ ပိတ်ပင်ခံရမယ့် အန္တရာယ် ရှိနေပါတယ်။ ပြီတော့ အိန္ဒိယရဲ့ ဒစ်ဂျစ်တယ်တိုးတက်မှုကို နှေးကွေးစေပါလိမ့်မယ်” လို့ မနေ့က မွမ်ဘိုင်းသတင်းစာမှာ ထည့်သွင်းခဲ့တဲ့ Facebook ရဲ့ ကြော်ငြာမှာ သတိပေးထားပြီး ပြည်သူတွေအနေနဲ့ ဒီလှုပ်ရှားမှုကို ထောက်ခံဖို့လည်း တိုက်တွန်းထားပါတယ်။

    ပြီးခဲ့တဲ့နှစ် ဇမ်ဘီယာမှာ စတင်ခဲ့တဲ့ အဲဒီ Free Basics အခမဲ့အင်တာနက်အစီအစဉ်ဟာလည်း အင်တာနက်ဆိုင်ရာ ညီမျှမှုစည်းမျဉ်းကို ချိုးဖောက်တယ်ဆိုပြီး အခက်အခဲတွေနဲ့ ရင်ဆိုင်နေကြပါတယ်။ အီဂျစ်မှာတော့ ယမန်နေ့က ကုန်သွားတဲ့ ပါမစ်သက်တမ်းကို ထပ်မတိုးတဲ့အတွက်ကြောင့် Facebook ရဲ့ အဲဒီအစဉ်ဟာ ရပ်ဆိုင်းခံလိုက်ရပါတယ်။

    TRAI ကတော့ နောက်လမှာ သူတို့ နောက်ဆုံး ဆုံးဖြတ်ချက်မချခင်ထိ ဒီ အခမဲ့ အင်တာနက်ဝန်ဆောင်မှုကို ရပ်ဆိုင်းထားပေးဖို့ Facebook နဲ့ Reliance Communications တို့ကို တောင်းဆိုထားပါတယ်။

    “ဒီမိုကရေစီမှာ ဘက်နှစ်ဖက် ရှိပါတယ်။ ဒီလှုပ်ရှားမှုအတွက် Facebook က ငွေတွေအများကြီး သုံးနေသလို။ အခြားတစ်ဖက်မှာလည်း အင်တာနက် တက်ကြွလှုပ်ရှားသူတွေက ကြိုးပမ်းမှုတွေလည်း ရှိနေပါတယ်။ ကျွန်တော်တို့ရဲ့အလုပ်ကတော့ တယ်လီဖုန်းဆက်သွယ်ရေး အော်ပရေတာတွေနဲ့ အိန္ဒိယက အသုံးပြုသူတွေ အကျိုးမယုတ်အောင် ပေါ်လစီချမှတ်ပေးဖို့ပါပဲ” လို့ TRAI က တာဝန်ရှိသူ ရှာရ်မာက ယမန်နေ့မှာ ပြောကြားခဲ့ပါတယ်။

    (Reuters သတင်းဌာနမှ Facebook fights for free Internet in India, global test-case ဆောင်းပါးကို လေးမောင်မှ ဆီလျောအောင် ဘာသာပြန်ဆိုသည်)