News @ M-Media

Category: ဆောင်းပါး

  • “အရိုင်း”နှင့် “အယဉ်” (အပိုင်း-၂) လူကုန်ကူးနှင့် ကျွန်ပြုခိုင်းစေ ခံနေရသော မြန်မာများ

    “အရိုင်း”နှင့် “အယဉ်” (အပိုင်း-၂) လူကုန်ကူးနှင့် ကျွန်ပြုခိုင်းစေ ခံနေရသော မြန်မာများ

    ဇွန် ၂၉၊ ၂၀၁၅
    M-Media
    “မေတ္တာရှင်” ရေးသည်။

    အပိုင်း(၁) ဖတ်လိုလျှင် =>http://www.m-mediagroup.com/news/42481

    9418420239_8daae5a77b_z

    နိုင်ငံရပ်ခြားမှာ မြန်မာအချင်းချင်း “ရွှေ” တဲ့၊ “ရွှေ”မြန်မာတဲ့ ခေါ်ကြတယ်။
    တကယ်တမ်းမှာ ပကတိရွှေ စစ်စစ်လို့ ဂုဏ်ယူနိုင်လို့လား။
    လက်မထောင် မော်ကြွားနိုင်လို့လား။
    ကျွန်ပြုခိုင်းစေခံနေရသော ဘဝမှာ နွံနစ်ကုန်ကြတာတွေ ဟိုးလေးတကျော် ဖြစ်နေပြီ။
    သာကီသွေးတို့ ဒီအရေးကိုရော တွေးထားဦး။
    အဓိက တွေးထားအုံး။
    အဓိက ဘာလုပ်ရမှာလဲ။
    သာမညတွေကို ဘေးချိတ်လိုက်ရတော့မှာပဲ။ ကမ္ဘာမှာ “ဗမာဟေ့” လို့ရင်ကော့ပြီး ဘာများပြောနိုင်တာရှိပြီတုံး။

    ဒီကနေ့ မြန်မာနိုင်ငံဟာ အဆင်းရဲဆုံး စာရင်းဝင်နိုင်ငံ ဘဝက တက်လှမ်းနေရချိန်ဖြစ်ပါတယ်။ ဒါကြောင့် အမျိုးသမီးများအား ခွဲခြား ဆက်ဆံခံရမှုက လွတ်မြောက်ရေး ဖွံ့ဖြိုးတိုးတက်ရေး၊ စွမ်းဆောင်ရည် တည်ဆောက်ရေးကို မဖြစ်မနေ ကြိုးပမ်းသွားရဦးမည် ဖြစ်ပါတယ်။ အမျိုးသား များနှင့် တန်းတူအခွင့်အရေးရ ရှိရေး ကို ဆက်စပ်ကြိုးပမ်းသွားဖို့ ဖြစ်ပါတယ်။ ဒီကနေ့ အမျိုးသမီးတွေ အဓမ္မပြုကျင့်ခံရမှု၊ လူကုန်ကူးခံရမှု၊ အိမ်တွင်းအကြမ်းဖက်ခံရမှုများကို ကာကွယ်တိုက်ဖျက်သွားဖို့ လိုပါတယ်။ အမျိုးသမီးတွေ အဓမ္မပြုကျင့်ခံရမှုကို ကမ္ဘာနဲ့ချီကြည့်ရင် စိုးရိမ်စရာဖြစ်နေပါတယ်။ မြန်မာနိုင်ငံတွင် လူကုန်ကူးမှု အဓိကဖြစ်ပွားစေတဲ့ အကြောင်းများ ကိုလည်း အခုလိုလေ့လာတွေ့ရှိရပါတယ်။

    (၁) အလုပ်အကိုင်သစ်ရှာဖွေရာမှ လှည့်စားခံရခြင်း
    (၂) သဘာဝဘေး အန္တရာယ်ကြောင့် အလုပ်ကိုင်သစ်များ ရှာဖွေရာမှ လူကုန်ကူးခံရခြင်း
    (၃) မိဘအိမ်ထောင်ရေးပြိုကွဲသူများ စိတ်လေလွင့်ရာမှာ လူကုန်ကူးခံရခြင်း
    (၄) လိမ်လည်လက်ထပ်၍ လူကုန်ကူးခံရခြင်း
    (၅) ပညာအခြေခံနည်းပါးသူနှင့် ဗဟုသုတနည်းပါးသူတို့ လူကုန်ကူးခံရခြင်း
    (၆) ကျေးလက်ဒေသများမှ လှည့်စား၍ လူကုန်ကူးခံရခြင်း
    (၇) မူလ လူကုန်ကူးခံရသူမှ လူကုန်ကူးသူအဖြစ်ပြောင်းလဲကာ နေရာဟောင်းတွင် ရှိသူများကို စည်းရုံး၍ လူကုန်ကူးခြင်း
    (၈) နိုင်ငံရပ်ခြားတွင် တရားမဝင် သွားရောက် အလုပ်လုပ်ရာမှ လူကုန်ကူးခံရခြင်း
    (၉) လူကုန်ကူးသူတို့၏ နည်းလမ်းသစ်များဖြင့် လူကုန်ကူးခံရခြင်း၊ နယ်စပ်ရှိ အနှိပ်ခန်းအလှပြင်ဆိုင် သီဆိုဖျော်ဖြေရေး လုပ်ငန်းမှ မိန်းကလေးများ လူကုန်ကူးခံရခြင်း
    (၁၀) ကလေးသူငယ်များအား လှည့်ဖြား၍ လူကုန်ကူးခံရခြင်း
    (၁၁) ကလေးသူငယ်များအား မွေးစားရန် စည်းရုံးခေါ်ဆောင်၍ လူကုန်ကူးခြင်း
    (၁၂) မလေးရှားမှ ပြည်နှင်ခံရသူများ မြန်မာနိုင်ငံမရောက်မီ ထိုင်းနိုင်ငံအတွင်း ရပ်တည်ရန်ခက်ခဲသည့် အခြေအနေ၌ အနိုင်အထက်ပြု၍ လူကုန်ကူးခံရခြင်း
    (၁၃) ဆင်းရဲမွဲတေမှု ထွက်ပေါက်ရှာရာမှ လူကုန်ကူးခံရခြင်းတို့ဖြစ်ပါတယ်။

    အဲဒီလို လူကုန်ကူးခံရမှု၊ အိမ်တွင်းအကြမ်းဖက်ခံရမှုများကို မြန်မာ အမျိုးသမီးတွေ များစွာကြုံတွေ့နေရပါသေးတယ်။ အခုလို အမျိုးသမီးများ အမျိုးသားများနဲ့ တန်းတူအခွင့်အရေး၊ အမျိုးသမီးများအား ခွဲခြားဆက်ဆံမှုများ ပပျောက်ရေး ကြိုးပမ်းရာတွင် အမျိုးသမီးများဘက်ကလည်း ပြည်ပသို့ စီးပွားရေးနှင့် စားဝတ်နေရေး အခြေအနေများအရ ပြေလည် အဆင်ပြေစေရေး အတွက်သော် လည်းကောင်း၊ ပြည်ပနိုင်ငံများမှ နည်းပညာများနှင့် အတွေ့အကြုံများ ရယူလို၍သော် လည်းကောင်း စသည်ဖြင့် မည်သည့် အကြောင်းကြောင်းကြောင့် ပြည်ပသို့ သွားရောက် အလုပ်ကိုင်ရသည်ဖြစ်စေ မိမိတို့ သွားရောက်လုပ်ကိုင်မည့် လုပ်ငန်း အမျိုးအစားသည် မိမိနှင့်မိမိ မိသားစုအတွက်သော် လည်းကောင်း ဂုဏ်သိက္ခာ ကျဆင်းစေမည့် လုပ်ငန်း အမျိုးအစားများဖြစ်ပါက အဆိုပါဂုဏ်သိက္ခာကို ပြည်ပတွင် မိမိအလုပ် လုပ်ကိုင်ရာမှ ရရှိသည့် အနည်းငယ်မျှသာ ဝင်ငွေမျှဖြင့် လဲလှယ်ခြင်းဌာ မသင့်ချေ။ အကယ်၍ ထိုသို့မဟုတ်ဘဲ မိမိ၏အကျိုးစီးပွား တစ်ခုတည်းကိုသာ ရှေးရှု၍ အိမ်ရှင်နိုင်ငံသားများ ကိုယ်တိုင် မလုပ်ကိုင်သော နိမ့်ကျသည့် အိမ်အကူနှင့် ပျော်တော်ဆက် စသော အလုပ်များအား လုပ်ကိုင်မည်ဆိုပါက၊ ယင်းသို့ လုပ်ကိုင်သူများပြားလာပါက “သခင်မျိုးဟေ့ တို့ဗမာ” ဟုအတိတ်ကာလ ဟစ်ကြွေးခဲ့သော ဆောင်ပုဒ်မှာ မှေးမှိန်သွားမည်ဖြစ်ပါသည်။ သို့ဆိုရင် ဘာကြောင့်မြန်မာ အမျိုးသမီးကောင်းများ ပြည်ပမှာ အိမ်အကူ အဖြစ် သွားရောက် လုပ်ကိုင်နေရတာလဲ အားပေးမှာလား တားဆီးမှာလား စဉ်းစား ဆုံးဖြတ်နိုင်ကြရန် ရေးသား တင်ပြလိုက်ရပါသည်။

    အသက် (၃၀) အရွယ် ကိုကျော်နိုင်သည် တစ်လလုပ်အားခ ဘတ်ငွေတစ်သောင်း ရမည်ဟုဆိုသော ထိုင်း လူကုန်ကူးသူများ၏ ကတိကိုယုံ၍ ဝန်ဆောင်ခ ဘတ်ငွေ ၂၈၀၀၀ (ကျပ်ကိုးသိန်းကျော်) ပေးဆောင်ပြီးနောက် လှေဖြင့် ၁၆ ရက်ကြာခရီးသွားရသော အင်ဒိုနီးရှားနိုင်ငံရှိ ဘန်ဂျီးနားကျွန်းပေါ်သို့ ၂၀၁၂ ဖေဖော်ဝါရီ (၁) ရက်က ရောက်ရှိ ခဲ့သူဖြစ်သည်။

    အင်ဒိုနီးရှားနိုင်ငံ ကျွန်းများပေါ်သို့ ငါးဖမ်းအလုပ်များ သွားရောက် လုပ်ကိုင်နေကြသော ကိုကျော်နိုင် အပါအဝင် မြန်မာရေ လုပ်သား (၅၃၈) ဦးသည် ထိုင်းလူကုန်ကူးသူများ၏ လူကုန်ကူးမှုခံရသောကြောင့် အဆိုပါကျွန်းများပေါ်သို့ ရောက်ရှိ သွားခြင်းဖြစ်သည်။

    နှစ်ရှည်လများပင်ပန်းကြီးစွာ ပင်လယ်ပြင်တွင် လုပ်ကိုင်ခဲ့ရသော်လည်း လုပ်အားခမရဘဲ ခေတ်သစ် ကျွန်ပြုခံရသူများ တွင် မြန်မာရေလုပ်သား (၅၃၈) ဦးအပြင် ထိုင်း၊ ကမ္ဘောဒီးယား၊ လာအိုနိုင်ငံ တို့မှရေလုပ်သားများ လည်း ပါဝင်သည်။

    ကြေးစားဆန်ဆန်လူမိုက်များစောင့်ကြည့်မှုအောက် ရက်ရက်စက်စက် ခိုင်းသောကြောင့် ပင်ပင်ပန်းပန်း လုပ်ကိုင်ရပြီး လုပ်အားခ ပိုက်ဆံမရဘဲ မျှော်လင့်ချက်မဲ့ကာ မိမိကိုယ်ကိုယ်သေကြောင်းကြံစည် သွားသည့် မြန်မာရေလုပ်သားများ ရှိသလို ပင်ပန်းလွန်းကာ ကျန်းမာရေး ချို့တဲ့၍ သေဆုံးသွားသည့်မြန်မာများ အပါအဝင် ရေလုပ်သားများစွာရှိကြောင်း ကိုယ်တိုင်ကြုံရခဲ့သူ ကိုမောင်စိုး ကပြောပြသည်။

    ယင်းကဲ့သို့သေဆုံး၍ မြက်ရိုင်းပင်ရှည်များ တောနွယ်များကြားတွင် အလောင်းမြှပ်ထားရာ မြေပုံ ၆၀ ထက်မနည်း ရှိနေသော သချိင်္ုင်းတစ်ခုရှိနေပြီး သစ်သား ပျဉ်ချပ်ပြားပေါ်တွင် သေဆုံးသူ၏နာမည်များကို သပ်သပ်ရပ်ရပ် ရေးထိုး ထားကြောင်း အေပီသတင်းဌာနက ဖော်ပြထားသည်။ ယခင်ကဆိုလျှင် သဘောင်္များပေါ်ရှိ ကြီးကြပ်သူများသည် အလောင်းများကို ငါးမန်းကိုက်ဖြတ်ဝါးမျိုရန် ပင်လယ်ထဲ ကန်ချခဲ့ကြောင်း ကျေးကျွန်ဟောင်း တစ်ဦးဖြစ်သူ လှဖြိုးက အေပီသတင်းဌာန အားပြောသည်။

    ရေလုပ်သားများအကြောင်းကို အေပီသတင်းဌာနက ၂၀၁၄ တွင်စုံစမ်းထောက်လှမ်းခဲ့ပြီး ၂၀၁၅ မတ်လ ၂၆ ရက်က ဖော်ထုတ် လိုက်သည်။ ထို့ကြောင့် တစ်ကမ္ဘာလုံးက အာရုံစိုက်မိသွားပြီး သက်ဆိုင်ရာနိုင်ငံ အစိုးရများ သိရှိကာ လုပ်သားများကို ချက်ချင်းကယ်တင်မှုများပြုလုပ်၍ ပြန်ပို့ခဲ့ခြင်းဖြစ်သည်။

    ထိုင်းကနေ လှေနဲ့စထွက်တော့ လမ်းမှာ ၁၆ ရက်ကြာတယ်။ ထိုင်းနိုင်ငံတောင်ပိုင်း စူရတ်ဌာနေခရိုင် ချူဖောင်းမြို့ အနီး ဘန်နာ့ကျေးရွာတောထဲ၌ (၃) ရက်ခန့် အစာရေပြတ်လပ်နေသည့် ရွေ့ပြောင်းလုပ်သား မြန်မာနိုင်ငံသား (၇၀) ကျော် ကို မေလ ၈ ရက်နှင့် ၉ ရက်တို့တွင် အဆိုပါနားရွာများမှ ထိုင်းအာဏာပိုင်များသို့ အကြောင်းကြားသဖြင့် ၎င်းတို့မှ ကယ်တင်ခဲ့ရသည့် ဖြစ်စဉ်တစ်ခု ဖြစ်ပွားခဲ့သည်။

    ထို့နည်းတူ အဆိုပါချူဖောင်းတော် အတွင်း စွန့်ပစ်ခံရသည့် မြန်မာနိုင်ငံသား ၁၅၀ ခန့်ကျန်ရှိနေသေးကြောင်း အဆိုပါရွေ့ပြောင်း လုပ်သားများ၏ ထွက်ချက်တွင်ပြောကြားထားသကဲ့သို့ လူမှောင်ခိုပွဲစားများ ထွက်ပြေးရာတွင် အမျိုးသမီး တစ်ဦးနှင့် အသက်ခုနှစ်လအရွယ် ကလေးငယ်တစ်ဦးတို့ကို ဓားစားခံအဖြစ် ခေါ်ဆောင် သွားခဲ့ကြောင်းကိုလည်း ထွက်ဆိုထားပြီး အဆိုပါသားအမိနှစ်ဦးနှင့် ပတ်သက်၍ မေ ၁၃ ရက်တိုင် သတင်းတစ်စုံ တစ်ရာမကြားရသေးချေ။

    ယင်းအပြင် မြန်မာ-ထိုင်းနယ်စပ်ရှိ ကော့သောင်းမြို့နယ် မာရမ်းကျေးရွာ အနီးတွင် တရားမဝင် လူမှောင်ခို ပို့ဆောင်မည့် မြန်မာနိုင်ငံသား (၁၀၀) ကျော်ခန့် လူမှောင်ခိုပွဲစားများမှ ထိန်းထားကြောင်း ထိုင်းနိုင်ငံ အနေဖြင့် မြန်မာနိုင်ငံနှင့် ပူးပေါင်းဆောင်ရွက် သွားမည်ဖြစ်ကြောင်း ထိုင်းအာဏာပိုင်များမှ ဆိုထားသည်။

    အဆိုပါဖြစ်ရပ်နည်းတူ လူကုန်ကူးမှုဖြစ်ရပ်များ၊ လူမှောင်ခို ပို့ဆောင်သည့်ဖြစ်ရပ်များ၊ လူမှောင်ခိုပို့ဆောင်ပြီး သက်ဆိုင်ရာအာဏာပိုင်များ၏ ဖမ်းဆီးမှုများကြောင့် တော၊ ပင်လယ်အတွင်း စွန့်ပစ်မှုများ၊ သတ်ပစ်ခဲ့မှုများနှင့် ဓားစားခံအဖြစ် ခေါ်ဆောင်သွားခြင်းများအစရှိသည်တို့သည် ထိုင်းနိုင်ငံတောင်ပိုင်း ဆွန်ခလာပြည်နယ်တွင် လူကုန်ကူးသူများ မြှပ်နှံထားသည့် ရွှေ့ပြောင်းအလုပ်သမားများ၏ အလောင်းများတွေ့ပြီး နောက်ဆက် တိုက်ဖြစ်ပေါ်ခဲ့ခြင်းဖြစ်သည်။

    ဆက်လက်ဖော်ပြပါမည်။

  • မြန်မာပြည် ပြန်ပို့မှာ ကြောက်ရွံ့နေကြတဲ့ ထိုင်းနယ်စပ်က လူနည်းစု ဒုက္ခသည်များ

    မြန်မာပြည် ပြန်ပို့မှာ ကြောက်ရွံ့နေကြတဲ့ ထိုင်းနယ်စပ်က လူနည်းစု ဒုက္ခသည်များ

    ဇွန် ၂၇ ၊ ၂၀၁၅
    M-Media
    44562cac978642e89bc0f67ca4650d4f_18
    – ထိုင်းနိုင်ငံ နယ်စပ်ရှိ ဒုက္ခသည်စခန်းများတွင် လက်ရှိနေထိုင်နေသော ဒုက္ခသည် ၁၃၀၀၀ ကျော်ကို မူရင်းနိုင်ငံသို့ အလျင်စလိုပြန်ပို့ရေးနှင့် ပတ်သက်၍ မြန်မာနိုင်ငံမှ လူနည်းစု ကရင် လူမျိုးများကို ကိုယ်စားပြုနေသည့် ကရင်အမျိုးသမီးအဖွဲ့ KWO က သတိပေးပြောကြားလိုက်သည်။

    ကမ္ဘာ့ဒုက္ခသည်များနေ့နှင့် တိုက်ဆိုင်စွာ စနေနေ့ (ဇွန်လ ၁၉ ရက်နေ့က) ထုတ်ပြန်သည့် ၎င်းတို့၏ကြေညာချက်တွင် မြန်မာနိုင်ငံ၌ လက်ရှိ ဆက်လက်ဖြစ်ပွားနေသော ပဋိပက္ခနှင့် မြန်မာအစိုးအပေါ် ဒုက္ခသည်များ၏ မယုံကြည်မှုတို့က နေရပ်ပြန့်ပို့ရန် စီစဉ်မှုကို ဆန့်ကျင်သည့် အကြောင်းအရင်းများအဖြစ် ထောက်ပြခဲ့သည်။

    “ကနီဦးအနေနဲ့ ဒုက္ခသည်တွေ နေရပ်စွန့်ခွာရတဲ့ အခြေအနေတွေကို မဖြေရှင်းရသေးပါဘူး။ အပစ်ရပ်ထားတဲ့ ဒေသတွေမှာလည်း  (မြန်မာ)စစ်တပ်က စစ်သားတွေ၊ စစ်လက်နက်တွေ တိုးမြှင့်ချထားလာတာဟာ ပဋိပက္ခကိုကြောက်ရွံ့မှု အောက်မှာ နေထိုင်နေ ရသူတွေရဲ့ ဘ၀တွေကို ခြိမ်းခြောက်နေပါတယ်” ဟု KWO ၏ အဆိုပါကြေညာချက်တွင် ထည့်သွင်းပြောထားသည်။

    မြန်မာနိုင်ငံမှာ ၂၀၁၁ ခုနှစ်က အမည်ခံ အရပ်သားအစိုးရအဖြစ် အသွင်ကူးပြောင်းပြီးနောက်ပိုင်း တိုင်းရင်းသားလက်နက်ကိုင်အများစုမှာ အပစ်ရပ်ရေး လတ်မှတ်ရေးထိုးခဲ့ကြသည်။

    သို့သော်လည်း အဆိုပါလက်နက်ကိုင်အုပ်စုများနှင့် မြန်မာစစ်တပ်တို့အကြား ဆိုးရွားသည့် ထိပ်တိုက်တွေ့ဆုံမှုများမှာ ဆက်လက်ဖြစ်ပွားနေပြီး ထိုင်းနယ်စပ်ရှိ ဒုက္ခသည်စခန်း ၉ ခုသို့ ဒုက္ခသည်များ ၀င်ရောက်လာမှုမှာလည်း ရပ်တန့်သွားခြင်း မရှိခဲ့ပေ။

    “ဒီ လက်ရှိအခြေအနေတွေအောက်မှာ အလောတကြီး နေရပ်ပြန်ပို့တာဟာ မြန်မာ(Burma)စစ်တပ်ရဲ့ ညှင်းပန်းနှိပ်စက်မှု၊ လူ့အခွင့်အရေး ချိုးဖောက်မှုကို ခံစားခဲ့ကြရတဲ့ ဒုက္ခသည်တွေအတွက် ထိခိုက်ခံစားရမှုဆီကို ဦးတည်သွားပါလိမ့်မယ်” ဟု ယခင်က အသုံးပြုခဲ့သည့် မြန်မာနိုင်ငံ၏ အမည်ကို ရည်ညွှန်း၍ KWO ၏ ကြေညာချက်တွင် ဖော်ပြထားသည်။

    နေရပ်ပြန်ပို့ရေး ကြောက်ရွံ့မှု

    ယခုနှစ်အစောပိုင်းက ထိုင်းနယ်စပ်ရှိ ဒုက္ခသည်စခန်းတွင် UNHCR မှ ဒုက္ခသည် စီစစ်အတည်ပြုရေး လုပ်ငန်စဉ်တစ်ခုကို လုပ်ကိုင်ခဲ့သည်။ စခန်းများတွင် ရှိနေကြသူများ၏ အရေအတွက်ကို သိရှိစေရန် နေထိုင်သူအားလုံး၏ လက်ဗွေရာများ၊ ဓာတ်ပုံများကို စစ်တမ်းကောက်ယူခဲ့ပြီး နေထိုင်သူများက နေရပ်ပြန်ပို့ရေး ဖြစ်လာတော့မည်လားဆိုသည့် စိုးရိမ်စိတ်များလည်း မြင့်တက်လာခဲ့သည်။

    ပြီးခဲ့သည့်နှစ်မေလ ထိုင်းစစ်တပ်မှ အာဏာသိမ်းပြီးကတည်းက ထိုင်းစစ်အစိုးရမှာ ဒုက္ခသည်စခန်းများအပေါ် ထိန်းချုပ်မှုများ တင်းကျပ်လာခဲ့ပြီး ဒုက္ခသည်များ၏ လှုပ်ရှားသွားလာမှုကို ကန့်သတ်မှုများ ရှိလာခဲ့သည်။

    ထိုင်းစစ်တပ် တာဝန်ရှိသူများကမူ ဒုက္ခသည်စခန်း ၉ ခုစလုံးအား ပိတ်ပစ်မည်ဟု ထပ်ခါတလဲလဲ ပြောကြားလာကြသည်။ ထိုစခန်းများထဲမှ အချို့မှာ နှစ်ပေါင်း ၃၀ ခန့် ကြာမြင့်နေပြီဖြစ်သည်။

    ထိုင်းစစ်တပ်မှ ပြောရေးဆိုခွင့်ရှိသူ ဗိုလ်မှူးကြီး Weerachon Sukondhadpatipak က ၎င်းအနေဖြင့် ဒုက္ခသည်များ နေပြန်ရေးအတွက် အချိန်သတ်မှတ်ရန် ဂရုမထားသော်လည်း အစိုးရအနေဖြင့် ဒုက္ခသည်စခန်းများအား ပိတ်ပစ်ရန် စိတ်အားထက်သန်နေသည်ဟု ဆိုသည်။

    “တကယ်လို့ စီစစ်ရေးလုပ်ငန်းစဉ်နဲ့ နေရပ်ပြန်ပို့ရေးကို တတ်နိုင်သလောက် မြန်မြန်လုပ်နိုင်လေ ထိုင်းနိုင်ငံအတွက် ပိုကောင်းလေပါပဲ။ တစ်ချိန်တည်းမှာပဲ အကန့်အသတ်ရှိတာတွေကို ကျွန်တော်တို့ နားလည်ပါတယ်။ ပြီးတော့ မြန်မာအာဏာပိုင်တွေကိုလည်း ကျွန်တော့် အလေးထားပါတယ်။ (ဒုက္ခသည်တွေရဲ့) လူ့အခွင့်အရေးကို ကျွန်တော်တို့ ဂရုစိုက်ပါတယ်။ ပြီးတော့ အဲဒီအပေါ်မှာ ကောင်းမွန် မျှတအောင် ဆောင်ရွက်သွားမှာပါ” ဟု Weerachon က ပြောကြားခဲ့သည်။

    မြန်မာအစိုးရနှင့် တိုင်းရင်းသားအုပ်စုများအကြား ငြိမ်းချမ်းရေးဆွေးနွေးပွဲများ ဆောင်ရွက်နေသည့်အချိန်တွင် မြန်မာစစ်တပ်က ကျူးလွန်သော လူ့အခွင့်အရေးချိုးဖောက်မှု လုပ်ရပ်အသစ်များကို ပြီးခဲ့သည့်နှစ်များတွင် မြင်လာရသည်။

    KWO ၏ အဆိုအရ ဒေသတွင်း အရပ်ဖက်အဖွဲ့အစည်းများမှာ အုပ်စုဖွဲ့ မုဒိမ်းကျင့်မှုအပါအ၀င် မြန်မာစစ်တပ်က ကျူးလွန်သော  လိင်ပိုင်းဆိုင်ရာ အကြမ်းဖက်မှု အကြိမ် ၁၀၀ ကျော်ကို မှတ်တမ်းတင်ခဲ့သည်ဟု သိရသည်။ ထိုကျူးလွန်သူများထဲတွင် မည်သူမှ တရားဥပဒေရှေ့မှောက်သို့ ရောက်မလာခဲ့။

    ထိုကိစ္စနှင့်ပတ်သက်၍ ပြန်ကြားရေးဝန်ကြီး ဦးရဲထွဋ်အား ဆက်သွယ်ရာ ဆက်သွယ်၍ မရခဲ့ချေ။

    သွားစရာမြေမရှိ

    လူပေါင်း ၄ သောင်းကျော် နေထိုင်နေသည့် ထိုင်းနိုင်ငံရှိ အကြီးဆုံး ဒုက္ခသည်စခန်း မဲလာတွင် ကျောင်းသား ၂၀၀၀ခန့်မှာ ကမ္ဘာ့ဒုက္ခသည်များနေ့ကို ဆင်နွှဲရန် ပြီးခဲ့သည့် သောကြာနေ့က စုရုံးခဲ့ကြသည်။ အနီးအနားတွင် တိုင်းရင်းသားအဖွဲ့များက စခန်းအတွင်း နေထိုင်ကြသည့် တိုင်းရင်းသားလူမျိုး ၁၃ မျိုး၏ အစားအသောက်များကို ကျွေးမွေးဧည့်ခံနေကြသည်။

    ထိုအခမ်းအနားများတွင် ၁၀ စုနှစ်တစ်ခုကျော်ကြာ စခန်းတွင် နေထိုင်ခဲ့သည့် အသက် ၇၁ နှစ်အရွယ် ဘရိုင်ယန် တာဝမ်လည်း ပါဝည်သည်။ တာဝမ်က သူနှင့် သူ၏ မိသားစုမှာ ကချင်ပြည်နယ်တွင် မြန်မာစစ်တပ်နှင့် အခြားတိုင်းရင်းသားလက်နက်ကိုင် ၄ ခု တို့အကြား ဖြစ်ပွားသော တိုက်ခိုက်မှုကြောင့် အိုးအိမ်စွန့်ခွာ ထွက်ပြေးလာခြင်းဖြစ်ပြီး မြန်မာနိုင်ငံသို့မပြန်ချင်ဟု ပြောကြားခဲ့သည်။

    “အခုအချိန်မှာ အခြားနိုင်ငံကလူတွေ ကျွန်တော်တို့အကြောင်းပြောကြတဲ့အခါ၊ နေရပ်ပြန်ပို့မယ်ဆိုတာနဲ့ ပတ်သက်ပြီး တစ်ခုခုကြားရတဲ့အခါ ပြည်သူအားလုံးက ဒါဟာ ကြောက်ရွံ့မှုလို့ ခံစားရပါတယ်” ဟု တာဝမ်က ဆိုသည်။ အမေရိကန်ပြည်ထောင်စု ဆော့တ်လိတ်မြို့တွင် နေရာချထားပေးခြင်း ခံရသည့် မြေးဖြစ်သူများနှင့် နောက်ဆုံးတွင် သွားရောက်နေထိုင်နိုင်ရန် သူက မျှော်လင့်နေသည်။

    အသက် ၅၈ နှစ်အရွယ် ပီယောကမူ စိုးရိမ်မှု ကြီးကြီးမားမားရှိနေပြီး မြန်မာစစ်တပ်ကိုလည်း ကြောက်ရွံ့နေသည်။ လွန်ခဲ့သည့် ၅ နှစ်ခန့်က သူမ ညဘက်ဖားရိုက်သွားနေစဉ် ခင်ပွန်းဖြစ်သူမှာ မြန်မာစစ်တပ်၏ ပစ်သတ်ခြင်းကို ခံခဲ့ရပြီးနောက် ကလေးများနှင့်အတူ ကရင်ပြည်နယ်မှ ထွက်ပြေးလာခြင်းဖြစ်သည်။

    “ကျွန်မ ဘယ်တော့မှ ပြန်မသွားတော့ပါဘူး။ သေတဲ့အထိ ဒုက္ခသည်စခန်းမှာပဲ ကျွန်မ နေသွားမှာပါ။ တကယ်လို့ ကျွန်မပြန်ရင် ကျွန်မမှာ အိမ်မရှိဘူး။ မိသားစုမရှိဘူး။ ပြီးတော့ ကျွန်မ ဘာမှ မတတ်နိုင်ပါဘူး” ဟု ပီယောက ပြောကြားခဲ့သည်။

    သို့သော်လည်း အသက် ၃၄ နှစ်အရွယ်ရှိ ဟေဆိုသာကို က တည်ငြိမ်အေးချမ်းမှုနှင့် လုံခြုံရေးအတွက် စိုးရိမ်မှုများ ရှိသော်လည်း မြန်မာနိုင်ငံသို့ ပြန်ချင်နေသည်။

    “နောက်မျိုးဆက်ဟာ ဒုက္ခသည်စခန်းမှာ ကြီးပြင်းတာ မကောင်းပါဘူး။ ကျွန်တော် အိမ်ပြန်ချင်ပါတယ်။ ကျွန်တော့်ကလေးတွေ ဒီမှာကြီးပြင်းတာကို ကျွန်တော် မမြင်ချင်ပါဘူး” ဟု ထိုင်း-မြန်မာ နယ်စပ်တစ်လျှောက်ရှိ ဒုက္ခသည်စခန်းတွင် မွေးဖွားခဲ့သော သာကိုက ပြောကြားခဲ့သည်။

    ref: Aljazeera
    မိုးဝေ ဘာသာပြန်သည်။

  • “အရိုင်း”နှင့် “အယဉ်” (အပိုင်း ၁)

    “အရိုင်း”နှင့် “အယဉ်” (အပိုင်း ၁)

    ဇွန် ၂၃၊ ၂၀၁၅
    M-Media
    “မေတ္တာရှင်” ရေးသည်။
    Ayane and Ayin
    “ဗုဒ္ဓမြတ်စွာသည် အောင်မြင်ခြင်းရှစ်ပါးကို မေတ္တာနဲ့သာ အောင်ခဲ့ပါ၏”

     နိဒါန်း
    သားတို့ သူငယ်ချင်းငါးဦးက ကဆုန်လပြည့်နေ့ မဟာမသယ အခါတော်နေ့ မှာပဲ “ဗုဒ္ဓနှလုံးသားမေတ္တာရှင်” လူငယ်အဖွဲ့လေးရဲ့  အမတေ အစုကလပ်စည်းလေးကို စတင်ဖွဲ့စည်းခဲ့ပါတယ်။ ဘာကြောင့်ပါလဲ။

    မဟာသမယ အခါတော်နေ့မှာ သုံးလူထွဋ်ထား မြတ်စွာဘုရားရှင် လက်ထက် တစ်ခုသော နယုန်လ အခါသမယတွင် မိုးခေါင်းရေရှားဖြစ်ပွားရာ ဧရာဟဏီ မြစ်ရေကို အားကိုးနေကြရသော ကပိလဝတ်ပြည်နှင့် ကောလိယပြည် တိုင်းရင်းသားတို့ ရေပူမှုဖြင့် အချင်းများ စစ်ဖြစ်သည့် အချိန်သို့ ရောက်ရှိလာခဲ့သည်။

    ထိုစဉ်တွင် မြတ်စွာဘုရားရှင်သည် ကောင်းကင်ယံမှ ကြွရောက်လာတော်မူ၏။ ငြိမ်းချမ်းရေး တရားမြတ်ဖြစ်သော ဇာတ်တော် (ငါး) ဇာတ်ကို ဟောကြားတော်မူ၏။

    ထို့နောက် “မဟာဝုန်” တောသို့ကြွရောက်ကာ နယုန်လပြည့်နေ့တွင် စင်္ကြာဝဋ္ဌာ တစ်သောင်းမှ နတ်ဗြဟ္မာအပေါင်းတို့အား မဟာသမယသုတ်တော်ကို ဟော်ကြားတော်မူခဲ့ခြင်းအား အစွဲပြု၍ နယုန်လပြည့်နေ့တွင် မဟာသမယသုတ်တော် ရွတ်ဖတ် သရစ္ဆျယ်တော်မူကြသော မဟာမသယ အခါတော်နေ့ ပွဲဆင်ယင်ကျင်းပကြ၏။

    ဤနေ့မြတ်သည် ငြိမ်းချမ်းရေးနှင့် ဆက်နွယ်နေသည့်အတွက် ဤစာတမ်းကိုရေးသားပြုစုပြီး စာဖတ်ပရိတ်သတ်သို့ တင်ဆက်လိုက်ရပါတယ်။

    ရည်ရွယ်ချက်မှာ မ.ဘ.သ နှင့် သာကီသွေးတို့သည် ဒေဝဒတ် နှလုံးသားပိုင်ရှင်များ ဖြစ်နေပုံကို ဗုဒ္ဓဘာသာဝင်တို့ အမှန်အတိုင်း သိမြင်လာစေရန် ရည်ရွယ် ပါသည်။ ဗုဒ္ဓဘာသာကို ချစ်သယောင်ယောင်နှင့် ဆိုးဆိုးဝါးဝါး ထင်တိုင်းကြဲ ဖျက်ဆီးနေကြပုံနှင့် နိုင်ငံရေး လက်ကိုင်တုတ်ဖြစ်နေပုံကို ထင်ရှား သက်သေပြလို၍ ဖြစ်ပါသည်။ အထူးထောက်ပြလိုသည့် အချက်များကတော့

    * လူကုန်ကူးမှုပြသာနာ၊ ကမ္ဘာ့ဘုံကျွန်ဖြစ်နေသော သာကီသွေးဗမာများ
    * ကျယ်ပြန့်လာနေသော အဓမ္မပြုကျင့်မှုများ
    * ဈေးပေါလွန်းလို့ ဘဝပျက်နေတဲ့ သာကီသွေး မြန်မာမလေးများ
    * အရက်သေစာ မူးယစ်ဆေးဝါး ပြသနာ
    * အစိုးရ၏လက်ကိုင်တုတ်ဖြစ်နေမှုနှင့် အစွန်းရောက်မှု
    *  အမုန်းစကား အမုန်းတေး
    * ရာဇဝတ်မှုပိုထူပြောလာတဲ့ သိန်းစိန်အစိုးရ
    * တရုတ်ဆိုကြောက်မှကြောက် ရောဂါ
    * နွားသားရှောင်တာ ဒေဝဒတ် လမ်းစဉ်
    * ရွှေတိဂုံမှာချမ်းသာမပေးတဲ့ စစ်အစိုးရ ရဲ့ ဝိသမသမားများ
    * ကမ္ဘာရွာကြီးမှာ ဗုဒ္ဓနှလုံးသားနဲ့ မေတ္တာရှင်ဆိုရင် လူ့အကျိုးပြု လုပ်ငန်းတွေ အများကြီး လုပ်စရာကျန်ပါသေးတယ်။

    ပြောစရာကတော့ သောင်းခြောက်ထောင်ပါပဲ
    တစ်ထောင့်တစ်ညပုံပြင်လို ပြေမဆုံးအောင်ပါပဲ
    သားတို့တော့ ဗုဒ္ဓဘာသာဝင်တွေအတွက် ရင်လေးမိပါရဲ့။

    ဆက်လက်ဖော်ပြပါမည်။

    ** ဤဆောင်းပါးဖြင့် ဆရာထင်လင်းဦးကို ဂုဏ်ပြုအပ်ပါသည်။

  • နိုင်ငံရေးပါတီများ အတွက် မေးခွန်းများ (၄)-  လူမျိုးရေး၊ ဘာသာရေး ပဋိပက္ခ များနှင့်ပတ်သက်၍

    နိုင်ငံရေးပါတီများ အတွက် မေးခွန်းများ (၄)- လူမျိုးရေး၊ ဘာသာရေး ပဋိပက္ခ များနှင့်ပတ်သက်၍

    ဆောင်းပါးရှင်- အောင်ဒင်
    7DayDaily မှာ ကူးယူဖော်ပြသည်။
    .Ag Din (770) 19-6-2015 Fri
    မြန်မာနိုင်ငံမှာ လူမျိုးရေး၊ ဘာသာရေး ပဋိပက္ခတွေဖြစ်ပွား နေတယ်လို့ နိုင်ငံတကာအစိုးရ များက ဝေဖန်ကြတဲ့အခါ မြန်မာ အာဏာပိုင်များက ဒီပဋိပက္ခတွေ ဟာ လူမျိုးရေး၊ ဘာသာရေး ပဋိပက္ခမဟုတ်ဘဲ ဒေသတစ်ခု အတွင်းက လူ့အသိုင်းအဝိုင်းနှစ်ခု ကြား ခိုက်ရန်ဖြစ်ပွားတာဖြစ် တယ်လို့ (Communal Violence) ငြင်းဆိုလေ့ရှိပါတယ်။ ဒါပေမဲ့ လည်း အဲဒီလူ့အသိုင်းအဝိုင်းနှစ်ခု ဆိုတာကို စစ်ဆေးကြည့်လိုက် တော့ တစ်ခုကမြန်မာ၊ ရခိုင်ဗုဒ္ဓ ဘာသာဝင်များ ပါဝင်တဲ့ လူ့အသိုင်းအဝိုင်းဖြစ်ပြီး နောက်တစ်ခုက ဘင်္ဂါလီ အစ္စလာမ်ဘာသာဝင်များ ရဲ့ အသိုင်းအဝိုင်းဖြစ်နေတာမို့ ဒီပဋိပက္ခတွေဟာ ဘာသာရေး၊ လူမျိုးရေးအသွင်ဆောင်တယ်ဆို တာကို ငြင်းလို့ မရနိုင်ပါ။ နောက် တစ်ခုက ဖြစ်ပေါ်နေတဲ့ ပဋိပက္ခ တွေကို မှန်မှန်ကန်ကန်သုံးသပ် နိုင်မှ မှန်ကန်တဲ့ဖြေရှင်းနည်းကို ရှာဖွေဆောင်ရွက်နိုင်မှာပါ။ ကင်ဆာရောဂါဖြစ်နေတာကို သာမန်ဖျားနာမှုပါဆိုပြီး အကိုက် အခဲပျောက်ဆေးပဲတိုက်နေရင် ရောဂါ မပျောက်နိုင်သလိုပါ။ ပဋိ ပက္ခကို လူ့အသိုင်းအဝိုင်းနှစ်ခု ကြား ခိုက်ရန်ဖြစ်ပွားမှုလို့ ဆုံး ဖြတ်ထားရင် ဖြေရှင်းပုံက သာ မန်ရာဇဝတ်မှုများကို အရေးယူ တာလောက်သာဖြစ်ပါလိမ့်မယ်။ ဒီပဋိပက္ခတွေဟာ ဘာသာရေး၊ လူမျိုးရေးကို အခြေခံပြီးဖြစ်ပေါ် နေတယ်လို့ မှန်မှန်ကန်ကန်လက် ခံမှပဲဖြစ်ခဲ့ပြီးတဲ့ ပဋိပက္ခတွေကို ဖြေရှင်းဖို့၊ နောက်ထပ်မဖြစ်ပေါ် အောင် ကြိုတင်ကာကွယ်တား ဆီးဖို့ မတူညီတဲ့ဘာသာများ၊ လူ မျိုးများအကြား အပြန်အလှန် လေးစားရေးနဲ့ ငြိမ်းချမ်းစွာအတူ ယှဉ်တွဲနေထိုင်ရေး အသိပညာ ပေးဖို့ စတဲ့နည်းလမ်းမှန်များနဲ့ ပဋိ ပက္ခများကို ဖြေရှင်းနိုင်မှာဖြစ်ပါ တယ်။
    .
    မြန်မာနိုင်ငံမှာ  လူမျိုးရေး၊ ဘာသာရေး ပဋိပက္ခတွေ အရင် အစိုးရများ လက်ထက်မှာလည်း အကြိမ်များစွာဖြစ်ခဲ့လို့ အသက် ပေါင်းများစွာ ဆုံးရှုံးပြီး အိုးအိမ် တွေ၊ ဘာသာရေးအဆောက် အအုံတွေ၊ ပုဂ္ဂလိကပိုင်ဆိုင်မှုတွေ ပျက်စီးခဲ့ရပါတယ်။
    .
    ဦးသိန်းစိန်အစိုးရလက် ထက် ၂၀၁၂ မှာ ရခိုင်ပြည်နယ်က စတင်ပြီး တစ်နိုင်ငံလုံးမြို့ကြီး အချို့မှာ ပျံ့နှံ့ဖြစ်ပေါ်ခဲ့တဲ့ လူမျိုး ရေး၊ ဘာသာရေး ပဋိပက္ခများ ကြောင့်လည်း အသက်အိုးအိမ် တွေ၊ ဘဝတွေ ဆုံးရှုံးရပါတယ်။ ပိုပြီးဆိုးရွားတာက ဗုဒ္ဓဘာသာဝင် လူအများစုက အစ္စလာမ်ဘာသာ ဝင်လူနည်းစုကို အနိုင်ကျင့်တိုက် ခိုက်နေတယ်လို့ ကမ္ဘာ့နိုင်ငံများ က ထင်မြင်ယူဆကြပြီး ကမ္ဘာ့ နိုင်ငံများအလယ်မှာ မြန်မာနိုင်ငံ ရဲ့ဂုဏ်သိက္ခာအကြီးအကျယ် ကျ ဆင်းခဲ့ရပါတယ်။ နိုင်ငံတွင်းမှာလည်း ဘာသာကြီးနှစ်ခု ကိုးကွယ်သူများအကြား သံသယတွေ၊ အပြန်အလှန် ကြောက်ရွံ့စိုးရိမ်မှု တွေ မြင့်မားပြီး ညီညွတ်ရေးပျက် ပြားနေပါတယ်။ ပဋိပက္ခဖြစ်ပွား အောင် လှုံ့ဆော်နေသူများကလည်း မရပ်မနားလှုပ်ရှားနေကြ တာမို့ နောက်ထပ် ပဋိပက္ခတွေထပ်မံဖြစ်ပေါ်နိုင်တဲ့ အလားအလာလည်းရှိပါတယ်။ ဒါကြောင့်မို့ ရွေးကောက်ပွဲဝင်ကြမယ့် နိုင်ငံရေးပါတီများအနေနဲ့ နောက်ခြောက်လလောက်မှာ သူတို့ပါတီက လွှတ်တော်အာဏာရခဲ့ရင်၊ အစိုးရအာဏာရခဲ့ရင်၊ မြန်မာနိုင်ငံမှာ လူမျိုးရေး၊ ဘာသာရေးပဋိပက္ခ ထပ်မံမဖြစ်ပွားအောင် ဘယ်လိုမူဝါဒတွေနဲ့ ဆောင်ရွက်ဖို့ စီစဉ်ထားသလဲဆိုတာ သိချင်ပါတယ်။
    .
    ဖွဲ့စည်းပုံအခြေခံဥပေဒ အရ မြန်မာနိုင်ငံသားတိုင်းမှာ လွတ်လပ်စွာကိုးကွယ်ယုံကြည် ခွင့်ရှိပါတယ်။ ဒါပေမဲ့ မြန်မာ နိုင်ငံရဲ့ လက်ရှိအခြေအနေမှာ ဖွဲ့စည်းပုံပြဋ္ဌာန်းချက်နဲ့တင် မလုံ လောက်တော့ဘဲ အစိုးရနဲ့ လွှတ် တော်က နိုင်ငံသားတိုင်း ‘လွတ် လပ်လုံခြုံစွာ ကိုးကွယ်ယုံကြည် ခွင့်’ရှိအောင် အကာအကွယ်ပေး ဖို့လိုအပ်နေပါတယ်။ အဓိကလုပ် သင့်တာကတော့

    (၁) ဘာသာ ရေး၊ လူမျိုးရေးပဋိပက္ခဖြစ်အောင် နည်းလမ်းပေါင်းစုံနဲ့ သွေးထိုးလှုံ့ ဆော်မှုတွေကို ဥပဒေနဲ့ တိတိကျ ကျ ထိထိရောက်ရောက်တားမြစ် အရေးယူနိုင်ဖို့နဲ့

    (၂) ဘာသာ ပေါင်းစုံချစ်ကြည်ရေးအသိပညာ ပေးမှုတွေကို အရှိန်အဟုန်မြှင့် ဆောင်ရွက်ဖို့ ဖြစ်ပါတယ်။
    .
    သိပ်မကြာသေးမီက ဗုဒ္ဓဘာသာဝင်အချို့ ဝေဖန်ဟောပြောတဲ့ စာရေးဆရာထင်လင်းဦးကို သာသနာညှိုးနွမ်းစေမှုနဲ့ စွဲချက်တင်ပြီး ထောင်ဒဏ် ၂ နှစ်အပြစ်ပေး လိုက်ပါတယ်။ ဒါပေမဲ့ အစ္စလာမ်ဘာသာနဲ့ အစ္စလာမ်ဘာသာကိုးကွယ်ယုံကြည်သူများကို ပုတ်ခတ်ဝေဖန်ဟောပြောမှုတွေကိုတော့ အစိုးရကအရေးယူတာ မတွေ့ရပါ။ ဗုဒ္ဓဘာသာ ဘုန်းတော်ကြီးများရဲ့ တရားပွဲအများစုဟာ နိဗ္ဗာန်ရောက်ကြောင်းတရားဟောတာမဟုတ်တော့ဘဲ အမျိုး၊ ဘာသာ၊သာသနာထိန်းသိမ်းစောင့်ရှောက်ရေးခေါင်းစဉ်အောက်မှာ ဘာသာခြားဆန့်ကျင်ရေး ဟောပြောလှုံ့ဆော်ပွဲတွေ ဖြစ်နေပါပြီ။ အဲဒီဟောပြောချက်တွေကို အသံဖိုင်၊အရုပ်ဖိုင်သွင်းယူပြီး ဆက်လက်ဖြန့်ချိကြပါသေးတယ်။ အဲဒီအမုန်းတရား လှုံ့ဆော်ဟောပြောမှုတွေကို အစိုးရက အရေးယူတာ၊လွှတ်တော်က ဥပဒေပြုတားမြစ်တာ မတွေ့ရပါ။ ၂၀၁၃ ခုနှစ် ဇွန်လအတွင်း ပြည်ထောင်စု လွှတ်တော်နာယက ဦးရွှေမန်း အမေရိကန်ပြည်ထောင်စုကို ချစ်ကြည်ရေး ခရီးလာရောက်စဉ်က အမေရိကန် အဖွဲ့အစည်းများက မြန်မာနိုင်ငံ တွင်းမှာ အမုန်းတရားလှုံ့ဆော် ဟောပြောနေတာ (Hate Speech)တွေကို ဘယ်လိုအရေးယူမလဲလို့ မေးတော့ သူရဦးရွှေမန်းက လွှတ် တော်အနေနဲ့ ဥပဒေရေးဆွဲပြဋ္ဌာန်းပြီး အမုန်းတရားဟောပြောမှုများ ကို တားမြစ်ပိတ်ပင်ပါ့မယ်လို့ ဖြေကြားခဲ့ပါတယ်။ ဒါပေမဲ့ အခု အချိန်အထိတော့ အကောင်အ ထည် မဖော်နိုင်သေးပါ။
    .
    မြန်မာအစိုးရက ဘာသာ ရေး၊ လူမျိုးရေးပဋိပက္ခများကို တားဆီးနိုင်ဖို့ ရည်ရွယ်ချက်နဲ့ ‘ဘာသာပေါင်းစုံချစ်ကြည်ညီ ညွတ်ရေးအဖွဲ့’ကို သာသနာရေး ဝန်ကြီးဌာနရဲ့ ဦးဆောင်မှုနဲ့ ဖွဲ့ စည်းထားပါတယ်။ နာယက အဖြစ် အစ္စလာမ်ဘာသာဝင်အငြိမ်းစား သံအမတ်ကြီး ဦးလှမောင်၊ ဥက္ကဋ္ဌ အဖြစ် ဗုဒ္ဓဘာသာဝင်အငြိမ်းစား သံအမတ်ကြီးဦးစိန်ဝင်းအောင်၊ အတွင်းရေးမှူးချုပ် အဖြစ် ခရစ်ယာန်ဘာသာဝင် ဒေါက်တာ သာဉာဏ်နဲ့ အဖွဲ့ဝင်များ အဖြစ် ဗုဒ္ဓဘာသာ၊ ဟိန္ဒူဘာသာ၊ အစ္စလာမ်ဘာသာ ခရစ်ယာန်ဘာသာများ က ဘာသာရေးခေါင်းဆောင်များ၊ အငြိမ်းစားအရာရှိကြီးများ ပါဝင်ကြပါတယ်။ အဲဒီအဖွဲ့အနေဖြင့် တိုင်းဒေသကြီးများနဲ့ ပြည်နယ် များမှာ အဖွဲ့ခွဲများတည်ထောင်ခြင်း၊ နိုင်ငံတော်အတွင်း ဖြစ်ပေါ်လာတတ်သော ဘာသာ ရေးပဋိ ပက္ခများတွင် သက်ဆိုင်ရာဘာ သာရေး အကြီးအကဲများနှင့် ဆွေးနွေးညှိနှိုင်းခြင်း၊ နိုင်ငံတော် သံဃမဟာနာယကအဖွဲ့နှင့် သက်ဆိုင်ရာခရိုင်၊ မြို့နယ်သံဃာ့ မဟာနာယကဥက္ကဋ္ဌ ဆရာတော်များထံ သွားရောက်လျှောက်ထားသြဝါဒ ခံယူမှုများပြုလုပ်ခြင်း၊ ဒုက္ခသည်များအား သွားရောက်ကူညီထောက်ပံ့ခြင်းနှင့် နှစ်သိမ့်ဆွေးနွေးခြင်းများပြုလုပ်နေပါတယ်။ ဘာသာပေါင်းစုံ ချစ်ကြည်ရေးဆွေးနွေးပွဲ၊ ဟောပြောပွဲတွေကိုလည်း မကြာခဏကျင်းပနေပါတယ်။ သို့သော်လည်း အစိုးရကျောထောက်နောက်ခံပြုထားတဲ့ ‘ဘာသာပေါင်းစုံ ချစ်ကြည်ညီညွတ်ရေးအဖွဲ့’ဟာ အစိုးရပိုင်းဆိုင်ရာနဲ့ ပြေလည်ထောက်ခံမှု ရပေမယ့် သာမန်ပြည်သူများကြား အရောက်မသွားနိုင်ပါ။ သာမန် ပြည်သူများကြားမှာ နက်နက်ရှိုင်းရှိုင်း ထိုးဖောက်ဝင်ရောက်နေတဲ့ အစွန်းရောက်အင်အားစုကြီးရဲ့ အမုန်းတရားလှုံ့ဆော်မှုတွေကို မယှဉ်ပြိုင်၊ မဟန့်တားနိုင်ပါ။
    .
    အရပ်ဘက်လူထုအဖွဲ့ အစည်းအချို့ကလည်း အမုန်း တရားဟောပြောမှုတွေကို တား ဆီးနိုင်ဖို့ ‘ပန်းစကားလှုပ်ရှားမှု’ မျိုး ဆောင်ရွက်နေကြပေမယ့် တစ်ဖက်က အမျိုး၊ ဘာသာ၊သာသနာ အလံထောင်ထားတဲ့ အစွန်းရောက်အင်အားစုကြီးရဲ့ ကျယ်ပြန့်တဲ့မွတ်စလင်ဆန့်ကျင်ရေးလှုပ်ရှားမှုကြီးကို ယှဉ်ပြိုင်နိုင်စွမ်းမရှိပါ။
    .
    ဒါကြောင့်မို့  အစိုးရကျော ထောက်နောက်ခံပြု‘ ဘာသာ ပေါင်းစုံချစ်ကြည် ညီညွတ်ရေး အဖွဲ့’နဲ့ အစိုးရနဲ့မပတ်သက်တဲ့ အရပ်ဘက်လူထု အဖွဲ့အစည်း များ ပူးပေါင်း လက်တွဲကြမယ်ဆို ရင် အင်မတန် အားကောင်းတဲ့ အင်အားစုကြီးဖြစ်လာပြီး တစ် ဖက်က အင်အားကြီးမားတဲ့ အ မုန်းတရားလှုံ့ဆော်ရာ မကောင်း ဆိုးဝါး အင်အားစုကြီးကို ထိထိ ရောက်ရောက် ယှဉ်ပြိုင် ဟန့်တား နိုင်မယ်လို့ ယုံကြည်ပါတယ်။ ‘ဘာသာပေါင်းစုံ ချစ်ကြည်ညီ ညွတ်ရေးအဖွဲ့’မှာ အစိုးရပိုင် အဆက်အသွယ်နဲ့ အာဏာပိုင် အဖွဲ့အစည်းများရဲ့ထောက်ပံ့ ကူညီမှု၊ ဘာသာရေး အဖွဲ့အစည်း ပေါင်းစုံက ခေါင်းဆောင်များရဲ့ ပူးပေါင်းကူညီမှုများ စတဲ့အရည် အသွေးများရှိနေပြီး အရပ်ဘက် လူထုအဖွဲ့အစည်းများမှာ ပြည်သူလူထုအကြား ကျယ်ကျယ်ပြန့်ပြန့်ထိုးဖောက်ရောက်ရှိနိုင်တဲ့ အရည်အသွေးနဲ့ မကောင်းဆိုးဝါး အင်အားစုကြီးကို သတ္တိရှိရှိ ရင်ဆိုင်ရဲတဲ့ အရည်သွေးတွေရှိနေပါတယ်။ ဒီအင်အားစုနှစ်စုရဲ့ အရည်အသွေးတွေကို စနစ်တကျ ပေါင်းစပ်နိုင်မယ် ဆိုရင် မြန်မာနိုင်ငံတစ်ဝန်းလုံးကို အရိပ်မိုးနေတဲ့ဘာသာရေး၊ လူမျိုးရေးပဋိပက္ခတိမ်တိုက်မည်းကြီးကို ဖယ်ရှားနိုင်မှာဖြစ်ပါတယ်။ ဒါပေမဲ့ အဲဒီလို အစိုးရဦးဆောင် တဲ့အဖွဲ့အစည်းနဲ့ အရပ်ဘက်အဖွဲ့အစည်းများ ပူးပေါင်းဆောင်ရွက်ဖို့အတွက် အစိုးရကိုယ်တိုင်က အရပ်ဘက်အဖွဲ့အစည်းများကို လေးလေးစားစားဖိတ်ခေါ်ဖို့လို အပ်ပါတယ်။
    .
    နောက်တစ်ခုက အစိုးရ ကိုယ်တိုင်က သတ္တိရှိရှိ၊ ရဲရဲရင့် ရင့်နဲ့ ဘာသာရေးခေါင်းဆောင် ကြီးများကိုချဉ်းကပ်ပြီး သက်ဆိုင် ရာဘာသာအလိုက် ကိုယ်ပိုင် ကျင့်စဉ်တွေ၊ အလေ့အထတွေကို ပြန်လည်သုံးသပ်ပြီး အများပတ် ဝန်းကျင်နဲ့ မသင့်တော်တာတွေကို ပြင်ဆင်ဖို့၊ ဆင်ခြင်ဖို့ မေတ္တာရပ်ခံ သင့်ပါတယ်။ ဥပမာအားဖြင့် အစ္စလာမ် ဘာသာဝင်များ ယုံ ကြည်မှုအရ ဘာသာရေးအထိမ်း အမှတ်နေ့ရက်တွေမှာ တိရစ္ဆာန် များကိုသတ်ဖြတ်ပူဇော်တာဟာ အသက်သတ်ခြင်းကိုရှောင်ကြဉ် တဲ့ ဗုဒ္ဓဘာသာဝင်များအတွက် တော့ စိတ်မကောင်းစရာပါ။ ယုံကြည်မှုအရဆောင်ရွက်တာကို တားမြစ်လို့မဖြစ်ပေမယ့် အဲဒီလို သတ်ဖြတ်တာကို အများမြင်ကွင်း မှာမပြုလုပ်ဘဲ အများမမြင်ကွယ် ရာမှာဆောင်ရွက်ရင်ပိုပြီးသင့် တော်ပါလိမ့်မယ်။ ပြီးတော့ အချို့ အစ္စလာမ် ဘာသာဝင်များက ဘာသာရေးအရ ခွင့်ပြုလို့ဆိုပြီး မိန်းမလေးယောက်ယူတာ၊  ယူ ထားတဲ့မိန်းမက ဗုဒ္ဓဘာသာဝင် ဖြစ်နေရင် အစ္စလာမ်ဘာသာကို ကူးပြောင်းဖို့ ဖိအားပေးတာ ဘာသာမကူးပြောင်းရင် လင်ယောက်ျားရဲ့ ပိုင်ဆိုင်မှုတွေကို အမွေဆက်ခံ ခွင့်မရတာစတဲ့ အလေ့အကျင့်တွေဟာ မြန်မာဗုဒ္ဓဘာသာများရဲ့ အစ္စလာမ် ဘာသာအပေါ်အမြင်ကို တိမ်းစောင်းစေနိုင်ပါတယ်။ ဗုဒ္ဓဘာသာဘုန်းကြီးကျောင်းများ၊ ခရစ်ယာန်ဘုရားကျောင်းများလိုပဲ အစ္စလာမ်ဗလီများကို အများပြည်သူ လာရောက်လေ့လာခွင့်ပေးသင့်ပါတယ်။
    .
    ဗုဒ္ဓဘာသာဘုန်းတော်ကြီး များအနေနဲ့လည်း သံဃာ့ဂိုဏ်း ကြီးကိုးဂိုဏ်းရဲ့အဆင့်ဆင့်အုပ် ချုပ်မှုအောက်မှာ ရပ်တည်နေကြ တာပါ။ ဂိုဏ်းကြီးကိုးဂိုဏ်းရဲ့ ဂိုဏ်းချုပ်ဆရာတော်ကြီးများဟာ မိမိတို့ရဲ့ဂိုဏ်းဝင်သံဃာများ ဝိနည်းနဲ့အညီ နေထိုင်အောင် စည်းကမ်းကြပ်မတ်ဖို့ လိုအပ်ပါတယ်။ မေတ္တာတရားနဲ့ သည်းခံခွင့်လွှတ်ခြင်းကို ဗဟိုပြုတဲ့ ဗုဒ္ဓရဲ့ တရားတော်တွေကို မွန်မွန်မြတ်မြတ် ထိန်းသိမ်းကျင့်ကြံကြဖို့ သွန်သင်ဆုံးမသင့်ပါတယ်။ ဘာသာခြားမုန်းတီးဆန့်ကျင်ရေး ဟောပြောလှုံ့ဆော်နေတဲ့ သံဃာများကို သက်ဆိုင်ရာဂိုဏ်းအလိုက် စည်းကမ်းများနဲ့အရေးယူသင့်ပါတယ်။ သံဃာ့ဂိုဏ်းကြီးများက စည်းကမ်းပျက်သံဃာများကို ‘ဓမ္မစက်’နဲ့ ထိထိရောက်ရောက် အရေးယူနိုင်ရင် အစိုးရ က‘အာဏာစက်’နဲ့ ဝင်ရောက် အရေးယူစရာလိုမှာ မဟုတ်ပါ။ အမုန်းတရားတွေအပြည့်နဲ့ စစ်သွေးကြွသံဃာများကို မထိန်းသိမ်းနိုင်ခြင်းကြောင့် မြန်မာဗုဒ္ဓ ဘာသာအပေါ် အခြားဘာသာများ၊ အခြားနိုင်ငံများကအမြင် တိမ်းစောင်းနေပါတယ်။
    .
    နောက်အရေးကြီးတာက နေအိမ်အခြေပြုဘုရားကျောင်း များ (Home Church/Home Mosque)ဖြစ်ပါတယ်။ တရားဝင် သာသနာ့အဆောက်အအုံကြီး တွေရှိလျက်နဲ့ (သို့မဟုတ်) မရှိလို့ ဘာသာရေးခေါင်းဆောင်တစ် ယောက်ရဲ့နေအိမ်မှာ စုဝေးပြီး ဝတ်ပြုကြတာကို ဆိုလိုတာပါ။ အဲဒီ နေအိမ်အခြေပြု ဘုရား ကျောင်းများက

    (၁) အစိုးရက သက်ဆိုင်ရာ ဘာသာအတွက် ဘာသာရေး အဆောက်အအုံ ဆောက်လုပ်ခွင့်မပြုလို့၊ သက် ဆိုင်ရာဘာသာကို နှိပ်ကွပ်ထား လို့၊ ဘာသာရေးလွတ်လပ်ခွင့်မရှိ လို့ ကိုးကွယ်ရာဘာသာတူများ နေအိမ်တစ်ခုခုမှာစုဝေးပြီး လျှို့ ဝှက်ဝတ်ပြုကြရတယ်လို့ ထင်မြင် နိုင်စရာအကြောင်းရှိပါတယ်။

    (၂) တရားဝင်ဘာသာရေး အ ဆောက်အအုံရှိလျက်နဲ့ နေအိမ် တစ်ခုခုမှာပဲ စုဝေးဝတ်ပြုတယ် ဆိုရင်လည်း ဘာသာရေးအစွန်း ရောက်များရဲ့ ဂိုဏ်းဖွဲ့စည်းရုံးရာ ဖြစ်လာနိုင်ပြီး အကြမ်းဖက်သမားတွေပေါ်ပေါက်လာနိုင်တဲ့ အန္တရာယ်ရှိပါတယ်။ ဒါကြောင့် ဗုဒ္ဓဘာသာဝင်အများစုနိုင်ငံမှာ ဗုဒ္ဓဘာသာကိုအထူးအလေးပေးရတဲ့ အစိုးရက ခရစ်ယာန်၊ အစ္စလာမ်၊ ဟိန္ဒူဘာသာများကိုလည်း သင့်တင့်လျောက်ပတ်စွာ အားပေးစောင့်ရှောက်တာ၊ ဘာသာရေး အဆောက်အအုံတွေဆောက် လုပ်ဖို့ မြေကွက် လှူဒါန်းတာ၊ ဆောက်လုပ် ခွင့်ပြုတာ၊ နေအိမ် အခြေပြုဝတ်ပြုခြင်းများကို သက်ဆိုင်ရာ ဘာသာရေးခေါင်းဆောင်များက တစ်ဆင့် အားမပေးတာတွေဆောင်ရွက် သင့်ပါတယ်။

    ရွေးကောက်ပွဲက လေးလလောက်ပဲ လိုပါတော့တယ်။ ရွေးကောက်ပွဲပြီးတဲ့နောက်နှစ်လ အကြာ ၂၀၁၆ ဇန်နဝါရီလကုန်မှာ ပြည်ထောင်စုလွှတ်တော် အသစ်စတင်တာဝန်ယူမှာဖြစ်ပြီး ပြည်ထောင်စု လွှတ်တော်အသစ်ရဲ့ ပထမဆုံးအစည်းအဝေးကနေ နိုင်ငံတော် သမ္မတကို ရွေးချယ် တင်မြှောက်မှာဖြစ်ပါတယ်။ ၂၀၁၆ ဖေဖော်ဝါရီလထဲမှာ သမ္မတခေါင်းဆောင်တဲ့အစိုးရ အဖွဲ့သစ်က အုပ်ချုပ်ရေးအာဏာကို စတင်ကိုင်တွယ်ရမှာဖြစ်ပါတယ်။ ဒါကြောင့်မို့ အခုအချိန်၊ ဇွန်လကစလို့ နောက် ရှစ်လလောက်မှာ လွှတ်တော်အာဏာ၊ အစိုးရအာဏာတွေကို ကိုင်တွယ်ကျင့်သုံးရနိုင်တဲ့ နိုင်ငံရေးပါတီများ အဖို့ မြန်မာနိုင်ငံမှာ ဘာသာရေး၊ လူမျိုးရေးပဋိပက္ခများမဖြစ်ပေါ်အောင် ဘယ်လိုမူဝါဒတွေ ချမှတ်ပြီး ဆောင်ရွက်မယ်ဆိုတာကို ရွေးကောက်ပွဲမတိုင်မီ ပြည်သူလူထုကို ရှင်းရှင်းလင်းလင်း အသိပေးဖို့ လိုအပ်ပါတယ်။ စာမျက်နှာ နှစ်မျက်နှာလောက်ရှိတဲ့ ကြေညာချက်ထုတ်ရုံနဲ့ မလုံလောက်ပါ။

    မူရင်းလင့်ခ် => http://7daydaily.com/story/39991

  • ဦးပိန် နှင့် တောင်သမန်တံတား

    ဦးပိန် နှင့် တောင်သမန်တံတား

    ဆောင်းပါးရှင်- မောင်သန်းဆွေ (ထားဝယ်)

    forpage21fq
    တောင်သမန်အင်းကိုဖြတ်၍ တည်ဆောက်ထားသော သမိုင်းဝင်တံတားကြီးကို တောင်သမန်တံတားဟု မခေါ်ကြဘဲ တံတားဒါယကာ စာရေးတော်ကြီး ဦးပိန်နှင့်တွဲ၍ ဦးပိန်တံတားဟုသာ ခေါ်ကြ ပါသည်။ (တောင်သမန်ကိုလည်း အချို့က တောင်တမန်ဟုခေါ်သည်။)
    ပုဂံမင်းတရား လက်ထက် တော်တွင် မြို့ဝန်ဘိုင်ဆပ်၏ မြို့စာရေးမှာ ဦးပိန်ဖြစ်သည်။ မြို့ဝန်ဘိုင်ဆပ်အကြောင်းကို စာရေးသူ ရေးသည့် သမိုင်းသံသရာ စာအုပ်တွင် ” ပုဂံမင်းလက်ထက် မြို့ဝန်ဘိုင်ဆပ်၏မျိုးရိုး ” ခေါင်းစဉ် ဖြင်ပါသည်။

    ထိုဆောင်းပါး၏ အဓိက ဖော်ပြချက်မှာမြို့ဝန်ဘိုင်ဆပ်သည် ပသီ(ယခုခေတ် ခေါ် အစ္စလာမ်ဘာသာဝင်)ဖြစ်သော်လည်း အိန္ဒိယနိုင်ငံသား မဟုတ်၊ သူ၏မျိုးရိုးမှာ မဏိပူရ၊ ကူကီချင်း၊ ကသဲ(ကသည်း) စော်ဘွားမျိုးရိုးဖြစ်ပြီး ကသဲ(ကသည်း) စော်ဘွား” သနာဟံ “၏ ညီတော်စော်  ဘွား ” ဇင်ကွဲတာပံ ”သည် မြို့ဝန်ဘိုင်ဆပ်၏ အဘိုးအရင်းပင်ဖြစ်ကြောင်း၊ သူ၏ အမည်အရင်းမှာ ဘိုင်ဆပ် မဟုတ်ကြောင်း၊ ” ဆေရက်ခန် ” ခေါ်ကြောင်း၊ ”ဘိုင်” ဆိုသည်မှာ သူတို့ဘာသာ စကား အရ ”အစ်ကို”ဟု သဘောရ၍ “ဆပ်”ဆိုသည်မှာ”ဆရာ” ဟုသဘောရ ကြောင်း၊ သို့ဖြစ်၍ ”ဘိုင်ဆပ်” ဆိုသည်မှာ”အစ်ကိ်ုဆရာ”ဟု အဓိပ္ပာယ်ရသဖြင့် တမင်ပင် အထက်စီးဖြင့်ခေါ်စေခြင်း ဖြစ်ဟန်တူကြောင်း ရေးသားခဲ့ပါသည်။

    အမှန်မှာ ဘိုင်ဆပ်၏ မြန်မာ အမည်သည် ဦးအောင်မြတ် ဖြစ်ကြောင်း သူ၏သမီးမှမွေးသော သား၏သားဖြစ်သူ ဦးမောင်မောင်ကြီး(မန်း) ကရေးခဲ့သည်ကို ကိုးကား၍ ဖော်ပြခဲ့ပါသည်။ အချို့သော စာရေးဆရာများက ” တောင်သမန်(အင်း)တစ်ဖက်တွင် ပသီအများအပြား နေထိုင်ကြသည့် ဗုန်းအိုးရွာရှိသည်။ ဘိုင်ဆပ်တို့က ရွှေမြို့တော်တွင် အာဏာ သိမ်းလိုသောအခါ အလွယ်တကူ ပသီများလာရောက်၍ ကူညီရန် ဦးပိန်တံတားကို ဆောက်လုပ် ခြင်းဖြစ်သည်။ ” ဟုရေးသားခဲ့ကြသည်။

    ထိုရေးသားချက်မှာ အခြေအမြစ် မခိုင်လုံသော ရေးသား ချက်သာဖြစ်သည်ဟု ဆိုချင်သည်။ ထိုစဉ်က မြို့ဝန်ဘိုင်ဆပ်နှင့် မြို့စာရေး ဦးပိန်တို့စိတ်ထဲတွင် မည်သို့ရှိမည်ကို မသိရသော်လည်း မြို့ဝန်နှင့် မြို့စာရေးဆိုသူတို့မှာ ခွဲခြား၍ မရသောသူများ ဖြစ်ပါသည်။ တစ်စိတ်တစ်ဝမ်းတည်းသာဖြစ်မည်။ မြို့ဝန်၏ အလိုကို မြို့စာရေးက မကျော်လွှားနိုင် ပေ။ ဦးပိန်သည်လည်း ပသီ(အစ္စလာမ် ဘာသာဝင်)ဖြစ်သည်။

     စာရေးသူအနေဖြင့် တောင်သမန် အင်းကိုဖြတ်၍ ဆောက်ထားသော တံတား တစ်ဖက်တွင်ရှိသည့် ဗုန်းအိုးရွာမှ လူများက အမရပူရ မြို့တော်သို့ အလွယ်တကူ လာ၍ အာဏာသိမ်းရန်၊ ကူညီရန် ဖြစ်သည်ဆိုသည်ကို သဘောမတွေ့ ပါ။ အဘယ်ကြောင့်ဆိုသော် ထိုတစ်ဖက်ရွာမှ အမရပူရ ထီးနန်းသို့ ကုန်းကြောင်းဖြင့် ပတ်လာလျှင် ထိုတံတားမှဖြတ်၍ လာသည်ထက် နီးသည်ကို တွေ့ရသောကြောင့် ဖြစ် ပါသည်။ တံတားကြီး မ ဆောက်ခင် ဆာအာသာ ဖယ်ယာ ခေါင်းဆောင်သောဗြိတိသျှိ သံအဖွဲ့တစ်ဖွဲ့ အင်းဝမြို့သို့ လာကြ စဉ်က တောင်သမန်အင်းကို သူတို့ပိုင် သင်္ဘောဖြင့်ဖြတ်ပြီး ၀င်လာကြသည်မှာ နန်းတော်မြို့ရိုး အထိ ပေါက်ခဲ့သည်ဆိုသော သမိုင်းကြောင်းရှိသည်။

    တံတားကြီးဆောက်ပြီးခဲ့သည့်နောက်တွင် နယ်ချဲ့ သင်္ဘောများနန်းတော်ဦးအထိ မရောက်နိုင်တော့ပေဟု ဆိုပါသည်။ အိမ်ရှေ့စံညီတော်ကနောင်မင်းက နောင်တော်မင်းတုန်းမင်းတရား အမရပူရနန်းမှမန္တလေးသို့ ထီးရောနန်းပါပြောင်း ရခြင်းကို ထောက်ခံခြင်းမှာ အကြောင်းရှိသည်။ သက္ကရာဇ် ၁၂၁၇ ခုနှစ်၊ ၀ါခေါင်လတွင်  အိန္ဒိယနိုင်ငံမှ ဗြိတ်ိသျှအစိုးရက အထက်မြန်မာနိုင်ငံတော်ကစေလွှတ်သည့် သံ တော်တို့တွင် ရာဇသံလက်ဆောင်တော်များနှင့် မှူးကြီးမတ်ကြီးတို့ကို စေလွှတ် ပါမည်ဟု လျှောက် ထားလိုက်ရင်းအတိုင်း၊ အင်္ဂလိပ်ဝန်ကြီး ဆာအာသာဖယ်ယာပင် ခေါင်းဆောင်၍ အရာရှိ၁၇ယောက်၊ လူငယ် ၁၄၀၊ ဂေါ်ယာစစ်ပိုင် ၁၀၀၊ ဘင်ခရာအငြိမ့်တီး ဂေါ်ယာ ၁၅၊ လူငယ်နောက်ပါ ၁၇၀၊ မြင်း နှင့် မြင်းစီး ၁၅၊ စုစုအမှုထမ်းလူငယ် ၄၄၀၊ ၂စု ၄၅၇၊ မီးသင်္ဘော ၂စီး၊ တွဲသမ္ဗန်ကြီး ၂စင်းနှင့် လာ ရောက်ရာ မြန်မာအဖွဲ့ ကမ မလွန်မြို့မှ ကြိုဆိုရပါသည်။

    လမ်းစဉ်တစ်လျှောက်၌လည်း ထွက်၍ကြိုဆိုကြရသည်။ အရှင့်နန်းမတော်ဘုရားဝန်၊ အကောက်ဝန်၊ ရွှေတိုက်ဝန်၊ ဖောင်ဝန်စာရေးကြီး၊ သင်္ဘောစာရေးကြီးတို့က ကျောက်တစ်လုံးမှနေ၍ ခတ်လှော်တော်၊ လှေလှော်တော်၊ လှေပေါင်း ၁၀၀၀ ကျော်နှင့် ကြိုယူသည်။ စစ်ကိုင်းမြို့ သံတဲသို့ရောက်လျှင် ၀န်ကြီး၊ ၀န်ထောက်တို့က နှုတ်ခွန်းဆက်သသည်။ စစ်ကိုင်းမြို့ သံတဲမှ တောင်သမန်သံတဲသို့ သံတို့စီးသည့် မီးသင်္ဘော ၂ စင်း၊ ဆွဲသမ္ဗန်ကြီး ၂ စင်း၊ ခတ်လှေ၊ လှော်လှေများနှင့် မြစ်ငယ်ဝ၊ ရွှေကြူးပေါက်လမ်းမှ တောင်သမန် အင်းအတွင်းသို့ဝင်လာ၍ မကွေးမြို့စား ၀န်ကြီး အစရှိသော မြန်မာအရာရှိတို့က ကြိုဆိုဆောင်ယူ သည်။

    ဤသို့ ဆာအာသာဖယ်ယာတို့သံအဖွဲ့၊ မီးသင်္ဘော ၂စင်း၊ ဆွဲသမ္ဗန်ကြီး ၂စင်းဖြင့် ၀ါခေါင်လ တောင်သမန်အင်း ရေပြည့်နေချိန်တွင် ၀င်ရောက်လာသည်ကို အိမ်ရှေ့စံ ကနောင်မင်း မည်သို့မျှ  ဘ၀င်မကျဟု ဆိုလေသည်။ အမရပူရနန်းတော်သို့ တောင်သမန် ဦးပိန်တံတားကြီး ခံနေ၍သာ ကပ်ပြီး ရောက်မလာနိုင်ဖြစ်သည်။ ထို့ကြောင့် အမရပူရထီးနန်းတွင် ဆက်လက်စိုးစံပါက မိုးတွင်း လများတွင်ရန်သူအင်္ဂလိပ်တို့ ထီးနန်းအနီးအထိရေလမ်းမှ ၀င်ရောက်လာနိုင်သည်ကိုတွေးမိ၍ မန္တလေးတောင်ခြေသို့ ထီးနန်းရောမြို့ပါပြောင်းရန်နောင်တော်မင်းတရားကြီး၏ အကြံကိုထောက် ခံခြင်းဖြစ်သည်ဟုဆိုပါသည်။

    တက္ကသိုလ်နေ၀င်းဘာသာပြန်သည့်အင်းဝရောက် ဗြိတိသျှသံစာအုပ် တွင်လည်း ”အမရပူရမြို့ ပတ်ဝန်းကျင်ကို တစ်နှစ်လျှင် နှစ်လကျော် ရေလွှမ်းမိုး လျှက်ရှိရာ လူအ များစီးပွားရေးအတွက်ကုန်ပစ္စည်းများ ၀ယ်ယူဖြတ်သန်း သွားလာရန်အတွက် အမြော်အမြင်ကြီး စွာဖြင့်တံတားကြီး ဆောက်လုပ်ခဲ့ခြင်းဖြစ်ပေသည်။” ဟု သူ့ဆောင်းပါးတွင် အတိအလင်းဖော်ပြ ထားပါသည်။

    မြန်မာ့စွယ်စုံကျမ်း အတွဲ (၁၄) အမရပူရမြို့အကြောင်းတွင် “ပုဂံမင်းလက်ထက်က မြို့စာရေးမောင်ပိန်သည် ထိုအင်းကိုဖြတ်၍ သင်သားတံတားကြီးတစ်ခု ဆောက်လုပ် လှူဒါန်းခဲ့ရာ ယခုတိုင် ရှိသေးသည်။ တောင်သမန်အင်းတစ်ဖက်တွင် ပုဂံမင်း တည်ထားခဲ့သော ကျောက်တော် ကြီးဘုရားရှိသည်။” ဟု ဖော်ပြထားရာ ပသီ(အစ္စလာမ်ဘာသာဝင်)တစ်ဦးဖြစ်သော မြို့စာရေး ဦးပိန်သည် စေတနာဆန္ဒ အလျောက် တံတားဆောက်လုပ်လှူဒါန်းရာတွင် တံတားတစ်ဖက်တစ် ချက်ရှိ ရွာများမှ မြန်မာ ဗုဒ္ဓဘာသာဝင်များ လွယ်လင့်တကူ အန္တရာယ်ကင်းရှင်းစွာ ဘုရားဖူးသွား နိုင်စေရန် စေတနာကိုလည်း မည်သူမျှ ငြင်းနိုင်မည် မဟုတ်ပါဟု မြန်မာ့ စွယ်စုံကျမ်းက ဆောက် လုပ်လှူဒါန်းခဲ့ ရခြင်းအကြောင်းကိုဖော်ပြထားပါသည်။

    ဦးပိန်ဆောက်လုပ်ခဲ့သည်မှာ တောင်သမန်အင်းကိုဖြတ်သည့် တံတားကြီးတစ်စင်းသာမကဘဲ စကျင်ဝချောင်း ကိုဖြတ်လျက် တောင်ကြီး တံတား၊ ပန်းဘဲတံတား၊ မင်္ဂလာအမြှောက်ဗုံးအိုးဗုံထောင် တံတား၊ စကျင်တံတား၊ ရွှေလေး တံတား၊ တောင်မြင့် တံတား၊ ရွှေတောင်တံတား၊ ဂျင်းကုန်းတံတား၊ ရွှေတုံးတံတား၊ ကြက်မွေးတံတား စသည့်တံတား ၁၀စင်းကိုလည်း ဆောက် လုပ်လှူဒါန်းခဲ့ပါသည်။

    ထိုတံတားများအနက် သွားလာ၍လွယ်ကူသော တံတားများကို စာရေးသူကိုယ်တိုင် လိုက်ကြည့်ခဲ့ ဖူးပါသည်။ တံတားများဆောက်ရန် လိုအပ်သောပန်းပဲသမားများနှင့် လက်သမားများနေထိုင်ရန် ပန်းပဲရွာနှင့်လက်သမားရွာကိုလည်း တည်ပေးခဲ့သည်ဆိုသည်။ ဦးပွားဘုရားအနောက်ဘက်၌ ရေ ကန်တစ်ကန်၊ ဘုရားကြီးလိပ်ကန်တို့ကိုလည်း တူးဖော်လှူဒါန်းပေးခဲ့လေသည်။

    အမရပူရမြို့သစ် တည်သောအခါ အင်းဝနန်းတော်ဟောင်းမှ တိုင်နှင့်သစ်သားများကိုယူ၍တံတားဆောက်လုပ်သည် ဆိုသော ပါးစပ်ရာဇ၀င်ရှိသည်။ ဟုတ်မဟုတ် မပြောနိုင်ပါ။ သို့သော်ဦးပိန်သည်တံတားများ ဆောက်လုပ်ရန်အတွက် ကျွန်းသစ်ခုတ် ခွင့်ရရှိသည်။ မြစ်ရေကြီးသောအခါ ကျွန်းသစ်များကိုဖောင်     ဖွဲ့ပြီး သယ်ဆောင်ခဲ့ရသည်ဟု အမရပူရရောက် အင်္ဂလိပ်သံမှူးဟင်နရီထူးက တံတားကြီးပုံတူကို ရေးဆွဲဖော်ပြပြီး ရေးခဲ့သည်ဟု ဆရာကြီးဦးမောင်မောင်တင် (မဟာဝိဇ္ဇာ) က ပြောဖူးသည်။ စာရေးသူအနေဖြင့်ဟင်နရီထူး ရေးဆွဲသည့် ပုံကိုမြင်ဖူးသော်လည်း ရေးခဲ့သည့်စာကိုမဖတ်ဖူးပါ။ သို့သော် တက္ကသိုလ်နေ၀င်း ဘာသာပြန် အင်းဝရောက်ဗြိတိသျှသံ စာအုပ်တွင် “တံတားကြီးသည် အသစ် စက်စက်ဖြစ်ပြီး ကျွန်းဝရန်တာနှစ်ဖက်တွင် ပန်းပုပန်းနွယ်တို့ဖြင့် ပြုလုပ်ထားသည်” ဟု အတိအကျဖော်ပြထား ပါသည်။

    သမိုင်းပါမောက္ခဒေါက်တာကျော်သက်ရေးသားသည့် မြန်မာနိုင်ငံသမိုင်းစာ အုပ် စာမျက်နှာ ၃၇၄ တွင်ပုဂံမင်း (၁၈၄၆-၁၈၅၂)နှင့် ပတ်သက်ပြီး “ပုဂံမင်းသည်စကုတွင် ဆည်မြောင်းကန်ချောင်းများကို ဖောက်လုပ်သည်။ ထိုဒေသများတွင် စေတီပုထိုးတည်ထားသည်။ သာသနာ့ဘောင်သို့ဆွေမျိုးများကို သွတ်သွင်းချီးမြှင့်၍ သာသနာ့ဒါယကာအဖြစ် ခံယူခဲ့သည်။ ညောင် ရွှေစော်ဘွား၏ သမီးတော်နှင့် လက်ဆက်သည်။ သူပုန်ထခြင်းကို ငြိမ်သက်ပိပြားအောင် ပြုလုပ်သည်။ တရုတ်နိုင်ငံမှ သံတမန်အဖွဲ့ကို တန်းတူနိုင်ငံမှစေလွှတ်သော သံအဖွဲ့ကဲ့သို့ လက်ခံပြုစု သည်။ နိုင်ငံခြားသားများက ပုဂံမင်း၏အကြောင်းကိုပြောဆိုသည်မှာ တစ်မျိုးတစ်ဖုံမူကွဲလေသည်။

    ၎င်းတို့အဆိုအရထင်ရှားသည့်အချက်ကား ပုဂံမင်းသည်တန်ခိုးအာဏာကို အလွဲသုံးစားပြုသည် ကိုလည်းကောင်း၊ တိုင်းကျိုးပြည်ကျိုးကို ဆောင်ရွက်ခြင်းမပြုဟုလည်းကောင်း ဆိုကြသောအချက် ဖြစ်သည်။ တိုင်းရေးပြည်ရာကို မင်းကလျစ်လျူရှုထားသည့်အတွက် တန်ခိုးအာဏာကိုအလွဲသုံးစား ၍ ဟော့ရမ်းမှုပြုကျင့်သူများပေါ်ပေါက်ခဲ့သည်။ ဥပမာ-အမရပူရမြို့ဝန်ဖြစ်သောပသီမောင်ဘိုင်ဆပ် နှင့်မောင်ပိန်ကဲ့သို့သော ဟော့ရမ်းသူများ ပေါ်ပေါက်ခြင်းပင်ဖြစ်သည်။”

    တစ်ဖန်စာမျက်နှာ(၃၇၅)တွင်”…..နောက်ဆုံးတွင်အများပြည်သူတို့သည် အကြောင်းစုံကို သိကြ၍ ၎င်းတို့နှစ်ဦးလွန်စွာမုန်းတီးလာသောအခါ ပြည်သူတို့ကျေနပ်စေရန် ပုဂံမင်းကကွပ်မျက်သုတ်သင် လေသည်။” ဟု ဒေါက်တာကျော်သက်က တင်ပြထားပါသည်။

    ဒေါက်တာကျော်သက်၏တင်ပြထားချက်သည် ယထာဘူတကျမည် ထင်ပါသည်။ မြို့ဝန်ဘိုင်ဆပ်၊ ဦးပိန်နှင့် ပုဂံမင်းသားတို့သည် ငယ်စဉ်က တောင်သမန်အင်း အနောက်ဘက်ရှိဘုန်းတော်ကြီးကျောင်းတွင် စာအတူသင်ခဲ့ကြသည်။ ဘိုင်ဆပ်သည် ပုဂံမင်း၏လူပျိုတော်တစ်ဦးဖြစ်ပြီး မင်းသားအလိုကျဆောင်ရွက်ခစားရသူဖြစ်သည်။

    ပုဂံမင်းနန်းတက်သောအခါ ဘိုင်ဆပ်၏အရည်အသွေးကိုငယ်စဉ်ကပင်သိ၍ မြို့ဝန်ခန့်ပြီး ဦးပိန်ကို မြို့စားရေးခန့်အပ်ခဲ့လေသည်။ ဘိုင်ဆပ်အကြောင်းကို ယခင်ဆောင်းပါးတွင် ရေးသင့်သလောက် ရေးပြီးပြီးဖြစ်သည်။ ထို့ကြောင့်မြို့စာရေး ဦးပိန်အကြောင်းကိုသာ ဆက်လက်ဖော်ပြလိုပါသည်။

    ဦးပိန်သည်(၁၁၆၈-၁၂၁၃)လည်း မဏိပူရ ကသဲ(ကသည်း) သူကြွယ်မျိုးရိုးမှ ဆင်းသက်လာသူဖြစ် သည်။ စာရေးသူက အထက်တွင် ဦးပိန်၏ကောင်းမှုမှာ ရေကန်နှစ်ကန်သာ ဖြစ်သည်ဟု ဆိုသော် လည်း သူ့အဆက်အနွယ်တို့၏ ပြောပြချက်အရ ဦးပိန်သည် တောင်သမန် တံတားကြီး အပါအ၀င် တံတား ၁၁စင်း၊ ရေကန် ၁၁ကန် ကောင်းမှုပြုခဲ့သည်ဟုဆိုပါသည်။ ဦးပိန်တွင် ဒေါ်ခင်ခင်ကြီး၊ ဒေါ်ဒေါ်စိန်၊ ဒေါ်ငယ်နှင့် အခြားအမည်မသိ ဇနီး ၄ ဦးရှိသည်ဆိုသည်။ ဒေါ်ခင်ခင်ကြီးမှ သူကြီး ဦးဥာဏ်ကိုမွေးသည်။ ဒေါ်ဒေါ်စိန်မှ ဦးသာရွှန်းဆိုသူကို မွေးသည်။ ဒေါ်ငယ်မှ ဦးဖေလင်းနှင့် ဦးသာချစ်ကယ်တို့ကို မွေးသည်။ အမည်မသိ ဇနီးမှ ဦးရှင်နှင့်ဦးဖိုးသင်တို့ကို မွေးသည်ဆိုရာ ဦးပိန်၌ သား ၆ ယောက်သာရှိပြီး သမီးရှိပုံမရပေ။ ထိုသား ၆ ယောက်မှ ဆင်းသက်လာသည်မှာ မြေး၊ မြစ်၊ တီ၊ တွတ်၊ ကျွတ်၊ ဆက်သို့ပင်ရောက်နေပြီဖြစ်ပါသည်။ ထိုမျှပင်ကမည်မဟုတ်ပါ။ ဦးပိန် ၏အဆက်အနွယ်များသည် ယခုအခါ ဦးရေအားဖြင့် ၁၀၀ခန့်မက ရှိမည်ဟုဆိုပါသည်။

    ဤဆောင်းပါးကိုရေးရခြင်းဖြစ်သည်မှာ တောင်သမန် တံတား ဒါယကာဦးပိန်ဘက်မှ အကောင်းမြင် ၀ါဒတစ်ခု တည်းဖြင့် ရေးသားခြင်း မဟုတ်ပါ။ မြို့ဝန်ဘိုင်ဆပ်နှင့် ဦးပိန်တို့သည် ပသီ(အစ္စလာမ်ဘာသာဝင်) ဖြစ်ခဲ့ကြသော်လည်း အိန္ဒိယမှလာသူများ မဟုတ်။ မဏိပူရ၊ ကူကီချင်း၊ ကသဲ(ကသည်း)၊ စော်ဘွား မျိုး၊ သူကြွယ်မျိုးတို့မှ ဆင်းသက်လာသူများဖြစ်သည်ဆိုသည်ကတစ်ကြောင်း၊ မင်းလိုလိုက် မင်းကြိုက်ဆောင်ရာတွင် မြို့ဝန်နှင့်မြို့စာရေးတို့ဖြစ်၍ အခွင့်အရေးယူကောင်းယူနိုင်ပါသည်။ သို့သော်တောင်သမန်အင်းကိုဖြတ်၍ တံတားကြီးဆောက်ရာ၌အာဏာသိမ်းရန် ကြံစည်သည်ဟူသော အရေးအသားသမိုင်းတွင် ရှာ၍ပင်မတွေ့ရဆိုသည်ကတစ်ကြောင်း၊

    ဘိုင်ဆပ်နှင့် ဦးပိန်တို့ မင်းပြစ်မင်းဒဏ်သင့်၍ ကွပ်မျက်ခံရပြီးနောက် ဘုရင့်ယောက်ဖဦးကျောက်လုံး မြို့ဝန်ဖြစ်လာခြင်းဖြင့် ထိုသူ နှစ်ဦး အပေါ် အထင်အမြင် လွဲမှားစေသော အရေးအသားများ မည်သည့်ဘက်မှ လာခဲ့သည်ကို သိရ်ှိလောက်ပါသည်။ ပုဂံမင်း သစ္စာခံ ဘက်တော်သား ဆူးငြောင့်ခလုတ်အားလုံးကို တောရှင်းထားပြီး သောကြောင့်သာ ပုဂံမင်းကိုလွယ်လင့်တကူ နန်းချနိုင်ခဲ့သည်ဟု ပြောနိုင်ပါသည်ဆိုသည့်အကြောင်း တို့ကို ဖော်ပြလို၍ ဖြစ်ပါသည်။

    မြန်မာနိုင်ငံရှိ တံတားကြီးများ အမျိုးမျိုးအနက်၊ ယနေ့ အမရပူရမှတောင်သမန်တံတားကြီးဟုပင် ခေါ်ခေါ် ဤတံတားကြီးသည် မြန်မာနိုင်ငံ တွင် လည်းကျော်ကြား၊ ကမ္ဘာနှင့် ချီ၍လည်းကျော်ကြားသော တံတားကြီးဖြစ် ပါသည်။ မြန်မာနိုင်ငံသို့လာသည့် တိုင်းတစ်ပါးသား တိုးရစ်များ ကလည်း ဤ တံတားကြီးကို လာကြည့်ဖြစ်အောင် လာကြည့်ကြ ရသည်။ နိုင်ငံတော် အစိုးရ၊ ယဉ်ကျေးမှုဝန်ကြီးဌာနမှလည်း တံတားကြီး၏တည်တံ့ခိုင်မြဲရေးကို တာဝန်ယူ၍ စောင့်ရှောက်နေရသည်။ လူအများ ကလည်း ၀ိုင်းဝန်းကူညီစောင့်ရှောက်ကြရမည်။  (တစ်လောက တိုင်တစ်တိုင်တွင် ဆေးလိပ် မီးထည့် ခဲ့၍ ထိုတိုင်မီးလောင် သွားရသည်။) မည်သို့ပင်ဆိုစေ တောင်သမန်အင်းနှင့် အင်းဖြတ်တံတား၊ တံတားဒါယကာ ဦးပိန်တို့၏ အမည်များကိုကားတွဲလျက် အစဉ်သတိရနေကြမည်သာ ဖြစ်ပါသည်။

    မောင်သန်းဆွေ၊ ထားဝယ်၊

    ကိုးကားချက်
    ၁။ ကုန်းဘောင်ဆက် မဟာရာဇ၀င်တော်ကြီး(တတိယတွဲ)
    ၂။ မောင်သန်းဆွေ (ထားဝယ်)
    ထီးဓလေ့၊ နန်းဓလေ့
    ၃။ တက္ကသိုလ်နေ၀င်း အင်းဝရောက် ဗြိတိသျှသံ(ဘာသာပြန်)
    ၄။ မြန်မာ့စွယ်စုံကျမ်း အတွဲ ၁၄
    ၅။ ဒေါက်တာကျော်သက် မြန်မာနိုင်ငံသမိုင်း
    ၆။ ဦးမောင်မောင်ကြီး(မန်း) ဘိုင်ဆပ်၏ မြန်မာအမည် ဦးအောင်မြတ်အကြောင်းစာတမ်း
    ၇။ မောင်မြသန်း မောင်ဝမ်ဆန်း(သံဖြူဇရပ်)သို့ အိတ်ဖွင့်ပေးစာ
    ၈။ ဦးပိန်အနွယ်ဆက်များ ပြုစုထားသည့် စာရေးတော်ကြီးဦးပိန်၏ ဆွေစဉ်မျိုးဆက်ဇယား

     

    ၂၀၁၅ ဇွန်လ ထုတ် ရွှေအမြုတေ မဂဇင်းမှ ကူးယူဖော်ပြခြင်းဖြစ်ပါသည်။