Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

ဟောင်ကောင်မှ ဗလီနှင့် ဆွလာသ်ဝတ်ပြုဆောင်များ(၁)

မြင့်မြတ်မှန်ကန်တော်မူတဲ့ အလ္လာဟ်(စွဗ်ဟာနဟူဝသအားလ) ရဲ့ နာမတော်နဲ့အစပြုပါတယ်။

MMSY မှာအဖွဲ့ဝင်တစ်ယောက်ဖြစ်တာ တော်တော်ကြာပြီဖြစ်ပေမယ့် ရုံးတစ်ဖက်၊ တစ်ခြားလူမှုရေးကိစ္စတွေနဲ့မို့ ဘာပို့စ်မှ မတင်ဖြစ်သလို စုပေါင်းလုပ်ဆောင်တဲ့ပွဲတွေမှာလဲ မပါဝင်ဖြစ်ခဲ့ပါဘူး။ အလုပ်မအားတဲ့ကြားကပဲ ရေးသားချင်စိတ်ပြင်းပြနေတဲ့အချိန်မှာ အလ္လာဟ့်အသနားတော်နဲ့ ဒီပို့စ်လေးရေးဖြစ်ခဲ့တာပါ။ ဆော်ဒီအာရေးဗီးယား၊ လန်ဒန် နဲ့ အမေရိကန်လို နိုင်ငံတွေမှာ အမျိုးသမီးတွေ ဗလီတက်ပြီး နမားဇ်ဝတ်ပြုခွင့်ရှိတာ လူတိုင်းလိုလိုသိပြီးသားပါ။ ဒါကြောင့် ဟောင်ကောင်မှာလဲ ဒီလိုပဲ ၀တ်ပြုနိုင်တယ်ဆိုတာ မသိသေးတဲ့သူတွေကို ဗဟုသုတအဖြစ် သိစေချင်တာရော၊ ဗလီဝတ်ကျောင်းတော်တွေမှာ အမျိုးသမီးတွေနမားဇ်ဝတ်ပြုခွင့်ရတဲ့အတွက် အလုပ်လုပ်တဲ့၊ အလည်အပတ်သွားလာနေတဲ့ အမျိုးသမီးတွေအတွက် နမားဇ်ဖတ်ဖို့ ဘယ်လောက်လွယ်ကူမှုရှိတယ်ဆိုတာကိုပါ မျှဝေချင်တာပါ။ (more…)

June 1, 2011
စီးဆောနှင့် ကျွန်တော်

ကျွန်တော်တို့ ငယ်ငယ်က ကစားကွင်းများသို့ ရောက်ဖူးကြလိမ့်မည်။

ဒန်းများ၊ လျှောများ၊ စီးဆောများ စီးဖူးကြလိမ့်မည်။ လူငယ်တို့ သဘာဝ ပျော်ပျော်ရွှင်ရွှင်ခုန်ပေါက် ဆော့ကစားဖူးကြပါမည်။

ကျွန်တော်လည်း လူငယ်ပီပီ လွတ်လပ်ပေါ့ပါး ပြေးလွှားဆော့ကစားဖူးခဲ့သည်။ သို့သော် အမှုအမှတ်မထား။ များမကြာမီကမှ အမှတ်မထင် သတိပြုမိသော ကစားနည်းမှာ ‘စီးဆော(See -Saw)’ပင်ဖြစ်သည်။
စာဖတ်သူလည်း ငယ်ငယ်က စီးဖူးလိမ့်မည်ဖြစ်၍ မျက်စိထဲ မြင်ယောင်ကြည့်စေလိုပါသည်။ စီးဆော၏ ပုံသဏ္ဌာန်မှာ ပျဉ်ပြားတစ်ချပ်နှင့် အလယ်မှ ထောက်တိုင်တခု ပါရှိပါသည်။ ပက်လက်ပျဉ်ပြားတချပ်၏ အလယ်တည့်တည့်တွင် အပေါက်ဖောက်၍ဖြစ်ဖြစ်၊ အပေါက်မပါဘဲဖြစ်ဖြစ် ထောက်တိုင်တစ်ခု ထောက်ထားပါသည်။
ကလေးငယ်နှစ်ဦးက ပျဉ်ပြားတစ်ဘက်တစ်ချက်ဆီတွင် တက်ထိုင်သည်ဆိုပါစို့။ ဘယ်ဘက်က ကလေးက ဖိနှိပ်ထိုင်ချလျှင် ညာဘက်မှ ကလေးမှာ မြင့်တက်သွားပါသည်။ ဘယ်ဘက်မှ ကလေး ထိုင်ရာက ထလျှင် ညာဘက်မှ ဖိနှိပ်ထိုင်ချရသည်။ တနည်းဆိုရသော် ဘယ်ဘက်မှကလေးက မြင့်သွား၍ ကျန်တဘက်မှာ နိမ့်ဆင်းသွားရသည်။ ‘တဘက်မှာ မြင့်တက်နေလျှင် ကျန်တဘက်မှာ နိမ့်ကျနေမည်‘ဆိုသော သဘောတရားကို ပထမဆုံး ဆင်ခြင်မိပါသည်။
ထို့ပြင် ပန်းခြံထဲ၌ စီးဆော ဆော့ကစားနေသော ကလေးငယ်နှစ်ဦးအနက် အမြင့်ရောက်သွားသည့် ကလေးမှာ တဘက်ကလေး ထက်ပို၍ ပန်းခြံ၏ရှုမျှော်ခင်းများကို မြင်တွေ့နိုင်မည်။ ပတ်ဝန်းကျင်၏ အလှတရားများကို ခံစားနိုင်မည်။ တဖန် မိမိက နှိမ့်ချပေးခြင်းအားဖြင့် တဘက် ကလေးအား ထိုရှုခင်းများအား ကြည့်ရှုခွင့်ပေးရာရောက်သည်။

ဤသို့ဖြင့် အတုန့်အလှည့်သဘော လိုက်လျောပေးကြသည်။ အပေးအယူသဘော အပြန်အလှန် ဖြည့်စည်းပေးကြသည်။ အနိမ့်၌ရှိနေစဉ်ထက် အမြင့်သို့ ထောင်တက်ရချိန်တွင် ပို၍ ပျော်စရာကောင်းသည်။ ထို့ကြောင့် ပျော်ရွှင်မှုကို ဝေမျှခံစားမိကြသည်။ win-win (သူမသာ၊ ကိုယ်မနာ)သဘောမျိုးဖြစ်သည်။
အတ္တကင်းစင်သော ကလေးတို့ဘ၀တွင် ဆော့ကစားခဲ့ကြသည့် အဆိုပါ ကစားနည်းမှာ အတ္တ၀ါဒ ချိုးနှိမ်ရေးကို ကောင်းစွာ လေ့ကျင့်ပေးနိုင်ကြောင်း တွေ့ရှိရသည်။
မိမိချည်း ကောင်းစား၍ မပြီး။ ပျော်ရွှင်မှု၊ ချမ်းသာမှု၊ အောင်မြင်မှုများကို တကိုယ်တည်းရယူနေခြင်းဖြင့် လောကအလှမဆင်နိုင်။ မိမိ ညီအစ်ကို၊ သူငယ်ချင်း၊ မိတ်ဆွေ၊ အိမ်နီးနားချင်းများအပါအ၀င် လူ့အဖွဲ့ အစည်းတို့ကိုပါ သူ့အလှည့်ကိုယ့်အလှည့် နေရာပေးသင့်သည်ဟူသော အသိကို မွေးဖွားပေးသည်။
ငယ်ရွယ်စဉ်က အပျော်သဘောဖြင့် ဆော့ကစားခဲ့သော်လည်း ကြီးပြင်းလာသောအခါ လူမှုရေးလုပ်ငန်းများတွင် ကိုယ်တိုင်ကိုယ်ကျ ပါဝင် ဆောင်ရွက်လာချိန်တွင် သူများကောင်းကျိုး-ကိုယ့်ကျောင်းကျိုး၊ အတ္တ-ပရ ညီညွတ်မျှတအောင် ဆောင်ရွက်ရာတွင် စီးဆောကစားနည်းက သင်ခန်းစာပေးသည်။
လူ့လောက လူ့ဘ၀တွင် အနိမ့်အမြင့်၊ အတက်အကျ၊ အဆိုး အကောင်း ရှိစမြဲပင်။
ဆိုကြပါစို့ …” တဘက်ကို A ကျန်တဘက်ကို B ဟု အမည်တပ်၍ A မှာ အကောင်း၊ B မှာ အဆိုးဟု ကိုယ်စားပြုသတ်မှတ်ကြည့်ပါ။ A ဆိုသော ကောင်းခြင်းများ မြင့်တက်နေချိန်တွင် B ဆိုသော အဆိုးတရားများ နိမ့်ကျနေမည်ဖြစ်ပြီး တနည်း B ၏ အဆိုးများ မြင့်တက်လာချိန်မှာ A ဆိုသော ကောင်းခြင်းတရားများ နိမ့်ကျ လျော့ပါးသွားမည်ဖြစ်သည်။
လူတစ်ဦးချင်းစီ၏ ကောင်းမှု၊ ဆိုးမှု ကျင့်မူချက်များကို ကိုယ်တိုင် ဝေဖန်နှိုင်းယှဉ်၍ ညီမျှခြင်းထိုးကြည့်နိုင်စေရန်လည်း စီးဆောက လှုံ့ဆော် တိုက်တွန်းသည်။
ထို့ကြောင့် စီးဆောဥပမာမှတဆင့် ကျွန်တော်တို့ နေ့စဉ်ဘ၀တွင် တွေ့ကြုံနေရသော လူမှုရေး၊ စီးပွားရေး၊ ပတ်ဝန်းကျင်ရေး၊ တရားမျှတရေး စသည့် နယ်ပယ်စုံတို့တွင် သဟဇာတဖြစ်စေရန် ကောက်ယူဆင်ခြင်နိုင်သည်။
ပန်းခြံများတွင် ကလေးငယ်တို့ ပျော်ရွှင်ကြည်နူးစွာ See -Saw စီးနေကြတာကို မြင်ရတိုင်း ကျွန်တော်တို့ ပတ်ဝန်းကျင်နှင့် မည်မျှ သဟဇာတဖြစ်ကြပြီလဲ၊ မည်မျှ အစွန်းမရောက်အောင် နေထိုင်နိုင်ကြပြီလဲ။ အပေး အယူ၊ အလျှော့အတင်း ကျင့်မူတတ်ပြီလား၊ အတ္တ-ပရ ညီညွတ်မျှတနိုင်ပြီလားဆိုတာ ဆင်ခြင်ကြည့်နိုင်ပါကြောင်း ….”။

copy from လင်းယုန်ဂျာနယ်

May 15, 2011
နို့တစ်ခွက်နဲ့ စာရင်းရှင်းပြီး

တစ်ခါက ဆင်းရဲသားလေးတစ်ယောက်ဟာ ကျောင်းစရိတ်ရဖို့အတွက် တစ်အိမ်ဝင် တစ်အိမ်ထွက် ကုန်ပစ္စစည်းလေးတွေ လိုက်လံ ရောင်းချနေရသတဲ့။ တစ်နေ့မှာတော့ သူ့မှာ အြွေကအနည်းငယ်သာ ကျန်ရှိပြီး စားစရာမရှိတဲ့အတွက် အခက်ကြုံနေသတဲ့။ အရမ်းဆာလောင်နေတဲ့ လူငယ်လေးဟာ အိမ်နီးနားချင်းဆီက တစ်ခုခု စားစရာ တောင်းစားဖို့ ဆုံးဖြတ်လိုက်တယ်။
ဘေးအိမ်ကို တံခါးခေါက်လိုက်တဲ့အခါ ချစ်စဖွယ်မိန်းကလေး တစ်ဦး ထွက်လာတာတွေ့ရတော့ သူ့စိတ်ပြောင်းပြီး ထမင်းအစား ရေတစ်ခွက်ပဲ တောင်းခံလိုက်တယ်။ မိန်းကလေးလည်း လူငယ်လေးရဲ့ ဆာလောင်မွတ်သိပ်နေတဲ့ပုံကိုကြည့်ပြီး နို့အပြည့်တဖန်ခွက် ယူလာပေးတယ်။ သူက နို့ကို တဖြည်းဖြည်းချင်းသောက်ပြီးတဲ့နောက်မှာ

”ကျွန်တော် ဒီကျေးဇူးကို ဘယ်လို ပြန်ဆပ်ရမှန်းတောင် မသိပါဘူးဗျာ”လို့ဆိုတယ်။
”ရှင် ဘာမှပြန်ပေးဆပ်စရာမလိုပါဘူး၊ ကျွန်မမေမေက မှာထားတယ်၊ ကြင်နာမှုနဲ့ စာနာပြီးကူညီတာကို ဘာအဖိုးအခမှ ပြန်မယူရဘူးတဲ့” လို့ သူမက ပြန်ဖြေပါတယ်။
”ကျွန်တော့် နှလုံးသားထဲကနေ လှိုက်လှိုက်လှဲလှဲ ကျေးဇူးတင်ပါတယ်ဗျာ”လို့ ပြောပြီး သူပြန်လာခဲ့ပါတယ်။
နောက်ပိုင်းမှာတော့ လူငယ်လေးဟာ အိမ်ကနေ ထွက်ခွာသွားခဲ့ပါတယ်။ သူဟာ ရုပ်ပိုင်းဆိုင်ရာ သန်စွမ်းမှုလည်းမရှိသလို နာမ်ပိုင်းဆိုင်ရာ ဖြစ်တဲ့ ဘုရားသခင်နဲ့ လူငယ်တွေမှာ စွမ်းအင်တွေရှိတယ်ဆိုတာလည်း ယုံကြည်မှု မရှိပါဘူး။ အဲဒီ အချိန်အထိ သူဟာ အရာရာကို လက်မြှောက် အရှုံးပေးဖို့ပဲ အသင့်ပြင်ထားသူပါ။
နောင်နှစ်ပေါင်းများစွာ ကြာလာတဲ့အခါမှာ မိန်းမပျိုလေးလည်း အသက်အရွယ် ကြီးပြင်းလာပြီး တနေ့မှာ ပြင်းထန်တဲ့ ဝေဒနာခံစားရရှာ တယ်။ ဒေသခံ ဆရာဝန်တွေ မနိုင်တော့လို့ မြို့ကြီးက ဆေးရုံကို လွှဲ ပြောင်းပေးရတဲ့ အထိပါပဲ။ သူမရဲ့ ရှားပါးတဲ့ ရောဂါအခြေအနေကို အထူးကု ဆရာဝန်ကြီးတွေနဲ့ သေသေချာချာ ကုသဖို့ ပြင်ဆင်ရတာပေါ့။ အဲဒီမှာ တစ်ချိန်က လူငယ်လေးဟာ ဆရာဝန်ကြီး ဟောင်းဝပ်ဖြစ်လို့နေပါပြီ။ ဆရာဝန် ဟောင်းဝပ်ဟာ ဒီလူနာကို ကိုင်တွယ်ရမယ့် အထူးကုကြီးပေါ့။ အမျိုးသမီးရောက်လာတဲ့ မြို့နာမည်ကို ကြားကတည်းက သူ့မျက်လုံး တွေ အရောင်လက်သွားခဲ့တယ်။ ပြီးတော့ လူနာရှိရာ ကုတင်ကို သူရောက်လာပြီး အမျိုးသမီးကိုကြည့်လိုက်တဲ့အခါ မြင်မြင်ချင်း သူမှတ်မိသွားတယ်။ ဒါနဲ့ ဆရာဝန်အဖွဲ့ကို အတတ်နိုင်ဆုံးကြိုးစားပြီး သူမအသက်ကို ကယ် တင်ဖို့ တိုက်တွန်းလိုက်တယ်။ ဆရာဝန်တွေဟာ တစ်နေကုန် ဒီလူနာအတွက် အထူးအလေးပေးပြီး ကုသကြတယ်။ နောက်ဆုံး သူတို့ အောင်မြင်ခဲ့တယ်။
ဒေါက်တာ ဟောင်းဝပ်က ငွေရှင်းဌာနကို သွားပြီး ဒီအမျိုးသမီးအတွက် ကျသင့်ငွေစာရင်းကို တောင်းယူကြည့်ပါတယ်။ နောက် သူက ငွေရှင်းစာရွက်ရဲ့ အောက်ခြေမှာ လက်မှတ်ရေးထိုးပြီး လူနာထံ ပို့ခိုင်းလိုက်ပါတယ်။
လူနာအမျိုးသမီးက သူ့ထံရောက်လာတဲ့ ကျသင့်ငွေစာရင်း စာရွက်ကို စိုးရိမ်တကြီးနဲ့ ဖွင့်ကြည့်တယ်။ သူ့စိတ်ထဲမှာတော့ ဒီလို ဆေးရုံကြီးမှာ အထူးကုကြီးတွေနဲ့ ကုသရတဲ့ ကုန်ကျငွေဟာ ကျန်ရှိနေတဲ့ သူ့ဘ၀တစ်သက်လုံး ဆပ်လို့ ကုန်မှာမဟုတ်ဘူးလို့ တွေးထင်နေခဲ့တယ်။ ဒါပေမယ့် သူ့မျက်လုံးတွေ ပြူးကျယ်သွားလောက်အောင် အံ့သြသွားရတာက ဘောက်ချာရဲ့ အောက်ခြေမှာ ”နို့တစ်ခွက်နဲ့ စာရင်းရှင်းပြီး”လို့ ရေးထားတာကြောင့်ပဲ။ အောက်မှာ လက်မှတ်ရေးထိုး ထိုးထားတဲ့ ဒေါက်တာ ဟောင်းဝပ်ရဲ့ နာမည်ကိုတွေ့လိုက်ရတဲ့အချိန်မှာ သူဟာ အရာရာအားလုံးကို ပြန်မှတ်မိသွားတယ်။ ၀မ်းသာဝမ်းနည်းနဲ့ မျက်ရည်တွေလည်း စီးကျလာတယ်။

အဲဒီနောက်မှာတော့ သူမရင်ထဲမှာ “အို.. ဘုရားသခင်၊ ကျေးဇူးကြီးမားလှပါတယ်၊ အရှင့်ရဲ့ မေတ္တာတွေဟာ လူသားတွေရဲ့ နှလုံးသားနဲ့ လက်တွေထဲမှာ စီးဝင်နေပါပြီအရှင်…” လို့ ဆုတောင်းနေမိပါတော့တယ်။

Ref; Paid in full cup of Milk

from လင်းယုန်ဂျာနယ်

May 15, 2011
ကျမ ဂဒါဖီရဲ့ သူနာပြုဘ၀ကပေါ့

ကျမ အသက် ၂၁ အရွယ်မှာ မွမ်မာဂဒါဖီရဲ့ သူနာပြုအဖြစ်စတင် တာဝန်ထမ်းဆောင်ခဲ့ပါတယ်။

ကျမ ယူကရိန်းမှာ ကြီးပြင်းသူပါ။ အာရပ်စကားလည်း မပြောတတ်ပါဘူး။ လစ်ဗီးယားစကားနဲ့ လဗနွန်စကား မတူမှန်းတောင် မသိပါဘူး။ သူ့ကိုတော့ ကျမတို့က ‘Papik’ လို့ ချစ်စနိုးခေါ်ကြတယ်။ ရုရှားလို ‘အဖေလေး’ လို့ အဓိပ္ပာယ်ရတယ်။ ကျမ အတွက်ကတော့ အရာရာဟာ အိပ်မက်လိုပါပဲ။ ကျမအတွက် အိပ်ခန်း၂ခန်းပါတဲ့ တိုက်ခန်းတခန်းရတယ်။ ဒရိုင်ဘာတစ်ယောက်ပေးထားတယ်။ ကျမခေါ် လိုက်တဲ့အချိန်တိုင်းမှာ အဆင်သင့် ရောက်လာမယ်။ ဒါပေမယ့် ကျမအခန်းမှာ လျှိ့ဝှက်အသံဖမ်းကရိယာတွေ တပ်ဆင်ထားတယ်။ ကျမဘ၀က အနီးကပ် စောင့်ကြည့်တာခံခဲ့ရတယ်။
ကျမအလုပ်ဝင်ကာစက နန်းတော်ကို သွားခွင့်မပြုဘူး။ ‘အဖေလေး’ က သူ့မိန်းမ(စဖီယာ)ကို ကြောက်ရတယ်နဲ့တူတယ်။ သူ့မိန်းမ မနာလိုဖြစ်မှာကိုလေ။ နောက်တော့ ကျမ ပုံမှန်သွားလို့ ရခဲ့ပါတယ်။ တကယ်တော့ သူ့မှာ လူငယ်တစ်ယောက်လို နှလုံးခုန်နှုန်းနဲ့ သွေးပေါင်ချိန်မျိုးရှိနေတာပါ။ ချက်တို့၊ ချီလီနိုင်ငံတို့ကို အလည်သွားတဲ့အခါမှာတော့ အပူဒဏ်ကြောင့်ဖြစ်တဲ့ရောဂါ မ၀င်ရအောင် သူ့ကို ကုတ်အင်္ကျီထူထူထဲထဲ ၀တ်ပေးရတယ်။ ကျမတို့က သူကို အိမ်နားမှာ ပုံမှန်လမ်းလျှောက်ခိုင်းပြီး သွေးပေါင်ချိန်တာတုိ့ ကာကွယ် ဆေးထိုးတာတို့ မှန်မှန်လုပ်ပေးရတယ်။
ယူကရိန်းသတင်းစာတွေကတော့ ကျမတို့ကို ကဒါဖီရဲ့ မောင်းမ (အငယ်အနှောင်း)တွေလို့ ကင်ပွန်းတပ်တယ်။ ဒါ အဓိပ္ပာယ်မရှိတာပဲ။ ဘယ်သူနာပြုမှ သူ့ချစ်သူတွေ မဟုတ်ပါဘူး။ ကျမတို့တွေက သွေးပေါင်တိုင်းတဲ့အချိန်လောက်ပဲ သူ့အသားကို ထိတွေ့ကြတာပါ။ ‘အဖေလေး’ဟာ သူ့သူငယ်ချင်း အီတလီဝန်ကြီးချုပ် ဘာလူစကူနီိတို့လို မိန်းမလိုက်စားတဲ့သူမဟုတ်ပါဘူး။ သူက ဆွဲဆောင်မှု ရှိတဲ့ ယူကရိန်းမယ်တွေကိုပဲ သီးသန့်ရွေးချယ်ခန့်ထားတာပါ။ သူ့ဘေးမှာ လှပတဲ့ အရာတွေ လူတွေရှိနေစေချင်တဲ့ သဘောပါ။ ကျမကို အလုပ်ခန့်ဖို့ လူတွေ့ စစ်ဆေးတုန်းကဆို ကျမကို လာလျှောက်တဲ့သူတွေထဲကနေ ဆွဲထုတ်ပြီး အရင်ဆုံး လက်ဆွဲနှုတ်ဆက်တယ်။ နောက်ပြီး ကျမ မျက်လုံးကို သေသေချာချာစိုက်ကြည့်တယ်။ နောက်ပိုင်းမှ ကျမသိလိုက်ရတာက သူဟာ လူတွေနဲ့ ပတ်သက်ပြီး ဆုံးဖြတ်ချက်တစ်ခုခု ချရမယ်ဆိုရင် အရင်ဆုံး အဲဒီလူကို လက်ဆွဲနှုတ်ဆက်တတ်တယ်ဆိုတာပါပဲ။
‘ပါပစ်က်’မှာ မကောင်းတဲ့အကျင့်တစ်ခုချို့တော့ရှိတယ်။ သူဟာ အာရဗ်ဂီတကို ကက်ဆက်အဟောင်းကြီးတစ်ခုနဲ့ ဖွင့်ပြီး နားထောင်မယ်။ သူ့အ၀တ်တွေကိုလည်း တစ်နေ့ကို ခဏခဏလဲနေတော့တာပါပဲ။ ၁၉၈၀ လောက်က ရော့ခ်ဂီတသမားတစ်ဦးရဲ့ ဒီဇိုင်းနဲ့ အ၀တ်အစားကို သူ အရူးအမူးစွဲလမ်းတာ…။ တစ်ခါတရံ ဧည့်သည်တွေ သူ့ကို စောင့်နေတဲ့ အချိန်မှာတောင် အခန်းထဲဝင်ပြီး အင်္ကျီလဲလိုက်သေးတယ်။ ဆင်းရဲတဲ့ အာဖရိကနိုင်ငံတွေကို လှည့်လည်တဲ့အခါမှာလည်း သူက ကားပြတင်းပေါက်ကနေ ယာဉ်တန်း နောက်က ပြေးလိုက်လာတဲ့ ကလေးငယ်တွေကို ပိုက်ဆံတွေ၊ သကြားလုံးတွေ ကျဲချတယ်။ ကလေးတွေနားတော့ ဘယ်တော့မှ မကပ်ဘူး။ ရောဂါတွေ ကူးဆက်မှာ စိုးလို့တဲ့။ နောက် ရွက်ဖျင်တဲမှာ ဘယ်တော့မှ မအိပ်ဘူး။ အစည်းအဝေးလုပ်တဲ့ အချိန်လောက်ပဲ သုံးတယ်။
သူနဲ့အတူ ကျမတို့ အမေရိကန်၊ အီတလီ၊ ပေါ်တူဂီ၊ ဗင်နီဇွဲလား စတဲ့ နိုင်ငံတွေကို ခရီးထွက်ဖူးပါတယ်။ အမြဲတမ်း ကျမတို့အပေါ် ကောင်းခဲ့တယ်။ ကျမတို့ လိုအပ် တာကိုမေးပြီး ဈေးဝယ်ထွက်ခွင့်ပြုတယ်။ နှစ်စဉ်နှစ်တိုင်းမှာလည်း ‘အဖေလေး’က သူ့ဝန်ထမ်းတွေကို ရွှေရောင် နာရီတစ်လက် လက်ဆောင်ပေးနေကြပဲ။ အဲဒီနာရီအပေါ်မှာ သူ့ဓါတ်ပုံကိုပါ ထည့်သွင်းရိုက်နှိပ်ထားတယ်။ အဲဒီနာရီပြပြီး လစ်ဗျားရဲ့ ဘယ်နေရာမှမဆို ပြဿနာဖြစ်ရင်ပဲဖြစ်ဖြစ်၊ လိုအပ်တဲ့အကူအညီမှန်သမျှ တောင်းလို့ရတယ်။
သူ့ကို လစ်ဗျားလူဦးရေ ထက်ဝက်လောက်က မကြိုက်မှန်း သိရတော့ ကျမ တော်တော်လေး စိတ်မကောင်းဖြစ်မိတယ်။ ပြည်တွင်းက ကျန်းမာရေးဝန်ထမ်းတွေဆိုရင်လည်း ကျမတို့တွေကို မနာလိုဖြစ်ကြတယ်။ ကျမတို့က သူတို့ထက် ပိုပြီး လစာ ၃ ဆလောက်ရကြ တယ်လေ။ ဒေါ်လာ ၃ ထောင်ကျော်တာပေ့ါ။ ဒါဟာ ‘အဖေလေး’သူ့တိုင်းပြည်မှာ လုပ်ချင်တိုင်းလုပ်နေတဲ့ ရလာဒ်ပဲ။ သူက စတာလင်နဲ့ တူတယ်။ အာဏာတွေ ဇိမ်ခံစရာတွေအားလုံးဟာ သူ့အတွက်ချည်းပဲ။
အီဂျစ်ပြည်မှာ တော်လှန်ရေးတွေဖြစ်နေတာ တီဗီမှာ ကျမ စတွေ့တော့ အော်…ဒီမှာ ‘အဖေလေး’ကိုတော့ ဘယ်သူမှ ဆန့်ကျင်ရဲ မှာမဟုတ်ဘူးလို့ ထင်ခဲ့မိတယ်။ ဒါပေမယ့် တူနီးရှားနဲ့ အီဂျစ်ပြီး ဂယက်တွေရိုက်ပြီး လစ်ဗျားမှာလည်း အရာရာပြောင်းလဲခဲ့ပြီလေ။
တကယ်လို့ ‘အဖေလေး’ဟာ သူ့သား ‘စအိဖ်’ကို အာဏာ လွှဲပေးလိုက်မယ်ဆိုရင်တော့ သူ့အတွက် အခွင့်အရေးရှိနိုင်ဦးမယ်။ ပြည်သူတွေအခုလောက်လည်း သေမှာမဟုတ်ပါဘူး။
ကျမ ထရီပိုလီကနေ ဖေဖော်ဝါရီလဆန်းလောက်မှာ ထွက်လာခဲ့တယ်။ ကျမသူငယ်ချင်းနှစ်ယောက်တော့ အဲဒီမှာ ကျန်ရစ်ခဲ့တယ်။ အခု သူတို့ ထွက်လာလို့ မရတော့ဘူး။ ကျမ ထွက်လာရ တဲ့အကြောင်းကတော့ ပုဂ္ဂိုလ်ရေးဆန်လွန်းပါတယ်။ ကျမမှာ ကိုယ်ဝန်လေးလရှိပြီလေ။ အခု ထင်သာမြင်သာရှိနေပြီ။ ကျမရဲ့ ဆားဗီးယားချစ်သူကို ‘အဖေလေး’က သဘောမကျမှာ စိုးလို့ပါပဲ။
ကျမ သစ္စာဖောက်လို့ ‘အဖေလေး’က ခွင့်လွှတ်မှာတော့ မဟုတ်ဘူး။ ဒါပေမယ့် ကျမ လစ်ဗျားကနေ ထွက်ခွာမှဖြစ်မှာမို့ပါ။ ကျမနဲ့ ကျမရဲ့ကလေးအနာဂတ်ကို စဉ်းစားရမယ်လေ။ ‘အဖေလေး’ ရဲ့ အနီးကပ်လုပ်ဖော်ကိုင်ဖက်က အခုတော့ သူနဲ့ဝေးရာကို ထွက်ပြေး နေရပါပြီ။ သူက အခု သူ့သားသမီးတွေကိုရော ကျမနဲ့ လုပ်ဖော်ကိုင်ဖက် ယူကရိန်းအမျိုးသမီး၂ဦးကိုပါ သူ့ဘေးမှာ သူနဲ့အတူ သေဖို့ ဖိအားတွေ ပေးနေပြီလေ….။ ။

အေးမွန်

Ref: My Years As Gaddafi’s Nurse – by Oksana Balinskaya , Newsweek, April 10, 2011

May 15, 2011
နိုင်ငံ့ဂုဏ်ရည်ဘွဲ့ ပထမဆင့် ဗိုလ်မှူးကြီးတင်စိုး (အထ္တုပတ္တိ)

ဗိုလ်မှူးကြီးကို မန္တလေးမြို့၈၃-လမ်း၊ ဂုဏ်တန်ရပ်၌ အဘ ဦးမွှတ်နှင့် အမိ ဒေါ်အမာတို့မှ ၁၂၇၉ နတ်တော်လဆန်း ၉ ရက် (၂၂၊ နိုဝင်ဘာလ၊ ၁၉၁၇) နေ့တွင် ဖွားမြင်သည်။ ငယ်စဉ်က ၅-နှစ် မှ ၉-နှစ်သားအထိ တောင်ဘလူဝတ်ကျောင်းတွင် ဖွင့်လှစ်ထားသော စာသင်ကျောင်းတွင် အခြေခံဘာသာရေးနှင့် ခေတ်ပညာကို ဆည်းပူးသည်။ ပြီးမှ မန္တလေးမြို့ရှိ မွတ်စလင်ကျောင်း၊ ဗဟိုအမျိုးသား အထက်တန်းကျောင်းတို့တွင် ဆက်လက်ဆည်းပူးပြီး ၁၉၃၆-ခု မတ်လတွင် ၁၀-တန်း စာမေးပွဲကို ဖြေဆို အောင်မြင်သည်။
၁၉၃၉-ခုနှစ်တွင် မန္တလေး ဥပစာကောလိပ်မှ ဥပစာသိပ္ပံတန်းကို အောင်မြင်ပြီး ၁၉၄၁-ခုနှစ်တွင် ရန်ကုန်တက္ကသိုလ်၊ ဘီအိုစီ အင်ဂျင်နီယာကောလိပ်မှ လျှပ်စစ်အင်ဂျင်နီယာပညာရှင်များအဖွဲ့၏ ဒီပလိုမာဘွဲ့ ရရှိသည်။ ၁၉၄၁-ခုနှစ် အောက်တိုဘာလ ရန်ကုန်မြို့ ကြေးနန်း ဌာတွင် အီးအက်တီ အဖြစ် အလုပ်စတင်ဝင်ရောက်သည်။ ၁၉၄၂ခုနှစ် နိုဝင်ဘာလ မှ ၁၉၄၅ ခုနှစ် မတ်လအထိ အက်စ်ဒီအီးအဖြစ် တာဝန်ထမ်းဆောင်သည်။

၁၉၄၂-ခုနှစ် ဒီဇင်ဘာလမှစ၍ ကြေးနန်းဌာန ၀န်ထမ်းတစ်ဦးအဖြစ် အလုပ်လုပ်ရင်း ဂျပန်တော်လှန်ရေးအတွက် မြေအောက်တော်လှန်ရေးလုပ်ငန်းးများ ဆောင်ရွက်သည်။ ၁၉၄၄ ခ၊ု အောက်တို ဘာလမှစ၍ ဗိုလ်မှူးကြီးဗထူးနှင့် ဆက်သွယ်ပြီး လှျို့ဝှက် ၀ါယာလက်စခန်းတစ်ခုကို မန္တလေးမြို့မြောက်ဘက် ဒဟတ္ထောရွာ အရှေ့ဘက်တောထဲတွင် တာဝန်ယူ ထိန်းသိမ်းဆောင်ရွက်ပေးသည်။ ၁၉၄၅-ခု မတ်လ ၈ ရက်နေ့တွင် ဂျပန်တပ်မတော်အရာရှိတစ်ဦးအနေဖြင့် အထူးသဖြင့် ဆက်သွယ်ရေးအရာရှိတာဝန်များကို ဆောင်ရွက်ရသည်။ မြင်းခြံစခန်းတွင် မျိုးချစ်တပ်မတော်၏ တော်လှန်ရေးဗိုလ်အဖြစ် တာဝန်ယူခဲ့သည်။ တော်လှန်ရေး နောက်ပိုင်းတွင် မြန်မာပြည်လွတ်လပ်ရေးအတွက် မွတ်စလင်ထုအား စည်းရုံးရန် ပျဉ်းမနားညီလာခံ ခေါ်ဆိုခဲ့သည်။ သို့ခေါ်နိုင်ရန် အထက်ဗမာပြည် စည်းရုံးရေးအတွက် ဗိုလ်မှူးက တာဝန်ယူကြိုးပမ်းရသည်။
၁၉၄၆-ခု ဇန်န၀ါရီလ ၁၄ ရက် မှ ၁၉၇၂-ခု စက်တင်ဘာလ ၆၇က်နေ့အထိ မြန်မာ့တပ်မတော်တွင် ဗိုလ်မှူးအဆင့်အထိ တာဝန်အမျိုးမျိုးထမ်းဆောင်ခဲ့သည်။ အထူးသဖြင့် ဘီအီးအမ်အီး လျှပ်စစ်တပ်ဖွဲ့တွင် တာဝန်ယူခဲ့ပြီး ၁၉၅၇-ခု ဇူလိုင်လမှ ၁၉၇၀ ခု အောက်တိုဘာအထိ လျှပ်စစ်ညွှန်ကြားရေးတာဝန်ကိုပါ ထမ်းဆောင်ခဲ့သည်။

၁၉၆၂-ခု မတ်လ ၂ ရက်နေ့မှစ ၁၉၇၀ ပြည့်နှစ်တွင် လယ်ယာနှင့် သစ်တောဝန်ကြီးဌာနအတွင်းဝန်၊ လယ်ယာ စိုက်ပျိုးရေးဝန်ကြီးဌာနအတွင်းဝန်၊ ဗလကအဖွဲ့၏ စက်မှုပစ္စည်းကြီးကြပ်ရေးအဖွဲ့ ဥက္ကဋ္ဌ၊ စိုက်ပျိုးရေးဘဏ်ဥက္ကဋ္ဌ၊ ဆိုရှယ်လစ်စီးပွားရေး တည်ဆောက်မှု ကော်မတီ ဥက္ကဋ္ဌ ၀ါဇီလုပ်ငန်းကော်မတီဥက္ကဋ္ဌ စသော နယ်ဘက်တာဝန်အမျိုးမျိုးကိုလည်း ထမ်းဆောင်ခဲ့သည်။
ဖော်ပြပါ စစ်ဘက်နယ်ဘက် တာဝန်များအပြင် ၁၉၆၄-ခု နှစ်မှ၁၉၇၁-ခုနှစ်အထိ လမ်းစဉ်ပါတီဌာနချူပ် တောင်သူလယ်သမားရေးရာ ဌာနကြီး၌ ရေးရာကော်မတီ လက်ထောက်အတွင်းရေးမှူး၊ ရေးရာကော်မတီ တာဝန်များကိုလည်း ထမ်းဆောင်ခဲ့သည်။ ၁၉၆၃-ခုနှစ်မှ ၁၉၇၃-ခုနှစ်အထိ ဗဟိုပြည်သူ့ တောင်သူလယ်သမားကောင်စီ၊ ဗဟိုကောင်စီဝင်အဖြစ် တာဝန်ယူခဲ့သည်။
၁၉၇၉-ခု စက်တင်ဘာလ ၉-ရက် နေတွင် ဟစ်ဂျရီ ၁၄၀၀ ပြည့်် ကျင်း ပရေးအတွက် အဖွဲ့ ပေါင်း စုံ အစည်းဝေးတွင် ဗိုလ်မှူးကြီးသည် နာယကတစ်ဦးအဖြစ် ခေါင်းဆောင်ပါဝင်သည်။ ထို စည်းဝေးပွဲတွင် လက်ရှိ မွတ်စလင်အဖွဲ့ကြီး ၆ ဖွဲ့၊ လူသိများသော အသင်းအဖွဲ့များ၊ အမျိုးသမီးအဖွဲ့၊ အီးဒ်စွလာတ်အဖွဲ့၊ ဓမ္မဗိမာန်အပါအ၀င် အဖွဲ့၂၉ ဖွဲ့၊ ၀တ်ကျောင်း ၅၀၊ ဂျမာအတ်ခါနာ ၈ ခု၊ ပြင်ပစိတ်ဝင်စားသူ ၁၇၉ ဦးတို့ပါဝင်သော အစ္စလာမ်သာသနာ ဟစ်ဂျရီ ၁၅ရာစုကြိုဆိုရေး (အဟက) ဗဟို ကော်မတီကို ဖွဲ့စည်းရာ ဗိုလ်မှူးကို ကော်မတီဥက္ကဋ္ဌအဖြစ် တင်မြှောက်ခဲ့ကြသည်။

၁၂၊ ၉၊ ၇၉ တွင် ကော်မတီ အသီးသီးဖွဲ့သည်။ ၂၀၊ ၁၁၊ ၇၉ နေ့တွင် ဆုတောင်းပွဲ ကျင်းပသည်။ ၃၀၊ ၁၂၊ ၇၉ နှင့် ၂၇၊ ၁၊ ၈၀ နေ့များတွင် ဟောပြောပွဲများ ကျင်းပခဲ့သည်။ စာတမ်းနှင့် ဓမ္မတေးခွေများ ထုတ်ဝေသည်။ သွေးလှူပွဲ၊ ချွေးလှူပွဲများ တခမ်းတနား ကျင်းပနိုင်ခဲ့သည်။
၁၉၈၀-ပြည့်နှစ် မေလ ၁၁ ရက်နေ့၊ ကျူလီယာခန်းမတွင် ကျင်း ပသော အိုလမာသာသနာ့ ပညာရှင်များများအဖွဲ့ လူထုဟောပြောပွဲတွင် ဗိုလ်မှူးကြီးက ဧည့်သည်တော်မိန့်ခွန်းပြောကြားသည်။ ၁၅-ရာစု ကြိုဆိုရေး အထိမ်းအမှတ် မိတ်ဆုံပွဲများ၊ စကားရည်သွေးပွဲများလည်း သိုက်သိုက်မြိုက်မြိုက် ကျင်းပခဲ့သည်။၁၉၈၀-ပြည့်နှစ် နိုဝင်ဘာ ၉ ရက် (၁၄၀၁ ခု မုဟရ်ရမ်လ ၁-ရက)် နေတွင် ဆရာဝန်များအသင်း ခန်း မဆောင်၌ ဟစ်ဂ်ဂျရီ ၁၅-ရာစုအကြိုအခမ်းးအနား ကျင်း ပသည။် ဗိုလ်မှူးကြီး က သဘာပတိအဖြစ် ဆောင်ရွက်သည်။ သံအမတ်ကြီး ဦးဖေခင်နှင့် ဟာဂျီမ ဒေါ်မြမြတင်တို့က နှုတ်ခွန်းဆက် စကားပြောကြားသည်။ ဗဟိုကော်မတီဝင် သီရိကိုလေးက ရတုဖြင့်လည်းကောင်း၊ သာကေတမြို့နယ် သင်တန်းသူများက အကြိုနှုတ်ခွန်းဆက်တေးဖြင့်လည်းကောင်း ဧည့်ခံတင်ဆက်သည်။ ဗိုလ်မှူးကြီး၏ ဟစ်ဂျရီ ၁၅ရာစု ကြိုဆိုရေး မိန့်ခွန်းကို မြန်မာ့အသံမှ ထုတ်လွှင့်ပေးခဲ့သည်။
၁၉၇၉-ခု စက်တင်ဘာ ၉ ရက်(၉-၉-၇၉) နေ့ ဆော်သြချိန်မှစ၍ ၁၉၈၀ ပြည့် ဒီဇင်ဘာ ၉ ရက် (၉၊ ၁၂၊ ၈၀) ဆုတောင်းပွဲနှင့်မိတ်ဆုံစားပွဲ ကျင်း ပကာ အဟက ကို ဖျက်သိမ်းသည်အထိ ဗိုလ်မှူးကြီးသည် စိတ်ဝင်တစား အားတက်သရော ကြိုးပမ်း ဆောင်ရွက်ခဲ့သည်။
‘မှန်ကန်သောဦးတည်ချက် အလေးအနက်ထား၍ စုပေါင်းကြရင်း ညီညွတ်ရေး တည်ဆောက်ရန်ဖြစ်သည်’ ဟူသော ခံယူချက်ဖြင့် ဗိုလ်မှူးကြီးသည် ပါဝင်လှုပ်ရှားခဲ့ခြင်း ဖြစ်သည်။’
ဗိုလ်မှူးကြီးသည် ၁၉၈၄-ခုနှစ်၊ ဇန်န၀ါရီ ၄ ရက်နေ့တွင် နိုင်ငံတော်ကောင်စီက ချီးမြှင့်သော နိုင်ငံဂုဏ်ရည်ဘွဲ့ ပထမ အဆင့်နှင့် စစ်မှုထမ်းကောင်း တံဆိပ်ကို ရရှိသည်။ကလောင်အမည်မှ မန်းသစ္စာဖြစ်သည်။
၁၉၈၇ ခု သြဂုတ်လထုတ် လပြည့်ဝန်းစာစောင်တွင် မန်းသစ္စာ ကလောင်အမည်ဖြင့် ဟစ်ဂျရတ်ပြုလုပ်ရခြင်း အကြောင်းရင်းကို တင်ပြသည်။ ဆောင်းပါးတွင် အစ္စလာမ်သမိုင်းအတွက် ဟစ်ဂျရတ်ပြုလုပ်ခြင်းသည် မည်မျှအရေးကြီးသည်၊ မည်မျှတန်ဖိုးရှိသည်ကို ဆန်းစစ်ပြသည်။ အချို့ပညာရှင်တို့သည် ဟစ်ဂျရတ်၏အရေးပါပုံကို ဖုံးကွယ်ပြီးမှားယွင်းသောအယူအဆများကို ဖော်ပြနေကြသည်။ ပထမအယူအဆမှာ Flight ထွက်ပြေးခြင်းဖြစ်ပြီး ဒုတိယအယူအဆမှာ Arbitration ကြားဝင်ဖြန်ဖြေပေးခြင်းဖြစ်သည်။ အယူအဆ ၂-ခုစလုံးမှာ အဓိပ္ပာယ်ကင်းမဲ့ပြီး အကြောင်းရင်းကို သေးသိမ်အောင်လုပ်ရာရောက်သည်။ အမှန်မှာ အဖိနှိပ်ခံဘ၀ဆိုးမှ လွတ်မြောက်ပြီး အစ္စလာမ်သာသနာကို ခိုင်မြဲစွာ တည်ထောင်နိုင်ရန် (၁) လွတ်လပ်သော အခြေခံနယ်မြေ (၂) ကိုယ်ပိုင်သဘောတရားနှင့် (၃) နိုင်ငံရေးအာဏာတည်းဟူသော မရှိမဖြစ်သည့် လိုအပ်ချက် (၃)ရပ်နှင့် ပြည့်စုံနိုင်ရန် ဟစ်ဂျရတ်ပြုလုပ်ခဲ့ခြင်းဖြစ်သည်ဟု တင်ပြသည်။
နိဂုံးတွင်-
‘တမန်တော်မြတ်ကြီး(ငြိမ်း)သည် မိမိဘ၀ခရီး တစ်လျှောက်လုံးတွင် အစ္စလာမ့်လမ်းညွှန်မှုကို အပြည့်အ၀ ယုံကြည်ပြီး အစ္စလာမ့်တရားတော်နှင့်အညီ ကျင့်ကြံနေထိုင်သွားခဲ့ပေသည်။ တမန်တော်မြတ်ကြီး(ငြိမ်း)၏ အီမန်တည်းဟူသောယုံကြည်ချက်ကို မည်သည့်အခြေအနေနှင့်မဆို မည်သည့်အရာကမျှ ယိမ်းယိုင်အောင်မပြုနိုင်ခဲ့ကြောင်း လေ့လာတွေ့ရှိရပါသည်။ မက္ကာမြို့နှင့်တကွ ရောက်လေရာ ဒေသအသီးသီးတွင် ဆင်းရဲဒုက္ခရောက်၍သော်လည်းကောင်း၊ စည်းစိမ်ဥစ္စာ ရာထူး ဂုဏ်တို့ကြောင့်လည်းကောင်း မည်သည့်အခါမျှ မိမိအီမန်ကို အထိခိုက်မခံခဲ့ကြောင်း အစ္စလာမ့်သမိုင်းတွင် အထင်အရှားတွေ့ရှိရပါသည်’ ဟု သုံးသပ်သည်။ ပြီးမှ ဟစ်ဂျရတ်ဖြစ်စဉ်နှင့် မျက်မှောက်ဘ၀ကို ယှဉ်ပြသည်။
မျက်မှောက်ခေတ်တွင် ကျွန်ုပ်တို့အဖို့ အရေးအကြီးဆုံးတာဝန် တစ်ခုမှာ တမန်တော်မြတ်ကြီး(ငြိမ်း)၏ထုံး နှလုံးသွင်း၍မိမိအီမာန်ကို ခိုင်မြဲစွာထိန်းသိမ်းထားနိုင်ရန်ပင်ဖြစ်သည်။ မိမိအီမာန်ကို ဘာနှင့်မျှ မရောင်းစားမိအောင် အမြဲကြိုးစားအားထုတ်နေရပေမည်။ တစ်စုံတစ်ခုကို ကြောက်၍သော် လည်းကောင်း၊ တပ်မက်၍သော်လည်းကောင်း မိမိအီမာန်ယိမ်းယိုင်မသွားအောင် ထိန်းသိမ်းထားဖို့ အလွန်အရေးကြီးပေသည်။ အီမာန်ခိုင်မြဲပြီး အကျင့်သီလကောင်းမွန်မှသာ ကျွန်ုပ်တို့ လူဖြစ်ရကျိုးနပ်ပြီး နောက်ဆုံးတွင် အောင်ပန်းဆွတ်ခူးနိုင်မည်ဖြစ်ကြောင်း တင်ပြအပ်ပါသည်။
ဟု သတိပေးနှိုးဆော်ထားပါသည်။ အလေးထားရမည့် သတိပေးချက်၊လက်တွေ့ကျသော နှိုးဆော်ချက်ဖြစ်ပါသည်။ မြင့်မြတ်သော စေတနာဆန္ဒ ပေါ်လွင်ပါသည်။ ဗိုလ်မှူးသည် နှိုးဆော်သည့်အတိုင်း ကိုယ်တိုင်လိုက်နာကျင့်ကြံခဲ့သူဖြစ်သည်။ မိမိ၏အီမာန်ကို အထိခိုက်မခံခဲ့၊ ကိုယ်ခံအားကောင်းသဖြင့်
ကြံ့ကြံ့ခံနိုင်ခဲ့သည်။ တစ်နည်းအားဖြင့် အီမာန်ခိုင်မြဲပြီး လူဖြစ်ကျိုးနပ်ခဲ့သည်ဟု သိရှိရပါသည်။ အဟက ဗဟိုကော်မတီဥက္ကဋ္ဌ၊ မော်ကွန်းဝင် ဒုတိယဆင့်၊ နိုင်ငံ့ဂုဏ်ရည် ပထမဆင့်၊ စစ်မှုထမ်းကောင်းတံဆိပ် စသည့် ဘွဲ့ထူးဂုဏ်ထူးများ ချီးမြှင့်ခံရသော အငြိမ်းစား ဗိုလ်မှူးကြီး တင်စိုး (ကြည်း၊ ၃၆၀၂)သည် ၁၉၉၅-ခု ဒီဇင်ဘာလ ၄ ရက်နေ့တွင် အလ္လာအရှင့် အမိန့်တော်ခံယူခဲ့ပါသည်။

အငြိမ်စား မြန်မာစာ ပါမောက္ခ ဒေါက်တာ အောင်ဇော် ရေးသည့် တိုင်းရင်း မွတ်စလင်မ် စာပြုစာဆို ပုဂ္ဂိုလ်ကျော်များ (ဒုတိယတွဲ) မှကူးယူဖော်ပြခြင်းဖြစ်ပါသည်။

May 12, 2011