Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

မြန်မာနိုင်ငံမှ မွတ်စ်လင်မ်များရဲ့ ၀ါကျွတ်(အီးဒ်) ပွဲတော်နေ့

ဇူလိုင် ၅ ၊ ၂၀၁၆
M-Media

အစ္စလာမ်သာသနာဝင် ကမ္ဘာ့မွတ်စ်လင်မ်များအဖို့ နှစ်စဉ်နှစ်တိုင်း ဥပုသ်လအပြီး နောက်တစ်ရက်မှာ အာရဗီလို “အီးဒုလ် ဖိသ်ွရ်” လို့ခေါ်တဲ့ ၀ါကျွတ်ပွဲတော်ကို ကျင်းပကြပါတယ်။ မြန်မာနိုင်ငံမှာတော့ အများအားဖြင့် တစ်ရက်သာ ကျင်းပကြပေမယ့် ၂ ရက် သို့မဟုတ် ၃ ရက်ထိ ပြုလုပ်ကျင်းပတဲ့ နေရာဒေသအချို့လည်း ရှိပါတယ်။

ဒီနေ့ကို အစ်နေ့ သို့မဟုတ် အစ်ကလေး သို့မဟုတ် စမိုင်/ရှမိုင်အစ် လို့ အလွယ်တကူ ခေါ်ဆိုတတ်ကြတယ်။ မြန်မာနိုင်ငံမှာ ဒီနေ့ကို အများပြည်သူအားလပ်ရက်အဖြစ် သတ်မှတ်ပေးခြင်း မရှိသော်လည်း လုပ်ငန်းရှင်အများစုကတော့ မွတ်စ်လင်မ်လုပ်သား ၀န်ထမ်းတွေအပေါ် နားလည်မှုပေးပြီး လိုလိုလားလား ခွင့်ရက် ပေးလေ့ရှိကြပါတယ်။ တစ်ချို့ဆိုရင် လစာ မဖြတ်တောက်တဲ့အပြင် မိမိတို့ရဲ့ မွတ်စ်လင်မ်ဝန်ထမ်းများဆီကို အခြားဘာသာဝင် ၀န်ထမ်းများနဲ့အတူ အလုပ်ချိန်မှာပင် တကူးတက အချိန်ယူ သွားရောက်လည်ပတ် အားပေးလေ့ရှိပါတယ်။ သိပ်ချစ်စရာကောင်းတဲ့ ဓလေ့တစ်ခုပါ။

မြန်မာနိုင်ငံမှာ တစ်မျိုးတည်းသော ဆုံးဖြတ်ချက် ပေးစွမ်းနိုင်တဲ့ တစ်ခုတည်းသော အစ္စလာမ့်အဖွဲ့အစည်း ဆိုတာ မရှိတာကြောင့် အီးဒ်နေ့ သို့မဟုတ် ရမဿွာန်(ဥပုသ်ဆောက်တည်ရတဲ့လ) အစပြုရက်အတွက် လမြင်ခြင်း/မမြင်ခြင်းနဲ့ပတ်သက်ပြီး တညီတညွတ်တည်းဖြစ်ဖို့ ရံဖန်ရံခါ ခဲယဉ်းတတ်ပါတယ်။ ဒါကြောင့်လည်း မြို့ငယ်လေးဖြစ်စေ၊ ကျေးရွာမှာပင်ဖြစ်စေ အီးဒ်နေ့ စတင်ကျင်းပတဲ့နေ့က ကွဲပြားနေရခြင်း ဖြစ်ပါတယ်။ အိးဒုလ် ဖိသ်ွရ် နေ့မြတ်ကို အစဉ်အဆက် အစိုးရဖက်က အများပြည်သူအားလပ်ရက်အဖြစ် သတ်မှတ်ပေးဖို့ ခက်ခဲမှုရှိနေတာလည်း ဒီကိစ္စကြောင့် ဖြစ်ပါလိမ့်မယ်။ (အများပြည်သူအားလပ်ရက်ဆိုတာ တင်ကြိုသတ်မှတ်ပေးရတာပါ)။

ဒါပေမယ့်လည်း အစ္စလာမ်ရဲ့ အီးဒ်ပွဲတော်နေ့ ၂ မျိုးအနက် အစ်ကြီးလို့ အလွယ်ခေါ်ကြတဲ့ “အီးဒုလ် အဿွ်ဟာ” နေ့မြတ်ကိုတော့ အများပြည်သူအားလပ်ရက်အဖြစ် သတ်မှတ်ပေးထားပါတယ်။ အစ္စလာမ့်ပြက္ခဒိန်အရ ဇုလ်ဟိဂ်ျဂျဟ်လ ၁၀ ရက်နေ့မှာ နှစ်စဉ်ကျရောက်တဲ့ ဒီနေ့မှာ မြန်မာနိုင်ငံ မွတ်စ်လင်မ်များအဖို့ ဆင်နွှဲကျင်းပခွင့် ရကြပါတယ်။ ဒီ အီးဒုလ်အဿွ်ဟာ (တစ်နည်း) ကုရ်ဘာနီအစ်နေ့ကို တစ်ရက်တည်းသာ ကျင်းပလေ့ရှိတာက တစ်ကြောင်း၊ လမြင် လကြည့်ကိစ္စကို ဆယ်ရက်အလျင် ပြုလုပ်ပြီး ရက်သတ်မှတ်ထားနိုင်တာက တစ်ကြောင်း၊ ဇုလ်ဟိဂ်ျဂျဟ်လ ၁၀ (သို့) ၁၁ (သို့) ၁၂ ရက် – ၃ ရက်အထိ ပြုလုပ်နိုင်တာကတစ်ကြောင်းကြောင့် မြန်မာအာဏာပိုင်များအတွက် အားလပ်ရက်အဖြစ် ကြေငြာပေးဖို့ လွယ်ကူမှု ရှိပါတယ်။ ဟဂ်ျ ကိစ္စက မွတ်စ်လင်မ်အားလုံးအတွက် ပိုမိုအရေးကြီးတဲ့အတွက် ဆော်ဒီအစိုးရရဲ့သတ်မှတ်ရက်အတိုင်း လိုက်နာကြတာများပါတယ်။

မွတ်စ်လင်မ်များဟာ “သပ်ကဘီရ်” လို့ခေါ်တဲ့ ဖန်ဆင်းရှင်ရဲ့ကြီးမြတ်မှု၊ ဖန်ဆင်းရှင်အပေါ် ချီးမွှမ်းမှု ကို အီးဒ်နေ့ အထိမ်းအမှတ် ၀တ်ပြုမှု မစတင်မီအချိန်ကစပြီး ၃ ရက်တာ တစ်လျှောက်လုံး (ငါးကြိမ် ၀တ်ပြုမှု ပြီးလေတိုင်း) အသံထုတ်ရွတ်ဆို သရဇ္ဈာယ်လေ့ရှိကြပါတယ်။

မြန်မာနိုင်ငံ မွတ်စ်လင်မ်အများစုက စွန္နီမွတ်စ်လင်မ်ဖြစ်ပြီး ဟနဖီဓမ္မသတ်လမ်းကြောင်းအပေါ် လိုက်နာကြသူများ ဖြစ်ပါတယ်။ ဒီလမ်းကြောင်းအရ အီးဒ်နေ့ အထိမ်းအမှတ် ၀တ်ပြုမှုကို ၀ါဂျိဘ် (ဖန်ဆင်းရှင်ရဲ့အမိန့် မဟုတ်သော်လည်း တမန်တော့်ဓလေ့အရ အရေးပေါ်အကြောင်းထူးမရှိဘဲ မပျက်ကွက်အပ်တဲ့တာဝန်)အဖြစ် သတ်မှတ်ကြပါတယ်။ ၀တ်ပြုမှုကို ၂ ရကအသ်(၂ ကျော့)ကို သပ်ကဘီရ်(လက်မြှောက်ခြင်း) အပိုခြောက်ကြိမ်နဲ့ စုပေါင်း ၀တ်ပြုလေ့ရှိပါတယ်။

Photo Credit-Hina FB

ရပ်ကွက်ထဲ မြို့ထဲက ဗလီဝတ်ကျောင်းတော်များမှာ လူမဆန့်တဲ့အခါမျိုးကျရင် မြို့တွင်း သို့မဟုတ် မြို့ပြင်က ကွင်းပြင်တစ်ခုခုမှာ အီးဒ်နေ့ ၀တ်ပြုမှုကို စုပေါင်းဆောင်ရွက်လေ့ရှိပါတယ်။ မလိုလားအပ်တဲ့ အခြားတားမြစ်မှု၊ တင်းကြပ်မှုတွေ ရှိကြပေမယ့် အဓိကရည်ရွယ်ချက်ကတော့ စည်းလွတ်ဘောင်လွတ်ပျော်ရွှင်မှုမျိုး မဖြစ်အောင်၊ အများကို မထိခိုက်စေအောင်၊ ဂုဏ်သိက္ခာနဲ့ မင်္ဂလာရှိအောင် ကန့်သတ်ပေးခြင်းပါ။

မြန်မာနိုင်ငံ မွတ်စ်လင်မ်များအနေနဲ့ ၀ါကျွတ် အီးဒ်ပွဲတော်မှာ ပြုလုပ်ကျွေးမွေးလေ့ရှိတဲ့ စားဖွယ်ရာများကတော့ ဆနွင်းမကင်း၊ ဟာလ၀ါ၊ ဒန်ပေါက်ထမင်း၊ ထောပတ်ထမင်း၊ မုန့်ဟင်းခါး၊ ကြာဆံဟင်းခါး၊ အုန်းနို့ခေါက်ဆွဲ၊ ပန်းသေးခေါက်ဆွဲ၊ လ္ဘက်သုတ်နဲ့ အကြော်စုံ၊ စမူဆာ၊ ကျောက်ကျော၊ မုန့်လက်ဆောင်း၊ စမိုင်/ရှမိုင်၊ အအေးဖျော်ရည်များ အပါအ၀င် ဒေသဆိုင်ရာနဲ့ လူမျိုးစုရိုးရာ အစားအသောက်များဖြစ်ကြပါတယ်။

အီးဒ်နေ့ကာလအတွင်း တစ်ဦးနဲ့တစ်ဦး အပြန်အလှန် စလာမ်ဆိုခြင်း(ငြိမ်းချမ်းစေကြောင်း မေတ္တာပို့သခြင်း)၊ အီးဒ် မုဘာရပ်(မင်္ဂလာ အီးဒ်နေ့မြတ်) စကားနဲ့ နှုတ်ခွန်းဆက်ခြင်း ပြုကြပါတယ်။ အီးဒ်နေ့အထိမ်းအမှတ် ၀တ်ပြုမှုအပြီးမှာ အချို့မွတ်စ်လင်မ်အမျိုးသားများက သင်္ချိုင်းကို သွားရောက်ပြီး ကွယ်လွန်သူများကို တွေ့ဆုံဂါရ၀ပြုတာ၊ ကုသိုလ်ပို့တာ၊ ဆုမွန်ကောင်းတောင်းပေးတာမျိုးလည်း ကျင့်မူလေ့ရှိကြပါတယ်။ ၀ါကျွတ်အီးဒ်ပွဲတော်မှာ သက်ကြီးရွယ်အိုဆွေမျိုးသားချင်းတွေကို သွားရောက်တွေ့ဆုံနှုတ်ဆက်တာ၊ စားဖွယ်ရာနဲ့ပစ္စည်းတွေကို လက်ဆောင်သွားပို့တာမျိုးကို အစဉ်အလာတစ်ရပ်အနေနဲ့ ပြုလေ့ရှိပါတယ်။ မွတ်စ်လင်မ်မဟုတ်တဲ့ လုပ်ငန်းရှင်တွေ၊ အာဏာပိုင်တွေကိုပင်လျှင် သွားရောက်ဂါရ၀ပြု နှုတ်ဆက်ပေးကမ်းတာမျိုးလည်း ရှိကြပါတယ်။ မိမိရဲ့မိသားစုဝင်တွေ၊ မိမိလက်အောက်ခံ လုပ်သားဝန်ထမ်းတွေကို အ၀တ်အစားသစ်များ ဆင်ယင်ပေးလေ့ရှိပါတယ်။ မြန်မာနိုင်ငံ မွတ်စ်လင်မ်တွေဟာ မိမိတို့ရဲ့ရင်သွေးများကိုရော အခြားကလေးငယ်တွေကိုပါ ပျော်ရွှင်အောင် “အီတီ” ခေါ်တဲ့ အီးဒ်နေ့အထိမ်းအမှတ် မုန့်ဖိုးတွေ ပေးတတ်ကြပါတယ်။ ကလေးငယ်တွေကလည်း ဆွေမျိုးတော်စပ်သည်ဖြစ်စေ မတော်စပ်သည်ဖြစ်စေ၊ သိကျွမ်းသူဖြစ်စေ မသိကျွမ်းသူဖြစ်စေ မွတ်စ်လင်မ်အိမ်မှန်သမျှ အုပ်စုလေးဖွဲ့ပြီး သွားရောက်လည်ပတ်စားသောက်လေ့ရှိတယ်။ နည်းများမဟူ ပေးကမ်းတဲ့ အီတီ မုန့်ဖိုးတွေ ရယူလေ့ရှိပါတယ်။ သက်ငယ်ပိုင်းများကလည်း မိမိတို့မိဘ၊ သက်ကြီးရွယ်အိုဆွေမျိုးသားချင်းနဲ့ အိမ်နီးချင်းတွေဆီ သွားရောက်တွေ့ဆုံ စလာမ်ဆို နှုတ်ဆက်ကြပါတယ်။ မိမိတို့အချင်းချင်းအကြား အမှားအယွင်းရှိရင် ခွင့်လွှတ်ပေးဖို့ မေတ္တာရပ်ခံတောင်းပန်တတ်ကြပါတယ်။ မိမိတို့ဖက်က အချိန်ယူပြီး သွားရောက်လည်ပတ်လေ့ရှိသလို လူမျိုးမရွေး ဘာသာမရွေး မိတ်ဆွေရန်သူမရွေး ဆင်းရဲချမ်းသာ အယုတ်အလတ်အမြတ်မရွေး လာရောက်တွေ့ဆုံလည်ပတ်သူများအတွက်လည်း တံခါးဖွင့်ထားပေးကြပါတယ်။

ဒါဟာ အစ္စလာမ်ဘာသာဝင်များရဲ့ ၀ါကျွတ် အီးဒ်ပွဲတော် မြင်ကွင်းအကျဉ်း ဖြစ်ပါတယ်။ အာရဗီဝေါဟာရ အီးဒ် ရဲ့ အဓိပ္ပာယ်က “ပျော်ရွှင်ခြင်းနေ့” ဖြစ်တဲ့အတိုင်း အစ္စလာမ်ဘာသာဝင်များသာမက မြန်မာပြည်လူထုအပေါင်း ပျော်ရွှင်ချမ်းမြေ့နိုင်ကြပါစေလို့ ဆန္ဒပြုလိုက်ပါတယ်။

××××××××××××

Dr. Ko Ko Gyi’s Burmese Muslims‘ way of celebrating Eid ကို ကိုးကားမှီငြမ်း၍ ဂျူလိုင်ရဲရင့် ရေးသားသည်။

July 5, 2016
လူဆင်းရဲပေမယ့် စိတ်ဓာတ်မဆင်းရဲတဲ့ ဂျာမနီရောက် ဆီးရီးယားဒုက္ခသည်

ဇူလိုင် ၂၊ ၂၀၁၆
M-Media

– ဆီးရီးယားနိုင်ငံက ပြည်တွင်းစစ်ကြောင့် အိုးအိမ်စွန့်ခွာကာ ဂျာမနီကို ရောက်ရှိလာတဲ့ ဒုက္ခသည်အမျိုးသားတစ်ဦးဟာ သူပြောင်းနေတဲ့ တိုက်ခန်းအတွင်းမှာ ပမာဏတော်တော်များတဲ့ ငွေထုပ်တစ်ထုပ်ကို တွေ့ခဲ့ရပြီးတဲ့နောက် ရဲတပ်ဖွဲ့ထံ အပ်နှံခဲ့ပြီး သူ့ရဲ့ ရိုးသားတဲ့ ဒီလုပ်ရပ်အတွက် ဂျာမန်ပြည်သူတွေက ချီးကျူးခဲ့ကြပါတယ်။

အသက် ၂၅ နှစ်အရွယ်ရှိပြီး မိုဟန်နဒ် အမ် လို့ခေါ်တဲ့ အဲဒီ အမျိုးသားဟာ ဂျာမနီနိုင်ငံ မြောက်ရိုင်းဝက်စ်ဖာလီးယား ပြည်နယ် မန်ဒန်မြို့က တိုက်ခန်းကို ပြောင်းရွှေ့ခဲ့ပြီးတဲ့နောက် ပရဟိတအသင်းတွေရဲ့ ထောက်ပံ့မှုကြောင့် ပရိဘောဂပစ္စည်း တော်တော်များများကို ရရှိခဲ့ပါတယ်။

အဲဒီအထဲမှာ ဘီရိုတစ်လုံးလည်း ပါဝင်ခဲ့ပြီး အဲဒီဗီရိုကို ရှင်းလင်းရာမှာတော့ အံဝှက်အတွင်းက စုဘူးထဲမှာ ငွေသား ယူရို ၁၅၀၀၀၀ ပါဝင်ထဲ့ အထုတ်တစ်ထုတ်ကို တွေ့ခဲ့တာပါ။

“ယူရို ၅၀၀ တန် အသစ်လေးတွေဗျ။ ပထမတော့ ကျွန်တော်က ပိုက်ဆံအတုလို့ ထင်လိုက်မိသေးတယ်” လို့ မိုဟန်နဒ် ဂျာမနီသတင်းစာ Bild ကို ပြောကြားခဲ့ပါတယ်။

အဲဒီနောက်မှာတော့ ပိုက်ဆံ အတု၊ အစစ်ခွဲတဲ့နည်းကို မိုဟန်နဒ်တစ်ယောက် အွန်လိုင်းမှာ ရှာဖွေခဲ့ပြီး ပိုက်ဆံအစစ်လို့ ကောက်ချက်ချနိုင်ခဲ့တာ ဖြစ်ပါတယ်။ ပိုက်ဆံအစ်မှန်း သိသိချင်းပဲ သူဟာ ရွှေ့ပြောင်းအခြေချသူများဆိုင်ရာ အာဏာပိုင်တွေကို အသိပေးခဲ့ပြီး ရဲတပ်ဖွဲ့ဆီမှာ အပ်နှံခဲ့ပါတယ်။

သူ့ရဲ့ ဒီလိုရိုးသားမှုဟာ ဘာသာတရားက သွန်သင်မှုကြောင့်ဖြစ်တယ်လို့လည်း မိုဟန်နဒ်က ဆိုပါတယ်။

“တစ်ခြားတစ်ယောက်ရှာဖွေထားတဲ့ ငွေကြေးဥစ္စာနဲ့ ဇိမ်ကျနေဖို့ ဘုရားသခင်က ခွင့်မပြုထားပါဘူး” လို့ သူက ပြောကြားခဲ့ပါတယ်။

လက်ရှိအချိန်မှာ ရဲတပ်ဖွဲ့က ဒီပိုက်ဆံရဲ့ ပိုင်ရှင်ကို လိုက်လံရှာဖွေနေတယ်လို့ သိရပါတယ်။

“ဒီလူငယ်လေးက အတုယူစရာကောင်းတဲ့ လုပ်ရပ်တစ်ခုကို လုပ်ပြခဲ့ပြီး တော်တော် လေးစားထိုက်တဲ့ သူတစ်ယောက်ပါ။ ပိုက်ဆံနည်းနည်းပါးပါး တွေ့လို့ လာအပ်တာမျိုးတွေ အရင်က ရှိခဲ့ပါတယ်။ ဒါပေမယ့် ဒီလောက်များတဲ့ ပိုက်ဆံတွေကိုတော့ လာမအပ်ကြပါဘူး” လို့ ရဲတပ်ဖွဲ့ တာဝန်ရှိသူတစ်ဦးက ပြောကြားခဲ့ပါတယ်။

မိုဟန်နဒ်ဟာ ဂျာမနီကို ၂၀၁၅ ခုနှစ် အောက်တိုဘာလမှ ရောက်ရှိခဲ့ပေမယ့် သူ့ရဲ့ ကျန်ရှိတဲ့မိသားစုကတော့ ဆီးရီးယားမှာပဲ ရှိနေပါသေးတယ်။ အခုလို့ ငွေအပ်နှံခဲ့တဲ့အတွက် မိုဟန်နဒ်ဟာ ဂျာမနီဥပဒေအရ ငွေတန်ဖိုးရဲ့ ၃ ရာခိုင်နှုန်းကို ရရှိမှာဖြစ်ပါတယ်။

Ref: Independent

July 2, 2016
ဂျီသြမေတြီ – ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၂၀)

ဇူလိုင် ၁၊ ၂၀၁၆

M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

အီရန်ရှိ ဗလီဝတ်ကျောင်းတော်တစ်လုံးတွင် ဂျီသြမေတြီလက်ရာများဖြင့် အလှဆင်ထားမှု

– မွတ်စလင်တွေဟာ အနုစိတ်ပြီး ခန့်ငြားတဲ့ ဂျီသြမေတြီ ဒီဇိုင်းတွေကို အဆောက်အဦးတွေအတွင်း ဖန်တီးထည့်သွင်းရာမှာ ကျော်ကြားသူတွေဖြစ်ပါတယ်။ ဒီ ရင်သပ်ရှုမောဖွယ် ဒီဇိုင်းတွေဟာ ဂျီသြမေတြီ ပညာရပ်၊ တိုင်းတာမှု ပညာရပ်၊ အိမ်ယာဆောက်လုပ်မှု၊ အမှတ်၊ မျဉ်း၊ ထောင့်တွေရဲ့ ဆက်နွယ်မှု၊ ၂ ဖက်မြင်၊ ၃ ဖက်မြင် စတဲ့ပညာရပ်တွေမှာ ခုန်ပျံကျော်လွှား တိုးတက်မှုမရှိဘဲနဲ့ ဖြစ်လာနိုင်စရာ မရှိပါဘူး။

ဂျီသြမေတြီနယ်ပယ်မှာ ဂရိတွေရဲ့ စိတ်ဝင်တစား လေ့လာဖော်ထုတ်မှုတွေကို မွတ်စလင်ပညာရှင်တွေက အမွေဆက်ခံခဲ့ပြီး၊ ဆန်းသစ်မှုတွေ၊ ချဲ့ထွင်မှုတွေလည်း ပြုလုပ်ခဲ့ပါတယ်။ ယူကလစ်ရဲ့ Elements ဆိုတဲ့ ကျမ်းကြီးထဲမှာ ဂျီသြမေတြီဆိုင်ရာ ကဏ္ဍလည်း ပါဝင်ပြီး အဲဒီပညာရပ်အတွက် သူဟာ အချိန်အတော်ကြာ ပေးဆပ်ခဲ့ရတာဖြစ်ပါတယ်။ ပါရမီရင့်သန်တဲ့ သင်္ချာပညာရှင်အများစုဟာ ဂျီသြမေတြီပညာရပ်ကို ယူကလစ်ရဲ့ ဒီကျမ်ကြီးကနေတစ်ဆင့် စတင်လေ့လာကြရတာပါ။

မွတ်စလင်ပညာရှင်တွေဟာ ဂျီသြမေတြီပညာရပ်ကို ဂရိတွေဖော်ထုတ်ခဲ့တဲ့ ရင်းမြစ် ၃ ခုကနေ လေ့လာသိရှိခဲ့ရတာ ဖြစ်ပါတယ်။ ပထမဆုံး ရင်းမြစ်က ယူကလစ်ရဲ့ Elements ဆိုတဲ့ ကျမ်းဖြစ်ပြီး ၈ ရာစု ဘဂ္ဂဒတ်မြို့ရဲ့ ပညာ့ရိပ်မြုံ (House of Wisdom) မှာ ဘာသာပြန်ဆိုခဲ့ပါတယ်။ ဒုတိယရင်းမြစ်ကတော့ အာခီမီဒီးစ် (Archimedes) ရဲ့ ကျမ်း ၂ အုပ်ဖြစ်တဲ့ On the Sphere and Cylinder (စက်လုံးနှင့် ဒုလုံးရှည်ဆိုင်ရာကျမ်း) နဲ့ The Heptagon in th Circle (စက်ဝိုင်းအတွင်းရှိ သတ္တဂံဆိုင်ရာကျမ်း) တွေ ဖြစ်ပါတယ်။ ဒုတိယစာအုပ်ကို အခုအချိန်မှာ ဂရိစာပေနဲ့ မရနိုင်တော့ဘဲ သာဘစ် အစ်ဗနေ့ ကွာရာ (Thabit Ibn Qurra) ဘာသာပြန်ဆိုထားတဲ့ အာရဘီမူရင်းသာ ရှိပါတော့တယ်။ တတိယမြောက်နဲ့ နောက်ဆုံး ရင်းမြစ်ကတော့ အပိုလိုနီယော့စ် အော့ဖ် ပါရ်ဂါ (Appolonios of Perga) ရဲ့ နက်နဲလှတဲ့ The Conis (ကတော့ချွန်ဆိုင်ရာကျမ်း) ဆိုတဲ့ ကျမ်းဖြစ်ပါတယ်။ အဲဒီကျမ်းဟာ ၈ တွဲရှိပြီး ဘီစီ ၂၀၀ လောက်က ရေးသားခဲ့တာပါ။ ဒါပေမယ့် အခုအချိန်မှာတော့ ၄ အုပ်သာ ဂရိစာပေနဲ့ ရှိတော့ပြီး၊ ခေတ်ပေါ် ပညာရှင်တွေဆီ ရောက်ရှိခဲ့တဲ့ ၇ အုပ်ကတော့ အာရဘီဘာသာပြန်တွေ ဖြစ်ပါတယ်။

လက်တွေ့တည်ဆောက်မှုအစ

ဂျီသြမေတြီနယ်ပယ်ကို တစ်ခေတ်ဆန်းစေခဲ့သူ အလ်-ကူဟီ

ဂရိတွေနဲ့ အစ္စလမ်ကမ္ဘာက ပညာရှင်တွေရဲ့ ဂျီသြမေတြီဆိုင်ရာ လေ့လာတည်ဆောက်မှုတွေက အများစုဟာ conic section (ကတော့ချွန်အခြေပြု ဂျီသြမေတြီ ပညာရပ်) ဆိုတဲ့ သီအိုရီအောက်မှာ ရှိပါတယ်။ ဥပမာအားဖြင့် အလင်းနဲ့ပတ်သက်ပြီး လေ့လာဖို့အတွက် ကြည့်မှန်တွေဖန်တီးတာ၊ အချိန်သိရဖို့အတွက် နေနာရီတွေဖန်တီးရာမှာ ဒီ ကတော့ချွန်အခြေပြု ဂျီသြမေတြီပညာရပ်ကို အသုံးပြုခဲ့ကြပါတယ်။

အဘူ ဆာဟ်လ် အလ်-ကူဟီ (Abu Sahl al-Kuhi) ဆိုတဲ့ မွတ်စလင်ပညာရှင်ကြီးတစ်ဦးဟာ အဲဒီ conic section သီအိုရီကိုအသုံးပြုပြီး သတ္တဂံ (heptagon) လို့ခေါ်တဲ့ အနား ၇ နားပါတဲ့ ဗဟုဂံ (polygon) တစ်ခု တည်ဆောက်ရေး ထူးခြားတဲ့နည်းလမ်းတစ်ခုကို ရှာဖွေဖော်ထုတ်နိုင်ခဲ့ပါတယ်။ အဘူ ဆာဟ်လ် အလ်-ကူဟီဟာ ဘဂ္ဂဒတ်မြို့မှာ သြဇာကြီးမားတဲ့ ဘူယစ်မိသားစု (Buyid family) ရဲ့ အရေးပါသူတွေက မွတ်စလင်ကမ္ဘာအရှေ့ခြမ်းကနေ စုဆောင်းခဲ့တဲ့ ပါရမီရင့်သန်တဲ့ သိပ္ပံပညာရှင်တွေထဲက တစ်ဦးလည်းဖြစ်ပါတယ်။ ကက်စပီယန်ပင်လယ်တောင်ဘက် တောင်တန်းဒေသဇာတိ အလ်-ကူဟီက အရင်က ဘဂ္ဂဒတ်မြို့ဈေးမှာ ဖန်ပုလင်းတွေကို ပစ်မြှောက်ကစားပြရတဲ့ လက်လှည့်ပညာရှင်တစ်ယောက် ဖြစ်ပါတယ်။ နောက်ပိုင်းမှာတော့ သူဟာ သိပ္ပံပညာရပ်တွေဘက်ကို ခြေဦးလှည့်ခဲ့ပါတယ်။ အာခီမီဒီးစ်ရဲ့ ရေးသားဖော်ထုတ်မှုတွေကို စိတ်ဝင်စားခဲ့တဲ့ အလ်-ကူဟီဟာ Book II of On the Sphere and Cylinder (စက်လုံးနှင့် ဒုလုံးရှည်ဆိုင်ရာ ဒုတိယမြောက်ကျမ်း) နဲ့ပတ်သက်တဲ့ ရှင်းလင်းချက်ကျမ်းတစ်စောင်ကို ရေးသားခဲ့ပါတယ်။ အဲဒီစာအုပ်မှာ အလ်-ကူဟီ အဓိကထား ဖော်ပြခဲ့တာကတော့ ကတော့ချွန်အခြေပြု ဂျီသြမေတြီပညာရပ် (conic section)နဲ့ ရှုပ်ထွေးတဲ့ ဂျီသြမေတြီဆိုင်ရာ ပစ္စည်းတွေကို ဖန်တီးတည်ဆောက်မှုနဲ့ဆက်စပ်တဲ့ ပြဿနာတွေကို ဖြေရှင်းရာမှာ အဲဒီပညာရပ်ကို အသုံးချရေး ဖြစ်ပါတယ်။

ဥပမာအားဖြင့် အလ်-ကူဟီဟာ conic section ပညာရပ်ကို အသုံးပြုပြီး စက်လုံးအမျိုးမျိုးကို တည်ဆောက်ပြခဲ့ပါတယ်။ နောက်ပြီး သူဟာ conic secton ပညာရပ်ဆိုင်ရာ ပုံတွေဆွဲရာမှာ အသုံးပြုတဲ့ ‘complete compass’ ဆိုတဲ့ ကိရိယာတစ်ခုကို တီထွင်ဖန်တီးနိုင်ခဲ့ပါတယ်။ ဒါပေမယ့် အဘူ ဆာဟ်လ် အလ်-ကူဟီဟာ ကြီးမားတဲ့ ရည်ရွယ်ချက်တွေ ရှိခဲ့သူတစ်ယောက်လည်းဖြစ်ပြီး ဂျီသြမေတြီပညာရပ်မှာ အရေးပါတဲ့ သတ္တဂံတစ်ခု တည်ဆောက်နိုင်ရေးကို အသေးစိတ် ဖော်ထုတ်ရေးသားနိုင်ခဲ့ပါတယ်။ အာခီမီဒီးစ်ဟာ သတ္တဂံတစ်ခု တည်ဆောက်နိုင်တယ်ဆိုတဲ့ ရှုထောင့်ကို စက်ဝိုင်းအတွင်း ရေးဆွဲသက်သေပြနိုင်ခဲ့သူတစ်ယောက် ဖြစ်ပါတယ်။ ဒါပေမယ့် တကယ့် လက်တွေ့တည်ဆောက်မှုနည်းလမ်းကိုတော့ မဖေါ်ဆောင်နိုင်ခဲ့ပါဘူး။ ဒါဟာ သင်္ချာနယ်ပယ်မှာ ဖြစ်လေ့ဖြစ်ထရှိတဲ့ ကိစ္စရပ်တစ်ခုဖြစ်ပါတယ်။ တစ်ခါတစ်ရံမှာ တစ်ချို့သော သင်္ချာဆိုင်ရာ ပစ္စည်းတွေကို ရေးဆွဲတည်ဆောက်ရာမှာ နည်းလမ်းတွေကို တစ်ဆင့်ချင်းစီရှင်းပြဖို့ အခက်ကြုံရလေ့ရှိပါတယ်။ ဒီလိုအခြေအနေမျိုးမှာဆိုရင် သင်္ချာပညာရှင်တွေဟာ သောကရောက်တတ်ကြပြီး အနည်းဆုံး ဒီလို နည်းလမ်းတစ်ခု တည်ရှိတယ်ဆိုတာကို အခိုင်အမာ ပြောကြားခဲ့ကာ အသေးစိတ်တဲ့နည်းလမ်းတွေကို နောက်ပိုင်းပညာရှင်တွေ ရှာဖွေဖော်ထုတ်နိုင်ဖို့ လမ်းဖွင့်ပေးခဲ့ကြပါတယ်။

အာခီမီဒီးစ်ဟာ သတ္တဂံတည်ဆောက်ရေး နည်းလမ်းတစ်ခုရှိနေတယ်လို့ အခိုင်အမာ ပြောကြားခဲ့ပေမယ့် လက်တွေ့တည်ဆောက်မှုကိုတော့ ဂရိနဲ့ မွတ်စလင်သင်္ချာပညာရှင်ကြီးတွေဟာ ရာစုနှစ်များစွာကြာ မလုပ်ဆောင်နိုင်ခဲ့ကြပါဘူး။ ၁၀ ရာစုလောက်မှာ မွတ်စလင်ပညာရှင်တစ်ဦးဖြစ်တဲ့ အဘူ အလ်-ဂျက်ဒ် (Abu al-Jud) က “ဒါကိုအဆုံးသတ်ဖို့ဟာ ပိုမိုခက်ခဲပြီး၊ သီအိုရီတစ်ခုအဖြစ် ရောက်ရှိဖို့အတွက် သက်သေပြနိုင်ဖို့ အလှမ်းဝေးနေပါသေးတယ်” လို့ မှတ်ချက်ပေးခဲ့ပါတယ်။

အဘူ ဆာဟ်လ် အလ်-ကူဟီကတော့ ဒီစိန်ခေါ်မှုကို ရင်ဆိုင်ခဲ့ပြီး သူ့ရဲ့ ကျွမ်းကျင်ပိုင်နိုင်မှုကနေတစ်ဆင့် သတ္တဂံတည်ဆောက်ရေးပြဿနာကို ပြေလည်စေခဲ့ပါတယ်။ သူဟာ ဒီအခက်အခဲကို ပြဿနာ ၃ ခုအဖြစ် လျှော့ချခဲ့ပြီး သတ္တဂံလက်တွေ့တည်ဆောက်နိုင်မှုဆီ ဦးတည်နိုင်ခဲ့ပါတယ်။ သတ္တံဂံအနားရဲ့ အလျားတွေကို အခြေခံပြီး ကတော့ချွန်အခြေပြု ဂျီသြမေတြီပညာရပ်ကို စတင်ဖော်ထုတ်ရမယ်လို့လည်း အလ်-ကူဟီက ပြောကြားခဲ့ပါတယ်။ အဲဒီနောက်မှာတော့ အချိုးအစား သတ်မှတ်ထားတဲ့ မျဉ်းဖြတ်တွေကို ဖော်ထုတ်ခဲ့ပြီး၊ အဲဒီမျဉ်းဖြတ်တွေကမှတစ်ဆင့် တြိဂံတွေတည်ဆောက်ကာ နောက်ဆုံးမှာ အဲဒီတြိဂံတွေကို ပေါင်းစပ်ပြီး သတ္တဂံတစ်ခုကို အောင်မြင်စွာ တည်ဆောက်နိုင်ခဲ့ပါတယ်။

အလ်-ကူဟီရဲ့ တြိဂံတစ်ခုကိုသုံးပိုင်းပိုင်းတဲ့နည်းလမ်း တွေ့ရှိမှုကလည်း ထင်ရှားကျော်ကြားတဲ့ အချက်တစ်ခုဖြစ်ပါတယ်။ အလ်-ကူဟီထက် ငယ်ရွယ်ပြီး ခေတ်ပြိုင် မွတ်စလင်ပညာရှင်ကြီးတစ်ဦးဖြစ်တဲ့ အဘ်ဒူလ် ဂျာလီလ် အလ်-ဆစ်ဂ်ျဇီ (Abdul-Jalil al-Sijzi) ကတော့ အလ်-ကူဟီရဲ့ ဒီတွေ့ရှချက်ကို “အလ်-ကူဟီ နိယာမ” လို့ ရည်ညွှန်းသုံးနှုန်းခဲ့ပြီး nonagon လို့ခေါ်တဲ့ အနား ၉ နားပါ ဗဟုဂံတည်ဆောက်ရေးမှာ အသုံးချခဲ့ပါတယ်။

နေနာရီမျက်နှာပြင်တွေမှာ နံပါတ်တွေထွင်းထုဖို့ကြိုးစားတဲ့ လက်မှုပညာရှင်တွေအတွက် ကတော့ချွန်အခြေပြု ဂျီသြမေတြီပညာဟာ အရေးပါခဲ့ပါတယ်။ နေ့ဖက်မှာ နေရဲ့ စက်ဝိုင်းပုံသဏ္ဍာန် လှည့်ပတ်သွားလာမှုကြောင့် မြေပြင်ပေါ်မှာ စိုက်ထားတဲ့ တုတ်ချောင်းရဲ့ အရိပ်ဟာ ကတော့ချွန် ၂ ခု ဖြစ်စေတယ်ဆိုတာကို ဂရိတွေက သိခဲ့ကြပါတယ်။ အဲဒီကတော့ချွန်နှစ်ခုကို မိုးကုပ်စက်ဝိုင်းရဲ့ ပြင်ညီဖြစ်မှုက ပိုင်းဖြတ်လိုက်တဲ့အခါမှာတော့ hyperbola နှစ်ခုကို ရရှိပါတယ်။ သာဘစ် အစ်ဗနေ့ကွာရာရဲ့ မြေးဖြစ်တဲ့ အီဘရာဟင် အစ်ဗနေ့ ဆီနန် (Ibrahim ibn Sinan) ရဲ့ ဂျီသြမေတြီဆိုင်ရာ တွေ့ရှိချက်တွေမှာ ဂရိတွေရဲ့ ဒီအယူအဆက တော်တော်လေး တွန်းအားဖြစ်စေခဲ့ပါတယ်။ အစ်ဗနေ့ ဆီနန်ဟာ အသည်းရောဂါကြောင့် သက်ဆိုးမရှည်ခဲ့ဘဲ သက္ကရာဇ် ၉၄၆ ခုနှစ်၊ အသက် ၃၇ နှစ်မှာပဲ ကွယ်လွန်အနိစ္စ ရောက်ခဲ့ပါတယ်။ သူနဲ့ ခေတ်ပြိုင် စာရေးစရာဖြစ်သူ ဂျေ အလ် ဘာ့ဂ်ဂရင်း (J. L. Berggren) ကတော့ “အစ်ဗနေ့ ဆီနန်ရဲ့ တည်တံ့ဆဲ ဖော်ထုတ်တွေ့ရှိချက်တွေဟာ သင်္ချာသမိုင်းမှာ အရေးပါတဲ့ ပုဂ္ဂိုလ်တစ်ဦးဖြစ်တယ်ဆိုတဲ့ သူ့ရဲ့ဂုဏ်သိမ်ကို ဖော်ညွှန်းနေပါတယ်” လို့ ရေးသားခဲ့ပါတယ်။

နောက်ပြီး အီဗရာဟင် အစ်ဗနေ့ ဆီနန်ရဲ့ အောင်မြင်မှုတွေကိုလည်း ဘာ့ဂ်ဂရင်းက အခုလို ဖော်ကျူးခဲ့ပါတယ်။

“ပါရာဘိုလာ အစိတ်အပိုင်းနဲ့ပတ်သက်တဲ့နယ်ပယ်မှာ သူ့ရဲ့ ဖော်ထုတ်မှုဟာ အရိုးရှင်းဆုံးဖြစ်ပြီး အနောက်တိုင်းမှာ သိပ္ပံပညာစတင်ထွန်းကားခဲ့တဲ့ ရီနေဆန်း (Renaissance) ကာလ မတိုင်ခင်ကတည်းက ကျွန်တော်တို့အပေါ်မှာ လွှမ်းမိုးခဲ့ပါတယ်။ နေနာရီနဲ့ပတ်သက်ပြီး သူ့ရဲ့ ကြိုးပမ်းအားထုတ်မှုတွေမှာလည်း နည်းလမ်းတစ်ခု၊ ဒါမှမဟုတ် ပေါင်းစပ်ထားတဲ့ နည်းလမ်းတွေနဲ့ လုပ်လို့ရနိုင်သမျှ နေနာရီပုံသဏ္ဍာန်မျိုးစုံကို ဒီဇိုင်းထုတ် တည်ဆောက်ခဲ့ပါတယ်။ ဒီဖော်ထုတ်မှုတွေက သူ့အရင်ပညာရှင်တွေ မစွမ်းသာခဲ့တဲ့ ပြဿနာတွေကို အောင်မြင်ဆန်းသစ်စွာ ဖြေရှင်းဖော်ထုတ်နိုင်ခဲ့တယ်ဆိုတာကို ဖော်ကျူးနေတာလည်း ဖြစ်ပါတယ်”

လက်တွေ့အသုံးချပြီ

ဗလီဝတ်ကျောင်းတော်တွေ၊ နန်းတော်တွေနဲ့ စာကြည့်တိုက်တွေလို အများပြည်သူသုံး အဆောက်အဦးတွေကို အလှဆင်ရာမှာ အသုံးပြုနိုင်မယ့် လက်တွေ့အသုံးချ ဂျီသြမေတြီလက်ရာ ဒီဇိုင်းတွေနဲ့ ပတ်သက်ပြီးတော့လည်း မွတ်စလင်ပညာရှင်တွေက လေ့လာဖော်ထုတ်ခဲ့ကြပြီး လက်မှုပညာသည်တွေရဲ့ လက်ရာတွေကို ချဲ့ထွင်တာ၊ အဲဒီအနုပညာလက်ရာတွေရဲ့ အဆုံးစွန်ဆုံးအထိ ရှာဖွေဖော်ထုတ်တာတွေကိုလည်း ပြုလုပ်ခဲ့ကြပါတယ်။

သက္ကရာဇ် ၉၅၀ မှာ ကွယ်လွန်ခဲ့ပြီး ဂီတနဲ့ ဒဿနိကဗေဒတွေဆိုင်ရာ ကျမ်းတွေပြုစုတာ၊ အရစ္စတိုတယ်ရဲ့ တွေ့ရှိချက်တွေနဲ့ပတ်သက်ပြီး ရှင်းလင်းချက်ရေးတာတွေနဲ့ ထင်ရှားကျော်ကြားတဲ့ မွတ်စလင်ပညာရှင်ကြီး အဘူ နာဆာရ် အလ်-ဖာရာဘီ (Abu Nasr Al-Farabi) ဟာ ပစ္စည်းကိရိယာ အကန့်အသတ်ရှိနေတဲ့ အဲဒီခေတ်ကာလမှာ ရနိုင်သမျှ ကိရိယာတွေကို အသုံးပြုပြီး ဂျီသြမေတြီဆိုင်ရာ တည်ဆောက်မှုနဲ့ပတ်သက်တဲ့ ကျမ်းကြီးတစ်စောင် ရေးသားနိုင်ခဲ့တဲ့အတွက် ချီးကျူးခံခဲ့ရပါတယ်။ လက်တွေ့အသုံးချ ဂျီသြမေတြီပညာရပ်နဲ့ပတ်သက်တဲ့ သူရဲ့ ဖော်ထုတ်တွေ့ရှိချက်တွေကို A Book of Spiritual Crafts and Natural Secrets in The Details of Geometrical Figures (ဂျီသြမေတြီ ပုံသဏ္ဍာန်များတွင် တည်ရှိနေသော ဆန်းကြယ်သည့် လက်မှုပညာနှင့် သဘာဝတရား၏ လျှို့ဝှက်ချက်ဆိုင်ရာကျမ်း) ဆိုတဲ့ ကျမ်းထဲမှာ အသေးစိတ်ဖော်ပြထားပြီး ဒီကျမ်းကြီးဟာ သင်္ချာနယ်ပယ်မှာတော့ ရှားပါးပြီး တစ်မူထူးခြားတဲ့ ကျမ်းကြီးအဖြစ် သတ်မှတ်ခံထားရပါတယ်။ အလ်-ဖာရာဘီရဲ့ ဒီဖော်ထုတ်တွေ့ရှိချက်တွေကို နောက်ပိုင်းမှာ မွတ်စလင်ပညာရှင်ကြီးတစ်ဦးဖြစ်တဲ့ အဘူ အလ်-၀ါဖာ (Abu Al-Wafa) က ထပ်မံဖြည့်စွက်ခဲ့ပါတယ်။ အလ်-ဖာရာဘီကွယ်လွန်စဉ်မှာ လူငယ်သာရှိသေးတဲ့ အလ်-၀ါဖာဟာ သူ့ရဲ့ On Those Parts of Geometry Needed By Craftsmen (လက်မှုပညာရှင်များ နားလည်ထားရမည့် ဂြီသြမေတြီသဘောတရားများဆိုင်ရာကျမ်း) ဆိုတဲ့ စာအုပ်မှာ အဆောက်အဦးဆောက်လုပ်မှုတွေမှာ အသုံးချနိုင်တဲ့ ဂြီသြမေတြီသဘောတရားတွေကို အပြည့်အစုံ ဖော်ပြထားပါတယ်။

ဂျီအိုမေတြီနယ်ပယ်တွင် ပြိုင်ဘက်ကင်း A Book of Spiritual Crafts and Natural Secrets in The Details of Geometrical Figures ကျမ်းကို ရေးသားခဲ့သည့် အလ်-ဖာရာဘီ

အဘူ-အလ်ဝါဖာ အဓိကထား ဖြေရှင်းခဲ့တဲ့ ဂျီသြမေတြီဆိုင်ရာ ပြဿနာတွေထဲမှာ ပေးထားတဲ့ စက်ဝိုင်းစိတ်တစ်ခုရဲ့ အဆုံးမှတ်နဲ့ ထောင့်မှန်ကျအောင် ချိန်ညှိမှု ၊ စက်ဝိုင်းတစ်ခုနဲ့ အနား ၃ နားကနေ ၁၀ နားအထိပါဝင်တဲ့ ဗဟုဂံတွေအတွင်း အချိုးကျတဲ့ စတုရန်းတွေ တည်ဆောက်မှုလည်း ပါဝင်ခဲ့ပါတယ်။

ဂြီသြမေတြီဟာ မွတ်စလင် အနုပညာရှင်တွေ၊ ဗိသုကာပညာရှင်တွေနဲ့ လက်ရေးလက်သားအလှ ပညာရှင်တွေရဲ့ ထူးထူးခြားခြား အလေးပေးအာရုံစိုက်မှုကိုလည်း ခံခဲ့ရပါတယ်။ အဲဒီ ပညာရှင်ကြီးတွေဟာ သဘာဝတရားမှာရှိနေတဲ့ အတိုင်းအတာအချိုးအစားတွေနဲ့ သင်္ချာဆိုင်ရာ ဖော်ပြချက်တွေအကြား နီးစပ်မှုတွေကို သတိမူမိခဲ့ကြသလို၊ အဲဒီ နက်ရှိုင်းတဲ့ဆက်သွယ်မှုက သူတို့ရဲ့ အသိပညာပိုင်းဆိုင်ရာမှာ ဉာဏ်ကွန့်မြူးဖို့ တွန်းအားတစ်ရပ် ဖြစ်စေခဲ့ပါတယ်။

အဲဒီ အတိုင်းအတာ အချိုးအစားတွေထဲမှာ ခရုခွံနဲ့ သစ်ရွက်တွေလို သဘာဝလောကကြီးမှာ တွေ့ရများလေ့ရှိပြီး မျက်စိပသာဒရှိတဲ့ အတိုင်းအတာ “Golden Ratio” လည်း ပါဝင်ပါတယ်။ သာမန်လူနားလည်လွယ်အောင် ပြောရရင် Golden Ratio ဆိုတာဟာ အရာဝတ္တုတစ်ခုရဲ့ ဗျက်က သူ့အမြင့်ထက် ၃ ပုံ ၂ ပုံရှိနေတဲ့ ပုံသဏ္ဍာန်မျိုးဖြစ်ပါတယ်။ ဒါကို Golden Section ဒါမှမဟုတ် Golden Line လို့လည်း ခေါ်ပါသေးတယ်။ ဒဿမကိန်းအရ ၁.၆၁၈ ဖြစ်ပြီး၊ အချိုးအရ ၈ အချိုး ၁၃ (၈း၁၃) ဖြစ်တဲ့ အဲဒီ Golden Ratio ကို အနုပညာနဲ့ ဗိသုကာလက်ရာ တော်တော်များများမှာ တွေ့မြင်နိုင်မှာဖြစ်ပါတယ်။

အတိုင်းအဆနဲ့ အချိုးချမှု

အနုပညာရှင်တွေဟာ ဒီအသုံးဝင်လှတဲ့ ဂြီသြမေတြီဆိုင်ရာ တွေ့ရှိချက်အတွက် ရင်သပ်ရှုမောခဲ့ရပြီးတဲ့နောက်မှာတော့ “အတိုင်းအဆနဲ့ အချိုးချမှု” ဆိုတဲ့ နယ်ပယ်သစ်ဆီ အာရုံစိုက်ခဲ့ကြပါတယ်။

“စင်ကြယ်သော ညီအစ်ကိုများ” လို့ အဓိပ္ပါယ်ရပြီး ၁၀ ရာစု မွတ်စလင်ပညာရှင်တွေနဲ့ ဖွဲ့စည်းထားတဲ့ အစ်ခ်ဝမ် အလ်-ဆာဖာ (Ikhwan al-Safa) အဖွဲ့ဟာ Rasail (စာလွှာများ) ဆိုတဲ့ ကျမ်းမှာ “အတိုင်းအဆနဲ့ အချိုးချမှု” နဲ့ပတ်သက်လို့ သူ့တို့ရဲ့ အယူအဆတွေကို ရေးသားမှတ်တမ်းတင်ခဲ့ပါတယ်။ သူတို့ဟာ အေဒီ ၁ ရာစုက ဗိသုကာပညာရှင်နဲ့ စာရေးဆရာဖြစ်ပြီး လူခန္ဓာကိုယ်ကို အတိုင်းအဆနဲ့ အချိုး စံစနစ်အဖြစ် တိုင်းတာမှတ်ယူခဲ့သူ ဗီထရူဗီးယက်စ် (Vitruvius) ရဲ့ ကျမ်းကြီးကို ဖတ်ရှုလေ့လာခဲ့ပြီး အဲဒီအယူအဆဟာ မပြည့်စုံဘူးလို့ မှတ်ယူခဲ့ပါတယ်။ ဘာ့ကြောင့်လဲဆိုတော့ သူရဲ့ အချိုးချမှု အယူအဆမှာ အလယ်ဗဟိုကို လူရဲ့ ချက်မှာမထားဘဲ ပေါင်ခြံနဲ့ မြီးညှောင့်ရိုးမှာ ထားလို့ပါပဲ။

ဗီထရူးဗီးယက်စ်ရဲ့ အယူအဆကလည်း ရှေးခေတ်အီဂျစ်တွေရဲ့ အချိုးသီအိုရီတွေကို အုတ်မြစ်အဖြစ်ယူထားတဲ့ ဂရိတွေရဲ့ စံအပေါ်မှာ အခြေခံထားတာဖြစ်ပါတယ်။ အီဂျစ်တွေရဲ့ အဲဒီ အချိုးသီအိုရီဟာ သူတို့ နတ်ဘုရား အိုဆီရစ် (Osiris) ရဲ့ ကျောရိုးမကြီးနဲ့ ဆက်စပ်နေတာဖြစ်ပါတယ်။

အစ်ခ်ဝမ် အလ်-ဆာဖာအဖွဲ့ဟာ ဒီကိစ္စအပေါ် အပတ်တကုတ် လေ့လာအားထုတ်ခဲ့ပြီးတဲ့နောက်မှာတော့ နောက်ဆုံး ကောက်ချက်တစ်ခု ချမှတ်နိုင်ခဲ့ပါတယ်။ သူတို့ရဲ အချိုးချမှု အယူအဆမှာ လူ့ခန္ဓာကိုယ်ရဲ့ လက်နှစ်ဖက်နဲ့ ခြေထောက်နှစ်ဖက်ကို ဆန့်တန်းစေကာ လက်ရဲ့ ထိပ်ဖျားနဲ့ ခြေထောက်ရဲ့ ထိပ်ဖျားတွေဟာ စက်ဝိုင်းတစ်ခုရဲ့ စက်ဝန်းကို သွားထိတယ်လို့ မှတ်ယူခဲ့ပါတယ်။ တစ်ကယ်လို့ အဲဒီလူဟာ အသက် ၇ နှစ်အောက်ဖြစ်မယ်ဆိုရင် အလယ်ဗဟိုဟာ ‘ချက်’ ဖြစ်တယ်လို့ သတ်မှတ်ခဲ့ပါတယ်။ ဒီ အလယ်ဗဟိုသတ်မှတ်ချက်ဟာ ပြည့်စုံပေမယ့် အသက် ၇ နှစ်ကျော်သွားတဲ့ လူ့ခန္ဓာကိုယ်နဲ့တော့ သင့်လျော်ခြင်း မရှိခဲ့ပါဘူး။ မွေးကင်းစမှာ လူ့ခန္ဓာကိုယ်ရဲ့ အလယ်ဗဟိုဟာ ချက်ဖြစ်ပြီး ကြီးလာတဲ့အခါမှာတော့ ပေါင်ခြံ၊ ဒါမှမဟုတ် မြီးညှောင့်ရိုးဆီကို ပြောင်းသွားခဲ့ပါတယ်။

အစ်ခ်ဝမ် အလ်-ဆာဖာ အဖွဲ့

အနံ ၈-ဆ အလျား ၁၀-ဆဖြစ်ပြီး အလယ်ဗဟိုက ချက်ဖြစ်တယ်ဆိုတဲ့ အစ်ခ်ဝမ် အလ်-ဆာဖာအဖွဲ့ရဲ့ ဒီအချိုးသတ်မှတ်ချက်ဟာ ဘာသာရေးဆိုင်ရာ ပန်းချီရေးဆွဲမှုတွေအတွက် အရေးပါတဲ့ အတိုင်းအတာတစ်ခု ဖြစ်ခဲ့ပါတယ်။ အဲဒီအချိုးသတ်မှတ်ချက် အပြည့်အစုံကတော့ ခန္ဓာကိုယ်တစ်ခုလုံးဟာ ဦးခေါင်းအရှည်ပမာဏရဲ့ ၈-ဆ၊ ခြေဖ၀ါးတစ်ခုနဲ့ မျက်နှာဟာ ခန္ဓာကိုယ်တစ်ခုလုံးအရှည်ရဲ့ ၈-ပုံ ၁-ပုံ၊ နဖူးက မျက်နှာရဲ့ ၃-ပုံ ၁-ပုံ၊ မျက်နှာက နှာခေါင်းနဲ့ နားရွက်တို့ရဲ့ ၄-ဆ စသဖြင့် ဖြစ်ပါတယ်။

အသက်ရှင်ရပ်တည်မှုနဲ့ အဟာရရှိရာကို ကိုယ်စားပြုတဲ့ ချက်ကို စက်ဝိုင်းရဲ့ အလယ်ဗဟိုချက်မအဖြစ် ထားရှိခြင်းဟာ အံ့သြဖွယ်ရာကောင်းတဲ့ သတ်မှတ်ချက်တစ်ခုလည်းဖြစ်ပြီး သဘာဝရဲ့ သရုပ်သကန်လည်း ဖြစ်ပါတယ်။ အစ်ခ်ဝမ် အလ်-ဆာဖာ အဖွဲ့က ဖော်ထုတ်ခဲ့တဲ့ ဒီအချိုးချမှု သီအိုရီဟာ ၁၀ ရာစု စကြာဝဠာဗေဒ၊ ဂီတဖန်တီးမှု၊ လက်ရေးလှအတတ်ပညာနဲ့ အနုပညာနယ်ပယ်အားလုံးမှာ ရောင်ပြန်ဟပ်ခဲ့ပါတယ်။ ပြီးတော့ ဒါဟာ ဂြီသြမေတြီပညာရပ်က လျှို့ဝှက်နက်နဲမှုတွေကို ရှာဖွေဖော်ထုတ်နိုင်ဖို့အတွက် အရေးပါတဲ့ သော့ချက်တစ်ခုအဖြစ်လည်း မှတ်ယူခံခဲ့ရပါတယ်။

ဥပမာအားဖြင့် မွတ်စလင်ပညာရှင်တွေက အချိုးချမှုပညာရပ်မှာ အခြေခံလို့ သတ်မှတ်ခဲ့တဲ့ ၈ ချိုး အခြေပြု အချိုးချမှုရဲ့ သဘာဝအလျောက်ညီညွတ်မှုဟာ ဂီတ၊ ကဗျာစပ်ဆိုသီကုံးမှု၊ လက်ရေးလှအတတ်ပညာနဲ့ အနုပညာဆိုင်ရာ ပုံဖော်မှုတွေမှာ အသုံးချဖို့အတွက် တွန်းအားလည်း ဖြစ်စေခဲ့ပါတယ်။

မွတ်စလင်ပညာရှင်တွေဟာ ဂျီသြမေတြီရဲ့ အခြေခံအုတ်မြစ်ကို ချပေးခဲ့ရုံသာမကဘဲ အိုမာရ် အလ်-ခေယမ် (Umar al-Khayyam) နဲ့ အလ်-တူဆီ (Al-Tusi) တို့လို့ ပညာရှင်ကြီးတွေဟာလည်း အလ်ဂျီဘရာအခြေပြု ဂျီသြမေတြီ၊ မှန်ဘီလူးတွေရဲ့ ဂျီသြမေတြီဆိုင်ရာ သီအိုရီတွေ စတဲ့ ဂျီသြမေတြီပညာရပ်ရဲ့ နယ်ပယ်အသစ်တွေကို ဖော်ထုတ်ချဲ့ထွင်ခဲ့သူတွေ ဖြစ်ခဲ့ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်။)

July 1, 2016
လူ့အဖွဲ့အစည်းအတွင်း ပြန်လည်ရင်ကြားစေ့ရန် လိုအပ်နေသည့် သူရဲသမိန်ကျေးရွာ

ဇွန် ၃၀၊ ၂၀၁၆
M-Media

တိုက်ခိုက်မှုဖြစ်ပြီးနောက် လုံခြုံရေးယူထားသည့် ရဲများ

– ပဲခူးတိုင်းဒေသကြီး ဝေါမြို့နယ်ရှိ သူရဲသမိန်ကျေးရွာတွင် မွတ်စလင်ရွာသားတစ်ဦး၏ နေအိမ်တွင်းသို့ ၀င်ရောက်လုယက်ခြင်း၊ ဗလီဝတ်ကျောင်းတော်တစ်လုံးအား ဖျက်ဆီးခြင်း၊ အမျိုးသားတစ်ဦးအား လက်ရောက်ကျူးလွန်ခြင်းတို့ ဖြစ်ပွားပြီး တစ်ပတ်ကြာသည်အထိ ရဲတပ်ဖွဲ့က သံသယရှိသူများအား ရှာဖွေဖမ်းဆီးမှုများ မလုပ်သေး။

ဝေါမြို့နယ်ရှိ အစိုးရတာဝန်ရှိသူများကလည်း မိမိတို့အနေဖြင့် စုံစမ်စစ်ဆေးမှုများ မပြုလုပ်ရသေးဟု Myanmar Times သို့ အတည်ပြုပြောကြားခဲ့သည်။ ထိုကဲ့သို့ အရေးယူဆောင်ရွက်မှု မရှိခြင်းက အထက်အာဏာပိုင်များမှ တိုက်ရိုက်ညွှန်ကြားချက် ဖြစ်ပုံရသည်။

“တစ်ကယ်လို့ ကျွန်တော်တို့ အခုအချိန်မှာ အရေးယူလိုက်မယ်ဆိုရင် ပြဿနာကို ရပ်တန့်လို့ရမှာ မဟုတ်ဘဲ၊ အခြေအနေက ပိုဆိုးသွားနိုင်ပါတယ်” ဟု ပဲခူးတိုင်းဒေသကြီး ၀န်ကြီးချုပ် ဦးဝင်းသိန်းက ပြောကြားခဲ့သည်။

မိမိတို့အား စော်ကားနှိမ့်ချသည်ဟု မွတ်စလင်များက မှတ်ယူသည့် ရန်လိုသော Facebook ပို့စ်တစ်ခုက ပြဿနာ၏ အစဖြစ်သည်ဆိုသည့်အချက်ကို သူရဲသမိန်ရွာရှိ လူတိုင်းက လက်ခံကြသည်။ သို့သော်လည်း တိုက်ခိုက်မှု၏ ကြီးကျယ်မှု၊ ရွာအပေါ် ရိုက်ခတ်မှုနှင့်ပတ်သက်၍တော့ အမြင်များ ကွဲပြားနေကြသည်။

နောက်ထပ် ထိုကဲ့သို့ တိုက်ခိုက်မှုဖြစ်မည်ကို ကြောက်ရွံ့ခြင်း၊ အကြမ်းဖက်မှု ထပ်ဖြစ်မည်ဟု ကောလဟာလများ ထွက်ပေါ်နေခြင်းတို့ကြောင့် မွတ်စလင်ရွာသားများမှာ အခြားနေရာများတွင် သွားရောက်ခိုလှုံနေရလေသည်။

လူဦးရေ ၁၅၀၀ ကျော်ရှိသည့် အဆိုပါ ရွာကြီးတွင် မွတ်စလင်အရေအတွက်က ၂၆၈ ဦးရှိသည်။ ၎င်းတို့ထဲမှ ၂၀၀ က တိုက်ခိုက်ခံရမည်ကို စိုးရိမ်သည့်အတွက် အခြားရွာများရှိ ဆွေမျိုးများထံတွင် သွားရောက်ခိုလှုံနေကြသည်။ ရွာခံ ရှေ့ဆောင်အီမာမ်တစ်ဦးက ရမ်ဇာန်ဥပုသ်လ၏ ကျန်ရှိသည့်ရက်များအတွက် ၎င်းတို့တွင် ၀တ်ပြုရာနေရာ မရှိတော့ဟု ဖွင့်ဟ ပြောကြားခဲ့သည်။

သို့သော်လည်း အချို့သော ဗုဒ္ဓဘာသာဝင်အိမ်နီးချင်းများကတော့ ထိုတိုက်ခိုက်မှုက အဘယ့်ကြောင့် ဆိုးဝါးသည့် ကိစ္စတစ်ခုအဖြစ် သတ်မှတ်ခံရပြီး၊ နိုင်ငံအတွင်းရှိ ဗုဒ္ဓဘာသာနှင့် မွတ်စလင်လူ့အဖွဲအစည်းအကြား နောက်ထပ် ပေါက်ကွဲနိုင်သည့် စိတ်ဝမ်းကွဲမှုအဖြစ် နိုင်ငံတကာက မှတ်ယူနေကြသည်ကို နားမလည်နိုင်ဖြစ်နေကြသည်။

“ကျွန်တော်တို့ (ဗုဒ္ဓဘာသာဝင်တွေနဲ့ မွတ်စလင်တွေ) ဟာ ဒီမှာ နှစ်ပေါင်းများစွာ အတူတကွ နေထိုင်လာခဲ့ကြတာပါ။ ကျွန်တော်တို့ဟာ မိတ်ဆွေ၊ သူငယ်ချင်းတွေပါ။ ဒီပြဿနာဟာ ရရှစ်ကိုပဲ ထိခိုက်တာပါ။ အခြား မွတ်စလင်ရွာသားတွေကို မထိခိုက်ပါဘူး” ဟု သူရဲသမိန်ရွာသားတစ်ဦးဖြစ်သူ ဦးထွန်းလွင်က ပြောကြားခဲ့သည်။

ထို့ပြင် အဘ်ဒူလ်ရရှစ်မှာ ၎င်းစိုက်ပျိုးခဲ့သည်များကို ရိပ်သိမ်းရခြင်းဖြစ်သည်ဟု ယုံကြည်ကြောင်း ၎င်းက ထပ်လောင်းပြောဆိုခဲ့သည်။

အဆိုပါပြဿနာမှာ ဇွန်လ ၂၁ ရက်နေ့တွင် ဆိုရှယ်မီဒီယာမှ စတင်ခဲ့ခြင်းဖြစ်သည်။ ရွာသားတစ်ဦးက ရွာတွင်ဆောက်နေသော အဆောက်ဦးတစ်ခုကို ဆိုရှယ်မီဒီယာတွင်တင်ကာ ဗလီတစ်လုံးဟု စွပ်စွဲပြီး အာဏာပိုင်များအနေဖြင့် ထိုအဆောက်အဦးကို အဘယ့်ကြောင့် မတားဆီးရသလဲဆိုသည်ကို သိလိုသည်ဟု တောင်းဆိုခဲ့သည်။

ဖျက်ဆီးခံခဲ့ရသည့် နေရာတစ်ခု

ထိုမေးခွန်းထုတ်ခံရသည့် အဆောက်အဦးကို ဆောက်လုပ်သူ အဘ်ဒူလ်ရရှစ်က ထိုကဲ့သို့ လွှင့်တင်မှုအတွက် အိမ်နီးချင်းများကို ကြိမ်းမောင်းပြောဆိုလေသည်။ ၂ ရက်တာကြာမြင့်ခဲ့ပြီးနောက် လူအုပ်ကြီး၏ တိုက်ခိုက်မှု ပေါ်ထွက်လာခဲ့ပြီး အဘ်ဒူလ် ရရှစ်၏ နေအိမ် ဖြိုဖျက်ခံခဲ့ရသလို၊ ရွာရှိ ဗလီမှာလည်း ဖျက်ဆီးခံခဲ့ရသည်။ ဂိုထောင်အဖြစ် အသုံးပြုမည်ဟုဆိုသည့် ဆောက်လုပ်ဆဲ အဆိုပါအဆောက်အဦးနှင့် မွတ်စလင်သင်္ချိုင်းမှာလည်း ထိုဖျက်ဆီးမှုတွင် အဆစ်ပါသွားခဲ့သည်။ အဘ်ဒူလ် ရရှစ်ကတော့ လက်ကောက်ဝတ်နှင့် ဦးခေါင်း ဘယ်ဖက်ဂျိုဇောင်းတွင် ဒဏ်ရာရရှိခဲ့ပြီး ဆေးရုံတင်ခဲ့ရလေသည်။

“သူက လူတွေကို မတရား ကြိမ်းမောင်းဆဲဆိုတာကြောင့် ရွာသားတွေက မခံမရပ်နိုင်ဖြစ်တာပါ။ သူတို့တွေ ရရှစ်ရဲ့အိမ်၊ ဂိုထောင်နဲ့ ဗလီကိုပါ ဖျက်ဆီးလိုက်တယ်။ ကျွန်တော်ကတော့ ဒါ မှားတယ်လို့ မထင်ပါဘူး” ဟု ဦးထွန်းလွင်က ပြောကြားခဲ့သည်။

ထိုအကြမ်းဖက်မှု ဖြစ်ပွားပြီးနောက်ပိုင်း ရွာတွင် တည်ငြိမ်အေးချမ်းရေးအတွက် ရဲတပ်ဖွဲ့ ၅၀ ကျော်ကို ချထားသည်ဟု ဝေါမြို့နယ် ရဲတပ်ဖွဲ့အကြီးအကဲ ဦးအုန်းလွင်ကဆိုပြီး နောက်ထပ် ပဋိပက္ခဖြစ်ပွားပါက သူရဲသမိန်ရွာ၏ ဂုဏ်သိက္ခာကို ထိခိုက်ပျက်ဆီးနိုင်သည်ဟု ပြောကြားခဲ့သည်။

ရရှစ်၏ အိမ်အပြင်ဘက်တွင် ရဲတပ်ဖွဲ့ဝင် ၂ ဦးကို ချထားပြီး ရရှစ်ကတော့ ၎င်း၏ လုံခြုံရေးအတွက် ရဲတပ်ဖွဲ့၏ ထိန်းသိမ်းမှုအောက်တွင် နေထိုင်နေရသည်ဟု ဒေသတာဝန်ရှိသူများက ပြောကြားခဲ့သည်။ ကျေးရွာရဲကင်းက လက်ရှိအချိန်တွင် သတင်းထောက်များအနေဖြင့် ရရှစ်နှင့် တွေ့နိုင်မည်မဟုတ်ဟု ဆိုသည်။ တိုက်ခိုက်မှုဖြစ်ပွားကတည်းက ရရှစ်ကို မတွေ့ရတော့ဟု ၎င်း၏ မိသားစုက ပြောကြားခဲ့သည်။

“ရဲတပ်ဖွဲ့က လုံခြုံရေးအတွက် ရှိနေတာပါ။ ကျွန်မတို့ကို မေးတာမြန်းတာမျိုး မရှိပါဘူး။ ကျွန်မတို့ ဘာမှ အမှားမလုပ်ထားတဲ့အတွက် အရေးယူခံရမှာကိုလည်း မစိုးရိမ်ပါဘူး” ဟု ဗုဒ္ဓဘာသာဝင်ရွာသူတစ်ဦးဖြစ်သူ ဒေါ်ခင်မျိုးအေးက ပြောကြားခဲ့သည်။

အကယ်၍ ထိုအဖြစ်အတွက် နောက်ဆက်တွဲရလဒ်ကို ရင်ဆိုင်ရမည်ဆိုပါက ထိုလူမှာ ရွာသားများကို ဆဲဆိုကြိမ်းမောင်း၍ ပြဿနာလုပ်ခဲ့သူပင် ဖြစ်ရမည်ဟု သူမက ထပ်လောင်းပြောကြားခဲ့သည်။

“ဗလီဖြိုခံခဲ့ရတဲ့အတွက် ဘယ်သူ့ကို အပြစ်တင်ရမလဲ။ ရွာသားတွေက တအားဒေါသထွက်နေလို့ ဒီလိုလုပ်လိုက်ကြတာပါ”

အဘ်ဒူလ်ရရှစ်၏ ဖခင်ဖြစ်သူ ဦးအီဘရာဟင်က အငြင်းပွားမှုကို သင့်တော်သည့်နည်းလမ်းများဖြင့် ဖြေရှင်းရမည့်အစား ဗုဒ္ဓဘာသာဝင်နှင့် မွတ်စလင်များအကြား ထိုကဲ့သို့ အကြမ်းဖက်မှု ဖြစ်ပွားခဲ့သည့်အတွက် အလွန်တုန်လှုပ်မိသည်ဟု ဆိုသည်။

“ရရှစ်ကြိမ်းမောင်းလို့ သူတို့ မကျေနပ်ဘူးဆိုရင် ရဲတိုင်နိုင်တာပဲလေ။ ဥပဒေနည်းလမ်းတွေအရ သူတို့ အကူအညီ ရယူရမှာပေါ့။ ဒါပေမယ့် ကျွန်တော်တို့အိမ်ကို သူတို့ ဖျက်ဆီးတယ်။ ကျွန်တော်တို့ ပိုက်ဆံတွေနဲ့ လက်ဝက်လက်စားတွေကိုလည်း ယူသွားတယ်။ ကျွန်တော်ကတော့ ဒါဟာ သက်သက်အနိုင်ကျင့်တာလို့ ထင်ပါတယ်” ဟု ဦးအီဘရာဟင်က ပြောကြားခဲ့သည်။

ထိုပြဿနာ၏ နောက်ဆက်တွဲရလဒ်များကို မိမိတို့မိသားစုမှ ကျော်လွန်ကာ တစ်ခြားသူများ ခံစားခဲ့ကြရပြီး ရွာရှိ မွတ်စလင်များမှာ ၎င်းတို့၏ အသက်အိုးအိမ်အတွက် စိုးရိမ်သောကြောင့်၊ နေအိမ်များကို စွန့်ခွာခဲ့ရသည်၏ ၎င်းက ထပ်လောင်းပြောကြားခဲ့သည်။

ပြဿနာမှာ မှားယွင်းသည့်စွပ်စွဲမှုများကြောင့် စတင်ခဲ့ခြင်းဖြစ်သည်ဟုလည်း ဦးအီဘရာဟင်က ဆိုသည်။ ရရှစ်ဆောက်လုပ်နေသည့် အဆောက်ဦးက ၎င်း၏ အိမ်ဆောက်ပစ္စည်းရောင်းဝယ်ရေး လုပ်ငန်းအတွက် ပစ္စည်းများထားရှိရန် ရည်ရွယ်ခြင်းဖြစ်သည်။

“ဗလီမှာ ဘုရားဝတ်ပြုဖို့ လာသူက ၁၀ ယောက်တောင်မပြည့်ပါဘူး။ ဘာ့ကြောင့် ကျွန်တော်တို့က နောက်ထပ် ဗလီတစ်လုံး ထပ်ဆောက်ရမှာလဲ” ဟု ဦးအီဘရာဟင်က ဆိုသည်။

ရွာရှိဗလီမှ ရှေ့ဆောင်အီမာမ်တစ်ဦးဖြစ်သူ ဦးဒူးက မွတ်စလင်များ အိုးအိမ်စွန့်ခွာထွက်ပြေးနေရမှုမှာ ယာယီသာဖြစ်မည်ဟု မျှော်လင့်ကြောင်း ပြောကြားခဲ့သည်။

“ရမ်ဇာန်ဥပုသ်လရဲ့ ကျန်တဲ့ရက်တွေမှာ သူတို့တွေဟာ ဆွေမျိုးတွေအိမ်မှာ သွားနေကြပါတယ်။ သူတို့က ကြောက်ရွံ့နေကြတယ်။ တိုက်ခိုက်မှုဖြစ်ပြီးနောက်ပိုင်း သူတို့ဟာ ၂ ရက်လောက် ရဲစခန်းမှာ သွားအိပ်ခဲ့ရတယ်လေ”

ပဲခူးတိုင်းဒေသကြီး ၀န်ကြီးချုပ် ဦးဝင်းသိန်းကတော့ မိမိတို့အစိုးရမှာ ဖျက်ဆီးခံရသည့်ဗလီ ပြုပြင်ရေး ကူညီသွားမည်ဖြစ်ပြီး ယခုလက်ရှိတွင် မွတ်စလင်များအနေဖြင့် အိမ်တစ်လုံးတွင် စုးပေါင်းဝတ်ပြုကြရန် အကြံပြုခဲ့သည်ဟု ဆိုသည်။

သူရဲသမိန်ရွာမှ ရွာသားအများစု၏ နေ့စဉ်ဘ၀မှာ ပုံမှန်ပြန်ဖြစ်နေပုံရသော်လည်း တင်းမာမှုများကတော့ တမြုံ့မြုံ့ ဆက်လက်ရှိနေဆဲဖြစ်ကာ လူတော်တော်များများမှာလည်း အိုးအိမ်စွန့်ခွာ ထွက်ပြေးနေရသည်။ တိုင်းဒေသကြီးအစိုးရက ဇွန်လ ၂၇ ရက်နေ့တွင် ဗုဒ္ဓဘာသာဝင် ၆ ဦးနှင့် မွတ်စလင် ၄ ဦးပါဝင်သော ပူးပေါင်းဆောင်ရွက်ရေး အဖွဲ့ကို ဖွဲ့စည်းပေးခဲ့သည်။ အဆိုပါအဖွဲ့မှာ ရရှစ်အပါအ၀င် အိုးအိမ်စွန့်ခွာရသူများ ပြန်လာသည့်အခါ ငြိမ်းချမ်းစွာ ပြန်လည်အတူယှဉ်တွဲနေထိုင်နိုင်ရေး မျှော်လင့်ချက်ဖြင့် လူ့အဖွဲ့အစည်း ၂ ခုအကြား ယုံကြည်မှုတည်ဆောက်ရေးကို ဆောင်ရွက်ရမည် ဖြစ်ပေသည်။

Ref: mmtimes

(Myanmar Times တွင် ဖော်ပြထားသည့် Sectarian tensions linger in the wake of mob attack ဆောင်းပါးကို လေးမောင်မှ ဆီလျောအောင် ဘာသာပြန်ဆိုသည်။)

June 30, 2016
သွက်ချာပါဒလိုက်နေသော မြန်မာ့တရားစီရင်မှုစနစ်

ဇွန် ၂၈၊ ၂၀၁၆

M-Media

– ပိန်လှီအိုမင်း၍ အားနည်းချည့်နဲ့စွာဖြင့် မိမိဖာသာ မတ်တတ်ရပ်ယုံမျှသာ စွမ်းနိုင်တော့သော အသက် ၇၂ နှစ်အရွယ် ဒေါ်တင်ညွန့်သည် အာမခံခွင့်ရရန် အကြိမ်ကြိမ် ငြင်းပယ်ခံနေရပါ၏။

ဇွန်လ ၂၀ ရက်နေ့ ကြားနာမှုအပြီး ဗိုလ်တစ်ထောင်တရားရုံးမှ ထွက်လာသော ဒေါ်တင်ညွန့်အား တွေ့ရစဉ် (ဓာတ်ပုံ – အောင်မြင်ရဲဇော်၊ The Myanmar Times)

မတ်လ ၁၆ ရက်တွင် ဖမ်းဆီးခံလိုက်ရပြီးနောက် မတ်တတ်မရပ်နိုင်တော့ဘဲ ဆေးရုံတင်ခဲ့ရသည့် ဒေါ်တင်ညွှန့်အား ရန်ကုန်မြို့၏ အမည်ပျက် အင်းစိန်ထောင်ထဲ၌ မေလ ၂ ရက်ကတည်းက ထိန်းသိမ်းထားခဲ့သည်။ ကိုယ်တစ်ခြမ်းလေသင်တုန်းဖြတ်ထားခြင်းအတွက် လိုအပ်နေသော ဆေးဝါးကုသမှုကို သူမ မရရှိကြောင်း သူမ၏ မိသားစု ဆိုပါသည်။

ဇွန်လ ၁၇ ရက်က ဗိုလ်တစ်ထောင်မြို့နယ်တရားရုံးရှိ အမှုသည်များစောင့်ဆိုင်းရာအခန်းတွင် The Myanmar Times မှ သူမအား သွားရောက်တွေ့ဆုံခဲ့သည်။ ဝေဒနာခံစားနေရသည့် သူမ၏ လည်ပင်း၊ နောက်ကျောနှင့် ခြေထောက်များမှ နေရာအားလုံးကို လက်ညှိုးထိုးပြကာ စိုစွတ်ထိုင်းမှိုင်းသောရာသီတွင် သွားလာလှုပ်ရှားရန် ခက်ခဲနေကြောင်း၊ နာတာရှည်နှလုံးရောဂါနှင့် သွေးတိုးရောဂါလည်း ရှိနေကြောင်း ပြောပြပါသည်။ မျက်တွင်းများ ချောင်ကျနေသည်ကိုလည်း အတိုင်းသား မြင်နေရပါ၏။

သူမအတွက် ကြားနာချိန်ရောက်သော် စောင့်ဆိုင်းရာအခန်းမှ နှစ်ထပ်ဆောင်တရားရုံးခန်းမပေါ်သို့ မိသားစုဝင်၏ အကူအညီဖြင့် တက်ရောက်ခဲ့ရကြောင်း တွေ့ရသည်။

သူမ၏ကျန်းမာရေးအခြေအနေ ဆိုးဝါးနေသည့်တိုင်အောင် တရားသူကြီးက အာမခံရရှိရေးကို ပယ်ချနေဆဲဖြစ်ရာ ယင်းအသနာခံချက်ပယ်ချခံရမှု အကြိမ်တိုင်းက သူမ၏မိသားစုအပေါ် ဆင့်ကဲသောက ဖြစ်နေစေသည်။

“ကျွန်မရဲ့ ယောက္ခမကို မတရားပြုမူဆက်ဆံနေကြတယ်” ဟု မသီတာမြင့်က ပြောပြသည်။

သူမ၏အာမခံ မရရှိနိုင်မှုမှာ မြန်မာနိုင်ငံ၏ တရားစီရင်ရေးစနစ်မှ အကျည်းတန်မှုတစ်ရပ်ဖြစ်ကြောင်း ကျွမ်းကျင်သူများက ဆိုသည်။

သြစတေးလျ အမျိုးသားတက္ကသိုလ်မှ Nick Cheesman က “တရားလိုများအနေနှင့် တရားပြိုင်များအား လွတ်လပ်စွာသွားလာခွင့် မရှိအောင် ငွေကြေးအကုန်ကျခံ၍ တားဆီးခွင့်ရှိသည်” ဟု သူ၏ Opposing the Rule of Law တွင် ရေးသားထားသည်။

သူသည် ၁၉၉၆ ခုနှစ်က အမှုတစ်ခုအားဖြင့် အဆိုတင်သွင်းခြင်းဖြစ်သည်။ ၎င်းအမှု၌ အမျိုးသမီးက တရားရုံးတွင် ငွေကြေးအကုန်ကျခံပြီး မိမိ၏သမီးနှင့် ခိုးရာလိုက်ပြေးခဲ့သော အမျိုးသားအား ရဲတပ်ဖွဲ့ဖြင့် ဖမ်းဆီးစေခဲ့သည်။

ဒေါ်တင်ညွန့်၏ အကျဉ်းကျမှုနောက်ကွယ်တွင် အလားတူ အကြောင်းရင်းခံများရှိနေကြောင်း မိသားစုဝင်များက အခိုင်အမာပြောကြားသည်။

“ကျွန်တော့်မိခင်နဲ့ပတ်သက်ပြီး ကျွန်တော် အလွန်ဝမ်းနည်းရတယ်။ ဒါမျိုး မဖြစ်သင့်ပါဘူး။ (ကျွန်တော့်ရဲ့ လက်ထပ်ထိမ်းမြားမှုအကြောင်းကို) သူမ မသိခဲ့ဘူး။ မိသားစုဝင် တစ်ဦးမှလည်း မသိခဲ့ကြပါဘူး” ဟု သားဖြစ်သူ ကိုသန်းနိုင်က ဆိုသည်။

ဦးလှမြင့်က မိမိ၏တူဖြစ်သူ ကိုသန်းနိုင် (၃၅ နှစ်)သည် မိမိ၏သမီးဖြစ်သူ မသီတာမြင့် (၂၆)နှစ်အား သွေးဆောင်ခေါ်ယူသွားသည်၊ ထိုကိစ္စ၌ မိမိ၏ခယ်မဖြစ်သူ ဒေါ်တင်ညွန့်က အလိုတူအလိုပါဖြစ်သည် ဟူ၍ တိုင်ကြားရာမှ ဤအမှုဖြစ်ပွားခဲ့သည်။ ယင်းစုံတွဲမှာ မတ်လ ၁၃ ရက်နေ့တွင် အတူတစ်ကွပျောက်ဆုံးသွားသည့်နောက် ဦးလှမြင့်က အမှုဖွင့်ခဲ့ခြင်းဖြစ်သည်။

သို့သော် မိသားစုဝင်တို့က ဦးလှမြင့်သည် လီဆယ်အမှုဖွင့်ခြင်းဖြစ်ကြောင်း၊ တရားစီရင်ရေးလမ်းကြောင်းကို ၀င်ရောက်စွက်ဖက်ကာ သူ၏သမီးဖြစ်သူအား အိမ်ပြန်လာစေရန် တွန်းအားပေးနေခြင်းဖြစ်ကြောင်း ဆိုသည်။

ဒေါ်တင်ညွန့်မှာ အပြစ်ကင်းပါကြောင်း၊ သို့သော် မိမိ၏သမီး အိမ်ပြန်လာသည်အထိ သူမအား ချုပ်နှောင်ထိန်းသိမ်းထားရန် ဖိအားပေးသွားမည်ဖြစ်ကြောင်း မိမိ၏ဦးလေးက မိမိအား ဖုန်းဆက်ပြောကြားခဲ့သည်ဟု ကိုသန်းနိုင်က ထွက်ဆိုထားသည်။ ဤသည့်အပေါ် The Myanmar Times မှ ဆက်သွယ်မေးမြန်းရာတွင် ဦးလှမြင့်က မှတ်ချက်တစ်စုံတစ်ရာပေးရန် ငြင်းဆိုခဲ့သည်။

တရားရုံးတစ်ဖက်ခြမ်းရှိ ရဲစခန်းမှ ဖမ်းဆီးထိန်းသိမ်းသူ ရဲအရာရှိများကို တရားရုံး၌ မတွေ့ကြရသည့်အပြင် တရားလို ဦးလှမြင့်ကလည်း တရားစွဲဆိုခြင်းကို အချိန်ဆွဲ၍ အာမခံမပေးရန်ကိုသာ တင်ပြလျက်ရှိသည်။
Daw Tin Nyunt’s family says that her lawyer has requested bail on four separate occasions.
ဒေါ်တင်ညွန့်၏ရှေ့နေသည် အာမခံပေးရန် မေတ္တာရပ်ခံလျှောက်လဲခဲ့သည်မှာ လေးကြိမ်တိုင်တိုင်ရှိနေပြီဟု မိသားစုဝင်များက ဆိုသည်။

အမှုစလျှင်စချင်း တရားပြိုင်၏အသက်အရွယ် နှင့် ကျန်းမာရေးအခြေအနေဆိုင်ရာ အထောက်အထားတို့ဖြင့် အသနားခံစာ တင်ပြခဲ့သော်လည်း တရားသူကြီး ဦးအောင်နေမျိုးက ပယ်ချခဲ့သည်။

ဒုတိယအကြိမ်တွင် နှစ်ဖက်စလုံးထံမှ ကြားနာမှု ပြုရဦးမည်ဟု ဆိုကာ အာမခံလျှောက်ထားမှုကို ၎င်းတရားသူကြီးက ထပ်မံ ငြင်းဆိုခဲ့သည်။

လက်ရှိနောက်ဆုံးရုံးချိန်း ဇွန်လ ၂၀ ရက်နေ့တွင်တော့ နောက်တစ်ကြိမ်ရုံးချိန်းကြားနာမှု မပြီးမချင်း တရားပြိုင်၏ အာမခံလျှောက်ထားမှုကို လက်ခံစဉ်းစားပေးဦးမည်မဟုတ်ဟု တရားသူကြီးက ပြောဆိုလိုက်ကြောင်း သိရသည်။

တစ်ကြိမ်တွင် သက်ကြီးရွယ်အိုတရားပြိုင်တစ်ဦးအနေနှင့် အာမခံချက်ပေးရန် ခိုင်မာနေသဖြင့် လျှောက်ထားချက်ကို လက်ခံခဲ့သော်လည်း အမှုကိုရပ်ဆိုင်းထားရန် လျှောက်တင်လာချက်ကြောင့် ဒေါ်တင်ညွန့်၏မိသားစုအဖို့ အလွန်ဒေါသဖြစ်မိကြောင်း ၎င်းတို့က ပြောပြ၏။ မတ်လ ၂၉ ရက်တွင် သင်္ကြန်အတွက် သူမကို ယာယီ ပြစ်ဒဏ်ကင်းလွတ်ခွင့် ပေးခဲ့သည်။

အာမခံချက်နှင့်ပတ်သက်၍ မှောက်ချည်လှန်ချည်ပြုလုပ်နေခြင်းမှာ တရားရေးစနစ်ကို ကစားနေခြင်းဖြစ်သည်ဟု ကိုသန်းနိုင်က ဆိုသည်။

“တရားရုံးနောက်ကွယ်မှာ တစ်ဦးဦး သို့မဟုတ် တစ်စုံတစ်ရာသောအကြောင်းရင်း ရှိနေပါတယ်။ ဘာကြောင့်လဲဆိုတော့ ဒီတရားသူကြီးတစ်ဦးတည်းကပဲ တစ်ကြိမ်မှာ ကျွန်တော့်မိခင်ဟာ အာမခံရသင့်တယ်ပြောလိုက်၊ နောက်တစ်ကြိမ်မှာ မရသင့်ဘူးပြောလိုက် ဖြစ်နေတယ်လေ”။

နိုင်ငံတကာတရားသူကြီးများအဖွဲ့၏ ဥပဒေအကြံပေး ဒေါ်ဇာလီအေးက ဥပဒေကြောင်းအရ ဒေါ်တင်ညွှန့်အား အာမခံချက်ဖြင့် လွှတ်ပေးနိုင်သည့် အခွင့်အလမ်း အသီးသီး ရှိနေကြောင်း ပြောပြပါသည်။

“ဒါဟာ တရားပြိုင်ရဲ့အခွင့်အရေးကို ချိုးဖောက်နေခြင်းဖြစ်ပါတယ်။ ဘာဖြစ်လို့လဲဆိုတော့ ရက်ရွှေ့ဆိုင်းငံ့မှု သိပ်များလွန်းနေတယ်။ တရားပြိုင်အနေနဲ့ မျှမျှတတ အမှုရင်ဆိုင်ခွင့် ရရှိသင့်ပါတယ်။ အာမခံပေးခွင့်မရှိတဲ့ လူပင်လျှင် တရားသူကြီးရဲ့ အခွင့်အာဏာအရ၊ ပြစ်မှုဆိုင်ရာဥပဒေပုဒ်မ ၄၉၁ အရ အာမခံအကျိုး ခံစားခွင့် ရှိနေပါတယ်”။

ထို့ပြင် သူမက ပုဒ်မ ၄၉၇ ကိုလည်း ထောက်ပြခဲ့သည်။ ၎င်း၌ “အကယ်၍ အသက် ၁၆ နှစ်အောက်ဖြစ်နေလျှင် သို့မဟုတ် အမျိုးသမီးဖြစ်နေလျှင် သို့မဟုတ် ကျန်းမာကြံ့ခိုင်သူမဟုတ်လျှင် တရားရုံးမှ သက်ညှာသောအားဖြင့် လွတ်ငြိမ်းခွင့်ပေးနိုင်သည်” ဟုဆိုထားသည်။

ဒေါ်တင်ညွန့်အား ဖမ်းဆီးစဉ် ဖြစ်ပျက်ခဲ့သည့် ကျန်းမာရေးအခြေအနေများက အာမခံပေးရန် လုံလောက်သော အထောက်အထားဖြစ်ကြောင်း သူမ၏မိသားစုမှ ပြောကြားသည်။

ဒေါ်တင်ညွန့်၏ အခြားချွေးမဖြစ်သူ မပန်းအိ၏အဆိုအရ မတ်လ ၁၆ ရက် ရဲတပ်ဖွဲ့ဝင်များ အိမ်သို့လာရောက်ဖမ်းဆီးစဉ် ဒေါ်တင်ညွန့်သည် မူးမေ့လဲကျသွားခဲ့ပြီး ရန်ကုန်အနောက်ပိုင်းဆေးရုံသို့ တက်ရောက်ခွင့် တောင်းခံခဲ့ရသည်။

မတ်လ ၂၃ ရက် ဆေးရုံဆင်းသောအခါ အငှားယာဉ်တစ်စီးထဲ တွဲယူခေါ်ဆောင်စဉ် ရဲတပ်ဖွဲ့ဝင်များက သူမအား လမ်းမှဖြတ်တားပြန်သည်။ ဒေါ်တင်ညွန့်မှာ ထပ်မံမူးလဲပြန်သဖြင့် ဆေးရုံထပ်တင်ရပြီး အောက်စီဂျင်ခေါင်းစွပ် သုံးရသည်အထိ ကုသခဲ့ရသည်။

မတ်လ ၂၉ ရက်တွင် ရဲတပ်ဖွဲ့ဝင်များ ပြန်ရောက်လာပြီး ဒေါ်တင်ညွန့်ကို ဆေးရုံကုတင်ပေါ်မှ ဗိုလ်တစ်ထောင်မြို့နယ်ရဲစခန်းသို့ ခေါ်ဆောင်သွားကြသည်။ ထိုနေရာတွင် သူမအား မေးမြန်းစစ်ဆေးခဲ့သည်။ သင်္ကြန်ရက်တွင်း ခေတ္တအာမခံမပေးမီ ညအိပ်ညနေ နေခဲ့ရသည်။

သို့သော် ပွဲတော်ရက်အပြီး မေလ ၂ ရက်တွင် သူမအား ပြန်လည်ခေါ်ယူကာ မေးခွန်းများစွာမေးမြန်းသည်။ ထို့နောက် လမ်းတစ်ဖက်ခြမ်းရှိ တရားရုံးသို့ ခေါ်ဆောင်သွားပြီး ပြစ်မှုဆိုင်ရာဥပဒေပုဒ်မ ၃၆၆ ဖြင့် ရုံးတင်၍ အင်းစိန်ထောင်သို့ လွှဲပြောင်းလိုက်ရာ သူမ၏ရှေ့နေပင်လျှင် မယုံနိုင်အောင် အံ့သြသွားရသည်။

ဒေါ်တင်ညွန့်၏သားတစ်ဦးဖြစ်သူ ကိုမျိုးမြင့်ထွန်းက အကျဉ်းထောင်ထဲ သွားရောက်တွေ့ဆုံစဉ် မိမိ၏မိခင်မှာ အလွန်အမင်း နွမ်းလျအားနည်းနေကြောင်း The Myanmar Times သို့ ပြောကြားသည်။

သူ၏ဇနီး မပန်းအိကလည်း (ထောင်)ဆရာဝန်များမှ လုံလောက်သော စောင့်ရှောက်မှု မပေးကြကြောင်း၊ အားဆေးသွင်းခြင်း၊ လက်ဝဲဖက်ကိုယ်တစ်ခြမ်းလေဖြတ်ခြင်းအတွက် ကုသမှုပေးခြင်း အစရှိသည့် ဆေးဝါးအကူအညီ မရရှိကြောင်း ဆိုသည်။

စစ်အစိုးရလက်ထက် အင်းစိန်အကျဉ်းထောင်မှ နိုင်ငံရေးအကျဉ်းသားတို့၏အခြေအနေများနှင့် လူ့အခွင့်အရေးချိုးဖောက်မှုများအပေါ် နိုင်ငံတကာအသိုင်းအ၀ိုင်းများ မနှစ်မြို့ကြ။ ၂၀၁၄ ခုနှစ် The Myanmar Times မှ ထောင်တွင်းအခြေအနေများအား လေ့လာစုံစမ်းကြည့်ရာတွင် ညှင်းပန်းနှိပ်စက်ခြင်းနှင့် အဆုံးစီရင်ခြင်းကာလ လွန်မြောက်လာသော်လည်း အကျင့်ပျက်ခြစားမှုများက ကြီးစိုးလွှမ်းမိုးနေသည့်အပြင် ပို၍ပင် အရှိန်မြင့် ဆိုးဝါးနေခဲ့သည်ကို တွေ့ခဲ့ရ၏။

လူ့အခွင့်အရေးသမားအချို့၏ အပြင်းအထန်ဝေဖန်ခဲ့သော ပြစ်မှုဖြင့် အကျဉ်းကျခဲ့သူ နယူးဇီလန်နိုင်ငံသား Philip Blackwood မှာ ထောင်ထဲရှိစဉ်ကာလ ၂၀၁၅ ခုနှစ်တွင် အာဟာရပြတ်လပ်ပြီး ခန္ဓာကိုယ်အလေးချိန် ၂၀ ကီလိုဂရမ်(၄၄ ပေါင်)အထိ ကျဆင်းသွားခဲ့ကြောင်း ဆိုကြသည်။

ဒေါ်တင်ညွှန့်အပေါ် ပြုမူဆက်ဆံပုံက မြန်မာနိုင်ငံ၏ တရားစီရင်ခြင်းစနစ်နှင့်ပတ်သက်၍ မေးခွန်းများစွာ ဆင့်ကဲ ပေါ်ထွက်လာစေပြန်သည်။ နှုတ်တိုက်အလွတ်ကျက်မှတ်ခြင်း၊ နိုင်ငံရေးစွက်ဖက်မှုရှိခြင်း၊ အကျင့်ပျက်ခြစားမှု အမြစ်တွယ်နေခြင်းတို့က ယင်းစနစ်အား ဖုံးလွှမ်းလျက်ရှိနေ၏။

“ဥပဒေပညာရေးချို့တဲ့နေမှုကြောင့် ရှေ့နေတော်တော်များများသာမက အောက်ခြေအဆင့် တရားသူကြီးများပင်လျှင် ပြစ်မှုဆိုင်ရာဥပဒေကြောင်းနဲ့ ကျွမ်းဝင်မှု မရှိကြပါဘူး။ ဆယ်စုနှစ်များစွာကြာအောင် ဥပဒေပညာရေးချို့တဲ့မှုနဲ့ ရေပေါ်ဆီတရားသူကြီးအဖွဲ့တွေ ဒွန်တွဲမိတဲ့အခါ မတရားအမှုစစ်ခြင်းနဲ့ အခွင့်အရေးချိုးဖောက်ခြင်းတွေ အလွန်အကျွံ ဖြစ်လာတော့တာပါပဲ” ဟု ICJ ၏ နိုင်ငံတကာဥပဒေအကြံပေး Vani Sathisan က The Myanmar Times သို့ ပြောကြားလိုက်သည်။

မကြာသေးမီက နိုင်ငံပေါင်း ၁၀၂ နိုင်ငံအား ကမ္ဘာ့တရားမျှတမှု စီမံကိန်း World Justice Project စစ်တမ်းတစ်ရပ်ကောက်ယူခဲ့ရာ မြန်မာနိုင်ငံသည် တရားဥပဒေစိုးမိုးမှုနှင့်စပ်လျဉ်း၍ အဆင့် ၉၁ ၌လည်းကောင်း၊ ပြစ်မှုဆိုင်ရာတရားစီရင်ရေးစနစ်နှင့်စပ်လျဉ်း၍ အဆင့် ၉၆ ၌လည်းကောင်း၊ အခြေခံလူ့အခွင့်အရေးနှင့်ပတ်သက်၍ အဆင့် ၁၀၀ ၌လည်းကောင်း ရပ်တည်လျက်ရှိကြောင်း တွေ့ရ၏။ ၎င်းအပြင် မြန်မာနိုင်ငံသည် ရုံးမတင်မီ ဖမ်းဆီးထိန်းသိမ်းမှု လွန်ကဲခြင်း၊ အမှုစီရင်ခြင်း၌ နှောင့်နှေးကြန့်ကြာခြင်း၊ စီရင်ဆုံးဖြတ်မှု ညံ့ဖျင်းခြင်း စသော ပြဿနာများဖြင့် ကျော်စောနေပါသည်။

သို့တိုင် ဒေါ်တင်ညွန့်၏မိသားစုကမူ သေချာရေရာမှု တစ်စုံတစ်ရာ မရှိသော်လည်း နောက်ဆုံးတွင် အာမခံရရှိလိမ့်မည်ဟု အကောင်းမြင်စိတ် လက်ကိုင်ပြုထားဆဲဖြစ်ပါသည်။

ကိုမျိုးမြင့်ထွန်းက ဤသို့ ပြောကြားခဲ့ပါသည်။
“တရားမျှတမှု ရရှိလာမယ်လို့ ကျွန်တော် အမှန်တကယ် မျှော်လင့်ထားပါတယ်။ ဒီဖြစ်စဉ်ကို တရားသူကြီးရဲ့ တရားသဖြင့် ဆုံးဖြတ်ချက်နဲ့ အဆုံးသတ်လိုက်မယ်လို့ မျှော်လင့်မိပါတယ်ဗျာ”။

Ref : The Myanmar Times
(Ashok Manandhar ရေးသားသော Law and disorder: 72-year-old denied bail amid broken system သတင်းဆောင်းပါးကို မြင့်မိုရ်မောင်မောင် မှ ဆီလျော်အောင်ပြန်ဆိုသည်။)

June 28, 2016