ဇန်န၀ါရီ ၂၊ ၂၀၁၅
M-Media
– ပဋိပက္ခများဖြစ်ပွားနေသော နိုင်ငံများမှ ဒုက္ခသည်များကို နိုင်ငံအတွင်း ၀င်ရောက် ခိုလှုံခွင့်ပေးရန် ဂျာမနီဝန်ကြီးချုပ် အိန်ဂျလမာကဲလ်က တိုက်တွန်းလိုက်ပြီး နိုင်ငံ အတွင်း ဖြစ်ပွားနေသော အစ္စလာမ်ဆန့်ကျင်ရေး လှုပ်ရှာမှုများကလည်း အမုန်းတရားများပြည့်နေသော လူမျိုးရေး ခွဲခြားမှုလုပ်ရပ်သာ ဖြစ်သည်ဟု ပြောကြားခဲ့သည်။
ဒီဇင်ဘာ ၃၁ ရက်နေ့ ညပိုင်းက တိုင်းပြည်အား ပြောကြားခဲ့သော နှစ်သစ်မိန့်ခွန်းတွင် မာကဲလ်က ယခုကဲ့သို့ ထည့်သွင်းပြောဆို ခဲ့ခြင်းဖြစ်ပြီး ပြောင်းရွှေ့ အခြေချသူများအား ကြိုဆိုရန်အတွက် လည်း ဂျာမန်ပြည်သူများအား တိုက်တွန်းခဲ့သည်။
`ကျွန်မတို့ တိုင်းပြည်မှာ ခိုလှုံချင်တဲ့သူတွေကို ကူညီဖုိ့ဆိုတာ ပြောစရာကို မလိုပါဘူး´ ဟု မာကဲလ်က ဆိုသည်။
ထို့ပြင် လွန်ခဲ့သည့် သီတင်းပတ်များက နိုင်ငံအရှေ့ပိုင်း ဒရက်စ်ဒန်မြို့တွင် ပြုလုပ်ခဲ့သော မွတ်စလင်ဆန့်ကျင်ရေး လှုပ်ရှားမှုအုပ်စု PEGIDA ၏ အစ္စလာမ် ဆန့်ကျင်ရေး ဆန္ဒပြမှု မြင့်တက်လာခြင်း အတွက်လည်း ၀မ်းနည်းမိသည်ဟု မာကဲလ်က ဖွင့်ဟခဲ့သည်။
`ဒီနေ့ခတ်မှာ လူတွေဟာ နေ့စဉ်နေ့တိုင်း `ငါတို့ လူမျိုးကွ´ လို့ အော်လာကြပါ တယ်။ ဒါဟာ တစ်ကယ်တော့ အသားအရောင် ဒါမှမဟုတ် ဘာသာတရားကြောင့် တစ်ချို့ကတော့ ဒီထဲ မပါဘူးလို့ ဆိုလိုတာပါပဲ။ ဒါ့ကြောင့် ဒီလှုပ်ရှားမှု ပြုလုပ်တဲ့သူတွေကို ပြောချင်တာက – ဒီလှုပ်ရှားမှုထဲမှာပါဖို့ လာခေါ်တိုင်း မလိုက်ပါနဲ့။ ဘာ့ကြောင့်လဲဆိုတော့ သူတို့တွေရဲ့ နှလုံးသားတွေထဲမှာ မလိုတမာစိတ်နဲ့ အမုန်းတရားတွေသာ ရှိနေတာပါ ´ ဟု ပြိုကျသွားခဲ့သည့် ဘာလင်တံတိုင်းရှေ့တွင် ပြုလုပ်ခဲ့သော မွတ်စလင်ဆန့်ကျင်ရေး လှုပ်ရှားမှုနှင့် ပတ်သက်၍ မာကဲလ်က ထပ်လောင်းပြောကြားခဲ့သည်။
ဂျာမနီ၏ ဒုက္ခသည်ခိုလှုံခွင့်ပေးမှုဆိုင်ရာ ဥပေဒမှာ ကမ္ဘာပေါ်တွင် လစ်ဘရယ် အကျဆုံး နိုင်ငံများထဲတွင် အပါအ၀င်ဖြစ်ပြီး အများစုကမူ ထိုကဲ့သို့ ဒုက္ခသည်များအား လက်ခံမှုမှာ အတိတ်က နာဇီများ၏ ပုံစံမျိုး ဖြစ်မလာအောင် တုံ့ပြန်ခြင်းဖြစ်သည်ဟု ရှုမြင်နေကြသည်။ ကမ္ဘာတစ်ဝှမ်းမှ ဒုက္ခသည်များကို လက်ခံခြင်းမှာ နာဇီဝါဒ ရှင်သန်မှုကို အတားအဆီးဖြစ်စေသည်။
ဂျာမနီသို့ ဒုက္ခသည်များ လာရောက်ခိုလှုံမှု အရေအတွက်မှာ ယခုနှစ်တွင် ၂ သိန်းခန့်အထိ ရောက်ရှိခဲ့ပြီး ၂၀၁၂ ခုနှစ်ကထက် လေးဆ တက်လာခဲ့ကာ နှစ် ၂၀ အတွင်း အမြင့်ဆုံး ပမာဏလည်း ဖြစ်သည်။
ဂျာမနီရှိ အစ္စလာမ်ဘာသာဝင်ဦးရေမှာ စုစုပေါင်း ၄ သန်းခန့်ရှိပြီး ထိုမွတ်စလင် လူဦးရေ၏ ၃ ပုံ ၂ ပုံမှာ တာ့က်အနွယ်များ ဖြစ်သည်။
လွန်ခဲ့သည့် သီတင်းပတ် အနည်းကပင် PEGIDA အုပ်စုမှာ မွတ်စလင် ဆန့်ကျင်ရေးနှင့် ပြောင်းရွှေ့ အခြေသူများအား ဆန့်ကျင်သည့် ချီတက်ဆန္ဒပြမှုများကို ကျင်းပခဲ့ကြသည်။
ပြီးခဲ့သည့် သီတင်းပတ် တနင်္လာနေ့ကလည်း နိုင်ငံအရှေ့ပိုင်း ဒရက်စ်ဒန်မြို့တွင် ပြုလုပ်ခဲ့သော မွတ်စလင် ဆန့်ကျင်ရေး လှုပ်ရှားမှုတွင် စံချိန်တင် လူပေါင်း ၁၇၅၀၀ ခန့် ပါဝင်ခဲ့ပြီး သီတင်းပတ်များအတွင်း ၁၀ ကြိမ်မြောက် ဆန္ဒပြမှုလည်း ဖြစ်သည်။ ဆန္ဒပြမှုများ အတွက် ဂျာမန်ပြည်သူများက `Dresden Nazi-free´ (ဒရက်စ်ဒန်မြို့တွင် နာဇီဝါဒ ကင်းစင်ရမည်) ဟူသော ခေါင်းစဉ်ဖြင့် တန်ပြန်ဆန္ဒပြမှု ပြုလုပ်ခဲ့ပြီး လူပေါင်း ၄၅၀၀ ခန့် ပါဝင်ခဲ့ကြသည်။ အဆိုပါ ဆန္ဒပြမှုတွင် ဂျူးများအား အစုလိုက်အပြုံလိုက် သတ်ဖြတ်သည့် Holocaust အဖြစ်အပျက်မျိုး ဖြစ်ပွားစေခဲ့သော လူမျိုးရေး ခွဲခြားမှုနှင့် လူမျိုးခြားကြောက်ရောဂါများ အတွက် ဂျာမနီတွင် နေရာမရှိဟု သတိပေးခဲ့ကြသည်။
ဂျာမနီစက်မှုလက်မှု အသင်းမှ ဥက္ကဌဖြစ်သူ အူလ်ရစ်ခ်ျ ဂရီလိုကလည်း ထိုကဲ့သို့ အစ္စလာမ် ဆန့်ကျင်ရေး ဆန္ဒပြမှုများမှာ နိုင်ငံ၏ အကျိုးစီးပွားနှင့် တန်ဖိုးများကို အခြေပျက်စေသည်ဟု ပြောကြားခဲ့သည်။
Ref : Reuters
