Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

မမြဲတော့သော တွဲလက်များ (Has China Lost Myanmar?)

ဇန်နဝါရီ ၁၅ ၊ ၂၀၁၃

M-Media

မြန်မာတို့၏ မရေမရာဒီမိုကရေစီအတွေးက အနောက်ဖက်သို့ ဦးလှည့်လိုက်သည်နှင့် တရုတ်တို့က လူမျိုးစုပြဿနာကိုမွှေပေးလိုက်သည်။မြန်မာအစိုးရကိုဒေါသထွက်လာအောင် ဆွပေးလိုက်ပြီးပြသနာကို အရှိန်မြှင့်ပေးလိုက်သည်။ သမ္မတ ဦးသိန်းစိန်တက်လာပြီးနောက်ပြန်လည် ထူထောင်ရေးများလုပ်လာသည့် ၂၀၁၁ မှစ၍ တရုတ်တို့နှင့်ပြဿနာ စတက်လာခဲ့သည်။ တရုတ်တို့သည် သူတို့၏အိမ်နီးချင်းမြန်မာနှင့် ဆယ်စုနှစ်ပေါင်း အတော်ကြာနွေးထွေးသော ဆက်ဆံရေးထူထောင်ခဲ့ပြီးမြန်မာ့ သဘာဝ သယံဇာတများနှင့် နိုင်ငံခြားရေး မူဝါဒတို့အားမောင်ပိုင်စီးခဲ့သည်။ ယခုအခါမြန်မာသည် လုံးလုံးလျားလျားမဟုတ်သေးသော်လည်း ဒီမိုကရေစီအသွင်သို့ ကူးပြောင်းနေပြီဖြစ် သဖြင့်မြန်မာပြည်သူများသည် ယခင်စစ်အစိုးရနှင့် သူတို့၏စီးပွားရေးများအား အထောက်အပံ့ များစွာပေးခဲ့သဖြင့် မချစ်သော်လည်းအောင့်ကာ နမ်းခဲ့ရသည့် ဘေဂျင်းအား မလိုလားကြောင်း ပြသနေကြပြီဖြစ်သည်။

လက်ရှိမြန်မာ့နိုင်ငံရေးမှာဒေသတွင်း မတည်ငြိမ်မှုများနှင့် ကြုံတွေ့နေရဆဲဖြစ်သည်။ တရုတ်တို့ကလည်းမြန်မာ့နယ်စပ်သို့ စစ်တပ်များပို့ထားသည်။ ဇန်န၀ါရီလစောစောပိုင်း ကတည်းက ပို့ထားသော တရုတ်စစ် တပ်များသည်မြန်မာ့ပိုင်နက် အတွင်းဖြစ်ပွားနေသော စစ်ပွဲ၏ နောက်ဆက်တွဲ ဖြစ်လာနိုင်ချေများအား ကြိုတင်ကာကွယ်ခြင်းဖြစ်သည်။

တရုတ်သည်သူ့အတွက် အိန္ဒိယသမုဒ္ဒရာထွက်ပေါက်အဖြစ်မြန်မာအား အပိုင်တွက်၍ မရတော့ပေ။ ထို့ပြင် အရှေ့တောင်အာရှနိုင်ငံများအနက် သူ့အား သစ္စာခံသောထောက်ခံသူ မိတ်ဖက်အဖြစ်လည်း သတ်မှတ်၍ မရတော့ပေ။ မြန်မာု့မြို့တော်သစ်နေပြည်တော်နှင့် ၀ါရှင်တန်တို့အကြား ဆက်ဆံရေး ပိုမိုနွေးထွေးလာခဲ့သည်။ အမေရိကန် က အာရှ၏ချိန်ခွင်ညှာ အချိန်အဆသစ်ကိုမြင်လာသည့်အတွက် ဘေဂျင်းကစိုးရိမ်လာခဲ့သည်။ ဘေဂျင်းအတွက် အခြေအနေမှာလည်း ပိုဆိုးလာခဲ့သည်။ မုံရွာဒေသတွင် ရှိသည့်နိုင်ငံ၏ အကြီးဆုံးကြေးနီ သတ္တုတွင်း မှာလည်း ရွာသူရွာသားများနှင့် ဘုန်းတော်ကြီးများ၏ ဆန္ဒပြမှုကို ရင်ဆိုင်နေရသည်။ ထိုသတ္တုတွင်းမှာ စစ်အစိုးရထိန်းချုပ်သော ဦးပိုင်ကုမ္ပဏီနှင့် တရုတ်လက်နက်ကုမ္ပဏီ တို့ ပူးတွဲ လုပ်ကိုင်လည်ပတ်နေသည့် သတ္တုတွင်းဖြစ်သည်။ ၂၀၁၁ ခုနှစ်ကလည်း သမ္မတ ဦးသိန်းစိန်သည် တရုတ်ကုမ္ပဏီက ဒေါ်လာ ၃.၆ဘီလီယံရင်းနှီးမြှုပ်နှံကာ တည်ဆောက်နေသည့်မြစ်ဆုံဆည် စီမံကိန်းကိုပြည်သူများ၏ ဆန္ဒနှင့်ဆန့်ကျင်သည်ဟုဆိုကာ ရပ်တန့်ထားရန် အမိန့်ပေးခဲ့သည်။

မုံရွာတွင် ဖြစ်ပေါ်သော ဆန္ဒပြဆန့်ကျင်မှုများကြောင့်မြန်မာနိုင်ငံတွင် ရှိနေသော တရုတ်၏ ရင်းနှီးမြှုပ်နှံမှုများမှာ အန္တရာယ် ရှိနေပြီလောဟု စိုးရိမ်စိတ်ဖြစ်ပေါ်စေခဲ့သည်။ ဘေဂျင်းသည်မြန်မာပြည်ရှိ ၎င်းစိတ်ဝင်စားသည့် ကိစ္စများကို ထိခိုက်နာကျင်စေခြင်းမှ အကာအကွယ်ပေးရေး ဆိုသည့်ကိစ္စကို အနည်းငယ်သာ လုပ်နိုင်ကြောင်း သိလိုက်ရသည်။ အစိုးရပိုင်းမှ ခွဲခြမ်းစိတ်ဖြာစိစစ်သူများ၊နိုင်ငံခြားရေး မူဝါဒဆိုင်ရာပုဂ္ဂိုလ်များ အပါအ၀င် အရှေ့တောင်အာရှရေးရာ ကျွမ်းကျင်သူများက တရုတ်အစိုးရအနေနှင့် သူ၏မူလလက်ဟောင်းမိတ်ဆွေများဖြစ်ကြပြီး နယ်ခြားတွင်နေထိုင်ကြသည့် လူမျိုးစု သူပုန်များဖက်သို့ပြန်လှည့်သင့်ကြောင်းပြောဆိုနေကြသည်။ တရုတ်ပြည်အနောက်တောင်ဖက် ယူနန်ရှိ “ယူနန် ရဲ ကောလိပ်” မှ နိုင်ငံရေးသိပ္ပံပါမောက္ခ လျန်ဂျင်းယွန် က ၂၀၁၁ ခုနှစ်က ရေးသားတင်သွင်းခဲ့သော စာတမ်းမှာ အတော်သြဇာရှိသော စာတမ်းဖြစ်သည်။ ထိုစာတမ်းတွင် အကယ်၍ တရုတ်မြန်မာနယ်စပ်ရှိ လူမျိုးစု သူပုန်များကိုကောင်းစွာ အသုံးချနိုင်ခဲ့လျှင် တရုတ်အတွက်ရေရှည်သစ္စာရှိသည့် မိတ်ဆွေများဖြစ်လာနိုင်ပြီးမြန်မာနိုင်ငံတွင်ကြုံနေရသည့် အမေရိကန်နှင့် တရုတ်တို့၏ထိပ်တိုက် ရင်ဆိုင်နေရသည့်ရှေ့တန်းအတွက် အသုံးဝင်နိုင်ကြောင်း သုံးသပ်ထားသည်။

မြန်မာနိုင်ငံလွတ်လပ်ရေးရကတည်းက သီးခြားခွဲထွက်ရေးအတွက် တိုက်ပွဲဝင်ခဲ့ကြသော “၀” နှင့် “ကချင်” မျိုးနွယ်စုများ သည် ကာလကြာမြင့်စွာကတည်းက တရုတ်နှင့် ချစ်ကြည်ခဲ့ကြသည်။ ၁၉၆၀ ခုနှစ်များဆီက တရုတ်နှင့် ဆက်ဆံရေး အကောင်းဆုံး ကာလများဖြစ်ခဲ့သည်။ ထိုစဉ်က ထိုမျိုးနွယ်စုများနှင့် တရုတ်အမျိုးသား များပါဝင်သော ဗမာပြည်ကွန်မြူနစ်ပါတီအား တရုတ်က ထောက်ပံ့ပေးခဲ့သဖြင့် ဗဟိုအစိုးရအား ဆန့်ကျင် တော်လှန်ရာတွင် တစိတ်တပိုင်း အောင်မြင်မှုရခဲ့သည်။ ၁၉၉၀နှစ်များတွင် ဘေဂျင်းက လူနှင့်ပစ္စည်းထောက်ပံ့မှုများကို ရပ်ဆိုင်းခဲ့သည်။ သို့သော် ယူနန်ပြည်နယ်အစိုးရသည် နယ်စပ်ကူးလူးဆက်ဆံမှုကို ပုံစံပြောင်းပြီး စီးပွားရေး ဆက်ဆံမှုနှင့် မူးယစ်ဆေးဝါး အစားထိုးသီးနှံ အစီအစဉ်များဖြင့် အစားထိုးခဲ့သည်။ ၂၀၁၁ စက်တင်ဘာတွင် နေပြည်တော်နှင့် “၀” တို့ငြိမ်းချမ်းရေး သဘောတူနိုင်ခဲ့ကြသည်။ သို့သော် ကချင်စစ်တပ်နှင့်မြန်မာစစ်တပ်တို့မှာမူ စစ်ပွဲဆင်နွှဲနေဆဲဖြစ်သည်။မြန်မာတပ်များသည် ကချင်တပ်များကို တိုက်ရာတွင် လေကြောင်းမှ တိုက်ခိုက်ခဲ့ကြောင်း ဇန်န၀ါရီ ၂ရက်နေ့ကပြောခဲ့သည်။ ကချင်စစ်တပ်ကလည်း သူတို့ထံတွင် စစ်သည်အင်အား တစ်သောင်းခွဲရှိကြောင်းကြွားနေဆဲဖြစ်သည်။

ဘေဂျင်းသည် အများပြည်သူသိအောင် ကြေငြာခြင်းကိုမူအနည်းငယ်သာပြုလုပ်သည်။ တရုတ်နှင့်မြန်မာတို့ သည်အရေးပါသော အိမ်နီးချင်းများဖြစ်ကြကြောင်း၊နေပြည်တော်နှင့် ၀ါရှင်တန်တို့ ဆက်ဆံရေးကောင်းမွန်လာ သည်ကိုလည်း တရုတ်ကကြိုဆိုပါကြောင်း တရုတ်နိုင်ငံခြားရေး ၀န်ကြီးဌာနမှဆိုသည်။ သို့သော်ဘေဂျင်းနှင့် လွန်ခဲ့သော ဆယ်စုနှစ်များက ဆက်ဆံခဲ့ရာတွင် ဆန္ဒရှိသလောက် ရလဒ်ကောင်းများ မရခဲ့ကြောင်း သိမ်မွေ့စွာပြောခဲ့သည်။ ထို့ကြောင့် တရုတ်သည် ချဉ်းကပ်ပုံ ပြောင်းသင့်ပြီဖြစ်ကြောင်းဖြင့်ပြီးခဲ့သော နိုဝင်ဘာလက ကျင်းပသော ဧည့်ခံပွဲတွင် တရုတ် နိုင်ငံရေးဆန်းစစ် စိတ်ဖြာသူ တစ်ဦးကပြောသည်။ ဘေဂျင်းမှနောက်ထပ်သြဇာရှိသော ဆန်းစစ်သူတစ်ဦးကလည်း နယ်စပ်ရှိ မျိုးနွယ်စုများသည် မိမိတို့အတွက် ဖဲချပ်ဖြစ်ကြောင်း တရုတ်ပြည် သည် ထိုဖဲချပ်ကိုကောင်းစွာကစားသင့်ကြောင်းပြောသည်။ သူ၏အမြင်သည် လွန်ခဲ့သောနှစ်အနည်းက ဆုံခဲ့ရသည့်နိုင်ငံရေး ဆန်းစစ်သူများ၏ အမြင်များနှင့်တူနေသည်။ သို့သော်မည်သူ တစ်ဦးတစ်ယောက်ကမျှ တိုင်းသိပြည်သိ မပြောခဲ့ကြပေ..။

http://www.foreignpolicy.com/တွင် ဖော်ပြခဲ့သည့် ဆောင်းပါးရှင် YUN SUN ၏ Has China Lost Myanmar? ဆောင်းပါးကို M-Media မှာ ဆီလျော်အောင် ဘာသာပြန်ဆိုပါသည်။

January 22, 2013
“ငါ့မှာ မျှော်လင့်ခြင်း အိပ်မက် တစ်ခုရှိတယ်” မာတင်လူသာကင်း (ဂျူနီယာ)

M-Media

မာတင်လူသာကင်း (ဇန်နဝါရီ ၁၅၊ ၁၉၂၉ – ဧပြီ ၄၊ ၁၉၆၈) ဟာ အာဖရိကန်-အမေရိကန် နိုင်ငံသား အခွင့်အရေး လှုပ်ရှားမှုမှာ ထင်ရှားတဲ့ခေါင်းဆောင် ခရစ်ယာန်ဘုန်းတော်ကြီး တစ်ပါးဖြစ်ပါတယ်။ သူဟာ အကြမ်းမဖက်တဲ့နည်းနာတွေနဲ့ နိုင်ငံသားအခွင့်အရေး တိုးတက်ရရှိရေး လှုပ်ရှားမှုတွေကို ဦးဆောင်ခဲ့သူဖြစ်တယ်။

၁၉၅၅ ခုနှစ်မှာ မောင်ဂိုမာရီ ဘတ်စ်ကား သပိတ်မှောက်မှုကို ဦးဆောင်ခဲ့ပါတယ်။ ၁၉၅၇ ခုနှစ်မှာ Southern Christian Leadership Conference (SCLC) ကိုဖွဲ့စည်းခဲ့ပြီး၊ အဲဒီအဖွဲ့အစည်းရဲ့ ပထမဆုံး ဥက္ကဌအဖြစ်ဆောင်ရွက် ခဲ့ပါတယ်။ တဖန် သူဟာ ၁၉၆၃ ခုနှစ် မတ်လ၊ ဝါရှင်တန် လူထုဆန္ဒပြပွဲကြီးကိုလည်း ဦးဆောင်ခဲ့ပြန်တယ်။ အဲဒီ လူထု ဆန္ဒပြပွဲကြီးမှာဘဲ သူ့ရဲ့သမိုင်းဝင် “I Have a Dream” ဆိုတဲ့ မိန့်ခွန်းပြောခဲ့တာဖြစ်ပါတယ်။ ၁၉၆၄ ခုနှစ်အောက်တိုဘာလမှာတော့ မာတင်လူသာကင်းဟာ ငြိမ်းချမ်းရေးနိုဗဲလ်ဆုကို ရရှိခဲ့ပါတယ်။ နောက်ပိုင်းမှာတော့ သူဟာ ဆင်းရဲမှု နဲ့ ဗီယက်နမ် စစ် ဆန့်ကျင်ရေးတွေအပေါ် အာရုံစိုက်လာပါတယ်။ ၁၉၆၇ ခုနှစ်မှာ “Beyound Vietnam” ဆိုတဲ့ မိန့်ခွန်းပြောခဲ့ပါတယ်။ ဆက်လက်ပြီး ဆင်းရဲသားများ လှုပ်ရှားမှုလုပ်ဖို့ စီစဉ်ခဲ့ပါတယ်။ ၁၉၆၈ ခုနှစ် ဧပြီလ ၄ ရက်နေ့မှာ တဲန်နာဆီပြည်နယ် မဲမ်ဖီစ်မြို့မှာ မာတင်လူသာကင်းဟာ လုပ်ကြံ သတ်ဖြတ်ခြင်းခံခဲ့ရပါတယ်။ ၎င်း သေဆုံးပြီးနောက် ၁၉၇၇ ခုနှစ်မှာ ၎င်းအား သမ္မ္မတ မှ လွတ်လပ်မှုဆိုင်ရာ ဆုတံဆိပ်ကို ချီးမြှင့်ခဲ့ပြီး၊ ၂၀၀၄ ခုနှစ်မှာ ကွန်ဂရက်ဆိုင်ရာ ရွှေတံဆိပ်ဆုကို ချီးမြှင့်ခဲ့ပါတယ်။ မာတင်လူသာကင်းကို ဂုဏ်ပြုတဲ့အနေနဲ့ မာတင်လူသာကင်းနေ့ ကို အမေရိကန် နိုင်ငံတဝှမ်း အားလပ်ရက်အဖြစ်သတ်မှတ်ထားပါတယ်။

မာတင် လူသာကင်းရဲ့ “ငါ့မှာ မျှော်လင့်ခြင်း အိပ်မက် တစ်ခုရှိတယ်” မိန့်ခွန်း

မာတင်လူသာကင်း(ဂျူနီယာ)

သြဂုတ်လ ၂၈ ရက်၊ ၁၉၆၃ ခုနှစ်။

Civil rights leader Martin Luther King waves to a crowd estimated at 250,000 during his speech on the Mall in Washington DC during the ”March on Washington” on Aug. 28, 1963. As he spoke, King envisioned a future of racial equality with his ”I Have a Dream” speech. (AFP)

ဒီကနေ့ ကျွန်ုပ်တို့နိုင်ငံ လွတ်လပ်မှုအတွက် သမိုင်းကြောင်း တလျောက်လုံး စီးဆင်းသွားမဲ့ အကြီးမားဆုံး ဆန္ဒ ထုတ်ဖော်ပွဲမှာ ခင်ဗျားတို့နဲ့ လက်တွဲပါဝင်ရတဲ့ အတွက် နှစ်ထောင်းအားရဖြစ်မိပါတယ်။

လွန်ခဲ့တဲ့နှစ်တစ်ရာတုန်းက ကြီးမားတဲ့အရိပ်လက္ခဏာဆောင်တဲ့ အမေရိကန်လွတ်လပ်ရေးကြေငြာချက် လက်မှတ်ရေးထိုးရေးဘက်မှာ ကျွန်ုပ်တို့ရပ်တည်ခဲ့ကြတယ်။ အဟုန်ပြင်းတဲ့ ဒီကြေငြာချက်ဟာ ဆိုးရွားလှတဲ့ တရားမမျှတမှု မီးကြီးလောင်မြိုက်ခံနေရတဲ့ သန်းပေါင်းများစွာသော နီဂရိုး ကျေးကျွန်တွေအတွက် မျှော်လင့် ချက်မီးရှူးတန်ဆောင်ကြီး ဖြစ်ခဲ့တာပေါ့။ ဒီစာချုပ်ဟာ ရှည်လျားလှတဲ့ အမှောင်ထုလှောင်အိမ်ကြီးကို ဖြိုခွင်းပစ်လိုက်တဲ့ ပျော်ရွှင်စရာ အာရုဏ်ဦးကြီးဖြစ်တယ်။

ဒါပေမဲ့ နှစ်တရာကြာတဲ့အခါမှာတော့ နီဂရိုးတွေ မလွတ်မြောက်သေးဘူးဆိုတာ ကျွန်ုပ်တို့ဝမ်းနည်းစွာ တွေ့ကြုံ ကြရတယ်။ နှစ်တရာကြာတဲ့အခါ သီးသန့်ခွဲပြီး အနှိမ်ခံထားတာတွေ၊ ကွင်းဆက်လိုက်ပြီး မဆုံးနိုင်တဲ့ နှိမ်ချခွဲခြားမှု တွေကြောင့် နီဂရိုး တွေဘဝဟာ ခြေလက်တွေလှုပ်မရအောင် ထိန်းချုပ်ထားသလို ဝမ်းနည်ဖွယ်ရာ ထိခိုက်ပျက် စီးနေရတယ်။ နှစ်တစ်ရာကြာတဲ့ အခါ နီဂရိုးတွေဟာ ရုပ်ဝတ္ထုကြွယ်မှု ဆိုတဲ့သမုဒ္ဒရာကြီး ဝန်းရံထားတဲ့၊ အထီးကျန် ဆင်းရဲမှု ကျွန်းကလေးမှာနေ နေကြရပြန်တယ်။ နှစ်တရာကြာတဲ့ အခါ နီဂရိုး တွေကို အမေရိက လူ့အဖွဲ့အစည်း ရဲ့ဒေါင့်တနေရာမှာချောင်ထိုးခံထားရတယ်။ ကိုယ့်တိုင်းပြည်အတွင်းမှာ ပြည်နှင်ဒဏ်ခံနေကြရတယ်။ ဒါကြောင့် ဒီ စိတ်ပျက်ဖွယ်ရာ အခြေအနေဆိုးကို ထုတ်ဖေါ်ပြသဖို့ ကျွန်ုပ်တို့ ဒီကနေ့ ဒီ နေရာမှာ စုရုံးကြတာဖြစ်တယ်။

သဘောကတော့ ချက်လက်မှတ်တစ်စောင်ကို ငွေသားနဲ့လှဲဖို့မြို့တော်ကို တက်လာကြတာဖြစ်တယ်။ ကျွန်ုပ်တို့ နိုင်ငံကိုတည်ဆောက်ခဲ့ကြတဲ့ ဗိသုကာကြီးတွေဟာ အခြေခံဥပဒေနဲ့ လွတ်လပ်ရေးကြေငြာစာတမ်းကို ခန့်ညား ထယ်ဝါတဲ့ စကားလုံးတွေနဲ့ ရေးစဉ်တုန်းက အမေရိကန်နိုင်ငံသားတိုင်း အကျုံးဝင်စေရမယ်ဆိုတဲ့ ကတိစာချုပ်ကို သူတို့ လက်မှတ်ရေးထိုးခဲ့ကြတယ်။ ဒီစာချုပ်ဟာ ပြောင်းလဲလို့မရတဲ့ အသက်ရှင်ရပ်တည်မှု အခွင့်အရေး၊ လွတ်လပ်မှုနဲ့ ပျော်ပျော်ရွှင်ရွှင်ဘ၀လမ်းကြောင်းနိုင်ဖို့ အခွင့်အရေးတွေကို အာမခံကြောင်း နိုင်ငံသားအားလုံးကို ကတိပြုတဲ့ စာချုပ် တရပ်ဖြစ်တယ်။

ဒီကနေ့ အမေရိကနိုင်ငံကြီးဟာ အသားအရောင်မတူတဲ့သူ့ နိုင်ငံသားတွေအပေါ်မှာ ဒီကတိစာချုပ်အရ ပေးစရာရှိတာတွေ ပေးရမှာပျက်ကွက်နေတာ သိသာထင်ရှားလှပါတယ်။ အမေရိကန်နိုင်ငံကြီးဟာ ဒီမြင့်မြတ်လှတဲ့ တာဝန်ဝတ္တရားကြီးကို ဆောင်ရွက်ပေးရမဲ့အစား နီဂရိုးတွေကို “ငွေအလုံအလောက်မရှိပါ” ဆိုတဲ့ မှတ်ချက်နဲ့ ငွေထုတ်သူဆီပြန်၊ ပြန်ရောက်လာတတ်တဲ့ bad check ကိုပေးတာဘဲဖြစ်တယ်။

ဒါပေမဲ့ တရားမျှတမှုတည်းဟူသော ဘဏ်ကြီးဟာ မွဲပြာကျနေတယ်ဆိုတာ ကျွန်ုပ်တို့မယုံကြည်နိုင်ဘူး။ ဒီနိုင်ငံကြီးရဲ့ အခွင့်အလမ်းတွေ အင်မတန် ပေါကြွယ်တဲ့မြေ တိုက်ခန်းထဲမှာ ငွေကြေး မလုံလောက်ဘူးဆိုတာ ကျွန်ုပ်တို့ မယုံကြည် နိုင်ဘူး။ ဒါကြောင့် ဒီချက်လက်မှတ်ကြီးကို ငွေသားနဲ့လှဲလှယ်ဖို့လာခဲ့ကြတာပါ။ ဒီချက်လက်မှတ်ကြီးဟာ လွတ်လပ်မှု ကျယ်ကျယ်ပြန့်ပြန့်ရရေး၊ တရားမျှတမှုတွေအာမခံချက်ရှိရေးဆိုတဲ့ ကျွန်ုပ်တို့ရဲ့တောင်းဆိုချက်တွေကိုပေးမဲ့ ချက်လက်မှတ်ကြီးဖြစ်တယ်။ ထို့အတူဘဲ ကျွန်ုပ်တို့ဟာ အမေရိကန်ပြည်ထောင်စုကြီးကို ထက်ထက်သန်သန် သတိ ပေးနှိုးဆော်ဖို့အတွက် ဒီနေရာကိုရောက်လာခြင်းလည်းဖြစ်တယ်။ အခုအချိန်ဟာ ပျားရည်နဲ့ဝမ်းချလို့ရမဲ့အချိန် မဟုတ်တော့ဘူး။ အခုအချိန် ဟာ ခွဲခြားခံရမှုအမှောင်ထုတွင်းထဲမှ တရားမျှတမှုတည်းဟူသော အလင်းရောင်လမ်းကြောင်းဆီကို ချီတက်ရန် နှိုးထဖို့အချိန်ရောက်ပြီ။ အခွင့်အလမ်းတံခါးမကြီးကို ဘုရားသခင်ရဲ့ ကလေးတွေအားလုံးအတွက် ဖွင့်ဖို့အချိန်ရောက်ပြီ။ အခုအချိန်ဟာ ကျွန်ုပ်တို့နိုင်ငံကို လူမျိုးရေး တရားမမျှတမှု သဲဗွက်အနေအထားကနေ ခိုင်မာတဲ့ ညီအစ်ကိုတော် ကျောက်တုံး အနေအထားမျိုး ရောက်အောင်ဆောင်ရွက် ဖို့အချိန်တန်ပြီဖြစ်တယ်။

အရေးကြီးတဲ့ကာလကို လစ်လျူရှု့မယ်ဆိုရင်၊ နီဂရိုးတွေရဲ့ ဆုံးဖြတ်ချက်ကို လျော့တွက်မယ်ဆိုရင်၊ တိုင်းပြည်အ တွက် ကံဆိုးမိုးမှောင်ကျလိမ့်ပါမယ်။ လွတ်လပ်ခြင်း၊ ညီမျှခြင်းတွေနဲ့အတူ လန်းဆန်း တက်ကြွတဲ့ဆောင်းဦးရာသီ တခုကို မရောက်မချင်း နီဂရိုးတွေရဲ့သဘာဝကျလှတဲ့ ပူပြင်းတဲ့ အခဲမကျေနွေရာသီကြီးဟာ ဆက်လက်တည် ရှိနေဦးမှာဘဲ။ ၁၉၆၃ ခုနှစ်ကြီးဟာ နိဂုံးမဟုတ်သေးဘူး။ နိဒါန်းသာဖြစ်တယ်။ နီဂရိုးတွေကိုချွေးသိပ်ထားဖို့လို အပ်တယ်၊ ဒါဆိုသူတို့ကျေနပ်သွားမယ်လို့ လို့မျှော်လင့်တဲ့သူတွေဟာ တိုင်းပြည်ရဲ့လုပ်ငန်းတွေ ခါတိုင်းလိုပြန် လည် လည် ပတ်လာတဲ့အခါကျရင် သတိပြုမိကြလိမ့်မယ်။ နီဂရိုးတွေကို နိုင်ငံသားအခွင့်အရေး မပေးသမျှ အမေရိကန်မှာ အေးဆေး၊ တည်ငြိမ်မှုရှိမှာမဟုတ်ဘူး။ တရားမျှတမှုပေါ်ပေါက်လာတဲ့နေ့အထိ လေပွေကြမ်းကြီးက ကျွန်ုပ်တို့ နိုင်ငံရဲ့ အခြေခံအုတ်မြစ်ကို ကိုင်လှုပ်နေဦးမှာဖြစ်တယ်။

ဒါပေမဲ့ တရားမျှတမှုနန်းတော်ရဲ့ လှေကားရင်းမှာရောက်နေကြပြီဖြစ်တဲ့ ကျွန်ုပ်ရဲ့လူတွေကိုပြောဖို့ တစုံတရာတော့ ရှိပါတယ်။ ကျွန်ုပ်တို့မှန်ကန်တဲ့နေရာကိုရဖို့ဆောင်ရွက်ရာမှာ စိတ်စနိုးစနှောင့်ဖြစ်စရာဘာမှမလိုဘူး။ ကျွန်ုပ်တို့ ဆာ လောင်ငတ်မွတ်နေတဲ့ လွတ်လပ်မှုကြီးအတွက် ခါးသီးမှုတွေ၊ အမုန်းတရားစိတ်တွေကိုတော့ မမွေးလိုက်ကြပါနဲ့။

ကျွန်ုပ်တို့ရဲ့ ရုန်းကန်တိုက်ပွဲဝင်မှုကို ဂုဏ်သိက္ခာရှိရှိ၊ စည်းကမ်းရှိရှိနဲ့ ဆောင်ရွက်သွားကြရမှာဖြစ်တယ်။ ကျွန်ုပ်တို့ ရဲ့ကန့်ကွက်ဆန္ဒပြမှုတွေကို ရုပ်ပိုင်းအကြမ်းဖက်မှု အသွင်ဖြစ်သွားအောင် လုပ်ဆောင်တာမျိုးကို ခွင့်မပြုဘူး။ ကျွန်ုပ်တို့ တင့်တယ်လှတဲ့ ရုပ်ပိုင်းဆိုင်ရာအားတွေကို စိတ်ပိုင်းဆိုင်ရာအားတွေရဲ့ အထောက်အတိုင်နဲ့ မြင့်သ ထက်မြင့်ဖို့ ထပ်ခါတလဲ လဲ မြှင့်တင် သွားကြရမယ်။ နီဂရိုးလူ့အဖွဲ့အစည်းကို ထူးထူးခြားခြား ဝါးမျိုးလာနေတဲ့ ရန်လိုမှုတွေကြောင့် ကျွန်ုပ်တို့တွေဟာ လူဖြူတွေ အားလုံးကို အယုံအကြည် ကင်းသွားတာ မျိုးလည်းမဖြစ်သင့်ဘူး။ ဘာကြောင့်လဲဆိုတော့ ကျွန်ုပ်တို့နဲ့အတူ ဒီမှာရောက်ရှိနေကြတဲ့ ကျွန်ုပ်တို့ရဲ့ညီအစ်ကိုတော် လူဖြူတွေဟာ သူတို့ရဲ့ဘဝနဲ့ ကျွန်ုပ်တို့ရဲ့ဘဝဟာ တထပ်တည်းဘဲ၊ ဆိုတာနားလည်ကြတယ်။ သူတို့ရဲ့လွတ်လပ်မှုနဲ့ ကျွန်ုပ်တို့ ရဲ့လွတ်လပ်မှု ခွဲခြားလို့မရဘူးဆိုတာလည်း သူတို့ သဘောပေါက် နားလည်ကြတယ်။ ဒါ သက်သေပါဘဲ။ ကျွန်ုပ်တို့ ချည်းသက်သက်ဘဲ သွားလို့မရပါဘူး။

ကျွန်ုပ်တို့ချီတက်သွားတဲ့အခါ ရှေ့ကိုသာတူရူပြီး ဆက်လက်သွားကြမယ်လို့ သံန္နိဌာန် ချထားရမယ်။ ကျွန်ုပ်တို့ နောက်ပြန်လှည့်လို့ မရဘူး။ နိုင်ငံသားအခွင့် အရေးကိုထောက်ခံသူတွေ မေးကြတာရှိတယ်။ “ခင်ဗျားတို့ ဘယ်တော့ကျေနပ်မှာလဲ”တဲ့။ ကျွန်ုပ်တို့ရဲ့ခန္ဓာကိုယ် လေးလေးပင်ပင် နွမ်းနွမ်းလျလျ ခရီးသွားနေရမျှ၊ အဝေးပြေးလမ်းမပေါ်က မော်တယ်တွေမှာ၊ မြို့တွေထဲက ဟော်တယ်တွေမှာ တည်းခိုခွင့်မရသမျှ၊ ကျွန်ုပ်တို့ ကျေနပ်မှာမဟုတ်ဘူး။ နီဂရိုးတွေ စုတ်စုတ်ပြတ်ပြတ် တဲဂုတ်တွေထဲ ကနေ အိုးအိမ်ကြီးတွေဆီကို ပြောင်းရွေ့နိုင်ခွင့် မရသမျှ ကျွန်ုပ်တို့ ကျေမှာမဟုတ်ဘူး။ မစ္စစပိက နီဂရိုးတစ်ယောက် မဲ ပေးခွင့်မရသမျှ၊ နယူးယောက်က နီဂရိုးတစ် ယောက်ဟာ သူ့မှာ မဲပေးနိုင်ဖို့ ဘာမှမရှိဘူး လို့ယုံကြည်နေသေးသမျှ ကျွန်ုပ်တို့ ဘယ်တော့ကျေနပ်မှာ မဟုတ်ဘူး။ မကျေနပ်ဘူး…မကျေနပ်ဘူး။ ကျွန်ုပ်တို့ မကျေနပ်ကြပါဘူး။ တရားမျှတမှု ရေစီးကြောင်းဟာ သမာဓိ ဆိုတဲ့ ချောင်းမကြီးထဲကို မစီးဝင်သမျှ ကျွန်ုပ်တို့ကျေနပ်မှာမဟုတ်ဘူး။

တချို့သူတွေဟာ စမ်းသပ်မှုတွေ၊ ဒုက္ခဗျာပါဒတွေ့ရင်ဆိုင်ရင်း ဒီကိုလာကြတယ်ဆိုတာ ကျွန်တော်သတိပြု မိပါတယ်။ တချို့တွေက အချုပ်ခန်းကျဉ်းထဲကထွက်လာရလို့ လန်းဆန်းလာကြတယ်။ တချို့တွေက လွတ်လပ်မှု တောင်းဆိုလို့ ငြင်းပန်းနှိပ်စက်ကလူ ပြုနေတဲ့ မုန်တိုင်းကြီးရဲ့ အထုအထောင်းကြားကလာကြရတယ်။ တချို့တွေက ပုလိပ်တွေရဲ့ လူမဆန်တဲ့လုပ်ရပ်ကို ရှောင်ကွင်းလာကြရတယ်ဆိုတာကို ကျွန်တော်သတိပြုမိပါတယ်။ ခင်ဗျားတို့တတွေဟာ ဒုက္ခခံစားရတဲ့နေရာမှာတော့ ကျင်လည်နေတဲ့ သူတွေပါပဲ။ မတရားသဖြင့် ဒုက္ခခံစားခြင်းဟာ အကောင်းဘက်ကို ဦးတည်စေတယ်ဆိုတဲ့ ယုံကြည် ချက်နဲ့ ဆက်လုပ်ကြပါ။

ဒီအခြေအနေတွေဟာ ပြောင်းလဲနိုင်တယ်၊ ပြောင်းလဲသွားမယ်ဆိုတဲ့ အသိတွေနဲ့ မစစ္စစပီကို ပြန်သွားကြပါ၊ အလာဘားမားကိုပြန်သွားကြပါ၊ ဂျော်ဂျီယာကိုပြန်သွားကြပါ၊ လူစီယားနားကိုပြန်သွားကြပါ၊ မြောက်ပိုင်းမြို့တော် ဆင်းရဲသားရပ်ကွက်တွေဆီက တဲစုတ်တွေဆီပြန်သွားကြပါ။ စိတ်ကုန်တာစိတ်ပျက်တာတွေ မဖြစ်ကြပါနဲ့။

မိတ်ဆွေအပေါင်းတို့ ဒီကနေ့ ကျွန်တော် ခင်ဗျားတို့ကိုပြောမယ်။ ဒီကနေ့ကာလဟာ စိတ်ပျက်စရာတွေ၊ အခက်အခဲ တွေရှိပေမဲ့လည်း ကျွန်တော့်မှာ မျှော်မှန်းချက် တရပ်ရှိနေစဲဘဲဆိုတာ ခင်ဗျားတို့ကိုပြောချင်ပါတယ်။ ဒါဟာ အမေရိ ကန် မျှော်မှန်းချက်ထဲမှာ နက်နက်နဲနဲ အမြစ်တွယ်နေတဲ့ အိပ်မက်လည်းဖြစ်တယ်။

တနေ့ကျရင် ဒီနိုင်ငံမှာ ဓမ္မတရား အဓိပ္ပါယ်အစစ်အမှန်ပေါ်ထွန်းမယ်ဆိုတဲ့ မျှော်မှန်းချက်တရပ် ကျွန်တော့မှာရှိတယ်။ “လူတွေကို အညီအမျှ ဖန်ဆင်းထားပေးတယ်ဆိုတဲ့ အမှန်တရားကို ကျွန်ုပ်တို့ ကိုယ်ပိုင် သက်သေအဖြစ် လက်ဆုပ်လက်ကိုင် ထားကြတယ်။”

တနေ့ကျရင် ဂျော်ဂျီယာတောင်ကုန်းနီတွေပေါ်မှာ ကျွန်ဟောင်းတွေရဲ့သားသမီးတွေနဲ့၊ ကျွန်ပိုင်ရှင်ဟောင်းတွေရဲ့ သားသမီးတွေ ညီအစ်ကိုတော်စားပွဲဝိုင်းမှာ အတူထိုင် စားသောက်ကြမယ်ဆိုတဲ့မျှော်မှန်းချက်တရပ် ကျွန်တော့မှာရှိ တယ်။

တနေ့ကျရင် တရားမမျှတမှု နဲ့ ဖိနှိပ်မှု အပူမီးတွေလောင်ကျွမ်းနေတဲ့ ကန္တာရလို မစ္စစပီပြည်နယ်မှာတောင်မှ လွတ်လပ်တဲ့ တရားမျှတဲ့ အိုအေစစ်တခု အဖြစ်ကိုပြောင်းလဲ သွားမယ်ဆိုတဲ့ မျှော်မှန်းချက် တရပ်ကျွန်တော့်မှာရှိ တယ်။

တနေ့ကျရင် ကျွန်တော့်သားသမီးလေးယောက်ဟာ အသားအရောင်ပေါ်အခြေခံမဘဲ အကြောင်းအချင်းအရာ လက္ခဏာပေါ်မှာသာအခြေခံပြီး တရားစီရင် ဆုံးဖြတ်တဲ့ နိုင်ငံမှာ နေထိုင်ကြလိမ့်မယ်ဆိုတဲ့ မျှော်မှန်းချက်တရပ် ကျွန်တော့် မှာရှိတယ်။

ဒီကနေ့ ကျွန်တော့မှာတော့ မျှော်လင့်ခြင်း အိပ်မက်တစ်ခု ရှိနေပါတယ်။

တနေ့ကျရင် အလာဘားမားပြည်နယ်မှာ၊ ပြည်နယ်အုပ်ချုပ်ရေးမှူးရဲ့ နုတ်ဖျားက ငြင်းချက်စကားလုံးတွေ၊ ပယ်ဖျက် လိုက်ပြီဆိုတဲ့စကားလုံးတွေ ရွှမ်းရွှမ်းဝေနေတဲ့ အဲဒီပြည်နယ်မှာ လူမည်းယောင်္ကျားလေး၊ မိန်းခလေးတွေဟာ လူဖြူ ယောင်္ကျားလေး၊ မိန်းခလေးတွေနဲ့ ညီရင်းအစ်ကို မောင်ရင်းနှစ်မတွေလို လက်ချင်းချိတ်ပြီးလမ်းလျှောက်ကြမဲ့ အခြေအနေမျိုးပြောင်းလဲသွားမယ်ဆိုတဲ့ မျှော်မှန်းချက်တရပ် ကျွန်တော့် မှာရှိတယ်။

ဒီကနေ့ ကျွန်တော့်မှာ မျှော်မှန်းချက်တရပ်ရှိတယ်။

တနေ့ကျရင် ချိုင့်ဝှမ်းတိုင်းမြှင့်တက်လာလိမ့်မယ်၊ တောင်ကုန်းတွေ၊ တောင်တန်းတွေ တိုင်းကိုနိမ့်သွားလိမ့်မယ်။ အဖုအ ထစ် မညီမညာနေရာတွေ ညီညာပြန့်ပြူးသွားလိမ့်မယ်၊ အကွေ့အကောက်နေရာတွေ ဖြောင့်တန်းသွား လိမ့်မယ်၊ ဘုရားသခင်ရဲ့ဂုဏ်တော်တွေပြသလာလိမ့်မယ်၊ ဒါတွေကို လူသားတွေအားလုံးမြင်ကြရလိမ့်မယ် ဆိုတဲ့ မျှော်မှန်း ချက်တရပ် ကျွန်တော်မှာရှိတယ်။

ဒါဟာကျွန်ုပ်တို့ရဲ့မျှော်မှန်းချက်ဘဲ။ ဒီယုံကြည်ချက်နဲ့ ကျွန်တော် တောင်ပိုင်းကိုလာခဲ့တာဖြစ်တယ်။ ဒီယုံကြည်ချက်နဲ့ ဘဲ စိတ်ပျက်ခြင်း တောင်တန်းကြီးထဲက မျှော်လင့်ခြင်း အဖိုးတန်ကျောက် တစ်လုံးကို တူးဖေါ်နိုင်လိမ့်မယ်။ ဒီယုံကြည် ချက်နဲ့ဘဲ ကျွန်ုပ်တို့နိုင်ငံရဲ့ဆူဆူညံညံသဘောထားကွဲသံတွေကို သာယာနာပျော်ဘွယ် ညီအစ်ကိုတော် သံစုံတီး ဝိုင်းကတီးသံတွေအဖြစ် ကျွန်ုပ်တို့ပြောင်းလဲပစ်နိုင်လိမ့်မယ်။ တနေ့မှာ ကျွန်ုပ်တို့လွတ်လပ်စေရမယ်ဆိုတဲ့ အသိရှိ ပြီး ဒီယုံကြည်ချက်နဲ့ဘဲ ကျွန်ုပ်တို့ အတူတကွ အလုပ်လုပ်နိုင်ကြမယ်၊ အတူတကွ ဆုမွန်ချွေနိုင်မယ်။ အတူတကွ ရုန်းကန်လှုပ်ရှားနိုင်ကြမယ်၊ အတူတကွ ထောင်ထဲဝင်နိုင်ကြမယ်၊ လွတ်လပ်မှု အတွက် အတူတကွ ရပ်တည်နိုင်ကြမယ်။

ဒီနေ့ဟာ … “လွတ်လပ်မှုပေါင်းစုံ နဲ့ချစ်စရာမြေ ငါ့တိုင်းပြေ(ပြည်)၊ သင့်အတွက် သီဆိုပါရစေ။ ဖခင်များ သေဆုံးခဲ့ရာမြေ၊ ဘုရားဖူးများရဲ့ဂုဏ်ယူရာမြေ၊ တောင်နံရံတိုင်းဆီမှနေ၊ လွတ်လပ်မှုခေါင်း လောင်းသံ မြည်ဟီးနိုင် ပါစေ..” လို့ အဓိပ္ပါယ်သစ်နဲ့ သီချင်းကို ဘုရားသခင့်ကလေးတွေအားလုံးက သီဆိုနိုင်မဲ့နေ့ဖြစ်တယ်။

January 20, 2013
မြန်မာပြည်မှ နာဇီပေါက်စလေးများ

ဇန်နဝါရီ ၁၀ ၊ ၂၀၁၃

ဒီနေ့မြန်မာနိုင်ငံကို ခရီးသွားကြတဲ့ ဧည့်သည်များဟာ လမ်းတွေပေါ်မှာ တီရှပ်ဝတ်လူငယ် အတော်များများကို တွေ့ကြရပါတယ်..။ သူတို့ ၀တ်ထားကြတဲ့ တီရှပ်တွေမှာ စက်ဝိုင်းထဲမှာ နာဇီစင်္ကြာတံဆိပ်နဲ့ အပေါ်ကNazi ဆိုတဲ့စာတန်းကိုလည်း တွေ့ရပါတယ်..။ ဒုတိယကမ္ဘာစစ်တုန်းက ဆိုင်ကယ်စီး ဦးထုတ်ပုံစံပေါ်မှာ နာဇီတံဆိပ်နဲ့ အလှဆင်ပြီး ဆောင်းကြတာကိုလည်း တွေ့ရပါတယ်..။

မြန်မာနိုင်ငံရဲ့ အကျော်ကြားဆုံး တေးဂီတ၀ိုင်းလည်းဖြစ် .. အမေရိကားကိုလည်း အလည်ရောက်ခဲ့ဖူးပြီး.. ဖေ့စ်ဘွတ်(ခ်) မှာလည်း ပရိသတ် အများအပြားရှိနေတဲ့ The Iron Cross တီးဝိုင်းရဲ့ အမှတ်တံဆိပ်ဟာလည်း ဂျာမန်စစ်သူရဲကောင်းတွေကို ဟစ်တလာ ချီးမြှင့်လေ့ ရှိတဲ့ သံကြက်ခြေ တံဆိပ် ဖြစ်နေတာကို တွေ့ရပြန်တယ်.. အဲဒီ သံကြက်ခြေကို လင်းယုန်က ချီထားတဲ့ ရုပ်ပုံဟာ လင်းယုန်ရဲ့ ခြေသည်းကြားမှာ နာဇီစင်္ကြာ အစား Iron Cross ကို ချီထားတာပဲ ကွာပါတယ်..။ အဲဒါတွေကိုမြင်ရဖန် များလာတော့မြန်မာဟာ စစ်အုပ်ချုပ်ရေးကနေ ဒီမိုကရေစီအုပ်ချုပ်ရေးဆီကို ဦးတည်နေတယ်လို့ နားလည်ထားကြတဲ့ ခရီးသွားတွေ.. ပညာရေးပညာရှင်တွေ.. စိတ်ဝင်စားသူတွေအဖို့ ဇဝေဇ၀ါ ဖြစ်စေပါတယ်..။ ခရီးသည်တစ်ဦးဖြစ်တဲ့ Micah Rubin က သူ့ရဲ့ ဘလော့ဂ်မှာ ရေးထားတာက “သူတို့ ဒီလိုဝတ်ဆင်ကြတာဟာ ကျော်ကြားလိုမှု အတွက်ပဲ လို့ မျှော်လင့်ပါရဲ့.. ဒါကို လျစ်လျူရှုထားတာဟာ နိုင်ငံရေးယုံကြည်ချက် တစ်ခုခုကြောင့်တော့ မဟုတ်လောက်ပါဘူး..” လို့ ရေးခဲ့ပါတယ်.. သူ့ရဲ့ ဘလော့ဂ်မှာလည်း ရင်ဘတ်မှာ နာဇီစင်္ကြာတံဆိပ်ပါတဲ့ တီရှပ်ဝတ်ပြီး ဆိုင်ကယ်စီးနေတဲ့ လူငယ်လေး တစ်ယောက်ရဲ့ ဓါတ်ပုံကိုလည်း တင်ထားခဲ့ပါတယ်..။

မြန်မာအကြောင်းသုတေသနပြုခဲ့တဲ့ ဆစ်ဒ်နီတက္ကသိုလ်က မနုသဗေဒပညာရှင် Jane Fergusan က ပြောတာကတော့ “ ကျွန်မအမြင်မှာတော့ ဒီလူငယ်တွေ ဒီလိုတီရှပ်တွေ ၀တ်တာဟာ ပူတဲ့ရာသီမှာ အေးချင်လို့ ၀တ်တာပါပဲ..”

“သူတို့ဟာဒီစင်္ကြာတံဆိပ်ဟာ နာဇီခေတ်ရဲ့ အမှတ်အသား တစ်ခုဖြစ်ခဲ့တယ်ဆိုတာ သိကောင်းသိကြမှာပါ။ ဒါပေမယ့် အခု ၀တ်ဆင်နေကြတာကတော့ အပူဒဏ်က လွတ်အောင် သာမန် တီရှပ်တစ်ထည်ကို ကောက်ဝတ် လိုက်တဲ့ သဘောပါ..။ သူတို့ဟာ သမိုင်းကို ထဲထဲဝင်ဝင် ပြန်ကြည့်မနေကြပါဘူး။ ပြီးတော့ သူတို့ပိုပြီးနားလည်တာက အဲဒီ (ဆွာစတိကာ) ဆိုတဲ့စင်္ကြာတံဆိပ်ဟာ နာဇီ အမှတ်အသား ဆိုတာထက် သက္ကတ ဘာသာ အလိုအရ အောင်မြင်တဲ့ အနာဂါတ် နိမိတ်ကို ကိုယ်စားပြုတယ်ဆိုတာပါပဲ..” လို့ သုံးသပ်ပါတယ်..။

ဖာဂူဆန်နှိုင်းယှဉ်ပြခဲ့တာ တစ်ခုရှိပါသေးတယ်..။ အဲဒါကတော့ အနောက်နိုင်ငံက အရက်ဘားတွေ နိုက်ကလပ်တွေမှာ ဗုဒ္ဓမြတ်စွာဘုရားရဲ့ ရုပ်ပွားတော်ကို အလှဆင်အဖြစ်ထားသလိုပါပဲ..တဲ့။ အဲဒီလို အလှဆင် ထားလိုက်ခြင်းဖြင့် ဗုဒ္ဓဘာသာကို ယုံကြည် ကိုင်းရှိုင်းသူများကို စော်ကားသလိုဖြစ်စေတယ် ဆိုတာကို သူတို့ မသိကြသလိုပဲ နာဇီစင်္ကြာတံဆိပ်ကို အလှဆင်ဖို့ မြန်မာလူငယ်တွေ ၀တ်ဆင်တာဟာလဲ ဒီသဘောပါပဲ လို့ နှိုင်းယှဉ်ပြခဲ့ပါတယ်..။ အလားတူပဲ တရုတ်စာလုံးတွေကို ဘာမှန်းမသိညာမှန်းမသိနဲ့ ကိုယ်ပေါ်မှာ ဆေးမင် ထိုးထားကြတာလဲ တွေ့ရတာပါပဲ..။ အဲဒီစာလုံးတွေရဲ့ အဓိပ္ပါယ်မှန်ကို သိလို့မှ မဟုတ်တာလို့ လဲ နှိုင်းယှဉ်ပြခဲ့ပါတယ်..။

မြန်မာတွေ တီရှပ်ဝတ်ကြရာမှာ အကျီကို ကြိုက်လို့ ၀တ်ကြတာဖြစ်ပြီး အဲဒီအကျီမှာအင်္ဂလိပ်လို ရိုက်ထားတဲ့ ကြွေးကျော်သံဟာ ဘာကို ဆိုလိုမှန်း သိတဲ့လူနည်းပါတယ်..လို့ ဖါဂူဆန်ကပြောပါတယ်.. “ တစ်ခုခုကို ရည်ရွယ်ချက် ရှိရှိနဲ့ တမင်လုပ်တာမဟုတ်ရင်.. အဲဒါကို တမင်လုပ်ပါတယ်လို့ မပြောသင့်ပါဘူး” လို့လဲ ဖါဂူဆန်က ပြောပါတယ်..။

ဘာပဲဖြစ်ဖြစ်ပါလေ.. နာဇီဘက်တော်သားလို့ ပြောမယ်ဆိုရင်ပြောနိုင်တဲ့ နာဇီတီရှပ်တွေ ၀တ်ဆင်လာတာ ကိုတော့ နိုင်ငံတကာမှာ မွှေစရာတစ်ခု ဖြစ်လာနေပါပြီ..။ ကမ္ဘာတစ်လွှားမှာ ဖြစ်နေတဲ့ ဂျူးမုန်းတီးရေးကို တိုက်ဖျက်နေတဲ့ ကယ်လီဖိုးနီးယား အခြေစိုက် Simon Wiesenthal Center ရဲ့ အဖွဲ့ဝင်တစ်ဦးဖြစ်သူ ဂျူးဘုန်းတော်ကြီး ရဘ်ဘီ အက်ဘ်ရာဟမ် ကူးပါးကတော့ သူ့ရဲ့ အဖွဲ့ဟာ မြန်မာနိုင်ငံမှာ ခေတ်စားလာတဲ့ နာဇီအားပေး အထိမ်းအမှတ်တွေ များပြားလာတာကို ပါဝင်ပတ်သက် ရတော့မှာ ဖြစ်ကြောင်းပြောခဲ့ပါတယ်..။

“ကျွန်တော်တို့ရဲ့ အခြေခံယူဆချက်ကတော့ မသိနားမလည်လို့ ဒီအထိမ်းအမှတ် ပါတဲ့ အကျီတွေကို ၀တ်နေကြတယ် လို့ မှတ်ယူပါတယ်..။ တစ်စုံတစ်ယောက်ကို မုန်းလို့ တမင်တကာ ၀တ်တာမဟုတ်ပါဘူး.”

“ဒါပေမယ့် ကျွန်တော်တို့ဟာ ဂျူးလူမျိုးတွေကို မျိုးဖြုတ်သုတ်သင်ဖို့လုပ်ခဲ့တဲ့ အထိမ်းအမှတ်ဖြစ်တဲ့ နာဇီတံဆိပ်ကို ကမ္ဘာ့တစ်နေရာရာမှာ အချိန်တိုတိုအတွင်း ပေါ်ပြူလာ ဖြစ်လာနေတာမျိုးကို မမြင်ချင်ပါဘူး..”

ရခိုင်တပ်မတော် အမှတ်တံဆိပ် လိုဂိုကို Arakan Army ရဲ့ Facebook Page မှ ယူပါသည်။

ဝိုက်ဆဲန်သဲလ်စင်တာဟာ အာရှတစ်ခွင်မှာ နာဇီအထိမ်းအမှတ်တွေ ပေါ်ပြူလာဖြစ်လာနေတာတွေကို စိတ်ပူကြောင်း.. ဂျူးလူမျိုးတွေအနေနဲ့ ဘယ်တုန်းကမှ အနှိမ်ခံ အချိုးခံ အဖြစ် ခွဲခြားဆက်ဆံခြင်း မခံခဲ့ရတဲ့နေရာတွေမှာတောင်မှ.. ဒီလိုမျိုးနာဇီ အထိမ်းအမှတ်တွေ ပေါ်လာနေတာကို စိုးရိမ်ကြောင်း ဘုန်းတော်ကြီး ကူးပါးက ပြောပါတယ်..။

အိန္ဒိယမှာဆိုရင် ဟစ်တလာရဲ့ အထုပ္ပတ္တိစာအုပ်ဖြစ်တဲ့ Mein Kampf ရဲ့ရောင်းချရမှုဟာ.. အက်ပဲလ် ကို စတင်ထူထောင်သူ စတိဗ်ဂျော့ဘ်စ်ရဲ့ အထုပ္ပတ္တိစာအုပ်ပြီးရင် အရောင်းရဆုံး စာအုပ်ဖြစ်နေတာကိုတွေ့ရကြောင်း.. ၀ယ်ယူကြသူအများစုဟာ တက္ကသိုလ် ဘွဲ့ရများဖြစ်ကြကြောင်းကို ကူးပါးကပြောခဲ့ပါတယ်..။

ဒုတိယကမ္ဘာစစ်အတွင်းက ဂျပန်နဲ့ဂျာမဏီတို့နဲ့ မဟာမိတ်ပြုခဲ့တဲ့ ထိုင်းနိုင်ငံကို ကြည့်မယ်ဆိုရင်လဲပဲ..မြောက်ပိုင်းမြို့တော် တစ်ခုဖြစ်တဲ့ ချင်းမိုင်မှာ ၂၀၁၁ ခုနှစ်တုန်းက ကျင်းပခဲ့တဲ့ ကျောင်းပွဲတစ်ပွဲမှာ ကျောင်းသားလေးတွေဟာ ဟစ်တလာနဲ့ နာဇီ အက်စ်အက်စ် တပ်သားတွေရဲ့ ၀တ်စုံတွေကိုဝတ်ပြီး ချီတက်သရုပ်ပြခဲ့ကြတယ်။ Slur လို့ အမည်ရတဲ့ တီးဝိုင်းတစ်ခုကလည်း ဟစ်တလာလို့ အမည်ပေးထားတဲ့ ရုပ်ရှင်နဲ့သီချင်းကို ထုတ်လုပ်တင်ဆက်ခဲ့ကြပြီး အကသမားတွေက ဟစ်တလာ နှုတ်ခမ်းမွေးနဲ့ နာဇီ ပုံစံ အလေးပြုပုံ တွေကို သူတို့ရဲ့ အကထဲမှာ ထည့်သွင်းခဲ့ကြတယ်..။

ကိုရီးယားမှာလည်း အလှကုန်ပစ္စည်းတွေ အရောင်းမြှင့်တင်ရာမှာတောင် နာဇီအမှတ်တံဆိပ်ကို သုံးခဲ့ကြတယ်.။ အဲဒါတွေကို ကြည့်ပြီး ကူးပါးက “ ဒီဖြစ်စဉ်တွေဟာ အာရှမှာ ပထမဆုံးအကြိမ်ဖြစ်ခြင်းပါလို့ ပြောလိုက်ချင်ပါရဲ့ ဗျာ.. ဒါပေမယ့် ဒါမျိုးတွေ ခဏခဏဖြစ်နေတယ်..။ ဘာကြောင့်ဖြစ်ရပါတယ်လို့ လက်ညှိုးထိုးပြ ဖို့ကလည်းခက်တယ်ဗျ..။” လို့ပြောပါတယ်.။

ကူးပါး၏ စိုးရိမ်မှုကလည်း အခြေအမြစ်ရှိနေပါတယ်..။ ကမ္ဘာပေါ်မှာ အာရှတိုက်ဟာ ဂျူးလူမျိုးဆိုတာကိုတောင် ကောင်းကောင်း မမြင်ဖူးတဲ့ နေရာဖြစ်တယ်..။ ဒါကြောင့် ဂျူးမုန်းတီးရေးဝါဒဆိုတာကို ဘာမှန်းညာမှန်းသဲသဲ ကွဲကွဲမသိပဲနဲ့ စိမ့်ဝင်လာတာကို မသိလိုက်မသိဖာသာနဲ့ လက်ခံမိသွားနိုင်တယ်..။ အာရှဆိုတာကလည်း အ၀တ်အထည်တွေ အများဆုံးထုတ်လုပ်တဲ့ နေရာဖြစ်လေတော့ အ၀တ်အထည်ဈေးကွက်က တဆင့်ဂျူးမုန်းတီးရေးကို သွတ်သွင်းပြီး ပြန့်နှံ့အောင်လုပ်ချင်ရင် ရန်ကုန်လိုနေရာမျိုးဟာ ဈေးကွက်ကြီးပဲလေ..။

ဒုတိယကမ္ဘာစစ်ကာလက နာဇီတွေ ဘာလုပ်ခဲ့တယ်ဆိုတာကိုမြန်မာလူငယ်တွေ သိပ်မသိကြဘူး..။ အာရှသား တချို့ဟာ ဟစ်တလာကို ခေါင်းဆောင်ကောင်း တစ်ယောက်အဖြစ်တောင် မြင်နေကြလေသေးရဲ့။ သူတို့ရဲ့အမြင်မှာ အင်္ဂလိပ်နဲ့ပြင်သစ်တို့ဟာ ကိုလိုနီ နယ်ချဲ့သူတွေဖြစ်ပြီး သူတို့ကို ဟစ်တလာက ဆန့်ကျင်ခုခံ တိုက်ခိုက်ခဲ့တယ်။

အမေရိကန် သမိုင်းပညာရှင် Rosalie Metro ကသူ့ရဲ့ ပါရဂူ ဘွဲ့ယူကျမ်းထဲမှာမြန်မာနိုင်ငံရဲ့ သမိုင်းသင်ပုံကို ဖေါ်ပြခဲ့တယ်..။မြန်မာပြည်မှာ ဟစ်တလာကို များသောအားဖြင့် အကောင်းမြင်ကြတယ်..။ Metro ကမြန်မာပြည်မှာ ခရီးသွားရင်း တက္ကစီမောင်းသူတချို့နဲ့ သမိုင်းအကြောင်း မေးမြန်းဆွေးနွေးကြည့်တဲ့ အခါတချို့က “ဟစ်တလာဟာ လူတော်တစ်ယောက်ဖြစ်ကြောင်း ကြံ့ခိုင်တဲ့ ခေါင်းဆောင် တစ်ယောက်ဖြစ်ကြောင်း ပြောပြတတ်ကြတယ်..” လို့ ပြောပါတယ်။

မက်ထရိုရဲ့ အပြောအရမြန်မာအစိုးရကထုတ်တဲ့ သမိုင်းဖတ်စာအုပ်တွေမှာ နာဇီတွေရဲ့ ရက်စက်ဆိုးသွမ်းမှုတွေကို ဖေါ်ပြမထားဘူး.. ဟစ်တလာရဲ့ ခေါင်းဆောင်မှုကောင်းခြင်းကိုသာ ဖေါ်ပြထားတယ် လို့ ဆိုပါတယ်..။

“ သူတို့ဟာ ပထမကမ္ဘာစစ်အပြီး မှာ ဗာဆိုင်းစာချုပ်အကြောင်းကိုပဲ ဖေါ်ပြကြတယ်..။ အဲဒီအချိန်က ဂျာမဏီရဲ့ အခြေအနေက တော်တော်ဆိုးတယ်.။ ဂျာမန်တွေ ဒုက္ခရောက်ရတာဟာ ဂျာမဏီမှာ ရှိတဲ့ ဂျူးတွေက စီးပွားရေးလုပ်ငန်းတွေကို လက်ဝါးကြီးအုပ်ထားလို့ဖြစ်တယ်.. အဲဒီအတွက် ဂျူးတွေမှာ တာဝန်ရှိတယ်.. အဲဒီလိုနဲ့ ဟစ်တလာဟာ ကြံ့ခိုင်တဲ့ ဂျာမန်ခေါင်းဆောင်ဖြစ်လာခဲ့တယ်” လို့ မက်ထရိုက မြန်မာအစိုးရထုတ် ကျောင်းသုံး သမိုင်းစာအုပ်တွေအကြောင်းကို အကျဉ်းချုံးပြီး ပြောပြပါတယ်..။ မက်ထရိုဟာ မြန်မာစာကိုဖတ်နိုင်သူလည်းဖြစ်ပါတယ်..။

“အဲဒါဟာ ထူးဆန်းအံ့ဖွယ်ပါပဲ.. အဲဒီထဲမှာ ‘သူတို့မှားတယ်’ ဆိုတာ မပါသလို နာဇီတွေဟာဂျူးတွေကို အစုလိုက်အပြုံလိုက် သတ်ဖြတ်ခဲ့ကြတယ်ဆိုတာလဲ မပါဘူး” လို့ပြောခဲ့ပါတယ်..။

မြန်မာကျောင်းသုံး သမိုင်းစာအုပ်တွေမှာ အင်္ဂလိပ်နဲ့ ဂျပန်တို့ဟာမြန်မာပြည်သူတွေရဲ့ ရန်သူဖြစ်ကြောင်း မြန်မာတွေရဲ့ ဂုတ်သွေးစုပ်ခဲ့သူများဖြစ်ကြောင်း ရေးထားတယ်..လို့ မက်ထရိုကပြောပါတယ်..။

အာရှနိုင်ငံတချို့မှာ တဖြည်းဖြည်းတိုးပွားလာနေတဲ့ နာဇီလက္ခဏာ တွေကို တိုက်ဖျက်ဖို့အတွက် ၀ိုက်ဆဲန်သဲလ် အဖွဲ့ဟာ ဂျူးတွေ အစုလိုက်အပြုံလိုက် အသတ်ခံခဲ့ရတဲ့ မှတ်တမ်းတွေ ဓါတ်ပုံတွေကို အများပြည်သူသိအောင် ပြပွဲတွေ ခင်းကျင်းပြီးပြသဖို့ လုပ်နေကြပါတယ်..။ ဂျူးလူမျိုးတွေ ၆သန်းလောက် အသတ်ခံရတဲ့ ဓါတ်ပုံတွေ မှတ်တမ်းတွေကို ခင်းကျင်းပြတဲ့အတွက် ၁၉၄၀၀န်းကျင်နှစ်တွေဆီက ဥရောပမှာ ဖြစ်ခဲ့တဲ့ သမိုင်းအဖြစ် အပျက်တွေကိုနှောင်းလူတွေ သိစေဖို့ ရည်ရွယ်ပါတယ်..။ ၀ိုက်ဆဲန်သဲလ် စင်တာ ရဲ့ ပထမဆုံးပြပွဲကို အိန္ဒိယနိုင်ငံ မွမ်ဘိုင်းမြို့မှာပြသပြီး ထိုင်းနိုင်ငံဘန်ကောက် မှာတော့ ချင်းမိုင်ကျောင်းက ကျောင်းသားလေးတွေဟစ်တလာနဲ့ နာဇီပုံစံကို ဖေါ်ကျူးခဲ့ကြတာ တွေကို တုန့်ပြန်တဲ့ အနေနဲ့ ဂျူးတွေအစုလိုက်အပြုံလိုက် အသတ်ခံရတဲ့ မှတ်တမ်းတွေကို ဖေဖေါ်ဝါရီလ ၄ရက်နေ့မှာ ပြသသွားမှာဖြစ်ပါတယ်..။ မြန်မာပြည်မှာတော့ အဲဒီလို ပြပွဲမျိုး တစ်ခါမှ မလုပ်ဖူးသေးပါဘူး..။ ဒါပေမယ့် ဂျူးဘုန်းတော်ကြီး ကူးပါးကမြန်မာပြည်မှာ တစ်ကြိမ်လောက်လုပ်ဖို့ စိတ်ဝင်စားနေပါတယ်..။ ဒါ့အပြင် အဲဒီ ဘုန်းတော်ကြီးဟာ မြန်မာနိုင်ငံ ရန်ကုန်မြို့က လမ်းတွေပေါ်မှာ ၀င်ရောက်နေရာယူနေတဲ့ နာဇီတံဆိပ်နဲ့ တီရှပ်တွေရဲ့ လာရောက်ရာပင်မလမ်းကြောင်းကိုလည်း ရှာဖွေသွားဖို့ ပြင်ဆင်နေပါတယ်..။

“တကယ်လို့များ ကုမ္ပဏီတစ်ခုခုဟာ သူ့ရဲ့ ရပ်တည်မှုအတွက် ဒီတံဆိပ်ပါတဲ့ တီရှပ်တွေ ထုတ်လုပ်ြပီးတင်ပို့ခြင်းနဲ့ ကြိုးစားနေတယ်ဆိုရင်တော့ ကျွန်တော်တို့ အဲဒါကို ရပ်သွားအောင် လုပ်နိုင်မယ့် နည်းလမ်းကို ရှာရမှာပဲ..” လို့ ကူးပါးကပြောပါတယ်..။

ဒီဆောင်းပါးကို ရေးသားသူဟာ ကမ္ဘောဒီးယား အခြေစိုက် ဂျာနယ်လစ်(စ်) တစ်ဦးဖြစ်သူ Julie Masis ဖြစ်ပါတယ်..။

http://www.atimes.com/ တွင် ဖော်ပြထားသည့် ဆောင်းပါးကို M-Media မှ ဆီလျော်အောင် ဘာသာပြန်ဆိုပါသည်။

January 13, 2013
တက္ကသိုလ်မှ ကာတွန်း သင်ခန်းစာ တပုဒ် (ကာတွန်း ဦးဟိန်းစွန်း)

ကာတွန်း ဟိန်းစွန်း
ရန်ကုန် တက္ကသိုလ် နှစ်ငါးဆယ်ပြည့် စာစောင်

ဦးရွှေရိုး(ခ)ရွှေတလေး (ခ) ကာတွန်းအနုပညာရှင် ဦးဘကလေး

၁၉၂၈ ခုနှစ်ကကျွန်တော်သည် ယူနီဗာစီတီကောလိပ်ကျောင်းသား ဘ၀၌ရှိစဉ် ကောလိပ်မဂ္ဂဇင်းအတွက် ကျွန်တော် အကျိုးဆောင်လုပ်ရ၏။ ကောလိပ် မဂ္ဂဇင်းတွင်ထည့်ရန် ကာတွန်းတစ်ခုကို ကျွန်တော့် ဆရာဖြစ်သူကောလိပ် ကျောင်းထွက် နိုင်ငံကျော်ကာတွန်း ဆရာကြီး ဦးဘကလေးခေါ်ရွှေတလေးကြီးကို ဆွဲခိုင်း၏။ ဦးဘကလေးကလည်း ကိုယ်ဝန်ဆောင်နှင့် ပတ်သက်သော ကာတွန်းတစ်ခုကို ဆွဲပေး၏။ ရွှေတလေး၏ ကာတွန်းကို ကျွန်တော်ကလည်း သဘောကျသဖြင့် ၁၉၂၈ ခုနှစ် ဒီဇင်ဘာလထုတ် ယူနီဗာစီတီ ကောလိပ်မဂ္ဂဇင်းတွင် ထည့်လိုက်သည်။

ကျွန်တော်သဘောကျ၍ ထည့်လိုက်သောရွှေတလေး၏ ကိုယ်ဝန်ဆောင်ကာတွန်းကို ကောလိပ် ကျောင်းသား၊ကျောင်းသူများက သဘောကျပြီး ရယ်မောကြသော်လည်း ယူနီဗာစီတီကောလိပ်ကျောင်းအုပ်ကြီး မစ္စတာစလော့ (Mr. Sloss) က သဘောမကျသဖြင့် ကျွန်တော့်ကို ခေါ်ယူပြီး ဆုံးမ၏။ “မင်းတို့ အရှေ့နိုင်ငံက ကိုယ်ဝန်ဆောင် ကာတွန်းကို သဘောကျပေမဲ့ ငါတို့ အနောက်နိုင်ငံသား တွေကတော့ သဘောမကျ ကြဘူး။ ကိုယ်ဝန်ဆောင်ကို သနားရတယ်။ ကြင်နာရတယ်။ပြက်ရယ် မပြုရဘူး။ ကာတွန်းမဆွဲရဘူး။ နောက်နောင် ကိုယ်ဝန်ဆောင် ကာတွန်းကို ကောလိပ် မဂ္ဂဇင်းမှာ မထည့်ဖို့ တောင်းပန်ပါတယ်“ ဟု ဆို၏။

ထိုအခါကျမှ ကျွန်တော်လည်း အနောက်နိုင်ငံ စာနယ်ဇင်းများတွင် ကိုယ်ဝန်ဆောင် ကာတွန်းမပါမှန်း သိရပါတော့သည်။

၁၉၂၈ ခုနှစ် ယူနီဗာစီတီကောလိပ် မဂ္ဂဇင်းတွင်ပါသော ရွှေတလေး၏ ကိုယ်ဝန်ဆောင် ကာတွန်း အဓိပ္ပါယ်မှာ ယူနီဗာစီတီ ကောလိပ်ကျောင်းတွင် သားမယားစုံလင်စွာဖြင့် ပညာသင်ကြားနေသူ အိမ်ထောင်သည် ကျောင်းသား အများရှိနေပြီဖြစ်သည့်အတိုင်း ယူနီဗာစီတီကောလိပ်ကျောင်းတွင် အိမ်ထောင်သည်ကျောင်းသူ ကလေးများလည်း ကျောင်းသားများနှင့် အတူ သင်ကြားထိုက်သည်ဟု ဆိုလိုပါသည်။

အထက်ပါကာတွန်းကိစ္စနှင့် ပတ်သက်၍ ကျွန်တော်သည် ဦးဘကလေးခေါ်ရွှေတလေးထံသို့ သွားရောက်ပြီး ယူနီဗာစီတီကောလိပ် ကျောင်းအုပ်ကြီး မစ္စတာစလော့ ပြောဆို ဆုံးမလိုက်ပုံကို ပြောပြလိုက်သည်။

ထိုအခါကျမှ ကာတွန်း ဦးဘကလေးခေါ် ရွှေတလေးက “ကျောင်းအုပ်ကြီး မစ္စတာ စလော့ ပြောတာမှန်တယ်။ ဘာပြုလို့လဲဆိုတော့ အင်္ဂလိပ် စာနယ်ဇင်းတွေမှာ ကိုယ်ဝန်ဆောင် ကာတွန်းကို ငါ တခါမှမမြင်ဖူးဘူး။ မစ္စတာ စလော့ ပြောသလို ကိုယ်ဝန်ဆောင်ကို သနားရတယ်၊ကြင်နာရတယ်ဆိုတာ ဟုတ်တယ်ကွဲ့။ ငါတို့မြန်မာပြည်မှာ သင်္ကြန်တွင်းမှာ ကိုယ်ဝန်ဆောင် မိန်းမများကိုရေ ပက်ခြင်း မပြုရဘူးလို့ လူကြီးများကတားမြစ်ဆုံးမကြတယ်။မောင်ဟိန်စွန်း ကျောင်းအုပ်ကြီး မစ္စတာ စလော့ နဲ့ နောက်ထပ်တွေ့တဲ့အခါမှာ ကာတွန်း ရွှေတလေးက ခုလို သတိပေးဆုံးမတာ ကျေးဇူးတင်ကြောင်း ပြောပြလိုက်ပါ“ ဟု ဆိုပါသည်။

ကျွန်တော့်ဆရာ ဦးဘကလေး မှာသည့်အတိုင်း ကျွန်တော်သည် ကျောင်းအုပ်ကြီး မစ္စတာ စလော့ ကို ပြောလိုက်ရာ မစ္စတာ စလော့လည်း ၀မ်းသာသွားပါသည်။

ကျွန်တော့်ဆရာ ဦးဘကလေးခေါ်ရွှေတလေးသည် ထိုနှစ်မှစ၍ ကိုယ်ဝန်ဆောင် ကာတွန်းဆွဲခြင်းကို ရှောင်ကြဉ်လိုက်ပါသည်။

ကျွန်တော့်ဆရာ ဦးဘကလေးခေါ် ရွှေတလေးသည် ၁၉၄၅ ခုနှစ် မြန်မာပြည်မှ ဂျပန်များ ဆုတ်ခွာသွားသည့်အချိန်၌ ပုသိမ်ခရိုင်ဒေါင့်ကြီးမြို့ကလေးတွင် ကွယ်လွန်သွားပါသည်။ အကယ်၍သာ ကျွန်တော့်ဆရာ ဦးဘကလေးခေါ် ရွှေတလေးသာ ယနေ့တိုင်ရှိခဲ့ပါလျှင် ယခုမျက်မှောက်ခေတ် အိမ်ထောင်သည် ကောလိပ်ကျောင်းသူ ကိုယ်ဝန်ဆောင်များကျောင်းတက်နေပုံကို တွေ့ရပါမည်။ သူဆွဲခဲ့သည့် ကိုယ်ဝန်ဆောင် ကာတွန်းမှာ ယခု မျက်မှောက်ခေတ်ကျမှ မှန်ကန်နေကြောင်းကိုလည်း တွေ့ရမည် ဖြစ်ပါသည်။

**ဟိန်စွန်း**
ရန်ကုန် တက္ကသိုလ် နှစ်ငါးဆယ်ပြည့် စာစောင် ၊ အပိုင်း ၁ ၊ ၁၉၇၀ ခုနှစ် ဒီဇင်ဘာ ၁ ၊ စာ ၄၂၄ – ၄၂၆

ရွှေရိုးအက တီထွင်ခဲ့သူ မြန်မာမွတ်စလင် ကာတွန်းပညာရှင် ဦးဘကလေး ဖတ်ရန်။

January 11, 2013
နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၂)
ဇန်နဝါရီ ၁၁၊ ၂၀၁၃

ဦးဦးမှော်ဆရာ

…. `ဒီအကြောင်းပြချက်မျိုးနဲ့သာဆိုရင် ဘင်္ဂလားဒေ့ရ်ှနိုင်ငံရှိနေသရွေ့ ခင်ဗျားတို့ သံယသရှိနေတာတွေ၊ မသေချာတာတွေကို ဘယ်တော့မှပြီးဆုံးတော့မှာ မဟုတ်´…..

နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၁) မှာ UNHCR မဟာမင်းကြီးနဲ့ သမ္မတဦးသိန်းစိန်တို့ တွေ့ဆုံခဲ့တဲ့ သတင်း အကျဉ်းကိုဖေါ်ပြရင်း နိုင်ငံသား၊ နိုင်ငံမဲ့ နဲ့ တရားဝင်နိုင်ငံမဲ့အကြောင်းကို ဖေါ်ပြခဲ့ပြီးဖြစ်ပါတယ်။ ခု `အမှန်တကယ်နိုင်ငံမဲ့သူများ´အကြောင်းကို ဆက်လက်ရေးသားပါမယ်။

(၂) အမှန်တကယ် နိုင်ငံမဲ့သူ (de facto stateless) ဆိုတာ မည်သည့်နိုင်ငံသားဖြစ်သည် ဆိုသည့် အချက်ကို တရားဝင်ဖေါ်ပြနိုင်ခြင်းမရှိတဲ့သူ (သို့မဟုတ်) ထိုသူနဲ့ ခိုင်မာသောဆက်ဆံရေး ရှိတဲ့ နိုင်ငံများက ထိုပုဂ္ဂိုလ်အား နိုင်ငံသားအဖြစ်လက်ခံရန် သဘောမတူဘဲ ငြင်းပယ်ခံရသောသူကို ဆိုလိုပါတယ်။

(ခိုင်မာသောဆက်ဆံရေး ဆိုတာ တခြားသူတွေအတွက် နိုင်ငံသားအဖြစ်ခံယူရန် လုံလောက်မှုရှိသော အခြေအနေ မျိုးကို ဆိုလိုပါတယ်။)

ဒီလို အမှန်တကယ်နိုင်ငံမဲ့ဖြစ်နေသူတွေဟာ ဘယ်နိုင်ငံရဲ့အကာကွယ်ပေးမှုမှ မရရှိတဲ့အပြင်၊ ခုလိုနိုင်ငံမဲ့ ဖြစ်နေရတာကိုက သက်ဆိုင်ရာနိုင်ငံရဲ့ ခွဲခြားဆက်ဆံမှုနဲ့ ညှဉ်းပန်းနှိပ်စက်မှုကြောင့်လည်း ဖြစ်နိုင်ပါတယ်။ ဒါဆိုရင် သူကတော့ အမှန်တကယ်နိုင်ငံမဲ့ ဖြစ်တဲ့အပြင် ဒုက္ခသည်စာရင်းလည်း ၀င်သွားပါတယ်။ ဒီအကြောင်းကို စာဖတ်သူတို့ အလွယ်တကူနားလည်နိုင်စေရန် ဘင်္ဂလားဒေ့ရ်ှဘက်က ဒုက္ခသည်စခန်း တွေမှာရှိတဲ့ ရိုဟင်ဂျာဒုက္ခသည်တွေနဲ့ ဥပမာပေးရေးသားပါမယ်။

(၁၉၇၈)ခုနှစ်မှာ ရိုဟင်ဂျာလူမျိုးများပေါ်ပြုလုပ်ခဲ့တဲ့ နဂါးမင်းစစ်ဆင်ရေးကဲ့သို့သော စစ်ဆင်ရေး များကြောင့် ရိုဟင်ဂျာလူမျိုး သုံးသိန်းခန့် နေရပ်စွန့်ခွာထွက်ပြေးပြီး၊ ဘင်္ဂလားဒေ့ရ်ှနိုင်ငံထဲမှာ ခိုလှုံခဲ့ရတယ်။ (၁၉၉၁-၉၂) နှစ်များ မှာလည်း မြန်မာစစ်တပ်ရဲ့ ညှဉ်းပန်းနှိပ်စက်မှုများကြောင့် ရိုဟင်ဂျာလူမျိုး ၂၅၀၀၀၀ ကျော်လောက် ဘင်္ဂလားဒေ့ရှ် နိုင်ငံဘက်ကို နေရပ်စွန့်ခွာ ထွက်ပြေးခဲ့ရပါတယ်။ ထိုသူများဟာ တဘက်နိုင်ငံရှိ ဒုက္ခသည် စခန်းများတွင် နေထိုင်ကြရပြီး ထိုထဲတွင် မြန်မာနိုင်ငံနှင့် စပ်ဆက်မှုရှိကြောင်း အထောက်အထား တစ်စုံတစ်ခု (ဥပမာ- အစိမ်းရောင်ကဒ်ပြား၊ အဖြူရောင်စာရွက်) ပြနိုင်သူများသည်မြန်မာနိုင်ငံမှပြန်လည် လက်ခံသည့်အခါ ပြည်တွင်းသို့ ပြန်လည် ၀င်ရောက်နိုင်မှာဖြစ်တယ်။ သူတို့ဟာနေရပ်ပြန်တဲ့အခါ ညှဉ်းပန်းနှိပ်စက်ခံရမယ်လို့ အမှန်တကယ် စိုးရိမ်ကြောက်ရွံ့မှု ရှိနေတဲ့အတွက် ဒီလူတွေဟာကျနော့်ဆောင်းပါး (အပိုင်း-၁)မှာ ပြောခဲ့သလို တရားဝင် နိုင်ငံမဲ့များဖြစ်တဲ့အပြင် `ဒုက္ခသည်များ´အဖြစ်လည်း သတ်မှတ်ခံရပါတယ်။ ဘင်္ဂလားဒေ့ရ်ှနိုင်ငံဘက်က ဒုက္ခသည် စခန်းများမှာရှိတဲ့ တရားဝင်နိုင်ငံမဲ့ ရိုဟင်ဂျာဒုက္ခသည် အရေအတွက်မှာ ၃၀၀၀၀ ခန့်ရှိတယ်လို့ သိရတယ်။

အဲဒီလိုမှမဟုတ်ဘဲ သက်သေခံ အထောက်အထားများကို အဓမ္မသိမ်းဆည်း ဖျောက်ဖျက်ခံရခြင်း၊ ထွက်ပြေးလာစဉ် ပျောက်ဆုံးပျက်ဆီးခြင်း (သို့) အာဏာပိုင်များက မည်သည့်သက်သေခံစာရွက် တရွက်တလေမှ ထုတ်မပေးခဲ့ခြင်း တို့ကြောင့် ဘာအထောက်အထားမှ မပြနိုင်ပါက မြန်မာနိုင်ငံတွင်းသို့ ပြန်လည် အခြေချနေထိုင်ခွင့်ရရန် မျှော်လင့်ချက် နည်းပါတယ်။ ဒီအခြေအနေမျိုးမှာတော့ သူတို့ကို   အမှန်တကယ်နိုင်ငံမဲ့များ လို့ သတ်မှတ်ပါတယ်။ သူတို့ဟာ မြန်မာပြည်မှာ ဘိုးဘွားစဉ်ဆက် မွေးဖွားနေထိုင်လာခဲ့သော်လည်း မြန်မာပြည်နှင့် သက်ဆိုင်ကြောင်းလည်းမပြနိုင်၊ နယ်ချင်းကပ်နေတဲ့ ဘင်္ဂလားဒေ့ရ်ှကလည်း သူတို့နိုင်ငံသားမဟုတ်ဟု ငြင်းပါမည်။ Emdadul Haque (Senior Lecturer of the Department of Law and Justice, Southeast University) ရဲ့ အဆိုအရ       ခုလိုအမှန်တကယ်နိုင်ငံမဲ့ ရိုဟင်ဂျာဒုက္ခသည်ပေါင်း ၄၇၀၀၀၀ ခန့်ရှိတယ်လို့ သိရပါတယ်။ ဒါ ၂၀၁၂ အောက်တိုဘာလမှာ ထုတ်ပြန်တဲ့ စာရင်းအရေအတွက်ပါ။ ထိုသို့သောသူများ အတွက် UNHCR ၏ ဆောင်ရွက်ပေးမှုတွေကတော့ အလွန်ကျယ်ပြန့်ပြီး ရှုပ်ထွေးပါတယ်။ ဒါကြောင့် ဒီဆောင်းပါးမှာ လိုတာပဲ အနည်းငယ်ပြောပါမယ်။ အထူးသဖြင့် နေရပ်ပြန်တဲ့အခါ ညှဉ်းပန်းနှိပ်စက်ခံရမယ် ဆိုတဲ့ စိုးရိမ်ရမှုအတွက် အာမခံချက်ရအောင် လုပ်ဆောင်ပါတယ်။

ဘင်္ဂလားဒေ့ရ်ှနိုင်ငံက ဒုက္ခသည်စခန်းများမှာရှိတဲ့ ရိုဟင်ဂျာဒုက္ခသည်များကို မြန်မာဘက်က ပြန်လည်လက်ခံ ခဲ့တာနဲ့ပက်သက်ပြီး အစိုးရပိုင်းက တရားဝင်သတင်းထုတ်ပြန်တဲ့ စာရင်းအရပြောရရင် ဟင်္သာစီမံချက်ဖြင့် ပြန်လက်ခံသူ အရေအတွက်မှာ ၁၈၀,၀၀၀ ရှိပါတယ်။ နောက်ပြီး ၁၉၉၄ မှ ၁၉၉၆ ခုနှစ်အတွင်း ပြန်လက်ခံသူ ရိုဟင်ဂျာအရေအတွက်မှာ ၂၅၀,၀၀၀ ရှိကြောင်း သိရပါတယ်။ နောက်ပြီး လွန်ခဲ့တဲ့ ၂၀၁၂ ဇူလိုင်လ (၂) ရက်နေ့မှာ ဘင်္ဂလားဒေ့ရှ်-မြန်မာ နှစ်နိုင်ငံ အစည်းဝေးပွဲမှာ မြန်မာ ဒု-နိုင်ငံခြားရေး ၀န်ကြီး ဦးမြင့်မောင် က ဘင်္ဂလားဒေ့ရ်ှမှာ ရှိတဲ့ မြန်မာနိုင်ငံသား ရိုဟင်ဂျာ ၆၈၀၀၀ ကို ပြန်လက်ခံရန် သဘောတူ ခဲ့တယ်လို့ ဘင်္ဂလားဒေ့ရ်ှနိုင်ငံခြားရေးဝန်ကြီးရဲ့ သတင်းစာရှင်းလင်းပွဲမှာ ပြောခဲ့ပါတယ်။ ဒီနေရာမှာ အစိုးရရဲ့ ရိုးသားမှုမရှိတဲ့ အကြောင်းအရာတစ်ခု ဆက်ပြောချင်ပါတယ်။ ၁၉၉၄-၉၆ ခုနှစ်အတွင်းက ဘင်္ဂလားဒေ့ရ်ှဒုက္ခသည် စခန်းများမှ ရိုဟင်ဂျာများကိုမြန်မာဘက်ကစစ်ဆေးပြီး ပြန်လည်လက်ခံခဲ့အကြောင်းကို အစိုးရထုတ် New Light of Myanmar သတင်းစာမှာ took refugee/taken refugee ဆိုတဲ့ အသုံးအနှုန်းများဖြင့် (ဘင်္ဂလားဒေ့ရ်ှနိုင်ငံသားများကိုမြန်မာပြည်တွင် ခိုလှုံခွင့်ပေးခဲ့သည်)ဆိုတဲ့ အဓိပ္ပါယ်မျိုးဖြစ်အောင် ရေးသား ခဲ့တာ တွေ့ရတယ်။

တနည်းအားဖြင့်ပြောရရင် အစိုးရကိုယ်တိုင်က `ကြက်လည်းမောစေ၊ ယာလည်းညှက်စေ´ဆိုတဲ့ အနေအထားမျိုးဖြစ်အောင် လူမျိုးရေးအဓိကရုဏ်း မီးမွှေးနေခြင်းလို့ပဲ မြင်ပါတယ် …

(ဒါ ဘင်္ဂလားဒေ့ရ်ှနိုင်ငံသား ဒုက္ခသည်တစ်ယောက်ကို ပေးတဲ့စာရွက်လား??)

တကယ်တမ်းတော့ ဒီလူတွေဟာ လ၀ကမှတ်တမ်းများနဲ့ တိုက်ဆိုင်စစ်ဆေးပြီးမှ မြန်မာနိုင်ငံက လူများဖြစ်ကြောင်း မှန်ကန်လို့သာ ပြန်လည်လက်ခံခဲ့တာ ဖြစ်ပါတယ်။ UNHCR ရဲ့ ကြီးကြပ်မှုနဲ့ သူတို့ရဲ့ မူလနေထိုင်ရာ ဒေသများတွင်ပြန်လည် နေရာချထားပေးခဲ့ကြောင်း သိရပါတယ်။ ဒီလို သေချာစွာ စစ်ဆေးပြီး ပြန်လည် လက်ခံခဲ့တဲ့သူများကို ခုချိန်ကျမှ ခိုးဝင်လာသူများလို့ စွပ်စွဲလို့မရပါ။

သူတို့ကို ဒီနိုင်ငံသား ဟုတ်၊မဟုတ် မသေချာသေးလို့၊ မရေရာသေးလို့၊ နိုင်ငံခြားသားများအဖြစ် သံသယရှိနေလို့ ဆိုတဲ့ အကြောင်းပြချက်မျိုးဖြင့် နှစ်(၆၀)ကြာအောင် အချိန်ဆွဲထားပြီး ညှဉ်းပန်းနှိပ်စက်ခွင့် မရှိပါ။ ဒီအကြောင်းပြချက်မျိုးနဲ့သာဆိုရင် ဘင်္ဂလားဒေ့ရ်ှနိုင်ငံရှိနေသရွေ့ ခင်ဗျားတို့ သံယသရှိနေတာတွေ၊ မသေချာတာတွေကို ဘယ်တော့မှ ပြီးဆုံးတော့မှာ မဟုတ်ပါ။

(၁၉၈၂)ခုနှစ် နိုင်ငံသားဥပဒေမပေါ်သေးခင်၊ မြန်မာနိုင်ငံ လွတ်လပ်ရေးရခဲ့စဉ် ကတည်းက မြန်မာနိုင်ငံသား ဥပဒေရှိခဲ့ပါတယ်။ အဲဒီဥပဒေတွေအရ မြန်မာနိုင်ငံသားအဖြစ် နေထိုင်ခဲ့သူများကိုပါ ခုချိန်ကျမှ သံသယ ရှိနေလို့ပါဆိုတဲ့ အကြောင်းပြချက်မျိုးကတော့ တကယ်တမ်း ရူးကြောင်ကြောင် လူတစ်ယောက်ရဲ့ စကားလို့ပဲ ပြောရပါလိမ့်မယ်။ ဤလူများ နိုင်ငံတွင်းသို့ တရားမ၀င် ခိုးဝင်နေထိုင်သူများဟုဆိုလျှင် ဖမ်းဆီး အရေးယူနိုင်ရန် ၁၉၄၇ခုနှစ် လူဝင်မှုကြီးကြပ်ရေး လတ်တလောဥပဒေ (Emergency Act) နှင့် တခြား လ၀က ဥပဒေများ ရှိနေသည်မဟုတ်ပါလား။

အထက်ခိုးဝင်နေသူများကို ဘာကြောင့်နှစ်ပေါင်း(၆၀)ကျော် အရေးမယူဘဲထားခဲ့သလဲ။ဒါ စဉ်းစားစရာ တစ်ချက်ပါ …

ဒီလောက်ဆိုရင် အမှန်တကယ်နိုင်ငံမဲ့ဖြစ်နေသူများနဲ့ပက်သက်ပြီး အကြမ်းဖျင်းတော့ သဘောပေါက်မယ် ထင်ပါတယ်။ ခုချိန်ထိ ရေးခဲ့သမျှထဲမှာ နိုင်ငံတကာဥပဒေတွေ မပါသေးပါဘူး။ နိုင်ငံသားတွေကို နိုင်ငံမဲ့ဘ၀ရောက်သွားအောင် ဘယ်အာဏာပိုင်ကမှ လုပ်ဆောင်ခွင့်မရှိပါဘူး။ ဒီအကြောင်းကို ရှင်းပြဖို့အတွက် နိုင်ငံမဲ့ဖြစ်စေတဲ့ အကြောင်းရင်းများ နဲ့မြန်မာနိုင်ငံအနေနဲ့ မဖြစ်မနေလိုက်နာဆောင်ရွက်ရမဲ့ နိုင်ငံတကာသဘောတူစာချုပ်တွေနှင့် ပဋိဥာဉ်ခံ အချက်တစ်ချို့အကြောင်းကို (အပိုင်း-၃) မှာ ဆက်လက် ရေးသားပါဦးမယ်။

Ref: UNHCR – Handbook for Parliamentarians- 2005

        Human Rights Abuses and Discrimination on Rohingyas

        International Crisis Group – Myanmar: A New Peace Initiative – Nov-2011

        bangalnews24.com

ဦးဦး မှော်ဆရာ

(၁၁-၁-၂၀၁၃)
- နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၁) ဖတ်ရန်။
January 11, 2013