Tag: article

အိပ်မက်ထဲက ကျောင်းကလေး

ဒီဇင်ဘာ ၂၁ ၊ ၂၀၁၅
M-Media
.ကျော်မိုးအောင် ရေးသည်။

မာတင်လူသာကင်း၏ “I have a Dream” မိန့်ခွန်း ကမ္ဘာကျော်ခဲ့ပါသည်။ သူ့ကိုအားကျမိခြင်း ဆိုရမည်လားမသိ ကျွန်တော်လည်း အိပ်မက်တစ်ခု အတန်ကြာ မက်နေခဲ့ဖူးသည်။ ကျွန်တော့် စိတ်ကူးယဉ် အိပ်မက်ထဲက ကျောင်းကလေးအကြောင်း ဝေမျှချင်ပါသည်။

ထိုစိတ်ကူးအိပ်မက်က ထူးဆန်းလှသည်တော့ မဟုတ်။ လွယ်လွယ်ဖွင့်ဆိုရလျင် ငြိမ်းချမ်းသော အမုန်းမရှိသော ချစ်တတ်ကြသော မေတ္တာတရားကိုအခြေခံသော နားလည်ပေးတတ်ကြသော ကျောင်းလေးပင်။
အမေရိကန်ပြည်ထောင်စု Oregon ပြည်နယ်ရှိ Woodburn School District အမည်ရှိ ကျောင်းလေးသို့ လေ့လာရေးရောက်ခဲ့ဖူးသည်။ ထိုကျောင်းလေး၏ အဝင်ဝတွင်ရေးထားသော စာသားလေးအား မိမိအသက်ရှင်နေသရွေ့ မေ့နိုင်တော့မည်မထင်။ “There is no place for hate at our school.” “အမုန်းတရားအတွက် တို့ကျောင်းမှာ နေရာမရှိ” တဲ့။ ထိုသို့သော အမုန်းမရှိသည့်ကျောင်းများ မြန်မာပြည်အနှံ့ စိတ်ကူးယဉ် မြင်ယောင်မိသည်။

တကယ်တမ်းတော့ ထိုသို့သောကျောင်းများ မြန်မာပြည်တွင် အမြောက်အမြား ရှိခဲ့ဖူးသည်။ အသစ်အဆန်း မဟုတ်ပါ။

ဥပမာအနေဖြင့် ဖော်ပြရလျင် မြန်မာနိုင်ငံ ကိုလိုနီဘဝက ဖွင့်ခဲ့သည့် နေရှင်နယ်ကျောင်း ခေါ် အမျိုးသားကျောင်းပင်။ အထူးသဖြင့် မန္တလေးမြို့တွင် ဆရာကြီးဦးရာဇတ် တည်ထောင်အုပ်ချုပ်ခဲ့သော ယခင်က အမျိုးသားအထက်တန်းကျောင်း လက်ရှိ အမှတ် (၂) အထက။ မြန်မာပြည်တွင် ရဟန်းတော်များ ကိုယ်ရင်များ သင်္ကန်းဝတ်ဖြင့် ကျောင်းတက်ခွင့်ပြုခဲ့သော ပထမဆုံးသောကျောင်း။ ဗုဒ္ဓဘာသာဝင် ကျောင်းသားများ မနက်စောစော ဘုရားမရှိခိုးပါက မွတ်စလင်မ်ဆရာကြီးက ကြိမ်လုံးတစ်ချောင်းဖြင့် လိုက်ရိုက်တတ်သောကျောင်း။ မွတ်စလင်မ်ကျောင်းသားများ သောကြာနေ့လည်တွင် ဝတ်ပြုရန် ဗလီသွားခွင့်ပြုသောကျောင်း။ မြန်မာမှု အမျိုးသားရေးစိတ်ဓာတ်အတွက် မြန်မာစာသာမက ပါဠိစာပေပါ သင်ကြားပေးပြီး တစ်ဖက်ကလည်း အင်္ဂလ်ိပ်ဘာသာစကားဖြင့် မပြောမနေရ သတ်မှတ်ကာ နိုင်ငံတကာနှင့် ရင်ဘောင်တန်းစေသောကျောင်း။ မျက်ကန်းမျိုးချစ်မဟုတ်ဘဲ မှန်မှန်ကန်ကန်ဖြင့် တိုင်းပြည်အပေါ် အကျိုးပြုသူများအား မွေးထုတ်ပေးသောကျောင်း။ ထိုကျောင်းမှထွက်သော လူမျိုးကွဲ ဘာသာကွဲ ကျောင်းသားကျောင်းသူများ က ညီရင်းအစ်ကို မောင်ရင်းနှမပမာ ရာသက်ပန် ချစ်ခင်ကြလျက် တစ်ဦးအပေါ်တစ်ဦး နားလည်မှုရှိ ယုံကြည်မှု တည်ဆောက်နိုင်ခဲ့ကြသည်။ မြန်မာ့အနာဂတ်အတွက် ထိုသို့သောကျောင်းများ မရှိမဖြစ် လိုအပ်နေသည်ဟု အခိုင်အမာ ယုံကြည်မိပါသည်။

အများသိကြသည့်အတိုင်း မကြာသေးမိကာလများက မြန်မာပြည်သူပြည်သား မောင်နှမများအကြား မလိုလားအပ်ဘွယ် ပဋိပက္ခများ ဖြစ်ခဲ့ကြရသည်။ အိမ်ကြက်ခြင်း အိုးမည်းသုတ်ခံရသည့်အတွက် နားလည်မှုလွဲမှားကာ အချင်းချင်း အမုန်းပွားကြစရာများ ကြုံခဲ့ကြရသည်မှာ ဝမ်းနည်းစရာကောင်းလှသည်။ တိုင်းပြည်တွင်းရှိ မတူကွဲပြားသောသူတို့အချင်းချင်း လက်ချင်းယှက်ကာ အတူရှေ့ဆက်ကြရမည်က မရှိမဖြစ်လိုအပ်ချက်တစ်ရပ်ဖြစ်ပါသည်။ မည်သည့်နည်းဖြင့်မျှ အမုန်းဖြင့် ရေရှည် ရှေ့ဆက်နိုင်ကြမည် မဟုတ်။ တစ်ဦးနှင့်တစ်ဦး တစ်သက်လုံး သူစိမ်းပြင်ပြင် ရန်သူသဖွယ် ဆက်ဆံကြဖို့ဆိုသည်ကလည်း မည်သည့်နည်းနှင့်မျှ မဖြစ်နိုင်။ မတည့်အတူနေကြရန် မဖြစ်သင့်သည့် တိုင်းသူပြည်သားအချင်းချင်း မတူဘဲ တည့်အောင် ထိမ်းကြောင်း ပေးနိုင်သည်က စာသင်ကျောင်းများကပင်။

မတည့်သည့်အနေအထား ဖြစ်နေရခြင်း၏ အဓိကအကြောင်းရင်းသည် တစ်ယောက်အကြောင်း တစ်ယောက် အမှန်မသိကြဘဲ နားလည်မှု လွဲနေကြခြင်းကြောင့်သာ။ တစ်ဦးအပေါ်တစ်ဦး နားလည်ဖေးမပြီး ယုံကြည်မှု ရှိကြရန် လိုအပ်လှသည်။ ထိုအချက်ကို ဖြည့်ဆည့်ပေးကြရမည်က ကျောင်းများ၏ တာဝန်တစ်ရပ်ပင်။ ကျောင်းများတွင် မတူကွဲပြားကြသူအချင်းချင်း ငယ်စဉ်ကတည်းက လက်ပွန်တတီး ချစ်ချစ်ခင်ခင် နေတတ်သည့်အလေ့အကျင့် ကျောင်းများက ရနိုင်ပါသည်။

စင်္ကာပူနိုင်ငံ သင်ရိုးစာအုပ်များကို လေ့လာကြည့်မိရင်း အင်မတန် အားကျအတုယူစရာသင်ခန်းစာများ တွေ့မိပါသည်။ မူလတန်းအရွယ် ကလေးများအတွက် လူမှုရေး Social Studies ဖတ်စာပါ အကြောင်းအရာက “ကျွန်တော့်တို့ အိမ်နီးခြင်းကောင်းများ Our Neighbours” ဟူသည့်အကြောင်းအရာ။ ထိုစာစဉ်၏ သင်ခန်းစာများက ကျောင်းသားများအား အခြား ယဉ်ကျေးမှုတို့နှင့် နီးစပ်ခွင့် ပေးခြင်း ဖြစ်သည်။ နည်းစပ်ခွင့်ပေးခြင်း ဆိုသည်ကို နားလည်မှု မလွဲစေရန် အလွန်အရေးကြီးလှသည်။ အခြားဘာသာသို့ ကူးပြောင်းစေရန် သာသနာပြုခြင်းမဟုတ် သူတို့ဘာလုပ်ကြသလဲ အပြန်အလှန် သိစေရန်သာ သွန်သင်ပြခြင်းဖြစ်သည်။ ဥပမာအားဖြင့် ဆိုရလျင် အိမ်နီးခြင်းတစ်ဦးက ဟိန္ဒူဘာသာဝင် ဖြစ်ပြီး သူတို့၏ ဒီပါဝလီပွဲတော်သို့ သွားလည်ကြပုံ ဟိန္ဒူမိသားစု၏ ဓလေ့ထုံးစံများကို လေ့လာခွင့် ရပုံ သူတို့ ကျွေးမွေးဧည့်ခံသော အချိုမုန့်များ စားကြလျက် မီးအတူ ထွန်းကြပုံ စသည်တို့ကို ဇာတ်လမ်းသဖွယ် သရုပ်ဖော်ထားသည်။ ထိုနည်းတူစွာပင် ခရစ်ယာန်အိမ်နီးခြင်းတို့၏ ခရစ်စမတ်ပွဲတော်အကြောင်း မွတ်စလင်မ်တို့၏ ရမ္မဇာန် ဥပုသ်လနှင့် ဝါကျွတ် အီးဒ်ပွဲတော်အကြောင်း တရုတ်နှစ်သစ်ကူး အကြောင်း ဇာတ်လမ်းသဖွယ် ပုံဖော်ရင်း မတူညီမှုအလှတရားကို အိမ်နီးခြင်းကောင်းတို့ အဖြစ် သွန်သင်သွားသည်က ပညာသား ပါလှသည်။ အမုန်းတရား ဖြစ်စေစရာကို အမြစ်မှ တွန်းလှန်ပေးထားသည် ဆိုနိုင်ပါသည်။

ကျွန်တော်တို့နိုင်ငံတွင်လည်း ထိုသို့သွန်သင်မည့်ကျောင်းများ မဖြစ်မနေ လိုအပ်နေပါသည်။ ကျောင်းများတွင် ဘာသာပေါင်းစုံ လူမျိုးပေါင်းစုံ ချစ်ချစ်ခင်ခင် စုပေါင်းနေတတ်ကြပုံကို (implicitly and explicitly) မသိမသာ ကျွဲကူးရေပါ သင်ရုံမျှမက သိသိသာသာလည်း သွန်သင်ပေးသင့်ပါသည်။ တစ်ဦးနှင့်တစ်သီး သူစိမ်းပြင်ပြင် တစ်ယောက်အကြောင်းတစ်ယောက်မသိသည့် အနေအထားဖြင့် ကြီးပြင်းလာကြလျင် ပတ်ဝန်းကျင်က ကြားသိသမျှဖြင့်သာ တစ်ဦးအပေါ်တစ်ဦး အမြင်လွဲမှားကြနိုင်ပါသည်။

ထို့ကြောင့် ကျွန်တော့် စိတ်ကူးယဉ်အိပ်မက် ကျောင်းကလေးတွင် ငြိမ်းချမ်းမှုကိုလိုလားသော မေတ္တာတရားထွန်းကားစေလိုသော လူမျိုးဘာသာ အသီးသီးမှ အနာဂတ်ခေါင်းဆောင်များအား မေတ္တာတရားအကြောင်း အချစ်အကြောင်း ဟန်ပြမဟုတ်ဘဲ စံပြအဖြစ် သွန်သင်ပေးနေမိပါသည်။ ထိုကျောင်းလေးတွင် ဘာသာစုံ လူမျိုးစုံမှ ကျောင်းသားလေးများ တစ်ယောက်အကြောင်းတစ်ယောက် သိစေရန် ဘာသာစုံ လူမျိုးစုံတို့၏ ပွဲတော်များ ဓလေ့ထုံးတမ်းများကို အားလုံးပါဝင် ပျော်ပျော်ရွှင်ရွှင်ဖြင့် စိတ်ကူးယဉ် ကျင်းပပေးနေမိသည်။ ထိုကျောင်းလေးတွင် မည်သည့်ဘာသာတရားတစ်ခုခု၏ လွှမ်းမိုးမှုမှမရှိ သို့သော် အားလုံးသောသူတို့ ကိုယ့်ဘာသာတရားအတွက်ကိုယ် ဂုဏ်ယူ ပျော်ရွှင်တတ်စေရန် ခွင့်ပြုပေးထားသည်။ ကျောင်းစာကြည့်တိုက်တွင်လည်း ဘာသာပေါင်းစုံ လူမျိုးပေါင်းစုံ၏ ချစ်စရာ့ အလှတရားများကို ဖော်ညွှန်းထားသည့် စာအဆိပ်မသင့်မည့် စာကောင်းပေမွန်များ ထားပေးထားချင်သည် တစ်ချိန်ချိန် ဦးဆောင်သူများ ဖြစ်လာကြသည့်အခါ ချစ်ချစ်ခင်ခင် နားလည်မှုရှိရှိ ရွှေလက်တွဲလျက် တိုင်းပြည်ကို ထူထောင်သူများ ဖြစ်စေရန် မတူညီခြင်းကို ပြသနာအဖြစ် မရှုမြင်ဘဲ မတူကွဲပြားခြင်း၏အားကို အသုံးချတတ်သူများ ဖြစ်စေရန် သွန်သင်ပေးချင်လှပါသည်။ ဘာသာစုံ လူမျိုးစုံမှ ဆရာများကလည်း စံနမူနာလက်တွဲကာ ငြိမ်းချမ်းခြင်း အလှတရားကို ဖော်ဆောင်ပေးနေသည့် စံပြကျောင်းလေးကို စိတ်ကူးယဉ် အကောင်အထည် ဖော်နေမိသည်။

“There is no place for hate in our school အမုန်းတရားအတွက် တို့ကျောင်းမှာ နေရာမရှိ”ဆိုသည်မှ နောက်တဆင့်တက်ကာ “There is no place for hate in our society အမုန်းတရားအတွက် တို့အသိုင်းအဝိုင်းမှာ နေရာမရှိ” “There is no place for hate in our country အမုန်းတရားအတွက် တို့နိုင်ငံမှာ နေရာမရှိ” “There is no place for hate in our world အမုန်းတရားအတွက် တိုကမ္ဘာမှာ နေရာမရှိ”ဆိုသည့် အဆင့်ဆင့် တက်လှမ်းချင်မိသည်။

ကလေးများနှင့်နေရသော ကျောင်းဆရာတစ်ဦး၊ ရင်သွေးငယ်ရှိသော ဖခင်တစ်ဦး၏ စိတ်ကူးယဉ် အိပ်မက် ဖြစ်ပါသည်။ ကလေးကလားဆန်သည် ဆိုချင်ဆိုနိုင်ပါသည်။ လက်တွေ့ ဖြစ်လာဖို့ကတော့ “ပြိုင်တူ တွန်းလျင် ရွေ့နိုင်ပါသည်” ဟူ၍သာ။

December 21, 2015
လွှတ်တော်ထဲကို မွတ်စလင် အမတ်တွေ ရောက်လာမလား

အောက်တိုဘာ ၁၆ ၊ ၂၀၁၅
ဆွေဝင်း / Myanmar Now

ရန်ကုန် (Myanmar Now) – ၂၅ နှစ်တာကာလအတွင်းမှာ လွတ်လပ်ပြီးတရားမျှတမှုရှိမယ်လို့ မျှော်လင့်ထားကြတဲ့ ပထမဆုံးသော ရွေးကောက်ပွဲအတွက် မြန်မာပြည်သူပြည်သားတွေဟာ နိုဝင်ဘာ ၈ ရက်မှာ မဲရုံတွေကို သွားကြပါတော့မယ်။ ဒါပေမယ့် မွတ်စလင်အသိုင်းအဝန်းကို ခွဲခြားဆက်ဆံတာတွေ ရှိနေတဲ့အတွက် ဒီရွေးကောက်ပွဲ ဘယ်လောက်အထိ ဒီမိုကရေစီနည်းလမ်းကျမလဲဆိုတာ ပြည်တွင်းနဲ့ နိုင်ငံတကာလေ့လာသူတွေ မေးခွန်းထုတ်စရာဖြစ်နေပါတယ်။

ပြည်ထောင်စုရွေးကောက်ပွဲကော်မရှင်ရဲ့ ကိန်းဂဏန်းတွေအရ ရွေးကောက်ပွဲမှာ ဝင်ပြိုင်မယ့် လွှတ်တော်ကိုယ်စားလှယ်လောင်း ၆,ဝဝဝ ကျော်အနက် အများစုဟာ ဗုဒ္ဓဘာသာဝင်တွေဖြစ်ပြီး အစ္စလမ် ဘာသာဝင် ၂၈ ဦးသာပါဝင်တဲ့အတွက် ရာခိုင်နှုန်းအရ တွက်ရင် ဝ ဒသမ ၅ ရာခိုင်နှုန်းပဲရှိတာ တွေ့ရပါတယ်။

ဗုဒ္ဓဘာသာဝင်အများစုရှိတဲ့ မြန်မာနိုင်ငံမှာ မွတ်စလင်က ၅ ရာခိုင်နှုန်းပဲ ရှိတာပါ။ ပြည်ထောင်စုရွေးကောက်ပွဲကော်မရှင်က ရွေးကောက်ပွဲဝင်ဖို့ လျှောက်ထားတဲ့ ကိုယ်စားလှယ်တွေအနက် ပယ်ချခဲ့သူ ၁ဝဝ ကျော်ရှိတဲ့ အထဲမှာ အများစုက မွတ်စလင်တွေပါပဲ။ သူတို့တွေမြန်မာနိုင်ငံမှာ မွေးဖွားစဉ်က သူတို့ မိဘတွေဟာ မြန်မာနိုင်ငံသား မဟုတ်လို့ ရွေးကောက်ပွဲဥပဒေနဲ့ မကိုက်ညီဘူးလို့ ဆိုပါတယ်။ ဒီဥပဒေအရ ကိုယ်စားလှယ်လောင်း ဖြစ်ခွင့်ရှိသူ တစ်ယောက်ဟာ မွေးဖွားစဉ်ကတည်းက သူ့မိဘနှစ်ပါးလုံး နိုင်ငံသားဖြစ်နေရပါမယ်။

ဒီဆုံးဖြတ်ချက်အပေါ် လူ့အခွင့်အရေး အုပ်စုတွေနဲ့ လေ့လာသူတွေက စိုးရိမ်ခဲ့ပြီး ဒေသတွင်း နိုင်ငံများရဲ့ လွှတ်တော် ကိုယ်စားလှယ်တွေကတော့ ဒီဆုံးဖြတ်ချက်ကြောင့် ရွေးကောက်ပွဲအပေါ် ယုံကြည်မှုကို ထိခိုက်စေတယ် လို့ သတိပေးကြပါတယ်။

“ဘယ်နိုင်ငံမှာမဆို လွှတ်တော် ကိုယ်စားလှယ်လောင်း အလွှာလိုက် ကွက်ပြီး   ပယ်ချရင် ရွေးကောက်ပွဲဟာ ဒီမိုကရေစီ နည်းလမ်းမကျဘူးလို့ သတ်မှတ်ပါတယ်” လို့ မလေးရှားလွှတ်တော်အမတ်လည်းဖြစ် လူ့အခွင့်အရေးဆိုင်ရာ အာဆီယံ ပါလီမန်အမတ်များအဖွဲ့ (APHR) ရဲ့ ဥက္ကဋ္ဌလည်းဖြစ်တဲ့ ချားလ်စ်ဆန်တီဂို စက်တင်ဘာလအတွင်း ထုတ်ပြန်လိုက်တဲ့ ကြေညာချက်တစ်စောင်မှာ ဖော်ပြထားပါတယ်။

ရွေးကောက်ပွဲကျင်းပဖို့ တဖြည်းဖြည်း နီးကပ်လာတဲ့ ခုအချိန်မှာ မြန်မာနိုင်ငံ အတွင်း ဘာသာရေး တင်းမာမှုတွေဖြစ်ပေါ်နေပါတယ်။ ဒီတင်းမာမှုတွေ ဖြစ်လာရတာဟာ အင်အားကြီးအဖွဲ့အစည်း တစ်ရပ်ဖြစ်လာတဲ့ မဘသလို့ ခေါ်တဲ့ အမျိုးဘာသာ သာသနာ ထိန်းသိမ်း စောင့်ရှောက်ရေးအဖွဲ့ရဲ့ ဆောင်ရွက်မှုတွေကြောင့်လည်း ပါပါတယ်။

“ကျွန်တော်တို့ဟာ အားကိုးရာမဲ့တဲ့ နိုင်ငံထဲမှာ နေနေရတာပါ။ ဆုံးဖြတ်ချက်တွေကို လူမျိုးရေး၊ ဘာသာရေးရှုထောင့်ကနေ တစ်ဖက်သတ်လုပ်ဆောင်ခြင်းဖြစ်ပါတယ်” လို့ မွတ်စလင် တစ်ဦးဖြစ်သူ ဒီမိုကရေစီနှင့်လူ့အခွင့်အရေးပါတီ ဥက္ကဋ္ဌ ဦးကျော်မင်းက ပြောပါတယ်။

သူ့ပါတီက   ကိုယ်စားလှယ် ၁၈ ဦး လျှောက်လွှာ တင်ရာမှာ ရွေးကောက်ပွဲကော်မရှင်က ၃ ဦးကိုပဲ ခွင့်ပြုခဲ့ပါတယ်။ သူ့ပါတီက ရွေးချယ်တဲ့ မဲဆန္ဒနယ်အများစုဟာ ရခိုင်ပြည်နယ်မှာ ရှိပြီး အဲဒီဒေသမှာ နေထိုင်တဲ့ မွတ်စလင်အများအပြားဟာ သူတို့ကိုယ်သူတို့ ရိုဟင်ဂျာလို့ ခေါ်ကြပေမယ့် အစိုးရကတော့ သူတို့ကို ဘင်္ဂါလီလို့ ခေါ်ပါတယ်။

ပြည်ထောင်စုရွေးကောက်ပွဲ ကော်မရှင်က ခွင့်ပြုခဲ့တဲ့ ကိုယ်စားလှယ်လောင်း ၆,ဝ၇၄ ဦးကို လေ့လာကြည့်ရင် ဗုဒ္ဓဘာသာဝင် ၅,၁၃ဝ၊ ခရစ်ယာန်ဘာသာဝင် ၉ဝ၃ ဦးနဲ့ အစ္စလာမ်ဘာသာဝင် ၂၈ ဦးတို့ဖြစ်ကြတာ တွေ့ရပါတယ်။

ရွေးကောက်ပွဲ ဝင်ကြမယ့် မွတ်စလင် အမတ်လောင်း အရေအတွက် နည်းပါးရုံသာမကပါဘူး၊ သူတို့ဝင်ရောက်ယှဉ်ပြိုင်မယ့် ပါတီတွေဟာလည်း လူသိနည်းတာကြောင့် ရွေးကောက်ပွဲနိုင်ဖို့ အခွင့်အလမ်း နည်းပါးနေတာပါ။

မွတ်စလင်နိုင်ငံရေးသမားတစ်ဦးဖြစ်သူ ဦးမျိုးသန့်ကတော့ ဒီရွေးကောက်ပွဲဟာ အမျိုးသားရေးဝါဒီ ဗုဒ္ဓဘာသာ ဘုန်းကြီးတွေရဲ့ လွှမ်းမိုးမှုခံထားရတယ်လို့ မှတ်ချက်ပေးပြီး ဒီရွေးကောက်ပွဲကို မဝင်ဖို့ ဆုံးဖြတ်ထားပါတယ်။

“လွှတ်တော်ထဲမှာ မွတ်စလင်အမတ် လုံးဝမရှိမယ့် အခြေအနေ များနေပါတယ်။ အားလုံးက မဘသရဲ့ အလိုကျအတိုင်းဖြစ်နေတယ်” လို့ ဦးမျိုးသန့်က ပြောပါတယ်။

မွတ်စလင်တွေ အင်အားကြီးပါတီတွေမှာ မပါဝင်

မဘသ ငြိုငြင်မှာ စိုးတယ်လို့ ယူဆရမယ့် အနေအထားမှာ အင်အားကြီးပါတီတွေ ရွေးချယ်လိုက်တဲ့ အမတ်လောင်းတွေထဲမှာလည်း မွတ်စလင်တွေ မပါပါဘူး။

မဘသ ဘုန်းကြီးတချို့က ဒေါ်အောင်ဆန်းစုကြည်ဦးဆောင်တဲ့ အမျိုးသား ဒီမိုကရေစီ အဖွဲ့ချုပ် (NLD) ဟာ အစ္စလာမ်ဘာသာကို ထောက်ခံတဲ့ ပါတီဖြစ်တယ်လို့ လူသိရှင်ကြား ရှုတ်ချပြီး ဗုဒ္ဓဘာသာဝင်တွေအနေနဲ့ သူတို့ကို မဲမပေးဖို့ တိုက်တွန်းပါတယ်။

ဒီအဖွဲ့ရဲ့ကြီးထွားလာတဲ့ ဖိအားတွေကြောင့် NLD နဲ့ အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီတို့ဟာ မွတ်စလင်တွေကို လွှတ်တော်ကိုယ်စားလှယ်လောင်းတွေအဖြစ် မရွေးချယ်ထားတာလည်း ဖြစ်နိုင်ပါတယ်။

ဝေဖန်မှုတွေကို ရှောင်ရှားဖို့ NLD အနေနဲ့ မွတ်စလင်တွေကို ပါတီရဲ့ လွှတ်တော် ကိုယ်စား လှယ်လောင်းတွေအဖြစ် ရွေးချယ်မထားဘူးလို့ အဖွဲ့ရဲ့ ပြောခွင့်ရပုဂ္ဂိုလ် ဦးဝင်းထိန်က ပြောပါတယ်။

“ကျွန်တော်တို့ ပါတီဝင် မွတ်စလင်တွေက လက်ရှိအခြေအနေတွေအပေါ်မှာ အများကြီးနားလည်မှုရှိပါတယ်” လို့ သူက ဆိုပါတယ်။

စစ်အာဏာရှင်ဟောင်း ဦးနေဝင်း ထူထောင်ခဲ့တဲ့ တိုင်းရင်းသားစည်းလုံးညီညွတ်ရေးပါတီရဲ့ လွှတ်တော်ကိုယ်စားလှယ်လောင်းတွေထဲမှာ နှစ်ဦးက မွတ်စလင်တွေ ဖြစ်ပါတယ်။ သူတို့ကလွဲလို့ ကျန်တဲ့မွတ်စလင် ကိုယ်စားလှယ်လောင်းတွေဟာ လူသိနည်းတဲ့ ရန်ကုန်အခြေစိုက် မွတ်စလင်နိုင်ငံရေး ပါတီတွေက ဖြစ်ပါတယ်။

အင်အားကြီးပါတီတွေဟာ မွတ်စလင်တွေကို ရှောင်ကြခြင်းဟာ ရွေးကောက်ပွဲမှာ ရှုံးမှာစိုးတဲ့အပြင် မွတ်စလင်တွေ ပါတီမှာ ပါဝင်မှာစိုးရိမ်တဲ့ အတွက်ဖြစ်တယ်လို့ ဦးကျော်မင်းက ပြောပါတယ်။

“အဲဒီတော့ မွတ်စလင်တွေအနေနဲ့ သူတို့ အသိုင်းအဝန်းကို ကိုယ်စားပြုနိုင်ခွင့်   ဒီမိုကရေစီအခွင့်အရေးတွေ ဆုံးရှုံးမှာပါ။ ဒါဟာ မွတ်စလင်တွေ ဒီနိုင်ငံအပေါ်ထားတဲ့ မျိုးချစ်စိတ်ကို ထိခိုက်စေပါတယ်” လို့ သူက ပြောပါတယ်။

သူ့ပါတီက မွတ်စလင်ကိုယ်စားလှယ်အနည်းငယ်နဲ့ ရွေးကောက်ပွဲဝင်မယ့် ပါတီတစ်ခုဖြစ်ပြီး ရခိုင်ပြည်နယ် မောင်တောမြို့မှာလည်း မွတ်စလင် ကိုယ်စားလှယ်တစ်ဦး ဝင်ရောက်ယှဉ်ပြိုင်မှာပါ။

ရွေးကောက်ပွဲကော်မရှင်က သူ့ကို သူ့ပါတီရဲ့တခြားသော ကိုယ်စားလှယ်လောင်းတွေလိုပဲ ပယ်ချလိုက်ပါတယ်။ သူဟာ စစ်အစိုးရ ကျင်းပပေးခဲ့တဲ့ ၁၉၉ဝ ပြည့်နှစ် ရွေးကောက်ပွဲမှာ ရွေးကောက်ခံခဲ့ရသူတစ်ဦးဖြစ်ပါတယ်။

မဲပေးခွင့် ဆုံးရှုံးသူ မွတ်စလင်များ

ရခိုင်ပြည်နယ်မှာ အာဏာပိုင်တွေက ဝှိုက်ကတ် လို့ လူသိများတဲ့ ယာယီ သက်သေခံကတ်ပြားကို ပယ်ဖျက်လိုက်တဲ့အတွက် သိန်းနဲ့ချီတဲ့ ရိုဟင်ဂျာတွေဟာ မဲပေးခွင့်ဆုံးရှုံးခဲ့ရပါတယ်။

ရခိုင်ပြည်က မွတ်စလင်တွေဟာ ၁၉၉ဝ နဲ့ ၂ဝ၁ဝ ရွေးကောက်ပွဲတွေမှာ ဒီဝှိုက်ကတ်တွေပြပြီး မဲပေးခဲ့တာပါ။ အခုလို ပယ်ဖျက်တဲ့အတွက် သူတို့ရဲ့ မဲပေးခွင့် ဆုံးရှုံးတော့မယ်လို့ ကုလသမဂ္ဂအတွင်းရေးမှူးချုပ် ဘန်ကီမွန်းက ပြောကြားပါတယ်။

“ရိုဟင်ဂျာတွေနဲ့ လူနည်းစုတွေ အခုလို မဲပေးခွင့်မရတာနဲ့ ပတ်သက်လို့ ကျွန်တော့်အနေနဲ့ အများကြီး စိတ်မကောင်းဖြစ်ရပါတယ်” လို့ သူက ပြီးခဲ့တဲ့လကုန်ပိုင်းလောက်မှာ ပြောလိုက်ပါတယ်။

ရွေးကောက်ပွဲကို စောင့်ကြည့်နေတဲ့ Carter Center ရဲ့ စက်တင်ဘာ ၂၅ ရက်နေ့ ထုတ်ပြန်ချက်မှာ “မွတ်စလင် ကိုယ်စားလှယ်လောင်းအများစုကို ရွေးကောက်ပွဲ ဝင်ရောက်ခွင့် ပယ်ချလိုက်ခြင်းကြောင့် ရိုဟင်ဂျာတို့၏ ကိုယ်စားပြုခွင့် ပိုပြီး နည်းပါးသွားမည်ဖြစ်သည်။ ယခင်က ဝှိုက်ကတ်ကိုင်ဆောင်ခဲ့သော ရိုဟင်ဂျာတို့ မဲပေးခွင့်သည် ကတ်များကို ဖျက်သိမ်းလိုက်သည့်အတွက် ဆုံးရှုံးပြီးသား ဖြစ်နေသည်” လို့ ဖော်ပြထားပါတယ်။

လက်ရှိပြည်ထောင်စု လွှတ်တော်ကိုတော့ ဗုဒ္ဓဘာသာဝင် လွှတ်တော် ကိုယ်စားလှယ်တွေက လွှမ်းမိုးထားတာပါ။ ပြည်ခိုင်ဖြိုးပါတီ လွှတ်တော် ကိုယ်စားလှယ်တွေထဲ မွတ်စလင် ဆိုလို့ ရခိုင်ပြည်နယ်ထဲက ဘူးသီးတောင်၊ မောင်တောမြို့တွေကို ကိုယ်စားပြုတဲ့ လွှတ်တော်ကိုယ်စားလှယ် သုံးဦးပဲ ရှိပါတယ်။ သူတို့အနေနဲ့ အရေအတွက်နည်းပေမယ့် ပြီးခဲ့တဲ့နှစ်တွေအတွင်း လွှတ်တော်အစည်းအဝေး ၁၂ ကြိမ် ကျင်းပခဲ့တဲ့အနက် ၁၁ ကြိမ်မှာ မေးခွန်းတွေ မေးမြန်းခဲ့တာကြောင့် အခြား လွှတ်တော် ကိုယ်စားလှယ်တွေထက် မေးခွန်းပိုထုတ်ခဲ့တာကို Myanmar Now ရဲ့ လွှတ်တော်ဆိုင်ရာ ချက်အလက်များ လေ့လာဆန်းစစ်ချက်အရ တွေ့ရှိရပါတယ်။

မေးခွန်းအများစုဟာ ရိုဟင်ဂျာ ခေါ် ဘင်္ဂါလီတွေနဲ့ ပတ်သက်တဲ့ နိုင်ငံသားလျှောက်ထားခွင့်နဲ့ အခြား လူ့အခွင့်အရေး ကိစ္စရပ်တွေပဲ ဖြစ်ပါတယ်။ ဒါပေမယ့် အဲဒီလွှတ်တော် ကိုယ်စားလှယ် သုံးဦးစလုံး လာမယ့် ရွေးကောက်ပွဲမှာ ပါဝင်ယှဉ်ပြိုင်ခွင့် ရတော့မှာ မဟုတ်ပါဘူး။

သူတို့တွေထဲက နှစ်ဦးက ရွေးကောက်ပွဲဝင်ရေး အစီအစဉ်ကို စွန့်လွှတ်လိုက်ပေမယ့် ဘူးသီးတောင်မြို့နယ်အမတ် ဦးရွှေမောင်ကတော့ ပြည်ခိုင်ဖြိုးပါတီကနေ နုတ်ထွက်ပြီး တစ်သီးပုဂ္ဂလ လွှတ်တော်အမတ်အနေနဲ့ ယှဉ်ပြိုင်ဖို့ လျှောက်ထားခဲ့ပါတယ်။ လျှောက်ထားပေမယ့် အခြားမွတ်စလင်ကိုယ်စားလှယ် တွေလိုပဲ ရွေးကောက်ပွဲကော်မရှင်ရဲ့ ပယ်ချမှု ခံရပါတယ်။

“ကျွန်တော်သာ ခြွင်းချက်အနေနဲ့ အပယ်မခံရင် သိပ်ကောင်းမှာပါ။ ဒါပေမယ့် မြန်မာနိုင်ငံက အခြား မွတ်စလင်တွေလိုပဲ ရိုဟင်ဂျာတွေကို နိုင်ငံရေးမှာ မပါဝင်ဖို့ ခွဲခြားသတ်မှတ်ခံခဲ့ရပါတယ်။ လူမျိုးရေး၊ ဘာသာရေးကြောင့် အခုလိုဖြစ်ရတယ်လို့ ထင်ပါတယ်” လို့ ဦးရွှေမောင်က ပြောဆိုကြောင်း စက်တင်ဘာလအတွင်း APHR က ထုတ်ပြန်ခဲ့တဲ့ ကြေညာချက် တစ်စောင်မှာ ဖော်ပြထားပါတယ်။

မွတ်စလင်တစ်ဦးဖြစ်သူ ကမန်အမျိုးသား ဖွံ့ဖြိုးတိုးတက်ရေးပါတီ ဒုဥက္ကဋ္ဌ ဦးလှတိုးကတော့ ရွေးကောက်ပွဲမှာ သူတို့အနိုင်ရရေးအတွက် မျှော်လင့်ချက်နည်းပါးကြောင်း သုံးသပ်ပါတယ်။ ရခိုင်ပြည်နယ်မှာ ဝင်ပြိုင်မယ့် မွတ်စလင်လွှတ်တော် ကိုယ်စားလှယ်လောင်းလေးဦး အနက် နှစ်ဦးက သူ့ပါတီက ဖြစ်ပါတယ်။

“ရခိုင်ပြည်နယ်မှာရဖို့တော့ မလွယ်လောက်ဘူး ထင်တယ်။ ဘာကြောင့်လဲဆိုတော့ အဲဒီမှာက လူမျိုးရေးခွဲခြားလို့ပါ။ ရန်ကုန်မှာ တစ်ယောက်လောက်အနိုင်ရအောင်တော့ ကြိုးစားသွားမှာပါ” လို့ ပြည်သူ့လွှတ်တော်အတွက် ရန်ကုန်၊ မင်္ဂလာတောင်ညွှန့်မြို့နယ်ကနေ ဝင်ရောက်ယှဉ်ပြိုင်မယ့် ဦးလှတိုးက ပြောပါတယ်။     ။

October 16, 2015
ရိုးရာတွေထဲမှာ အနာဂတ်ကို မထားခဲ့နဲ့

ဧပြီ ၁၃ ၊ ၂၀၁၅
M-Media
ညီသွေးရေးသည်။

လောကမှာ သဲထဲရေသွန်တာလောက်
ဘယ်အရာမှ မကောင်းဘူး
ကြည့်လေ သွန်လိုက်တဲ့ရေ ပြန်မတွေ့တော့ဘူး
ဒါပေမယ့် ကိုယ်သွန်လိုက်တဲ့ရေက
ပိုလျှံနေတဲ့ရေတော့ ဖြစ်ရမယ်
(မောင်ချောနွယ်)

မကြာခင် လုံးဝခန်းခြောက်သွားတော့မယ့် ရေကန်ကြီးတစ်ကန်ရဲ့ အလယ်ခေါင် ရေစပ်ကလေးမှာ ရေခွက်ကလေးတွေ ကိုယ်စီနဲ့ တစ်ယောက်တစ်လှည့် ခတ်ပြီး ရေချိုတစ်ပုံးရဖို့ ခက်ခက်ခဲခဲ ကြိုးပမ်းနေတဲ့ အညာဒေသရဲ့ လက်ရှိ အခြေအနေကို ထင်ဟပ်တဲ့ ပုံလေးတစ်ပုံ အွန်လိုင်းမှာ မြင်တွေ့လိုက်ရတာဟာ ဒီဆောင်းပါးလေး ဖြစ်ပေါ်လာပုံရဲ့အစပါ။ ငြိမ်းချမ်းရေးသတင်းတွေ (၆) ပွင့်ဆိုင် အရေးတွေ၊ ကျောင်းသားသပိတ်တွေ မြန်မာပြည်ရဲ့ အနာဂတ်အရေးမှာ ပိုလို့အရေးပေး စဉ်းစားရမယ့် အရာတွေထဲ Renewable Resources (ပြန်လည်ဖြိုးမြဲ စွမ်းအင်သံယံဇာတ အရင်းမြစ် စာရင်းဝင်) ဖြစ်တဲ့ ရေဟာ ရုတ်ခြည်းထိပ်ဆုံး စာရင်းဝင်ဖြစ်လာပါလိမ့်မယ်လို့ ဘယ်သူမှ မထင်မှတ်ထားကြမှာ မဟုတ်ပါဘူး။

ကျွန်တော်တို့ ဒီမှာရေကိုဗွမ်းကနဲ ဗွမ်းကနဲ ရေစည် တစ်ရစ်လောက်ကျန်အောင် ရေချိုးနေချိန်မှာ အညာဒေသရေနည်း မိုးခေါင်ရပ်ရှားဒေသနေသူတွေခမျာ (၁)မိုင် (၂)မိုင် အကွာအဝေးကို ရေစည်လှည်းတွန်းပြီး ပင်ပန်းကြီးစွာလာရ၊ ရေတစ်ခွက် တစ်ပုံးချင်းစီ အချိန်ပေးစောင့်ဆိုင်းပြီး ဖြည်းဖြည်းချင်း ဖြည့်ရ၊ ရေတစ်လှည်းတစ်စည်ရဖို့ နေ့ဝက်ခန့် အချိန်ပေးအလုပ်ကြီး တစ်လုပ်ဖြစ်နေရရှာပါတယ်။ နံနက်မိုးလင်းတာနဲ့ အိမ်သာထဲမှာ ရေပြည့်နေဖို့၊ ထမင်းဟင်းချက်ဖို့၊ အိုးခွက်ပန်းကန်တွေဆေးဖို့ အဝတ်လျှော်ဖို့ ရေဟာနေ့စဉ်မဖြစ်မနေ လိုအပ်နေတဲ့အရာပါ။ လွယ်လွယ်ရနေတဲ့ လွယ်လွယ်ရနေဆဲ နောင်လည်း အေးအေးဆေးဆေး ရနေလိမ့်ဦးမယ် ထင်နေတဲ့သူတွေအဖို့ ဒီအကြောင်းတရားဟာ ဘာမှစဉ်းစားစရာ မလိုဘူးလို့ ထင်ကောင်းထင်နေလိမ့်မယ်။

ရေချိုအရမ်းရှားတဲ့ ဒလမြေမှာပေါ်မှာ NGO အဖွဲ့အစည်းတစ်ခုကဦးဆောင်ပြီး နေရာ (၁၀) နေရာမှာ ရေကြည်ထွက်လာတဲ့ အဆင့်ရောက်တုံကင်တွင်း (၁၀) တွင်းတူးပေးပါတယ်။ အရင်ဆုံးတစ်နေရာက တုံကင် ကိရိယာတစ်ခု စပျက်ပါတယ်။ ဘယ်သူမှ ဂရုစိုက်ပြီး အိပ်စိုက်ပြီး စုပေါင်းပြီး မပြင်ပါဘူး။ ပျက်တဲ့နေရာကလူတွေက ဒုတိယအနီးဆုံးတုံကင်တွင်းနေရာမှာ သွားစုပြုံတိုးကြပါတယ်။ နှစ်လလောက်ကြာတော့ ဒေသနှစ်ခုစာရှိတဲ့ လူတွေရဲ့ဒဏ်ကို တုံကင်တွင်းတစ်ခုက မခံနိုင်ရှာတော့ပါဘူး။ ဒီတော့ ဒုတိယတွင်းလည်း ပျက်ပါတယ်။ ထုံစံအတိုင်းဒေသခံနှင့် တာဝန်ရှိသူများက မပြင်ပါ။ တတိယတွင်းမှာ ဒေသသုံးခုစာက လူတွေသွားဝိုင်းကြတယ်။ တတိယတွင်းလည်း တစ်လမခံပါ။ ပျက်သွားပါတယ်။ တစ်နှစ်တာအတွင်းမှာ တွင်း ၁၀ တွင်းစလုံးပျက် NGO ရဲ့စေတနာ၊ ငွေ၊ အချိန်၊ လူအင်အား အားလုံးအဟောသိကံ ဖြစ်ပါတယ်။ ရှိနေဆဲ ရနေဆဲ အခွင့်အရေးများကို မထိန်းသိမ်းနိုင်လျှင် မကာကွယ်နိုင်လျှင် ရေရှည်၌ဒုက္ခရောက်ရမည်ကို သင်ခန်းစာယူနိုင်ရန် နမူနာတင်ပြရခြင်း ဖြစ်ပါသည်။

မနေ့တစ်နေ့ကပင် အမေရိကန်ပြည်ထောင်စုကယ်လီဖိုးနီးယားမှာ ရေချိုအရင်းမြစ်တွေ တစ်နေ့တစ်ခြား ရှားပါးလာတဲ့ အပေါ်မှာ နိုင်ငံနဲ့အဝှမ်း ရေသုံးစွဲခြင်းကို မဖြစ်မနေ လျော့ရမယ်လို့ ပြည်နယ် အုပ်ချုပ်ရေးမှူးက အမိန့်ထုတ်ပြန်တဲ့သတင်းတစ်ပုဒ်ကို ဖတ်လိုက်ရပါတယ်။ ပြီးတော့လည်း မိုးခေါင်ရေရှား မဖြစ်အောင် လုပ်ပေးနိုင်တဲ့နည်းပညာတွေကိုလည်း အပူတပြင်းရှာဖွေနေရပါတယ်တဲ့။ နောက်ထပ်သတိမူစရာ၊ ရင်ထိတ်စရာ သတင်းတစ်ပုဒ်ကိုလည်း ဖတ်လိုက်ရပါသေးတယ်။ အဲဒါကတော့ ထိုင်ဝမ်နိုင်ငံမှာရှိတဲ့ မြို့ပေါင်းမြောက်များစွာကို ရေပေးဝေနေတဲ့ ဧရာမဆည်ကြီးတစ်ခုဖြစ်တဲ့ “ရှိမင်း” ဆည်ဟာ နှစ်ပေါင်း ၇၀ အတွင်းမှာ ပထမဆုံးအကြိမ်အဖြစ် လုံးဝခန်းခြေက်သွားပြီး ရွံ့အိုင်ကြီးအဖြစ် ပြောင်းသွားပါပြီ။ အဲဒါကြောင့် သိန်းပေါင်းများစွာသော ထိုင်ဝမ်မြို့သူမြို့သားများဟာ ရေကိုခွဲတမ်းကန့်သတ်ချက်တွေနဲ့ အချိုးကျရေပေးမှုတွေနဲ့ ရင်ဆိုင်ကြုံတွေ့နေရတဲ့ အကြောင်းပါ။

ဒီသတင်းတွေဟာ ကျွန်တော်တို့အနာဂတ်မှာ ရေအရင်းအမြစ်ဟာ အရေးကြီး အရေးပါလာပြီး အားလုံးဝိုင်းဝန်းဆွေးနွေးအဖြေရှာကြဖို့ အချိန်ဟာကျရောက်လာပါပြီလို့ ပြောနေတဲ့ အချက်အလက်တွေပါ။ တစ်ကယ်တော့ ရေ၊ လေ၊ နေရောင်ခြည်၊ သစ်ပင်၊ တိရစ္ဆာန် စတာတွေဟာ Renewable Resources (ပြန်ပြည့်မြဲစွမ်းအင် သယံဇာစအရင်းမြစ်) စာရင်းဝင်တွေပါ။ ဒါပေမယ့် ဆည်တွေထဲမှာ သိမ်းဆည်းထားတဲ့ ရေချိုတွေဟာ မိုးမရွာရင် ပြန်လာလို့ မရပါဘူး။ သစ်တောတွေ ပျောက်ကုန်လို့ ပတ်ဝန်းကျင်အပူချိန် ပိုမြင့်တက်လာလေ မြစ်ချောင်းအင်းအိုင်မှာရှိတဲ့ ရေတွေမြန်မြန် ခန်းခြောက်လေပါပဲ။ လက်ရှိသုံးစွဲနေတဲ့ အဝိစီတွင်းရေ (မြေအောက်ရေ) ဆိုတာကလည်း မြစ်ချောင်းအင်းအိုင်တွေကို အမှီပြုပြီး ဖြစ်တည်လာရတာပါ။ ဒီမြစ်ချောင်းအင်းအိုင်တွေ ကောလာတဲ့တစ်နေ့ အားလုံး ပင်လယ်ဝေကြရပါလ်ိမ့်မယ်။ သစ်တောကြီးတွေ တစ်နေ့တစ်ခြား ပျောက်ပျောက်ကုန်သွားလိုက်တာ၊ ကမ္ဘာကြီးပိုပူလာလို့ အိုဇုန်းလွှာအပေါက်ကြီးလာလို့ ကမ္ဘာကြီးပိုပူလာ ဒီသံသရာတွေ၊ လျှပ်စစ်စွမ်းအင် အလွန်အကျူးထုတ်လုပ်မှုတွေကြောင့် သဘာဝပတ်ဝန်းကျင် မြေရေလေ ညစ်ညမ်းလှုပ်ရှားမှုတွေကို အရေးပါပြီးဖြစ်တဲ့အကြောင်း ကမ္ဘာသူ ကမ္ဘာသားအားလုံး အချိန်မီသိရှိပြီး အားလုံးလက်တွဲညီညီ ပြင်ဆင်စရာရှိတာ ပြင်ဆင်ရပါတော့မယ်။

အခုမကြာခင် ရိုးရာသင်္ကြန်ဆိုတဲ့ ခေါင်းစဉ်အောက်မှာ ဘယ်တော့မှ ပြန်မလာတော့မယ့် ရေချိုသန့် ဂါလံသန်းပေါင်းများစွာကို သဲထဲရေသွန်အဟောသိကံ လုပ်ဆောင်ကြပါတော့မည်။ မီးသတ်ပိုက်နဲ့ဖွင့်ပြီး ရေထွက်နှုန်းဟာ ရေဂါလံ (၆၀၀၀) ခန့်ကို (၁၂)မိနစ်အတွင်း ဖြုန်းပေးနိုင်ပါလိမ့်မယ်။ နိုင်ငံနဲ့အဝှမ်း မီးသတ်ပိုက်မဟုတ်လျှင်တောင် ပိုက်ကြီးပိုက်ငယ် အသွယ်သွယ်နဲ့ တစ်ပြိုက်နက်တည်း လောင်းချလိုက်ရမည့် ရေထုထည်ကြီးဟာ ဘယ်လောက်တောင် ကြီးမားပါလိမ့်။ ရေဂါလံပေါင်း သိန်းနဲ့ချီ၍ မိနစ်တိုင်း ကုန်ဆုံးမှုဖြစ်နေမှာပါ။ ကာလီဖိုးနီးယားမြို့နယ်အုပ်ချုပ်ရေးမှူးက ရေချိုးခြံချွေတာဖို့ အမိန့်ထုတ်ပြန်နေတဲ့အချိန်မှာ ကျွန်တော်တို့ဆီက မြို့တော်ဝန်မဏ္ဍပ်ဆိုတာက ရေကိုအချိန်ပြည့်သွန်းလောင်းပေးနေပါလိမ့်မယ်။ ရေဘေးဒုက္ခနဲ့ ကြုံတွေ့နေရတဲ့ ထိုင်ဝမ်မြို့သူမြို့သားတွေလဲ ဒီရေဖြုန်းတီးမှုကိုကြည့်ပြီး ဘယ်လောက်တောင် ရင်ထုမနာဖြစ်လိုက်ကြမလဲ။ ကိုယ်သွန်ချလိုက်တဲ့ရေဟာ ကိုယ့်အတွက်ပိုလျှံနေပေမယ့် အခြားသူများအတွက် ရွှေလိုရှားပါးနေပြီး အချို့အရပ်ဒေသများအတွက် ငွေထက်ပိုတန်ဖိုးရှိနေတဲ့ အရာဆိုတာ လောက်ကိုတော့ သင်္ကြန်မှာရေဖြုန်းတီးခဲ့တဲ့သူတွေ၊ နောက်ဆက်လက် ဖြုန်းတီးကြဦးမယ့်လူတွေ သိထားသင့်ပါတယ်။

အသိဥာဏ်ရှိတဲ့ လူသားတွေအနေနဲ့ ကိုယ့်တစ်ကိုယ်ရည် အတ္တကြောင့် အခြားသူတွေ ထိခိုက်နစ်နာမည်ဆိုလျှင် သို့မဟုတ် သွယ်ဝိုက်နစ်နာနိုင်မည့်လုပ်ရပ်များ ဖြစ်နေပြီဆိုလျှင် အကျိုးဆက်အနေနှင့် တန်ပြန်သက်ရောက်မှုများနှင့် တစ်နေ့ရင်ဆိုင် ရမည်မှာ လောကနိယာမပင်ဖြစ်သည်။ တချိန်က ရိုးရာသင်္ကြန်ဆိုလျှင် မြန်မာလူမျိုးတို့ ယဉ်ကျေးသိမ်မွေ့ ချစ်စရာဓလေ့ စရိုက်ကိုပြဆိုသော ပွဲတော်တစ်ခုဟု ကမ္ဘာကသိမြင်ခဲ့သည်။ ယခုခေတ်သင်္ကြန်ဟုဆိုလိုက်လျှင် အရင်ဆုံးပြေးမြင်လာရသည်က အရက်မူး၍ ယောက်ျား မိန်းမဒွေးရောယှက်တင် ကခုန်မြူးထူး အပျော်လွန်နေသည့် မြင်ကွင်းများ သာ မြင်သာထင်သာ အရှိဆုံး ဖြစ်နေပါတော့သည်။ မူးယစ်လွန်ရာမှ ဖြစ်လာသော နောက်ဆက်တွဲ များကတော့ အရှက်သိက္ခာမဲ့ရသော လူမှုရေးပြသာနာများ၊ ခြေလွန်လက်လွန် ရာဇဝတ်မှုများ၊ နောက်ဆုံးမထိန်းနိုင် မသိမ်းနိုင် အသက်စွန့်ရသည့် အထိပင်ဖြစ်လာရသည်မှာ နှစ်စဉ်နှင့်အမျှပင်။

ကိုယ့်ရိုးရာဓလေ့၏ ကောင်းမွန်သော အစိတ်အပိုင်းကို ထိန်းသိမ်း၍ မကောင်းမွန်သော အစိတ်အပိုင်းများ ကာကွယ်ရန်မှာ လူမျိုးတိုင်း၏ တာဝန်ပင်ဖြစ်သည်။ မြန်မာနိုင်ငံတွင် မှီတင်းနေထိုင်ကြသော လူမျိုးပေါင်းစုံတို့သည် ကိုယ်စီကိုယ်စီ မိမိဓလေ့၊ မိမိရိုးရာယဉ်ကျေးမှုကို ထိန်းသိမ်းကာ မိမိတို့ဘာသာ၏ အဆုံးအမများကို ကြိုးစားလိုက်နာကြ၍ တစ်ဦးနှင့်တစ်ဦး အပေးအယူ ကြည်ဖြူမျှကြလျှင် အနာဂတ်မြန်မာသည် သာယာမှုအတိ ရှိပါလိမ့်မည်။ သို့မဟုတ်ဘဲ တစ်ယောက်ယဉ်ကျေးမှုကို တစ်ယောက်အပြစ်ဆို၊ တစ်ယောက် ဓလေ့ထုံးစံကို တစ်ယောက်ကအပြစ်တင်၊ တစ်ယောက်ဘာသာတရားကို တစယောက် မကောင်းမြင်ဖြစ်နေမည်ဆိုပါက ယခုအချိန်သည် ပူပြင်းခြောက်သွေ့သော အာဏာလုရာသီသို့ ဝင်ရောက်လာပြီဖြစ်ရာ ငို့ဘသမားများ၏ အသုံးချခံ သားကောင်းများဘဝသို့ ရောက်ရှိသွားနိုင်ပါသည်။ လောကတွင် အမှောင်နှင့်အလင်းသည် ရန်သူမဟုတ်၊ မိတ်ဖက် ဖြစ်သည်။ နေ့အလင်းရောင်သည် လူသားတို့၏ စားဝတ်နေရေးရှာဖွေမှုအတွက် အရေးပါသလို ညအမှောင်သည် တစ်နေ့တာ ပင်ပန်းမှုတို့အတွက် အိပ်စက်အားဖြည့် အနားယူရန်အတွက် မရှိမဖြစ်ပင်။ ပန်းဥယျာဉ်တစ်ခု၏ အလှသည် ရောင်စုံပန်းတို့၏ အလှနှင့် မွှေးရနံ့ပေါင်းစုံဖြင့် သာတင့်တယ်နိုင်သလို လူ့လောကသည်လည်း ဆန့်ကျင်ဘက်အရာတို့ မတူကွဲပြားသော အရာခပ်သိမ်းတို့ဖြင့်သာ ရှေ့သို့ချီတက်ပေသည်မှာ ကမ္ဘာဦးကတည်း ယခုထိတိုင်အောင် ဖြစ်ပေသည်။

ချုပ်၍ဆိုရသော ရေတစ်ခွက် လျှော့သုံးလိုက်ခြင်း၊ ရေဘုံဘိုင်ခေါင်းကလေးကို မြန်မြန်ပိတ်ခြင်းကသည်ပင် လောကကြီးကို ကယ်တင်ရာမည်၏။

ညီသွေး

Photo Credit – 7DayNews,မြဝတီ

April 13, 2015
ပြန်ပေးငွေ၊ ပွဲစား၊ လူကုန်ကူးမှုနှင့် ရိုဟင်ဂျာတို့၏ ဘ၀

ဖေဖော်ဝါရီ ၂၈ ၊ ၂၀၁၅
M-Media

– မြန်မာနိုင်ငံအနောက်ပိုင်းရှိ အိုးအိမ်စွန့်ခွာထွက်ပြေးခဲ့ရသော ရိုဟင်ဂျာမွတ်စလင်များနေထိုင်ရာ ဤ ဒုက္ခသည်စခန်းများတွင် အင်တာနက်တဲများကို လွယ်လွယ်ကူကူ သတိပြုမိမည်မဟုတ်။ ၎င်းတို့ထံမှ ထွက်လာသည့် အဖြူထည် စိတ်ခံစားမှုများအား လစ်လျူရှုရန် အလွန်ပင်ခက်၏။

တဲများမှာ ထရံများဖြင့် ကာရံထားပြီး သက်ကယ်မိုးထားသည်။ သို့ရာတွင် အရေးပါဆုံးက ထိုင်းနှင့် မလေးရှားနိုင်ငံများကို ပြောင်းရွှေ့ သွားကြသော ဆွေမျိုးများနှင့် အဆက်အသွယ် လုပ်ပေးသော ဖုန်တက်နေသည့် ကွန်ပျူတာများဖြစ်သည်။ အင်တာနက်လိုင်းက ပင့်ကူအိမ်များဖြင့် ရှုပ်ထွေးနေသည့် အမိုးတွင် ထိုးထားသော ဆဲလ်ဖုန်းများမှ လာသည်။

ချက်ပြုတ်ရာနေရာများမှ မီးခိုးများက ယိုင်နဲ့နဲ့ ထရံများကြားမှ ထွက်လာသည်။ အသံများကဆူနေသည်။ ဖုန်းခေါ်ပေးသူက ၎င်း၏ အကြောင်းများအား အနားရှိလူတိုင်းကို ပြောနေသည်။

ထိုအရာများက မနှစ်မြို့စရာကောင်းသော အခြေအနေမျိုးတွင် နေထိုင်နေရသည့် မြန်မာနိုင်ငံမှ နိုင်ငံမဲ့ ရိုဟင်ဂျာများ၏ အတွင်းကျကျ ပုံရိပ်များ ဖြစ်လေသည်။ မြန်မာနိုင်ငံရှိ ပြည်သူများကလည်း ၎င်းတို့အား တစ်ဖက်နိုင်ငံမှ တရားမ၀င် ၀င်ရောက်အခြေချလာသူများဟု မှတ်ယူနေကြသည်။ အဆိုပါ ဒုက္ခသည်စခန်းများက လူကုန်ကူးသူများ မျက်စိကျသည့် နေရာများဖြစ်ပြီး ၎င်းတို့မှ လှေဖြင့် ကူးသွားသူများနှင့် ဒုက္ခသည်စခန်းတွင် ကျန်ရစ်ခဲ့သူများထံမှ အကျိုးအမြတ်ကို ရရှိကြသည်။

ဒီကနေ့မှာ ပျော်ရွှင်စရာနေ့ပင်ဖြစ်၏ အသက် ၅၆ နှစ်အရွယ် ဖာတီမာတစ်ယောက် သားဖြစ်သူ၏ ဇနီးလောင်းရွေးချယ်မှုကို သဘောကျနေသည်။ သန့်ရှင်းရေးအဖြစ် သူမ အလုပ်လုပ်ရာ မလေးရှားနိုင်ငံ ကွာလာလမ်ပူရှိ အင်တာနက်ကဖေးတစ်ခုတွင် ထိုင်နေကာ Skype ကဲ့သို့သော အက်ပလီကေးရှင်းဖြင့် သားဖြစ်သူနှင့် ဆက်သွယ်ပြောဆိုနေခြင်း ဖြစ်သည်။

“ဒါပေ့ါ။ သား သူ့ကို လက်ထပ်ရမယ်နော်။ ဒါနဲ့ အသားဖြူဖြူလေးလားဟင်” ဟု ဖာတီမာက သားဖြစ်သူအား မေး၏။ သူမ၏သားက သူ၏ချစ်သူကို နောက်တစ်ခေါက်ခေါ်ဆိုမှုတွင် ပြမည်ဟု ကတိပေးသည်။

အခြားသောပြောဆိုမှုများကတော့ သတိရကြောင်းနှင့် ကြုံတွေ့ရသော အန္တရာယ်များအကြောင်း ဖြစ်သည်။

အဆိုပါအင်တာနက်ဆိုင်သို့ ရောက်လာကြသူအများစုက မလေးရှားကုဒ်နံပါတ်များနှင့် တယ်လီဖုန်းနံပါတ်များကို ရေးထားသော စာရွက်အပိုင်းအစများနှင့်ဖြစ်သည်။ ထိုဖုန်းနံပါတ်များက ရိုဟင်ဂျာထောင်ပေါင်းများစွာကို နှစ်စဉ် ထိုင်းနိုင်ငံသို့ ပို့ဆောင်ပေးနေသော လူကုန်ကူးသူများ၏ ဖုန်းနံပါတ်များဖြစ်သည်။ ၎င်းတို့က မလေးရှားနယ်စပ်နှင့်နီးသည့် ဝေလံခေါင်ဖျားသော ဒေသရှိ နေအိမ်များတွင် ရိုဟင်ဂျာများအား ထိန်းသိမ်းထားကာ ပြန်ပေးငွေများ တောင်းကြသည်။

တစ်ဦးအား လွှတ်ပေးရန် ကန်ဒေါ်လာ ၁၂၀၀ မှ ၁၈၀၀ အထိ တောင်းကြသည်။ တစ်နေ့လျှင် ၁ ဒေါ်လာ သို့မဟုတ် ၂ ဒေါ်လာခန့်ဖြင့်သာ အသက်ရှင်နေထိုင်နေရသော ရိုဟင်ဂျာများအတွက် အလွန်များပြားသည့် ငွေဖြစ်သည်။

လူကုန်ကူးသူတစ်ယောက်က ရာဟာနာ၏ အသက် ၁၂ အရွယ် သားဖြစ်သူကို လွှတ်ပေးရန် ကန်ဒေါ်လာ ၁၄၀၀ တောင်းနေသည်။ အခြားသောရိုဟင်ဂျာအမျိုးသမီးများနည်းတူ အမည်တစ်လုံးသာပြောပြသည့် ရာဟာနာက ဒေါ်လာ ၁၁၀၀ ကို ပို့ပေးပြီး သွားပြီဖြစ်သော်လည်း လူကုန်ကူးသူက အကျေလိုချင်နေသည်။

အနည်းဆုံးတော့ သူမအား သားဖြစ်သူနှင့် စကားအနည်းငယ် ပြောခွင့်ပြုသည်။ အသက်ရှင်သေးသည်ဆိုသော သက်သေအတွက် ဖုန်းခေါ်ဆိုမှု၏ အစတွင် ထိုကဲ့သို့ပေးပြောလေ့ရှိပြီး ပြန်ပေးငွေ အကျေမပေးမချင်း ဆွေမျိုးများနှင့် ပြောဆိုမှုကို လူကုန်ကူးသူများက ခွင့်မပြုချေ။

မလေးရှားဖုန်းနံပါတ်အား ရာဟာခေါ်သည့်အခါ တစ်ဘက်မှ အမျိုးသားတစ်ဦးက ဖြန်ဖြေသည်။ “သားနဲ့ စကားပြောချင်လို့ပါ” ဟု သူမက ထိုအမျိုးသားအား ပြောလိုက်သည်။ စက္ကန့်အနည်းငယ်ကြာပြီးနောက် အသံးတိုးတိုးတစ်ခု ထွက်လာပြီး “အမေလား” ဟု မေးသည်။

ရာဟာနာတစ်ယောက် မျက်လုံးအိမ်တွင် မျက်ရည်များပြည့်လာပြီး သူမ၏ မေးရိုးများကလည်း ၀မ်းနည်းမှုကြောင့် တုန်လာသည်။ သူမက အလျင်အမြန်ပင် အားပြန်တင်းလိုက်သည်။

“အမေ ပိုက်ဆံပို့ပေးမယ်နော်။ ပြီးရင် သူတို့သားကိုလွှတ်ပေးမှာပါ” ဟု သားဖြစ်သူအား ရာဟာနာက နှစ်သိမ့်သည်။ ဖုန်းပြောပြီးနောက် ရာဟာနာတစ်ယောက် တွေဝေနေပြီး သားဖြစ်သူအတွက် ရတက်မအေးဖြစ်နေသည်။

“ကျွန်မသားက သူနေမကောင်းဘူးလို့ပြောတယ်။ ဘာပဲစားစား ပြန်အန်တယ်တဲ့”

လူယုံတော်

ရခိုင်ဗုဒ္ဓဘာသာဝင်များက အနီးရှိ စစ်တွေမြို့မှ ရိုဟင်ဂျာများကို မောင်းမထုတ်ခင် ၂၀၁၂ ခုနှစ်မတိုင်ခင်အထိ သဲချောင်းရွာလေးမှာ တံငါရွာလေးတစ်ခုဖြစ်သည်။ ထိုနှစ်အတွင်း ရခိုင်ပြည်နယ်တွင်ဖြစ်ပွားခဲ့သော ဘာသာရေးအကြမ်းဖက်မှုများကြောင့် အနည်းဆုံး လူ ၂၀၀ သေဆုံးကာ ၁၄၀၀၀၀ ခန့် အိုးမဲ့အိမ်မဲ့ဖြစ်ခဲ့ရသည်။

ယနေ့တွင်တော့ သဲချောင်းရွာမှာ ညစ်ပတ်ပေကျံနေပြီး လူများစုပြုံနေသည့် ဒုက္ခသည်စခန်းဖြစ်နေပေသည်။ ထိုဒုက္ခသည်စခန်းများတွင် နေထိုင်သူအများစုအတွက်တော့ ထိုင်းနိုင်ငံသို့ လှေဖြင့် ထွက်ပြေးခြင်းသာ တစ်ခုတည်းသော ထွက်ပေါက်ဖြစ်နေသည်။

ထိုကဲ့သို့ ထွက်ခွာသွားမှုများအတွက် အသက် ၂၉ နှစ်အရွယ် ကျော်းသိန်းဆိုသူက အခွင့်အရေးတစ်ခုနှင့် ဆောင်ရွက်ပေးနေသည်။

၂၀၁၂ ခုနှစ်အထိ ၎င်းမှာ ရွာတွင်းရှိ တံငါသည်များကို ရေခဲနှင့် ဓာတ်ဆီများ ရောင်းချသူဖြစ်သည်။ ယခုတွင်တော့ အင်တာနက်တဲတစ်ခုကို ၎င်းက ဖွင့်ထားသည်။ နိုင်ငံခြားသို့ ဖုန်းခေါ်ဆိုမှုကို တစ်မိနစ် ၁၀၀ ကျပ်ဖြင့် ၀န်ဆောင်မှုပေးပြီး ၎င်း၏ လက်တော့ပ် ၃ လုံးမှာ လူမပြတ်တမ်းရှိနေသည်။

အခြားသောဝန်ဆောင်မှုများကိုလည်း ၎င်းက ဆောင်ရွက်ပေးသည်။ နိုင်ငံရပ်ခြားတွင်အလုပ်လုပ်နေသည့် ရိုဟင်ဂျာများက ၎င်းတို့၏ငွေများကို ဆွေမျိုးများထံသို့ ပုံမှန်ပို့ပေးသည်။ ထိုသို့ပို့ပေးမှုကို ရခိုင်ပွဲစားတစ်ဦး၏ စစ်တွေရှိ ဘဏ်အကောင့်နှင့် ချိတ်ဆက်ထားသည်။ ထိုပွဲစားက ကျော်သိန်းထံသို့ ငွေသားများလာပို့ပေးပြီး ၎င်းက ၀န်ဆောင်ခ ၁.၅ ရာခိုင်နှုန်း နုတ်ကာ သက်ဆိုင်ရာ ဆွေမျိုးများသို့ ပြန်ပေးလေသည်။

သူ၏ တဲပုတ်က ပြန်ပေးငွေ ဒေါ်လာထောင်ချီ၍ စီးဆင်းနေသော နေရာလည်းဖြစ်သည်။ ထိုပတ်ဝန်းကျင်ရှိသူများက အနီးအနားရှိ ရွာမှ ရိုဟင်ဂျာပွဲစားတစ်ဦးကို ပေးရန် ကျပ်ငွေအထပ်လိုက်ကို ကျော်သိန်းထံသို့ လာအပ်ကြသည်။ ထိုကဲ့သို့ ပို့ပေးမှု သို့မဟုတ် လူကုန်ကူးသူနှင့် တိုက်ရိုက်ဆက်သွယ်မှုအတွက် မည်သည့်ဝန်ဆောင်ခမှ မယူဟု ၎င်းက ဆိုသည်။

“သူတို့ (ပြန်ပေးသမားတွေက) ကျွန်တော့်ကိုယုံတယ်။ ကျွန်တော်ကတော့ သူတို့ကိုမယုံဘူး” ဟု ကျော်သိန်းက ဆိုသည်။

ယခင်က ရိုဟင်ဂျာများအနေဖြင့် မလေးရှားသို့ လှေဖြင့်သွားရန် ဒေါ်လာရာပေါင်းများစွာပေးရသည်ဟု ကျော်သိန်းကဆိုသည်။ အခုတော့ ကမ်းနှင့်ဝေးဖို့ ဒေါ်လာအနည်းငယ်သာပေးရတော့သည်။

အသွားခရီးက အခမဲ့ဖြစ်သည်။ အဘယ့်ကြောင့်ဆိုသော် ထိုင်းနှင့် မလေးရှားသို့ရောက်သည့်အခါ လှေစီးသူများကို ထိန်းသိမ်းထားခြင်းက ၎င်းတို့အတွက် အကျိုးအမြတ်ပိုရသည်ကို လူကုန်ကူးသမားများက သိရှိခြင်းကြောင့်ဖြစ်သည်။

ရခိုင်ကမ်းရိုးတမ်းတစ်လျှောက်ရှိ ရိုဟင်ဂျာဒုက္ခသည်စခန်းများတွင် ပွဲစားများကလည်း လှည့်နေပြီး လူကုန်ကူးသူများထံသို့ ၎င်းတို့ ပို့ပေးသူတိုင်းအတွက် ရှာကြေးရသည်ဟု ကျော်သိန်းကဆိုသည်။

အဘ်ဒူလ် ကာဒရ်ဆိုသူက ၁၄ နှစ်အရွယ်သမီးဖြစ်သူ ပျောက်သွားခြင်းအတွက် ထိုပွဲစားများကို အပြစ်တင်သည်။ တစ်မနက် အိမ်နီးနားချင်းအိမ်သို့ သွားရောက်ခဲ့ပြီးနောက် သူမကို ထပ်မတွေ့ရတော့။

သူမမှာ ယခုအချိန်တွင် ထိုင်း သို့မဟုတ် မလေးရှားရှိ ဒုက္ခသည်စခန်းတွင်ရှိနေသည်။ လူကုန်ကူးသူများက သမီးဖြစ်သူအတွက် အဘ်ဒူလ်ကာဒရ်ထံမှ ကန်ဒေါ်လာ ၁၅၀၀ တောင်းသည်။ ပိန်ပိန်သေးသေး ဆိုက်ကားနင်းသူ ကာဒရ်တစ်ယောက် ထိုငွေကိုမပေးနိုင်။

“သမီးကို တောင်ပေါ်ကနေ ကန်ချလိုက်မယ်လို့ သူတို့က ကျွန်တော့်ကိုပြောတယ်” ဟု ကာဒရ်က ဆိုသည်။

သမီးဖြစ်သူအား လက်ထပ်ချင်သူတစ်ဦးကိုရှာ၍ ၎င်းထံမှ ပြန်ပေးငွေကို တောင်းပါဟု ကာဒရ်က ပြန်ပေးသမားများအား ပြောထားသည်။ သမီးဖြစ်သူအား ရောင်းစားခွင့် ပေးထားသည်ကို သူသိနေသည်။

“ကျွန်တော်မှာရှိတာအားလုံးက သောကတွေပဲဗျာ။ ဘာမှ မှ မတတ်နိုင်တာ” ဟု ၎င်းက ဆိုလေသည်။

ref:reuters
လေးမောင် ဘာသာပြန်သည်။

February 28, 2015
ဆန့်ကျင်ဘက်တို့၏လားရာ

ဖေဖော်ဝါရီ ၁၀ ၊ ၂၀၁၅
M-Media
Z.Y ရေးသည်။

လက်ဘက်ရည်ဆိုင်တစ်ခုတွင်ဖြစ်သည်။ အနက်ရောင်တီရှပ်နှင့် ဂျင်းဘောင်းဘီ အကျပ်ကိုဝတ်ကာ ခေတ်ဆန်သောပုံနှင့် လူငယ်တစ်ဦးဝိုင်း တစ်ဝိုင်းမှာ ထိုင်နေသည်။ သူတစ်ယောက်တည်းတော့ မဟုတ်။ သူ၏မျက်နှာချင်းဆိုင်တွင် သူနှင့်အသက်အရွယ်မတိမ်းမယိမ်းပင်ရှိမည့် လူတစ်ဦးလည်း အတူတူ ထိုင်လျှက်ရှိသည်။

သို့သော်လူငယ်၏ ဝတ်ပုံစားပုံကတော့ လည်ကတုံးရှပ် အဖြူလက်ရှည်နှင့် ယောပုဆိုးကို ဝတ်ဆင်ကာ ဆံပင်အရှည်ကို ယောင်ထုံးပုံသဏ္ဍန် ထုံးထားသည်။ သူတို့နှစ်ယောက်၏ အသွင်အပြင် ဝတ်စားဆင်ယင်ပုံကပင် ဆန့်ကျင်ဘက်ဖြစ်သည် မဟုတ် သူတို့နှစ်ဦး၏ စိတ်ဓါတ်နှင့် ခံယူချက်တွေလည်း ဆန့်ကျင်ဘက်ပင်ဖြစ်၏။ တစ်ဦးက အရာရာကိုအဆိုးမြင်တတ်သူ၊ အစိုးရိမ်ကြီးလွန်းသူသာဖြစ်ပြီး တစ်ဦးကဖြစ်သမျှ အကြောင်း အကောင်းသဘောထားသည့် အကောင်းမြင်ဝါဒီတစ်ဦးဖြစ်လေ၏။ ဒါပေမယ့် သူတို့နှစ်ယောက်က အကြောင်းအရာ တစ်ခုကို သူတို့မြင်သောအမြင်နှင့် ဆွေးနွေးနေကြခြင်းဖြစ်ရာ တစ်ခြားဝိုင်းများကပင် သူတို့၏စကားများကို နားစွင့်လျှက်ရှိကြ၏။

အဆိုးမြင်သမား။   ။ MPT ရဲ့ ဆော်သဟာ (ဆွေသဟာ) အစီအစဉ်က ငါတို့ပိုက်ဆံတွေကို ညာယူနေတာပဲ။

အကောင်းမမြင်သမား။       ။ MPT ကထင်သလောက်တော့ မဆိုးပါဘူး။ အင်တာနက်ဈေးသာတခြား အော်ပရေတာတွေထက်များတာ။ ဖုန်းပြောခကျ MEC ထက် ၁၅ ကျပ်တောင်လျှော့ယူတာပဲ။

အဆိုးမြင်သမား။   ။ အကယ်ဒမီပေးပွဲကလည်း လုပ်ပွဲကြီးနဲ့တူပါတယ်။ ဆုတွေကျန်သေးရဲ့သားနဲ့ မပေးဘူးဆိုတာ ဘာသဘောလဲ။

အကောင်းမြင်သမား။         ။ အင်း.. အကယ်ဒမီဆုတွေ အကုန်မပေးဘဲ လျှော့ပေးလိုက်တယ်ဆိုတာ နောက်နှစ်ပေးဖို့အတွက် အရုပ်တွေထပ် မလုပ်ရအောင် ချန်ထားတာနေမှာပေါ့။

အဆိုးမြင်သမားက ဘုကလန့်ပြောသလောက် အကောင်းမြင်သမားက ကြံဖန်၍ကောင်းကွက်ရှာပြီး ပြောနေလေရာ ဘေးဝိုင်းတွေမှ ကြားရသူများအဖို့ ပြုံးချင်စရာဖြစ်နေလေသည်။ ခဏငြိမ်သက်သွားသော စကားဝိုင်းကို အဆိုးမြင်သမားကပင် ပြန်လည်စကားစရင်း လှုပ်နှိုးလိုက်သည်။

အဆိုးမြင်သမား။   ။ တစ်နေ့တစ်နေ့ကားလမ်းတွေကလည်း ကျပ်သထက် ပိုကျပ်လာတယ်ကွာ။ ကားစီးနေရင်းနဲ့ပဲ အချိန်ကုန်ရုံတင်မက အသက်ပါတိုသွားနိုင်တယ်။

အကောင်းမြင်သမား။        ။ ကားလမ်းတွေကျပ်တော့ အိမ်ကစောထွက်ရတာတော့ ဟုတ်ပါတယ်။ ကားပေါ်မှာ တစ်ခါပြန်အိပ်သွားလို့ရတော့ အိပ်ရေးဝတာပေါ့ ဟုတ်ဘူးလား။

အဆိုးမြင်သမား။   ။ လျှပ်စစ်မီးကလည်း ၂၄ နာရီပေးတယ်လို့သာ အမည်ခံထားတာ တစ်ခါတစ်လေကျ တစ်ရက်ခြား တစ်ခါလောက် လစ်ရင်လစ်သလို ပျက်ချင်သေးတယ်နော်။

အကောင်းမြင်သမား။         ။ ဒါကဒီလိုရှိတယ်ကွ။ ၂၄ နာရီလုံးမီးလာနေတော့ မီးချောင်ချုပ်ကပူပြီးလျှော့ (Shock) ဖြစ်တာတို့ဘာတို့နဲ့ မီးလောင်မှုတွေဖြစ်တယ်မလား။ အဲဒီလိုမျိုးတွေကနေ ကာကွယ်ပြီးသားဖြစ်အောင် ရံဖန်ရံခါ ဖြတ်တာနေမှာပါကွ။

သူဘာပြောပြော နေရာတကာအကောင်းမြင်လွန်းနေသော သူ၏သူငယ်ချင်းကိုကြည့်ကာ အဆိုးမြင်သမား တော်တော်စိတ်ပျက်လာပုံဖြင့် သူ၏မျက်နှာတစ်ခုလုံး ရှုံ့မဲ့နေလေတော့သည်။ သူဘာပြောရင် သူနှင့်အမြင်တူနိုင်မလဲ စဉ်းစားနေရာမှ ရုတ်တရက်ပြောစရာအကြောင်းအရာကို သတိရသွားသဖြင့်….

အဆိုးမြင်သမား။   ။ လက်ပံတောင်းတောင်အတွက် ငါတို့သွေးချင်း ညီအကိုမောင်နှမတွေ အသက်စတေးနေရတာ ဒီဝီသမလောဘသားတွေကို အသက်မကျေဘူး။

အကောင်းမြင်သမား။         ။ အင်း… သူတို့ဆိုးတာတော့ ဟုတ်ပါတယ်။ ဒါပေမယ့် သူတို့လုပ်တဲ့ပေါက်စီတို့ မန်ထို တို့ကျစားလို့ကောင်းသားဟ။

အကောင်းမြင်သမား၏ စကားအဆုံးမျာ တစ်ဆိုင်လုံးပြုံးစိစိဖြစ်သွားကြသလို အဆိုးမြင်သမားလည်း လက်မြှောက်ကာ လက်ဖက်ရည်ဖိုးရှင်းပြီး ထထွက်သွားလေတော့သည်။

Z.Y

February 10, 2015