News @ M-Media

Category: ကဗြာ

  • ၀ဋ်လည်နေပြီ (ကဗျာ- M-Media Blog ကဏ္ဍ)

    ဇွန်လ ၇၊ ၂၀၁၃
    M-Media
    ရေးသူ – လောကပါလ

    wit

    ၀ဋ်လည်နေပြီ

    သာသနာ      – ကွယ်ပျောက်
    မေတ္တာ         – တိမ်းမှောက်
    ဂရုဏာ        – သက်ပျောက်
    အကြင်နာ    – လမ်းပျောက် ..သော် !

    အာဃာတ     – ထွန်းတောက်
    အမုန်းတရား  – မိုးမောက်
    အကြမ်းဖက်  – မီးတောက်
    ကြမ်းကြုတ်မှု – ရဲတောက် …ခဲ့ချေပြီ !

    ငြိမ်းသူ         – တစ်ယောက်
    ရှို့သူ        – တစ်သိုက်
    ကြည့်သူ        – ၀င်ရိုက်
    မြင်သူ        – ၀င်နိုက်
    ရှိသူ        – အိပ်ငိုက်
    ကြားသူ       – အော်လိုက်…ဖြစ်နေပြီ !

    မေတ္တာတရား – ထားကြကုန်ဟု
    ဆိုဆုံးမလည်း
    မေတ္တာ   – ခေါင်းပါး
    ကြင်နာ   – ကင်းမဲ့
    တရား    – ဝေးကွာ
    ထိုမိစ္ဆာသည်
    ၀ဋ်လည်နေလည်း
    ကျွဲပါးစောင်းတီး
    သတိမမူ – ဂူမမြင်ဘဲ
    ထပ်ဝဋ်လည်မည်
    ဆက်တိုက်တည် !
    (လောကပါလ)

    ဓါတ်ပုံ- Google

  • “အနီး(ဝေး)” (M-Media Blog ကဏ္ဍ-ကဗျာ)

    မေ-၁၉၊၂၀၁၃
    M-Media
    ရေးသူ-အိမ်ဝေးသူ(KZ)
    969760_155803247926088_626555751_n

    အမှန်အမှားနဲ့ အယူဝါဒအတွက်

    နှလုံးသွေးဆူပွက်…

    လျှာစောင်းထက်ထက် စကားလုံးသွက်သွက်တွေနဲ့ 

    တစ်ယောက်ကိုတစ်ယောက်…မမုန်းကြပါလျက်

    ငါတို့ တတွေ…

    အပျင်းပြေ….တိုက်ခိုက်ကြတယ်….

    ပြီးတော့…

    (အတိအလင်း ဝမ်းသာကြတယ်)…။။။

    ***************

    အဲဒီ

    အမှန်အမှားနဲ့ အယူအဆအတွက်ပဲ

    နှလုံးသားတွေ တဖြည်းဖြည်း အေးစက်

    ဥပေက္ခာတစ်ခြမ်း နာကျင်မှုတစ်ခြမ်းနဲ့ 

    တကယ့်…ဆန္ဒတွေ မပါကြပါလျက်

    ငါ..တို့ တတွေရဲ့ ..ရင်ဘတ်ချင်း…

    ဝေးသထက်..ဝေးသွားကြတော့တယ်

    ပြီးတော့….

    (တိတ်တိတ်ကလေး..ကြေကွဲကြတယ်)…။။။

    ***************

    ဘာသာစကားချင်းလည်း မတူညီကြဘူး

    ရင်ဘတ်ချင်းလည်း ကြိုးမညှိကြဘူး

    မလိုအပ်ဘဲ..အစတွေ စွဲထုတ်ရင်း…

    တကယ့်ကိုပဲ

    ငါတို့ တွေ…ဝေးခဲ့ကြတော့တယ်….

    ***************

    ကဲ….

    သူရဲဘောကြောင်တဲ့…နားလည်မှုဆိုတာကြီးရေ…

    ကျေးဇူးပြုပြီး

    ရောက်ရာအရပ်က အမြန်ဆုံး ပြန်လာပေးပါ

    (သတ္တိ ရှိရှိနဲ့့ပေါ့)…။။။

    ***************

    အိမ်ဝေးသူ (KZ)

  • မျက်ဝန်းနုမှ ညိုးဒဏ်ရာ (M-Media Blog ကဏ္ဍ- ကဗျာ)

    မေ-၃၊၂၀၁၃
    ရေးသူ- O’laie Manzu

    11
    မေလ ၃၀ ရက်နေ့က အကြမ်းဖက်မီးရှို့ဖျက်ဆီးခံရသော ဥက္ကံမြို့အနီးဝိုက် ရွာတရွာမှ ဝမ်းနည်းပူဆွေးနေသည့် မိခင်နှင့် ကလေးငယ်တို့ မြင်ကွင်းဖြစ်ပါသည်။
    Photo AP

    မြန်မာမွတ်စလင်အရေးဟာ
    အပြည်ပြည်ဆိုင်ရာအဖွဲ့အစည်းတွေ
    ရှေ့ပြေးနိုင်ငံကြီးတွေအတွက်တော့
    ကမ္ဘာအရပ်ရပ်မှာ တွေ့မြင်နေကျလို
    လူတစ်စုရဲ့ သေကြေပျက်စီးမှုဖြစ်ပေမယ့်

    အပြစ်မဲ့ရင်သွေး
    သမီးငယ်လေးအတွက်တော့
    ကမ္ဘာပြိုနေသလိုဘဲ။

    ကံကိုလည်း မပုံချ …
    ယုံကြည်ချက်ကိုလည်း အပြစ်မတင် …

    ဒါပေမယ့် …
    သမီးငယ်နဲ့ သက်တူရွယ်တူလေးတွေ
    ပြာပုံပေါ်က သွေးစက်တွေကို
    မမြင်တွေ့စေချင်။

    အခုတော့ …
    သေရာပါ ဒဏ်ရာတွေ
    နှလုံးသားနုနုတွေပေါ်မှာ
    ကဗျည်းတင်ခံလိုက်ရပြီ။

    မျိုးဆက်တွေ … တစ်ဆက်ပြီး တစ်ဆက် …
    အလှည့်ကျဝေဒနာ လက်ဆင့်ကမ်းပေးလိုက်ရပြီ။

    မိဘမျက်ရည်
    သမီးငယ်ရဲ့ မျက်ဝန်းက စီးဆင်းနေရပြီ။

    လူစိတ်ကင်းမဲ့သူတွေအကြား
    ကြီးပျင်းရတဲ့ ရင်သွေးငယ်လေးတွေရဲ့ဘဝကို
    လူဆိုတဲ့ အသိစိတ်နဲ့ စာနာပေးခဲ့ကြရင်
    ပါးနုနုပေါ်က အပြုံးတွေ
    မျက်ရည်တွေအဖြစ် အရည်ပျော်ခဲ့မှာမဟုတ်ဘူး။

  • ခင်ဗျားတို့ ခံစားဖူးသလား (M-Media Blog ကဏ္ဍ- ကဗျာ)

    မေ-၄၊၂၀၁၃
    ရေးသူ-Ree Na

    2
    Photo from- ကင်မရာနောက်ကလူ FB

    ခင်ဗျားတို့ ခံစားဖူးသလား
    တသက်လုံး ရှာထားသမျှတွေ မီးလောင်ပြင်မှာ လောင်ကျွမ်းနေတာကို မျက်ရည်စက်လက်နဲ့ ထိုင်ကြည့်နေရတဲ့ ခံစားချက်ကို

    ခင်ဗျားတို့ ခံစားဖူးသလား
    လင်သေ သားသေ တဲ့ မပဋာတွေရဲ့ မြေလူးရတဲ့ အဖြစ်မျိုးကို

    ခင်ဗျားတို့ ခံစားဖူးသလား
    ကိုယ့်ထမင်းကိုယ်ရှာစားနေရာကနေ သူများလာကျွေးမယ့် ထမင်းထုပ်ကို စောင့်မျှော်ရတဲ့ ခံစားချက်ကို

    ခင်ဗျားတို့ ခံစားဖူးသလား
    ဒီမှာမွေး ဒီမှာကြီးပြီး ဒီနိုင်ငံအတွက် အလုပ်လုပ်နေရင်းကနေ မင်းတို့ဟာ ဧည့်သည်ပါလို့ အပြောခံရတဲ့ အဖြစ်ကို

    ခင်ဗျားတို့ ခံစားဖူးသလား
    ယုံကြည်သက်ဝင်မှုတွေရဲ့ အထွဋ်အမြတ်တွေကို ဖျက်ဆီးခံရတဲ့အခါ ရင်ဘတ်တွေ အောင့်လာတဲ့ထိ ၀မ်းနည်းရတဲ့ သက်ဝင်သူတွေရဲ့ အဖြစ်ကို

    ခင်ဗျားတို့ ခံစားဖူးသလား
    ဘာဖြစ်လို့ ဖြစ်သွားမှန်း မသိလိုက်ခင်မှာ ရုပ် နဲ့ နာမ် တွဲရက်မရှိတော့ရတဲ့ အဖြစ်တွေကို …။

    ခင်ဗျားတို့ ခံစားဖူးသလား
    သူငယ်တန်းဘ၀ကနေ အလုပ်ခွင်ထဲ ၀င်တဲ့အထိ ဘယ်လောက်ပဲ ကြိုးစားကြိုးစား ဘယ်လောက်ပဲ တော်တော် အများနဲ့မတူသလို ခွဲခြားခံရတဲ့ အဖြစ်တွေကို

    ခင်ဗျားတို့ ခံစားဖူးသလား
    သားကို စိတ်မပူပါနဲ့ လို့ ပြောပြီး သေသွားတဲ့ ကလေးလေးအတွက် ဖြေဆည်ရာမရတဲ့ ကလေးအမေရဲ့ အဖြစ်ကို

    ခင်ဗျားတို့ ခံစားဖူးသလား
    ဘာအပြစ်မှ မရှိပါပဲ လက်နှစ်ဖက် ခေါင်းပေါ်တင်လို့ မျက်နှာအောက်ချပြီး ခေါင်းငုံ့ကာ ကိုယ့်မြို့ကနေကိုယ် ထွက်ခွာနေတာတောင်မှ ဆဲဆိုပြီး ခဲနဲ့ လှမ်းပစ်ခံရတဲ့ အဖြစ်တွေကို

    တခုလောက်ပဲ လူပီပီသသ ၀င်ခံစားကြည့် … ခင်ဗျားတို့ ရေးနေတဲ့ သတ်ပစ်ကွာ ချပလိုက် ဆိုတဲ့ အကုန် မီးရှို့ပစ်ရမှာဆိုတဲ့ စာလုံးတွေအတွက် ရှက်တတ်လာလိမ့်မယ်။

  • “လူထဲက…လူ” (M-Media Blog ကဏ္ဍ- ကဗျာ)

    မေ-၂-၂၀၁၃
    M-Media
    အိမ်ဝေးသူ (KZ)

    Lu

     
    လူ…ဆိုတာ
    လူ…ကို
    ကာကွယ်…ရမယ်။

    တကယ်ဆို
    “လူသားဆန်ခြင်း” မုခ်ဝ အောက်မှာ
    လူဟာ…အဖြူအမည်း ခွဲခြားစရာမလိုဘူး
    လူဟာ…ဟိန္ဒူ၊ ဗုဒ္ဓ အငြင်းပွားစရာမလိုဘူး
    လူဟာ…မွတ်စလင်မ်၊ ခရစ်ယာန် သွေးကွဲစရာမလိုဘူး။

    ခုတော့ကွယ်…
    လူ့မျက်နှာပျောက်နေတဲ့…..လူ
    လူ့ ဖြစ်တည်မှုကို မေ့လျော့ထားတဲ့…လူ
    လူ့ကျင့်ဝတ်ကို ဥပေက္ခာပြုထားတဲ့…လူ
    အဲဒီလူသေးသေးလေးတွေရဲ့ လူမဆန်မှုကြောင့်
    အခြား…လူသေးသေးလေးတွေရဲ့ ရင်ဘတ်ထဲက
    နှလုံးသားအကြီးကြီးတွေ ငိုချင်းချရတာ များလှပြီ။

    သြော်…
    လူ…လူ့ …လူး တွေကြောင့်
    လူး..လွန့်…လွန်း…နေရတဲ့…လူ့ ဘဝတွေများကွယ်။