Tag: britain

ဧပြီ ၂၀၊ ၂၀၁၅
M-Media

– ဘ၀ရပ်တည်ရေး ခက်ခဲသူများကို ထောက်ပံ့ကူညီပေးသည့် အစားသောက်ဘဏ်များကို မှီခို အသက်ရှင်နေရသူ အရေအတွက်မှာ ဗြိတိန်တွင် တစ်ရှိန်ထိုးမြင့်တက်လာပြီး မကြာမီ တစ်သန်းအထိ ရောက်ရှိတော့မည်ဟု စနေနေ့က ထုတ်ပြန်ခဲ့သော အစီရင်ခံစာတွင် ဖော်ပြထားသည်။

အဆိုပါ အစီရင်ခံစာကို ယူကေ၏ အကြီးဆုံး အစားအသောက်ဘဏ်တစ်ခုဖြစ်သော Trussell Trust က ထုတ်ပြန်ခဲ့ခြင်းဖြစ်ပြီး ၂၀၁၃-၂၀၁၄ ခုနှစ်အတွင်း ထိုဘဏ်များမှ အစားအသောက်များ ရယူကြသူ အရေအတွက်မှာ ၉၁၃၁၃၈ ဦးရှိကာ ပြီးခဲ့သည့်နှစ်က ၁၂၈၆၉၇ ဦးရှိရာမှ မြင့်တက်လာခြင်းဖြစ်သည်ဟု ဖော်ပြခဲ့သည်။

ထို့ပြင် ၂၀၀၅-၂၀၀၆ ခုနှစ်က အရေးပေါ် အစားအသောက် ၃ ရက်တာ ပေးခဲ့ရသူ အရေအတွက်မှာ ၂၈၁၄ ဦးရှိပြီး လက်ရှိစာရင်းပေးထားသည့် အရေအတွက်မှာ အလွန်များပြားနေသည်ဟု ဆိုသည်။

တကယ့်လက်တွေ့ ပမာဏမှာ ယခုအရေအတွက်ထက် ပိုများလာနိုင်ပြီး လက်ရှိဖော်ပြထားသော အချက်အလက်များတွင် အခြားသော အရေးပေါ်အစားအသောက် ထောက်ပံ့သူများမှ ကူညီပေးနေရသူများ၊ အစားအသောက်ဘဏ် မရှိသည့် ဒေသတွင် နေထိုင်နေရသူများ၊ ထိုကဲ့သို့ အကူအညီယူရန် ရှက်ရွံ့နေသူများ သို့မဟုတ် အစားလျော့စားခြင်းနှင့် ဈေးပေါသည့်အစားအသောက်များကို ၀ယ်စားကာ ၎င်းတို့၏ အခက်အခဲကို စီမံဖြေရှင်းသူများ မပါဝင်ဟု အဆိုပါအစီရင်ခံစာ၌ ဖော်ပြထားသည်။

Trust က နိုင်ငံ၏ စီးပွားရေး နလန်ထူလာခြင်းကို ၀င်ငွေနိမ့်သော မိသားစုများ ခံစားရခြင်းမရှိဟု ဆိုပြီး အစိုးရအနေဖြင့် ထိုကဲ့သို့ နလန်ထူလာခြင်း၏ အကျိုးကျေးဇူးကို ၀င်ငွေနည်းပါးသည့် မိသားစုများထံသို့ အသေအချာရောက်ရှိအောင် ဆောင်ရွက်မပေးပါက အဆင်းရဲဆုံးသူများ၏ ဘ၀များ ပိုကောင်းလာမည်ကို မိမိတို့ တွေ့မြင်ရမည်မဟုတ်ဟု သတိပေးခဲ့သည်။

ထိုပြသနာကိုဖြေရှင်ရန်အတွက် ဘ၀ရပ်တည်မှု လုံလောက်စေသည့် လုပ်အားခကို စတင်ဆောင်ရွက်ပေးခြင်းနှင့် အနိမ့်ဆုံးလုပ်အားခ သတ်မှတ်ချက်ကို တိုးမြှင့်ပေးခြင်း စသည်တို့ကို ဆောင်ရွက်ရန်လည်း အဆိုပါအစီရင်ခံစာတွင် တိုက်တွန်းထားသည်။

ယူကေ၏ ပင်စင်ရေးရာ အကြီးအကဲ ရေချယ် ရီဗက်စ်က မကြာသေးမီကပင် ၀န်ကြီးချုပ်ကင်မရွန်းထံသို့ စာတစ်စောင်ရေးသားခဲ့ပြီး ထိုစာတွင် အစားအသောက်ဘဏ်များကို မှီခိုနေရသည့် ပြည်သူအရေအတွက်ကို လျော့ချရေး ဆောင်ရွက်ရန် တိုက်တွန်းခဲ့သည်။

ရေချယ်က ကင်မရွန်း၏ ခေါင်းဆောင်မှုအောက်တွင် အလုပ်သမားအများစုမှာ လုပ်အားခနည်းနည်းသာ ရရှိပြီး ၎င်းတို့၏ မိသားစုများကို မကျွေးမွေးနိုင်ကြကြောင်း၊ အစိုးရ၏ ချွေတာရေးအစီအစဉ်များက ပြည်သူများအား အစားအသောက်ဘဏ်များသို့ ခြေဦးလှည့်ရသည့်အဖြစ်ကို ရောက်ရှိစေကြောင်း ပြောကြားခဲ့သည်။

၂၀၁၀ ခုနှစ်က ကင်မရွန်းဦးဆောင်သည့် အစိုးရ တက်လာပြီးနောက်ပိုင်း နိုင်ငံ၏ အကြွေးထူမှုကို လျော့ချရန်နှင့် စီးပွားရေးတိုးတက်မှု နှေးကွေးခြင်းကို ဖြေရှင်းရန်အတွက် ချွေတာရေးအစီအစဉ်များကို ဆောင်ရွက်ခဲ့ပြီး ပြီးခဲ့သည့်နှစ်များအတွင်း ပြည်သူများက ထိုအစီအစဉ်များကို ဆန္ဒပြလာကြသည်။

Ref: PressTV

ဇန်န၀ါရီ ၂၃၊ ၂၀၁၅
M-Media

– အသက်မပြည့်သေးသော အမေရိကန်အမျိုးသမီးတစ်ဦးနှင့် ၂၀၀၁ ခုနှစ်က လိင်ဆက်ဆံခဲ့သည်ဆိုသည့် စွပ်စွဲချက်ကို ဗြိတိန်တော်ဝင်မင်းသား အန်ဒရူးက ပထမဆုံး အကြိမ်အဖြစ် လူသိရှင်ကြား ငြင်းဆိုလိုက်သည်ဟု သိရသည်။

ကြာသာပတေးနေ့က ဆွစ်ဇလန်နိုင်ငံ ဒါဗို့စ်မြို့တွင် ပြုလုပ်ခဲ့သည့် ကမ္ဘာ့စီးပွားရေးဖိုရမ်တွင် မင်းသားအန်ဒရူးက ထိုကဲ့သို့ ငြင်းဆန်လိုက်ခြင်းဖြစ်သည်။

`ပထမဆုံး လွန်ခဲ့တဲ့ ၃ ပတ်လောက်က ဖြစ်ခဲ့တဲ့အဖြစ်အပျက်တွေနဲ့ပတ်သက်ပြီး ကျွန်တော် ရည်ညွှန်းပြောဆိုချင်ပါတယ်။ ပြောလည်းပြောရပါမယ်။ ကျွန်တော့်ရဲ့ကိုယ်စား ဘက်ကင်ဟမ် နန်းတော်က ထုတ်ပြန်ခဲ့တဲ့ ကြေညာချက်တွကို ကျွန်တော့်အနေနဲ့ ထပ်မံပြီး အတည်ပြုဖို့ ဆန္ဒရှိပါတယ်´ ဟု ပြောကြားခဲ့သည်။

ဒုတိယမြောက် အဲလိဇဘက်ဘုရင်မကြီး၏ သားတစ်ဦးဖြစ်ပြီး အိမ်ရှေ့မင်းသား ချာလ်းစ်၏ ညီဖြစ်သော မင်းသားအန်ဒရူးမှာ ၂၀၀၁ ခုနှစ်တွင် ထိုစဉ်က အသက် ၁၇ နှစ်အရွယ်သာရှိသေးသော အမေရိကန် မိန်းကလေးတစ်ဦးနှင့် လိင်ဆက်ဆံခဲ့သည်ဟု စွပ်စွဲခြင်း ခံခဲ့ရပြီး ဇန်န၀ါရီ ၁၉ ရက်နေ့တွင် အမေရိကန်ပြည်ထောင်စု ဖလော်ရီဒါရှိ တရားရုံး၌ ထိုအမျိုးသမီး၏ တရားစွဲဆိုခြင်းကိုခံခဲ့ရသည်။

တရားရေးဖိုင်တွင် `ဂျိန်းဒိုး နံပါတ် ၃´ ဟု ဖော်ပြထားသည့် အဆိုပါအမျိုးသမီးက မင်းသားအန်ဒရူးမှာ သူမအား သုံးကြိမ် လိင်ဆက်ဆံခဲ့ခဲ့ပြီး တစ်ကြိမ်မှာ အုပ်စုဖွဲ့၍ ကျူးလွန်ခဲ့ခြင်းဖြစ်သည်ဟု ထွက်ဆိုထားသည်။ ဘက်ကင်ဟမ်နန်းတော်ကမူ ထိုအမျိုးသမီး၏ အမည်အား ဗာဂျီးနီးယားရောဘတ်စ်ဟု ဖော်ပြထားသည်။

အဆိုပါ အမျိုးသမီး၏ ရှေ့နေကလည်း အမှုနှင့်ပတ်သက်၍ မင်းသား အန်ဒရူးအား မေးမြန်းခွင့်ရရန် ဘက်ကင်ဟမ်နန်းတော်သို့ စာတစ်စောင်ပေးပို့ထားပြီး နန်းတော်ကမူ ထိုစွပ်စွဲချက်အား ငြင်းဆိုခဲ့သည်။

`ယော့ခ်မြို့စား(အန်ဒရူး)ဟာ ဒီအမျိုးသမီးနဲ့ လိင်ပိုင်းဆိုင်ရာ ဘယ်လိုထိတွေ့ဆက်ဆံမှုမျိုးမှ မရှိခဲ့ဖူးဆိုတာ ပြတ်ပြတ်သားသားကို ငြင်းဆိုပါတယ်။ ကြိုးကြောင်းခိုင်လုံခြင်းမရှိတဲ့ ဒီပြောကြားမှုဟာ မှားယွင်းပြီး အခြေအမြစ်လည်း မရှိပါဘူး´ ဟု ဘက်ကင်ဟမ် နန်းတော်မှ ယခုလအစောပိုင်းတွင် ထုတ်ပြန်ခဲ့သည့် ကြေညာချက်တွင် ဖော်ပြထားသည်။

Ref:CNN