စက်တင်ဘာ ၂ ရက်၊၂၀၁၃
ရေးသားသူ -ဆွေမွန်
၂၆ နှစ်အရွယ် လူငယ်တစ်ယောက်က သူ့ရဲ့ဖေ့စ်ဘုတ်ပေါ်မှာ မွတ်ဆလင်မ်တွေရဲ့ ကျမ်းစာ ကုရ်အာန်မီးရှို့ထားတဲ့ပုံ တင်မိရာက အစပြုပြီး ၂၀၁၂ စက်တင်ဘာ ၂၉ ၊ ၃၀ ရက်တွေမှာ ဘင်္ဂလားဒေ့ရ်ှနိုင်ငံ၊ စစ်တကောင်းပြည်နယ်၊ ကောက်ဘဇားခရိုင်၊ ရာမူးမြို့မှာ မွတ်ဆလင်မ်တွေက ဗုဒ္ဓဘာသာဝင်အိမ်တွေနဲ့ ဘုန်းကြီးကျောင်းတွေကို မီးတင်ရှို့မှုတွေဖြစ်ပွားခဲ့ပါတယ်။
ဒီဖြစ်ရပ်ဟာ မွတ်ဆလင်မ်တွေက ဗုဒ္ဓဘာသာဝင်တွေပိုင်ဆိုင် ကိုးကွယ်တာတွေကို တိုက်ခိုက် အနိုင်ကျင့်မှု မရှိသလောက်ဖြစ်တဲ့ ဘင်္ဂလားဒေ့ရ်ှနိုင်ငံသမိုင်းမှာ ဖျက်မရတဲ့ အမည်းစက် စွန်းထင်ရတယ်လို့ အစိုးရ တာဝန်ရှိသူတွေက ထုတ်ဖော်ပြောကြားခဲ့သလို ဗုဒ္ဓဘာသာဝင်အိမ်တွေနဲ့ ဘုန်းကြီးကျောင်းတွေကို မီးတင်ရှို့မှုကို ဆန့်ကျင် ကန့်ကွက်ကြောင်း အစိုးရ၀န်ကြီးတွေကိုယ်တိုင် ထုတ်ဖော်ပြောဆိုကာ လမ်းပေါ်ထွက် ဆန္ဒပြခဲ့ကြပါတယ်။
ဖေ့စ်ဘုတ်ပေါ်မှာ မွတ်ဆလင်မ်တွေရဲ့ ကျမ်းစာ ကုရ်အာန်မီးရှို့ထားတဲ့ပုံ တင်မိတဲ့လူငယ် နဲ့ သူရဲ့မိခင်ကို လုံခြုံဘေးကင်းရာကို ရဲတပ်ဖွဲ့က တာဝန်ယူပို့ပေးခဲ့ပြီး ထောင်ချ အပြစ်ပေးခြင်း မရှိခဲ့ပါဘူး။ မီးတင်ရှို့မှုနဲ့ ပတ်သက်ပြီး လူပေါင်း ၃၀၀ ကျော်ကိုလည်း မဆိုင်းမတွ ဖမ်းဆီးစစ်ဆေး အပြစ်ပေးခဲ့ပါတယ်။
နိုင်ငံရဲ့ အမြင့်ဆုံး အာဏာပိုင်ဝန်ကြီးချုပ် ရှိတ်ဟာဆီနာက ဖျက်ဆီးခံရတဲ့ အိမ်တွေ ဘုန်းတော်ကြီးကျောင်းတွေ ရှိရာ ရာမူးကို အောက်တိုဘာ ၈ ရက်နေ့ မှာ ကိုယ်တိုင်သွားရောက် ကြည့်ရှုခဲ့ပါတယ်။ဒီဖြစ်ရပ် လုပ်ဆောင်သူတွေကို ရှုတ်ချပြောဆိုကာ ဖျက်ဆီးခံရတဲ့ အိမ်တွေ ဘုန်းတော်ကြီးကျောင်းတွေကို (မူလပုံစံထက်ကောင်းအောင်) အသစ်ပြန်လည်တည်ဆောက်ပေးမယ်လို့ ကမ္ဘာကို ကတိပေးကာ နိုင်ငံလူဦးရေ ၁၅၃ သန်းရဲ့ ၁ ရာခိုင်နှုန်းပဲရှိတဲ့ ဗုဒ္ဓဘာသာဝင်တွေရဲ့ ရင်တွင်းဒဏ်ရာတွေကို အချိန်တိုအတွင်း ဖြေဖျောက်ပေးခဲ့ပါတယ်။
နေရာချထားမှုကုန်ကျစရိတ်ဟာ ဒေါ်လာ ၁.၅သန်း ခန့်ရှိနိုင်ပြီး အားလုံးတည်ဆောက်ပြီးချိန်မှာ ကုန်ကျစရိတ်ဟာ ဒေါ်လာ ၁.၁ ဘီလီယံ (သန်း ၁၁၀၀) ထိ ရှိသွားလိမ့်မယ်လို့ စစ်တကောင်းပြည်နယ်က စုံစမ်းရေးမှုး နူးရ်အစ္စလာမ်က ခန့်မှန်းခဲ့ပါတယ်။
အံ့သြစရာက နိုင်ငံရဲ့အမြင့်ဆုံး အာဏာပိုင်ဝန်ကြီးချုပ် ရှိတ်ဟာဆီးနာကိုယ်တိုင် ဖျက်ဆီးခံရတဲ့ အိမ်တွေ ဘုန်းတော်ကြီးကျောင်းတွေပြန်လည်တည်ဆောက်ဖို့ သူ့ရဲ့ကိုယ်ပိုင်ရန်ပုံငွေထဲမှ ထည့်ဝင်ခဲ့ပြီး ထိခိုက်ဖျက်ဆီးခံရတဲ့ အိမ်ထောင်တစ်ခုစီကို ၀န်ကြီးချုပ်မှ ထောက်ပံ့ငွေ ဒေါ်လာ ၂၅၀၀ (မြန်မာငွေကျပ် ၂၃ သိန်းခန့်) ၊ ပြန်လည်တည်ဆောက်ရေးဝန်ကြီးဌာနမှ ထောက်ပံ့ငွေ ဒေါ်လာ ၁၂၀၀၊ စစ်တပ်မှ ထောက်ပံ့ငွေ ဒေါ်လာ ၃၀၀ အပါအ၀င် မိသားစုတစ်စု ဟာ ထောက်ပံ့ငွေပေါင်း ဒေါ်လာ ၁၂၀၀၀ (မြန်မာငွေကျပ် သိန်း ၁၁၀ခန့်) ရရှိကြတဲ့ အပြင် မြို့ခံလူထုက လက်မခံလို့ဆိုတဲ့ အကြောင်းပြချက်ပေးကာ နေရာပြောင်းရွှေ့ချထားတာမျိုး မရှိခဲ့ပါဘူး။
(ပေးထားတဲ့ကတိနဲ့ အညီ) ဘုန်းကြီးကျောင်းတွေ ပြန်လည်တည်ဆောက်မှုကို မီးတင်ရှို့မှုအပြီး ရက်သတ္တပတ် ၆ ပတ်အတွင်း စတင်ခဲ့ပြီး ဘင်္ဂလားဒေ့ရ်ှစစ်တပ်မှ အင်ဂျင်နီယာတွေက ဦးစီးကာ ဒေသခံမွတ်ဆလင်မ်တွေ၊ စစ်သားတွေ၊ ဘုန်းတော်ကြီးတွေ အားလုံး ညီညီညွတ်ညွတ်နဲ့ လုပ်အားပေးပါဝင်ကာ အကြမ်းဖက်မှုတွေကို ဆန့်ကျင်ကြောင်း၊ လူနည်းစု ဗုဒ္ဓဘာသာဝင်တွေနဲ့ တစ်သားတည်းရှိကြောင်း ပြသနိုင်ခဲ့ပါတယ်။
မြန်မာကျပ်ငွေ တန်ဖိုး ကုဋေ (၂၀၀) ဖိုးခန့် သုံးစွဲ ကာ ဘင်္ဂလာဒေခ်ျ့ အင်ဂျင်နီယာစစ်တပ်မှ တာဝန်ယူ လုံးဝ (အသစ်) တည်ဆောက်ခဲ့တဲ့ ဘုန်းကြီးကျောင်း ၁၉ ကျောင်းဟာ ယခုအခါ ပြီးစီးသွားပါပြီ။ ဘင်္ဂလားဒေ့ခ်ျနိုင်ငံ ၀န်ကြီးချုပ် ရှိတ်ဟာဆီနာ ကိုယ်တိုင် လာမယ့် စက်တင်္ဘာလ ၃ ရက်နေ့မှာ ရာမူး ပန်းဝါမှာ အသစ်ဆောက်လုပ် ပြီးစီးသွားတဲ့ ဘုန်းတော်ကြီးကျောင်း ၁၉ ကျောင်းကိ်ု ပြန်လည် ဖွင့်လှစ် ပေးသွားမှာ ဖြစ်ပါတယ်။ ယင်းအထဲမှ ပေ ၁၀၀ အရှည်ရှိတဲ့ လျောင်းတော်မူ ဗုဒ္ဓရုပ်ပွားတော်ကို ဘင်္ဂလားဒေခ်ျ့ ၀န်ကြီးချုပ် ရှိတ်ဟာဆီနာမှ တက်ရောက် ဖွင့်လှစ်ပေးမှာဖြစ်ကြောင်းပါဗျာ။
Ref:
http://www.narinjara.com/burmese/?p=6728
http://edition.cnn.com/2012/09/30/world/asia/bangladesh-muslim-buddhist-violence
http://khabarsouthasia.com/en_GB/articles/apwi/articles/features/2012/11/15/feature-02
http://digitaljournal.com/image/126790#ixzz2dhw9YsdX
ဆွေမွန်
၂၊ ၉၊ ၂၀၁၃
