Tag: article

2014Census: လူနည်းစုဝင်များမှ သန်းခေါင်စာရင်း ကောက်ခံမှုကို ရွှေ့ဆိုင်းစေလို

ဇန်နဝါရီ ၂၉၊ ၂၀၁၄
M-Media
ဘာသာပြန်ဆိုသူ- မြင့်မိုရ်မောင်မောင်

မြန်မာနိုင်ငံအ၀ှမ်းတွင် မတ်လကုန်ချိန်မှသာလျှင် သန်းခေါင်စာရင်းကောက်ယူမှု စတင်မည်ဖြစ်သော်လည်း လူနည်းစုဝင်များမှာမူ အစိုးရ၏နည်းစဉ် လမ်းကြောင်းနှင့် ပတ်သက်၍ မေးခွန်းထုတ်နေကြပြီး၊ ယင်းကိစ္စအား ရွှေ့ဆိုင်းပေးစေ လိုကြောင်း အများစုက တိုက်တွန်းလောဆော် လျက်ရှိကြ၏။

“ အချိန်ကိုက်ဆောင်ရွက်ထားမှုက မမှန်ကန်ပါဘူး။ ထိခိုက်နစ်နာမှုမရှိတဲ့ ရှုထောင့် အမြင်ကနေ ကျွန်မတို့ စဉ်းစားကြရပါမယ်။ ဒီသန်းခေါင်စာရင်းကောက်ယူမှုဟာ ထိခိုက်နစ်နာမှု အများအပြား ဖြစ်စေနိုင်လို့ပါ ” ဟု ကချင်ငြိမ်းချမ်းရေးကွန်ရက်မှ အစီအစဉ်ဖော်ဆောင်သူ ဒေါ်ခွန်ဂျာက ဆိုပါသည်။

ဒေါ်ခွန်ဂျာနည်းတူ များစွာသော လူမှုလှုပ်ရှားသူတို့ကလည်း သန်းခေါင်စာရင်းကောက်ခံမှုသည် တိုင်းရင်းနွယ် အုပ်စုများကို ပိုင်းခြားခွဲခြမ်းမည့် အသုံးချကိရိယာ တန်ဆာပလာလေလော ဟူ၍ စိုးရိမ်မကင်း ဖြစ်နေကြသည်။ ၎င်းက ကချင်ဟူသော ခေါင်းစဉ်အောက်၌ ခြုံငုံခေါ်ဆိုသည့် ဒါဇင်များစွာသော လူမျိုးနွယ်များအကြား သဘောထားကွဲလွဲစေရာ အချက် တစ်ရပ် ဖြစ်လာစေခဲ့ကြောင်း သူမက ပြောကြားခဲ့သည်။

“ လက်ရှိသန်းခေါင်စာရင်းအတွက် သတ်မှတ်ချက်မှာ မျိုးနွယ်စု ၆ ခုထဲကိုဘဲ ကိုယ်စားပြုဖော်ပြထားပါတယ်။ လုံးဝပေါင်းစပ်စုစည်း မရတော့တဲ့ လူမျိုးနွယ်တွေအဖြစ် အဓမ္မပြုလိုက်သလို လူတွေ ခံစားနေကြရပါတယ် ”။

ယင်းသို့ အမျိုးအစားခွဲခြားလိုက်ခြင်းမှာ မိမိပြည်နယ်တွင်းရှိ လက်နက်ကိုင်တော်လှန်သူများထံရှိကြသော “တော်လှန်ရေး စိတ်ဓာတ်” အား တိုက်ခိုက်ချိုးနှိမ်ရန် အလွန် ရှင်းလင်းသည့်ကြိုးပမ်းချက် တစ်ရပ်ဖြစ်သည်ဟု သူမက ဖော်ပြပြောဆိုသည်။ သန်းခေါင်စာရင်းကောက်ယူ သတ်မှတ်မှုမှာ “စစ်မက်၏အကြွင်းမဲ့ တပ်ဦးသစ်” တစ်ခုဖြစ်သည်ဟု ညွှန်းဆိုလိုက်ပါသည်။

ချင်းလူ့အခွင့်အရေးအဖွဲ့၏ပြောရေးဆိုခွင့်ရှိသူ ဆလိုင်း ဘာဝီ သန်း Salai Bawi Thang ကလည်း သန်းခေါင်စာရင်း လုပ်ငန်းစဉ်များနှင့်ပတ်သက်၍ အာဏာပိုင်အစိုးရသည် ဒေသတွင်းပြည်သူများကို လုံလောက်သော အသိပညာပေးမှု မရှိကြောင်း၊ လုပ်ငန်းစဉ်တစ်ရပ်လုံးမှာ စော်ကားမှု နှင့် လွဲချော်သည့်ကိုင်တွယ်စီမံမှုဖြစ်အောင် တမင် ဖန်တီးထားကြောင်း ဝေဖန် ခဲ့သည်။

“ လူထုနဲ့ ဆွေးနွေးတိုင်ပင်နှီးနှောမှု မရှိတဲ့အပြင်၊ ချင်းအမျိုးသားတွေအဖို့ ယုံကြည်ကိုးစားလောက်တဲ့ သတင်း အချက်အလက် တစ်စုံတစ်ရာမှ မရရှိကြပါဘူး။ ရလဒ်အားဖြင့် ချင်းလူမျိုးများစွာအကြား ရှုပ်ထွေးမှု ဖြစ်ပွားလာပြီး – ငါတို့ကို အစိပ်စိပ်အမြွာမြွာ ခွဲထုတ်လေတော့မလား လို့ စိုးရိမ်ပူပန်လာခဲ့ကြပါတယ် ”။

Salai Bawi Thang သည် မိမိပြည်နယ်မှ သန်းခေါင်စာရင်းအရေးကိစ္စကျွမ်းကျင်သူတို့ကိုလည်း မေးမြန်းပြောဆိုခဲ့သည်။ လူဝင်မှုကြီးကြပ်ရေးအရာရှိများနှင့်တွေ့ဆုံဆွေးနွေးပြီးနောက် သူက “ မျိုးကွဲအုပ်စုဝင်တစ်ချို့ရဲ့ အမည် စာလုံးပေါင်းတွေမှာလည်း အမှားမှား အယွင်းယွင်း ဖြစ်နေတယ်။ ဥပမာ – ခူမီးကို ခါမီးလို့ ရေးသားထားကြတယ် ” ဟု မှတ်ချက်စကားဆိုခဲ့သည်။

Salai Bawi Thang နှင့် ဒေါ်ခွန်ဂျာကဲ့သို့လူများစွာက အစိုးရနှင့်တိုင်းရင်းနွယ်အုပ်စုတို့သည် အကောင်းဆုံးပုံချစံ သတ်မှတ်မှုကို သဘော မမျှနိုင်သေးသရွေ့ လုပ်ငန်းစဉ်တစ်ရပ်လုံး ဆိုင်းငံ့ထားပေးရန် တောင်းဆိုနေကြ၏။

အခြားတစ်ဖက်မှာလည်း ရခိုင်ပြည်နယ် ဘူးသီးတောင်မှ ပြည်ထောင်စုကြံ့ခိုင်ရေးနှင့်ဖွံ့ဖြိုးပါတီ၏ လွှတ်တော် ကိုယ်စားလှယ် ဦးရွှေမောင်က သန်းခေါင်စာရင်းကောက်ခံမှုနှင့် ပတ်သက်၍ ရိုဟင်ဂျာတို့အပေါ် ဥပဒေကြောင်းအရသာ သတ်မှတ်ဆောင်ရွက်ရန် အပြုသဘောဆောင် စာတစ်စောင် တင်သွင်းခဲ့သည်။

ရခိုင်ပြည်နယ်၌ ဤအရေးမှာ ပြဿနာကြီးထွားနေဆဲပင်။ ဒေသတွင်းရှိ လူနည်းစုဝင် ရိုဟင်ဂျာတို့၏နိုင်ငံသားဖြစ်မှု ကိစ္စသည် ကြောက်စရာအကြောင်း တစ်ရပ်ဖြစ်နေပြီး ပြင်းထန်သော သဘောကွဲလွဲမှု မကြာခဏ ဖြစ်ပေါ်နေပေသည်။ ယမန်နှစ်က ဒေသခံမွတ်စ်လင်မ် လူ့အဖွဲ့အစည်းတို့အား သန်းခေါင်စာရင်း လုပ်သားတို့သည် ရိုဟင်ဂျာလူထုအား “ဘင်္ဂါလီ” ဟု တံဆိပ်တပ်ရန် အဓမ္မကြိုးပမ်းချက်များအပေါ် ၎င်းတို့မှ ခါးခါးသည်းသည်းငြင်းဆန်သောကြောင့် အကြမ်းဖက်ပြဿနာ အကြိမ်ကြိမ် ပေါ်ပေါက်ခဲ့ရပြီးဖြစ်သည်။

“ ကျွန်တော် သိနားလည်ထားမှုအရ လူတစ်ဦးချင်းဆီမှာ မိမိကိုယ်ပိုင် မျိုးနွယ်အုပ်စုဝင်အမည်ကို ခံယူဖော်ပြခွင့် ရှိနေပါတယ်။ သန်းခေါင်စာရင်းကိစ္စက နိုင်ငံသားဖြစ်မှု ဥပဒေနဲ့ ဘာမှ မပတ်သက်ပါဘူး။ သူတို့အနေနဲ့ လွတ်လပ်စွာ ပြောဆိုနိုင်တယ်၊ လွတ်လွတ်လပ်လပ် ရေးသွင်းနိုင်ပါတယ် ” ဟူသောစကားနှင့်အတူ ဦးရွှေမောင်က – အကြမ်းဖက်မှု ထပ်မံ မဖြစ်ပွားစေရန် ရှောင်ကြဉ်အပ်သည့် အဓိကအချက်မှာ ဒေသခံပြည်သူများနှင့် ဆွေးနွေး တိုင်ပင်နှီးနှောမှုပြု၍ လူ့အဖွဲ့အစည်းဝင်များနှင့် ရင်းနှီးကျွမ်းဝင်သူများကိုသာ သန်းခေါင်စာရင်းကောက်ခံရေး၌ အသုံးပြုသွားရန်ဖြစ်ကြောင်း၊ သို့သာမက သတ်မှတ်စံနှုန်းနှင့် အညီ ရိုးဖြောင့်စွာဆောင်ရွက်ကြမည့် သန်းခေါင်စာရင်းကောက်ခံရေး အထောက်အကူပြု မွတ်စ်လင်မ်စေတနာ့ဝန်ထမ်း ၇၀၀ ဦး၏ အမည်စာရင်းကိုလည်း မိမိမှ တင်သွင်းထားပြီးဖြစ်ကြောင်း ပြောကြားပါသည်။

သို့တစေ မိမိမှာ နစ်နာထိခိုက်မှုကြီးမားမည်ကို အလွန်အမင်းစိုးရိမ်ပူပန်နေကြောင်း၊ အာဏာပိုင်များအနေနှင့် တတ်နိုင်သမျှ အချက်အလက်ကောက်ခံခြင်းကိုသာ အာရုံထားအားစိုက်ကြပြီး နိုင်ငံသားအရေးနှင့်ရွေးကောက်ပွဲအခွင့်အရေးအပေါ် အခြေမပြုလျှင် မည်သည့်ပြဿနာမျှ မဖြစ်နိုင်ကြောင်း သူက ဆိုပါသည်။

“ နိုင်ငံသားဖြစ်မှု နဲ့ မဲပေးခွင့်တွေဟာ သီးခြားအရေးအရာများသာ ဖြစ်ပါတယ်။ သန်းခေါင်စာရင်းကောက်ယူမှုနဲ့ ဆက်နွှယ်ပြီး မလုပ်ဆောင်သင့်ပါဘူး ”။

မည်သို့ဆိုစေကာမူ ဒေါ်ခွန်ဂျာသည် လက်ရှိသန်းခေါင်စာရင်းပုံစံအား မယိုင်မလဲ ဆန့်ကျင်လျက်ရှိနေပါသည်။

“ ကျွန်မတို့အနေနဲ့ သန်းခေါင်စာရင်းကောက်ယူမှုကို ရွှေ့ဆိုင်းလိုက်ဖို့ လိုအပ်ပါတယ်။ လုပ်ငန်းစဉ် တစ်ခုလုံးကို ပြန်လည် သုံးသပ် အစပြုရမှာဖြစ်ပါတယ်။ အာဏာပိုင်အစိုးရဟာ အချက်အလက် စာရင်းတွေလောက်ကိုသာ စိတ်ဝင်စားနေတာ မဟုတ်ဘဲ တိုင်းသူပြည်သားများရဲ့စည်းလုံးညီညွတ်မှုကို ဖြိုခွဲချင်နေတာပဲဖြစ်ပါတယ် ”။

Myanmar Times တွင် ဖော်ပြခဲ့သည့် ဆောင်းပါးရှင် Bill O’Toole ၏ “Minorities want survey delayed” ဆောင်းပါးကို မြင့်မိုရ် မောင်မောင်မှ ဆီလျော်အောင် ဘာသာပြန်ဆိုပါသည်။

January 29, 2014
မြန်မာပြည်က ယုတ်မာလှတဲ့ ခြောက်ခြားဖွယ် အကြမ်းဖက်မှုတွေကို အမေရိကန် အစိုးရ ဘယ်လောက်ထိ ဆန့်ကျင် ရပ်တည်ခဲ့သလဲ

ဇန်နဝါရိ ၁၇၊ ၂၀၁၄
M-Media
ဘာသာပြန်- မြင့်မိုရ်မောင်မောင်

ရခိုင်လူမျိုးတဦး မွတ်စလင်နေအိမ်များကို အကြမ်းဖက်မီးရှို့ပြီး ပြန်အလာကိုရိုက်ကူးထားပုံ
၂၀၁၂ ခုနှစ် ဇွန်လ ၁၀ (ဓါတ်ပုံ- ရိုက်တာ)

မြန်မာပြည်က ကောက်ကျစ်ရက်စက်မှု နှင့် အိုဘားမားအစိုးရ၏မူဝါဒ

(ရိုက်တာသတင်းဓာတ်ပုံ) ၂၀၁၂ ခုနှစ် ဇွန်လ ၁၀ရက် မြန်မာနိုင်ငံ စစ်တွေမြို့၌ ရိုဟင်ဂျာမွတ်စ်လင်မ်နှင့်ဗုဒ္ဓဘာသာဝင်ရခိုင်တို့အကြား တိုက်ခိုက်မှုဖြစ်စဉ်အတွင်း မီးရှို့ထားသောအိမ်ရာများအနီး ကိုယ်တိုင်လုပ်လက်နက်များစွဲကိုင်၍ လမ်းလျှောက်နေသော ရခိုင်အမျိုးသားတစ်ဦး

“မြန်မာပြည်တွင်း ဒီမိုကရေစီ၊ လူ့အခွင့်အရေးအတွက်နဲ့ ချောက်ချားဖွယ် အကြမ်းဖက်မှုတွေကို ဆန့်ကျင်ရပ်တည်ခြင်းတွေမှာ အမေရိကန်ပြည်ထောင်စုဟာ ဒီကာလအတွင်း တကယ်ကို အရေးပါတဲ့ အခန်းကဏ္ဍကနေ ပါဝင်ပေးခဲ့တယ်လို့ ကျွန်တော်မြင်မိပါတယ်။”
( အမေရိကန်နိုင်ငံ၏ ပင်တိုင်ကုလသမဂ္ဂကိုယ်စားလှယ် Samantha Power – ၂၀၁၃ ခုနှစ် နိုဝင်ဘာ ၂၀ ရက် )

“ ဒီကနေ့ နိုင်ငံရေးအကျဉ်းသား တစ်ထောင်ကျော် လွတ်မြောက်လာခဲ့ပါပြီ။ ၂၀၁၅ ရွေးကောက်ပွဲဆိုင်ရာ ခိုင်မာတဲ့ အခြေခံ အဆောက်အဦးထံ ရှေ့ရှု တည်ဆောက်နိုင်ရေး အတွက် မြန်မာပြည်ကို ကျွန်တော်တို့ ကူညီသွားမှာပါ။ အခြေခံဥပဒေပြန်လည်ပြုပြင်ရေးနဲ့ ရင်ကြားစေ့သင့်မြတ်ရေး လုပ်ငန်းစဉ်ကိုလည်း ထောက်ခံ အားပေးလျက် ရှိပါတယ်။ မြန်မာပြည်အနေနဲ့ ပိုမိုပွင့်လင်းမြင်သာမှုနဲ့ပြောင်းလဲမှုဖက် ဦးတည်ခဲ့ရင် ပိတ်ပင်မှုများကို ကျွန်တော်တို့ ဖြေလျော့သွားပါမယ်။ တစ်ဆက်တည်းမှာပဲ တာဝန်ယူနိုင်သော ရင်းနှီးမြှုပ်နှံမှုဖြစ်စေရေး၊ အာဏာရှင်စံနစ်ရဲ့သံမဏိလက်သီးအောက်မှာ ကာလကြာရှည်ဒုက္ခခံစားခဲ့ရတဲ့ အရပ်ဖက်လူ့အဖွဲ့အစည်းလှုပ်ရှားသူများနဲ့ ပြည်သူတွေအတွက် ခိုင်မာအားကောင်းသော အထောက်အကူရရေးကို တိုက်တွန်းသွားပါမယ် ”။
( ၂၀၁၃ ခုနှစ် နိုဝင်ဘာလ ဂျော့ဂ်ျတောင်းတက္ကသိုလ်တွင် ပြောကြားခဲ့သော အမျိုးသားလုံခြုံရေးအတိုင်ပင်ခံ Susan Rice ၏မိန့်ခွန်းမှ ကောက်နှုတ်ချက် )

အိုဘားမားအစိုးရက မြန်မာနိုင်ငံ၏ လက်ရှိနိုင်ငံရေးပြုပြင်ပြောင်းလဲမှုများကို မိမိတို့ နိုင်ငံခြားရေးမူဝါဒအောင်မြင်မှုဖြစ်စဉ်များအနက် တစ်ခုအဖြစ် မကြာခဏ ညွှန်းဆိုလေ့ရှိသည်။ ငြိမ်းချမ်းရေးနိုဗယ်လ်ဆုရှင် ဒေါ်အောင်ဆန်းစုကြည်သည် နေအိမ်အကျယ်ချုပ်ကာလရှည်မှလွတ်မြောက်ခဲ့၍ ရက်စက်ကြမ်းကြုတ်သည့် စစ်အာဏာရှင်အုပ်ချုပ်ရေးမှ စစ်တပ်တစ်ပိုင်းအရပ်သားတစ်ပိုင်းအုပ်ချုပ်ရေးအဖြစ်လမ်းဖော်ခဲ့စဉ် လွှတ်တော်အတွက် အမတ်တစ်ဦးအဖြစ် ရွေးချယ်ခံခဲ့ရသည်။ သို့သော်လည်း ယင်းအုပ်ချုပ်ရေးစနစ်မှာ စစ်အရာရှိဟောင်းများ မင်းမူကြီးစိုးလျက်ရှိရာ အာဏာရှင်အနံ့အသက်မကုန်သေးသည့် လုပ်ငန်းစဉ်ဖြစ်နေသည်။

သမ္မတအိုဘားမားသည် လူထုနှင့် မီဒီယာ၏ အာရုံစိုက်ခြင်းခံရသော မိမိ၏ ၂၀၁၂ မြန်မာပြည်ခရီးစဉ်ဖြင့် သမ္မတဦးသိန်းစိန်အစိုးကို ချီးမြှောက်ခဲ့သည်။ ယင်းကာလအတွင်း ဦးသိန်းစိန်မှ လူ့အခွင့်အရေးနှင့်ဒီမိုကရေစီအခြေခိုင်ရေး အချက် ၁၁ ရပ်ကို ကတိပေးဖော်ပြခဲ့သည်။ ၂၀၁၃ ခုနှစ် အိမ်ဖြူတော်သို့ အလည်အပတ်ရောက်ရှိရာတွင် ထိုအချက်များကို ဦးသိန်းစိန်မှ ထပ်မံအတည်ပြုခဲ့သည်။

ယင်းသို့ နိုင်ငံရေးအရအသွင်ကူးပြောင်းမှုများသည် ခက်ခဲရစမြဲဖြစ်လေရာ အိုဘားမားအစိုးရအဖွဲ့က ထိန်းညှိတုန့်ပြန်မှုကိုသာ ပြုလုပ်ထား၏။ အမေရိကန်ပြည်ထောင်စုသည် စစ်အုပ်ချုပ်ရေးအပေါ် ပိတ်ဆို့မှုပြုရန်တွန်းအားပေးရာ၌ ဦးဆောင်ခဲ့သော်လည်း ပိုမိုပွင့်လင်းမြင်သာမှုဖြစ်အောင် အားပေးသည့်အနေနှင့် ပိတ်ဆို့မှုများစွာကို ဖယ်ရှားပေးလိုက်ပြီး ယခုအခါ စီးပွားရေးရင်းနှီးမြှုပ်နှံမှုများမှာ မြန်မာနိုင်ငံအတွင်း မပြတ်ဝင်ရောက်လျက်ရှိ နေသည်။ စစ်တပ်မှရေးဆွဲခဲ့သည့် အခြေခံဥပဒေအရ လွှတ်တော်အမတ်နေရာ၏အနည်းဆုံး ၂၅ ရာခိုင်နှုန်းသည် စစ်တပ်အတွက် လျာထားပေးရသည်။ သို့ဖြစ်၍ ဒေါ်စုကြည်၏နိုင်ငံရေးပါတီအနေဖြင့် ယှဉ်ပြိုင်အရွေးခံအမတ်နေရာများမှာ ကြီးမားစွာကန့်သတ်ခံထားရပေသည်။ လက်ရှိအခြေခံဥပဒေ၏စည်းမျဉ်းများက သူမအား သမ္မတဖြစ်ရေးကို ပိတ်ဆို့နေ၏။

ပိတ်ဆို့မှုများကို အလျင်အမြန် ရုပ်သိမ်းပေးခြင်းက မွတ်စ်လင်မ်တို့အပေါ် ရက်စက်ကြမ်းကြုတ်စွာတိုက်ခိုက်မှုများ နှင့် တိုင်းရင်းသား ပဋိပက္ခရှေ့ဆက်နေမှုများကဲ့သို့ လူ့အခွင့်အရေးချိုးဖောက်ချက်တို့ကို ပိုမိုဖွင့်ချပြရန် အစိုးရအား တွန်းအားပေးဖို့တွင် အမေရိကန်၏ ပါဝါကို အားနည်းသွားစေသလားဆိုသည်မှာ အဓိကမေးမြန်းစရာ ဖြစ်လာပေသည်။

ဤအရေးနှင့်စပ်လျဉ်းသည့်ရည်ရွယ်ချက်များကို ဆန်းစစ်ရန်အလို့ငှာ Samantha Power နှင့် Susan Rice တို့၏အဆိုအရ အိုဘားမားအစိုးရသည် စက်ဆုပ်ဖွယ်အကြမ်းဖက်မှု များအပေါ် မည်သို့ ဆန့်ကျင်ရပ်တည်မည်နည်း၊ အရပ်သားအဖွဲ့အစည်းလှုပ်ရှားသူများနှင့်ပြည်သူတို့အား သန်စွမ်း အားကောင်းသည့်ထောက်ခံချက်ဖြစ်လာအောင် မည်သည့် အပေးအယူပြုမည်နည်း၊ မြန်မာနိုင်ငံနှင့် စစ်ရေး ပူးပေါင်းဆောင်ရွက်မှုမြှင့်တင်ရန် အမေရိကန်မှ မည်သို့ရည်ရွယ်ထား သနည်း ဟူသောအကြောင်းတို့ကို ကျွန်ုပ်တို့မှ သုံးသပ်ရပေလိမ့်မည်။

အိမ်ဖြူတော်အရာရှိတစ်ဦးဖြစ်ခဲ့သော Power သည် ၂၀၁၂ ခုနှစ်၌ အိုဘားမား၏ မြန်မာနိုင်ငံခရီးစဉ်အတွင်း ဘလော့ဂ်ပို့စ်တစ်ခု၌ “ မွတ်စ်လင်မ် ဆန့်ကျင်ရေးအကြမ်းဖက်မှုတွင် တာဝန်ရှိသူများအား မဆိုင်းမတွဖော်ထုတ်စီရင်ရန် အထူးလိုအပ်နေကြောင်း ” အပါအ၀င် အချို့အရေးပါသည့် အချက်များကို ချပြခဲ့သည်။

လက်ရှိ ဘာသာရေး လူမျိုးရေးခွဲခြားအကြမ်းဖက်မှုအန္တရာယ်မှာ ရှမ်းပြည်နယ်၊ ကချင်ပြည်နယ်၊ ရခိုင်ပြည်နယ်အပါအ၀င် ဒေသတွင်းအဖို့ နက်နက်ရှိုင်းရှိုင်း စိုးရိမ်စရာ အဖြစ်ရှိနေသေး၏။ အရေးယူဖြေရှင်းမှုပျက်ကွက်ခဲ့သော် အမျိုးသားပြန်လည်ညီညွတ်ရေး၊ တည်ငြိမ်ရေး၊ ရေရှည်ငြိမ်းချမ်းရေးများ သို့ရှေ့ရှုသည့် တိုးတက်မှုမှာ ယိုင်နဲ့ ပြိုလဲသွားပေလိမ့်မည်။ ဒေသအများအပြားတွင် ကလေးငယ်များနှင့် အမျိုးသမီးများအပါအဝင် ပြည်သူလူထုအပေါ် ဆိုးဝါးသော လူ့အခွင့်အရေးချိုးဖောက်မှုများက ရှိနေဆဲ၊ ထောင်သောင်းချီသည့် နေရပ်စွန့် ဒုက္ခသည်များအား လူသားချင်း စာနာကူညီပေးရေးမှာလည်း ပြဿနာကြီး တစ်ရပ်အဖြစ် အသွင်ဆောင်နေဆဲ။ အစိုးရအဖွဲ့နှင့် တိုင်းရင်းသား လူမျိုးစုတို့သည် ငြိမ်းချမ်းရေးကို ရေရှည်တည်တံ့စေမည့် လမ်းကြောင်းတစ်ခုအား အတူတကွ ဖော်ဆောင်ရန် အရေးပေါ်လိုအပ်နေပေသည်။ ၄င်း၌ လူနည်းစုအခွင့်အရေးများ၊ ကွဲပြားခြားနားမှုအပေါ် အကြမ်းဖက်ခြင်းမပြုဘဲ အပြန်အလှန်ဆွေးနွေးမှုဖြင့်ဖြေရှင်းရေး၊ အတိတ်ဒဏ်ရာများကို ကုစားရေး၊ ပြန်လည်ပြုပြင်မှုလမ်းကြောင်းသို့ ခေါ်ဆောင်ရေး စသည်များ ပါဝင်ရပါမည်။ ရခိုင်ပြည်နယ်၏အခြေအနေ၊ မကြာသေးမီကဖြစ်ပွားခဲ့သော ရိုဟင်ဂျာနှင့် အခြားမွတ်စ်လင်မ်ဆန့်ကျင်ရေး အကြမ်းဖက်မှုများက နိုင်ငံတွင်းရှိ လူတစ်ဦးချင်း၏ လုံခြုံဘေးကင်းရေး ခိုင်မာအောင်လုပ်ဆောင်ဖို့ အရေးတကြီး အလျင်အမြန် လိုအပ်နေကြောင်း အဖြေထုတ်ပြနေပေသည်။ အကြမ်းဖက်ခြင်းဆိုင်ရာသတင်းများအားလုံး စုံစမ်းစစ်ဆေးကာ တာဝန်ရှိသူများကို ရုံးတင်အရေးယူရန်၊ ရိုဟင်ဂျာများကို နိုင်ငံသားအခွင့်အရေး တင်းပြည့်ကျပ်ပြည့်ပေးရန်၊ ပြည်တွင်းနေလူထုအားလုံးအတွက် စီးပွားရေးဆိုင်ရာအခွင့်အလမ်းကိုဖော်ဆောင်ပေးရန် အရေးကြီးပါသည်။

သတိပြုစရာအချက်များ

နိုင်ငံရေးအကျဉ်းသားတစ်ထောင်အား လွှတ်ပေးလိုက်ခြင်းကို Rice က မိန့်ခွန်းပြောစဉ် ထည့်သွင်းချီးမွှမ်းခဲ့သည်။ သို့သော် အစိုးရသည် တက်ကြွ လှုပ်ရှားသူများကို မဆိုစလောက်သော အကြောင်းပြချက်များဖြင့် အကျဉ်းထောင်သို့ တဖန်ပြန်သွင်းနိုင်သည့် နားလှည့်ပါးရိုက် အချည်အနှောင် လွတ်ငြိမ်းချမ်းသာခွင့်ဖြစ်ကြောင်းကိုမူ သူမမှ ဖော်ပြရန် သတိလက်လွတ်ဖြစ်သွားခဲ့သည်။

ဤတွင် လေ့လာသူတစ်ဦးက မြန်မာနိုင်ငံ၌ လူ့အခွင့်အရေးပေါ်ရပ်တည်ပေးသော အထောက်အထားပြသရန် Power အား တောင်းဆိုခဲ့သည်။ သံတမန်ထံမှပေါက်ကြားသောသတင်းအရ လူ့အခွင့်အရေးကို ၂ နှစ်တိုင်တိုင် ထဲထဲဝင်ဝင် လှုပ်ရှားခဲ့သူအကျဉ်းသားမှာ လွှတ်မြောက်လာခဲ့သည်။ သို့သော် အကြောင်းမလှစွာဖြင့် ထိုသူသည် ရက်သတ္တပတ်အနည်းငယ်အကြာတွင်၂၀၀၇ ခုနှစ်မှကိစ္စတစ်ခုဖြင့် စွဲချက်တင်၍ ပြန်လည် ဖမ်းဆီးထောင်ချခံလိုက်ရသည်။ Power မှာ လတ်တစ်လော (ပြန်လည်)ဖမ်းဆီးမှုနှင့်ပတ်သက်ပြီး တစ်စွန်းတစ်စပင် မသိထားချေ။ ၂၀၁၄ နှစ်သစ် လွတ်ငြိမ်းချမ်းသာခွင့်အရ နိုင်ငံရေးအကျဉ်းသားများကို ပြန်လွှတ်ပေးခဲ့သော်လည်း ရိုဟင်ဂျာအကျဉ်းသား တစ်ထောင်ကျော် ကျန်ရစ်နေသေးသည်ဟု သတင်းများထွက်ပေါ်နေလေရာ နားလှည့်ပါးရိုက်လွတ်ငြိမ်းချမ်းသာခွင့်သာဖြစ်ကြောင်း ထင်ရှားပေါ်လွင်လာပေသည်။

သံတမန်ရေးထိရှမခံရသည့်အခြေအနေအောက်မှ မေးမြန်းလာသော မေးခွန်းအပေါ် အမေရိကန်နိုင်ငံခြားရေး ဝန်ကြီးဌာနမှအထက်တန်းအရာရှိ တစ်ဦးက ကိုယ်စားဖြေကြားခဲ့ရသည်။ ယင်းသို့ နားလှည့်ပါးရိုက်လွတ်ငြိမ်းချမ်းသာခွင့်များနှင့်စပ်လျဉ်း၍ အမေရိကန်ပြည်ထောင်စုမှ စိုးရိမ်မကင်းရှိဆဲဖြစ်ကြောင်း၊ ၄င်းသည် စုရုံးခွင့်နှင့်ဆိုင်သည့် ဥပဒေကဲ့သို့သော ပြုပြင်တည့်မတ်ရန်လိုအပ်သည့် ဥပဒေဆိုးများကို ပြန်လည် ဆန်းသစ်ရန် အစိုးရအား တွန်းအားပေးနေကြောင်း၊ ထိုအချက်မှာ ပြန်လည်ဖမ်းဆီးထိန်းသိမ်းခံရမှုများစွာအတွက် အခြေခံအချက်ဖြစ်ကြောင်း – “ အစိုးရကို တွန်းအားပေးဖို့ ကျွန်တော်တို့ မရှက်မကြောက် ဆောင်ရွက်သွားမှာပါ ” ဟု ဆိုခဲ့သည်။

၂၀၁၃ ခုနှစ်အစောပိုင်း၌ ဥပဒေကြမ်းတစ်ရပ်နှင့်ပတ်သက်ပြီး အရပ်ဖက်လူ့အဖွဲ့အစည်းအုပ်စုများမှ စိုးရိမ်ပူပန်ခဲ့ကြသည်။ ၄င်းက သူတို့၏လှုပ်ရှားမှုများကို ကြီးစွာကန့်သတ်ထိန်းချုပ်နိုင်မည်ဟု ယုံကြည်သောကြောင့်ဖြစ်၏။ လွှတ်တော်အမတ်များနှင့် အရပ်သား ကျွမ်းကျင်သူများမှ ပြန်လည်ရေးသား သတ်မှတ်ရန် အမေရိကန်ပြည်ထောင်စုက လမ်းကြောင်းဖော်ပေးခဲ့သည်။ “အခုထွက်လာတဲ့ ဥပဒေမူကြမ်းက တော်တော်လေးကိုကောင်းပါတယ် ” ဟု ထိုအရာရှိက ဆိုသည်။

သို့သော် ထိုမူကြမ်းမှာ ဥပဒေအဖြစ် အတည်မပြုသေး၊ အခြားဥပဒေများလည်း မြှင့်တင်ပြဋ္ဌာန်းမှု မရှိသေး။ အရပ်ဖက်လူ့အဖွဲ့အစည်းတို့သည် မငြိမ်မသက်ဖြစ်လာပြီး ဖိနှိပ်ရေးဥပဒေများကို ကန့်ကွက်ဆန္ဒပြရန် ပြင်ဆင်လာကြသည်။

အစိုးရအာဏာပိုင်များမှ လူသိရှင်ကြားဆိုထားသောလုပ်ငန်းစဉ်များမှာလည်း လမ်းကြောင်းပေါ်တက်မလာသေးပေ။ ဇူလိုင် ၁၅ ရက်၊ ဗြိတိန်တွင်ပေးသော မိန့်ခွန်း၌ ဦးသိန်းစိန်က “ ရက်သတ္တပတ်အနည်းငယ်ကျော်လွန်ပြီးတဲ့အခါ တစ်နိုင်ငံလုံး အပစ်အခတ် ရပ်စဲရေးဖြစ်တော့မှာပါ။ နှစ်ပေါင်း ၆၀ ကျော်အတွင်း ပထမဆုံး အကြိ်မ်အဖြစ် မြန်မာပြည်ထဲ သေနတ်သံတွေ တိတ်ဆိတ်သွားတော့မှာဖြစ်ပါတယ် ” ဟူ၍ ကြေငြာခဲ့သည်။ သို့ရာတွင် သေနတ်များမှာ အသံမတိတ်ခဲ့။ တစ်လောကလည်း ညှိနှိုင်းရေးခေါင်းဆောင် ဦးအောင်မင်းက “ ၂၀၁၄ ခုနှစ် အာဆီယံအစည်းအဝေးအတွက် ဒေသတွင်းခေါင်းဆောင်တွေ မြန်မာပြည်ကိုရောက်လာတဲ့အခါ ငြိမ်းချမ်းရေးဖော်ဆောင်မှုအောင်မြင်ကြောင်း သတင်းကောင်းကို တင်ပြနိုင်ဖို့ ကျွန်တော် မျှော်လင့်နေပါတယ် ” ဟု ဆိုခဲ့သေးသည်။

အိုဘားမားသို့ပြောကြားခဲ့သော ဦးသိန်းစိန်၏ကတိပေးအတည်ပြုချက်များစွာတို့သည် အပြည့်အ၀ ဆောင်ရွက်ခြင်း မရှိခဲ့။ သို့တည်းမဟုတ် လျစ်လျူရှုလိုက်ခြင်းပင် ဖြစ်နိုင်သည်။ လူ့အခွင့်အရေးဆိုင်ရာကုလသမဂ္ဂအထူးကော်မရှင်နာရုံးတစ်ရုံး ဖွင့်လှစ်ရေးကတိက၀တ်အပေါ် မည်သည့်ဆောင်ရွက်ချက်မှမရှိသေးကြောင်းကို ထိုအရာရှိက “ ကုလသမဂ္ဂရုံးတစ်ရုံး ဖွင့်လှစ်ဖို့ကို ကျွန်တော်တို့ အပြင်းအထန်ဖိအားပေးနေပါတယ် ” ဟူသောစကားဖြင့် ၀န်ခံပြောကြားခဲ့၏။

လူ့အခွင့်အရေးနှင့်ပတ်သက်၍ ထင်သလောက် ခရီးမပေါက်ကြောင်းကိုလည်း အများပြည်သူတို့ထံ ထုတ်ကြားပြောဆိုချက်များ၌ ထင်ထင်ရှားရှားတွေ့ရ၏။ ကုလသမဂ္ဂ အထွေထွေညီလာခံရှိ အာရှအုပ်စုသို့ တင်ပြရှင်းလင်းသော responsible investment in Burma အစီအစဉ်တွင် State Department Burma coordinator ဖြစ်သူ Judith Cefkin သည် တိုင်းရင်းသားပဋိပက္ခများ၊ မွတ်စ်လင်မ်တို့ အပေါ်တိုက်ခိုက်မှုများနှင့် အောင်ဆန်းစုကြည် အကြောင်းကိုပင်လျှင် တစ်လုံးတစ်ပါဒမျှ မဟခဲ့ဘဲ အမေရိကန်နိုင်ငံအဖို့ အဓိကဦးစားပေးမှာ စီးပွားရေးဖွံ့ဖြိုး တိုးတက်စေရန်ဖြစ်သည်ဟူသည်ကိုသာ ထုတ်ဖော်ပြောကြားခဲ့သည်။

“ ကျွန်မတို့မူဝါဒထဲမှာ လုပ်ငန်းနယ်ပယ်ရဲ့အဓိကသော့ချက်တစ်ခု နဲ့ အမေရိကန်အစိုးရအတွက် အဓိက ဦးစားပေးချက်ကတော့ မြန်မာ့စီးပွားရေး ဖွံ့ဖြိုးတိုးတက်ဖို့ဖြစ်တယ်။ ဒါပေမယ့် စီးပွားရေးဖွံ့ဖြိုးတိုးတက်မှုက မြန်မာပြည်သူတို့ ကောင်းစားရေးကို ကျယ်ကျယ်ပြန့်ပြန့် ဖြစ်ထွန်းစေမယ့် လမ်းကြောင်းအတိုင်း ဖြစ်လာမှာပါ” ဟူ၍ မြန်မာနိုင်ငံခြားရေးဝန်ကြီးပါဝင်သော ပရိသတ်သို့ ၄င်းက ပြောဆိုခဲ့သည်။

တွေ့ဆုံမေးမြန်းခန်းတွင် အမေရိကန်ပြည်ထောင်စုသည် အခြားအနောက်နိုင်ငံများအတိုင်းမဟုတ်ပဲ ပိတ်ဆို့မှုအချို့ကို ဆက်လက် ထိန်းသိမ်းထားကြောင်း၊ ဘဏ္ဍာရေးဝန်ကြီးဌာန ထိန်းသိမ်းထားသည့် မြန်မာနိုင်ငံအတွက် ကန့်သတ်ပုဂ္ဂိုလ်စာရင်းမှာလည်း သက်ဝင်လှုပ်ရှားမှု ရှိနေသေးကြောင်း အမေရိကန်နိုင်ငံခြားရေးမှ အထက်တန်းအရာရှိ တစ်ဦးက ထောက်ပြခဲ့သည်။ ထိုစာရင်းကို များမကြာသေးမီက ထပ်မံတိုးမြှင့်ပေါင်းထည့်လိုက်သော်လည်း မြောက်ကိုးရီးယားနှင့်ဆက်ဆံရေးမကင်းသည့်အချက်များနှင့်ဆက်နွှယ်နေပြီး လူ့အခွင့်အရေးကဏ္ဍ မဟုတ်ချေ။
“မြောက်ကိုးရီးယားနှင့်စစ်ရေး ဆက်ဆံမှုကို အပြုသဘောဆောင်တိုးမြှင့်ထားသော မြန်မာအစိုးရအပေါ် ယင်းသို့သော ကန့်သတ်ချက်က ထိရောက်မှုမရှိကြောင်း” သတင်းများက အသားပေးဖော်ပြခဲ့သည်။

မြန်မာနိုင်ငံ၌ နိုင်ငံရေးနယ်ပယ် ပိုမိုပွင့်ဟလာသည့်တိုင် တစ်ချိန်တည်းမှာပင် မွတ်စ်လင်မ်ဆန့်ကျင်ရေး အကြမ်းဖက် လှိုင်းသည်လည်း ပေါ်ပေါက်လာခဲ့သည်။ အထူးသဖြင့် မွတ်စ်လင်မ် လူနည်းစုဝင်တစ်ခုဖြစ်သော ရိုဟင်ဂျာတို့အား အစွန်းရောက် ဗုဒ္ဓဘာသာဝင်များမှ ပစ်မှတ်ထား တိုက်ခိုက်မှုများမှာ နိုင်ငံအာဏာပိုင်၏ကျောထောက်နောက်ခံ အားပေးမှုဖြစ်နေကြောင်း ပေါ်လွင်လာ၏။ မြန်မာ့ ပိုင်နက် အတွက် ဆယ်စုနှစ်များစွာ နေထိုင်လာကြလင့်ကစား နိုင်ငံသားပေးရန်ငြင်းပယ်မှုအပါအ၀င် အစိုးရ အာဏာပိုင်များက ခွဲခြားချိုးနှိမ်ထားကြသည်။ အမေရိကန်သံအမတ် ဒဲရက် မစ်ရှဲလ် (Derek Mitchell) သည် ထိုဒေသသို့ လေးကြိမ်တိုင်တိုင် ရောက်ခဲ့ပြီးဖြစ်သည်။

“ ရန်ကုန်က ကျွန်တော်တို့သံရုံးကနေဦးဆောင်ပြီး မြန်မာအစိုးရကို ဒီပြဿနာအရေးမှာ တင်းတင်းကြပ်ကြပ်နဲ့ မှန်မှန်ကန်ကန် ရပ်တည်ဖို့ ၊ မလုပ်မဖြစ်လို့ အချိန်ကိုက် ထင်ကြေးမျိုးနဲ့ မဟုတ်ဘဲ အကြမ်းဖက်မှု ဖြစ်ပေါ်လာအောင် သွေးထိုးမှိုင်းတိုက်နေသူအားလုံးကို အမြစ်ပြတ်နှိမ်နှင်းဖို့ ဖိအားပေးခဲ့ကြပါတယ်။ ဘာသာရေးအစွန်းရောက်မှုနဲ့လူမျိုးခွဲခြားအကြမ်းဖက်မှုအပေါ် ပိုမိုပြင်းထန်တိကျစွာ အရေးယူဖို့၊ ဒါ့အပြင် ရခိုင်ပြည်နယ်ထဲကဖြစ်စဉ်တွေအပါအ၀င် မရပ်မနားဆိုးဆိုးဝါးဝါးဖြစ်နေတဲ့ လူ့အခွင့်အရေးချိုးဖောက်ချက်တွေကို ကြပ်မတ်လမ်းညွှန်ဖို့ ကျွန်တော်တို့ တိုက်တွန်းခဲ့ကြပါတယ် ” ဟု ထိုအရာရှိမှပင် ပြောဆိုပါသည်။

မြန်မာနိုင်ငံမှရိုဟင်ဂျာများအား ဆက်ဆံနေပုံနှင့်ပတ်သက်ပြီး စိုးရိမ်မိကြောင်း အိုဘားမှအစိုးရက ကုလသမဂ္ဂအထွေထွေညီလာခံနှင့်ပူးတွဲ ထုတ်ပြန်ပြောဆို ခဲ့သည်။ သို့ရာတွင် မွတ်စ်လင်မ်ဆန့်ကျင်ရေးအကြမ်းဖက်မှုများအတွင်း လွတ်လပ်သောကွင်းဆင်းလေ့လာမှုပြုလုပ်ရန် လူ့အခွင့်အရေးဗေဒပညာရှင်များ(PHR)၊ ငြိမ်းချမ်းရေးနိုဗယ်လ်ဆုရှင် ၁၂ ဦး နှင့် လူ့အခွင့်အရေးဆိုင်ရာ ကုလသမဂ္ဂကော်မရှင်နာမင်းကြီးတို့၏ ကမ်းလှမ်းချက်ကိုတော့ မထောက်ခံခဲ့ချေ။ အကြမ်းဖက်ဖြစ်စဉ်များကြောင့် လူပေါင်း တစ်သိန်းလေးသောင်းအထိ ဒုက္ခသည်စခန်း၌့ ရောက်နေကြရသည်။

လွတ်လပ်သောစုံစမ်းမှုကို အမေရိကန်ပြည်ထောင်စုမှ အဘယ်ကြောင့် မထောက်ခံကြောင်း ရှင်းလင်းရာ၌ “ အနာဂတ်အကြမ်းဖက်မှုကို အကောင်းဆုံးကာကွယ်နိုင်တာကတော့ တာဝန်ယူ(တတ်)မှုပါပဲ။ မြန်မာအစိုးရအနေနဲ့ ဒီမျက်နှာစာအပေါ်မှာ ပိုမိုဆောင်ရွက်ဖို့ ကျွန်တော်တို့ အလေးအနက်ထားဖိအားပေးသွားမယ်။ အကြမ်းဖက်မှုအတွက် တာဝန်ရှိသူတစ်ဦးချင်းကို စုံစမ်းစစ်ဆေးအရေးယူမှု စတင်နေပါပြီလို့ဆိုပေမယ့်လည်း အစိုးရအနေနဲ့ ဒီ့ထက် ပိုလုပ်နိုင်ပါတယ်။ ဒီ့ထက် ပိုလုပ်သင့်တယ် ” ဟူ၍ ထည့်သွင်းပြောဆိုခဲ့၏။
“ဒီအချိန်မှာ ကျွန်တော်တို့ ရဲ့ စမ်းစစ်မှုတွေအရ ဒီလို နိုင်ငံတကာ စုံစမ်းစစ်ဆေးမှုကို ထောက်ခံခြင်းက ဒီပန်းတိုင်ကို ရောက်အောင် တွန်းအားမပေးနိုင်ပါဘူး။ ကျွန်တော်တို့ အခြေအနေကို စောင့်ကြည့်သုံးသပ်နေပြီး အဲ့ဒီအတိုင်း ကျွန်တော်တို့ရဲ့ မူဝါဒတွေကို ထိန်းညှိအကောင်အထည်ဖော်သွားမှာပါ” ဟု ၎င်းက ထပ်လောင်းပြောဆိုခဲ့သည်။

ရိုဟင်ဂျာတို့အား တိုက်ခိုက်မှုများတွင် ဦးဆောင်နေသည်ဟု သတင်းကြီးနေသော နစက အမည်ရှိ နယ်ခြားစောင့်တပ်ကို ဖျက်သိမ်းရန်ကိုလည်း မိမိတို့မှ တွန်းအားပေးနိုင်ခဲ့ကြောင်း၊ ယင်းတပ်ဖွဲ့ကို ဒေသခံရခိုင်ရဲများဖြင့် အစားထိုးလိုက်ကြောင်း၊ သို့သော် လူနည်းစုမွတ်စ်လင်မ်များ အပေါ် ဆက်ဆံရေး ကောင်းမွန် တိုးတက်လာနိုင်ချေ မရှိသလောက်ပါဟု သတင်းအချို့ကဆိုကြောင်း၊ အစားထိုးမှုကို မိမိတို့မှ ဆက်လက်လေ့လာစောင့်ကြည့်နေကြောင်း ထိုအရာရှိမှ ပြောကြားခဲ့သည်။

ဘဏ္ဍာရေးဝန်ကြီးဌာနမှ နစကအား ထောက်ပံ့နေမှုကို ရပ်ဆိုင်းလိုက်ခြင်းက ဦးသိန်းစိန်အနေနှင့် နစကကို ဖျက်သိမ်းစေလိုက်ကြောင်း လူ့အခွင့်အရေးလေ့လာစောင့်ကြည်သူတစ်ဦးက မှတ်ချက်ပြုပြောကြားခဲ့သည်။

နစကအဖွဲ့ခေါင်းဆောင်တစ်ဦးချင်းစီကို အဘယ်ကြောင့် ဦးတည်မပိတ်ဆို့သနည်း ဟူသောမေးခွန်းနှင့်ပတ်သက်၍ “ လက်တွေ့အားဖြင့် နစကအဖွဲ့ဝင်တစ်ဦးချင်းစီကို စာရင်းပြုစုတာဟာ မြန်မာအစိုးရကိုယ်တိုင်က တာဝန်ယူဖြေရှင်းခဲ့တာထက်ပိုတဲ့ သရုပ်ပြလို့ရလောက်တဲ့ အကျိုးသက်ရောက်မှုရှိလာဖို့ မရှိသလောက်ပါဘဲ ။ အထောက်အထားခိုင်ခိုင်လုံလုံရလာတဲ့အခါ အုပ်စုလိုက်ရော တစ်ဦးချင်းစီကိုပါ ပြန်လည်စိစစ်လို့ ပိတ်ဆို့ စာရင်းသစ်ထဲ ထည့်သွင်းရပါလိမ့်မယ် ” ဟု ၄င်းကပင် ဖြေကြားသည်။ ဆက်လက်၍လည်း အိုဘားမားအစိုးရသည် ရိုဟင်ဂျာများ အတွက် နိုင်ငံသား လမ်းကြောင်းကို ဖန်တီးပေးရန် အာဏာပိုင်တို့အား အမှန်ပင် တိုက်တွန်းခဲ့ကြောင်း၊ အာဏာပိုင်များက ထိုကိစ္စအတွက် မိမိတို့ထံ အစီအစဉ်များရှိသည်ဟု ဆိုခဲ့ကြောင်း၊ ၄င်းမှာ နှုတ်ပြော သက်သက်မဟုတ်ဟု မိမိတို့မှထင်မြင်ကြောင်း၊ အစိုးရအတွင်း ပြင်ဆင်မှု လက္ခဏာအချို့ကို မြင်တွေ့နေရကြောင်း၊ သို့သော် ၄င်းတို့သည် ပြည်တွင်းတုန့်ပြန်မှုနှင့်စပ်လျဉ်း၍ စိုးရိမ်မှုရှိနေကြောင်း ပြောပြခဲ့သည်။

ဗုဒ္ဓဘာသာဝင် ပြဿနာဘုန်းကြီး အရှင်ဝီရသူအား တိုင်းမ်မဂ္ဂဇင်းမှ “the face of Buddhist terror” ဟု တံဆိပ်ကပ်လိုက်ပြီးနောက် ဦးသိန်းစိန်က ထိုသူ့ကို အကာအကွယ်ပေးခဲ့ခြင်းမှာ ထူးခြားလှသည်။

မြန်မာနိုင်ငံနှင့် စစ်ရေးဆက်ဆံမှုတိုးမြှင့်ရန် အိုဘားမားအစိုးရ၏ခြေလှမ်းဆန့်ထုတ်ခြင်းက မြန်မာနိုင်ငံလူဦးရေ ၄၀ ရာခိုင်နှုန်းထိရှိသော တိုင်းရင်းသားအုပ်စုများကို အလန့်တကြား ဖြစ်သွားစေသည်။

“ အသင်တို့၏ စစ်ရေးဆက်ဆံမှု လက်ရှိချဉ်းကပ်ချက်က ကျွန်ုပ်တို့အား အထူးပူပင်စိုးရိမ်မှုဖြစ်စေပါသည်။ ၄င်းသည် ကျွန်ုပ်တို့အပေါ် ဗမာစစ်တပ်၏လူ့အခွင့်အရေးချိုးဖောက်စော်ကားမှုများအဆုံးသတ်စေရေးဟူသော ပန်းတိုင်ကို အကျိုးဖြစ်ထွန်းစေမည်မဟုတ်သလို၊ ကျွန်ုပ်တို့အား အမျိုးသားပြန်လည်သင့်မြတ်ရေးသို့ နီးကပ်သွားစေလိမ့်မည် မဟုတ်ပါ။ လူ့အခွင့်အရေးဆိုင်ရာ သင်တန်းနှင့်စစ်တပ်၏စီးပွားရေး လက်ဝါးကြီးအုပ်မှုရပ်တန့်ရေး ကဲ့သို့သော တင်ကြို သဘောတူညီချက် အပါအ၀င် ကျွန်ုပ်တို့အရေးကို ထည့်သွင်းစဉ်းစားခြင်းမပြုဘဲ စစ်ရေးပူးပေါင်းဆက်ဆံမှုသို့ တက်လှမ်းမှု မပြုပါရန် မေတ္တာရပ်ပါသည် ” ဟု တိုင်းရင်းသားပေါင်းစုံအဖွဲ့များမှ အိုဘားမားထံသို့လည်းကောင်း၊ ဗြိတိန်နှင့်သြစတေးလျ၏ ၀န်ကြီးချုပ်များထံသို့ လည်းကောင်း ရေးသားပေးပို့ခဲ့သည်။

အိုဘားမားအစိုးရ၏ စစ်ရေးဆက်ဆံမှုဆန့်ထုတ်ရန် ဆုံးဖြတ်ချက်အပေါ် ကွန်ကရက်လွှတ်တော်အမတ်အချို့က သံသယရှိကြသည်။ “ ဗမာစစ်တပ်ဟာ ကိုယ့်နိုင်ငံထဲက လူတွေကိုသတ်ဖြတ်တာ၊ မုဒိန်းကျင့်တာ၊ မြေယာသိမ်းယူတာ အဆုံးသတ် ရပ်တန့်ရေးအတွက် သင်တန်းပေးစရာမလိုအပ်ဘူးလို့ ကျွန်တော် ထင်မြင်တယ် ” ဟူ၍ မကြာသေးမီက လွှတ်တော်ကြားနာမှုတစ်ရပ်၌ လွှတ်တော်ကိုယ်စားလှယ် Joseph Crowley (D-N.Y.) မှ ပြောကြားလိုက်သည်။

Power သည် အိုဘားမားအစိုးရအဖွဲ့၏ အပြည်ပြည်ဆိုင်ရာအေဂျင်စီတစ်ခုဖြစ်သော ရက်စက်မှုကာကွယ်ရေးဘုတ်အဖွဲ့ဖြစ်ပေါ်အောင် တာဝန်ယူဆောင်ရွက်ပေးခဲ့သူ တစ်ဦးဖြစ်သည်။ ယင်းဘုတ်အဖွဲ့က
“ အမေရိကန်အစိုးရသည် အကြမ်းဖက်မှု ထိန်းချုပ်ရေး နှင့် အဖိနှိပ်ခံများအားကာကွယ်ရေး အခန်းကဏ္ဍ၌ အဓိက ရှေ့ဆက်ပါဝင်နေသည် ” ဟု ဆိုသော်လည်း ၄င်း၏ပထမတစ်နှစ်တာကာလအတွင်းဆောင်ရွက်ချက်နှင့်ပတ်သက်၍ မြန်မာနိုင်ငံအကြောင်းကိုသာ ဖော်ပြနေခဲ့၏။ မတ်လတွင်သက်တမ်းကုန်မည်ဖြစ်သော အထူးကိုယ်စားလှယ်တစ်ဦးကို မြန်မာနိုင်ငံတွင်း လေ့လာစုံစမ်းရန်စေလွှတ်ရာ၌ ကူညီနိုင်ခြင်းသာ ၄င်း၏တစ်ခုတည်းသော စွမ်းဆောင်မှုသာဓက ဖြစ်နေပေသည်။

Central African Republic နိုင်ငံတွင်း စစ်ရပ်စဲရေးကြိုးပမ်းသည့်အခန်းကဏ္ဍ၌ ထိုဘုတ်အဖွဲ့က တက်ကြွစွာ ပါဝင်ခဲ့ကြောင်းကိုလည်း သတင်းများက ဆိုထားပါသည်။

လက်တည့်စမ်းနေခြင်းလော ?
—————————–
မြန်မာပြည်အပေါ်ထားရှိသော အမေရိကန်မူဝါဒမှာ ဆတူတန်ပြန်ဖိအားများစွာဖြင့် ရင်ဆိုင်နေရသည်။ အစိုးရအဖွဲ့သည် ဟန်ပြဒီမိုကရေစီ ဆင်ယင်ပေးမှုမှလွှဲ၍ ဘာမျှမလုပ်နိုင် ဟူသောအချက်မှသည် ကာလကြာရှည်တံခါးပိတ်နိုင်ငံအတွင်း အမေရိကန်ရင်းနှီးမြှုပ်နှံမှု ထည့်ဝင်သောအချက်အထိ ဖြစ်သည်။ သို့သော် အမေရိကန်အရာရှိများက မိမိကိုယ်ကိုအမွှမ်းတင်နေသော်လည်း ၄င်းတို့သည် ကိုယ့်အတတ်နှင့် ကိုယ်စူးနေကြရသည်ဟု ရရှိလာသည့် အထောက်အထားများက ညွှန်းပြနေသည်။ ဘဏ္ဍာရေးပိတ်ဆို့မှု သို့မဟုတ် ရက်စက်မှုကာကွယ်ရေးဘုတ်အဖွဲ့ ကဲ့သို့သော ဖန်တီးချက်များက မွတ်စ်လင်မ်ဆန့်ကျင်ရေးနှင့် တိုင်းရင်းသားများအပေါ် အကြမ်းဖက်ခြင်းကျူးလွန်သူများကို ဒဏ်ခတ်ရေး၌ အခက်အခဲများ ပိုမိုမြင့်မားလာကြောင်း ၄င်းတို့မှတွေ့ကြုံရသည်ဟု ဆိုသည်။

အာဏာရှင်စံနစ်မှ ဒီမိုကရေစီစံနစ်အကူးအပြောင်းဖြစ်စဉ်တွင် တော်ရုံတန်ရုံ မချောမွေ့တတ်ချေ။ အတားအဆီးအနှောင့်အယှက်နှောင့်နှေးမှုများ ရှိနေတတ်ကြသည်။ ဒေါ်အောင်ဆန်းစုကြည်ကို သမ္မတနေရာမရအောင် တားဆီးထားသည့် အခြေခံဥပဒေစည်းမျဉ်းအား အပြောင်းအလဲမလုပ်လျှင် ၂၀၁၅ ရွေးကောက်ပွဲကို သူမ၏ပါတီက သပိတ်မှောက်မည့်အခြေအနေတွင် ရှိနေသည်။ မည်သို့ရှေ့ဆက်မည်မှာ မသေချာသေးသော်လည်း အမေရိကန်ပြည်ထောင်စုလို အနောက်နိုင်ငံအစိုးရများကမူ သက်ဝင်လှုပ်ရှားသည့်ရွေးကောက်ပွဲဖြစ်လာအောင် အားသွန်ခွန်စိုက် ရင်းနှီးပေးထားကြ၏။

ရက်စက်မှုများကို ဆန့်ကျင်ရပ်တည်နေပါသည်ဟု အမေရိကန်အာဏာပိုင်များက တစိုက်မတ်မတ်ဆိုနေသော်လည်း လူသတ်ကောင်တရားခံများမှာ လုံးလုံးလျားလျားလွတ်မြောက်နေသေးသည် သို့တည်းမဟုတ် မဆိုစလောက်မျှသာ အရေးယူခံရသေးသည်။ (၂၀၁၂ ခုနှစ်နှောင်းပိုင်းရေးသားခဲ့သည့် Power ၏ တင်ပြချက်စာသားကို တစ်လုံးတစ်လေမျှ အပြောင်းအလဲမရှိတွေ့မြင်နိုင်ပါသည်။ ထိုဖော်ပြချက်အတိုင်း ဧကန်ပင် အပြောင်းအလဲဟူ၍ စိုးစဉ်းမျှ မရှိသေးပါ)။ ရှေ့ဆက်ဆိုရပါလျှင် အမေရိကန်အာဏာပိုင်များသည် နိုင်ငံရေးအကျဉ်းသားတို့အား လွှတ်ပေးခြင်းအပေါ် ချီးမွှမ်းခန်းဖွင့်နေသည်ထက် ၄င်းမှာ နားလှည့်ပါးရိုက်လွတ်ငြိမ်းခွင့်သာဖြစ်ပြီး ယင်းသို့သောဥပဒေများကိုစွန့်လွှတ်ရန် မပြတ်တမ်း ဇောင်းပေးဖော်ပြ သင့်ပေသည်။

မြန်မာနိုင်ငံအနေနှင့် တစ်ချိန်တွင် နိုင်ငံခြားရေးမူဝါဒအရ အောင်မြင်မှုရသောနိုင်ငံ ဖြစ်လာနိုင်ပါသည်။ သို့သော် အမေရိကန်ပြည်ထောင်စုမှ အပြောနှင့်အလုပ် နှစ်မျိုးစလုံးဖြင့် မပြတ်တမ်း နိုးနိုးကြားကြား တွန်းတိုက်မှုမပြုပါသော် သဲထဲရေသွန်သာ ဖြစ်လိမ့်မည်တည်း။

xxxxxxxxxxxxxxxxxxxxxxxxxx

Glenn Kessler ၏ The Washington Postမှ မူဝါဒရေးရာဝေဖန်ချက်ဆောင်းပါး How much has the United States been ‘standing up against’ atrocities in Burma? ကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။
ဆောင်းပါးရှင် Glenn Kessler သည် ပြည်တွင်းနှင့်ပြည်ပရေးရာ မူဝါဒများအကြောင်းကို နှစ်ပေါင်း ၃၀ ကျော် ရေးသားတင်ပြနေသူဖြစ်၏။ သူသည် လူထုရေးရာသက်သက်လေ့လာသူဖြစ်သည်နှင့်အညီ မိတ်ဆွေတို့၏ ကူညီမှုအား လက်ခံကြိုဆိုလျက်ရှိပါသည်။ Facebook , Twitter , E-mail များမှတဆင့် သူ့ထံသို့ အချက်အလက်များ ပေးပို့နိုင်ပါသည်။

January 17, 2014
တို့နေရာ (ဆောင်းပါး)

ဇန်နဝါရီ ၁၁၊ ၂၀၁၄
M-Media
ဆောင်းပါးရှင်-ခင်ခင်ရီ (အန်ဆွာရီ)

၂၀၁၃-ခုနှစ်၊ နိုဝင်ဘာ (၁၆)ရက်ထုတ် မြန်မာသံတော်ဆင့်ဂျာနယ်ထဲမှ လာကပေါ်နှင့် အောင်ကျော် ဆွေးနွေးခန်းကို အိမ်ရှေ့သစ်ပင်ရိပ်မှာ ဖတ်နေစဉ် ငယ်ပေါင်းကြီးဖော် ရွယ်တူ သူငယ်ချင်းတစ်ယောက် ရောက်လာပါသည်။
သူမက ဘာသာခြားပေမယ့် ကျွန်မတို့ နှစ်အိမ့်တစ်အိမ်ဆိုတာလို နေထိုင်ခဲ့သူပါ။ ကျွန်မဘေးနားမှာ မြန်မာနိုင်ငံတွင်း အိုအိုင်စီ အခြေစိုက် ရုံးလာဖွင့်မှာကို တစ်ခဲနက် တားမြစ်နေကြတဲ့ မျက်နှာဖုံးပါ ဂျာနယ်တွေကလည်း ရှိနေတော့ ကျွန်မဖတ်ပြီး မြင်ပြီးဆိုတာ သူသိပါသည်။ ကျွန်မတို့နှစ်ယောက် ၂၀၁၂-ခုနှစ် နောက်ပိုင်းမှာ အဆက်အဆံကျဲသွားခဲ့ပြီး ကျွန်မဘက်က အစစ ပါးစပ်တင်းတင်းစေ့ထားတာကို ရိပ်မိသိရှိ ကသိကအောက်နှင့် စိတ်မကောင်းဖြစ်နေပုံရပါသည်။
အရင်ကလို ပွင့်ပွင့်လင်းလင်း အကောင်းမြင် စကားတွေ ပြောခဲ့ကြတဲ့နေ့ရက်တွေဆီ ပြန်သွားချင်သည့် ဆန္ဒမျိုးနှင့် ကျွန်မကို စကားစလာခဲ့သည်။

‘မေးရမှာတော့ မျက်နှာပူပါတယ်ဟယ်။ မင်းဒါတွေဖတ်ပြီးပြီမဟုတ်လား။’
‘ကိုယ်သိပ်နား မလည်ဘူး၊ နားလည်အောင်လည်း မကြိုးစားချင်ဘူး၊ ဘာမှလည်း မျှော်လင့်မထားတော့ ကိုယ့်ထမင်းကိုယ်စားပြီး အေးဆေးပဲနေချင်တယ်။’

‘လုပ်မနေနဲ့၊ မင်းဒီကိစ္စ ကိုယ်နဲ့စကားမပြောချင်လို့ လက်ရှောင်နေတာ ကိုယ်သိတယ်၊ ရင်ထဲမှာ ကြိတ်သိမ်းမထားဘဲ အရင်တုန်းကလို ဖွင့်ပြောစမ်းပါ၊ ကိုယ်သိပ်သိချင်တာပဲ။’
‘ဪ စိတ်မဝင်စားပါဘူးဆို၊ ကိုယ့်ရင်ထဲက စကားပြောတော့ မင်းနာသာခံခက် ဖြစ်နေမှာပေါ့၊’ အကြောင်းထူးမှာလည်းမဟုတ်။ သူမက ဂျာနယ်မျက်နှာဖုံး ပုံတွေကြည့်ရင်း ကျွန်မနဲ့ စကားဆက်ပြောနိုင်အောင် ကြိုးစားနေပုံရပါတယ်။ တကယ်တော့ ကျွန်မကလည်း လည်ချောင်းဝက တစ်လိပ်လိပ်တက်လာသည့် စကားတွေ ချပြောဖို့ ပါးစပ်ဖျားမှာ အဆင်သင့်ဖြစ်နေပါပြီ။

‘မိတ်ဆွေစစ်ယောင်ဆောင်ပြီး ဝင်လာမယ့်မိတ်ဆွေတု’ ‘ဒို့နိုင်ငံအတွင်းရေး ဝင်စွက်ဖက်တာကို အလိုမရှိ’ ‘အစ္စလာမ်မစ်တွေကို ကိုယ့်နိုင်ငံ ကိုယ်ခေါ်သွားကြ’ ဆိုသည့် ခေါင်းစဉ်တွေ မျက်နှာပျက်ပျက်နဲ့ ဖတ်နေတာ မမြင်ယောင်ဆောင်နေလိုက်သည်။

‘တစ်ဘက်သက် ရန်ဖြစ်နေသလိုပဲ။’
‘အဲ့ဒါမင်းပြောတာနော်။’
သူက ကျွန်မပခုံးကို လှမ်းပုတ်ပြီး ရယ်ပါသည်။

‘ဒီပုံတွေနဲ့ ဒီစာတမ်းတွေအပေါ်မှာ မင်းဘယ်လိုမြင်သလဲဟင်။’
‘လှည့်လည် ဆန္ဒပြနေကြတယ်ဆိုတာက လွဲလို့ ကိုယ်ဘာမှ နားမလည်ဘူး၊ ကိုယ်ဘာမှ ပြောစရာမရှိဘူး။’

‘မင်းမှာ ဘာမှပြောစရာ မရှိဘူးဆိုတာနဲ့ ကိုယ်က ယုံမယ်တဲ့လား၊ မင်းရဲ့သဘောထားတွေကို ကိုယ်သိချင်လို့ပါ၊ ပြောစမ်းပါ’
‘ရော်- ခက်ပါပြီ။ ကိုယ့်ရင်ထဲက စကားကို မင်းကရော အရင်လိုစိတ်နဲ့ နားထောင်မှာမို့လား၊ အခု ကိုယ်ဖတ်နေတဲ့ စည်သူအောင်မြင့်ရဲ့ ဆောင်းပါးထဲက ဆွေးနွေးခန်းလို သမာသမတ်ကျကျ စကားတွေ အမြင်တွေကို ကိုယ်သဘောကျတယ်၊ ဒါကိုပဲ မင်းဖတ်ကြည့်။’

‘မင်းပါးစပ်ကပြော’
‘ကောင်းပြီလေ။ ကိုယ်ပြောမယ်၊ အချုပ်အခြာအာဏာပိုင်ဖြစ်တဲ့ နိုင်ငံအတွင်းမှာ အခြေစိုက်ရုံး လာဖွင့်ပြီး ဘာတွေဆောင်ရွက်မယ်ဆိုတာတော့ ကိုယ်မသိဘူး။ ခွင့်တောင်းသူနဲ့ ခွင့်ပြုသူ နှစ်ဦးနှစ်ဖက် သဘောတူဖို့တော့ လိုတယ် မဟုတ်လား။ ဒီနိုင်ငံအာဏာပိုင်တွေကလည်း ပညာတက် လည်လည်ပတ်ပတ်တွေပဲဟာ၊ သူ့အကျိုး ကိုယ့်အကျိုး မျှော်ကိုးပြီး ဆုံးဖြတ်ကြမှာပေါ့။ လာလေ့လာတယ်ဆိုတော့လည်း ကိုယ့်နိုင်ငံပိုင်နက်ထဲမှာ သူတို့ကြားသလို၊ မြင်သလို၊ ထင်သလို မတရားပြုမူထားတာ မရှိဘူးသေချာရင် မိုးပေါ်က သိကြားမင်းကြီး အဖွဲ့လိုက်ဆင်းလာကြည့်တောင် ရင်ကော့ရပ်ပြလိုက်ပေါ့။’

‘အေးလေ၊ ဟိုး တစ်နိုင်ငံတစ်ရပ်ခြားက လာမေးမြန်းကြ စနည်းနာကြတယ်ဆိုတော့ ဒီမှာရှိတဲ့ သူတွေက ကိုယ့်နိုင်ငံရေး ဝင်စွက်ဖက်တယ်လို့ မြင်ကြထင်ကြတာပေါ့။’
‘လာတဲ့လူတွေက ဒီနိုင်ငံပထဝီ မြေပြင်ပေါ်က ကျွန်းသစ်၊ ကျွဲ၊ နွား မရအရ ဒဿကချိုင်ပြီး အမြတ်ထုတ်ဖို့ လာတာတဲ့လား၊ ဒီနိုင်ငံပိုင် သယံဇာတ အရင်းအမြစ်တွေကို အထုပ်ကြီးတွေ ထုတ်ပြီး ကျောပိုးပြီး ပြန်ကြမှာတဲ့လား။’

‘ဟေ့ – မရွတ်နဲ့ကွာ ကိုယ်အတည်ပြောနေတာ။’
‘သြော် … ကိုယ်ကလည်း နားမလည်လို့ မေးတာပေါ့၊ မင်းက ကိုယ် မစားဝါးမိတဲ့ကိစ္စ အကြီးကြီးကို ကျယ်သထက် ကျယ်အောင်ချဲ့ပြီး စကားတောက်နေတာကိုး။’

‘ကိုယ်တို့ တစ်သက်လုံး တစ်အူတုံဆင်း ညီအစ်မအရင်းတွေလို နေခဲ့ကြတာပါကွာ၊ ဘာလဲ၊ မင်းက လေစိမ်းတိုက်နေတာလား။’
‘မင်းပြောတဲ့ စကားက နားထောင်လို့ကောင်းလိုက်တာ၊ မနေ့ကပြောရင်တော့ ကိုယ်ယုံပါတယ်။’

‘ဟေ့ကောင်၊ မန္တလေးသူပီပီ စကားတန်ဆာဆင်ပြီး ကိုယ့်စိတ်မကောင်းအောင် လုပ်မနေနဲ့၊ မင်းပြောချင် တာတွေပြော၊ ကိုယ်အမြင်ရှင်းရှင်းနဲ့ နားထောင်ပေးမှာ။’
‘တကယ်ပြောတာပါ၊ အဲ့ဒီမျက်နှာဖုံးစာတမ်းတွေကြည့်ပြီး ကိုယ်နားမလည်ဘူးဖြစ်နေတယ်၊ အဲ့ဒီလာတဲ့ အဖွဲ့ဆိုတာ တစ်မတ်ပေးပြီး တစ်ကျပ်ပြန်ယူမယ့် အဖွဲ့တဲ့လား၊ တို့တွေဘယ်လောက် ကြွယ်ကြွယ်၀၀ ဖြစ်နေသလဲလို့ လာလေ့လာတာတဲ့လား၊ တစ်ခြားအိမ်နီးချင်း ဆွေမျိုးပေါက်ဖော်တွေက ချောင်းသွယ်၊ မြောင်းသွယ်ပြီး မြေပေါ်မြေအောက် ပစ္စည်းတွေ ကဲ့ထုတ်လို့ ကုန်သလောက်ဖြစ်နေတာ သူတို့က ဘာရဦးမှာတဲ့တုန်း။’

‘သူတို့က ယူဖို့လာတာ မဟုတ်ပါဘူး’
‘သိဘူးလေ၊ အုံးအုံးကျွတ်ကျွတ်နဲ့ ဆွေ့ဆွေ့ခုန်နေလို့ မေးကြည့်တာ၊ တို့မြန်မာပြည်ဖွား မွတ်စလင်မ်တွေ ကတော့ ဟိုးပဝေသဏီကတည်းက မင်းတို့နဲ့အတူတူ နင်းပြားဘဝမှာ ဆိုးတူခံဖက် နေလာခဲ့ကြတာ။ အခုတော့လည်း ဒို့ချည်းပဲ ပြားမတတ်နင်းနေကြတော့တာပဲ၊ ဆရာစံသူပုန်ထတုန်းက သတင်းမပို့လို့ မီးရှို့၊ လှံထိုး၊ မျိုးလုံးကျွတ်၊ ရွာလုံးကျွတ် မွတ်စလင်မ်တွေ အသက်ပေးခဲ့ရတာ။ ဘယ်သမိုင်းမှာမှ မှတ်တမ်းမှာ မတွေ့ရဘူး။ ရေနံမြေသပိတ်မှာလည်း ကိုယ့်အသက်ကိုယ် ဘုရားသခင်ထံ အပ်နှံပြီး ကိုလိုနီတွေရဲ့ မြင်းခွာ ဖနောင့်အောက် တောက်လျှောက် တိုးဝင်ခဲ့ကြတဲ့ မွတ်စလင်မ်နာမည်တွေ ပျောက်နေပါရောလား။

လွတ်လပ်ရေးအတွက် အတူတူတိုက်ပွဲဝင် အသက် စွန့်ခဲ့ကြတာဟာလည်း သမိုင်းဝင်ဖြစ်ရပ်တိုင်းမှာ အမည်တွေသီးခြား မပေါ်တော့ရင်သာရှိမယ်၊ မွတ်စလင်မ် ကဏ္ဍကတော့ တန်းတူပါခဲ့တာချည်းပဲ။ အဲဒီခေတ်ကာလတုန်းက အိုအိုင်စီ မပြောနဲ့ ဘယ်နိုင်ငံ ဘယ်အမျိုးကမှ ဟဲ့ – ရေသာခိုနေကြ၊ လည်သလိုကြည့်ရှောင်ကြ၊ အနာမခံကြနဲ့၊ နောက်မှ ကုလားထိုင်ဝင်လုကြလို့ မြှောက်မပေးခဲ့ကြပါဘူး။

(မိမိမွေးရာဇာတိအပေါ်မှာ ချင်ခင်မြတ်နိုးကြ၊ သစ္စာရှိကြ)ဆိုတဲ့ တရားတော်ကို မမှိတ်မသုန် လိုက်နာ လက်ခံခဲ့ကြတာပါ။ ဘယ်မွတ်စလင်မ်ကမှလည်း ကုလားထိုင်လုဖို့ စိတ်ကူးမယဉ်ခဲ့ကြပါဘူး။ ဝန်ကြီးချုပ်ဦးနု အုပ်စိုးစဉ်က ဦးနုက အမဲသား (နွားသား)မစားလို့ တစ်နိုင်ငံလုံးကို အမဲသား ရောင်းဝယ်ခွင့် ပိတ်ထားတော့ တိတ်တိတ် နွားသတ်ပြီးလည်ရောင်းတဲ့ (တိုးတိုးသား)ကို ဒို့အဘိုးအဘွားများက ဝယ်မစားခဲ့ဘူး။ အထက်အုပ်ချုပ်သူမင်းရဲ့ အမိန့်နဲ့ တားမြစ်ထားတာမို့ မစားကောင်းသောအသား (ဟရာမ်)လို့ သတ်မှတ်ခဲ့တယ်။ ခိုးဝှက်စားရတာမျိုးကိုတောင် ရှောင်ခဲ့ပြီး အထက်အမိန့်ကို ပြားပြားဝပ် နာခံခဲ့ကြပါတယ်။

(သနားရင် အစ္စလာမ်တွေကို ကိုယ့်တိုင်းပြည်ကိုယ်ပြန်ခေါ်သွားကြ)တဲ့ ဟုတ်လား၊ ရင်မြေကတုတ်၊ မဆုတ်မနစ် အသက်စွန့် အနစ်နာခံခဲ့ကြတုန်းကတော့ နှင်ထုတ်ဖို့ သတိမရကြပဲကိုး။
(မင်းတို့ ဧည့်သည်တွေ သက်သက် သာသာနေကြပါ၊ ဒို့နိုင်ငံမို့ ဒို့ပဲအသက်စွန့်မယ်)လို့ မပြောခဲ့ကြပါ ကလား။ တို့အမြဲ ကြားနာခဲ့ရတဲ့ တရားစကားတွေကတော့ မေတ္တာကိုရှေ့တန်းတင်တဲ့ အဆုံးအမ၊ အေးငြိမ်းတဲ့ အဆုံးအမ၊ အေးငြိမ်းတဲ့ နှလုံးသားကို စွမ်းအားဖြည့်တဲ့ ကိုယ်ကျင့်တရား၊ အပြုအမူတွေ ချည်းပါပဲ။ မင်းတို့ရင်ထဲကို အမုန်းတွေ လွယ်လွယ်ဝင်နိုင်ပေမယ့် ဒို့ကတော့ ခုထိမလွယ်ဘူး။ ဒါဟာ မြန်မာဗုဒ္ဓဘာသာစစ်စစ်ရဲ့ စရိုက်လက္ခဏာ မဟုတ်ဘူးလို့ အခုထိ ယုံကြည်ကြတုန်းပဲ။ အမုန်းကို အမုန်းနဲ့ တုန့်ပြန်ဖို့ တို့တရားက မညွှန်ဘူး၊ အဲဒါကြောင့် အမုန်းကြိုးစမရှည်အောင် ဒို့များပါးစပ်တွေ တင်းတင်းစေ့ပြီး ခံစားနေခဲ့ကြပါတယ်။

ပဋိပက္ခဖြစ်စဉ်တွေဟာ မင်းတို့ တစ်မျိုးသားလုံးကို ကိုယ်စားမပြုဘူးလို့ တို့လက်ခံခဲ့တယ်။ အခုများ ကျတော့လည်း နှစ်ဦးနှစ်ဖက် အပြန်ပြန်အလှန်လှန် ရန်စနေသလိုမျိုး ပုံဖော်နေကြတယ်။ လင်းကွင်းနှစ်ဖက်တီးလို့ မြည်တာဆို။ နှစ်ဖက်စလုံးသည်းခံကြ၊ ထိန်းချုပ်ကြတဲ့၊ အမုန်းတွေကို ရုတ်သိမ်းကြတဲ့။ မင်းတို့ရဲ့ တစ်ဖက်သက်အမုန်းကို တို့ခါးခါးသီးသီး ခံနေရတာပါ။ တို့ဘက်က ရုပ်သိမ်းပေးရရင် အချစ်ပဲရှိတယ်။

အခုနက မင်းပြောချင်နေတဲ့၊ သိချင်နေတဲ့စကားကို ဆက်ရရင် ကိုယ်ဥပမာတစ်ခုနဲ့ ဖြေချင်တယ်။ အိမ်တစ်အိမ် အတွင်းမှာ ပူညံပူညံကြားလို့ အိမ်နီးချင်းတွေက (ရေနွေးပူလောင်တာလား၊ ကလေးလိမ့်ကျတာလား၊ ဓားပြအတိုက်ခံရတာလား) မေးလာကြရင် အိမ်ရှင်ဖြစ်သူက အမှန်တရားကို ရှင်းပြရမှာပါ။ ဝင်ဝင်လာသမျှ အိမ်နီးချင်းတွေကို အပေါက်ဝကဆီးကြိုပြီး ရန်တွေ့လွှတ်တဲ့ အိမ်ရှင်မျိုးကတော့ တကယ်တမ်း ကျားဝင်ဆွဲတော့ ဘယ်လိုလုပ်မှာလဲ။

ဆိုင်းဘုတ်ထောင်ပြီး ပွင့်ပွင့်လင်းလင်း ဝင်လာသူတွေကို ကိုယ့်ဘက်ကလည်း ဆိုင်းဘုတ်ထောင်ပြီး ကန့်ကွက်ကြတာ လူ့အခွင့်အရေးပါ။ တစ်ခုတော့ရှိတယ်။ ဆိုင်းဘုတ်မထောင်ဘဲ ဝင်လာခဲ့သူတွေ ကတော့ ဒီပိုင်နက်ထဲမှာ အမြစ်တွယ်နေခဲ့ပြီ မဟုတ်လား။

နာဂစ်မုန်တိုင်းဝင်လာတုန်းက လူမျိုးဘာသာမရွေးဆွဲချသွားတာပါ။ လူတွေလုပ်တော့မှပဲ အမျိုးဘာသာခွဲပြီး အနစ်နာခံက တစ်အုပ်စု၊ အခွင့်ထူးခံက တစ်အုပ်စုခွဲလိုက်တာပါ။ ရွှေဝါရောင်အရေးခင်းတုန်းက ဆူးလေဘုရားအနီးက ဆိုင်ရှင်၊ ဆိုင်ငှားမွတ်စလင်မ်တွေက သံဃာတော်တွေကို ရေသန့်ဗူးတွေလှူတာ ဓာတ်ပုံရိုက်သွားပြီး နောက်ရက် အဖမ်းခံခဲ့ရတာတွေ ရှိပါတယ်။ ဘယ်မွတ်စလင်မ်ကမှ ယနေ့ – ကျွန်တော်တို့ ရောနှောနစ်နာခဲ့ပါတယ်လို့ လူလုံးထွက် မပြပါဘူး၊ အမှတ်မယူပါဘူး။

(၃.၁၁.၂၀ဝ၉) ပဲခူးတိုင်း၊ အင်းတကော်ကျေးရွာမှာ (၇)နှစ်အရွယ် မွတ်စလင်မ်မိန်းကလေး မုဒိန်းကျင့်ခံရတာ သေသွားခဲ့ပါတယ်။ ဘယ်ဂျာနယ်၊ ဘယ်သတင်းစာကမှ ဖြစ်မှဖြစ်ရလေခြင်းလို့ ပြူးပြူးပြဲပြဲ မဖော်ပြခဲ့ပါဘူး။ ဒီဘက်ကလည်း မိုက်ရိုင်းယုတ်မာသူရဲ့ အမူအကျင့်၊ သူ့ဘာသာ ကိုးကွယ်ရာကို သတ္တုချမပြခဲ့ပါဘူး။ သူကိုးကွယ်တဲ့ဘုရား၊ သူနာယူတဲ့တရား၊ သူ့လုပ်ရပ်အပေါ်မှာ သူရှက်ရပါလိမ့်မယ်။

အခွင့်အရေးရရင် အနိုင်ကျင့်လိုက်မယ်ဆိုတဲ့ လူတွေကသာ ရှက်တက်ရင် ရှက်ဖို့ပါပဲ။ (၂၇.၁၀.၂၀၁၀) စောင့်ကြည့်ဂျာနယ်မှာ မဟတ္တမဂန္ဒီကို လုပ်ကြံတာ အစွန်းရောက် မွတ်စလင်မ် တစ်ဦးကလို့ ဖော်ပြထားတဲ့ ဆောင်းပါး ထည့်သွင်းပေးခဲ့ပါတယ် ရေးသူက အမျိုးသမီး ဒေါက်တာတစ်ယောက်ပါ။ (၁၀.၃.၂၀ဝ၃) နိုင်ငံပိုင် မန္တလေးသတင်းစာမှာလည်း ဂန္ဒီရဲ့ဖိနပ်လေလံတင်တဲ့သတင်းမှာ ဘာမှမဆိုင်ပဲ အစွန်းရောက် မွတ်စလင်မ် (နာသူရမ်ဂေါဒ်ဆေး) ဆိုသူက ၁၉၄၈-ခုနှစ်မှာ လုပ်ကြံသတ်ဖြတ်ခဲ့တယ်လို့ ဖေါ်ပြခဲ့ပါတယ်။အမှန်တရားကို သိနိုင်ပြီးတော့ မျက်နှာပြောင်တိုက်နိုင်တဲ့ အခွင့်အရေးရ လူတန်းစားတွေက ဒီတာဝန်အမှားကို ရဲရဲကြီးလုပ်နိုင်ခဲ့တယ်၊ ကိုယ့်ဂုဏ်သရေကို အမည်းရောင်ဆိုးခဲ့နိုင်တာ ဝမ်းသာပျော်ရွှင်မိပါတယ်၊ ဆိုရင် ကတ္တရာပုံးအလောင်းခံရတဲ့ မွတ်စလင်မ်တွေကတော့ဘာမှ ပြောစရာမရှိပါဘူး။

မွတ်စလင်မ်တွေရဲ့ ယုံကြည်ချက် မဏ္ဏိုင်ကိုက ဘုရားသခင်ထံမှာ အကောင်းအဆိုး ဟူသမျှကို အပ်နှံကြရပါတယ်။ ဒါကြောင့် မတရားပြုမှုသူ၊ ပြစ်မှုကျူးလွန်သူကို ဘုရားသခင်ရိုက်လိမ့်မယ်လို့ ယုံကြည်ကြတယ်၊ ကျူးလွန်စော်ကားသူနဲ့ ဘုရားသခင် ရှင်းရမယ့် ကိစ္စပါ ဘုရားရိုက်ရင် လူလူခြင်း ရိုက်တာထက် နာပါလိမ့်မယ်။

သူငယ်ချင်း – မင်းက အိုအိုင်စီနဲ့ပတ်သက်ပြီး ရင်းနှီးပွင်းလင်းစွာ သိချင်တယ်လို့ပြောခဲ့တယ်။ ကိုယ်ကလည်း သိပ်နားမလည်ဘူးနော်လို့ စကားခံခဲ့ပါတယ်။ အဲဒီရုံး အခြေစိုက်လာရင် တို့အတွက် ဘာတွေထူးခြားလာမှာလည်း။ ဘာအကျိုးကျေးဇူးတွေ ခံစားရမှာလည်။ မိတ္ထီလာမှာ မီးပုံတွင်း အရှင်လတ်လတ် ပစ်သွင်းခံခဲ့ရတဲ့ လူမမယ်ကလေးတွေ အသက်ရှင်လာမှာလား။ တို့ကတော့ ဖွတ်ဖွတ်ညက်ညက်ကျေပြီးသားပါ။ ဘာမှမမျှော်လင့်ရဲသေးပါဘူး။ ဒါပေမယ့် တားမြစ်တယ် ကန့်ကွက် တယ်ဆိုတဲ့ လူတွေကတော့ မွတ်စလင်မ်တွေ အကျိုးထူးတွေ ခံစားရတော့မှာပဲ။ တို့အလွယ်တကူ အနိုင်ကျင့်ပြီး အမှန်တရား ဖျောက်ဖျက်လို့မရဘူးလို့ ယုံကြည်လို့ တားကြတာပေါ့။

အဲဒီအဖွဲ့က သူတို့အကျိုးစီးပွားအတွတ် မြန်မာပြည်တွင်းမှာ ဘာများမက်စရာ ကျန်သေးလို့လဲ။မင်းတို့ ခဝပ်ကိုးကွယ်တဲ့ ဘုရားနဲ့ တစ်တန်းစား တည်းထားပြီး လက်အုပ်ချီခဲ့တဲ့ လူတွေရောင်းစားလို့ အခွံချည်းနီးပါး ကျန်ပါရောလား။

တချို့ဂျာနယ်တွေမှာတော့ တာလီဘန် အစွန်းရောက် မွတ်စလင်မ်တွေ ဝင်လာဖို့ လမ်းကြောင်းလာဖွင့် တာတဲ့။ အဲဒီ အစွန်းရောက် အတွေးအခေါ်တွေ၊ အကြင်နာမဲ့ သတ်ဖြတ်နေကြတာတွေကို တို့မြန်မာ တိုင်းရင်းသား မွတ်စလင်မ်တွေ ကိုယ်တိုင်က လက်မခံနိုင်လို့ ဘာသာရေး အတွင်း လွန်ဆွဲပဲ ဖြစ်နေတာလည်းကြာပါပြီ။ တို့မြန်မာ မွတ်စလင်မ် စစ်စစ်တွေကို ဟိုဘက်က ဗမာတွေလို့ စွပ်စွဲတယ်။ ဒီဘက်က ကုလားတွေလို့ သမုတ်တယ်၊ တို့လည်း (ဘာလိုလို) လူမျိုးအဖြစ် ရပ်တည်ခဲ့ရတာ စိတ်ထိခိုက်လှပါပြီ။ ဒါကြောင့် ရှေးဘုရင်တွေ အသိအမှတ်ပြုခဲ့တဲ့ ပသီ ဆိုတဲ့ အမည်ပိုင်နဲ့ ရင်တော့ ခေါင်းမော့နေချင် ကြပါတယ်။

သွေး၊ ချွေး၊ မြေကျ အနစ်နာခံခဲ့တုန်းက တားမဲ့လူမရှိဘဲ တစ်မြေတည်းဖွား တစ်ရေတည်းသောက်ဆိုတဲ့ ယုံကြည်ချက်ကြီးစွာ တို့လျှောက်ခဲ့တာပါ။ တို့အဘိုးအဘွားများကလည်း လွတ်လပ်ရေး အသီးအပွင့်ကို ချိုမြိန်စွာ စားသုံးရစ်ကြရလိမ့်မယ်လို့ ယုံကြည်ပြီး သူတို့အသက်တွေ ချွေးသွေးတွေနဲ့ လဲပေးထားခဲ့ကြပါတယ်။

အခုတော့ လောကအလယ် အရှက်ရတာမပူပဲ လူနည်းစု/လူများစုပြဿနာတွေ ရှာနေလိုက်ကြတာ။ဟိုဂျာနယ် တစ်စောင်မှာ ပြောခဲ့သလို (အိမ်ရှေ့အာရုံစိုက်နေလိုက်ကြတာ၊ အိမ်နောက်ကျောက သယံဇာတတွေ အခိုးခံလိုက်ရလို့ ကုန်ပါရောလား)ဆိုတာမျိုး ဖြစ်နေပါပြီ။

ပြည်တွင်းနေ မွတ်စလင်မ်တွေ ကောင်းစားတော့မှာပဲလို့ တွေးမိကြရင်တော့ အချိန်ကုန်မခံနဲ့ သူငယ်ချင်းရေ။ တို့က ဘာတစ်ခုမှ အခွင့်ထူးမခံခဲ့ဘူးတော့။ ကျောက်စိမ်းတွင်းကြီးလည်း မျက်စိထဲ မမြင်ဘူး။ သူတစ်ပါးပိုင်လယ်ယာမြေတွေ တစ်ဖက်လှည့်နဲ့ ရိုက်စားဖို့လည်း စိတ်မကူးဘူး။ သိန်း၁၀ဝ၊ ၂၀ဝ ရလိမ့်မယ်လို့ မျှော်ကိုးပြီး ဘယ် ဗိုလ်မှူးသမီးကိုမှလည်း ကိုယ်တို့သားတွေ မျက်စပစ်မခိုင်းဘူး။ ဒီနေ့ခေတ်စားနေတဲ့ လူကုန်ကူးလုပ်ငန်းမှာလည်း တို့လူတွေမရှိဘူး။ (အယောင်ဆောင် မွတ်စလင်မ်က လူကုန်ကူးလို့ ဂျာနယ်မျက်နှာဖုံးမှာ ပါလာရင်တော့ မတတ်နိုင်ဘူး။)

ကြုံတုန်းပြောရဦးမယ်၊ (၇၈၆)နဲ့ ပတ်သက်လို့ ထင်ရာမြင်ရာ ဆွဲစေ့နေကြတာ စုံလို့ပဲ။ အဲဒီသုံးလုံး ပေါင်းတော့ (၂၁)ရသတဲ့။ အဲ့ဒါကို ထပ်ပေါင်းကြည့်ပါလား (၃)ရတယ်လေ။ ဘုရား၊ တရား၊ သံဃာ သုံးပါးကို ညွှန်းတယ်ဆိုတော့ မဖြစ်ဘူးလား။ တို့ကတော့ ဖြစ်ပါတယ်။ မကန့်ကွက်ပါဘူး။ (၇၈၆)ဆိုတာ ဘုရားဟောတရားမှ မဟုတ်ပဲကိုး။ မရူးသွပ်ကြပါဘူး။

နောက်တစ်ခုက (၇၈၆)ဆိုင်းဘုတ်တွေနဲ့ ပတ်သက်ပြီး မင်းတို့တလွဲအဓိပ္ပါယ်ဖွင့်ပြီး လန့်ဖြန့်နေတာ ကိုလည်း တို့များက ရယ်ချင်တယ်။ တို့ဖွင့်ဆိုချက်ထဲမှာ အဲဒီဆိုင်းဘုတ်ကို မြင်ခြင်းအားဖြင့် (ဘာသာရေးနဲ့ ပတ်သက်တဲ့ အလှူခံပုဂ္ဂိုလ်တွေ တစ်ခြား ဘာသာဝင်တွေထံသွားပြီး လက်မဖြန့်ကြပါနဲ့။ အလှူမခံ ကြပါနဲ့။ မကြည်ဖြူဘဲ လှူလိုက်တဲ့ငွေကိုလည်း တရားတော်အရ သုံးစွဲခွင့်၊ ပြန်လည်လှူဒါန်းခွင့်မရှိလို့ လိုအပ်ရင် ဒီဆိုင်၊ ဒီအိမ်၊ ဒီနေရာကိုပဲ လာရောက်ကောက်ခံပါ)လို့ ဆိုထားတာလည်းဖြစ်တယ်။ သူများ မသဒ္ဓါတဲ့ငွေကို ပြန်လှူတာ တို့ဘာသာမှာ မပိုင်ဘူး၊ သူဌေးဆီက ဓားမြတိုက်ပြီး ဆင်းရဲသားဆီ သွားပြီး ကြဲတာလည်း ကုသိုလ်မရဘူး။

ပြီးတော့ မွတ်စလင်မ်အစွန်းရောက်တို့ အကြမ်းဖက်ဝါဒီ ဆိုတာတွေက တို့ရဲ့ ကိုယ်ပိုင်ဘွဲ့ မဟုတ်ပါဘူး။ သတ်ကြ၊ ဖြတ်ကြ၊ သေကြ၊ ကျေကြ၊ ပြဿနာတွေ ဖန်တီးသူတွေကိုသာ ခေါ်ကြတာပါ။ တို့မြန်မာနိုင်ငံအတွင်းရှိ မွတ်စလင်မ်တွေကလည်း အစွန်းရောက် အတွေးအခေါ်ရှိတဲ့သူတွေကို မုန်းပါတယ်။ တိုက်ဖျက်ပါတယ်။ ဒို့ကအမြဲရန်လိုနေတဲ့အုပ်စု၊ သွေးဆာနေတဲ့အုပ်စု မဟုတ်ပါဘူး။ နားအေးပါးအေး နေချင်ကြတာ တစ်ခြားဘာသာဝင်တွေနဲ့ အတူတူပါပဲ။’

ကျွန်မ မနားတမ်းပြောနေသော စကားတွင် မောသံပါလာ၍ ရပ်လိုက်သည်ကို သူငယ်ချင်းမက ရေတစ်ခွက် ထခပ်ပေးရင်း ပြုံးနေ၏။

‘ရင်ပေါ့သွားပြီလား၊ ဒါကြောင့် ကျိတ်ခံစားမနေဘဲ ဖွင့်ပြောပါလို့ ပြောတာ။’

ကျွန်မကလည်း သူ့ကို မျက်စောင်းတစ်ချက်ထိုးရင်း ရယ်မိ၏။

‘လုပ်ပါ ရယ်စမ်းပါ။ ရယ်သောသူသည် အသက်ရှည်၏တဲ့။’
တို့တရားမှာလည်း ပြုံးရယ်ပြခြင်းဟာ အလှူဒါနတစ်ရပ်ပဲလို့ ဆိုပါတယ်၊ ဒီအလှူမျိုးကို ကိုယ်တို့ အမြဲလုပ်ချင်ပါတယ်။’

‘ကဲ ကဲ ပြောလက်စနဲ့ ရင်ရှင်းသွားအောင် နိဂုံးချုပ်ကလေးပဲဖြစ်ဖြစ် ထည့်ပြောပါဦး။’
‘ကိုယ်သတိထားမိတာ တစ်ခုက တို့မန္တလေးမှာ ဘုန်းတော်ကြီးတွေက အဓိကကျတယ်လို့ မြင်တယ်။ ဘုရားဟောအဆုံးအမကို လက်ကိုင်ပြုတယ်။ အေးငြိမ်းတဲ့ တရားကိုဟောတယ်။ လူမျိုး ဘာသာမရွေး တစ်တန်းစားတည်းလို့မြင်တယ်။ ဒို့အရင်နေခဲ့တဲ့ မဟာမြိုင်ရပ်ကွက် မီးလောင်တော့ မဟာမြိုင် ဘုန်းကြီးကျောင်းက ဘုန်းကြီးတွေ ကိုရင်တွေ အကုန်ထွက်လာပြီး ပစ္စည်းတွေ ကူထုတ်ပေးတယ်လေ။ ကိုယ်တို့ မိသားစုကိုမြင်တော့ ဒကာမလေးတို့ မစိုးရိမ်ကြနဲ့၊ ဘုန်းကြီးတို့ဝိုင်းထဲမှာ စုပုံပေးထားမယ်၊ မပျောက်စေရဘူးလို့ အထူးတလည်ပြောခဲ့တဲ့အပြင် မီးဘေးဒုက္ခသည်တွေ ပစ္စည်းဝေငှရာ၊ ထမင်းထုပ် ဝေငှရာမှာ ဟဲ့ ဒီမိသားစု ရကြရဲ့လားလို့ ဂရုတစိုက် လာလာမေးတတ်တယ်။ ဘာသာခြားသော်လည်း ဘုန်းကြီးကျောင်းထဲမှာတော့ မသိမ်ငယ်ခဲ့ရပါဘူး။

အခုတစ်လော ဂျာနယ်တွေထဲမှာ ရွှေဝါရောင် အရေးအခင်းမှာ အပြစ်သားဆိုတဲ့အမြင်နဲ့ အဖမ်းခံရ၊ အနှိပ်စက်ခံရတာတွေ၊ ကြေးနီတောင်စီမံကိန်းမှာ မီးလောင်ဗုံးထိခဲ့တာတွေ အမြဲတွေ့ရ၊ ဖတ်ရပါတယ်။ အခု အိုအိုင်စီမလာရလို့ တားမြစ်ရာမှာလည်း ဘုန်းကြီးတွေ ရှေ့တန်းက ပါပါတယ်။

တို့သိတာကတော့ သံဃာတွေဟာ ဘယ်ကိစ္စကိုမှ မသိကျိုးကျွံမနေခဲ့ဘူးဆိုတာပါပဲ။ ဒို့ဘိုးဘွားများ ခေတ်က မိန်းမတွေ မှန်နိုင်လွန်အင်္ကျီပါးဝတ်လို့ ကြိမ်နဲ့ရိုက် ဆုံးမခဲ့တာလည်းရှိတယ်။ ဖ.ဆ.ပ.လ အဖွဲ့ကြီး စဖွဲ့တာ့ ဥက္ကဌနာမည်ခံရဲတဲ့သူမရှိလို့ ရဟန်းပျိုအဖွဲ့ကပဲ လက်မှတ်ထိုးစာတင်ပြီး ဦးရာဇတ်ကို ဥက္ကဌ ရွေးပေးခဲ့ကြတာ သမိုင်းမှန်ရှိပါတယ်။ လူမှန်နေရာမှန်ကို ရွေးတတ်ကြတယ်လို့ ဒို့သိခဲ့ရတယ်။

အခုလို တားမြစ်တဲ့ကိစ္စမှာလည်း သင့်တင့်လျှောက်ပတ်တယ် ယုံကြည်လို့ ဝင်ပါကြတာပေါ့။ မလာရဘူးဆိုတော့လည်း တို့လက်သီးလက်မောင်း တန်းခွင့်မရှိပါဘူး။ (အော်၊ ဟုတ်လား၊ အင်း၊ အင်း)ဆိုပြီး နေကြရုံပေါ့လေ ။ ကိုယ့်ထက်ချမ်းသာတဲ့နိုင်ငံက လူတွေလာပြီး လေ့လာကြ၊ ပေးကြ၊ ကမ်းကြမယ်ဆိုရင်လည်း အများအကျိုးရှိတယ်၊ မရှိဘူး အပြည့်အစုံ နားလည်ကြားနာပြီး ဆုံးဖြတ်ကြပေါ့။

သေချာတာကတော့ အင်မတန် အရှာအဖွေကြမ်း၊ အဖမ်းအဆီးကြမ်းတဲ့ခေတ်ကာလမှာတောင် မွတ်စလင်မ်တွေရဲ့ ဝတ်ပြုဆောင်ဗလီထဲမှာ ဝှက်ထားတဲ့လက်နက်ဆိုတာ တစ်မှုန်တစ်မွှားမှ ရှာမတွေ့ခဲ့ဖူးသလို အရပ်ကူပါ၊ လူဝိုင်းကြမယ့် နိုင်ငံတွေကလည်း လက်နက်တွေ သယ်လာမပေးဘူးဆိုတာပါပဲ။

မကောင်းသော (လေ) ဝင်မလာအောင် တံခါးပိတ်ထားတော့ ကောင်းသော (လေ) လည်း အဝင်ရ ခက်မှာပေါ့။ လာခြင်းကောင်းတာ မကောင်းတာကတော့ အချိန်က (အင်း … အထုပ်ကြီးတွေက) ပြောပေးပါလိမ့်မယ်။ အခုတော့ တို့တစ်တွေ ပါးစပ်တွေ ပိတ်ထားကြတုန်းပဲ။’

ခင်ခင်ရီ (အန်ဆွာရီ)
မန္တလေး

January 11, 2014
ဘာသာရေး သဘောထား သေးသိမ်ခဲ့သော ၂၀၁၃ ခုနှစ် မြန်မာပြည် (ဘာသာပြန်- ဆောင်းပါး)

ဇန်နဝါရီ ၃၊ ၂၀၁၄
M-Media
ဘာသာပြန်- မြင့်မိုရ်မောင်မောင်

(Photo-AP) ပြဿနာသံဃာ ဦးဝီရသူ

ယမန်နှစ်ကို မြန်မာပြည်ရှိ မွတ်စ်လင် ဆန့်ကျင်ရေးဆိုင်ရာ ဘာသာရေးတင်းမာသည့် နှစ်တစ်နှစ်အဖြစ် မြင်တွေ့ခဲ့ရလေပြီ။ယင်းသို့ဖြစ်အောင် အသံ အကျယ်လောင်ဆုံး မီးမွှေးမှိုင်းတိုက်ခဲ့သူမှာ အစွန်းရောက်သံဃာ ဦးဝီရသူ ဖြစ်လေ၏။

၂၀၁၂ ခုနှစ် ရခိုင်ပြည်နယ်၌ ဗုဒ္ဓဘာသာဝင်များ နှင့် ရိုဟင်ဂျာ မွတ်စ်လင် လူနည်းစုအကြားရှိ တင်းမာမှုမှသည် အကြမ်းဖက်မှုသို့ ပေါက်ကွဲ ထွက်လာရာဝယ် ပြဿနာများ စတင်ပွင့်အံလာခဲ့သည်။ ၂၀၁၂ ခုနှစ် ဇွန်နှင့်အောက်တိုဘာလအတွင်း လူပေါင်း ၁၉၂ ဦးမှာ အုပ်စုဖွဲ့အကြမ်းဖက်မှုဖြင့် အသတ်ခံရသည်။

၂၀၁၃ ခုနှစ်တွင် တိုက်ခိုက်မှုများ တိုးပွားလာသည့်အပြင် ရိုဟင်ဂျာမွတ်စ်လင်များသာမက၊ ကျောထောက်နောက်ခံ မတူညီသော အခြားမွတ်စ်လင်မ်များရှိရာ ဒေသများထံ ပျံ့နှံ့လာပြီး မွတ်စ်လင် အားလုံး ပစ်မှတ်များ ဖြစ်လာသည်။

၂၀၁၃ ခုနှစ် သြဂုတ်လတွင် ထုတ်ဝေသော မွတ်စ်လင် များအပေါ်အကြမ်းဖက်မှုအစီခံရင်ခံစာ၌ လူ့အခွင့်အရေးကျွမ်းကျင်ပညာရှင်နှင့် ကလောင်ရှင်များ အဖွဲ့ Physicians for Human Rights (PHR) ၏ အဖွဲ့ဝင်တစ်ဦးဖြစ်သူ Bill Davis က “ မြန်မာပြည်က ကြောက်စရာ အကြမ်းဖက်လှိုင်းကြီးဟာ ရိုဟင်ဂျာကို ကျော်လွန်ပြီး နိုင်ငံတစ်ဝှန်း မွတ်စ်လင်မ်လူ့အဖွဲ့အစည်းတွေအထိ ပျံနှံ့ပြီး အကြီးအကျယ်ပျက်စီးနစ်နာစေခဲ့တယ် ” ဟု ဆိုထားသည်။

အဆိုးဆုံးဖြစ်ရပ်ကို ကြုံဆုံခဲ့ရသည်မှာ မွတ်စ်လင် လူဦးရေ အတော်အတန်များပြားသည့် မြန်မာပြည်အလယ်ပိုင်းမှ မိတ္ထီလာမြို့ပင်။ ၂၀၁၃ ခုနှစ် မတ်လ ၂၆ မှ ၂၉ ရက်အတွင်းက ဖြစ်သည်။ မွတ်စ်လင်ပိုင်ရွှေဆိုင်တစ်ခု၌ ၀န်ထမ်းအမျိုးသမီးတစ်ဦးနှင့် အရောင်းအ၀ယ်လာလုပ်သော ဗုဒ္ဓဘာသာဝင် အမျိုးသမီးတစ်ဦး အချင်းများရာမှ စတင်ခဲ့သည်။ ဒေါသထွက်နေသည့် လူအုပ်ကြီး စုရုံးရောက်ရှိလာပြီး ရဲတပ်ဖွဲ့မှလည်း ဆိုင်ရှင်နှင့်ဝန်ထမ်းတို့အား ဖမ်းချုပ်လိုက်သည်။

သို့ဖြင့် အခြေအနေတည်ငြိမ်သွား သယောင်ရှိသော်လည်း အရောင်းအ၀ယ်လာလုပ်သည့် အမျိုးသမီးသေဆုံးသွားသည်ဟု လုပ်ကြံ သတင်း ပြန့်သွားခဲ့၏။ ထိုအခါ သံဃာများ အပါအ၀င် လူအုပ်ကြီးတစ်ခုသည် ရွှေဆိုင်သို့ ကမူးရှုးထိုး ရောက်လာကြလေသည်။ ယင်းလူအုပ်သည် ရဲတပ်ဖွဲ့ဝင်များထက် ပမာဏ များပြားနေသည်။ ၄င်းတို့အနေဖြင့် ဆိုင်ကို ဖျက်ဆီးနိုင်၏၊ သို့သော် ထိုသို့ပြုမူပြီးနောက် လူစုခွဲရမည်ဟု ရဲတပ်ဖွဲ့ဝင်များက ထိုသူတို့အား တောင်းဆိုခဲ့သည်။ လူအုပ်ကြီးက ဆိုင်ကို ဖျက်ဆီး၍ ပစ္စည်းများဝင်ယူကြကာ အနီးအနားရှိ မွတ်စ်လင် ဈေးဆိုင်များစွာကိုလည်း သောင်းကျန်း ဖျက်ဆီးလိုက်လေသည်။

၎င်းနောက်တွင် မွတ်စ်လင် အမျိုးသားအုပ်စုတစ်စုမှ သံဃာတစ်ဦးအား တိုက်ခိုက်ခဲ့သည်။ လက်တုန့်ပြန်သည်ဟု ယူဆဖွယ်ရာရှိပြီး ယင်းသံဃာသည် ရရှိခဲ့သောဒဏ်ရာဖြင့် သေဆုံးသွားကြောင်း သိရသည်။

ဤသတင်းပြန့်သွားသည့်အခါ လူတစ်ထောင်ထက် မနည်းသော လူရမ်းကားအုပ်စု ရောက်ရှိလာပြီး သောင်းကျန်းမှုဇာတ်လမ်း စတင်ခဲ့သည်။ အကြမ်းဖက်မှုမှာ နှစ်ရက် တိုင်တိုင်ဖြစ်ပွားလျက် မန္တလေးတိုင်းရှိဒေသများထံသို့လည်း ကူးစက်သွား၏။

အဆုံးသတ်လေလျှင် မဒ်ရာဆာ ခေါ် အစ္စလာမ်ဘာသာရေး စာသင်ကျောင်းမှ ဆရာ ၄ ဦး နှင့် ကျောင်းသား ၂၀ ကျော် အပါအ၀င် လူ ၄၀ ကျော် သတ်ဖြတ်ခံရသည်။ ဆက်လက်ပြီး မွတ်စ်လင် အိမ်ခြေပေါင်း ၁၅၀၀ နှင့် မိတ္ထီလာရှိ ဗလီ ၁၃ လုံးအနက် ၁၂ လုံး ဖျက်ဆီးခံရသည်။ ထိုနေ့ရက်များ မတိုင်မီက မွတ်စ်လင် အိမ်များကို မှုတ်ဆေးများဖြင့် ၇၈၆ နံပါတ်အား ပုံဖော်ပက်ဖျန်းခဲ့ကြောင်း၊ ၄င်းမှာ တိုက်ခိုက်ရမည့်အိမ်ခြေများအဖြစ် ရည်ညွှန်းခြင်းဖြစ်ကြောင်း PHR အစီရင်ခံစာ သုတေသီများထံ ပြောပြခဲ့ကြသည်။

အကြမ်းဖက်ဖြစ်စဉ်နောက်ဝယ် မွတ်စ်လင် ၁၆ ဦးကို ထောင်ဒဏ် ၂ နှစ်မှ တစ်သက်တစ်ကျွန်း အထိလည်းကောင်း၊ ဗုဒ္ဓဘာသာဝင် ၂၈ ဦးကို ထောင်ဒဏ် ၃ နှစ်မှ ၁၅ နှစ်အထိလည်းကောင်း အသီးသီး ချမှတ်လိုက်သည်။

ရခိုင်ပြည်နယ်ပြင်ပ၌ ဤသည်မှာ အကြီးမားဆုံးမွတ်စ်လင် ဆန့်ကျင်ရေးလုပ်ရပ်ဖြစ်၏။ သို့တစေ နိုင်ငံ့နေရာအနှံ့အပြားတွင် မွတ်စ်လင် ဆန့်ကျင်ရေး အကြမ်းဖက်မှု အခြားဖြစ်စဉ်များကိုလည်း ၂၀၁၃ ခုနှစ်တစ်လျှောက်လုံး တွေ့မြင်ရပေသည်။

၂၀၁၃ ခုနှစ် ဖေဖော်ဝါရီလတွင် ရန်ကုန်မြို့၊ သာကေတမြို့နယ်ရှိ မွတ်စ်လင် ကျောင်းတစ်ကျောင်းနှင့်ဈေးဆိုင်များအား ဖျက်ဆီးလိုက်ကြသည်။ ကျောင်း၏ခေါင်မိုးပြုပြင်ရန် ခွင့်ပြုချက် ရရှိပြီးနောက် ဆောင်ရွက်ရာတွင် ကျောင်းဆောင်ကို ဗလီဝတ်ကျောင်းအဖြစ် အသွင်ပြောင်းသည်ဟု လွဲမှားစွာယူဆကြသော လူတစ်စုမှ ဖျက်ဆီးခဲ့ကြခြင်းဖြစ်သည်။

ဧပြီလ ၃၀ ရက်တွင် ရန်ကုန်တိုင်း၊ ဥက္ကံ၌ မွတ်စ်လင် အမျိုးသမီးတစ်ဦးက ဆွမ်းခံကြွလာသော ကိုရင်ငယ်အား မတော်တဆတိုက်မိပြီး ၄င်း၏သပိတ်ကျကွဲသွားခဲ့၏။ သူမအား ထိန်းသိမ်းပြီးသည့်နောက် မွတ်စ်လင် တို့သည် လက်တုန့်ပြန်ရန် လူစုနေသည်ဟူသော ကောလဟလ ပျံ့နှံ့လေသည်။ ထိုအခါ လူဦးရေ ၂၀၀ မှ ၃၀၀ ရှိ ဗုဒ္ဓဘာသာဝင် လူအုပ်များသည် လက်ဦးမှုရယူရန် ဆုံးဖြတ်၍ အနီးဝန်းကျင်ဒေသများမှ မွတ်စ်လင် ရွာများကို တိုက်ခိုက်ခြင်း၊ နေအိမ်နှင့် ဗလီဝတ်ကျောင်းတို့ကို ဖျက်ဆီးခြင်းများ ပြုလုပ်ခဲ့ကြသည်။ အနည်းဆုံး လူတစ်ဦး သတ်ဖြတ်ခံလိုက်ရသည်။

မေလ ၄ ရက်တွင် ကချင်ပြည်နယ်၊ ဖားကန့်၌ ဗုဒ္ဓဘာသာဝင် ၃၀ ပါလူအုပ်က မွတ်စ်လင်မ်ပိုင် နေရာသုံးခုရှိ အိမ်ရာနှင့်ဆိုင်ခန်းများအား အကြောင်းမဲ့တိုက်ခိုက်ခဲ့ကြပြန်သည်။

ရှမ်းပြည်မြောက်ပိုင်း လားရှိုးမြို့၌ မေလ ၂၈ နှင့် ၂၉ ရက်တွင်လည်း အကြမ်းဖက်မှု ဖြစ်ပေါ်လာရာ ဗလီဝတ်ကျောင်းတစ်လုံးအား မီးရှို့ခဲ့ကြသည်။ မွတ်စ်လင် အမျိုးသားတစ်ဦးသည် ဓာတ်ဆီရောင်းသောအမျိုးသမီးတစ်ဦးအား ဓာတ်ဆီဖြင့် ပက်လောင်းမီးရှို့လိုက်သည့်သတင်းနောက်ပိုင်း ယင်းသို့ ဖြစ်ပွားခဲ့ရသည်။ ဂျာနယ်လစ်များ နှင့် လူမှုကယ်ဆယ်ရေးလုပ်သားများသည်ပင် ပြောင်ပြောင်တင်းတင်း ခြိမ်းခြောက်ခံရသည်ဟု ဆိုကြသည်။ ထိုကျူးလွန်သူအား ထောင်ဒဏ် ၂၆ နှစ် ချမှတ်စီရင်လိုက်ကြောင်း သိရသည်။

မေလ ၂၉ ရက်တွင် ပဲခူးတိုင်းရှိမြို့ငယ်လေးတစ်မြို့တွင်လည်း သမီးယောက်ဖနှစ်ဦး ခိုက်ရန်ဖြစ်ပွားခဲ့သည်။ တစ်ဦးမှာ မွတ်စ်လင် ဖြစ်ပြီး နောက်တစ်ဦးမှာ ဗုဒ္ဓဘာသာဝင်ဖြစ်သည်။ ဗုဒ္ဓဘာသာဝင်ဖြစ်သူ ဒဏ်ရာ အနာတရဖြစ်ခဲ့ပြီး နှစ်ဦးစလုံးကို ရဲဌာနသို့ ပို့ဆောင်ခဲ့သည်။ သို့သော် လူရမ်းကားအုပ်စု တစ်စုရောက်ရှိစုရုံးလာပြီး မွတ်စ်လင် ဖြစ်သူအား အပြင်းထန်ဆုံး စီရင်ချက်ချရန် တောင်းဆိုပြီးနောက် ဗလီတစ်လုံးနှင့် ဘာသာရေး စာသင်ကျောင်း တစ်ဆောင်အား ဖျက်ဆီးလိုက်သည်။

ဇွန်လ ၃၀ ရက်တွင် ရခိုင်ပြည်နယ်၊ သံတွဲမြို့နယ်အတွင်း အမျိုးသမီးတစ်ဦးကို မွတ်စ်လင်မ်ဟုယူဆရသူ အမျိုးသား တစ်ဦး သို့မဟုတ် နှစ်ဦးက ဗလက္ကာရပြုခဲ့သည်ဟု ဆိုသည်။ လူ ၅၀ ခန့်ရှိသော အုပ်စုသည် ရဲစခန်းပြင်ပ၌ စုရုံးသောင်းကျန်းခဲ့သည်။ ၄င်းနောက် ဆက်လက်၍ မွတ်စ်လင်အိမ်ခြေများစွာကိုဖျက်ဆီးကာ မွတ်စ်လင်မ်သုံးဦးကိုလည်း တိုက်ခိုက်ခဲ့ကြသည်။ နောက်တစ်နေ့တွင် နောက်ထပ်မွတ်စ်လင်မ်အိမ်တစ်လုံးကို မီးရှို့ခဲ့ပြန်၏။ စက်တင်ဘာ ၂၉ မှ အောက်တိုဘာ ၂ ရက်နေ့အထိ မွတ်စ်လင်မ်များကို ဗုဒ္ဓဘာသာဝင်လူရမ်းကားအုပ်စုများ ဆက်တိုက်သတ်ဖြတ်သော အကြမ်းဖက်မှုများသည် သံတွဲ၌ ဖြစ်ပွားခဲ့သည်။

ကရင်ပြည်နယ်၊ ဖားအံမြို့ရှိ သရက်တောဘုန်းကြီးကျောင်းမှ သံဃာများသည် သြဂုတ်လ ၂၀ ရက် နှင့် ၂၃ ရက် တိုက်ခိုက်မှုတွင် ပါဝင်ကြောင်း သတင်းများရရှိခဲ့သည်။

သြဂုတ်လ ၂၄ ရက်တွင် စစ်ကိုင်းတိုင်း၊ ထန်းကုန်းရွာ၌ ဗုဒ္ဓဘာသာဝင်အမျိုးသမီးတစ်ဦးကို မွတ်စ်လင် အမျိုးသား သုံးဦးမှ ဗလက္ကာရပြုကျင့်သည်ဟု ကောလဟလ သတင်း ပြန့်ကားလေသည်။ ရဲစခန်းအနီးတွင် လူအုပ်များစုရုံးလာကြပြီး ညနေပိုင်း၌ အနီးအနားရှိရွာသားများပူးပေါင်းပါဝင်လာကြသည့်နောက် မွတ်စ်လင်မ်တို့အား စတင် တိုက်ခိုက်ပါတော့သည်။ မွတ်စ်လင် တို့၏ အိမ်ရာ ၄၆ လုံး၊ ဆိုင် ၁၂ ဆိုင်နှင့် ဆန်စက်တစ်ခု မီးရှို့ခံရသည်။ လုံခြုံရေးတပ်ဖွဲ့ဝင်တို့မှာ ရပ်ကြည့်လျက်သာရှိခဲ့ကြောင်း သတင်းများက ဆိုသည်။

“ မွတ်စ်လင်မ်ဆန့်ကျင်ရေးကိစ္စများအပါအ၀င် ဆိုးဆိုးဝါးဝါး လူ့အခွင့်အရေးချိုးဖောက်မှုများသည် ၂၀၁၁ ခုနှစ် ဇွန်လမှ စတင်ပြီး လူပေါင်း နှစ်သိန်းခွဲ ၀န်းကျင်ကို နေရပ်စွန့်ခွာခြင်းဖြစ်စေခဲ့သလို – မြောက်များစွာသော ဗလီများ၊ ဆယ်ဂဏန်းမျှသော ဘုန်းတော်ကြီးကျောင်းများ၊ အိမ်ခြေပေါင်း တစ်သောင်းကျော် ပျက်စီးမှုအကျိုးဆက် ဖြစ်စေခဲ့သည် ” ဟု PHR အစီရင်ခံစာ၌ ဖော်ပြသည်။

ရဲတပ်ဖွဲ့ဝင်တို့၏ တုန့်ပြန်ဆောင်ရွက်မှုများမှာလည်း ဝေဖန်ရှုတ်ချခံထားရသည်။ မိတ္ထီလာအရေး၌ ရဲတပ်ဖွဲ့ဝင်တို့ကို မဆိုစလောက်သာတွေ့ရပြီး အခြေအနေအားထိန်းချုပ်ရန် လုံးလုံးလျားလျား လက်လွတ်စပယ် နေခဲ့ကြသည်။

International Crisis Group ၏ အစီရင်ခံစာက ၂၀၁၂ ခုနှစ် လက်ပံတောင်းကြေးနီတူးဖော်ရေးစီမံကိန်း ဆန္ဒပြကန့်ကွက်မှုတွင် ရဟန်းတော်တစ်စုအပါအ၀င် ဆန္ဒပြသူများအား မီးလောင်ဗုံးဖြင့် ဆိုးရွားစွာတုန့်ပြန်သည့် လုပ်ရပ်ဖြစ်ပွားပြီးသည့်နောက် ရဲတပ်ဖွဲ့ဝင်များအပေါ် ပြင်းပြင်း ထန်ထန်ဝေဖန် ရှုတ်ချမှုများ ထွက်ပေါ်လာခဲ့သည်။ ထို့ကြောင့်လည်း ရဲတပ်ဖွဲ့ဝင်များအနေနှင့် ဖိဖိစီးစီးကိုင်တွယ်ရန် စိတ်လက် မပါသည့်နှယ် ဖြစ်ကောင်းဖြစ်နိုင်ပေမည် ဟု ဆိုထား၏။

မိတ္ထီလာ နှင့် လားရှိုးတွင် အဖြစ်ဆိုးများကြုံတွေ့ပြီးချိန်မှ စ၍ ရဲတပ်ဖွဲ့ဝင်များမှ ပိုမိုမြန်ဆန်ထိရောက်စွာ တုန့်ပြန်ကိုင်တွယ်လာကြသဖြင့် အုပ်စုဖွဲ့ အကြမ်းဖက်မှုများသည် ရက်ပေါင်း များစွာ မဖြစ်တော့ပဲ နာရီပိုင်းမျှသာ ကြာညောင်းခဲ့သည့်အပြင် အသေ အပျောက်အပျက်အစီးလည်း နည်းပါးခဲ့သည်ဟု သတင်းများက ဖော်ပြသည်။

အကြမ်းဖက်မှုနှင့်မီးရှို့မှုများ၌ လူအချို့ကို ရဲတပ်ဖွဲ့မှ ဖမ်းဆီးကာ တရားစွဲဆိုထားသည်။ အစပိုင်းတွင် မွတ်စ်လင် များကိုသာ ဖမ်းဆီးလိမ့်မည်ဟု စိုးရိမ်မှုများ ရှိနေခဲ့သော်လည်း လက်တွေ့၌ ဖမ်းဆီးရုံးတင်ခဲ့သည့် ဗုဒ္ဓဘာသာဝင် အရေအတွက်မှာ မွတ်စ်လင်မ်တို့ထက် အရေအတွက် များပြားခဲ့ပေသည်။ ဇူလိုင်လ ၂၅ ရက်တွင် မိတ္ထီလာအရေးအတွင်း လူသတ်မှု၊ စော်ကားမှု၊ အကြမ်းဖက်မှုကို ကျူးလွန်ခဲ့ကြောင်း သံဃာနှစ်ဦးအပါအ၀င် ဗုဒ္ဓဘာသာဝင် ၂၅ ဦးအား စစ်ဆေးတွေ့ရှိရသည်ဟု ဆိုသည်။

မန္တလေးအခြေစိုက် ဦးဝီရသူ ဦးဆောင်သော ၉၆၉ ဗုဒ္ဓဘာသာလှုပ်ရှားမှု ရေပန်းစား အရှိန်မြင့်တက်လာခြင်းကလည်း မွတ်စ်လင် ဆန့်ကျင်ရေး အကြမ်းဖက်မှုဖြစ်အောင် တွန်းအားပေးခြင်းကြောင့်ဖြစ်ကြောင်း ပြစ်တင်ဝေဖန်မှုရှိနေသည်။

မွတ်စ်လင်မ်ဆန့်ကျင်ရေးလှုံ့ဆော်မှုကြောင့် ဦးဝီရသူမှာ ၂၀၀၃ မှ ၂၀၁၂ ခုနှစ်အထိ ထောင်နန်းစံခဲ့သည်။

ဗုဒ္ဓဘုရားဂုဏ်တော် ၉ ပါး၊ ဓမ္မဂုဏ်တော် ၆ ပါး နှင့် သံဃာ့ဂုဏ်တော် ၉ ပါးတို့ကို ၉၆၉ နံပါတ်အဖြစ် သတ်မှတ်ခဲ့သည်။ ယင်းလှုပ်ရှားမှုမှာ ငြိမ်းချမ်းရေး တိုးမြှင့်ရန်ဖြစ်သည်ဟု အယုံသွင်းခဲ့ကြသည်။

အဖြစ်မှန်၌မူ ၉၆၉ အဖွဲ့သည် အစွန်းရောက် လူမျိုးကြီးဝါဒဖော်ဆောင်ရေး လှုပ်ရှားမှုသာဖြစ်နေပြီး၊ မွတ်စ်လင်မ်တို့သည် တိုင်းပြည်ကို သိမ်းပိုက်ရန်ကြံစည်နေသည်ဟု ကြမ်းတမ်းသော စွပ်စွဲမှုများအား ဖန်တီးထားခဲ့သည်။

နိုင်ငံ့လူဦးရေ ၅ ရာခိုင်နှုန်းမျှသာရှိသော မွတ်စ်လင်မ်တို့က နိုင်ငံ့လူဦးရေ ၉၀ ရာခိုင်နှုန်းကျော်ရှိနေသော လူများစုဗုဒ္ဓဘာသာဝင်များကို အန္တရာယ်ပေးခြိမ်းခြောက်နေသည် ဟူသော ယိုးစွပ်မှုများလည်း အပါအ၀င်ဖြစ်၏။ သို့သာမကသေး ဂျိဟာ့ဒ်ကို တိတ်တိတ်ပုန်း ဖန်တီးမည့်သူများသည် လည်းကောင်း၊ ဗုဒ္ဓဘာသာဝင် အမျိုးသမီးများကို ထိမ်းမြားခြင်းဖြင့် ဘာသာပြောင်းစေသူအား ငွေကြေးထောက်ပံ့ပေး ကမ်းသည့် အစီအစဉ်သည် လည်းကောင်း ရှိနေသည်ဟုလည်း ဆိုကြကုန်သည်။ ၂၀၁၃ ခုနှစ် ဇွန်လတွင် ဦးဝီရသူသည် ဘာသာကွဲများ ထိမ်းမြားရေးကို ပိတ်ပင်မည့် ဥပဒေ တစ်ရပ်ဖြစ်လာရန် နှိုးဆော်ခဲ့၏။

၉၆၉ အဖွဲ့သည် မွတ်စ်လင်မ်တို့၏ စီးပွားရေးကို သပိတ်မှောက်ရန်၊ မိမိတို့၏ ကျားကန်မှုကို အခြေပြုသည့် ၉၆၉ နံပါတ်ကပ်၍ မိမိကိုယ်ကို ဗုဒ္ဓဘာသာဝင် အဖြစ်ဖော်ကျူးထားသော သူတို့၏ စီးပွားရေး လုပ်ငန်းများကိုသာ အားပေးကြရန် တွန်းအားပေးလျက်ရှိသည်။ မိမိတို့၏ပင်ကိုယ်အမြင် မည်သို့ပင်ရှိနေစေကာမူ ဗုဒ္ဓဘာသာဝင် စီးပွားရေး လုပ်ငန်းရှင် အများအပြားတို့သည် ၄င်းနံပါတ်ကို ထုတ်ဖော်ပြသထားကြ၏။ အချို့မှာ ၉၆၉ ဂိုဏ်းသားတို့၏ အငြိုးထားမှုအား ကြောက်ရွံခြင်းကြောင့်လည်းကောင်း၊ အချို့မှာ ယင်းသို မပြသပါက စီးပွားရေးထိခိုက်မည်ကို စိုးရွံ့ခြင်းကြောင့် လည်းကောင်း လိုက်လျောနေရပေသည်။

မွတ်စ်လင်မ်တို့နှင့် ရောင်းဝယ်မှုပြုလုပ်မိသော ဗုဒ္ဓဘာသာဝင် အချို့ကို ၉၆၉ ဂိုဏ်းသားတို့၏ နှိပ်စက်မှုရှိကြောင်းပင်လျှင် သတင်းများ ထွက်ရှိလာခဲ့၏။

၉၆၉ အဖွဲ့သည် ၄င်းတို့၏ သဘောထားကို ထင်ဟပ်စေသော လက်ကမ်း စာစောင်များ၊ ဒီဗီဒီများကို ကျယ်ပြန့်စွာ ဖြန့်ချိထားကြသည်။ ထိုအဖွဲ့အားထောက်ခံသည့် ရဟန်း သံဃာတို့သည်လည်း (မ)တရားပွဲများ၊ ဟောပြောမှုများဖြင့် တိုင်းပြည်ကို အစိပ်စိပ်အမြွာမြွာ ဆွဲဖြဲလျက်ရှိကြသည်။

လတ်လတ်ဆတ်ဆတ် သာဓက တစ်ရပ်မှာ ဒီဇင်ဘာလအတွင်း မွန်ပြည်နယ်၊ မော်လမြိုင်မြို့မှ ၉၆၉ ဂိုဏ်းဝင် ဘုန်းကြီး ၇ ဦးတို့သည် ၉၆၉ ဂိုဏ်း၏သဘောထားဖြန့်ချိရန် ရခိုင်ပြည်နယ်သို့ သွားရောက်ခဲ့ကြောင်း ဧရာဝတီသတင်းဌာနမှ ဖော်ပြခဲ့သည်။ ရခိုင်ပြည်နယ်သည် ရိုဟင်ဂျာ ဆန့်ကျင်ရေးအကြမ်းဖက်မှု စတင်ပေါက်ဖွားရာဒေသဖြစ်၏။

၉၆၉ ဂိုဏ်းသည် မွတ်စ်လင်မ် ဆန့်ကျင်ရေး အကြမ်းဖက်မှုဖြစ်ပွားရန် ကြံဆောင်ခဲ့သည် မဟုတ်ဟု ဦးဝီရသူမှ ငြင်းဆိုထားသော်လည်း၊ မိမိတို့သည် မွတ်စ်လင်မ်တို့၏ ဇာတိမှန်ကို ဖြန့်ချိခြင်းကြောင့် မွတ်စ်လင်မ်တို့အပေါ် များစွာသော ဗမာလူမျိုးတို့က မုန်းတီးစိတ်ဝင်ခဲ့ခြင်း ဖြစ်မည် ဟူ၍ သူ့စကားထဲမှ ယင်းသဘောထား တစ်စွန်းတစ်စကို တွေ့ရလေသည်။

၉၆၉ ဂိုဏ်းသည် ဗုဒ္ဓဓမ္မ ရင်းမြစ်များစွာနှင့် ဆန့်ကျင်နေသည့်တိုင်အောင် ထိုအဖွဲ့အား ဆန့်ကျင်ပြောဆိုဝံ့သူဟူ၍ မဆိုစလောက်မျှသာ ရှိကြ၏။ ယင်းသို့ဖြစ်ရခြင်းမှာ ၄င်းဂိုဏ်းသားတို့သည် အစ္စလာမ်သာသနာ အပေါ်တိုက်ခိုက်ရေးထက် ဘာသာသာသနာတည်တံ့ရေးအလို့ငှာ ဗုဒ္ဓဘာသာဝင်များသွေးစည်းရေးကို ဖော်ဆောင်နေပါသည်ဟု ကြွေးကြော်ကာ မိမိတို့ကိုယ်ကို ဘာသာရေး ကိုင်းရှိုင်းလွန်းသောဗုဒ္ဓဘာသာဝင်များအဖြစ် အရောင်ခြယ်ပြကြသည်။ ထိုရောအခါ လူထုတို့သည် မိမိတို့၏ဗုဒ္ဓဘာသာကို မိမိတို့ ဖာသာဝေဖန် တိုက်ခိုက်သကဲ့သို့ဖြစ်သွားမည်ကိုစိုးကြောက်သဖြင့် ထိုဂိုဏ်းနှင့်ဆန့်ကျင်သောအသံ မထွက်ဝံ့ကြခြင်းပင်။

ဦးဝီရသူ၏ထင်ပေါ်မှု နှင့် မြန်မာနိုင်ငံ အ၀ှန်းရှိ မွတ်စ်လင် မ်ဆန့်ကျင်ရေး ကမ်ပိန်း၏နောက်ကွယ်၌ နိုင်ငံတော် အဆင့် အာဏာပိုင်များ ရှိနေသည်ဟု ဗမာလူမျိုး ဒေါက်တာမောင်ဇာနည်က ဇွန်လတွင် ပြောဆိုခဲ့သည်။

ဦးဝီရသူနှင့် ၉၆၉ဂိုဏ်းတို့၏ မှိုင်းတိုက် ထိုးဆွမှုများတွင် နိုင်ငံအာဏာပိုင်များမှ အားပေး ရပ်တည်ထားခြင်း မရှိကြောင်းကိုလည်း သေချာရေရာသော သက်သေသာဓကများလည်း မရှိပြန်ချေ။

အတိုက်အခံခေါင်းဆောင် ဒေါ်အောင်ဆန်းစုကြည်သည်ပင်လျှင် ထိုဂိုဏ်းအား ဆန့်ကျင်သည့်စကား ပြောမထွက်လာခဲ့ပါ။ ဤသည်မှာ သူမအား ရပ်တည်ထောက်ခံပေးနေသော ၉၆၉ ဂိုဏ်းသားများ (၀ါ) မွတ်စ်လင်မ် ဆန့်ကျင်ရေးသမားများနှင့် အချေအတင်ဖြစ်ခြင်းမှ ရှောင်လွှဲလိုသည့် သူမ၏နိုင်ငံရေးသဘောထားဖြစ်မည်ဟု များစွာသောသူတို့မှ ယုံကြည်ထားသည်။

မြန်မာမွတ်စ်လင်မ်ဆန့်ကျင်ရေးအကြမ်းဖက်မှုများ၊ လူ့အခွင့်အရေးချိုးဖောက်နေမှုများ၊ ယင်းလုပ်ရပ်ဆိုးများကို တာဝန်ယူဖြေရှင်းခြင်း ကင်းမဲ့နေမှုများနှင့် ပတ်သက်၍ စိုးရိမ်သောကရောက်နေကြောင်း လူ့အခွင့်အရေးဆိုင်ရာ ကုလသမဂ္ဂကော်မရှင်နာမင်းကြီး Navi Pillay က ဇွန်လအတွင်း ထုတ်ဖော်ပြောကြားခဲ့၏။

ကျွန်ုပ်တို့၏အမြင်အရ ၂၀၁၄ ခုနှစ်၌ အပြောင်းအလဲမှာ ဆင့်ပါးစပ်နှမ်းပက် သလောက်မျှသာ ဖြစ်လျက် မြန်မာမွတ်စ်လင်တို့ အပေါ်ဖိနှိပ်ခြင်းမှာ ရှေ့ဆက်နေဦးမည်သာတည်း။
xxxxxxxxxxxxxxxxxxxxxxxxxxxxxxxxxx

Mark Inkey ၏ သုံးသပ်ချက်သတင်းဆောင်းပါး “2013: A year of religious intolerance in Burma” ကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။

—————————————-
** M-Media ၏ မူပိုင် သတင်း/ဆောင်းပါးများ၊ ဘာသာပြန် များကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

M-Media ၏ ခွင့်ပြုချက်မရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
ဆက်သွယ်ရန် [email protected]

January 3, 2014
ရခိုင်တိုင်းရင်းသားတချို့ စစ်အာဏာရှင်တွေနဲ့ တာလီဘန်တွေကို အားကျနေသလား

ဆောင်းပါးရှင် – စည်သူအောင်မြင့်
မြန်မာတိုင်းမ်

လူတစ်ယောက်၊ လူ့အဖွဲ့အစည်းတစ်ခုဟာ အခြားလူတစ်ယောက်၊ လူ့အဖွဲ့အစည်းတစ်ခုရဲ့လုပ်ရပ်တွေကို လက်မခံနိုင်ဘူး၊ မုန်းတီးတယ်၊ စက်ဆုတ်ရွံရှာတယ်ဆိုရင် သူတို့လို လိုက်မလုပ်ဖို့ပါပဲ။ ဒါဟာ အလွန်ရိုးရှင်းတဲ့ ဥပဒေသပါ။ တချို့ကျတော့ လူတစ်ယောက်၊ လူ့အဖွဲ့အစည်းတစ်ခုရဲ့လုပ်ရပ်ကို မကြိုက်ပေမယ့်၊ လက်မခံပေမယ့်၊ ရွံရှာမုန်းတီးပေမယ့် အသိစိတ်နဲ့ဖြစ်စေ၊ မသိစိတ်နဲ့ဖြစ်စေ အဲ့ဒီလုပ်ရပ်တွေအတိုင်း ထပ်တူလိုက်လုပ်မိတတ်ပါတယ်။ အဲလိုဖြစ်ခဲ့ရင်တော့ ပြုပြင်ဖို့ လိုပါလိမ့်မယ်။

ကမ္ဘာပေါ်မှာ တာလီဘန်လို့ဆိုလိုက်ရင် အစ္စလာမ်အစွန်းရောက်တွေလို့ အားလုံးက နားလည်ကြပါတယ်။ တစ်ကြိမ်တစ်ခါက အာဖဂန်နစ္စတန်မှာ တိုင်းပြည်အာဏာရဖူးပြီး ဒီနေ့အချိန်ထိ အာဖဂန်နဲ့ပါကစ္စတန်နိုင်ငံ နယ်မြေအချို့မှာ လှုပ်ရှားနေဆဲရှိပါတယ်။ သူတို့ဟာ ခေတ်သစ်မှာ အစွန်းရောက်တဲ့ ရှေးရိုးရှားရီးယားဥပဒေကို ပြန်အသက်သွင်းလိုသူတွေဖြစ်ပြီး အမျုိုးသမီးတွေ၊ ကလေးသူငယ်တွေရဲ့ အခွင့်အရေး ရပိုင်ခွင့်ကို တားဆီးပိတ်ပင်လိုသူတွေ၊ လူ့အခွင့်အရေးချိုးဖောက်သူတွေ ဖြစ်ကြပါတယ်။ ဒီနေ့အချိန်ထိ သူတို့တွေ ကျင့်သုံးနေဆဲဓလေ့တွေကတော့ အသက်မပြည့်သေးတဲ့ မိန်းကလေးငယ်တွေအပါအ၀င် မယားလေးယောက်ယူနိုင်တာ၊ မိန်းမကို ဖောက်ပြားတယ်လို့ထင်ရင် ဖမ်းဆီး၊ လူမြင်ကွင်းမှာ ဦးခေါင်းပေါ်ရုံလောက် မြေမြှုပ်ပြီး ကျောက်ခဲနဲ့ မသေမချင်းပစ် အရေးယူတာမျိုးဖြစ်ပါတယ်။

ခေတ်သစ်မှာ သူတို့အဓိကလုပ်တဲ့အလုပ်တွေကတော့ သူတို့လူမျိုး၊ ဘာသာဝင်တွေ အပါအ၀င် ပြည်သူတွေကို ကူညီဖို့လာတဲ့ ကုလသမဂ္ဂအပါအ၀င် နိုင်ငံတကာ အဖွဲ့အစည်းအမျုိုးမျိုး၊ အင်န်ဂျီအိုအမျိုးမျိုးကို တားဆီးတာ၊ ပိတ်ပင်တာ၊ ရန်ရှာတာ၊ အလုပ်လုပ်လို့မရအောင် နှောင့်ယှက်ခြိမ်းခြောက်တာ၊ နောက်ဆုံး တိုက်ခိုက်တာအထိ လုပ်လေ့ရှိပါတယ်။ လက်ရှိမြန်မာနိုင်ငံ ရခိုင်ပြည်နယ်ထဲက ရခိုင်တိုင်းရင်းသားအုပ်စု တချို့ရဲ့ လုပ်ရပ်တွေနဲ့ သွားဆင်တူနေတာ တွေ့ရပါတယ်။ ဘယ်အချက်မှာလည်းဆိုတာ ခုတစ်ပတ် ဆွေးနွေးတင်ပြသွားပါ့မယ်။

ပြီးခဲ့တဲ့ ဒီဇင်ဘာလ ၁၈ ရက်နေ့က ရခိုင်ပြည်နယ် မြောက်ဦးမြို့က မြို့မိမြို့ဖ ဒေသခံတွေလို့ဆိုတဲ့ ကော်မတီတစ်ခုက နိုင်ငံတကာ အကူအညီပေးရေးအဖွဲ့တွေ၊ အင်န်ဂျီအိုအဖွဲ့တွေ လိုက်နာရမယ့်အချက်တွေဆိုပြီး ကြေညာချက်တစ်ခု ထုတ်ပါတယ်။ အဲဒီအချက်တွေကို လိုက်နာဆောင်ရွက်ခြင်းမရှိရင် ဒီဇင်ဘာ ၂၀ ရက်နောက်ဆုံးထားပြီး မြို့နယ်ထဲက ထွက်သွားကြဖို့ တောင်းဆိုပါတယ်။ တောင်းဆိုချက်တွေထဲပါတဲ့ အချက်ကတော့ အင်န်ဂျီအို၊ အိုင်အင်န်ဂျီအိုအဖွဲ့တွေအနေနဲ့ ဒေသဖွံ့ဖြိုးရေးလုပ်ငန်း ဆောင်ရွက်ရာမှာ ဒေသခံတွေပါဝင်တဲ့ ကော်မတီနဲ့ ပူးပေါင်းဆောင်ရွက်ဖို့၊ ဘက်လိုက်မှု မရှိဘဲ အချိုးညီမျှစွာနဲ့ ဆောင်ရွက်ပေးဖို့၊ ရခိုင်လူမျိုးတွေကို အကူအညီပေးတဲ့ပစ္စည်းနဲ့ အခြားအထောက် အပံ့တွေနဲ့ပတ်သက်ပြီး ဒီကော်မတီကို စီမံခန့်ခွဲခွင့်ပေးဖို့၊ အင်န်ဂျီအို၊ အိုင်အင်န်ဂျီအိုအဖွဲ့တွေက ကျေးရွာတွေမှာ သွားပြီး ကူညီတဲ့အခါ ကော်မတီက အနည်းဆုံး ငါးယောက်ကို အတူလိုက်ပါခွင့်ပြုဖို့၊ အကူအညီပေးမယ့် ပစ္စည်းတွေနဲ့ သိုလှောင်ထားရှိမှု အခြေအနေကို ကော်မတီကို အချိန်မရွေး ၀င်ရောက်စစ်ဆေးခွင့်ပေးဖို့၊ စီမံကိန်ကာလနဲ့အကူအညီပေးမယ့် အဖွဲ့အစည်းရဲ့နာမည် ကော်မတီကို အသိပေးဖို့၊ မြို့နယ်ကျော် အကူအညီပေးတာမျိုး လုံးဝမလုပ်ဖို့၊ အကူအညီပေးတာကို နံနက် ၆ နာရီကနေ ည ၆ နာရီအတွင်းပဲလုပ်ဖို့၊ အရေးပေါ်အကူအညီလိုရင်တောင် ကော်မတီနဲ့ ချိတ်ဆက်ပြီးမှလုပ်ဖို့ စတဲ့ အချက်တွေပါပါတယ်။

ဒီတောင်းဆိုချက်တွေကိုကြည့်ရင် အရင် စစ်အာဏာရှင်တွေကို သတိရစေပါတယ်။ အာဖဂန်က တာလီဘန်တွေကို သတိရစေပါတယ်။ အရင် စစ်အာဏာရှင်တွေခေတ်တုန်းကလည်း နိုင်ငံတကာ အင်န်ဂျီအိုတွေ၊ အိုင်အင်န်ဂျီအိုတွေအနေနဲ့ ဒုက္ခရောက်နေသူတွေ၊ ဖျားနာသူတွေ၊ စစ်ဘေးဒဏ်ခံရသူတွေ၊ အကူအညီလိုအပ်နေသူတွေဆီ အကူအညီမပေးနိုင်အောင် ၊ မရောက်နိုင်အောင် စည်းကမ်းအမျိုးမျိုး ချမှတ်ပြီး တားဆီးပိတ်ပင်လေ့ရှိပါတယ်။ ထင်ရှားတဲ့သာဓကကြီး တစ်ခုကတော့ ဂလိုဘယ်လ်ဖန်းလို့ခေါ်တဲ့ ကမ္ဘာပေါ်မှာ အလွန်ကြီးမားတဲ့ အကူအညီပေးရေးအဖွဲ့အစည်းကြီး မြန်မာနိုင်ငံထဲက ထွက်ခွာသွားရတဲ့အထိပါပဲ။ နောက်ထပ် ခါးသီးတဲ့ဥပမာ တစ်ခုကတော့ နာဂစ်လေမုန်တိုင်းဘေးဖြစ်ချိန် နိုင်ငံတကာကရော၊ ပြည်တွင်းက ပြည်သူတွေရော အကူအညီမပေးနိုင်အောင် တားမြစ်ပိုတ်ပင်ထားတဲ့ စည်းကမ်းချက်တွေကလည်း စောစောက မြောက်ဦးက ကော်မတီရဲ့ တောင်းဆိုချက်တွေနဲ့ သိပ်မတိမ်းမယိမ်းပါပဲ။ တာလီဘန်တွေကတော့ အဲဒီထက် ပိုဆိုးပါတယ်။ မိန်းကလေးငယ်တွေကို ပညာလာသင်ပေးတဲ့ အင်န်ဂျီအိုအဖွဲ့တွေ၊ ဆေးလာကုပေးတဲ့သူတွေကို ရန်ပြုတိုက်ခိုက်တာမျိုးအထိ လုပ်ကြပါတယ်။

အဲ့ဒီ ကော်မတီ ဆိုတာရဲ့ တောင်းဆိုချက်နဲ့ပတ်သက်ပြီး မြောက်ဦးက အင်န်ဂျီအိုတွေ၊ အိုင်အင်န်ဂျီအိုတွေက လက်မခံကြပါဘူး။ ဒါဟာ အစိုးရအာဏာပိုင်တွေနဲ့ပဲ သက်ဆိုင်တဲ့အတွက် အစိုးရဖက်ကိုပဲ တင်ပြသင့်တယ်လို့ အကြောင်းပြန်ကြပါတယ်။ ဒီလို အင်န်ဂျီအို၊ အိုင်အင်န်ဂျီအိုတွေဖက်က လက်မခံတဲ့အခါ ကော်မတီဘက်က နောက်တစ်ဆင့် တက်လာပြန်ပါတယ်။ ဒီတောင်းဆိုချက်တွေကကို လက်မခံတဲ့ အင်န်ဂျီအိုတွေ၊ အိုင်အင်န်ဂျီအိုတွေကို ဟိုတယ်တွေကနေ လက်မခံဖို့ ထပ်ပြီး ရာဇသံပေး တောင်းဆိုလိုက်ပြန်ပါတယ်။ ကော်မတီဘက်က ဒါဟာ သတိပေးမှု၊ မလိုက်နာရင် ဆန္ဒပြမယ်လို့ ပြောထားပေမယ့် ခြိမ်းခြောက်မှုတစ်ရပ်အဖြစ် ရှုမြင်နိုင်ပါတယ်။

တကယ်တော့ ဒီလိုဖြစ်ရပ်မျိုး၊ အလားတူဖြစ်ရပ်မျိုး ရခိုင်ပြည်နယ်မြို့နယ်အချို့မှာ လူပုဂ္ဂိုလ်တချို့ကလည်း လုပ်ခဲ့ဖူးပါတယ်။ ရခိုင်တိုင်းရင်းသားတချို့ဟာ ဘာကြောင့် လူသားချင်းဆိုင်ရာ အကူအညီပေးမှုတွေကို ရန်လိုနေရတာပါလဲ။ လူသားချင်းဆိုင်ရာ အကူအညီတွေဟာ ဒုက္ခသုက္ခရောက်နေတဲ့၊ စုတ်ပြတ်သတ်နေတဲ့၊ ပညာမဲ့နေတဲ့ ဘင်္ဂါလီ လူအုပ်စုကြီးဆီကို ရောက်မသွားရင် ရခိုင်ပြည်နယ်ကြီး ပိုပြီးဖွံ့ဖြိုါ်တိုးတက်လာမယ်လို့ ယူဆနေကြလို့လား၊ ရခိုင်တိုင်းရင်းသားတွေ ဘ၀ ပိုပြီးလုံခြုံအေးချမ်းစွာနေရမယ်လို့ မျှော်လင့်ကြလို့လား စသဖြင့် မေးခွန်းထုတ်ရမလို ဖြစ်နေပါတယ်။ ဒါတင်မက ရခိုင်ပြည်နယ်မှာ ဘင်္ဂါလီတွေတင်မက ရခိုင်တိုင်းရင်းသားတချို့လည်း ဒုက္ခရောက်၊ အကူအညီလိုအပ်နေကြပါတယ်။

ရခိုင်ပြည်နယ်ဟာ မြန်မာနိုင်ငံ ပြည်နယ်၊ တိုင်းဒေသကြီးတွေထဲမှာ ဒုတိယ အဆင်းရဲဆုံး ပြည်နယ် ဖြစ်နေပါတယ်။ အဲဒါ ဘင်္ဂါလီတွေ ဖန်တီးထားတာ မဟုတ်ပါဘူး။ ဖန်တီးနိုင်လောက်အောင်လည်း သူတို့လက်ထဲမှာ လက်နက်ကိုင်တပ်ဖွဲ့၊ အုပ်ချုပ်ရေး ယန္တရား၊ တရားစီရင်ရေးယန္တယား၊ စီးပွားရေးစွမ်းပကား ဘာတစ်ခုမှ ရှိကြတာ မဟုတ်ပါဘူး။ ရခိုင်ပြည်နယ် ဆင်းရဲမွဲတေမှုတရားခံဟာ အရင် စစ်အာဏာရှင်အစိုးရပါ။ ရခိုင်ပြည်နယ်ထဲက ဘင်္ဂါလီပြဿနာဟာလည်း တိုင်းပြည်ကို ရာစုနှစ်တစ်ဝက်ကျော် ဖိနှိပ်အုပ်ချုပ်ခဲ့တဲ့ စစ်အာဏာရှင် အဆက်ဆက်ရဲ့ လုပ်ကိုင်ဆောင်ရွက်မှုကနေ ထွက်ပေါ်လာတဲ့အကျိုးဆက်ပါ။

ဘယ်လိုပဲဖြစ်ဖြစ် လက်ရှိ ရခိုင်ပြည်နယ် မြောက်ဦးက ကော်မတီ ဆိုတာနဲ့ အချို့ရခိုင်တိုင်းရင်းသားတွေရဲ့ အင်န်ဂျီအို၊ အိုင်အင်န်ဂျီအိုတွေကို ပြုမူဆက်ဆံပုံဟာ အရင် စစ်အာဏာရှင်တွေနဲ့ တာလီဘန်တွေက အင်န်ဂျီအို၊ အိုင်အင်န်ဂျီအိုတွေကို ဆက်ဆံပြုမူပုံနဲ့ သွားဆင်တူနေပါတယ်။ စစ်အာဏာရှင်တွေနဲ့ တာလီဘန်တွေရဲ့ လုပ်ရပ်တွေကို အားကျအတုယူလို့ကတော့ဖြင့် ရခိုင်ပြည်နယ် ဖွံ့ဖြိုးတိုးတက်လာမှာ မဟုတ်သလို ပြဿနာတွေလည်း ပြေလည်ငြိမ်းအေးသွားမှာ မဟုတ်ပါဘူး။ ဒါတင်မက ရခိုင်တွေကိုယ်တိုင် ဘ၀လုံခြုံစိတ်ချအေးချမ်းတဲ့ ပတ်ဝန်းကျင်တစ်ခုကိုလည်း တည်ဆောက်နိုင်မှာ မဟုတ်ပါဘူး။

December 26, 2013