Category: Our Perspectives

တိုင်းရင်း မွတ်စလင် ကလောင်ရှင် အသင်းအား ကြိုဆိုခြင်း

ဖေဖော်ဝါရီ ၃၊ ၂၀၁၄
M-Media
ရေးသူ- ဟာဂျီ-၀င်းအောင်

ကျနော်မွေးဖွါး ကြီးပြင်းနေထိုင်ခဲ့တဲ့ မြန်မာပြည်က မွတ်စလင်တွေရဲ့ အဖြစ်ကို စဉ်းစားလိုက်တိုင်း စိတ်မချမ်းသာ ဖြစ်ရတယ်။ နေ့စဉ်ကြားနေရ ဖတ်နေရ TV တွေထဲမြင်နေရရုံမက မနှစ်ကမြန်မာပြည်ကို အလည်ပြန်သွားတော့လည်း မျက်မြင်ကိုယ်တွေ့။ မြန်မာ့အသံမှာ အနှစ်(၂၀) VOA မှာ (၁၅)နှစ် ရေဒီယိုမော်စကိုမှာ (၃)နှစ် အသံလွှင့်ခဲ့ပြီး မြန်မာပြည်မှာ နိုင်ငံခြား သတင်းထောက်၊ ထိုင်းနိုင်ငံ ဘန်ကောက် အခြေစိုက် သတင်းထောက် လုပ်ခဲ့တော့ သတင်းနဲ့ ဘယ်လိုများ ကင်းလို့ ရနိုင်ပါ့မလဲ?

ဝမ်းသာအားတက်ဖွယ်ရာ

၂၁-၁၂- ၂၀၁၃ နေ့က ၀ါသနာတူ စိတ်တူသူများက တိုင်းရင်း မွတ်စလင် ကလောင်ရှင်အသင်း ( Native Muslim Writers’ Association) ဖွဲ့စည်းလိုက်ကြောင်း သတင်းကတော့ တကယ်ဝမ်းသာ အားတက်ဖွယ်ရာမို့ လှိုက်လှိုက်လှဲလှဲ ကြိုဆိုပါ ရစေ။ အထူးသဖြင့် ကလောင်ရှင်ဆိုတဲ့ နာမည်ရွေးပုံပါ။ ဥက္ကဌ ပသီဦးကျော်ဦးက Interview မှာ ရှင်းပြထားသလိုပါပဲ ကလောင်ဆိုတဲ့ စကားလုံးဟာ အနက်အဓိပ္ပါယ်လေးနက် ကျယ်ဝန်းပါတယ်။ တချိန်ကရှိခဲ့တဲ့ မြန်မာနိုင်ငံ စာရေးဆရာများ အသင်း၊ မြန်မာနိုင်ငံ သတင်းစာဆရာများအသင်း၊ မြန်မာနိုင်ငံ သတင်းထောက်များ အသင်းတို့က အသင်းဝင်တွေ အားလုံး ကလောင်ရှင်များဖြစ်ကြပါတယ်။

တေးဂီတမှာလည်း သီချင်း စာသားကို ကလောင်နဲ့ရေးရသလို အသံလွှင့်စာမူ၊ ရုပ်ရှင်ဇာတ်ညွှန်း၊ TV မှတ်တမ်းတို့ အားလုံး ကလောင်နဲ့ကင်းလို့လား? Media ခေါ်လူထု ဆက်သွယ်ရေး လုပ်ငန်းမှာခေတ်မီ နည်းပညာသစ်တွေ ဘယ်လောက် တည်ထွင်လာကြလာကြ ကလောင်ကတော့ ပါရစမြဲပါ။ ကျနော်ဒီဆောင်းပါးကို ကွန်ပျူတာမှာ keyboard နဲ့ရေးလို့ မေးစရာ ရှိလာပြီ၊ ကလောင်ကိုင်သလားလို့? စာစရေးတော့ငှက်တောင်မွေးနဲ့ရေးရာက မင်တံ၊ကျောက်တံ၊ ခဲတံ၊ ကလောင်တံ၊ဖောင်တိန်၊ဘောပင် ရယ်လို့ပြောင်းလဲလာသလို keyboard သည်လည်း ကလောင် စာရင်းဝင်တယ်လို့ ကျနော်ပြောရဲပါတယ်။

ရန်ကုန်တက္ကသိုလ်

          မြန်မာပြည်ခေတ်မီ တိုးတက်ရေးမှာ ရန်ကုန်တက္ကသိုလ်ဟာ အရေးပါတဲ့အခန်းက ပါဝင်ခဲ့တယ်။ ကလောင်ရှင် လေးတွေ မွေးဖွား လေ့ကျင်ဖို့နေရာကောင်းဖြစ်ပါတယ်။ ကမ္ဘာ့စာပေလောကနဲ့ ဆက်စပ်ပေးလို့လည်း အောင်မြင်တဲ့ သတင်းစာဆရာ၊ စာရေးဆရာ အများစုကိုကြည့်လိုက်ရင် ရန်ကုန် တက္ကသိုလ်မှာ နေဖူးသူများဆိုတာ တွေ့ရပါလိမ့်မယ်။ ပြင်ပမဂ္ဂဇင်းကြီးတွေမှာ ပါဝင်မရေးသားနိုင်သေးမီ စာပေ၀ါသနာရှင်တွေ ကလောင်သွေးဖို့ မဂ္ဂဇင်း စာစောင်တွေကနေပြီး ကလောင်သွေး အားယူခဲ့ကြရတယ်။

တက္ကသိုလ် အာဏာပိုင်များရဲ့ ငွေကြေးအထောက်အပံ့နဲ့ ထုတ်ဝေတဲ့ ရန်ကုန်တက္ကသိုလ်နှစ်လည် မဂ္ဂဇင်းကတော့ အကြီးမားဆုံးပါ။ ရန်ကုန်တက္ကသိုလ် ကျောင်းသားများ သမဂ္ဂ တ-က-သ ထုတ်ဝေတဲ့ အိုးဝေ မဂ္ဂဇင်း၊ ခွပ်ဒေါင်းရဲ့အသံပါ။ ရန်ကုန်တက္ကသိုလ်မှာ လာဆုံကြတဲ့ကျောင်းသူကျောင်းသားတွေ တူညီမှုပေါ် အခြေခံကာ အသင်းအဖွဲ့ကြတယ်။ ရှမ်းပြည် ကျောင်းသူကျောင်းသားများအသင်း၊ ပဲခူးခရိုင်ကျောင်းသူကျောင်းသားများ အသင်း၊ သမိုင်းကျောင်းသားများအသင်း တို့ထဲ ရန်ကုန်တက္ကသိုလ် မူစလင်ကျောင်းသူကျောင်းသားများအသင်း Rangoon University Muslim Students’ Association လည်းကနဦး ကတည်းကပါခဲ့တယ်။

မူစလင်မဂ္ဂဇင်း

          အသင်းအဖွဲ့တွေထဲက နှစ်လည်မဂ္ဂဇင်းစာစောင်ထုတ်ကြတဲ့အခါ ဆောင်းပါး၊ ၀တ္ထု၊ကဗျာ စတဲ့ရသစာပေများနဲ့ အတူသက်ဆိုင်ရာ အသင်းရဲ့လုပ်ငန်းဆောင်တာများကိုလည်း အထူးနေရာပေးဖော်ပြကြတယ်။ မဂ္ဂဇင်းထုတ်ရခြင်းရဲ့ အဓိကရည်ရွယ်ချက်မို့ပါ။ အဲဒါကြောင့်လည်း မဂ္ဂဇင်းနာမည်ပေးတဲ့အခါ မိမိတို့အသင်းမှန်းသိအောင် ပေါ်လွင်စေရတယ်။ အဲဒါကြောင့်လည်း ရန်ကုန်တက္ကသိုလ် မူစလင်ကျောင်းသူကျောင်းသားများ အသင်း Rangoon University Muslim Students’ Association ကထုတ်ဝေတဲ့ နှစ်လည်စာစောင်ကို မူစလင် မဂ္ဂဇင်းလို့ ခေါ်တွင်စေတာဖြစ်ပေလိမ့်မယ်။

မူစလင်ကျောင်းသူကျောင်းသားများက အသင်းဖွဲ့ကြတယ်၊ အဲဒီအသင်းက စာစောင်ထုတ်တယ်၊ ဘယ်သူတွေ ထုတ်တာလဲ? ဘယ်သူတွေလုပ်တာလဲ? မူစလင်တွေထုတ်တာ၊ မူစလင်တွေလုပ်တာ၊ အဲဒါကိုပေါ်လွင်စေဖို့ အဓိကပါ။ အဲဒါကြောင့် မူစလင်မဂ္ဂဇင်းလို့ နာမည်ပေးတာပါ။ မူစလင်ဆိုတဲ့ အမှတ်အသား၊ သင်္ကေတ၊ Identity မမေ့ဖို့ အင်မတန်မှ အရေးကြီးတယ်လို့ ကျနော်ပြောပါရစေ။

ဓါတ်ပုံ- ရန်ကုန်တက္ကသလို မွတ်စလင်မဂ္ဂဇင်း စာအုပ်မှ

စာဖတ်သူနဲ့စာရေးသူ

          စာရေးသူတယောက်ရဲ့ ရေးသားချက်ထဲမှာ ပါဝင်တဲ့ အမြင်သဘောထားကို စာဖတ်သူတို့ စဉ်းစားသုံးသပ်တဲ့အခါ စာရေးသူ ဘယ်သူဘယ်ဝါဆိုတာ သိထားရင် ပိုကောင်းပါလိမ့်မယ်။ အမြင်ချင်းတူတာ မတူတာ အပထား။ လက်ခံချင်တာ လက်မခံနိုင်တာက စာဖတ်သူရဲ့ကိုယ်ပိုင် လွတ်လပ်ခွင့်ပါ။ ကျနော်ဟာ အနှစ်(၅၀) ကျော် ကလောင်ကိုင်လာတဲ့ အသက် (၇၈)နှစ်ပြည့်သူ၊ နေရာဒေသ နိုင်ငံများ ကိုရောက် ခေတ်အဆက်ဆက်ကို ဖြတ်သန်းခဲ့ရလို့ ဆုံခဲ့ရတဲ့အတွေ့အကြုံတွေကို တိုင်းရင်းမွတ်စလင် ကလောင်ရှင်အသင်း ( Native Muslim Writers’ Association) က အလိုရှိပါလျှင် ဝေငှလိုတဲ့စိတ် ရင်ထဲမှာ ပေါ်လာတဲ့အတွက်ကြောင့် ဒီဆောင်းပါးကိုရေးတာပါ။

လူတယောက် ကလောင်ကိုင်လို့ ကလောင်ရှင်အဖြစ်ခံယူလိုက်ကတည်းက တာဝန်ကြီးလာပြီ၊ ဆောင်ရန်တို့ ရှောင်ရန်တို့ ရှိလာပါပြီ။ အဲဒီထဲမှာ ကလောင် ကျင့်ဝတ်ဆိုတာ အင်မတန်အရေးကြီးလို့ မပျက်မကွက်စောင့်ထိန်းရတယ်။ The Ethics of Professional Writers ဆိုတာပါ။ အဒီထဲက တချက်ကတော့ အရင်က ရှိခဲ့တဲ့ရေးသားချက်ကို ကိုးကားတဲ့ အခါမှာ မူလအတိုင်း မပြင်မဆင်ပဲ ရေးရမယ်လို့ အတိအလင်း ဆိုထားပါတယ်။ အဲဒါကြောင့် ထိုခေတ်ထိုအခါက သုံးစွဲခဲ့တဲ့ မူစလင်လို့ရေးရခြင်းဖြစ်ပါတယ်။ ဒီကနေ့ မွတ်စလင်လို့ရေးနေကြလို့ ကျနော်လည်း မွတ်စလင်လို့လိုက်ပြီးရေးနေပါပြီ။ တိုင်းရင်းမွတ်စလင် ကလောင်ရှင် အသင်းကလည်း မွတ်စလင်လို့ သုံးတဲ့အတွက် ကြိုဆိုပါတယ်။ ခိုင်ခိုင်မာမာ ဆုပ်ကိုင် ထားပါလို့ တိုက်တွန်းပါရစေ။ ကျနော်ကတော့ သေခါနီးပြီမို့ ငြင်းဖို့ခုံဖို့ ခွန်အားမရှိတော့ပါ၊ သန်စွမ်းနေကြသေးသူများ အနေနဲ့လည်း ယနေ့မွတ်စလင်တွေရဲ့ အခြေအနေကို သတိရကာ မွတ်စလင်ဆိုတဲ့ စကားလုံးကို သဘောတူ လက်ခံကြ စေလိုပါတယ်။

မူစလင်မဂ္ဂဇင်းကမွေးပေးလိုက်သူပါ

          ၁၉၅၃ ခုနှစ်မှာ ကျနော် ရန်ကုန်တက္ကသိုလ်ကိုရောက်ပါတယ်။ နောက်နှစ်ကျတော့ ကိုလှမောင် ဥက္ကဌအဖြစ် ဆောင်ရွက်တဲ့ ရန်ကုန်တက္ကသိုလ် မူစလင်ကျောင်းသူကျောင်းသားများအသင်း Rangoon University Muslim Students’ Association အမှုဆောင်အဖွဲ့မှာ လက်ထောက် စာကြည့်တိုက်မှူးအဖြစ် ရွေးကာက်ခံရလို့ စာပေ၀ါသနာ ကြီးထွားရင့်သန်ဖို့ အခွင့်အလမ်းသာစေခဲ့တယ်။ မဂ္ဂဇင်းတာဝန်ခံ ကိုလှတင်(ကလောင်ရှင် ကေတု ၀င်းတင့်) နဲ့လည်း အသိဖြစ်လိုက်တယ်။

၁၉၅၅-၅၆ ခုနှစ် အမှုဆောင်အဖွဲ့မှာ ကျနော်တွဲဘက်အတွင်းရေးမှူး ဖြစ်လာပြီး၊ မဂ္ဂဇင်းတာဝန်ခံ ဆက်ဖြစ်တဲ့ ကိုလှတင် တက်နေတဲ့ အင်ဂျင်နီယာ မဟာဌာန Faculty Engineering ကိုလည်း ရောက်သွားတော့ ပိုမို ရင်းနှီးလာကာ စာပေ ပိုးဝင်လာတယ်။ မူစလင် မဟုတ်တဲ့ တခြားစာပေ ၀ါသနာရှင်များနဲ့လည်း တွဲမိကြတယ်။ တဘက်သပ် ချစ်နေသူအား စောင်းရေးထားသည့် “ သိင်္ဂီရယ်မေ့ပါနိုင်” ၀တ္ထု ကျနော်တို့ မူစလင် မဂ္ဂဇင်းမှာပါလာတယ်။ ၀င်းအောင် မပေးရဲတဲ့ ရည်းစားစာကို ကိုလှတင်က ထည့်ပေးတာလို့ ကျနော်တို့ကြား ရင်းနှီးစွာ ပြောစမတ်ဖြစ်ခဲ့ရတဲ့ “ သိင်္ဂီရယ်မေ့ပါနိုင်” ဟာ ၁၉၆၆ ခုနှစ် ရှုမ၀တိုက်ထုတ် ပင်ကိုယ်ရေး ၀တ္ထုတိုများစာအုပ်ထဲမှာလည်းပါ၊ မြန်မာ့အသံကလည်း ဇာတ်လမ်းအဖြစ် အသံလွှင့်ခဲ့တာမို့ ကိုလှတင် ဘက်လိုက်ခြင်းကင်းပါတယ်။ မူစလင်မဂ္ဂဇင်းက မွေးဖွားလိုက်တဲ့ ကလောင်ကို ၁၉၆၆ ခုနှစ် ကစပြီး ကျနော်ကိုင်လာခဲ့တာ ခုဆောင်းပါးရေးချိန်အထိပါ။

ဆရာဇော်ဂျီနဲ့တွေ့

          ရန်ကုန်တက္ကသိုလ် နယ်မြေထုတ် စာစောင်တွေမှာ ကျနော့ ၀တ္ထုလေးတွေပါလာတော့ ဆရာဇော်ဂျီက “ မင်းရေးပုံ လူပြောသူပြောများလို့ ဖတ်ကြည့်ချင်တယ်၊ လာပြစမ်း” လို့ဆိုတယ်။ ရန်ကုန် တက္ကသိုလ်နှစ်လည် မဂ္ဂဇင်းထဲက “ တ၀က် တပျက်” ထဲက အမှားတွေကို ခဲတံနဲ့ပြင်ပေးရင်း “ မင်းနဲ့ စကားပြောတဲ့ အခါ စာတော်တော် ဖတ်တယ်ဆိုတာ သိသာတယ်၊ မြန်မာစာ အရေးအသားနဲ့ ပတ်သက်တဲ့ စာအုပ်ဘယ်နှစ်အုပ် ဖတ်ဖူးသလဲ? “ လို့မေးတော့ ခေါင်းခါရတယ်။ မြန်မာလိုရေး မြန်မာလိုပြောတဲ့ အခါ မှန်ကန်ဖို့ အရေးကြီးကြောင်း စိတ်ရှည်လက်ရှည်ရှင်းပြ ဖတ်သင့်တဲ့ စာအုပ်တွေညွှန်ပြလိုက်တယ်။

အပြင်မဂ္ဂဇင်းတွေမှာ ဘာဖြစ်လို့ မရေးသလဲလို့ မေးတဲ့အခါ၊ မှားမှာကြောက်လို့ပါဆိုတော့ ဆရာဇော်ဂျီက “ခဲတံနဲ့ ရေးလို့မှားရင် ခဲဖျက်နဲ့ပြင်၊ မင်တံနဲ့ရေးလို့မှားရင် မင်ဖျက်နဲ့ပြင်၊ ပုံနှိပ်လို့မှားရင် ပုံနှိပ်ပြီး၊ ကုန်ုကုန်ပြောမယ်ကွာ ကျောက်စာနဲ့ မှားသွားရင်တောင် ကျောက်စာထွင်းပြီးပြင်လို့ ရတယ်ကွ။ အေး စရေးကတည်းက အမှားမပါရင်တော့ ဘာနဲ့ရေးရေး ပြင်ဖို့ မလိုတော့ဘူးကွာ။ အဲဒီတော့ အမှားမပါအောင်ရေး၊ မင်းစာရေးဆရာဖြစ်နေပြီ အပြင် မဂ္ဂဇင်းတွေကို ၀င်တော့” လို့ဆိုကာ သွန်သင် အားပေးလိုက်တဲ့ ကျေးဇူးကို ဘယ်တော့မှမမေ့နိုင်ပါ။

မူစလင် မဂ္ဂဇင်းကမွေးပေးလိုက်တဲ့ ကလောင်ဟာ ဆရာဇော်ဂျီက ပဲ့ကိုင်ပေးလို့ မြန်မာစာပေစင်မြင့်မှာ နေရာရခဲ့ မျက်နှာပွင့်ခဲ့ပါတယ်။ ကျနော့စာပေ ဘ၀ထက် မြန်မာစာ အရေးအသားမှာ အမှားကင်းစင်ကြောင်း အသိအမှတ်ပြုခံရတာကို တိုင်းရင်းမွတ်စလင် ကလောင်ရှင် အသင်းဝင်များ အတုယူကြဖို့ ရေးသားရခြင်းမျှသာဖြစ်ပါတယ်။

တက္ကသိုလ်ကလောင်အသင်း

          ရန်ကုန်တက္ကသိုလ် ကလောင်အသင်းဖွဲ့စည်းကြသောအခါ ကျနော်မပါနိုင်တော့ပါ။ မြန်မာ့အသံကိုရောက်နေပြီ။ ကမာရွတ် အာတီးယားလမ်း ဘော်ဒါဆောင်တွင်နေလို့၊ အဘဦးသန်းမြင့် စာရေးဆရာသန်းဆွေ၊ စာရေးဆရာမင်းရှင်တို့နဲ့ တ-က-သ စားသောက်ဆိုင်သို့ မကြာခဏရောက်လို့၊ ကလောင်အသင်း အမှုဆောင်တွေကလည်း ရင်းနှီးသူများဖြစ်ကြလို့ အဆက်အသွယ် မပြတ်ပါ။စာပေအကြောင်းပြောကြဆိုကြ၊ အတွေ့အကြုံချင်းဖလှယ်ကြနဲ့ အတော်ပျော်စရာကောင်းတယ်။ကလော င်တချောင်းချင်း ရုန်းကန်နေရခြင်းထက် အသင်းရယ်လို့ဖြစ်လာတော့ ဘယ်လောက် အကျိုးကျေးဇူး ကြီးမားသလဲ ဆိုတာ ဘေးလူကျနော်တောင် အထင်အရှားမြင်မိတယ်။

အဲဒိအချိန်က ပြင်ပ မဂ္ဂဇင်းတွေထဲမှာ ရှုမ၀က အင်မတန် အရှိန်အ၀ါကြီးမားတယ်။ တော်တော်နဲ့ ၀င်တိုးလို့မရလို့ “ရှုမ၀မှာ တပုဒ်လောက် ပါရင် သေပျော်ပါပြီ” လို့တောင် စာရေးဆရာတွေပြောကြတယ်။ အယ်ဒီတာချုပ်က ဦးကျော်၊ တွဲဘက်က ဆရာ တင့်တယ်ပါ။ ကေတု-၀င်းတင့်ရဲ့ “ မက်ထရစ် သခင်မလေး” ၀တ္ထု ရှုမ၀မ၈္ဂဇင်းထဲမှာ ပါလာတော့ ရန်ကုန်တက္ကသိုလ်နယ်မြေမှာ အတော်လေး ဂယက်ရိုက်သွားတယ်။ ချက်ချင်း မျက်နှာပွင့်သွားတယ်။ ကျနော်တို့လည်း ၀မ်းသာလိုက်တာ။ ကျနော့မိခင် မူစလင်မဂ္ဂဇင်း တာဝန်ခံအဖြစ် မွေးထုတ်ပေးလိုက်သူ ကျေးဇူးရှင် ကိုလှတင်လည်း ရန်ကုန်တက္ကသိုလ် ကလောင်အသင်းမှာ ဥက္ကဌဖြစ်လိုက်ချိန်၊ မူစလင်မဂ္ဂဇင်းကတော့ ခေတ်ကြေးမြင်ဖြစ်သွားပြီ။

ကလောင်အသင်း စာတမ်းဖတ်ပွဲ

          ဘယ်နှစ်မှာလည်းတော့ မမှတ်မိ၊ ရန်ကုန်တက္ကသိုလ် ကလောင်အသင်းမှာ စာတမ်းဖတ်ပွဲပြုလုပ်လို့ ကျနော်လည်း သွားနားထောင်တယ်။ ဆရာဇော်ဂျီ၊ ဆရာမင်းသုဝဏ်၊ ဆရာမောင်ထင်၊ ဦးတင်အေး(ရှမ်းပြည်) စသဖြင့် တနေ့တဦးဖတ် အသင်းဝင်တွေက ပြန်မေးကြဆွေးနွေးကြနဲ့ အကျိုးရှိတဲ့ လုပ်ရပ်မို့ တိုင်းရင်းမွတ်စလင် ကလောင်ရှင်အသင်း အတုယူနိုင်ဖို့ သတိတရရေးလိုက်ရတာပါ။ ပွင့်လင်းလွတ်လပ်တဲ့ ပွဲမျိုးမို့မေးရဲပြောရဲကြတယ်။

ဆရာမင်းသုဝဏ်ရဲ့ “ မြန်မာစာသည်လို မရေးသင့် “ဆိုတဲ့စာတမ်းမှာ ပေးတဲ့ဥပမာနှစ်ခုကို ဘယ်သူမှမေ့လို့မရလို့ ပြောရဲပါတယ်။ “ဆေးလိပ်သောက်ခြင်း သည်းခံပါ၊ ဆိုတာဟာ ဆေးလိပ်သောက်နေတာကို သွားမတားနဲ့၊ သည်းခံနေပြီး လွှတ်ထားပါလို့ အဓိပ္ပါယ်ရောက်တယ်။ ဆေးလိပ်မသောက်ရလို့ ရှင်းရှင်းရေးလိုက်ပေါ့”

“ စစ်တပ်က လက်နက်နဲ့ အာဏာသိမ်းခြင်းကို ကာကွယ်ကြ ဆိုတဲ့ပိုစတာတွေလေ။ အဓိပ္ပါယ်က စစ်တပ်က လက်နက်နဲ့အာဏာသိမ်းခြင်းကို ဆန့်ကျင်သူတွေ အနားမကပ်နိုင်အောင် အကာအကွယ်ပေးကြလို့ဆိုတာ။ ရေးရမှာက စစ်တပ်က လက်နက်နဲ့ အာဏာသိမ်းခြင်းကို ဆန့်ကျင်ကြ၊ ကန့်ကွက်ကြ စသဖြင့်ပေါ့”

ပွဲအပြီး ဆရာနဲ့ ခင်မင်သွားလိုက်တာ ကျနော်စာရေးသားရာမှာ၊ အသံလွှင့်ရာမှာ အမှားပါရင်ပြင်ပေးရုံမက ပိုမို ကောင်းမွန်အဆင်ပြေအောင် သင်ပေးတယ်။ ၁၉၉၂ ခု။ မေလမှာ ကျနော်မြန်မာပြည်က ထွက်ခွါခါနီး ဆရာမင်းသုဝဏ်ကို သွားနှုတ်ဆက်တော့ ပြန်မတွေ့ကြတော့ဘူးဆိုတာ သိထားပုံရလို့ မျက်ရည်ဝဲ၀ဲနဲ့ ထောက်ခံစာတောင်ရေးပေးလိုက်တယ်။

ဓမ္မဗိမာန်မှဟောပြောပွဲ

          ဟံသာဝတီဗလီမှာ ၀တ်ပြုကြအပြီး ပုံမှန်လိုစကားလက်ဆုံကျရင်း မြန်မာစာကထိက ဦးတင်မောင်ဌေး၊ ဓမ္မဗိမာန် ဦးအေးလွင်တို့နဲ့ ရင်းနှီးခွင့်ရလိုက်တယ်။ နိုင်ငံခြားမှာ အလုပ်လုပ်လိုပါက အစိုးရရာထူးက နှုတ်ထွက်ရမယ်ဆိုလို့ ကျနော် မြန်မာ့အသံ အပြင်ဘက်ရောက်၊ စာပိုရေးဖြစ်၊ ကုလသမဂ္ဂ ပြန်ကြားရေးဌာန (UNIC) UNICEF, USIS တို့မှာ ဘာသာပြန်၊ နိုင်ငံခြား သတင်းထောက်လည်း ခဏဖြစ်လိုက်သေးစသဖြင့် လူလေးယောက်ပါတဲ့ မိသားစု ထမင်းနပ်မှန်ရေး ရုန်းကန်နေရ၊ အဲဒီကာလ အဲဒီအခြေအနေမှာ ဦးအေးလွင်က ဓမ္မဗိမာန်မှာဟောပြောခိုင်းတယ်။ သဘာပတိ မိတ်ဆက်စ ကားပြောရာမှာ အပြည်ပြည်ဆိုင်ရာ ကလေးများနှစ်အတွက် တာဝန်ပေးခံရလို့ ကျနော်ရေးတဲ့ “ ကလေးချစ်သူများသို့” (၁၉၈၂၊ စာပေ ဗိမာန်ထုတ်) ကို အဓိကထားကာ ပြောကြားသွားတယ်။

ရှုမ၀မှာသာမက မြ၀တီ၊ငွေတာရီ၊ ပေဖူးလွှာစတဲ့မဂ္ဂဇင်းတွေမှာ ၀တ္ထုတို ၀တ္ထုရှည်တွေ ရေးနေသူဆိုတာ ကျနော့ ကလောင်နာမည်ကြားတာနဲ့ သိသူတွေက သိထားကြပါတယ်။ ကြုံလို့ရေးရရင် ၁၉၇၀ ခု၊ နိုင်ငံတကာစာအုပ်နှစ် စာပေ နှီးနှောဖလှယ်ပွဲမှာ” စစ်ပြီးခေတ် မြန်မာဝတ္ထုတိုများ” စာတမ်း ပြုစုဖတ်ကြားဖို့ ကျနော် အရွေးခံရပြီး၊ ” စစ်ကြိုခေတ် မြန်မာ ၀တ္ထုတိုများ” စာတမ်း ပြုစုဖတ်ကြားသူက ဆရာသုခပါ။

ဝါးခယ်မ မောင်းမင်းနိုင်

          ဓမ္မဗိမာန်မှ ဟောပြောပွဲအပြီး ဆရာ ၀ါးခယ်မမောင်မင်းနိုင်နဲ့ ခင်မင်ရင်းနှီးသွားရာ၊ မွတ်စလင်ကလောင်ရှင်များ စုစည်းရေးကို သူစိတ်အား ထက်သန်ပုံတွေ့ရတယ်။ သူ့ကြိုးပမ်းမှုမှ ကျနော် ပါဝင်စေချင်ကြောင်းလည်း တိုက်တွန်းတယ်။ ကျနော်ရေးတဲ့စာတွေဟာ အစ္စလာမ်ဘာသာနဲ့ဝေးလို့ မွတ်စလင်တို့ရဲ့ လူမှုဘ၀ကိုတောင် ထင်ဟပ်စေတာ မဟုတ်တာဖြစ်လို့ မပါခဲ့ဘူး။ ကျနော် မွတ်စလင်ဆိုတာ စာပေလောကမှာ အားလုံးလိုလို သိကြပါတယ်။ ဒီကိစ္စ အရေးကြီးလာမယ်လို့လည်း သူ့လိုကြို မမြင်ခဲ့တာကြောင့် ခပ်ပေါ့ပေါ့သဘောထားခဲ့မိတယ်။

သူ့ကိုတော့ ခင်မင်လေးစားလျက်မို့ ဓမ္မဗိမာန်မှ ဟောပြောပွဲသို့ မွတ်စလင် ကလောင်ရှင် တဦးပို့ပေးဖြစ်ခဲ့ပါတယ်။ ဆရာမြသန်းတင့်၊ ဆရာအောင်းသင်းတို့နဲ့ အတူ သူ့အိမ်မှာမကြာခဏ စကားဝိုင်းဖွဲ့လေ့ရှိသူ စာရေးဆရာမောင်သော်ကပါ။ မြန်မာပြည်မှာ ကဗျာရွတ်ခြင်းကို ကနဦး စနစ်တကျ မိတ်ဆက်ပေးသူဖြစ်ပြီး အင်္ဂလိပ်မြန်မာ နှစ်ဘာသာနဲ့ ထုတ်ဝေလိုက်တဲ့ မောင်သော်ကရဲ့ “ နှစ်သစ်ကူး ချစ်ဦးလက်ဆောင် အသံလှိုင်းကဗျာများ “ စအုပ်ကလည်းရေပန်းစားနေချိန်၊ ပါရှန်းစာဆို အိုမာခရမ်းရဲ့ ကဗျာများအကြောင်း ဟောပြောရွတ်ပြတဲ့ပွဲဟာ ယဉ်းကျေးမှုထိန်းသိမ်းတဲ့ နိုင်ငံတွေမှာဆိုရင် နှစ်ရာနဲ့ချီကာ မှတ်တမ်းတင် ကျန်ရစ်နေမှာပါ။

မူစလင်မဂ္ဂဇင်းကမွေးပေးလိုက်တဲ့ ကလောင်ရှင် တက္ကသိုလ်နန္ဒမိတ်လည်း ဓမ္မဗိမာန်မှာဟောပြောသေးတယ်လို့ သတင်းကြားသော်လည်း ကျနော် အတိအကျမသိပါ။ လွန်ခဲ့တဲ့ သုံးလေးလလောက်က အမေရိကန်ကို ရောက်လာတဲ့ ဦးအေးလွင်မှ တဆင့် ဆရာ ၀ါးခယ်မမောင်မင်းနိုင်အား သတိရကြောင်းမှာလိုက်တာ ပြောဖြစ်မပြောဖြစ် ကျနော်မသိနိုင်ပါ။ အခုလို တိုင်းရင်းမွတ်စလင် ကလောင်ရှင်အသင်း ( Native Muslim Writers’ Association) ဖွဲ့စည်းလိုက်ပြီမို့ သူသိပ်ကို ကျေနပ်ဝမ်းသာနေမှာကိုတော့ ကျနော် အသေအချာသိပါတယ်။

M-media သို့ကျေးဇူး

          ကျနော့အကြောင်း များစွာပါနေတယ်လို့ ထင်ရင်တောင်းပန်ပါတယ်။ မွတ်စလင်ကလောင်ရှင်တွေ အတုယူနိုင် အားကျနိုင်ဖို့ ရည်ရွယ်တာပါ။ အခွင့်အလမ်းဆိုတာ ရရင် ယူတတ်ရမယ်၊ မရရင်ရအောင် အခွင့်အလမ်းကို ဖန်တီးယူရမယ်၊ အနည်းဆုံးစိတ်တော့ ၀င်စားကြ လ်ိမ့်မယ်လို့ မျှော်လင့်ပါတယ်။

ဆောင်းပါး အဆုံးသပ်တော့မှာမို့ ဘယ်မှာထည့်မလဲလို့ စဉ်းစားတဲ့အခါ M-media အသင့်တော်ဆုံးလို့ထင်တယ်။ မွတ်စလင်ကလောင်ရှင်တွေ ဘယ်လောက် များများဖတ်ကြသလဲဆိုတာတော့ ကျနော်မသိနိုင်။ တယောက်ဖတ်မိရာကနေ တဆင့်စကား တဆင့်ကြားကာ ဆွေးနွေးစရာဖြစ်လာပြီး အလားတူရေးလာကြဖွယ်ရှိတာမို့ ဆောင်းပါးရေး ရကျိုးနပ်ပါ့မယ်။ M-media သို့လည်းကျေးဇူးစကားဆိုပါရစေ။

ဟာဂျီဝင်းအောင်
email:    [email protected]
Alexandria, VA 22309
February 3, 2014

February 2, 2014
သရဲတစ္ဆေ ကြောက်ကြသူများ

ဇန်နဝါရီ ၃၊ ၂၀၁၄
M-Media
ဆောင်းပါးရှင်- သဲတစ်ပွင့်

တစ္ဆေသရဲ ဆိုတာကို ကြောက်တတ်ကြသူတွေ အတော်များတယ် ထင်ပါရဲ့။

ကမ္ဘာတစ်ဝန်းလုံးမှာ ခေတ်အဆက်ဆက် ယုံတမ်းစကားတွေ၊ ပုံပြင်တွေ၊ စာအုပ်တွေ၊ သက်ကြီးစကားသက်ငယ်ကြားတွေ … အများကြီး ရှိခဲ့တာပဲကိုး။ နောက်ပိုင်းခေတ် ရုပ်ရှင်ခေတ်ရောက်တော့လည်း ခုချိန်ထိကိုပဲ ပေါများလိုက်တဲ့ သူရဲတစ္ဆေ ဇာတ်လမ်းတွေ။ ခုနောက်ဆုံး အင်တာနက် စာမျက်နှာပေါ်အထိလည်း တစ္ဆေသရဲ မင်းမူတုန်း … Smart Phone တွေTablet တွေ i-Devices တွေမှာတောင် သရဲတစ္ဆေ game တွေ ကစားကြတုန်း။ Facebook Page တွေ Group တွေလည်း ရှိပါ့။

တစ္ဆေခြောက်ပြပြီး တစ်သက်စာ ဖူဖူလုံလုံ လုပ်စားနေကြသူတွေလည်း တစ်ပုံတစ်ပင်ပေါ့။

ခုဒီစာဖတ်နေကြတဲ့မိတ်ဆွေတွေလည်း သရဲတစ္ဆေ ကြောက်ကြတဲ့သူတွေကို သေချာပေါက် တွေ့ဖူးကြပါမှာ။ ကိုယ်တိုင်တောင် အဲဒီထဲ ပါကောင်းပါနေမှာပဲ။ တစ်ချို့ဆို ဘယ်လောက် ကြောက်တတ်သလဲဆို ကိုယ့်မိသားစုဝင် ကိုယ်သိပ်ချစ်တဲ့ သွေးသားရင်းချာထဲက ကွယ်လွန်သွားရင်တောင် အဲဒီသူကို အစွဲပြု အကြောက်လွန်တော့တာပဲ။

တစ္ဆေသရဲအကြောင်း ဒီလောက်တောင် ခေါင်းစဉ်စုံ ကဏ္ဍစုံမှာ တွေ့နေရတာ … ကိုယ်တွေ့ ကြုံဖူးပါတယ်ဆိုတဲ့သူ ဘယ်မှာ လက်ဆုပ်လက်ကိုင် ပြနိုင်ကြလို့တုန်း။

သရဲအခြောက်ခံရပါတယ်ဆိုသူ အများစုကို လေ့လာကြည့် … ကြောက်တတ်တဲ့စိတ်အခံကြောင့် အထင်မှား အမြင်မှား ကိုယ့်လိပ်ပြာကိုယ်မလုံရာကနေ ဖြစ်ကြတာ။

ရွာတွေကလာတတ်တဲ့ ဇာတ်လမ်းတွေဆိုလည်း ကြည့်ကြည့် … သစ်ရွက်ထူထူ သစ်ပင်အောက်မှာ အရက်မူးမူးနဲ့ ညအိပ်မိရင် အောက်ဆီဂျင် အပြည့်အဝ မရလို့ သေလည်း အဲဒါ ညောင်ပင်တစ္ဆေ သရဲသဘက်က နတ်က သတ်တာပဲ။ ရေတွင်းရေကန်ပျက်ထဲ ဆင်းမိတဲ့သူ သေလည်း သရဲအပြစ်ပဲ။ အာဟာရချို့တဲ့လို့ … စိတ်ပိုင်းဆိုင်ရာ ထိခိုက်မှုကြီးကြီးဖြစ်လို့ … ငှက်ဖျားလိုရောဂါမျိုး ကူးစက်လို့ … ဘာကြောင့်ဖြစ်ဖြစ် hallucination ကယောင်ခြောက်ခြားဖြစ်လည်း ကျားကျား မီးယပ်ဆိုသလို သရဲတစ္ဆေ စုန်းကဝေပဲ ခေါင်းစဉ်တပ်ခံရတာပဲ။ ယုတ်စွအဆုံး လေတိုက်ရင်တောင် … သစ်ပင်က အသံမြည်ရင်တောင် … အရိပ်တစ်ခုခု မြင်ရင်တောင် … ဘာပဲဖြစ်ဖြစ် အကြောင်းရင်းမှန်ကိုမလေ့လာဘဲ ကြောက်ပစ်လိုက်ကြတာပဲ။ အမယ် … ထမင်းလုံးတစ္ဆေဆိုတာတောင် ရှိသေး။ ကယောက်ကယက် အိပ်မက်မက်တာတောင် သရဲကြောင့်တဲ့။

ဒီလိုပြောလို့ နာနာဘာဝဆိုတာ မရှိဘူးလား မေးလာရင် ရုပ်တရားရဲ့အလွန် နာမ်လောက ပရလောက ဝိဥာဉ်လောက ဆိုတာကတော့ ဘာသာတရားတိုင်းက လက်ခံတာပဲလေ။ Parapsychology လိုမျိုး စိတ်တရားကိုလေ့လာတဲ့ ဘာသာရပ်တွေလည်း ရှိတာပဲ။ အာရုံငါးပါးနဲ့ ကျက်စားလို့မရတဲ့ Paranormal Phenomena ဖြစ်ရပ်တွေဆိုတာလည်း ရှိတာပဲ။ ဒါပေမယ့် သရဲတစ္ဆေပါလို့ အများပြောနေ၊ ကြားနေ ၊ ယုံနေတာတွေရဲ့ ၉၉%ကတော့ စိတ်ထင်ယောင်ထင်မှားဖြစ်တာ၊ ကောလဟလကို အခြေခံတာ၊ တစ်စုံတစ်ယောက်က အဖွဲ့တစ်ဖွဲ့က ရည်ရွယ်ချက်ရှိရှိနဲ့ လုပ်စားဖို့ ခြောက်တာ (ဆိုပါစို့ … သရဲအကြောင်း ရုပ်ရှင်တွေ၊ စာအုပ်တွေ စာတွေရော … ဒါမှမဟုတ် စုန်းပရောဂ ဆရာဆိုတာမျိုးတွေရော … နောက်ထပ် နည်းအမျိုးမျိုး ခေါင်းစဉ် သွယ်သွယ်နဲ့ လုပ်စားကြသူတွေပေါ့) ၊ စသည်စသည်တွေပဲ ဖြစ်နေတာကို တွေ့ရပါမယ်။

အလားတူအကြောက်ရောဂါ phobia တစ်ခုလည်း ကျွန်တော်တို့လူ့ဘောင်မှာ တွေ့ရလေရဲ့ … ကျွန်တော်ဘာကိုပြောချင်သလဲ ခုလောက်ဆို သိလောက်ကြပါပြီ … Islamophobia ခေါ် အစ္စလာမ်သာသနာကို မွတ်စလင်မ်တွေကို စိုးကြောက်တဲ့ရောဂါပေါ့။ သရဲသဘက်ထက်တောင် ရွံမုန်း ကြောက်နေသူတွေ ရှိကြပါရဲ့။ မြန်မာပြည်မှာသာမက ကမ္ဘာမှာပါ ဒီအကြောက်တရားကြီး ရှိနေတာပါ။ ဒီနှစ်ပိုင်းတွေအတွင်းမှာကတော့ ဒီမြေဒီရေမှာ ပိုဆိုးမယ်ထင်ပါရဲ။

ကမ္ဘာ့လူဦးရေရဲ့ လေးပုံတစ်ပုံလောက်ရှိတဲ့ သန်းပေါင်း၁၅၀၀ကျော် မွတ်စလင်မ်တွေထဲမှာ ဘာသာတရားရဲ့ သွန်သင်ချက်နဲ့ဆန့်ကျင်ပြီး မဟုတ်မဟတ်လုပ်သူ ကြောက်စရာကောင်းသူလည်း ရှိတာပေါ့ … သူတို့လည်း လူတွေပဲလေ။ လူပီပီ … ပုထုဇဉ်ပီပီ ကိုယ့်အတ္တကို ကိုယ် ရှေ့တန်းတင်ကြသူတွေ .. အာသာ ဆန္ဒနောက်လိုက်သူတွေ … လောဘဒေါသမောဟမာန်မာနကို အတောမသတ်နိုင်သူတွေ … သူများကြိုးစွဲရာ မှိုင်းတိုက်ရာ ကကြသူတွေ ရှိမှာပေါ့။ ဒါသဘာဝပါပဲ။ ကြိုက်တဲ့ဘာသာ၊ ကြိုက်တဲ့လူမျိုး၊ ကြိုက်တဲ့ဝါဒီ (ဝါဒတစ်ခုခုကိုကျင့်သုံးသူလူ့အစုအဝေး … ဆိုပါစို့ … ခုခေတ်စကားနဲ့ပြောရရင် ဒီမိုအုပ်စု၊ ကွန်မြုနစ်ဝါဒီ၊ လစ်ဘရယ်ဝါဒီ၊ ဘာသာမဲ့အုပ်စု) … ဘယ်လူ့အစုအဝေးကိုကြည့်ကြည့် သိုးမည်းတွေကတော့ ရှိစမြဲပဲ။

ဒါပေမယ့် မွတ်စလင်မ်နဲ့ပတ်သက်လာရင်တော့ ခုချိန်မှာ သတင်းမှားနဲ့မှ ထမင်းစားရသူတို့ … အမုန်းစကားပြောမှ … အမုန်းတရားဟောမှ ရည်ရွယ်ချက်ရှိရှိ ပြဿနာဖန်မှ နေရာရ လူကြည်ညိုခံရပြီး စားဝင်အိပ်ပျော်ရမယ့်သူတို့က ခြောက်လုံးမြှောက်လုံးတွေနဲ့ ကြိမ်ဖန်များစွာ မှိုင်းတိုက် ကုလားတစ္ဆေ ခြောက်ခဲ့လေတော့ နှစ်ပေါင်းထောင်ချီ ပုဂံခေတ် အနော်ရထာမတိုင်မီကတည်းက တိုင်းပြည်မှာရှိနေတဲ့ လူ့အစုအဝေးကပဲ ဒီလေးငါးနှစ်အတွင်းမှာမှ တိုင်းပြည်ပျောက်အောင် သိမ်းတော့မလိုလို။ အမျိုး ဘာသာ သာသနာဆိုတဲ့ လူပြိန်းကြိုက်ခေါင်းစဉ်နဲ့ ဖြဲခြောက်တော့ နဂိုကတည်းက မဟုတ်တာတွေးကြောက်တတ်တဲ့ ကျွန်တော်တို့လူတွေ မွတ်စလင်မ်အပေါ် သရဲသဘက် ဘီလူးတစ္ဆေ စုန်းကဝေတို့ထက် အကြောက်လွန် ရွံမုန်းကြလေသတည်းပေါ့လေ။

ဘယ်ကဘယ်လို လံကြုပ်တွေမှန်းမသိတဲ့ မွတ်စလင်မ်တွေ ကြားတောင်မကြားကြဖူးတဲ့ ပြည်သိမ်းစီမံကိန်းတို့ ဘာတို့တွေကလည်း ဖွဘုတ်ပေါ်ရောက်လာတော့ … ဟဲဟဲ … အဲဒါကို ယုံတဲ့သူတွေထဲမှာ ခေတ်ပညာတတ်ကြီးတွေတောင် ပါသဗျ။ ကုလသမဂ္ဂ အတွင်းရေးမှူးဟောင်း ကွယ်လွန်သူ ဦးသန့်ပြောခဲ့တဲ့ “မစဉ်းစားပဲ ယုံလွယ်သူပေါများသော တိုင်းပြည်” ဆိုတာ တယ်မှန်သကိုး။

မိတ်ဆွေတို့ရေ …

မိတ်ဆွေတို့ဝန်းကျင်မှာ သိကြွမ်းတဲ့ မွတ်စလင်မ်ဆိုသူတွေထဲမှာ

မိတ်ဆွေတို့ ဖတ်ဖူးကြားဖူး အခြောက်ခံရဖူးတဲ့ မိစ္ဆာစိတ်ဝင် မွတ်စလင်မ်ဆိုသူ ဘယ်လောက်များများ တွေ့ဖူးပါသလဲခင်ဗျား။

စာတွေ့တွေ ဘုန်းဘုန်းတစ်ချို့ဟောတာတွေ၊ ဟို website ဒီ website ကဟာတွေ … သူများနိုင်ငံတစ်ချို့မှာ ဖြစ်နေတာတွေ မပါဘူးနော် … မိတ်ဆွေတို့ အမှန်တကယ် သိကြွမ်းသူတွေထဲကပဲ ဆိုလိုတာပါ။

ဖြစ်နိုင်ရင် စာရင်းလေး ချရေးကြည့်ပေါ့ … ရာခိုင်နှုန်းလေးလည်း တွက်ကြည့်ပါဦး။

သေချာပါတယ် … တစ္ဆေသရဲတုန်းကလိုပါပဲ … အနည်းငယ် မကောင်းဆိုးဝါးရှိနိုင်ပေမယ့် အများသူငှါကတော့ ထင်ထားသလို ခြောက်ခြားနေသလို မဟုတ်ဘဲ သူလိုငါလို ချစ်စရာ ခင်စရာ လူသားတွေပဲဆိုတာ မိတ်ဆွေ သေချာပေါက်တွေ့မှာပါ။

နိဂုံးချုပ် ဥပမာအနေနဲ့ပြောရရင် … သစ်ပင်တွေကို လိုက်ကြည့်ရင်း သစ်တောကြီး မမြင်တာမျိုး မဖြစ်စေချင်ဘူးဗျာ …..။

သစ်တောထဲမှာ ပေါက်နေတဲ့ သစ်ပင်တစ်ချို့ စိမ်းလန်းချင်မှ စိမ်းလန်းမယ်။ အဆိပ်ရှိရင် ရှိမယ်။ သစ်ဥသစ်ဖု ဝေဆာချင်မှ ဝေဆာမယ်။

အကိုင်းအခက် သွေ့ခြောက်နေတဲ့ အပင်ကိုမှ ရွေးပြီး လက်ညှိုး မထိုးသင့်ပါ။ အင်းဆက်တွေ အကောင်ငယ်တွေကို ဖမ်းဆီးသေကြေစေတတ်တဲ့ အသားစားပင် တစ်ချို့ကို ညွှန်းဆိုရင်း မကောင်းဆိုးရွား သစ်ပင်များလို့ မသမုတ်သင့်ပါ။ ဆူးကြမ်း လွှမ်းတဲ့အပင်ကိုသာ ကွက်ကြည့်ပြီး ကြောက်စရာ့ သစ်ပင် မဆိုသင့်ပါ။ ရစ်နွယ်တတ်တဲ့ သစ်ပင်အချို့ကြောင့် ကျန်အပင်များကိုပါ တစ်တန်းတစ်စားတည်း မသတ်မှတ်သင့်ပါ။ အဆိပ်ပင်တစ်ချို့ကြောင့် အပင်အားလုံး အဆိပ်ရှိတယ် ကောက်ချက်မချစေလိုပါ။

သစ်တောတစ်ခုလုံးကို လွှမ်းခြုံ မြင်တတ်ရင်တော့ စိမ်းလန်းစိုပြေ လှပတင့်တယ်မှုကို မုချ တွေ့ရမှာပါ ချစ်မိတ်ဆွေ။

နှစ်သစ်ကာလမှာ စိတ်သစ်ကိုယ်သစ်နဲ့ အချင်းချင်း အမျက်အဤမရှိ … ချစ်သောမျက်စိဖြင့် ကြည့်နိုင်စွမ်း ရကြပါစေသား။ အဘိဇ္ဇာကင်းစွာ ကြည်ကြည်လင်လင် မြင်နိုင်ကြပါစေသား။

January 3, 2014
အပြောင်းအလဲများ၊ အသုံးချခံများနှင့် ခေတ်သစ်လူမှုရေးဝါဒီများ

သြဂုတ်လ-၂၁ ရက်၊ ၂၀၁၃
M-Media

တစ်ချိန်တုန်းက ပျော်ရွှင်စရာလေးများ

ရေဇလာမြသားပြင်ရှိ လှိုင်းကြက်ခွပ်လေးများအပေါ်သို့ နံနက်ခင်းနေခြည်ဖြာနု ကျရောက် လာသောအခါ ထိုလှိုင်းကြက်ခွပ် ကလေးများမှ ပြန်လာသော အလင်းရောင်သည် မြစ်ပြင် တစ်ခုလုံးတွင် စိန်ကြယ်ပွင့်များ တလက်လက်တောက်ပနေသည့်အလား ၀န်းကျင်အလှ ပန်းချီကား တစ်ချပ်ကို ဆေးချယ်နေ သည့်နှယ်ရှိသည်။ စာရေးသူတို့ သူငယ်ချင်းတစ်စုသည် တက်သစ်စ တက္ကသီလာ ကျောင်းတော်သားများ ပီပီ ဖယ်ရီကားပေါ်တွင် အတွေးကိုယ်စီဖြင့် ပီတိတွေဖြာနေကြသည်။ ဒီတက္ကသိုလ်ကြီးရောက်အောင် မိတ္တူဆိုင်တွေမှာ ဘယ်လိုကူးခဲ့ရတာတွေလည်းပါသည်။ သြော်… ၁၀ တန်းကျောင်းသား ဘ၀တုန်းက သင်ခန်းစာတွေ လိုက်မမီတော့ ကျောင်းတက်မှန်တဲ့ သူငယ်ချင်းများရဲ့ အငြိုငြင်ခံပြီး သူတို့စာအုပ်ထဲက သင်ခန်းစာတွေကို မိတ္တူ ပြန်ကူးရတာတွေကိုပြောတာပါ။ စာရေးသူလည်း တစ်ကိုယ်တည်း အတွေးတွေဖြာရင်း ရန်ကုန်-သန်လျင်တံတားကြီးကို ဖယ်ရီကားဖြတ်သန်းမောင်းနှင်သောအခါ ကားပြတင်းမှ တိုးဝင် တိုက်ခတ်လာသည့်လေတိုက်ခံပြီး ဇိမ်တွေ့နေစဉ်… “အရုဏ်မွေးဖွားစဉ် မိုးကောင်းကင် မိုးအသစ်အောက်မှာကွယ် .. ကမ္ဘာမြေပြင်ဟာနိုးထခဲ့ပြီကွယ်…” ဟူသော ပတ်ဝန်းကျင်နှင့်လိုက်ဖက်သည့် သီချင်းသံ ဖယ်ရီကားနောက်ဖက်ဆီမှ ပျံ့လွင့်လာသည်။ ကိုညီထွဋ်(ဇော်ဝင်းထွဋ်) အသံလို အက်ကွဲကွဲရှတတတော့ မဟုတ်၊ အသံပြဲကြီးနှင့်ဖြစ်သည်။ အဆိုရှင်ကို သူငယ်ချင်းတစ်ယောက်က လှမ်းနောက်သည်။

“ဟေ့ကောင်၊ ကျော်သန်း ၊ မင်းအသံပြဲကြီးနဲ့ နင်းကန်အော်မနေနဲ့၊ ဒီမှာ အာရုံပျက်တယ်”

အခြားသူငယ်ချင်းများကလည်း တစ်ယောက်တစ်ပေါက်နှင့်…

“အေးလေ၊ မင်းအသံကို ကိုညီထွဋ် ကြားရင် ရင်ကွဲနာကျပြီးသေမယ်။ ”

ကျောင်းသားလူငယ်တို့၏ထုံးစံအတိုင်း ပွဲကျ သွားကြသည်။ သီချင်းဆိုသည့် ကျော်သန်း ပါးစပ်ပိတ်သွားသည်။ ဤသို့နှင့်ပင် စာရေးသူတို့ကျောင်းရောက်ခဲ့သည်။

“တက္ကသိုလ်..တက္ကသိုလ်၊ တစ်ကြိမ်တစ်ရက်ခွဲရခက်သလို၊ အိပ်မက်ထဲကတက္ကသိုလ်” ဟူသည့် အတိုင်း အမိတက္ကသိုလ်ကြီးကား လွမ်းမောဖွယ်ကောင်းလှသည်။ အင်းလျားကန်၊ ခုံပြာတန်းနှင့် ကံ့ကော်ပင် တန်းတို့မရှိလင့်ကစား တက္ကသိုလ်သည် တက္ကသိုလ်သာဖြစ်သည်။ နံနက်ခင်းနေခြည်နုနုအောက်တွင် ကျောင်းသူ/ကျောင်းသားလူငယ်လေးများအား တက်ကြွပြုံးရွှင်စွာဖြင့် မြင်တွေ့နေရသည်။ ရောင်စုံပန်းများ ပွင့်လန်းစွာဖူးပွင့်နေသည့် ပန်းခင်းကြီးထဲတွင် အရောင်အသွေး စုံလင်လှသော လိပ်ပြာလေးများ ဟိုသည်ပျံဝဲ နေသည့် အလား အမိတက္ကသိုလ် ရင်ခွင်တွင် ပညာနို့ချို သောက်စို့နေကြသည့် လူငယ်များ..။ အလွှာစုံ၊ လူမျိုးစုံ၊ ဘာသာစုံ ၊ အမုန်းတရားမရှိ၊ အာဃာတ အငြှိုးအတေးမရှိ၊ မောင်ရင်းနှမများ သဖွယ်၊ စလိုက်၊ နောက်လိုက်ကြ၊ တက္ကသိုလ်ကျောင်းသား ဘ၀ ပျော်စရာအတိပင်။

စာရေးသူတို့အဖွဲ့လည်း ကျောင်းတက်သာ မမှန်ချင်နေမည်။ ကင်တင်းန် ထိုင်ချိန်ကြတော့ တိကျသည်။ အခုလည်း ကင်တင်းန်မှာ လူစုံပြီ။ ထုံးစံအတိုင်း စားကြ သောက်ကြ၊ စကြ နောက်ကြနှင့်။

ထိုအချိန်တွင် လက်ဖက်ရည်ဝိုင်းထဲမှ စာရေးသူ၏ ထူးခြားချက်တစ်ခုကို စာရေးသူ၏သူငယ်ချင်း သုံးခွ သားက စတင်သတိပြုမိပြီး မေးခွန်းတစ်ခုမေးသည်။

“ဟေ့ကောင်…သန့်ဇင်၊ မင်းဘာဖြစ်နေတာလဲ၊ ဒီနေ့မင်း စားဖို့သောက်ဖို့ ဘာမှမမှာဘူးလား”

သီတာက လှမ်းနောက်သည်။

“သူ အာဟာရ သိဒ္ဓိပြီးနေတာထင်တယ်”။

ကျော်သန်းတို့ပါးစပ်က ဒါမျိုးကျပြန်တော့လည်း အငြိမ်မနေ…

“ဟာ..သီတာ၊ နင်ကလည်း ၊ အာဟာရသိဒ္ဓိပြီးတယ်ဆိုတာ သူတော်စင်တွေ ဘာတွေမှဖြစ်တာဟ၊ ဒီ သန့်ဇင်အေးလိုကောင်က ဘယ်လိုမှ သူတော်စင်မဖြစ်နိုင်ဘူး၊ နင်ကလည်း တန်ရာတန်ရာ နှိုင်းစမ်းပါ၊ ဖြစ်မယ့် ဖြစ် အဲဒီကောင် သူတော်စင်တော့ မဖြစ်နိုင်ဘူး၊ အပမှီ(သရဲပူး)လာတာပဲဖြစ်မယ်”

သီတာကပြန်ပြောသည်..။

“ဟဲ့…အပမှီရင် အစားပိုစားတာ မဟုတ်လားဟဲ့။”

စာရေးသူကဘာမှပြန်မပြောဘဲနေတာကြာလာတော့ သုံးခွသား စိတ်မရှည်တော့။

“ဟေ့ကောင်…သန့်ဇင်၊ မင်းဘာဖြစ်နေတာလည်း၊ နေမကောင်းဘူးလား၊ ကျော်သူကို အကြောင်းကြား ပေးရမလား၊ ဒီကောင်ဘာဖြစ်နေမှန်းကိုမသိဘူး”။

ထိုအခါ စာရေးသူက မပြောလို့မဖြစ်တော့ ရှင်းပြရသည်။

“ငါတို့ မွတ်စလင်မ်တွေ ဥပုသ်လ ဒီနေ့ စပြီကွ၊ အဲဒါ ငါ ဥပုသ်စောင့်ထားလို့ ဘာမှစားသောက်လို့ မရဘူး”…။ ဟုပြန်ဖြေပြီး ဘာသာခြား သူငယ်ချင်းများ၏ တုံ့ပြန်မှုကို စောင့်ကြည့်သည်။ ထိုအခါ အင်မတန်မှ အစအနောက်သန်ကြသော စာရေးသူ သူငယ်ချင်းများက စာရေးသူအား..

“မင်းကွာ..အစောကြီးကတည်းက ပြောရောပေါ့၊ ငါတို့က မင်းဘာစတိုင် အသစ်ထွင်ပြန်ပြီလဲလို့ ထင်ပြီး မင်းကိုဝိုင်း ကောနေတာ၊ ဒီလိုမှန်းသိရင် ငါတို့မကောပါဘူး၊ အစောကြီးကတည်းက မင်းမပြောတော့ မင်းကို ငါတို့ ၀ိုင်း ကောတာခံရတာ နည်းတောင်နည်းသေးတယ်၊ ဘာသာရေးအရ ဥပုသ်စောင့်ရတာဆိုရင် ငါတို့ မင်းကိုဘယ်နောက်ပါ့မလဲ”။ ဒီလိုမျိုးကြပြန်တော့လည်း ဒီငလောင်တွေက ချစ်ဖို့ကောင်းသည်။…။

ဤသည်မှာ စာရေးသူ တက္ကသိုလ်ကျောင်းသား ဘ၀က ကြုံတွေ့ခဲ့ရသော ချစ်စရာကောင်းသည့် ဘာသာခြား သူငယ်ချင်းများနှင့် ဆက်ဆံရေးဖြစ်သည်။ အခြားသူများလည်း မိမိတို့ရှင်သန်ရာ ပတ်ဝန်းကျင်တွင် ဤသို့ သော ချစ်စရာကောင်းသည့် ဓလေ့လေးများကို ကြုံဖူးကြမည်ထင်ပါသည်။ ထိုစဉ်အခါက စာရေးသူတို့မှာ Interfaith (ဘာသာပေါင်းစုံ အပြန်အလှန် နားလည်မှုရှိပြီး ရင်းနှီးချစ်ကြည်ရေး) ဆိုသည်ကို ဘာမှန်းပင်မသိခဲ့ ပါ။ နောက်ပိုင်းမှ စာရေးသူ၏ သူငယ်ချင်း မန္တလေးသား ကိုနိုင်အောင်မင်းကျေးဇူးဖြင့် Interfaith စကားဝိုင်း များသို့ စာရေးသူ တက်ရောက်ပါဝင်ခဲ့သည်။ ထိုအခါတွင်လည်း စာရေးသူပြောသည့် စကားတစ်ခွန်းမှာ “Interfaith ဆိုသည် မှာ မြန်မာများနှင့် အစိမ်းသက်သက်မဟုတ်၊ နဂိုကတည်းက Interfaith သဘောထားများ ရှိကြပြီးဖြစ်သည်။” အမှန်ပါ…။ ကျွန်တော်တို့တိုင်းပြည်တွင် ဤကဲ့သို့သော ချစ်စရာကောင်းသည့် ဓလေ့များ ရှိခဲ့ပါသည်။ ဆက်လက်လည်း ရှိစေချင်ပါသည်။ ဒီလိုဓလေ့မျိုးလေးတွေကို နောက်မျိုးဆက်များအထိ အဓွန့်ရှည်စေချင်ပါသည်။ ဤသည်ကား စာရေးသူ၏ ရင်တွင်းစကား အမှန်ပါ။

အကြောင်းမသင့်လို့ အတွေးအခေါ် မှိုင်းတိုက်ခံရသည့် အခါတွင်လည်း ထို ကောင်းမြတ်ဖြူစင်လှသည့် သဘောထားများ ပျောက်သွားခြင်း မဟုတ်၊ အရောင်မှိန်သွားခြင်းဖြစ်သည်။ လူအချို့သာ ဖြစ်ပါသည်။

လူမျိုး/ဘာသာရေး မုန်းတီးမှုများကို ခြေရာခံကြည့်ခြင်း

ယေဘုယျအားဖြင့် စာရေးသူ သုံးသပ်မိသလောက်ပြောရရင်တော့ မုန်းတီးမှုများမှာ (၂)မျိုးရှိသည်။ ရိုးသားစွာဖြင့် အထင်လွဲပြီး မုန်းနေသူများရှိသလို ရည်ရွယ်ချက်ရှိရှိဖြင့် အမုန်းတရားများ ပွားများနေသူများ လည်းရှိသည်။ အများအားဖြင့်တော့ မည်သည့် ဘာသာမဆို ဘာသာတရား ယုံကြည်ချက်ရှိသူများသည် မာယာ များလှသော နိုင်ငံရေး လှည့်ကွက်များအတွင်းသို့ ရိုးသားစွာ ကျရောက်ခဲ့ကြခြင်းဖြစ်သည်။ ထိုသို့ကျရောက်ခဲ့ရ ခြင်းကို ဖြစ်ပေါ်လာအောင် ကျောထောက်နောက်ခံပြုထားသော ၀န်းကျင်နောက်ခံ အနေအထားများလည်း ရှိသည်။ ဥပမာ.. အမုန်းတရားများ ပွားများစေရန် လှုံ့ဆော်ခြင်းမျိုးများ ရိုးသားသူများကြားတွင် တွင်ကျယ် လာခြင်း၊ နဂိုကတည်းက စီးပွားရေး အဆင်မပြေသဖြင့် ထွက်ပေါက်ရှာရာမှ တလွဲထွက်ပေါက် ရှာမိခြင်းများ၊ ၀ံသာနု တရားခေါင်းစဉ်တပ်ပြီး နိုင်ငံရေးနှင့် မီဒီယာလောကထဲသို့ ၀င်ရောက်လာသော နိုင်ငံရေး“ကျား” ကြီးများ၏ အကွက်ရွှေ့မှုများ၊ လူမျိုးတစ်မျိုး/ဘာသာ တစ်ဘာသာ၏ ၀တ်စားနေထိုင်ပုံများကို လူအများစုက နှစ်မြို့မှု အားနည်းလာခြင်း… စသည်စသည်ဖြင့်။ အခြားတစ်ဖက်တွင်လည်း စာရေးသူတို့အပေါ် ပတ်ဝန်းကျင်မှ မည်သို့ ထင်ကြေးပေးဝေဖန်နေကြသည်ကိုလည်း သိရန်လိုပါသည်။ မီဒီယာများတွင် အစ္စလာမ်နှင့် ပတ်သက်ပြီး ရေးသားမှုအများအပြားရှိလာရာ အငြင်းပွားစောဒက တက်စရာများ၊ စွပ်စွဲ ပုတ်ခတ်ဝေဖန်မှုများရှိသလို အချို့သော စာရေးဆရာများ၏ နှပ်ကြောင်းပေးရေးသားလာမှုများ ကိုလည်း တွေ့နေရပါသည်။ စွပ်စွဲပုတ်ခတ် လာမှုများ၊ ဝေဖန်မှုများကိုလည်း သက်ဆိုင်ရာ ဘာသာရေး ပညာရှင်များမှ မီဒီယာရှင်းလင်းပွဲများမှသော် လည်း ကောင်း၊ တစ်ဦးချင်းဖြစ်စေ၊ အဖွဲ့အစည်းအလိုက်ဖြစ်စေ မီဒီယာများမှတဆင့် ပြန်လည်ရှင်းလင်းဖြေကြားမှု များကိုလည်း တွေ့မြင်ကြားသိနေရပါသည်။ ငြိမ်းချမ်းရေးရရှိဖို့အတွက် အပြုသဘောဆောင်သည့် ဆွေးနွေး မှုများ၊ ရှင်းလင်းတင်ပြမှုများအား ငြိမ်းချမ်းစွာပြုလုပ်ဖို့လိုသလို အခြားတစ်ဖက်မှ အသံများကိုလည်း နားစွင့် ကြည့်ကြရမည်သာဖြစ်ပါသည်။ စွပ်စွဲဝေဖန်ပုတ်ခတ်ခြင်းမျိုးမဟုတ်ဘဲ ငြိမ်းချမ်းရေးပြန်လည် ရရှိ စေနိုင်မည့်အကြောင်းအရာများကို နှပ်ကြောင်းပေးရေးသားမှုများလည်းရှိပါသည်။ အကျဉ်းမျှပြန်လည်မျှဝေ တင်ပြရသော်…

ပဉ္စသိင်္ခနတ်သား စောင်းတီးသည့်ဥပမာ…

အရှင် ၀ိစိတ္တာလင်္ကာရ (ရွှေစုန်းချောင်းဆရာတော်)၏ “မြတ်ဗုဒ္ဓ နှင့် အလ္လာဟ်ကို ပုန်ကန်ကြသူများ” ခေါင်းစဉ်ဖြင့် မိန့်ကြားရေးသားတော်မူချက်များကို Essential , Volume (1), No.(41) တွင် ဖော်ပြရာ၌လည်း…

        “ဘာသာရေးပဋိပက္ခ”ဟူ၍ဖြစ်၏။ အမှန်တော့ ဘာသာတရားတိုင်းသည် သန့်စင်မွန်မြတ်ကြသည် သာ ဖြစ်သည်။ ညစ်ပတ်စုတ်ပဲ့ကြသည်မှာ ဘာသာတရားမဟုတ်၊ ထိုဘာသာကို ကိုးကွယ်ပါသည်ဟု ကြွေးကြော်ပြီး ထိုဘာသာတရား၏အဆုံးအမကို မလိုက်နာဘဲ င့ါလှေငါထိုး ပဲခူးရောက်ရောက် ပြုကျင့်သူများသာဖြစ်သည်။…” “အစ္စလာမ်သည် အစ္စလာမ် ဘာသာဝင်ကိုမှသာ ကူညီကောင်းသည်မဟုတ်၊ အခြားသော ဘာသာဝင်များ ကိုလည်း လှူဒါန်းကောင်း၊ ကူညီကောင်းသည်သာဖြစ်၏။ ကုရ်အာန်ကျမ်းကို တကယ် တတ်သိသူများနှင့် ဆွေးနွေးပြီးမှ သည်အချက်ကို ကျွန်ုပ်ထည့်ရေးခြင်းဖြစ်သည်။ စာမျက်နှာပေါင်း (၃၀၈၈)မျက်နှာရှိသော ကုရ်အာန်ကျမ်းကို ကျွန်ုပ်လေ့လာပြီးဖြစ်သည်။ အစ္စလာမ်ဘာသာသည် ကုရ်အာန် ကျမ်းတော်မြတ်၏ သွန်သင် ဆုံးမချက်အရ ဘယ်လူမျိုး၊ ဘယ်ဘာသာဝင်ကိုမှ မတရား စော်ကားပိုင်ခွင့်မရှိ။” … “အလ္လာဟ် အရှင်မြတ်သည် မနုဿလူသားတို့ကို တစ်ခါတစ်ရံ ဒုက္ခပေး၍ စမ်းသပ်တော်မူ၏။ တစ်ခါတစ်ရံ ချမ်းသာပေး၍ စမ်းသပ်တော်မူ၏။” (၂၁း၃၅) … “ဗုဒ္ဓဘာသာ၌ ခန္တီပါရမီ ခန္တီမင်္ဂလာ စသည်ဖြင့် ဟောတော်မူသကဲ့သို့ ကုရ်အာန်ကျမ်း၌ ခန္တီတရားကို အထူးတလည်ထိန်းသိမ်းစောင့်ရှောက်ရမည့်အကြောင်းအရာ အများ အပြားတွေ့ရ၏။”… ဟူ၍လည်းကောင်း…

သွေးသစ်ဂျာနယ်၊ 10 April 2013 ၊ အမှတ်-၁၂ ၊ ဗုဒ္ဓဟူးနေ့ထုတ်မှာ ဆရာသရ၀ဏ်(ပြည်)ကလည်း အချက်တစ်ခုအနေနဲ့…

“…မျက်စိဆံပင်မွှေးစူးရာမှ ထိပ်တိုက်ရင်ဆိုင်မှုများ ဖြစ်လာနိုင်ပေသည်။ ဤသည်မှာလည်း ရေရှည်တွင် ပဋိပက္ခဖြစ်လာနိုင်စေသော အကြောင်းတရားများအနက် တစ်ချက်ဖြစ်ပေသည်။… ဟူ၍ လည်းကောင်း။

        သွေးသစ်ဂျာနယ်၊ ပြည်သူ့ရေးရာကဏ္ဍတွင်လည်း ကလောင်ရှင် ဘုန်းညွန့်လှိုင်က…

“အချုပ်အားဖြင့် မြန်မာနိုင်ငံသားလားလို့မေးရင် “ဟုတ်ကဲ့၊ ကျွန်တော် မြန်မာနိုင်ငံသားပါလို့” ရဲရဲဝင့်ဝင့် ပြောနိုင်တဲ့အထိ မြန်မာစိတ်ကလေးကိုမွေးမြူလျှက် ရန်ငြှိုးတွေကိုဖယ်ရှားပြီး ကုရ်အာန်ကျမ်းပါကဏ္ဍတွေ အတိုင်း လိုက်နာကျင့်ကြံရင်း မိမိသာသနာအတွက် အကျိုးရှိသူတွေဖြစ်အောင် ပြုလုပ်ကြပါလို့ ရိုးသားစွာ တိုက်တွန်းရေးသားလိုက်ရပါတယ်။ … ဟူ၍လည်းကောင်း။

        မွန်းတည့်နေဂျာနယ်၊ အတွဲ(၁)၊ အမှတ်(၃၂)၊ သောကြာ ၊ ၂ ၊ သြဂုတ် ၊ ၂၀၁၃ နေ့ထုတ် ကလောင်ရှင် နေမင်းခန့်၏ဆောင်းပါးတွင်လည်း…

“…ပဋိပက္ခနှင့် အကြမ်းဖက်မှုများဖြစ်ထွန်းခြင်း၏ အရင်းခံစေ့ဆော်စိတ်ဖြစ်သည့် ယဉ်ကျေးမှု အမြင်မကြည်လင်မှုကို ဥပေက္ခာပြုပြီး ပြဿနာချုပ်ငြိမ်းရေး အဖြေရှာမည်ဆိုပါက ရောဂါဇာစ်မြစ် အမြစ်ပြတ် စေရန် လုံလောက်သည့်ဆေးဝါး ဖြစ်လာနိုင်တော့မည်မဟုတ်ပါ။…”

“…ထိုသို့ ယဉ်ကျေးမှုအမြင် မကြည်လင်ခြင်းက နိုင်ငံရေးအရ အိုးစားဖက်အဖြစ်လက်တွဲနေရချိန်၊ နိုင်ငံရေးလိုအပ်ချက်ရှိနေချိန်တွင် ထင်ရှားမှုမရှိသော်လည်း နိုင်ငံရေး တည်ငြိမ်မှုရှိလာချိန်တွင်မူ အက်ကြောင်း တစ်ခုအဖြစ် ပေါ်ပေါက်လာခဲ့ခြင်းဖြစ်သည်။ … အမျိုးသားရေးဝါဒီများ ခေါင်းထောင်လာခြင်း၊ ဘာသာရေး ကာကွယ်မှု အစွန်းရောက်တရားများ၏ နောက်ဆက်တွဲများ၊ နောက်ကြောင်းပြန်လှည့်လိုသူတို့၏ ပဋိပက္ခ အခင်းအကျင်းတို့ သပ်လျှိုမှုများ ခပ်ကြမ်းကြမ်းခံလိုက်ရသည့်အခါ အကြမ်းဖက်စေ့ဆော်စိတ်များအဖြစ် အသွင် ပြောင်းလဲလာခဲ့ခြင်းဖြစ်ပါသည်။”

အထက်ဖော်ပြပါ ရေးသားချက်များသည် စာရေးသူလက်လှမ်းမီသမျှလေ့လာမီသော ဂျာနယ်များမှ နှပ်ကြောင်းပေးရေးသားချက်များဖြစ်ပါသည်။ စာရေးသူတို့အနေဖြင့်လည်း မြန်မာနိုင်ငံတွင် ဘာသာရေး အသွင်ဆောင်သည့် ပဋိပက္ခများ ထပ်မံမဖြစ်ပွားစေလိုပါ။ ထို့ကြောင့် အကြံပေးလိုသည်မှာ စောင်းတီးရာတွင် စောင်းကြိုးများလျော့လွန်းလျှင်လည်း အသံမထွက်သကဲ့သို့ စောင်းကြိုးများ တင်းလွန်းလျှင် လည်း နားထောင်ကောင်းသည့်အသံမထွက်ပါ။ ထိုအခါ လျော့လွန်းသည်လည်းမဟုတ်၊ တင်းလွန်းသည်လည်း မဟုတ်ဘဲ “ပဉ္စသိင်္ခနတ်သား စောင်းတီးသည့်ဥပမာ”ကဲ့သို့ပင် မိမိယုံကြည်ချက်ကို ဆံခြည်တစ်မျှင်စာမျှပင် အတိမ်းအစောင်းခံစရာမလိုသော်လည်း အခြေအနေနှင့် အချိန်အခါကိုလိုက်၍ သင့်တင့်လျောက်ပတ်သည့် လူမှုဆက်ဆံရေးနည်းဗျူဟာများဖြင့် အနာဂတ်တွင် ရေရှည်ငြိမ်းချမ်းရေးရဖို့အတွက် စီမံကိန်းများ ရေးဆွဲ ဆောင်ရွက်သင့်ပါသည်ဟု အကြံပြုလိုပါသည်။

အပြောင်းအလဲနှင့် အသုံးချခံများ

        မြန်မာ့နိုင်ငံရေးအပြောင်းအလဲကာလအစတွင် စာရေးသူတို့အစ္စလာမ်ဘာသာဝင်များသည် ပွဲဦးထွက် မရှုမလှကြီး ခံလိုက်ကြရသလိုပင် အခြားတစ်ဖက်တွင်လည်း ဘာသာရေးပဋိပက္ခများနှင့်အပြိုင် ကြီးမားသောအရေးအခင်းများ ပေါ်ပေါက်လာသည်။ ဥပမာ… လက်ပံတောင်းတောင်ကိစ္စ၊ ရန်ကုန်မြို့ရှိ မိကျောင်းကန် လူနေရပ်ကွက်ကိစ္စများ… အစရှိသည်ဖြင့် ပြဿနာများပေါ်ပေါက်လာသည်။ ဤကိစ္စများနှင့် ပတ်သက်၍…

        သြဂုတ်လ ၃ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်တွင်…

        “…ပြီးခဲ့သည့် ကာလများက ရန်ကုန်မြို့ မိကျောင်းကန်အပိုင်း(၁)(၂)(၃)တွင်လည်း မိုးရေထဲတွင် နေအိမ်များမှထွက်ခွာရန် အင်အားသုံးဖယ်ရှားမှုများပြုလုပ်ခဲ့သောကြောင့် အဆိုပါနေရာတွင် နေထိုင်သူများ လမ်းဘေးတွင် တဲထိုးနေခဲ့ရသော အခြေအနေမျိုး ပေါ်ပေါက်ခဲ့ဖူးသည်။ ဧရာဝတီတိုင်း ရှားခဲအင်း ဒေသတွင်လည်း အင်းကိစ္စနှင့်ပတ်သက်ပြီး ရဲတပ်ဖွဲ့ဝင်များနှင့် ဒေသခံတောင်သူများ ပဋိပက္ခ ဖြစ်ပွား၍ သွေးထွက်သံယိုမှုများ ဖြစ်ခဲ့ရသည်။ လက်ပံတောင်း သပိတ်စခန်းကို ဖော့စရပ်ပါသော ဗုံးများဖြင့် အင်အားသုံး ဖြိုခွင်းမှုမျိုးလည်း ရှိခဲ့သည်။ထိုစဉ်က သံဃာတော်များ၏ ထိခိုက်ဒဏ်ရာ ရရှိမှုများက နိုင်ငံတကာတွင် အစိုးရ၏ ပုံရိပ်ကို ထိခိုက်စေရုံ သာမက သမိုင်းဒဏ်ရာ တစ်ရပ်အဖြစ်လည်း ကျန်ရစ်ခဲ့သည်။…”ဟု ဖော်ပြပါရှိပါသည်။ ဤကဲ့သို့သော မြန်မာ့နိုင်ငံရေးအပြောင်းအလဲ ကာလတွင်ဖြစ်ပေါ်ခဲ့သည့် ပဋိပက္ခများ၊ အရေးအခင်းများတွင် အသုံးချခံ “scapegoat” ဖြစ်ခဲ့ရသူများတွင် ဘာသာစုံ၊ လူမျိုးစုံပါဝင်နေသည်ကိုတွေ့နေရပါသည်။ “အသုံးချခံ” များကလည်း မိမိတို့အခြေအနေမှန်ကို အရှိအတိုင်း သိမြင်ဖို့လိုအပ်လိမ့်မည်။ ထိုသို့မဟုတ်ဘဲ စာရေးသူ အထက်တွင်ဖော်ပြသကဲ့သို့ ဘာသာရေး/လူမျိုးရေးမှိုင်းတိုက်မှုများကြောင့်ဖြစ်စေ၊ အခြားအကြောင်းအရာ များကြောင့်ဖြစ်စေ “အသုံးချခံ”ဖြစ်နေရသူများ အချင်းချင်းကြားတွင်လည်း ထပ်မံ၍ ပဋိပက္ခများဖြစ်ပေါ် လာဦးမည်ဆိုပါက တစ်ချိန်တုန်းက အင်္ဂလိပ်အစိုးရက မြန်မာပြည်ဖွား တိုင်းရင်းသားများ အချင်းချင်း စိတ်ဝမ်း ကွဲပြားမှုများဖြစ်ပေါ်အောင် ဖန်တီးကာ လွတ်လပ်ရေးပေးရန် အချိန်ဆွဲခဲ့သဖြင့် “ကျွန်သက်ရှည်”ခဲ့ရသည့်အဖြစ် ကို သင်ခန်းစာယူသင့်ပါသည်ဟုလည်း အကြံပြုချင်ပါသေးသည်။

ခေတ်သစ်လူမှုရေးဝါဒီများ

        ဒါဝင်၏ အီဗိုလူးရှင်းသီအိုရီ ဟုဆိုလိုက်သည်နှင့် ဖန်ဆင်းရှင်ဝါဒကို ဆန့်ကျင်သည့်အမြင်ရှိသည့် အတွေးအခေါ်တစ်ခုအဖြစ် သိကြပြီးဖြစ်ပါသည်။ စာရေးသူ၏ ယခုဆောင်းပါးတွင်တော့ “ဖန်ဆင်းရှင်ဝါဒနှင့် ဖန်ဆင်းရှင်ဝါဒကိုဆန့်ကျင်သည့် ၀ါဒများအနက် တစ်ခုဖြစ်သော ဒါဝင်ဝါဒ”တုိ့၏ အားပြိုင်မှုများ၊ ပညာရှင်များ အပြန်အလှန်ဆွေးနွေးမှုများကို ဖော်ပြလိမ့်မည်မဟုတ်ပါ။ သို့သော် ထို ဒါဝင်ဝါဒက ယူဆောင်လာခဲ့သည့် ၎င်း၏ နောက်ဆက်တွဲဝါဒဖြစ်သော “ဒါဝင်၏ခေတ်သစ် လူမှုရေးဝါဒ”အကြောင်းကို စာရေးသူဖတ်မိ သိရှိသမျှ ပြန်လည် မျှဝေမည်ဖြစ်ပြီး ထို “ဒါဝင်၏ခေတ်သစ်လူမှုရေးဝါဒီ”များ၏ သဘောထားနှင့် အမြင်ကိုလည်း မျှဝေမည် ဖြစ်ပါသည်။ ကမ္ဘာပေါ်တွင် ဖြစ်ပွားခဲ့သော် လူမျိုးတုံးသတ်ဖြတ်ပွဲကြီးများ၊ လူမျိုးရေးခွဲခြားမှုများ၏ အဓိက ရေသောက်မြစ်များအနက်တစ်ခုဖြစ်သော ထိုဝါဒကို စာရေးသူလေ့လာမိသမျှ ပြန်လည်မျှဝေရသော်…

…မကြာမီအချိန်အတွင်း အီဗိုလူးရှင်းသီအိုရီသည် လူမှုရေးသိပ္ပံမှအစ လူ့သမိုင်းအထိ၊ စိတ်ပညာ မှအစ နိုင်ငံရေးအထိစသည့် လူ့အဖွဲ့အစည်းနှင့်သက်ဆိုင်သည့် ဘာသာရပ်နယ်ပယ်အားလုံးအတွက် အဓိကကိုးကား ရသော အခြေခံဖြစ်သွားလေတော့သည်။ အတွေးအခေါ်နယ်ပယ်တိုင်းတွင် “အသက်ရှင်ရေးအတွက် တိုက်ပွဲ ဆင်နွှဲရမည်”ဟူသောကြွေးကြော်သံနှင့် “အသင့်တော်ဆုံးသူသာလျှင် ဆက်လက် အသက်ရှင်မည်”ဟူသော ကြွေးကြော်သံများဖြင့် ကျော်ကြားသွားလေပြီ။ နိုင်ငံရေး ပါတီများ၊ နိုင်ငံအစိုးရများ၊ အုပ်ချုပ်ရေးပိုင်းများ၊ စီးပွားရေး အဆောက်အအုံများ၊ ပုဂ္ဂလိကအသိုင်းအ၀ိုင်းများ စသည်တို့တွင် ထိုကြွေးကြော်သံများ ဟိန်းနေတော့၏။ … ဒါဝင်ဝါဒဖြန့်မှုသည် ပညာရေးမှအစ အနုပညာအထိ၊ နိုင်ငံရေးမှအစ လူ့သမိုင်း ဘာသာရပ်များအထိ ပျံ့နှံ့အသုံးပြုကြလေသည်။ ဘာသာရပ်တိုင်းကို ဒါဝင်အတွေးအခေါ်နှင့် အီဗိုလူးရှင်း သီအိုရီကို ကြိုးစား၍ ဆက်စပ်ကြလေသည်။… ဒါဝင်ကိုယ်တိုင်က သူ၏အီဗိုလူးရှင်းသီအိုရီကို လူမှုရေးသိပ္ပံ ဘာသာရပ်မှ ကိုယ်ကျင့်တရားဆိုင်ရာ သဘောပေါက်မှုများနှင့်ပတ်သက်၍ အခြေခံသဘောတရားအဖြစ် တည်ဆောက်ရန် ထောက်ခံပြောဆိုခဲ့ပေသည်။ အိပ်ခ်ျသီးလ် (H.Thiel) ထံသို့ ၁၈၆၉ ခုနှစ်တွင် ရေးပို့ခဲ့သော စာတစ်စောင်တွင် ဒါဝင်က အောက်ပါ အတိုင်း ရေးသားခဲ့လေသည်။

“လူကြီးမင်းကနေ၊ ကျွန်ုပ်၏ မျိုးစုများ၏ပြောင်းလဲမှုနှင့်ပတ်သက်၍ အသုံးပြုသောပုံစံကို စိတ်ဓါတ်ရေးရာကျင့်ဝတ်အပိုင်းနှင့် လူမှုရေးအပိုင်းတွင် ဆင်တူရိုးမှား အမြင်များအနေဖြင့် အသုံးချနေသည်ကို ကျွန်ုပ်မည်မျှ နှစ်ထောင်းအားရ စိတ်ဝင်စားစွာ စောင့်ကြည့်နေသည်ကို သံသယကင်းစွာ ယုံကြည်လိမ့်မည်ဟု မျှော်လင့်ပါသည်။” ¹

¹ Francis Darwin, The Life and Letters of Charles Darwin, D.Appleton and Co. 1896, vol.2, p.294

သမိုင်းပါမောက္ခ ချက် ဘာရ်ဇွန်းက လက်ရှိကမ္ဘာတွင် သိပ္ပံပညာ၊ လူမှုဆက်ဆံရေးနှင့် ယဉ်ကျေးမှုတို့ကြောင့် ကိုယ်ကျင့်တရားအလွန်အမင်းပျက်ပြားနေခြင်းနှင့်ပတ်သက်၍ “ဒါဝင်၊ မားစ်(က်)၊ ဝေဂ်နာ” ဟူသောစာအုပ်တွင် အောက်ပါအတိုင်း သုံးသပ်ချင့်တွက်ထားပေသည်။ ဤကမ္ဘာလောကတွင် ဒါဝင်ဝါဒ၏ သြဇာလွှမ်းမိုးမှုနှင့်ပတ်သက်၍ ဘာရ်ဇွန်း၏ဝေဖန် သုံးသပ်ချက်သည် အင်မတန် မှန်ကန် လွန်းလှပေသည်။

“…၁၈၇၀ ခုနှစ်နှင့် ၁၉၁၄ ခုနှစ်ကြားကာလများတွင် ဥရောပတစ်ခွင်လုံး နိုင်ငံတိုင်း၌ လက်နက်တပ်ဆင်မှုကိုလိုလားသော စစ်အုပ်စု၊ သနားကြင်နာမှုကင်းမဲ့စွာ ပြိုင်ဆိုင်မှုကို လိုလားသော အတ္တ၀ါဒီအုပ်စု၊ ခေတ်နောက်ကျနေသောလူတို့ကို လက်လွတ်စပယ် ကိုင်တွယ်နိုင်ခွင့်တောင်းဆိုသည့် နယ်ချဲ့အုပ်စု၊ အာဏာသိမ်းခြင်းကို လိုလားတောင်းဆိုသော ဆိုရှယ်လစ်ဝါဒီအုပ်စု၊ ပြည်တွင်းရှိလူမျိုးခြားအားလုံးကို သတ်ဖြတ်သုတ်သင်ခွင့် တောင်းဆိုသည့် လူမျိုးရေးဝါဒီအုပ်စု စသည်တို့ မှိုလို ပေါက်လာခဲ့သည်။ ၎င်းတို့က အများလူထု၏ကြိုက်နှစ်သက်မှုကိုဆွဲဆောင်နိုင်ခြင်းနှင့် ၎င်းတို့၏ကျော်ကြားမှု ဂုဏ်ကျက်သရေတွေ ကျဆင်းလာသည်နှင့်အမျှ စပင်ဆာနှင့် ဒါဝင်တို့ကို စတင်ကိုးကား လာကြလေသည်။ သိပ္ပံယောင်ဆောင်သည့် ဒုစရိုက်များဟုပင် ဆိုရပေမည်။ လူမျိုးခွဲခြား ရေးသည် ဇီဝနိယာမဖြစ်သွားသည်။ လူမှုရေးဖြစ်စဉ်အဖြစ်သာ ယူဆကြတော့သည်။ ဒါဝင် ၀ါဒီတို့၏အမူအကျင့်နှင့် ဆောင်ရွက်မှုတွေချည်း ဖြစ်ပေသည်။”²

² Jacques Barzun, Darwin, Marx, Wagner, Garden City, N.Y: Double Day, 1958, pp.94-95 cited in Henry M.Morris, The Long war Against God, Baker Book House, 1989, p.70

…လူသားကိုဖွံ့ဖြိုးသောတိရစ္ဆာန်အဖြစ် လက်ခံယုံကြည်သူတို့သည် အင်အားချိနဲ့သူတို့၏ ကျောကိုနင်းချေ၍ မြင့်သောအဆင့်သို့တက်ရန် ၀န်မလေးကြချေ။ နာဖျားမကျန်းသူတို့နှင့် အင်အားချိနဲ့ သူတို့ကို ဖျောက်ဖျက်ပစ်ရန်နှင့် သူတို့အမြင်တွင် အဆင့်နိမ့်သည်ဟုထင်သော လူမျိုးများကို အစု လိုက်သတ်ဖြတ်ရန် နည်းလမ်းရှာကြလေသည်။ အဘယ့်ကြောင့်ဆိုသော် သူတို့လက်ခံယုံကြည်ထားသည့် သိပ္ပံ မျက်နှာဖုံးတပ်ထားသောသီအိုရီက ထိုကဲ့သို့လုပ်ခြင်းသည် “သဘာဝနိယာမတရား”ဖြစ်သည်ဟု သင်ပေးထား သောကြောင့်ဖြစ်သည်။

စာရေးသူ၏ ယခုဖော်ပြချက်များသည် မူရင်းရေးသားသူ ဟာရွန်ယာဟ်ယာ ရေးသည့် စာအုပ်ကို ဘာသာပြန်ပညာရှင် အလီတန်ဂွန်းက အင်္ဂလိပ်ဘာသာမှ တဆင့် မြန်မာဘာသာသို့ပြန်ဆိုသည့် “လူ့လောကသို့ ဘေးဒုက္ခအပေါင်း ယူဆောင်ခဲ့သောဒါဝင်ဝါဒ”စာအုပ်မှ အချက်အလက်အချို့ကိုသာ ကောက်နုတ် ဖော်ပြခြင်းဖြစ်ပါသည်။ English version အနေဖြင့်ကတော့ ”THE DISASTERS DARWINISM BROUGHT TO HUMANITY” ဟူ၍ဖြစ်ပါသည်။

“ဤနေရာတွင် စာရေးသူအနေဖြင့် အဓိကထား၍ ပြောလိုသည်မှာ ဖန်ဆင်းရှင်ဝါဒကိုလက်မခံသူတိုင်း (သို့) ဘုရားမဲ့ဝါဒီ၊ Free Thinker တိုင်းသည် လူမျိုး/ဘာသာရေး အဓိကရုဏ်းဖန်တီးသူများ မဟုတ်ပါ။ သို့သော် လူမျိုး/ဘာသာရေး အဓိကရုဏ်း ဖန်တီးလိုသူများ၊ လူမျိုးတုံးသတ်ဖြတ်ပွဲများနှင့် ဒါဝင်လူမှုရေးဝါဒ မည်သို့ဆက်စပ်သည်။ ကမ္ဘာ့လူသတ်သမားကြီးများ အများစုသည် မည်သို့သော အိုင်ဒီယာမျိုးဖြင့် လူမျိုးတုံး သတ်ဖြတ်မှုတွေကျူးလွန်ခဲ့ကြသည်၊ လူမျိုးရေးခွဲခြား ဖိနှိပ်ဆက်ဆံမှုများ ပြုလုပ်ခဲ့ကြသည်ကို စာရေးသူ ဖတ်မိ သမျှကို လက်ရှိပြည်တွင်းရေးအခြေအနေများနှင့်ဆက်စပ်၍ ပြန်လည်မျှဝေခြင်းသာ ဖြစ်ပါသည်။ (စာရေးသူ)

အကြောင်းဆက်စပ်သဖြင့် နိုင်ငံတော်သမ္မတကြီး ဦးသိန်းစိန်၏ ၂၀၁၃ခုနှစ်၊ သြဂုတ်လ (၁)ရက်နေ့တွင် မီဒီယာများမှတဆင့် နိုင်ငံတော်သို့မိန့်ကြားခဲ့သော မိန့်ခွန်းကိုလည်း ကောက်နုတ်ဖော်ပြလိုပါသည်။

“…အကြောင်းတိုက်ဆိုင်တဲ့အတွက် ဒီနေရာမှာကျွန်တော့်အနေနဲ့ ဗိုလ်ချုပ်အောင်ဆန်းရဲ့ အလယ် ပစ္စယံညီလာခံမိန့်ခွန်းကို ကိုးကားပြီးပြောကြားလိုပါတယ်။ … လူမှုတိုးတက်ရေးနဲ့ ဘာသာရေးတို့ဟာ တစ်ခုနဲ့ တစ်ခု ဆန့်ကျင်ဘက်သဘောမဆောင်ကြောင်း၊ ဒါပေမယ့် ဘာသာတရားရဲ့နာမကိုအလွဲသုံးစားလုပ်ပြီး ဆင် ခြင်တုံတရားကင်းမဲ့ခြင်းကို အကြောင်းပြုပြီး မတရားတဲ့အမှုတွေကိုပြုရင်တော့ လူ့အဖွဲ့အစည်းက အဲဒီ မတရား မှုကို လျစ်လျူရှုနိုင်မှာမဟုတ်ဘူးလို့ အတိအလင်းပြောကြားခဲ့ပါတယ်။

လူအများကိုနစ်နာစေမယ့် တရားဓမ္မဖြစ်လေဟန် ဟောပြောမှုတွေ၊ လုပ်ဆောင်မှုတွေကိုလည်း တားမြစ်သွားရမယ်လို့ အဲဒီမိန့်ခွန်းမှာ ထင်ထင်ရှားရှားကြီး ဖော်ပြခဲ့ပါတယ်။ အဲသလိုပဲ လွတ်လပ်စွာ ဘာသာကိုးကွယ်နိုင်မှုဆိုတဲ့ အခွင့်အရေးကိုပေးတဲ့နေရာမှာတော့ နိုင်ငံရေးနဲ့ ကိုးကွယ်သည့်ဘာသာရေး နှစ်ဌာနစပ်ကြား စည်းတားရပေလိမ့်မည်လို့ဆိုခဲ့ပါတယ်။ … ဗိုလ်ချုပ်ရဲ့အလယ်ပစ္စယံညီလာခံမိန့်ခွန်းဟာ ဒီကနေ့ ကျွန်တော်တို့နိုင်ငံအခြေအနေမှာ များစွာစဉ်းစားစရာ၊ များစွာသင်ခန်းစာယူစရာဖြစ်တယ်လို့ ဆိုရမှာ ဖြစ်ပါတယ်။”

Liability လား? Asset လား? ကျွန်ုပ်တို့၏ပိုင်ဆိုင်မှုများ…

        မြန်မာလိုဆိုရင်တော့ “ပစ္စည်းသင်္ခါရ၊ လူသင်္ခါရ”ဟု ဆိုရလိမ့်မည်ထင်ပါသည်။ ကျွန်ုပ်တို့၏ ပိုင်ဆိုင်မှု များသည် အနိစ္စသဘောအတိုင်း ပျက်စီး၊ ဆုံးရှုံးရတတ်သည့် သဘောရှိပါသည်။ ဘာသာတရားတိုင်းတွင်လည်း ထိုသင်္ခါရတရားနှင့်ပတ်သက်ပြီး ဆိုဆုံးမမှုများရှိပါသည်။ သို့သော် လူအချို့သည် ထိုမမြဲသော သဘောများကို သိထားပါလျက်နှင့် ဘာကြောင့်များ “ငါ့ပိုင်ဆိုင်မှု၊ ငါ့အိမ်”ဆိုပြီး အတ္တတွေ ကြီးနေရပါသနည်း၊ အမှန်တကယ်ပဲ ထိုပိုင်ဆိုင်မှုများကို ထာဝရတည်တံ့သည်ဟုထင်နေသည်လား၊ သို့မဟုတ် ထာဝရ မတည်တံ့မှန်းသိ၍ မိမိ၏နောင်သားစဉ်မြေးဆက်အထိ ရေရှည်တည်တံ့နိုင်အောင် ဥာဏ်နီဥာဏ်နက် များသုံးပြီး တရားသည့်နည်းရော၊ မတရားသည့်နည်းပါသုံး၍ တိုးပွားတည်တံ့အောင်လုပ်နေသည်လားဆိုသည်ကိုတော့ ကာယကံရှင်များသာ သိပါလိမ့်မည်။ စာရေးသူကတော့ အမေရိကန်နိုင်ငံမှ စီးပွားရေးပညာရှင်ကြီးတစ်ဦးဖြစ်သူ Robert T.Kiyosaki ကြိုတင်ခန့်မှန်းခဲ့သည့် ခန့်မှန်းမှုနှင့် ၎င်းခန့်မှန်းသည့်အတိုင်းဖြစ်ပေါ်လာမှုကိုကြည့်ပြီး သံဝေဂယူမိပါသည်။

လွန်ခဲ့သည့်နှစ်အနည်းငယ်က အမေရိကန်မှစတင်ကာ တစ်ကမ္ဘာလုံးတွင် စီးပွားပျက်ကပ် ကြီးကို ကြုံခဲ့ရပါသည်။ ထို စီးပွားပျက်ကပ်ကြီးမကြုံခင် နှစ်အနည်းငယ်ကပင် Robert T.Kyiosaki က ၎င်း၏ Rich Dad Poor Dad အမည်ရသော စာအုပ်တွင် ကျွန်ုပ်တို့ပိုင်ဆိုင်သောအိမ်များသည် ကျွန်ုပ်တို့ရပိုင်ခွင့် Asset များမဟုတ်၊ ကျွန်ုပ်တို့ပေးရန်ရှိသည့် တာဝန်များ(သို့)ကြွေးမြီများ Liabilities များဖြစ်သည်ဟု ခန့်မှန်း ပြောဆိုခဲ့သဖြင့် အမေရိကန်စီးပွားရေး ပညာရှင်လောကတွင် ဝေဖန်သံများညံသွားခဲ့သည်။

သို့သော် နောက် နှစ်အနည်းငယ်အကြာတွင် ၎င်းခန့်မှန်းသည့်အတိုင်း Credit Card (အကြွေးဝယ်ကဒ်များ) အသုံးများသော နိုင်ငံတွင် အိမ်၊ခြံ၊မြေ ဈေးကွက်က ကသောင်းကနင်းဖြစ်၊ ဘဏ်တွေဒေ၀ါလီခံသည့်အခါ (အကြွေးဝယ် ကဒ်များ) စိတ်မချရတော့၊ သုံးလို့မရတော့၊ စီးပွားရေးကြွေးမြီများကိုပေးဆပ်ရန်လည်း ငွေမရှိသည့်အခါ မိမိ နေထိုင်သည့်တိုက်ခန်း၊ အိမ်ခန်းများ (အကြွေးစနစ် Installment ဖြင့်ဝယ်ယူထားသည်ကများပါသည်)ကို ဘဏ်များသို့ ထိုးအပ်လိုက်ရပြီး လူတွေအများကြီး အလုပ်လက်မဲ့၊ အိုးမဲ့အိမ်မဲ့များဖြစ်ကုန်ကြသည်။ အမေရိကန်လို ကမ္ဘာ့စူပါပါဝါ၊ ကမ္ဘာ့ပညာရှင်ကြီးများပေါများသည့်နိုင်ငံတွင် စတင်၍ဖြစ်ခြင်းဖြစ်သည်။ အရပ်ကူပါ၊ လူဝိုင်းပါ ။ အစိုးရလည်း မနေရ၊ နောက်ဆုံးတော့ ကမ္ဘာ့အကြီးဆုံးဖြစ်ပြီး အစိုးရမှ ခြယ်လှယ်ခြင်း ကင်းသော လွတ်လပ်သည့်ဈေးကွက်ကြီးကို အစိုးရကငွေစိုက်ထုတ်ကာ ကယ်တင်လိုက်ရသည်။ နိုင်ငံလည်း တော်တော် အကြွေးတင်သွားသည်။ ဤဖြစ်ရပ်ကိုကြည့်ခြင်းအားဖြင့် စာရေးသူက Robert T.Kiyosaki မဟုတ်သည့်တိုင် သူ့အတွေးအခေါ် လမ်းကြောင်းအတိုင်း စဉ်းစားမိသည်။

စာရေးသူတိုိ့နိုင်ငံတွင်လည်း သူတို့နိုင်ငံမှာလို အကြွေးဝယ်ကဒ်တွေ လှိုင်လှိုင် သုံးနေတာမဟုတ်သည့်တိုင် ကိုယ့်အိမ်၊ ကိုယ့်ခြံသည် ကိုယ်ပိုင်ဆိုင်သည့် မရွှေ့ပြောင်းနိုင်သော ပစ္စည်းများဟု အတပ်ပြောနိုင်ပါမည်လော၊ တစ်ချိန်ချိန်တွင် စာရေးသူတို့ အိမ်၊ခြံ၊မြေများအား အလျော်အဖြစ် ခုနှိမ်ခြင်း မခံရဟု (သို့) ရန်သူမျိုးငါးပါးဖြင့် မပျက်စီး၊ မဆုံးရှုံးဟု မည်သူအာမခံနိုင်ပါမည်လဲ။ နိုင်ငံကြီးအချို့ကတော့ ၎င်းတို့ ရစရာရှိသောအကြွေးများကို လျှော်ပစ်သည်ဟုတော့ ကြားသိနေရသည့်တိုင် စာရေးသူတို့နိုင်ငံတွင် နိုင်ငံခြားကြွေးမြီများ မည်မျှရှိနေပါပြီလဲ၊ ထိုနိုင်ငံကြီးများမှ ထိုကြွေးမြီများကို မလျှော်ပစ်ခဲ့လျှင်…အစရှိသည်ဖြင့် မီးခိုးတန်းကြွက်လျှောက် တွေးမိလျှင် သက်မောချစရာတွေကြီးများသာဖြစ်သည်။

အချုပ်အားဖြင့်တော့… စာရေးသူတို့ လောကကြီးတွင် ခဏတာနေရသည့်အချိန်တွင် တစ်ဦးနှင့်တစ်ဦး မေတ္တာပွားများကာ ဝေမျှ နိုင်ရန်လိုပါသည်။ သို့မှသာ စာရေးသူတို့ မျိုးဆက်သစ်များအတွက်လည်း ငွေကြေး၊ အိမ်ခြံမြေ ပိုင်ဆိုင်မှုစသည် တို့အပြင် သစ္စာတရား၊ မေတ္တာတရား၊ ဥာဏ်အလင်းထွန်းလင်းစေမည့်ပညာ အစရှိသည့် လူသားဆန်သည့် ကောင်းမွန်သော ရုပ်နှင့် နာမ်ပိုင်းဆိုင်ရာတရားများကိုလည်း အမွေအဖြစ် ထားရစ်ခဲ့နိုင်ပါလိမ့်မည်။ စာရေးသူတို့ ခဏတာမျှနေရသောလောကကြီးကို နှုတ်ဆက် ခွဲခွာရာတွင်တော့ တာဝန်ကျေပွန်သောလူသားတစ်ယောက်၊ တရားမျှတသော လူသား တစ်ယောက်အဖြစ် ခွဲခွာနှုတ်ဆက်ရင်း လောကီ၊ လောကုတ္တရာ နှစ်ဖြာသော အကျိုးအောင်မြင်မှုများကို ရရှိနိုင်ကြပါစေလို့ လူသားအားလုံးအတွက် ဆုတောင်းပေးရင်း၊ ဝေနေယျခပ်သိမ်းကို မေတ္တာပို့ရင်းဖြင့်…

သန့်ဇင်အေး

မှီငြမ်းကိုးကား

၁။ ပြည်ထောင်စုမြန်မာနိုင်ငံတော် သမ္မတရုံး Facebook စာမျက်နှာ

၂။ လူ့လောကသို့ ဘေးဒုက္ခအပေါင်းယူဆောင်ခဲ့သောဒါဝင်ဝါဒ ၊ ဟာရွန်ယာယဟ် ၊ အလီတန်ဂွန်း(မြန်မာပြန်)

၃။ Rich Dad Poor Dad, Robert T.Kiyosaki

၎။ ဆောင်းပါးတွင် ဖော်ပြပါရှိပြီးသော ဂျာနယ်များ၊ သတင်းစာများနှင့် အောက်ခြေမှတ်စု Foot Notes များ

August 21, 2013
အလဲဗင်းမှ အမ်-မီဒီယာအား အစွန်းရောက်ဟု အခြေအမြစ်မဲ့တိုက်ခိုက်မှုအပေါ် အမ်-မီဒီယာ၏ တုန့်ပြန်ချက်

M-Media
၂၀၁၃ ဇွန်လ ၂၉ ရက်

၂၇ ရက်ဇွန်လ၊ ၂၀၁၃ ထုတ်အလဲဗင်းမီဒီယာသည် သတင်းစာမျက်နှာဖုံးဆောင်းပါး “Facebook ပေါ်တွင် ဘာသာရေးသွေးထိုး လှုံဆော်မှုများ လုပ်ဆောင်နေသည့် လူထုမောင်ကာဠု၊ We Love True ကဲ့သို့ပင် မွတ်စလင်အစွန်းရောက်များလည်း ရှိနေ” ဟူသော ခေါင်းစဉ်ဖြင့် တင်ပြခဲ့သည်။

ယင်းဆောင်းပါးတွင် အလဲဗင်းက M-Media အား အစွန်းရောက်မွတ်စလင်မီဒီယာအဖြစ် ဖော်ပြခဲ့သည်မှာ အခြေအမြစ်မရှိသော တိုက်ခိုက် ရေးသား မှု သာဖြစ်ကြောင်း အမ်-မီဒီယာအကြီးတန်း တာဝန်ခံများက ဆိုပြီး အလဲဗင်း၏ ကျင့်ဝတ်သိက္ခာနှင့် အစွန်းရောက် (extremist) စကားလုံး အပေါ် သဘောပေါက် နားလည်မှုအား မေးခွန်းထုတ် ဝေဖန်လိုက်သည်။

“extremist ဆိုတဲ့နေရာမှာ ဒီစာလုံးကို အသုံးပြုဖို့ အင်မတန်မှ စဉ်းစားသင့်တယ်။ ကိုယ့်ကိုကိုယ် ပရိုမီဒီယာကြီးလို့ ကျွေးကြော်ပြီး Asia News Network က သူတို့သတင်းတင်တာလောက်ကို ကမ္ဘာကပဲ သူတို့ရေးတာ လက်ခံသယောင် အောင်ပွဲခံခဲ့တာမျိုး ရှိတဲ့ အလဲဗင်းက ဒီလိုမျိုး စကားလုံး သုံးတာ ထူးခြားတယ်လို့တော့ မထင်ဘူး။ ဥပမာပေါ့ဗျာ၊ အမေရိကန်သံအမတ်ကြီးကိုယ်တိုင် ဦးစီးဦးဆောင်ပြုပြီးတော့ လုပ်တဲ့ အင်တာဖိတ် (Interfaith) ဆွေးနွေးပွဲ သတင်းကို အလေးပြုဖော်ပြပြီးတော့ ပြည်သူကို ပညာပေး၊ အသိပေးလုပ်သင့်တဲ့အချိန်မှာပေါ့၊ သူတို့က Father Land နဲ့ ဒေါ်ဝါ၀ါဝင်းရွှေအမှုနဲ့ အလုပ်များနေတယ်။ ဒါမျိုးက hate incitement ဆိုတဲ့ သွယ်ဝိုက်ပြီးတော့ ကိုဝါဒဖြန့်တဲ့ နည်းမျိုး၊ မွတ်စလင်ပိုင် ကုမ္ပဏီတစ်ခုပါဝင်ပတ်သတ်နေတာနဲ့တင် သူတို့အတွက် တခြားအရေးကြီးသတင်းတွေကို လျစ်လျူရှုလိုက်တဲ့ လုပ်ရပ်မျိုးပဲ။ ဒါကြောင့် ဒီလိုမီဒီယာရဲ့ extremist ဆိုပြီး တိုက်ခိုက်ချက်ကို ကျွန်တော်တို့ဘာမှ အလေးပေး ဂရုစိုက်ဖို့ မလိုဘူးလို့ ထင်ပါတယ်။” ဟု အမ်မီဒီယာမှ တာဝန်ရှိသူတစ်ဦးက ဆိုသည်။

အလဲဗင်းအနေဖြင့် အင်တာဖိတ်ဆွေးနွေးပွဲသတင်းများကို အရေးတယူလုပ်ဖော်ပြခြင်းမျိုးမရှိသော်လည်း အစ္စလာမ်သာသနာဝင်များပိုင်ဆိုင်သည့် စီးပွားရေး လုပ်ငန်းများနှင့် အစိုးရ၀န်ထမ်းများအကြား မသမာမှုများရှိနေသည်ဟူသည့် သတင်းစသည်များကိုသာ အသားပေး ဖော်ပြလေ့ရှိ သည်။ ဒေးလီးအလဲဗင်း သတင်းစာ၏ ဇွန်လ ၂၅ ရက်နေ့ထုတ် အယ်ဒီတာအာဘော်တွင် အမှန်တရားပင်ဖြစ်လင့်ကစား လူအများစု၏ သဘောထားကို လိုက်၍ သတင်းတင်ပြရလေ့ ရှိ သည်ဟူသော သဘောကို သွယ်ဝိုက်စွာ ရေးသားဖော်ပြထားပါသေးသည်။ ယင်းနှင့်ပတ်သတ်၍ အမ်မီဒီယာ အကြီးတန်းသတင်းသုံးသပ်သူတစ်ဦး က အောက်ပါအတိုင်း မှတ်ချက်ပေးပါသည်။

“M-Media ရဲ့ အင်တာဖိတ် tolerance နဲ့ပတ်သတ်ပြီး တင်တဲ့သတင်းကို ဦးရဲထွဋ်လို နိုင်ငံတော်အဆင့်တာဝန်ရှိသူတွေကိုယ်တိုင် ရှယ်တဲ့အခြေ အနေ မျိုးမှာ ရှိပါတယ်။ ကျွန်တော်တို့ မီဒီယာရဲ့ အဓိကရည်ရွယ်ရင်းကလည်း ဒါပါပဲ။ နောက်ပြီးတော့ ကျွန်တော်တို့ မီဒီယာရဲ့ အင်္ဂလိပ်ပိုင်းကို ဘန်ကောက် အေပီ ဗျူရို ချိဖ် (AP Bureau Chief) ဖြစ်တဲ့ Todd Pitman လို လူမျိုးက like လုပ်ထားတာမျိုးလည်း ရှိပါတယ်။ အလဲဗင်းရဲ့ စွပ်စွဲချက်နဲ့ ပတ်သက်လို့ကတော့ဗျာ၊ ရှင်းပါတယ်၊ ဒါမျိုးကို အရင်က အာဏာရှင်အစိုးရလုပ်ခဲ့တာပဲ၊ ဥပဒေတွေ ချပြပြီး ခြိမ်းခြောက်မယ်။ ဥပမာ – အရင် exile media တွေဖြစ်တဲ့ ဧရာဝတီတို့ စတဲ့ မီဒီယာတွေကို အာဏာရှင်စစ်အစိုးရက ဒီလိုပဲ ခြိမ်းခြောက်ပြီး မိစ္ဆာမီဒီယာတွေလို့ သမုတ်ခဲ့တာပဲ။ အခု အလဲဗင်းကလည်း အာဏာရှင်ပုံစံဖမ်းပြီး ခြိမ်းခြောက်တာမျိုးပါ။ အမှန်ရေး သတင်းထောက်တွေကိုတောင် ရန်မူနေတဲ့တိုင်းပြည်မှာဗျာ၊ လူများစုနဲ့ ဆန့်ကျင်တဲ့အမှန်ကို တင်ပြရင်တော့ ဒါ အစွန်းရောက်လို့ ပြောခံရမှာပဲ။ သူတို့ကိုယ်သူတို့မှ မသုံးသပ် နိုင်ကြတာကိုး။ ”

အလဲဗင်းမီဒီယာအနေဖြင့် အမ်-မီဒီယာအား အစွန်းရောက်အဖြစ် တိုက်ခိုက် ရေးသားထားရာ၌ အဓိကအကိုးအကားအဖြစ် “လမ်း ၂၀ ထိပ်တွင် သင်္ကန်း ၀တ်သံဃာတော်တစ်ပါးမှ ရိုက်နှက်ရန်စမှုဖြစ်ပွား” ဟူသည့် မမှန်သတင်းကို အသုံးချထားပါသည်။ ယင်းနှင့်ပတ်သတ်၍ အမ်-မီဒီယာအကြီးတန်း သတင်းထောက်တစ်ဦးက –

“ဒါက သူတို့အဆင့်အတန်း ဘယ်လောက်ရှိသလဲဆိုတာ ဖော်ပြလိုက်တာပေါ့။ အမ်-မီဒီယာမှာ အဲလိုခေါင်းစဉ်နဲ့ ဘယ်တုန်းကမှ သတင်းမတင်ခဲ့ ဘူးဆိုတာ အတည်ပြုပြောချင်တယ်။ သူတို့မှာ အမ်မီဒီယာကို အစွန်းရောက်လို့ စွပ်စွဲဖို့ကို သက်သေ ဒီလောက်ထိရှားနေ တယ်ဆိုတာ ပေါ်လွင်နေ တယ်။ မရိုမသားလုပ် တယ်ဆိုတာလည်း ပေါ်လွင်နေတယ်။ အချက်အလက်တွေကို ထင်ရောင်ထင်မှားဖြစ်အောင်လိမ်တယ်ဆိုတာ ထင်ရှားနေတယ်။ ဘာကြောင့်လဲဆိုရင် သူတို့  ပြောသလို လမ်း ၂၀ ထိပ်မှာဖြစ်ခဲ့တာမှ မဟုတ်ဘဲ၊ ကျနော်တို့ သတင်းက လမ်း ၁၂၀ ထိပ်လို့ အတိအကျ မှန်မှန်ကန်ကန် ကို ရေးထားတာကိုး ဗျ။” ဟု ပြောပြခဲ့ပါသည်။ ၄င်းကပင် ဆက်လက်၍ “၂၇ ရက်နေ့ထုတ် သတင်းစာမှာတော့ အမ်မီဒီယာ အစွန်းရောက်ကြောင်း လမ်း ၂၀ သတင်းမှား ကို ထောက်ပြီး စွပ်စွဲတယ်။ အဲ – အင်္ဂလိပ်ပိုင်းမှာကျတော့ဗျာ၊ အမ်မီဒီယာအစွန်းရောက်ကြောင်း စွပ်စွဲပြီး အကြောင်းပြချက်ဖြစ်တဲ့ လမ်း ၂၀ ကိစ္စ ထည့်မရေးဘူး။ ဒါကို ကျနော်တို့ ဘယ်လိုပြောမလဲ၊ ကလေးကလားဆန်တဲ့ လုပ်ရပ်ထက်ကို ဒါကိုက အစွန်းရောက်ခြောက်တွန်းတဲ့ လုပ်ရပ်ဖြစ်နေ ပြီ။ နိုင်ငံတကာကိုကျ တစ်မျိုးလိမ်၊ ပြည်တွင်းကိုကျ တစ်မျိုးလိမ်ဆိုတော့ မကောင်းဘူးပေါ့ဗျာ။” ဟု ဖြည့်စွက်ပြောကြားခဲ့သည်။

အလဲဗင်း၏ သတင်းစာတွင် အစွန်းရောက်စွပ်စွဲချက်အား ရေးသားထားပုံ

Link => အလဲဗင်းမီဒီယာ၏ အမ်-မီဒီယာအပေါ်စွပ်စွဲချက် အင်္ဂလိပ်ပိုင်းသတင်း

အမ်-မီဒီယာမှာ ဇွန် ၁၉ ရက်နေ့စွဲဖြင့် တင်ပြခဲ့သည့် လမ်း ၁၂၀ ထိပ်ဖြစ်ရပ် သတင်းမှန်

(Link => http://www.m-mediagroup.com/news/15026)

ထို့ပြင် အလဲဗင်းမီဒီယာ၏ မီဒီယာမဆန်သောလုပ်ရပ်ကို စင်ကာပူအခြေဆိုက် စီဂျေတစ်ဦးဖြစ်သည့် Chan Myae Khine ကလည်း Facebook ပေါ်တွင် အောက်ပါ အတိုင်း ထောက်ပြထားပါသည်။

အမ်-မီဒီယာ၏ ပြည်တွင်းသတင်းဆိုင်ရာ အကြီးတန်းအယ်ဒီတာတစ်ဦးကို ၂၇ ရက်နေ့ထုတ် အလဲဗင်းသတင်းနှင့်ပတ်သတ်၍ဆက်သွယ်မေးမြန်းခဲ့ ရာအောက် ပါအတိုင်း ဖြေကြားခဲ့ပါသည်။

“၂၇-ရက်နေ့ အလဲဗင်းက M-Media က အစွန်းရောက်လို့ သုံးတာကို ဘယ်လိုမြင်သလဲဆိုက ပွင့်ပွင့်လင်းလင်း ပြောရရင် အလဲဗင်းကို ရခိုင် သီတာထွေးကိစ္စစဖြစ်ကတည်းက အယုံအကြည်မရှိတာဆိုတော့ နိုင်ငံရဲ့ နာမည်ကြီးမီဒီယာတစ်ခုက အခုလို တစ်ခြားမီဒီယာငယ်တွေကို အစွန်းရောက်လို့ပြောတာဟာ တခြားမီဒီယာ (M-Media)ကို တိုက်ရိုက်တိုက်ခိုက်မှု တစ်ခုပါ။ ပြီးတော့ M-Media က အခုထက်ထိ အမှန်တရားတွေ ကိုပဲ တင်ပြနေပါတယ်။ အဲဒါကြောင့် အလဲဗင်းရဲ့ လွဲမှားမှုတွေ၊ လိုအပ်ချက်တွေကို ထောက်ပြီးတင်ပြခဲ့တာတွေ ရှိခဲ့လို့ အဲဒီအပေါ် မီဒီယာကျင့်ဝတ်ကို မစောင့်ထိန်းပဲ အညှိုးအတေးနဲ့ အပုတ်ချတယ်လို့ မြင်ပါတယ်။ ကိုယ့်မီဒီယာကနေ အစွန်းရောက်မှုတွေ၊ ဘာသာရေးပဋိပက္ခတွေဖြစ်အောင် လုပ်ဆောင်နေတာကို ပြန်လည်သုံးသပ်ခြင်းမပြုပဲ တဘက်မှာ အမှန်တရားကို တင်ပြနေတဲ့ မီဒီယာတွေကို အစွန်းရောက်လို့သုံးနှုန်းလိုက်တာဟာ အလဲဗင်းရဲ့ခံယူချက်က ပဋိပက္ခတွေဖြစ်အောင် လှုံ့ဆော်နေတယ်ဆိုတာ ပိုပြီးမြင်သာသွားပါတယ်။ ချေပချင်တယ်ဆိုတာထက် အဖြစ်သင့်ဆုံးတစ် ခုပြောချင်တာကတော့ အလဲဗင်းအနေနဲ့ ကိုယ့်မီဒီယာက ဘယ်လိုပုံစံ ဘယ်အခြေအနေရောက်ပြီလဲဆိုတာ သုံးသပ်စေချင်ပါတယ်။ ကိုယ့်စီးပွားအကျိုး အမြတ်ကြောင့်ပဲဖြစ်ဖြစ်၊ တခြားကနေ ထောက်ပံ့မှုတွေ ရချင်လို့ပဲဖြစ်ဖြစ်၊ နောက်ကွယ်က ကြိုးကိုင်နေသူရှိလို့ ရှေ့ကနေ ကပြအသုံးတော်ခံနေတာ ပဲဖြစ်ဖြစ် အဲဒါတွေကနေ ရပ်တန့်သင့်ပြီလို့ ပြောချင်တယ်။ ကိုယ့်နိုင်ငံကို တကယ်ချစ်မြတ်နိုးပြီး နိုင်ငံရဲ့ စတုတ္ထမဏ္ဍိုင်ပီသအောင် ရပ်တည်မယ်ဆို ရင် နိုင်ငံတော်ရဲ့ တည်ငြိမ်အေးချမ်းမှုကို ပျက်ပြား လောင်ကျွမ်းစေမယ့် လောင်စာတွေထည့်ခြင်း၊ မီးမွှေးခြင်းကို မလုပ်ဖို့ အလဲဗင်းကို ပြောချင်တယ်။”

တဖန် အမ်-မီဒီယာ၏ အုပ်ချုပ်ရေးနှင့် အတိုင်ပင်ခံဖြစ်သူ တစ်ဦးကမူ –

“ကျနော့တစ်ယောက်တည်းအမြင်အရတော့ အလဲဗင်းမီဒီယာဂရုပ်အနေနဲ့ သူအပါအဝင် ပြည်တွင်းမီဒီယာတွေကို M-media ကနေ ထောက်ပြပြော ဆိုတာလေ့ရှိတာကြောင့် ကိုယ့်အနေအထား ကိုယ့်အမှားတွေကို လူသိမှာစိုးလို့ Localized Press License ကိုသုံးချပြီး လူထုကို စာအဆိပ်သွပ် လိုက်တာလို့ပဲ မြင်ပါတယ်… မီဒီယာအချင်းချင်း စွပ်စွဲမှုအပေါ် ချက်နဲ့လက်နဲ့စွတ်စွဲထောက်ပြတာမျိုးကို လက်ခံနိုင်ပေမဲ့ အချက်အလက်လည်းမမှန် တိကျတဲ့ထောက်ပြဝေဖန်မှုမျိုးမပါပဲ လက်လွတ်စပါယ်စွတ်စွဲပြောဆိုတာကတော့ အလဲဗင်းမီဒီယာဂရုပ်အနေနဲ့ ကိုယ့်မီဒီယာဂရုပ်တစ်ခုလုံးရဲ့ သိက္ခာနဲ့ကျင့်ဝတ် ကို နင်းချပြတာပဲဗျ… မယုံရင် M-media အနေနဲ့လည်း အလဲဗင်းအပါအဝင် ပြည်တွင်းကမီဒီယာတွေရဲ့ သတင်းတင်ဆက် မှု ဆောင်းပါးတင်ဆက်မှု အမှားအယွင်းတွေရှိရင် ထောက်ပြခဲ့တာပဲ… ဒါပေမဲ့ မီဒီယာတစ်ခုခုကိုတော့ အစွန်းရောက်လိုမျိုး အကြမ်းဖက်လှုံ့ဆော်မီဒီယာလိုမျိုး စွတ်စွဲပြီး အပုပ်ချတာ မျိုး လုပ်တာမရှိခဲ့ဘူး… ပြောရရင်တော့ အဲ့ဒီအပိုင်းမျိုးအထိ လိုရာစွဲပြီး တန်ပြန်ထိုးနှက်မယ်ဆိုရင် လုပ်လို့ရတာတွေ အလဲဗင်းမီဒီယာဂရုပ်ရဲ့ လုပ်ရပ်တွေ ထဲမှာ အများကြီးထုတ်ပြနိုင်ပေမဲ့ မီဒီယာဆိုတာ အစွန်း၂ဖက်ကိုရှောင်ပြီး ဖြစ်သင့်ဖြစ်ထိုက်တာကို လူထုကိုချပြရတာမျိုးလို့ပဲ ထင်မြင်ယူဆထားတော့ M-media အနေနဲ့ ထောက်ပြဝေဖန်မှုထက်ပိုပြီး စွတ်စွဲတိုက်ခိုက်တာမျိုးရှောင်ကြဉ်တယ်… ”

အမ်-မီဒီယာ၏ ပင်တိုင်ဆောင်းပါးရှင်တစ်ဦးကလည်း သူ့အနေဖြင့် “တစ်ကမ္ဘာလုံးနှင့် ၁၁” ဟူသော ခေါင်းစဉ်ဖြင့် တစ်ကမ္ဘာလုံးက မြန်မာပြည်တွင် အစွန်းရောက်မှုရှိနေပြီး ယင်းကို မြန်မာပြည်တွင်း မီဒီယာများ ၄င်းတို့နှင့် ဘာသာတူအစွန်းရောက်လူများစုကြီးကို မျက်ကွယ်ပြု ထောက်ပံ့ပေးနေသည့် အကြောင်း ကမ္ဘာ့မီဒီယာကြီးများ ၏ ထောက်ပြပြောဆိုမှုများ ကို အထောက်အထားများဖြင့် ရေးသားဖော်ပြသွားမည်ဖြစ်ကြောင်း၊ ပရိသတ်များ အနေဖြင့် စောင့်မျှော်ဖတ်ရှုစေ လိုကြောင်း မှတ် ချက်ပေး ပြောကြားပါသည်။

အချုပ်ဆိုရပါမူ အမ်-မီဒီယာအနေဖြင့် အလဲဗင်း၏ အစွန်းရောက်ဟူသော အခြေအမြစ်မဲ့စွပ်စွဲချက်အား ပြင်းထန်စွာ ရှုံ့ချကန့်ကွက်ကြောင်း ဖော်ပြအပ် ပါသည်။

June 29, 2013
မမေးလည်းဖြေ (၃) – အစ္စလာမ်က ဘာသာမတူရင် သတ်ခိုင်းလား

မေ ၂၅ ၊၂၀၁၂

ဆောင်းပါးရှင်-နေမျိုး

ကုရ်အာန်ကျမ်း အပိုဒ် ၂း ၁၉၁ မှာ ဒီလိုမိန့် ထားပါတယ်။

‪ထို့ပြင်တ၀ အသင်တို့သည် [သူ] တို့ အား တွေ့ဆုံဖမ်းဆီးမိရာအရပ်၌ သုတ်သင် ရှင်းလင်း ကြကုန်လော့… (စာရေးသူမှတ်ချက် – [သူ] စကားလုံးသည် ဘာသာမတူသူများဟု ရည်ညွန်းဘာသာပြန်လေ့သည်။ သို့ သော် ရန်သူဟု ယေဘုယျ ရည်ညွန်းသင့်သည်ဟု ယူဆ သည်။)

ဆက်ပြီး မတင်ပြခင် မေးခွန်းတစ်ခုမေးလိုပါတယ်။ အကြောင်းအရာတခုကို ဖတ်တဲ့အချိန်မှာ စာကြောင်းတစ် ကြောင်းတည်းကိုရွေးဖတ်ရုံ၊ အရှေ့ က စာကြောင်းနဲ့  သူ့ နောက်က စာကြောင်းကို မဖတ်ပဲ လိုချင်တဲ့ တစ် ကြောင်းတည်းကိုပဲ ရွေးဖတ်လို့ ရသလား။ စာကြောင်းတစ်ကြောင်းတည်းဖတ်ရုံနဲ့ အဲ့ဒီ အကြောင်းအရာရဲ့ ဆိုလိုရင်းကို သဘောပေါက်ပါ့မလား။

အရင်က ကုရ်အာန်ကျမ်းမှာ ဘာရေးထားလည်းဆိုတာ တလုံးတပါဒမှမသိတဲ့ကျနော် အစ္စလာမ်ဘာသာအပေါ် အထင်မှားအောင် စွပ်စွဲနေတဲ့ အင်တာ နက်စာမျက်နှာတွေက “အစ္စလာမ်ဘာသာက ဘာသာမတူရင် သတ်ခိုင်း တယ်” ဆိုတဲ့ ထိုးနှက်မှုတွေကြောင့် ကုရ်အာန်ကျမ်းစာကို ကိုယ်တိုင် လေ့လာ ဖြစ်တယ်။

လေ့လာဖြစ်မှ အစ္စလာမ်ဘာသာကို ထိုးနှက်နေသူတွေဟာ အမှန်တရားကို အများပြည်သူနားလည်ဖို့ ရည်ရွယ်တာမဟုတ်ပဲ တမင်သက်သက် လူမုန်း လူကြောက်များအောင် ရည်ရွယ်ချက်ရှိရှိနဲ့  ကိုယ်စွပ်စွဲချင်တဲ့ အချက်မိတဲ့ စာကြောင်းတစ်ကြောင်းတည်းကိုသာ တမင် ရွေးပြီး ကျန်တဲ့ စာကြောင်းတွေ ကို လုံးဝ ဥသုန် ချန်လှပ်ခဲ့တယ်ဆိုတာတွေ့ ရတယ်။ ကျမ်းစာရဲ့  စာပုဒ် ၂း၁၉၁ တပုဒ်ထဲမှာတင် သူတို့  စွပ်စွဲချင်တိုင်း စွပ်စွဲလို့  (လုံးဝ လုံးဝ) မဖြစ် နိုင် လို့  စာကြောင်း ၆ ကြောင်းလုံးကိုတောင် မဖော်ပြနိုင်ပဲ ဆောင်းပါးစစချင်းမှာ ဖော်ပြထားတဲ့ အတိုဆုံးစာ ကြောင်းတစ်ကြောင်း တ၀က်တပျက်တည်းကိုပဲ ကွက်ပြီးယူသွားတာကို တွေ့ လိုက်ရတယ်။

သူတို့ ချန်ထားတဲ့ စာပုဒ် ၂း ၁၉၁ အပြည့်အစုံကို ဖတ်ကြည့်ပါ။

‪ထို့ပြင်တ၀ အသင်တို့သည် [သူ] တို့ အား တွေ့ဆုံဖမ်းဆီးမိရာအရပ်၌ သုတ်သင် ရှင်းလင်း ကြကုန်လော့။ ထို့ပြင် တ၀ [သူ] တို့ က အသင်တို့အား (မက္ကာမြို့တော်မှ) နှင်ထုတ်သကဲ့သို့ အသင်တို့သည်လည်း [သူ] တို့ အား (မက္ကာမြို့တော်မှ)နှင်ထုတ်ကြကုန်။ အမှန်သော်ကား (သာသနာရေး၌) ညှဉ်းဆဲနှိပ်စက် နှောင့်ယှက်ခြင်းသည် သတ်ဖြတ် ခြင်းထက်ပင် ပိုမို၍ဆိုးရွားလှ၏။ သို့ဖြစ်ငြားလည်း […] ရိုသေမြတ်နိုးအပ်သော (အလ္လာဟ်အရှင်မြတ် ၏) ကျောင်းတော်ပါး၌ [သူ] တို့က အသင်တို့အား စတင် မတိုက်ခိုက်သမျှ ကာလပတ်လုံးအသင်တို့သည် ၄င်းတို့အား မတိုက်ခိုက်ကြကုန်လင့်။အကယ်၍ ထို [သူ]တို့သည် အသင်တို့အား စတင်တိုက်ခိုက် ကြပါမူ အသင်တို့သည် ထိုသူတို့အား တုံ့ပြန် တိုက်ခိုက်ကြ လေကုန်။ ဤသည်ပင် [သူ] တို့အား အပြစ်ဒဏ်ပေးခြင်း ပင်ဖြစ်သည်။

Highlight လုပ်ထားတဲ့ စာကြောင်းတွေကို တချက်စီ သေချာ စဉ်းစားကြည့်ပါ။ ကိုယ်က စပြီး တိုက်ခိုက်ဖို့  ပြောထားတာ လုံးဝ (လုံးဝ) မဟုတ်ပဲ ကိုယ့် ကို တိုက်ခိုက်ရင် ပြန်ခုခံဖို့ သာပြောထားတာဖြစ်တယ်။ စစ်ပွဲအခြေအနေမှာဆိုရင်တောင် ကျူးကျော်စစ်မဟုတ်ဘဲ ခုခံစစ်ပဲဖြစ်တယ်။ Torture လို့ ခေါ်တဲ့ ဖမ်းဆီးနှိပ်စက်ညှင်းပမ်းခြင်းကိုလည်း အတိအလင်း တားမြစ်ထားတယ်။

ဒီတပုဒ်ရှေ့ က အပုဒ် ၂း ၁၉၀ မှာ ဘာပြောထားသေးလဲ?

‪ထို့ပြင်တ၀ အသင်တို့သည် အလ္လာဟ်အရှင်မြတ်၏ လမ်းတော်၌ အသင်တို့ကို (စတင်) စစ်မက်ပြိုင်ဆိုင် တိုက်ခိုက်သူတို့နှင့် ပြိုင်ဆိုင်တိုက်ခိုက်ကြကုန်လော့။ သို့ရာတွင် […] အသင်တို့သည် (မည်သည့်နည်းနှင့်မျှ) မကျူး လွန်ကြကုန်လင့်။ ဧကန်မုချ အလ္လာဟ်အရှင်မြတ် သည် ကျူးလွန်သူတို့ကို နှစ်သက်တော်မူသည် မဟုတ်ချေ။

စာပုဒ် ၂း ၁၉၂ ကိုဆက်ဖတ်ပါ။

‪သို့သော် အကယ်၍သာ […သူတို့သည် …] ရပ်စဲခဲ့ကြပါလျှင် မုချဧကန် အလ္လာဟ် အရှင်မြတ်သည် […] အဖန်တလဲလဲ လွတ်ငြိမ်းချမ်းသာခွင့် ပေးသနားတော်မူသောအရှင်၊ (သတ္တ၀ါအပေါင်းတို့အား) မပြတ်မစဲ သနားကြင်နာ ညှာတာတော်မူသော အရှင်ဖြစ်တော် မူလေသတည်း။

ဒါဆိုရင် အပုဒ် ၁၉၀၊ ၁၉၁၊ ၁၉၂ ကို ခြုံပြီးဖတ်ကြည့်ပါ။ ဒီအချက်တွေကို ကွက် ကွက်ကွင်းကွင်း တွေ့ ရမယ်။

(၁) ကိုယ်က စတင် တိုက်ခိုက်တာကို အတိအလင်း တားမြစ်ထားတယ်။

(၂) ကိုယ့်ကို တိုက်ခိုက်ပြီဆိုရင် ပြန်ခုခံရမယ်။

(၃) ကိုယ်က ကျူးလွန် စော်ကားမှု မလုပ်ရဘူး။ တဖက်က ရပ်စဲပြီဆိုရင် ကိုယ့်ဖက်ကလဲ ရပ်စဲရမယ်။ သူတို့ ကို ကျူးလွန်ခွင့် နှိပ်စက်ညှင်းပမ်းခွင့်၊ ဆက်လက်တိုက်ခိုက်ခွင့်မရှိဘူး။

ထို့ပြင်တ၀ အသင်တို့သည် အလ္လာဟ်အရှင်မြတ်၏ လမ်းတော်၌ အသင်တို့ကို (စတင်) စစ်မက်ပြိုင်ဆိုင် တိုက်ခိုက်သူတို့နှင့် ပြိုင်ဆိုင် တိုက်ခိုက်ကြကုန်လော့။ သို့ရာတွင် […] အသင်တို့သည် (မည်သည့်နည်းနှင့်မျှ) မကျူး လွန်ကြကုန်လင့်။ ဧကန်မုချ အလ္လာဟ်အရှင်မြတ် သည် ကျူးလွန်သူတို့ကို နှစ်သက်တော်မူသည် မဟုတ်ချေ။ (2:190)

ထို့ပြင်တ၀ အသင်တို့သည် [သူ] တို့ အား တွေ့ဆုံဖမ်းဆီးမိရာအရပ်၌ သုတ်သင် ရှင်းလင်း ကြကုန်လော့။ ထို့ပြင် တ၀ [သူ] တို့ က အသင်တို့အား (မက္ကာမြို့တော်မှ) နှင်ထုတ်သကဲ့သို့ အသင်တို့သည်လည်း [သူ] တို့ အား (မက္ကာမြို့တော်မှ)နှင်ထုတ်ကြကုန်။ အမှန်သော်ကား (သာသနာရေး၌) ညှဉ်းဆဲနှိပ်စက် နှောင့်ယှက်ခြင်းသည် သတ်ဖြတ် ခြင်းထက်ပင် ပိုမို၍ဆိုးရွားလှ၏။ သို့ဖြစ်ငြားလည်း […] ရိုသေမြတ်နိုးအပ်သော (အလ္လာဟ်အရှင်မြတ် ၏) ကျောင်းတော်ပါး၌ [သူ] တို့က အသင်တို့အား စတင် မတိုက်ခိုက်သမျှ ကာလပတ်လုံးအသင်တို့သည် ၄င်းတို့အား မတိုက်ခိုက်ကြကုန်လင့်။ အကယ်၍ ထို [သူ]တို့သည် အသင်တို့အား စတင်တိုက်ခိုက် ကြပါမူ အသင်တို့သည် ထိုသူတို့အား တုံ့ပြန် တိုက်ခိုက်ကြ လေကုန်။ ဤသည်ပင် [သူ] တို့အား အပြစ်ဒဏ်ပေးခြင်း ပင်ဖြစ်သည်။ (2:191)

‪သို့သော် အကယ်၍သာ […သူတို့သည် …] ရပ်စဲခဲ့ကြပါလျှင် မုချဧကန် အလ္လာဟ် အရှင်မြတ်သည် […] အဖန်တလဲလဲ လွတ်ငြိမ်းချမ်းသာ ခွင့် ပေးသနားတော်မူသောအရှင်၊ (သတ္တ၀ါအပေါင်းတို့အား) မပြတ်မစဲ သနားကြင်နာ ညှာတာတော်မူသော အရှင်ဖြစ်တော် မူလေသ တည်း။ (2:192)

စစ်ပွဲကာလအတွင်းမှာဆိုရင် တဖက်က ရပ်သွားရင် (သို့ ) လက်နက်ချရင် (သို့ ) ဖမ်းမိရင် သူတို့ ကို ဆက်တိုက် ခွင့်၊ နှိပ်စက်ခွင့် ကျူးလွန်ခွင့် မရှိဖို့  တားဆီး ပိတ်ပင်ထားတယ်။ ဒါကြောင့် သူငယ်ချင်းတစ်ယောက်က စစ်သုံ့ ပမ်းကို မနှိပ်စက်ဖို့  ဂျီနီဗာကွန်ဗင်းရှင်းပြဌာန်းတာ ၁၉၄၈ မှသာဖြစ်ပြီး ကုရ်အာန်မှာ လွန်ခဲ့တဲ့ နှစ်ပေါင်း ၁၄၀၀ ကျော် ကတည်းက ပြဌာန်းထားပြီးဖြစ် တယ်လို့ မှတ်ချက်ပေးတယ်။

အရေးကြီးတဲ့ အချက်ကို ထောက်ပြချင်ပါတယ်။ တိုက်ခိုက်ဖို့  ရည်ညွန်းတာ ဘာသာမတူတဲ့ လူတွေကို ရည်ညွန်းသလို ဖြစ်နေပေမဲ့ အမှန်မှာက ကိုယ့်ကို စတင်တိုက်ခိုက်တဲ့ ရန်သူသာဖြစ်တယ်။ ဘာသာမတူတဲ့လူကို တမင်ရည်ညွန်းထားတာမဟုတ်ပါ။ တနည်းပြော ရရင် “ရန်သူ” ကို ခုခံခိုင်းတာ၊ “ဘာသာခြား” ကို ဘာသာမတူလို့ ဆိုပြီး တိုက်ခိုင်းတာမဟုတ်ပါ။

ဒီအချက်တွေက အစ္စလာမ်ဘာသာကို တမင် အပုတ်ချတဲ့ လူတွေ စွပ်စွဲသလို ဘာသာမတူရင် သတ် ဆိုပြီး ပြော ထားတာ မဟုတ်ပါဘူး။ ကိုယ်က ကောင်းအောင်နေပြီး ကိုယ့်ကိုလာရောက်ကျူးကျော် တိုက်ခိုက်ရင် ပြန်ခုခံဖို့ ၊ ကိုယ့်ကိုယ်ကို ကာကွယ်ဖို့  မိန့် ကြားထားတာဖြစ်တယ်။ အစ္စလာမ်ဘာသာ ဟာ ရန်မလိုတဲ့ဘာသာ၊ ကိုယ့်ကို မတိုက်ရင် ကိုယ်က မတိုက်တဲ့ ဘာသာဖြစ်တယ်ဆိုတာ ရှင်းလင်းစွာ တွေ့ ရပါမယ်။

ဒီလိုဆိုရင် မေးချင်တဲ့လူကမေးမယ်။ သီးခံရမဲ့အစား ပြန်တိုက်ခိုက်ခိုင်းတာ ဘယ်လို ဘာသာရေးမျိုးလဲပေါ့။ အစ္စလာမ်မှာ သီးခံခြင်းတရား၊ ခွင့်လွှတ်ခြင်း တရားကို လက်ကိုင်ထားဖို့  မိန့် ထားတာတွေရှိတယ် (နောက်ပိုင်းတွေမှာ ဆွေးနွေးပါမယ်)။ အဲ့ဒီလိုပဲ အကန့် တွေခွဲပြီး သူ့ အခြေအနေ သူ့ အနေရာဒေသ အလိုက် လက်တွေ့ ဖြစ်စဉ် တွေ အပေါ် ခုခံတန် ခုခံဖို့  မိန့် ထားတယ် (စတင်ကျူးကျော် တိုက်ခိုက်ခွင့် ဘယ်နေရာမှာမှမရှိ)။ လက်တွေ့ ကျကျ စဉ်းစား ကြည့်မယ်။

(၁) မြန်မာပြည်ကို ထိုင်းနိုင်ငံက စစ်လာတိုက်မယ်ဆိုရင် ပုတီးထိုင်စိတ်ပြီး အရုံးပေးလိုက်မလား။ စစ်ဒဏ်သင့်မဲ့ သင့်မိသားစု၊ ဆွေမျိုး၊ အပေါင်းအ သင်းတွေကို သင်မကာကွယ်သင့်ဘူးလား။ ဗိုလ်ချုပ်အောင်ဆန်းလည်း ပုတီး ထိုင်စိတ်ပြီး အင်္ဂလိပ်တွေ ဂျပန်တွေကို မေတ္ထာမျှမနေခဲ့သလို ခုလက်ရှိ လည်း တိုင်းရင်းသားလက်နက်ကိုင်တွေ၊ ပြည်သူတွေက မတရားမှုကို တုံ့ ပြန်နေတုန်းပဲ မဟုတ်ပါလား။

(၂) အစ္စလာမ်ဘာသာက ဘာသာမတူရင် သတ်ခိုင်းတယ်ဆိုရင် သင့်အသိ အစ္စလာမ်ဘာသာဝင်တယောက် ယောက်က သင့်ကို သတ်ဖို့  ကြံစည်တာ ခံရဖူးသလား။

တချို့ ပြောကြပါတယ်။ ဒါဆိုရင် အာဖဂ္ဂန်တို့  ပါလက်စတိုင်းတို့ မှာ ဘာကြောင့်သတ်တာလဲ။ ကုရ်အာန်တဖက် သေနတ် တဖက်နဲ့  ဘယ်လိုဖြစ်တာလဲဆို တာ မေးချင်တဲ့လူရှိပါမယ်။ နောက်ဆောင်းပါးတွေမှာ တင်ပြပါမယ်။ အကျဉ်းချုန်းအနေနဲ့  လတ်တလော ပြောရရင် ပထ၀ီနိုင်ငံရေး၊ ဘာသာရေးနဲ့  သမိုင်းကို မရောထွေးလိုက် ပါနဲ့ ။ ဘာသာမတူလို့ ဆိုပြီး သတ်တာ မဟုတ်ပါဘူး။ ဒုတိယ ကမ္ဘာစစ်အ ချိန်ကတည်းက ဖြစ်လာတဲ့ခဲ့ ကမ္ဘာ့ပထ၀ီနိုင်ငံရေးပြသ နာ ကြားက အစ္စရေးနဲ့  ပါလက်စတိုင်း နယ်မြေလုမှု ကြောင့်၊ သွေးအေး စစ်ပွဲအတွင်း အာဖဂန်မှာ အမေရိကန်နဲ့  ရုရှတို့  အင်အားပြိုင်ပြီး သူ့ လူကိုယ့် လူမွေးရာမှာ ဘာသာရေးတွေ အယူဝါဒတွေ အမျိုးသားရေး စတဲ့ ၀ါဒပေါင်းစုံကို လိုသလို အသုံးချခဲ့လို့  နိုင်ငံရေးအရ အပြန်အလှန် သတ်နေ ကြ ခြင်းဖြစ်တယ်။ သူတို့ က နိုင်ငံရေးနဲ့  လူမျိုးရေး ဘာသာရေး ရောပြွန်းခဲ့လို့  သူတို့ စီမှာ သွေးချောင်းစီးနေတယ်။

နယ်မြေကြောင့်၊ နိုင်ငံရေးကြောင့် သတ်နေကြတာကို ကျမ်းစာ ကြောင့် သတ် တယ်လို့  ဘာသာပြန်ရင် သူတို့ မှားတဲ့ မဟာအမှားနဲ့  ပြသနာကို ကျနော်တို့  မြန်မာပြည်ကို တင်သွင်းတာသာမက တမြေတည်းနေ တရေတည်းသောက် မြန်မာအချင်း ချင်း အမုန်းပွားပြီး ကမ္ဘာနဲ့ ချီ ရင်ဆိုင် ယှဉ်ပြိုင်ရမဲ့ ဖွံ့ ဖြိုးရေး ကိစ္စတွေကို စုပေါင်းလုပ်ဆောင်ရမဲ့ စည်းလုံးရေးကို ထိပါးစေတာသာ ဖြစ်ပါတယ်။

အမုန်းတရားကင်းပါစေ။ လိမ်ညာလှည့်ဖျားပြီး အမုန်းတရားပွားစေလိုသူများ ရန်လိုသူများ ဘေးမှ ကင်းပါစေ။

ရည်ညွန်း – ကျမ်းမြတ်ကုရ်အာန် မြန်မာဘာသာပြန်။ [http://www.quraninburmese.com/Books/Holy%20Quran.pdf]

မှတ်ချက် –

(1) အတိုးချုံးဖို့ အတွက် အချို့ စာကြောင်းများကို […] ခံ၍ ချန်ထားသည်။ စာသားအပြောင်းအလဲ ကို [ ] ခံ၍ မြန်မာ စာဖတ်များအတွက် ပြောင်းလဲ (သို့  ) ထပ်ဖြည့်ထားသည်။ ဘာသာပြန်မူရင်းကို အထက်ပါ ရည်ညွန်းတွင်ဖတ်ရန်။

(2) ဤဆောင်းပါးသည် စာရေးသူ၏ အမြင်နှင့် အာဘော်သာဖြစ်သည်။

April 7, 2013