အောက်တိုဘာ ၂၃၊ ၂၀၁၆
M-Media
– ဒုက္ခသည်များ ၀င်ရောက်မှုကို ပိတ်ပင်ရမည်ဟု လွှတ်တော်အမတ်တစ်ဦး၏ ပြောစကားကို ဆန့်ကျင်ကာ ဒုက္ခသည်များအား ထောက်ခံသည့်အနေဖြင့် သြစတေးလျနိုင်ငံတစ်ဝှမ်းတွင် ပြည်သူများက ဆန္ဒပြမှုများ ပြုလုပ်ခဲ့ပြီး လူ ထောင်ပေါင်းများစွာ ပါဝင်ခဲ့သည်ဟု သိရသည်။
မြို့ပေါင်း ၂၅ မြို့ကျော်၌ ယမန်နေ့က ပြုလုပ်ခဲ့ခြင်းဖြစ်ပြီး မတူညီသော ယဉ်ကျေးမှုများကို စုပေါင်းခံစားနိုင်ရေး၊ ဂရုဏာ ပွားများရေး၊ နိုင်ငံအတွင်း ညီညွတ်ရေးတို့အတွက် ရည်ရွယ်၍ Welcome to Australia အဖွဲ့က ကျင်းပပြုလုပ်ခဲ့ခြင်းဖြစ်သည်။
“အခုလိုလမ်းလျှောက်ဆန္ဒပြပွဲရဲ့ရည်ရွယ်ချက်ထဲမှာ သြစတေးလျနိုင်ငံဟာ ကိုယ်ချင်းစာတရား၊ ရက်ရောမှုနဲ့ နွေးထွေးကြိုဆိုလိုစိတ်ရှိတဲ့ နိုင်ငံတစ်ခု ဖြစ်တယ်ဆိုတာ ထောင်ပေါင်းများစွာသော သြစတေးလျပြည်သူတွေက ယုံကြည်တယ်လို့ ပြသလိုက်တာပဲ ဖြစ်ပါတယ်” ဟု အဖွဲ့ခေါင်းဆောင်ဖြစ်သူ ဒုက္ခသည်ဟောင်း မိုဟာမက် အလ်-ခါဖါဂျီက ပြောကြားခဲ့သည်။
ထို့ပြင် အဆိုပါလှုပ်ရှားမှုကို ကမ္ဘာတစ်ဝှမ်းတွင် ပြုလုပ်သွားမည်ဟုလည်း ၎င်းက ထည့်သွင်းပြောကြားခဲ့သည်။
ဟိုဘာ့တ်မြို့တွင် ကျင်းပခဲ့သည့် ဆန္ဒပြပွဲတွင် တက်စ်မာနီယာ အုပ်ချုပ်ရေးမှူး အမျိုးသမီး ကိတ်ဝါနာလည်း ပါဝင်ခဲ့ပြီး သြစတေးလျပြည်သူများအနေဖြင့် လွှတ်တော်အမတ် ပေါလင်း ဟန်ဆန်၏ အစ္စလာမ်ကြောက်အမြင်များကို ရင်ဆိုင်တုံ့ပြန်ရန် တိုက်တွန်းခဲ့သည်။
ထို့ပြင် ဒုက္ခသည်များဖက်မှ ခိုင်ခိုင်မာမာ ရပ်တည်ကြရန်လည်း သူမက ဆန္ဒပြသူများကို တိုက်တွန်းခဲ့သည်။
နိုင်ငံတစ်ဝှမ်းတွင် ပြုလုပ်ခဲ့သည့် အဆိုပါ ဆန္ဒပြမှုအတွင်း နိုင်ငံအတွင်း ထင်ရှားသည့် ပုဂ္ဂိုလ်များဖြစ်သော မစ်စီ ဟစ်ဂင်၊ ဂျူဒစ်လူစီနှင့် တွမ် ဘာလ်လာ့ဒ်တို့လည်း ပါဝင်သည်။
Ref : Presstv