Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

အဖေ သူပုန်နှင့် အနာဂတ် မွတ်စလင်မ်တော်လှန်ရေး

အောက်တိုဘာ ၁၃၊ ၂၀၁၃
M-Media
ဇွဲတေဇာ

အခုချိန် ကုလားဆန့် ကျင်ရေး ရေရှိန်မြင့်လာနေတော့ ပြောသင့်မပြောသင့်မသိပါ။ သို့ သော် ပြောချင်၍ပြောပါမည်။ ကျနော့အဖေသည် သူပုန်တစ်ယောက်ဖြစ်သည်။ ၈၈ အရေးအခင်းအတွင်း ကျနော်တို့ မြို့တွင် ရှေ့တန်းကပါဝင်ခဲ့ရာ စစ်တပ် အာဏာသိမ်းသည့်အခါ တောခိုသည်။ ရှင်းရှင်းပဲ ပြောပါမည်။ တောခို၍ လက်နက်ကိုင် တပ်ဖွဲ့သို့ ရောက်သဖြင့် သူပုန်ဖြစ်သည်ပေါ့။

သူပုန်ထက် တော်လှန်ရေးသမားဟု ခေါ်ချင်သည်။ သို့ သော် ထွက်ပြေးတဲ့လူဟု သတ်မှတ်ကြသည့်အတွက် အဖေ့ကို သူပုန်ဟုသာခေါ်တော့မည်။ ၀မ်းနည်းစရာမရှိပါ။

၈၈ အရေးအခင်း ဖြစ်တုန်းက ကျနော့်အသက် ၁၀-နှစ်မပြည့်သေး။ အရေးအခင်းပြီးပြီးချင်း အဖေ တောခိုစ ဘယ်ရောက် ဘယ်ပေါက်ဆိုတာ မသိရခင် ရပ်ကွက်ထဲက မိတ်ရင်းဆွေရင်းဆိုသူ မွတ်စလင်မ် အဒေါ်ကြီးက ခုလိုပြောသည်။ “နင့်အဖေ ပြေးပြီမလား၊ ကောင်းတယ်လေ ဒီမိုကရေစီလို ချင်အုံး”။ လုပ်ကြံမပြောပါ။ ကုရ်အာန် ကိုင်ပြီး ကျိန်ရဲသည်။

အဲ့ဒီ မွတ်စလင်မ်အဒေါ်ကြီးရဲ့ စကား နှစ်ပေါင်း အစိပ်ကျော်လည်း မှတ်မိနေဆဲပါ။ နံနက်ခင်း ပလီ ကျောင်းအဆင်း သူ့ အိမ်တောင်ဖက်လမ်းကြားမှဖြတ်ပြန်စဉ် အုတ်ခုံပေါ်တွင်ထိုင်နေရင်းကမှ လှမ်းပြောခြင်းဖြစ်သည်။

ကျနော်က ဒီအတိုင်း အိမ်မပြန်ခဲ့ပါ။ သူ့ ပန်းခြံထဲက ပန်းပင်များကိုဖျက်ဆီးပစ်သည်။ မွတ်စလင်မ်တွေကိုနှိမ်တာ လုံးဝမခံနိုင်တဲ့အဖေ၊ ကျောင်းမှာတော်ပေမဲ့ ကျောင်းပြီး တော့ ကုလားဖြစ်လို့ ဆိုပြီး အလုပ်မရတဲ့ အဖေ့အကြောင်း နောက်မှသိရပေမဲ့ အဖေနိုင်ငံရေးလုပ်တာ ငယ်ငယ် ကတည်းက ကျနော်အားပေးတဲ့အတွက် အဖေကို ပြေးပြီ မလားလို့ ပြောတာ လက်ပိုက်ကြည့် မနေခဲ့ပါ။ အဖေ့သွေးလောက် ကျနော့်သွေးလည်း ရဲသည်။

အဖေပြေးတော့ ရပ်ကွက်ရုံးကြော်ညာဘုတ်မှာ စာကပ်သည်။ အဖေ့ကို ကုလားဆိုး ဆိုပြီး။ ဒီမိုကရေစီလုပ်ချင်းတူတူ မွတ်စလင်မ်မဟုတ်သူများပြေးတော့ ဦးဘယ်သူ ကိုဘယ်သူဟုသာ စာကပ်ပြီး အဖေ့ကျမှ ကုလားဆိုးဟု ကင်ပွန်းတပ်သည်။ ရပ်ကွက်လူကြီးများ ကုလားကိုအလေး မထားခြင်းမှာ မဆန်းပါ။ ဆိုးသည်မှာ ခုနက မွတ်စလင်မ် အဒေါ်ကြီး။ အဖေနိုင်ငံရေးလုပ်ရသည့် ရည်ရွယ်ချက်မှာ အာဏာရှင်စနစ်အောက်မှလွတ်မြောက်ဖို့ ၊ မွတ်စလင်မ်များ အနှိမ်ခံရသည့်ဘ၀၊ ဖိနှိပ်ခံရသည့် ဘ၀မှ လွတ်မြောက်ပြီး တန်းတူအခွင့်အရေးရဖို့ ။

ဒီလိုလူမျိုးကို အားပေးရမည့်အစား၊ ဒီလိုလူမျိုးမရှိပါက မွေးထုတ်ရမည့်အစား၊ ဒီလိုနိုင်ငံရေးသမား ထောင်ကျလျှင် သူနိုင်ငံရေးအလုပ်ဆက်လုပ်နိုင်ရန်၊ တခြားနိုင်ငံရေး သမားများလည်း မိသားစု နောက်ဆန်မတင်းပဲ တိုင်းပြည်အရေး မွတ်စလင်မ်အရေး ဆက်လုပ်နိုင်ရန် သူ့ မိသားစုကို တာဝန်ယူပေးရမည့်အစား၊ အဖေနိုင်ငံရေး လုပ်သည် ကို အပစ်ပုံချသည်။ ပြေးပြီမလား ဒီမိုကရေစီ ရချင်အုံးဟု ဆိုသည်။

အဖေပြေးတော့ စာနာသူများရှိသည်။ သို့ သော် အဖေထွက်ပြေးရကောင်းမလား၊ သူများတွေ အလင်းဝင်လာနေလျက် အဖေ အလင်းပြန်ဝင်မလာရကောင်းလားဆိုပြီး တာဝန်မဲ့သူတဦးအဖြစ်၊ အလုပ် လက်ကြောမတင်းတဲ့လူအဖြစ် အပစ်တင်ကြသည်။ ကလေးများအတွက် ဂရုဏာဒေါကြောင့် လည်းဖြစ်ပေလိမ့်မည်။ သို့ သော် ပြည်သူလူထု၏ အခြေအနေ၊ မွတ်စလင်မ်လူထု၏ အခြေအနေ သည် နိုင်ငံရေးအပေါ်မူတည်ပြီး အခွင့်အရေးများကို နိုင်ငံရေးအရ တိုက်ယူရမည်ဟု နားလည်ကြပုံ မပေါ်။ နိုင်ငံရေးကို အလုပ်လက်ကြောမတင်းသည့်လူများအလုပ်ဟုသာ ထင်ကြသည်။

ဤသို့ သော အမြင်များသည် မြန်မာမွတ်စလင်မ်အများစု၏ အမြင်ဖြစ်တော့သည်။ တလောကပင် မွတ်စလင်မ်အဖွဲ့ ကြီးတစ်ဖွဲ့ မှ မွတ်စလင်မ်များအား နိုင်ငံရေး ၀င်မလုပ်ရန် တားမြစ်စာထုတ်သည့် အနေအထားသို့ပါရောက်တော့သည်။

ထိုသို့ သော အမြင်ကျဉ်းမြောင်းမှုရလဒ်ကြောင့် ၈၈ မှစ၍ ယခု ၂၅ နှစ်အတွင်း မွတ်စလင်မ် အသိုင်းအ၀ိုင်းထဲတွင် အထင်ကရ နိုင်ငံရေးသမားမရှိတော့။ ၈၈-ကျောင်းသား ခေါင်းဆောင်အချို့နှင့် ၉၀ နောက်ပိုင်းမျိုးဆက် လက်တဆုတ်စာသာရှိသည်။ မွတ်စလင်မ်များအား မီးကုန်ယမ်းကုန် တိုက်ခိုက်နေသည့် ယခုလို အချိန်အခါတွင်တောင် နိုင်ငံရေးအရ အခွင့်အရေးတောင်းဆိုရန် အင်အားကောင်းသည့် နိုင်ငံရေးအဖွဲ့ ၊ နိုင်ငံရေးအခြေခံ၊ နိုင်ငံရေးသမားမရှိ။ မရှိရခြင်း၏ အဓိက တရားခံများမှာ ယခင် မွတ်စလင်မ်လူကြီးများ (သို့ ) ယခင်မွတ်စလင်မ်မျိုးဆက်ဖြစ်သည်။ ကိုယ်တိုင်လည်း နိုင်ငံရေးလုပ်ရကောင်းမှန်းမသိ၊ နိုင်ငံရေးလုပ်သူကို အားပေးအားမြောက်ပြုရမှန်းမသိသည့် အပြင် နိုင်ငံရေးကြောင့် တောခိုရသူကိုပင် ကဲ့ရဲ့ ဝေဖန်ကြသည်။ အဖေမကောင်းကြောင်း ခနခနကြားရသဖြင့် အဖေနိုင်ငံရေး သမား သူပုန်လုပ်ပေမဲ့ အဖေ့သား အဖေ့သမီး တစ်ယောက်မှ နိုင်ငံရေးထဲမရောက်တော့။ ဗိုလ်ချုပ်သမီး ဒီမိုကရေစီခေါင်းဆောင်ဖြစ်ပေမဲ့ အဖေသူပုန်ရဲ့သား သမီးများ နိုင်ငံရေးစိတ်မ၀င်စား။ ခေါင်းဆောင်ဖြစ်ဖို့  ဝေးစွ (ဗိုလ်ချုပ်သမီးနှင့် မနှိုင်းယဉ်လိုပါ၊ သို့ သော် ဥပမာကောင်းတခုဖြစ်သည့်အတွက် တင်ပြခြင်းဖြစ်သည်။ မြန်မာပြည်နိုင်ငံရေး အသိုင်းအ၀ိုင်းနှင့် ကမ္ဘာ့နိုင်ငံရေးအခင်းအကျင်းများလေ့လာလျှင် အဖေခြေယာ အမေခြေယာ ဆက် ဆံသော နိုင်ငံရေးခေါင်းဆောင်များ၊ အတိုက်အခံခေါင်းဆောင်များကို တွေ့ ရပါလိမ့်မည်)။

နယ်စပ်တွင်အလုပ်ရစဉ်က ပြန်စဉ်းစားမိလာသည်။ သူများတကာ ဆန္ဒပြသည်။ ထောင်ကျခံ သည်။ နိုင်ငံရေးလုပ်သည်။ ထောက်လှမ်းရေးလိုက်သဖြင့် နယ်စပ်သို့ ထွက်ပြေးသည်။ အချို့ လည်း စီးပွားပျက်ခံပြီး နိုင်ငံရေးလုပ်သည်။ နိုင်ငံခြားအဖွဲ့ များနှင့် ဆက်သွယ်သည်၊ သတင်းပို့ သည်။ အ ခန့် မသင့် သဖြင့် ထောင်ကျသည်။ အချို့ ကံကောင်း၍ လွတ်မြောက်နယ်မြေရောက်ကြသည်။ ထိုထွက်ပြေးသူများ ထောင်ကျသူများကို သူတို့ အသိုင်းအ၀ိုင်းက လေးစားကြသည်။ မိသားစုကို တာဝန်ယူ ပေးကြသည်။ သူ့ ငါကြည့် ငါ့သူကြည့် ဖေးမပြီး စစ်အာဏာရှင်စနစ်ကို တိုက်ကြောင်း ဒုက္ခသည်စခန်းရောက် နိုင်ငံရေးအကျဉ်းသားမိသားစု အသိုင်းအ၀ိုင်းဆီမှ သိခွင့်ရသည်။

ကျနော်တို့ မွတ်စလင်မ်တွေမှာသာ နိုင်ငံရေးသမားများကို လေးစားဖို့ အနေသာ၊ အားပေးဖို့ အနေသာ၊ ပြုစုပျိုးထောင်ဖို့ အနေသာ၊ ဖေးမဖို့ အနေသာ၊ ကဲ့သာရဲ့ကြ သည်။ မကဲ့ရဲ့တောင် မမြင်ချင်ဟန် ဆောင်ကြသည်။ စွန့် လွတ်သည့်လူ၊ အနစ်နာခံသည့်လူကို အလေးမထားသဖြင့်၊ ကိုယ်ကျိုးစွန့် လွတ်ကာ နိုင်ငံရေးတိုက်ပွဲဝင်မည့် လူလည်းမရှိတော့။ သတ္ထိလည်းမရှိတော့။ နမူနာယူစရာလည်း မရှိ၊ အားကျစရာလည်းမရှိ၊ အသိုင်းအ၀ိုင်းလည်းမရှိ။

ထိုစိတ်ဓာတ်၏ ရလဒ်မှာ ယခုကဲ့သို့ မွတ်စလင်မ်မုန်းတီးရေး အရှိန်မြင့်လာသောအခါ ဘာလုပ်ရ မှန်းမသိဖြစ်နေခြင်းပင်။ သူများကဲ့သို့  တကိုယ်တော် ဆန္ဒပြမည့် လူတောင် တယောက်မှမတွေ့ ရသေး။ သူများတကာ လမ်းလျှောက်၊ ချီတက်ဆန္ဒပြ၊ အစာငတ်ခံ၊ ထုတ်ဖော်စသဖြင့် နိုင်ငံရေး လမ်းကြောင်းအရ မွတ်စလင်မ်များမှာ မလုပ်ကြ၊ မလုပ်ရဲ။ လုပ်၍ တစုံတခုဖြစ်ရင်လည်း နောက်က လိုက်မည့်လူရှိမရှိ မသေချာ။ ပလီမီးရှိ့ မှာမလို့  ဖယ်ပေးလိုက်ပါဆိုတဲ့ မွတ်စလင်မ်လူကြီးဆို သူတွေကြောင့် ငါလိုလူ ဆန္ဒပြလို့  ဆွဲခံထိရင် နည်းတောင်နည်းသေးတယ်ဟု ဆဲလေမလားဟု ထင်မိသည်။

သို့ သော် မွတ်စလင်မ်များ စော်ကား မတရားခံနေရသည်ကို သည်းမခံနိုင်တော့သည့် မွတ်စလင်မ်လူငယ်ထုတစ်ရပ်ကို ယခု မွတ်စလင်မ်ဆန့် ကျင်ရေး လှုပ်ရှားမှုက မွေးထုတ်ပေးလျက်ရှိကြောင်း မြင်နေရသည်။ လုပ်ရပ်တိုင်းတွင် တန်ပြန်အကျိုးသက်ရောက်မှုရှိသည့်အတွက် နှစ်ပေါင်းများစွာ မိန်းနေသည့် မွတ်စလင်မ် လူငယ်များ မွတ်စလင်မ် ဆန့်ကျင်ရေးကြောင့် ပြန်နိုးထလာနေသည်ကို တွေ့ နေရသည်။ မွတ်စလင်မ်လူကြီးများ အားမပေးခဲ့၊ ပျက်ကွက်ခဲ့သော်လည်း လူငယ်များသည် လက်တွေ့ကို မြင်လာနေပြီဖြစ်သည်။ တော်လှန်ရေးအင်အားစု၊ နိုင်ငံရေး အင်အားစု မရှိသဖြင့် ဤမျှခံနေရသည့် မွတ်စလင်မ်လူထုအတွက် အမြင်ချို့ခဲ့သည့် လူကြီးများ၏ အမှားကို ချေပဖို့  တော်လှန်မည့် လူငယ်များရှိလာနေပြီဖြစ်သည်။ လက်နက်ကိုင်သည့် တော်လှန်ရေးမဟုတ်ပဲ မတရားမှုကို နိုင်ငံရေးအရ တော်လှန်မည့် တော်လှန်ရေးဖြစ်သည်။ တရားမျှတရေးအတွက် နိုင်ငံရေးတိုက်ပွဲဖြစ်သည်။

“ပြေးပြီမလား၊ ကောင်းတယ်လေ ဒီမိုကရေစီလို ချင်အုံး” ဟု နောက်တခါ မပြောမိပါစေနှင့်။

* ဆောင်းပါးရှင်၏ အာဘော်သာဖြစ်ပါသည်။

October 13, 2013
ထူးချွန်မြန်မာကျောင်းသားများအတွက် အမေရိကန်တက္ကသိုလ် University of Vermont မှပေးအပ်မည့် ပညာသင်ထောက်ပံ့ကြေးအမေရိကန်ဒေါ်လာ ၁ဝ,ဝဝဝ စတင်လျှောက်ထားနိုင်

အောက်တိုဘာ ၁၃၊ ၂၀၁၃
M-Media
ဆူးထက်

ဓါတ်ပုံအညွန်း – crowneducation

ရန်ကုန် ။ ။ အမေရိကန်တက္ကသိုလ်များမှ မြန်မာကျောင်းသားများအား ပညာသင်ထောက် ပံ့ကြေးများပိုမိုပေးအပ်လျက် ရှိရာ ထူးချွန်သည့်(၁ဝ)တန်းအောင် (သို့) IGCSE အောင်မြင်သူများ အတွက် University of Vermont မှ Scholarship US$ 10,000 အထိပေးအပ် မည်ဖြစ်ကြောင်း၊ CROWN Education တာဝန်ရှိသူတစ်ဦးမှ ပြောကြားလိုက်သည်။

အဆိုပါ Scholarship 10,000 အတွက်သီးသန့်လျှောက်ထားရန်မလိုအပ်ပဲ(၁ဝ)တန်း(သို့) IGCSE အမှတ်နှင့် အင်တာဗျူးဖြေဆိုမှုကိုဆုံးဖြတ် ၍ ချီးမြင့်မည် ဖြစ်ကြောင်း၊University of Vermont သို့ဝင်ခွင့်ရပါက ကျန်စာသင်နှစ်များတွင်သတ်မှတ်အရည်အချင်းပြည့်မှီသူများအနေဖြင့် ထပ်မံ၍ ပညာသင် ထောက်ပံ့ကြေးများ ရရှိနိုင်ကြောင်းသိရသည်။

University of Vermont ကို ၁၇၉၁ တွင်တည်ထောင်ခဲ့ပြီး အမေရိကန်အစိုး ရမှရန်ပုံငွေထောက်ပံ့မှုရရှိထား သော တက္ကသိုလ်ဖြစ်သည်။ အမေရိကန် ပြည်ထောင်စု ၏ အရှေ့မြောက်ပိုင်း၊ဘေးကင်းလုံခြုံမှု အရှိဆုံးVermont ပြည်နယ်တွင်တည်ရှိသည်။ ဘွဲ့ကြိုဘာသာရပ်ပေါင်း ၁ဝဝ ကျော်၊ ဘွဲ့လွန် ၄၈ ခု နှင့် ပါရဂူဘွဲ့ ၂၁ ခု ပို့ချပေးကာ ကျောင်းသားကျောင်းသူပေါင်း ၂ဝဝဝဝ ကျော်သင်ယူနေပါသည်။ Alumni (ကျောင်းသူကျောင်းသားဟောင်းပေါင်း) ၉ဝဝဝဝ ကျော် ရှိပြီး ဆေးပညာ နှင့် ငြိမ်းချမ်းရေး နိုဘယ်ဆုရ ပုဂ္ဂိုလ်များပေါ် ထွက်သည့်ကျောင်းဖြစ်သည်။ US News and World Report အရ အမေရိကန် ထိပ်တန်းတက္ကသိုလ် အဆင့်(၉၂)ဖြစ်ကြောင်း သိရသည်။

၁ဝ-တန်းအောင်(သို့)IGCSE အောင်မြင်သူများအနေဖြင့် SAT ရမှတ်မလိုပဲ အမေရိကန်တက္ကသိုလ် ပထမနှစ်နှင့်ညီမျှသော Global Gateway Program ကိုလျှောက်ထားနိုင်ပါသည်။ အဆိုပါ Global Gateway Program သည် နိုင်ငံတကာကျောင်းသားကျောင်းသူများအတွက် ဝင်ခွင့်ခေါ်ယူခြင်းဖြစ်ပြီး အမေရိကန်တက္ကသိုလ် ပညာရေးစနစ်တွင်လိုအပ်မည့် Academic Skills များကိုသင်ကြားပေးမည် ဖြစ်ကြောင်း သိရသည်။

(၁ဝ)တန်းအောင်(သို့) IGCSE ကျောင်းသားများအနေဖြင့်ရွေးချယ် သင်ယူနိုင်သော ဘာသာရပ် နယ်ပယ်များ- Agriculture & Life Sciences၊ Arts & Sciences ၊ Business Administration၊ Education & Social Services၊ Engineering & Mathematical Sciences၊ Environment & Natural Resources၊ Nursing & Health Sciences တို့ဖြစ်သည်။

ဝင်ခွင့်ဆိုင်ရာ အင်္ဂလိပ်စာအရည်အချင်း IELTS 6.0 ရှိရန်လိုအပ်ပြီး Global Gateway Program မှာ(၈)လ ကြာမြင့်မည်ဖြစ်ကာ၊ ပြီး မြောက်ပါ က ဒီဂရီဒုတိ ယနှစ်ပရိုဂရမ်တွင် မိမိနှစ်သက်ရာမေဂျာများကို ရွေးချယ် တက်ရောက်နိုင်သည်။ ကျောင်းဝင်ခွင့်လမှာဇန်နဝါရီနှင့်သြဂုတ်လတို့ဖြစ်ပြီး တစ်နှစ်စာ ကျောင်းလခ အမေရိကန်ဒေါ်လာ ၃၄,၆ဝဝ ခန့်နှင့် နေထိုင်စားသောက် စားရိတ် ဒေါ်လာ ၁ဝ,ဝဝဝ ကျော်ခန့်ကုန်ကျမည်ဖြစ်သည်။

ကျောင်းလျှောက်ထားခြင်းနှင့်အသေးစိတ်သိရှိလိုသူများ အနေဖြင့် CROWN Education အမှတ် ၂၇ဝ၊ ပထမထပ်၊အခန်း(1 B)ပြည်လမ်း ၊ မြေနီကုန်း ၊ ဖုန်းနံပါတ်– ဝ၉ ၇၃၂ ၇၃၂ ၇၇ နှင့် ဝ၁ ၅၂၇ ၈၃၈ တို့သို့ဆက်သွယ် မေးမြန်းနိုင်ကြောင်း သိရသည်။

October 13, 2013
ဟမ္မူရာဘီထက် လက်စောင်းထက်သော မြန်မာပြည်မှ ပုဂ္ဂိုလ်များ

အောက်တိုဘာ ၁၂၊ ၂၀၁၃
M-Media
ဆောင်းပါးရှင် – ဝေယံ

HAMMURABI CODE

ရှေးနှစ်ပေါင်း (၃၅၀၀) ကျော်ခန့်က ဘေဘီလုံဘုရင် ဟမ္မူရာဘီ၏ ကိုဓဥပဒေ အကြောင်းကို သမိုင်းတွင် ဖတ်ဖူးကြပေမည်။ လူသားသမိုင်းတွင် ပထမဦးဆုံး ရေးဆွဲ ခဲ့သော အဆိုပါဥပဒေတွင် မျက်လုံးတစ်လုံး အစား မျက်လုံးတစ်လုံး အလျော်ပေးရမည်။သွားတစ်ချောင်းအစား သွားတစ်ချောင် အလျော်ပေးရမည်ဟု ပြဌာန်းခဲ့သည်။ (eye for eye , tooth for tooth) အကြမ်းမဖက် မူဝါဒအား အကောင်အထည်ဖေါ်ဆောင်ရွက်ခဲ့သော အိန္ဒိယ နိုင်ငံ၏ ငြိမ်းချမ်းရေးခေါင်းဆောင်ကြီး မဟတ္တမဂန္ဒီ မှ အကယ်၍ မျက်လုံးတစ်လုံး အစား မျက်လုံးတစ်လုံး အလျော် ပေးနေရပါက ကမ္ဘာပေါ်ရှိ လူသားတိုင်းမျက်လုံးတစ်လုံးဘဲ ကျန်ရှိနေမည်ဟု သတိပေး ဟောပြောခဲ့ဖူး သည်။
လူ့သမိုင်းတွင် လူသားများသည် အလွန်တရာအရုပ်ဆိုးအကျဉ်းတန်သောခေတ် သမိုင်းများကို ဖြတ်သန်းခဲ့ကြရသကဲ့သို့ လူမှုရေး၊ စီးပွားရး၊ နိုင်ငံရေးရာများ တော်လှန် ပြောင်းလဲခဲ့ရသည့် ခေတ်ကာလများကိုလည်းဖြတ်သန်းခဲ့ကြရသည်။ ထိုကဲ့သို့လူသားတို့ဖြတ်သန်းခဲ့ရသည့် ခေတ်သမိုင်းအဖြစ်အပျက်များ အတွင်းမှ ကောင်းဆိုးများ အား သင်ခန်းစာ ယူကာ လက်ရှိလူသားများအနေဖြင့် အသိဥာဏ်မြင့်မားပြီး ငြိမ်းချမ်းသာယာသော လူမှုအသိုင်းအ၀ိုင်းတစ်ခုအား ကြိုးစားတည်ဆောက်နေကြရသည်။ သို့မဟုတ်ပါက မိမိတို့သည် အနာဂါတ်မျိုးဆက်များ၏ သမိုင်းတရားခံများအဖြစ်ပြစ်တင်ပြောဆိုခြင်းကိုခံရပေမည်။
မြန်မာနိုင်ငံတွင် လတ်တလောဖြစ်ပျက်နေသော အကြမ်းဖက်မှုများအား အနုလုံ ပတိလုံ လေ့လာကြည့်ပါက မြန်မာနိုင်ငံအတွင်း အသိဥာဏ်နုံခြာပြီး ဆင်ခြင်တုံတရား အားနည်းသော လူ့အသိုင်းအ၀ိုင်းတစ်ခု အခိုင်အမာ ရှိနေပြီဆိုသည်ကို သိရှိလာရပေမည်။ ၂၀၁၂-ခု ဇွန်လ အတွင်း အကြမ်းဖက်မှုကြီး စတင်ဖြစ်ပွားရာ ရခိုင်ပြည်နယ် ရှိ လူ့အဖွဲ့အစည်းအားလေ့လာကြည့်မည်ဆိုပါက ဤအကြမ်းဖက်မှု၏ အခြေခံ အကြောင်းအရာများအား ခြုံငုံသုံးသပ်နိုင်ပေမည်။

လူဦးရေ (၄) သန်းနီးပါးခန့်ရှိသော ရခိုင်ပြည်နယ်အတွင်း (၂-သန်းခွဲ) နီးပါးသော လူဦးရေမှာ ရခိုင်လူမျိုးဗုဒ္ဓဘာသာဝင်များဖြစ်ကြပါသည်။ ၈၀% သော ရခိုင်လူမျိုးများ သည် တောနေလူတန်းစားများဖြစ်ကြသည်။ ရခိုင်ပြည်နယ်ရှိ မြို.နယ်တစ်ခုတွင် ပျမ်းမျှအားဖြင့် အထက်တန်းကျောင်း(၃)ကျောင်း အလယ်တန်း ကျောင်း(၈)ကျောင်း၊ မူလတန်းကျောင်း(၁၅၀) ကျောင်းသာရှိပါသည်။ ထို့ကြောင့်ရခိုင်ပြည်နယ်သည် တိုင်းနယ် ပြည်နယ် (၁၄) ခုတွင် ပညာရေး၊စီးပွားရေး၊ လူမှုဆက်ဆံရေး အလွန်တရာမှ အားနည်းသော ပြည်နယ်တစ်ခုဖြစ်ပါသည်။ ထို့ကြောင့် ဤလူ့အဖွဲ့အစည်းသည် စီးပွားရေး နှင့်ဘာသာရေးအား အကြောင်းပြပြီး သွေးထိုး လှုံ့ဆော်ရန် အလွန်လွယ်ကူ နေပါသည်။ ရခိုင်လူမျိုးများ၏ အထွေထွေအားနည်းချက်အား အသုံးချပြီး ရခိုင်ခေါင်းဆောင်ဆိုသူများမှ နိုင်ငံရေး၊စီးပွားရေး အမြတ်ထုတ်နေသည်မှာ တနေ့တခြား ပေါ်လွှင်ထင်ရှားလာနေပါသည်။

၂၈.၀၉.၂၀၁၃ နေ့တွင်စတင်ဖြစ်ပွားခဲ့သော သံတွဲမြို့အကြမ်းဖက်မှုနှင့်ပတ်သက်ပြီး ရခိုင်ပြည်နယ်အစိုးရ သတင်းထုတ်ပြန်ရေးအဖွဲ့မှဦးဝင်းမြိုင်၏ အင်တာဗျူး တစ်ခု တွင် ရခိုင်ပြည်နယ်နှင့် ပြည်မအတွင်းဖြစ်ပွားခဲ့သော မွတ်ဆလင်များအပေါ် အကြမ်းဖက် မီရှို့၊ လူသတ်မှု အားလုံးသည် မွတ်စလင်မ်များမှ အစပြုခဲ့ခြင်းဖြစ်သည်ဟု ဆင်ခြင်တုံတရားမဲ့၊ လူ့ဂုဏ်သိက္ခာမဲ့စွာ ပြောဆိုခဲ့သည်။ ဦးဝင်းမြိုင်ကဲ့သို့ တခြားရခိုင်ခေါင်းဆောင်းများ အနေဖြင့်လည်း ဤကဲ့သို့ အရှက်သိက္ခာ ကင်းမဲ့သော စကားများ အား လူထုရှေ့ရောက်အောင် ပြောဆိုရဲသည်မှာ အလွန် အံ့သြဖွယ်ရာ ဖြစ်ပါသည်။ ၎င်း တို့အနေဖြင့် ပညာမဲ့အသိုင်းအ၀ိုင်း ရှေ့မှောက်တွင် ယာယီ သူရဲကောင်းဖြစ်လာ နိုင်သော်လည်း ပြသနာတစ်ခုအား ရှုထောင့်စုံမှ လေ့လာသုံးသပ်တတ်သော အသိဥာဏ်ရင့်ကျက်သည့် လူ့အသိုင်းအ၀ိုင်းရှေ့မှောက်တွင် အဆိုပါပုဂ္ဂိုလ်များအား လူ့အသိဥာဏ်မဖွံ့ဖြိုးသေးသော လူသားများအဖြစ် ထင်မြင်ယူ ဆကြပေမည်။

ကမ္ဘာပ်ါရှိမည်သည့်လူ့အသိုင်းအ၀ိုင်းတွင်မဆို လူပုဂ္ဂိုလ်တစ်ဦးနှင့်တစ်ဦး ကြားပြစ်မှုဆိုင်ရာ ပြသနာ ကြီးငယ်များ ရှိနိုင်ပါသည်။ ဘာသာ လူမျိုးပေါင်းစုံ အတူတကွ နေထိုင်သော လူ့အသိုင်းအ၀ိုင်းတစ်ခုအတွင်း ဘာသာတူခြင်းသော်လည်းကောင်း၊ ဘာသာမတူခြင်းသော်လည်းကောင်း ပြသနာရှိနိုင်သည်မှာလည်း သဘာဝတရားပင် ဖြစ်ပါသည်။ မြန်မာနိုင်ငံအတွင်း နေ့စဉ်နှင့်အမျှ ဖြစ်ပျက်နေသော ပြစ်မှုဆိုင်ရာပြသနာများအတွင်း မွတ်ဆလင်တစ်ဦးမှ ဗုဒ္ဓဘာသာဝင်တစ်ဦးအား ကျူးလွန်မိသော ပြစ်မှုတစ်ခုအားရွေးထုတ်ပြီး မွတ်စလင်မ်များအား အကြမ်းဖက်၊မီးရှိုး၊လူသတ် နေကြသည်ကို အပြစ်မမြင်သည့်အပြင် မွတ်စလင်မ် အသိုင်းအ၀ိုင်းတစ်ခုလုံးအား အပြစ်တင်နေကြသူများသည် ပုံမှန်အသိဥာဏ်ရှိသောလူသားများ ဟုတ်မဟုတ် ဦးနှောက်အထူးကု ပါရဂူ များဖြင့် စမ်းသပ်စစ်ဆေးသင့်ပေသည်။ ပြစ်မှုကျူးလွန်သူ မွတ်စလင်မ်တစ်ဦးအား တရားဥပဒေအရ အပြစ်ပေးခြင်းသည် မွတ်စလင်မ်အသိုင်းအ၀ိုင်းအနေဖြင့် မည်သို့မှ အပြစ်ဆိုဖွယ်မရှိပေ။ သို့သော် မြန်မာမွတ်စလင်မ် အသိုင်းအ၀ိုင်းတစ်ခုလုံးအပေါ်တရားမ၀င်သီးသန့် ပြဌာန်းထားသော မွတ်စလင်မ်တစ်ဦးနှင့်ဗုဒ္ဓဘာသာဝင်တစ်ဦးပတိပက္ခဖြစ်ပါက ပတ်ဝန်းကျင်ရှိမွတ်ဆလင်များနှင့် ၎င်းတို့ပိုင်ပစ္စည်းများ မီးရှို့၊ ဖျက်ဆီး၊သတ်ဖြတ်နိုင်သည် ဟူသော ဥပဒေသည် လွန်ခဲ့သော နှစ်ပေါင်း (၃၅၀၀) ကျော်ခန့်ကဘေဘီလုံနိုင်ငံမှ လူထုအားပြဌာန်းခဲ့သော ဥပဒေထက် ပိုဆိုးနေပါသည်။ ကိုးကွယ်ရာဘာသာတရား မရှိသေးသော ထိုခေတ်လူသားများရေးဆွဲခဲ့သောဥပဒေတွင် သူတပါး သွားတစ်ချောင်းအား ရိုက်ချိုးခဲ့သူသည် မိမိသွားတစ်ချောင်း ရိုက်ချိုးခံရပေမည်။ မြန်မာနိုင်ငံတွင် မွတ်စလင်မ်တစ်ဦးမှ ဗုဒ္ဓဘာသာဝင်တစ်ဦး၏ သွားတစ်ချောင်းအား ရိုက်ချိုိးခဲ့ပါက ထိုပြစ်မှုအားကျူးလွန် ခဲ့သော မွတ်စလင်မ်၏ သွားအားလုံး ရိုက်ချိုးခံ ရသည့်အပြင် မွတ်စလင်မ်အသိုင်းအ၀ိုင်းတစ်ခုလုံး၏ သွားများလည်းရိုက်ချိုးခံနေရပါသည်။

ဤ ဥပဒေအား မြန်မာနိုင်ငံအတွင်း မေတ္တာတရား ကြီးမားသော ဘာသာဝင် လူပုဂ္ဂိုလ် တစ်စုမှ လူထုရှေ့မှောက်တွင် တရားဝင် ထောက်ခံအတည်ပြုထားသော ဥပဒေဖြစ်ပါသည်။ တနည်းဆိုရသော် ရှေ့နှစ်ပေါင်း (၃၅၀၀)ကျော်ခန့်က တည်ရှိခဲ့ သာ ဘာသာမဲ့လူ့အသိုင်းအ၀ိုင်းတစ်ခုထက် အသိဥာဏ်နိမ့်ကျနေသော၊ လူသားမပီသသော ဘာသာရှိလူ့အသိုင်းအ၀ိုင်းတစ်ခု မြန်မာနိုင်ငံအတွင်း အခိုင်အမာရှိနေပါ သည်။ ထိုလူ့အသိုင်းအ၀ိုင်းရှိ ခေါင်းဆောင်များသည် ဟမ္မူရာဘီထက် ပိုလက်ဇောင်းထက် နေကြောင်းတွေ့မြင်နေရသည်မှာ မြန်မာနိုင်ငံအနာဂါတ်အတွက်
အလွန်တရာရင်လေးစရာ ဖြစ်နေပါသည်။

October 12, 2013
DV 2015 အမေရိကန် ဗီဇာကံစမ်းမဲ အကြောင်းတစေ့တစောင်း

အောက်တိုဘာ၊ ၁၁
M-Media
စုစည်း တင်ဆက်သူ-ကျော်မင်းထွန်း

Electronic Diversity Visa Lottery Program ( DV 2015 အမေရိကန် ဗီဇာကံစမ်းမဲ )

အမေရိကန်နိုင်ငံမှ နှစ်စဉ်ခေါ်ယူနေကျဖြစ်သော DV Program မှ DV 2015 ဗီဇာကံစမ်းမဲ ရွေးချယ်ပေးမှု အစီအစဉ်လေးကို ၂၀၁၃ ခုနှစ် အောက်တိုဘာလ (၁)ရက်နေ့မှ လျှောက်လွှာတင်ဖို့ စတင်ဖွင့်လှစ်ပေးခဲ့ပြီး ၂၀၁၃ ခုနှစ် နိုဝင်ဘာလ (၂)ရက်နေ့အထိ လျှောက်လွှာများကို နောက်ဆုံးလျှောက်ထားနိုင်ကြောင်းကိုလည်း https://www.dvlottery.state.gov/ တွင်ဖော်ပြပါရှိပါတယ်။

DV Program အကြောင်းတစေ့တစောင်း

အမေရိကန်နိုင်ငံမှ Electronic Diversity Visa Lottery Program သည် နှစ်စဉ် ကမ္ဘာတစ်ဝှမ်း လျှောက်ထားသူ များထဲမှ စည်းမျဉ်းနှင့် ကိုက်ညီသောသူ ကံထူးရှင် ၅၀၀၀ – ၅၅၀၀ ကြားကို ကွန်ပျူတာနည်းစနစ်ဖြင့် ရွေးချယ်၍ အမေရိကနိုင်ငံသို့ပြည်ဝင်ခွင့် ဗီဇာထုတ်ပေးလျှက်ရှိပြီး DV 2015 Visa Program ကိုလည်း ၂၀၁၄ခုနှစ် အောက်တိုဘာလတွင် ရွေးချယ်ပေးသွားမည် ဖြစ်ကြောင်းလည်း သိရှိရပါတယ်။ သို့သော် နိုင်ငံအချို့မှ နိုင်ငံသားများကိုမူ ၀င်ရောက်ရွေးချယ်ခွင့်မပြုပဲ ကန့်သတ်ခြင်းခံထားရသော နိုင်ငံများလည်း ရှိနေပါသေးတယ်။

ယခင်နှစ်များတွင် ရွေးချယ်ခံခဲ့ရသူများ အရေအတွက်ကို လေ့လာကြည့်ရာ မြန်မာနိုင်ငံမှ ရွေးချယ်ခံရသူ အနည်းဆုံးနှစ်တွင် လူပေါင်း(၁၂၀)ကျော်ရှိခဲ့ပြီး အများဆုံး( ၅၀၀ )ကျော် ရွေးချယ်ခံခဲ့ရသည့် နှစ်လည်းရှိကြောင်း သိရှိရပါတယ်။

မြန်မာနိုင်ငံသားများအနေဖြင့်မူ ကံကောင်းလှစွာ လျှောက်လွှာဖြည့်စွက်၍ ၀င်ရောက်ရွေးချယ်ခံပိုင်ခွင့် ပြုထားတဲ့ နိုင်ငံများစာရင်းတွင် ပါဝင်နေပေရာ ကျနော်တို့လည်း ၀င်ရောက်လျှောက်ထားခွင့်ရှိနေပါတယ်။ အချို့နှစ်များတွင် ရွေးချယ်ခံရသူများကို နေရာထိုင်ခင်း၊ အလုပ်အကိုင် နှင့် ပညာသင်ယူခွင့်များပါ အမေရိကန်အစိုးရမှ စီစဉ်ပေးမှုများ ရှိခဲ့ပေမယ့် ၊ များသောအားဖြင့် မြန်မာနိုင်ငံမှ ရွေးချယ်ခံခဲ့ရသူ အများစုကတော့ ပြည်ဝင်ခွင့် ဗီဇာရရှိပြီးနောက်ပိုင်းမှာ မိမိတို့ ကိုယ်ပိုင် အစီအစဉ်ဖြင့် သွားရောက် နေထိုင် လုပ်ကိုင် ပညာသင်ယူကျရ ပါတယ်။ ရွေးချယ်ရေးနှင့် ပြည်ဝင်ခွင့်ဗီဇာပေးခြင်း မူဝါဒများမှာ အစဉ်အမြဲမတူညီနိုင်ပဲ အခါအားလျော်စွာ စည်းမျဉ်း သတ်မှတ်ချက်များ ပြောင်းလှဲမူများလည်း တစ်နှစ်နှင့်တစ်နှစ် ကွာခြားမူအဖြစ်ရှိနေတတ်ကြောင်းလည်း သတိပြုမိပါတယ်။

လျှောက်ထားလိုသူများသည် သတ်မှတ်ရက်အတွင်း အင်တာနက်အသုံးပြု၍ အင်တာနက်ဆိုင်များမှဖြစ်စေ မိမိကိုယ်တိုင်ဖြစ်စေ လျှောက်ထားနိုင်ပြီဖြစ်ပါသည်။ အနိမ့်ဆုံးပညာအရည်အချင်း မူလတန်းအောင် (သို့) ဆယ်တန်း (သို့) တက္ကသိုလ်ဝင်တန်းအောင် (သို့) ဘွဲ့ရများ မည်သူမဆို – အသက် (၁၈)နှစ်ကျော်မှစ၍ မည်သည့် အသက်ရွယ်ထိမဆို လျှောက်ထားနိုင်မည်ဖြစ်ပါတယ်။ မြန်မာနိုင်ငံမှ အသက်(၇၀)ကျော် အဘွားအိုမှာ အသက်အကြီးဆုံး ရွေးချယ်ခံခဲ့ရသူအဖြစ် မှတ်တမ်းဝင်ခဲ့ကြောင်း ကြားသိရဖူးပါတယ်။

* သို့ပေမယ့် အသက်ရွယ်များစွာကြီးနေသူများ ရွေးချယ်ခံရမှုမှာ အလွန်နည်းပါးပြီး အမှန်တကယ်ရွေးချယ်ခံရသူ အများစုကို လေ့လာကြည့်ရာမှာ အသက် (၂၀)ကျော်မှ အသက်(၄၅)၀န်းကျင်အထိ အများဆုံး ဖြစ်ကြောင်း သိရှိရပြီး ပညာအရည်အချင်းတွင်လည်း ဆယ်တန်းအောင် (သို့) ဘွဲ့ရများသာ အများဆုံး ရွေးချယ်ခံရသူ ဖြစ်နေကြောင်း၊ ရွေးချယ်ခံရချိန်တွင် မွေးစာရင်းမူရင်း၊ ဆယ်တန်းအောင် လက်မှတ်မူရင်း၊ နိုင်ငံသား စိစစ်ရေးကဒ်မူရင်း ၊ မိသားစုဝင်များစာရင်း ရေးသားထားသော သန်းခေါင်စာရင်းမူရင်းနှင့် အိမ်ထောင်ရှင်များ အနေဖြင့် လက်ထပ်စာချုပ်မူရင်းတို့က အဓိကကျ မဖြစ်မနေ လိုအပ်ကြောင်းလည်း လေ့လာသိရှိ မှတ်သားမိ ပါတယ်။ *

မည်သို့ပင်ဖြစ်စေကာမူ အမေရိကန်နိုင်ငံကဲ့သို့ ကမ္ဘာ့အင်အားအကြီးဆုံး ဒီမိုကရေစီနိုင်ငံကြီးတခုသို့ သွားရောက်ခွင့်၊ နေထိုင်ခွင့် ၊ ပညာသင်ယူခွင့် ၊ အလုပ်လုပ်ကိုင်ခွင့် … နောက်ဆုံး နိုင်ငံသားခံယူနိုင်ခွင့် ဆိုသည့် အိမ်မက်စိတ်ကူးများ လက်တွေ့ကျကျ အကောင်ထည်ပေါ်လာဖို့အတွက်က သာမန်အခြေအနေမျှနှင့် ကျနော်တို့အတွက် မည်သို့မျှမဖြစ်နိုင် မလွယ်ကူနိုင်သော်လည်း နောက်ဆုံးမျှော်လင့်နိုင်စရာ DV 2015 Visa Program လေးက ကျနော်တို့ကို မျက်နှာသာပေး ရွေးချယ်ခဲ့လျှင် အမေရိကန်နိုင်ငံကို အရောက် သွားလို့ ဖြစ်ချင်တဲ့မျှော်လင့်ချက် ပြည့်နိုင်ခွင့်ရနိုင်သေးတဲ့ နည်းလမ်းလေးရှိနေသေးတဲ့အတွက်…

လျှောက်ထားဖို့ လျှောက်လွှာဖြည့်စွက်တင်ဖို့အတွက်သာ မိသားစုဝင်များကို ဦးစားပေး စဉ်းစားစေလိုပါတယ်။ ရွေးချယ်ခံခဲ့ရရင် ဟိုမှာ အသိမိတ်ဆွေမှ မရှိတာ – ဘယ်လိုလုပ်မလဲ ? ဘယ်လိုနေထိုင်ရမလဲလို့ ? ………… စတာတွေ မလိုအပ်သေးတာတွေ မဖြစ်လာသေးတာတွေ တွေးပြီး လျှောက်လွှာမတင်မိတော့တာမျိုးကိုတော့ လုံးဝ မဖြစ်စေလိုပါဘူး။

ရွေးချယ်ခံခဲ့ရပြီဆိုလျှင် ဟိုမှာကူညီမယ့် မြန်မာနိုင်ငံသားတွေ … ကျနော်တို့ မိသားစုဝင်တွေ များစွာရှိနေတယ် သူတို့ကူညီပေးလိမ့်မယ်ဆိုတာလေး သတိရပေးလိုက်ပါ။ စိတ်ပိုင်းဖြတ်ပြီးရင် လျှောက်လွှာတင်ဖို့ဆုံးဖြတ်လို့… လျှောက်လွှာတင်ဖို့ စတင်ပြင်ဆင်လိုက်ပါ။

ကျနော်တို့မိသားစုဝင်တွေထဲက ဘယ်သူပဲဖြစ်ပါစေ … အခု မလေး ၊ စင်ကာပူ၊ ဘရူနိုင်း၊ ကာတာ၊ ကူဝိတ်၊ ယူအေအီး စတဲ့ ဘယ်နိုင်ငံမှာပဲရောက်နေပါစေ… ဘယ်နိုင်ငံမှာပဲ အလုပ်လုပ်နေပါစေ…. DV Program ကို ပါဝင် လျှောက်လွှာတင်လို့ရတဲ့အတွက်… ကြီးမားတဲ့ အခွင့်အရေးတစ်ရပ်ကို ကျနော့်တို့ မိသားစုဝင်တွေအားလုံး လက်လွတ် မခံရစေရန် ကျနော် သိရှိထားသမျှ DV Program အကြောင်းလေး ကို ပြန်လည် မျှဝေပေးလိုခြင်းသာဖြစ်ပါတယ်။

DV 2015 လျှောက်လွှာတင်ဖို့ လေ့လာ ပြင်ဆင်မယ်

လျှောက်ထားလိုသူများသည် https://www.dvlottery.state.gov/ တွင် ၀င်ရောက်၍ ပထမဦးစွာ Entry Instructions ကို သေချာစွာ ဖတ်ရှု လေ့လာရန်လမ်းညွှန်ထားပါသည်။ လမ်းညွှန်ချက်များ စည်းမျဉ်းများကို ပိုမိုသိရှိနိုင်ရန် DV-2015 Instructions ကို နှိပ်၍ လေ့လာနိုင်ပါတယ်။

လျှောက်ထားလိုသူသည် မကြာသေးခင် (၆)လအတွင်း ဒစ်ဂျယ်တယ်စက်ဖြင့် ရိုက်ကူးထားသော ( 600 x 600 pixels ) ရှိ ဓါတ်ပုံတစ်ပုံ လိုအပ်ပါတယ်။ ဓါတ်ပုံရိုက်ပြီးနောက် Photoshop ကဲ့သို့ ဓါတ်ပုံပြင်နိုင်သည့် Software များ အသုံးပြု၍ မည်သည့်ပြုပြင်ခြင်းမျိုးမှ လုံးဝမပြုလုပ်ရပါ။ ဓါတ်ပုံအရွယ်အစား အနေအထားနှင့် လိုအပ်သော သတ်မှတ်ချက် နမူနာပုံမှာ အောက်ဖော်ပြပါ ပုံလေးအတိုင်းကဲ့သို့ ဖြစ်ရပါမယ်။

လျှောက်လွှာဖြည့်သွင်းလိုသူသည် မိမိဓါတ်ပုံကို Scanner ဖြင့် Scan ဖတ်၍ လျှောက်လွှာဖြည့်စွက်ရာတွင် ပူးတွဲရန် မိမိတို့ အသုံးပြုမည့် အင်တာနက်ချိတ်ဆက်ထားသော ကွန်ပျူတာပေါ်သို့ ကြိုတင်ရောက်အောင် စီမံထားရပါမယ်။ အခြား ပိုမိုကောင်းမွန်သောနည်းလမ်းကတော့ ဒစ်ဂျစ်တယ်နည်းစနစ်ဖြင့် ဓါတ်ပုံဆိုင်များတွင် (သို့) မိမိကိုယ်တိုင် ရိုက်ကူးထားသော မိမိဓါတ်ပုံကို Memory Stick ( USB Stick )ဖြင့် ယူဆောင်လာပြီး ကွန်ပျူတာတွင် ထည့်သွင်းအသုံးပြုခြင်းက Scanner ဖြင့် Scan ဖတ်ခြင်းထက် ပိုမိုတိကျကောင်းမွန်ကြောင်း တွေ့ရှိရသဖြင့် အဲဒီနည်းလေး အသုံးပြုဖို့ အကြံပြုလိုပါတယ်။

လျှောက်ထားလိုသူ၏ ဓါတ်ပုံနှင့်ပတ်သက်၍ အရေးကြီးသော စည်းမျဉ်းနှင့် လမ်းညွှန်ချက်များကို သိရှိရန် Photo Validator ကို ၀င်ရောက်လေ့လာပြီး Photo Validation Instructions ခေါင်းစဉ်အောက်ရှိ လိုအပ်သောညွှန်ကြား ချက်များကို မှတ်သား၍ လျှောက်လွှာတွင် အသုံးပြုမည့် မိမိဓါတ်ပုံနှင့် ကိုက်ညီမှု ရှိမရှိ စစ်ဆေး ကြည့်ခြင်း (သို့) ထိုလမ်းညွှန်ချက်များနှင့်အညီ လျှောက်လွှာတွင်အသုံးပြုမည့် ဓါတ်ပုံရိုက်ခြင်းသည် အကောင်းဆုံးဖြစ်ပါတယ်။

ဓါတ်ပုံကို စစ်ဆေးကြည့်ရန် မဖြစ်မနေလိုအပ်ပါတယ်။ လျှောက်လွှာကို လက်ခံခြင်း ငြင်းပယ်ခြင်းအချက်ဟာ ဓါတ်ပုံ စည်းကမ်းသတ်မှတ်ချက် ကိုက်ညီမှု ရှိ – မရှိဆိုတဲ့ အပေါ်မှာ များစွာမူတည်နေပါတယ်။ အင်တာနက်ဆိုင်များမှ တဆင့်လျှောက်ထားလိုသူများကလည်း မိမိတို့လျှောက်လွှာကို ဖြည့်ပေးမယ့်သူကို မိမိတို့ဓါတ်ပုံကို သတ်မှတ်ချက်နဲ့ကိုက်ညီမှု ရှိ- မရှိ ပထမဦးစွာ စစ်ဆေးဖို့လိုအပ်ကြောင်း အသိပေး သတိပေးပါ။ မိမိကိုယ်တိုင် ဓါတ်ပုံကို စစ်ဆေးမယ်ဆိုရင်တော့ https://www.dvlottery.state.gov/ မှာ Photo Validator ကိုဝင်ရောက်ပြီး Photograph File Name ဘေးရှိ Browse ကို နှိပ်၍ မိမိအသုံးပြုမည့် ဓါတ်ပုံကို ရွေးချယ်ပါ။ ထို့နောက် အောက်ဖက်ရှိ Check Photo ကို နှိပ်၍ ဓါတ်ပုံကို စစ်ဆေးကြည့်ပါ။

Photo Check Response ဟူသော နောက်စာမျက်နှာတွင် Your Photo Is Valid ဟု စစ်ဆေး အောင်မြင် ကြောင်း အထက်ဖော်ပြပါအတိုင်း ပုံလေးပေါ်လာပါက ထိုဓါတ်ပုံကို လျှောက်လွှာဖြည့်ရာတွင် စိတ်ချစွာ အသုံးပြုနိုင်မည် ဖြစ်ပါတယ်။ သတ်မှတ်ချက်နှင့် မပြည့်စုံသော ဓါတ်ပုံဖြစ်နေပါက Your Picture Must Be 600×600 pixels ဟူ၍ အနီရောင်ဖြင့် အသုံးပြု၍ မရသော ဓါတ်ပုံဖြစ်ကြောင်း သတိပေးပါလိမ့်မယ်။ ဓါတ်ပုံနှင့် ပတ်သက်သော သတ်မှတ်ချက် စည်းမျဉ်းများသည် လျှောက်လွှာဖြည့်သွင်းရာတွင် အရေးကြီးဆုံးသော အစိတ်အပိုင်း ဖြစ်နေပါ သောကြောင့် သတ်မှတ်ချက်နှင့် မပြည့်မှီသော ဓါတ်ပုံများကို လုံးဝအသုံးမပြုမိစေရန် အထူးဂရုပြုစေလိုပါတယ်။

လျှောက်လွှာတွင် ပူးတွဲရန် ဓါတ်ပုံတစ်ပုံရရှိပြီးလျှင် အောက်ပါအချက်အလက်များ ဖြည့်သွင်းရန် လိုအပ်သဖြင့် ပထမဦးစွာ စာရွက်အလွတ်တရွက်တွင် ကြိုတင်ချရေးထားပါက ပိုမိုကောင်းမွန်၍ အမှားနည်းနိုင်ပါတယ်။

အမည် –
မွေးနေ့သက္ကရာဇ် – ရက် – လ – ခုနှစ် (မွေးစာရင်းစာရွက်တွင်ဖော်ပြထားသော )
ကျား / မ – ရွေးချယ်ရန် –
မွေးဖွားရာအရပ်ဒေသ မြို့ / ရွာ – ( မွေးစာရင်းစာရွက်တွင်ဖော်ပြထားသော မြို့ – ရွာ အမည် )
မွေးဖွားရာနိုင်ငံ –
ဆက်သွယ်ရန်လိပ်စာ –
မြို့အမည် –
ပြည်နယ် / တိုင်း အမည် –
မြန်မာနိုင်ငံတကာ ဆက်သွယ်ရေးသင်္ကေတ –
နိုင်ငံအမည် –
လက်ရှိနေထိုင်သောနိုင်ငံ –
ဆက်သွယ်ရန်ဖုန်းနံပါတ် –
ဆက်သွယ်ရန်အီးမေးလ်လိပ်စာ –
ပညာအရည်အချင်း –
အိမ်ထောင်ရေး –
လျှောက်ထားမှု

ယခုဖြည့်မယ့် လျှောက်လွှာကို ( First Form ) ပထမဆုံးလျှောက်လွှာလို့ခေါ်ပါတယ်။ ပထမဆုံးလျှောက်လွှာမှာ ( Single – Unmarried) များ တစ်ဦးတစ်ယောက်ခြင်းသီးခြားလျှောက်လွှာတင်နိုင်မယ့်သူများ အပိုင်းကတော့ ရိုးရှင်းပါတယ်။ သို့ပေမယ့် …

အိမ်ထောင်ရှိသူများအတွက်ကတော့ …

* မိမိတို့ အိမ်ထောင်ဖက်၏ ဓါတ်ပုံ – အမည် – မွေးနေ့ – မွေးဖွားရာနေရာ – နိုင်ငံများကို ပူးတွဲဖော်ပြ ဖြည့်သွင်းရန် မဖြစ်မနေလိုအပ်ပါတယ်။ သို့မှသာ မိမိရွေးချယ်ခံရလျှင် မိမိနှင့် အတူ အိမ်ထောင်ဖက်ကို တစ်ပါတည်း ခေါ်ဆောင်သွားနိုင်မှာ ဖြစ်ပါတယ်။

သားသမီးရှိသူ မိဘများအတွက်ဆိုလျှင်…

*သားသမီးများအားလုံး၏ ဓါတ်ပုံ – အမည် – မွေးနေ့ – မွေးဖွားရာနေရာ – နိုင်ငံများကို ပူးတွဲဖော်ပြ ဖြည့်သွင်းရန် မဖြစ်မနေလိုအပ်ပါတယ်။ သို့မှသာ မိမိရွေးချယ်ခံရလျှင် အသက်( ၂၁ )နှစ်အောက် သားသမီးများအနက်မှ အိမ်ထောင်မရှိသော သားသမီးများကို မိမိနှင့်အတူ တစ်ပါတည်းခေါ်သွားနိုင်မှာဖြစ်ပါတယ်။ အကယ်၍ မိမိသားသမီးများသည် အိမ်ထောင်မရှိသေးသော်လည်း အသက်(၂၁)နှစ် ကျော်လွန်နေပါက မိမိတို့ပထမဦးစွာ သွားရောက် နေထိုင်ပြီး နောက်ပိုင်း ၁နှစ်ခန့်အတွင်းတွင် ခေါ်ယူသွားနိုင်မှာလည်းဖြစ်ပါတယ်။ * တကြိမ်တွင် ရွေးချယ်ခံရသော ဖခင်တစ်ဦး၏ သားသမီးများထဲတွင် အသက်(၂၁)နှစ်ကျော်နေသော သား(၁)ဦး ပါဝင်နေခဲ့သော်လည်း တစ်ပါတည်း အတူတူ ခေါ်သွားခွင့်ပြုခဲ့ကြောင်း ကြားသိရဖူးပါတယ်။ * အမေရိကန်သံရုံးမှ ထုတ်ပြန်သော စည်းကမ်းချက်များသည် တစ်နှစ်နှင့်တစ်နှစ် မတူပဲ အခါအားလျော်စွာ ပြင်ဆင်ပြောင်းလဲမှု ရှိတတ်ကြောင်းလဲ သတိပြုမိပါတယ် ။*

မိဘများအနေဖြင့် မိမိတို့သားသမီးများ၏ အမည်ကို ပူးတွဲဖော်ပြရာတွင် သားသမီးအရင်းများအပြင် အကယ်၍ မွေးစားထားသောသားသမီးများရှိခဲ့လျှင် (သို့) နောက်အိမ်ထောင်ပြုခဲ့၍ နောက်အိမ်ထောင်ဖက်မှ ခင်ပွန်းပါ – ဇနီးမယားပါ သားသမီးများရှိလျှင် (သို့) အဖေတူအမေကွဲ (သို့) အမေတူအဖေကွဲ သားသမီးများရှိလျှင်လည်း အားလုံးပါဝင် ဖြည့်သွင်းနိုင်ပါတယ်။ ဖြည့်သွင်းမှု မပြုလုပ်ထားသော လျှောက်လွှာရှင် မိဘများထဲမှ ရွေးချယ်ခံရလျှင် ဖြည့်သွင်းမှုတွင် မပါဝင်သော သားသမီးများအား တပါတည်း (သို့) နောက်တချိန်ခေါ်ယူရာတွင် များစွာခက်ခဲမှုကြုံတွေ့ရနိုင်ပါသဖြင့် စာရင်းမကျန်အောင် တပါတည်းပူးတွဲဖြည့်သွင်းရန် သတိပြုမိစေလိုပါတယ်။

အရေးကြီးဆုံးအချက်မှာ လျှောက်ထားလိုသူတစ်ဦးသည် လျှောက်လွှာတစ်စောင်ကို တစ်ကြိမ်သာဖြည့်သွင်း လျှောက်ထားခွင့်ရှိပါတယ်။ တစ်ကြိမ်ထက်လုံးဝမပိုရပါ။ ပိုခဲ့လျှင် လျှောက်လွှာများအားလုံး ပယ်ဖျက်ခံရမှာလည်း ဖြစ်ပါတယ်။

အိမ်ထောင်ရှိသူများ ရရှိမယ့် အခွင့်အရေးအနေဖြင့် ခင်ပွန်းမှ အိမ်ထောင်ဦးစီးအဖြစ် လျှောက်ထားရာတွင် ဇနီးနှင့် သားသမီးများအားလုံးမှာ မှီခိုသူများအဖြစ် ပူးတွဲလျှောက်ထားနိုင်ပြီး — ဇနီးမှ အိမ်ထောင်ဦးစီးအဖြစ် လျှောက်ထားရာတွင် ခင်ပွန်းနှင့် သားသမီးများအားလုံးမှာ မှီခိုသူများအဖြစ် ပူးတွဲလျှောက်ထားနိုင်ပါတယ်။

ခင်ပွန်း (သို့) ဇနီး တစ်ဦးဦးမှ မည်သူဖြစ်စေ လျှောက်လွှာ တစ်ယောက် တစ်စောင်စီ မိမိအမည်ဖြင့် မိသားစု တခုလုံးကို ပူးတွဲ၍ လျှောက်ထားဖြည့်သွင်းနိုင်သည့် အိမ်ထောင်ရှိသူများ သားသမီးရှိသော မိသားစု တစ်စု အတွက် နှစ်ကြိမ် ရွေးချယ်ခံခွင့်(မဲ ၂ မဲ)ရနိုင်မည့် အခွင့်အရေးမျိုး ဖြစ်ပါတယ်။

ထို့အပြင် အသက်(၁၈)နှစ်ကျော် သားသမီးများအနေဖြင့် မိမိတို့ ကိုယ်တိုင် လျှောက်လွှာတစ်စောင် မိမိအမည်ဖြင့် လျှောက်ထားခွင့် ရှိနေသလို မိမိတို့ရဲ့ မိဘ ၂ပါးမှ လျှောက်ထားခဲ့လျှင်လည်း မိမိတို့ပူးတွဲပါဝင်နေမှာဖြစ်တဲ့အတွက် သုံးကြိမ်ရွေးချယ်ခံခွင့် (မဲ ၃ မဲစာ) အခွင့်အရေး ရရှိမှာလည်း ဖြစ်ပါတယ်။

အိမ်ထောင်မပြုရသေးသူ ညီလေး – ညီမလေးများ Relationship အခြေအနေကောင်းနေမယ်… မိမိ နှစ်သက်သူ (သို့) လက်တွဲဖော် (သို့) ရည်မှန်းထားသူ ရှိနေခဲ့မယ်ဆိုလျှင်လဲ …. ဘယ်လို လုပ်ရမလဲလို့??? လုံးဝ လုံးဝ စိတ်မပူပါနှင့်။ ရွေးချယ်ခံရလို့ အမေရိကန်နိုင်ငံကို ရောက်ရှိသွားပြီး နောက်ပိုင်း ၄ နှစ်ခန့် အကြာတွင် မိမိတို့၏ ရည်မှန်းထားသူ မိမိတို့ဘ၀လက်တွဲဖော်ကို မိမိတို့၏ သတို့သမီး – သတို့သားလောင်း (သို့) စေ့စပ်မှုပြုလုပ် ထားသူ ( Fiancée ) အဖြစ် လွယ်ကူစွာ ခေါ်ယူနိုင် ပါသေးတယ်။ ဟိုရောက်မှ သက်ဆိုင်ရာတရားရုံးတစ်ခုမှာ လက်မှတ်ရေးထိုးလို့ ထိမ်းမြားနိုင်ပြီး မိမိလက်တွဲဖော်ဖြစ်သူအတွက်ကိုလည်း တရားဝင် နေထိုင်ခွင့် အလုပ်လုပ်ကိုင်ခွင့် ရရှိမှာလည်းဖြစ်ပါတယ်။ သို့ပေမယ့် လက်ရှိမှာ တရားဝင် အိမ်ထောင်ပြုခြင်းမရှိသေးပဲ Unmarried အနေအထားမှာ မိမိလျှောက်လွှာမှာ မိမိလက်တွဲဖော် အမည်ကို ရောဖြည့်လိုက်လို့ Married လို့ဖော်ပြခဲ့မယ်ဆိုရင် တကယ် ရွေးချယ်ခံရတဲ့အချိန်မှာ ထိမ်းမြားစာချုပ်ပူးတွဲ မတင်ပြနိုင်ရင်တော့ နှစ်ဦးစလုံး ထီပေါက်ပေမယ့် ထီလက်မှတ်ပျောက်ကိန်းဆိုက်သွားနိုင်ပါ လိမ့်မယ်။ Single ညီလေး ညီမလေးများ စိတ်ကူးနည်းနည်းလျော့ယဉ်ပြီး တစ်ဦးတည်း ရိုးရှင်းစွာ Unmarried လို့ဖြည့်သွင်းတာက အကောင်းဆုံး ဖြစ်မယ်လို့ထင်ပါကြောင်း မျှဝေပါရစေ…။

ရွေးချယ်ခံခဲ့ရလျှင် … လိုအပ်တဲ့ဆောင်ရွက်မှုနှင့် ခန့်မှန်းကုန်ကျစရိတ်

ပြည်တွင်းနေများ လျှောက်လွှာတင်ရာတွင် လူတစ်ဦးလျှင် ဓါတ်ပုံဖိုးနှင့် အင်တာနက်အသုံးပြုခ ကျပ်(၅၀၀၀)ခန့်မှလွဲ၍ အခြားမည်သည့် ကုန်ကျစရိတ်မျှ မရှိပါ။ အခြားတယောက်မှ ကူညီ၍ လျှောက်လွှာတင်ပေးပြီး ကုန်ကျစရိတ် များစွာ ပြန်လည်တောင်း ခံခြင်းမျိုး ဖြစ်တတ်သည် ကြုံနေရသည်ကို ကြားသိနေရသဖြင့်ကို အထူးသတိပြုမိစေလိုပါတယ်။

ပထမဆုံး ပုံစံဖြည့်လို့ လျှောက်လွှာတင်ပြီး ရွေးချယ်ခံခဲ့ရပြီဆိုရင်တော့ မြန်မာနိုင်ငံရှိ အမေရိကန်သံရုံးမှ ရွေးချယ်ခံရသူ ကံထူးရှင်ရဲ့ လိပ်စာကို စာတိုက်မှတဆင့် (Second Form ) ဒုတိယလျှောက်လွှာ ပို့ပေးလာမှာဖြစ်ပါတယ်။ အဲဒီအချိန်ကျမှ ဒုတိယလျှောက်လွှာပုံစံ စာရွက်တစ်ထပ်မှာ မိမိရဲ့ ကိုယ်ရေးအချက်အလက် – မိသားစု – ပညာအရည်အချင်း စတဲ့ လိုအပ်တာတွေ အားလုံးကို စနစ်တကျ သေသေသပ်သပ် လက်နှိပ်စက်နဲ့နှိပ်ပြီး ရေးဖြည့်ရပါမယ်။ လက်ရေးနဲ့ လုံးဝမရေးရပါ။ ဒုတိယပုံစံဖြည့်ပြီးရင် အဲဒီပုံစံမှာ လိုအပ်တဲ့စာရွက်စာတမ်းတွေကို ပူးတွဲတင်ပေးရတာလည်းရှိပါမယ်။ မွေးစာရင်း ၊ ဆယ်တန်းအောင် လက်မှတ် ၊ ဘွဲ့လက်မှတ် ၊ မှတ်ပုံတင် ၊ သန်းခေါင်စာရင်း ၊ အိမ်ထောင်ရှိလျှင် လက်ထပ်စာချုပ် စသည့်များကို အင်္ဂလိပ်လိုဘာသာပြန် (Notary)ပြုလုပ်ကာ မိတ္တူများကို ပူးတြွဲပီးရင်တော့ အဲဒီ (Second Form )ကို ပြန်ပို့ဖို့ ညွှန်ကြားစေခိုင်းထားတဲ့ အမေရိကန်နိုင်ငံမှာရှိတဲ့ ရုံးလိပ်စာကို DHL စာပို့လုပ်ငန်းနဲ့ ပြန်ပို့ပေးလိုက်ရပါမယ်။

* ဒီနေရာလေးမှာ သတိပေးလိုတာ အထူးသတိပြုမိစေလိုတဲ့ အရေးကြီးတဲ့အချက်ကတော့ အချို့သောသူတွေရဲ့ ကိုယ်ရေးအချက်အလက်တွေ – အမည် – မွေးနေ့ သက္ကရာဇ် – ရက်စွဲ – လ – ခုနှစ်တွေဟာ မွေးစာရင်း ၊ ဆယ်တန်းအောင် လက်မှတ် ၊ ဘွဲ့လက်မှတ် ၊ မှတ်ပုံတင် ၊ သန်းခေါင်စာရင်း စတဲ့ အရေးပါ စာရွက်စာတမ်းတွေမှာ ပါဝင်နေတဲ့ မွေးနေ့ သက္ကရာဇ် မတူညီတာမျိုး ၊ အကြောင်းအမျိုးမျိုးကြောင့် ရေးသွင်းထားတဲ့ ကိန်းဂဏာန်း လွှဲမှားနေတာမျိုး ဖြစ်နေခဲ့လျှင်လည်း စိတ်မပူပါနဲ့။ မိမိတို့အနေဖြင့် တမင်ရည်ရွယ် ဆောင်ရွက် ထားတာမဟုတ် ပဲ မှတ်တမ်းရေးသွင်းသူများရဲ့ အားနည်းချက်များကြောင့် ဖြစ်ခဲ့ရတဲ့အတွက် အမှန်အတိုင်း အရှိအတိုင်း တင်ပြဖို့ လိုပါတယ်။ အရေးကြီးဆုံးကတော့ အဲဒီမှာ စာရွက်စာတမ်းတွေမှာ အထူးသဖြင့် မွေးနေ့ ရက် – လ – ခုနှစ် မတူတာကို တူအောင် မိမိကိုယ်တိုင် လုံးဝ လုံးဝ သွားမပြင်လိုက်ပါနဲ့။ တရားဝင် ရုံးတွေမှာ ပြင်လို့မရရင်လည်း လုံးဝ မပြင်ပါနဲ့။ နောက်ဆုံး မွေးနေ့ရက်စွဲတွေ ထပ်တူမကျပဲ လွှဲမှားနေခဲ့တယ်ဆိုရင် တရားရုံးတစ်ခုမှာ မိမိမွေးနေ့ရက်စွဲအမှန်မှာ —————- ဖြစ်သည်ဆိုပြီး ကျမ်းကျိန်ပြီး ကျမ်းကျိန်လွှာကို ပူးတွဲတင်ပြနိုင်ပါတယ်။ အထူးသဖြင့် မိမိဆီမှာ လုံးဝမရှိတဲ့ လိုအပ်တဲ့ စာရွက် စာတမ်းတွေကို မရှိခဲ့ရင် မရှိကြောင်း ရိုးရှင်းစွာ ဖော်ပြတင်ပြစေလိုပါတယ်။ အစစ်မဟုတ်တဲ့ အရာများကို ငွေကုန်ခံပြီး ပြုလုပ်လို့ တင်ပြခြင်း ဖော်ပြခြင်းများ လုံးဝ မပြုလုပ်စေလိုပါ။ အတုများကို လုံးဝ မပြုလုပ်ဖို့ ပူးတွဲမတင်ပြဖို့ တိုက်တွန်းရင်း အရှိကိုအရှိအတိုင်း အစစ်အမှန်များကိုသာ ရိုးသားစွာတင်ပြဖို့ အကြံပြုလိုပါတယ်။ စာရွက်စာတမ်း အချက်အလက်ပြုပြင်မှုများ အစစ်အမှန်မဟုတ်တဲ့ စာရွက်စာတမ်းများ တင်ပြထားခြင်းများကို စစ်ဆေးတွေ့ရှိခဲ့လျှင် နောက်နောင် မိမိတို့အနေဖြင့် အမေရိကန်နိုင်ငံ ပြည်ဝင်ခွင့်ဗီဇာကို မည်သည့်နည်းလမ်းနှင့်မျှ ရယူနိုင်တော့မည် မဟုတ်ပဲ Reject လုပ်ခံရပြီး Visa Black List စာရင်း ၀င်သွားမည်ဖြစ်သောကြောင့် အထူးသတိပေးရခြင်းဖြစ်ပါသည် *

ဒုတိယပုံစံ ဖြည့်သွင်းရာမှာတော့ လက်နှိပ်စက်ခ ကုန်မှာဖြစ်သလို DHL နဲ့ ပြန်ပို့ရမှာဖြစ်တဲ့ အတွက် ပို့ခ ကုန်ကျစရိတ် (US$) အနည်းငယ်ရှိပါမယ်။ မွေးစာရင်း ၊ ဆယ်တန်းအောင် လက်မှတ် ၊ ဘွဲ့လက်မှတ် ၊ မှတ်ပုံတင် ၊ သန်းခေါင်စာရင်း ၊ အိမ်ထောင်ရှိလျှင် လက်ထပ်စာချုပ် စသည့်များကို အင်္ဂလိပ်လိုဘာသာပြန် (Notary)ပြုလုပ်ခလည်း ကုန်ကျနိုင်သလို Notary ပြုလုပ်ရာတွင်လည်း သံရုံးမှအသိအမှတ်ပြု ရှေ့နေကြီးများဆီမှာပဲ ပြုလုပ်သင့်ပါတယ်။ တခြား အပိုကုန်ကျမှု သိပ်မရှိနိုင်ပေမယ့် မဖြည့်တတ်သူများ အကျိုးဆောင်များရဲ့ အကူအညီရယူလိုမယ်ဆိုရင်တော့ ၀န်ဆောင်ခ နည်းနည်းထပ်ကုန်နိုင်ပါတယ်။ ဒုတိယပုံစံဖြည့်ရာတွင် ကူညီပေးသူများ ငွေကျပ်သိန်းများစွာ ၀န်ဆောင်ခယူသူများ လုံးဝမတရားကြောင်းလည်း သတိပြုမိစေလိုပါတယ်။ နယ်မှ မသိနားမလည် လျှောက်လွှာ မဖြည့်တတ်သော ကံထူးရှင်များထံမှ အကျိုးဆောင်ပေးသူအချို့က လျှောက်လွှာဖြည့်ခ သိန်းဆယ်နဲ့ချီယူခြင်းမျိုး ရှိခဲ့ကြောင်းလည်း ကြားသိရဖူးတဲ့အတွက် အထူးသတိထားစေ လိုပါတယ်။ ဒုတိယပုံစုံ (Second Form )ကို သတ်မှတ်ထားတဲ့ ရက်အတွင်း သတ်မှတ်ထားတဲ့ အမေရိကန်နိုင်ငံရှိ ရုံးလိပ်စာကို ပြန်ပို့ပြီးပြီဆိုလျှင် ကံထူးရှင်အနေဖြင့် နိုင်ငံကူးလက်မှတ်( Passport ) မရှိသေးသူဖြစ်ပါက နိုင်ငံကူးလက်မှတ်ကို ( Passport ) ကို ကုန်ကျစရိတ်အချို့ဖြင့် လျှောက်ထားပြီး နောက်ဆုံးလျှောက်လွှာ ( Third Form (or) Final Form ) ပြန်ရောက်လာတဲ့အထိ စောင့်နေရမှာဖြစ်ပါတယ်။

Final Form နောက်ဆုံးလျှောက်လွှာ ရောက်ရှိလာပြီဆိုရင် ရန်ကုန်ရှိ အမေရိကန်သံရုံးကို ဆက်သွယ်ရမှာဖြစ်ပြီး Final Form ကိုဖြည့်စွက်လို့ နိုင်ငံကူးလက်မှတ်နဲ့ လိုအပ်တဲ့ စာရွက်စာတမ်းများ မူရင်း + မိတ္တူကို ပူးတွဲပြီး သံရုံးကို တင်ပြရမှာ ဖြစ်ပါတယ်။ သံရုံးမှ လိုအပ်သောအချက်များကို ထပ်မံညွှန်ကြားမှာဖြစ်သလို ကျန်းမာရေးအတွက် စစ်ဆေးခိုင်းခြင်း၊ ဗီဇာအင်တာဗျူးခြင်းအတွက် ရက်သတ်မှတ်ပေးခြင်း၊ အခြားလမ်းညွှန်ချက်များအတိုင်း လိုအပ်မှုများကို မိမိတို့ကိုယ်တိုင် ဆက်လက်ဆောင်ရွက်ရမှာဖြစ်ပါတယ်။

Final Form နဲ့အတူ ပူးတွဲတင်ပြဖို့ လိုအပ်တဲ့  စာရွက်စာတမ်းများ ၊ ကျန်းမာရေးစစ်ဆေးခြင်းနဲ့ ဗီဇာအင်တာဗျုး ၊ ဗီဇာကြေးများ အတွက်တော့ ငွေကုန်ကြေးကျ ပိုများမှာဖြစ်သလို ခန့်မှန်းကုန်ကျစရိတ် ( US$ 1000 ) ပတ်ဝန်းကျင်ခန့်ဖြစ်နိုင်ပါမယ်။

ဗီဇာအင်တာဗျုးအောင်မြင်လို့ ဗီဇာရခဲ့ပြီဆိုရင်တော့ အမေရီကန်နိုင်ငံကိုသွားဖို့ လက်မှတ်ဝယ်ဖို့သာ ပြင်ဆင်ရတော့မှာဖြစ်သလို လက်မှတ်ဖိုးကလည်း အသွား – အပြန်ဆိုရင် ခန့်မှန်း ( US$ 1500) ၀န်းကျင်တော့ ရှိနိုင်ပါတယ်။ လက်မှတ်မှာလည်း အသွားခရီးလမ်းတစ်ကြောင်းစာပဲ ၀ယ်ဖို့လိုပေမယ့် အပြန် အတွက်လည်း ဆောင်ထားချင်သေးတယ် ဆိုရင်တော့ နှစ်ကြောင်းစာဝယ်ဖို့သလို ဟိုကိုရောက်လို့ အလုပ်ချက်ချင်းမရသေးခင် ၀င်ငွေမရှိသေးခင် မိမိတို့နေထိုင် သွားလာ စားသောက်ရေး အဆင်ပြေဖို့လည်းလိုအပ်တော့ မိမိလိုအပ်သလောက် ခန့်မှန်းပြီး ကြိုတင် ယူဆောင်သွားသင့်တာလေးတွေလည်း ရှိနေမှာဖြစ်ပါတယ်။ မြန်မာနိုင်ငံအတွင်းတွင် လက်ရှိနေထိုင်နေသော ရွေးချယ်ခံရသူ ကံထူးရှင်လူတစ်ဦးတစ်ယောက်အတွက် ကုန်ကျနိုင်သည့် ခန့်မှန်းကုန်ကျစရိတ်ကို ဖော်ပြပေးခြင်းသာဖြစ်ပြီး မိသားစုဝင် လူဦးရေ များနေခဲ့လျှင် လူဦးရေအလိုက် ကုန်ကျစရိတ်ပိုမိုသွားနိုင်မည် ဖြစ်ပါကြောင်း သိရှိထားသမျှလေးကို မျှဝေပါရစေ…။

အရေးကြီးဆုံး သတိပြုရန်အချက်မှာ လျှောက်ထားလိုသူတစ်ဦးသည် လျှောက်လွှာတစ်စောင်ကို တစ်ကြိမ်သာ ဖြည့်သွင်း လျှောက်ထားခွင့်ရှိပါတယ်။ တစ်ကြိမ်ထက်လုံးဝမပိုရပါ။ ပိုခဲ့လျှင် လျှောက်လွှာများအားလုံး ပယ်ဖျက်ခံရမှာ ဖြစ်ပါတယ်။

ကျနော် သိရှိ မှတ်သား လေ့လာမိသမျှလေးကို ပြန်လည်မျှဝေပေးခြင်းသာဖြစ်ပါတယ်။ လိုအပ်ချက်များ – အားနည်းချက်များလည်း မလွဲမသွေရှိနေမှာဖြစ်တဲ့အတွက် ရှိခဲ့ရင်လည်း ကျနော့်ရဲ့ အပြစ်များသာဖြစ်လို့ ကျေးဇူးပြု၍ ခွင့်လွှတ်နားလည်ပေးစေလိုပါတယ်။ DV – 2015 လျှောက်လွှာကို မိမိကိုယ်တိုင် ဖြည့်သွင်း လျှောက်ထားလိုသူများ အတွက်လည်း အသေးစိပ် လျှောက်လွှာဖြည့်သွင်းပုံလေးအား မကြာမှီ ဆက်လက်ဖော်ပြပေးနိုင်ရန် ကြိုးစားလျှက် ရှိပါကြောင်း…

ခင်မင်စွာဖြင့်…

October 11, 2013
တိုင်းရင်းသားတော်လှန်ရေးများ ချုပ်ငြိမ်းလိုပါလျှင် (ဒေါက်တာ မောင်ဇာနည်)

မူရင်းဆောင်းပါးရှင် – ဒေါက်တာ မောင်ဇာနည်
သာကီ ထက်ကောင်း ဆီလျော်အောင် ဘာသာပြန်ပါသည်။
M-Media

Photo-Myanmar Peace Monitor, Oxford Analytica

မြန်မာစစ်ခေါင်းဆောင်တို့သည် တိုင်းရင်းသားတော်လှန်ရေးများနှင့်ပတ်သက်၍ ငြိမ်းချမ်းမှုကို ရေရှည်ထိန်းသိမ်းထားလိုဟန် မရှိချေ။

ကားလ်မာ့ခ်စ်(Karl Marx) က သူ၏ ကွန်မြူနစ်ပါတီဝါဒကျမ်း(၁၈၄၈ ခုနှစ်)တွင် “ လက်ရှိကာလအထိဖြစ်တည်နေသော လူ့အဖွဲ့အစည်း သမိုင်းသည် လူတန်းစားများ၏ တိုက်ပွဲသမိုင်း ဖြစ်နေ၏ ” ဟု ရေးသားထား၏။ ယင်းသို့သော သုံးသပ်ချက်မှာ မြန်မာ့ပြည်တွင်းရေး ပဋိပက္ခများရှိ တိုင်းရင်းသား လူတန်းစားတို့၏ အရေးပါမှုနှင့် ချိန်ထိုးကြည့်ပါက တစ်ဝက် တစ်ပျက်သာ မှန်ကန်ခြင်းရှိ၏။ ယခုအခါ ဤတိုင်းရင်းသားများ၏ လူမှုဘ၀ အရေးအရာတို့သည် နိုင်ငံရေး ကစားကွက်လေလောဟု ပညာရှင်များစွာ အဖို့ စဉ်းစားစရာဖြစ်လာသည်။ ကရင်၊ ကချင်၊ မွန်၊ ရှမ်း နှင့် အခြား တိုင်းရင်းသားတို့မှာ AK-47 သို့မဟုတ် M16 လက်နက်များ ကိုင်စွဲ၍ ဆက်လက် တိုက်ပွဲဝင်ရသည့် လမ်းကြောင်းသို့ရောက် ရှိနေသည်။ ၂၀၀၅ ခုနှစ်မှ စ၍ သူတို့သည် ရန်ကုန်နှင့်နေပြည်တော်ရှိ ၄င်းတို့၏ တစ်ယူသန် ရန်သူ့ခြေဖျားအောက်မှ တစ်ဖက်သတ်အနိုင်ယူ ၀န်းရံထားမှုကို အားမတန်မာန်လျှော့ ခံယူနေရပေသည်။

၁၉၄၈ ခုနှစ်လွတ်လပ်ရေးကာလကပင် တိုင်းရင်းသားလက်နက်ကိုင်စစ်ပွဲများမှာ အဆက်မပြတ် ကြိုကြားကြိုကြား ပွင့်အံဖြစ်ပေါ်နေခဲ့သည်။ ဗမာလူမျိုး မဟုတ်ဆိုသောအမြင်၊ ပြည်သူ့အရေးနှင့်စစ်ရေး နှစ်မျိုးလုံးတွင် ဗမာလူမျိုးတို့ လွှမ်းမိုးကြီးစိုးထားသည့် အစိုးရမှ သက်ဆိုင်ရာပြည်နယ်တို့၏ သဘာဝ အရင်းအမြစ်များကို ချုပ်ကိုင်ထားခြင်း၊ တန်းတူညီမျှ အခွင့်အာဏာအားငြင်းပယ်မှုတို့က ယင်းစစ်ပွဲတို့၏မောင်းခလုတ် ဖြစ်သွားစေခဲ့သည်။ မြန်မာနိုင်ငံသည် ဗြိတိသျှကိုလိုနီခေတ် ကာလအတိုင်း စစ်တပ်၏ အရေးပါမှုကို ထိပ်တန်းတင်ဆဲ။ ကွာခြားသည်မှာကား စစ်ဗိုလ်ချုပ်များက ၄င်းတို့၏လက်ဝါးကြီးအုပ် အုပ်ချုပ်ရေးကို ရာစုနှစ်တစ်ဝက် လွန်သည်အထိ လက်ဝေခံထားကြသည်။ ဗြိတိသျှတို့အုပ်စိုးခဲ့စဉ်က မြန်မာနိုင်ငံသည် “ကမ္ဘာ့ဆန်အိုးကြီး” အဖြစ် ကမ္ဘာ့ပို့ကုန်ထက်ဝက်မျှ ထုတ်လုပ်တင်ပို့ခြင်းဖြင့် ၀င်ငွေကောင်းမွန်ခဲ့သည်။ မြန်မာဗိုလ်ချုပ်ကြီးများ လက်ထက်တွင်မူ မြန်မာနိုင်ငံကို ပလိုင်းပေါက်နှင့် ဖားကောက်ဘ၀သို့ တွန်းပို့လိုက်သည်။ ၄င်းမှာ ကမ္ဘောဒီးယား၏မျိုးသုဉ်း သတ်ဖြတ်မှုခေတ်လွန် အခြေအနေထက်ဆိုးသော အနေအထားဖြစ်နေ၏။

ဗိုလ်ချုပ်နေ၀င်း လက်အောက်ခံဖြစ်စေ ဗိုလ်ချုပ်မှူးကြီးသန်းရွှေ လက်အောက်ခံဖြစ်စေ စစ်အာဏာပိုင်တို့သည် တိုင်းရင်းသားတော်လှန်ရေးများနှင့် ပတ်သက်၍ ငြိမ်းချမ်းမှုနှင့် မျှတမှုကို ရေရှည်ထိန်းသိမ်းထားလိုဟန် မရှိချေ။ ငြိမ်းချမ်းရေး သဘောတူညီမှုများ၌ အမြဲတစေ အာဏာရှင်ဆန်ဆန် ပြုမူလာခဲ့ကြသည်။ စစ်အာဏာသိမ်းကာ စစ်အုပ်ချုပ်ရေး အုတ်မြစ်ချပြီးနောက် တစ်နှစ် ၁၉၆၃ ခုနှစ်တွင် ဗိုလ်ချုပ်နေ၀င်းသည် ဗမာမဟုတ်သည့် တိုင်းရင်းသားတော်လှန်ရေးအုပ်စုများကိုသာမက ဗမာကွန်မြူနစ်လက်နက်ကိုင် အုပ်စုနှင့် အသက်မပါသော ငြိမ်းချမ်းရေးဆွေးနွေးပွဲများကို လူသိရှင်ကြား ပြုလုပ်ခဲ့သည်။ အမြင်မတူညီသည့် အချို့အုပ်စုများ လက်ခံလာသည့်အခါ ရန်ကုန်အစိုးရသည် ၄င်းတို့အပေါ် လူရာမသွင်းသောမူဝါဒဖြင့် ဆက်ဆံခဲ့ကြသည်။ ဗမာမဟုတ်သော တိုင်းရင်းသားလူ့အဖွဲ့အစည်းများအပေါ် ဗဟိုအစိုးရ၏အာဏာတည်မြဲရန် ဗိုလ်ချုပ်သန်းရွှေမှ စစ်အင်အားစုထံ အဖန်တလဲလဲ ညွှန်ကြားခဲ့ပြန်သည်။ ၄င်းမှာ ငြိမ်းချမ်းရေးနှင့်ပြန်လည်သင့်မြတ်ရေးအတွက် မဟုတ်သည့်အပြင် ဗြိတိသျှကိုလိုနီအုပ်ချုပ်ရေး စံနစ်၏အစိတ်အပိုင်း တစ်ရပ်ဖြစ်နေသည်။

“ အမျိုးသားညီညွတ်ပေါင်းစည်းရေးကို အောင်မြင်သည်အထိ တည်ဆောက်ကြဖို့၊ ပြည်ထောင်စုပြိုကွဲစေမည့် အတွေးအမြင်အယူအဆ မှန်သမျှကို ရှောင်ကြဉ်ကြဖို့ တိုက်တွန်းမှာကြားလိုပါတယ် ” ဟု စစ်တပ်ဆေး တက္ကသိုလ်စာသင်ခန်းမတစ်ခုတွင် သူက ပြောကြားခဲ့သည်။

သို့အားဖြင့် လွတ်လပ်ရေးရပြီး နှစ်ပေါင်း ၆၀ ကျော်လာသည့်တိုင်အောင် လက်နက်ကိုင်ပဋိပက္ခများကို သက်ဆိုးရှည်နေစေခဲ့သည်။ နေပြည်တော်ကိုဆန့်ကျင်သည့် လက်နက်ကိုင်အဖွဲ့အစည်း ၂၁ ဖွဲ့တို့သည် ၂၀၁၁ ခုနှစ်၊ ဇန္န၀ါရီလမှစ၍ အင်အားအရရော နိုင်ငံရေးအနေအထားပါ ထင်ထင်ရှားရှားအပြောင်းအလဲဖြစ်ကုန်၏။ ကချင်၊ ချင်း၊ ၀၊ နာဂတောင်တန်းဒေသများ၊ အခြားဒေသတို့နှင့်သီးခြားဖြစ်နေသော ရခိုင်ကမ်းမြှောင်ဒေသတစ်ခွင်၌ ပဋိပက္ခများ ပိုမို ကျယ်ပြန့်လာသည်။

ရှမ်းပြည်တပ်မတော်(SSA)၊ ကရင်နီအမျိုးသားတိုးတက်ရေးပါတီ၊ မွန်ပြည်သစ်ပါတီ နှင့် ကရင်အမျိုးသားတပ်ပေါင်းစု အပါအ၀င် လက်နက်ကိုင်တိုင်းရင်းသားအုပ်စုများသည် မိုင် ၁၅၀၀ မျှရှည်လျားသော ထိုင်း-မြန်မာနယ်စပ်တစ်လျှောက်၌ ဆက်လက်တပ်စွဲဖြန့်ကျက်ထားကြ၏။ ၄င်းဧရိယာမှာ အရှေ့ဖျားရှိ ရှမ်းတောင်တန်းမှသည် ထိုင်းနိုင်ငံမြောက်ဖက်နယ်စပ် ကရင်နီဒေသ၊ ၄င်း၏အောက်ဖက် တနင်္သာရီကမ်းရိုးတန်းအပြင် ထိုင်းနိုင်ငံ၏ Tak နှင့် Kanchanburi ပြည်နယ်များနှင့်ကပ်လျက် သံလွင်မြစ်တစ်ဖက်ကမ်းရှိ ကရင်နယ်ပယ်များအထိ ကျယ်ပြန့်သည်။

ဗမာမဟုတ်သည့်လူ့အဖွဲ့အစည်းများသည် နိုင်ငံ့လူဦးရေ ပမာဏ၏ သုံးပုံတစ်ပုံခန့်ရှိနေကြသည်။ လွတ်လပ်ရေး ရရှိသွားခြင်းက မိမိတို့မှာ ဗြိတိသျှအုပ်စိုးမှုမှ လွတ်မြောက်၍ ဗမာလူများစု၏ ဖျစ်ညှစ် ဆုပ်ကိုင်မှုအတွင်း တဖန် ကျရောက်သွားသည်ဟု အမြင်ရှိနေကြ၏။ ကွင်းလုံးကျွတ်လွတ်လပ်ရေး မရခင်က ကိုယ်ပိုင် အုပ်ချုပ်ခွင့်ရ ပြည်ထောင်စုမြန်မာနိုင်ငံဖြစ်ပေါ်ရေး၏ ပင်မ အသက်ဖြစ်သော – မိမိညီနောင် တိုင်းရင်းသားများကို ယဉ်ကျေးမှု၊ အာဏာ နှင့် လူမျိုးရေးတွင် တန်းတူညီမျှမှု ရှိစေမည်ဟု ကတိက၀တ် ပေးခဲ့ကြသည်။ သို့သော် လူထုနှင့်စစ်တပ် နှစ်ရပ်လုံးရှိ အမျိုးသားရေး ၀ါဒီများက လွတ်လပ်ရေးရပြီး ကာလတွင် ဤအခြေခံစည်းမျဉ်းကို ချိုးဖျက်ခဲ့ကြသည်။ သီးခြားအုပ်ချုပ်ခွင့်၊ ကိုယ်ပိုင် ဥပဒေပြဋ္ဌာန်းခွင့်ကို သဘောတူထားလင့် ကစား ၄င်းတို့မှာ လူတစ်စုတည်း၏ အကျိုးအမြတ်ကိုသာဖြစ်ထွန်းစေသည့် နိုင်ငံတော်ဖွဲ့စည်းပုံ အသစ်အား အဓမ္မ လက်ခံစေခြင်း ခံလိုက်ရပေ၏။

၁၉၄၇ အခြေခံဥပဒေတွင် လွတ်လပ်ရေးရပြီးနောက် ရှမ်းနှင့် ကရင်နီတို့ကို ၁၀ နှစ် အစမ်းကျင့်သုံးစေမည့် ကိုယ်ပိုင်အုပ်ချုပ်ခွင့် အပါအ၀င် လက်နက်ကိုင် တိုင်းရင်းသားတို့၏ အဓိက ရည်ရွယ်ချက်များမှာ မြန်မာပြည်ထောင်စု ဟူသော ခေါင်းစဉ်အောက်ဝယ် မှေးမှိန်ခဲ့ရသည်။ သို့သော် ၁၉၈၀ ခုနှစ်များအလွန်မှစတင်ကာ နိုင်ငံအတွင်းအပြင်ဖွံ့ဖြိုးရေးက တိုင်းရင်းသားတို့၏မူလခံစားခွင့်ကို ပြန်လည်ရယူရန် တွန်းအားပေးခဲ့ပေသည်။ နိုင်ငံပြင်ပရှိ ပထ၀ီနိုင်ငံရေးတန်းညှိခြင်းများ အနက် လက်နက်ကိုင်ဗမာပြည် ကွန်မြူနစ်အဖွဲ့ကို တိုက်ထုတ်ရန် မြန်မာစစ်တပ်အတွက် အနောက်တိုင်း၏ စစ်အေးကာလ ကျားကန်ထောက်ပံ့မှုက မြန်မာနိုင်ငံ၌ ပြည်တွင်း စစ်ဖြစ်ပွားမှုကို သက်ဆိုးရှည်စေခဲ့သည့် အကြောင်းတစ်ရပ်ဖြစ်သည်။ သမိုင်းကြောင်း ရန်သူဖြစ်သော ထိုင်းနိုင်ငံ၏ နိုင်ငံရေး အငြိုး နှင့် စီးပွားရေးစားကျက်လုခြင်းများ၊ ၁၉၇၀ နှစ်များအတွင်း ဗမာပြည်ကွန်မြူနစ် ပါတီအား စစ်ရေးနှင့်အယူအဆအရ ခိုင်မာစွာ ထောက်ပံ့ခြင်း၊ မအောင်မြင်သော ဆိုရှယ်လစ် စစ်အုပ်ချုပ်ရေးကာလ အတွင်း ပြည်တွင်းမှောင်ခိုဈေးကွက်၊ နယ်စပ်ဖြတ်ကျော် မှောင်ခို လုပ်ငန်းများတို့ကြောင့် မြန်မာနိုင်ငံသည် ကမ္ဘာ့အကြီးမားဆုံး ဘိန်းဖြူထုတ်လုပ်သည့် တိုင်းပြည်တစ်ခု ဖြစ်လာခဲ့၏။

ပဋိပက္ခများအကြား မြန်မာတိုင်းရင်းသားတို့၏စီးပွားရေးအခြေအနေမှာ ကုန်ထုတ်လုပ်ခြင်းအပေါ် ထိန်းချုပ်ရန် အားထုတ်မှုများ၊ လုပ်အားခ အငြင်းပွားမှုများ၊ အလုပ်အကိုင် အခြေအနေများကြောင့် မျှတမှု ကင်းမဲ့နေသည်။ တိုးတက်ဖို့အလားအလာ နည်းပါးလျက်ရှိသည်။ စင်စစ်၌ အကြောင်းတရားမှန်မှာ ဤစစ်ပွဲများပင် ဖြစ်သည်။ ယခုအခါ ဗိုလ်ချုပ် မျိုးဆက်သစ်များအောက်ဝယ် မတရား အမြတ်ကြီးစား အာဏာပိုင်တို့သည် စီးပွားဖြစ်ထွန်းရာ သို့မဟုတ် အချက်အခြာကျရာ နယ်မြေများကို ၄င်းတို့၏ လိုအပ်ချက်အရ အကြွင်းမဲ့ထိရောက်စွာ ခြယ်လှယ်ထား လိုကြပေသည်။ KIA နှင့် KNU ကဲ့သို့သော တိုင်းရင်းသားတော်လှန်ရေး အုပ်စုများအဖို့ ဘေဂျင်းနှင့် ဘန်ကောက်ထံမှ ပြည်ပ အထောက်အပံ့များ ခန်းခြောက် ကုန်သဖြင့် အခြေအနေ ဆိုးရွားနေဆဲဖြစ်ရသည်။ တိန့်ရှောင်ဖိန်လက်ထက် အိမ်နီးချင်း အင်အားကြီး တရုတ်နိုင်ငံ (နှင့်) ကာကွယ်ရေး ဦးစီးချုပ် ဗိုလ်ချုပ် ချောင်ဗာလစ် ယုံချိုင်ယု လက်ထက် ထိုင်းစစ်တပ်တို့သည် ၁၉၈၀ ပြည့်လွန်နှစ်များကတည်းကပင် ရန်ကုန်အား ထိန်းချုပ်ရန် ဆုံးဖြတ်ခဲ့ကြသည်။

သယံဇာတများကိုနှိုက်ယူမည့်စီးပွားရေးဆက်ဆံမှု၊ လက်နက်အရောင်းအ၀ယ်၊ နယ်စပ် ကုန်သွယ်ရေးတို့ကို အသုံးချလျက် အာဆီယံအတွင်း ဈေးကွက် ဖန်တီးရေးအလို့ငှာ အပြန်အလှန် စီးပွားရေးပူးပေါင်းလုပ်ဆောင်ကို အစီအစဉ် တကျ ဖော်ဆောင်လာခဲ့ကြသည်။

နယ်စပ်ဒေသများအပါအ၀င် တိုင်းရင်းသား နယ်ပယ်တို့မှာ နိုင်ငံ့နယ်မြေ စုစုပေါင်း၏ ၆၀ ရာခိုင်နှုန်းအထိ ရှိနေသည်။ စစ်အေးခေတ်လွန် ရည်မှန်းချက်သစ်အတွက် မဟာဗျူဟာအရ – စီးပွားရေးအရ ယင်းဒေသများတွင် စစ်ပွဲအများအပြား ဖြစ်လာအောင် ခင်းကျင်းထားခြင်းဟု ဆိုရလိမ့်မည်။ ယင်းဒေသများ၌ ၀င်ငွေ စီးကြောင်းဖြစ်သည့် မြေပေါ်မြေအောက် သဘာဝ သယံဇာတများ တည်ရှိနေ၍ဖြစ်၏။ ဗမာ မဟုတ်သည့် အခြား တိုင်းရင်းသား အပေါ်ထားရှိသော စစ်တပ်၏ လူမျိုးကြီးဝါဒအား အဆုံးသတ် မသတ်ကို တပ်အပ် မသိရှိနိုင်သေး။ လန်ဒန်၊ ပဲရစ်၊ ဇူးရစ်ခ်ျ၊ နယူးယော့ခ်၊ တိုကျို၊ ဆိုးလ် အစရှိသော စွန့်ဦးဖက်စပ်အရင်းရှင်နှင့် ရင်းနှီးမြှုပ်နှံသူတို့၏ အမြင်၌လည်းကောင်း၊ ဥရောပ သမဂ္ဂနှင့် ၄င်းအခြေပြုဖွံ့ဖြိုးရေးအေဂျင်စီများ၏ အမြင်၌လည်းကောင်း မြန်မာနိုင်ငံရှိ စစ်မက်ဇုံများက ဗျူဟာမြောက်နေရာများဖြစ်ကြောင်း၊ နိုင်ငံတကာ စီးပွားရေး အကျိုးအမြတ်ဖြင့် မြေရိုင်းနယ်သစ်များအား ထွင်းဖောက်နိုင်ချေရှိသေးကြောင်း တွေ့မြင်လာကြသည်။ တစ်ချိန်တည်းမှာပင် စစ်အေးကာလ အာဆီယံရှိ တရုတ်ကွန်မြူနစ်ဆန့်ကျင်ရေး အုပ်စုက ဗဟိုထိန်းချုပ်မှုဖြင့်လည်ပတ်နေသော တရုတ်နှင့် ဈေးကွက်ယှဉ်ပြိုင်သူများအဖြစ် အသွင်ကူးပြောင်းနေသည်။ တောင်အာရှ နှင့် အရှေ့တောင်အာရှ ပေါင်းကူးနယ်မြေ တစ်ခုဖြစ်နေသည့် မြန်မာနိုင်ငံသည် အာဆီယံ၏မဟာစီးပွားရေး အကွက်အကွင်းအတွက် လက်မလွှတ်နိုင်ဖွယ် အချက်အခြာဒေသ ဖြစ်လျက်ရှိပေသည်။
ပြင်ပနိုင်ငံများ၏ စီးပွားရေး အခွင့်အလမ်းများ ကြီးမားလှသည်ဖြစ်၍ ပဋိပက္ခအကြား နစ်မြုပ်နေသည့် မြန်မာလူ့ အဖွဲ့အစည်းများကို ငြိမ်းချမ်းရေး၊ အမျိုးသားပြန်လည် သင့်မြတ်ရေး၊ အခြေခံလူ့ အခွင့်အရေး နှင့် ကိုယ်ပိုင်အုပ်ချုပ်ခွင့်အလားအလာ ကဲ့သို့ နိုင်ငံရေးတိုးတက်မှု ဖြစ်ထွန်းစေလိုကြသည်မှာ ရှည်ရှည်ဝေးဝေးစဉ်းစားနေစရာပင် မလိုအပ်တော့ချေ။ သာဓကအားဖြင့်ဆိုရသော် လွန်ခဲ့သော ၂၅ နှစ်ခန့်တွင် အာရှဖွံ့ဖြိုးရေး ဘဏ်၏အဆိုအရ အာဆီယံမှဆောင်ရွက်ဆဲ အစီအမံများအတွက် ဒေါ်လာ ၅၅၀ ဘီလီယံကို အနောက်တိုင်း အုပ်စုတို့၏ကျောထောက်နောက်ခံဖြင့် ရရှိခဲ့၏။ အရှေ့တောင် အာရှတစ်ခွင်၌ တစ်ခုတည်းသော စွမ်းအင်ဈေးကွက်ကြီး ဖန်တီးနိုင်ရန် အလို့ငှာဖြစ်သည်။ ယင်းဈေးကွက်သစ်တွင် မြန်မာနိုင်ငံကဲ့သို့ စက်မှုစီးပွား အနိမ့်ကျဆုံးသောဒေသတွင်းမှ လျှပ်စစ်ဓာတ်အားကို ထုတ်လုပ်ပြီး စက်မှုစီးပွား အရှိန်အဟုန်ကောင်းလာသော တရုတ်နှင့်ထိုင်းသို့ တင်ပို့မည်ဖြစ်သည်။ လတ်တစ်လောဆွေးနွေးချက်များအောက်ရှိ အလားတူ လျာထားချက် ၂၄ မျိုးမှ မမှန်းဆနိုင်သည့် အကျိုးစီးပွားကို မျှော်မှန်းထားကြသည်။

နယ်ခံတိုင်းရင်း နှင့် လက်နက်များ

လွန်ခဲ့သောနှစ်ပေါင်း ၂၀၀ ကျော်ကပင် မြန်မာနိုင်ငံကို မဟာဗျူဟာမြောက်ဒေသအဖြစ် ပြည်ပအင်အားစုများက အမြင်ထားရှိခဲ့ကြ၏။ အရှေ့တောင်အာရှ စီးပွားရေးအတွက် တရုတ်နှင့် အိန္ဒိယဖက်သို့လမ်းပေါက်သော နောက်ဖေး တံခါးအဖြစ်လည်းကောင်း၊ ဖက်ဆစ် ဂျပန်အတွက် စစ်ဆင်နေရာအဖြစ်လည်းကောင်း၊ ဥရောပစီးပွားရေး အင်အားစုများအတွက် အချက်အခြာကျ ဆိပ်ကမ်းဒေသအဖြစ်လည်းကောင်း၊ သယံဇာတသိုက်ကြီးနှင့်ဈေးကွက် သစ်ဖော်ဆောင်နိုင်သည့် အကွက်အကွင်းအဖြစ်လည်းကောင်း အမြင် အသီးသီး ရှိနေခဲ့ကြ၏။ ၁၉၆၂ ခုနှစ် စစ်အာဏာသိမ်းချိန်မှ ဦးနေ၀င်း၏ အာဏာရှင်စံနစ် ကျဆုံးသော ၁၉၈၈ ခုနှစ်ထိ ယင်းနယ်နမိတ်များကို စစ်ခေါင်းဆောင်များမှ တိုက်ရိုက် ထိန်းချုပ်မှုအားဖြင့်လည်းကောင်း၊ ကိုယ်ပိုင်လွတ်လပ်ရေးကြိုးပမ်းသူ တိုင်းရင်းသား အဖွဲ့တို့ကို တိုက်ခိုက်ခြင်းအားဖြင့် လည်းကောင်း စည်းရိုးခတ်ထားခဲ့သည်။ ယင်း စစ်အေးခေတ်ကာလအတွင်း ထိုင်း၊ အိန္ဒိယ နှင့် တရုတ်ကဲ့သို့ အိမ်နီးချင်း အင်အားစုများက ဆန့်ကျင်ရေးအုပ်စုတို့နှင့် မဟာမိတ်ဖွဲ့ခဲ့သည် သို့မဟုတ် ကိုယ်စီအကျိုးအမြတ်ဖလှယ်နိုင်ရေး အတွက် ထောက်ပံ့ကူညီခဲ့ကြသည်။

တိုင်းရင်းသား လက်နက်ကိုင်တော်လှန်ရေးကား တရုတ်နှင့်ထိုင်းတို့၏တန်ပြန်ဗျူဟာမှထွက်ပေါ်လာသော မိမိတို့၏အတိုင်းအဆမဲ့ဆုံးရှုံးနစ်နာမှုများကို ပြန်လည်ရယူရေးရည်ရွယ်ချက် ဖြစ်သည်။ ယခုသော် KIA ကဲ့သို့ တရားဝင်ဆန့်ကျင်ရေးအင်အားစုများ၊ ၀ပြည်နယ်ညီညွတ်ရေးတပ်ကဲ့သို့ ကနဦးပိုင်းမူးယစ်ဆေးဝါး ထုတ်လုပ်ကုန်ကူးသူအဖွဲ့များက အစိုးရနှင့် အပစ်အခတ်ရပ်စဲရေးကို ရွေးချယ်ခဲ့ကြသည်။ ဗန်ကောက် နှင့် ဘေဂျင်းက ၄င်းတို့ကိုအသုံးချလျက် ဆန့်ကျင်ရေး ဗျူဟာသစ်ကို အစားထိုးခဲ့ပေသည်။ ထိုင်းနိုင်ငံအနေနှင့် မူးယစ်ဆေးဝါးဇုံများမှ ၀င်ငွေဖြောင့်နေသည်။ သို့သော် မူးယစ်ဆေး လုပ်ငန်းနှင့်ကင်းရှင်းနေခဲ့သည့် KNU နှင့် ကရင်နီအမျိုးသားတိုးတက်ရေးပါတီ၊ SSA အုပ်စု စသည့်အဖွဲ့များမှာမူ လက်ရှိတွင် တမဟုတ်ချင်းရေပန်းစားလာသော အစိုးရ၏အပစ်အခတ်ရပ်စဲရေးထက် လက်နက်စွဲကိုင်တော်လှန်ရေးလမ်းကြောင်းကို ဆက်လျှောက်ရန် ဆုံးဖြတ်ထားကြ၏။ ယင်း အပစ်အခတ်ရပ်စဲရေး ဟူသည်မှာ ငြိမ်းချမ်းရေးနှင့်ပြန်လည်သင့်မြတ်ရေးဖက်ကို ရှေ့ရှုဆင်ယင်သည့် ခြေလှမ်းမျိုးမဟုတ်၊ တိုင်းရင်းသားများအကြား လိုလျှင်လိုသလို ခွဲခြားအုပ်ချုပ်ခြင်းမူဝါဒ၏ အစိတ်အပိုင်း တစ်ရပ်သာဖြစ်သည်ဟု သူတို့မှ အမြင်ရှိကြသည်။

၎င်းတို့အဖို့ ထိုင်း၊ တရုတ်အစိုးရတို့နှင့် ရေရှည်ဆက်ဆံရေးမှာ ရုတ်ခြည်းဖြတ်တောက်ခံရ၏။ စစ်အေးခေတ်အလွန်တွင် စီးပွားရေးအခြေပြု ဦးတည်ချက်အသစ်ဖြစ်လာသည်၌ ထိုအချက်ကို ပို၍ရှင်းလင်းသွားစေသည်။ နှစ်ဖက်မျှ အကျိုးဖြစ်ထွန်းသော သဘာဝသယံဇာတနှင့် စွမ်းအင်စီးကြောင်း၊ ဈေးကွက်သစ်များ ခိုင်မာရေး ဟူသည့် စီးပွားရေးဖွံ့ဖြိုးမှုဆိုင်ရာ အယူအဆနှင့် လိုဘများက တစ်စစဖြင့် တိုင်းရင်းသားအာဏာပိုင်များအပေါ် ထင်ထင်ရှားရှား လွှမ်းမိုးလာသည်။ တစ်ယူသန် ဆိုရှယ်လစ်စံနစ်ကိုထူထောင်ခဲ့သော ဦးနေ၀င်းနှင့်၎င်း၏အမွေခံတို့သည် စစ်တပ်မှလွဲ၍ မည်သည့်အရပ်သား မည်သည့်အုပ်စုကိုမျှ စိတ်ချယုံကြည်မှု မထားရှိခဲ့ချေ။ သို့ဖြစ်ရာ ဦးနေ၀င်း၏ တစ်ပါတီဆိုရှယ်လစ် စံနစ်ပြိုလဲလေသော အခါ အကျင့်ပျက်ခြစားမှု၌အရိုးစွဲနေသည့် စစ်အရာရှိတိုင်းက ဆိုရှယ်လစ်စံနစ်မှဖယ်ခွာပြီး အရင်းရှင်စံနစ်သို့ဦးတည်ခြင်းကို ပို၍၀မ်းသာ အားရဖြစ်ခဲ့ကြသည်။ ၁၉၈၈ သွေးမြေကျ အရေးအခင်းပြီးသည်နှင့် မျိုးဆက်သစ်ဗိုလ်ချုပ်အုပ်စုများသည် နိုင်ငံပြန်လည် ထူထောင်ရေး နှင့် ဘဏ္ဍာဖြည့်တင်းရေး နည်းတစ်ရပ်အနေဖြင့် တံခါးဖွင့် ၀ါဒကျင့်သုံးရန် ဆုံးဖြတ်ခဲ့ကြသည်။

တံခါးဖွင့်ခြင်း၏နောက်ကွယ်တွင်

၁၉၈၈ ခုနှစ်၊ ဒီဇင်ဘာလတွင် ထိုင်းကာကွယ်ရေးဦးစီးချုပ် ချောင်ဗာလစ် ယုံချိုင်ယု လက်အောက်ခံစစ်တပ်နှင့် အနီးကပ် ဆက်ဆံရေးရှိသော ထိုင်းကုမ္ပဏီ ၃၅ ခုကို ဒေါ်လာသန်း ၁၂၀ တန်ကြေးရှိ သစ်ထုတ်လုပ်ခွင့် သဘောတူ စာချုပ်ချုပ်ခြင်းဖြင့် နိုင်ငံ၏ အရင်းရှင် လမ်းသစ်ကို အဆောတလျင် စတင်လိုက်သည်။ ရှေ့ဆက်၍ ကျောက်မျက်နှင့် ငါးဖမ်းခွင့်ပေးခဲ့သည်သာမက ထိုင်း-မြန်မာနယ်စပ် ကုန်သွယ်ရေးကိုလည်း ဖွင့်လှစ်ခဲ့၏။ မြန်မာ့ဈေးကွက် လိုအပ်ချက်ထက်ကျော်လွန်ကာ ကျွန်းသစ်၊ သတ္ထု၊ လယ်ယာနှင့်စိုက်မျိုးထွက်ကုန် တင်သွင်းခွင့်ကို တရုတ်မှ ရရှိခဲ့ပြန်သည်။ နိုင်ငံတကာစီးပွားရေးတံခါးဖွင့်ဟမှုမှာ မြန်မာ ဗိုလ်ချုပ်တို့၏ ပင်တိုင်ဆုံးဖြတ်ချက်များသာ ဖြစ်၏။ စီးပွားရေးခံစားခွင့်၊ အောင်မြင်မှု၊ အပြည်ပြည်ဆိုင်ရာ မိတ်ဖက်သစ်၊ လူတန်းစားအခြေခံ ပြည်တွင်းနိုင်ငံရေး တို့အားဖြင့် လှိမ့်ဝင်လာသော အကျိုးအမြတ်အားလုံးမှာ စစ်တပ်ကောင်းကျိုး သက်သက်သာ ဖြစ်ရလေသည်။

၁၉၈၈ ခုနှစ်တွင် အစိုးရပြိုလဲသော်လည်း စစ်တပ်၏အခန်းကဏ္ဍက အရေးပါအရာရောက်နေဆဲသာ။ တဖန် နယ်စပ်တစ်ကြောရှိ လက်နက်ကိုင်တိုင်းရင်းသားအဖွဲ့ ၂၀ ခန့်နှင့် ညီညွှတ်မှု တည်ဆောက်ရေးကို ပြည်တွင်းမြန်မာ လူများစုအားဦးဆောင်နေသော ဒေါ်အောင်ဆန်းစုကြည်၏အလျင် လက်ဦးမှုရယူရန် စစ်ခေါင်းဆောင်များက ဆုံးဖြတ်ခဲ့ကြသည်။ ၁၉၈၉ နှင့် ၁၉၉၉ ခုနှစ်ကာလအတွင်း အတိုက်အခံတိုင်းရင်းသား အုပ်စုများအနက် ၁၇ ဖွဲ့မှာ စစ်အစိုးရနှင့် အပစ်အခတ်ရပ်စဲရေး သဘောတူညီလိုက်ကြသည်။ ဤသဘောတူညီချက်များမှာ တိုးတက်ဖွံ့ဖြိုးရေးကိုသာမက တိုင်းရင်းသားခေါင်းဆောင်တို့၏ကိုယ်ကျိုးစီးပွား လမ်းကြောင်းဖြောင့်ဖြူးစေမည်ဟု အကြောင်းပြခဲ့ကြသည်။

ဤကာလအတွင်း အတိုက်အခံတိုင်းရင်းသားအုပ်စုများအတွက် လက္ခဏာသုံးရပ် ဖြစ်ပေါ်လာသည်။

ပထမအချက်မှာ – ကျားကန်ပေးထားသည့်အိမ်နီးချင်းနိုင်ငံများမှ စစ်ရေးနှင့်အယူအဆဆိုင်ရာ အထောက်အပံ့များ ဆုံးရှုံးသွားသည်။ ၄င်းနောက် စစ်မြေပြင်၌ KIA အပေါ် အသာစီးရမှုများရှိလာသည်။ ဤအချက်က စစ်အစိုးရ၏အမာခံရန်သူများအဖို့ အပစ်အခတ်ရပ်စဲရေး သဘောတူချက်အား လက်မခံဖွယ်ဖြစ်ရသည်။

ဒုတိယအချက်မှာ – အတိုက်အခံခေါင်းဆောင်များသည် မိမိတို့၏ကိုယ်ပိုင်နယ်မြေများ၌ စီးပွားရေးလုပ်ကိုင်ခွင့်အထူးအခွင့်အရေးပေးထားရာ အလျင်အမြန် ကြွယ်ဝချမ်းသာလာကြသည်။ ၄င်းသဘောတူညီချက်များက အတိုက်အခံတိုင်းရင်းသားလူ့အဖွဲ့အစည်းများအတွင်း လူတန်းစားသစ်တစ်ရပ်ကို ဖြစ်ပေါ်အမြစ်တွယ်လာစေသည်။ သို့ဖြင့် အဖွဲ့အုပ်စုများအကြား အက်ကြောင်းထစေခြင်းဖြင့် စစ်အာဏာပိုင်များ အမြတ်ထွက်ခဲ့သည်။

တတိယအချက်မှာ – သွေးကွဲမှုမျက်နှာစာနှစ်ရပ် ဖြစ်ပေါ်လာစေသည်။ စစ်အစိုးရ ဆန့်ကျင်သည့် လက်နက်ကိုင် တိုင်းရင်းသား အုပ်စုများအကြားရှိ သွေးကွဲမှု (နှင့်) အောင်မြင်နေသော အတိုက်အခံခေါင်းဆောင် ဒေါ်အောင်ဆန်းစုကြည်၊ NLD ပါတီ နှင့် အပစ်အခတ်ရပ်စဲထားသော အုပ်စုများအကြားရှိ သွေးကွဲမှုတို့ ဖြစ်ကြသည်။

၁၉၈၈ အရေးအခင်းဖြိုခွဲမှုကိစ္စကတည်းက အနောက်တိုင်းသည် မြန်မာနိုင်ငံအား ရှုံ့ချကာ နှစ်ပေါင်း ၂၀ မျှ ပိတ်ဆို့ခဲ့သည်။ ၄င်းနောက်တွင် မြန်မာ့စီးပွားရေးနှင့်နိုင်ငံရေးပုံဟန်များကြောင့် အနောက်တိုင်း၏စိတ်ဝင်စားမှုကို ဗိုလ်ချုပ်များမှ ရယူနိုင်ခဲ့ပြီး၊ အာရှဒေသစီးပွားရေးအခွင့်အလမ်းနှင့်ကမ္ဘာ့ရေနံကော်ပိုရေးရှင်းများအားဖြင့် ဟောင်းလောင်းပေါက် နိုင်ငံ့ဘဏ္ဍာတွင်းထဲ ဒေါ်လာဘီလီယံများစွာ ဖြည့်သွင်းပေးနိုင်ခဲ့သည်။ နေပြည်တော်မှလည်း ပြည်တွင်းရှိ တော်လှန်သူများ၊ သဘောထားကွဲလွဲသူများနှင့်ဆက်ဆံရေးဗျူဟာကို အစီအစဉ်ပြောင်းလဲလိုက်လေသည်။ ၁၉၈၉ ခုနှစ်မှသည် ယခုနှစ်အစောပိုင်းအထိ အတိုက်အခံဗမာများကို ချေမှုန်းနေရာမှ ဗမာမဟုတ်သည့် လက်နက်ကိုင်တိုင်းရင်းသားအဖွဲ့များနှင့် ယာယီအပစ်အခတ်ရပ်စဲရေးပြုလုပ်ခြင်းဖြင့် အနားသတ်ခဲ့သည်။

ယခုသော် နေပြည်တော်၏ငြိမ်းချမ်းရေးစည်းမျဉ်းအတိုင်းလက်ခံရန် ငြင်းဆိုသည့် အပစ်အခတ်ရပ်စဲမှု သဘောတူထားသောအဖွဲ့ဖြစ်စေ ဆက်လက်ရှင်သန်နေသောအဖွဲ့ဖြစ်စေ မည်သည့်တိုင်းရင်းသားအုပ်စုကိုမဆို အပြီးတိုင်ချေမှုန်းရန် ဗိုလ်ချုပ်များက ဆုံးဖြတ်ထားပေသည်။ ၂၀၀၉ ခုနှစ်၊ သြဂုတ်လတွင် ကိုးကန့်ဒေသရှိ အပစ်အခတ် ရပ်စဲထားသောဒေသခံ တရုတ်တိုင်းရင်းသားအဖွဲ့- မြန်မာအမျိုးသားဒီမိုကရက်တစ်တပ်ပေါင်းစုအား တိုက်ခိုက်ခဲ့သည်။ ကိုးကန့်လူမျိုး ၃ သောင်းခန့်မှာ ဒုက္ခသည်များအဖြစ် တရုတ်နိုင်ငံတွင်းသို့ တိမ်းရှောင်ခဲ့ရသည်။ ၂၀၁၁ ခုနှစ်၊ ဇွန်လတွင် စစ်အာဏာပိုင်များသည် KIO နှင့် ၁၇ နှစ်တာ အပစ်အခတ်ရပ်စဲရေးသဘောတူညီချက်ကို ချိုးဖောက်၍ ကချင်ပြည်နယ် ဧရာဝတီမြစ်ပေါ်ရှိ တရုတ်-မြန်မာ ရေအားလျှပ်စစ်စီမံကိန်းဒေသများမှ KIO တပ်ဖွဲ့များမှန်သမျှကို ရှင်းလင်းခဲ့ပြန်သည်။

တစ်ကျော့ပြန်ဗျူဟာ

စစ်အာဏာရှင်တို့၏ ဤဗျူဟာလမ်းကြောင်းသစ်သည် ၂၀၁၀ ခုနှစ်၊ နိုဝင်ဘာလ ရွေးကောက်ပွဲနောက်တွင် ချမှတ်ကျင့်သုံးခဲ့ခြင်းဖြစ်သည်။ ၄င်း၌ ဗမာလူများစုတို့အတွက် နိုင်ငံရေးလွတ်လပ်ခွင့်အပေါ် ကန့်သတ်လိုက်ခြင်းလည်း ပါဝင်သည်။ ရွေးကောက်ပွဲမတိုင်မီနှင့်နောက်ပိုင်း ဗမာမဟုတ်သည့် တိုင်းရင်းသားတို့၏အသံများ ပိုမိုမှေးမှိန်သွားစေရန် နှင့် ၄င်းအုပ်စုများအတွင်းအပြင်၌ နိုင်ငံရေးသဘောထားအက်ကြောင်း ဆက်လက်ကြီးထွားလာစေရန် ယင်းဗျူဟာက ဆောင်ကြဉ်းထားသည်။ ၁၉၉၃ ခုနှစ်နှင့် ၂၀၀၈ ခုနှစ်အတွင်း အပစ်အခတ်ရပ်ဆိုင်းထားသည့်အုပ်စုများနှင့် ဗမာမဟုတ်သည့်အခြားတိုင်းရင်းသားကိုယ်စားလှယ်တို့အား ကိုယ်ပိုင်အုပ်ချုပ်ခွင့် ဟူသော မက်လုံးဖြင့် အမျိုးသားလွှတ်တော်ထဲ ဆွဲသွင်းခဲ့၏။ သို့သော် လွှတ်တော်သည် စစ်တပ်၏ ၂၀၀၈ အခြေခံဥပဒေအောက်မှ စည်းမျဉ်းနှင့်လမ်းညွှန်ချက်များကို ချမှတ်ကျင့်သုံးအသက်သွင်းနေပေသည်။

လက်တွေ့တွင် ၄င်းတို့၏ရည်မှန်းချက်များနှင့်အရေးအရာများကို စစ်တပ်နှင့်၎င်း၏စိတ်ကြိုက် ရွေးချယ်ကိုယ်စားလှယ်များက လျစ်လျူရှုထားခဲ့ကြ၏။ သို့သာမက ၂၀၁၀ ရွေးကောက်ပွဲ အကြိုကာလများ၌ အပစ်အခတ်ရပ်စဲအုပ်စုများ (၄င်းတို့နှင့်ဆက်နွှယ်နေသည့် ခေါင်းဆောင်များ)အား ၀င်ရောက် ယှဉ်ပြိုင်ခွင့်ကို ဗဟိုစစ်ဌာနချုပ်မှ ငြင်းဆန်ခဲ့သည်။ ၀နယ်မြေ နှင့် အခြားအပစ်အခတ်ရပ်စဲဒေသများတွင် တရားဝင်မဲပေးခွင့်ရှိသူအများအပြားကို စစ်အစိုးရမှ မဲထည့်ခွင့်မပြုခဲ့ချေ။ လုံခြုံရေး အားနည်းသည်ဟူသော အကြောင်းပြချက်ဖြင့် ထိုနယ်ပယ်များ၌ ရွေးကောက်ပွဲကို မကျင်းပရန် ညွှန်ကြားခဲ့သည်။

သမိုင်းကြောင်းတစ်လျှောက် ဗြိတိသျှကိုလိုနီတို့သည် ပြည်မတိုင်းရင်းသား(အထူးသဖြင့် ဗမာလူများစု) နှင့် ချင်း၊ ကချင်၊ ရှမ်း၊ ကရင်နီ စသော တောင်တန်းဒေသသားတို့ မပေါင်းစည်းနိုင်စေရန် စီမံထားခဲ့သည်။ ယနေ့စစ်တပ်သည်လည်း ဗမာလူမျိုးနိုင်ငံရေးသမား၊ အတိုက်အခံများနှင့် ဗမာမဟုတ်သူတို့ သွေးစည်းသွားစေမည့် မည်သည့်ကြိုးပမ်းချက်ကိုမဆို တားဆီးထားခြင်းဖြင့် “ ခွဲခြားအုပ်ချုပ်ရေး ” ဟူသော ကိုလိုနီစံနစ်ဟောင်းကိုပင် တစ်ကျော့ပြန် အသက်သွင်းနေပေသည်။ ဒေါ်စုကြည်သည် နေအိမ် အကျယ်ချုပ်မှလွတ်မြောက်လာပြီး များမကြာမီ တိုင်းရင်းသားပေါင်းစုံ၏ အကျိုးစီးပွားကို အခြေတည်သည့် ဖက်ဒရယ်အစိုးရစံနစ်အား ထူထောင်ရန် စတင်လုံးပန်းခဲ့သည်။ နိုဝင်ဘာလ လယ်ပိုင်းက ဒေါ်စုကြည်သည် စစ်တပ်နှင့် တိုင်းရင်းသားများပြဿနာကိုထောက်ပြပြီး အထပ်ထပ်တင်ပြသော်လည်း – လူနည်းစုတိုင်းရင်းသား အုပ်စုများမှ သူမ၏ ရင်ကြားစေ့ရေးကြိုးပမ်းချက်ကို ထောက်ခံကြိုဆိုကြသော်လည်း နေပြည်တော်က ဥပေက္ခာပြုထားခဲ့သည်။

သြဂုတ်လတွင် သမ္မတဦးသိန်းစိန်က မိမိ၏အရပ်သားတစ်ပိုင်းအစိုးရသည် ငြိမ်းချမ်းရေးနှင့် ရင်ကြားစေ့သင့်မြတ်ရေး ဖော်ဆောင်မည့် အစိုးရ ဟု ကြေညာလျက် လက်နက်ကိုင်အတိုက်အခံတိုင်းရင်းသား အုပ်စုများထံသို့ ငြိမ်းချမ်းရေးစကားကို ကမ်းလှမ်းခဲ့သည်။ လက်နက်ကိုင်အဖွဲ့အစည်းအားလုံးကို နေပြည်တော်ရှိ ဗဟိုအစိုးရထက် ဒေသဆိုင်ရာအာဏာပိုင်များနှင့်ထိတွေ့ဆက်ဆံမှုပြုကြရန်သာ တိုက်တွန်းခြင်းက ထူးခြားနေပေသည်။ “ တိုင်းရင်းသား လူမျိုးစုငြိမ်းချမ်းရေးနှင့် ရင်ကြားစေ့သင့်မြတ်ရေး ” ဟူသည်မှာ ဒေသဆိုင်ရာနှင့်ဒေသတွင်း အုပ်စုများဆိုင်ရာကိစ္စသာ ဖြစ်ကြောင်း (နိုင်ငံတော်နှင့် မသက်ဆိုင်သလို) မီးစိမ်းပြလိုက်သည့် စစ်အစိုးရ၏ရပ်တည်ချက်အစီအမံသစ်တစ်ရပ်ကို ပြက်ပြက်ထင်ထင် တွေ့မြင်လိုက်ရလေသည်။ သို့တစေ စစ်တပ်၏နိုင်ငံရေးစည်းဝိုင်းအတွင်း အလုပ်လုပ်ရန် သဘောတူသော တိုင်းရင်းသားပါတီများအဖို့တော့ ထိုခေါင်းစဉ်မှာ အကောင်းဆုံးအနေအထားဖြစ်နေပေသည်။

ပါလီမန်လွှတ်တော်ပိုင်းဆိုင်ရာစာရင်းဇယားကိုကြည့်လိုက်ပါကလည်း ထူးခြားနေပြန်၏။ လွှတ်တော်အမတ်နေရာ အားလုံးအနက် စစ်တပ်၏ ပါဝင်မှုက ၂၅ ရာခိုင်နှုန်းအထိ ရှိနေ၏။ စစ်အစိုးရ လက်အောက်ခံ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP) တစ်ခုတည်းက အမတ်နေရာ ၁၁၅၄ တွင် ၈၈၃ နေရာ (၇၆.၅ ရာခိုင်နှုန်း) အထိရယူထား၏။ ဗိုလ်ချုပ်နေ၀င်း၏ စစ်အစိုးရဟောင်းမှ ဆင်းသက်သည့် တိုင်းရင်းသားစည်းလုံးညီညွတ်ရေးပါတီက ၆၃ နေရာဖြင့် ဒုတိယအဆင့်၌ ရှိနေသည်။ ဗမာ မဟုတ်သည့် တိုင်းရင်းသားလူ့အဖွဲ့အစည်းများအပေါ် တစညပါတီ၏ သဘောထားကလည်း USDP ထက် မလျော့ပါလေ။ စစ်အစိုးရ၏ လွှမ်းမိုးခြင်းမခံရသော ဗမာမဟုတ်သည့်တိုင်းရင်းသား ပါတီနှစ်ခုသာရှိ၏။ ၄င်းတို့မှာ ရှမ်းတိုင်းရင်းသားများဒီမိုကရက်တစ်ပါတီ(SNDP) နှင့် ရခိုင်အမျိုးသားတိုးတက်ရေး ပါတီ(RNDP) တို့ဖြစ်ကြသည်။ SNDP က အမတ်နေရာ ၅၇ နေရာ၊ RNDP မှ ၃၅ နေရာ အသီးသီး ရရှိထားကြ၏။ သို့သော် ၄င်းတို့၏ မျှော်လင့်ချက် နှင့် အရေး ကိစ္စများသည်လည်း စစ်တပ်မှ မှတ်တမ်းတင်မှုသာရှိပြီး အရေးတယူဆောင်ရွက်ပေးခြင်း မရှိပါလေ။

မြန်မာဗိုလ်ချုပ်များအတွက် စိတ်လှုပ်ရှားစရာနေ့ရက်များ ဖြစ်လာပေပြီ။ လက်ရှိတွင် ၄င်းတို့မှ လက်ခံထားသည့် ပြည်တွင်းပြည်ပ သာမက တိုင်းပြည်၏စီးပွားရေးနှင့်ပညာရှင်အသိုင်းအ၀ိုင်း၏ထောက်ခံမှုကိုရရှိနေသော ၄င်းတို့၏အနီးကပ်ဆုံးရန်သူ ဒေါ်စုကြည်နှင့်NLD အား ရှုံးနိမ့်ခဲ့လျှင် နေပြည်တော်၏နှစ်ပါးသွားအစီအစဉ်မှာ အပြောင်းအလဲ ဖြစ်ရပေတော့မည်။ ဤအတောအတွင်း တရုတ်ကိုမလိုလားသော အနောက်တိုင်းနှင့်အာဆီယံ၏ စီးပွားရေးနှင့်အစီအမံများမှာ ဗိုလ်ချုပ်များ၏အကြိုက်ဖက်သို့ စုဆုံလျက်ရှိနေ၏။ တစ်ခါ တောင်တရုတ်ပင်လယ်မှ အာဆီယံအဖွဲ့ဝင်နိုင်ငံများ အထူးသဖြင့် ကျွန်းနိုင်ငံအုပ်စုတို့သည် အနောက်တိုင်း(အလားတူ ၀ါရှင်တန်)နှင့် ကျယ်ကျယ်ပြန့်ပြန့် လက်တွဲညီညီ ပွဲခင်းနေခြင်းမှာ မိမိတို့၏အင်အားနှင့်ဓနကြီးထွားမှုအပေါ် ချိန်ခွင်လျှာညှိနေခြင်းဟု တရုတ်မှ မပြောဆိုယုံတမယ် ဖြစ်နေ၏။ မြန်မာဗိုလ်ချုပ်များ ပီကင်း၏ဗျူဟာစက်ကွင်းဖက်သို့ ထပ်မံမယိမ်းယိုင်သွားအောင် အာဆီယံနှင့်ဝါရှင်တန်နှစ်ရပ်လုံးမှ တူညီစွာ အာရုံထားနေပုံရ၏။ တိုင်းရင်းသားတော်လှန်ရေးများ ပွင့်အံလာခဲ့စဉ်ကတည်းက နှစ်ပေါင်း ၆၀ အတွင်း ယခုအချိန်သည် စစ်တပ်အဖို့ ဗမာမဟုတ်သည့်အတိုက်အခံအဖွဲ့အစည်းများနှင့် ငြိမ်းချမ်းရေးစာချုပ်ချုပ်ဆိုလိုက်ရန် ပထမဆုံးအကြိမ်အဖြစ် အကောင်းဆုံးအနေအထား၌ ရောက်နေပါသည်။ လူနည်းစုဝင်များ၏အခွင့်အရေးပေးရန်မှာ မငြင်းသာတော့လေပြီ။

** ဆောင်းပါးရှင် မောင်ဇာနည်သည် Free Burma Coalition (1995-2004) ၏ တည်ထောင်သူဖြစ်ပြီး၊ London School of Economics ၏ Department of International Development ၌ ၂၀၁၁-၁၃ ဧည့်သည်တော်အဖွဲ့ဝင် တစ်ဦးဖြစ်၏။ မြန်မာနိုင်ငံနှင့်စပ်လျဉ်း၍ သူရေးသားသည့် စာအုပ်တစ်အုပ်ကို ယေးလ်တက္ကသိုလ်မှ များမကြာမီ ပုံနှိပ်ထုတ်ဝေတော့မည် ဖြစ်ပါသည်။

( ဤဆောင်းပါးသည် စာရေးသူ၏ကိုယ်ပိုင်အမြင်များဖြစ်ပြီး အလ်ဂျဇီးရား၏အာဘော် မဟုတ်ပါ )
မောင်ဇာနည်၏ Neutralising Myanmar’s ethnic rebellions ဆောင်းပါးကို “ သာကီ ထက်ကောင်း ” မှ ဆီလျော်အောင် ပြန်ဆိုရေးသားသည်။

http://www.aljazeera.com/indepth/opinion/2011/12/201112193521860555.html

October 7, 2013