News @ M-Media

Category: ကမ္ဘာ့ နိုင်ငံများနှင့် ကိုးကွယ်ရာ ဘာသာ

  • တောင်ကိုရီးယား သမ္မတနိုင်ငံ နှင့် အစ္စလာမ်သာသနာ

    မတ်လ၊ ၂ ၊ ၂၀၁၃
    M-Media
    ကမ္ဘာ့နိုင်ငံများမှ မွတ်စလင်များ ကဏ္ဍ

    တောင်ကိုရီးယားသမ္မတနိုင်ငံ နှင့် အစ္စလာမ်သာသနာ

    flag  ကိုရီးယားစစ်ပွဲပြီးသည့်နောက် မကြာမီပင် တောင်ကိုရီးယားနိုင်ငံသည် အစ္စလာမ့်အယူဝါဒနှင့် စတင်ထိတွေ့ခဲ့သည်။ ထိုအချိန်မှစ၍ မွတ်စ်လင်မ် လူဦးရေမှာ တစ်စစဖြင့် တိုးတက်များပြားလာကြ၏။ ကိုးရီးယားလူမျိုး သာမက အခြားနွယ်ဖွားတို့ပါဝင်နေသော မွတ်စ်လင်မ်လူ့အဖွဲ့အစည်းသည် ဆိုးလ်မြို့တော်တွင် အဓိကအခြေပြုနေပြီး ၄င်း၌ ၂၀ ရာစုလက်ရာ ဗလီဝတ်ကျောင်းတော်ကြီး တစ်ခု ရှိသည်။ ထိုကျောင်းတော်အား မလေးရှား အစ္စလာမ့် သာသနာပြု လုပ်ငန်းနှင့်အခြား အစ္စလာမ်နိုင်ငံများမှ ရန်ပုံငွေဖြင့် ၁၉၇၆ ခုနှစ်တွင် တည်ဆောက်ခဲ့သည်။

    ကိုရီးယားတိုင်းရင်းသား မွတ်စ်လင်မ်တို့သည် လူဦးရေသုံးသောင်းထက် မပိုသေး။ တောင်အာရှ၊ အရှေ့အလယ်ပိုင်း(အီရတ်)၊ အင်ဒိုနီးရှား၊ မလေးရှားမှ ရွှေ့ပြောင်းလုပ်သားတို့သည် ၁၉၉၀ နှင့် ၂၀၀၀ နှစ်များအတွင်း ရောက်ရှိလာသည်။ ယင်းရွှေ့ပြောင်း လုပ်သားတို့အများစုမှာ မွတ်စ်လင်မ်များဖြစ်ကြပြီး တောင်ကိုရီးယား၌ အခြေစိုက်နေထိုင် သူများလည်း ရှိသည်။ ထိုသူများကိုပါထည့်တွက်ပါက စုစုပေါင်း မွတ်စ်လင်မ် လူဦးရေပမာဏသည် ၃၅၀၀၀ ထက်မနည်း ရှိနေပြီဖြစ်သည်။

    မြောက်ကိုရီးယားနိုင်ငံတွင် အစ္စလာမ်နှင့်ပတ်သက်၍ ထူးခြားထင်ရှားမှု မရှိလှချေ။ (မွတ်စ်လင်မ်များ မရှိသလောက်ဟု ယူဆရသည်)။ သာသနာ့ရေးရာ သီးသန့်လှုပ်ရှားဆောင်ရွက်ချက်များကို ဟုတ်တိပတ်တိ ဟူ၍ မတွေ့ရသောကြောင့် ဖြစ်သည်။

     ကနဦးပိုင်းက သမိုင်းကြောင်း
    အေဒီ ၇ ရာစုအလယ် နောက်ပိုင်းကာလများအတွင်း ခလီဖဟ်နယ်မြေမှ မွတ်စ်လင်မ် ကုန်သည်များသည် တရုတ်ပြည်သို့ဖြတ်သန်း သွားရောက်ရာ လမ်းရှိ ကိုးရီးယားပိုင်နက်သုံးခုအနက် တစ်ခုဖြစ်သော စီလာနှင့် အဆက်အသွယ် ရှိခဲ့ကြသည်။ အေဒီ ၇၅၁ ခုနှစ်တွင် Goguryeo  မျိုးနွယ်မှဆင်းသက်သူ  Gao Xianzhi ဆိုသူ တန်မင်းဆက်၏ တရုတ်ဗိုလ်ချုပ်တစ်ဦးသည် အဗ္ဗာစစ်ခလီဖဟ်အား ဆန့်ကျင်သည့် Talas စစ်ပွဲကို ဆင်နွှဲသည်။ သို့သော် အနိုင် မရခဲ့ချေ။ အရှေ့အာရှထွက်သမိုင်းကျမ်း မဟုတ်သော အေဒီ ၉ ရာစုအလယ်မှ Ibn Khurdadbih ရေးသားပြုစုခဲ့သည် General Survey of Roads and Kingdoms  စာအုပ်၌ ကိုးရီးယားအကြောင်းဖော်ပြချက်ကို အစောဆုံး တွေ့ရသည်။

    Masjid-Al-Fatah-Pusan-Korea1
    ပူဆန်မှ အစ္စလာမ်ဝတ်ကျောင်းတော်

    အေဒီ ၉ ရာစုမတိုင်မီက “ စီလာဒေသပေါင်းစည်းရေး ” ကာလအတွင်း  ကိုးရီးယားသို့ ပါးရှန်းနှင့်  အာရဗ် ရေကြောင်းခရီးသည်များ၊ ကုန်သည်များနှင့်အတူ အစ္စလာမ်သာသနာရောက်ရှိခဲ့ကြောင်း ထင်ရှားသည်။ အေဒီ ၉ ရာစုမှ ပါးရှန်းမွတ်စ်လင်မ် စွန့်ဦးဖွေရှာသူနှင့်ပထ၀ီဝင်ဗေဒပညာရှင် Ibn Khurdadhbih အပါအ၀င် မြောက်များစွာသော မွတ်စ်လင်မ်ပထ၀ီဝင်ဆရာများ၏အဆိုအရ ယင်းခရီသွားကုန်သည်အမြောက်အများတို့သည် ကိုးရီးယားဒေသ၌ ဓားမဦးချ အခြေစိုက်ကာ မွတ်စ်လင်မ်ရွာများ တည်ဆောက်နေထိုင်ခဲ့သည်ဟု ဆိုထား၏။ ထိုအခြေချနေထိုင်သူများအနက် အီရတ်မှ လာသူများ မနည်းလှကြောင်း အချို့မှတ်တမ်းများက ဖော်ပြသည်။ အခြားမှတ်တမ်းအချို့ကမူ ၄င်းတို့မှာ အာလာဝီ ရှီအဟ် ဂိုဏ်းခွဲမှ လူပေါင်းများစွာတို့သည် ကိုးရီးယားဒေသတွင် အခြေစိုက်ခဲ့သည်ဟု သုံးသပ်ထားသည်။ စီလာ၌ရှိသော အရှေ့အလယ်ပိုင်းသားမွတ်စ်လင်မ်လူ့အဖွဲ့အစည်းအတွင်း ပါးရှန်းလူမျိုးတို့၏စရိုက်သဘာဝများ ထင်ရှားစွာရှိခဲ့သည်ဟု အခြားဖော်ပြမှုက ဆိုသည်။ နောင်သောအခါ မွတ်စ်လင်မ်အမြောက်အများမှာ ကိုးရီးယားတို့နှင့် သွေးနှောခဲ့ကြသည်။ မွတ်စ်လင်မ်ကမ္ဘာနှင့် အဆက်ပြတ်နေသည့် ကိုရီးယား၏နယ်မြေအနေအထားကြောင့် အချို့မှာ ဗုဒ္ဓဘာသာသို့ လည်းကောင်း၊ အချို့မှာ နတ်ကိုးကွယ်မှုဝါဒသို့လည်းကောင်း ကူးပြောင်းသွားကြသည်။

    မွတ်စ်လင်မ်ကမ္ဘာနှင့် ကိုရီးယားကျွန်းဆွယ်အကြား ကုန်သွယ်ရေးဆက်စပ်မှုမှာ Goryeo မင်းဆက် အောင်နိုင်စိုးမိုးခဲ့သည့် ၁၅ ရာစုနှစ် တစ်လျှောက်၌ ပြန်လည် သက်ဝင်လာသည်။ ဆက်လက်၍ အာရှအလယ်ပိုင်းနှင့် အရှေ့ဖျားပိုင်းမှ မွတ်စ်လင်မ် ကုန်သည် အများအပြားတို့ ကိုရီးယားတွင် အခြေချနေထိုင်ပြီးနောက်  မွတ်စ်လင်မ် မိသားစုများ ပေါက်ဖွားလာကြသည်။ Toksu  ကျေးရွာမှ ကိုရီးယားမူရင်းတိုင်းရင်းနွယ်တစ်ခုဖြစ်သည့် Chang မိသားစုကြီးက မိမိတို့မှာ မွတ်စလင်မ် အဆက်အနွယ်များဖြစ်ကြကြောင်း ထုတ်ဖော်ပြောဆိုသည်။ တရုတ်ပြည်မှ တရုတ်မွတ်စ်လင်မ် (ဟွေလူမျိုးစု) အနွယ်အချို့ကလည်း Goryeo မင်းဆက်ကာလ၌  ထပ်မံရောက်ရှိ နေထိုင်မှု ဖြစ်လာသည်။ ၁၁၅၄ ခုနှစ်၊ အာရဗ်လူမျိုး ပထ၀ီဝင်ဗေဒပညာရှင်ကြီး Muhammad al-Idrisi ရေးဆွဲသော Tabula Rogeriana. အမည်ရှိ ကမ္ဘာ့မြေပုံတွင် ကိုရီးယားဒေသကို ထည့်သွင်းထားကြောင်း တွေ့ရသည်။ ရှေးအကျဆုံး ကိုးရီးယားမြေပုံမှာ အစ္စလာမ့်ပထ၀ီ ဆရာများ၏ကြိုးပမ်းမှုများမှ အနောက်တိုင်းဒေသ ဆိုင်ရာ အချက်အလက်များအားဖြင့် ရေးဆွဲထားခြင်းဖြစ်သည်။

    Korea-Seoul-Itaewon-Seoul_Central_Mosque
    ဆိုးလ်မြို့မှ ဗလီဝတ်ကျောင်းတော်

    ဥဂါးရ်လူမျုိုးစုတို့နှင့်လည်း အလွန်ရင်းနှီးစွာ ပတ်သက်ခဲ့သော သာဓကအချို့ရှိနေသည်။ ကိုရီးယားစကားရှိ အစ္စလာမ့်အသုံးအနှုန်း၌ ဟိုးကျို /ဟွေကျောက် (회교, 回敎) ဟူ၍ တွေ့ရသည်။ ၄င်းမှာ ဥဂါးရ်လူမျိုးစုအမည်၏ရှေးအသုံးဖြစ်သည့် ဟွေဟွေ့ (回紇),  ဟူသော တရုတ်ဝေါဟာရမှ ဆင်းသက်သည်။ Goryeo ခေတ်နှောင်းပိုင်းအတွင်း Gaeseong နေပြည်တော်၌ ဗလီဝတ်ကျောင်းတော်များစွာ ရှိခဲ့သည်။ ကိုးရီးယား၌ မွန်ဂိုများ အုပ်စိုးစဉ်ကာလ တစ်လျှောက်တွင်လည်း မွန်ဂိုတို့သည် ဥဂါးရ်တို့အား အထူး အားထားခဲ့ရသည်။ ဥဂါးရ်တို့၏ စာပေစကား နှင့်အတွေ့အကြုံများက ကုန်သွယ်ရေး နယ်ပယ်များ၌ သြဇာလွှမ်းမိုးနေသဖြင့် မွန်ဂိုအင်ပါယာကျယ်ပြန့်ရေးအတွက် အသုံးချနိုင်သောကြောင့်ဖြစ်သည်။ ကိုရီးယားတိုင်းရင်း မျိုးနွယ်စုများအနက် အပြီးပိုင် အခြေချနေထိုင်ခဲ့သည့် ဥဂါးရ်တို့မှ ဆင်းသက်ပေါက်ဖွားသည့် မျိုးစု ၂ စု အနည်းဆုံးရှိနေသည်။

    ကိုရီးယားသို့ရွှေ့ပြောင်းလာသော ဗဟိုအာရှသားတစ်ဦးသည် King Chungnyeol ထံသို့ ဆက်သထိမ်းမြားစေခဲ့သော မွန်ဂိုမင်းသမီး၏ ကိုယ်ရံတော် ဖြစ်သည်။ ထိုသူ၏ မူလအမည်မှာ ဆမ်ဂါ ဖြစ်သော်လည်း ကိုရီးယားကို အမိမြေဟုသတ်မှတ်လိုက်သည့်နောက် Jang Sunnyong   ဟူသည့် ကိုရီးယား အမည်ကို ခံယူခဲ့သည်ဟု  Goryeo  သမိုင်းမှတ်တမ်းများက ဆိုသည်။ Jang  သည် ကိုးရီးယားသူနှင့်လက်ဆက်ခဲ့ပြီး သူ၏မျိုးနွယ်မှာ Deoksu Jang ဟူ၍ အမည်တွင်လာသည်။ ရာစုနှစ်များစွာ ထိုမျိုးဆက်ထဲမှ များပြားလှသည့် အရာရှိကြီးများ၊ ကွန်ဖြူးရှပ် ၀ါဒ ပညာရှင်များ ထွန်းပေါ်ခဲ့သည်။ မျိုးဆက် ၂၅ ဆက်ရောက်သည့်အခါတွင် သူ၏မျိုးရိုးစဉ်ဆက် ကိုရီးယားလူမျိုးမှာ ပမာဏ သုံးသောင်းအထိ ဖြစ်လာသည်။ ၄င်းတို့၏ ဘိုးဘေးကြီး Jang Sunnyong မှာ ကိုးရီးယား လူမျိုးစစ်စစ် မဟုတ်ကြောင်း ကိုလည်း သိမှတ် လက်ခံကြသည်။ ၄င်းသည် အာရဗ်မွတ်စ်လင်မ်တစ်ဦးဟု အများစုက ယူဆထားသည်။ သို့ရာတွင် ယင်း မျိုးနွယ်စု၏အစဉ်အလာဓလေ့ထုံးတမ်းများ၌ အစ္စလာမ့်ယဉ်ကျေးမှုဆိုင်ရာအထောက်အထားကိုမူ မတွေ့ရချေ။ အလားတူ စွာ နောက်ထပ် ဗဟိုအာရှသား တစ်ဦး၏ဖြစ်စဉ်လည်း ရှိ၏။  ဥဂါးရ် လူမျိုးဟုယူဆရသော Seol Son အမည်ရှိ ဗဟိုအာရှသားတစ်ဦးသည် မွန်ဂိုတို့၏ ယွမ်မင်းဆက်နှောင်းပိုင်း ဗောင်းထုပ်နီတော်လှန်ရေး – Red Turban Rebellion ဖြစ်ပွားစဉ် ကိုရီးယားသို့ ထွက်ပြေးရောက်ရှိလာသည်။ သူလည်း
    ကိုးရီးယားသူနှင့် အိမ်ထောင်ကျကာ Gyeongju Seol ဟူသော မျိုးရိုးအမည်ကိုခံယူခဲ့ရာ ယခုအခါ သူ့မျိုးဆက်ဦးရေသည် ၂၀၀၀ ကျော်ရှိသော်လည်း ၄င်းတို့အတွင်း မွတ်စ်လင်မ့် အငွေ့အသက်များကို ထူးထူးခြားခြား မတွေ့မြင်ရချေ။

    Joseon ခေတ်ဦးပိုင်းတွင် တရုတ်ရိုးရာပြက္ခဒိန်များအစား ထူးခြားမှန်ကန်မှုရှိသော အစ္စလာမ့် ပြက္ခဒိန်ကို အစားထိုးလက်ခံလာကြသည်။ ၁၅ ရာစုနှစ်၊ Joseon Dynasty မင်းဆက်၊ Sejong the Great ဘုရင် လက်ထက်တွင် ကိုးရီးယားနိုင်ငံတွင် အစ္စလာမ့်နက္ခတ်ဗေဒနှင့် တရုတ်နက္ခတ် ပညာနှစ်ရပ်ကိုပေါင်းစပ်၍ ကိုးရီးယားဘာသာ စကားဖြင့် ပြန်ဆိုထားသည့် သင်ရိုး – Huihui Lifa ကို သင်ကြားစေခဲ့သည်။ ထိုဘာသာရပ်မှာ ၁၉ ရာစုဦးပိုင်းအထိ အစဉ်အလာကြီးခဲ့သည်။

    သို့တစေ ကိုရီးယားနိုင်ငံ၏ နယ်မြေဒေသ နှင့် နိုင်ငံရေးအနေအထားမှာ ထီးတည်းဖြစ်နေသဖြင့်  Joseon ခေတ်ကာလအတွင်း အစ္စလာမ်မှာ ပျောက်ကွယ် တိမ်ကောသွားခဲ့ပြီး ၂၀ ရာစုအတွင်းမှာမှ ပြန်လည် ထိတွေ့ပေါ်လွင်လာခြင်းဖြစ်သည်။ သို့သော် Manchuria နယ်၌ အခြေချနေထိုင်ခဲ့သော ကိုရီးယားတို့သည် အစ္စလာမ်နှင့် ထပ်မံထိစပ်မှုရှိရာမှ လက်ရှိခေတ်ကာလ၏ ပထမဆုံး ကိုရီးယားမွတ်စလင်မ်များ ဖြစ်လာသည်ဟု ဆိုသည်။

    ကိုရီးယားတိုင်းရင်းမွတ်စ်လင်မ်တို့၏ ရှေးဦးမှတ်တမ်း၌ ၄င်းတို့သည် Manchuria နယ်တွင် ၁၉ ရာစုကပင် ကိုယ်ပိုင် မွတ်စ်လင်မ် လူ့အစုအဝေးကြီး တစ်ရပ်အဖြစ် ထင်ထင်ရှားရှား ရပ်တည်နေပြီဖြစ်ကြောင်း ဖော်ပြသည်။ ၄င်းတို့သည် အဓိကအားဖြင့် Manchuria နယ်ရှိ မြို့ကြီးများ၌ အခြေချနေထိုင်ခဲ့ကြသော ဗဟိုအာရုကုန်သည်မျိုးဆက်များ ဖြစ်ကြသည်။ အစ္စလာမ်သာသနာကို ပထမဆုံးလက်ခံ သက်ဝင်ကြသော တိုင်းရင်း ကိုရီးယားများ ဖြစ်သည်။ မည်သို့ပင်ဆိုစေကာမူ ကိုးရီးယားစစ်ပွဲပြီးသည့်နောက်မှာမှ ကိုရီးယားတွင် အစ္စလာမ်သည် သိသာစွာ ဖွံ့ဖြိုးကြီးထွားလာသည်။ စစ်အတွင်းဝယ် ကိုးရီးယားတို့ကို လာရောက်ကူညီခဲ့သည့် တူရကီစစ်ကူအားဖြင့် အစ္စလာမ် နှင့် ကိုးရီးယား နီးစပ်လာခဲ့ချိန်ကတည်းက ကိုရီးယား၌ အစ္စလာမ်သည် ဖြည်းဖြည်းနှင့်မှန်မှန် ဖွံ့ဖြိုး ကြီးထွားလျက် ရှိနေပေသည်။ နယ်ခံတိုင်းရင်း ကိုရီးယားမွတ်စ်လင်မ်တို့ဦးရေမှာလည်း အတန်အသင့် တိုးပွားလာခဲ့သည်။

    ၂၀ ရာစုမှ တစ်ကျော့ပြန် ထိတွေ့မှု

    ginseng
    အီရတ်စစ်မျက်နှာသို့ သွားရောက်တာဝန် ထမ်းဆောင်ကြသော ကိုရီးယားစစ်သား ၃၇ ယောက် အစ္စလာမ် သာသနာသို့ ကူးပြောင်းဝင်ရောက်လာစဉ် (၂၀၀၄ ခုနှစ် မေလ)

    korea soldierကိုရီးယားစစ်ပွဲအတွင်း တူရကီနိုင်ငံသည် ကမ္ဘာ့ကုလသမဂ္ဂမှ တာဝန်ပေးချက် အရ တောင်ကိုးရီးယားသို့ စစ်ကူ တပ်သားများစွာ စေလွှတ်ခဲ့သည်။ ၄င်းကို တူရကီပေါင်းကူး တပ်ဖွဲ့ Turkish Brigade ဟု ခေါ်ကြသည်။ ၄င်းတို့သည် စစ်မြေပြင်၌ ပါဝင်တိုက်ခိုက်သလို လူသားချင်းစာနာမှု လုပ်ငန်းများ၊ စစ်ဒဏ်ခံမိဘမဲ့ ကလေးသူငယ် ကယ်ဆယ်ရေး လုပ်ငန်းများကိုလည်း ကြီးစွာ ပံ့ပိုးကူညီခဲ့ကြ၏။ စစ်မက်ကာလပြီးဆုံး၍ မရှေးမနှောင်းတွင် တူရကီအချို့သည် ကုလသမဂ္ဂငြိမ်းချမ်းရေး တပ်ဖွဲဝင်များ အဖြစ် တောင်ကိုရီးယား၌ စခန်းချကြရသောအခါ ကိုရီးယားတို့ထံ အစ္စလာမ် အကြောင်း ဖြန့်ချိပို့ချကြသည်။ ၁၉၅၅ ခုနှစ်တွင် လက်ဦး မွတ်စ်လင်မ်သစ်လွင်တို့မှ ကိုရီးယားမွတ်စ်လင်မ် ရပ်ဝန်းကိုထူထောင်၍ ဗလီဝတ်ကျောင်းတော် တစ်ခုကို ပထမဆုံး တည်ဆောက်နိုင်ခဲ့ကြသည်။ ကိုရီးယား မွတ်စ်လင်မ်လူ့အဖွဲ့အစည်း ကြီးထွားလာသည်၌  ၁၉၆၇ ခုနှစ်တွင် ကိုးရီးယား မွတ်စ်လင်မ်သမဂ္ဂ ဖြစ်ပေါ်လာ၏။

    မျက်မှောက်ကာလ

    ၁၉၆၂ ခုနှစ်တွင် ဆိုးလ်မြို့တော်၌် ဗလီဝတ်ကျောင်းကြီးတစ်ခုတည်ဆောက်ရန် မလေးရှားအစိုးရမှ အမေရိကန်ဒေါ်လာ ၃၃၀၀၀ ကူညီပံ့ပိုးသည်။ သို့ရာတွင် ငွေကြေးဖောင်းပွမှုပြဿနာကြောင့် အစီအစဉ် လွဲချော် ရပ်တန့်ခဲ့ရသည်။ တောင်ကိုးရီးယား သမ္မတနိုင်ငံသည် အရှေ့အလယ်ပိုင်း တိုင်းပြည်များနှင့် စီးပွားရေး မိတ်ဖက်များဖြစ်လာသော ၁၉၇၀ နှစ်များတွင်မှ အစ္စလာမ်သာသနာ အပေါ် တိမ်းညွှတ်မှု ပြန်လည်ခေါင်းထောင်လာသည်။ ဆော်ဒီအာရေဗျသို့ သွားရောက် အလုပ်လုပ်နေသည့် ကိုရီးယားအချို့ အစ္စလာမ်ကို လက်ခံသက်ဝင်ခဲ့ပြီး၊ လုပ်သက်စာချုပ် သက်တမ်းစေ့၍ ကိုးရီးယားသို့ ပြန်လာရာတွင် တိုင်းရင်းမွတ်စ်လင်မ် ဦးရေများစွာကို ကျားကန်ပေးခဲ့ကြသည်။ နောက်ဆုံးတွင် ဆိုးလ်မြို့တော်၏ Itaewon ဆင်ခြေဖုံး အရပ်ဝယ် ဆိုးလ်ဗဟိုမြို့မ ဗလီကြီးအား ၁၉၇၆ ခုနှစ်၌ အပြီးသတ် တည်ဆောက်နိုင်ခဲ့သည်။ ယခုအခါ Busan, Anyang, Gwangju, Jeonju, Daegu နှင့်  Kaesong မြို့များတွင်လည်း ဗလီဝတ်ကျောင်းတော်များ ရှိနေလေပြီ။

    halal shop
    တောင်ကိုရီးယားမှ ဟလာလ် စားသောက်ကုန် အရောင်းဆိုင်တခု

    ကိုရီးယားအစ္စလာမ်တက္ကသိုလ်အကြီးအမှူး Lee Hee-Soo (Yi Hui-su) ၏အဆိုအရ တောင်ကိုးရီးယား သမ္မတနိုင်ငံ၌ စာရင်းရ မွတ်စ်လင်မ် ဦးရေမှာ လေးသောင်းခန့် ရှိပြီး၊ အစ္စလာမ့်နည်းကျ ပီပြင်စွာ ဘ၀တည်ဆောက်နေသူ များမှာ တစ်သောင်းခန့်ရှိသည် ဟု သိရှိရသည်။

    “ မင်းသား စုလ်တာန်ဗင်န်အဗ်ဒုလ်အဇီးဇ် ပင်မကျောင်း ” အမည်ဖြင့် အစ္စလာမ်အခြေခံပညာကျောင်း တစ်ကျောင်းကို ကိုရီးယား မွတ်စလင်မ်များ၏ သာသနာ့ပညာ အထောက်အကူ အတွက် ၂၀၀၉ ခုနှစ်၊ မတ်လ တွင် တရားဝင်ကျောင်း တစ်ကျောင်းအဖြစ် မိမိတို့မှ ဖွင့်လှစ်ရန်ကြိုးပမ်းခဲ့ကြောင်း ကိုရီးယားမွတ်စ်လင်မ်ဖောင်ဒေးရှင်းက ဆိုသည်။ ယဉ်ကျေးမှုစင်တာတစ်ခု၊ အလယ်တန်းကျောင်းများသာမက တက္ကသိုလ်ဖွင့်လှစ်နိုင်ရေးအထိ စီစဉ်ထားသည်။ ဆိုးလ်၌ ဆော်ဒီအာရေဗျ၏ သံအမတ်ကြီးအဖြစ် တာဝန်ထမ်းဆောင်သူ Abdullah Al-Aifan မှ ယင်းဖောင်ဒေးရှင်းအား ဆော်ဒီအာရေဗျ အာဏာပိုင်အစိုးရ ကိုယ်စား အမေရိကန်ဒေါ်လာ ငါးသိန်း လှူဒါန်းခဲ့သည်။

    ထိုကျောင်း မတည်ထောင်မှီက “စုလ်တာန်ဗင်န်အဗ်ဒုလ်အဇီးဇ် မဒ်ရဆဟ် ” အမည်ဖြင့် ၁၉၉၀ နှစ်များအတွင်း ကလေးငယ်များကို အရဗီ၊ အင်္ဂလိပ်နှင့် အစ္စလာမ့်ယဉ်ကျေးမှု သင်ကြားပေးနိုင်ရေးအတွက် ဆောင်ရွက်လည်ပတ်ခဲ့သည်။

    မိမိတို့၏ မတူကွဲပြားသော ဘ၀နေဟန်က လူ့အဖွဲ့အစည်းရှိ အခြားသူများထက် တမူထူးခြားနေခြင်းမျိုး မရှိဟု ကိုးရီးယား မွတ်စ်လင်မ် များစွာမှ ပြောကြားသည်။  သို့သော်ငြား ၂၀၀၁ ခုနှစ်၊ ၉/၁၁ အကြမ်းဖက် တိုက်ခိုက်မှု၏နောက်တွင် မလိုလားခံရမှုများရှိလာကြောင်း သူတို့မှ ခံစားမိသည်ဟု ဆိုကြသည်။ ကိုရီးယားနိုင်ငံ၏ ရုပ်သံဌာနတစ်ခုဖြစ်သော Arirang TV မှလည်း အိမာမ် Hak Ap-du ( ဟပ်က် အဗ်ဒူးဟ် ) နှင့် ကိုးရီးယားရှိ အစ္စလာမ်အကြောင်းကို ၉ မိနစ်စာ အစီရင်ခံတင်ဆက်မှု ပြုလုပ်ပေးခဲ့သည်။

    Ref: http://en.wikipedia.org/wiki/Islam_in_Korea မှ ဖော်ပြချက်ကို M-Media မှ ဆီလျော်အောင် ဘာသာပြန်ဆိုပါသည်။

    wiki update date (2-3-2013)

    Sources

    •     Baker, Don (Winter 2006). “Islam Struggles for a Toehold in Korea”. Harvard Asia Quarterly. Retrieved 2007-04-23.
    •     Kwon, Young-pil. (1991). Ancient Korean art and Central Asia: Non-Buddhist art prior to the 10th century. Korea Journal 31(2), 5-20.
    •     Lee, Hee-Soo. (1991). Early Korea-Arabic maritime relations based on Muslim sources. Korea Journal 31(2), 21-32.

     

  • သမုဒ္ဒရာတလျှောက်က အစ္စလာမ်သာသနာ

    သမုဒ္ဒရာတလျှောက်က အစ္စလာမ်သာသနာ

    ပစိဖိတ်သမုဒ္ဒရာ(Pacific Ocean)တစ်ဝိုက်ရှိ သို့မဟုတ် ဩစတေးလျနိုင်ငံ(Australia)နှင့် အနီးတစ်ဝိုက်ရှိ သို့မဟုတ် အာရှတိုက်နှင့် အမေရိကတိုက်ကြား သမုဒ္ဒရာအတွင်းရှိသော နိုင်ငံများကိုစုပေါင်းပြီး Oceania လို့ခေါ်ပါတယ်။ ဩစတေးလျနှင့် နယူးဇီလန်(New Zealand)တို့ကတော့ အများသိနိုင်ငံတွေဖြစ်ပြီး ကျန်ကျွန်းနိုင်ငံငယ်များကို

    ၁။ ဩစတီးလရှား(Australasia)

    ၂။ မယ်လနီးရှား(Melanesia)

    ၃။ မိုက်ကရိုနီးရှား(Micronesia) နှင့်

    ၄။ ပိုလီနီရှား(Polynesia) ဆိုပြီး ခွဲခြမ်းထားပါတယ်။

    A Mosque in Arncliffe, Australia.
    Photo-wiki

    ဩစတေးလျနိုင်ငံမှာ အစ္စလာမ်ဘာသာက ခရစ်ယာန်နှင့် ဗုဒ္ဓဘာသာပြီးနောက် တတိယလူဦးရေ အများဆုံးဖြစ်ပါတယ်။ ဩစတေးလျနိုင်ငံမှာ မွတ်စလင်ဦးရေ ၃၅၀၀၀၀-ခန့်ရှိပြီး နယူးဇီလန်နိုင်ငံမှာတော့ ၄၀၀၀၀-ခန့်ရှိပါတယ်။

    • ဖီဂျီနိုင်ငံ(Fiji)မှာ ၆၅၀၀၀-ခန့်၊
    • နယူးကယ်လေဒိုးနီးယား(New Caledonia)မှာ ၆၅၀၀-ခန့်၊
    • ပါပူဝါနယူးဂီနီ(Papua New Guinea)မှာ ၂၀၀၀-ခန့်၊
    • ဆော်လမွန်ကျွန်းစု(Solomon islands)မှာ ၄၀၀-ခန့်၊
    • ဗာနူအာတူ(Vanuatu)မှာ ၂၀၀-ခန့်၊
    • တွန်ဂါ(Tonga)မှာ ၁၀၀-ခန့်အသီးသီးရှိကြောင်း

    စာရင်းဇယားများအရသိရပြီး ကျန်ကျွန်းကလေးများမှာလည်း အနည်းငယ်စီရှိပါတယ်။

    ကိန်းဂဏန်းတွေသေးလို့တော့ စာဖတ်သူ စိတ်မပျက်သွားပါနဲ့။ ဖီဂျီနိုင်ငံရဲ့ စုစုပေါင်းလူဦးရေဟာ ၉-သိန်းခန့်သာရှိပြီး ပါပူဝါနယူးဂီနီ(၇-သန်းခန့်)ကလွဲရင် ကျန်နိုင်ငံတွေရဲ့ လူဦးရေဟာ ၃-သိန်း၊ ၄-သိန်းခန့်သာ ရှိကြတာပါ။

    ဩစတေးလျမြောက်ဘက်နဲ့ အရှေ့မြောက်ဘက်ရှိနိုင်ငံများကို မယ်လနီးရှား(Melanesia) (အမှတ်-၂)ဟုခေါ်ပြီး ဒေသခံတိုင်းရင်းသားထောင်ပေါင်းများစွာ အစ္စလာမ် သာသနာ့ဘောင်အတွင်း ဝင်ရောက်ခဲ့ကြောင်း ၂၀၀၇-ခုနှစ်ထုတ် ပစိဖိတ်မဂ္ဂဇင်း(Pacific Magazine)ပါ Green Moon Rising အမည်ရှိဆောင်းပါးမှာ ဖော်ပြထားရှိပါတယ်။

    ဂွါတာနာမိုအကျဉ်းထောင်(Guantanamo Bay)မှ လွတ်မြောက်ခွင့်ရရှိခဲ့တဲ့ ‘ဝီဂါ တရုတ်မွတ်စလင်’ (Uyghurs) အချို့ကို အမေရိကန်အစိုးရ သဘောတူညီချက်နဲ့ ပြန်လည်နေရာချပေးခဲ့တဲ့ ပုလောကျွန်း(Palau) နိုင်ငံမှာလည်း မွတ်စလင်ဦးရေ ၄၀၀-ခန့်ရှိကြောင်း သိရှိရပါတယ်။ ပုလောကျွန်းရဲ့ စုစုပေါင်းလူဦးရေ ၂-သောင်းခန့်သာရှိတာပါ။

    ၁၇-ရာစုအစောပိုင်း နယူးဂီနီ(New Guinea)နိုင်ငံက တရုတ်၊ မလေးအင်ပါယာတို့နဲ့ စတင်ကုန်သွယ်မှုပြုချိန်မှစပြီး ဒီ နိုင်ငံများကို အစ္စလာမ် သာသနာ ရောက်ရှိခဲ့တယ်လို့ ပြောနိုင်ပြီး ၁၉-ရာစုရောက်မှသာ စတင်ထိတွေ့ပျံ့နှံ့ကြောင်းပါ။ ၁၈၇၉-ခုနှစ်မှာ ဖီဂျီနိုင်ငံသို့ ရေလမ်းခရီးဖြင့် မွတ်စလင်များ ကန်ထရိုက်ယာယီလုပ်သားများအဖြစ်ရောက်ရှိခဲ့ခြင်းပါ။

    ဆော်ဒီအာရေဗျနှင့် မလေးရှားမှ မွတ်စလင် အဖွဲ့အစည်းများကလည်း ဤဒေသမှာ ကြိုးကြိုးပမ်းပမ်း သာသနာပြုနေကြလျက်ရှိပြီး ပြီးခဲ့တဲ့နှစ်တစ်ရာအတွင်း နယူးကယ်လေဒိုးနီးယားနိုင်ငံသို့ ယခင်ပြင်သစ်ကိုလိုနီ မွတ်စလင်နိုင်ငံများမှ ပြောင်းရွှေ့အခြေချမှုများလည်းရှိသည်။ စိတ်ဝင်စားစရာကောင်းသည်မှာ မယ်လနီးရှားဒေသရှိ တိုင်းရင်းသားတို့၏ ရှေးရိုးရာမှာလည်း အစ္စလာမ်သာသနာကဲ့သို့ ‘ရှုရာအတိုင်ပင်ခံအဖွဲ့’ အစရှိသော ဆင်တူသော အစဉ်အလာများရှိနေပေသည်။

    ဆူနာမီဖြစ်ပွါးပြီး ဆော်လမွန်ကျွန်းစုသို့ International Muslim Aid Organisation က စားနပ်ရိက္ခာ၊ ဆေးဝါးအကူအညီများ ရောက်ရှိပေးပို့ခဲ့ခြင်းအပေါ်လည်း ကျွန်းသားတို့က အလွန်ပင်လေးစား ကျေးဇူးတင်ခဲ့သည်။

    မလေးရှားနိုင်ငံ ကွာလာလမ်ပူ အစ္စလာမ်တက္ကသိုလ်တွင် Pacific Islam Training Course ဟူ၍ဖွင့်လှစ်ထားရှိပြီး ဤဒေသရှိ  အစ္စလာမ်သာသနာလေ့လာလိုသူများအား အကူအညီဖြစ်စေခဲ့သည်။

    လင်းယုန်နက် (ခြင်္သေ့မြို့တော်)

    References:

    http://en.wikipedia.org/wiki/Oceania

    http://en.wikipedia.org/wiki/Islam_in_Oceania

    http://intellibriefs.blogspot.sg/2007/08/pacific-spread-of-islam-in-melanesia.html

     

  • ဂျပန်ပြည်နဲ့ အစ္စလာမ်သာသနာ

    ဂျပန်ပြည်နဲ့ အစ္စလာမ်သာသနာ

    M-Media
    စုစည်းတင်ပြသူ-လင်းယုန်နက် (ခြင်္သေ့မြို့တော်)

    ရှေးသရောအခါကတည်းက မွတ်စလင်အချို့ ခရီးရောက်ရှိခဲ့သော်လည်း ၁၈၉၅-ခုနှစ် တံခါးဖွင့် စနစ်မကျင့်သုံးမီ ကာလ ဂျပန်ပြည်ဟာ အစ္စလာမ်သာသနာနဲ့ အထိအတွေ့ မရှိသလောက်ပါဘဲ။  ၁၉-ရာစုနှောင်းပိုင်း ဗြိတိသျှ၊ ဒတ်ခ်ျ ရေကြောင်းခရီးများနဲ့အတူ မလေးမွတ်စလင်တို့ စတင်ရောက်ရှိခဲ့ပြီး ၁၈၇၀-ခုနှစ်တဝိုက်မှာ ‘မြတ်တမန်တော် သခင်မိုဟမ္မဒ်’ ရဲ့ အထုပ္ပတ္တိကို ဂျပန်ဘာသာပြန်ဆိုခဲ့ခြင်းဖြင့် ဂျပန်ပြည်သူပြည်သားများဆီသို့ အစ္စလာမ်သာသနာ စတင်ရောက်ရှိ ပြန့်နှံ့စေခဲ့ပါတယ်။ သို့သော်လည်း သမိုင်းရာဇဝင်၊ ယဉ်ကျေးမှု့ တစ်ရပ်အနေဖြင့်သာ လူသိများခဲ့ပြီး သက်ဝင်ယုံကြည်မှုအားဖြင့် အလွန်နည်းပါးခဲ့ပုံပါပဲ။

    တိုကျိုမြို့မှ ဗလီဝတ်ကျောင်းတော်

    တူရကီနိုင်ငံ အစ္စတန်ဘူမြို့သို့ ဂျပန်အိမ်ရှေ့မင်းသား ‘ကိုမတ်စု အခီဟီတို’ သံတမန် ဆက်သွယ်လာရောက်မှုကို ပြန်လှန်ဂုဏ်ပေးအလေးပြုခြင်းငှါ ၁၈၉၀-ခုနှစ်မှာ ‘တူရကီအော်တိုမန်အင်ပါယာ’က ဂျပန်ပြည်သို့ ‘အာတုဂရုလ’ အမည်ရှိ စစ်ရေယာဉ်တစ်စီးစေလွှတ်ခဲ့သော်လည်း ၁၈၉၀-ခုနှစ် စက်တင်ဘာလ ၁၆-ရက် ညနေပိုင်း ‘ဝါကာယာမဒေသ’ ကမ်းရိုးတမ်းမှာ မုန်းတိုင်းမိပျက်စီးခဲ့ပါတယ်။

    ပထမဆုံး ‘ဟဂ်ျ’ပြုခဲ့တဲ့ ဂျပန်မွတ်စလင်လာမယ့်’ကိုတာရို ယာမာအိုက’ ဟာ ၁၉၀၉-ခုနှစ်မှာ အိန္ဓိယနိုင်ငံ ဘုံဘေမြို့မှာ ရုရှားနိုင်ငံဖွားဂျပန်အမျိုးသား စာရေးဆရာ ‘အဗဒူ

    တိုကျိုမြို့မှ ဗလီဝတ်ကျောင်းတော်

    ရာရှီးဒ် အေဗရာဟင်’ ဆိုသူနဲ့တွေ့ရှိခဲ့ပြီး အစ္စလာမ်သာသနာ့ဘောင် အတွင်းဝင်ရောက်ကာ ‘အိုမာရ် ယာမာအိုက’ အမည်ခံယူခဲ့ပါတယ်။ တကယ်တော့ သူဟာ ရုရှာ-ဂျပန်စစ်ပွဲ (၁၉၀၄-၁၉၀၅) စတင်ကတည်းက ‘မန်ချူးရီးယား’သို့ ထောက်လှမ်းရေး အဖြစ်ရောက်ရှိနေခဲ့သူပါ။

    အလားတူ အချိန်ကာလတဝိုက်မှာပဲ ‘ဘွန်ပါချိရို အာရိဂါ’ဆိုသူ ဂျပန်လူမျိုးတစ်ဦးဟာလည်း ကုန်သည်အဖြစ် အိန္ဓိယနိုင်ငံသို့ရောက်ရှိစဉ် ဒေသခံမွတ်စလင်များထံမှ အစ္စလာမ်ဘာသာအား လေ့လာသိရှိခဲ့ပြီး အစ္စလာမ် သာသနာ့ဘောင်အတွင်း ဝင်ရောက်ကာ ‘အာမက် အာရိဂါ’ အမည်ခံယူခဲ့ပါတယ်။

    ၁၈၉၂-ခုနှစ်မှစ နှစ်ပေါင်း ၂၀-ခန့် တူရကီနိုင်ငံ အစ္စတန်ဘူမြို့၌ ကုန်သည်အဖြစ်အခြေချနေထိုင်ခဲ့သူ ‘ယာမာဒါ တိုအာဂျိရို’ဆိုသူကလည်း အစ္စလာမ်သာသနာ့ဘောင် အတွင်:ဝင်ရောက်ခဲ့ပြီး ‘အဗဒူ ခါလေ’ အမည်ခံကာ ဂျပန်ပြည်မပြန်မီ မက္ကာမြို့သွား ‘ဟဂ်ျ’ပြုခဲ့ပါတယ်။

    ဂျပန်နိုင်ငံဟာ ၁၉၁၇-ခုနှစ် အောက်တိုဘာ တော်လှန်ရေးဖြစ်ပွါးပြီးနောက် ရုရှားနဲ့ အာရှအလယ်ပိုင်းဒေသမှ ရာပေါင်းများစွာ ‘တူရကီ-တာတာမွတ်စလင်’ ဒုက္ခသည်များနဲ့ စစ်ပြေးများကို ခိုလှုံခွင့်ပြုခဲ့ပါတယ်။ စစ်တမ်းများအရ ၁၉၃၈-ခုနှစ်မှာ ဂျပန်ပြည်အနှံ့ ခိုလှုံခွင့်ရရှိခဲ့သူ မွတ်စလင် ၆၀၀-ဦးခန့်နဲ့ အခြား ဂျပန်ပိုင် ကိုလိုနီဒေသများမှာတော့ ထောင်ပေါင်း များစွာရှိခဲ့ပြီး ဂျပန်လူမျိုးအချို့ ၄င်းတို့ထံမှ အစ္စလာမ်ဘာသာအား လေ့လာသိရှိခဲ့ပြီး အစ္စလာမ် သာသနာ့ဘောင်အတွင်း ဝင်ရောက်ခဲ့ကြတယ်လို့ သိရှိရပါတယ်။

    ၁၉၃၅-ခုနှစ်မှာ ‘ကိုဘေး ဗလီဝတ်ကျောင်းတော်’ကို တည်ဆောက်ခဲ့ပါတယ်။ ‘တိုကျို ဗလီဝတ်ကျောင်းတော်’ကို ၁၉၀၈-ခုနှစ်မှာ စတင်စီမံချက်ချခဲ့ပြီး ၁၉၃၈-ခုနှစ်မှာ တည်ဆောက်ပြီးစီးခဲ့ပါတယ်။ ရှေ့ဆောင်ဗလီ ဆရာတော်များကတော့ ‘အဗ်ဒူ ရာရှီးဒ် အေဗရာဟင် (၁၈၅၇-၁၉၄၄)’ နဲ့ ‘အဗ်ဒူဟေး ကော်ဘန်ဂလီ (၁၈၈၉-၁၉၇၂)’ တို့ဖြစ်ပါတယ်။

    ကိုဘေးမြို့မှ ဗလီဝတ်ကျောင်းတော်

    တိုကျိုမြို့၌ ‘အဟာလူဘိုက်သ် အစ္စလာမ်ဌာန’ (Ahlulbayt Islamic Centre) တည်ရှိပြီး  ရှေ့ဆောင်ဗလီဆရာတော်ကတော့ ‘ရှိုက် အေဗရာဟင် စာဝါဒါ’ ဖြစ်ပါတယ်။ ၁၉၃၀-ခုနှစ်မှာ ပထမဦးဆုံး မွတ်စလင်အဖွဲ့အစည်း ‘ဂျပန်ပြည်လုံးဆိုင်ရာ မွတ်စလင်အဖွဲ့’ (Greater Japan Muslim League) ကို ဖွဲ့စည်းတည်ထောင်ခဲ့ပါတယ်။

    ဒီကာလတလျှောက် ဂျပန်အာဏာပိုင်များက ပညာရှင်များ၊ မွတ်စလင်ဘာသာရေး ခေါင်းဆောင်များကို ဖိတ်ခေါ်ပြီး အစ္စလာမ်ဘာသာရေးရာ စာအုပ်များ၊ ဂျာနယ်များ ၁၀၀-ကျော်ထုတ်ဝေခဲ့ပါတယ်။ ဒုတိယကမ္ဘာ စစ်ပွဲကာလဖြစ်ပြီး သာသနာပြုခြင်းထက် အနောက်တိုင်းဝါဒများကို တန်ပြန်တိုက်ခိုက်လိုတဲ့ သဘောထားပါ။ ဂျပန်အစိုးရထိပ်တန်းအရာရှိတစ်ဦးဖြစ်သူ ‘ရှူမေ အိုကာဝါ’ ဆိုသူဟာ အစ္စလာမ်သာသနာ့ ပညာရှင်တစ်ဦးဖြစ်ပြီး သူ့တပည့်တစ်ဦးဖြစ်တဲ့ ‘တိုရှိဟီကို အိဆူဇူး’ အနဲ့အတူ ‘ကျမ်းတော်မြတ် ကုရ်အာန်’ ဂျပန်ဘာသာပြန်အပြင် အခြားသော မွတ်စလင်စာပေအမြောက်အများ ရေးသားပြုစုခဲ့ပါတယ်။ ဒုတိယကမ္ဘာစစ်အပြီး ဂျပန်ပြည်ရှုံးနိမ့်သွားရာမှာ စစ်နိုင်မဟာမိတ်တို့က ‘ရှူမေ အိုကာဝါ’ အား စစ်ရာဇဝတ်သားအဖြစ် ဖမ်းဆီးအကျဉ်းချတာခံခဲ့ရပြီး  ‘ကျမ်းတော်မြတ် ကုရ်အာန်’ ဂျပန်ဘာသာပြန်ကို ထောင်တွင်းမှာပဲ ပြီးစီးနိုင်ခဲ့တာ အံ့မခမ်းပါပဲ။ နောက်ပိုင်း ထောင်မှလွတ်မြောက်ပြီး ၁၉၅၇-ခုနှစ်မှာ မွတ်စလင်အဖြစ် ကွယ်လွန်ခဲ့ပါတယ်။

    မှတ်သားစရာတစ်ခုက ဒုတိယကမ္ဘာ စစ်ကာလအတွင်း အရှေ့တောင်အာရှနိုင်ငံများသို့စေလွှတ်ခြင်းခံရတဲ့ ဂျပန်စစ်သားများကို ဖမ်းမိတဲ့အခါ အသတ်မခံရအောင် “La ilaha illa Allah” ဆိုနည်းသင်ပေးပါတယ်။ မှတ်တမ်းများအရ ဒေသခံများကလည်း သူတို့ကိုဖမ်းမိတဲ့အခါ မသတ်တဲ့အပြင် ကောင်းမွန်စွာဆက်ဆံကြတယ်လို့ သူတို့လွန်စွာအံ့ဩရတယ်လို့ စစ်ပြန်များကပြန်ပြောကြပါတယ်။

    ဒုတိယကမ္ဘာ စစ်ကာလ ဂျပန်တို့ တရုတ်ပြည်နဲ့ အရှေ့တောင်အာရှနိုင်ငံများကို သိမ်းပိုက်ရောက်ရှိခဲ့ခြင်းဟာ အစ္စလာမ်သာသနာနဲ့ ပိုမိုထိတွေ့စေခဲ့ပါတယ်။ အချို့စစ်သားများ အစ္စလာမ်သာသနာ့ဘောင်အတွင်း ဝင်ရောက်ခဲ့ပြီးနောက် ဂျပန်ပြည်ပြန်ရောက်တဲ့အခါ ၁၉၅၃-ခုနှစ်မှာ ‘ဆွာဒစ် အီမာအိဇူမိ’ ဆိုသူရဲ့ ဦးဆောင်မှုနဲ့ ‘ဂျပန်မွတ်စလင်အဖွဲ့’ (Japan Muslim Association) ကိုတည်ထောင်ခဲ့ပါတယ်။ စတင်တဲ့အခါ အဖွဲ့ဝင် ၆၅-ဦးရှိပြီး ၆-နှစ်အကြာ ‘ဆွာဒစ် အီမာအိဇူမိ’ ကွယ်လွန်တဲ့အချိန်မှာ အဖွဲ့ဝင် နှစ်ဆတိုးရှိလာပါပြီ။ ၎င်းနောက် အဖွဲ့အား ‘အိုမာရ် မိတ’ ဆိုသူက ဦးဆောင်ခဲ့ပါတယ်။ သူဟာ တရုတ်ပြည်၌ ဂျပန်ပိုင် မန်ချူး မီးရထားကုမ္ပဏီမှာ တာဝန်ထမ်းဆောင်ရင်း တရုတ်မွတ်စလင်များထံမှ အစ္စလာမ်ဘာသာအား လေ့လာသိရှိခဲ့ပြီး ‘ပီကင်းမြို့’ မှာ သာသနာ့ဘောင်အတွင်း ဝင်ရောက်ခဲ့သူပါ။ စစ်အပြီး ဂျပန်ပြည်ပြန်ခဲ့ပြီး ဒုတိယကမ္ဘာ စစ်ကာလနောက်ပိုင်း ပထမဦးဆုံး ‘ဟဂ်ျ’ပြုနိုင်ခဲ့ကာ မွတ်စလင်တစ်ဦးအနေဖြင့် ပထမဦးဆုံး ‘ကျမ်းတော်မြတ် ကုရ်အာန်’ အကျယ်အဖွင့်ကျမ်းကို ဂျပန်ဘာသာပြန်ဆိုနိုင်ခဲ့သူလည်းဖြစ်ခဲ့ပါတယ်။ (အလ်ဂျဇီရာ ရုပ်သံမှ “Road to Hajj – Japan” အမည်ဖြင့် ဂျပန်ပြည်အစ္စလာမ်သာသနာအကြောင်း တင်ဆက်ထားရှိပါတယ်။)

    ၁၉၈၂-ခုနှစ်မှာ မွတ်စလင်ဦးရေ ၃၀၀၀၀ ကျော်ရှိပြီး တဝက်ခန့်ဟာ ဂျပန်လူမျိုး မွတ်စလင်တွေဖြစ်ပါတယ်။ ၂၀၀၀-ခုနှစ်မှာ ဂျပန်လူမျိုးမွတ်စလင် ၆၃၅၅၂-ဦး ရှိပြီး အခြားအာရှသား မွတ်စလင်ဦးရေ ၇၀၀၀၀-၁၀၀၀၀၀ ကျော်ရှိပါတယ်။ ဂျပန်အစိုးရက ကိုးကွယ်ယုံကြည်မှုနဲ့ပတ်သတ်ပြီး စာရင်းဇယား မထားရှိတဲ့အတွက် အတိအကျ ပြောဆိုရန်ခက်ခဲပြီး ဂျပန်နိုင်ငံရဲ့ သန်းရာချီတဲ့ လူဦးရေနဲ့စာရင် အလွန်အင်အားနည်းတာတော့ အမှန်ပါပဲ။ နိုင်ငံအနှံ့ သီးသန့်ဗလီဝတ်ကျောင်းတော် ၃၀-ကျော်ခန့်ရှိပြီး အခြားဝတ်ပြုရန်ကျောင်း ၁၀၀-ကျော်ရှိပါတယ်။

    လင်းယုန်နက် (ခြင်္သေ့မြို့တော်)

    References:http://en.wikipedia.org/wiki/Islam_in_Japan

  • ထိုင်းနိုင်ငံ နှင့် ထိုင်းမွတ်စလင်မ်များ

    ထိုင်းနိုင်ငံ နှင့် ထိုင်းမွတ်စလင်မ်များ

    မြန်မာပြည်မှာ ရိုဟင်ဂျာဘန်းပြပြီး မြန်မာမွတ်စလင်များအား တိုက်ခိုက်နေကြတဲ့ Islamophobic ဖြစ်နေကြသူတွေဟာ သမိုင်းအမှန်ကို မလေ့လာဘဲ ထိုင်းတောင်ပိုင်း မွတ်စလင်မ်အရေးကိုလည်း ဥပမာ တလွဲကောက် ယူသုံးလေ့ရှိပါတယ်။

    Pattani Central Mosque
    Photo-wikalenda.com

    ထိုင်းတောင်ပိုင်းသား မွတ်စလင်မ်တွေဟာ လွန်ခဲ့တဲ့နှစ်တစ်ရာခန့်ထိ သူတို့ကိုယ်ပိုင်ထီးနန်းရှိခဲ့ကြောင်း သိဖို့လိုပါတယ်။ ရခိုင်ပြည်ကို ကုန်းဘောင်ခေတ်နှောင်း ဗမာနိုင်ငံထဲတိုက်ခိုက်သိမ်းယူခဲ့သလိုပါပဲ။

    ထိုင်းနိုင်ငံမှာ မွတ်စလင်မ်လူဦးရေ ၄-သန်းမှ ၅-သန်းအထိရှိပြီး အများစုဟာ ‘ဆွန်နီမွတ်စလင်မ်’တွေဖြစ်ပါတယ်။

    မွတ်စလင်မ်အများစုကို တောင်ပိုင်းဒေသမှာတွေ့ရပြီး ‘ယာလာ’၊ ‘ပတ္တာနီ’ နဲ့ ‘နာရာသိဝပ်’ပြည်နယ်များဟာ မွတ်စလင်မ်ပြည်နယ်တွေဖြစ်၍ မွတ်စလင်မ် ၃-ပုံ ၂-ပုံခန့်ဟာ ‘မလေးလူမျိုး’တွေဖြစ်ကြပါတယ်။ သူတို့ကို ‘ယာဝီ’လူးမျိုးလို့ခေါ်လေ့ရှိပြီး ထိုင်းစကားနဲ့မတူတဲ့ ‘မလေးစကား’ တစ်မျိုးကိုပြောကြပါတယ်။

    ၁၉-ရာစုအစောပိုင်းမှာ ဤဒေသမှာ ‘မလေးမွတ်စလင်မ် ပတ္တာနီဘုရင့်နိုင်ငံတော်’ ရှိခဲ့တာဖြစ်ပြီး နှောင်းပိုင်းမှာ ထိုင်းဘုရင်များက သိမ်းပိုက်ခဲ့ကြတာပါ။ ‘ထိုင်းလူမျိုး မွတ်စလင်မ်’များကိုတော့ နိုင်ငံအလယ်ပိုင်းမှာ အတွေ့ရများပါတယ်။ ထိုင်းနိုင်ငံအနှံ့အပြားမှာ ထိုင်းမျိုးနွယ် မွတ်စလင်မ်များသာမက မြောက်ပိုင်းနဲ့အလယ်ပိုင်းဒေသတွေမှာ တရုတ်’ဟွေ့’မွတ်စလင်မ်များ၊ အလယ်ပိုင်းနဲ့တောင်ပိုင်းဒေသ တစ်ချို့မှာ ခမာနွယ် (ကမ်ဘောဒီးယား) ‘ချမ်မွတ်စလင်မ်’များလည်းရှိပါတယ်။ ဘင်္ဂလီများ၊ ပါကစ္စတန်နီများ၊ အင်ဒိုနီရှား မွတ်စလင်မ်များလည်း အများအပြားရှိပါတယ်။

    ၂၀၀၇-ခုနှစ် စစ်တမ်းအရ နိုင်ငံအဝှမ်း ‘ဗလီဝတ်ကျောင်းတော်’ ၃၄၉၄-ကျောင်းရှိပြီး ၆၃၆-ကျောင်းဟာ ‘ပတ္တာနီ’ပြည်နယ်မှာ တည်ရှိပါတယ်။

    အာဆီယံ အထွေထွေ အတွင်းရေးမှူးချုပ် ဟောင်း မစ္စတာစူရင်ပစ်ဆူဝမ်’
    Photo-http://ed_lead.pn.psu.ac.th
    စစ်ဦးစီးချုပ်ဟောင်း ‘ဗိုလ်ချုပ်ကြီး ဆွန်သီ’

    ထင်ရှားတဲ့ ထိုင်းမွတ်စလင်မ်များကတော့ ယခင်နိုင်ငံခြားရေးဝန်ကြီးဖြစ်ခဲ့ပြီး  အာဆီယံ အထွေထွေအတွင်းရေးမှူးချုပ် ဟောင်း မစ္စတာစူရင်ပစ်ဆူဝမ် ‘နဲ့ စစ်ဦးစီးချုပ်ဟောင်း ‘ဗိုလ်ချုပ်ကြီး ဆွန်သီ’တို့ဖြစ်ပါတယ်။

    ရှာဖွေတင်ပြသူ – လင်းယုန်နက် (ခြင်္သေ့မြို့တော်)