(၁-ဦးဘသိန်း(ပီကင်းပြန်)၊ ၂-ဦးခလေး၊ ၃-ဦးအေးမောင်၊ ၄-ကိုစလေမံ၊ ၅-ကိုခင်မောင်၊ ၆-ကိုဗိုလ်ကြီး)
(25.7.72-ခု)
ခြင်းဦးဘသိန်းကို မန္တလေးမြို့ ၈၄-လမ်း လက်ဆည်ကန်ရပ်၊ ချင်းတွင်း ကုန်သည်ကြီး ဦးဖိုးသက်၊ ဒေါ်အိတို့မှ ၁၉၁၆-ခု ဇွန်လ ၂၉ ရက် ကြာသပတေးညတွင် မွေးဖွားသည်။ မွေးချင်းများအနက် ဆဋ္ဌမမြောက်ဖြစ်သည်။ သာသနာဘွဲ့မှာ မုဟမ္မဒ်ကာစင် ဖြစ်သည်။
ငယ်စဉ် ကျောင်းသားဘ၀မှစ၍ ခြင်းခတ်ဝါသနာ ပါသည်။ မန္တလေးမြို့ ဗဟိုအမျိုးသားကျောင်းတွင် ၁၉၃၄-ခု အဋ္ဌမတန်းအထိ ပညာဆည်းပူးခဲ့သည်။ ၁၉၄၂-ခု ဒုတိယကမ္ဘာစစ်တွင် စဥ့်ကိုင်မြို့နယ် ဟင်းငူရွာသို့ မိသားစု စစ်ပြေးသောအခါ ဦးဘသိန်းသည် ခြင်းလုံးများကိုပါ သယ်ယူသွားသည်။ စစ်ပြေးဘ၀နှင့်ပင် ဟင်းငူရွာ ဗုံးအိုးရွာ၊ ဒေါ်နခြံရပ်တို့တွင် ခြင်းခတ် မပြတ်ခဲ့ပေ။
ဦးဘသိန်းသည် ၁၉၅၂ မှ ၁၉၆၀ ပြည့်နှစ်အထိ မန္တလေးခရိုင် ခြင်းခတ်အသင်း၊ မန္တလေးဝါဆိုခြင်းခတ်အသင်းတို့တွင် အတွင်းရေးမှူး အဖြစ် တာဝန်ထမ်းဆောင်ခဲ့သည်။ ၁၉၅၆-ခု ရန်ကုန်မြို့ အိုလံပစ်ပွဲတော်၊ ၁၉၅၆ ခုနှစ်နှင့် ၁၉၅၇ ခုနှစ် ခရိုင်ပေါင်းစုံ တံခွန်စိုကပြိုင်ပွဲ မန္တလေးနှင့် တောင်ကြီးမြို့တို့တွင် ဦးဘသိန်းပါဝင်ကစားသော မန္တလေးခရိုင် ခြင်းအသင်းက ပထမ တံခွန်စိုက်ရခဲ့သည်။
၁၉၅၆-ခု ရန်ကုန်အောင်ဆန်းကွင်း၊ ၁၉၅၉-ခု တောင်ကြီး မြို့၊ ၁၉၆၀ ပြည့်နှစ် ရန်ကုန်မြို့၊ ၁၉၆၂-ခု မြင်းခြံမြို့တို့၌ ကျင်းပသည့် ခြင်းလုံးညီလာခံသို့ ဦးဘသိန်းသည် မန္တလေးခရိုင် ကိုယ်စားလှယ်အဖြစ် တက်ရောက်ခဲ့သည်။ ၁၉၆၀ပြည့်နှစ်မှစ၍ မြို့ရွာအသီးသီး၌ ကျင်းပသောခြင်းပွဲများသို့သွားရောက်ပြီး ခြင်းပွဲဒိုင်အဖြစ် ဆောင်ရွက်ပေးသည်။ ၀ိုင်းဖွဲ့အမှတ်ခတ် ပြိုင်ပွဲနှင့် ၀ိုင်းဖွဲ့အလှခတပြိုင်ပွဲနှစ်မျိုးတွင် ပရိသတ်ကြားအောင် မျိုးအော်၍ အမှတ်ပေးမဖြစ်သော အလှခတပြိုင်ပွဲသည် ပရိသတ် မကျေနပ်မှုရှိသည့်အခါ အငြင်းပွားရမြဲဖြစ်သည်။ ထို့ကြောင့် အလှခတ်ပြိုင်ပွဲ ကို ရုပ်သိမ်းပေးရန်အထိ အဖွဲ့ချူပ်က ခရိုင်များသို့ အကြံတောင်းခံခဲ့ရသည်။
ဦးဘသိန်းက ၁၉၆၀ ပြည့်နှစ် ရန်ကုန်အောင်ဆန်းကွင်းတွင် ကျင်းပသည့် ခြင်းညီလာခံ၌ မန္တလေး၊ ခရိုင်ခြင်းအဖွဲ့ကို အလှခတ်စေပြီး ကိုယ်တိုင်အော်၍ အမှတ်ပေးသည့် မူစနစ်ကိုတင်ပြခဲ့ရာ အဖွဲ့ချူပ်က လက်ခံအတည်ပြုပြီး ယနေ့တိုင် ဦးဘသိန်းတီထွင်သောစနစ်ဖြင့် အမှတ်ပေးလျက်ရှိသည်။ ၁၉၅၉-ခုနှစ် မန်းရာပြည့်ပွဲတော်ကြီးကို ရာပြည့်ကွင်း၌ ၁၀ ညကျင်းပခဲ့ရာ မန္တလေးခရိုင် ချင်းအဖွဲ့မှ အလှခတ်ပွဲများဖြင့် ဖြေဖျော်သည်။
ခရိုင်အတွင်းရေးမှူး ဦးဘသိန်းသည် မြန်မာနိုင်ငံတွင် ခြင်းခတ်ကွက် ခတ်ဟန်များကို အသံချဲ့စက်ဖြင့် ပထမဦးဆုံး သရုပ်ဖော်စကားပြောပေးခဲ့သူဖြစ်သည်။
၁၉၆၀-ပြည့် အောက်တိုဘာလတွင် တရုတ်မြန်မာနယ်နိမိတ် သတ်မှတ်ရေး အောင်ပွဲကျင်းပရာ မြို့တော်ပီကင်းတွင် လူထု တစ်သိန်းကျော်ရှေ့ ဦးဘသိန်းအပါအ၀င် လက်ရွေးစင် ၆-ဦး တို့ ခြင်းယိုင်အလှပြ ကစားခဲ့ကြသည်။ တရုတ်ပြည် ပီကင်း၊ ရှင်ယန်း၊ နန်ကင်း၊ ရှန်ဟဲ၊ဟန်ချို၊ ကွမ်တုံ၊ ကူမင်းမြို့ကြီး များ၌ ၃၈-ရက်ကြာ နေထိုင်ပြီး မြန်မာ့ရိုးရာခြင်းယိုင်အလှ ခတ်ပြခဲ့ကြသည်။
ခြင်းဦးဘသိန်းသည် အားကစားသာမက အဟောအပြော အရေးအသား၌လည်း အောင်မြင်သည်။ စာပေလောကသို့ ၁၉၅၇-ခုနှစ်ထုတ် လူထုဂျာနယ်မှစ၍ ၀င်ရောက်ခဲ့သည်။ လူထုဂျာနယ်တွင် ခြင်းလုံး၊ မြန်မာ့ ကိုယ်ပိုင်အားကစားဆောင်းပါးများကို ၄-လ ဆက်တိုက် ရေးသားတင်ပြခဲ့သည်။ ဗဟိုစည်သတင်းစာ၌ ဆောင်းပါး ၃-ပုဒ်၊ လုပ်သားပြည်သူ့နေ့စဉ်သတင်းစာ၌ ဆောင်းပါး ၃-ပုဒ်၊ လူထု၌ ၂-ပုဒ်၊ ဟံသာဝတီ ၌ ၁၀-ပုဒ်၊ မန္တလေး ရွှေသွေး၊ တံခွန်၊ ရှုမ၀၊ ဖြူနီညိုပြာ၊ မန္တလေးဝိဇ္ဇာနှင့် သိပ္ပံမဂ္ဂဇင်း စသည့် မဂ္ဂဇင်း၊ စာစောင်များတွင် ဆောင်ပါး ပေါင်း ၅-ပုဒ် ရေးသားသည်။
၁၉၆၄-ခုနှစ်တွင် မြန်မာ့ခြင်းခတ်နည်းတစ်ရာ စာအုပ်ကို ဦဘိုကြီးနှင့် တွဲဖက်ရေးသား ထုတ်ဝေသည်။ ၁၉၇၀-ပြည့်နှစ် မေလ မန္တေ လးဝိဇ္ဇာ နှင့် သိပ္ပံတက္ကသိုလ် ခန်း မ၌ ကျင်း ပသော ကွန်သာသာယာ စာတမ်း ဖတ်တွင် ဦး ဘသိန်းး သည် မြန်မာ့ာ့  ခြင်းးလုံးးသမိုင်း စာတမ်း ကို ဖတ်ကြားခဲ့သည်။ ခြင်းနှင့်ပတ်သက်သော သမိုင်းဝင်ပစ္စည်းများ၊ ဓာတ်ပုံများပါ ပြသခဲ့ သည်။
သမိုင်းပါမောက္ခကြီး ဒေါက်တာသန်းထွန်းက သဘောကျ၍ နောက်တစ်လအကြာ ဇွန်လတွင် မန္တလေးတက္ကသိုလ် အားကစား၌ ယင်းစာတမ်းဖတ်ပွဲနှင့် ပြပွဲကို ထပ်မံကျင်းပခဲ့သည် ။
၁၉၇၇-ခုနှစ် မန္တလေးဟံသာဝတီသတင်းစာတိုက် ဘိုးဝဇီရာ ခန်းမ၌ မြန်မာ့ရိုးရာခြင်းပညာ စာတမ်းဖတ်ခြင်း၊ ခြင်းပညာ စာအုပ်အမျိုးမျိုးနှင့် ဓာတ်ပုံများပြသခြင်း၊ အမျိုးသားအမျိုးသမီး ခြင်းဝိဇ္ဇာများနှင့် လက်တွေ့ခတ်ပြခြင်းတို့ဖြင့် ခြင်းပညာကို ရှင်းလင်းပြသခဲ့သည်။ ၁၉၇၅-ခု အုတ်တန်းရပ် ဂရိတ် ဗုဒ္ဓဘာသာခြင်းလုံး အသင်းကြီး၏ ရွှေရတုသဘင်၊၁၉၇၈-ခု ဘုရားကြီးး ၄၅ တာတွင် ကျင်း ပသော ၀ါဆြိုခင်း ပွဲရွှေရတုသဘင်တို့တွင် ခြင်းသမိုင်းဟောပြောပွဲများနှင့် ပြပွဲများ ကျင်းပပေးခဲ့သည်။ ၁၉၈၁-ခုနှစ်တွင် မြန်မာ့ခြင်းလုံးသမိုင်းစာအုပ်ဖြင့် စာပေဗိမာန် စာမူဆု သုတပဒေသာ (၀ိဇ္ဇာပညာရပ်) ပထမဆုကို ဆွတ်ခူး ရရှိခဲ့ပါသည်။
မြန်မာ့ခြင်းလုံးသမိုင်းစာအုပ်တွင် ၁။ ခြင်းလုံး၏မူလအစ၊ ၂။ အညောင်းပြေမှ ဖျော်ဖြေမှုသို့၊ ၃။ ဖျော်ဖြေမှုမှ အားကစားသို့။ ၄။စစ်ပြီးခေတ် ခြင်းလုံးလောက၊ ၅။ မြန်မာ့ခြင်းလုံးနှင့် ပြည်ပခရီး၊ ၆။ ခြင်းခတ်ပညာ တိုးတက်လာခြင်း၊ ၇။ ခြင်းခတ်ပညာ ဆုတံဆိပ်နှင့် ဘွဲ့တံဆိပ်များ၊ ၈။ တပ်မတော်နှင့် ကျောင်းပေါင်းစုံ ခြင်းခတပြိုင်ပွဲများ၊၉။ ပြည်သူ့ရဲတပ်ဖွဲ့ ခြင်းခတပြိုင်ပွဲများ၊ ၁၀။ ခြင်းလုံးဒိုင်လူကြီးနှင့် နည်းပြသင်တန်းများ၊ ၁၁။ ပြိုင်ပွဲစည်းမျဉ်းဥပဒေများ၊ ၁၂။ ခြင်းလောက၏ ရှေ့ဆောင်များဟူ၍ အခန်း ၁၂ ခန်းဖြင့် ခြင်းပညာကို သာမကဆက်စပ်ရာရာကို သုတေသနပြု တင်ပြထားသည်။ စာအုပ်ရှေ့ပိုင်းတွင်ဦးမောင်မောင်တင် (မဟာဝိဇ္ဇာ)၏ အမှာ၊ ခြင်းလုံး အဖွဲ့ချူပ် နာယကကြီးဦးအောင်တိုး၏အမှာနှင့် စာရေးသူ၏အမှာတို့ ပါရှိသည်။ နောက်ဆက်တွဲအဖြစ် ခြင်းလုံးဝေါဟာရ ရှင်းလင်းချက်၊ ခြင်းလုံး ရက်စွဲစဉ် သမိုင်းကျမ်းကိုးစာရင်းများပါ ပါရှိသည်။ ပညာရပ်ကို နှံ့စပ်ပိုင်နိုင် ရရုံမျှမက ကျမ်းပြုတင်ပြဟန်လည်း စနစ်တကျ ရှိလှသည်။
သုတေသီပညာရှင်ကြီး ဦးမောင်မောင်တင် (မဟာဝိဇ္ဇာ)က-‘ခြင်းဦးဘသိန်းသည် သာမန်ခြင်းဝါသနာပါသူမျှ မဟုတ်ဘဲ သုတေသီစိတ် ပြင်းပြသူတစ်ဦး ဖြစ်သည့် အားလျော်စွာမိမိစိတ်ဝင်စားသော ခြင်းလုံးသမိုင်းကို မြန်မာစာပေနှင့် နိုင်ငံခြားမှတ်တမ်းများမှ မွှေနှောက်ရှာဖွေ သုတေသနပြုကာ တင်ပြထားပေသည်။
ထို့ကြောင့် ခြင်းဦးဘသိန်း၏ သမိုင်းအထောက်အထားများသည် လက်လှမ်းမီသမျှ အလွန်ပင် ပြည့်စုံလှပေသည်။ အမရပူရမြို့တည် နန်းတည် ဘိုးတော်ဘုရား ဗဒုံမင်းလက်ထက် ၁၁၅၃-ခုနှစ် အမိန့်တော်အရ ခြင်းပွဲကို ပီပီပြင်ပြင် မှတ်တမ်းတင်ထားခြင်းကို ဖော်ပြထား ရှိပေသည်။ ဦးဘသိန်း ခြင်းဝါသနာမှာ သူမတူအောင်ဖြစ်ကြောင်းကိုခြင်းလုံးသမိုင်းက သက်သေပြနေပါသည်’ ဟူ၍ နိဒါန်းတွင် ဖော်ထုတ်ချီးကျူးးထားပါသည်။
ဦးဘသိန်းသည် မြန်မာမှုကို မြတ်နိုးသည့် မြန်မာ မွတ်စလင်ကြီးဖြစ်သည်။ မြန်မာမှုအနုပညာနှင့်ပတ်သက်၍ နိုင်ငံကို အကျိုးပြုခဲ့သည်။
ထို့ကြောင့် ဆရာကြီး ဦးမောင်မောင်တင် (မဟာဝိဇ္ဇာ)ကပင်- ‘ခြင်းဦးဘသိန်းသည် မန္တလေးသားဖြစ်သည်။ တိုင်းရင်းသား မြန်မာ မွတ်စလင်အမျိုးသားဖြစ်သည်။ သို့တစေ တကယ့် မြန်မာ့စိတ် မြန်မာ့ဟန်နှင့် နေထိုင်သူ ဖြစ်သည်။ မြန်မာစာပေ၊မြန်မာအနုပညာကို လေးစားသည်။ ခြင်းလုံးနှင့်ပတ်သက်သော
စာဟူသမျှ ရှာကြံသည်။ ဖတ်သည်။’ဟုလည်းကောင်း၊’တစ်ဖန် ၁၉၆၉-ခုနှစ်တွင် ပုံနှိပ်သော ဆဋ္ဌမတန်း၊ မြန်မာဖတ်စာသင်တွင် သရေခေတ္တရာမှ ရသောငွေခြင်းလုံးနှင့် စပ်လျဉ်းပြီး ဘောဘောကြီးစေတီ ဌာပနာမှမဟုတ်ကြောင်း၊ ၁၉၂၆ ခုနှစ် ပြည်ခရိုင်မှော်ဇာမြို့နယ် ခင်ဗကုန်းမှရသောခြင်းလုံးဖြစ်ကြောင်း၊ ၁၅-၃-၇၀ နေ့ထုတ် ဟံသာဝတီသတင်းစာတွင်လည်း ကျောင်းသူကျောင်းသားများအတွက် အမှန်ကို ပြုပြင်ပေးရန် တင်ပြခဲ့လေသည်။ ပညာရေးဌာနသို့လည်း အခါအားလျော်စွာ အကြံပြုသည်သာ’ဟု လည်းကောင်း သုံးသပ်တင်ပြခြင်းဖြစ်သည်။ ဦးဘသိန်းသည် ခြင်းခတ် ပညာရှင်သာမက သုတေသီကြီးလည်း ဖြစ်ကြောင်း ထင်ရှားပါသည်။
ဦးဘသိန်းသည် ၁၉၈၂-ခုနှစ် အမရပူရ ရတနာဂူခြင်းပွဲ၊ အိမ်တော်ရာခြင်းပွဲတို့တွင် ခြင်းသမိုင်း ဟောပြောပွဲများနှင့် ခင်းကျင်းပြသပွဲများကို ဦးဆောင် ကျင်းပပေးခဲ့သည်။ ခြင်းပညာ မတိမ်ကောစေရန်၊ တည်တံ့ထွန်းကားစေရန် မိမိ၏ခြင်းပညာကို မိမိ၏သမီးလေးအား ဆက်ခံစေသည်။
၁၉၇၅-ခုနှစ်တွင် ကျင်းပသည့် ၄၅-ကြိမ်မြောက် ၀ါဆိုခြင်းပွဲမှ အစပြု၍ ခြင်းဦးဘသိန်း၏ သမီး ၁၁-နှစ်အရွယ် ပဉ္စမတန်းကျောင်းသူခင်အေးမူသည် ခြင်းကို ခြေဖျားနှင့်တော့လျက် ကြိမ်ကွင်းကလေးများဖြင့် အလှခတ်ကစားပြခဲ့သည်မှ စတင်ပြီး ခြင်းလုံးလောကသို့ ၀င်ရောက်လာသည်။ နိုင်ငံခြား၌ ခတ်ကစားကြသော ယိုးဒယားခြင်းလုံး၊ စင်္ကာပူနိုင်ငံတွင်ခတ်ကစားသော အပေါက်မပါသည့် ခြင်းလုံး၊ တရုတ်ပြည်နှင့် ကမ္ဗောဒီးယားပြည်တွင် ခတ်ကစားကြသည့် ကြက်တောင် စသည်တို့ကိုလည်း ခတ်ကစားပြသည်။
ရွှေမန်းသူခင်အေးမူအမည်ကိုခံယူလျက် ခြင်း လုံး ဖိတ်ပွဲများ လက်ခံ၍ ၀ိုင်းဖွဲ့ခတ်ကစားခြင်းနှင့် တစ်ပင်တိုင်ခတ်ပါ ပူးတွဲခတ် ကစားပါသည်။ ၁၉၈၇ ခုနှစ်တွင် မန္တလေးတက္ကသိုလ် လက်ရွေးစင်းခြင်းအဖွဲ့တွင်ပါဝင်၍ ပြိုင်ပွဲများနှင့် အလှခတ်ပွဲများ၌ ခတ်သားတစ်ဦးအဖြစ်ဖြင့် အမျိုးသားများနှင့်အတူ ခတ်ကစားပါသည်။ တိုင်းရင်းသူမွတ်စလင် အမျိုးသမီးများမှ ပထမဦးဆုံး ပေါ်ထွက်သော မြန်မာ့ရိုးရာခြင်းလုံး ကစားမယ်လေး ဖြစ်ပါသည်။
ပီကင်းပြန် ခြင်းဦးဘသိန်းသည် ၁၉၈၀ ပြည့်နှစ် အကြိမ် (၅၀) မြောက် မန္တလေးမြို့လုံးဆိုင်ရာ မဟာတမန်တော်နေ့ (ရွှေရတုသဘင်) ကျင်းပရေးနှင့် ဟစ်ဂျရီ ၁၄၀၀ ပြည့်၊ ၁၅-ရာစု အကြို ပူးတွဲဆင်ယင် ကျင်းပရေး ဗဟိုကော်မတီပြပွဲဆပ်ကော်မတီ၌ ခင်းကျင်းပြသသော အစ္စလာမ့်အနုပညာ ယဉ်ကျေးမှု လက်ရာပစ္စည်းများ၌ ဓာတ်ပုံမှတ်တမ်းများ၊ စာအုပ်စာပေများပြပွဲတွင် အမှုဆောင်အဖြစ် ပါဝင်ဆောင်ရွက်ခဲ့ပါသည်။
စွယ်စုံထူးချွန်သော ပညာရှင်ကြီး ဦးဘသိန်းသည် ၁၉၉၃-ခု ဇွန်လ၁၆-ရက် ဗုဒ္ဓဟူးနေ့ နံနက်တွင် အလ္လာဟ်အရှင်မြတ်အမိန့်တော် ခံယူသည်။ ဇနီးဒေါ်သက်တင်မှာ ခြင်းဦးဘသိန်း မကွယ်လွန်မီက ဆုံးပါးသွားသဖြင့် သားသမီး (၃) ဦး ကျန်ရစ်ခဲ့သည်။
