News @ M-Media

Category: ဆောင်းပါး

  • အစိုးရဖွဲ့ရန် ဒေါ်အောင်ဆန်းစုကြည်၏ သိုသိုသိပ်သိပ် ခြေလှမ်းများ

    အစိုးရဖွဲ့ရန် ဒေါ်အောင်ဆန်းစုကြည်၏ သိုသိုသိပ်သိပ် ခြေလှမ်းများ

    ဒီဇင်ဘာ ၂၃၊ ၂၀၁၅
    M-Media

    daw su
    – မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်သည် ပြီးခဲ့သည့်လ ရွေးကောက်ပွဲတွင် အပြတ်အသတ် အနိုင်ရပြီးချိန်မှစ၍ အပြောအဆိုနှင့် လူထုရှေ့ထွက်ခြင်းများကို အနည်းငယ်မျှသာ ပြုလုပ်လျက်ရှိသည်။ ထို့ကြောင့် သူမ၏မဲဆန္ဒနယ်၌ လူလုံးပြထွက်ပေါ်လာသောအခါ လာမည့်လပိုင်း လွှတ်တော်သစ်ဖွဲ့ပြီးနောက် သူမ၏ပါတီမှ မည်သို့ကိုင်တွယ်အုပ်ချုပ်သွားမည်ကို အရိပ်အမြွက် သိလိုဇောဖြင့် သတင်းထောက်များသည် သူမအား ၀ိုင်းရံမေးမြန်းခဲ့ကြ၏။

    ယင်းသို့ လူထုရှေ့ထွက်လာခြင်းမှာ အခြားကိစ္စများကြောင့် မဟုတ်။ အမှိုက်ကောက်ရန် ဖြစ်နေသည်။ ကိုယ်စီကိုယ်ငှတာဝန်ယူတတ်သည့် လုပ်ရပ်များအားဖြင့် အပြောင်းအလဲကိုဖော်ဆောင်နိုင်ရန်အလို့ငှာ သူမ၏ပါတီမှ
    လက်တွေ့ကျင့်သုံးဖော်ပြချက်တစ်ရပ်ဖြစ်ပေသည်။

    ဧရာဝတီမြစ်ဝကျွန်းပေါ်ဒေသ၏သဲပြင်ပေါ်ဖုံးလွှမ်းနေသော အမှိုက်သရိုက်များကို အပင်ခြုံနွယ်များအကြား ကုန်းရုန်းသိမ်းနေရင်း “ဓာတ်ပုံတွေချည်း ရိုက်မနေကြပါနဲ့။ ၀ိုင်းဝန်းပြီး အမှိုက် ကောက်သိမ်းပေးကြပါဦး” ဟု သူမက ဓာတ်ပုံဆရာများအား မြည်တွန်တောက်တီးခဲ့သေး၏။

    လူဦးရေ ၅၁ သန်းရှိနိုင်ငံ၌ သြဇာအကြီးမားဆုံးပုဂ္ဂိုလ်တစ်ဦးအဖြစ် ပေါ်ထွက်လာသော ဒေါ်အောင်ဆန်းစုကြည်သည် ရက်သတ္တပတ် ခြောက်ပတ်တာအတွင်း – နှစ်ပေါင်းငါးဆယ်ကျော် စစ်အုပ်ချုပ်ရေးမှ သူမ၏ဒီမိုကရေစီလှုပ်ရှားမှုထံသို့ တိုင်းပြည်အာဏာလွှဲပြောင်းရေးဆိုင်ရာ ကိစ္စများကို အသေးစိတ်မှအစ စိစစ်ကိုင်တွယ်နေသည်။

    သူမသည် ၀ိပဿနာတရားအားထုတ်ခြင်း များစွာပြုလုပ်ကြောင်း သူမ၏နီးစပ်သူ ပါတီ၏ဘတ်ဂျက်ကော်မတီအဖွဲ့ဝင် ဦးဖြိုးမင်းသိန်းက ဆိုသည်။

    “အတွေးအာရုံတွေ နောက်ကျိရှုပ်ထွေးလာပြီဆိုရင် သူမဟာ ၀ိပဿနာ တရားအားထုတ်လေ့ရှိပါတယ်။ ဒီအားထုတ်မှုကို သူမကို ကြည်လင်အေးချမ်းမှုနဲ့ ရိုးရှင်းတဲ့အဖြေတွေကို ရရှိစေတယ်လို့ သူမက ပြောပါတယ်”

    မည်သို့ပင်ဆိုစေကာမူ ဤမြင်ကွင်းများ၏နောက်ကွယ်တွင် အသွင်ကူးပြောင်းမှုတစ်ရပ်မှာ တဖြည်းဖြည်းနှင့် ပုံပေါ်ရန် အစပြုနေလေပြီ။

    ဒေါ်အောင်ဆန်းစုကြည်(၇၀ နှစ်)သည် လူနည်းစုဝင်တိုင်းရင်းသားအဖွဲ့များနှင့်လည်းကောင်း၊ သူမ၏ပါတီဝင်များနှင့်လည်းကောင်း၊ အာဏာမျှဝေရမည့် စစ်တပ်မှ အဓိကရပုဂ္ဂိုလ်များနှင့်လည်းကောင်း အနီးကပ်တွေ့ဆုံကာ တံခါးပိတ်ဆွေးနွေးမှုများ ပြုလုပ်ထားခဲ့ပြီးဖြစ်၏။ တွေ့ဆုံကြသူများဖက်က ပြည်သူလူထုထံသို့ မည်သည်ကိုပြောဆိုဆွေးနွေးကြောင်း မဆိုစလောက်မျှသာ ပေးသိသော်လည်း နှစ်ဖက်စလုံးရှိ ထိပ်တန်းတာဝန်ရှိသူများနှင့် ပြုလုပ်ခဲ့သည့် အင်တာဗျူးများအရ သူမသည် ပရမ်းပတာမဖြစ်အောင်
    တည်ငြိမ်သိမ်မွေ့စွာ အမြန်ဆုံး ကိုင်တွယ်သွားလိမ့်မည်ဟု သုံးသပ်ရပေသည်။

    နိုင်ငံရေးအကျဉ်းသားဟောင်းနှင့် နိုဗယ်ဆုရှင် နောက်တစ်ဦးဖြစ်သော နဲလ်ဆင် မင်ဒဲလားကဲ့သို့ပင် သူမသည် သူမအား အကျဉ်းချခဲ့သူများနှင့် ဆက်ဆံရေးခိုင်မာအောင်တည်ဆောက်ရန် အားသန်နေသည်ကို တွေ့ရသည်။

    “ပထမဆုံးရည်ရွယ်ချက်ကတော့ သူတို့ကို ထိခိုက်နစ်နာအောင် လုပ်မှာမဟုတ်တဲ့အကြောင်း နှစ်သိမ့်မှုပေးခြင်းပါပဲ။ ကျွန်တော်တို့ဟာ ကလဲ့စားချေလိုစိတ်မရှိဘူး၊ ပုဂ္ဂိုလ်ရေးအာဃာတ မရှိကြဘူး၊ ကျွန်တော်တို့ ရှေ့ဆက်လျှောက်ကြမယ်၊ အနာဂတ်ရေးရာကို ဆွေးနွေးမယ်လို့သာ ကျွန်တော်တို့ ပြောဆိုခဲ့ပါတယ်” ဟု ဒေါ်အောင်ဆန်းစုကြည်၏ အနီးကပ်ဆုံးလက်တွဲဖော်နှင့် ပါတီ၏ထိပ်တန်းခေါင်းဆောင်တစ်ဦးဖြစ်သူ ဦးဝင်းထိန်က ပြောကြားသည်။

    စစ်တပ်အား ချက်ခြင်း အကျဉ်းအကြပ်ဖြစ်စေခြင်းမှာ အမျှော်အမြင်နည်းပါးရာရောက်ကြောင်း၊ ရွေးကောက်ပွဲ၌ သောင်ပြိုကမ်းပြို အနိုင်ရထားသော်လည်း ၁၉၉၀ ကြားဖြတ်ရွေးကောက်ပွဲဖြစ်အင်ကို ပါတီဝင်များအနေနှင့် သတိမမေ့သင့်ကြောင်း၊ ၎င်း၏နောက်တွင် ပါတီခေါင်းဆောင်များအဖမ်းခံခဲ့ရပြီး နှစ်ပေါင်း ၂၀ ကျော် အာဏာရှင်အုပ်ချုပ်ရေးအောက်သို့ ပြန်လည်ရောက်ရှိသွားကြောင်း ဒေါ်အောင်ဆန်းစုကြည်က သူမ၏ပါတီသို့ ပြောဆိုမှာကြားခဲ့သည်ဟု သူက ဆို၏။

    စစ်တပ်အရာရှိဟောင်းများနှင့် ခွဲမရအောင်ဖြစ်နေသည့် ဗျူရိုကရေစီကြိုးနီစနစ်ကိုလည်း သူမက ထပ်မံအားပေးထားသည်။ ပြီးခဲ့သည့်ရက်သတ္တပတ်တွင် အကြီးတန်းလူထုဝန်ထမ်းများနှင့် တွေ့ဆုံခဲ့စဉ်က အလုပ်မှဖယ်ရှားခံရမည်ကို စိုးရိမ်စရာ မလိုကြောင်း သူမက ၎င်းတို့အား ပြောဆိုခဲ့သည်။

    “မည်သည့်အစိုးရ၀န်ထမ်းကိုမှ လုပ်ငန်းရပ်စဲလိုက်ရေး အစီအစဉ် မရှိပါဘူး၊ လုံးဝလည်း ပြုလုပ်မှာမဟုတ်ဘူးလို့ သူမက ပြောကြားခဲ့ပါတယ်” ဟု တွေ့ဆုံပွဲတက်ရောက်ခဲ့သူ NLD လွှတ်တော်အမတ် ဦးဝင်းမြင့်မှ ပြောပြ၏။

    သူမသည် အမျိုးသားရင်ကြားစေ့ညီညွတ်ရေးကိုသာ လိုလားကြောင်း၊ ကလဲ့စားမချေလိုကြောင်း၊ သို့သော် စနစ်ကိုတော့ အခြေခံကျကျပြန်လည်ပြင်ဆင်ရမည်ဖြစ်ကြောင်း နှစ်အတန်ကြာကတည်းကပင် အခိုင်အမာပြောဆိုနေခဲ့သည်။

    ကျစ်လစ်၍အားကောင်းသောအစိုးရဖွဲ့နိုင်ရန် ၀န်ကြီးဋ္ဌာနများလျှော့ချရေး အဆိုကို NLD ပါတီ၏ မူဝါဒမှ တိုက်တွန်းထား၏။ သူမသည် ရွေးကောက်ပွဲမတိုင်မီက သူမအား အုပ်ချုပ်မှုနေရာမရအောင်တားမြစ်ထားသည့် – စစ်တပ်ရေးဆွဲခဲ့သော ဖွဲ့စည်းအုပ်ချုပ်ပုံအခြေခံဥပဒေပြောင်းလဲရေးအတွက် ကျယ်ကျယ်ပြန့်ပြန့် ပြောဆိုစည်းရုံးခဲ့သည်။

    ယခုသော် သူမ၏ပါတီမှာ လိုလိုလားလား စောင့်ဆိုင်းနေသည်ကို တွေ့ရပြန်ပါသည်။

    “လက်ရှိအနေအထားအရ စစ်တပ်သြဇာလျော့ကျသွားစေမယ့်ကိစ္စ တစ်စုံတစ်ရာမှ ကျွန်တော်တို့ ပြုလုပ်သွားမှာ မဟုတ်ပါဘူး။ ကျွန်တော်တို့ဟာ အမျိုးသားသင့်မြတ်ရေးအတွက်သာ အမှန်တကယ် ရည်ရွယ်ထားကြောင်း သူတို့ကို နားလည်လက်ခံအောင် ပြုလုပ်သွားရမှာဖြစ်ပါတယ်” ဟု ဦးဝင်းထိန်က ဆိုသည်။

    ပါတီအနေဖြင့် တိုင်းရင်းလူနည်းစုဝင်များ ၀န်ကြီးဋ္ဌာနအချို့၌ ဦးဆောင်သွားနိုင်ရန်၊ သူမ၏အစိုးရအတွက် ပိုမို ထောက်ခံအားပေးမှု ရအောင် တည်ဆောက်သွားရန်၊ ၎င်းအပြင် စွမ်းအင်ဝန်ကြီးဋ္ဌာနကဲ့သို့သော အရေးပါသည့်ဝန်ကြီးဋ္ဌာနအချို့အား ကိုင်တွယ်လည်ပတ်ရေးအတွက် ပါတီပြင်ပရှိ ကျွမ်းကျင်သူများနှင့် လက်တွဲဆောင်ရွက်ရန် ဦးတည်ကြိုးပမ်းသွားမည်ဟု သူ၏အဆိုအရ သိရ၏။

    ပါတီ၏ဘတ်ဂျက်ကော်မတီဝင် ဦးဖြိုးမင်းသိန်းက ပြောကြားသည်မှာ ပါတီသည် မိမိ၏ကတိအတိုင်း နှစ်များစွာဖြစ်တည်နေသော ရာထူးကြီးစဉ်ငယ်လိုက်အုပ်ချုပ်ရေးမှသည် အာဏာခွဲဝေအုပ်ချုပ်ရေးစနစ်ဖြစ်လာအောင် ကြိုးပမ်းသွားမည်ဖြစ်သည်။

    “လက်ရှိမှာတော့ အထက်မှအောက် စနစ်မျိုးဖြစ်နေပါသေးတယ်”

    ဒေါ်အောင်ဆန်းစုကြည်၏ အမျိုးသားဒီမိုကရေစီပါတီကိုလည်း အထက်မှအောက် ထိန်းချုပ်မှုစနစ်ဖြစ်နေကြောင်း ထင်ထင်ရှားရှား တွေ့မြင်နေရသည်။ ထိပ်တန်းပါတီဝင်အချို့မှအပ ပါတီတစ်ခုလုံးသည် စတင်တည်ထောင်သည့် ၁၉၈၈ ခုနှစ်ကပင် သူမ၏အဆုံးအဖြတ်က အခရာ ဖြစ်နေခဲ့၏။

    နေအိမ်အကျယ်ချုပ်နှစ်များစွာအတွင်း သူမ၏ယုံကြည်ရသော အနီးကပ်အကြံပေးအုပ်စုများနှင့်သာ ထိတွေ့ဆက်ဆံမှုဖြင့် ကျင့်သားရနေခဲ့သည်။

    မူးယစ်ဆေးကုန်ကူးမှု၊ အကျင့်ပျက်ခြစားမှု၊ တိုင်းရင်းသားလက်နက်ကိုင်တော်လှန်မှု၊ ဆင်းရဲမွဲတေမှု၊ ကျန်းမာရေးနှင့်ပညာရေးစနစ်မပြည့်ဝမှု စသည့် မြန်မာနိုင်ငံ၏ယိုယွင်းပျက်ပြားနေသောပြဿနာများကြောင့် သူမ ထဲထဲဝင်ဝင်ကိုင်တွယ်ရမည့်အခန်းကဏ္ဍ အလွန်များပြားသည့်အပေါ် သူမ၏အနီးကပ်လူယုံများပင်လျှင် စိုးရိမ်မကင်း ရှိနေကြ၏။

    ဒေါ်အောင်ဆန်းစုကြည်၏ရှေ့နေတဖြစ်လဲ ပါတီထိပ်တန်းခေါင်းဆောင်တစ်ဦးဖြစ်သူ ဦးဥာဏ်ဝင်းက “သူမမှာ ကောင်းမွန်သင့်မြတ်တဲ့ အသင်းအပင်းအစုအဖွဲ့တစ်ရပ် လိုအပ်နေပါတယ်။ ခုချိန်ထိ မရှိသေးဘူး။ ဒါတကယ့်ပြဿနာတစ်ရပ်ပါ” ဟု ဆိုပါသည်။

    စစ်အစိုးရမှ ဒီမိုကရေစီအရေးဖြိုလှဲရန် ကြိုးပမ်းစဉ် သူမ၏ အကျဉ်းစံကာလများတစ်လျှောက် ဒေါ်အောင်ဆန်းစုကြည်သည် သူမ၏ သစ္စာရှိလူယုံများကိုသာ အလွန်အကျွံအားကိုးအားထားပြုခဲ့ရကြောင်း ၀ါရင့်ပါတီဝင်များက ဆိုသည်။ အကြောင်းအမျိုးမျိုးကြောင့် ယင်းအနီးဆုံးလူယုံတို့ကို မီဒီယာများနှင့် ပြောဆိုမှုမပြုရန် ညွှန်ကြားထားပေသည်။

    လွှတ်တော်၌ ပြောရေးဆိုခွင့်ရှိသော သမားတော်တစ်ဦးဖြစ်သူ ဒေါ်တင်မာအောင်အား တွေ့ဆုံမေးမြန်းရန် ကမ်းလှမ်းသောအခါ သူမ အလျဉ်းမပြုလုပ်နိုင်ကြောင်း ငြင်းဆိုခဲ့ပေသည်။

    (The New York Times မှ Thomas Fuller ရေးသားသော After Victory in Myanmar, Aung Sn Suu Kyi quietly
    shapes a transition ဆောင်းပါးကို လှိုင်းသစ်အောင် မှ ဆီလျော်အောင် ပြန်ဆိုရေးသားသည်။)

  • ဘာသာရေး လူမျိုးရေး ပြဿနာဖြစ်အောင် ဖန်တီးသူတွေရှိနေပြီလား

    ဘာသာရေး လူမျိုးရေး ပြဿနာဖြစ်အောင် ဖန်တီးသူတွေရှိနေပြီလား

    500

    By ထက်အာကာကျော်ဖြိုးဝေလင်း
    .
    မန္တလေးမြို့ရှိ လက်ဖက်ရည်ဆိုင်တစ်ဆိုင်တွင် ဗုဒ္ဓဘာသာအမျိုးသမီးတစ်ဦးအား အခြားဘာသာဝင် ညီအစ်ကိုနှစ်ဦးက အဓမ္မပြုကျင့်ဆိုသော သတင်းတစ်ပုဒ် ၂၀၁၄ ဇွန်လ ၃၀ ရက်တွင် အင်တာနက်၊ လူမှုကွန်ရက် စာမျက်နှာများ၌ ပျံ့နှံ့သွားခဲ့သည်။ အဆိုပါ သတင်း နောက်ဆက်တွဲရလဒ်အဖြစ် မန္တလေးမြို့၌ ဘာသာရေး၊ လူမျိုးရေးအသွင် ပဋိပက္ခများ ဖြစ်ပွားခဲ့ပြီး လူနှစ်ဦးသေဆုံးခဲ့သည်။ ထို့အပြင် ဒဏ်ရာရရှိသူများ၊ အဆောက်အအုံများနှင့် မော်တော်ယာဉ် ဖျက်ဆီးခံရမှုများ ဖြစ်ပွားခဲ့သည်။ အဆိုးဆုံးမှာ ယဉ်ကျေးမှုမြို့တော် မန္တလေး၏ ပုံရိပ်ကို ထိခိုက်ခဲ့ရပြီး စည်းလုံးလှသော မြို့ခံများကြား သံသယပွားစေခဲ့ခြင်းဖြစ်သည်။ အဖြစ်မှန် ပေါ်ပေါက်လာသောအခါ အမှုမှာ လိမ်လည်တိုင်ကြားထားခြင်းဖြစ်သည်။

    သည်ဖြစ်ရပ်က လူမှုကွန်ရက်တွင် အစပြုခဲ့သည့် သတင်းအမှားတစ်ပုဒ်ကြောင့် မန္တလေးမြို့ကို ရုပ်ဆိုးအကျည်းတန်သည့် ဖြစ်ရပ် တစ်ခုဖြစ်ပွားသွားစေခြင်းဖြစ်သည်။ ထိုစဉ်က အဆိုပါသတင်းကို သစ်ထူးလွင်ဝက်ဘ်ဆိုက်က ရဲမှတ်တမ်းနှင့်တကွ အဦးဆုံးဖော် ပြခဲ့ခြင်းဖြစ်သည်။ ထူးခြားသည်က ထိုကဲ့သို့ လူမျိုးရေး၊ ဘာသာရေးအသွင် ပြဿနာများ ဖြစ်ပွားစေနိုင်သော သတင်းများ၊ ကောလာဟလများ ဖြန့်ချိခဲ့သူများမှာ ဘယ်သောအခါမှ အရေးယူ မခံရခြင်းဖြစ်သည်။ အစိုးရက ထိုကဲ့သို့ အမုန်းစကားများ၊ အန္တရာယ်စကား များ ဖြန့်ဝေသူများ၊ အွန်လိုင်းမှ သွေးထိုးလှုံ့ဆော်သူများကို မျက်ကွယ်ပြုထားခဲ့သည်။

    ဦးသိန်းစိန်အစိုးရလက်ထက်တွင်ဖြစ်ပွားခဲ့သော ရခိုင်ပြည်နယ် ပဋိပက္ခ၊ မိတ္ထီလာ အဓိကရုဏ်း၊ ဥက္ကံ၊ လားရှိုး စသည့် လူမျိုးရေး၊ ဘာသာရေးအသွင်ပဋိပက္ခများ တွင် လှုံ့ဆော်သူများက ဖေ့စ်ဘွတ်ခ် လူမှုကွန်ရက်ကို အများဆုံးအသုံးချလှုံ့ဆော်ခဲ့သည်။ မန္တလေးတွင် ဖြစ်ပွားပြီးနောက်ပိုင်း၌ လူမှုကွန်ရက်များမှ လှုံ့ဆော်မှုများ တဖြည်းဖြည်း လျော့ပါးခဲ့သည်။ ရွေးကောက်ပွဲ ကာလတစ်လျှောက်လုံးတွင်လည်း လူမျိုးရေး၊ ဘာသာရေးပြဿနာ ပေါ်ပေါက်မည်ကို စိုးရိမ်သော်လည်း သိသာထူးခြားသည့် ဘာသာရေးပဋိပက္ခအသွင် ဆောင်စေမည့် လုပ်ဆောင်မှုမျိုး အလွန်နည်းပါးခဲ့သည်။

    သို့သော် သွေးထိုးလှုံ့ဆော်မှုများသည် ရွေးကောက်ပွဲပြီးဆုံးသည်နှင့် ပြန်လည်ခေါင်းထောင်လာသည်ဟုဆိုရအောင် သံသယဖြစ်ဖွယ်အဖြစ်အပျက်အချို့ ဆက်တိုက်ဖြစ်ပွားလာခဲ့သည်။ အစ္စလာမ် ဘာသာဝင်များနှင့် ပတ်သက်၍ အစဉ်တစိုက် ဆန့်ကျင်ရေးသားနေသည့် အကောင့်ပေါင်း များစွာက ပြဿနာများကို အစဆွဲထုတ်လာသည့် အခြေအနေများ ပြန်လည်ဖြစ်ပေါ်လာခဲ့သည်။

    ယခုနှစ် ဒီဇင်ဘာလအတွင်းမှာပင် လုပ်ကြံဖန်တီးသည့် မမှန်သတင်းများ၊ ကောလာဟလ သတင်းများကြောင့် ဘာသာရေးအဖွဲ့အစည်းများနှင့် ရဲတပ်ဖွဲ့ဝင်များ အလုပ်ရှုပ်ခဲ့ရသည်။

    ဒီဇင်ဘာ ၁၀ ရက်က အဆင့်မြင့်လူနေတိုက်ခန်းတစ်ခုမှ အမည်းရောင်အလံလွှင့်ထူထားမှုကို ‘‘ဒီအလံဟာ အကြမ်းဖက် အဖွဲ့အစည်းတစ်ခုရဲ့ အလံပုံစံဖြစ်ပါတယ်။ အမျိုးသားရေး စိတ်ဓာတ်ရှိသူများ မေးမြန်းစုံစမ်းကြပါ။ အများသိအောင်လည်း Share (မျှ ဝေ)ပေးကြပါ’’ဟု ဖေ့စ်ဘွတ်ခ် အကောင့်တစ်ခုက ဖော်ပြခဲ့သည်။ ယင်းပို့စ်ကို Like ပြုလုပ်သူ တစ်ထောင်ကျော်နှင့် ပြန်လည် မျှဝေသူ ထောင်ပေါင်း များစွာ ရှိခဲ့သည်။ အဆိုပါပို့စ်ကို ယုံကြည်၍ဖြစ်စေ၊ မယုံကြည်၍ဖြစ်စေ Like ပြုလုပ်ထားသူနှင့် မျှဝေထားသူ အရေအတွက်ကို ကြည့်ရှုလျှင် သေချာသည်မှာ ယင်းပို့စ်မှာ အွန်လိုင်းပေါ်သို့ ပျံ့နံှ့မှုနှုန်းများခဲ့သည်။

    သို့သော်ဖြစ်စဉ်အမှန်မှာ ရှီးဟိုက်မွတ်စလင်များ နှစ်စဉ်ပြုလုပ်နေကျ ဝမ်းနည်းခြင်းအထိမ်းအမှတ်ဖြင့် လွှင့်ထူထားခြင်းဖြစ်ပြီး သက်ဆိုင်ရာသို့လည်း တရားဝင်ခွင့်ပြုချက်ရယူခဲ့ကြောင်း ရန်ကုန်တိုင်းရဲတပ်ဖွဲ့မှူးရုံးမှ တာဝန်ရှိသူတစ်ဦးက မီဒီယာများအား ရှင်း လင်းပြောကြားခဲ့သည်။

    ဒီဇင်ဘာ ၁၂ ရက်က ရန်ကုန်၊ မင်္ဂလာဒုံမြို့နယ်အတွင်းရှိ အစ္စလာမ်ဘာသာဝင်တစ်ဦးပိုင် လက်ဖက်ရည်ဆိုင်တွင် ဗုဒ္ဓဘာသာဝင်တစ်ဦးက လက်ဖက်ရည်ဖိုးပေးချိန်၌မပေးဘဲ ဆိုင်ရှင်အား မိုက်ကြေးခွဲစိန်ခေါ်ခဲ့ပြီး နောက် တစ်ခေါက် ပြန်ရောက် လာချိန်တွင် မဘသ အဖွဲ့ဝင်များက နောက်မှလိုက်လာကာ အုပ်စုဖွဲ့အနိုင်ကျင့်ခဲ့သည်ဟု ဖေ့စ်ဘွတ်ခ်အကောင့် တစ်ခုက ဖော်ပြခဲ့သည်။ သို့သော် အဆိုပါဖြစ်ရပ်ဖြစ်ပွားခဲ့ခြင်း မရှိကြောင်း မင်္ဂလာဒုံမြို့မရဲစခန်းမှ 7Day News ဂျာနယ်အား အတည်ပြုပြောကြားသည်။

    ထို့အပြင် ဒီဇင်ဘာလဆန်းကလည်း ရန်ကုန်တိုင်း ရွှေပြည်သာမြို့နယ်တွင် အစ္စလာမ်ဘာသာဝင်များ အစုလိုက်အပြုံလိုက်တွေ့ရှိရပြီး ၎င်းတို့အထဲတွင် IS အကြမ်းဖက်သမားများ ပါဝင်လာပါက အန္တရာယ်ရှိကြောင်း ရေးသားထားသည့် ပို့စ်တစ်ခုကို လူမှုကွန်ရက်၌ မျှဝေသူအများအပြားရှိခဲ့သည်။ ဖြစ်စဉ်အမှန်မှာ အစ္စလာမ်ဘာသာဝင်များမဟုတ်ဘဲ ဟိန္ဒူဘာသာဝင်များဖြစ်ပြီး လူအရေအတွက်မှာလည်း ဖေ့စ်ဘွတ်ခ်လူမှုကွန်ရက်တွင် ပြောသကဲ့သို့ မများကြောင်း သက်ဆိုင်ရာက အတည်ပြုသည်။

    အလားတူဖြစ်စဉ်မျိုး ယခုလအတွင်းမှာပင် ပုသိမ်မြို့၌ အစ္စလာမ်ဘာသာရေး အဆောက်အအုံတစ်ခုတွင် လူအများအပြားစုဝေးကာ လက်ထဲတွင်လည်း မသင်္ကာစရာ အထုပ်များတွေ့မြင်ရကြောင်း လူမှုကွန်ရက်တွင်ပျံ့နှံ့ ခဲ့ပြန်သည်။ ဖြစ်ရပ်မှန်မှာ အစ္စလာမ်ဘာသာဝင် မင်္ဂလာအခမ်းအနားတစ်ခုတွင် နှစ်ဖက်အမျိုးများက လက်ဖွဲ့ပစ္စည်းကိုင်ဆောင်ထားခြင်းဖြစ်သည်။ ယင်းအပေါ် တမင်တကာလုပ်ကြံချဲ့ထွင် ရေးသား၍ သတင်းအမှားဖြန့်ချိခဲ့ခြင်းလည်းဖြစ်သည်။

    မြန်မာနိုင်ငံ၌ဖြစ်ပေါ်ခဲ့သည့် ဘာသာရေးပဋိပက္ခများတွင် ဗုဒ္ဓဘာသာနှင့်အစ္စလာမ်ဘာသာဝင်တို့အကြား ဖြစ်ပွားမှုက အရေအတွက် အများဆုံးဖြစ်သည်။ သို့သော် လက်ရှိအချိန်တွင် ဘာသာကြီးနှစ်ခု၏ နှစ်ဖက်ခေါင်းဆောင်များအပါအ၀င် ဘာသာပေါင်းစုံ ငြိမ်းချမ်းရေးနှင့် ညီညွတ်ရေး စသော အဖွဲ့အစည်းများက ပြည်တွင်း၌ မည်သည့်ပြဿနာ၊ မည်သည့်ပဋိပက္ခကိုမျှ မဖြစ်ပွားစေရန် လုပ်ဆောင်နေပြီး ဘာသာရေးလှုံ့ဆော်မှုများရှိလာပါကလည်း အပြန်အလှန် ယုံကြည်မှုရှိစွာဖြင့် ပူးပေါင်းဖြေရှင်းကြရန် တိုက်တွန်း ပြောကြားထားကြသည်။

    ‘‘ဖေ့စ်ဘွတ်ခ်ကိုနိုင်ငံရေးမှာ အသုံးချတာတွေရှိတယ်။ အဲဒါတွေကို ဖေ့စ်ဘွတ်ခ်သုံးစွဲသူတွေ ကိုယ်တိုင်ရော၊ အသုံးမပြုတဲ့သူတွေရောကို ဖေ့စ်ဘွတ်ခ်ပေါ်မှာရှိတဲ့ လော်ဘီတွေရဲ့အလှော်တွေကို သိပ်ပြီးတော့ ယုံကြည်မှုတွေမထားဖို့ သတိပေးချင်တယ်’’ ဟု ရွှေည၀ါဆရာတော်က မိန့်ကြားသည်။

    အမုန်းတရားဖြစ်ပွားစေမည့် စကားလုံးများကိုလည်း မည်သည့်ဘာသာဝင်ဖြစ်စေ မသုံးစွဲ၊ မပြောဆိုဘဲ ရှောင်ကြဉ်ပါက မြန်မာနိုင်ငံသည် ငြိမ်းချမ်းသည့်တိုင်းပြည်ဖြစ်လာမည်ဟု မျှော်လင့်ကြောင်းနှင့် အစွန်းမရောက်သော ဘာသာရေးအမြင်၊ သေချာစွာ ဆင်ခြင်သုံးသပ် ခြင်းဖြင့် အွန်လိုင်းစာမျက်နှာမှ အကြောင်းအရာများကို ချင့်ချိန်ယုံကြည်စေချင်ကြောင်း ရွှေညဝါဆရာတော်က ဆက်လက်မိန့်ကြားသည်။

    အလားတူ ဒီဇင်ဘာ ၁၀ရက်၌ပင် ရန်ကုန်မြို့ ဗိုလ်တထောင်မြို့နယ်ရှိ ဗလီတစ်ခုတွင် အထောက်အထားမဲ့ အစ္စလာမ်ဘာသာဝင် ၁၀၀ ကျော် တွေ့ရှိဟူ၍ ဖေ့စ်ဘွတ်ခ်လူမှုကွန်ရက်တွင် ပျံ့နှံ့လာခဲ့ပြီး သုံးစွဲကြသူများအကြား ထင်ယောင်ထင်မှား ဖြစ်စေခဲ့သည်။ သို့သော်လည်း အုပ်ချုပ်ရေးပိုင်းက သွားရောက်စစ်ဆေးရာတွင် ကလေးငယ်များ စာသင်ကြားနေခြင်းဖြစ်ကြောင်း ရန်ကုန်တိုင်းဒေသကြီးရဲတပ်ဖွဲ့က ချက်ချင်းသတင်းထုတ်ပြန်ပေးခဲ့သည်။

    ရဲတပ်ဖွဲ့၏ ထုတ်ပြန်ချက်တွင် ဗလီအတွင်း ဘာသာရေး စာသင်ကျောင်းနှင့် တွဲဖက်ကာ ဘာသာရေးစာပေများကို နေ့စဉ်နံနက် ၈ နာရီမှ ညနေ ၄ နာရီအထိ သင်ကြားပေးလျက်ရှိကြောင်း၊ စာသင်ကျောင်းသားများသည် အသက် (၁၀) နှစ်မှ (၂၀)နှစ်အတွင်းရှိပြီး ရန်ကုန်နှင့် အခြားမြို့နယ်များမှ လာရောက်သင်ကြားသူများဖြစ်ကြောင်း တရားမဝင် ခိုးဝင်လာသူများမရှိကြောင်း စစ်ဆေးတွေ့ရှိချက် ကို ဖော်ပြထားသည်။

    ယင်းဖြစ်စဉ်နှင့်ပတ်သက်၍ ပြည်သူများအကြား သတင်းအမှားများ မပျံ့နှံ့စေရန် တာဝန်ရှိသူများက ဖြစ်ရပ်အမှန်ကို အချိန်မီသတင်းထုတ်ပြန်ခဲ့သော်လည်း အွန်လိုင်းစာမျက်နှာထက်တွင် သတင်းအမှားများက အချိန်တိုအတွင်း ပျံ့နှံ့ခဲ့သည်။

    အထက်ပါ သတင်းအမှားများထွက်ပေါ်ချိန်သည် မြန်မာနိုင်ငံအတွက် အရေးကြီးဆုံးအချိန်ဖြစ်သော အာဏာလွှဲပြောင်းရေး ကာလဖြစ်သည်။ ထိုသို့ သတင်းအမှား ဖြန့်ချိသူများသည် တိုင်းပြည်အကျိုးမလိုလားသူများက ဖျက်ဆီးလိုသည့်စိတ်ဖြင့် လုပ်ဆောင်နေ သည်ဟုယူဆပြီး ပြည်သူများ အလွယ်တကူ မယုံကြည်ကြရန်နှင့် ပဋိပက္ခတစ်ခုဖြစ်ပွားစေရန် လမ်းစတစ်ခုကို တမင်ဖန်တီးသူများရှိနေကြောင်း ဘာသာပေါင်းစုံ ငြိမ်းချမ်းရေးနှင့် ညီညွတ်ရေးအဖွဲ့ အဖွဲ့ဝင် ဦးအေးလွင်က သုံးသပ်သည်။

    ‘‘အဲဒါတိုင်းပြည်အကျိုးမလိုလားသူတွေရဲ့စနက်လို့ ကျွန်တော်ထင်တယ်။ ဒါကိုပြည်သူတွေ မယုံကြည်ကြဖို့ အလေးအနက် မေတ္တာရပ်ခံလိုပါတယ်။ ဆန်းစစ်လို့ရပါတယ်။ ဗလီမှာဖြစ်တယ်ဆို ဗလီကို လိုက်လေ့လာလို့ ရပါတယ်။ ပြီးမှအမှန်တရားလေးကို ဖော်ထုတ်ပေးဖို့ပါ’’ဟု အစ္စလာမ်ဗိမာန်ဦးဆောင်ဆော်သြရေးမှူးလည်းဖြစ်သူ ဦးအေးလွင်ကပြောသည်။

    ပြည်သူအများစုစိုးရိမ်ခဲ့သော ၂၀၁၅ ရွေးကောက်ပွဲသည် ငြိမ်းချမ်းစွာ ပြီးဆုံးသွားပြီဖြစ်သော်လည်း ရွေးကောက်ပွဲရလဒ်မှာ အကောင်အထည်မပေါ်သေးသည့်အတွက် (တစ်နည်းအားဖြင့်) အစိုးရအကူးအပြောင်းကာလ မပြီးဆုံးသေးသည့်အတွက် ပြည်သူလူ ထုအနေဖြင့် သွေးထိုးလှုံ့ဆော်မှုများရှိလာပါက ဘာသာမတူသူ၊ လူမျိုးမတူသူတို့အကြား အပြန်အလှန်သည်းခံမှု၊ နားလည်မှုတို့ရရှိရန်လိုအပ်ကြောင်း အနိုင်ရတိုင်းဒေသကြီးလွှတ်တော်အမတ် ဘလော့ဂါ ကိုနေဘုန်းလတ်က တိုက်တွန်းပြောကြားသည်။

    ရွေးကောက်ပွဲအကြိုကာလတွင် ဘာသာရေးနှင့်ပတ်သက်၍ သတင်းအမှားများ အင်တာနက်စာမျက်နှာထက်တွင် ကြိမ်ဖန်များစွာ ဖော်ပြမှုများရှိခဲ့သလို ရွေးကောက်ပွဲအပြီး နောက်ပိုင်းတွင်လည်း ဆက်လက်ဖြစ်ပေါ်နေဆဲဖြစ်သည်။ လက်ရှိတွင် မြန်မာနိုင်ငံ၏ ဖေ့စ်ဘွတ်ခ်သုံးစွဲသူဦးရေမှာ ရှစ်သန်းခန့်ရှိနေသော်လည်း လူတစ်ဦးလျှင် ဖေ့စ်ဘွတ်ခ် အကောင့်တစ်ခုထက်မက သုံးစွဲနေခြင်းကလည်း သတင်းအမှားများကို ထိန်းချုပ်ရန် အခက်တွေ့စေသည်။

    သို့သော်  ရည်ရွယ်ချက်ရှိရှိ သတင်းအမှားဖြန့်ချိနေမှုကို တားဆီးရန်နှင့် အရေးယူမှုအပိုင်းမှာ လက်ရှိအစိုးရသက်တမ်း တစ်လျှောက် မစွမ်းဆောင်နိုင်ခဲ့ပေ။ ၂၀၁၀ အစိုးရသက်တမ်းကုန်ခါနီးအချိန်တွင် နိုင်ငံတော်သမ္မတ၊ တပ်မတော်ကာကွယ်ရေးဦးစီးချုပ်၊ အတိုက်အခံခေါင်းဆောင် ဒေါ်အောင်ဆန်းစုကြည်တို့ကို မလျော်ကန်စွာ ရေးသားချက်များ နှင့်ပတ်သက်၍သာ ဆက်သွယ်ရေး ဥပဒေ၊ အီလက်ထရွန်နစ်ဥပဒေတို့ဖြင့် အရေးယူမှုရှိခဲ့သည်။ လူမျိုးရေး၊ ဘာသာရေးပြဿနာ ဖြစ်စေနိုင်သော ကောလာဟလများဖြန့်ချိမှုနှင့်ပတ်သက်၍ အရေးယူမှုအပိုင်း အားနည်းခဲ့သည်။

    အရေးယူမှုအားနည်းခြင်းမှာ ဆိုက်ဘာလုံခြုံရေး၊ ဆိုက်ဘာရာဇဝတ်မှုများ စသည့်ဥပဒေများ မရှိသေးခြင်း၊ အွန်လိုင်းတွင်အသုံးပြုသည့် မြန်မာစာဖောင့်စနစ်မှာ စံစနစ်အဖြစ် တညီတညွတ်တည်းဖြစ်မနေခြင်း မိုဘိုင်းဆင်းမ်ကတ် စတင်ဝယ်ယူချိန်တွင်မှတ်ပုံတင်ခြင်း မပြုလုပ်မှုများတို့ကြောင့်လည်းဖြစ်ကြောင်း ပြည်တွင်းနည်းပညာနှင့် ဥပဒေပိုင်းဆိုင်ရာ ကျွမ်းကျင်သူအချို့က မှတ်ချက်ပြုသည်။

    ‘‘အရင်ခေတ်က သတင်းအမှောင်ချခဲ့ခြင်းရဲ့ အကျိုးရလဒ်က ကောလာဟလတွေဆိုရင် အယုံလွယ်နေကြတာပဲ။ အခုနောက်ပိုင်းတော့ လူတွေက ဆင်ခြင်တုံတရားပိုရှိလာတယ်။ ဘာသာရေးပဋိပက္ခဖြစ်အောင် ဖန်တီးသူတချို့ရှိနိုင်ကြပေမယ့် အလွယ်တကူ မယုံကြည်ကြတော့ဘူး’’ ဟု Myanmar Expert EU South East Asia IPR Help desk မှ ဦးမင်းတေဇညွန့်တင်က သုံးသပ်သည်။

    ထို့အတွက် ဖေ့စ်ဘွတ်ခ်နှင့် အွန်လိုင်းပေါ်မှ သတင်းဖြန့်ချိမှုများကို ယုံကြည်သင့်၊ မသင့်သည် မူလဖော်ပြသူများ၏ တာဝန်ယူမှု၊ တာဝန်ခံမှုနှင့် သုံးစွဲသူတို့နှင့်သာ တိုက်ရိုက်သက်ဆိုင်နေသည့်သဘောဖြစ်သည်။ ထို့ကြောင့်ပန်းစကားကဲ့သို့ အရပ်ဘက်အဖွဲ့ အစည်းများက ‘‘လူသားအချင်းချင်းအမုန်းမပွားဖို့ ငါတို့နှုတ်ကိုစောင့်စည်းစို့’’ စသည်ဖြင့် လှုပ်ရှားမှုကို ဖေ့စ်ဘွတ်ခ်သုံးစွဲသူများအကြား တိုက်ရိုက်မိတ်ဆက်ခဲ့ကြ သည်။

    ‘‘အွန်လိုင်းက အကြောင်းအရာတွေကို အယုံမလွယ်ရအောင် သတိထားရမယ်။ ဒါတွေကို ပျောက်သွားအောင်၊ လျော့နည်း သွားအောင် တစ်ဖက်ကလုပ်ရမှာ ဖြစ်သလို သတင်းစားသုံးသူတွေ၊ ဖေ့စ်ဘွတ်ခ်သုံးစွဲသူတွေအနေနဲ့လည်း စိတ်ရှည်ပြီး ချင့်ချိန်ယုံကြဖို့လည်း အသိပညာပေးလုပ်ဆောင်ဖို့ လိုအပ်ပါတယ်’’ ဟု ပန်းစကားလှုပ်ရှားမှုကို ဦးဆောင်သည့် MIDO အဖွဲ့အစည်းမှ မထိုက်ထိုက်အောင်က အကြံပြုပြောကြားသည်။

    ၂၀၁၂၊ ၂၀၁၃၊ ၂၀၁၄ များတွင် ဖြစ်ပွားခဲ့သည့် ရခိုင်၊ မိထ္တီလာနှင့် မန္တလေးဘာသာရေး အဓိကရုဏ်းများကို ပြန်ကြည့်လျှင် အွန်လိုင်းမှ စတင်ကာ တဖြည်းဖြည်း ပြဿနာကြီးထွားလာသည်ကို ကြုံခဲ့ရဖူးပြီဖြစ်သည်။

    မြန်မာနိုင်ငံ၏ဘာသာရေး ပဋိပက္ခဖြစ်စဉ်များကို ပြန်ကြည့်လျှင် အွန်လိုင်းမှ သွေးထိုးလှုံ့ဆော်မှုများသည် ထိပ်ဆုံးမှ ပါဝင်သည်။  ဖေ့စ်ဘွတ်ခ် ယဉ်ကျေးမှုနှင့် အသားမကျသေးသည့် ပြည်သူများအား အွန်လိုင်းမှတစ်ဆင့် ဘာသာရေး မှိုင်းတိုက်ခြင်းမှာ အောင်မြင်သည့် အသုံးချ နည်းလမ်းတစ်ခုလည်းဖြစ်သည်။ တိုင်းပြည်မငြိမ်မသက်ရန်နှင့် လူပုဂ္ဂိုလ်၊ အဖွဲ့အစည်းတစ်ခုခုကို ထိုးနှက်တိုက်ခိုက်ရန် အကောင့်တု၊ အကောင့်ပုန်းများဖြင့် ဝါဒဖြန့်ခြင်းမှာ မြန်ဆန် ထိရောက်ခဲ့သည်။ ယင်းဖြစ်စဉ်များမှာ လက်ရှိအစိုးရလက်ထက်တွင် အကြိမ်ကြိမ် ဖြစ်ပွားခဲ့ဖူးသည်။

    အစိုးရအနေဖြင့် တိုင်းပြည်တစ်ခုလုံးဆူပွက်စေရန် မဟုတ်မမှန်လှုံ့ဆော်နေသည့်ဖေ့စ်ဘွတ်ခ် အကောင့်များနှင့် ဖန်တီးနေသူများကို ဖော်ထုတ်အရေးယူရန် လိုအပ်နေကြောင်း အထက်ပါပုဂ္ဂိုလ်များက သုံးသပ်ပြောကြားသည်။

    7Days မှ တဆင့် ကူးယူဖော်ပြပါသည်။

    http://www.7daydaily.com/story/53816

  • အိပ်မက်ထဲက ကျောင်းကလေး

    အိပ်မက်ထဲက ကျောင်းကလေး

    ဒီဇင်ဘာ ၂၁ ၊ ၂၀၁၅
    M-Media
    .ကျော်မိုးအောင် ရေးသည်။
    photo-wherefore-3
    မာတင်လူသာကင်း၏ “I have a Dream” မိန့်ခွန်း ကမ္ဘာကျော်ခဲ့ပါသည်။ သူ့ကိုအားကျမိခြင်း ဆိုရမည်လားမသိ ကျွန်တော်လည်း အိပ်မက်တစ်ခု အတန်ကြာ မက်နေခဲ့ဖူးသည်။ ကျွန်တော့် စိတ်ကူးယဉ် အိပ်မက်ထဲက ကျောင်းကလေးအကြောင်း ဝေမျှချင်ပါသည်။

    ထိုစိတ်ကူးအိပ်မက်က ထူးဆန်းလှသည်တော့ မဟုတ်။ လွယ်လွယ်ဖွင့်ဆိုရလျင် ငြိမ်းချမ်းသော အမုန်းမရှိသော ချစ်တတ်ကြသော မေတ္တာတရားကိုအခြေခံသော နားလည်ပေးတတ်ကြသော ကျောင်းလေးပင်။
    အမေရိကန်ပြည်ထောင်စု Oregon ပြည်နယ်ရှိ Woodburn School District အမည်ရှိ ကျောင်းလေးသို့ လေ့လာရေးရောက်ခဲ့ဖူးသည်။ ထိုကျောင်းလေး၏ အဝင်ဝတွင်ရေးထားသော စာသားလေးအား မိမိအသက်ရှင်နေသရွေ့ မေ့နိုင်တော့မည်မထင်။ “There is no place for hate at our school.” “အမုန်းတရားအတွက် တို့ကျောင်းမှာ နေရာမရှိ” တဲ့။ ထိုသို့သော အမုန်းမရှိသည့်ကျောင်းများ မြန်မာပြည်အနှံ့ စိတ်ကူးယဉ် မြင်ယောင်မိသည်။

    တကယ်တမ်းတော့ ထိုသို့သောကျောင်းများ မြန်မာပြည်တွင် အမြောက်အမြား ရှိခဲ့ဖူးသည်။ အသစ်အဆန်း မဟုတ်ပါ။

    ဥပမာအနေဖြင့် ဖော်ပြရလျင် မြန်မာနိုင်ငံ ကိုလိုနီဘဝက ဖွင့်ခဲ့သည့် နေရှင်နယ်ကျောင်း ခေါ် အမျိုးသားကျောင်းပင်။ အထူးသဖြင့် မန္တလေးမြို့တွင် ဆရာကြီးဦးရာဇတ် တည်ထောင်အုပ်ချုပ်ခဲ့သော ယခင်က အမျိုးသားအထက်တန်းကျောင်း လက်ရှိ အမှတ် (၂) အထက။ မြန်မာပြည်တွင် ရဟန်းတော်များ ကိုယ်ရင်များ သင်္ကန်းဝတ်ဖြင့် ကျောင်းတက်ခွင့်ပြုခဲ့သော ပထမဆုံးသောကျောင်း။ ဗုဒ္ဓဘာသာဝင် ကျောင်းသားများ မနက်စောစော ဘုရားမရှိခိုးပါက မွတ်စလင်မ်ဆရာကြီးက ကြိမ်လုံးတစ်ချောင်းဖြင့် လိုက်ရိုက်တတ်သောကျောင်း။ မွတ်စလင်မ်ကျောင်းသားများ သောကြာနေ့လည်တွင် ဝတ်ပြုရန် ဗလီသွားခွင့်ပြုသောကျောင်း။ မြန်မာမှု အမျိုးသားရေးစိတ်ဓာတ်အတွက် မြန်မာစာသာမက ပါဠိစာပေပါ သင်ကြားပေးပြီး တစ်ဖက်ကလည်း အင်္ဂလ်ိပ်ဘာသာစကားဖြင့် မပြောမနေရ သတ်မှတ်ကာ နိုင်ငံတကာနှင့် ရင်ဘောင်တန်းစေသောကျောင်း။ မျက်ကန်းမျိုးချစ်မဟုတ်ဘဲ မှန်မှန်ကန်ကန်ဖြင့် တိုင်းပြည်အပေါ် အကျိုးပြုသူများအား မွေးထုတ်ပေးသောကျောင်း။ ထိုကျောင်းမှထွက်သော လူမျိုးကွဲ ဘာသာကွဲ ကျောင်းသားကျောင်းသူများ က ညီရင်းအစ်ကို မောင်ရင်းနှမပမာ ရာသက်ပန် ချစ်ခင်ကြလျက် တစ်ဦးအပေါ်တစ်ဦး နားလည်မှုရှိ ယုံကြည်မှု တည်ဆောက်နိုင်ခဲ့ကြသည်။ မြန်မာ့အနာဂတ်အတွက် ထိုသို့သောကျောင်းများ မရှိမဖြစ် လိုအပ်နေသည်ဟု အခိုင်အမာ ယုံကြည်မိပါသည်။

    အများသိကြသည့်အတိုင်း မကြာသေးမိကာလများက မြန်မာပြည်သူပြည်သား မောင်နှမများအကြား မလိုလားအပ်ဘွယ် ပဋိပက္ခများ ဖြစ်ခဲ့ကြရသည်။ အိမ်ကြက်ခြင်း အိုးမည်းသုတ်ခံရသည့်အတွက် နားလည်မှုလွဲမှားကာ အချင်းချင်း အမုန်းပွားကြစရာများ ကြုံခဲ့ကြရသည်မှာ ဝမ်းနည်းစရာကောင်းလှသည်။ တိုင်းပြည်တွင်းရှိ မတူကွဲပြားသောသူတို့အချင်းချင်း လက်ချင်းယှက်ကာ အတူရှေ့ဆက်ကြရမည်က မရှိမဖြစ်လိုအပ်ချက်တစ်ရပ်ဖြစ်ပါသည်။ မည်သည့်နည်းဖြင့်မျှ အမုန်းဖြင့် ရေရှည် ရှေ့ဆက်နိုင်ကြမည် မဟုတ်။ တစ်ဦးနှင့်တစ်ဦး တစ်သက်လုံး သူစိမ်းပြင်ပြင် ရန်သူသဖွယ် ဆက်ဆံကြဖို့ဆိုသည်ကလည်း မည်သည့်နည်းနှင့်မျှ မဖြစ်နိုင်။ မတည့်အတူနေကြရန် မဖြစ်သင့်သည့် တိုင်းသူပြည်သားအချင်းချင်း မတူဘဲ တည့်အောင် ထိမ်းကြောင်း ပေးနိုင်သည်က စာသင်ကျောင်းများကပင်။

    မတည့်သည့်အနေအထား ဖြစ်နေရခြင်း၏ အဓိကအကြောင်းရင်းသည် တစ်ယောက်အကြောင်း တစ်ယောက် အမှန်မသိကြဘဲ နားလည်မှု လွဲနေကြခြင်းကြောင့်သာ။ တစ်ဦးအပေါ်တစ်ဦး နားလည်ဖေးမပြီး ယုံကြည်မှု ရှိကြရန် လိုအပ်လှသည်။ ထိုအချက်ကို ဖြည့်ဆည့်ပေးကြရမည်က ကျောင်းများ၏ တာဝန်တစ်ရပ်ပင်။ ကျောင်းများတွင် မတူကွဲပြားကြသူအချင်းချင်း ငယ်စဉ်ကတည်းက လက်ပွန်တတီး ချစ်ချစ်ခင်ခင် နေတတ်သည့်အလေ့အကျင့် ကျောင်းများက ရနိုင်ပါသည်။

    စင်္ကာပူနိုင်ငံ သင်ရိုးစာအုပ်များကို လေ့လာကြည့်မိရင်း အင်မတန် အားကျအတုယူစရာသင်ခန်းစာများ တွေ့မိပါသည်။ မူလတန်းအရွယ် ကလေးများအတွက် လူမှုရေး Social Studies ဖတ်စာပါ အကြောင်းအရာက “ကျွန်တော့်တို့ အိမ်နီးခြင်းကောင်းများ Our Neighbours” ဟူသည့်အကြောင်းအရာ။ ထိုစာစဉ်၏ သင်ခန်းစာများက ကျောင်းသားများအား အခြား ယဉ်ကျေးမှုတို့နှင့် နီးစပ်ခွင့် ပေးခြင်း ဖြစ်သည်။ နည်းစပ်ခွင့်ပေးခြင်း ဆိုသည်ကို နားလည်မှု မလွဲစေရန် အလွန်အရေးကြီးလှသည်။ အခြားဘာသာသို့ ကူးပြောင်းစေရန် သာသနာပြုခြင်းမဟုတ် သူတို့ဘာလုပ်ကြသလဲ အပြန်အလှန် သိစေရန်သာ သွန်သင်ပြခြင်းဖြစ်သည်။ ဥပမာအားဖြင့် ဆိုရလျင် အိမ်နီးခြင်းတစ်ဦးက ဟိန္ဒူဘာသာဝင် ဖြစ်ပြီး သူတို့၏ ဒီပါဝလီပွဲတော်သို့ သွားလည်ကြပုံ ဟိန္ဒူမိသားစု၏ ဓလေ့ထုံးစံများကို လေ့လာခွင့် ရပုံ သူတို့ ကျွေးမွေးဧည့်ခံသော အချိုမုန့်များ စားကြလျက် မီးအတူ ထွန်းကြပုံ စသည်တို့ကို ဇာတ်လမ်းသဖွယ် သရုပ်ဖော်ထားသည်။ ထိုနည်းတူစွာပင် ခရစ်ယာန်အိမ်နီးခြင်းတို့၏ ခရစ်စမတ်ပွဲတော်အကြောင်း မွတ်စလင်မ်တို့၏ ရမ္မဇာန် ဥပုသ်လနှင့် ဝါကျွတ် အီးဒ်ပွဲတော်အကြောင်း တရုတ်နှစ်သစ်ကူး အကြောင်း ဇာတ်လမ်းသဖွယ် ပုံဖော်ရင်း မတူညီမှုအလှတရားကို အိမ်နီးခြင်းကောင်းတို့ အဖြစ်  သွန်သင်သွားသည်က ပညာသား ပါလှသည်။ အမုန်းတရား ဖြစ်စေစရာကို အမြစ်မှ တွန်းလှန်ပေးထားသည် ဆိုနိုင်ပါသည်။

    ကျွန်တော်တို့နိုင်ငံတွင်လည်း ထိုသို့သွန်သင်မည့်ကျောင်းများ မဖြစ်မနေ လိုအပ်နေပါသည်။ ကျောင်းများတွင် ဘာသာပေါင်းစုံ လူမျိုးပေါင်းစုံ ချစ်ချစ်ခင်ခင် စုပေါင်းနေတတ်ကြပုံကို (implicitly and explicitly) မသိမသာ ကျွဲကူးရေပါ သင်ရုံမျှမက သိသိသာသာလည်း သွန်သင်ပေးသင့်ပါသည်။ တစ်ဦးနှင့်တစ်သီး သူစိမ်းပြင်ပြင် တစ်ယောက်အကြောင်းတစ်ယောက်မသိသည့် အနေအထားဖြင့် ကြီးပြင်းလာကြလျင် ပတ်ဝန်းကျင်က ကြားသိသမျှဖြင့်သာ တစ်ဦးအပေါ်တစ်ဦး အမြင်လွဲမှားကြနိုင်ပါသည်။

    ထို့ကြောင့် ကျွန်တော့် စိတ်ကူးယဉ်အိပ်မက် ကျောင်းကလေးတွင် ငြိမ်းချမ်းမှုကိုလိုလားသော မေတ္တာတရားထွန်းကားစေလိုသော လူမျိုးဘာသာ အသီးသီးမှ အနာဂတ်ခေါင်းဆောင်များအား မေတ္တာတရားအကြောင်း အချစ်အကြောင်း ဟန်ပြမဟုတ်ဘဲ စံပြအဖြစ် သွန်သင်ပေးနေမိပါသည်။ ထိုကျောင်းလေးတွင် ဘာသာစုံ လူမျိုးစုံမှ ကျောင်းသားလေးများ တစ်ယောက်အကြောင်းတစ်ယောက် သိစေရန် ဘာသာစုံ လူမျိုးစုံတို့၏ ပွဲတော်များ ဓလေ့ထုံးတမ်းများကို အားလုံးပါဝင် ပျော်ပျော်ရွှင်ရွှင်ဖြင့် စိတ်ကူးယဉ် ကျင်းပပေးနေမိသည်။ ထိုကျောင်းလေးတွင် မည်သည့်ဘာသာတရားတစ်ခုခု၏ လွှမ်းမိုးမှုမှမရှိ သို့သော် အားလုံးသောသူတို့ ကိုယ့်ဘာသာတရားအတွက်ကိုယ် ဂုဏ်ယူ ပျော်ရွှင်တတ်စေရန် ခွင့်ပြုပေးထားသည်။ ကျောင်းစာကြည့်တိုက်တွင်လည်း ဘာသာပေါင်းစုံ လူမျိုးပေါင်းစုံ၏ ချစ်စရာ့ အလှတရားများကို ဖော်ညွှန်းထားသည့် စာအဆိပ်မသင့်မည့် စာကောင်းပေမွန်များ ထားပေးထားချင်သည် တစ်ချိန်ချိန် ဦးဆောင်သူများ ဖြစ်လာကြသည့်အခါ ချစ်ချစ်ခင်ခင် နားလည်မှုရှိရှိ ရွှေလက်တွဲလျက် တိုင်းပြည်ကို ထူထောင်သူများ ဖြစ်စေရန် မတူညီခြင်းကို ပြသနာအဖြစ် မရှုမြင်ဘဲ မတူကွဲပြားခြင်း၏အားကို အသုံးချတတ်သူများ ဖြစ်စေရန် သွန်သင်ပေးချင်လှပါသည်။ ဘာသာစုံ လူမျိုးစုံမှ ဆရာများကလည်း စံနမူနာလက်တွဲကာ ငြိမ်းချမ်းခြင်း အလှတရားကို ဖော်ဆောင်ပေးနေသည့် စံပြကျောင်းလေးကို စိတ်ကူးယဉ် အကောင်အထည် ဖော်နေမိသည်။

    “There is no place for hate in our school အမုန်းတရားအတွက် တို့ကျောင်းမှာ နေရာမရှိ”ဆိုသည်မှ နောက်တဆင့်တက်ကာ “There is no place for hate in our society အမုန်းတရားအတွက် တို့အသိုင်းအဝိုင်းမှာ နေရာမရှိ” “There is no place for hate in our country အမုန်းတရားအတွက် တို့နိုင်ငံမှာ နေရာမရှိ” “There is no place for hate in our world အမုန်းတရားအတွက် တိုကမ္ဘာမှာ နေရာမရှိ”ဆိုသည့် အဆင့်ဆင့် တက်လှမ်းချင်မိသည်။

    ကလေးများနှင့်နေရသော ကျောင်းဆရာတစ်ဦး၊ ရင်သွေးငယ်ရှိသော ဖခင်တစ်ဦး၏     စိတ်ကူးယဉ် အိပ်မက် ဖြစ်ပါသည်။ ကလေးကလားဆန်သည် ဆိုချင်ဆိုနိုင်ပါသည်။ လက်တွေ့ ဖြစ်လာဖို့ကတော့ “ပြိုင်တူ တွန်းလျင် ရွေ့နိုင်ပါသည်” ဟူ၍သာ။

  • မှတ်ဥာဏ်ကောင်းချင်လား၊ 3D ဂိမ်းကို နေ့စဉ် နာရီဝက်ကစားပါ

    ဒီဇင်ဘာ ၂၀၊ ၂၀၁၅
    M-Media
    game

    – တစ်နေ့ကို 3D ဂိမ်း နာရီဝက်လောက်ကစားတာဟာ မှတ်ဥာဏ်ကို ပိုမိုအားကောင်းစေပြီး မေ့လျော့တာတွေ နည်းသွားစေမယ်လို့ အမေရိကန် လေ့လာမှုတစ်ရပ်က ဆိုပါတယ်။

    နှစ်ပတ်တာပြုလုပ်ခဲ့တဲ့ အဲဒီလေ့လာမှုမှာ သုတေသနပညာရှင်တွေဟာ အခုမှဂိမ်းစကစားဖူးသူ ၆၉ ဦးကို 2D ဂိမ်း Angry Birds နဲ့ 3D ဂိမ်း Super Mario 3D World ကို နေ့စဉ် နာရီဝက်ကြာ ကစားစေခဲ့ပါတယ်။ စမ်းသပ်မှုအစနဲ့ အဆုံးမှာ ရရှိခဲ့တဲ့မှတ်တမ်းတွေအရ 3D ဂိမ်းကစားတဲ့သူတွေဟာ မှတ်ဥာဏ်တိုးတက်လာတာကို တွေ့ခဲ့ရပါတယ်။

    “3D ဂိမ်းတွေဟာ 2D ဂိမ်းတွေထက် သူတို့အတွက် ပိုပြီး တာသွားပါတယ်” လို့ စမ်းသပ်မှုရလဒ်ကို ပူးတွဲရေးသားခဲ့သူ ခရေ့ဂ်ျ စတာ့က်က ဆိုပါတယ်။ သူဟာ အမေရိကန်ပြည်ထောင်စု အာရ်ဗင်းမြို့မှာရှိတဲ့ ကယ်လီဖိုးနီးယားတက္ကသိုလ်က အာရုံကြောဆိုင်ရာ ပညာရှင်တစ်ဦးလည်း ဖြစ်ပါတယ်။

    “အဲဒီမှာ ရှုထောင့်တစ်ခုရှိပါတယ်။ ဘာလဲဆိုတော့ အကွာအဝေးပမာဏ – ဈာန်ဝင်စားနိုင်တဲ့ပမာဏပါ။ 3D ဂိမ်းကိုကစားရင် ကိုယ်က တကယ်ဝင်ပါနေရသလို ခံစားရမယ်။ ဒါမှမဟုတ် အမှတ်မထင် မှတ်မိလိုက်တာမျိုးလည်း ရှိပါတယ်။ 2D ဂိမ်းတွေမှာ မြင်ရတဲ့အရာတွေက ရုပ်သေဖြစ်နေတဲ့အခါ ဈာန်ဝင်စားမှုက သိပ်မရှိတော့ပါဘူး”

    အဲဒီ စမ်းသပ်မှုဟာ 3D ဂိမ်းတွေက မှတ်ဥာဏ်တိုးတက်မှုအတွက် ရည်ရွယ်ဆောင်ရွက်တာမျိုး မဟုတ်ပေမယ့်လည်း ဒီလိုဂိမ်းတွေကို ကစားခြင်းက ဦးနောက်မှာရှိတဲ့ ဟစ်ပိုကမ်းပက်စ်လို့ခေါ်တဲ့ မှတ်ဥာဏ်နဲ့ဆိုင်တဲ့နေရာကို လှုံ့ဆော်မှုတွေ ဖြစ်စေတယ်ဆိုတာကို တွေ့ရှိခဲ့ရပါတယ်။

    ဘယ်လိုဂိမ်းအမျိုးအစားတွေက သိမြင်မှုကို သက်ရောက်မှုရှိစေလဲဆိုတာကို သိရှိဖို့အတွက် သုတေသနပညာရှင်တွေဟာ အရင်က ဂိမ်းမကစားဖူးတဲ့ အသက် ၁၈ နှစ်ကနေ ၂၂ နှစ်ကြားရှိတဲ့ လူငယ်တွေကို စုဆောင်းခဲ့ပြီး ကျောင်းဖွင့်ရက်တွေမှာ ၁၀ ရက်လောက် ဂိမ်းကစားစေခဲ့ပါတယ်။

    နှစ်ပတ်ကြာတဲ့ စမ်းသပ်မှုပြီးခဲ့အခါမှာ ဦးနှောက်က ဟစ်ပိုကမ်းပက်စ်ပိုင်းကို နေ့စဉ်မြင်နေရတဲ့ ပစ္စည်းတွေနဲ့ စမ်းသပ်ခဲ့ပါတယ်။ အဲဒီနောက်မှာတော့ အဲဒီပစ္စည်းတွေရယ်၊ သူနဲ့ နည်းနည်းလောက်ပဲ ကွဲပြားတဲ့ ပစ္စည်းတွေရယ်ကို ယှဉ်ပြပြီး ခွဲခြားခိုင်းခဲ့ပါတယ်။

    အဲဒီစမ်းသပ်မှုမှာ 3D ဂိမ်းကစားသူတွေဟာ မှတ်ဥာဏ် ၁၂ ရာခိုင်နှုန်း တက်လာကိုတွေ့ရပြီး အသက် ၄၅ နဲ့ ၇၀ အကြား လူတွေ မှတ်ဥာဏ်ကျဆင်းမှုပမာဏနဲ့ သွားညီနေပါတယ်။

    ဒီစမ်းသပ်မှုဟာ ကြီးမားတဲ့ စမ်းသပ်မှုမဟုတ်ဘဲ၊ 2D၊ 3D ဂိမ်းဆိုတာထက်၊ စမ်းသပ်တဲ့ဂိမ်းနှစ်ခုက ရှုပ်ထွေးမှု အတိုင်းအတာကလည်း ကစားပြီးနောက်ပိုင်းပြုလုပ်တဲ့ မှတ်ဥာဏ်စမ်းသပ်မှုမှာ အနည်းဆုံး ကွာခြားမှုတစ်ချို့ ရှိနိုင်တဲ့ နောက်ထပ်ကန့်သတ်ချက်ဖြစ်နေတယ်လို့ သုတေသနပညာရှင်တွေက ၀န်ခံခဲ့ပါတယ်။

    နောက်ပိုင်း လူငယ်တွေနဲ့ လူကြီးတွေမှာ စမ်းသပ်မှုဟာလည်း ရလဒ်မတူနိုင်တာမျိုးတွေ ရှိနိုင်တယ်လို့ဆိုပြီး၊ အတွေ့အကြုံရင့်ကျက်တဲ့ ဂိမ်းသမားတွေဆိုရင်လည်း ရလဒ်က ကွဲပြားနိုင်ပါသတဲ့။

    “ဂိမ်း စကစားတဲ့သူတွေနဲ့ အထူးသဖြင့် ထိုးထွင်းသိမြင်ဥာဏ် နည်းပါးတဲ့သူတွေအတွက်ပဲ ဒါက သက်ရောက်မှု ကြီးကြီးမားမားရှိမယ့်ပုံပါပဲ။ ဒါပေမယ့် တကယ်လို့များ ဂိမ်းဟာ အဆင့်တစ်ခုတက်သွားရင်တော့ ကစားသူတွေကလည်း တိုးတက်လာနိုင်တာကြောင့် အကျိုးကျေးဇူးတွေ ဆက်လက်ရရှိနိုင်မှာပါ” လို့ လေ့လာမှုမှာပါဝင်ခဲ့တဲ့ ဒေါက်တာ အဒမ် ဂက်ဇာလေးက ပြောကြားခဲ့ပါတယ်။

    3D ဂိမ်းကစားတာဟာ မှတ်ဥာဏ်ချို့ယွင်းတဲ့ဝေဒနာတွေ ခံစားနေရတဲ့ လူကြီးတွေအတွက် အကျိုးရှိမလားဆိုတာကို ရှင်းပြနိုင်တဲ့၊ အတည်ပြုနိုင်တဲ့ သုတေသနတွေ ထပ်ပေါ်လာဖို့လည်း အလားအလာရှိနေပါတယ်။

    ဒါပေမယ့် ဂိမ်းကစားခြင်းဟာ မှတ်ဥာဏ်တိုးတက်ဖို့အတွက် ပြီးပြည့်စုံတဲ့ဆေး မဟုတ်ဘူးလို့ လေ့လာမှုမှာ ပါဝင်ခြင်းမရှိတဲ့ ပညာရှင် ပရီမက်က ဆိုပါတယ်။

    “မှတ်ဥာဉ်လျော့နည်းလာတဲ့ လူတွေကြားထဲမှာ ဘ၀အခြေအနေတွေလို တိုးတက်မှုမျိုးတွေ တွေ့ရတယ်ဆိုတဲ့ အရာတွေ အများကြီးရှိပါတယ်။ အဲဒါတွေထဲမှာ အခြားသူတွေနဲ့ လူမှုရေးရာတွေကို ထဲထဲဝင်ဝင်ဆောင်ရွက်ပေးတာ ပုံမှန်လေ့ကျင့်ခန်းလုပ်တာတွေ ပါဝင်ပါတယ်။ ဒီ လှုပ်ရှားမှုအခြေခံ ကုသမှုတွေကို အနှုတ်လက္ခဏာဆောင်တဲ့ သက်ရောက်မှုဖြစ်စေမယ့် ရှုထောင့်ကနေ 3D ဂိမ်းကို ထည့်သွင်းလာတာ သိပ်တော့မကောင်းပါဘူး” လို့ ပရီမက်က ပြောကြားခဲ့ပါတယ်။

    (Channelnewsasia တွင် ဖော်ပြခဲ့သည့် 3D video games may be good for your memory ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်။)

  • နတလ အနာဂတ် ဘယ်ကို ဦးတည်နေသလဲ (Investigative Report)

    နတလ အနာဂတ် ဘယ်ကို ဦးတည်နေသလဲ (Investigative Report)

    11226915_1663726133897753_4389272625639030176_n

    Root Investigative Agency ( မင်းမင်း ၊ မိုးအောင် )

    မော်လဝီ ဦးထုပ်ဆောင်းထားပြီး၊ အသက်ငါးဆယ့်ရှစ်နှစ်အရွယ်ရှိတဲ့ ရခိုင်မူဆလင် ဦးဆွေယော်ဒူလာဟာ တစ်ချိန်က သူရဲ့ပိုင်ဆိုင်မူတွေကို တုန်ယင်ယင်နဲ့ လက်ညိုး ထိုးပြနေပါတယ်။ သူညွန်ပြနေတဲ့ အရပ်ဟာ မောင်တောမြို့နယ် ခရေမြိုင်ကျေးရွာ တည်ရှိတဲ့ အရပ်ဒေသတွေကိုပဲ ဖြစ်ပါတယ်။ အဲဒီရွာလေးဟာ ခြေတံတို အိမ်ငယ်လေးတွေနဲ့ ပုံစံတူ ဆောက်လုပ်ထားတာကို မြင်တွေ့ရပါတယ်။

    အဲဒီမြေတွေဟာ တစ်ချိန်က သူ ပိုင်ဆိုင်ခဲ့တဲ့ လယ်ယာမြေတွေဖြစ်ပြီး ခုချိန်ခါ မပိုင်ဆိုင်တော့ဘူးလို့ သူက နှမြောတသစွာ ဆိုပါတယ်။

    “ အဲဒီ ပုံစံတူ ဆောက်လုပ်ထားတဲ့ အိမ်တွေကို အစိုးရ တည်ဆောက်တဲ့အခါ ကျနော်ရဲ့ လယ်တွေပါ ပါသွားပါတယ်။ သိရတာက စည်းကမ်း ပျက်ယွင်းမှုနဲ့ပဲ သိမ်းတယ်လို့ လူကြီးတွေက ပြောကြပါတယ် ”

    သူ့လို လယ်ယာမြေသိမ်းဆည်းခံရမှုဟာ ဒီဒေသမှာ သူ တစ်ဦးတည်းမဟုတ်ဘဲ သူ့မိတ်ဆွေတွေရဲ့လယ်ယာမြေတွေလည်း ပါဝင်နေကြပါတယ်။ သိမ်းဆည်းခြင်းခံရတာမှာ အနေထား တူနေတာက စည်းကမ်းပျက်ယွင်းမှုဆိုတာပဲ ဖြစ်နေကြပါတယ်။ မောင်တောမြို့နယ် ဒေသဖွံဖြိုးရေး အသင်းက အတွင်းရေးမှူး ဦးမြင့်လှိုင် ကတော့ လယ်ယာမြေသိမ်းဆည်းခံရမှု အများစုဟာ မောင်တောခရိုင် မြောက်ပိုင်းမှာရော တောင်ပိုင်းမှာရော ဖြစ်ပေါ်ခဲ့တယ်လို့ သူက ဆိုပါတယ်။

    အထူးသဖြင့် နိုင်ငံတော်အစိုးရက စီစဉ်တဲ့ နယ်စပ်ဒေသတိုင်းရင်းသားလူမျိုးများ ဖွံဖြိုးရေးဆိုတဲ့ လုပ်ငန်းစဉ်အောက်မှာ ပါရှိသွားပါတယ်။ အဲဒီ အစီစဉ်က တည်ဆောက်ပေးတဲ့ ရွာတွေကို ဒေသခံတွေက နတလ လို့ပဲ အတိုကောက် ခေါ်ဝေါ်နေကြဆဲပဲ ဖြစ်ပါတယ်။

    #နတလ စီမံကိန်းဆိုတာ

    နယ်စပ်ဒေသ လူမျိုးများနှင့်ဖွံဖြိုးတိုးတက်ရေး စီမံကိန်းဟာ ၁၉၉၄ ခုနှစ်မှာ ပေါ်ပေါက်လာခဲ့ပါတယ်။ ရည်ရွယ်ချက် ပေါ်လစီက နယ်စပ်ဒေသတွေရဲ့ လူမျိုးရောထွေးမှုနဲ့ တိုင်းရင်းသားတွေရဲ့ နယ်ရပ်စွန့်ခွာမှုတွေကို ဖြေရှင်းရအောင်လို့ပါ။

    ဒီစီမံကိန်းဟာ မြန်မာနိုင်ငံထဲမှာ ကချင်ပြည်နယ်၊ ရှမ်းပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ ရခိုင်ပြည်နယ်တို့မှာလည်း ဖော်ဆောင်ခဲ့တာကို တွေ့ရပါတယ်။ နယ်စပ်ဒေသတွေမှာ နတလ ကျေးရွာတွေအဖြစ် အထူးသဖြင့် ရခိုင်ဒေသမှာ အစ္စလာမ်ဘာ သာဝင် အများစု ရှိတဲ့ မောင်တောခရိုင်တွေမှာ ကျေးရွာတွေ တည်ဆောက်ရင်း မြန်မာပြည်အလယ်ပိုင်းက လူတွေကို ခေါ်ဆောင်လာပါတယ်။

    နတလ ကျေးရွာတွေမှာ ချပေးတဲ့ လူတွေ နေရေးထိုင်ရေး အဆင်ပြေအောင်လို့ နယ်စပ်ဒေသလူမျိုးများနှင့် ဖွံဖြိုးရေးဌာန အနေနှင့် လယ်ယာမြေတွေကို ဖန်တီးပေးထားတယ်လို့ သိရပါတယ်။ မောင်တောခရိုင်မှာရှိတဲ့ လယ်မြေတွေ သိမ်းဆည်းခံရမှုဟာ ဒီဖြစ်စဉ်က စတာလို့ အစ္စလာမ်ဘာသာဝင် တစ်ဦးက ဆိုပါတယ်။ ပြောင်းရွှေ့လာကြတဲ့ နတလ ကျေးရွာတွေအတွက် အိမ်ထောင်စု တစ်စုစီကို လယ် ၂ ဧက နွားနှစ်ကောင်၊ ဆိတ် အစရှိသည်တို့ကိုလည်း နတလရွာမှာ နေထိုင်ကြတဲ့သူတွေက လက်ခံရရှိကြပါတယ်။

    ဒါပေမယ့် အဲ့ဒီရွာသားအများစုဟာ နွား၊ လယ်ယာတွေကို အငှားခံ ရောင်းချကြပြီး သူတို့ကိုယ်တိုင် လုပ်ကိုင်မှု နည်းပါးကြတယ် ဆိုတာကို နတလရွာတွေရဲ့ လေ့လာစုံစမ်းရေး ခရီးတွေအရ သိရှိခဲ့ရပါတယ်။ နတလ ရွာတွေထဲမှာ နာမည်ကြီး ရွာတစ်ရွာဖြစ်တဲ့ မောရ၀တီရွာက ရွာသားဖြစ်သူ ကိုလှမြင့်က အခုလိုဆိုပါတယ်။

    “ အစိုးရက ပေးတဲ့ ပစ္စည်းတွေက လယ်ယာမြေအထောက်အကူပြု ပစ္စည်းတွေ။ ကျုပ်တို့က လယ်မှ မလုပ်ကြတာ။ ဒါကြောင့် ရောင်းချ ငှားရမ်းကြတာပါ။ လယ်နဲ့ မရင်းနှီးတဲ့ ဘ၀ကို လယ်သမားဖြစ်အောင် တွန်းပို့နေသလိုပဲ ”

    နတလ ကျေးရွာတွေကို ထောက်ပံ့ပေးပို့တဲ့ ပစ္စည်းတွေ အသုံးမတည့်မှုတွေနဲ့ ပတ်သက်ပြီး သူတို့ရဲ့လုပ်ငန်းခွင် လိုအပ်ချက်တွေကို အမြဲတမ်း ဆန်းစစ် အချက်အလက် ကောက်ခံနေတယ်လို့ မောင်တောခရိုင် ဦးသန့်ဇင်က ဆိုပါတယ်။

    “ သူတို့တွေ အထောက်အကူဖြစ်အောင် ဘာတွေလုပ်ပေးရမလဲဆိုပီးတော့ အသုံးဝင်မဲ့ အရာတွေကိုပဲ လိုက်ရှာနေပါတယ်”

    #နတလ စီမံကိန်းဘယ်လဲ

    နတလ ကျေးရွာတွေကို စုစည်း ကျေးရွာတွေနဲ့ ရွှေ့ပြောင်းကျေးရွာတွေ ဆိုပြီးတော့ သတ်မှတ်ထားပါတယ်။ စုစည်းကျေးရွာတွေဟာ အထက် မြန်မာပြည်က လူတွေကို စုစည်းပြီး နေရာချပေးထားတာဖြစ်ပြီး ရွှေးပြောင်းကျေးရွာတွေကျတော့ ဘင်္ဂလားဒေ့ခ်ျက စိုးရိမ်ကြောင့်ကြမှုကြောင့် ၀င်ရောက်လာတဲ့ ဒုက္ခသည်တွေလို့ မြန်မာနိုင်ငံအစိုးရက ခေါ်ဆိုပါတယ်။

    နတလ ကျေးရွာမှာ ပြန်လည်စုစည်းပေးတဲ့သူတွေဟာ ဗုဒ္ဓဘာသာဝင်တွေ အများစုဖြစ်နေပြီး အစဉ်အလာ ကိုးကွယ်တဲ့သူတွေများတဲ့ မြောက်ပိုင်း ရခိုင်ဒေသမှာ နေထိုင်ရတာ မပျော်ကြတော့ဘူးလို့ ၁၉၉၅ ကတည်းကနေ မောင်တောခရိုင်ဒေသမှာ ရောက်ရှိနေကြတဲ့ နတလ ရွာသားတွေက ဆိုကြပါတယ်။

    တချို့ဆိုရင်လည်း ပြန်လည် ပြောင်းရွှေ့သွားကြပြီး ရှိတဲ့ဟာတွေကို ရောင်းချပြီးရင် ပြန်လည်ဝင်လာကြတဲ့ ဖြစ်စဉ်တွေလည်း ရှိတယ်လို့ ဦးသန့်ဇင်က အတည်ပြု ပြောဆိုပါတယ်။

    “ ကျွန်တော်တို့ကျတော့ ရန်ကုန်ဘက်က သူတွေကို စုတာ မဟုတ်ဘူးလေ ဒီဒေသကို ရောက်ရှိလာတဲ့ လူတွေကိုပဲ ထောက်ပံ့နေရာ ချပေးတာ ဆိုတော့ ဒီကို ပြန်ပြီးတော့ ၀င်ရောက်လာကြတဲ့ သူတွေ အပိုင်းကျတော့ စာရင်းကောက်ခံတဲ့သူတွေနဲ့ပဲ သက်ဆိုင်တယ်။ ”

    ယဉ်ကျေးမှု အနေအထားမတူလို့ ပြန်လည်ထွက်ခွာသွားတဲ့သူများလည်း ရှိကြပါတယ်။ ၂၀၁၂ အရေးအခင်းတုန်းက ဖြစ်စဉ်တချို့မှာ နတလ ရွာတွေပါ ပါဝင်ခဲ့ရပြီး အဲ့ဒီလိုဖြစ်စဉ်မျိုး ပြန်လည်ပေါ်ပေါက်လာမှာကိုလည်း စိုးရိမ်နေတဲ့ နတလ ရွာသားတွေရှိကြပါတယ်။ ဒါပေမယ့် ၂၀၁၂ အပြီးမှာ အစိုးရက ဘင်္ဂလားဒေ့ရ်ှက ဗုဒ္ဓဘာသာဝင်တွေ ရခိုင်မျိုးနွယ်စုတွေကို နတလ ကျေးရွာတွေအဖြစ် လက်ခံဆောက်ပေးလိုက်ကြပါတယ်။

    ဒီလိုရွာတွေ တည်ဆောက်ပေးမှုဟာ မောင်တောခရိုင်ဒေသမှာ အစ္စလာမ် ကိုးကွယ်တဲ့သူ အများစုရှိတာကို ဘာသာရေးပါဝါ မျှတာအောင်ဆိုပြီးတော့ ဗုဒ္ဓဘာသာဝင်တွေကို ပိုပြီးအခွင့်အရေးပေးကြတာလားလို့ စဉ်းစားနိုင်ဖွယ်ရှိပါတယ်။

    #နတလ ကျေးရွာသားများပြောသော သူတို့ ဘ၀အကြောင်း

    မောင်တောကနေ သွားရင် ၂၁ မိုင်ခန့် ဝေးပြီး ရှေ့ကို ဆက်သွားရင် တောင်ပြိုမြို့ကို လွန်မြောက်ပြီးတော့ ဘင်္ဂလားဒေ့ရ်ှနိုင်ငံကို ရောက်သွားနိုင်တဲ့ လမ်းကြားထဲက ရန်အောင်မြင်ဆိုတဲ့ နတလ ကျေးရွာငယ်ဟာ အိုးအိမ်ဆိုင်ရာ ဖွံ့ဖြိုးမှုအနေအထားတွေ အားနည်းနေတာ တွေ့ရပါတယ်။ ဒီကျေးရွာမှာ ၂၀၁၂နှစ် နောက်ပိုင်းနဲ့ အဲ့ဒီမတိုင်ခင်က ပြောင်းရွေ့လာကြတဲ့ ဘင်္ဂလားဒေ့ခ်ျမှ ရခိုင်မျိုးနွယ်စုတွေရှိကြပါတယ်။ မတ်စောက်တဲ့ ချိုင့်ဝှမ်းတွေနဲ့ တောင်ကုန်းငယ်တစ်ခုမှာ အိမ်တည်ဆောက်ထားတဲ့ မြိုလူမျိုး ဦးယာလုဟာ ဘင်္ဂလားဒေ့ခ်ျဘာသာစကားပဲ ပြောတတ်ပါတယ်။ သူ့လိုပဲ အများစုဟာ ရခိုင်စကားပြောဆိုတတ်မှု နည်းပါးလွန်းပြီး ဘင်္ဂလားဒေ့ရှ် ဘာသာစကားပဲ ပြောဆိုကြပါတယ်။

    သူ ဒီဒေသကို ပြောင်းရွှေ့လာတာဟာ ဘင်္ဂလားဒေ့ရ်ှနိုင်ငံမှာ အစ္စလာမ်ဘာသာဝင်တွေက သူ့ကို အနှောင့်အယှက်ပေးကြလို့ ပြောင်းရွှေ့လာတာလို့ ပြောပါတယ်။

    “ စိုက်ခင်းတွေကို လာပြီးတော့ ဖျက်ဆီးကြပါတယ်။ အိမ်မှာဆိုရင်လည်း ရှိတဲ့ဟာတွေကို တောင်းရမ်း ငှားယူပြီးရင် ပြန်မပေးကြဘူး။”

    မြိုလူမျိုး ဦးယာလုဟာ ဒီကို ပြောင်းရွှေ့လာတာမှာ သူ့အနေနဲ့ အစိုးရဆီကိုလည်း အသိမပေးရသေးပါဘူး။ သူ့လိုပြောင်းရွှေ့လာတဲ့သူတွေက ဒီနိုင်ငံ အစိုးရဆီက လက်ဆောင်ရတယ်လို့ နတလရဲ့ထောက်ပံ့မှုတွေကို သူ နားလည်သလောက် ဆိုပါတယ်။ သူဟာ အခုဆိုရင် အသက် ငါးဆယ်ကျော်ပြီဖြစ်ပြီး သူငယ်စဉ်တုန်းက ရခိုင်ပြည်နယ်ကို ကြားသာကြားဖူးပြီး ရောက်ရှိခဲ့ခြင်းမရှိခဲ့ပါ။ အခုရောက်ရှိလာတာဟာ ဘင်္ဂလားဒေ့ရ်ှနိုင်ငံက အစ္စလာမ်ဘာသာဝင်တွေနဲ့ ပြောက်ကျားတွေရဲ့ အနိုင်ကျင့်မှုတွေကြောင့် ၀င်ရောက်လာတယ်လို့ဆိုပါတယ်။

    သူ့မှာကျန်ခဲ့တဲ့ လယ်ယာမြေတွေကိုလည်း ဘင်္ဂလားက အစ္စလာမ်ဘာသာဝင်တွေက သိမ်းပိုက်လိုက်ကြပြီလို့ ဆိုပါတယ်။ သူနဲ့ ရင်းနှီးတဲ့ တချို့ မိတ်ဆွေတွေ ဆိုရင်လည်း လယ်တွေကို ရောင်းချပြီး လာလိုပေမဲ့ လူတွေရဲ့အခက်အခဲတွေကို သိပြီး ဈေးနှိမ်မှာစိုးလို့ အချိန်အနည်းငယ် စောင့်ဆိုင်းပြီး ရောင်းမယ်လို့ ပြင်ဆင်နေတယ် ဆိုတာကို သိရပါတယ်။

    သူတို့ဟာ ဘင်္ဂလားဒေ့ရ်ှနိုင်ငံ၊ စစ်တကောင်း ခရိုင်အတွင်းက ကျေးရွာလေးတစ်ရွာကလို့ ဆိုပါတယ်။ သူနှင့် သမီးငယ်နှစ်ဦးအနက် တစ်ဦးဖြစ်တဲ့ ဆူနင်မာလာ ကလည်း ဖခင်နည်းတူ မြန်မာစကား မပြောတတ်ပါဘူး။ အင်္ဂလိပ်ဘာသာစကားကိုတော့ အနည်းငယ် ဖတ်တတ်ပြီး ဒုတိယတန်းအထိ သင်ယူခဲ့တယ်လို့ သိရပါတယ်။ အသက် ၁၂ နှစ်အရွယ်ရှိတဲ့ ဆူနင်မာလာက ဘင်္ဂလားဒေ့ရ်ှဘာသာစကားနဲ့ “ကျောင်းတော့ ဆက်တက်ချင်ပါသေးတယ်။ ဒီမှာနေရတာ မပျော်ဘူး။ ဟိုမှာဆိုရင်လည်း ကျောင်းတက်ဖို့သွားရင် ခဲပစ်၊ ဆဲဆိုခြင်း အမျိုးမျိုးတွေနဲ့ နှောင့်ယှက်ကြတယ်။ ဒီမှာလည်း အဲဒီလို ထပ်ဖြစ်မှာကို ကြောက်တယ်။ ”

    အလှမယ် လို့ မြိုဘာသာစကားနဲ့ အမည့်မှည့်ထားတဲ့ သူမက နာမည်နဲ့ တကယ်ကို လိုက်ဖက်လှပါတယ်။ သူအနေနဲ့ ဘ၀ မျှော်လင့်ချက်ကို မရေရာတဲ့ အငွေ့အသက်ပါရှိတဲ့ ထင်မြင်ချက်နဲ့ ပြောပါတယ်။ ဆူနင်မာလာ ဟာ စစ်တွေ၊ မြောက်ဦး စတဲ့ ရခိုင်ပြည်နယ်က မြို့တွေကို အရမ်းပဲ သွားချင်နေပါတယ်။ သူ့အနေနဲ့ သွားမယ်ဆိုရင်လည်း အလွယ်တကူ သွားနိုင်ပေမယ့် ဘာသာစကား မကျွမ်းကျင်တာ၊ နယ်မြေမကျွမ်းကျင်မှု စတဲ့အရာတွေက အခက်အခဲရှိတယ်လို့ ပြောပါတယ်။ ဒါပေမယ့်လည်း ဒေသခံ ဗုဒ္ဓဘာသာဝင်တွေ ဖြစ်တဲ့ ရခိုင်လူမျိုးတွေရဲ့ သွင်ပြင်နဲ့ တူညီနေတာကြောင့် အစစ်အဆေးမရှိ သွားနိုင်ပါတယ်လို့ သူ့ ဖခင်က ဆိုပါတယ်။

    ထိုသို့ ပညာတစ်ပိုင်းတစနှင့် ဘ၀အာမခံချက် လိုလားသူများအတွက် မဖွံ့ဖြိုးတဲ့ ဒေသတွေမှာ ဖြစ်ပေါ်နေကြအတိုင်း လူကုန်ကူးခံရမှုနှင့် လိင်လုပ်ငန်းတွေ တွင်ကျယ်လာမှုလည်း ဖြစ်ပေါ်လာနိုင်ဖွယ် ရှိပါတယ်။

    လူကုန်ကူးခံရမှု လုပ်ငန်းမှာလည်း မောင်တောဒေသ၌ ဖြစ်ပွားမှု မရှိသေးဘဲ နတလ ရွာများအား လူစိမ်းများ ၀င်လျှင် သိရှိနိုင်ရန်လည်း သတင်းပေးပို့နိုင်ရန် သတင်းပေးများ ခန့်အပ်ထားသည်ဟု နတလ ခရိုင်မှူး ဦးသန့်ဇင်က ဆိုပါတယ်။

    လိင်လုပ်ငန်း လုပ်ကိုင်မှုတွေဟာ နတလ ရွာတွေမှာ မဟုတ်ဘဲ တခြားနေရာက သူတွေ လိင်လုပ်ငန်းလုပ်နေကြတာကို လိုက်လံဖမ်းဆီးရာမှ အဲဒီလူတွေက နတလရွာကို ရှောင်ပုန်းပြေးတာကြောင့် နတလ ရွာတွေ လိင်လုပ်ငန်း လုပ်ကိုင်တယ်ဆိုပြီး အမည်တွင်ခဲ့မှုလည်း ရှိခဲ့တယ်လို့လည်း သူက ရှင်းပြပါတယ်။

    #ဘင်္ဂလားဒေ့ရ်ှနိုင်ငံသား ရခိုင်တိုင်းရင်းသားများအပေါ် ဒေသခံများ၏ ခံစားချက်

    စိုးရိမ်ပူပန်မှုအရ ပြောင်းရွှေ့လာသူလို့ ခေါ်ဝေါ်ကြတဲ့ ဒုက္ခသည်တွေထဲမှာ ရခိုင်မျိုးနွယ်စုတွေဖြစ်တဲ့ မြို၊ သက်၊ ဒိုင်းနက်၊ ရခိုင် စသည်တို့ ပါရှိပါတယ်။ ပြောင်းရွှေ့လာသူ အများစုဟာ တစ်ဘက်နိုင်ငံရဲ့ နိုင်ငံသားတွေဖြစ်ကြပါတယ်။ မြန်မာနိုင်ငံတော် အစိုးရအနေနဲ့ အုပ်ချူပ်သူတွေက ဒီလို တစ်ဖက်နိုင်ငံသားတွေကို အလွယ်တကူ လက်ခံနေတာဟာ နားမလည်နိုင်စရာ ဖြစ်တယ် လို့ အလယ်သံကျော် ကျေးရွာက အစ္စလမ် ဘာသာဝင်ဖြစ်တဲ့ ဦးဆွေယောဒူလာက ပြောပါတယ်။

    “ကျွန်တော်တို့ကျတော့ ဒီမှာ ငယ်ငယ်လေးကနေ နေလာတာ။ နိုင်ငံသား မဟုတ်ဘူးတဲ့။ ဘင်္ဂလားဒေ့ရ်ှနိုင်ငံက ခိုးဝင်လာသူတွေကျတော့ ဘာမှ မပြောဘူး။ နေစရာပေးတယ်။ အလုပ်အကိုင်ပေးတယ်။ ဒါဟာ ကိုးကွယ်တဲ့ ဘာသာကြောင့်များလားလို့ ကျူပ် ထင်တယ်။ ”

    ဦးဆွေယောဒူလာ ယူဆသကဲ့သို့ပင် တစ်ခြားသော အစ္စလမ်ဘာသာဝင်များ ကြားတွင်လည်း နိုင်ငံသားဖြစ်ခွင့်ကို အလွယ်တကူ ရရှိလာနိုင်သည့် ဘင်္ဂလားဒေ့ရ်ှနိုင်ငံမှ ၀င်ရောက်လာသူများအား နိုင်ငံသားဖြစ်ခွင့် ရရှိသွားခြင်းသည် ဗုဒ္ဓဘာသာဝင် ဖြစ်သောကြောင့် ဟု အလွယ်တကူ လက်ခံ နားလည်ထားကြသည်။

    ရခိုင်ပြည်နယ် အစိုးရအဖွဲ့ သတင်းနှင့် ပြန်ကြားရေးဆပ်ကော်မတီ ဥက္ကဌ ဦးလှသိန်းက ဘင်္ဂလားဒေ့ရ်ှနိုင်ငံမှ စိုးရိမ်ပူပန်မှုကြောင့် ပြောင်းရွှေ့လာကြသော ရခိုင်မျိုးနွယ်စုများအား ပြန်လည်လက်ခံခြင်းသည် အမျိုးသားရေးတာဝန်တစ်ရပ်အရ လုပ်ဆောင်ရခြင်းဖြစ်ကြောင်း သူက ဆိုသည်။

    #နိုင်ငံသားပြုမှုဆိုင်ရာနှင့် ဘာသာရေး ခွဲခြားမှုများ နောက်ကွယ်

    ဘင်္ဂလားဒေ့ရ်ှမှ ၀င်ရောက်လာသည့် ရခိုင်မျိုးနွယ်စုများသည် ၂၀၁၅ ရွေးကောက်ပွဲတွင် မဲထည့်ပိုင်ခွင့် မရှိသေးသော်လည်း ကြားဖြတ်ရွေးကောက်ပွဲနှင့် ၂၀၂၀ ပြည့်နှစ် ရွေးကောက်ပွဲများတွင် မဲထည့်ပိုင်ခွင့် ရှိသူများ ဖြစ်လာနိုင်ကြသည်။ လက်ရှိအခြေအနေတွင် မောတောခရိုင် မဲဆန္ဒနယ်အတွင်း၌ အစ္စလာမ်ဘာသာဝင်များသည် ယခုလာမည့် ၂၀၁၅ အလွန် လွှတ်တော်ထဲတွင် အသံမဲ့နိုင်ခြေရှိသည်။ ၎င်းတို့အား ကိုယ်စားပြုမည့် ပါလီမန် အမတ်လောင်း ပါတီများက လွှတ်တော်ထဲသို့ ၀င်ရောက်ခွင့် မရှိနိုင်တဲ့ အခြေအနေ ဖြစ်နေကြပါတယ်။
    နိုင်ငံသားဖြစ်မှု ဥပဒေအရ မောင်တောခရိုင်ဒေသအတွင်း ဆန္ဒမဲပေးပိုင်ခွင့်ရှိသူ ၂၀၁၀ ရွေးကောက်ပွဲကာလနှင့် နှိုင်းယှဉ်လျှင် ၁၀ ဆ ခန့် လျော့နည်းကွာဟသွားတယ်လို့ ခရိုင်ကော်မရှင် ဦးအောင်ကျော်ညွှန့်က ဆိုပါတယ်။

    “၂၀၁၀ တုန်းက ဆန္ဒမဲထည့်ပိုင်ခွင့်ရှိသူ ၅ သိန်း၊ ခုကျတော့ ၅ သောင်းပဲ ဖြစ်သွားပြီ”

    မောင်တောခရိုင်ရဲ့ အနေအထားအရ ဒီအခြေအနေတွေဟာ ဆူပူမှုကို ဖြစ်ပေါ်လာနိုင်တယ်လို့ ယူဆရပါတယ်။ လုံခြုံရေးအရ စိုးရိမ် ကြောက်လန့်ဖွယ်ရာ စကားများကိုလည်း ပြည်နယ်အစိုးရရဲ့ အထက်အရာရှိပိုင်းများက ပြောဆိုနေကြပါတယ်။ လုံခြုံရေးအပေါ် စိုးရိမ်စိတ်ဖြင့် ပြောဆိုချက်များဟာ နတလ ကျေးရွာတွေအတွင်းမှာ တွေးပြီး ကြောက်လန့်နေကြတဲ့ သူတွေ ရှိပါတယ်။

    ဘင်္ဂလားဒေ့ရ်ှမှ စိုးရိမ်စိတ်ကြောင့် ၀င်ရောက်လာကြတဲ့ ဒုက္ခသည်များဟာ မောင်တောဒေသမှာလည်း တစ်ဖက် အစ္စလာမ် ဘာသာဝင်များရဲ့ ဘင်္ဂလားဒေ့ရ်ှမှာ သူတို့ နေထိုင်ခဲ့စဉ်ကကဲ့သို့ အနှောင့်အယှက်ပေးနိုင်မယ်ဆိုတာကိုလည်း သံသယရှိနေဆဲ ဆိုတာ တွေ့ရှိရပါတယ်။ ဒီ မေးခွန်းနဲ့ ပတ်သက်ပြီး မေးမြန်းမှုတွေထဲမှာ ဖြေဆိုသူတစ်ဦးဖြစ်တဲ့ ခရေမြိုင်ကျေးရွာသူ ဒေါ်အေးငြိမ်းက ဝေခွဲမရစွာဖြင့် သူ့ရဲ့ ယူဆချက်ကို မပြတ်မသား ပြောပါတယ်။

    “ဟိုမှာထက်စာရင် ဒီမှာ အနှောင့်အယှက် နည်းမယ် ထင်လို့ပါ။ ဒါကြောင့် ရခိုင်ပြည်ကို ၀င်ပြီး ခိုလှုံလာကြတာပါ။ အဓိက အကြောင်းအရင်းကတော့ ဗုဒ္ဓဘာသာဝင်တွေရဲ့ နိုင်ငံဖြစ်နေလို့ပါ။”

    စံပယ်မြိုင်၊ မောရ၀တီ၊ ရွှေဗဟို၊ အလယ်သံကျော် ကျေးရွာများတွင်လည်း လုံခြုံရေးများ နေရာချထားပါတယ်။ သေနတ်သံများ မကြာမကြာ ကြားရတယ်လို့ နှစ်ဘက်လူ့အဖွဲ့အစည်း နှစ်ခုစလုံးက ဆိုကြပါတယ်။ ဓါးပြတိုက်မှု ဖြစ်စဉ်များလည်း ရံဖန်ရံခါ ရှိတတ်တယ်လို့ အလယ်သံကျော် ကျေးရွာမှ အစ္စလာမ်ဘာသာဝင် တစ်ဦးဖြစ်သူ ဦးဆွေယော်ဒူလာ က ဆိုပါတယ်။

    မောင်တောခရိုင်မှာ ချပေးထားတဲ့ နတလ ကျေးရွာတွေမှ အစ္စလာမ်ဘာသာဝင်တွေ လုံးလုံး ပါဝင်တာကို မတွေ့ရပါဘူး။ ဒါဟာ အစ္စလာမ် ဘာသာကို ကိုးကွယ်တဲ့သူတွေများတဲ့ မောင်တောဒေသမှာ နိုင်ငံရေးအရ ဘာသာရေးပါဝါကို ထိန်းကျောင်းပြီး လူမျိုးရေးစနစ်တစ်ခုကို လည်ပတ်တာလို့ ယူဆနိုင်ဖွယ်ရှိပါတယ်။

    #စစ်ရေးအရ အရေးပါလာမည့် နတလ ကျေးရွာများ

    မြန်မာ့ထိပ်တန်း စစ်အရာရှိဟောင်းတစ်ဦးရဲ့ ထုတ်ဖော်ပြောကြားချက်အရ မောင်တောခရိုင်ဒေသမှာရှိတဲ့ နတလ ရွာတွေဟာ စစ်ရေးအရ လုံခြုံရေးအနေအထားမှာ ရှိတယ်လို့ ဆိုပါတယ်။ နိုင်ငံတော် အစိုးရအနေနဲ့ နယ်စပ်ဒေသတိုင်းရင်းသားလူမျိုးများ ဖွံ့ဖြိုးရေးအစီအစဉ်မှာ အထက်မြန်မာပြည်ဘက်က လူတွေကို မခေါ်ယူတော့ဘဲ တစ်ဖက်နိုင်ငံက ရခိုင်လူမျိုးတွေကို လက်ခံနေရာချပေးနေတာကို တွေ့ရပါတယ်။

    ပြီးတော့ သူတို့တွေထဲက တချို့ဟာ မောင်တောဒေသခံ ဗုဒ္ဓဘာသာဝင်တွေရယ်၊ ရခိုင်ဒေသမှာရှိတဲ့ ရခိုင်တွေအတွက်ပါ ပိုပြီး ရင်းနှီးကျွမ်းဝင်မှု ရအောင် တိုင်းပြည်အပေါ် အနစ်နာခံလိုစိတ် ပြင်းပြနေကြပါတယ်။ ဒီနေရာမှာ ၂၀၁၂ အရေးအခင်းအပြီး ရခိုင်တွေ ကျယ်ပြန့်စွာ မောင်တော နယ်စပ်မှာ ၀င်ရောက်လာမှုနှင့်အတူ ရခိုင်လက်နက်ကိုင်တပ်ဖြစ်တဲ့ ကချင်ပြည်နယ်အခြေစိုက် ရက္ခိုင်တပ်မတော် (AA) က အသံတစ်ခု ထွက်ရှိလာပါတယ်။

    ရက္ခိုင်တပ်မတော် (Arakan Army – AA) က ရေပြင်၊ မြေပြင်၊ ဝေဟင် ကာကွယ်ရန် ရခိုင်ပြည်တွင် အခြေစိုက်ရန် အသင့်အနေအထား ရှိနေခဲ့ပြီဟု ၂၀၁၄ ခုနှစ် ဧပြီလထဲမှာ ပြုလုပ်ခဲ့တဲ့ ရခိုင်အမျိုးသား ကျောက်ဖြူညီလာခံမှာ တရားဝင် ထုတ်ဖော်ပြောဆိုခဲ့ပါတယ်။ ဒီလို ထုတ်ဖော်ပြောဆိုမှုဟာ AA တပ်မတော် အနေနဲ့ သူတို့ရဲ့ နယ်စပ် တပ်သားအင်အားကို ဘင်္ဂလားဒေ့ရ်ှက ၀င်ရောက်လာတဲ့ ရခိုင်မျိုးနွယ်စုတွေကို အသုံးချမလားဆိုတာကို တွေးကြည့်ရမှာပါ။

    မောင်တောခရိုင်တောင်ပိုင်း ရွှေဗဟိုမှာ နေထိုင်တဲ့ မောင်မောင် (အမည်လွှဲ) က သူ့လက်ညိုးကို သေနပ်ပစ်သလို ကွေးပြရင်း “ဒါကိုရရင် ငါတို့ပြည်ကို ငါတို့ ရပြီ။ ဒီမှာ စားဝတ်နေရေးကျပ်ရင် အဲဒီတပ်ဆီကို ၀င်သွားမယ်” ဟု သူက ဆိုပါတယ်။

    သြဂုတ်လရဲ့ နောက်ဆုံးသီတင်းပတ်တွေမှာလည်း ရက္ခိုင်တပ်မတော် (AA) နဲ့ ဘင်္ဂလားဒေ့ရှ် နယ်ခြားစောင့်တပ်ကြား တိုက်ပွဲဖြစ်ပွားမှုတွေ ရှိခဲ့ပါတယ်။
    အစိုးရဆီက အထောက်အပံ့ ရယူနေရင်း အလုပ်အကိုင်အခွင့်အလမ်း ရှားပါးနေတဲ့ သူတို့ ဘ၀မှာ ရွေးချယ်စရာတွေလည်း နည်းပါးနေတယ်လို့ သူက ဆိုပါတယ်။ သူတို့ရဲ့ အနစ်နာခံလိုစိတ်၊ ရခိုင်တွေကို ချစ်တဲ့ စိတ်ကို ပြလိုတဲ့ သူတို့ဟာ အခွင့်အရေးပေးရင် AA တပ်မတော် သို့မဟုတ် မြန်မာ့တပ်မတော်ထဲကို အချိန်မရွေး ၀င်ရောက် သွားနိုင်ခြေ ရှိကြပါတယ်။

    #နတလ သည် ၀ှက်ဖဲ တချပ်လား

    မောင်တောဒေသမှာ ရှိတဲ့ နတလ ကျေးရွာတွေက ရခိုင်မျိုးနွယ်စုတွေ ၃ နှစ်ပြည့်ပြီးရင် နိုင်ငံသား ပေးလိုက်တာဟာ မောင်တောခရိုင်မှာ ရှိတဲ့ နိုင်ငံသား မဖြစ်ကြရသေးတဲ့ ရိုဟင်ဂျာလူမျိုး အစ္စလာမ်ဘာသာဝင်တွေကို မျက်ကွယ်ပြုရာ ကျနေပါတယ်။ အများစုသော လူမျိုးကို နိုင်ငံရေး၊ ဘာသာရေးအရ အခွင့်အရေး အနည်းငယ်မျှ မပေးခြင်းဟာ ရှင်သန်မှု အကျဉ်းအကျပ်ထဲကို ရောက်ရှိ သွားတဲ့ ဖြစ်စဉ်ပါ။ သေးငယ်သော အစုအဖွဲ့ ခံစားမှုတွေကနေ ကြီးမားသော ပြဿနာ ဖြစ်လာနိုင်တယ်ဆိုတာကို မြန်မာအစိုးရအနေနဲ့ သတိပြုမူသင့်ပါတယ်။

    ၂၀၁၂ ခုနှစ်ကလို အရေးအခင်းများ မောင်တောခရိုင် ပြန်လည် မပေါ်ပေါက်လာနိုင်ဘူး ဆိုတာ ဘယ်သူမှ အာမခံလို့ မရပါဘူး။ တဘက်လူမျိုးနဲ့ တဘက် သေးငယ်တဲ့ မှုခင်းလေးတွေ ရံဖန်ရံခါ ပေါ်ပေါက်နေတယ်ဆိုတာလည်း မောင်တောခရိုင် မှုခင်းမှတ်တမ်းများအရ သိရှိနိုင်ပါတယ်။ နတလ ကျေးရွာကြောင့် လယ်မြေတွေ အသိမ်းခံလိုက်ရတဲ့ ဦးဆွေယော်ဒူလာကတော့ သက်ပြင်းတွေ ချပြီး စဉ်းစားစွာ ပြောဆိုလိုက်ပါတယ်။

    “ကမ္ဘာကြီးမှာရှိတဲ့ နိုင်ငံတစ်ခုစီတိုင်းမှာ မတူညီတဲ့ လူမျိုး၊ မတူညီတဲ့ ကိုးကွယ်သူများ ရှိကြမြဲပါ။ ဒါပေမယ့် သူတို့အနေနဲ့ အဲဒီနိုင်ငံမှာ အကြောင်းအမျိုးမျိုးကြောင့် နေထိုင်လိုခြင်း ရပ်ဆိုင်းခြင်း၊ ဒါမှမဟုတ် နိုင်ငံသားဖြစ်ခွင့် ဆုံးရှုံးခံပြီး အခြားနိုင်ငံတစ်ခုခုရဲ့ နိုင်ငံသားဖြစ်ခွင့် လျှောက်ထားမယ်ဆိုရင်၊ အခြားနိုင်ငံရဲ့ အရိပ်ကို ခိုလှုံမယ်ဆိုရင် ဒါဟာ ဒုက္ခသည်ဆိုင်ရာ လုပ်ထုံးလုပ်နည်းတွေ အဆင့်ဆင့်ကို ဖြတ်ကျော်ပြီးမှသာလျှင် သွားရမှာ ဖြစ်ပါတယ်။ အခုဟာက ဗုဒ္ဓဘာသာ ဖြစ်ရုံမျှ နေအိမ်၊ လယ်မြေ၊ ထွန်ယက်စရာ နွားနဲ့ စားနပ်ရိက္ခာက အစ လိုလေသေးမရှိအောင် ဖြည့်ဆည်းပေးထားပြီး ၃ နှစ်စောင့်ရင် နိုင်ငံသားပြုခွင့်ပေးမယ် ဆိုတာ မြန်မာအစိုးရအနေနဲ့ တရားမျှတပါရဲ့လား”

    #သုံးသပ်ချက်

    ရခိုင်ပြည်နယ်သည် ဒီမိုကရေစီ အစိုးရသစ် တက်လာပြီးချိန်ကစ၍ ပြည်နယ်အတွင်း၌ အတွေးအခေါ်၊ အယူအဆ မတူညီမှုများကြောင့်သော်လည်းကောင်း၊ လူမျိုးရေး အစွဲအလမ်းကြောင့် သော်လည်းကောင်း၊ အချင်းချင်း ပဋိပက္ခများဖြစ်ကာ အဓိကရုဏ်း ဆူပူမှုကြီးများနှင့် ယနေ့တိုင် သံသယအမုန်းမီးများက တောက်လောင်နေဆဲ ဆိုသည်ကို အားလုံး အသိပင် ဖြစ်သည်။

    ရခိုင်ပြည်နယ် ၀န်ကြီးချူပ် အဆက်ဆက် ဖြစ်ကြသည့် ဦးလှမောင်တင်၊ ဦးမောင်မောင်အုန်းနှင့် ယခု ဦးမြအောင်တို့ကလည်း ရခိုင်ပြည်နယ် တည်ငြိမ်အေးချမ်းရေးနှင့် ငြိမ်းချမ်းစွာ အတူယှဉ်တွဲနေထိုင်ရေးအတွက် ကြိုးပမ်းခဲ့ကြသော်လည်း အောင်မြင်မှု မရရှိခဲ့ကြသေး။
    အစ္စလာမ်ဘာသာဝင်များနေထိုင်ရာ ဒေသများသို့ မည်သည့် ဘာသာ၊ မည်သည့် လူမျိုး မဆို အလွယ်တကူ ၀င်ရောက် စီးပွားကူးသန်းခွင့်နှင့် လွတ်လပ်စွာ သွားလာခွင့်များ ရှိနေသော်လည်း အစ္စလာမ်ဘာသာဝင်များအနေနှင့် ကန့်သတ်ခံနေရဆဲ ဖြစ်သည်။

    တစ်ဖက်နှင့် တစ်ဖက် မတူညီသော သဘောထား၊ ခံယူချက်တို့ကို ဆွေးနွေးညှိနှိုင်းကြရာတွင် ငြိမ်းချမ်းစွာ အတူယှဉ်တွဲနေထိုင်ရေးဆိုသော ကိစ္စသည် မလွယ်ကူခြင်းတော့ အမှန်ပင်ဖြစ်သည်။ အထူးသဖြင့် နှစ်ဖက်စလုံးက ရိုးသားဖြူစင်ကြပြီး တစ်ဖက်နှင့် တစ်ဖက်၊ တစ်ဖွဲ့နှင့် တစ်ဖွဲ့ ယုံကြည်မှု တည်ဆောက်နိုင်ပြီး အာဃာတများ ကင်းပျောက်ကြမှသာ ရခိုင်ပြည်နယ် တည်ငြိမ်အေးချမ်းရေးနှင့် ငြိမ်းချမ်းစွာ အတူယှဉ်တွဲနေထိုင်ရေးကို အကောင်အထည်ဖော်နိုင်ကြမည် ဖြစ်သည်။

    သို့ဖြစ်သောကြောင့် ရခိုင်ပြည်နယ် အစိုးရသော်လည်းကောင်း၊ ပြည်ထောင်စု အစိုးရသော်လည်းကောင်း ရခိုင်ပြည်နယ်၏ ထိလွယ်ရှလွယ်သည့် အခြေအနေများ၊ သံသယများ မငြိမ်းသေးချိန်တွင် ဘာသာရေးအရသော်လည်းကောင်း၊ လူမျိုးရေးအရသော်လည်းကောင်း ခွဲခြားအခွင့်ထူးပေးခြင်းဖြစ်စေ၊ ခွဲခြားဖိနှိပ်ခြင်းဖြစ်စေ မပြုလုပ်ရန် အလွန်လိုအပ်ပါသည်။

    — ဤဆောင်းပါးသည် The welcome migrants from Bangladesh အမည်ဖြင့် ၂၀၁၅ ခုနှစ်၊ စက်တင်ဘာလ ၂၃ ရက်စွဲထုတ် မြန်မာနိုင်ငံ အခြေစိုက် နိုင်ငံတကာ မီဒီယာ Frontier Myanmar တွင် ဖော်ပြခြင်းခံရသော RIA ၏ Investigative Report ဖြစ်ပါသည်။

     

    RIA မှ ကူးယူဖော်ပြပါသည် ။