အောက်တိုဘာ ၂၅၊ ၂၀၁၆
M-Media
မိုးစက်
ရန်ကုန်။ ။ ရွှေပြည်သာမြို့နယ်တွင် ကုရ်ဘာနီပြုလုပ်မည့် နွား ၉၂ ကောင်ကို မင်းမဲ့စရိုက်ဆန်စွာ အုပ်စုဖွဲ့လုယူခဲ့ကြပြီး အမှုဖွင့်အရေးယူထားမှုသည် ရန်ကုန်တိုင်းအတွင်း ထူးခြားသည့် အမှုဖြစ်နေတယ်လို့ အဆိုပါအမှုကို ရှေ့နေအဖြစ် အခမဲ့ လိုက်လံလုပ်ဆောင်ပေးနေသူ တရားလွှတ်တော်ရှေ့နေ ဦးခင်မောင်ချိုက ဆိုပါတယ်။
“သူတို့စွဲတဲ့ ဥပဒေက ကုန်ပစ္စည်းနဲ့ ဝန်ဆောင်မှု ဥပဒေနဲ့ဆွဲတယ်။ ဥပဒေမှာ အလျှော့အတင်းရှိတယ်။ ပုဒ်မ ၆၅ မှာ ဘာသာရေး အတွက်ဆို ကင်းလွတ်ခွင့်ရှိတာတွေ ရှိတယ်။ နိုင်ငံတော်က တရားဝင်ခွင့်ပြုထားတဲ့ ကုရ်ဘာနီလုပ်မယ့် သားကောင်းတွေကို မကင်းလွတ်ဘူးဆိုပြီး တရားဆွဲတာ အရမ်းမှားယွင်းနေတယ်။” လို့ အဆိုပါ ရှေ့နေက ပြောပါတယ်။
အဆိုပါ အမှုအား ရွှေပြည်သာမြို့နယ် အစ္စလာမ်ဘာသာရေးအကျိုးဆောင်အဖွဲ့မှ ဥက္ကဌ၊ အတွင်းရေးမှူးနှင့် တွဲဖက်အတွင်းရေးမှူးတို့ကို စည်ပင်သာယာမှ တာဝန်ရှိသူတစ်ဦးက တရားဆွဲဆိုထားကြောင်း သိရပါတယ်။
ယခု ဖြစ်စဉ် ဖြစ်ပွားခဲ့ပုံမှာ ရွှေပြည်သာမြို့နယ် ဘာသာပေါင်းစုံချစ်ကြည်ရေးအဖွဲ့ ဥက္ကဌ ဦးသိန်းနိုင်မှ အဆိုပါအဖွဲ့ ဒုဥက္ကဌဖြစ်သူ ဦးမျိုးမြင့် (အစ္စလာမ်ဘာသာဝင်) ကိုခေါ်ယူပြီး အမှတ် ၆ ခလရ တပ်ရင်း မွေးနေ့အတွက် အလှူခံကောက်ခံရာ ဦးမျိုးမြင့်မှ အစ္စလာမ်ဘာသာဝင်များ ကိုယ်စား တစ်သိန်းကျပ်ထည့်မည်ဟု ဆန္ဒပြုခဲ့တယ်လို့ သိရပါတယ်။ ၄င်းတပ်မှ တာဝန်ရှိသူ တစ်ဦးက တပ်မွေးနေ့ တပ်မိသားစုများ ရန်ပုံငွေအဖြစ် ရရှိရန် တပ်အတွင်း ကုရ်ဘာနီပြုလုပ်ရန် အစစ အရာရာ တာဝန်ယူကြောင်း ကမ်းလှမ်းခဲ့တယ်လို့ သိရပါတယ်။ စက်တင်ဘာ ၁၂ ရက်နေ့တွင် တပ်အတွင်းသို့ နွားများကို ကားများဖြင့် သယ်ဆောင်နေစဉ်မှာပဲ မြို့နယ်အာဏပိုင်များ၊ သံဃာတော်များ၊ မျိုးချစ်အဖွဲ့ဆိုသူများက ဤနေရာတွင် ကုရ်ဘာနီပြုလုပ်၍ မရကြောင်းပြောသဖြင့် လှိုင်သာယာကုရ်ဘာနီဝင်းသို့ နွားများကို ပြောင်းရွေ့ဖို့ လုပ်နေစဉ်မှာပဲ မျိုးချစ်အဖွဲ့ဆိုသူများက ကားပေါ်သို့ အတင်းတက်လာကြပြီး နွားများကို ဘောလုံးကွင်းသို့ ယူဆောင်သွားခဲ့ကြပါတယ်။ ထို့နောက် နွားများကို ပြန်မလွှတ်တော့ဘဲ အဆိုပါတာဝန်ရှိသူ သုံးဦးကို တရားစွဲဆိုခဲ့ခြင်း ဖြစ်ပါတယ်။
အဆိုပါ နွား ၉၂ ကောင်တွင် ဝယ်ယူသည့် မြို့နယ်မှ မြို့နယ်ထွေအုပ်၏ ထောက်ခံချက်၊ ရပ်ကျေးမှထောက်ခံချက်၊ တိမွေးကုမှ ထောက်ခံချက်စသည့် သက်ဆိုင်ရာ နယ်ပယ်အသီးသီးမှ ထောက်ခံချက်များကို ရရှိပြီးသားလည်း ဖြစ်ကြောင်း သိရပါတယ်။
ထိန်းသိမ်းထားသော နွားများ ၉၂ ကောင်အနက် ၅ ကောင်မှာ သေဆုံးသွားသည်ဟု သိရှိရပြီး ကျန် ၈၇ ကောင်ကို တရားရုံးမှ လေလံတင်ရောင်းချနေပါတယ်။ အဆိုပါ လေလံ တင်ပွဲတွင်လည်း မျိုးချစ်အဖွဲ့ဆိုသူများမှ ဦးဆောင်ပြီး လုပ်ကိုင်နေသည်ကိုလည်း တွေ့ရပါတယ်။
အဆိုပါ အမှုမှာ စွဲချက်တင်ထားသော ဥပဒေပုဒ်မသည် ဖြစ်ပျက်သည့်အမှုနှင့် သက်ဆိုင်ခြင်းမရှိသည့်အတွက် ဥပဒေဘောင်အတွင်းမှ လုပ်ထုံးလုပ်နည်းများအတိုင်း အမှုပုံစံကျအောင် လုပ်ဆောင်သွားမည်ကြောင်း ဦးခင်မောင်ချိုက ထပ်လောင်းပြောဆိုခဲ့ပါတယ်။
လက်ရှိတွင် အမှုအခြေအနေမှာ တရားလိုဘက်မှ သက်သေများကို စစ်ဆေးနေပြီဖြစ်ပြီး အမှုပုံစံအတိုင်း အဆင့်ဆင့် ဆက်လက်လုပ်ဆောင်သွားမည်ဖြစ်ကြောင်း သိရပါတယ်။
