အောက်တိုဘာ ၂၇၊ ၂၀၁၆
M-Media
– လူ့ဘ၀ဆိုတာ အံ့သြဖွယ်ရာတွေ မသေချာ မရေရာမှုတွေနဲ့ ပြည့်နှက်နေတဲ့ သက်တမ်းတစ်ခုပါ။ ဘယ်လိုအချိန်မျိုး၊ ဘယ်လိုနေရာမျိုးမှာ ဘယ်လို အံ့သြမှုမျိုးတွေကို ကြုံတွေ့ရမလဲဆိုတာ ဘယ်သူမှ အတပ် မသိကြပါဘူး။
အဲဒီ အံ့သြဖွယ်ရာထဲကမှ အမေရိကန်ဆယ်ကျော်သက်အရွယ် လူငယ်လေးတစ်ဦးရဲ့ အတွေ့အကြုံကတော့ တကယ့်ကို ထူခြားဆန်းကျယ်လှပါတယ်။
အတ္တလန်တာက ရူဘန် နဆီမိုဆိုတဲ့ ဆယ်ကျော်သက်လူငယ်လေးဟာ မကြာခင်ကပဲ ဘောလုံးပွဲတစ်ခုမှာ ပြိုင်ဘက်ကစာသမားတစ်ဦးက သူ့ရဲ့ခေါင်းကို ပြင်းပြင်းထန်ထန် ကန်လိုက်မိတာကြောင့် ဦးနှောက်ကို ထိခိုက်သွားပြီး ကိုးမားဖြစ်သွားခဲ့ပါတယ်။
ဒါပေမယ့် ပြီးခဲ့တဲ့လက ကိုးမားကနေ ပြန်လည်သတိရလာပြီးနောက်ပိုင်းမှာတော့ ထူးဆန်းအံ့သြဖွယ် အဖြစ်အပျက်တစ်ခု ဖြစ်ခဲ့ပါတယ်။ ဒါကတော့ အရင်အင်္ဂလိပ်စကားပြောတဲ့ နဆီမိုဟာ စပိန်စကားကို ကျွမ်းကျင်စွာ ပြောတတ်နေတာပဲ ဖြစ်ပါတယ်။
မိဘတွေကတော့ ကိုးမားမဖြစ်ခင်အချိန်က သူတို့ရဲ့သားဟာ စပိန်စကားကို တစ်လုံးစ နှစ်လုံးစ ပြာလေ့ရှိပေမယ့် သွက်သွက်လက်လက် ပြောတတ်တာမျိုး မဟုတ်ဘူးလို့ ဆိုပါတယ်။
နောက်ပိုင်းမှာ အင်္ဂလိပ်စကားကို ပြန်လည်ပြောတတ်လာမှုနဲ့အတူ နဆီမိုရဲ့ စပိန်စကား ပြောတတ်မှုဟာလည်း တစ်ဖြည်းဖြည်းနဲ့ ပျောက်ကွယ်သွားပါတော့တယ်။
ရှားပါးသောအဖြစ်အပျက်
Foreign accent syndrome လို့ ခေါ်တဲ့ ဒီလိုရောဂါမျိုးဟာ အင်မတန် အဖြစ်နည်းတဲ့ အဖြစ်အပျက်မျိုးဖြစ်ပြီး ဦးနှောက်ကို ထိခိုက်မှုက လူတစ်ဦးရဲ့ စကားပြောဆိုပုံအနေအထားကို ပြောင်းလဲစေကာ တစ်ခြား ဘာသာစကားကို ပြောတတ်လာတဲ့ အခြေအနေမျိုး ဖြစ်ပါတယ်။
ဒီရောဂါဖြစ်ပွားမှုကို ပထမဆုံး မှတ်တမ်းတင်နိုင်ခဲတာက ၁၉၄၁ ခုနှစ်မှာ ဖြစ်ပြီး နော်ဝေမျိုးသမီးတစ်ဦးဟာ ဂျာမနီရဲ့ ဗုံးကြဲမှုအတွင်း ဗုံးဆန်မှန်မှုကြောင့် ဦးနှောက်ကို ထိခိုက်ခဲ့ပြီးတဲ့နောက်ပိုင်းမှာ ဂျာမန်လေသံ ပေါက်လာတာဖြစ်ပါတယ်။
အဲဒီနောက်ပိုင်းမှာတော့ ဒီရောဂါနဲ့ပတ်သက်တဲ့ အဖြစ်အပျက် တစ်ဒါဇင်လောက်သာ ပေါ်ထွက်ခဲ့ပါတယ်။
လွန်ခဲ့တဲ့ ၃ နှစ်လောက်တုန်းက တောင်ကယ်လီဖိုးနီယား မိုတယ်တစ်ခုမှာ သတိလစ်တဲ့အနေအထားနဲ့ တွေ့ရှိခဲ့တဲ့ အမေရိကန်ရေတပ်သားတစ်ဦးဟာ နိုးလာတာတဲ့အခါမှာ အတိတ်လုံးဝမေ့သွားခဲ့ပြီး ဆွီဒင်စကားကိုသာ ပြောဆိုတဲ့ အဖြစ်အပျက်မျိုးလည်း ရှိခဲ့ပါတယ်။
သြစတေးလျမှာတော့ ဘတ်စ်ကားယာဉ်မောင်းတစ်ဦးဟာ ယာဉ်တိုက်မှုတစ်ခုအတွင်း ကျောရိုးနဲ့ မေးရိုးတွေ ပျက်ဆီးကာ သတိမေ့မြောခဲ့ပြီး ပြန်နိုးလာတဲ့အခါမှာတော့ ပြင်သစ်လေသံ ပေါက်သွားခဲ့ပါတယ်။
အခုနှစ်အစောပိုင်းတုန်းက မေးရိုးခွဲစိတ်ခဲ့တဲ့ တက္ကဆက်က အမျိုးသမီးတစ်ဦးဟာ ဗြိတိန်လေသံ ပြောင်းသွားခဲ့တာကိုလည်း တွေ့ခဲ့ရပါတယ်။
“ဒါက ကြွက်သားထိန်းချုပ်မှု ချို့ယွင်းသွားတာမျိုးပါ။ စကားပြောဆိုခြင်းဟာ ကျွန်တော်တို့ လုပ်ဆောင်နေတဲ့ အရာတွေထဲက အရှုပ်ထွေးဆုံး အရာတစ်ခုပါ။ လှုပ်ရှားနေတဲ့ အစိတ်အပိုင်းတွေနဲ့ ဦးနှောက်ရဲ့ အခန်းတော်တော်များများက ပါဝင်လှုပ်ရှားကြပါတယ်။ အဲဒီဦးနှောက်အခန်း တစ်ခု ဒါမှဟုတ် တစ်ခုထက်ပိုပြီး ပျက်ဆီးသွားမယ်ဆိုရင် စကားပြောဆိုမှုရဲ့ အချိန်အဆ၊ အသံအပျော့အမာ၊ မယ်လိုဒီတွေကို ထိခိုက်စေပါတယ်” လို့ Foreign accent syndrome နဲ့ပတ်သက်ပြီး အနည်းငယ်သော ကျွမ်းကျင်ပညာရှင်တွေထဲက တစ်ဦးဖြစ်တဲ့ ဒေါက်တာ ကရင် ကရုတ်က ပြောကြားခဲ့ပါတယ်။
Ref : CNN
