Category: M-Media Knowledge

အောက်တိုဘာ ၃၀ ၊၊ ၂၀၁၆
အေးထွန်း ရှာဖွေတင်ဆက်သည်။

နိုဘယ်လ်ဆုရှင်ဩစတေးလျှနိုင်ငံသား သတ္တဗေဒပညာရှင် Karlvon Frisch ဟာ ပျားတွေနဲ့ပတ်သတ်ပြီး အထူးမွေးမြူလေ့လာ ခဲ့သူဖြစ်ပါတယ်။

၁၉၂၃ခုနှစ်မှာ သူဟာ ပျားတွေရဲ့ အကနဲ့ပတ်သတ်ပြီး စာတမ်းတစ်စောင် ထုတ်ဝေခဲ့ပါတယ်။

ပျားတစ်ကောင်ဟာ ဝတ်ရည်ရှိရာနေရာကို တွေ့ပြီဆိုရင်သူ့အသိုက်ကိုပြန်လာပြီး အခြားပျားတွေကို ဝတ်ရည်ရှိရာ အရပ်ရဲ့ အကွာအဝေး (Distance) နဲ့ လားရာ (Direction) ကို ပြသဖို့အတွက် ကပြပါတယ်။

အကွာအဝေး (Distance) ကို ဖော်ပြရာမှာတော့ အကွာအဝေးပေါ်မူတည်ပြီး သူ့ရဲ့အကပုံစံ ကို ပြောင်းလဲကာ ၊ လားရာ (Direction) ကိုဖော်ပြချက်ကတော့ ပျားဟာ နေကို သံလိုက်အိမ်မြောင်သဖွယ်အသုံးချပြီး နေနဲ့ ဝတ်ရည်ရှိရာအရပ် ၂ခုကြား ထောင့် (Angle) ကိုညွှန်ပြပြီး ကပါတယ်။

၁) အကယ်၍ ဝတ်ရည်ရှိရာအကွာအဝေးသည် ၂၅မီတာဝန်းကျင်ထိဆိုလျှင် ပျားဟာ Circular Dance လို့ခေါ်တဲ့ အကကို သူ့သူငယ်ချင်းတွေဆီမှာ ကပြပါတယ်။

၂) အကယ်၍ ဝတ်ရည်ရှိရာနေရာ အကွာအဝေးသည် ၂၅ မီတာအထက်မှ မီတာ ၁၀၀ ဝန်းကျင်ထိဆိုလျှင် ပျားဟာ Waggle Dance လို့ခေါ်တဲ့ အကကို ပြောင်းကပါတယ်။ မြန်မြန်ပါ။

၃) အကယ်၍ ဝတ်ရည်ရှိရာ နေရာအကွာအဝေးသည်မီတာ၁၀၀ အထက်မှ မီတာ ၂၀၀ဝန်းကျင်ထိဆိုလျှင် Waggle Dance ကိုပဲ ကပါတယ်။ ဒါပေမဲ့ နှေးနှေးပါ။

အကွာအဝေးကိုတော့ဟုတ်ပါပြီ၊

ဦးတည်ရာက ဘယ်ဘက်လဲဆိုတာကို ပြသနိုင်ဖို့အတွက် အဲဒီပျားဟာ နေကို သံလိုက်အိမ်မြှောင်သဖွယ် အသုံးပြုပါတယ်။

နေရှိရာနေရာနဲ့ ဝတ်ရည်ရှိရာ နေရာ ကြား ထောင့် (Angle) ကို တွက်ချက်ပြီး အခြားပျားတွေသိရှိအောင် ကပြခြင်း ဖြစ်ပါတယ်။

နောက်ဆုံးမှာတော့ ကျန်တဲ့ပျားတွေဟာ ဝတ်ရည်ရှိရာအကွာအဝေးနဲ့ လားရာကို သိသွားပြီဖြစ်တဲ့အတွက် အားလုံးတူတူ ဝတ်ရည်ရှိရာသို့ ထွက်လာကြခြင်းဖြစ်ပါတယ်။

(Microsoft Encarta Premium 2009 , Honey Bee Dances Interactivity )

အောက်တိုဘာ ၂၁ ၊၊ ၂၀၁၆
အေးထွန်း ရှာဖွေတင်ဆက်သည်။

လူသားသိပ္ပံပညာရှင်တွေ နေစွမ်းအင်သုံး လေယာဉ်တွေဖြစ်တည်လာဖို့ ကြိုးပမ်းမူ အရာထင်ခဲ့တာ မနေ့တစ်နေ့ကမှပေါ့။

ဒါပေမဲ့ သဘာဝမှာနေစွမ်းအင်သုံး ပျံသန်းသူတွေရှိခဲ့တာ ကြာပေါ့။

ပါးဆုပ်ပနကောင် (Hornet)  နေရောင်ပြင်းလာလေ၊ ဒီကောင်တွေရဲ့လှုပ်ရှားနိုင်မူအရှိန် မြင့်လာလေပဲ။ ဘာကြောင့်လဲဆိုပြီး Tel Aviv University က သိပ္ပံပညာရှင်တွေ စူးစမ်းမူပြုလုပ်ကြတယ်။တွေ့လိုက်ရတာက နေစွမ်းအင်သုံး ယန္တရား။

ဟုတ်တယ်။ ဒီကောင်လေးတွေက နေရဲ့ ခရမ်းလွန်ရောင်ခြည်ကို လျှပ်စစ်စွမ်းအင်အဖြစ် ကူးပြောင်းနေတယ်။

သူတို့မှာပါဝင်တဲ့ သေးငယ်တဲ့ အညိုရင့်ရောင် အစင်းတွေထဲက မြောင်းတွေ၊ အဝါရောင်အစင်းတွေထဲက အပေါက်ငယ်လေးတွေ နဲ့ ရောင်ခြယ်ဆဲလ်တွေကို သုံးပြီးပေါ့။  အလင်းဖမ်းချုပ်နှုန်းကောင်းမွန်တဲ့အပေါ်လွှာ မျက်နှာပြင်တည်ဆောက်မူနဲ့ အတူပေါ့။

( Research Frontiers in Bioinspired Energy : Molecular-Level Learning from Natural Systems: A Workshop , SOLAR ENERGY HARVESTING IN THE EPICUTICLE OF THE ORIENTAL HORNET Pg. 19-22)

ဒီပညာရှင်အဖွဲ့ဒီအကောင်တွေရဲ့ ခန္ဓာကိုယ်မှာပါဝင်တဲ့ နေစွမ်းအင် စုဆောင်းမူစွမ်းရည်ကို ပုံတူကူးဖို့ကြိုးစားခဲ့တယ်။ ဒါပေမဲ့ လိုက်မမှီနိုင်သေးဘူး။ အနာဂတ်မှာ အောင်မြင်လာဖို့ အစီအစဉ်ချမှတ်ထားတယ်။

ပြင်းလှတဲ့နေရောင်ကို သုံးပြီး စွမ်းအင်သိုမှီးနိုင်တာကတော့ ဟုတ်ပါပြီ။ ဒါပေမဲ့ တစ်ပါတည်းပါလာတဲ့ အပူစွမ်းအင်ကကော ဒီကောင်တွေရဲ့ ခန္ဓာကိုယ်ကို အပူမတိုက်ပစ်လိုက်ဘူးလား။ ဟင့်အင်း။

Tel Aviv’s School of Physics and Astronomy က စီနီယာစာရေးဆရာ ပရောဖက်ဆာ David Bergman က ပြောတယ်။

“သူတို့တွေမှာ ခန္ဓာကိုယ်ကို အေးမျှစေမဲ့ အပူထုတ်စနစ် (Heat Pump System) ကောင်းကောင်း တစ်ခါထဲပါဝင်ပြီးသား။ ဒါက လုပ်ဖို့မလွယ်တဲ့အရာ ” တဲ့။

(Is the Hornet Our Key to Renewable Energy? Sciencedaily.com )

သြဂုတ် ၁၄၊ ၂၀၁၆
အေးထွန်း ရှာဖွေတင်ဆက်သည်။

တကယ်လို့ ကိုယ့်ဆရာအနေနဲ့ မှတ်သားရာရှုခင်းကင်းမဲ့တဲ့ လွင်တီးခေါင်ပြင် သဲကန္တာရအလယ်မှာ ကိုယ့်ဆရာ နေထိုင်ရာအိမ်ကနေ ထွက်လာပြီး ဟိုသွားဒီသွားနဲ့ နောက်ဆုံး ၂၁မိုင် အဝေးကို ရောက်လာပြီဆိုရင် ကိုယ့်ဆရာ နေအိမ်ကို ကိုယ့်ဆရာ ပြန်တတ်ပါ့မလား၊
ထားလိုက်ပါ၊ ကိုယ့်ဆရာ ပြန်တတ်ပါတယ်လို့ ကျွန်တော်ယုံကြည်ပေးလိုက်ပါမယ်၊
.
ဒါပေမဲ့ နောက်မေးခွန်းတစ်ခုဖြစ်တဲ့ ကိုယ့်ဆရာနေအိမ်ကို ၂၁မိုင် အကွာအဝေးကနေ မျဉ်းဖြောင့်ပုံစံအတိုင်း တစ်ချက်မှမတိမ်းစောင်းပဲ တန်းပြီးပြန်တတ်ပါ့မလား၊
.
ဟင့်အင်း၊ ကိုယ့်ဆရာမပြန်တတ်ပါဘူး။ ကျွန်တော်လဲ မပြန်တတ်ပါဘူး၊ သူ၊ သူမ တို့တွေလဲ ပြန်တတ်မှာမဟုတ်ပါဘူး။
.
ဒါပေမဲ့ ကိုယ့်ဆရာသိလား၊ တူနီးရှား သဲကန္တာရက ပုရွက်ဆိတ်မဲတွေကတော့ ပြန်တတ်တယ်ဗျာ။
.
သဲမြေအပူချိန် ၁၅၈ဒီဂရီဖာရင်ဟိုက်ထိ မြင့်တက်နေတဲ့အချိန်မှာ ဒီပုရွက်ဆိတ်တွေဟာ အသိုက်ကထွက်လာပြီး အစာရှာတယ်ခင်ဗျ၊ သူ့အသိုက်ကနေ ဟိုသွားလိုက်၊ ဒီသွားလိုက် ( Zig-Zag ) ပုံစံ နဲ့ ပေ၆၅၀ အကွာထိရောက်တယ်။
.
သွားလိုက်၊ တစ်ချက်ရပ်ပြီး နောက်တစ်ချက်ကြည့်လိုက်၊ သွားလိုက်နဲ့။
.
ကိုယ့်ဆရာရဲ့ လက်မအရွက်အစားလောက်တောင် မရှိတဲ့ ဒီပုရွက်ဆိတ်ရဲ့ ခရီးဟာ ကိုယ့်ဆရာရဲ့အရွယ်အစားနဲ့ နှိုင်းယှဉ်မယ်ဆိုရင် ဒါဟာ ၂၁မိုင်ကနေ ၂၄မိုင်ထိရှိတယ်ခင်ဗျ။
.
ဒါပေမဲ့ ဒီပုရွက်ဆိတ်ဟာ အစာရရှိပြီးလို့ သူအိမ်ပြန်တော့မယ်ဆိုရင် သူဘယ်လို Zig-Zag ပုံစံနဲ့ အိမ်ကနေထွက်လာလာ အိမ်ပြန်တဲ့အခါမှာတော့ မျဉ်းဖြောင့်အတိုင်း မတိမ်းမစောင်းပြန်သွားတာခင်ဗျ။
( Secrets of Animal Navigation, by Michael E. Long , National Geographic)
.
ဒါဆိုရင် သူဘာကြောင့် ဒီလို အိမ်ကိုမျဉ်းဖြောင့်သဏ္ဍာန် ပြန်သွားနိုင်ရတာလဲ။ ဒီလိုမပြန်နိုင်လို့ မဖြစ်ဘူး ကိုယ့်ဆရာ၊ သူဒီလိုသာ အတိုဆုံးလမ်းကြောင်းဖြစ်တဲ့ မျဉ်းဖြောင့်ပုံစံ မပြန်နိုင်ဘူး ဆိုရင် ပြင်းထန်တဲ့ သဲအပူချိန်ဟာ သူ့ကိုသင်္ဂြိုလ်လိုက်ပြီးသား ဖြစ်သွားမှာပေါ့။
ဘာကြောင့်လဲ၊ ဘာကြောင့်လဲ၊ ဘာကြောင့်လဲ၊ ????
.
ကျွန်တော်တို့အတွက် ဒီအဖြေကို စမ်းသပ်စစ်ဆေးခဲ့သူ၊ တွေ့ရှိခဲ့သူ က University of Zurich က ဇီဝဗေဒပညာရှင် Rudiger Wehner ပါ။
.
ဒီကောင်တွေဟာ နေရှိရာနေရာနဲ့ သူတို့အသိုက်ကြား သင်္ချာဆိုင်ရာ ထောင့်တွက်ချက် မူကို ပြုလုပ်နိုင်တယ်။
.
သူတို့ဟာ နေရဲ့ တည်နေရာကို ကောင်းစွာပြသတဲ့ (နေကိုထောင့်မှန်ကျနေတဲ့ ) သန့်အလင်းတန်း (Polarized light) ကို မြင်နေရတယ်။

ကျွန်တော်တို့ လူသားတွေ မမြင်နိုင်တဲ့ အလင်းတန်းပေါ့။

ဇီဝဗေဒပညာရှင် Rudiger Wehner က ပြောတယ်။ ဒီပုရွက်ဆိတ်ရဲ့ မျက်လုံးမှာ သန့်အလင်းတန်းကို မြင်နိုင်စေဖို့ မှန်ဘီလူးပေါင်း ၈၀ ပါဝင်သတဲ့။

ဒီအလင်းတန်းတွေဟာ သူ့အတွက်တော့ သံလိုက်အိမ်မြှောင်တစ်ခုပါပဲ၊

ကျွန်တော့် ဖာသာ မေးမေးမိနေတာကတော့ ပြင်းထန်လှတဲ့အပူချိန်မှာ အိမ်အမြန်ပြန်ရောက်နိုင်မဲ့ လမ်းကြောင်းကို မတွက်ထုတ်နိုင်ရင် သေသွားမဲ့ ၀.၁ မီလီဂရမ်အလေးချိန် ဦးနှောက်လေးနဲ့ ဒီပုရွက်ဆိတ်အတွက် ဒီလိုစွမ်းရည်နဲ့ ဒီဇိုင်းဟာ ဘာကြောင့်ပါဝင်တည်ရှိနေရတာလဲလို့။