Category: ဆောင်းပါး

ဘ၀ရှင်သန်မှု အတွက် လှေဖြင့် ထွက်ပြေးသည့် လမ်းကိုသာ ရွေးချယ်နေကြရသည့် ရိုဟင်ဂျာများ

ဇွန်၂၀ ၊ ၂၀၁၅
M-Media

– ပင်လယ်ပြင်တွင် စွန့်ပစ်ခံရသည့် အန္တရာယ်နှင့် နယ်စပ်များတွင် တင်းကြပ်သည့် ထိန်းချုပ်မှုများ ရှိနေသော်လည်း မြန်မာနိုင်ငံ အနောက်ပိုင်း ရခိုင်ပြည်နယ်တွင် နေထိုင်ကြသည့် ရိုဟင်ဂျာများက တိုင်းပြည်အားစွန့်ခွာရန် နည်းလမ်းများကို ဆက်လက် ရှာဖွေနေကြလေသည်။

ပင်လယ်ပြင်တွင် မျောပါနေကြသော ရွှေ့ပြောင်းလာသူများ၏ ခြောက်ခြားဖွယ်ပုံရိပ်များမှာ ၎င်းတို့၏ ဒုက္ခသုက္ခများ အတွက် နိုင်ငံတကာ အသိုင်းအ၀ိုင်း၏ အာရုံစိုက်မှုကို ခံခဲ့ရသည်။ ထိုအထဲမှ ၄၀၀၀ ကျော်မှာ ကယ်တင်ခံခဲ့ရပြီး အင်ဒိုနီးရှား၊ မလေးရှားနှင့် မြန်မာနိုင်ငံတို့က ယာယီနေရာချထားပေးထားသည်ဟု ဆိုသည်။

အချို့သော စောင့်ကြည့်အဖွဲ့များကမူ နောက်ထပ် လူ ၂၀၀၀ ကျော်မှာ ပင်လယ်ထဲတွင် ရှိကောင်းရှိနိုင်သည်ဟု ပြောကြားခဲ့သည်။ ရိုဟင်ဂျာအများစုအတွက်မူ ဘ၀အသစ်က အရာရာတိုင်းကို စွန့်စားမှပင် ရရှိနိုင်မည်ဖြစ်သည်။

မြန်မာနိုင်ငံမှ ရိုဟင်ဂျာအများစုက ၎င်းတို့မှာ လူကုန်ကူးသူများနှင့် ခရီးသွားရခြင်း၏ အန္တရာယ်ကို သတိမူမိကြသည်ဟုဆိုသည်။ သို့သော်လည်း ထိုကဲ့သို့အန္တရာယ်ကို ရင်ဆိုင်စွန့်စားမှသာလျှင် အနည်းဆုံး မျှော်လင့်ချက်မှုန်းဝါးဝါးကို ရရှိကြသည်။

“ကျွန်တော်တို့ ဒီမှာနေရင် ကျွန်တော်တို့ရဲ့ဘ၀က ဆိုးရွာလာမှာပါ။ အခြားနေရာမှာ ပိုပြီး သက်တောင့်သက်သာရှိတဲ့ ဘ၀ကို မျှော်လင့်နိုင်တာကြောင့် ကျွန်တော်တို့ စွန့်ခွာကြတာပါ။ ကျွန်တော်တို့ဟာ ဒီမြေကမဟုတ်ဘူး၊ ဒီမှာနေလို့မရဘူး၊ ကျွန်တော်တို့ဟာ ကျူးကျော်သူတွေဖြစ်တယ်လို့ ပြောပြီး အာဏာပိုင်တွေက ကျွန်တော်တို့ကို ခြိမ်းခြောက်ကြပါတယ်။ ကျွန်တော်တို့ ရွာခေါင်းဆောင်ကို ခြိမ်းခြောက်တာမျိုးအပါအ၀င် သူတို့က ကျွန်တော်တို့ကို အကြိမ်တော်တော်များများ ခြိမ်းခြောက်နေကြပါတယ်။ ကျွန်တော်တို့ရဲ့ နေ့စဉ်ဘ၀က ကျွန်တော်တို့အတွက် ခက်ခဲပါတယ်” ဟု ရခိုင်ပြည်နယ်မှ ရိုဟင်ဂျာတစ်ဦးဖြစ်သူ အီလီယက်စ်က ပြောကြားခဲ့သည်။

ရခိုင်လူမျိုးများက ရိုဟင်ဂျာဆိုင်တစ်ဆိုင်အား မီးရှို့ဖျက်ဆီးခဲ့မှုကို ပြောပြ၍ ရိုဟင်ဂျာများမှာ နေ့စဉ် ကြောက်ရွံ့မှုအောက်တွင် မည်ကဲ့သို့ နေရသည်ကို ၎င်းက မီးမောင်းထိုးပြခဲ့သည်။

“ဈေးအရှေ့မှာ လုံခြုံရေးတပ်ဖွဲ့ဝင်တွေ ရှိပါတယ်။ သူတို့ကကြည့်နေပြီး ရခိုင်တွေကို မဖမ်းပါဘူး။ ရခိုင်တွေကလည်း သူတို့လုပ်တာကို လုံခြုံရေးတပ်ဖွဲ့တွေ ကြည့်နေတယ်ဆိုတာ သိပါတယ်။ သူတို့ မီးရှို့ကြပြီး အခြား ဆိုင် ၁၀ ဆိုင်က ပစ္စည်းတွေကို ခိုးယူကြပါတယ်။ ဘာမှမကျန်ပါဘူး” ဟု အီလီယက်စ်က ထပ်လောင်းပြောကြားခဲ့သည်။

အင်တာဗျူးမှုအား တစ်ဦးတစ်ယောက်က မြင်သွားမည်ကို စိုးရိမ်သည့်အတွက် အီလီယက်စ်နှင့် အင်တာဗျူးမှာ တိုတောင်းခဲ့လေသည်။ ထိုအချင်းအရာက မြို့၏ လူဦးရေ အများစုဖြစ်သော်လည်း မောင်တောမြို့ရှိ ရိုဟင်ဂျာများ အတွင်း ကိန်းဝပ်နေသည့် အကြောက် တရားပင် ဖြစ်သည်။

သို့သော်လည်း အီလီယက်စ်၏ ပြောကြားမှုများကို ရခိုင်ပြည်နယ်ဝန်ကြီးချုပ် ဦးမောင်မောင်အုန်းက လုံးဝ ပယ်ချခဲ့သည်။

“အဓိပ္ပါယ်မရှိပါဘူး။ ကျွန်တော်လက်မခံပါဘူး။ မောင်တောမှာ လူဦးရေရဲ့ ၉၇ ရခိုင်နှုန်းက ဘင်္ဂါလီတွေပါ။ ၃ ရာခိုင်နှုန်းသာ ရခိုင်တွေပါ။ ဘာ့ကြောင့် လူများစုတွေက ရခိုင်လူနည်းစုတွေကို ကြောက်ရသလဲဆိုတာ ခင်ဗျားမေးရပါမယ်။ ကျွန်တော့်ရဲ့မေးခွန်းက ဘယ်သူတွေက တကယ် ကြောက်ရလဲဆိုတာပါပဲ?” ဟု ၎င်းက ပြန်လည်ဖြေကြားခဲ့လေသည်။

မြန်မာအာဏာပိုင်များ အသုံးပြုသည့် ဘင်္ဂါလီဟူသော စကားလုံးကို လက်မခံဘဲ ရိုဟင်ဂျာဟူ၍သာ ဖော်ပြနေပါက နိုင်ငံသား အခွင့်အရေးနှင့် ပတ်သက်၍ သဘောတူညီရန် နှစ်ဘက်စလုံးအတွက် ခက်ခဲမည်ဟု အစိုးရက အစဉ်တစ်စိုက် ပြောကြားထားသည်။

အဆိုပါ အခွင့်အရေးများသည်ပင်လျှင် ရွှေ့ပြောင်းပြဿနာများ၏ အခြေခံအကြောင်းအရင်းတစ်ခုအဖြစ် သတ်မှတ်ကြလေသည်။

Ref: Channelnewsasia

June 20, 2015
ကောက်ယူခဲ့တဲ့ သန်းခေါင်စာရင်းနှင့် ထုတ်ပြန်လိုက်သည့် အစီရင်ခံစာ

ဇွန် ၂၀ ၊ ၂၀၁၅
M-Media
မာန်ထက်သျှံ ရေးသည်။

ပြီးခဲ့တဲ့ ရက်သတ္တပတ် များက သက်ဆိုင်ရာမှ ၂၀၁၄ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်း ပင်မအစီရင်ခံစာ ကိုထုတ်ပြန်လိုက်ပါတယ်။ အစီရင်ခံစာကို လေ့လာမိသောအခါ မြန်မာနိုင်ငံရဲ့ လူဦးရေနှင့် ပြည်သူလူထုရဲ့ လူမှုစီးပွားဘ၀ အခြေအနေကို ဆန်းစစ်နိုင်မှာ ဖြစ်ပါတယ်။

လေ့လာမိသမျှ သန်းခေါင်စာရင်း ကောက်ယူမှုအမျိုးမျိုးရှိပါတယ်။ လူဦးရေနှင့် အိမ်အကြောင်းအရာ သန်းခေါင်စာရင်း၊ လယ်ယာမြေ သန်ခေါင်းစာရင်း၊ သစ်တော သန်းခေါင်စာရင်း နဲ့ စက်မှုလက်မှု အကြောင်းအရာ သန်းခေါင်စာရင်းတွေပါပဲ။ ၂၀၁၄ခုနှစ်အတွင်း မြန်မာပြည်မှာ ကောက်ယူခဲ့တာကတော့ လူဦးရေနှင့် အိမ်အကြောင်းအရာ သန်းခေါင်စာရင်းပါ။

ကောက်ယူခဲ့တဲ့ သန်းခေါင်စာရင်းကို လုပ်ငန်းကဏ္ဍ လေးဆင့်နဲ့ ဆောင်ရွက်ရာ ၂၀၁၁ခုနှစ်မှစပြီး ကြိုတင်ပြင်ဆင်ခြင်း၊ စာရင်းကောက်ယူခြင်း၊ Data Processing လုပ်ခြင်းနဲ့ ယခု ပင်မ အစီရင်ခံစာ ထုတ်ပြန်ခြင်းပဲဖြစ်ပါတယ်။ ထုတ်ပြန်လုက်တဲ့ အစီရင်ခံစာပါ အချက်အလက်များသည် ၂၀၁၄ခုနှစ် မတ်လ၂၉ရက်နေ့ ညဉ့်သန်းခေါင်ယံ (ည၁၂နာရီတိတိ) အချိန် သန်းခေါင်စာရင်း ရည်ညွှန်းချိန်ပေါ် မူတည်၍ ကောက်ယူရရှိသော အချက်အလက်များကို ပြုစုထုတ်ပြန်ခြင်းပါ။

၂၀၁၄ခုနှစ် မတ်လ ၃၀ရက်နေ့မှ ဧပြီလ၁၀ရက်နေ့အထိ ကောက်ယူခဲ့တဲ့ သန်းခေါင်စာရင်းဆိုင်ရာ အချက်အလက်များကို မနှစ်က သြဂုတ်လလောက်က ရှေ့ပြေးအစီရင်ခံစာ ထုတ်ခဲ့ပါသေးတယ်။ ခေတ်အဆက်ဆက် ကောက်ယူခဲ့သော သန်းခေါင်စာရင်းများအရ ၁၈၈၁ခုနှစ်တွင် လူဦးရေ သုံးသန်း၊ ၁၈၉၁ ခုနှစ်တွင် ကိုးသန်း၊ ၁၉၄၁ ခုနှစ်စာရင်းအရ ၁၆သန်းရှီပြီး ၁၉၇၂ခုနှစ်တွင် လူဦးရေ ၂၈သန်း ရှိနေကြောင်း သိရပါတယ်။ မဆလ အစိုးရ လက်ထက် နောက်ဆုံးကောက်ယူခဲ့သော ၁၉၈၃ခုနှစ် သန်းခေါင်စာရင်းအရ လူဦးရေ ၃၅ဒဿမ၃ သန်းရှိနေခဲ့ပါတယ်။

ယခင်က မြန်မာပြည်ရဲ့ လူဦးရေကို ၂၀၁၃ခုနှစ် အောက်တိုဘာ၁ရက်နေ့ အစိုးရ တွက်ချက်စာရင်းအရ ၆၁.၅၇သန်း၊ အာရှဖွံ့ဖြိုးရေးဘဏ်က သန်း ၆၀၊ အပြည်ပြည်ဆိုင်ရာ ငွေကြေးရန်ပုံငွေအဖွဲ့ က ၆၄ သန်း ဟုအသီးသီး ခန့်မှန်းခဲ့ကြပေမဲ့ ယခုဆို မြန်မာနိုင်ငံရဲ့ ပကတိ လူဦးရေစာရင်း တစ်ခုကို သိရှိရပြီ ဖြစ်သည်။ နှစ်၃၀ကျော်ကြာမှ ပြန်လည်ကောက်ယူခဲ့သော သန်းခေါင်စာရင်း အရ မြန်မာနိုင်ငံရဲ့ လက်ရှိလူဦးရေမှာ ၅၁.၄ သန်းကျော်ရှိနေကြောင်း တွေ့ရပါတယ်။

လူဦးရေ စာရင်းတစ်ခုသိရုံနှင့်ပင် နိုင်ငံရဲ့ နှစ်စဉ် ဘတ်ဂျက်လျာထား ဆောင်ရွက်မှုများ၊ နိုင်ငံတော်ရဲ့ သယံဇာတ ရင်းမြစ်များနှင့် စားနပ်ရိက္ခာ ဖူလုံရေးဆိုင်ရာ ရေတိုရေရှည် ချမှတ်ဆောင်ရွက် နိုင်ရေးအတွက် များစွာ အထောက်အကူပြုပါတယ်။

အိမ်ထောင်စု ဆယ်သန်းကျော်အနက် အမျိုးသားဦးရေ ၂၄သန်းကျော်နှင့် အမျိုးသမီးဦးရေ ၂၆သန်းကျော် ရှိနေပါတယ်။ ရာခိုင်နှုန်းအားဖြင့် အမျိုးသား ၄၈.၂၂ ရာခိုင်နှုန်း၊ အမျိုးသမီး ၅၁.၇၈ ရာခိုင်နှုန်း အချိုးဖြစ်ပါတယ်။ ကျေးလက်နဲ့ မြို့ပြနေထိုင်မှုမှာ ၇၀ အချိုး ၃၀ဖြစ်ပါတယ်။ ဒေသ အလိုက် လူဦးရေပြန့်နှံ့မှုတွင် ရန်ကုန်တိုင်းဒေသကြီးတွင် အများဆုံးဖြစ်ပြီး ကယားပြည်နယ်မှာတော့ လူဦးရေ သိပ်သည်းဆ အနည်းဆုံးဖြစ်ပါတယ်။

လူတစ်ဦးချင်းစီရဲ့ ပျှမ်းမျှမျှော်မှန်း သက်တမ်းမှာလည်း အမျိုးသားနှင့် အမျိုးသမီး ခန့်မှန်းခြေ ၆နှစ်လောက် ကွာဟနေတာကို ပင်မ အစီရင်ခံစာက မီးမှောင်ထိုးပြနေပါတယ်။ မွေးကင်းစနဲ့ အသက် ၅နှစ်အောက် ကလေးငယ်များ သေဆုံးနှုန်းဟာလည်း တစ်နိုင်ငံလုံးအတိုင်းအတာအရ မြင့်မား ဆဲပင်ဖြစ်ပါတယ်။ ယခင်က နှစ်စဉ်လူဦးရေတိုးနှုန်းဟာ ၀. ၉၇ ရာခိုင်နှုန်း ဟုခန့်မှန်း တွက်ချက်သော်လည်း ယခုဆို နှစ်စဉ် လူဦးရေတိုးနှုန်းဟာ ၀.၈၉ ရာခိုင်နှုန်းဟု ကိန်းဂဏန်း တစ်ခု ထွက်လာပြီလည်း ဖြစ်ပါတယ်။

နိုင်ငံတွင်းရှိ ၆၉.၃ ရာခိုင်နှုန်းသော ပြည်သူများဟာ နိုင်ငံသားစိစစ်ရေးကတ်ကို ကိုင်ဆောင်ထားသော်လည်း ယာယီသကသေခံကတ် ၀ှိုက်ကတ်နှင့် ဘာကတ်မှ မကိုင်ဆောင်ထားသူတွေဟာလည်း ၂၈ ရာခိုင်နှုန်း နီးပါးရှိနေသေးပါတယ်။ အများအားဖြင့် ၀ှိုက်ကတ်နှင့် ဘာကတ်မှ မကိုင်ဆောင်ထားသူတွေဟာ နယ်စပ်ဒေသမှ ပြည်သူတွေဖြစ်လို့ ခိုးဝင်လာသူတွေပါလို့ ယတိပြတ်ပြောလို့ မရပါဘူး။ နိုင်ငံသား တစ်ယောက်ကို နိုင်ငံသား အဖြစ် အသိအမှတ် မပြုခြင်းဟာလည်း နိုင်ငံသား အခွင့်အရေး ဆုံးရှုံးမှု တစ်ရပ်ပါပဲ။ ထိုသူများကို နိုင်ငံသား စိစစ်ရေး လုပ်ငန်းစဉ်ဖြင့် နိုင်ငံသား အခွင့်အရေး ပေးမှာလား။ ဒါမှမဟုတ် ထိုသူများကို ရှေ့ဆက် ဘယ်လိုဆောင်ရွက်မယ်ဆိုတာ အစိုးရအတွက် မေးခွန်းတစ်ခု ဖြစ်လာပါတယ်။ ဒါလက်ရှိ အသေးစိတ် ကိုင်တွယ် ဖြေရှင်းရမယ့် ပြဿနာ တစ်ရပ်အဖြစ် သန်းခေါင်စာရင်းက ညွှန်းဆိုနေပါတယ်။

စွမ်းအင်ကဏ္ဍကို ခြုံငုံသုံးသပ်ကြည့်သော် အလင်းရောင်ရရှိမှုအတွက် လျှပ်စစ်မီး အသုံးပြုမှုဟာ တပြည်လုံး အတိုင်းအတာအရ သုံးပုံ တစ်ပုံခန့်သာရှိပြီး အစားအစာ ချက်ပြုတ်စားသောက်ရာမှာလည်း သစ်သား၊ ထင်း၊ မီးသွေး၊ လောင်စာတောင့်များကို အဓိက အားထားရဆဲဖြစ်ပါတယ်။ ဒါဟာ ဘာကိုပြသ သလဲဆိုရင် ပြည်သူတွေ လျှပ်စစ်မီး လုံလုံလောက်လောက် မရတာဟာ မြို့ပြနှင့် ကျေးလက်များ အကြားတွင် သိသာစွာ ကွာခြားနေပါတယ်။ သဘာဝပစ္စည်းများဖြစ်တဲ့ ရုပ်ကြွင်းလောင်စာ သစ်သား၊ ထင်း၊ မီးသွေး စတာတွေ အသုံးပြုမှု မြင့်မားနေတာဟာ သစ်တောများနှင့် သဘာဝ ပတ်ဝန်းကျင်အတွက် အလွန် အန္တရာယ် ရှိနေတယ်ဆိုတာ ညွှန်ပြနေပါတယ်။

ပြည်သူတွေ ရေကောင်းရေသန့် မရရှိမှုမှာ လူထုရဲ့ ပျှမ်းမျှ သုံးပုံ တစ်ပုံနီးပါး ရှိတာကိုတွေ့ရပြီး သန့်ရှင်းသော သောက်ရေ၊ သုံးရေ ရရှိရေးအတွက်လည်း မည်ကဲ့သို့ ဆောင်ရွက်ရမည်ကို အဖြေရှာရမှာ ဖြစ်ပါတယ်။ တဖက်က ပြည်သူ့ ကျန်းမာရေး အမြင်အရ ကြည့်လျှင် မသန့်ရှင်းသော အိမ်သာ သုံးစွဲမှုဟာ ပြည်သူတစ်ရပ်လုံးရဲ့ ၄ချိုး ၁ချိုး ရှိနေပြီး အဲ့ဒီအနက် ၁၄ရာခိုင်နှုန်းကျော်ကလည်း အိမ်သာမရှိဘဲ သုံးစွဲနေတာကို တွေ့ရပါတယ်။ နေအိမ်များရဲ့ ၇၀ ရာခိုင်နှုန်းဟာ သန့်ရှင်းသော ရေနှင့် မိလ္လာစနစ်များ ပိုင်ဆိုင်ထားသော်လည်း ပြည်နယ် အချို့တွင် ထိုစနစ်များ ချို့ယွင်းနိမ့်ကျနေဆဲပဲဖြစ်ပါတယ်။ သို့ဆိုလျှင် ပြည်သူ့တစ်ရပ်လုံးကို လွှမ်းခြုံသော ပြည်သူ့ကျန်းမာရေးစနစ်များကို ဘယ်လို ဖော်ဆောင်မှာလဲဆိုတာ အဖြေရှာကြည့်ရမှာ ဖြစ်ပါတယ်။

နိုင်ငံတွင်း မှီခိုသူ အချိုးမှာ ထက်ဝက်ကျော်ရှိသဖြင့် အလုပ်လက်မဲ့ လူဦးရေမှာ မည်မျှရှိကြောင်းလည်း ခန့်မှန်းနိုင်ပါတယ်။ အိမ်ရာ ပိုင်ဆိုင်မှုမှာ အိမ်ငှားနေသူနှင့် အခြားသော အိမ်ရာများတွင် နေထိုင်သူများ အတိုင်းအတာ တစ်ရပ်အနေနဲ့ ရှိနေပါသေးတယ်။ လက်ကိုင်ဖုန်း သုံးစွဲမှုမှာ လူဦးရေ ၁၀၀ လျှင် ၃၃ယောက် နီးပါးကိုင်နိုင်ပြီး အဆိုပါ Data ဟာ ၂၀၁၄ခုနှစ် သန်းခေါင် စာရင်း ကောက်ယူသည့် အချိန်တွင်ရှိသော အချက်တစ်ခုဖြစ်ပြီး ယခုအခါ နိုင်ငံတကာ အော်ပရေတာ များနှင့် ပြည်တွင်း အော်ပရေတာများ သုံးစွဲသူ များပြားလျက်ရှိရာ သုံးစွဲမှု ပိုမို မြင့်မားနေပြီဖြစ်ကြောင်း ခန့်မှန်းနိုင်ပါတယ်။ မြို့ရွာ ကျေးလက်အနှံ့တွင် သယ်ယူပို့ဆောင်ရေးအတွက် မော်တော်ဆိုင်ကယ်၊ စက်ဘီးများကိုသာ အဓိက သုံးစွဲနေပြီး မော်တော်ကား သုံးစွဲမှုမှာ ၃ ရာခိုင်နှုန်းရှိရာ မြို့ပေါ်များတွင် သုံးစွဲမှု များပြားနိုင်ပါသည်။

ယခုထုတ်ပြန်လိုက်တဲ့ သန်းခေါင်စာရင်း ပင်မအစီရင်ခံစာမှာ ပညာရေး၊ အလုပ်၊ အလုပ်အကိုင်၊ လူမျိုး၊ ဘာသာ တွေနဲ့ ပတ်သက်တဲ့ အချက်အလက်တွေတော့ မပါဝင်သေးပါဘူး။ နိုင်ငံတွင်း၊ ဒေသအလိုက် လူမျိုးရေးနှင့် ဘာသာဝင်လူဦးရေ သိပါမှ လူမျိုးစု၊ မျိုးနွယ်စုများရဲ့ တာဝန်၊ ပိုင်ခွင့်၊ အခွင့်အရေးများ နှင့် သာသနာရေးဆိုင်ရာ စီမံချက်များကို ဖော်ဆောင်နိုင်မှာ ဖြစ်ပါတယ်။ အလားတူ ပညာရေး ၊ အလုပ်အကိုင် စတဲ့ အချက်တွေ သိပါမှ တပြည်လုံး လွှမ်းခြုံနိုင်တဲ့ အမျိုးသား ပညာရေး စနစ်များနဲ့ အလုပ်အကိုင် အခွင့်အလမ်းဆိုင်ရာ စီမံချက်များကို အကောင်အထည်ဖော်ဆောင်ရွက်ရမှာ ဖြစ်ပါတယ်။ ထိုအချက်အလက်များကို စနစ်တကျစီမံ ခန့်ခွဲနိုင်ဖို့အတွက် ၂၀၁၆ ခုနှစ်ထဲမှာ အသေးစိတ် အစီရင်ခံစာကို ထုတ်ပြန်ဖို့ စီစဉ်ထားတယ်လို့လည်း သိရပါတယ်။

အချုပ်အားဖြင့် လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူမှုဟာ နိုင်ငံတစ်နိုင်ငံအတွက် အလွန် အရေးကြီးလှ ပါတယ်။ လူဦးရေ ကိန်းဂဏန်း မှန်ကန်စွာ သိပါမှ ပြည်သူတို့၏ ပညာရေး၊ ကျန်းမာရေး၊ စီးပွားရေး၊ ဘာသာရေး၊ ဆက်သွယ်ရေး၊ စားနပ်ရိက္ခာ၊ ပို့ဆောင်ရေး၊ မြို့ပြအိမ်ရာများနှင့် လူနေမှုစနစ်များ၊ စီမံကိန်းများ ဖော်ထုတ်နိုင်ရေး စတဲ့ ကဏ္ဍအသီးသီးကို စနစ်တကျ လျာထား စီမံခန့်ခွဲနိုင်မှာလည်း ဖြစ်ပါတယ်။ တိုင်းပြည်တွင်းရှိ လူဦးရေနှင့် လုပ်သားအင်အား၊ လူ့စွမ်းအား အရင်းအမြစ်များ၊ နိုင်ငံတော်ဖွံ့ဖြိုးရေး လုပ်ငန်းများအတွက်လည်း သန်းခေါင်စာရင်း အချက်အလက်များက အထောက်အကူပြုပါတယ်။ အဆိုပါ ကဏ္ဍတွေအတွက် သုတေသနလုပ်ငန်းများ စဉ်ဆက်မပြတ်ဆောင်ရွက်နေဖို့ လိုပါတယ်။

ဒါကြောင့် ကောက်ယူခဲ့တဲ့ သန်းခေါင်စာရင်းနဲ့ ထုတ်ပြန်လိုက်တဲ့ အစီရင်ခံစာဟာ ပြည်သူတစ်ရပ်လုံးနဲ့သက်ဆိုင်ပြီး မိမိတို့ရဲ့ လူနေမှုဘ၀များစွာကို အကျိုးသက်ရောက်နေတယ်ဆိုတာကို နားလည်ထားရပါမယ်။

အထက်ကဖော်ပြခဲ့သော အကြောင်းအရာများသည် သန်းခေါင်စာရင်း ပင်မအစီရင်ခံစာပါ အချက်အလက်များကို အခြေပြု၍ အကျဉ်းချုပ် သုံးသပ်တင်ပြခြင်းသာ ဖြစ်ပါတယ်။ ဆက်လက်၍လည်း ၂၀၁၆ခုနှစ်မှာ ထုတ်ပြန်မယ့် သန်းခေါင်စာရင်း အချက်အလက်များကို ခေါင်းစဉ် အလိုက် ကဏ္ဍအလိုက် အသေးစိတ် လေ့လာဆန်းစစ်ကာ ပြည်သူ့ဘ၀ တိုးတက်ရေးအတွက် ပြည်သူတစ်ရပ်လုံး ၀ိုင်းဝန်းဆောင်ရွက်ရဦးမည်သာ။ ။

မာန်ထက်သျှံ

June 20, 2015
ဖနားတစ်စင်မ်နဲ့ ၂၀၁၅ ဆီးဂိမ်းဘောလုံး

M-Media
၂၀၁၅ ဇူလိုင် ၁၄
ဆောင်းပါးရှင် – ဒန်ငြာရှိန်း

မြန်မာပရိသတ်များ ဗီယက်နမ်နှင့် ဆီးမီးဖုိုင်နယ်ပွဲအပြီး အောင်ပွဲခံနေစဉ် (ဓါတ်ပုံ CNA)

ဆီးဂိမ်း၂၀၁၅ ၀က်ဘ်ဆိုက်ဒ်က မြန်မာပရိသတ်အားပေးပုံကို fanatical support ခေါ် တယူသန်အားပေးပုံလို့ ရေးထားတယ်။ (http://tinyurl.com/phowarn) ဘောလုံးပွဲအားပေးတဲ့ ပရိသတ် ၊ အထူးသဖြင့် ကွင်းထဲက ပရိသတ်က အမြဲတယူသန်ပဲ၊ မြန်မာပရိသတ်မှ မဟုတ်ဘူး ၊ ဘောပရိသတ်တုိုင်း သူ့အသင်းကိုပဲ တယူသန်အားပေး တတ်ကြတယ်။ နိုင်ငံကိုယ်စားပြု အသင်းကို စိတ်ခံစားချက်နဲ့ အားပေးကြတဲ့အခါ အထူးသဖြင့် ကွင်းတွင်းပရိသတ်သာမက နည်းပြအဖွဲ့ဝင်တွေကိုယ်တိုင် အဖြစ်မှန်ကို သုံးသပ်နုိုင်စွမ်း မဲ့သွားလေ့ ဖြတ်တတ်ကြတယ်။

ဒါကြောင့်လည်း နည်းပြတွေက ဘောပွဲပြီးတဲ့အခါ မိမိအသင်းရဲ့ အားနည်းအားသာချက်တွေကို ဗွီဒီယိုမှတ်တမ်းတွေ ကနေ ပြန်ကြည့်ပြီး နောက်တစ်ပွဲအတွက် ပြင်ဆင်ကြရပါတယ်။

ဒီလိုရှိတဲ့အခါမှာ မြန်မာပရိသတ်ကိုကျမှ fanatic ခေါ် အရူးအမူးအားပေးတတ်တဲ့ ပရိသတ်ဆိုတဲ့ စကားလုံးမျိုး သုံးပြီး ဖော်ပြကြတာ ဘာကြောင့်၊ အဲဒါကို ဆန်းစစ်ကြရပါမယ်။

မနေ့က ဗီယက်နမ်နဲ့ ဆီးမီးဖိုင်နယ်ကစားတယ်၊ မြန်မာနိုင်တယ်။ ၀ါရင့်အားကစားကလောင်ရှင် ဆရာခင်မောင်ထွေး (ပျဉ်းမနား) နဲ့ ဦးသန်းတိုးအောင်တို့ကိုယ်တိုင် ကံကိုယိုးမယ်ဖွဲ့ပြီး ကံကူတာလည်း ပါတာပေါ့နော်ဆိုတဲ့အချက်ကို မဖြစ်မနေ၀န်ခံခဲ့ကြတယ်။

ဒါကိုမှ အွန်လိုင်းသုံးတဲ့ တယူသန်မြန်မာပရိသတ်အချို့က မြန်မာခံစစ်နည်းဗျူဟာကြောင့်သာ မြန်မာနိုင်ခဲ့တာဖြစ်ပြီး ကံကြောင့်နုိုင်တာလို့ ပြောတဲ့သူတွေက ဘောပွဲအကြောင်း နားမလည်ကြသူတွေဖြစ်တယ် ဆိုပြီး ပြောဆိုရေးသားကြတယ်။ မြန်မာအသင်း အုပ်ချုပ်ရေးမန်နေဂျာ ဦးသန်းတိုးအောင်ကိုယ်တိုင်က နည်းစနစ်အဖွဲ့ အနေနဲ့ မြန်မာကစားသမားတွေကို ခံစစ်ကစားခုိုင်းခဲ့တာ မဟုတ်ဘူးလို့ ထုတ်ဖော်ပြောလိုက်တဲ့အခါကျတော့ ခုနပြောတဲ့ fanatic ၊ တယူသန် ပရိသတ်ဆိုတာဘာလဲ၊ သဘောပေါက်ဖို့ လွယ်သွားပြီ။

Fanatic ဆိုတဲ့ ဝေါဟာရကပေးတဲ့ နောက်ထပ်အနက်တစ်ခုကလည်းရှိသေးတယ်။ ဘာသာရေးမှာဖြစ်စေ၊ နုိုင်ငံရေးမှာဖြစ်စေ တယူသန် အစွန်းရောက်တွေကိုလည်း ဖနားတစ်လို့သုံးစွဲဖော်ပြကြတယ်။ အဲလိုရှိတော့ ဆီးဂိမ်း ၂၀၁၅ ၀က်ဘ်ဆိုက်ဒ်က သုံးထားတဲ့ စကားလုံး ဖနားတစ်သည် အပြုသဘောဆောင်တဲ့စကားလုံးဖြစ်သော်ငြားလည်း အပျက်သဘောဆောင်တဲ့ ဘက်ကနေပြီးလည်း သုံးသပ်ကြည့်ရအောင်။

မြန်မာပရိသတ်သည် တဘက်အသင်းပရိသတ် ဒါမှမဟုတ် ကြားနေပရိသတ်ရဲ့ဝေဖန်မှုတိုင်းကို တုန့်ပြန်ရမယ်လို့ ခံယူထားတဲ့သဘောမှာ ရှိတယ်။ နုိုင်ငံခြားသားအချို့ရဲ့ အွန်လိုင်းဝေဖန်မှုတွေကို မတုန့်ပြန်ရဘူးလို့ မဆိုသာပေမယ့် အားလုံးကို ခံစားချက်နဲ့ တုန့်ပြန်ကြရတာမျိုးလည်း မဟုတ်ပြန်ဘူး။

ခံစားချက်အသားပေးတာကြောင့် နည်းပြဂါးဘလောက်ရဲ့ အောင်ကျော်ကျော်တို့မျိုးဆက်ကနေ နည်းပြ အိုင်ဗင်ကိုလတ်ရဲ့ ဇော်လင်းထွန်း(၂)တို့ မျိုးဆက်၊ အဲဒီကနေ ခုချိန် (၂၀၁၅ ဆီးဂိမ်းမတိုင်မီ) ထိ ဘောလုံးအောင်မြင်မှုကို ပြန်မရတော့ဖူး။ အဲဒီအမှားတွေက ခုထိအရိပ်ထင်နေဆဲပဲ။

ဖနားတစ် ဆိုတဲ့နေရာမှာ ခုလက်ရှိ မြန်မာနိုင်ငံမှာ ခေတ်စားနေတဲ့ လူမျိုးရေးဘာသာရေး မှိုင်းတိုက်မှုတွေကိုလည်း ထည့် စဉ်းစားရမယ်။ ဘောလုံးပွဲကနေ မတရားကြီး အမြတ်ထုတ်မယ့် လူတန်းစားတစ်ရပ် မြန်မာပြည်မှာ ရှိနေတယ်။ သူတို့က မြန်မာ ပရိသတ်ကို အဲဒီ ဖနားတစ်စင်မ် (fanaticism) ခေါ် အမှန် မမြင်နိုင်တဲ့ တယူသန် ၀ါဒီတွေဖြစ်အောင် ဖန်တီးမယ်၊ နိုင်ငံရေး အရ အမြတ်ထုတ်မယ်။ ဒါကိုသတိချပ်ဖို့ လိုအပ်ပါတယ်။

မနက်ဖန် ယူ၂၃ဖိုင်နယ်ဟာ မြန်မာပရိသတ်ရဲ့ ရင့်ကျက်မှုကို ပြသရမယ့်အချိန်ပဲ။ ၀ါးရင်းတုတ် ဒဏ္ဍာရီကို အသက်မသွင်းဘဲ မိမိတို့ရိုးရာ အဆင်အပြင် ယဉ်ကျေးမှုကို ထုတ်ဖော်ပြီး အားပေးတတ်ကြရမှာ ဖြစ်ပါတယ်။ မြန်မာ့ ရိုးရာဝတ်စားဆင်ယဉ်မှု (ဥပမာ မင်းညီမင်းသားတွေ ရှင်ဘုရင်တွေ အစရှိသဖြင့်) သည် အနှောင့်အသွား မလွတ်တဲ့ ၀တ်စားဆင်ယဉ်မှု မဟုတ်တဲ့အတွက် တဘက်အသင်းကို မထီမဲ့မြင်ပြုရာ မရောက်ပါဘူး။ ထိုင်းပရိသတ်တွေသည်လည်း အဲသလို ၀တ်ပြီး အားပေးကြတာကို အင်ဒုိုနဲ့ ဆီးမီးပွဲမှာ တွေ့ကြရမှာပါ။ သို့သော် တရားလွန်ပြီး နှစ်ပေါင်းများစွာက အနာဟောင်းကို ထိုးဆွရင် ဖနားတစ်သည် အပျက်သဘောဆောင် စကားလုံးနဲ့အတူ ဆီးဂိမ်း ၂၀၁၅ ၀က်ဘ်ဆိုက်ဒ်မှာ တကျော့ပြန် အသုံးတော်ခံသွားပါလိမ့်မယ်။

အနိုင်နဲ့အရှုံးသာရှိမယ့် ဖိုင်နယ်ပွဲမှာ အရှုံးကိုလည်း ရာနှုန်းပြည့်မျှော်လင့်ထားရမှာဖြစ်ပါတယ်။ အရှုံးနဲ့ရင်ဆိုင်ရတဲ့အခါ အပြုံးမပျက်ဘဲ မိမိအသင်းကို ဆက်လက်အားပေးပြီး သဘောထားကြီးတဲ့ ပရိသတ် ၊ ရင့်ကျက်တဲ့ပရိသတ်ဆိုတာကို ပြသရပါမယ်။

ဆီးဂိမ်းဆိုတာ ၂ နှစ်တစ်ခါ ပေါ်လာစမြဲပဲ။ နောက်တစ်ကြိမ်ကျရင် ဒီထက်ပိုအားကောင်းအောင် ပြင်ဆင်ကြမယ်ဆိုပြီး နှလုံးသွင်းကြရမှာ သာဖြစ်တယ်လို့ တိုက်တွန်းအပ်ပါတယ်။

June 14, 2015
ဒေါ်အောင်ဆန်းစုကြည်၏ တရုတ်ခရီးစဉ်နှင့် မြန်မာ့ပါဝါ တစ်ဆစ်ချိုး

ဇွန် ၁၁ ၊ ၂၀၁၅
M-Media

ဘေဂျင်းလေဆိပ်သို့ ရောက်ရှိလာသော ဒေါ်အောင်ဆန်းစုကြည့် (Photo-AP)

ဒေါ်အောင်ဆန်းစုကြည်၏ ပထမဆုံးဘေဂျင်း ခရီးစဉ်မှာ တရုတ်ပြည် သံတမန် လမ်းကြောင်း၏ ကစားကွက်အတွက် သမိုင်းဝင် အဆင့်အထိတော့ မရောက်ရှိပါ။ သို့သော် နိုင်ငံရေး အကျဉ်းသားဟောင်း တစ်ဦး၏ ပါဝါပြင်ဆင်မှု အတွက် လက္ခဏာသစ်တစ်ရပ်၊ ၎င်းပြင် တရုတ်-မြန်မာ ဆက်ဆံရေး ကဏ္ဍမှ တရုတ်ခေါင်းဆောင်များ၏ တင်းမာစအခြေအနေဖြေလျော့ရေး အမှတ်အသား တစ်ခုဖြစ်ပါသည်။
.
၎င်းဗုဒ္ဓဟူးနေ့ခရီးစဉ်က ယခုနှစ် ရွေးကောက်ပွဲ၌ အပြတ်အသတ်နိုင်ချေရှိသော NLD ပါတီနှင့် အကျိုးတူ စီးပွားများ ရှေ့ဆက်ဆောင်ရွက်နိုင်ကြောင်း ထုတ်ဖော်ပြသမည့် အုပ်စုနှစ်ဖက်၏ကြိုးပမ်းခြင်းတစ်မျိုးဟု သုတေသီများမှ ဆိုသည်။
.
တရုတ်ပြည်သည် မြန်မာနိုင်ငံ၏ အကြီးမားဆုံးရင်းနှီးမြှုပ်နှံသူနှင့် အိန္ဒိယ သမုဒ္ဒရာဖက် လက်တံ ဆန့်တန်းနေသူဖြစ်၏။ သို့ရာတွင် ဘေဂျင်းကျောထောက်နောက်ခံ မြစ်ဆုံဆည်စီမံကိန်းဆိုင်းငံ့ထားမှုမှသည် နှစ်နိုင်ငံ နယ်စပ်ရှိ ပဋိပက္ခ အထိ ကိစ္စများကြောင့် တင်းမာမှုကြီးထွားစပြုနေသည်။
.
“ဒီခရီးစဉ်ဟာ နှစ်ဖက်စလုံးအတွက် ကွက်လပ်တစ်ခုကို ဖြည့်ပေးနိုင်မှာပါ။ တကယ်လို့ ဒေါ်အောင်ဆန်းစုကြည်က တရုတ်ပြည်ခရီးစဉ် ထွက်မလာခဲ့ရင် သူမရဲ့အရေးပါမှု စွန်းထင်းသွားနိုင်ပါတယ်။ တရုတ်ပြည်ဖက် ကလည်း အနည်းဆုံးတော့ မြန်မာ့ အနာဂတ်ခေါင်းဆောင် တစ်ဦးနဲ့ ဆက်ဆံရေးပြေလည်နေတာကို ပုံပြလုပ်ဖို့ လိုချင်နေမှာပါပဲ” ဟု Washington’s Stimson Center မှ အဆင့်မြင့်တွေးခေါ်ရှင် အဖွဲ့ဝင် Yun Sun ကပြောကြားသည်။
.
တရုတ်ကွန်မြူနစ်ပါတီ၏ ဖိတ်ကြားချက်အရ နိုဗယ်ဆုရှင် ဒေါ်အောင်ဆန်းစုကြည်သည် တရုတ်ပြည်တွင် ငါးရက်ကြာ လည်ပတ်မည်ဖြစ်သည်။ သူမသည် သမ္မတ ရှီကျင်းပင်၊ ၀န်ကြီးချုပ် လီကယ်ကျန်းတို့နှင့် တွေ့ဆုံဆွေးနွေးမည် ဆိုသော မြန်မာပြည်မှ သတင်းများနှင့် ပတ်သက်၍ ဘေဂျင်းဖက်မှ အတည်မပြုသေးပါ။
.
ကာလကြာရှည် အသံထွက်နေခဲ့သော ဒေါ်အောင်ဆန်းစုကြည် ၏ ဤခရီးစဉ်သည် အသွင်ပြောင်း အစိုးရ တက်လာခဲ့သည့် ၂၀၁၁ ခုနှစ်ကတည်းကဆိုလျှင် ပထမဦးဆုံးအကြိမ် ဖြစ်သည်။ ယခင်စစ်အစိုးရဟောင်း၏ တတိယ ထိပ်သီးပုဂ္ဂိုလ်နှင့် ယခု လွှတ်တော်ဥက္ကဌ သူရဦးရွှေမန်းသည် ဘေဂျင်း၌ သမ္မတ ရှီနှင့်တွေ့ဆုံပြီး ရက်သတ္တပတ် အနည်းငယ်အကြာ ဤခရီးစဉ် ဖြစ်ပေါ်လာသည့် အပေါ် Eurasia Group အဖွဲ့ဝင် နိုင်ငံရေး အကျပ်အတည်း သုတေသီ ခရစ်ရှန်လူးဝစ္စမှ အောက်ပါကဲ့သို့ ထောက်ပြခဲ့သည်။
.
“ဦးရွှေမန်းဟာ မြန်မာနိုင်ငံရဲ့သမ္မတလောင်း အဖြစ် အခိုင်ဆုံး အရွေးချယ်ခံ တစ်ဦးဖြစ်ကြောင်း၊ ဒါပေမယ့် ဒေါ်အောင်ဆန်းစုကြည်ရဲ့ သြဇာအင်အားမြင့်တက်လာမှုနဲ့ NLD ရဲ့နိုင်ငံရေး အနေအထားကိုလည်း အသိအမှတ်ပြုကြောင်း ဘေဂျင်းက အမြင်ထား ရှိနေတာကို အလည်အပတ် ခရီးစဉ်များရဲ့အကျိုးဆက်က ထင်ဟပ်စေပါတယ်”။
.
တရုတ်မြန်မာဆက်ဆံရေးမှာ ဒေါ်အောင်ဆန်းစုကြည် နေအိမ်အကျယ်ချုပ် ခံရစဉ်တုန်းကထက် ပိုပြီးထူးခြားလာသည်မဟုတ်။ သို့သော် မြန်မာ့နိုင်ငံရေး တံခါးဖွင့်ခြင်းနှင့် အတူ တရုတ်၏နိုင်ငံရေးနှင့် စီးပွားရေးအရ လွှမ်းမိုးခြယ်လှယ်လိုမှုအပေါ် လူထု အမျက်သင့်လာမှုက ဆက်ဆံရေးသွေးအေး လာစေသည်။
.
လူထုဆန္ဒပြပွဲများကြောင့် ၂၀၁၁ ခုနှစ်တွင် နိုင်ငံမြောက်ပိုင်း မြစ်ဆုံဆည်စီမံကိန်းကို မြန်မာအစိုးရမှ လုပ်ငန်း ရပ်ဆိုင်းလိုက်သလို၊ လက်ပံတောင်းကြေးနီး စီမံကိန်း အပေါ် ကန့်ကွက်ဆန့်ကျင်ကြသည့် ရွာသူရွာသားများမှာ အကြမ်းဖက်ဖြိုခွင်းမှုကို ရင်ဆိုင်ခဲ့ရသည်။
.
မြန်မာစစ်တပ်သည် ရန်သူ့နယ်မြေထဲ ဗုံးကြဲရာမှ တရုတ်ပြည်တွင်း ကျွံဝင်ပြီး နယ်ခံရွာသားအချို့ သေဆုံးခဲ့ရသည်။ ၎င်းနောက် ပြီးခဲ့သည့်ရက်သတ္တပတ်က နယ်စပ်ဒေသပေါ်၌ စစ်ရေးလေ့ကျင့်ပြင်ဆင်မှုပြုလုပ်ခြင်းဖြင့် တရုတ်ပြည်သည် မိမိ၏အမျက်ကို အထင်အရှား ပြသလာသည်။
.
ဒေါ်စုကြည်ကဲ့သို့ ငြိမ်းချမ်းရေးနိုဗယ်ဆုရရှိခဲ့သူ တရုတ်ပြည်၏ တစ်ဦးတည်းသော နိုဗယ်ဆုရှင် လျူ ရှောင်ပို (Liu Xiaobo) မှာ အစိုးရကို အာခံခြင်း စွဲချက်ဖြင့် ထောင်ဒဏ် ၁၁ နှစ် ကျခံနေရသည်။ ထိုသူ့အတိုင်း ဒေါ်အောင်ဆန်းစုကြည် ကို အနောက်နိုင်ငံများမှ ဒီမိုကရေစီထောက်ခံ ရပ်တည်သူဟု လက်ခံထားသည့် အနေအထားအရ သူမ၏ခရီးစဉ်မှာ ထိလွယ်ရှလွယ်ဖြစ်လာနိုင်သည်။
.
သို့ရာတွင် ရိုဟင်ဂျာအရေးနှင့် စပ်လျဉ်း၍ သူမ၏နှုတ်ဆိတ်နေခြင်း အပေါ် ဘေဂျင်းကလည်း မိမိတို့ကဲ့သို့ပင် အမြင်ကြည်လင်မှု မရှိနိုင်ကြောင်း အမေရိကန်နှင့် ဥရောပလေ့လာသူများက သုံးသပ်လျက်ရှိသည်။
.
အခြားနိုဗယ်ဆုရှင်များနှင့်ခြားနားစွာ သူမသည် တရုတ် ဆန့်ကျင်ရေးဝါဒအား ရှောင်ဖယ် လိုဟန်ရှိပြီး၊ လူ့အခွင့်အရေး ချိုးဖောက်မှုများ အပေါ် ပြစ်တင်ရှုတ်ချရန် တွန့်ဆုတ်နေကြောင်း တွေ့ရ၏။

“သူမက တရုတ် ဆန့်ကျင်ရေးကို မမြင်လိုတာ အတိအကျပါပဲ။ သူမရဲ့အရေးစိုက်မှုဟာ ပြည်တွင်းရေးထဲမှာပဲ လုံးထွေးနေပါတယ်” ဟူ၍ နှစ် ၆၀ ကျော်ပြည်တွင်းစစ် အဆုံးသတ်ရန် မြန်မာအစိုးရနှင့် လက်တွဲ၍ ငြိမ်းချမ်းရေး လုပ်ငန်းဆောင်ရွက်နေသူ သမိုင်းပညာရှင်နှင့် စာရေးဆရာ ဦးသန့်မြင့်ဦးက ဆိုပါသည်။
.
ref: Financial Times
မြင့်မိုရ်မောင်မောင် ဆီလျော်အောင် ဘာသာပြန်ဆိုသည်။

June 11, 2015
အာရှ လူကုန်ကူးမှုပြသာနာ ဦကျိုးပြီလား ?

ဇွန် ၉၊ ၂၀၁၅
M-Media

မြန်မာနိုင်ငံအနောက်ပိုင်း လူထူထပ်ပြည့်ကျပ်နေတဲ့ ရိုဟင်ဂျာ မွတ်စ်လင်မ် ဒုက္ခသည် စခန်းများထဲ ယိုင်နဲ့နဲ့ တဲ တန်းလျားတွေမှာ တိတ်ဆိတ်ခြင်းက ကြီးစိုးနေပါပြီ။ ထိုင်းနဲ့မလေးရှားထဲက ဘယ်သူမှ ထပ်လာပြီး လူရွေးဖို့ အပေးအယူကိစ္စ မလုပ်ကြတော့ပါဘူး။

“ဒီ့အလျင်က အနည်းဆုံး လူကုန်ကူးသူတွေနဲ့ စေ့စပ်ညှိနှိုင်းဖို့ လူ ၁၀ ဦးကနေ ၁၅ ဦးအထိ နေ့စဉ်နေ့တိုင်း ဒီကိုရောက်လာတတ်ပါတယ်။ ခုကျတော့ လုံးဝ မတွေ့ရတော့ပါဘူး” လို့ ထွန်းဝင်း အမည်ရှိ လူငယ်လေးက သက်ကယ်မိုးဝါးတဲ တစ်လုံးထဲကနေ ဗီဒီယို ဖုန်းလိုင်းသုံးပြီး ပြောပြပါတယ်။

ဗီယက်နမ်စစ်ပွဲ အဆုံးသတ်ချိန်က လှေစီးပြေး ဒုက္ခသည်ဖြစ်စဉ်နောက်ပိုင်း မြန်မာ ရိုဟင်ဂျာတွေရဲ့အဖြစ်ဆိုးဟာ အာရှတလွှား အကြီးမားဆုံး ရွှေ့ပြောင်းမှုပြဿနာဖြစ်လာပါတယ်။ အဲ့ဒီအပေါ် နှစ်ပေါင်းများစွာ အမြတ်ထုတ်ခဲ့တဲ့ လူကုန်ကူးသူများဟာ စီးပွားပျက်ကိန်း ဆိုက်သွားပုံရပါတယ်။ အနိမ့်ဆုံးအားဖြင့် တပ်ခေါက်နေပြီလို့ ဆိုရမှာပါ။ ပြီးခဲ့တဲ့လအထိ သူတို့ရဲ့ ဆိုးဝါးတဲ့လုပ်ငန်းစဉ်ကြီးက နာရီရွေ့လျားမှုအလား မရပ်မနား လည်ပတ်နေခဲ့တယ်။

ကျားရဲတွင်းနဲ့ ဆင်းရဲတွင်းကနေ လွတ်မြောက်နိုင်ရေးအိပ်မက်ကြောင့် ထောင်နဲ့ချီတဲ့ ရိုဟင်ဂျာတွေ၊ သူတို့အိမ်နီးချင်း ဘင်္ဂလားဒေ့ရ်ှက လူတွေဟာ မလေးရှားမှာ အလုပ်အကိုင်နဲ့ လုံခြုံရေး ရနိုင်စရာမျှော်လင့်ချက်ပေးလို့ ဘင်္ဂလားပင်လယ်အော် အရှေ့တောင်စွန်းကနေ တဆင့် လှေအိုလှေဟောင်းစီးပြီး အသက်စွန့် ခရီးနှင်ဖို့ သွေးဆောင်ခံခဲ့ကြရတယ်။

သို့တစေလည်း လူအများအပြားကတော့ သူတို့ရဲ့ခရီးစဉ်ကို လျှို့ဝှက်စခန်းတွေထဲမှာ အရက်စက်ခံကျွန်ဘ၀အဖြစ် စခန်းသိမ်းခဲ့ရတယ်။ အဲ့ဒီစခန်းများက ထိုင်းနဲ့ မလေးရှားကြား နယ်စပ်မျဉ်း တစ်ကြောမှာ တည်ရှိနေပါတယ်။ လူကုန်ကူးသူများဟာ အကျဉ်းသားပြန်လွှတ်ရေး အတွက် အဲ့ဒီနေရာကနေတဆင့် ငွေညှစ်တောင်းခံလေ့ ရှိကြတယ်။ လက်ရှိ အခွံသာကျန်ရှိတဲ့ တဲတန်းလျားတွေထဲမှာ သက်ဆိုင်ရာဆွေမျိုးသားချင်းတွေနဲ့ ဈေးညှိဈေးဖြတ်လေ့ရှိကြတယ်။

ပြီးခဲ့တဲ့လဆန်းပိုင်းမှာ နယ်စပ်ဒေသအနီး သေဆုံးသူ ၃၃ ဦး တွင်းတူးမြုပ်နှံထားမှုကို ရှာဖွေတွေ့ရှိပြီးတဲ့နောက် ထိုင်းနိုင်ငံဖက်က လူကုန်ကူးချေမှုန်းဖို့ အမိန့်ထုတ်လိုက်တော့ ဒီကွင်းဆက် ပြတ်တောက်သွားပါတယ်။
“ရှိသမျှလူတွေ ထွက်ပြေးကုန်ကြတယ်” လို့ ထိုင်းနိုင်ငံ လူကုန်ကူးမှုစုံစမ်းဖော်ထုတ်ရေး ရဲမင်းကြီး Thatchai Pitaneelaboot က ဆိုပါတယ်။

အဲ့ဒီဖြိုခွင်းမှုက ပင်လယ်ထဲ လူသားချင်းစာနာ ကယ်ဆယ်ရေးပြဿနာ ဖြစ်သွားစေခဲ့တယ်။

ထိုင်းနဲ့မလေးရှားဖက်က ကျယ်ကျယ်ပြန့်ပြန့် စုံစမ်းဖော်ထုတ်မှုကွန်ရက်များထဲ ဖမ်းမိတာထက်စာရင် အလွတ်ရုန်းအန္တရာယ်က ပိုသက်သာနိုင်လို့ လူကုန်ကူးသူများက သင်္ဘောနဲ့ထွက်ပြေးသွားကြတယ်။ ထောင်ချီတဲ့ ဦးတည်ရာမဲ့ရွှေ့ပြောင်း ဒုက္ခသည်တွေကို လှေမျောဘ၀နဲ့ ချန်ရစ်သွားခဲ့ကြတယ်။

ပြီးခဲ့တဲ့လက ထိုင်း၊ မလေးနဲ့ အင်ဒိုနီးရှားကို လှေမျောခရီးသည် သုံးထောင်ကျော် ကမ်းကပ်ဆိုက်ရောက်လာတယ်။ ရာပေါင်း များစွာကို မြန်မာနဲ့ ဘင်္ဂလားဒေ့ရ်ှဆီ ပြန်ပို့ခဲ့ကြပေမယ့် လူ ၂၀၀၀ ၀န်းကျင်လောက်က ပင်လယ်ထဲမျောနေဆဲဖြစ်မယ်ဆိုပြီး ကုလသမဂ္ဂမှ ခန့်မှန်းထားပါတယ်။

လူကုန်ကူးလုပ်ငန်းကွင်းဆက်ကို (ရှောင်တခင်)ပိတ်ဆို့ တားဆီးလိုက်ခြင်းက လှေမျော ဒုက္ခသည်ပြဿနာ ပိုကြီးထွားစေခဲ့ကြောင်း ရခိုင်ပြည်နယ်နဲ့ ဘင်္ဂလားဒေ့ရ်ှတောင်ပိုင်းက လှေစီး ထွက်ခွာမှုအပေါ် ခြေရာခံ ပရောဂျက်လုပ်ဆောင်နေတဲ့ Chris Lewa က ပြောကြားလိုက်ပါတယ်။

မေလမှာ ထွက်ခွာတဲ့လှေငယ် ၃၀၀ စီး၊ ဧပြီလမှာ အနိမ့်ဆုံး လူဦးရေ ၅၀၀၀၊ နိုဝင်ဘာ ကနေ မတ်လ အတွင်းမှာ လစဉ်ပျမ်းမျှ ၇၀၀၀-၈၀၀၀ လောက်ရှိတယ်လို့ သူမရဲ့ခန့်မှန်းချက် အရ သိရတယ်။

လွန်ခဲ့တဲ့နှစ်လကတည်းက ရွှေ့ပြောင်းထွက်ခွာအံ့ဆဲဆဲ လူအများစုဟာ ဖြိုခွင်းရေးများကြောင့် ရေပြင်ကို ခြေမချခဲ့ရဘဲ သောင်ပြင်မှာ ပစ်ထားခံရပြီး ငွေပေးရွေးမှ ပြန်လည်ခေါ်ဆောင် ခံရသူတွေပါလို့ သူမက ဆိုပါတယ်။

ထိုင်းအစိုးရအနေနဲ့ လူကုန်ကူးလုပ်ငန်းကို ချေမှုန်းလိုက်နိုင်လျှင်ပင် အရှေ့တောင်အာရှ ရွှေ့ပြောင်းသွားလာမှု ရပ်ဝန်းရဲ့ ဇာစ်မြစ် အကြောင်းရင်းတွေကို ရပ်တန့်အောင် လုပ်နိုင်မှာ မဟုတ်ဘူးလို့ လူအများအပြားက ယုံကြည်ကြပါတယ်။ ပြီးခဲ့တဲ့ ရက်သတ္တပတ်မှာ လူဦးရေ ၁.၁ သန်းရှိ ရိုဟင်ဂျာမွတ်စ်လင်မ်တွေအပေါ် ခွဲခြားချိုးနှိမ်ဆက်ဆံနေမှု ရပ်တန့်ဖို့ အမေရိကန်သမ္မတ ဘားရက် အိုဘားမားက မြန်မာနိုင်ငံကို လောဆော်ခဲ့ပါတယ်။ အဲ့ဒီလို လုပ်ဆောင်ချက်မျိုး မရှိဘူး ဆိုပြီး မြန်မာဖက်က ငြင်းဆန် ထားပါတယ်။

မြန်မာအစိုးရဟာ မြန်မာနိုင်ငံထဲ မျိုးဆက်အလီလီ နေထိုင်လာခဲ့တဲ့ သူတို့ကို တိုင်းရင်းသားအဖြစ် လည်းကောင်း၊ နိုင်ငံသားအဖြစ် လည်းကောင်း အသိအမှတ် မပြုတဲ့အပြင်၊ ဘင်္ဂလားဒေ့ရ်ှက ခိုးဝင်လာသူ ဘင်္ဂလီများအဖြစ် သတ်မှတ်ထားပါတယ်။

မုတ်သုန်ရာသီဝင်ရောက်လာပြီး အန္တရာယ် ပိုများနိုင်တာကြောင့် ဒီလိုကာလမှာ ရွှေ့ပြောင်း စွန့်ခွာမှုနှုန်း နိမ့်ကျသွားလေ့ရှိပါတယ်။ ဒါကြောင့် ဦးကျိုးသွားတဲ့ ဒီလုပ်ငန်းဟာ လပေါင်းများစွာအကြာမှာ ပြန်ပေါ်လာနိုင် မလားဆိုတာကို စောင့်ကြည့် သွားရမှာပါ။

လက်ရှိသီတင်းပတ်အတွင်း ဖြစ်ရပ်များက ဒီတရားမဲ့လုပ်ငန်းကို အပြီးအပိုင်လှဲကျင်းပစ်နိုင်မလားဆိုတာ Lewa က သံသယဖြစ်နေပါတယ်။

“အုပ်စုငယ်တချို့ ထိန်းသိမ်းခံထားရဆဲလို့ ကျွန်မ ထင်မြင်ပါတယ်။ တောနက်ထဲမှာတော့ ဟုတ်ချင်မှဟုတ်မှာပါ။ ဒုစရိုက်သမားတွေက ဓားစာခံတွေကို လုံခြုံတဲ့နေရာတွေမှာ ငွေနဲ့လာရွေးဖို့ ချုပ်ကိုင်ထားဆဲ ဖြစ်နေနိုင်ပါတယ်”။

စစ်တွေမြို့အနီးက ရိုဟင်ဂျာဒုက္ခသည်စခန်းမှာ ငွေပေးရွေးဖို့ တောင်းဆိုမှုတွေ ရုတ်ခြည်း တိတ်ဆိတ်ခြောက် ကပ်သွားတယ်လို့ ဒေသခံများက ဆိုပါတယ်။

ဒုက္ခသည်စခန်းတွေ ပိတ်သိမ်းနိုင်ချေရှိကြောင်း သောကရောက်သားချင်းတွေအတွက် လူမှုအကျိုးဆောင်လုပ်ပေးနေသူ ဦးကျော်လှက ပြောပါတယ်။ “လွန်ခဲ့တဲ့ ၂ လလောက်က ကျွန်တော်နဲ့ ချမ်းသာသူတစ်ချို့ဆီ လူအများအပြား ရောက်လာကြတယ်။ သူတို့ရဲ့သားချင်းတွေကို ပြန်ရွေးနိုင်ရေးအတွက် သူတို့ရဲ့အိမ်၊ မြေတွေ ရောင်းချဖို့အတွက်ပါ။ အဲ့ဒီကိစ္စတွေ ခုတော့ ရပ်တန့်သွားပြီဖြစ်ပါတယ်”။

လှေစီးပြေးအောင် မြူဆွယ်သူ ပွဲစားများစွာက ရိုဟင်ဂျာတွေပဲ ပြန်ဖြစ်နေတာ တွေ့ရပါတယ်။

အောက်ခြေအဆင့်လက်ပွား လူကုန်ကူးသူများသာ ဖမ်းဆီးခံရပြီး လုပ်ငန်းခေါင်းကိုင်များကတော့ ဘင်္ဂလားဒေ့ရ်ှဖက် ထွက်ပြေးကုန်ပြီ သို့တည်းမဟုတ် ခြေရာဖျောက်တွင်းအောင်းသွားပြီ လို့ ဦးကျော်လှက ယုံကြည်ထားပါတယ်။

ဘင်္ဂလားဒေ့ရ်ှနယ်စပ် Pen Daw Pyin ရွာက ၅၅ နှစ်အရွယ် အမျိုးသမီး Se Tara က ဒီလိုပြောပြခဲ့ပါတယ်။ ဖေဖော်ဝါရီလက ပင်လယ်ခရီးလွှင့်သွားခဲ့တဲ့ သူမရဲ့ သားနဲ့သမီးကို ပြန်ရွေးဖို့ ငွေကြေးပြင်ဆင်ထားပါဆိုပြီး လွန်ခဲ့တဲ့ ၂ လက ဒေသခံပွဲစား လာပြောသွားတယ်။ ထိုင်းနိုင်ငံမှာ လူကုန်ကူးသူတွေ ဖမ်းဆီးခံရပြီး ပင်လယ်ထဲ လှေတွေ မျောပစ်တဲ့သတင်း ရောက်တဲ့အခါ သူမနဲ့သားငယ်ဖြစ်သူ ရဟ်မသ်က ပွဲစားအိမ်ဆီ မေးမြန်းစုံစမ်းဖို့ သွားခဲ့ကြတယ်။ ဒါပေမယ့် ပွဲစားက ပျောက်ခြင်းမလှပျောက်သွားခဲ့ပါပြီ။

“သူ ဘယ်မှာလဲဆိုတာ မသိဘူးလို့ သူ့ရွာသားတွေက ပြောကြတယ်။ သူ တစ်နေရာရာမှာ ပုန်းနေပါတယ်။ ကျွန်တော့်အထင် သူတို့လိမ်နေတာပဲ ဖြစ်ပါမယ်” ဆိုပြီး ရဟ်မသ်က ပြောပါတယ်။

xxxxxxxxxxxxxxxxxxxxxxxxxxxx

ဘန်ကောက်အခြေစိုက် Simon Webb ရဲ့ သတင်းပေးပို့ချက်အပေါ် John Chalmers ရေးသားပြီး Ian Geoghegan တည်းဖြတ်တဲ့ Aubrey Belford ရဲ့ ရိုက်တာသတင်းဆောင်းပါး Closed for business: Asia’s human smugglers go to ground ကို မြင့်မိုရ်မောင်မောင်က ဆီလျော်အောင် ပြန်ဆိုမှု ဖြစ်ပါတယ်။

June 9, 2015