ဇန်န၀ါရီ ၃၀၊ ၂၀၁၆
– မြန်မာနိုင်ငံမှာ သမိုင်းဝင်နိုဝင်ဘာရွေးကောက်ပွဲ ကျင်းပပြီးတဲ့နောက် ခိုင်မာတဲ့ ဒီမိုကရေစီအုပ်ချုပ်ရေးဖက် ထင်ရှားတဲ့အကူးအပြောင်းနဲ့ ကြံ့ခိုင်စွာ ကျော်ဖြတ်နေပါတယ်။ ဒီအပြောင်းအလဲအပေါ် ကိုယ်တွေ့သိမြင်သုံးသပ်နိုင်အောင်၊ ဒီထိုးဖောက်လှုပ်ရှားမှုအပေါ် အမေရိကန်အနေနဲ့ ဘယ်လိုဆက်လက်ကျားကန်ပေးရမလဲဆိုတာကို တိုင်းဆနိုင်အောင် ဆွေးနွေးညှိနှိုင်းရေးကိုယ်စားလှယ်အဖွဲ့တစ်ခုကို ကျွန်တော် ဦးဆောင်ပြီး ရောက်ရှိခဲ့ပါတယ်။
နိုဗယ်လ်ဆုရှင် ဒေါ်အောင်ဆန်းစုကြည်ဦးဆောင်တဲ့ အတိုက်အခံပါတီ NLD ဟာ ရွေးကောက်ပွဲမှာ သောင်ပြိုကမ်းပြို အနိုင်ရရှိခဲ့ပြီး လွှတ်တော်အမတ်နေရာ ၇၇ ရာခိုင်နှုန်းကို သိမ်းပိုက်နိုင်ခဲ့တယ်။ ဒီအောင်မြင်မှုဖြစ်ထွန်းလာဖို့ ဆယ်စုနှစ်များစွာကို ဒဏ်ရာတွေနဲ့ ကျော်ဖြတ်ခဲ့ကြရတာပါ။ ဗြိတိသျှလက်အောက်ကနေ မြန်မာနိုင်ငံ လွတ်လပ်ရေးရရှိပြီး ဒေါ်စုကြည်ရဲ့ဖခင် ဗိုလ်ချုပ်အောင်ဆန်းက တော်လှန်ပြောင်းလဲမယ့်အစိုးရတစ်ရပ်ကို ဦးဆောင်နေစဉ် ၁၉၄၇ ခုနှစ်မှာ လုပ်ကြံသတ်ဖြတ်ခံခဲ့ရပါတယ်။
ကွန်မြူနစ်သူပုန်ထမှု၊ တိုင်းရင်းသားများရဲ့အုံကြွမှု၊ ဆင်းရဲနိမ့်ကျမှုတွေရဲ့ဂယက်ကြောင့် မြန်မာအရပ်သားအစိုးရဟာ ၁၉၆၂ စစ်တပ်အာဏာသိမ်းမှုနဲ့အတူ ပြုတ်ကျခဲ့ရတယ်။ အဲ့ဒီနောက် မြန်မာနိုင်ငံဟာ ရက်စက်ကြမ်းကြုတ်တဲ့ အာဏာရှင်စနစ်နဲ့ ရာစုနှစ်တစ်ဝက်အထိ စိုးမိုးအုပ်ချုပ်တာခံခဲ့ရတယ်။ ၁၉၈၈ ဒီမိုကရေစီအရေးတော်ပုံကို ပြင်းထန်ရက်စက်စွာဖြိုခွင်းပြီးနောက်ပိုင်း အမေရိကန်ရဲ့ပိတ်ဆို့မှုများရဲ့ဒဏ်ကို ခံစားခဲ့ရပြန်တယ်။
မည်သို့ပင်ဖြစ်စေ လက်ရှိနှစ်များမှာတော့ နှောင့်နှေးတွန့်ဆုတ်နေသော်လည်း တစ်ဖြည်းဖြည်း ပွင့်လန်းလာမယ့်ခြေလှမ်းများ စတင်နေပါပြီ။ စစ်တပ်က သူ့ရဲ့ပါဝါကို ကာကွယ်ထားတဲ့ ဖွဲ့စည်းအုပ်ချုပ်ပုံအခြေခံဥပဒေကို အခိုင်အမာ ရေးဆွဲပြဋ္ဌာန်းထားတယ်။ ၂၀၁၀ ရွေးကောက်ပွဲက အငြင်းပွားဖွယ်ရာဖြစ်ခဲ့သည့်တိုင် “စစ်တပ်ကြီးစိုးတဲ့ အရပ်သားအစိုးရ” တစ်ခုဖြစ်လာဖို့ အာဏာသိမ်းစစ်အစိုးရကိုယ်တိုင်က လိုလိုလားလား ဦးတည်လာတာကို တွေ့ခဲ့ရတယ်။ ၂၀၁၂ ကြားဖြတ်ရွေးကောက်ပွဲမှာ NLD ရဲ့ အောင်မြင်မှုက ယခုနိုဝင်ဘာရွေးကောက်ပွဲမှာ သရဖူဆောင်းမယ့် အရိပ်နိမိတ် ဖြစ်ခဲ့တယ်။ လာမယ့်ရက်သတ္တပတ်ကနေစပြီး NLD ပါတီက လွှတ်တော်ကို ဦးဆောင်သွားတော့မှာဖြစ်ပါတယ်။ ဒေါ်စုကြည် သမ္မတနေရာမရစေအောင် ဖွဲ့စည်းအုပ်ချုပ်ပုံအခြေခံဥပဒေနဲ့ တားမြစ်ထားပေမယ့်လည်း အစိုးရသစ်အတွက် ထုံးတမ်းစဉ်လာမဟုတ်သောနည်းလမ်းများနဲ့ ထိထိရောက်ရောက်ဦးဆောင်မှု ပေးသွားနိုင်မယ်လို့ မျှော်လင့်ရပါတယ်။
နောက်ဆုံးမှာ စစ်တပ်က ရွေးကောက်ပွဲကျင်းပပြီး အာဏာလွှဲပြောင်းပေးခဲ့ရတာ ဘာကြောင့်ပါလဲ ? အဖြေဟာ အကြောင်းတရားတစ်ခုတည်းနဲ့တော့ မလုံလောက်ပါဘူး။ မြန်မာအာဏာပိုင်အများအပြားထံက ကျွန်တော်တို့ ကိုယ်စားလှယ်အဖွဲ့ ကြားသိချက်အရတော့ စစ်တပ်ဟာ သူ့သြဇာကို တော်တော်များများ ထိန်းသိမ်းထားဆဲပဲဆိုတာ ကျွန်တော်တို့ နားလည်သွားပါတယ်။ လွှတ်တော်အမတ်နေရာ လေးပုံတစ်ပုံနဲ့အတူ အခရာကျတဲ့ ၀န်ကြီးဋ္ဌာနများက စစ်တပ်ရဲ့ထိန်းချုပ်မှုအောက်မှာ ရှိနေဆဲဖြစ်တယ်။ ဒါ့အပြင် စစ်တပ်က အရပ်သားထိန်းချုပ်မှုကနေ အကျယ်တ၀င့် လက်ရှောင်ထားပါတယ်။
သို့သော်လည်း စစ်တပ်က နှေးကွေးနေသော်ငြား ပါဝါကို လျှော့ချနေတာကတော့ အမှန်ပါပဲ။ NLD ပါတီက ရွေးချယ်တင်မြှောက်ခံအမတ်များစွာက အမေရိကန်ရဲ့ ပိတ်ဆို့မှုများကို တန်ဖိုးထားခဲ့ကြတယ်။ အဲ့ဒီပိတ်ဆို့မှုများက စစ်အစိုးရကို အထီးကျန်စေပြီး မြန်မာနိုင်ငံရဲ့အကျဉ်းအကြပ်အပေါ် မီးမောင်းထိုးပြနိုင်ခဲ့လို့ ဖြစ်ပါတယ်။
အိမ်နီးချင်းများအပေါ်ထိန်းချုပ်ကိုင်တွယ်ဖို့ တရုတ်ပြည်ရဲ့ကြိုးပမ်းချက်ကလည်း မဖြစ်မနေ ထည့်တွက်ရမယ့်အချက်တစ်ခုပါ။ ဘေဂျင်းက မြန်မာကို လက်အောက်ခံပြည်နယ်တစ်ခုအလား ပိုပြီးဆက်ဆံလာတာကို တွေ့ရပါတယ်။ သူ့ရဲ့စီးပွားရေးအကျိုးအမြတ်အတွက် နိုင်ငံ့သယံဇာတများကို ထင်တိုင်းကြဲနေတယ်။ ဒါကြောင့် မြန်မာနိုင်ငံဗိုလ်ချုပ်များဟာ တရုတ်ပြည်ကို ပါဝါလွှဲပြောင်းအပ်နှင်းတာထက်စာရင် အရပ်သားအစိုးရနဲ့ အာဏာခွဲဝေလိုက်ခြင်းလမ်းကြောင်းကို နှစ်သက်ရွေးချယ်လိုက်ပုံရပါတယ်။ ရှေ့ဆက်ဆိုရရင် ဗီယက်နမ်နိုင်ငံရဲ့ တမဟုတ်ချင်း စီးပွားရေးဖွံ့ဖြိုးတိုးတက်လာမှု၊ အမေရိကန်နဲ့ နွေးထွေးရင်းနှီးတဲ့ဆက်ဆံရေးတွေကို သူတို့ တွေ့မြင်ခဲ့ရတဲ့အခါ “ငါတို့လည်း ဘာကြောင့် အဲ့လို မလုပ်နိုင်ရမှာလဲ” လို့ တွေးမိကြပါလိမ့်မယ်။ (တစ်ချိန်က ဗီယက်နမ်နိုင်ငံဟာ မြန်မာနိုင်ငံနဲ့ယှဉ်ရင် အဖက်ဖက်က မနှိုင်းသာအောင် နိမ့်ကျနေခဲ့လို့ပါပဲ)
အမေရိကန်ဟာ မြန်မာနိုင်ငံရဲ့တံခါးဖွင့်မှုကို ထောက်ခံကျားကန်ပေးမယ့် အကြောင်းတရားတွေ ရှိနေပါတယ်။ ပထမအချက်က – မြန်မာနိုင်ငံဟာ ဒေသတွင်း ပါဝါချိန်ခွင်လျှာ ထိန်းညှိရေးမှာ အဓိကကျတဲ့အခန်းကဏ္ဍက ပါဝင်နေလို့ ဖြစ်ပါတယ်။ ထိပ်တန်းအာဏာပိုင်တစ်ဦးကလည်း “ကမ္ဘာ့အကြီးဆုံးနိုင်ငံနှစ်ခုဖြစ်တဲ့ တရုတ်နဲ့အိန္ဒိယအကြားမှာ မြန်မာက ထိပ်တိုက်မတွေ့စေအောင် ကြားခံနေရာမှာ တည်ရှိနေတဲ့တိုင်းပြည်တစ်ခု ဖြစ်နေတယ်” လို့ ဆိုပါတယ်။ ဒါ့အပြင် မြန်မာဟာ တရုတ်ပြည်အတွက် အိန္ဒိယသမုဒ္ဒရာကို ဖြတ်သန်းရာ ကုန်းတွင်းလမ်းကြောင်းကြီးတစ်ခုလည်း ဖြစ်နေပါတယ်။ အိန္ဒိယသမုဒ္ဒရာဟာ တရုတ်ရဲ့ခြေလှမ်းကျယ်မှုနဲ့ တွန်းအားကို တိုးမြင့်ပေးနိုင်အောင် ကမ္ဘာ့ကုန်သွယ်ရေးနှင့် လောင်စာစွမ်းအင်စီးဆင်းရေးအတွက် အလွန်အရေးပါလှပါတယ်။ မြန်မာနိုင်ငံကို တရုတ်ဆန့်ကျင်သူဖြစ်လာဖို့ မျှော်လင့်မရတဲ့အတူ အမေရိကန်နဲ့အိန္ဒိယထောက်ခံသူဖြစ်လာဖို့သာ ကျွန်တော်တို့ ကူညီအားပေးသင့်ပါတယ်။
နောက်တစ်ချက်က မြန်မာနိုင်ငံဟာ အကြမ်းဖက်ဆန့်ကျင်မှုစစ်ဆင်ရေးကဏ္ဍမှာ သော့ချက်လက်တွဲဖော်တစ်ဦးလည်း ဖြစ်လာနိုင်ပါတယ်။ ဘာကြောင့်လဲဆိုတော့ အရှေ့အလယ်ပိုင်းနဲ့ အရှေ့တောင်အာရှအကြားက လမ်းဆုံလမ်းခွသဖွယ် ဖြစ်နေလို့ပါပဲ။ မြန်မာနိုင်ငံအနေနဲ့ တစ်ယူသန်ဂျိဟာဒ်ဝါဒီများရဲ့ လှုပ်ရှားမှုတွေ၊ မူးယစ်ကုန်ကူးတွေကို ကန့်သတ်ကိုင်တွယ်ပေးနိုင်ပါလိမ့်မယ်။ မြန်မာ့စီးပွားရေးခေါင်းဆောင်တွေရဲ့အဆိုအရ သဘာဝသယံဇာတများကလည်း ဒီနိုင်ငံကို အားကောင်းတဲ့ ကုန်သွယ်တိုင်းပြည်တွေထဲ အပါအ၀င် ဖြစ်စေနိုင်ပါသေးတယ်။
နောက်ဆုံးအားဖြင့် – မြန်မာနိုင်ငံဟာ အမေရိကန်အတွက် စိတ်ဓာတ်စစ်ဆင်ရေးကဏ္ဍမှာ သတင်းကောင်းဖြစ်စဉ်တစ်ရပ်ကို သယ်ဆောင်ပေးလာလို့ပါပဲ။ ဒေါ်စုကြည်အပေါ် နှစ်ဆတိုးထောက်ခံမှု၊ စီးပွားရေးပိတ်ဆို့မှု၊ သံတမန်ရေးရာဖိအားပေးမှုတွေက နှစ်ပေါင်း ၅၀ မတရားအုပ်ချုပ်ခြင်းနဲ့ ဖိနှိပ်ခြင်းကို လှည့်ပြောင်းသွားအောင် တွန်းအားပေး လမ်းကြောင်းပေးနိုင်ခဲ့ပါတယ်။ မြန်မာပြည်ဟာ တစ်ဝက်တစ်ပျက်လမ်းကြောင်းအပေါ် လျှောက်လှမ်းဆဲဖြစ်နေသေးသော်လည်း အခြားသော မွန်းတည့်ချိန်မှာနေ၀င်သွားကြတဲ့ အာဏာရှင်နိုင်ငံများတွက် စံပြနမူနာတစ်ရပ်အဖြစ် စွမ်းဆောင်ပြနိုင်ပါလိမ့်မယ်။ အချုပ်အားဖြင့် ဒီနိုင်ငံဟာ ဒီမိုကရေစီထွန်းသစ်စတိုင်းပြည်ဆိုတာထက် တစ်ချိန်က မြောက်ကိုးရီးယားနဲ့ ပိုပြီး နီးစပ်ဆင်တူနေခဲ့တာကြောင့် ဖြစ်ပါတယ်။
လုပ်စရာ အမြောက်အများကျန်နေသေးတာကတော့ သံသယ၀င်စရာ မရှိပါဘူး။ အုပ်ချုပ်ရေးအပိုင်းမှာ အခြေခံဥပဒေအကာအကွယ်ယူထားတဲ့ စစ်တပ်အပေါ် ပြတ်သားစွာ ကိုင်တွယ်မှု ပြုကိုပြုရဦးပါမယ်။ NLD အနေနဲ့ ဒီမိုကရေစီအရေးဆောင်ရွက်နေတဲ့အဖွဲ့ကနေ အာဏာရပါတီအဖြစ် အသွင်ကူးပြောင်းလာနိုင်ဖို့ လိုအပ်နေတယ်။ ပြည်တွင်းတိုင်းရင်းသားပဋိပက္ခအရေးကလည်း ရတက်အေးရတဲ့ အခြေအနေမှာ ရှိမနေသေးပါဘူး၊ အပစ်အခတ်အဆုံးသတ်ရေးကို ကျယ်ကျယ်ပြန့်ပြန့် ဖော်ဆောင်ထိန်းသိမ်းသွားဖို့က ပါတီရဲ့စွမ်းရည်ပေါ် များစွာ မူတည်နေပါတယ်။ ရိုဟင်ဂျာမွတ်စ်လင်မ်လူနည်းစုရဲ့ အနေအထားက ဆိုးရွားနေဆဲဖြစ်သလို ခွဲခြားချိုးနှိမ်ခြင်းကိုလည်း တရားဝင်ရော တရားမ၀င်ပါ ခံနေရဆဲဖြစ်တယ်။ အကျင့်ပျက်ခြစားမှုက အမြစ်တွယ်ပြီး ပြင်းထန်နေဆဲအပြင် စီးပွားရေးပြုပြင်ပြောင်းလဲဖို့ကလည်း လိုအပ်ချက်တစ်ရပ် ဖြစ်နေပြန်ပါတယ်။
ဒီစိန်ခေါ်ချက်တွေနဲ့ပတ်သက်ပြီး မြန်မာကို ကူညီနိုင်ဖို့ဆိုရင် အမေရိကန်ဟာ ရေတိုအမြင်ရဲ့သားကောင် အဖြစ်ခံလို့မရပါဘူး။ ဒီသမိုင်းဝင်ရွေးကောက်ပွဲဟာ အလှည့်အပြောင်းလှပပြီး ကမ္ဘာသိဖြစ်ရပ်တစ်ခုပါ။ ဒီမိုကရေစီအင်အားစုတွေ အားကောင်းဖို့ ကျားကုတ်ကျားခဲ လုပ်ဆောင်နေစရာ မလိုတော့ပါဘူး။ မြန်မာပြည်ထဲက အဲ့ဒီအရှိန်အ၀ါကိုသာ အမေရိကန်က ဆက်လက် အရှိန်မြှင့်တင်ပေးသွားရမှာဖြစ်ပါတယ်။ အထင်ကရဖြစ်တဲ့အရေးအရာများအပေါ်
ကျစ်ကျစ်လစ်လစ် တိုးတက်လာစေဖို့ ကျန်ရှိနေဆဲ အမေရိကန်ပိတ်ဆို့မှုများ ဖယ်ရှားရေးနဲ့စပ်လျဉ်းလို့ ကျွန်တော်တို့ဟာ အစိုးရသစ်နဲ့ရော စစ်တပ်နဲ့ပါ လက်တွဲလုပ်ဆောင်နိုင်ရမှာဖြစ်ပါတယ်။ ရိုဟင်ဂျာတွေအပေါ် ဆက်လက်ခွဲခြားချိုးနှိမ်မှုထောင်ချောက်ထဲက လုံခြုံရေးကိစ္စ၊ ကျင့်ဝတ်ကိစ္စများကို သိနားလည်အောင် ပြုလုပ်ပေးရပါမယ်။ နိုင်ငံခြားက တိုက်ရိုက်ရင်းနှီးမြှုပ်နှံမှု မြန်မာပြည်ထဲ ရောက်လာအောင် အားပေးဖော်ဆောင်ဖို့၊ အုပ်ချုပ်ရေးဆိုင်ရာနဲ့ နည်းပညာဆိုင်ရာတွေကို အထောက်အကူရရှိဖို့ ကျွန်တော်တို့ ဆောင်ရွက်ပေးနိုင်ပါတယ်။
မြောက်များစွာသော NLD ရဲ့ ရွေးချယ်ခံအမတ်တွေဟာ နိုင်ငံရေးအကျဉ်းသားဟောင်းတွေပါ။ “ခွင့်လွှတ်ပါ၊ သို့သော် မမေ့ပျောက်လိုက်နဲ့” ဆိုတဲ့ အဆိုအပေါ် သူတို့က စောင့်ထိန်းကျင့်သုံးသွားမှာဖြစ်ကြောင်း ကျွန်တော်တို့ကို ပြောပြပါတယ်။ ဒီထူးခြားအတွေးအခေါ်ဟာ မြန်မာနိုင်ငံထဲက ပြန်လည်ရင်ကြားစေ့ရေးအတွက် အကောင်းဆုံးမျှော်လင့်ချက် ဖြစ်ရုံသာမက အမေရိကန်မူဝါဒအတွက် လမ်းညွှန်တစ်ရပ်လည်း ဖြစ်ပါကြောင်း သုံးသပ်တင်ပြလိုက်ရပါတယ်။
Ref : CNN
(Tom Cotton ၏ Why U.S should back change in Myanmar ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)
