Category: ဆောင်းပါး

ထိုင်းနယ်စပ်က လူကုန်ကူးစခန်းများမှ လူ့အသက်ပေါင်းများစွာ

မေ ၅ ၊ ၂၀၁၅
M-Media

– ရွှေ့ပြောင်းအလုပ်သမားတစ်ဦးဖြစ်သူ ကူရာမီယာတစ်ယောက် နယ်စပ်ရှိ စခန်းတစ်ခုတွင် ဖမ်းဆီးခံထားရသည့် တူဖြစ်သူ ကာဇင်ကို ကယ်တင်ရန် အတွက် ဘတ် ၉၅၀၀၀(မြန်မာငွေ သိန်း ၃၀ ကျော်) ပေးခဲ့ရသည်။ သို့သော်လည်း တူဖြစ်သူအား ပြန်မတွေ့ရတော့။ ဆွန်ခ်လာပြည်နယ် ဆာဒါအိုခရိုင်ရှိ လူသေများ အစုလိုက်အပြုံလိုက် မြှုပ်နှံထားသော နေရာမှ မကြာသေးမီက ပြန်ဖော်ခဲ့သည့် အလောင်း ၂၆ လောင်းထဲတွင် ကာဇင်၏ အလောင်းလည်း ပါလာခဲ့သည်။

ထိုကံကြမ္မာဆိုးက လွတ်မြောက်လာသည့် ရွှေ့ပြောင်းလုပ်သားတစ်ဦးက အာနူဝါဟုခေါ်သော လူကုန်ကူးသူတစ်ယောက်နှင့် ၎င်း၏ လူယုံတစ်ဦးတို့မှာ ကာဇင်အား သေသည်အထိ ရိုက်ခဲ့သည်ကို တွေ့ခဲ့ရသည်ဟု ပြောကြားခဲ့သည်။ အမည်မဖော်လိုသည့် အခြေအနေတွင် စကားပြန်မှတစ်ဆင့် ၎င်းက ပြောကြားရာတွင် လူကုန်ကူးခံရသူများ သို့မဟုတ် ပြန်ပေးဆွဲခံရသူများအား ဖမ်းဆီးထိန်းသိမ်းထားသော ထိုင်း-မလေးရှား နယ်စပ်တစ်လျှောက်ရှိ စခန်းများတွင် လူပေါင်း ၅၀၀ ကျော် အသတ်ခံခဲ့ရကြောင်း ကြားခဲ့သည်ဟု ဆိုသည်။

“အဲဒီစခန်းတွေမှာ ရိုဟင်ဂျာရွှေ့ပြောင်းသူတွေ ရှိနေပြီး ကတိပေးထားတဲ့အလုပ် ရဖို့ ဒါမှမဟုတ် ပြန်ပေးငွေ လာဖို့ စောင့်နေကြပါတယ်” ဟု သူက ပြောကြားခဲ့သည်။

သူက မိမိမှာ မလေးရှားတွင် အလုပ်ရှာပေးမည်ဟုသော ကမ်းလှမ်းမှုဖြင့် လွန်ခဲ့သည့် ၆ လက မြန်မာနိုင်ငံ ရခိုင်ပြည်နယ်မှ ထွက်လာခြင်းဖြစ်သည်ဟု ဆိုသည်။ ၎င်းမှာ လူ ၇၀၀၊ ၈၀၀ ခန့်ကို ဖမ်းဆီးထားသည့် ထိုစခန်းတွင် ကာဇင်ကဲ့သို့ပင် နေထိုင်ခဲ့ရသည်။

“ကျွန်တော့်အတွက် ပြန်ပေးငွေပေးဖို့ အမေက ခြံရောင်းခဲ့ရပါတယ်။ ဒါ့ကြောင့် ကျွန်တော် အသက်ရှင်နေသေးတာပေါ့” ဟု သူက ဆိုသည်။

အာနူဝါက ၎င်းအား ပထမဆုံး ဆက်သွယ်သည့်အချိန်တွင် ကာဇင်လွတ်မြောက်ရေးအတွက် ဘတ် ၉၅၀၀၀ ပြန်ပေးငွေပေးချေရန် သဘောတူခဲ့သည်ဟု ကူရာမီယာက ပြောသည်။

“ဒါပေမယ့် ကျွန်တော် ပိုက်ဆံလွှဲပြီးတဲ့နောက်မှာ သူ့ဘက်က ဘာမှ အသံမကြားတော့ပါဘူး။ အဲဒီနောက် ၁၅ ရက်လောက်အကြာမှာ သူက ဘတ် ၁၂၀၀၀၀ (ကျပ် သိန်း ၄၀) ထပ်တောင်းပါတယ်” ဟု ကူရာမီယာက ကြေကွဲဆို့နင့်စွာပြောသည်။

သူက မိမိတွင် ပိုက်ဆံ ထပ်မရှိတော့ဟု ပြန်ပြောခဲ့ပြီး ထိုင်းနိုင်ငံ နာခွန် ဆီ သမ်မာရက်ပြည်နယ်ရှိ ရဲတပ်ဖွဲ့သို့ သွားရောက်တိုင်ကြားရန် ဆုံးဖြတ်ခဲ့သည်။ ထိုကဲ့သို့ တိုင်ကြားပြီးနောက်ပိုင်းတွင် ကာဇင်မှာ အာနူဝါနှင့် လူယုံတို့၏ ရိုက်နှက်သတ်ဖြတ်ခြင်းကို ခံခဲ့ရသည်ဟု ကြားခဲ့ရကြောင်း ကူရာမီယာက ပြောကြားခဲ့သည်။

အသက်ရှင်ကျန်ရစ်သူက သက်သေအဖြစ် ထွက်ဆိုခဲ့သောကြောင့် ရဲတပ်ဖွဲ့က အာနူဝါအား ဖမ်းဝရမ်းထုတ်ခဲ့ပြီး ယခုအချိန်တွင် ဖမ်းဆီးရမိခဲ့ပြီ ဖြစ်သည်။

ထိုကိစ္စအတွက် ဆက်လက်စုံစမ်းမှုများ ပြုလုပ်ရာတွင် ဆာဒါအိုရှိ စခန်များကို ထပ်တွေ့ခဲ့ရပြီး အလောင်းအများစု မဖော်ရသေးသည့် အစုလိုက်အပြုံလိုက် မြှုပ်နှံထားသောနေရာများကိုလည်း တွေ့ရှိခဲ့ရသည်။

စခန်းမှ လွတ်မြောက်လာသူက ၎င်းရှိနေသည့်အချိန်တွင် ၁၇ ဦးမှ ၂၀ ကြား အသတ်ခံခဲ့ရသည်ဟု ဆိုသည်။

“သူတို့တွေဟာ သေနတ်နဲ့ရော တုတ်နဲ့ပါ ပစ်သတ်၊ ရိုက်သတ် ခံခဲ့ရပါတယ်” ဟု ၎င်းက ဆိုသည်။

ဆွေမျိုးများက ပြန်ပေးငွေ မပေးနိုင်သည့် သူများမှာ ဆိုးဆိုးဝါးဝါး တိုက်ခိုက်ခံရမည် သို့မဟုတ် အစာမကြွေး၊ ရေမတိုက်ဘဲ သေသည်အထိ စွန့်ပစ်ထားခံရမည်ဟု ဆိုသည်။

အမျိုးသား လက်ထောက်ရဲမင်းကြီး ဗိုလ်ချုပ် ဂျာရမ်ပွန် ဆူရာမန်းနီးက အဆိုပါ စခန်းမှ တူးဖော်ရရှိသည့် အလောင်းအများစုမှာ အရိုးများကျနေပြီး၊ အလောင်း ၆ ခုသာ ပျက်ဆီးနေသော အလောင်းများဖြစ်သည်ဟု ယမန်နေ့ (မေ ၃ ရက်နေ့) တွင် ပြောကြားခဲ့သည်။

“ဒဏ်ရာရတာမျိုး မတွေ့ရပါဘူး။ ဒါ့ကြောင့် အများစုဟာ ရောဂါ ဒါမှမဟုတ် အဟာရပြတ်လတ်ပြီး သေဆုံးသွားတယ်လို့ ကျွန်တော်တို့ ယူဆပါတယ်” ဟု သူက ပြောကြားခဲ့သည်။

ဂျာရမ်ပွမ်က အဆိုပါ အလောင်းများကို ဦးခေါင်းများ မြောက်ဘက်သို့ထားကာ ဘာသာရေး ထုံးတမ်းစဉ်လာများဖြင့် သင်္ဂြိုဟ်ပြီးခဲ့ပြီဟု ပြောကြားခဲ့သည်။

ရဲတပ်ဖွဲ့ ပြောခွင့်ရပုဂ္ဂိုလ် ဗိုလ်ချုပ် ပရာဝွတ် သာဗွန်ဆီရီက ယခုအဖြစ်အပျက်တွင် အပြစ်ရှိသူများကို တရားဥပဒေရှေ့မှောက်သို့ မဖြစ်မနေ ခေါ်ဆောင်လာရမည်ဟု ၀န်ကြီးချုပ် ပရာယွတ်ချန်အိုချာနှင့် ဒုတိယ၀န်ကြီးချုပ် ပရာဝစ် ၀ွန်ဆူဝန်တို့က ပြတ်ပြတ်သားသား ပြောကြားခဲ့သည်ဟု ဆိုသည်။

အမျိုးသားရဲတပ်ဖွဲ့ မဟာမင်းကြီး ဗိုလ်ချုပ်ကြီး ဆွမ်ယွတ် ပွန်ပန်မောင်က အထူးစုံးစမ်းစစ်ဆေးရေး အဖွဲ့ကို ဦးဆောင်ရန် လက်ထောက်မဟာမင်းကြီး ဗိုလ်ချုပ်ကြီး ဂျက်သစ်ပ် ချိုင်ချင်ဒါကို တာဝန်ပေးခဲ့သည်။

“ဒီအဖွဲ့ဟာ တောင်ပိုင်းကိုသွားပြီး ဒီပြဿနာကို ဖြေရှင်းမှာပါ” ဟု ပရာဝွတ်က ဆိုသည်။

ကာဇင်၏ အမှုအတွက် သက်သေအဖြစ် ထွက်ဆိုထားသည့် လွတ်မြောက်လာသူက ထိုင်းလူမျိုး ဇနီးမောင်နှံဖြစ်ပြီး ဘန်ချီးနှင့် ဖရီဒါဟုသာ သိရသော ဇနီးမောင်နှံ ၂ ဦးမှ ၎င်းနှင့် ကာဇင်တို့ ထိန်းသိမ်းခံထားရသော စခန်းကို ပိုင်ဆိုင်သည်ဟု ပြောကြားခဲ့သည်။

“သူတို့က စခန်းထဲကိုလာပြီး လူအရေအတွက်နဲ့ ပြန်ပေးငွေတွေကို စစ်ပါတယ်” ဟု ၎င်းက ပြောကြားခဲ့သည်။

တာ့က်ပြည်နယ်မှ ရဲတပ်ဖွဲ့ကလည်း မြန်မာအမျိုးသမီး ၂ ဦး ထိုင်းနိုင်ငံသို့ သွားရောက်ရန် ဖျားယောင်းသွေးဆောင်ခြင်းခံခဲ့ရပြီး ဘန် ဟွေ နော့က် ဒေသရှိ စိုက်ပျိုးရေးခြံတစ်ခုတွင် ထိန်းသိမ်းခံထားရသည်ဟူသော သတင်းအား လိုက်နေကြသည်။

အသက် ၁၃ နှစ်နှင့် ၁၅ နှစ်အရွယ်ရှိ အဆိုပါ အမျိုးသမီးငယ် ၂ ဦးမှာ နယ်စပ်ရှိရွာမှ အမျိုးသားတစ်ဦးနှင့် ထွက်သွားစဉ်ကတည်းက တစ်ကြိမ်သာ မိသားစုကို အဆက်အသွယ်လုပ်ခဲ့သည်။ ၎င်းတို့၏ မိသားစုကမူ အတူပါသွားသူ အမျိုးသားမှာ လူကုန်ကူးသူတစ်ယောက် ဖြစ်ပုံရသည်ဟု အာဏာပိုင်များအား ပြောကြားခဲ့သည်။

ထိုင်းအစိုးရမှ ဒုတိယပြောရေးဆိုခွင့်ရှိသူ ဆန်ဆန် ကွဲကမ်နာ့ဒ်က ၀န်ကြီးချုပ် ပရာယွတ်မှာ ရိုဟင်ဂျာများအား လူကုန်ကူးမှုတွင် ပါဝင်ပတ်သက်သည့် အစိုးရ၀န်ထမ်းများကို ပြင်းပြင်းထန်ထန် အပြစ်ပေးရန် အမိန့်ပေးမည်ဟုဆိုပြီး ၀န်ကြီးချုပ်က လိုအပ်သည်ဟု ယူဆပါက ဖွဲ့စည်းပုံ အခြေခံဥပဒေ အပိုဒ် ၄၄ ကို ကျင့်သုံးကောင်း ကျင့်သုံးနိုင်သည်ဟု ပြောကြားခဲ့လေသည်။

Ref: The Nation
လေးမောင် ဆီလျော်အောင် ဘာသာပြန်ဆိုသည်။

May 5, 2015
ငလျင်အပြီး ယဉ်ကျေးမှု အမွေအနှစ်များကို ထိန်းသိမ်းရန် ကြိုးပမ်းနေရသည့် နီပေါ

မေ ၂ ၊ ၂၀၁၅
M-Media

– ဘခ်တာပူးရ် ရှေးဟောင်းမြို့ရှိ ဘုရားကျောင်း အပျက်အစီးပုံပေါ် ရပ်နေသောသူများက ပေါက်တူးများ၊ လက်ဗလာများဖြင့် ဖုန်များ၊ အပျက်အစီးများအကြားတွင် စိတ်အားထက်သန်စွာ တူးဆွနေကြသည်။

ကြာသာပတေးနေ့ နေ့လည်ပိုင်းက ကြီးမားသည့် ကျောက်တုံးပန်းပုလက်ရာ တစ်ခုကို ၎င်းတို့ တူးဖော်ရရှိသည့် အချိန်တွင် အခြားသူများကလည်း အလျင်အမြန် ၀ိုင်းအုံလာကာ ထိုပန်းပုရုပ်တုကြီးကို မ,တင်ပေးကြသည်။ ထိုသို့ တင်ပေးနေစဉ် တစ်ယောက်က “ငါတို့နိုင်ငံကို ချစ်တယ်” ဟု အော်လိုက်သည်။ တူးဖော်ရရှိခဲ့သည့် အဆိုပါ ပန်းပုရုပ်တုကြီးက ငလျင်ကြောင့် ပြိုကျသွားခဲ့သည့် ဘဟာဂ်ဝတီ ဘုရားကျောင်း၏ အခြေတွင် ထားရှိသည့် ရုပ်တုကြီးဖြစ်လေသည်။

ပြီးခဲ့သည့် စနေနေ့က ပြင်းအား ၇.၈ မဂ္ဂနီကျုရှိသော မြေငလျင်လှုပ်ပြီးသည့်နောက် ငလျင်ဒဏ် ခံစားရသည့် ဝေးလံခေါင်သီသော ဒေသ များသို့ အကူအညီများမှာ ယခုအချိန်မှ စတင်ရောက်ရှိသည်။ ထိုသို့ ဒုက္ခပင်လယ် ဝေခဲ့ရသည့် နီပေါတွင် ပျက်စီးဆုံးရှုံးမှု အတိုင်းအတာ အပြည့်အ၀ကိုလည်း မသိရသေး။ သေဆုံးသူ စာရင်းကတော့ သောကြာနေ့ နံနက်ပိုင်းတွင် ၆၂၅၄ ဦး ရှိလာခဲ့ပြီဖြစ်သည်။

၁၉၇၉ ခုနှစ်တွင် ယူနက်စကို၏ ကမ္ဘာ့အမွေအနှစ်စာရင်း၌ ထည့်သွင်းခြင်းခံခဲ့ရသည့် ခတ္တာမန်ဒူတောင်ကြားရှိ ထင်ရှားသော နေရာ ၇ နေရာမှ အထိမ်းအမှတ်အဆောက်အအုံနှင့် ဘုရားကျောင်းအများအပြားမှာ ငလျင်အတွင်း ပျက်ဆီးသွားခဲ့သည်။

ယဉ်ကျေးမှုဆိုင်ရာ ကျွမ်းကျင်သူများနှင့် ဘခ်တာပူးရ်မြို့ရှိ ဒါဘာရ်ရင်ပြင်တွင် ရုပ်ထုများကို ပြန်ဖော်နေသူများကဲ့သို့ နီပေါပြည်သူများက နိုင်ငံ၏ ယဉ်ကျေးမှုအမွေအနှစ်ကို ကယ်တင်ရန် ကြိုးစားနေကြသည်။ ခတ္တာမန်ဒူမြို့ ဒါဘာရ်ရင်ပြင်ရှိ ဘုရားကျောင်းများ၊ ပါတန်နှင့် ဘခ်ပူးရ်မြို့ရှိ ဘုရားကျောင်းများက အင်အားပြင်းသည့် ငလျင်အတွင်း အပျက်အစီးနှင့် အုတ်ပုံများအဖြစ်သို့ ပြောင်းသွားကြသည်။ ကြီးကျယ်ခမ်းနားပြီး တောင်ထိပ်တွင်ရှိသည့် ရှေးဟောင်း ဟိန္ဒူအဆောက်အဦးဖြစ်သော ချန်ဂူ နာရာယန်၏ အစိတ်အပိုင်းများကလည်း အပျက်အစီးများကြားတွင် ထီးထီးကြီးရှိနေသည်။

ယဉ်ကျေးမှု အမွေအနှစ်ဆိုင်ရာ မှတ်တမ်းရုပ်ရှင် ရိုက်ကူးသူဖြစ်ပြီး ခတ္တာမန်ဒူ ဒါဘာရ်ရင်ပြင်၏ သမိုင်းအမွေအနှစ်ဆိုင်ရာ ကျွမ်းကျင်သူ အလော့က် တူလဒ်ဟာရ်၏ အဆိုအရ ယူနက်စကိုက ပုံမှန်မဟုတ်သော အစည်းအဝေးတစ်ခုကို ကြာသာပတေးနေ့က ကျင်းပခဲ့ပြီး ထိုအစည်းအဝေးတွင် ယဉ်ကျေးမှုဆိုင်ရာ ကျွမ်းကျင်သူများနှင့် ငလျင်အတွင်း ကွင်းဆင်းလေ့လာမှုများ ပြုလုပ်ရန် ရှိနေသည့် ပြင်သစ်ရှေးဟောင်း သုတေသနပညာရှင်တစ်ဦး ပါဝင်ခဲ့ကာ ပျက်ဆီးဆုံးရှုံးမှုအား မည်ကဲ့သို့ ဆန်းစစ်ကြမည်ကို ဆွေးနွေးခဲ့ကြသည်ဟု သိရသည်။

“ကွင်းဆင်း ဆန်းစစ်မှုတွေပြုလုပ်ဖို့အတွက် နိုင်ငံလုံးဆိုင်ရာ ပူးပေါင်းဆောင်ရွက်ရေး အဖွဲ့တစ်ခုဖွဲ့စည်းဖို့ ကျွန်တော်တို့အားလုံး ဆုံးဖြတ်ခဲ့ကြပါတယ်” ဟု တူလဒ်ဟာက ပြောကြားခဲ့သည်။

နည်းပညာအသုံးပြု ရှာဖွေသိမ်းဆည်းမှု

ကွင်းဆင်းလေ့လာဆန်းစစ်မှုကို နည်းပညာအသုံးပြု ဆောင်ရွက်သွားမည်ဟု တူလဒ်ဟာက ဆိုသည်။ GIS မှ ကျွမ်းကျင်သူများက သောကြာနေ့တွင် စမတ်ဖုန်း အက်ပလီကေးရှင်းတစ်ခုကို ဖန်တီးခဲ့ပြီး ထို အက်ပလီကေးရှင်းဖြင့် အပျက်အစီးများကြားမှ ရှာဖွေရရှိသည့် အနုပညာလက်ရာများ၊ အုတ်ခဲမျာနှင့် သစ်သားများ၏ သက်သေအထောက်အထားများ၊ ဓာတ်ပုံများကို မြန်မြန်ဆန်ဆန် မျှဝေနိုင်မည်ဖြစ်သည်။ အပျက်အစီးများအား မည်ကဲ့သို့ လေ့လာဆန်းစစ်ရမည်ကို တိုင်းပြည်အတွင်းရှိ လူငယ်ရှေးဟောင်းသုတေသနပညာရှင်များ၊ ဗိသုကာပညာရှင်များ၊ အနုပညာရှင်များနှင့် အနုပညာဆိုင်ရာ သမိုင်းပညာရှင်များအား လေ့ကျင်သင်ကြားပေးမှုကို ချက်ချင်းဆောင်ရွန်ရန် အစီအစဉ်လည်း ရှိနေသည်။

ငလျင်အတွင်း ပျက်စီးခဲ့သည့် သမိုင်းဝင်နေရာ အများစုက အလယ်ခေတ်ကာလမှဖြစ်ပြီး အခြားသော နေရာများက လွန်ခဲ့သည့် နှစ်ပေါင်း ၁၅၀ ခန့်က ဆောက်လုပ်ထားသော အဆောက်အဦးများ ဖြစ်သည်ဟု တူလဒ်ဟာရ်က ဆိုသည်။ နှစ်ပေါင်း ၄၀၀၀ ခန့် သက်တမ်းရှိပြီဖြစ်သည့် ရှေးဟောင်းနေရာများလည်း ပါဝင်သည်။

နီပေါရှိ အထိမ်းအမှတ်အဆောက်အဦးများက ရှေးဟောင်း အမွေအနှစ် မဟုတ်သော်လည်း ဘာသာရေး၊ ယဉ်ကျေးမှုနှင့် လူမှုလှုပ်ရှားမှုတို့အတွက် အရေးပါသည့်နေရာများ ဖြစ်သည်ဟု တူလဒ်ဟာရ်က ထောက်ပြသည်။ ဘုန်းတော်ကြီးများက ထိန်းသိမ်းစောင့်ရှောက်သည့် နေရာဖြစ်ပြီး၊ ကြည်ညိုသူများက လာရောက်လည်ပတ်ကြသည်။ ပွဲတော်ရက်များတွင်လည်း ကြိတ်ကြိတ်တိုးကြသည်။

“ပျက်ဆီးသွားတဲ့ အထိမ်းအမှတ်အဆောက်အဦးတွေဟာ အသုံးပြုနေတဲ့ အဆောက်အဦးတွေပါ။ လူတွေလာကြည့်ကြတဲ့ ပြတိုက်လိုမျိုး မဟုတ်ပါဘူး။ အဲဒါတွေဟာ ကျွန်တော်တို့ ရှင်သန်အောင် ထိန်းသိမ်းနိုင်ခဲ့ဖူးတဲ့ ခိုင်မာတဲ့၊ ယဉ်ကျေးမှုနဲ့ဆိုင်တဲ့၊ ဖော်မပြနိုင်တဲ့ အမွေအနှစ်တွေနဲ့ တိုက်ရိုက် စက်ဆပ်မှုရှိပါတယ်” ဟု သူက ပြောကြားခဲ့သည်။

ထိုသို့ ပျက်ဆီးဆုံးရှုံးမှုများ၏ လူမှုရေး၊ ယဉ်ကျေးမှုဆိုင်ရာ ဆိုးကျိုးက သိသာလာမည်ဟု သူက ယုံကြည်နေသည်။ မပြိုဘဲ ကျန်ရှိနေသည့် အဆောက်အဦး အများအပြားကို ကျွမ်းကျင်သူများ၏ လေ့လာစူးစမ်းမှုများပြီးလျှင် ဖြိုချဖျက်ဆီးပစ်ရန် လိုအပ်ကောင်း လိုအပ်မည်ဖြစ်သည်။

ပြည်သူများ၏ အသိပညာကလည်း အရေးကြီး

တူလဒ်ဟာရ်က အစိုးရနှင့် ယူနက်စကိုတို့မှာ ကမ္ဘာ့အမွေအနှစ် နေရာများကို ဦးစားပေးရမည်ဟု ဆိုသည်။ သို့သော်လည်း လူထုအခြေပြု ပါဝင်မှုနှင့်ပတ်သက်၍ အလေးထားရမည်ဖြစ်ပြီး၊ ၎င်းတို့ ပတ်ဝန်းကျင်ရှိ အဖိုးမဖြစ်နိုင်သည့် ရတနာများကို အတွင်းကျကျသိသည့် ဒေသခံပြည်သူများနှင့်အတူ အလုပ်လုပ်ရမည်ဟုလည်း ၎င်းက ပြောကြားခဲ့သည်။

နိုင်ငံ၏ ယဉ်ကျေးမှုဆိုင်ရာ ဆုံးရှုံးမှုက အထိမ်းအမှတ်အဆောက်အဦးများကို ကျော်လွန်သွားသည်။ ပျက်ဆီးသွားခဲ့သည့် သမိုင်းဝင်နေရာများတွင် ဘခ်တာပူးရ်ကဲ့သို့ နေရာများ၌ ပြည်သူများ၏ အိမ်များလည်း ပါဝင်ခဲ့သည်။

ကြာသာပတေးနေ့တွင် ဘခ်တာပူးရ်ရှိ ဒါဘာရ်ရင်ပြင် ၀င်ပေါက်မှ မုခ်ဦးမှာ ကွဲအက်လာသောကြောင့် ဖြိုချခဲ့ရသည်။ သစ်သားဖြင့်ထုထားသည့် နတ်ဘုရားရုပ်တုများကလည်း နံရံထဲမှ ငေါထွက်လာသည်။

ဒါဘာရ်ရင်ပြင်၏ အတွင်းပိုင်းတွင် ဘုရားကျောင်းအစောင့်များက ကျောက်နှင့် သစ်သားတို့ဖြင့် ထုလုပ်ထားသည့် ရုပ်တုပေါင်း ၁၅၀ ခန့်နှင့် ကြေးသွန်းခေါင်းလောင်းများကို စောင့်ကြပ်နေကြသည်။ ထိုအစောင့်များထဲမှ တစ်ဦးဖြစ်သူ ရမ် ဘာဟာဒူရ် ကူမဲလ်က လူများမှာ ဒါဘာရ်ရင်ပြင်မှ အနုပညာလက်ရာများကို ယူဆောင်ရန် ကြိုးစားကြပြီး ပစ္စည်းတစ်ခု ပျောက်သွားသည်ဟု ဆိုသည်။

ဘဟာဂ်ဝတီ ဘုရားကျောင်း၏ အနောက်ဘက်တွင် အမျိုးသားများက ကျောက်သားရုပ်တုတစ်ခုကို ဘုရားကျောင်း၏ အခြေသို့ ရောက်ရှိရန် ကြိုးဖြင့်ဆွဲနေသည်။ ရိုးရာအရ တစ်နှစ်တာ၏ အချိန်အများစုတွင် ဖုံးကွယ်ထားရသည့် ဟိန္ဒူနတ်ဘုရား ပုံတော်တစ်ခုကိုလည်း မြင်နေရပြီး ပြည်သူများက အပျက်အစီးများပေါ်သို့ တက်ကာ အဆိုပါ ပုံတော်အား ပူဇော်မှုများ ပြုလုပ်သောကြောင့် အချို့က ထိုသို့မလုပ်ရန် တားဆီး၍ ပြန်ခိုင်းကြရသည်။

ပြည်သူများမှာ ဒါဘာရ်ရင်ပြင်တစ်ဝှမ်းတွင် ကွဲကြေနေသော အထိမ်းအမှတ်အဆောက်အဦးများကို လှည့်လည် ကြည့်ရှုနေကြသည်။ နိုင်ငံတကာမှ အကူအညီပေးရေး ၀န်ထမ်းများက တဲများထိုးထားပြီး စိတ်ရှည်လက်ရှည်ဖြင့် ကြည့်နေကြသည်။ ကြက်ခြေနီ သွေးလှူဘဏ်တစ်ခုကလည်း သွေးလှူသူများထံမှ သွေးများကို စုဆောင်းနေကြပြီး သွေးအိတ်များမှာ ရေခဲထည့်ထားသည့် ပုံးထဲတွင် တောင်ပုံရာပုံဖြစ်နေသည်။

ဒါဘာရ်ရင်ပြင် အနောက်ရှိ လမ်းကြားများတွင် နီပေါစစ်တုရင်အားကစားဝတ်စုံကို ၀တ်ထားပြီး လည်ပင်းတွင် အမှုန်ကာ မျက်နှာဖုံးတစ်ခုကို ချည်ထားသည့် အသက် ၃၈ နှစ်အရွယ် စစ်တုရင်ဒိုင်လူကြီး ဂျန်နန်ဒရာ ခိုင်ဂျူက ၎င်းကြီးပြင်းခဲ့သည့် သမိုင်းဝင် ပတ်ဝန်းကျင်ကို လှည့်လည်ကြည့်ရှုနေသည်။

ခိုင်ဂျူမှာ ငလျင်ကြောင့် ပျက်ဆီးခဲ့ပြီး လက်ရှိအချိန်တွင် ရွဲ့စောင်းနေကာ အန္တရာယ်ရှိသည့် အိမ်တစ်အိမ်မှ အိမ်နီးချင်းများ၏ ပိုင်ဆိုင်မှုများ ရွှေ့ပြောင်းရာတွင် ကူညီပေးနေသည်။ ၎င်း၏ အိမ်နီးချင်းများက အခန်းတစ်ခန်းကို ငှားထားပြီး အခြားမိသားစုဝင်များက ဘခ်ပူးရ်ရှိ ဖြစ်သလိုပြုလုပ်ထားသော ကယ်ဆယ်ရေးစခန်းများသို့ သွားနေကြသည်။

ခိုင်ဂျူမှာ လမ်းများရှိ အပျက်အစီးများကို ဖယ်ရှား၍သွားကာ အဆိုးဆုံး ထိခိုက်ခဲ့သည့် နေရာများကို ညွှန်ပြသည်။ အချို့သော လမ်းကြားလေးများတွင် အိမ်ကြီးအိမ်ကောင်းများ ပြိုလဲနေကြသည်။ သစ်သားရက်မများ၊ ကွန်ကရစ်များနှင့် အိပ်ယာအပျက်အဆီးများ တောင်လိုပုံနေသည်။ ပတ်ဝန်းကျင်တွင် ခြောက်ခြားစရာကောင်းလောက်အောင် တိတ်ဆိတ်နေသည်။ ပြည်သူများကလည်း ပြိုကျနေသော အိမ်များမှ အပျက်အစီးများကိုဖယ်ကာ ၎င်းတို့၏ ပိုင်ဆိုင်မှုများကို စုဆောင်းနေကြသည်။

လမ်းကြားတစ်ခုတွင် အိမ်များ အတန်းလိုက်ပြိုကျနေသည်။ ကာစီယို ဂဏန်းတွက်စက်၊ အောက်စက်မှ အစိတ်အပိုင်းများ၊ ကုသိုလ်ကံကို အခြေပြုကာ ကစားရသည့် ဒူခ်ကူတီ ကစားနည်းအတွက် စာအုပ်တစ်အုပ် စသည်တို့က အပျက်အဆီးများပေါ်တွင် ရှိနေသည်။ ခိုင်ဂျူ၏ အိမ်နီးချင်းဖြစ်သည့် လူလတ်ပိုင်း အမျိုးသမီး ၂ ဦးက ထိုနေရာတွင် သေဆုံးနေသည်။

ခိုင်ဂျူက လုံးဝ အကောင်းပကတိအတိုင်းရှိနေသည့် အိမ်တစ်လုံးကို ညွှန်ပြသည်။ အဆိုပါအိမ်မှာ ရိုးရာ နီဝါရီပုံစံ တည်ဆောက်ထားသည့်အိမ်ဖြစ်ပြီး မျက်နှာစာကို အုပ်ဖြင့်ပြုလုပ်ထားသည်။ လေးထပ်မြောက်တွင် အုပ်ကျွပ်မိုး ခေါင်ဖြင့် ထပ်ခိုးရှိသည်။ အဆိုပါအိမ်၏ သက်တမ်းမှာ နှစ်ပေါင်း ၃၀၀ ခန့်ရှိမည်ဟု ခိုင်ယူက ယုံကြည်နေသည်။

တူလဒ်ဟာရ်က ရှေးဟောင်းအဆောက်အဦးများ ပြိုကျရခြင်း၏ အကြောင်းအရင်းမှာ ကောင်းမွန်စွာ ထိန်းသိမ်းစောင့်ရှောက်မှု မရှိခြင်း၊ သို့မဟုတ် အလောတကြီး ပြုပြင်မွမ်းမံခြင်းတို့ကြောင့် ဖြစ်သည်ဟုဆိုသည်။

“ဒီနေရာမှာ ငလျင်တွေလှုပ်တယ်ဆိုတာ သမိုင်းနဲ့ချီပြီး ကျွန်တော်တို့ သိကြပါတယ်။ ဒီလိုငလျင်မျိုးက တော်တော်များများ မျှော်လင့် ထားတာမျိုးပါ” ဟု သူကဆိုသည်။

ရှေးဟောင်းအိမ် အတော်များများမှာ ကနဦးက မိမိတို့ဘိုးဘေးများ၏ နှစ်ပေါင်းထောင်ချီ ရရှိခဲ့သည့် အသိပညာကို အခြေပြု၍ ငလျင်ဒဏ်ခံနိုင်အောင် ဆောက်ထားကြခြင်းဖြစ်သည်ဟု တူလဒ်ဟာရ်က ပြောကြားခဲ့သည်။

ဗိသုကာ ပုံစံများက အရေးကြီး

ဥပမာအားဖြင့် ခတ္တာမန်ဒူ ဒါဘာရ်ရင်ပြင်တွင်ရှိသည့် ကူမာရီဂါရ် အဆောက်အဦးမှာ အပျက်အဆီးအနည်းငယ်သာ ရှိခဲ့သည့် ရှေးဟောင်း အဆောက်အဦးဖြစ်သည်။ ၁၈ ရာစုအလယ်ပိုင်းတွင် ဆောက်လုပ်ထားသည့် အဆိုပါ အဆောက်အဦးမှာ ဟိန္ဒူနတ်ဘုရားမ ကာလီ ၀င်စားသည်ဟု ယုံကြည်ကြသည့် ကလေးတစ်ဦးဖြစ်သော ကူမာရီနေထိုင်သည့် နေအိမ်ဖြစ်သည်ဟု တူလဒ်ဟာရ်က ဆိုသည်။ သူမမှာ ယခုအချိန်အထိ ထိုအိမ်တွင် နေထိုင်သည်။ အဆိုပါ အိမ်၏ လေးဘက်လေးတန်မှ အဆောင်များက တစ်ခုနှင့်တစ်ခု ကျားကန်ပေးထားသည်ဟု သူက ဆိုသည်။

ခိုင်ဂျူက လွန်ခဲ့သည့်နှစ်များတွင် အိမ်နီးချင်းများမှာ ရှေးဟောင်းအဆောက်အဦးများ၏ ဗိသုကာဒီဇိုင်းကို ပုံတူကူး၍ ဆောက်လုပ်သော်လည်း အဆိုပါ အဆောက်အဦးများ၏ နည်းပညာများကိုမူ အသုံးပြုခြင်းမရှိဟု ပြောကြားခဲ့သည်။ သူက အိမ်တစ်အိမ်ရှေ့တွင် ရပ်လိုက်သည်။ ထိုအိမ်က ဒါဘာရ်ရင်ပြင်ရှိ မပြိုဘဲကျန်ခဲ့သော ညာတာပိုလာ ဘုရားကျောင်း တည်ထားသည့်နှစ်တွင် ဆောက်လုပ်ခဲ့ခြင်းဖြစ်သည်ဟု သူကပြောသည်။

ရိုးရာ နီဝါရီ ဗိသုကာဒီဇိုင်းဖြင့် ဆောက်လုပ်ထားသည့် အောက်ပိုင်းရှိ ကြမ်းပြင်က အနည်းငယ်သာ ပျက်ဆီးခဲ့သည်။ သို့သော်လည်း ကွန်ကရစ်များလောင်း၍ ဆောက်လုပ်ထားသော အပေါ်ပိုင်းကြမ်းပြင်များက ပြိုကျခဲ့လေသည်။ ထိုပြိုကျမှုတွင် လူ ၄ ဦး ပိမိခဲ့ပြီး ၂ ဦးကိုသာ အသက်ရှင်လျက် ကယ်ထုတ်နိုင်သည်ဟု ခိုင်ဂျူက ပြောကြားခဲ့သည်။

အသက် ၃၂ နှစ်အရွယ် ကုန်စုံဆိုင်ပိုင်ရှင် ဒီပက်ရှ် ဒူဘန်ဇာရ်က ဦးလေးဖြစ်သူ၏ တည်းခိုခန်းရှိ လှေကားတွင် ထိုင်နေသည်။ ထိုတည်းခိုခန်းမှာ ဒါဘာရ်ရင်ပြင်ရှိ အခြားသော စားသောက်ဆိုင်များနှင့် တည်းခိုခန်းများကဲ့သို့ပင် ပြိုကျပျက်ဆီးခဲ့သည်။ အဆိုပါ စီးပွားရေးများကို တစ်လအတွင်း ပြန်ဖွင့်နိုင်မည်ဟု သူက တွက်ထားသည်။

“မြို့ထဲကလူတွေက အခုအချိန်မှာ လုံးဝ တုန်လှုပ်နေကြပါတယ်။ အဓိကပြဿနာကတော့ စိတ်ဖိစီးမှုပါပဲ”

မိသားစုနှင့်အတူ ငလျင်မှ လွတ်မြောက်ခဲ့သည့် ဒူဘန်ဇာတစ်ယောက် ဆွေမျိုးများ၏ ကံကြမ္မာကောင်းကိုလည်း သတိတရရှိနေသည်။

ဘဟာဂ်ဝတီဘုရားကျောင်းကို ရှင်းလင်းနေသူများ၏ မျက်နှာချင်းဆိုင်တွင် ထိုင်နေသည့် သူက အပျက်အဆီးများကို ဖယ်ရှားခြင်းမှာ အနည်းငယ်စိတ်သက်သာရသည်ဟု ဆိုသည်။ ဆယ်ယူရသမျှ အားလုံးကိုလည်း ဆယ်ယူထားရန် အရေးကြီးသည်ဟု သူကပြောသည်။

“ဘုရားကျောင်းက အုတ်ခဲတစ်လုံးကလည်း ကျွန်တော်တို့ ပစ္စည်းပါ။ ကျွန်တော်တစ်ယောက်တည်းရဲ့ ပစ္စည်းမဟုတ်ဘူး။ အခြားသူတစ်ယောက်တည်းရဲ့ ပစ္စည်းလည်း မဟုတ်ပါဘူး။ ကျွန်တေ်ာတို့အားလုံးရဲ့ ပစ္စည်းပါ။ ကျွန်တော်တို့ တစ်နိုင်ငံလုံးနဲ့ သက်ဆိုင်ပါတယ်။ ဒါ့ကြောင့် ကျွန်တော်တို့ အဲဒါကို ရှာဖွေ သိမ်းဆည်းထားရပါမယ်”

ref: Al Jazeera
မိုးဝေ ဆီလျော်အောင် ဘာသာပြန်ဆိုသည်။

May 2, 2015
မြန်မာနိုင်ငံနှင့် ကလေးအလုပ်သမား ပြဿနာ

ဧပြီ ၃၀ ၊ ၂၀၁၅
M-Media
.

June 10, 2014 (AP Photo/Gemunu Amarasinghe)

– မြန်မာနိုင်ငံ၏ မြို့ကြီးဖြစ်သည့် ရန်ကုန်မြို့ရှိ လက်ဖက်ရည်ဆိုင်တစ်ဆိုင်တွင် စိုးမင်းလွင်တစ်ယောက် နေ့စဉ် နံနက် ၆ နာရီမှ ည ၉ နာရီအထိ အော်ဒါမှာပေးခြင်း၊ အစားသောက်များချပေခြင်းနှင့် ပန်းကန်ဆေးခြင်းတို့ကို ပြုလုပ်ရသည်။ ညစဉ်ညတိုင်း ၎င်းမှာ သစ်သားစားပွဲပေါ်တွင် တက်အိပ်ရသည်။ အသက် ၁၂ နှစ်အရွယ်သာရှိသေးပြီး တစ်နေ့လျှင် တစ်ထောင်ကျော်သာရသည့် ၎င်းက မိသားစု၏ အဓိက ၀င်ငွေရှာသူ ဖြစ်နေ၏။
.
“ကျွန်တော် အလုပ်မလုပ်တဲ့အခါ တစ်ခါတစ်လေ ကျွန်တော့်မိသားစုက အဆင်ပြေပါတယ်။ ဒါပေမယ့် တစ်ခါတစ်လေမှာတော့ အဆင်မပြေပါဘူး။ ကျွန်တော့်ပထွေး အလုပ် ရ၊ မရပေါ်မှာ မူတည်ပါတယ်။ သူ့မှာ အလုပ်က ပုံမှန်မရှိပါဘူး” ဟု စိုးမင်းလွင်က ဆိုသည်။
.
လက်ဖက်ရည်ဆိုင်ပိုင်ရှင် ကိုသာတင့်က မြန်မာ ရွေ့လျား ပညာရေး ပရောဂျက်မှ ဖွင့်လှစ်သင်ကြားပေးသည့် အတန်းသို့တက်ရောက်ရန် စိုးမင်းလွင်အား တစ်ပတ်လျှင် ၆ နာရီ ခွင့်ပေးသည်။ သို့သော်လည်း စိုးမင်းလွင်ကဲ့သို့ ကလေးများကို အလုပ်ခန့်ရခြင်းက မတရားလုပ်အားဖြစ်သည်ဟုလည်း သူက ပြောသည်။
.
“ဒီကလေးတွေကို ကျွန်တော်တို့ မနှိပ်စက်သလို အတင်းအဓမ္မလည်း အလုပ်ခိုင်းတာ မဟုတ်ပါဘူး။ သူတို့ကို ကျွန်တော်တို့ခေါ်ထားတယ်။ အလုပ်ပေးတယ်။ ဒါမှ သူတို့ရဲ့ မိသားစုတွေကို သူတို့ ထောက်ပံ့နိုင်မှာပါ။ ဒီမှာဆိုတော့ သူတို့မှာ နေဖို့၊ စားဖို့ နေရာရှိတယ်။ တကယ်လို့ သူတို့ကို ခေါ်မထားရင် ဒီထက်ဆိုးတဲ့နေရာမှာ သူတို့ ဘ၀ဆုံးသွားနိုင်ပါတယ်”
.
ကိုသာတင့်တွင် ၉ နှစ်အရွယ် သားတစ်ဦးရှိပြီး အသက် ၁၂ နှစ်အရွယ်တွင် ၎င်းအားကျောင်းထုတ်ကာ အလုပ်ခိုင်းမလားဟု မေးမြန်းရာတွင်တော့ သူက မခိုင်းဘူးဟုဆိုသည်။
.
“ဒီကလေးတွေက သူတို့ရဲ့မိသားစုမှာ ပိုက်ဆံ လုံလုံလောက်လောက်မရှိတာကြောင့် အလုပ်လုပ်နေရတာပါ” ဟု ၎င်း၏ထံတွင် အလုပ်လုပ်နေသည့် ကလေးငယ် ၅ ဦးကို ရည်ညွှန်း၍ ကိုသာတင့်က ဆိုသည်။
.
“ကျွန်တော့်သားကတော့ (သူတို့ထက်) ပိုကံကောင်းပါတယ်။ ဒါ့ကြောင့် သူက အလုပ်လုပ်ဖို့ မလိုသေးပါဘူး”
.
ကလေးများမှာ မြန်မာ့စီးပွားရေး၏ ဒေါက်တိုင်များဖြစ်နေကြသည်မှာ ကြာပြီဖြစ်သည်။ အများစုမှာ အိမ်သန့်ရှင်းရေး၊ စက်ရုံများနှင့် ဈေးဆိုင်အကူများအဖြစ် လုပ်နေရသည်။ သို့ရာတွင် နှစ်ပေါင်း ၅၀ ကြာ စစ်အုပ်ချုပ်ရေးအပြီး တံခါးဖွင့်လိုက်သည့်အခါ ကလေးငယ်များ၏ အခန်းကဏ္ဍနှင့် ပတ်သက်၍ နိုင်ငံတကာမှ စီစစ်လေ့လာခြင်းမှာ တိုးလာသည်။
.
“ဒီပြဿနာကို အခြေအနေအရတော့ လက်ခံထားရပါတယ်။ ဘာ့ကြောင့်လည်းဆိုတော့ နိုင်ငံရဲ့ ဘယ်နေရာကိုပဲသွားသွား၊ ကလေးတွေ အလုပ်လုပ်နေတာကို ကျွန်တော်တို့ မြင်ရပါတယ်။ နေရာတိုင်းမှာပါ” ဟု မြန်မာ ရွေ့လျားပညာရေးပရောဂျက်ကို စတင်အကောင်အထည်ဖော်ခဲ့သည့် တင်အေးဟာဒီက ဆိုသည်။ အဆိုပါ ပရောဂျက်က လက်ဖက်ရည်ဆိုင်များတွင် အလုပ်လုပ်နေကြသည့် ကလေးငယ် ၄၀၀အား ကျောင်းစာမဟုတ်သည့် ပညာရေးကို သင်ကြားပေးနေသည်။
.
မြန်မာနိုင်ငံ၌ ၂၀၁၁ ခုနှစ်တွင် စီးပွားရေးနှင့် နိုင်ငံရေး အဓိကပြောင်းလဲမှုများ လုပ်ဆောင်စဉ်ကတည်းက ကျေးလက်ဒေသများမှ ကလေးငယ်များမှာ မြို့ကြီးများသို့ တိုး၍တိုး၍ ပြောင်းရွှေ့လာကြသည်။
.
“မြို့ကြီးတွေမှာ ကုန်စုံဆိုင်တွေ၊ စားသောက်ဆိုင်တွေ ဖွင့်ကြတယ်။ သူတို့က ဈေးပေါပြီး စိတ်ချရတဲ့ လုပ်အားကို လိုအပ်ပါတယ်။ ပြီးတော့ လူတွေကလည်း ၀င်ငွေတွေပိုပိုရလာတယ်။ ဒါ့ကြောင့် ၀န်ဆောင်မှုတွေကိုလည်း ပိုပြီး တောင်းဆိုလာကြပါတယ်။ အဲဒီတောင်းဆိုမှုက လုပ်အားကို ပိုပြီး လိုအပ်စေတာပါပဲ” ဟု တင်အေးက ထပ်လောင်းပြောကြားခဲ့သည်။

Maxim Malkov/ecoburma

.
မြန်မာနိုင်ငံရှိ ကလေးအလုပ်သမားများနှင့်ပတ်သက်၍ လက်တလော အချက်အလက်ကို ကောက်ယူရန် ခက်ခဲသည်။ ယူနီဆက်ဖ်၏ ၂၀၀၆ ခုနှစ် လေ့လာမှုမှ ရရှိသည့် နောက်ဆုံးအချက်အလက်အရ စစ်တမ်းကောက်ယူမှုတွင် ပါဝင်ခဲ့သည့် အသက် ၇ နှစ်မှ ၁၆ နှစ်အရွယ်ကလေး ၃၃ ရာခိုင်နှုန်းနီးပါးမှာ အလုပ်လုပ်နေ ရသည်ကို တွေ့ရှိခဲ့ ရသည်။ ဘေးအန္တရာယ်မျာကို လေ့လာ ဆန်းစစ်သော ယူကေရှိ Maplecroft ကုမ္ပဏီက ကလေးငယ်အလုပ်သမား ပြဿနာတွင် ကမ္ဘာ့အဆိုးအ၀ါးဆုံး နိုင်ငံများ စာရင်း၌ မြန်မာနိုင်ငံအား အဆင့် ၇ ပေးထားသည်။ အိန္ဒိယနှင့် လိုက်ဘေးရီးယားတို့ထက် အနည်းငယ်တော့ သာသည်။
.
နိုင်ငံတကာ အလုပ်သမားအဖွဲ့ ILO က လက်ရှိအချိန်တွင် ကိန်းဂဏန်းအချက်အလက်များကို စုဆောင်းနေသည်။ သို့သော်လည်း ကလေးအလုပ်သမားက မြန်မာနိုင်ငံတွင် သာမန်ပုံစံမျိုးဖြစ်နေသည်ဟု ILO ၏ မြန်မာနိုင်ငံရှိ ကလေးအလုပ်သမား ပပျောက်ရေးနှင့်ပတ်သက်သည့် အစီအစဉ်မှ နည်းစနစ်ပိုင်းဆိုင်ရာ အကြီးအကဲဖြစ်သူ ဆဲလင်မ် ဘီနာအစ်စာက ဆိုသည်။
.
“ဥပဒေတွေကို ကျင့်သုံးဖို့နဲ့ အသိပညာပေးဖို့က သိသာတဲ့ပြဿနာတစ်ခု ဖြစ်နေပါတယ်”
.
၁၉၅၁ ခုနှစ်တွင် ထိုစဉ်က ဘားမားဟုခေါ်သည့် မြန်မာနိုင်ငံတွင် အသက် ၁၃ နှစ်အောက် ကလေးများ ဈေးဆိုင်များနှင့် စက်ရုံများတွင် အလုပ်လုပ်ခြင်းကို တားမြစ်သည့် ဥပဒေကို ထုတ်ပြန်ခဲ့သည်။ အဆိုပါ ဥပဒေတွင် အသက် ၁၃ နှစ်မှ ၁၅ နှစ်အရွယ်ကလေးများ တစ်နေ့လျှင် ၄ နာရီထက်ပို၍ အလုပ်လုပ်ခြင်းကိုလည်း တားမြစ်ခဲ့သည်။ ကျွန်ပြုခံရခြင်း၊ လူကုန်ကူးခံရခြင်း၊ လက်နက်ကိုပဋိပက္ခများနှင့် အန္တရာယ်ရှိသော အလုပ်များတွင် ကလေးများအား အသုံးပြုခြင်းတို့ အပါအ၀င် ကလေးအလုပ်သမားများအား ခိုင်းစေမှု အဆိုးဝါးဆုံးပုံစံများ ပပျောက်စေရေး တိုက်တွန်းထားသည့် ILO ၏ သဘောတူညီချက် တစ်ခုကို ၂၀၁၃ ခုနှစ် ဒီဇင်ဘာလတွင် လွှတ်တော်က အတည်ပြုခဲ့သည်။
.
မြန်မာ့အလုပ်သမားရေးရာ ၀န်ကြီးဌာန၏ စက်ရုံအလုပ်ရုံနှင့် အလုပ်သမားဥပဒေ စစ်ဆေးခြင်းဌာနမှ အထွေထွေဒါရိုက်တာဖြစ်သူ ဦးဝင်းရှိန်က အစိုးရအနေဖြင့် အကောင်းဆုံးကို ကြိုးစားဆောင်ရွက်နေသည်ဟု ပြောကြားခဲ့သည်။
.
“ကလေးအလုပ်သမားကိစ္စဟာ ပြဿနာကြီးတစ်ခုပါ။ ဒါပေမယ့် ဒါဟာ ဆင်းရဲမွဲနေမှုရဲ့ ရလဒ်ပါပဲ။ တိုင်းပြည်ကဆင်းရဲတယ်။ ဒါ့ကြောင့် ကလေးတွေက သူတို့မိသားစု ၀င်ငွေရဖို့ ကူညီကြရတယ်။ ဒါကို ဖြေရှင်းဖို့ဆိုရင် ကျွန်တော်တို့ဟာ စီးပွားရေးဖွံ့ဖြိုးတိုးတက်ဖို့ လိုပါတယ်။ ပြီးတော့ ဒါဟာ အချိန်အတော် ကြာပါလိမ့်မယ်” ဟု ၎င်းက ဆိုသည်။
.
ထို့ပြင် အစိုးရအနေဖြင့် အလုပ်လုပ်ခွင့်ပေးသည့် အနိမ့်ဆုံးအသက်ကို ၁၄ နှစ်အထိ တိုးမြှင့်သတ်မှတ်သွားရန် စဉ်းစားနေပြီး ၎င်း၏ ရုံးကလည်း အသက်အငယ်ဆုံး အလုပ်သမားများအတွက် ပညာသင်ကြားပေးရေး၊ အသက်မွေးမှုဆိုင်ရာ လေ့ကျင့်သင်ကြားရေးနှင့် ကျန်းမာရေး စောင့်ရှောက်မှုပေးရေးတို့အတွက် စီးပွားရေး လုပ်ငန်းရှင်များနှင့် ညှိနှိုင်းဆွေးနွေးနေသည်ဟုလည်း ဆိုသည်။
.
ကလေးငယ် ၅ ဦးတွင် ၂ ဦးက အာဟာရ ချို့တဲ့မှုဒဏ်ကို ခံစားနေရသည့် မြန်မာနိုင်ငံတွင် ပွဲစားများကလည်း ကလေးအလုပ်သမားအရေးကို မီးထိုးပေးနေသည်။ သူတို့က ကလေးငယ်များကို အလုပ်ရှင်များထံသို့ တန်ဖိုးတစ်ခုဖြင့် ပို့ဆောင်ကြသည်။ ခင်ဌေးက ရန်ကုန်မြို့ရှိ ဈေးတစ်ခုတွင် ကလေးအ၀တ်အစားများ ရောင်းသည့် အချိန်ပြည့်အလုပ်အပြင် ကလေးအလုပ်သမားရှာဖွေသည့် ပွဲစားလည်း လုပ်သည်။ ကလေးအလုပ်သမားတစ်ဦး ရှာပေးလျှင် အလုပ်ရှင်များက သူမအား တစ်သောင်းအထိ ပေးကြသည်။
.
“အချို့လူတွေက ကျွန်မဆီလာပြီး သစ်သီးဖျော်ရည်ဆိုင်လို သူတို့ဆိုင်တွေမှာ အလုပ်လုပ်ဖို့ ကလေးတွေကို ရှာခိုင်းကြပါတယ်။ တစ်ချို့တွေကတော့ အိမ်အကူရှာခိုင်းကြတယ်။ အသက် ၁၅ နှစ်လောက် မိန်းကလေးတွေလည်း ကျွန်မဆီလာပြီး အလုပ်ရှာခိုင်းတာမျိုးတွေ ရှိပါတယ်” ဟု ခင်ဌေးက ပြောကြားခဲ့သည်။
.
ခင်ဌေးကတော့ သူမမှာ ဆင်းရဲပြီး အလုပ်လိုနေသည့် ကလေးများကို ကူညီပေးနေသည်ဟု ခံစားရကြောင်း ပြောကြားခဲ့သည်။
.
“အဲဒါဟာ ကျွန်မ အနိမ့်ဆုံး လုပ်နိုင်တာပါပဲ”
.
အခြားပွဲစားများကလည်း ဤအလုပ်နှင့်ပင် စီးပွားဖြစ်နေကြသည်။ ၎င်းတို့၏ အလုပ်က ပို၍ လျှို့ဝှက်သည်။
.
နေရာတကာတွင် ပြန့်နှံ့နေသည့် ကလေးအလုပ်သမားကိစ္စက အမေရိကန်မှ စီးပွားရေး ပိတ်ဆို့မှု ဖွင့်ပေးခဲ့ပြီးနောက် မြန်မာနိုင်ငံသို့ ၀င်ရောက်လာကြသည့် အမေရိကန် ကုမ္ပဏီများအတွက်လည်း စိန်ခေါ်မှုတစ်ရပ် ဖြစ်နေသည်။
.
အမေရိကန်ကုမ္ပဏီတော်တော်များများက ၎င်းတို့၏ လုပ်ငန်းခွင်များသို့ သွားရောက်ရန် တောင်းဆိုမှု ကို ငြင်းပယ်ကြသည်။ သို့သော်လည်း ကိုကာကိုလာ ကုမ္ပဏီက မြန်မာနိုင်ငံရှိ ၎င်းတို့ကုမ္ပဏီ၏ မူဝါဒမှာ အသက် ၁၈နှင့်အထက်ကိုသာ အလုပ်ခန့် ထားရန်ဖြစ်သည်ဟု ပြောကြားခဲ့သည်။ အ၀တ်အစား ဖြန့်ဖြူးရောင်းချသည့် Gap ကုမ္ပဏီကလည်း ကလေးအလုပ်သမား အတွက် လုံးဝသည်းမခံသည့် မူဝါဒကို ချမှတ်ထားသည်ဟု ဆိုသည်။
.
နိုင်ငံတကာ စောင့်ကြည့်လေ့လာရေးအဖွဲ့ Verite မှ ဆောင်ရွက်ထားသည့် စစ်ဆေမှုများအရ Gap ၏ မြန်မာနိုင်ငံ၌ ဖွင့်လှစ်ထားသည့် စက်ရုံနှစ်ခု၌ ကလေးအလုပ်သမား ရှိသည်ဟူသော အထောက်အထား မတွေ့ရဟုဆိုသည်။ သို့သော်လည်း အချို့သော အလုပ်သမား ဖိုင်များတွင် အသက်အရွယ်ကို ဖော်ပြထားသည့် အထောက်အထား မပါဘဲ၊ ပါရှိသည့် အထောက်အထား အချို့မှာလည်း ပြင်ဆင်ထားသည်ကို တွေ့ရှိခဲ့ရသည်။
.
မြန်မာနိုင်ငံအတွင်း ကလေးအလုပ်သမားကို ရှောင်ကျဉ်ရန် အမေရိကန်ရှိ ကုမ္ပဏီများအတွက် ခက်ခဲနိုင်သည်ဟု ရန်ကုန်မြို့ရှိ အမေရိကန် သံရုံးမှ စီးပွားရေးနှင့် ကုန်သွယ်မှုရေးရာ တာဝန်ရှိသူ မက်ချက် ရှီရှက်က ဆိုသည်။
.
“သေချာတာက အမေရိကန်ကုမ္ပဏီတွေဟာ နိုင်ငံတကာရဲ့ အကောင်းဆုံးစံနှုန်း ဒါမှမဟုတ် နိုင်ငံအတွင်း ဥပဒေတွေကို တိုက်ရိုက်ချိုးဖောက်မှာ မဟုတ်ပါဘူး။ ဒါပေမယ့် ကုန်စည်အသွားအလာ ကွင်းဆက်တွေမှာ ကလေးအလုပ်သမားတွေ ရှိနိုင်မလားဆိုတာကို ဖော်ထုတ်ဖို့ အမေရိကန်ကုမ္ပဏီတွေက လိုအပ်တဲ့ လုံလ၀ီရိယတော့ ထုတ်ရပါမယ်။ အဲဒီလိုကွင်းဆက်တွေက ကုမ္ပဏီတွေမှာ ဒါမျိုးတွေ တွေ့ရတယ်ဆိုတဲ့ ပြဿနာတွေကိုလည်း ကျွန်တော်တို့ ကြားခဲ့ရပါတယ်။ “ခင်ဗျားတို့ ကလေးအလုပ်သမားကို မစွန့်လွှတ်ဘူးဆိုရင် ကျွန်တော်တို့ ခင်ဗျားတို့နဲ့ အလုပ်မလုပ်နိုင်ဘူးလို့” ကန်ထရိုက်ခွဲတွေနဲ့ ကုန်ပစ္စည်း ထောက်ပံ့ပေးတဲ့ သူတွေကိုလည်း ကျွန်တော်တို့ ပြောထားရပါတယ်” ဟု ရှီရှက်က ထည့်သွင်းပြောကြားခဲ့သည်။
.
နောက်ထပ်အခက်အခဲတစ်ခုက အလုပ်မှ ထုတ်လိုက်သည့် ကလေးငယ်များမှာ အလွန်ငယ်ရွယ်သည့် အနေအထား ရှိသောကြောင့် ၎င်းတို့အား ဘာလုပ်ပေးရမည်ဆိုသည်ကို အဖြေရှာရန်ဖြစ်သည်ဟု ဘီနာအစ်ဆာက ဆိုသည်။
.
“ဒေသတွင်း ကုမ္ပဏီကတွေက လူငယ်အလုပ်သမားတွေကို အလုပ်ဖြုတ်လိုက်တဲ့အခါ ဒီပြဿနာဟာ အခြားနိုင်ငံတွေမှာ လည်း ဖြစ်ခဲ့ပါတယ်။ အဲဒီကလေးတွေဟာ ငယ်တယ်။ ပြီးတော့ သူတို့ ပထမရှိနေတဲ့ အခြေအနေနဲ့ နှိုင်းယှဉ်ရင် ပိုပြီးဆိုးဝါးတဲ့ ကလေးအလုပ်သမား ပုံစံမျိုးကို ရောက်သွားတယ်….. ဒါ့ကြောင့် ကျွန်တော်တို့ ဒါကို ရှောင်ချင်ပါတယ်”
.
ရန်ကုန်၏မြောက်ဘက် ၅၅ မိုင်အဝေးတွင်ရှိသည့် စိုးမင်းလွင်၏ ရွာတွင်တော့ ၎င်း၏လခ တစ်လ ၃ သောင်းခွဲလောက်မှာ အတော်လေးခရီးရောက်သည်။ သူ့မိသားစုက ဆန်ကို အကြွေးဖြင့်ဝယ်သည်။ ဆန်တစ်အိတ်လျှင် ၂ သောင်းခန့် ကုန်ကျပြီး မိခင်၊ ပထွေး၊ ညီငယ် ၂ ယောက်နှင့် အဖွား စုစုပေါင်း ၅ ယောက်အတွက် စားလောက်သည်။
.
“သူတို့ကို အလုပ်မလုပ်စေချင်ပါဘူး။ ကလေးတွေကို မိဘတွေရဲ့အဝေးမှာ မထားသင့်ပါဘူး။ သူတို့ စာရိတ္တ ပျက်ဆီးသွားနိုင်ပါတယ်။ စိုးမင်းလွင်ကို အလုပ်ခိုင်းတာက ကျွန်မတို့မှာ မပြေလည်လို့ပါ” ဟု မိခင်ဖြစ်သူ နော်အဲလ်ရှီးက ဆိုသည်။
.
ထို့ပြင် အသက် ၄ နှစ်အရွယ် သားဖြစ်သူမှာလည်း စိုးမင်းလွင်ကဲ့သို့ ဖြစ်လာမည်ကို သူမက စိုးရိမ်နေလေ၏။

Ref:Aljazeera America

မိုးဝေ ဆီလျော်အောင် ဘာသာပြန်ဆိုသည်။

April 30, 2015
ဆူးငှက် – သက်တော်ရှည် မန္တလေးတက္ကသိုလ်

ဧပြီ ၂၉ ၊ ၂၀၁၅
ဆူးငှက် ရေးသည်။
–
တကယ်တော့ မန္တလေးတက္ကသိုလ်ဟာ မြန်မာလူမျိုးများရဲ့ ၀ံသာနုစိတ်နဲ့ ဇာတိမာန်သက်သက်က တဆင့် အမြော်အမြင်ကြီးစွာ ပေါ်ပေါက် ခဲ့ ရတဲ့ မြန်မာတွေ မျိုးစေ့ချ၊ ပျိုးထောင်၊ ပေါင်းသင်၊ ရှင်သန်၊ ကြီးထွား၊ ပွင့်လန်းခဲ့တဲ့ မြန်မာအမျိုးသား တက္ကသိုလ်ကြီးဖြစ်ပါတယ်။ အင်္ဂလိပ်အစိုးရရဲ့ တက္ကသိုလ် အက်ဥပဒေကို မကျေနပ်လို့ ရန်ကုန်တက္ကသိုလ် ကျောင်းသားတွေ စတင်ခဲ့တဲ့ သပိတ်တိုက်ပွဲရဲ့ အသီးအပွင့်လည်းဖြစ်ပါတယ်။ ဒီအသီးအပွင့်ကြောင့် ၁၉၂၅ ခုနှစ်မှာ မန္တလေးမြို့မိမြို့ဖများ အားထုတ်မှုနဲ့ မန္တလေး ဥပစာကောလိပ် ဖွင့်လှစ်ခွင့်ရခဲ့တယ်။
–
၁၉၂၀ခုနှစ် ပထမကျောင်းသားသပိတ်ကြီး စတင်ပေါ်ပေါက်လာခဲ့ပြီးနောက် အမျိုးသားကျောင်း၊ အမျိုးသားကောလိပ်နဲ့ အမျိုးသားပညာရေးတောင်းဆိုမှုတွေနဲ့ အတူ အထက်ဗမာပြည် မန္တလေးမြို့မှာလည်း ဥပစာကောလိပ်တစ်ခုဖွင့်လှစ်ပေးဖို့ မန္တလေးမှာ ရှိကြတဲ့ ဗဟိုစည် ဦးဘဦး၊ ကျောက်စာ ၀န်တော်စိန်ခိုနှင့် ရသေ့ကြီး ဦးခန္တီတို့ ဦးဆောင်ပြီး မန္တလေးမြို့လူထုက တောင်းဆိုကြပါတယ်။ အကယ်၍ အင်္ဂလိပ်အစိုးရက မလိုက်လျောရင် မန္တလေးမြို့လူထုအနေနဲ့ ကိုယ့်အလှူငွေနဲ့ကိုယ်၊ ကိုယ့်မြို့မှာ ကိုယ့်ကောလိပ် ကိုယ်ကိုယ်တိုင် ဖွင့်ကြမယ်လို့တင်ပြလာကြတယ်။ နိုင်ငံရေး မျက်နှာစာမှာလည်း ဂျီစီဘီအေ ဦးချစ်လှိုင်က ဦးဆောင်ပြီး တောင်း ဆိုကြတယ်။ တစ်ဆက်တည်း ၀ံသာနုခေါင်းဆောင် ဦးဘဘေက ဥပဒေပြုကောင်စီမှာ ၁၉၂၀ပြည့်နှစ် တကသိုလ် အက်ဥပဒေကို ပြင်ဆင်ဖို့ ဥပဒေ အကြမ်းတင်ခဲ့တယ်။ ပထမအဆင့်အနေနဲ့ ၁၉၂၄ခု ဧပြီလမှာ အစိုးရက ဥပေဒကို ပြင်ဆင်ဖို့ အတည်ပြုပေးခဲ့ရတယ်။ ဒါ့အပြင် ၁၉၂၄ခု ပြင်ဆင်ချက် ဥပဒေအရ အထက်ဗမာပြည်မှာ ဥပစာကောလိပ်ကို စတင်ဖွင့်လှစ်ဖို့ ကော်မတီ ဖွဲ့စည်းနိုင်ခဲ့တယ်။ ဒါကြောင့် အထက်ဗမာပြည်အတွက် ဥပစာကောလိပ်ကို မန္တလေးမြို့တောင်ပြင် ဗောဓိကုန်းရပ်ကွက်မှာ ရှိတဲ့ သိပ္ပံကျောင်းဝင်းထဲက တစ်ထပ်အုတ်တိုက်နီကလေးမှာ ၁၉၂၅ ဇူလိုင် ၄ရက်နေ့မှာ စတင်ဖွင့်လှစ်ခဲ့ပါ တယ်။
–
အခုမန္တလေး တက္ကသိုလ်ဝင်းထဲ အ၀င်စ မုဒ်ဦးအကျော်လမ်း အရှေ့ဘက်က အုတ်တိုက်နီလေးပါ။ တက္ကသိုလ်သက်တမ်းတလျှောက်လုံး အင်ဂျင်နီယာရုံးအဖြစ် ဖွင့်လှစ်ခဲ့တဲ့နေရာလေးပါပဲ။အခုလက်ရှိမြင်နေရတဲ့မန္တလေး တက္ကသိုလ်ပင်မအဆောက်အဦးကြီးကတော့ ၁၉၂၁ခုနှစ်မှာ အုတ်မြစ် ချပြီး ၁၉၂၄ခုနှစ်မှာ စိုက်ပျိုးရေး သိပ္ပံရုံး အဖြစ် ဖွင့်လှစ်ခဲ့တာပါ။

မန္တလေးဥပစာကောလိပ် စပြီး ဖွင့်လှစ်တော့ ကောလိပ်အုပ်ချုပ်ရေးအဖွဲ့မှာ ကပ္ပတိန်ကျော်ညွန့်က သဘာပတိအိဖြစ်ဆောင်ရွက်တယ်။ မစ္စတာ ထင်ဝီ(M.A)က ကျောင်းအုပ်ကြီးနဲ့ အင်္ဂလိပ်ဘာသာကထိက၊ ဦးဖိုးသာ (M.Sc)က ရူပဗေဒနဲ့ ဓာတုဗေဒကထိက၊ ဦးလှပေါ်ဦး (M.A) က သင်္ချာကထိက၊ ဦးဘကျား(B.A)က ပါဠိ မြန်မာစာ၊ မစ္စတာ အက်စ်ဒါမိုဒါရမ်က သိပ္ပံပညာနည်းပြတို့ ဖြစ်ကြတယ်။ မန္တလေး ဥပစာကောလိပ် စဖွင့်တော့ ကျောင်းသူ (၂)ယောက်အပါအ၀င်း ကျောင်းသား (၃၁)ယောက်ရှိတယ်။ ဖွင့်လို့တစ်နှစ်အကြာ ၁၉၂၆ခုသြဂုတ်လရောက်တော့ ဥပဒေပြုကောင်စီမှာ ရွှေတောင်ကြားပါတီက မန္တလေးဥပစာကောလိပ်က ကျောင်းသားနည်းလို့ ပိတ်ပါဆိုပြီး အဆိုတင်တယ်။ ဒါပေမယ့် မအောင်မြင်ခဲ့ဘူး။ မန္တလေးဥပစာ ပိတ်ပင်ရေး အစီအစဉ်ကတော့ ဒေသစွဲ၊ ပုဂ္ဂိုလ်စွဲအနေနဲ့ နောက်မဆုတ်ဘူး။
–
၁၉၃၀ခုနှစ်ရောက်တော့ မန္တလေးဥပစာကောလိပ် ပိတ်ရေး အစီအစဉ်နဲ့ ပတ်သက်ပြီး မန္တလေးမြို့ မြို့မိမြို့ဖတွေကလည်း ကန့်ကွက်ကြတယ်။ အိမ်တော်ရာ ၁၄ခန်း ဇရပ်မှာလည်း ကျောင်းသားတွေက ရဟန်းပျိူသမဂ္ဂ ၊ ဈေးချိုတော်၊ မန္တလေးမြို့ခံတွေနဲ့အတူ ကန့်ကွက် သပိတ်မှောက်ကြတယ်။ ဒါကြောင့် မန္တလေးဥပစာကောလိပ်ပိတ်ရေးကိစ္စဟာ အောင်မြင်မသွားခဲ့ပါဘူး။ အင်္ဂလိပ် အစိုးရအနေနဲ့ ကမ္ဘာ့နိုင်ငံရေး ချိန်ခွင်လျှာ အပြောင်းအလဲကြောင့် အကျပ်အတည်းကျရောက်နေတာကြောင့်လည်းဖြစ်ပါတယ်။ ဒီလိုနဲ့စစ်ကြီး ဖြစ်ပွားတော့ဖွင့်လှစ်ဆဲ မန္တလေးဥပစာကောလိပ်ကို ဥပစာကောလိပ်ရဲ့ကျောင်းသား ဟောင်း တစ်ယောက်ဖြစ်ခဲ့ပြီး လက်ရှိ ဥပစာကောလိပ် ဓာတုဗေဒ ဆရာဖြစ်သူ ဦးကိုလေး (ဇေယျာမောင်)က စောင့်ရှောက်ရတယ်။ မန္တလေးလည်း စစ်ရောက်ရော ဥပစာကောလိပ်လည်း ပိတ်လိုက်ရတယ်။
–
စစ်ကြီးပြီးတော့ မန္တလေးဥပစာ ကောလိပ်ပြန်ဖွင့်လှစ်နိုင်ရေးကို ဆရာကြီးဦးရာဇတ်နဲ့ ဆရာဦးကိုလေး (ဇေယျာမောင်)တို့ပဲ ပြန်လည် ဦးဆောင် ဆောင်ရွက်ကြတယ်။ အင်္ဂလိပ်အစိုးရအနေနဲ့ကတော့ မသိလိုက်မသိဘာသာပါပဲ။ စစ်ကြီးအပြီး ဗိုလ်ချုပ်အောင်ဆန်း ဦးဆောင်တဲ့ ဖဆပလ အစိုးရဖွဲ့တော့ ဦးရာဇတ် ၀န်ကြီးတာဝန်အယူ ရန်ကုန်ရောက်စဉ် မန္တလေးဥပစာကောလိပ်ဖွင့်လှစ်နိုင်ရေးကို ဆရာဦးကိုလေးနဲ့ ထပ်မံကြိုးစားကြပြန်တယ်။ ဒါကြောင့် ၁၉၄၇ ခုမေလ၂၉ရက်နေ့မှာပဲ ဆရာဦးကိုလေး (ဇေယျာမောင်) ကို ကျောင်းအုပ်ကြီး အဖြစ်ခန့်အပ်ပြီး မန္တလေး ဥပစာကောလိပ် ပြန်လည်ဖွင့်လှစ်ဖို့ တာဝန်ပေးလိုက်ပါတယ်။
–
စစ်ကြီးကြောင့် ပျက်စီးသွားတဲ့ ပရိဘောဂတွေ ၊ ကျောင်းဆောင်တွေ ပြန်လည်ရရှိဖို့ အခက်အခဲအမျိုးမျိုးကို ဆရာဦးကိုလေး (ဇေယျာမောင်) ဟာ ကြိုးစားကျော်ဖြတ်ပြီး ၁၉၄၈ခု ဇွန်လရောက်မှ မန္တလေးယူနီဗာစီတီကောလိပ်အဖြစ် ပြန်လည်ဖွင့်လှစ်နိုင်ခဲ့တာပါ။ စိုက်ပျိုးရေးသိပ္ပံရုံးအဖြစ် အသုံးပြုဆဲဖြစ်တဲ့ ပင်မအဆောင်ကြီးကိုလည်းမန္တလေးယူနီဗာစီတီကောလိပ်ပင်မစာသင်ဆောင်ကြီးအဖြစ် ခမ်းနားစွာ ဖွင့်လှစ်နိုင်ခဲ့ပါတယ်။မန္တလေးယူနီဗာစီတီကောလိပ်ဖွင့်ပွဲကို မန္တလေးမြို့လူထုကလည်း ၀မ်းပန်းတသာပါဝင်ဆင်နွှဲကြတယ်။ မန္တလေးယူနီဗာစီတီကောလိပ်ဖွင့်လှစ်နိုင်ရေးကို အစွမ်းကုန်ကြိုးစားခဲ့တဲ့ ဆရာကြီးဦးရာဇတ်ကတော့ ဖွင့်ပွဲမတိုင်ခင် ၁၉၄၇ခုနှစ် ဇူလိုင်လ ၁၉ ရက်နေ့ကပဲ မသမာသူတို့ လုပ်ကြံမှုကြောင့် ကွယ်လွန်ခဲ့ရှာပြီပေါ့။
–
ဒီဥပစာကောလိပ်ကလည်း အတိုက်အခံ အခက်အခဲအမျိုးမျိုးကြားက ရုန်းကန်ပြီး ဆရာကြီးဦးရာဇတ်နဲ့ ဆရာဦးကိုလေး(ဇေယျာမောင်)တို့ ကျေးဇူးကြောင့် ၁၉၄၈ ခုနှစ် ဇွန်လမှာ မန္တလေးယူနီဗာစီတီကောလိပ်အဖြစ် အဆင့်မြှင့်တင် ဖွင့်လှစ်နိုင်ခဲ့ပြီးတဲ့နောက် မြို့မိမြို့ဖတွေ ဆက်လက်အားထုတ်ကြိုးပမ်းခဲ့ကြလို့လည်း ၁၉၅၈ ခုနှစ် ဇွန်လ ၁ ရက်မှာ မန္တလေးတက္ကသိုလ် အဖြစ် သီးခြားရပ်တည်ခဲ့တယ်။ ပြောင်းလဲလာတဲ့ ပညာရေးစံနစ်တွေကြောင့် ၁၉၆၄ ခုနှစ်မှာ မန္တလေးဝိဇ္ဇာနှင့် သိပ္ပံ တက္ကသိုလ်အသွင်ပြောင်းခဲ့ရတယ်။ ၁၉၈၀ ခုနှစ်မှာတော့ မန္တလေး တက္ကသိုလ်ဆိုတဲ့ မူလအမည်နဲ့ တည်ရှိခဲ့တာပါ။
–
မန္တလေးဥပစာကောလိပ်မှသည် မန္တလေးတက္ကသိုလ်ဆိုတဲ့ ဖြတ်သန်းမှု သမိုင်းရှည်ကြီးအတွင်း ဒီတက္ကသိုလ်ကြီးက ဂုဏ်ရောင်ပြောင်တဲ့ နိုင်ငံရေးသမားတွေ၊ ကဗျာဆရာ၊ စာရေးဆရာ၊ သတင်းစာ ဆရာကြီးတွေ၊ အရပ်ဘက် စစ်ဘက်ဆိုင်ရာ အမှုထမ်းတွေ၊ ဌာနဆိုင်ရာ ပညာရှင်ကြီးတွေ၊ ပါမောက္ခကြီးတွေ မွေးထုတ်ပေးခဲ့ရုံမက အနုပညာရှင်ပေါင်းများစွာ၊ အားကစားသမားပေါင်းများစွာလည်း မွေးထုတ်ပေးခဲ့ပါတယ်။
–
အခု… ခေတ်ပြောင်း စနစ်ပြောင်းချိန် ရန်ကုန် တက္ကသိုလ်ကြီးရဲ့ ပြန်လည်မွေးဖွားခြင်း အတိတ်ကောင်း နိမိတ်ကောင်းတွေနဲ့အတူ သမိုင်းအစဉ်အလာကြီးမားတဲ့ မန္တလေးတက္ကသိုလ်ကြီးကလည်း ဒီအချိန်အခါကောင်းမှာ လမ်းကြောင်းမှန်ပေါ် ပြန်လည်နိုးထ ရှင်သန်ဖို့ ကောင်းပါတယ်။
–
မန္တလေးမြို့လူထုက ရွေးကောက် တင်မြှောက်လိုက်ပြီး ပြည်သူ့အသံ၊ ပြည်သူ့ဆန္ဒ၊ ပြည်သူ့လိုလားချက်တွေ ကို ဖော်ဆောင်ပါမယ်လို့ ကျမ်းသစ္စာကျိန်ဆိုခဲ့ကြတဲ့ မန္တလေးက အသီးသီးသော လွှတ်တော်ကိုယ်စားလှယ်ကြီးများ ထံက မန္တလေးတက္ကသိုလ်နဲ့ပတ်သက်တဲ့ တင်ပြတောင်းဆိုမေးမြန်းတဲ့အသံကို လွှတ်တော်သက်တမ်း ၄နှစ်ကျော် ၅နှစ် အကြာ လွှတ်တော်သက်တမ်းကုန်ဆုံးလု အချိန်ထိ မကြားရတာကလည်း မဲဆန္ဒရှင် မန္တလေးသူ၊ မန္တလေးသားများအဖို့ ကံဆိုးလှချည်ရဲ့လို့ ရင်ပတ်စည်တီးရမယ့် ကိန်းပါပဲ။
–
တကယ်တော့ ၁၉၂၅ ခုနှစ်မှာ ဖွင့်လှစ်ခဲ့တဲ့ မန္တလေးဥပစာကောလိပ်ဟာ ဒီနှစ် ၂၀၁၅ မှာ အနှစ် ၉၀ တင်းတင်းပြည့်ပါပြီ။ ဒါဟာ မန္တလေးအတွက်သာမက တစ်မျိုးသားလုံးအတွက် ကောင်းမွေပါပဲ။ အလားတူ ၁၉၄၈ခုနှစ်မှာ အခက်အခဲအမျိုးမျိုးကြားက မန္တလေးဥပစာကောလိပ် ကနေ အဆင့်မြှင့်ဖွင့်လှစ်ခဲ့တဲ့ မန္တလေးယူနီဗာစီတီကောလိပ်ကလည်း ဒီနှစ်မှာ ၆၇နှစ်ပြည့်ပါပြီ။ တစ်ခါ ၁၉၅၈ခုနှစ်မှာ မန္တလေးယူနီဗာစီတီကောလိပ်မှသည် မန္တလေးတက္ကသိုလ်အဖြစ် သီးခြားဖွင့်လှစ်နိုင်တာလည်း ၅၇နှစ်ပြည့်ပါပြီ။
–
ဘာပဲပြောပြော မန္တလေး တက္ကသိုလ်ရဲ့ သန္ဓေအစ မူလကတွက်ရင် ဒီ ၂၀၁၅ခုနှစ်ဟာ နှစ် ၉၀ တင်းတင်းပြည့်တဲ့ မင်္ဂလာ အခါသမယ ပါပဲ။ လက်ရှိ မန္တလေးတက္ကသိုလ်ကို မောင်းနှင် တာဝန်ယူနေကြသူတွေရဲ့အများစုဟာ လာမယ့်၁၀နှစ် မန္တလေးတက္ကသိုလ်ရာပြည့်ကို ပဲ့ကိုင်ခွင့်ရဖို့ မသေချာနိုင်ပေဘူး။

ဆူးငှက်

* စာရေးသူ၏ FB စာမျက်နှာမှ ကူးယူဖော်ပြပါသည်။

မူရင်းလင်ခ် =>https://www.facebook.com/sue.hnget.3/posts/903248346380376

April 29, 2015
သူဌေးစိတ်ဓါတ် (Millionaire Mentality)

ဧပြီ ၂၅ ၊ ၂၀၁၅
M-Media
လူမင်းဟန် ရေးသည်။

သန်းကြွယ်သူဌေးတစ်ယောက်ဖြစ်ဖို့ ကံကောင်းမှု့၊ အလုပ်ကြိုးစားမှု့ ဒါတွေ အားလုံးလိုပါတယ်။ အထူးသဖြင့် အလုပ်ကြိုးစားမှု့ ပိုပြီးလိုပါတယ်။ ဒါပေမယ့် ဒါတွေအားလုံးထက်အရေးကြီးတဲ့ အရာတစ်ခု ရှိပါသေးတယ်။ အဲဒါကတော့ Millionaire Mentality လို့ခေါ်တဲ့ သူဌေး စိတ်ဓာတ် ပါပဲ။ မိမိစီးပွားရေး ရည်မှန်းချက်ကို ရောက်အောင် လူတစ်ဦး ချင်းစီရဲ့ ကျွမ်းကျင်မှု့တွေ၊ အရည်အသွေးတွေ အသိပညာတွေ အားလုံးကိုစုစည်း ကြိုးကိုင်နိုင်မောင်းနှင် နိုင်တဲ့ စိတ်ဓာတ်ကို ဆိုလိုပါတယ်။

ကာလီဖိုးနီးယားက ကျတော့်ရဲ့ ရေနံလုပ်ကွက် တွေကို စီမံခန့်ခွဲဖို့ လူတစ်ယောက်ကိုငှားဖူးပါတယ်။ သူ့နာမည်ကို ဂျော့မီလာ လို့ပဲ ခေါ်ကြပါစို့။ သူက ရိုးသားတယ်၊ အလုပ်ကြိုးစားတယ်၊ ပြီးတော့ ရေနံလုပ်ငန်းကိုလည်း ကျွမ်းကျင်ပါတယ်။
သူ့ကို ကျတော်ပေးတဲ့ လစာဟာလည်း သူတာဝန်ယူရတဲ့ အလုပ်နဲ့ မျှတပါတယ်။ သူကိုယ်တိုင်လည်း ကျေနပ်ပုံရပါတယ်။ ဒါပေမယ့် အဲဒီရေနံ လုပ်ကွက်တွေကိုသွားပြီး ရေနံတွင်းတွေ၊ စက်ပစ္စည်းတွေကို စစ်ဆေး တိုင်း ကျတော် အားမရပါဘူး။ ဂျော့မီလာ ရဲ့ စီမံခန့်ခွဲမှု့ဟာ ထင်သလောက်အရာမရောက်ဘူးလို့ ဆုံးဖြတ်မိပါတယ်။ မလိုအပ် ပဲ လူတွေ အများကြီးခန့်ထားတယ်။ ကုန်ကျစားရိတ်တွေ အရမ်းများနေတယ်။ တချို့အလုပ်တွေ နှောင့်နှေးနေတယ်။ တချို့အလုပ်တွေ ကျပြန်တော့ လည်း မြန်မြန် လုပ်ပြီး သေချာဂရုမစိုက်။ တချို့ပစ္စည်းကိရိယာတွေ လိုနေတယ်။ တချို့ဟာတွေကျ မလိုအပ် ပဲ ပုံနေတယ်။ ဂျော့မီလာ ကိုယ်တိုင်လည်း လုပ်ကွက် ထဲကို သေချာဆင်းပြီး မလေ့လာပဲ ရုံးခန်းမှာချည်းပဲ အချိန်ကုန်နေ တယ်လို့ ကျတော်ထင်ပါတယ်။ တကယ်တမ်းဆို ဒါတွေအားလုံးဟာ သူ့တာဝန်ပါ။ ဒါတွေကြောင့် အလုပ်ဟာ စားရိတ်တွေကြီး၊ ထုတ်လုပ်မှု့ကလည်း ကျ၊ အမြတ်လည်း လုံးဝအားရစရာမရှိဖြစ်နေပါတယ်။ ဒါပေမယ့် ကျတော် ဂျော့မီလာ ကိုသဘောကျ တယ်။ နောက်ပြီးသူ့မှာ ဒီအလုပ်အတွက် လိုအပ်တဲ့ အရည်အချင်းတွေ အားလုံးပြည့်စုံတယ်လို့ကျတော်ယုံကြည်တယ်။ ဒါကြောင့် တနေ့မှာတော့ ကျတော် ဂျော့မီလာနဲ့ နှစ်ယောက်တည်း စကားပြောပါတယ်။ သူ့ရဲ့ အားနည်းချက်တွေကို ပွင့်ပွင့်လင်းလင်း ပဲ သူ့ကိုပြောပြလိုက်ပါတယ်။

“ငါ ဒီဆိုဒ်ထဲမှာ တစ်နာရီလောက် အချိန်ယူလိုက်တာနဲ့ ဘာတွေလိုနေတယ်၊ ဘယ်လို ပြုပြင်ရမယ်ဆိုတာ ငါသိတယ်။ အပွင့်လင်းဆုံးပြောရရင် မင်းဘာလို့ ဒါတွေ မမြင်တာလည်းဆိုတာ ငါနားမလည်ဘူး။ ” ကျတော်က သူ့ကိုပြောပြသည်။
“ဟုတ်မှာပေါ့။ ခင်ဗျားက ဒါတွေ အကုန်လုံးပိုင်တယ်လေ။ ဒီကရတဲ့ အကျိုးအမြတ်တွေအကုန်လုံးလဲ ခင်ဗျားပဲရမှာလေ။ ဒီတော့ ခင်ဗျားမျက်စိက ဘာတွေလိုတယ်၊ ဘယ်လိုလုပ်ရမယ်ဆိုတာ ပိုမြင်တာပေါ့။” သူကလည်း ကျတော့်ကို ပွင့်ပွင့်လင်းလင်းပဲ သူ့အမြင်ကိုပြန်ပြောပါတယ်။

အမှန်အတိုင်းပြောရရင် သူပြောတာကို ကျတော် အရင်က မစဉ်းစားမိပါဘူး။ ဒါနဲ့ကျတော်လည်း ရက်အနည်းငယ်လောက် စဉ်းစားပြီးတော့ စမ်းသပ်မှု့တစ်ခုလုပ်ဖို့ ဆုံးဖြတ်လိုက်ပါတယ်။ နောက်တကြိမ် ဂျော့မီလာ နဲ့ ကျတော်စကားပြောပါ တယ်။
“ဒီမှာ ကြည့်စမ်း ဂျော့…. ဒီဆိုဒ် ကို မင်းကို ငါလွှဲပေးလိုက်မယ်။ မင်းကို ပုံမှန်လစာမပေးတော့ဘူး။ ဒီ ဆိုဒ် က ရတဲ့ အကျိုးအမြတ်ကို ရာခိုင်နှုန်းနဲ့ အချိုးကျ ခွဲပေးမယ်။ ဘယ်လိုလဲ။ မင်းလက်ခံမလား။”

ကျတော့် ကမ်းလှမ်းချက်ကို သူသေချာစဉ်းစားပြီးကျေကျေနပ်နပ်လက်ခံလိုက်ပါတယ်။

ပြောင်းလဲမှု့ ကတော့ ချက်ချင်းဆိုသလိုပါပဲ။ ဒီဆိုဒ်က ရတဲ့ အကျိုးအမြတ်ဟာ သူနဲ့ ဆိုင်တယ်ဆိုတာလည်း သိရော၊ ဂျော့ ဟာ သူ့ရဲ့ အစွမ်းကို အကုန်ထုတ်သုံးတော့တာပါပဲ။ ကုန်ကျ စားရိတ်တွေကို လျှော့ချတယ်။ ထုတ်လုပ်မှု့တွေတိုး တက်အောင်လုပ်တယ်။ အရင်က သူမမြင်ခဲ့တဲ့ လုပ်ပုံကိုင်ပုံ အမှားတွေကို ချက်ချင်းပြင်ပါတယ်။ မလိုအပ်တဲ့ အလုပ်သမားတွေကိုလည်း ချက်ချင်းလျှော့ပစ်ပါတယ်။ အရင်တုန်းက တပတ်ကို သုံးရက်လောက် ရုံးခန်းမှာပဲ အချိန်ဖြုန်းနေတဲ့ ဂျော့ဟာ အခုတော့ ဆိုဒ်ထဲမှာပဲ အချိန်ကုန်ပါတယ်။ ရုံးခန်းကို တစ်လ လေးခေါက်လောက်ပဲ လာပါတော့တယ်။ နောက်နှစ်လ လောက်နေတော့ ကျတော် ဂျော့မီလာ ရဲ့ လုပ်ကွက်ကို ထပ်ပြီး စစ်ဆေးခဲ့ပါတယ်။ ဒီတစ်ခေါက်တော့ ဘာအမှား အယွင်းမှ မရှိပါဘူး။ ကျတော်ကိုယ်တိုင် သူ့နေရာဝင်ပြီးလုပ်ရင်တော့ သူ့လောက် အပေါက်အလမ်း တည့်အောင်လုပ်နိုင်မယ် မထင်ပါဘူး။ ကျတော်တို့ ရဲ့ အမြတ်ဟာလည်း ပြောစရာ မလိုအောင်ကို တောက်လျှောက် တိုးတက်လာခဲ့ပါတယ်။

စီးပွားရေးရူ့ဒေါင့်က ကြည့်ရင် လူလေးမျိုးရှိပါတယ်။ ပထမတစ်မျိုးက ကိုယ်ပိုင်စီးပွားရေးသမားတွေပါ။ သူတို့ ဟာ ဘယ်သူ့ဆီမှာမှ လခစား မလုပ်လိုပဲ ကိုယ်ပိုင်စီးပွားရေး လုပ်ချင်သူတွေပါ။ လွတ်လွတ်လပ်လပ် နဲ့ကိုယ့် ဘ၀ရဲ့ အာမခံချက်အတွက် ကိုယ်တိုင်ကြိုးစားချင် သူတွေဖြစ်ပါတယ်။ ကိုယ်တိုင်စွန့်စားလုပ်ကိုင်မယ်။ ဖြစ်လာမည့် အကျိုးဆက်ကိုလည်း ကိုယ့်ဟာကို တာဝန်ယူရဲတဲ့သူတွေပါ။

ဒုတိယတစ်မျိုးကတော့ အကြောင်းအမျိုးမျိုးကြောင့် ကိုယ်ပိုင် စီးပွားရေးတော့ မလုပ်ပါဘူး။ ဒါပေမယ့် အမြတ်ခွဲဝေမှု့ ပုံစံနဲ့ သူများဆီမှာ အလုပ်လုပ်တဲ့ပုံစံမျိုးပါ။ ဒီအမျိုးအစားထဲမှာ ကော်မရှင်နဲ့ လုပ်တဲ့အရောင်း ကိုယ်စားလှယ်ကနေ စီးပွားရေးလောက ရဲ့ ထိပ်တန်း မန်နေဂျာတွေ၊ စီအီးအိုတွေ အထိပါပါတယ်။ ဂျော့မီလာဟာ ဒီ ဒုတိယ အမျိုးအစားထဲမှာပါပါတယ်။

တတိယတစ်မျိုးကတော့ ၀န်ထမ်းပဲ လုပ်ချင်သူတွေပါ။ သူတို့ဟာ ပုံမှန်လစာလိုချင်တယ်။ အလုပ်အာမခံချက်လိုချင်တယ်။ သူတို့ကိုခိုင်းတဲ့ အလုပ်ကိုလည်းကောင်းကောင်းမွန်မွန်လုပ်မယ်။ ဒီအုပ်စုမှာပါတဲ့သူတွေဟာ အလုပ်ကြိုးစားတဲ့၊ ယုံကြည်စိတ်ချရတဲ့ ၀န်ထမ်းကောင်းတွေပါ။ ဒါပေမယ့် သူတို့မှာ စွန့်စားလုပ်ကိုင်ချင်စိတ်၊ ဦးဆောင်ချင်စိတ် မရှိပါဘူး။ နောက်ပြီး ပထမအုပ်စုနဲ့ ဒုတိယအုပ်စုက လူတွေလို မဟုတ်ဘဲ ကိုယ့်ကိုကိုယ် ယုံကြည်စိတ်လည်းနည်းပါးကြပါတယ်။

စတုထ္တတစ်မျိုးကလည်း ၀န်ထမ်းတွေပါပဲ။ ဒါပေမယ့် သူတို့ရဲ့ အလုပ်အပေါ်မှာထားတဲ့ စိတ်ထားဟာ ဘာနဲ့တူသလဲ ဆိုရင် စာတိုက်က စာရေးတွေ ဆက်သွယ်ရေးဝန်ကြီးဌာန အပေါ်မှာ ထားတဲ့သဘောထားမျိုးနဲ့တူပါတယ်။ စာတိုက်စာရေး တွေကိုစော်ကားတာ မဟုတ်ပါဘူး။ ဒါပေမယ့် စာတိုက်စာရေးတွေဟာ သူတို့ အလုပ်ရှင် မြတ်သလား ရူံးသလားဆိုတာ သိတဲ့သူ၊ မြတ်စေလိုတဲ့ စိတ်နဲ့ ကြိုးစား အလုပ်လုပ်သူ မရှိသလောက်ရှားပါတယ်။ စာတိုက်ဌာနရဲ့ အရူံးဟာ ဖြစ်ရိုးဖြစ်စဉ်ကိစ္စပါ။ ဒီအရှုံးတွကို ပြည်ထောင်စု အစိုးရက ကျခံပေးပါတယ်။ ကျတော့် အထင်တော့ စာတိုက်စာရေး ဆယ်ယောက်မှာ တစ်ယောက် တောင် စာတိုက်ဌာန ရှုံးသလား၊ မြတ်သလားဆိုတာ ဂရုစိုက်သူ မရှိဘူးလို့ထင်ပါတယ်။

ဒီလိုစိတ်ထားမျိုးရှိသူတွေကို အလုပ်ခန့်တာဟာ စာတိုက်ဌာန အတွက် ဘာမှ မဖြစ်ပေမယ့် ဈေးကွက်စီးပွားရေးစနစ် မှာတော့ ဒီလိုစိတ်ထားရှိတဲ့ သူကို အလုပ်ခန့်မိတဲ့ စီးပွားရေးလုပ်ငန်းဟာ ကိုယ့်သေတွင်းကိုယ်တူးတာပါပဲ။

ဒါပေမယ့် စီးပွားရေးလုပ်ငန်းတွေမှာ စာတိုက်စာရေး စိတ်ဓာတ်မျိုးရှိတဲ့ သူတွေ ရာထူးကြီးကြီးယူထားတာကို အများကြီးတွေ့ရပါတယ်။ သူတို့ဟာ လစာ ပုံမှန်ရနေသ၍ သူတို့ကို အလုပ်ခန့်ထားတဲ့ ကုမ္ပဏီ မြတ်သလား၊ ရူံးသလားဆိုတာကို သိပ်ပြီး ဂရုမစိုက်ကြပါဘူး။ ကျတော်ကိုယ်တိုင် ဒီလိုလူမျိုးတွေကို အများကြီးကြုံဘူးပါတယ်။ တချို့ဆိုရင် နာမည်ကြီး စီးပွားရေးကျောင်းတွေက ဘွဲ့ယူထားတဲ့သူတွေတောင်ပါ ပါသေးတယ်။ ဒါပေမယ့် သူတို့ဟာ Balance Sheet ကိုတောင် ကောင်းကောင်းမကြည့်တတ်ပါဘူး။ အမြတ်ဆိုတဲ့ စကားလုံးရဲ့ အဓိပ္ပာယ်ကိုတောင် နားလည်အောင် ရှင်းမပြနိုင်ကြပါဘူး။ ဒီလိုလူမျိုးတွေဟာ ဘယ်လောက်ပဲ ကြီးကျယ်တဲ့ ဘွဲ့တွေကို ရထားပါစေ။ သူတို့ရဲ့ စိတ်ဓာတ်ဟာ စာတိုက် စာရေးထက် မပိုပါဘူး။ သူတို့ဟာ ကိုယ့်အကျိုးအတွက် ကြည့်တတ်တာက လွဲရင် သူလုပ်နေတဲ့ အလုပ် အပေါ်မှာ တာဝန်ယူလိုစိတ်မရှိကြပါဘူး။ သူတို့ဟာ အပြင်ပန်းအားဖြင့်တော့ ရာထူးကြီးကြီး အတွက် ထိုက်တန်တဲ့ အရည်အချင်းတွေ အတွေ့အကြုံတွေ ရှိသလိုလိုထင်ရပါတယ်။ တကယ်တမ်းကျ သူတို့ရဲ့ ဆယ်နှစ် အတွေ့အကြုံဟာ တစ်နှစ်အတွေ့အကြုံကိုပဲ ဆယ်ခါ ထပ်တလဲလဲ ရှိနေသလိုပါပဲ။ ဆယ်နှစ်အတွေ့အကြုံရှိတယ်ဆိုတဲ့ စကားနဲ့တန်တဲ့ အရည်အချင်း၊ လုပ်ချင်ကိုင်ချင်စိတ် မရှိကြပါဘူး။ မြောက်များလှစွာသော စာတိုက်စာရေး စိတ်ဓာတ် နဲ့လူတွေဟာ နှစ်ပေါင်းများစွာ အလုပ်လုပ်ပေမယ့် ဘာလို့ မအောင်မြင်တာပါလိမ့်၊ ဘာလို့ မကြီးပွားတာပါလိမ့်လို့ မေးတတ်ကြပါတယ်။

ဘာလို့လဲ ဆိုတော့ သူတို့ရဲ့ စိတ်ဓာတ်ကြောင့်ပါပဲ။

ကြိုက်သည်ဖြစ်စေ၊ မကြိုက်သည်ဖြစ်စေ Millionaire Mentality လို့ခေါ်တဲ့ သူကြွယ်စိတ်ဓာတ် ဆိုတာ တကယ်ရှိပါတယ်။ ဒီစိတ်ဓာတ်ရှိသူဟာ ကိုယ်ပိုင်စီးပွားရေးလုပ်သူဖြစ်စေ၊ ၀န်ထမ်း ဖြစ်စေ အောင်မြင်မှု့လမ်းကြောင်းမှာ သူများထက် ရှေ့ကရောက် နိုင် ပါတယ်။ အချုပ်အားဖြင့် ဆိုရင်တော့ သူကြွယ် စိတ်ဓာတ်ရှိသူဟာ ကုန်ကျ စားရိတ်ကို တတ်နိုင်သမျှလျှော့ချ၊ အမြတ် ရရှိဖို့အတွက် ရှေ့ရှုပြီး လုပ်ကိုင်နိုင်တဲ့ အရည်အချင်းမျိုးရှိသူပါ။ ဒီလို သူကြွယ်စိတ်ဓာတ်မျိုးဟာ ကျတော် အပေါ်မှာပြောခဲ့တဲ့ လူလေးမျိုးထဲက ပထမတစ်မျိုးနဲ့ ဒုတိယ တစ်မျိုးမှာ များသောအားဖြင့် တွေ့ရတတ်ပါတယ်။ တတိယ အုပ်စုမှာ ဒီစိတ်ဓာတ်မျိုး သိတ်မတွေ့ရတတ်ပါဘူး။ ဒီအုပ်စုက လူတွေဟာ အလယ်အလတ်တန်းစားဘ၀ လောက် နဲ့တင်ကျေနပ် တတ်ကြတဲ့သူတွေပါ။ စတုထ္တအုပ်စုမှာတော့ ကျတော်ပြောတဲ့ သူကြွယ်စိတ်ဓာတ်မျိုး လုံးဝ မရှိနိုင်ပါဘူး။ ဒီလူမျိုးတွေဟာ နည်းနည်းလုပ်ပြီး များများပြန်လိုချင် သူတွေပါ။ သူတို့ဟာ အလုပ်ခန့်တဲ့ကုမ္ပဏီ ကို တိုးတက်အောင်၊ ကြီးပွားအောင် ၀ိုင်းဝန်းကြိုးပမ်းရမယ့် အရာလို့မမြင်ပဲ သူတို့လိုတာကိုပေးတဲ့ ပဒေသာပင် အဖြစ်မြင်ချင်ကြပါတယ်။

ကျတော်အရင်တုန်းက တွေ့ဘူးပါတယ်။ သူတို့တွေ မအောင်မြင်ရတာဟာ ငါ့လောက် ကံမကောင်းကြလို့၊ ငါ ပညာတွေ သင်ခဲ့ရသလို သူတို့ မသင်ခဲ့ကြရလို့၊ ငါ့လောက် စီးပွားရေး အတွေ့အကြုံတွေ မရှိလို့ လို့ ဖေးဖေးမမ တွေးဘူးပါတယ်။

ဒါပေမယ့် ကျတော် တဖြည်းဖြည်း နဲ့သိလာတာက ခုနက စီးပွားရေးအတွေ့အကြုံမရှိပါဘူး၊ ကံမကောင်းပါဘူး ဆိုတဲ့သူတွေဟာ သူတို့ အကျိုးအတွက်ဆိုပါက အတော်ဆုံး စီးပွားရေးသမားတွေ ထက်တောင် တွက်တက်ချက်တတ်တယ် ဆိုတာပါပဲ။ ကျတော်တစ်ခါ တုန်းက ကုမ္ပဏီတစ်ခုကို ၀ယ်လိုက်ပါတယ်။ ဒီကုမ္ပဏီဟာ အောင်မြင်နိုင်တဲ့ အခြေအနေတွေ ၊ အခွင့်အလမ်းတွေ အများကြီး ရှိပါလျက်နဲ့ မအောင်မမြင်ပါဘူး။ ဘာလို့လဲ ဆိုတာ ကျတော် အဖြေရှာကြည့်ပါတယ်။ မကြာပါဘူး ပြသနာရဲ့ အရင်းအမြစ်ကိုသိလိုက်ရပါတယ်။ ကုမ္ပဏီရဲ့ အဓိက တာဝန်ရှိသူ မန်နေဂျာ သုံးယောက်ဟာ စာတိုက်စားရေး တွေ ဖြစ်နေတာကိုး။ သူတို့ဟာ မလိုတဲ့ အသုံးစားရိတ်တွေကို လျှော့ချရမယ်၊ အမြတ်ရရှိဖို့ ရှေ့ ရှု့အလုပ်လုပ်ရမယ် ဆိုတာ မသိကြပါဘူး။

သူတို့ရဲ့ တစ်လ လစာဟာ ထောင် ဂဏန်းရှိပါတယ်။ လကုန်ခါနီးတော့ သူတို့ လစာထဲက ငါးဒေါ်လာ နုတ်ထားဖို့ စာရင်းဌာန ကို ကျတော်ညွန်ကြားလိုက်ပါတယ်။ တကယ်လို့ သူတို့ဘက်က မေးလာရင် ကျတော့်ဆီကို တိုက်ရိုက်လွှတ်လိုက် ဖို့လည်း ထပ်ပြီး ညွန်ကြားထားလိုက်ပါတယ်။ ကျတော် ထင်ထားသလိုပါပဲ လစာချက် ရပြီး တစ်နာရီအတွင်းမှာ မန်နေဂျာကြီး သုံးယောက် ကျတော်ဆီရောက်လာပါတယ်။

“ကုမ္ပဏီ စာရင်းအင်းတွေကို ငါ အကုန်ကြည့်ပြီးပြီ။ ဒီထဲမှာ မလိုအပ်တဲ့ အသုံးစားရိတ်တွေ အများကြီးတက်နေတာတွေ့ရတယ်။ ဒါတွေကြောင့် မနှစ်တုန်းက ဒေါ်လာသောင်း ဂဏန်းလောက် နစ်နာခဲ့တယ်။ မင်းတို့ ဒါတွေကို ဂရုမစိုက်ခဲ့ဘူး။ ပြီးတော့ ဒီလို အသုံးစားရိတ်တွေ အများကြီး ဘာလို့ တက်နေတာလဲဆိုတဲ့ အကြောင်းရင်းကို ရှာလည်းမရှာဘူး။ ပြင်လည်း မပြင်ဘူး။ အခု မင်းတို့ လစာ ငါးဒေါ်လာလျှော့နေတာ ကျတော့ ချက်ချင်း သိပြီး complain လုပ်တယ်။” ကျတော်လည်းသူတို့ကို ဆုံးမရပါတယ်။ နှစ်ယောက် ကတော့ ကျတော့်စကားကို နားထောင်ပြီး ပြင်ကြပါတယ်။ နောက်တစ်ယောက်ကတော့ တခြားမှာအလုပ်ရှာဖို့ ထွက်သွားပါတယ်။ စီးပွားရေးလုပ်ငန်းတစ်ခုဟာ အမြတ်မရပဲ ဆက်လက် ရပ်တည်ဖို့ မဖြစ်နိုင်ဘူးဆိုတာ ပြောစရာကိုမလိုပါဘူး။ နောက်ပြီး စီးပွားရေးတစ်ခုမှာ ပိုင်ရှင်ရော အလုပ်သမားတွေရောဟာ ထုတ်လုပ်မှု့တိုးတက်ဖို့၊ အသုံးစားရိတ် တတ်နိုင်သလောက်လျှော့ချနိုင်ဖို့၊ ထုတ်လုပ်မှု့အရည်အသွေး တိုးတက်ဖို့ ဒါတွေကို သတိရှိရှိနဲ့ အမြဲကြိုးစားနေရမှာပါ။ ဒါမှလည်း စီးပွားရေးလုပ်ငန်းဟာ တိုးတက်လာ မှာပါ။ ဒါတွေဟာ စီးပွားရေး ပညာရဲ့ အခြေခံအကျဆုံး အပိုင်းတွေပါ။ ဒီသဘောတရားကို တချို့ စီးပွားရေးသမားတွေသိတ်နားမလည် ကြပါဘူး။ တချို့ဆိုလုံးဝ ကိုနားမလည်တာပါ။

စီးပွားရေးလောကမှာ အားလုံးသိတဲ့ သဘောတရားတစ်ခု အကြောင်းကိုလည်းပြောချင်ပါသေးတယ်။ တခါတုန်းက လူငယ်မန်နေဂျာ တစ်ယောက်ဟာ သူ့ဌာန အသုံးစားရိတ်ခွင့်ပြုမှု့ကို ဒေါ်လာ ၂၀,၀၀၀ လျော့ချလိုက်တဲ့အကြောင်း ကျတော့ ကို မကျေမနပ် ပြောပြပါတယ်။

“အဲလို လျှော့ချလိုက်တဲ့အတွက် မင်း ဌာနရဲ့ စွမ်းဆောင်ရည် ဒါမှမဟုတ် ထုတ်လုပ်မှု့ ကျသွားလို့လား။” ကျတော်သူ့ကို ပြန်မေး လိုက်ပါတယ်။

သူက ခဏစဉ်းစားပြီး “အဲလိုတော့ မဟုတ်ပါဘူး။”

“ဒါဖြင့် ဘယ်နှယ့်ကြောင့် မကျေမနပ်ဖြစ်နေတာတုန်း။”

“ဒါပေမယ့် ကျတော်တို့ သုံးစရာတစ်ခုခုတွေ့လာမှာပေါ့။ နောက်ပြီး စီးပွားရေးမှာ အောင်မြင်ဖို့အတွက်ဆို အကြီးကြီးစဉ်းစားပြီး ပိုက်ဆံများများသုံးရမယ်မို့လား။” သူကလည်း သူ့သဘောထားကိုပြန်ပြောပါတယ်။

ဒီကောင်လေးဟာ ကျတော့် ၀န်ထမ်း မဟုတ်တာတော်သေးတယ်လို့ အောက်မေ့မိပါတယ်။ နို့မဟုတ်ရင် အဲနေရာမှာတင် သူ့ကို အလုပ်ဖြုတ်ပစ်မှာ။

“အောင်မြင်ဖို့အတွက် ကြီးကြီးစဉ်းစားပြီး များများသုံးရမယ်” ဆိုတဲ့သဘောတရားကို ကျတော်စီးပွားရေးလောက ထဲစ၀င်လာကတည်းက ကြားဘူးပါတယ်။ ဒီသဘောတရားလောက် နားလည်မှု့လွဲမှားခံရတဲ့ သဘောထား စီးပွားရေးလောက မှာ မရှိဘူးထင်ပါတယ်။
စီးပွားရေးမှာ အောင်မြင်ဖို့အတွက် ဆိုရင် စဉ်းစားဥာဏ်ရှိရမယ်။ မျက်စိတစ်ဆုံးကို ကြိုတင်တွေးတောနိုင်ရမယ်ဆိုတာ ကျတော် နားလည်ပါတယ်။ နောက်ပြီး ငွေကြေးကိုလည်း လိုအပ်တဲ့နေရာမှာ သုံးစွဲရမယ်၊ လိုအပ်ရင် ဆုံးရူံးနိုင်ချေ ရှိတဲ့နေရာမှာတောင် ရင်းနှီးရမယ် ဆိုတာ လက်ခံပါတယ်။ ဒါပေမမယ့် သုံးတဲ့နေရာမှာ သေချာတွက်ချက်ရမယ်။ ဆုံးရူံးနိုင်ချေ ရှိတဲ့နေရာမှာလည်း ဆုံးရူံးနိုင်ချေ ကို သေချာတွက်ချက်ပြီး ပြန်ရမှာနဲ့ တန်တဲ့ နေရာတွေမှာပဲ ရင်းနှီးရမှာပါ။ ဆင်ကန်းတောတိုး သလိုလုပ်ဖို့ မဟုတ်ပါဘူး။
ကျတော့် ကိုယ်ပိုင် အမြင်အရတော့ သူကြွယ်စိတ်ဓာတ်ရှိသူတစ်ယောက်ဟာ ကြီးကြီးမားမားတွေကိုစဉ်းစားဖို့ထက် အသေးစိတ် ကိစ္စတွေကို သတိထားဖို့ ပိုပြီးလိုတယ်လို့ထင်ပါတယ်။ မလိုအပ်တွေအသုံးစားရိတ်တွေကို လျှော့ချဖို့အတွက် အသေးစိတ် ကိစ္စတွေကို သေသေချာချာလေ့လာသင့်ပါတယ်။ ကျတော် ဒီသဘော ကိုပြောတဲ့အခါ တစ်ယောက်က စီးပွားရေးမှာအောင်မြင်ဖို့ ကပ်စီးနည်း ရမှာလားလို့ မေးဘူးပါတယ်။ တစ်နေရာမှာ ကပ်စီးနည်း တယ်လို့ ထင်ရတဲ့ကိစ္စလေး တွေဟာ တခြားတနေရာမှာ ကြီးမားတဲ့ကုန်ကျ စားရိတ်တွေကို သက်သာစေနိုင်တယ်လို့ ကျတော်သူ့ကို သေချာရှင်းပြရပါတယ်။ တစ်ခါတုန်းက အမေရိကန် ကော်ပိုရေးရှင်းကြီး တစ်ခု ဟာ သူ့ရုံးခန်းအမှိုက်ပုံးထဲက စွန့်ပစ်ပစ္စည်းတွေကို လေ့လာ ပါတယ်။ ဒီထဲက အသုံးဝင်မည့် ပစ္စည်းအသေးအမွှားလေးတွေကို ရွေးပြီး တန်ဖို့းဖြတ်ပါတယ်။ ဥပမာ- စက္ကူညှပ်တဲ့ကလစ်တို့၊ သားရေကွင်းတို့၊ ခဲတံတို့ပေါ့။ ဒါတွေအာလုံး ပေါင်းလိုက်တာ တစ်နှစ်ကို ဒေါ်လာ ၃၀,၀၀၀ လောက်ဟာ အမှိုက်ပုံးထဲရောက်နေတာကိုတွေ့ရပါတယ်။ ထရပ်ကား ကုမ္ပဏီတစ်ခု မှာလဲ အဲသလိုပါပဲ။ ကားသမားတွေဟာ ကားကို ဓာတ်ဆီဖြည့်တဲ့အခါ ပိုက်ထဲမှာ ကျန်ပြီး မြေကြီးပေါ်ကျ ကုန်တဲ့ ဓာတ်ဆီဟာ တစ်နှစ်ကို ဒေါ်လာ ၁၅,၀၀၀ လောက် ရှိပါသတဲ့။

ကျတော်ပိုင်တဲ့ ကုမ္ပဏီတစ်ခုက အငယ်တန်းမန်နေဂျာ တစ်ယောက်ဟာ ထုတ်လုပ်မှု့ကို သေချာလေ့လာပြီး ပစ္စည်းတစ်ခုကို ဆင့်တ၀က် ထုတ်လုပ်မှု့ကုန်ကျစားရိတ်သက်သာအောင်လုပ်ပါတယ်။ ဒါပေမယ့် အဲဒီဆင့်တစ်ဝက် ဟာ တစ်နှစ်လုံးပေါင်းလိုက်တဲ့အခါ ဒေါ်လာ ၂၅,၀၀၀ ရှိပါတယ်။ ဒီပမာဏဟာ သူ့လစာ ထက်များပါတယ်။ နောက်တစ်နှစ်ကျတော့လည်း အဲဒီ မန်နေဂျာပဲ သူ့ဌာနမှာ ကုန်ကျစားရိတ် ၂၀ ရာနှုန်းလျော့ချပြီး၊ ထုတ်လုပ်မှု့ ၁၂ ရာနှုန်းတက်လာ အောင် လုပ်နိုင်ခဲ့ပါတယ်။ ဒီကောင်လေးမှာ ကျတော်ပြောတဲ့ သူကြွယ် စိတ်ဓာတ်အပြည့်အ၀ ရှိပါတယ်။ ကျတော် သေသေချာချာပြောရဲ ပါတယ်။ ဒီကောင်လေး ဟာ အငယ်တန်း မန်နေဂျာ အဖြစ်နဲ့ပဲမနေဘူးဆိုတာ။ မကြာခင်အချိန်အတွင်းမှာ သူ ကိုယ်တိုင် သန်းကြွယ်သူဌေးတစ်ဦး ဖြစ်မှာပါ။

အခုလို ပြိုင်ဆိုမှု့တွေ အရမ်းများနေတဲ့ ခေတ်မှာ စီးပွားရေးလုပ်ငန်းတိုင်းဟာ ကုန်ကျစားရိတ်လျှော့ချဖို့နဲ့ ထုတ်လုပ်မှု့တိုးတက်ဖို့ကို အပြင်းအထန်ကြိုးစားနေကြရတာပါ။ ဒီလိုခေတ်ကြီးမှာ ကုမ္ပဏီတစ်ခု ရဲ့ အနိမ့်ဆုံးဝန်ထမ်းနေရာမှာ တောင် စာတိုက်စာရေးလို လူစားမျိုးတွေ အတွက် နေရာမရှိပါဘူး။ အဲသလိုပဲ Millionaire Mentality ရှိတဲ့ မန်နေဂျာတွေ ၀န်ထမ်းတွေ အလွန်လိုအပ်ပါတယ်။

ကျတော်နောက်တစ်ခေါက် ထပ်ပြောပါရစေ။ သူကြွယ်စိတ်ဓာတ်ရှိတယ်ဆိုတာ ကပ်စီးနည်းတာ၊ တွန့်တိုတာကိုပြောတာမဟုတ်ပါဘူး။ မိမိပိုင်တဲ့ ဒါမှမဟုတ်လဲ မိမိ အလုပ်လုပ်တဲ့ ကုမ္ပဏီရဲ့ အကျိုးကို မျှော်မှန်းပြီး မလိုအပ်တဲ့ကုန်ကျစား ရိတ်တွေကို လျှော့ချဖို့၊ အမြတ်ရရှိဖို့ အတွက် ရှေ့ရူ့လုပ်ကိုင်ဖို့ပါ။ မန်နေဂျာတစ်ယောက်အနေနဲ့ဆိုရင် မိမိကို ကုမ္ပဏီရဲ့ အစုရှယ်ယာ ပိုင်ရှင်တွေဟာ ကိုယ့်ကို ယုံယုံကြည်ကြည်နဲ့ လွှဲအပ်ထားခြင်းဖြစ်ပါတယ်။ သူတို့ရဲ့ ယုံကြည်မှု့နဲ့တန်အောင် ကိုယ်က ကြိုးစားဖို့လိုပါတယ်။ စီးပွားရေးလုပ်ငန်း တစ်ခု ဆက်လက်ရပ်တည်နေဖို့ တစ်ခုတည်းမဟုတ်ပဲ အခွင့်အရေးရတိုင်း ဘယ်လို တိုးချဲ့လုပ်ကိုင်မယ်ဆိုတာကိုပါ ကြိုတင် စဉ်းစားထားဖို့လိုပါတယ်။ ။

************************************************************

ရေနံသူဌေးကြီး J. Paul Getty ၏ How to be rich စာအုပ်မှ The Millionaire Mentality ကို ကျတော်နားလည်သလို ဘာသာပြန်ထားခြင်းဖြစ်ပါသည်။ Getty ဟာ တစ်ချိန်တုန်းက ကမ္ဘာပေါ်မှာ အချမ်းသာဆုံးလူ ဖြစ်ခဲ့ပါတယ်။ သူ့ရဲ့ Getty Interest ကုမ္ပဏီဟာ အရှေ့အလယ်ပိုင်းမှာ ရေနံစ တူး တဲ့ ကုမ္ပဏီတွေထဲမှာ တစ်ခု အပါအ၀င်ဖြစ်ပါတယ်။ အလှူအတန်းတွေလည်း အများကြီးလုပ်ခဲ့ပါတယ်။ သူဟာ အနုပညာပစ္စည်း စုဆောင်းရတာကိုလည်း ၀ါသနာပါပြီး သူစုဆောင်းခဲ့တဲ့ အနုပညာပစ္စည်းတွေကို အခုအခါမှာ Getty Museum မှာ ပြသထားပါတယ်။

April 25, 2015