Tag: Australia

ဖေဖော်ဝါရီ ၃၊ ၂၀၁၇
M-Media

– သြစတေးလျနိုင်ငံ ဆစ်ဒနီမြို့ ပါရာမတ္တာဒေသရှိ Rosehill Gardens တွင် ‘၂၀၁၇ သြစတေးလျ ဟာလာလ်ကုန်စည်ပြပွဲ’ ကို ကျင်းပပြုလုပ်သွားရန် ရှိနေသည်ဟု သိရသည်။

၁၁ ရက်နှင့် ၁၂ ရက်နေ့များတွင် ပြုလုပ်မည့် အဆိုပါပြပွဲတွင် ကမ္ဘာတစ်ဝှမ်းမှ ဟာလာလ် ၀န်ဆောင်မှုလုပ်ငန်းများ၊ အသင်းအဖွဲ့များ၊ ပညာရှင်များ၊ ပရော်ဖက်ရှင်များ တက်ရောက်ရန် ရှိနေပြီး ကမ္ဘာ့ဟာလာလ်ဈေးကွက်တွင် ကြီးကြီးမားမား အထောက်အကူပြုနေသော ကမ္ဘာတစ်ဝှမ်းမှ ဟာလာလ်လုပ်ငန်းများလည်း လာရောက်ပြသမည်ဖြစ်သည်။

ပြပွဲတွင် ဖက်ရှင်၊ လူမှုနေထိုင်မှု၊ အစားအသောက်၊ ခရီသွားလုပ်ငန်း၊ ကျန်းမာရေး၊ အခြားသော ဟာလာလ်နှင့် ပတ်သက်သည့် လုပ်ငန်းများမှာ ၎င်းတို့၏ ထုတ်ကုန်များ၊ ၀န်ဆောင်မှုများကို ပြသသွားမည်ဖြစ်ပြီး ချက်ပြုတ်မှုပြိုင်ပွဲများ၊ ယဉ်ကျေးမှု ပဒေသာကပွဲများ၊ ပျော်ရွင်ရွှင်ပွဲများလည်း ပါဝင်မည်ဖြစ်သည်။

ထို့ပြင် ပြပွဲတွင် အကောင်းဆုံး ၀န်ဆောင်မှုပေးနိုင်သူကို ရွေးချယ်၍ ဆုချီးမြှင့်မည့်အစီအစဉ်လည်း ရှိနေသည်။

အဆိုပါ ကုန်စည်ပြပွဲတွင် ‘၂၀၁၇ ဟာလာလ်ညီလာခံ’ (IHC2017) ကိုလည်း ‘ယဉ်ကျေးမှု၊ စီးပွားရေးနှင့် ကုန်သွယ်ရေးတွင် ဟာလာလ်လုပ်ငန်း၏ အခန်းကဏ္ဍ’ ခေါင်းစဉ်ဖြင့် ကျင်းပသွားမည်ဖြစ်သည်။ ညီလာခံ၌ ဟာလာလ်လုပ်ငန်းတွင် တွေ့ကြုံနေသည့် ပြဿနာများအတွက် အဖြေများ၊ တိုးတက်နိုင်မည့် နည်းလ်းများကို ရှာဖွေသွားမည်ဖြစ်သည်။

Ref: .crescentrating

ဇန်န၀ါရီ ၁၉၊ ၂၀၁၇
M-Media

– ဟီဂျဘ် ခေါင်းဆောင်းပုဝါ ၀တ်ဆင်ထားသည့် မွတ်စလင်အမျိုးသမီးငယ်နှစ်ဦး၏ ရုပ်ပုံဖြင့် အမျိုးသားနေ့အထိမ်းအမှတ် ကြော်ငြာဘီလ်ဘုတ်များကို သြစတေးလျနိုင်ငံတစ်ဝှမ်းတွင် စိုက်ထူသွားမည်ဟု သိရသည်။

ကနဦးတွင် အဆိုပါ ဘီလ်ဘုတ်ကို မြို့တော် မဲလ်ဘုန်း အရှေ့တောင်ပိုင်း ကရန်ဘုန်းဒေသ၌ ပြီးခဲ့သည့်ရက်ပိုင်းအတွင်း စိုက်ထူခဲ့ရာ မွတ်စလင်အမျိုးသမီးငယ်နှစ်ဦး၏ပုံ ပါဝင်နေသောကြောင့် လူတစ်ချို့က ဘီလ်ဘုတ်ကုမ္ပဏီအား ခြိမ်းခြောက်ခြင်း၊ စော်ကားပြောဆိုခြင်းတို့ ပြုလုပ်ခဲ့သည်အတွက် နောက်ပိုင်းတွင် ပြန်ဖြုတ်ခဲ့ရသည်။

သို့သော်လည်း လူမျိုးရေးခွဲခြားမှုဆန့်ကျင်ရေး တက်ကြွလှုပ်ရှားသူများက ဘီလ်ဘုတ် ပြန်လည် စိုက်ထူရန်အတွက် ရန်ပုံငွေရရှိရေး ဆော်သြခဲ့ကြပြီး ၂၄ နာရီအတွင်း ဒေါ်လာ ၁၂၅၀၀၀ ရရှိခဲ့သည်။

လှုပ်ရှားမှုကိုစီစဉ်သူ ဒီ မာဒီဂန်က ရက်ပိုင်းအတွက် ကရန်ဘုန်းရှိ ယခင်နေရာတွင် ဘီလ်ဘုတ်ကို ပြန်လည်စိုက်ထူသွားမည်ဖြစ်ပြီး အခြား မြို့ကြီးများတွင်လည်း ထပ်မံထားရှိသွားမည်ဟု ပြောကြားခဲ့သည်။

“ဒီလို ကျက်သတုန်းတွေ တစ်ချိန်ချိန်မှာ အနိုင်ရသွားမလားဆိုတာမျိုး ခံစားရတာကြောင့် ကျွန်မ စိတ်မချမ်းမသာ ဖြစ်ရပါတယ်။ ဒါမျိုးဖြစ်လာရင် ‘နိုး-သူတို့ပဲမဟုတ်ဘူး။ လူကောင်းသူကောင်းတွေလည် အများကြီးရှိသေးတာပဲ’ လို့ တွေးမှာပါ။ သူတို့က ဒီဘီလ်ဘုတ်ဖြုတ်ချဖို့ ဖိအားပေးတယ်။ ကျွန်မတို့က အခုနှစ်ဆယ် ပြန်စိုက်သွားပါမယ်”

ထို့ပြင် အဆိုပါ အမျိုးသားနေ့အထိမ်းအမှတ် ကြော်ငြာကို သသတင်းစာများတွင်လည်း ထည့်သွင်းသွားမည် ဖြစ်ကြောင်း၊ ထိုဘီလ်ဘုတ်ကို ဖြုတ်ချမှုက ၎င်းတို့၏ မျှတမှုစိတ်ဓာတ်ကို စော်ကားသည်ဟု မြင်သောကြောင့် ပြည်သူများက မိမိတို့လှုပ်ရှားမှုတွင် အလှူငွေထည့်ခြင်းဖြစ်မည်ဟု ယူဆကြောင်း မာဒီဂန်က ထည့်သွင်းပြောဆိုခဲ့သည်။

“သြဇီမွတ်စလင်တွေနဲ့ပတ်သက်ပြီး အကောင်းမမြင်တဲ့သူတွေနဲ့ သြစတေးလျ အမျိုးသားနေ့ကို နိုင်ငံတော်အလံကိုင်ပြီး ဆင်နွှဲနေကြတဲ့ ဒီမွတ်စလင်ကောင်မလေး နှစ်ဦးနဲ့ပတ်သက်ပြီး စောဒကတက်ကြတဲ့သူတွေဟာ အတူတူပါပဲ။ သူတို့ မနိုင်စေရဘူး”

Ref: Mobile.abc.net