Category: ကမ္ဘာကျော် မွတ်စလင်များ

ကမ္ဘာတွင်ကျော်ကြားခဲ့သော မွတ်စလင်မ် သိပ္ပံ၊ ၀ိဇ္ဖာ ပညာရှင်ကြီးများ၊နိုဘယ်ဆုရှင်များ၊ ကမ္ဘာကျော်အားကစားသမားများ၊ အနုပညာရှင်များ

ဆေးဘက် အသိပညာများ – ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၄၄)

ဧပြီ ၇၊ ၂၀၁၇
M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

သူတို့ကွယ်လွန်ပြီးနောက်ပိုင်း ၁၀ စုနှစ်တွေ၊ ရာစုနှစ်တွေအထိ သူတို့ရဲ့ လေ့လာဖော်ထုတ်မှုတွေကို လက်တင်ဘာသာနဲ့ပြန်ဆိုကာ ဥရောပတစ်ခွင်လုံး အသုံးပြုခဲ့ကြတယ်ဆိုတာသာသိရင် လွန်ခဲ့တဲ့ နှစ်ထောင်ချီအရင်က မွတ်စလင်သမားတော်တွေဟာ ပျော်ရွှင်ကြမှာပါ။

သက္ကရာဇ် ၈၃၀ မှာ တည်ထောင်ခဲ့တဲ့ အလ်-ကွေရာဝမ် (Qayrawan) လို့ခေါ်တဲ့ ရှေ့ဆောင်လမ်းပြ ဆေးရုံကြီးကြောင့် တူနီရှားနိုင်ငံဟာ ဆေးပညာနယ်ပယ် တိုးတက်ထွန်းကားရာ နေရာတစ်ခု ဖြစ်ခဲ့ပါတယ်။ နောက်ပြီး ဒီဆေးရုံဟာ လက်တွေ့ကုသရာ၊ စမ်းသပ်ဖော်ထုတ်ရာ ဆေးရုံလည်းဖြစ်တာကြောင့် ဆေးဘက်ဆိုင်ရာအသိပညာတွေကို ကျမ်းပေါင်းများစွာရေးသားကာ ထပ်ဆင့် မျှဝေခဲ့တဲ့ ဆေးပညာရှင်တွေလည်း ဒီဆေးရုံကနေ ပေါ်ထွက်ခဲ့ပါတယ်။ အဲဒီ စာအုပ်တွေကို ‘ကွန်စတန်တိုင် သည် အာဖရိကန်’ (Constantine the African) လို ပုဂ္ဂိုလ်မျိုးတွေက ဥရောပကို ဆောင်ကျဉ်းလာခဲ့ကြပါတယ်။

တူနီးရှားက ခရစ်ယာန်ပညာရှင်တစ်ဦးဖြစ်တဲ့ ကွန်စတန်တိုင်ဟာ ၁၁ ရာစုမှာ မွတ်စလင်ပညာရှင်တွေရဲ့ ဆေးဘက်ဆိုင်ရာ စွမ်စုံကျမ်းကြီးတွေကို လက်တင်ဘာသာစကားနဲ့ ပြန်ဆိုခဲ့တာကြောင့် လက်တင်စကားပြော ဥရောပပြည်သူတွေဟာ ဒီအသိပညာတွေကို လေ့လာသင်ယူနိုင်ခဲ့ပါတယ်။ ဒါဟာ ဥရောပရဲ့ ဆေးပညာရပ်နယ်ပယ်ကို တော်လှန်ပြောင်းလဲစေခဲ့ပြီး ထင်ရှားတဲ့ ဆေးဘက်ဆိုင်ရာ ပညာရှင်တွေကိုလည်း ပေါ်ထွက်လာစေခဲ့ပါတယ်။ ကွန်စတန်တိုင်ရဲ့ အကျော်ကြားဆုံး ဘာသာပြန်မှုက ၁၀ ရာစု မွတ်စလင် သမားတော် အလီ အစ်ဗနေ့ အဘတ်စ် အလ်-မဂျူစီ ရေးသားတဲ့ The Royal Book (တော်ဝင်ဆေးကျမ်း) ဖြစ်ပြီး လက်တင်ဘာသာစကားနဲ့ Pantegni လို့ ခေါ်တွင်ပါတယ်။ ဒီစာအုပ်ကို ၁၅၁၅ ခုနှစ်မှာ ပြင်သစ်နိုင်ငံ လိုင်ယွန်မြို့၊ ၁၅၃၆ ခုနှစ်မှာ ဆွစ်ဇာလန်နိုင်ငံ ဘေဆယ်မြို့တွေမှာ ရိုက်နှိပ် ထုတ်ဝေခဲ့ပါတယ်။

မွတ်စလင်သမားတော်ကြီးများ၏ စာအုပ်ကို ၁၁ ရာစု တူနီးရှား ခရစ်ယာန်ပညာရှင် ကွန်စတန်တိုင်က ဘာသာပြန်ဆိုခဲ့ပြီး ဆယ်လာနိုတက္ကသိုလ်တွင် ၁၆ ရာစုနှစ်က သင်ကြားခဲ့သည့် စာအုပ်အဖုံး

အလ်-ကွေရာဝမ်ဆေးရုံမှာ ပညာဆည်းပူးခဲ့ပြီး တာဝန်ထမ်းဆောင်ခဲ့တဲ့ မွတ်စလင်သမားတော် အစ်ဗနေ့ အလ်-ဂျက်ဇာရ် (Ibn al-Jazzar) ရေးသားခဲ့တဲ့ The Guide for the Traveler Going to Distant Countries or Traveler’s Provision (နိုင်ငံရပ်ခြားသို့ ခြေဆန့်သော ခရီးသွားများအတွက် လမ်းညွှန်းကျမ်း သို့မဟုတ် ခရီးသည်များ ဆောင်ရန်ရှောင်ရန်) ကျမ်းကြီးဟာ အလယ်ခေတ်ရဲ့ အရောင်းရဆုံး စာအုပ်ကြီးဖြစ်ပါတယ်။

အလ်-ဂျက်ဇာရ်ဟာ အသက် ၈၀ ကျော်အရွယ် သက္ကရာဇ် ၉၅၅ ခုနှစ်မှာ ကွယ်လွန်ခဲ့ပြီး ရွှေဒင်္ဂါး ၂၄၀၀၀၊ ဆေးဘက်ဆိုင်ရာနဲ့ အခြားစာအုပ်ပေါင်း ၂၅ ကွင်တာ ( ၁ ကွင်တာသည် အလေးချိန် ၄၅ ကီလိုဂရမ်နှင့် ညီမျှသည်) ကျန်ရစ်ခဲ့ပါတယ်။ သူချန်ရစ်ခဲ့တဲ့ ပညာအမွေအနှစ်တွေထဲမှာ ‘အမျိုးသမီးရောဂါများနှင့် ၎င်းတို့ကို ကုသမှုဆိုင်ရာကျမ်း’ တစ်စောင်လည်း ပါဝင်ခဲ့ပါတယ်။ ဒီလို ရေးသားမှုက အလ်-ဂျက်ဇာရ်ကို ကျော်ကြားစေခဲ့ပြီး အလယ်ခေတ် အနောက်ဥရောပမှာ အလွန်သြဇာညောင်းတဲ့ ပုဂ္ဂိုလ်ကြီးတစ်ဦး ဖြစ်စေခဲ့ပါတယ်။

ကွန်စတန်တိုင်ဟာ Traveler’s Provision ကျမ်းကို လက်တင်ဘာသာစကားနဲ့ ပြန်ဆိုခဲ့ပြီး Viaticum peregrinantis စာအုပ် ဖြစ်လာကာ စင်စီယို့စ် (Synesios) ဆိုသူက Zedat ha-derachim အဖြစ် ဂရိနဲ့ ဟီဘရူးဘာသာကို ပြန်ဆိုခဲ့ပါတယ်။ ဒီလို ဘာသာပြန်ဖော်ပြမှုတွေကြောင့် ဒီစာအုပ်ဟာ ကမ္ဘာ့ဖတ်ရှုမှုအများဆုံး စာအုပ်အဖြစ် မှတ်တမ်းဝင်ခဲ့ပါတယ်။ Traveler’s Provision ဟာ စနစ်ကျပြီး ပြည့်စုံတဲ့ ဆေးဘက်ဆိုင်ရာ ကျမ်းတစ်ခုဖြစ်ပြီး ဆဲလာမို၊ မောင့်ပီလီယာ၊ ဘိုလော့ဂ်နာ၊ ပဲရစ်နဲ့ အောက်စဖို့ဒ် စတဲ့မြို့တွေက ဆေးဘက်ဆိုင်ရာကျောင်းတွေ၊ တက္ကသိုလ်တွေမှာ ပြဌာန်းစာအုပ်အဖြစ် တွင်တွင်ကျယ်ကျယ် အသုံးပြုခဲ့ကြတဲ့ စာအုပ်စာရင်းထဲမှာလည်း ပါဝင်ခဲ့ပါတယ်။ ဒီကျမ်းကြီးထဲမှာ ကျောက်ကြီးရောဂါ၊ ၀က်သက်ရောဂါနဲ့ပတ်သက်ပြီး ထူးခြားပြည့်စုံတဲ့ ဖော်ပြချက်တွေလည်း ပါဝင်ပါတယ်။

အာရဘီဆေးကျမ်းတွေကို ဘာသာပြန်တဲ့စာအုပ်တွေဟာ ဥရောပရဲ့ အသိပညာ အချက်အခြာနေရာဖြစ်တဲ့ ဆဲလာမိုမြို့လို ဥရောပ ပညာ့ရပ်ဝန်တွေအားလုံးမှာ သိပ်မကြာခင် လူကြိုက်များ ကျော်ကြားလာခဲ့ကြပါတယ်။

ဥရောပဆေးလောကကို အဓိက လွှမ်းမိုးခဲ့တဲ့ အခြားသော အာရဘီဆေးကျမ်းတွေထဲ အနောက်နိုင်ငံမှာ ‘သမားတို့၏ ဦးသျှောင်’ လို့ နာမည်ကျော်တဲ့ အစ်ဗနေ့ ဆီနာ (Ibn Sina) ရဲ့ လက်ရာတွေလည်း ပါဝင်ပါတယ်။ ၁၁ ရာစုက ရေးသားခဲ့တဲ့ သူ့ရဲ့ ဆေးကျမ်း Canon ဟာ နောက်ထပ် ဆေးဘက်ဆိုင်ရာ စွယ်စုံကျမ်းကြီးတစ်ခုဖြစ်ပြီး နှစ်ပေါင်း ၆၀၀ လောက် ကမ္ဘာ့ဆေးပညာလောကရဲ့ ထိပ်ဆုံးပိုင်းမှာ ရှိခဲ့ပါတယ်။ အစ်ဗနေ့ဆီနာရဲ့ သိပ္ပံဆိုင်ရာ၊ ဒဿနဆိုင်ရာနဲ့ ဘာသာရေးဆိုင်ရာ အတွေးအခေါ်တွေဟာ အလ်ဘာတက်စ် မဂ္ဂနပ်စ် (Albertus Magnus)၊ စိန့်သောမတ်စ် (St. Thomas)၊ ဒွန် စကိုတက်စ် (Duns Scotus) နဲ့ ရော်ဂျာ ဘေကွန် (Roger Bacon) တို့အပါအ၀င် နာမည်ကြီးပညာရှင် တော်တော်များများရဲ့ အပေါ်ကို လွှမ်းမိုးခဲ့ပါတယ်။

ဆေးဘက်ဆိုင်ရာ အသုံးအနှုန်းတွေကို ဗျည်းအက္ခအလိုက် ခွဲခြားကာ၊ ရောဂါဘယတွေ၊ ဆေးဝါးတွေ၊ ဇီဝကမ္မဗေဒဖြစ်စဉ်တွေနဲ့ ကုသမှုတွေကို ပထမဆုံး စာရင်းပြုစုထားတာတဲ့ စာအုပ်ဟာ ‘ကီသဗ် အလ်-မာ’ (The Book of Water) စာအုပ်ဖြစ်ပြီး အစ်ဗနေ့ အလ်-သာဟာဘီ (Ibn al-Thahabi) လို့ သိကြတ့ အလ်-အဇ်ဒီ (Al-Azdi) က ရေးသားခဲ့တာဖြစ်ပါတယ်။ စာအုပ်ရဲ့ ပထမဆုံးအခန်းက ရေ (အလ်-မာ) အကြောင်း ဖြစ်တာကြောင့် ကီသဗ် အလ်-မာလို့ ခေါ်တာဖြစ်ပါတယ်။

အလ်ရာဇီရေးသားထားပြီး အတွဲပေါင်း ၂၀ ပါတဲ့ Comprehensive Book ကလည်း အဲဒီခေတ်အခါက သိရှိခဲ့တဲ့ ဆေးပညာရပ်အားလုံးကို ဖော်ပြထားပါတယ်။ ဒီစာအုပ်ကို လက်တင်ဘာသာစကားနဲ့ ပြန်ဆိုကာ Liber Continens အဖြစ် ထုတ်ဝေခဲ့ပြီး အနောက်ကမ္ဘာမှာ အလွန် လေးစားခံခဲ့ရကာ ရာစုနှစ်ပေါင်းများစွာ ဆေးပညာဆိုင်ရာ သင်ရိုးစာအုပ်တစ်အုပ်အဖြစ် အသုံးပြုခဲ့ပါတယ်။ ၁၃၉၅ ခုနှစ် ပဲရစ်တက္ကသိုလ်က စာကြည့်တိုက်ရဲ့ ဆေးပညာဆိုင်ရာကဏ္ဍမှာ ရှိတဲ့ စာအုပ် ၉ အုပ်ထဲမှာ ဒီစာအုပ်ကလည်း တစ်အုပ်အပါအ၀င် ဖြစ်ပါတယ်။

သက္ကရာဇ် ၁၀၀ လောက်မှာ စပိန်နိုင်ငံတောင်ပိုင်း ကော်ဒိုဘာက ထင်ရှားတဲ့ သမားတော်ကြီး အလ်-ဇဟ်ရာဝီ (Al-Zahrawi) ကလည်း ဆေးကျမ်းပေါင်းများစွာကို ရေးသားခဲ့ပါတယ်။ ခွဲစိပ်ပညာနဲ့ ပတ်သက်ပြီး သူရေးသားခဲ့တဲ့ အလ်-တက်စ်ရစ်ဖ် (Al-Tasrif) ကျမ်းကြီးဟာ အတွဲပေါင်း ၃၀ ပါဝင်ပြီး ဂျရတ် အော့ဖ် ခရီမိုနာ (Gerard of Cremona) က လက်တင်ဘာသာကို ပြန်ဆိုခဲ့ပါတယ်။ ဒီ ဘာသာပြန်ကို ၁၄၉၇ ခုနှစ်မှာ ဗင်းနစ်မြို့၊ ၁၅၄၁ ခုနှစ်မှာ ဘေဆယ်မြို့၊ ၁၇၇၈ ခုနှစ်မှာ အောက်စ်ဖို့ဒ် စတဲ့ မြို့တွေမှာ အကြိမ်ပေါင်းများစွာ ရိုက်နှိပ် ထုတ်ဝေခဲ့ပါတယ်။

ဆဲလာနို (Salerno) နဲ့ မောင့်ပီလီယာ (Mountpellie) တို့ အပါအ၀င် ဥရောပရဲ့ ဆေးတက္ကသိုလ်အားလုံးနီးပါးမှာ ခွဲစိပ်မှုဆိုင်ရာ ဘာသာရပ်အတွက် ဒီစာအုပ်ကို သင်ရိုးအဖြစ် အသုံးပြုခဲ့ပြီး ဆေးဘက်ဆိုင်ရာ သင်ရိုးညွှန်းတမ်းမှာ ရာစုနှစ်ပေါင်းများစွာ အဓိကစာအုပ်အဖြစ် ပါဝင်ခဲ့ပါတယ်။

ဆီးရီးယား သမားတော်ကြီး အစ်ဗနေ့ အလ်-နာဖစ် (Ibn al-Nafis)

နောက်ဆုံးပြောရင်တော့ ၁၂၈၈ ခုနှစ်မှာ ကွယ်လွန်ခဲ့တဲ့ ဆီးရီးယား သမားတော်ကြီး အစ်ဗနေ့ အလ်-နာဖစ် (Ibn al-Nafis) ရဲ့ လက်ရာပါ။ သူဟာ အတွဲပေါင်း ၈၀ ပါဝင်တဲ့ The Complete Book on Medicine ကို ပြုစုခဲ့ပြီး ဒီနေ့ခေတ်မှာတော့ ဒီကျမ်းကြီးရဲ့ အပိုင်းအစတွေကို ဒမတ်စကတ်၊ အလက်ပို၊ ဘဂ္ဂဒတ်၊ အောက်စဖို့ဒ်နဲ့ ကယ်လီဖိုးနီးယားက ပါလို အလ်တိုပြတိုက်တွေမှာ တွေ့မြင်နိုင်ပါတယ်။ ပါလို အလ်တို ပြတိုက်မှာတော့ အစ်ဗနေ့ အလ်-နာဖစ်ရဲ့ ကြီးမားတဲ့ လက်ရေးမူ အပိုင်းအစကြီးတစ်ခု ရှိနေပါတယ်။

ခရူးဆိတ်စစ်သည်တွေကို ကုပေးတာမျိုးလို မွတ်စလင်သမားတော်တွေနဲ့ တိုက်ရိုက်ထိတွေ့မှုကနေလည်း မွတ်စလင်တွေရဲ့ ဆေးဘက်ဆိုင်ရာ အသိပညာတွေကို ဥရောပက ရရှိခဲ့ပါတယ်။ အင်္ဂလန်ရဲ့ နာမည်ကျော်ဘုရင် ‘ခြင်္သေ့ရစ်ချက်’ (Richard the Lion) ကိုယ်တိုင် မွတ်စလင်ဘုရင် ဆာလာဒင်ရဲ့ မိသားစု သမားတော်က ကုသပေးမှုကို ခံယူခဲ့ရဖူးပါတယ်။

ဥရောပ ဆေးပညာနယ်ပယ်ရဲ့ မူလဘူတသာမက၊ ကျင့်သုံးမှုပုံစံကပါ အာရပ်အမွေအနှစ်တွေပါ။ အသိပညာနယ်ပယ်မှာ ဥရောသားတွေဟာ အာရပ်တွေရဲ့ အမွေစားအမွေခံတွေ ဖြစ်ပါတယ်။ (ဒေါက်တာ ဒေါ်နယ် ကမ်းဘဲလ် – အာရပ်ဆေးပညာဆိုင်ရာ ၂၀ ရာစု သမိုင်းပညာရှင်)

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်

April 7, 2017
ကမ္ဘာ့ထိပ်တန်း မွတ်စလင်အမျိုးသမီး ဗိသုကာပညာရှင်၏ လက်ရာတစ်ခု ယူအေအီးတွင် ထွက်ပေါ်လာမည်

ဧပြီ ၂၊ ၂၀၁၇
M-Media

ဇာဟာ ဟာဒစ် ဒီဇိုင်းဆွဲပေးပြီး ယူအေအီးတွင် ဆောက်လုပ်နေသည့် အဆောက်အဦး

– ကမ္ဘာ့ထိပ်တန်း ဗိသုကာပညာရှင်တစ်ဦးဖြစ်ပြီး ၂၀၁၆ ခုနှစ် မတ်လမှာ နှလုံးရောဂါနဲ့ ရုတ်တရက် ဆုံးပါးသွားခဲ့တဲ့ အီရတ်-ဗြိတိသျှ ဗိသုကာပညာရှင် အမျိုးသမီး ဇာဟာ ဟာဒစ် ဒီဇိုင်းဆွဲပေးထားတဲ့ ရင်သပ်ရှု မောဖွယ် အဆောက်အဦးတစ်ခုကို ယူအေအီးနိုင်ငံမှာ စတင်ဆောက်လုပ်နေပြီ ဖြစ်ပါတယ်။

အရှေ့အလယ်ပိုင်းက ထိပ်တန်း သဘာဝပတ်ဝန်းကျင် ထိန်းသိမ်းရေးကုမ္ပဏီ Bee’ah ရဲ့ ဌာနချုပ်ဖြစ်လာမယ့် ဒီအဆောက်အဦးကို ရှာရ်ဂျာဟ်ဒေသမှာ ဆောက်လုပ်နေတာဖြစ်ပြီး၊ ၂၀၁၈ ခုနှစ် နှစ်ကုန်ပိုင်း ပြီးစီးသွားတဲ့အခါမှာတော့ ပင်လယ်ကွေ့ဒေသ ဗိသုကာနယ်ပယ်မှာ အထူးခြားဆုံး အဆောက်အဦးတစ်ခု ဖြစ်လာမှာ ဖြစ်ပါတယ်။

ဆောက်လုပ်ရေးအတွက် ပြန်လည်ပြုပြင်ထားတဲ့ ပစ္စည်းတွေကို အသုံးပြုမှာဖြစ်ပြီး အဆောက်အဦးမှာ အသုံးပြုမယ့် စွမ်းအင်ကို ပြန်ပြည့်ဖြိုးမြဲ ရင်းမြစ်တွေကနေ ၁၀၀ ရာခိုင်နှုန်း ထုတ်ယူသုံးစွဲမှာ ဖြစ်ပါတယ်။

ဇာဟစ်ဟာ ဒီအဆောက်အဦးကို စွမ်းအင်သုံးစွဲမှု အနည်းဆုံး၊ ရင်းမြစ်သုံးစွဲမှု အနည်းဆုံးဖြစ်အောင် ဒီဇိုင်းဆွဲပေးခဲ့တာဖြစ်ပြီး၊ သဘာဝပတ်ဝန်းကျင် ထိန်းသိမ်းရေးဆိုင်ရာ နောက်ဆုံးပေါ် နည်းလမ်းတွေနဲ့ ပေါင်းစပ်ပေးခဲ့ပါတယ်။

၂၀၁၆ မတ်လတွင် ကွယ်လွန်သွားခဲ့သည့် ဇာဟာ ဟာဒစ်

နေစွမ်းအင်၊ စွန့်ပစ်ပစ္စည်းကနေ ထုတ်လုပ်တဲ့စွမ်းအင်တွေကို အသုံးပြုမှာဖြစ်တာကြောင့် အဆောက်အဦးရဲ့ ကာဘွန်ထုတ်လုပ်မှုဟာ သုညသာ ရှိမှာဖြစ်ပါတယ်။ သဘာဝအလင်းရောင်၊ သဘာဝအတိုင်း အပူချိန် ထိန်းညိမှုစနစ်တွေလည်း ပါဝင်မှာဖြစ်ပြီး၊ ဆောက်လုပ်ရေး ကုန်ကြမ်းတွေကိုတော့ ပြန်လည် ပြုပြင်ထားတဲ့
ပစ္စည်းတွေကို အသုံးပြုသွားမှာပါ။

အဆောက်အဦးဟာ အလုပ်သမားတွေအားလုံးအတွက် ကျန်မာရေးအရ သင့်တော်တဲ့ လုပ်ငန်းခွင် ဖြစ်လာမှာဖြစ်ပြီး သဘာဝပတ်ဝန်းကျင်နဲ့ လျော်ညီတဲ့ အဆောက်အဦးတွေအတွက် ချီးမြှင့်တဲ့ အမြင့်ဆုံး အသိအမှတ်ပြုလက်မှတ် Platinum LEED ကိုလည်း ရရှိမှာ ဖြစ်ပါတယ်။

ဇာဟာ ဟာဒစ် တည်ထောင်ခဲ့တဲ့ Zaha Hadid Architects လုပ်ငန်းက သူတို့အနေနဲ့ ဟာဒစ် ဒီဇိုင်းဆွဲပေးသွားတဲ့ စီမံကိန်း ၃၆ ခုကို နိုင်ငံပေါင်း ၂၁ နိုင်ငံမှာ ဆောင်ရွက်နေပြီး တစ်ချို့တွေက ဆောက်လုပ်ပြီးဖြစ်သလို၊ တစ်ချို့တွေက ဆောက်လုပ်နေဆဲဖြစ်တယ်လို့ ဆိုပါတယ်။

ယူအေအီးမှာ ဇာဟာ ဟာဒစ် ဒီဇိုင်းဆွဲပေးသွားတဲ့ အဆောက်အဦးတွေက ဒီတစ်ခုတည်းတော့ မဟုတ်ပါဘူး။

၂၀၁၀ ခုနှစ်မှာ ပြီးဆုံးခဲ့တဲ့ အဘူဒါဘီက Sheikh Zayed တံတား၊ ဆာဒီယတ်ယဉ်ကျေးမှုမြို့တော်က Performing Arts Centre အနုပညာစင်တာ၊ ဒူဘိုင်းက Opus တာဝါတွေကလည်း ဟာဒစ်ရဲ့ နာမည်ကျော် လက်ရာတွေထဲမှာ ပါဝင်ပါတယ်။

ဟာဒစ်ဟာ ၂၀၀၄ ခုနှစ်မှာ ဗြိတိန်ရဲ့ ဂုဏ်သိက္ခာအရှိဆုံး ဗိသုကာပညာဆိုင်ရာဆု Pritzker Architecture Prize အပါဝင် ကမ္ဘာထိပ်တန်း ဗိသုကာဆိုင်ရာဆု အများအပြားကို ဆွတ်ခူးရရှိခဲ့ပြီး၊ ကမ္ဘာနိုင်ငံပေါင်းများစွာမှာ အပြောင်မြောက်ဆုံး အဆောက်အဦးတွေကို ဒီဇိုင်းဆွဲပေးခဲ့သူဖြစ်ပါတယ်။

Ref: Alarabiya

April 2, 2017
ဆေးဝါးဗေဒ – ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၄၃)

မတ် ၃၁၊ ၂၀၁၇
M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

– ဒီနေ့မှာတော့ ဈေးတိုင်း၊ စူပါမားကတ်တိုင်းနီးပါးမှာ ဆေးဆိုင်တွေ၊ ဆေးမှူးတွေကို အလွယ်တကူ တွေ့မြင်ရမှာပါ။ ဒါပေမယ့် ဒီလိုထွန်းကားမှုဟာ ခေတ်သစ်ကာလရောက်မှ ဖြစ်တည်လာခဲ့တာ မဟုတ်ပါဘူး။ လွန်ခဲ့တဲ့ နှစ်ပေါင်း တစ်ထောင်ကျော်ကတည်းက ဆေးဆိုင်တွေဟာ အီရတ်နိုင်ငံ ဘဂ္ဂဒတ်မြို့မှာ သန္ဓေတည် ဖောက်ဖွားလာခဲ့တာ ဖြစ်ပါတယ်။

၉ ရာစုအစပိုင်းလောက်မှာ သမားတော်တွေဟာ ကိုယ်ပိုင်ဆေးဆိုင်တွေဖွင့်ပြီး လွတ်လပ်တဲ့ အသက်မွေးဝမ်းကြောင်း လုပ်ငန်းတစ်ခုကို ဖော်ဆောင်နိုင်ခဲ့ပါတယ်။ ဈေးတွေမှာ မိသားစု ဦးစီးလုပ်ကိုင်တဲ့ ဒီဆေးဆိုင်တွေကို အစိုးရက ခန့်အပ်ထားတဲ့ စစ်ဆေးရေးအရရှိ အလ်-မူဟ်တာဆစ်ဘ် (Al-Muhtasib) နဲ့ သူ့ရဲ့ အဖွဲ့ဝင်တွေက ပုံမှန်လိုလို လာရောက် စစ်ဆေးကြပါတယ်။ သူတို့တွေဟာ ချိန်တွယ်တာတွေ၊ ချင်တွယ်တာတွေ တိကျမှု ရှိ၊ မရှိ၊ အသုံးပြုတဲ့ ဆေးဝါးတွေ စစ်မှန်မှု၊ ရှိ၊ မရှိ စတာတွေကို စစ်ဆေးကြပြီး လိမ်ညာရောင်းချသူတွေ၊ သမားတုတွေကို ဖယ်ရှားတာမျိုး၊ ကြိမ်ဒဏ်ရိုက် အပြစ်ပေးတာမျိုးတွေ လုပ်ကြပါတယ်။

လွန်ခဲ့တဲ့ နှစ်ပေါင်းတစ်ထောင်ကျော်က ဆေးရုံတွေမှာ ကိုယ်ပိုင် ဆေးပေးဌာနတွေ ရှိခဲ့ပြီး ဆေးဝါး ထုတ်လုပ်မှုတွေ၊ ဖော်စပ်မှုတွေကို လုပ်ဆောင်ခဲ့ပါတယ်။

၉ ရာစုမှာ မွတ်စလင် ဆေးပညာရှင် ဆာဘူရ် အစ်ဗနေ့ စဟာလ် (Sabur ibn Sahl) လို ပုဂ္ဂိလ်မျိုးတွေက လက်တွေ့အသုံးချ ဆေးဝါးဗေဒကို တိုးတက်ဖွံ့ဖြိုးစေခဲ့ပြီး၊ အစ်ဗနေ့ စဟာလ်ဟာ ရောဂါဘယပေါင်းစုံအတွက် ဆေးဝါးတွေ၊ ကုသနည်းတွေ မြောက်များစွာကို ဖော်ထုတ်ခဲ့တဲ့ ပထမဆုံး သမားတော်လည်း ဖြစ်ပါတယ်။ အလ်-ရာဇီ (Al-Razi) ကတော့ ဆေးဝါးတွေမှာ ဓာတုဒြပ်ပေါင်းထည့်သွင်းမှု နည်းလမ်းကို ဖော်ထုတ် မြှင့်တင်ပေးခဲ့ပြီး၊ အစ်ဗနေ့ဆီနာ (Ibn Sina) က ဆေးဝါး ၇၀၀ လောက်ကို ဖော်စပ်ခဲ့ကာ ဒီဆေးတွေရဲ့ အာနိသင်၊ သက်ရောက်မှုနဲ့ ပါဝင်မှုတွေကို ရေးသားခဲ့ပါသေးတယ်။ အလ်-ကင်ဒီ (Al-Kindi) ဆိုတဲ့ နောက်ထပ် မွတ်စလင်သမားတော်ကြီးက ဆေးဝါးဗေဒရဲ့ အခြေခံစည်းမျဉ်းဖြစ်တဲ့ ဆေးညွှန်းတွေကို သတ်မှတ်ပေးခဲ့ပါတယ်။

ဆေးဝါးဗေဒမှာ သြဇာလွှမ်းမိုးတဲ့ အခြား မွတ်စလင်သမားတော်ကြီးတွေထဲမှာ စပိန်နိုင်ငံက အလ်-ဇဟ်ရာဝီ (Al-Zahrawi) လည်း ပါဝင်ခဲ့ပြီး ခေတ်သစ်ဆေးဝါးများစွာကို ထုတ်လုပ်ရာမှာ အရေးပါတဲ့ ငွေ့ရည်ခံမှု၊ ပေါင်းခံမှု နည်းလမ်းတွေကို ၉ ရာစုမှာ သူက ဖော်ထုတ်ခဲ့ပါတယ်။ နောက်ပြီး သူဟာ ခန္ဓာကိုယ်တွင်း ချုပ်ရိုးတွေအတွက် တိရစ္ဆာန်အူကနေ ပြုလုပ်တဲ့ ကြိုးကို ပထမဆုံး အသုံးပြုခဲ့သူလည်း ဖြစ်ပါတယ်။ ဆေးသောက်ရာမှာ အ၀င်မဆိုးစေဖို့ ဆေးတွေကို တိရစ္ဆာန်အူကနေလုပ်တဲ့ အထုပ်လေးတွေမှာထည့်ပြီး အဆင်သင့် မြိုချလို့ရအောင် ဖန်တီးခဲ့တာလည်း အလ်-ဇဟ်ရာဝီပဲ ဖြစ်ပါတယ်။ ဒါ့ကြောင့် ဒီနေ့ခေတ် ဆေးတောင့်လေးတွေကို သောက်တဲ့အခါ ဒီနည်းလမ်းဟာ လွန်ခဲ့တဲ့ နှစ်ပေါင်း တစ်ထောင်ကျော်လောက်က ဖော်ထုတ်ခဲ့တယ်ဆိုတာကို သတိရပါ။

အလ်-ဇဟ်ရာဝီရဲ့ ဆေးကျမ်းကြီးဖြစ်တဲ့ ‘အလ်-တက်စ်ရစ်ဖ်’ (Al-Tasrif) ကို လက်တင်ဘာသာစကားနဲ့ ပြန်ဆိုကာ Liber Servitoris ဆိုတဲ့အမည်နဲ့ ထုတ်ဝေခဲ့ပါတယ်။ အဲဒီကျမ်းကြီးထဲမှာ ရိုးရှင်းတဲ့ ဆေးဒြပ်ပေါင်းတွေ၊ နက်နဲတဲ့ ဆေးဝါးတွေကို ဘယ်လို ဖော်စပ်ထုတ်လုပ်ရမလဲဆိုတာကို အသေးစိတ် ရှင်းပြထားပါတယ်။ ပြီးတော့ litharge လို့ခေါ်တဲ့ ခဲမိုနောက်ဆိုက် (Lead monoxide)၊ ခဲဖြူ၊ ခဲဆာလဖိုက် (lead sulfide)၊ လောင်ကျွမ်းထားတဲ့ ကြေးနီ၊ ကဒ်မီယမ်၊ မာရ်ကဆိုက် အိုင်းယွန်း ဆာလ်ဖိုက်ဒ် (marcasite iron sulfide)၊ စိန်ဝါ၊ ထုံး၊ ငရဲမီးနဲ့ ဆားတွေလို ပရပစ္စည်းတွေကို ထုတ်လုပ်တဲ့ နည်းလမ်းကိုလည်း ဖော်ပြထားပါတယ်။

အဘူ အလ်-မန်ဆူရ် မူဝါဖက် (Abu al-Mansur Muwaffaq) ဟာ The Foundations of the True Properties of Remedies (ဆေးကုသနည်းများ၏ စစ်မှန်သော ဂုဏ်သတ္တိများဆိုင်ရာ

The Foundations of the True Properties of Remedies (ဆေးကုသနည်းများ၏ စစ်မှန်သော ဂုဏ်သတ္တိများဆိုင်ရာ အခြေခံကျမ်း) ကို ရေးသားခဲ့သည့် အဘူ အလ်-မန်ဆူရ် မူဝါဖက်

အခြေခံကျမ်း) ကို ၁၀ ရာစုမှာ ရေးသားခဲ့ပြီး ဆေးဝါးဗေဒနယ်ပယ်မှာ ဖောက်ထွက်ခဲ့ပါတယ်။ ဒီကျမ်းမှာ စိန်အောက်ဆိုက် (arsenious oxide) ကို ဖော်ပြထားပြီး silicic acid အကြောင်းကိုလည်း အလ်-မန်ဆူရ်က သိခဲ့ပါတယ်။ ဒီအက်စစ်ကို ဒီနေ့မှာ အစာအိမ်နာရောဂါ ဖြစ်စေတဲ့ အစာအိမ်ဖုံးအမှေးပါးကို ကာကွယ်တဲ့ ဆေးဝါးတွေမှာ အသုံးပြုနေပါတယ်။ အလ်-မန်ဆူရ်ဟာ ဆိုဒီယမ် ကာဘိုနိတ်နဲ့ ပိုတက်ဆီယမ် ကာဘိုနိတ်ကို ကွဲကွဲပြားပြား ပိုင်းခြားပေးခဲ့ပြီး ကော့ပါးဒြပ်ပေါင်း အထူးသဖြင့် ကော့ပါး ဆလ်ဖိတ်ရဲ့ အဆိပ်ဖြစ်စေတဲ့ သဘာဝကိုလည်း အသေအချာ အာရုံစိုက် လေ့လာခဲ့ပါတယ်။

၁၁ ရာစုမှာတော့ အလ်-ဘီရူနီ (Al-Biruni) ဟာ ဆေးဝါးဗေဒမှာ တန်ဖိုးအရှိဆုံး စာအုပ် The Book of Pharmacology (ဆေးဝါးဗေဒဆိုင်ရာကျမ်း) ကိုရေးသားခဲ့ပြီး ဆေးဝါးတွေရဲ့ ဂုဏ်သတ္တိ အသေးစိတ်ကို ဖော်ပြထားကာ ဆေးဝါးဗေဒရဲ့ အရေးပါမှု၊ ဆေးဝါးပညာရှင်တစ်ယောက်အနေနဲ့ လုပ်ရမယ့် ဆောင်ရွက်ချက်တွေ၊ ထမ်းဆောင်ရမယ့် တာဝန်တွေကိုလည်း ဒီကျမ်းကြီးထဲမှာ ထည့်သွင်း ရေးသားခဲ့ပါတယ်။

ဆေးဝါးဖော်စပ်ထုတ်လုပ်သူတွေရဲ့ အဓိကတာဝန်က သူတို့ရဲ့အလုပ်ကို ကျွမ်းကျင်ပိုင်နိုင်စွာနဲ့ အစီစဉ်တကျ စီမံခန့်ခွဲရတာ ဖြစ်ပြီး ဒီလုပ်ငန်းကို ဘယဆေးဆရာနဲ့ ဆေးဝါးကို လက်တွေ့ အသုံးချသူတွေအတွက် အမြင့်ဆုံးအရည်အသွေးအဖြစ် မှတ်ယူ ကျင့်သုံးရတာ ဖြစ်ပါတယ်။ ဒါ့ကြောင့် သမားတွေဟာ ဆေးဝါးတွေကို ဗျည်းအက္ခရာစဉ်အတိုင်း ပြုစုကာ ဇယားတစ်ခုတည်ဆောက်ပြီး အလွယ်တကူ ကိုးကား အသုံးပြုနိုင်အောင် ဆောင်ရွက်ခဲ့ပါတယ်။ ပြီးတော့ ဒါဟာ ဆေးဘက်ဆိုင်ရာ ထူးခြားမှုတွေကို ကဏ္ဍအလိုက် ပြည့်ပြည့်စုံစုံ လေ့လာနိုင်တဲ့ စွယ်စုံကျမ်းကြီးလည်း ဖြစ်ခဲ့ပါတယ်။

အရေးပါတဲ့ ဆေးဝါးဗေဒဆိုင်ရာ သတင်းအချက်အလက်တွေပါဝင်တဲ့ ဒီလို အစောပိုင်း ဆေးပညာကျမ်းကြီးတွေဟာ ဥရောပကို ရောက်ရှိခဲ့ပြီး ဂျိုဟန်နက်စ် ဒီ ဆန်တို အေမန်ဒို (Johannes de Sancto Amnado)၊ ၁၃၀၆ ခုနှစ်ကနေ ၁၃၁၆ ခုနှစ်အထိ အီတလီနိုင်ငံ ပါဒူတာမှာ ပရော်ဖက်ဆာအဖြစ် ဆောင်ရွက်ခဲ့တဲ့ ပီယက်ထရို ဒီ အေဘန်နို (Pietro d’Abano) တို့လို ၁၃ ရာစု ဥရောပ ဆေးဝါးဗေဒ ပညာရှင်တွေအပေါ်မှာ လွှမ်းမိုးမှု ရှိခဲ့ပါတယ်။ ဥရောပကို ရောက်ရှိပြီး နာမည်ကျော်ခဲ့တဲ့ စာအုပ်တွေထဲမှာ စပိန်မွတ်စလင် ပညာရှင်ကြီး အစ်ဗနေ့ အလ်-၀ါဖစ် (Ibn al-Wafid) ရဲ့ စာအုပ်တွေလည်း ပါဝင်ပြီး သူ့ရဲ့ စာအုပ် လက်တင်ဘာသာပြန်ကို အကြိမ်ပေါင်း ၅၀ လောက် ပြန်လည် ရိုက်နှိပ် ထုတ်ဝေခဲ့ရပါတယ်။ အလ်-၀ါဖစ်ရဲ့ ကျော်ကျားတဲ့လက်ရာကတော့ The Book of Simple Drugs (ရိုရှင်းသော ဆေးဝါးများကျမ်း) ဖြစ်ပြီး စာမျက်နှာ ၅၀၀ လောက်ပါဝင်တဲ့ ဒီကျမ်းကို ၂၅ နှစ်လောက် စုဆောင်းရေးသားခဲ့ရတာ ဖြစ်ပါတယ်။ ဒီစာအုပ် လက်တင်ဘာသာပြန် De medicamentis simplicibus ဟာ သူ့ရဲ့ လက်ရာတွေထဲက တစ်ပိုင်းတစ်စသာ ဖြစ်ပါတယ်။

၁၃ ရာစု မာလာဂါက မွတ်စလင်ပညာရှင် အစ်ဗနေ့ အလ်-ဘေတာ (Ibn al-Baytar) ဟာ ထင်ရှားတဲ့ ရုက္ခဗေဒပညာရှင်တစ်ဦးဖြစ်ပြီး လက်ရှိအချိန်အထိ ရှင်သန်နေတဲ့ ဆေးဝါးဗေဒဆိုင်ရာ အကြီးဆုံး စွမ်စုံကျမ်းကြီးကို ရေးသားခဲ့သူလည်း ဖြစ်ပါတယ်။ Dictionary of Simple Remedies and Food (ရိုးရှင်းသော ကုသနည်းများနှင့် အဟာရဆိုင်ရာ စွယ်စုံကျမ်း) လို့ အမည်ပေးထားတဲ့ ဒီကျမ်းကြီးထဲမှာ အပင်ပေါင်း ၃၀၀၀ လောက်ရဲ့အစွမ်းသတ္တိတွေကို အက္ခရာစဉ်အတိုင်း ဖော်ပြထားပါတယ်။ ဒီကျမ်းကြီးရဲ့ လက်တင်ဘာသာပြန်ကို ၁၇၅၈ ခုနှစ်မှာ ထုတ်ဝေခဲ့ပြီး၊ ပိုပြီးပြည့်စုံတဲ့ ဘာသာပြန်ဟာ ၁၈၄၂ ခုနှစ်မှာ ထွက်ရှိလာခဲ့ပါတယ်။

ဥရောပက ဆေးဝါးဗေဒပညာရှင်ကြီးတွေဟာ မွတ်စလင်တွေရဲ့ ဒီလက်ရာတွေကို တော်တော်လေး လေးစားအားကျ၊ အတုယူခဲ့ကြပါတယ်။ ၁၅ ရာစု ဆေးဝါးပညာရှင်တစ်ဦးဖြစ်တဲ့ ဆာလာဒင် အော့ဖ် အက်စ်ကိုလို (Saladin of Ascolo) ဟာ အတွဲ ၇ တွဲပါဝင်တဲ့ Compendium aromatariorum ကျမ်းကြီးကို ရေးသားပြုစုခဲ့ပြီး ဘာသာရပ်တွေကို ခွဲခြမ်းစိတ်ဖြာ သတ်မှတ်ပေးခဲ့တဲ့ အစောဆုံး မွတ်စလင် ဆေးပညာရှင်ကြီး ဖြစ်ပါတယ်။

‘ဖလိုရန်တိုင်း သမားတော်များကောလိပ်’ (Florentine College of Physicians) မှာ တာဝန်ထမ်းဆောင်ခဲ့တဲ့ သမားတော် လူဒိုဗီကို ဒါလ် ပေါ့ဇို တိုစကန်နဲလ်လီ (Ludovico dal Pozzo Toscanelli) ဟာ ၁၇ ရာစုမှာ London Dispensatory ဆိုတဲ့ စာအုပ်တစ်အုပ်ကို ရေးသာခဲ့ပြီး အဲဒီထဲမှာ အပင်တွေ၊ သဘာဝသတ္တုတွေ၊ ခန္ဓကိုယ်အပြင်ပိုင်းနဲ့ အတွင်းပိုင်းအတွက် အသုံးပြုနိုင်မယ့် ဆေးဝါးတွေ၊ အဆီတွေ၊ ဆေးလုံးတွေနဲ့ အုံဆေးတွေအားလုံးဟာ မွတ်စလင်တွေရဲ့ ကြိုးပမ်းအာထုတ်မှုတွေနဲ့ ဆက်နွယ်နိုင်ဖွယ်ရှိတယ်လို့ ဖော်ထုတ်တင်ပြထားပါတယ်။

ဆးဝါးဗေဒမှာ တန်ဖိုးအရှိဆုံး စာအုပ် The Book of Pharmacology (ဆေးဝါးဗေဒဆိုင်ရာကျမ်း) ကို ရေးသားခဲ့သည့် အလ်-ဘီရူနီ

မွတ်စလင်တွေရဲ့ ဆေးဝါးဗေဒဆိုင်ရာ အမွေအနှစ်တစ်ခုဟာ အမေရိကန်သမိုင်းပညာရှင် မာတင် လီဗေး (Martin Levey) ကြောင့် မကြာသေးခင်ကပဲ ပြန်လည်ရှင်သန်လာခဲ့ပါတယ်။ ၁၉၇၇ ခုနှစ် လီဗေးမကွယ်လွန်ခင်မှာ သူဟာ ဆေးဒြပ်ပေါင်းတွေ၊ ဆေးလုံး၊ ငုံဆေးပြား၊ ဆေးမှုန့်၊ ဆေးယို၊ လိမ်းဆေးအဆီ၊ ယားနာလိမ်းဆေးနဲ့ သွားတိုက်ဆေးတို့လို အနာရောဂါတွေကို ကုသတဲ့နည်းလမ်း မြောက်များစွာကို ဖော်ပြထားတဲ့ အာရဘီ ကျမ်းတစ်ခုကို ဘာသာပြန်ခဲ့တာဖြစ်ပါတယ်။

၁၃ ရာစုမွတ်စလင် ဆေးပညာရှင် အလ်-ဘေတာ အသုံးပြုခဲ့သည့် ဆေးဝါးဆိုင်ရာ ဇယား။ အဆိုပါ ဇယားတွင် ရောဂါလက္ခဏာများ၊ ရောဂါဖြစ်ပွားသည့်နေရာ၊ ဆေးကုသမှုနည်းလမ်းနှင့် အသုံးပြုရမည့် ဆေးပမာဏတို့ကို ဖော်ပြထားပါတယ်။

၁၃ ရာစုမွတ်စလင် ဆေးပညာရှင် အလ်-ဘေတာ အသုံးပြုခဲ့သည့် ဆေးဝါးဆိုင်ရာ ဇယား။ အဆိုပါ ဇယားတွင် ရောဂါလက္ခဏာများ၊ ရောဂါဖြစ်ပွားသည့်နေရာ၊ ဆေးကုသမှုနည်းလမ်းနှင့် အသုံးပြုရမည့် ဆေးပမာဏတို့ကို ဖော်ပြထားပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်

March 31, 2017
တိုင်းရင်းဆေးဝါး ဖွံ့ဖြိုးမှု – ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၄၂)

မတ် ၂၄၊ ၂၀၁၇
M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

၁၃ ရာစု မွတ်စလင် တိုင်းရင်းဆေးပညာရှင် မာလာဂါမြို့မှ အလ်-ဘေတာ၏ တိုင်းရင်းဆေးကျမ်းမှ ဖော်ပြချက်များ

– လွန်ခဲ့တဲ့ နှစ်ထောင်ချီအရင်က ဥယျာဉ်ပန်းခြံတွေဟာ သိပ္ပံဆိုင်ရာ မြေပြင်ဓာတ်ခွဲခန်းတွေ ဖြစ်ခဲ့ပြီး အပင်တွေရဲ့ ဆေးဘက်ဝင် ဂုဏ်သတ္တိတွေနဲ့ပတ်သက်လို့ လမ်းညွှန်ကျမ်းတွေ ရေးသားခဲ့တဲ့ ထင်ရှားတဲ့ သိပ္ပံပညာရှင်ကြီးတွေ ပျော်မွေ့ရာနေရာလည်း ဖြစ်ခဲ့ပါတယ်။ သစ်ပင်ပန်းမာလ်တွေကနေ စီမံဖော်ထုတ်တဲ့ ဆေးတွေဟာ သီးခြားဆေးဝါးတစ်ခုလို့ ရှုမြင်ခြင်းမခံရဘဲ လက်တွေ့အသုံးချ ဆေးပညာမှာ အင်မတန်အရေးပါခဲ့ပြီး ဆေးရုံတော်တော်များများဟာ ကုသမှုမှာ အသုံးပြုဖို့ ဆေးဘက်ဝင်အပင်တွေကို ပန်းခြံအပြည့် တယုတယစိုက်ထားကြကာ အဲဒီအပင်တွေကနေ ဆေးဝါးတွေ ဖော်စပ်ထုတ်လုပ်တာတွေကိုလည်း လုပ်ခဲ့ကြပါတယ်။

အပင်တွေကနေ ဆေးဝါးထုတ်လုပ်တာမျိုးတွေကို လူ့ယဉ်ကျေးမှု အစကတည်းက လုပ်ခဲ့ကြတာ ဖြစ်ပါတယ်။ အီဂျစ်၊ မက်ဆိုပိုတေးမီးယား၊ တရုတ်နဲ့ အိန္ဒိယနိုင်ငံတွေဟာ စာအရေးအသား မပေါ်ခင်ကတည်းက သစ်ပင်ပန်းပင်တွေကနေ ဆေးဝါးထုတ်လုပ်ခဲ့တယ်ဆိုတဲ့ မှတ်တမ်းတွေလည်း ရှိပါတယ်။ အနောက်နိုင်ငံမှာတော့ ပထမဆုံး ‘တိုင်းရင်းဆေးကျမ်း’ (ဆေးဖက်ဝင်အပင်တွေရဲ့ ဂုဏ်သတ္တိတွေကို စုစည်းရှင်းပြထားတဲ့စာအုပ်) ဟာ ဂရိနိုင်ငံမှာ ပေါ်ထွက်လာခဲ့ပြီး ခရစ်တော်မပေါ်ခင် တတိယရာစုမှာ ဒီယိုကလီစ် အော့ဖ် ကာရီစတုစ် (Diocles of Carystus) က ရေးသားခဲ့ပြီး၊ ဘီစီ ၁ ရာစုမှာတော့ ကရာတေယက်စ် (Crteuas) ဆိုတဲ့ ပညာရှင်တစ်ဦးကလည်း ဆေးဖက်ဝင်အပင်တွေနဲ့ ပတ်သက်တဲ့ စာအုပ်တွေကို ရေးသားခဲ့ပါတယ်။ ဂရိတွေရဲ့ တိုင်းရင်းဆေးကျမ်းတွေထဲက လက်ရှိအချိန်အထိ ရှင်သန်နေတဲ့ ကျမ်းကတော့ ဒီအိုစကိုရီဒီစ် (Dioscorides) က အေဒီ ၆၅ မှာ ရေးသားခဲ့တဲ့ De Materia Medica ကျမ်း ဖြစ်ပါတယ်။ ဒီအိုစကိုရီဒီစ်ဟာ ဂရိနဲ့ ရောမ ပညာရှင်တွေထဲမှာ တိုင်းရင်းဆေးအပေါ် လွှမ်းမိုးမှုအရှိဆုံး ပညာရှင်တစ်ဦး ဖြစ်ပါတယ်။

၁၅ ရာစု အာရဘီ ရုက္ခဗေဒကျမ်းမှ စာမျက်နှာတစ်ခု

မွတ်စလင်တွေရဲ့ နယ်မြေ ကျယ်ပြန့်လာတာနဲ့အတူ မွတ်စလင်ကုန်သည်တွေ၊ ခရီသွားတွေဟာ ယခင်က သူတို့မသိကြတဲ့ တိုင်းတစ်ပါးက အပင်တွေ၊ မျိုးစေ့တွေ၊ မျိုးစိတ်တွေနဲ့ ထိတွေ့လာခဲ့ကြပြီး၊ ကုန်ကြမ်း အများအပြားနဲ့ သူတို့ကို ဘယ်လိုအသုံးပြုရမလဲဆိုတဲ့ ပညာရပ်တွေ၊ အချက်အလက်တွေကိုပါ ဆောင်ကျဉ်းလာခဲ့ကြကာ အာရှက မြေပြန့်လွင်ပြင်ကြီးတွေကနေ ဥရောပက တောင်တန်းကြီးတွေအထိ ရှာဖွေရေးခရီးအတွက် ခြေဆန့်ခဲ့ကြပါတယ်။ စက္ကူကို ကျယ်ကျယ်ပြန့်ပြန့် အသုံးပြုနိုင်မှုကလည်း သူတို့ရဲ့ ခရီးစဉ်အသေးစိတ်ကို ရောက်ရှိရာနေရာမှာပဲ မဆိုင်းမတွ မှတ်တမ်းတင်ခွင့်ရခဲ့သလို စူးစမ်းဖော်ထုတ်မှုကိုလည်း ပြုလုပ်နိုင်ခဲ့ပါတယ်။

ဒီလို အချက်အလက်တွေနဲ့ အသုံးဝင်ပစ္စည်းတွေ စုဆောင်းမှုနဲ့ သူတို့ရဲ့ သိပ္ပံနည်းကျ ဆေးဝါးဆိုင်ရာ အသိပညာတွေနဲ့ ပေါင်းစပ်လိုက်တဲ့အခါမှာတော့ တိုင်းရင်းဆေးဝါးအသစ်တွေ အများအပြား ပေါ်ထွက်လာခဲ့ပါတယ်။ လေ့လာမှုတွေကြောင့် အချက်အလက်တွေ တော်တော်များများကို စုဆောင်းရမိခဲ့သလို အင်မတန် ကြီးကျယ်တဲ့ အလုပ်များစွာကိုလည်း လုပ်နိုင်ခဲ့ပါတယ်။

အေဒီ ၁၀၀၂ မှာ ကွယ်လွန်ခဲ့တဲ့ အစ်ဗနေ့ ဆာမာဂျွန် (Ibn Smajun) ဟာ Collection of Simples, Medicinal Plants and Resulting Medicines (တွေ့ရလွယ်သည့် ဆေးဖက်ဝင်အပင်များနှင့် ဆေးဖော်စပ်မှုများစုစည်းမှု) ဆိုတဲ့ ကျမ်းတစ်စောင်ကို ရေးသားခဲ့ပါတယ်။ ဒီကျမ်းဟာ သူ့ရဲ့အရင်က သမားတော်ကြီးတွေရဲ့ ဖော်ထုတ်မှုတွေကို အခြေခံကာ အပင်တွေနဲ့ သူတို့ရဲ့ ဆေးဘက်ဆိုင်ရာ ဂုဏ်သတ္တိတွေကို ခွဲခြမ်းစိတ်ဖြာ ဖော်ပြထားတဲ့ ကျမ်းကြီးလည်းဖြစ်ပါတယ်။ ၁၁ ရာစုမှာလည်း အစ်ဗနေ့ ဆီနာ (Ibn Sina) ဟာ သူ့ရဲ့ Cannon ကျမ်းကြီးထဲမှာ ဆေးဘက်ဝင်အပင်တွေကနေ ဖော်စပ်တဲ့ ဆေးနည်းပေါင်း ၁၄၂ ခုကို ဖော်ပြခဲ့ပါတယ်။

ရုက္ခဗေဒလို့ခေါ်ပြီး အပင်တွေ၊ အပင်တွေရဲ့ ဆေးဘက်ဝင်မှုကို လေ့လာတဲ့ ဒီပညာရပ်ကို တစ်ဆင့်ပြီးတစ်ဆင့် လက်ဆင့်ကမ်းလာခဲ့ကြတာ ဖြစ်ပါတယ်။ ‘ခေတ်သစ် ရုက္ခဗေဒပညာရပ်ရဲ့ ဖခင်ကြီး’ လို့ ခေါ်တဲ့ အဘူ ဟာနီဖာ အလ်-ဒီနာဝါရီ (Abu Hanif al-Dinawari) ဟာ A Treatise on Plants (အပင်ဆိုင်ရာကျမ်း) ဆိုတဲ့စာအုပ်မှာ ဆေးဖက်ဝင်အပင်ပေါင်း မြောက်များစွာရဲ့အကြောင်းကို ရေးသားဖော်ပြခဲ့ပြီး ၁၀ ရာစုက မွတ်စလင်ဆေးပညာရှင်ကြီး အလ်-ရာဇီ (Al-Razi) လို အခြား မွတ်စလင်ပညာရှင်တွေက ဒူလာရောဂါကို ကုသရာမှာ ကံကုမံပင်ကို ဆေးဝါးအဖြစ် အသုံးပြုခဲ့ပါတယ်။

ရုက္ခဗေဒဟာ သိပ္ပံပညာရပ်တစ်ခု ဖြစ်လာတဲ့အချိန် ဓာတုဗေဒပညာရပ်ဟာ အံ့မခန်းနှုန်းနဲ့ တိုးတက်လာခဲ့ပြီး ဒီပညာရပ်နှစ်ခုစလုံး တိုးတက်ထွန်းကားလာမှုက တိုင်းရင်းဆေးပညာကို ဆေးဘက်ဆိုင်ရာ အဓိကရေစီးကြောင်းထဲရောက်အောင် တွန်းအားဖြစ်စေခဲ့ပါတယ်။ ၁၀ ရာစုမှာ စွမ်းဆောင်ရည်ပိုမြင့်လာတဲ့ ရေတင်စက်တွေ၊ ရေသွင်းစိုက်ပျိုးတဲ့နည်းလမ်းသစ်တွေ တိုးတက်ဖွံ့ဖြိုးလာတာကြောင့် သုတေသနဥယျာဉ်တွေ၊ ဆေးဘက်ဝင်အပင်စိုက်ပျိုးမှုတွေကလည်း အလျိုအလျို ပေါ်ထွက်လာခဲ့ပါတယ်။

စပိန်က မွတ်စလင်အုပ်စိုးတဲ့ အလ်-အန်ဒါလုစ်ဒေသဟာ တိုင်းရင်းဆေးပညာအခြေတည်ရာ ဒေသ ဖြစ်ခဲ့ပါတယ်။ ၁၁ ရာစုမှာ စပိန်က တော်လေဒိုမြို့၊ ဥရောပရဲ့ ပထမဆုံး တော်ဝင် ရုက္ခဗေဒဥယျာဉ်တွေရှိရာဒေသလို့ တင်စားခြင်းခံရတဲ့ ဆီးဗီးလ်မြို့တွေမှာလည်း ဒီလို ဆေးဖက်ဝင်အပင်တွေ အုံနဲ့ကျင်းနဲ့ စိုက်ပျိုးတာတွေ ဖြစ်လာခဲ့ပါတယ်။ ပထမပိုင်းမှာ ဥယျာဉ်ပန်းခြံ တစ်ခုအဖြစ်သာ ကျေနပ်ကြပေမယ့် နောက်ပိုင်းမှာတော့ အရှေ့အလယ်ပိုင်းက ယူဆောင်လာတဲ့ ဆေးဖက်ဝင်အပင်တွေကို စမ်းသပ်စိုက်ပျိုးရာနေရာတွေ ဖြစ်ခဲ့ပါတယ်။

မွတ်စလင် ဆေးပညာရှင်ကြီးတစ်ဦးဖြစ်တဲ့ မာလာဂါမြို့က အစ်ဗနေ့-အလ်-ဘေတာ (Ibn al-Baytar) ဟာ Dictionary of Simple Remedies and Food (ဆေးမြီတိုများနှင့် အဟာရ အဘိဓာန်) ကို ပြုစုခဲ့ပြီး အဲဒီကျမ်းဟာ ဆေးဘက်ဆိုင်ရာ စွယ်စုံကျမ်းကြီးဖြစ်သလို အလ်-ဘေတာရဲ့ ရုက္ခဗေဒဆိုင်ရာ ကျွမ်းကျင်မှုကို ရောင်ပြန်ဟပ်စေတဲ့ ကျမ်းကြီးလည်း ဖြစ်ခဲ့ပါတယ်။ ဒီစာအုပ်ထဲမှာ အလ်ဘေတာဟာ အပင်ပေါင်း ၃၀၀၀ ကျော်နဲ့ သူတို့ရဲ့ ဆေးဘက်ဆိုင်ရာ ဂုဏ်သတ္တိတွေကို လေ့လာဖော်ထုတ်ထားပါတယ်။

ဆေးဖက်ဝင်အပင်ဆိုင်ရာ အကျော်ကြားဆုံး စာအုပ်ကိုတော့ သက္ကရာဇ် ၁၁၆၅ ခုနှစ်မှာ မွတ်စလင်ပညာရှင် အလ်-ဂါဖီကီ (Al Ghafiqui) က ရေးသားခဲ့ပြီး The Book of Simple Durgs (ရိုးရှင်းသေားဆေးဝါးများ) ဆိုတဲ့ ဒီကျမ်းဟာ တော်တော်လေး တိကျပြည့်စုံကာ ၁၉၃၂ ခုနှစ်က အီဂျစ်မှာ မက်စ် မီယာရုဖ် (Max Meyerhof) က ပြန်လည် ရိုက်နှိပ်ထုတ်ဝေခဲ့ပါတယ်။

၁၀ ရာစုမှာတော့ အစ်ဗနေ့ ဂျူလ်ဂျူလ် (Ibn Juljul) က ဒီအိုစကိုရီဒီစ်ရဲ့ နှစ်ပေါင်း ၉၀၀ ကြာမြင့်နေပြီ ဖြစ်တဲ့ De Materia Medica ကျမ်း ရှင်းလင်းချက်ကို ရေးသားခဲ့ပြီး အာရဘီဘာသာစကားကို ပြန်ဆိုခဲ့ကာ မန်ကျီး၊ ပရုပ်၊ စန္ဒကူးနဲ့ ဖာလာတို့လို အပင်တွေရဲ့ ဆေးဖက်ဝင်ပုံ အကြောင်းတွေကိုလည်း ထည့်သွင်းရေးသားခဲ့ပါတယ် နောက်ပြီး အပင်သစ်တော်တော်များများနဲ့ အမျိုးမျိုးသော ရောဂါဘယတွေကို ကုသနိုင်တဲ့ ဆေးဖက်ဝင် ဂုဏ်သတ္တိတွေကိုလည်း အဲဒီစာအုပ်မှာ ရေးသားဖော်ပြခဲ့ပါတယ်။

တိုင်းရင်းဆေးသမိုင်းမှာ မွတ်စလင်တွေ ဆောင်ရွက်ပေးခဲ့ပြီး အင်မတန်မှ ရိုးရှင်းထိရောက်တဲ့ ဆောင်ရွက်ချက်တစ်ခုက ဆေးဘက်ဝင်အပင်တွေဟာ လူနာတွေအပေါ် ဘယ်လို ထိခိုက်လည်းဆိုတာဖြစ်ပါတယ်။ အခုအချိန်မှာ ဒါက လုပ်ဖို့ အင်မတန်ထင်ရှားတဲ့ ကိစ္စလို့ ထင်ရပေမယ့် အဲဒီခေတ်ကာလတုန်းကတော့ ဒါကို စမ်းသပ်ဖို့၊ စူးစမ်းဖို့အတွက် သိပ္ပံနည်းကျ နည်းလမ်းတွေကိုသာ မှီခို အသုံးပြုရတာပါ။

စပိန်နိုင်ငံ မာလာဂါမြို့တွင် ဂုဏ်ပြုထုတ်လုပ်ထားသော မွတ်စလင်တိုင်းရင်းဆေးဆရာကြီး အလ်-ဘေတာ၏ ရုပ်ထုကို

အလယ်ခေတ်ဥရောပမှာ ဆေးဘက်ဝင်အပင်ဆိုင်ရာကျမ်းတွေဟာ တော်တော်လေးနည်းပါးပြီး ပညာရှင် အနည်းငယ်လောက်ကသာ သိရှိကြပါတယ်။ ၁၅ ရာစု အဆုံးပိုင်းလောက်အထိ ဥရောပသားတွေဟာ အာရဘီဆေးကျမ်းတွေ၊ ဂရိကျမ်းတွေကို အာရဘီလို ပြန်ဆိုထားတဲ့ စာအုပ်တွေကို လက်တင်ဘာသာကို ပြန်ဆိုပြီး အသုံးပြုခဲ့ရတာ ဖြစ်ပါတယ်။။ သက္ကရာဇ် ၁၅၀၀ နဲ့ ၁၆၀၀ အကြားမှာ ဂရိပညာရှင်ကြီး ဒီအိုစကိုရီဒီစ်ရဲ့ ဆေးကျမ်းကို တည်းဖြတ်ထုတ်ဝေမှု ၇၈ ကြိမ်အထိ ရှိခဲ့ပါတယ်။

ဥရောပ တိုင်းရင်းဆေးပညာရှင်တွေရဲ့ အောင်မြင်မှုကို မွတ်စလင် ရုက္ခဗေဒပညာရှင်တွေဆီက ဘယ်လောက်အတုခိုးနိုင်လဲ၊ ဒီအိုစကိုရီဒီစ်ကို ဘယ်လောက် နာမည်ပိုကြီးအောင် လုပ်နိုင်မလဲဆိုတာနဲ့ တိုင်းတာပါတယ်။ ဒါပေမယ့် ဒါဟာလည်း အမြဲတမ်းတော့ အလုပ်ဖြစ်နေတာမဟုတ်ပါဘူး။ အလယ်ခေတ် အီတလီမှာ ကျော်ကြားခဲ့တဲ့ ဆဲလ်လာနို (Salerno) ဆေးတက္ကသိုလ်ကြီးဟာ လက်တင်၊ ဂရိနဲ့ အာရဘီ ဘာသာစကားတွေအပေါ်မှာ နားလည်တတ်ကျွမ်းမှုမရှိတာ၊ ဘာသာပြန်ပေါ် ဘာသာပြန် ထပ်နေတဲ့ ဂရိတိုင်းရင်ဆေးကျမ်းတွေကို အပြည့်အ၀ နားမလည်တာကြောင့် သြဇာအရှိန်အ၀ါ ကျဆင်းရတဲ့အထိ ဖြစ်ခဲ့ပါတယ်။

ဥရောပက တိုင်းရင်းဆေးပညာရှင်တွေဟာ အသိပညာမကြွယ်ဝမှု၊ လက်တွေ့ဆောက်ရွက်မှု မရှိတာ၊ စောစောပိုင်း ဆိုးရွာတဲ့ ဂရိဘာသာပြန်တွေ၊ ဒေသသုံးအမည်တွေနဲ့ မှည့်ခေါ်ထားတဲ့အတွက် ဆေးဖော်စပ်ဖို့ လိုအပ်တဲ့ အပင်တွေကို မှန်မှန်ကန်ကန် ဖေါ်ထုတ်နိုင်ခြင်း မရှိတာကြောင့် တော်တော်လေး စိတ်ပျက်ခဲ့ရပါတယ်။ ဒါ့ကြောင့် ၁၆ ရာစု အင်္ဂလန် သံတမန်နဲ့ ပညာရှင် ဆာ သောမတ်စ် အဲလ်ယွတ် (Sir Thomas Elyot) က သူအနေနဲ့ ရှေးဟောင်း တိုင်းရင်းဆေးပညာရပ်တွေကနေ ဘာမှ နားမလည်ဘဲ ‘ဒါတွေဟာ ကျန်းမာရေးအတွက် နည်းနည်းမှ အကျိုးမရှိဘူး’ လို့ ပြောခဲ့ရတဲ့အထိ ဖြစ်ခဲ့ပါတယ်။

ဒါပေမယ့် နောက်ပိုင်းမှာ တိုင်းရင်းဆေးပညာဟာ ပြန်ထွန်းခဲ့ပြီး ဒီနေ့ခေတ်မှာတော့ ဥရောပမှာ မရှိမဖြစ် ကုသနည်းတစ်ခု ဖြစ်နေပါပြီ။ ယူကေပြည်သူ ၅ ဦးမှာ တစ်ဦးဟာ အခြားဆေးကုသနည်းတွေကို အသုံးပြုနေကြပြီး မကြာသေးခင်က ကောက်ယူခဲ့တဲ့ စစ်တမ်းအရ ဗြိတိန်ပြည်သူ ၁၀ ဦးမှာ ၁ ဦးက တိုင်းရင်းဆေးဝါး၊ ဒါမှမဟတ် ဓာတ်ကြမ်းတိုက်ကုသနည်းတွေကို အသုံးပြုနေတယ်လို့ ဆိုပါတယ်။ တိုင်းရင်းဆေးဝါး လုပ်ငန်းရဲ့ တန်ဖိုးဟာလည်း နှစ်စဉ် တိုးတက်လာနေပါတယ်။ မွတ်စလင်ကမ္ဘာမှာလည်း တိုင်းရင်းဆေးဝါးရဲ့ အရေးပါမှုဟာ ပြန်လည် ရှင်သန်လာပြီး တိုင်းရင်းဆေးသမားတော်ကြီးတွေလည်း ပြန်လည် ပေါ်ထွက်လာနေပါတယ်။ ကမ္ဘာတစ်ဝှမ်း ကျေးရွာတွေနဲ့ ကျေးလက်ဒေသတွေမှာ ဒီ တိုင်းရင်းဆေးဟာ ရာစုနှစ်ပေါင်းများစွာ ရိုးရာတစ်ခုအနေနဲ့ ရှိနေခဲ့၊ ရှိနေဆဲ ဖြစ်ပါတယ်။

၁၅ ရာစု အာရဘီ တိုင်းရင်းဆေးကျမ်းမှ ဖော်ပြချက်များ

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်

March 24, 2017
ကာကွယ်ဆေးထိုးခြင်း – ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၄၁)

မတ် ၃၊ ၂၀၁၇

M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

ဒေါက်တာဂျင်းနားက ဆေးရုံတွင် ကာကွယ်ဆေးထိုးမှုကို ၁၈၀၂ ခုနှစ်တွင် သရုပ်ဖော်ထားသည့် ကာတွန်း

– ဒီနေ့ခေတ်မှာ ကာကွယ်ဆေးထိုးခြင်းဟာ အငြင်းပွားဖွယ်ရာ ကိစ္စတစ်ခု ဖြစ်ကောင်းဖြစ်နိုင်ပေမယ့် လွန်ခဲ့တဲ့ နှစ်ပေါင်း ၃၀၀ အရင် ဒီကာကွယ်ဆေးထိုးမှုနည်းလမ်း တူရကီနိုင်ငံနေ အင်္ဂလန်ကို ရောက်လာတဲ့အချိန်မှာ ဘယ်သူမှ လက်မခံခဲ့ကြပါဘူး။ ကာကွယ်ဆေး ထိုးရမယ်ဆိုတဲ့အသိကို အနာတိုလီယန် အော်တိုမန် တာ့က် (Anatolian Ottoman Turks) တွေက သိရှိခဲ့ကြပြီး၊ ကာကွယ်ဆေးထိုးနှံမှုကို ‘အရှီ’ (Ashi) လို့ခေါ်ဆိုကာ အဓိပ္ပါယ်ကတော့ ‘အစားထိုးခြင်း’ ဖြစ်ပါတယ်။ ဒီနည်းလမ်းကို သူတိုတွေဟာ ရှေးဟောင်း တူရကီမျိုးနွယ်တွေဆီကနေ အမွေဆက်ခံခဲ့တာပါ။

ကာကွယ်ဆေးထိုးခြင်းဆိုတာ လူတစ်ယောက်ရဲ့ ခန္ဓာကိုယ်ထဲမှာရှိတဲ့ ရောဂါဖြစ်ပွားနိုင်တဲ့ ဇီဝရုပ်တွေကို အားနည်းသွားအောင် ဒါမှမဟုတ် ထိရောက်မှုမရှိအောင် လုပ်ဆောင်တဲ့ လုပ်ငန်းစဉ်ဖြစ်ပါတယ်။ ဒီလို ကာကွယ်ဆေးထိုးလိုက်ခြင်းအားဖြင့် ကိုယ်ခံစွမ်းအားစနစ်ကို အာကောင်းစေပြီး သက်ဆိုင်ရာ ရောဂါကို တိုက်ဖျက်ဖို့တွက် ပဋိပစ္စည်းတွေကို ထုတ်လုပ်ပေးပါတယ်။ ဒီနေ့မှာတော့ ကာကွယ်ဆေးသစ်တစ်မျိုး ပေါ်ထွက်လာဖို့ ၈ နှစ်ကနေ ၁၂ နှစ်လောက်သာ ကြာမြင့်တော့ပြီး အန္တရာယ်ကင်းကင်းနဲ့ ထိုးနှံနိုင်ဖို့ သေသေချာချာ စမ်းသပ်မှုတွေလည်း ပြုလုပ်နိုင်နေပါပြီ။

တာ့က်လူမျိုးတွေဟာ နွားကျောက်ရောဂါပေါက်နေတဲ့ ကျွဲနွားတွေရဲ့ ရင်အုံက နွားကျောက်ကို ယူပြီး ကလေးငယ်တွေကို ကာကွယ်ဆေးထိုးပေးရင် ကျောက်ကြီးရေဂါ မပေါက်ဘူးဆိုတာကို ရှာဖွေတွေ့ရှိခဲ့ပါတယ်။ ဒီလိုပုံစံ ကာကွယ်ဆေး၊ အခြားပုံစံ ကာကွယ်ဆေးတွေကို နာမည်ကျော် အင်္ဂလိပ် စာလွှာရေးသူဖြစ်ပြီး ၁၇၁၆ ကနေ ၁၇၁၈ ခုနှစ်ကြား အော်တိုမန်အင်ပါယာဆိုင်ရာ အင်္ဂလိပ် သံအမတ်ရဲ့ ဇနီး လေဒီ မွန်တာဂူ (Lady Montagu) က အင်္ဂလန်နိုင်ငံမှာ မိတ်ဆက်ပေးခဲ့တာပါ။ သူမဟာ တာ့က်လူမျိုးတွေရဲ့ ကာကွယ်ဆေးထိုးမှု နည်းလမ်းတွေကို ထိတွေ့ခဲ့ပြီး၊ သားဖြစ်သူ ကျောက်ကြီးရောဂါဖြစ်တဲ့အချိန် ကာကွယ်ဆေးထိုးဖို့ သံရုံးသမားတော် ချားလ်စ် မိတ်လန်း (Charles Maitland) ကို ခွင့်ပြုခဲ့ပြီးတဲ့နောက်မှာ ကျောက်ရောဂါ ကာကွယ်ဆေးနဲ့ ပတ်သက်လို့ စိတ်ဝင်စားခဲ့တာပါ။

အစ္စတန်ဘူလ်မှာရှိနေတဲ့အချိန် လေဒီ မွန်တာဂူဟာ အင်္ဂလန်ကို စာလွှာတော်တော်များများ ရေးသားပေးပို့ခဲ့ပြီး အဲဒီစာတွေထဲမှာ ကျောက်ရောဂါကာကွယ်ဆေး ထိုးနှံမှုအကြောင်းကို အသေးစိတ် ရေးသားခဲ့ပါတယ်။ အင်္ဂလန်ပြန်ရောက်တဲ့အခါမှာလည်း သူဟာ တူရကီတွေရဲ့ ကာကွယ်ဆေးထိုးမှု နည်းလမ်းတွေကို ပြန့်နှံ့အောင်လုပ်ခဲ့ပြီး ဆွေမျိုးတွေကို ကာကွယ်ဆေးထိုးပေးခဲ့ပါတယ်။ ဒီလို ကာကွယ်ဆေး စတင်ထိုးနှံပေးတဲ့အချိန်မှာ လေဒီ မွန်တာဂူဟာ ခရစ်ယာန်ဘုရားကျောင်း အာဏာပိုင်တွေသာမက သမားတော်တွေရဲ့ ပြင်းပြင်းထန်ထန် ဆန့်ကျင်မှုကို ခံခဲ့ရပါတယ်။ ဒါပေမယ့် သူမရဲ့ မဆုတ်မနစ် ကြိုးစားမှုကြောင့် ဒီ ကာကွယ်ဆေးထိုးမှု ဓလေ့ဟာ လျင်လျင်မြန်မြန်ပဲ ပြန့်နှံ့သွားခဲ့ပြီး အကြီးအကျယ် အောင်မြင်မှု ရရှိခဲ့ပါတယ်။

၁၇၂၄ ခုနှစ်မှာတေ့ အစ္စတန်ဘူလ်မှာ မွန်တာဂူရဲ့ မိသားစုဆရာဝန်ဖြစ်ခဲ့တဲ့ ဒေါက်တာ အီမန်နျူယဲလ် တီမိုနီ (Emmanuel Timoni) က ကာကွယ်ဆေးထိုးခြင်းနဲ့ပတ်သက်ပြီး သိပ္ပံနည်းကျကျ ရှင်းပြထားတဲ့ စာတမ်းတစ်စောင်ကို ယူကေ အမျိုးသား သိပ္ပံပညာရှင်များအဖွဲ့ (Royal Society) ကို တင်သွင်းခဲ့မှုက ဒီအခက်အခဲတွေကို ပြေလည်စေခဲ့ပါတယ်။ နောက်ပိုင်းမှာ ထရီပိုလီက သံအမတ် ကာဆမ် အဂ္ဂါ (Cassem Aga) က ထရီပိုလီ၊ တူနစ်နဲ့ အလ်ဂျီယားစ်တို့က ကာကွယ်ဆေးထိုးမှု၊ ဘေးအန္တရာယ်ကင်းရှင်းမှု မှတ်တမ်းတွေကို ထပ်မံပေးပို့ခဲ့ပါတယ်။ ဒါဟာ မွတ်စလင်နိုင်ငံတွေ ကာကွယ်ဆေးထိုးနှံမှုမှာ ကာလရှည် ဘေးအန္တရာယ်ကင်းရှင်းမှု ရှိခဲ့တယ်ဆိုတဲ့ မှတ်တမ်းနဲ့ပတ်သက်လို့ တန်ဖိုးဖြတ်မရတဲ့ အာမခံချက်လည်းဖြစ်ပါတယ်။ ဒီလို တင်သွင်းခဲ့မှုအတွက် ၁၇၂၉ ခုနှစ်မှာ အဂ္ဂါဟာ Royal Society ရဲ့ အဖွဲ့ဝင်အဖြစ် ရွေးချယ်ခြင်း ခံခဲ့ရပါတယ်။ အဲဒီနောက်ပိုင်းမှာ ကာကွယ်ဆေးထိုးမှုကို စတင်ခဲ့သူလို့ မှတ်ယူခံခဲ့ရတဲ့ အဒ်ဝပ် ဂျင်းနား (Edward Jenner) မတိုင်ခင် နှစ်ပေါင်း ၅၀၀ လောက်အရင်ကတည်းက ကာကွယ်ဆေးထိုးခြင်းကို အင်္ဂလန်နဲ့ ပြင်သစ်တို့မှာ ကျင့်သုံးခဲ့ကြတာပါ။

၁၇၉၆ ခုနှစ်မှာ ဂျင်းနားဟာ နွားနို့ညှစ်သမရဲ့ လက်က ပြတ်ရှဒဏ်ရာကနေ အသက် ၈ နှစ်အရွယ် ဂျိမ်းစ်ဖစ်ဆိုတဲ့ ကောင်လေး နွားကျောက်ရောဂါ ကူးစက်ခဲ့ပြီးနောက် နွားကျောက်ရောဂါဟာ ကျောက်ကြီးရောဂါကို ကာကွယ်နိုင်တယ်ဆိုတာ သိရှိခဲ့တယ်လို့ အဆိုရှိပါတယ်။

ကာကွယ်ဆေးစတင်ထိုးနှံမှု နှစ် ၂၅၀ ပြည့်အထိမ်းအမှတ် တူရကီမှ ထုတ်ဝေခဲ့သော တံဆိပ်ခေါင်း

၁၉၆၇ ခုနှစ်မှာ တူရကီဟာ ကျောက်ရောဂါ ကာကွယ်ဆေးထိုးမှု နှစ် ၂၅၀ မြောက် အခမ်းအနားကို ကျင်းပခဲ့ပြီး၊ ကျောက်ရာဂါ ကာကွယ်ဆေး ထိုးနှံနေတဲ့ပုံပါတဲ့ အမှတ်တရ တံဆိပ်ခေါင်းတစ်ခုကိုလည်း ထုတ်ဝေခဲ့ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်။

March 3, 2017