အောက်တိုဘာ ၁၅ ၊ ၂၀၁၆
ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်) ရေးသည်။
ကမ္ဘာပေါ်တွင် လူဦးရေသန်းပေါင်း ၇၀၀၀ ကျော် လူမျိုးနွယ်ပေါင်း ၅၀၀၀ ကျော်ရှိနေသည်ကို စာပေနှင့် မကင်းကွာသူ အတော်များများ သိကြပြီးဖြစ်သည်။ အရှေ့တောင်အာရှအဖွဲ့ဝင် အင်ဒိုနီးရှားနိုင်ငံတွင် လူဦးရေသန်းပေါင်း ၂၀၀ ကျော်ရှိပြီး၊ လူမျိုးနွယ်ပေါင်း ၂၅၀ ကျော်ရှိလေသည်။ သို့သော် ၂၀၁၄ ခုနှစ် သန်းခေါင်စာရင်းမှတ်တမ်းအရ နေပြည်တော် သတင်းရပ်ကွက်မှ မြန်မာနိုင်ငံတွင် လူမျိုးနွယ်ပေါင်း ၈၃၀ ကျော် ဖြစ်သွားခြင်းသည် ယခင်က သူပြော၊ ငါပြော၊ လူပြောများနေသည့် တိုင်းရင်းသား ၁၃၅ မျိုးကို
ကမ္ဘာသိ ချေဖျက်လိုက်ခြင်းပင်ဖြစ်သည်။ ထိုကဲ့သို့ လူမျိုးနွယ်စာရင်း ၈၃၀ ကျော်ဖြစ်နေခြင်းသည် ယုတ္တိမရှိခြင်း၊ အဓိပ္ပါယ်မဲ့နေခြင်း၊ အမှားအယွင်းတစ်ခုခုရှိနေကြောင်း၊ ကမ္ဘာကြီးကို ဖော်ပြလိုက်ခြင်းပင်ဖြစ်သည်။ ထိုသို့ဖြစ်ခဲ့ရခြင်း၏ အဓိကလက်သည်မှာ “လူဝင်မှုကြီးကြပ်ရေး(လ၀က) ဌာန”ပင်ဖြစ်သည်။
သန်းခေါင်စာရင်းသွားလုပ်တိုင်း၊ မှတ်ပုံတင်သွားလုပ်တိုင်း “အထက်အမိန့်၊ အထက်အမိန့်” ဟူသောစကားကို၊ လှိုင်လှိုင်ကြီး တွင်တွင်ကျယ်ကျယ်ကြီးသုံးကာ၊ လူမျိုးအမည်နေရာများတွင် ပလပ်စ်(plus) ခံကာ၊ မိမိတို့သဘောဖြင့် တရုတ်၊ အိန္ဒိယ၊ ပါကစ္စတန်၊ အင်္ဂလိပ်၊ ကျိုလီယာ၊ ပထန်၊ စူရတီ……စသည် တို့ကို အဓမ္မ ဖြည့်လာခဲ့သည်မှာလည်း နှစ်ပေါင်း(၂၀)ကျော် ခဲ့လေပြီ။ ထိုသို့ ငါတကော၊ ကောပြီး၊ ထင်ရာစိုင်းလာခဲ့ခြင်း၏ နောက်ဆက်တွဲ ဆိုးကျိုးရလဒ်မှာ မလိုအပ်ဘဲ လူမျိုးနွယ်များဖောင်းပွပြီး၊ ကမ္ဘာ့အံ့ဖွယ်စာရင်းတွင် ထည့်သွင်းရမလို ဖြစ်နေပေသည်။
မြန်မာနိုင်ငံတွင် လူဝင်မှုကြီးကြပ်ရေး(လ၀က) အပါအ၀င်ပါတီအချို့၊ လွှတ်တော်အမတ်ဟောင်းအချို့နှင့် မျိုးချစ်ဆိုသူများ ပြောဆိုနေကြသော၊ တိုင်းရင်းသား ၁၃၅မျိုး ဆိုသည်ကို ယခုလို မီဒီယာလွတ်လပ်ခွင့်အခါသမယတွင် သက်ဆိုင်ရာ ချင်း၊ ကချင်၊ ရှမ်းစသော
လူမျိုးနွယ်စုများတွင် ပါဝင်ကြသော သမိုင်းသုတေသီများက ဝေဖန်၊ ဆန်းစစ်ထောက်ပြခဲ့သည်မှာ
(၁) အချို့လူမျိုးစုနာမည်များမှာ ထပ်နေသည်။
(၂) အချို့လူမျိုးနွယ်စု စာရင်းထဲ ရှိလျက်နှင့် မပါဝင်ကြ။
(၃) အချို့လူမျိုးစုများမှာ လုံးဝ မရှိတော့ပေ။
(၄) အချို့လူမျိုးနွယ်စုမှာ ၃ ဦးလောက်မျှသာ ကျန်တော့သည် ဟူ၍ ဖြစ်သည်။
ထို့ကြောင့် မြန်မာလူဝင်မှုကြီးကြပ်ရေး(လ၀က) က၊ အဓိက စံထားပြောဆိုနေသော တိုင်းရင်းသား ၁၃၅ မျိုး စာရင်းသည် ဥပဒေရှု့ထောင့်အရ၊ သေသေချာချာ ဆန်းစစ်လေ့လာကြည့်လျှင်
(၁) အမိန့်ကြေညာစာ
(၂) ညွှန်ကြားချက်
(၃) ဥပဒေကဲ့သို့အာဏာတည်သောအမိန့် စသည်တို့အလျဉ်း မဟုတ်ပေ။
“ညွှန်ကြားချက်” ဟူသည် ဥပဒေကဲ့သို့ အာဏာတည်သော အမိန့်လည်း မဟုတ်သလို၊ ဥပဒေပြဌာန်းချက် တစ်စုံ၊ တစ်ခုလည်း မဟုတ်သောကြောင့် ဥပဒေကဲ့သို့ ပြည်သူလူထုက လိုက်နာရန်မလိုပေ။ “ဥပဒေပြဌာန်း ချက်များနှင့် ဥပဒေကဲ့သို့ အာဏာတည်သော အမိန့်များကို ပြင်ဆင်ပယ်ဖျက်လိုပါက ပြည်သူ့လွှတ်တော် ကသာ ဆုံးဖြတ်နိုင်ပါသည်။ ဆောင်ရွက်ခွင့်အာဏာရှိပါသည်။ နိုင်ငံတော် သမ္မတမှ ဥပဒေအမိန့်တစ်ရပ်အနေဖြင့် ထုတ်ပြန်ကြေညာရပါမည်။
၁၉၇၃ ခုနှစ်တွင် ထုတ်ပြန်ထားသော တိုင်းရင်းသား ၁၄၄ မျိုးစာရင်းကို ယနေ့အချိန်အထိ ပြင်ဆင်ပယ်ဖျက်ကြောင်း အမိန့်တစ်စုံ၊ တစ်ခုဖြင့် ဖျက်သိမ်းကြောင်း အလျဉ်းမရှိသေး၍ ပြည်ထောင်စုတိုင်းရင်းသား ၁၄၄ မျိုးစာရင်းသည် လက်ရှိအချိန်အထိ အတည်ဖြစ်နေကြောင်း သိသာထင်ရှားလှပါသည်။
ဥပဒေသည် နည်းဥပဒေကို လွှမ်းမိုးသည်။ နည်းဥပဒေသည် ညွှန်ကြားချက်တို့ကို လွှမ်းမိုးသည်။ ထို့ကြောင့် ဥပဒေသည် နည်းဥပဒေ၊ ညွှန်ကြားချက်တို့ကို လွှမ်းမိုးပါသည်။
မြန်မာနိုင်ငံတွင် တိုင်းရင်းသားလူမျိုး ၁၃၅ မျိုးဟူ၍ တွင်ကျယ်လာရခြင်းအဓိက အကြောင်းရင်းမှာ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့(န၀တ) စစ်အစိုးရခေတ် ၂၆.၉.၁၉၉၀ ခုနေ့ထုတ် လုပ်သားပြည်သူ့နေ့ စဉ်သတင်းစာကြောင့် ဖြစ်ပါသည်။ ထိုနိုင်ငံပိုင် သတင်းစာတွင်ဆောင်းပါးရှင် “မြန်ပြည်သား” မှ “ပြည်ထောင် စုတိုင်းရင်းသား (၁၃၅) မျိုး နေထိုင်ရာ၊ တို့ပြည်ထောင်စု၊ မြန်မာနိုင်ငံအကြောင်း” ဟူ၍ ရေးသားခဲ့ပါသည်။ ထိုဆောင်းပါးရှင်၏အာဘော်ကို မှီငြမ်းရာမှ တိုင်းရင်းသား(၁၃၅)မျိုး ဟူ၍ ဖြစ်လာကြောင်း စာရေးသူ လေ့လာမိပါသည်။
“မြန်မာနိုင်ငံသားဥပဒေ” (Burma Citizenship Law) ကို ၁၉၈၂ ခုနှစ်တွင် စတင်ရေးဆွဲပြီး ၁၉၈၃ ခုတွင် နည်းဥပဒေများကို ပြဌာန်းခဲ့ပါသည်။ ထိုဥပဒေကို ရေးဆွဲပြဌာန်းရန် ကြိုးစားခဲ့သော မြန်မာဆိုရှယ်လစ် လမ်းစဉ်ပါတီ(မဆလ) အစိုးရသည် ၈-၈-၈၈ ရှစ်လေးလုံး ဒီမိုကရေစီ အရေးတော်ပုံကြီးကြောင့် ပြုတ်ကျ ခဲ့ပြီး အကောင်အထည် မဖော်လိုက် နိုင်ခဲ့ပေ။
၁၉၈၈ ခု၊ စက်တင်ဘာလ (၁၈)ရက်နေ့တွင် အာဏာသိမ်းယူခဲ့သော “န၀တ” စစ်အစိုးရအဖွဲ့သည် “၁၉၈၂ မြန်မာနိုင်ငံသားဥပဒေ” ကို အကောင်အထည်ဖော်သောအားဖြင့် ၁၉၈၉ ခုနှစ်တွင် နိုင်ငံသားဖြစ် သူများကို ထိုဥပဒေအရ စိစစ်ပြီး နိုင်ငံသားစိစစ်ရေးပန်းရောင်ကတ်ကို စတင်ထုတ်ပေးခဲ့ပါသည်။ ထိုဥပဒေ အရပင်
(၁) နိုင်ငံသားစိစစ်ရေး(ပန်းရောင်)ကတ်
(၂) နိုင်ငံသားပြုကတ်
(၃) ဧည့်နိုင်ငံသားကတ် ဟူ၍ မှတ်ပုံတင်ကတ် (၃) မျိုးထုတ်ပေးခဲ့ပါသည်။
သို့သော် တကယ့်လက်တွေ့တွင် ၁၉၈၂ ခု မြန်မာနိုင်ငံသားဥပဒေအရလည်း၊ အကောင်အထည်ဖော် လက်ခံဆောင်ရွက်၊ စိစစ်ကာ၊ မှတ်ပုံတင်ထုတ်ပေးခြင်း မရှိဘဲ၊ မြန်မာလူဝင်မှုကြီးကြပ်ရေး(လ၀က) ဌာနသည် (၁) ငွေရေး ကြေးရေးတက်စွမ်း၍ လာဘ်ပေး၊
လာဘ်ယူပြုနိုင်သူများ (၂) အာဏာ၊ပါဝါ(power) ရှိသူများကိုသာ နိုင်ငံသားစိစစ်ရေးကတ် မှတ်ပုံတင်ထုတ်ပေးနေကြောင်း တွေ့ ရှိရပေသည်။ ဥပမာ စာရေး သူ၏တပည့်လေးဖြစ်သူသည် သင်္ဃန်းကျွန်းမြို့နယ် လူဝင်မှုကြီးကြပ်ရေး(လ၀က)တွင် ၂၀၀၈ ခုနှစ်တွင်
အသက်(၁၀) နှစ်ပြည့် နိုင်ငံသားစိစစ်ရေးကတ်ကို လျှောက်ထားခဲ့ပါသည်။ မိဘ ၂ ပါးစလုံးသည် နိုင်ငံသား စိစစ်ရေးကတ်(ပန်းရောင်) ကို ရရှိထားသူများဖြစ်ကြပြီး ဖခင်ဖြစ်သူသည် အစိုးရ၀န်ထမ်းတစ်ဦးဖြစ်ပြီး၂၀၀၀ ခုတွင် ကွယ်လွန်ခဲ့ပါသည်။ သို့သော် ယခုအချိန်ထိ နိုင်ငံသားဖြစ်၊ မဖြစ် စိစစ်နေဆဲဖြစ်ပါသည်။
အောက်တိုဘာလ (၄) ရက် ရန်ကုန်တိုင်းဒေသကြီးလွှတ်တော်တွင် ရခိုင်တိုင်းရင်းသားရေးရာဝန်ကြီး ဦးဇော်အေးမောင်က “၁၉၈၂ ခုနှစ် မြန်မာနိုင်ငံသား ဥပဒေပုဒ်မ ၆/၇ အရ (လ၀ကအခေါ်) သွေးနှောများ ၏ နိုင်ငံသားကတ် လျှောက်ထားမှုများကို မြို့နယ်ရုံးများတွင် လုပ်ပိုင်ခွင့်ပေးထားခြင်းမရှိဘဲ သက်ဆိုင်ရာ တိုင်းဒေသကြီးလ၀က ဦးစီးမှူးရုံးများကသာ စိစစ်ခွင့်ပြုပြီး ဥပဒေနှင့်ညီညွတ်ပါက ထုတ်ပေးလျက်ရှိကြောင်း ” ပြောဆိုခဲ့သော်လည်း တကယ့်လက်တွေ့တွင် နှောင့်နှေးကြန့်ကြာနေခြင်းများ ဘာကြောင့်အခုလိုဖြစ်နေ
ရသည်ကို လ၀က တိုင်ကြားစာဌာနသီးသန့်ဖွင့်လှစ်ကာ ကျူးလွန်သူ “လ၀က” ၀န်ထမ်းများအား စုံစမ်း ဖော်ထုတ်ခြင်း၊ အပြစ်ပေး အရေးယူခြင်းများကို ပွင့်လင်းမြင်သာစွာပြုလုပ်သင့်ပါကြောင်း၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီး၊ ပြည်ထောင်စုဝန်ကြီး ဦးသိန်းဆွေအား စာရေးသူ အကြံပြုလိုက်ပါသည်။ ထို့အပြင် ၀န်ကြီးမင်း ၂၀၁၄ ခုနှစ်ကောက်ခံခဲ့သော သန်းခေါင်းစာရင်းမှတ်တမ်း များအရ သိရှိမည်မှာ မြန်မာနိုင်ငံတွင် နိုင်ငံသား စိစစ်ရေးကတ်ကိုင်ဆောင်သူ(၂၈၃၉၇၅၁၉) ဦး၊ နိုင်ငံ
သားပြုခွင့်ရသူကတ်ကိုင်ဆောင်သူ (၃၇၄၂၉) ဦး၊ သုံးခေါက်ချိုး အမျိုးသားမှတ်ပုံတင်ကတ် ကိုင်ဆောင်သူ (၆၉၂၂၈၈) ဦး၊ သာသနာဝင်ကတ် ကိုင်ဆောင်သူ (၂၄၇၇၆၅) ဦး၊ ယာယီသက်သေခံကတ် (ယခင်ပယ်ဖျက်ပြီး white card) ကိုင်ဆောင်သူ (၁၈၁၉၈၂) ဦးနှင့် မည်သည့်ကတ်မျှမကိုင်ဆောင်သူ (၁၁၂၀၇၇၆၉) ဦးရှိသည်ကို လေ့လာကြည့်လျှင် ၀န်ကြီးမင်း၏ဌာနသည် (၁၁) သန်းကျော်ကို မည်သည့်စိစစ်ရေးကတ်မျှ မပေး၍ မှတ်ပုံတင်မဲ့အောင် ဥပေက္ခာခြင်းသည် နိုင်ငံတကာအလယ် မြန်မာ”လ၀က”ဌာန ပုံရိပ်ကျဆင်း
နေကြောင်း သက်သေပြရာ ရောက်နေပါသည်။
ထို့အပြင် ၁၉၈၂ ခုနှစ် မြန်မာနိုင်ငံသားဥပဒေပုဒ်မများဖြင့် နိုင်ငံသားကတ်ထုတ်ပေးရန် ဥပဒေအရ၊ တာဝန်ရှိနေသည့်ဥပဒေများကို ပယ်ဖျက်ခြင်း၊ ထိုမူရင်းဥပဒေတွင် မပါရှိသော၊ နိုင်ငံသားဖြစ်စေသည့် အချက်အလက်များကို ဟန့်တားညှိစွမ်းစေသည့်၊
အချက်အလက်များကို လူမျိုးနေရာများတွင် “လ၀က” ၀န်ထမ်းများက အထက်ညွှန်ကြားချက်ဆိုသော စကားကိုလက်ကိုင်ပြု၍ ပုဒ်မ “၁၈” ကိုကျူးလွန်နေခြင်း၊ နိုင်ငံသားမိဘနှစ်ပါးမှမွေးဖွားသော သားသမီးများကို ၁၉၈၂ ခု နိုင်ငံသား ဥပဒေအရ နိုင်ငံသားပေးကို
ပေးရမည် ဖြစ်ပါလျက် အချိန်ဆွဲဗျူဟာကျင့်သုံးနေခြင်း၊ ရေခြား၊ မြေခြား၊ မိခင်၊ ဖခင်ဘက်၊ အဖိုး၊ အဖွား များအထိ အထောက်အထားများကို “လ၀က” ရုံးများတွင် သွားယူစေခြင်းတို့သည် အချိန်ကုန်၊ ငွေကုန်၊အလုပ်ပျက်၊ စိတ်ပျက်သည်၊ ပြုလုပ်နေခြင်းတို့ကို NLD အစိုးရလက်ထက်တိုင် ပြုမူနေခြင်းတို့ကို နိုင်ငံ တော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နှင့် နိုင်ငံတော်သမ္မတကြီး ဦးထင်ကျော်အစိုးရ သိစေရန် အကြံပြုလိုက်ပါသည်။
ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)
