Tag: Afghanistan

ဇွန် ၂၀၊ ၂၀၁၈
M-Media

– အာဖဂန်နစ္စတနအနောက်ပိုင်း ဘဂ်ျဟီပြည်နယ်က စစ်ရေးဂိတ်နှစ်ခုကို တာလီဘန်တို့ရဲ့ ဒီနေ့မနက် တိုက်ခိုက်မှုအတွင်း အာဖဂန်လုံခြုံရေးတပ်ဖွဲ့ဝင် ၃၀ ဦး သေဆုံးခဲ့တယ်လို့ အာဏာပိုင်တွေက ပြောကြားလိုက်ပါတယ်။

အာဖဂန်သမ္မတ အရ်ှရက်ဖ်ဂနီက ၀ါကျွတ်အီးဒ်ပွဲတော် အထိမ်းအမှတ်အဖြစ် အပစ်ရပ်ရေးကို ၁၀ ရက်အထိ ဆက်လက် သက်တမ်းတိုးသွားမယ်လို့ ပြီးခဲ့တဲ့ရက်ပိုင်းမှာ ကြေငြာခဲ့တာပါ။ ဒါပေမယ့် တာလီဘန်အဖွဲ့က လက်မခံဘူးလို့ ပြောကြားခဲ့ပြီးနောက် ဒီလိုတိုက်ခိုက်မှု ပေါ်ထွက်လာတာ ဖြစ်ပါတယ်။

တိုက်ခိုက်မှုအတွင်း တာလီဘန်တွေဟာ ဘာလာမဂ်ဟဘ်က စစ်စခန်းတစ်ခုကို သိမ်းပိုက်နိုင်ခဲ့တယ်လို့ ပြည်နယ်အုပ်ချုပ်ရေးမှူး အဘ်ဒူလ် ကဖူးရ် မာလစ်ဇိုင်က ပြောကြားခဲ့ပါတယ်။

မနေ့ညမှာ ပြည်နယ်အတွင်းက အခြားနေရာတစ်ခုကို တိုက်ခိုက်မှုအတွင်း တာလီဘန် ၁၅ ဦး သေဆုံးခဲ့တယ်လို့လည်း သူက ဆိုပါတယ်။

တာလီဘန်ဟာ အာဖဂန်အစိုးရနဲ့ ၃ ရက် အပစ်ရပ်ရေးအတွက်သာ သဘောတူခဲ့ပြီး တနင်္ဂနွေနေ့မှာ အဆုံးသတ်သွားပါတယ်။

အပစ်ရပ်မှုအတွင်း နန်ဂါဟာပြည်နယ်မှာ IS အကြမ်းဖက်အဖွဲ့ရဲ့ တိုက်ခိုက်မှုတွေကြောင့် အနည်းဆုံး လူ ၅၀ ကျော်လောက် သေဆုံးခဲ့ပါတယ်။

Ref: Aljazeera

ဇွန် ၁၇၊ ၂၀၁၈
M-Media

အားသွင်းထားသည့်ဖုန်း ပေါက်ကွဲမှုကြောင့် မလေးရှားတွင် အမျိုးသားတစ်ဦး သေဆုံး
============
အားသွင်းထားတဲ့ မိုဘိုင်းဖုန်း ပေါက်ကွဲမှုကြောင့် အသက် ၄၅ နှစ်အရွယ် စီအီးအို နဇ်ရင် ဟာဆန် သေဆုံးခဲ့တယ်လို့ မလေးရှားနိုင်ငံ Cradle Fund Sdn Bhd ကုမ္ပဏီက သောကြာနေ့မှာ သတင်းထုတ်ပြန်ပါတယ်။ နဇ်ရင်ဟာဆန် အိပ်နေတဲ့အချိန် သူ့ဘေးနားက အားသွင်းထားတဲ့ဖုန်း ပေါက်ကွဲခဲ့တာဖြစ်ပြီး မွေ့ယာကိုမီးစွဲကာ အိပ်ခန်းလည်း မီလောင်ခဲ့ပါတယ်။ ရဲတပ်ဖွဲ့က မီးခိုးငွေ့တွေကို ရှုမိတာကြောင့် သေဆုံးခဲ့တာဖြစ်တယ်လို့ အစောပိုင်းမှာ ပြောကြားခဲ့ပေမယ့် အလောင်းခွဲစိပ်မှု ရလဒ်မှာတော့ ဖုန်းပေါက်ကွဲမှုက အစတွေ ဦးခေါင်းကို ထိမှန်တာကြောင့် သေဆုံးတယ်လို့ ဖော်ပြထားပါတယ်။

နီဂါရာကွာ နိုင်ငံရေးမတည်ငြိမ်မှု သေဆုံးသူ ၁၇၀ ရှိလာ
=============
၂ လတာ နိုင်ငံရေးမတည်ငြိမ်မှုဖြစ်နေတဲ့ နီဂါရာကွာနိုင်ငံမှာ ဆန္ဒပြသူတွေကို သေနတ်နဲ့ပစ်မှုကြောင့် လူ ၈ ဦး ထပ်မံသေဆုံးခဲ့ပါတယ်။ သောကြာနေ့က သမ္မတ ဒန်နီယဲလ် အော်တီဂါနဲ့ ဆန္ဒပြသူတွေအကြား ငြိမ်းချမ်းရေးအတွက် သဘောတူညီချက်ရပြီး နာရီပိုင်းအကြာမှာပဲ ဒီလို ပစ်ခတ်မှု ဖြစ်ပွားခဲ့တာပါ။ ဒေသတွင်းမီဒီယာတွေက မျက်နှာကို အ၀တ်စည်းထားတဲ့ သမ္မတထောက်ခံသူတစ်ဦးဟာ လူအုပ်ကို သေနတ်နဲ့ပစ်ခတ်ခဲ့တာဖြစ်တယ်လို့ ဆိုပါတယ်။ အစိုးရကတော့ ဒီကိစ္စနဲ့ပတ်သက်ပြီး ဘာမှ မထုတ်ပြန်သေးပါဘူး။ ဧပြီလကစတင်ခဲ့တဲ့ နီဂါရာကွာ နိုင်ငံရေးမတည်ငြိမ်မှုအတွင်း သေဆုံးသူဟာ အနည်းဆုံး ၁၇၀ ရှိလာပြီ ဖြစ်ပါတယ်။

တာလီဘန်နှင့် အပစ်ရပ်မှု အာဖဂန် ထပ်တိုး
============
အနည်းဆုံး လူ၂၅ ဦး သေဆုံးခဲ့တဲ့ အသေခံဗုံးခွဲမှုတစ်ခု မနေ့က ဖြစ်ပွားခဲ့ပေမယ့် တာလီဘန်အဖွဲ့နဲ့ အပစ်ရပ်ရေးကို သက်တမ်းထပ်တိုးတယ်လို့ အာဖဂန်အစိုးရက ကြေငြာခဲ့ပါတယ်။ ၂၀၀၁ ခုနှစ် အမေရိကန်ရဲ့ ကျူးကျော်တိုက်ခိုက်မှုနောက်ပိုင်း ပထမဆုံးအကြိမ်အဖြစ် တာလီဘန်နဲ့ အာဖဂန်အစိုးရတို့ဟာ ၃ ရက်တာ အပစ်ရပ်ရေး သဘောတူညီချက်ကို သောကြာနေ့မှာ ရရှိခဲ့ပါတယ်။ သမ္မတ အက်ရ်ှရက်ဖ် ဂနီက နောက်ထပ် ၃ ရက်တာ အပစ်ရပ်ဖို့အတွက် မနေ့က ရုပ်သံမိန့်ခွန်းမှာ ကြောခဲ့ပါတယ်။ အပစ်ရပ်ရေးကာလအတွင်း အာဖဂန်စစ်သားတွေနဲ့ တာလီဘန်တွေဟာ အီးဒ်နေ့မှာ ပွေ့ဖက်နှုတ်ဆက်တာ၊ အတူတူ ဆလ်ဖီရိုက်တာတွေ လုပ်ခဲ့ကြပါတယ်။ စနေနေ့က တိုက်ခိုက်မှုဟာ အပစ်ရပ်ရေးမှာ မပါဝင်တဲ့ IS အကြမ်းဖက်အဖွဲ့က ပြုလုပ်တာလို့ ဆိုပါတယ်။

Ref: CNA, Aljazeera

ဇွန် ၇၊ ၂၀၁၈
M-Media

– ဇွန်လ ၂၀ ရက်နေ့အထိ တာလီဘန်တွေနဲ့ ယာယီ အပစ်အခတ်ရပ်စဲလိုက်တယ်လို့ အာဖဂန်သမ္မတ အက်ရ်ှရက်ဖ် ဂနီက ဒီကနေ့မှာ ကြေငြာလိုက်ပါတယ်။

ရုပ်သံမိန့်ခွန်းမှာ ဒီလိုပြောကြားလိုက်တာဖြစ်ပြီး IS လို အခြား လက်နက်ကိုင်အဖွဲ့တွေကိုတော့ ဆက်လက်တိုက်ခိုက်သွားမယ်လို့ ဆိုပါတယ်။ သမ္မတဟာ အာဖဂန်စစ်တပ်ကိုလည်း အပစ်ရပ်ဖို့ အမိန့်ပေးခဲ့ပါတယ်။ အပစ်ရပ်ရေးက ဇွန်လ ၁၂ ရက်နေ့ စတင်မှာ ဖြစ်ပါတယ်။

“သူတို့ရဲ့ အကြမ်းပတမ်းလှုပ်ရှားမှုဟာ လူတွေရဲ့ နှလုံးသားတွေ၊ စိတ်ဓာတ်တွေကို မလွှမ်းမိုးနိုင်ဘဲ ပိုပြီးဝေးကွာသွားစေတယ်ဆိုတာ တာလီဘန်တွေ ပြန်လည်သုံးသပ်ဖို့အတွက် ဒီအပစ်ရပ်မှုဟာ အခွင့်အလမ်းတစ်ခုပါပဲ” လို့ ဂနီက Twitter စာမျက်နှာမှာ ရေးသားခဲ့ပါတယ်။

အသေခံဗုံးခွဲတာတွေ၊ တိုက်ခိုက်တာတွေဟာ အစ္စလာမ့်သွန်သင်ချက်နဲ့ ဆန့်ကျင်တယ်ဆိုတဲ့ ဖသ်ဝါဓမ္မသတ်တစ်ခုကို အာဖဂန် အစ္စလာမ့်ဓမ္မပညာရှင်တွေက ကဘူးလ်အစည်းအဝေးမှာ ထုတ်ပြန်ပြီး ရက်အနည်းငယ်အကြာမှာ ဒီအပစ်ရပ်ရေး ပေါ်ပေါက်လာတာ ဖြစ်ပါတယ်။

တာလီဘန်က ဒီအပစ်ရပ်ရေးကို လက်ခံလားဆိုတာ ရှင်းရှင်းလင်းလင်း မသိရသေးပါဘူး။

သမ္မတဂနီက တာလီဘန်ကို တရားဝင် နိုင်ငံရေးအဖွဲ့တစ်ခုအဖြစ် အသိအမှတ်ပြုပေးမယ်လို့ ဖေဖော်ဝါရီလတုန်းက ကမ်းလှမ်းခဲ့ဖူးပါတယ်။

Ref: Aljazeera