News @ M-Media

Tag: britain

  • အီးယူမှခွဲထွက်ရေး၊ မထွက်ရေး ဗြိတိန်ပြည်သူများ ယနေ့တွင် မဲပေးမည်

    အီးယူမှခွဲထွက်ရေး၊ မထွက်ရေး ဗြိတိန်ပြည်သူများ ယနေ့တွင် မဲပေးမည်

    ဇွန် ၂၃၊ ၂၀၁၆
    M-Media

    britain

    – ဥရောပသမဂ္ဂနေ ခွဲထွက်ရေး ဗြိတိန်ရဲ့ လူထုဆန္ဒခံယူပွဲပြုလုပ်ဖို့ နာရီပိုင်းသာလိုတော့တဲ့အချိန်မှာ ထွက်ရေး၊ မထွက်ရေး နှစ်ဖက်စလုံးက ပြိုင်ဘက်နိုင်ငံရေးသမားတွေက နောက်ဆုံး မဲဆွယ်မှုတွေကို ပြုလုပ်နေကြပါတယ်။

    မထွက်ရေးကိုအားသန်တဲ့ ဗြိတိန်ဝန်ကြီးချုပ် ဒေးဗစ်ကင်မရွန်းကတော့ ဒီနေ့ပြုလုပ်မယ့် ဆန္ဒမဲပေးပွဲမှာ ထွက်ရေးဘက်က အသာရသွားမယ်ဆိုရင် နိုင်ငံရဲ့ဦးတည်ရာဟာ လွဲသွားလိမ့်မယ်လို့ သတိပေးခဲ့ပါတယ်။

    “ကျွန်တော်တို့ဟာ အရေမရ အဖတ်မရတွေကို လုပ်နေတာမဟုတ်ပါဘူး။ ဥရောပစီးပွားရေး ပြန်လည် ဦးမော့လာတာကို ခင်ဗျားတို့ တွေ့မှာပါ။ ဥရောပဈေးကွက်ဟာ ကမ္ဘာ့အကြီးဆုံး ဈေးကွက်ကြီးတစ်ခုပါပဲ” လို့ ကင်မရွန်းက ပြောကြားခဲ့ပါတယ်။

    ဥရောပသမဂ္ဂကနေ ခွဲထွက်ရေးအတွက် ဦးဆောင်လှုပ်ရှားသူ လန်ဒန်မြို့တော်ဝန်ဟောင်း ဘောရစ်ဂျွန်ဆင်ကတော့ ခွဲထွက်မှုဟာ ဗြိတိန်ရဲ့ ဂုဏ်သိက္ခာ၊ လွတ်လပ်ရေးနဲ့ ကိုယ်ပိုင်ပြဌာန်းပိုင်ခွင့်တို့အတွက် ဖြစ်တယ်လို့ ဆိုပါတယ်။

    “အလုပ်မဖြစ်တဲ့ အီးယူစနစ်ကနေ ခွဲထွက်ဖို့ အချိန်တန်နေပါပြီ။ ပြီးတော့ ဥရောပတစ်ဝှမ်းက ကျွန်တော်တို့ရဲ့မိတ်ဖက်တွေ၊ သူငယ်ချင်းတွေနဲ့ ဆက်ဆံရေးအသစ်တစ်ခုကို ထူထောင်ဖို့လည်း အချိန်ရောက်နေပြီဖြစ်ပါတယ်”

    ဗုဒ္ဓဟူးနေ့ညနေပိုင်းကလည်း လန်ဒန်မြို့က ၀င်ဘလေကွင်းမှာပြုလုပ်တဲ့ ထွက်ရေး၊ မထွက်ရေး မဲဆွယ်သူတွေရဲ့ နောက်ဆုံး စကားရည်လုပွဲမှာ မထွက်ရေးဘက်ကမဲဆွယ်နေတဲ့ လန်ဒန်မြို့တော်ဝင် ဆီဒစ်ခန်းက ဂျွန်ဆင်ကို မျက်နှာချင်းဆိုင် ပြန်လည်တုန့်ပြန်ခဲ့ပါတယ်။

    “ခင်ဗျားဟာ မုသားတွေပြောနေတာဖြစ်ပြီး လူတွေကို ကြောက်အောင်လုပ်နေတာပါ” လို့ ခန်းဆိုပြီး ထွက်ရေးဘက်ကထောက်ပြတဲ့ တူရကီဟာ အီယူအဖွဲ့ဝင်ဖြစ်နိုင်တယ်ဆိုတဲ့အချက်ဟာ ၀ါးလုံးသိမ်းရမ်းတာလို့လည်း ထောက်ပြခဲ့ပါတယ်။

    ဂျွန်ဆင်ကတော့ ဥရောပသမဂ္ဂမှာ ဆက်နေချင်တဲ့သူတွေဟာ ဗြိတိန်စီးပွားရေး ပြိုလဲသွားနိုင်တယ်ဆိုတာကို သတိပေးပြီး “အကြောက်တရား” သွတ်သွင်းပေးနေတယ်လို့ဆိုကာ၊ ဒီနေ့ပြုလုပ်မယ့် မဲခွဲမှုမှာ ဗြိတိန်ခွဲထွက်နိုင်ခဲ့ရင် ဒါဟာ နိုင်ငံရဲ့လွတ်လပ်ရေးနေ့လို့တောင် ခေါ်ဆိုထိုက်တယ်လို့ ပြောကြားခဲ့ပါတယ်။

    မဲပေးမှုမှာ ထွက်ရေးက အနိုင်ရခဲ့ရင် ဥရောပသမဂ္ဂရဲ့ နှစ် ၆၀ သက်တမ်းမှာ ခွဲထွက်တဲ့ ပထမဆုံးနိုင်ငံ ဖြစ်လာမှာဖြစ်ပြီး နောက်ထပ် ဥရောပနိုင်ငံတွေ ခွဲထွက်မယ့် အခြေအနေမျိုး ဖြစ်လာနိုင်တယ်လို့ သတိပေးသူတွေလည်း ရှိနေပါတယ်။

    ပြည်သူ့ဆန္ဒခံယူပွဲမတိုင်ခင် နောက်ဆုံးပြုလုပ်ခဲ့တဲ့ စစ်တမ်းမှာတော့ ထွက်ရေးနဲ့ မထွက်ရေးဖက်က ဘယ်သူမှ အသာမရဘဲ မတိမ်းမယိမ်းရှိနေပါတယ်။

    Ref: Aljazeera

  • ငှက်ဖျားတိုက်ဖျက်ရေး ဘီလ်ဂိတ်နှင့် ဗြိတိန်တို့ပူးပေါင်းကာ ပေါင် သန်း ၃ ထောင် သုံးစွဲမည်

    ငှက်ဖျားတိုက်ဖျက်ရေး ဘီလ်ဂိတ်နှင့် ဗြိတိန်တို့ပူးပေါင်းကာ ပေါင် သန်း ၃ ထောင် သုံးစွဲမည်

    ဇန်န၀ါရီ ၂၆၊ ၂၀၁၆
    M-Media


    – ငှက်ဖျားရောဂါအမြစ်ပြတ်ချေမှုန်းဖို့ နောက်ထပ်ငါးနှစ်အတွင်း မိမိတို့ဟာ တစ်နှစ်လျှင် ပေါင် သန်း ၅၀၀ လောက် သုံးစွဲသွားမှာဖြစ်ပြီး မိုက်ခရိုဆော့ဖ်တည်ထောင်သူ ဘီလ်ဂိတ်နဲ့လည်း ပူးပေါင်းကာ စုစုပေါင်း ပေါင် သန်း ၃၀၀၀ အသုံးပြုသွားမယ်လို့ ဗြိတိန်အစိုးရက ထုတ်ပြန်ကြေညာခဲ့ပါတယ်။

    ကုန်ကျငွေတွေကို နိုင်ငံတော်ရဲ့ ပြည်ပကူညီရေးရန်ပုံငွေတွေကနေ ထုတ်ယူသုံးစွဲသွားမှာဖြစ်တယ်လို့ အဓိပတိ ဂျော့ အော့စ်ဘွန်းက ဘီလ်ဂိတ်နဲ့ ပူးတွဲပြုလုပ်တဲ့ အခမ်းအနားတစ်ခုမှာ ပြောကြားခဲ့တာဖြစ်ပြီး၊ ဘီလျံနာသူဌေးကြီးဘီလ်ဂိတ်ရဲ့ Bill & Melinda Gates ဖောင်ဒေးရှင်းကနေ ငှက်ဖျားတိုက်ဖျက်ရေးအတွက် တစ်နှစ်ကို ဒေါ်လာ သန်း ၂၀၀ ၀န်းကျင်လောက် ပေးအပ်သွားမှာ ဖြစ်ပါတယ်။

    “တစ်ကမ္ဘာလုံးမှာ လူသန်းတစ်ထောင်လောက် ငှက်ဖျားပိုး ကူးစက်ခံနေရပါတယ်၊ ဒီလိုဖြစ်ရတာဟာ ပြောပြဖို့တောင်မကောင်းတဲ့ ဒုက္ခဝေဒနာနဲ့ စီးပွားရေး အကြမ်အတည်းတွေကြောင့်ပဲ ဖြစ်ပါတယ်” လို့ အော့စ်ဘွန်းက ကြေညာချက်ထဲမှာ ဖော်ပြခဲ့ပါတယ်။

    “ဒါကြောင့်မို့လို့ ဘီလ်ဂိတ်နဲ့လက်တွဲပြီး ဗြိတိန်နိုင်ငံက အဲဒီရောဂါကိုတိုက်ဖျက်ဖို့ ရှေ့ဆုံးကနေ လုပ်ဆောင်သွားမယ်လို့ ဆုံးဖြတ်ချက်ချထားပါတယ်”

    ဒီဇင်ဘာက ကမ္ဘာ့ကျန်းမာရေးအဖွဲ့ချုပ် (WHO) က ထုတ်ပြန်တဲ့ ငှက်ဖျားပိုးဆိုင်ရာ နှစ်ပတ်လည် အစီရင်ခံစာထဲမှာ ၂၀၀၀ ခုနှစ်က ငှက်ဖျားကြောင့် လူသေဆုံးမှု ၈၃၉,၀၀၀ ရှိရာကနေ ၂၀၁၅ ခုနှစ်မှာ ၄၃၈,၀၀၀ ထိ သေဆုံးမှု ကျဆင်းခဲ့တယ်လို့ ဖော်ပြထားပါတယ်။

    အော့စ်ဘွန်းက အချို့ငွေတွေကို ရောဂါတိုက်ဖျက်ဖို့အတွက် ဗြိတိန်မှာ နည်းပညာတွေ ရှာဖွေရာမှာလည်း အသုံးပြုသွားမှာ ဖြစ်တယ်လို့ ဆိုပါတယ်။ ဂိတ်စ်ဖောင်ဒေးရှင်းရဲ့ ပထမနှစ် ထည့်ဝင်ငွေကို သုတေသနနဲ့ ဖွံ့ဖြိုးရေးလုပ်ငန်းတွေနဲ့ ငှက်ဖျားရောဂါအမြစ်ဖြတ်ရေးအတွက် ဒေသန္တရကြိုးပမ်းအားထုတ်မှုတွေမှာ အသုံးပြုသွားမှာဖြစ်ပါတယ်။

    ဂိတ်စ်ဖောင်ဒေးရှင်းကို ၂၀၀၀ ပြည့်နှစ်မှာ ဘီလ်ဂိတ်နှင့် ဇနီးဖြစ်သူ မီလင်ဒါတို့က တည်ထောင်ခဲ့တာဖြစ်ပြီး ကမ္ဘာတစ်ဝှမ်းရှိ ရောဂါဘယနှင့် ဆင်းရဲမွဲတေမှုတိုက်ဖျက်ဖို့အတွက် လုပ်ဆောင်နေပါတယ်။

    Ref: Channelnewsasia

  • အာဖဂန်ပြည်သူများအပေါ် ကျူးလွန်မှုဖြင့် ဗြိတိန်စစ်သားများကို စုံစမ်းနေ

    အာဖဂန်ပြည်သူများအပေါ် ကျူးလွန်မှုဖြင့် ဗြိတိန်စစ်သားများကို စုံစမ်းနေ

    အောက်တိုဘာ ၂၆၊ ၂၀၁၅
    M-Media

    aga

    – အာဖဂန်စစ်ပွဲအတွင်း ဗြိတိန်စစ်သားများမှာ အာဖဂန်ပြည်သူများအပေါ် ဆိုးရွားစွာ ဆက်ဆံခဲ့သည်ဟူသော စွပ်စွဲချက်များအတွက် ဗြိတိန်ရဲတပ်ဖွဲ့က ရာဇ၀တ်မှုဆိုင်ရာ စုံစမ်းစစ်ဆေးမှုများ ပြုလုပ်နေသည်ဟု သိရသည်။

    ၂၀၀၅ ခုနှစ်မှ ၂၀၁၃ ခုနှစ်အကြားတွင် ပြုလုပ်ခဲ့သည့် Herrick စစ်ဆင်ရေး၌ ဖမ်းဆီးထိန်းသိမ်းခြင်း ခံခဲ့ရသော အာဖဂန်ပြည်သူ ၁၀၀ ကျော်က မိမိတို့မှာ ဗြိတိန်စစ်သားများ၏ စော်ကားမှုများ၊ မဖွယ်မရာ ဆက်ဆံမှုများကို ခံခဲ့ရသည်ဟု တိုင်တန်းထားခြင်းဖြစ်ပြီး တော်ဝင်စစ်ဘက်ဆိုင်ရာ ရဲဌာန (RMP) က Northmoor စစ်ဆင်ရေးဖြင့် စုံစမ်းစစ်ဆေးမှုများကို ဦးဆောင် ပြုလုပ်နေခြင်းဖြစ်သည်။

    ကာကွယ်ရေးဝန်ကြီး ပန်နီ မောရ်ဒေါင့်ကမူ စစ်တပ်မှာ တစ်ခါတစ်ရံတွင် “အကျိုးအကြောင်း မဆီလျော်သည့် စွပ်စွဲမှုများ” ကို ရင်ဆိုင်နေရသည်ဟု ပြောကြားခဲ့သည်။ ကာကွယ်ရေးဝန်ကြီးဌာန၏ ၀ဘ်ဆိုက်တွင် မောရ်ဒါင့်က ထိုကဲ့သို့ တရားရေးဆိုင်ရာ ဆောင်ရွက်မှုများမှာ စစ်တပ်၏ ထိထိရောက်ရောက် ဆောင်ရွက်နိုင်စွမ်းအတွက် မေးခွန်းထုတ်စရာ ဖြစ်လာမည်ကို စိုးရိမ်သည်ဟု ပြောကြားခဲ့သည်။

    ဗြိတိန်ကာကွယ်ရေးဝန်ကြီးဌာနမှာ အာဖဂန်စစ်ပွဲနှင့် ပတ်သက်၍ ယခင်ကလည်း ထိုကဲ့သို့ စွဲချက်များနှင့် ရင်ဆိုင်ခဲ့ရပြီး စုံစမ်းစစ်ဆေးမှုများ ပြုလုပ်ကာ နစ်နာကြေးများကို ပေါင် သန်းနှင့်ချီ၍ ပေးခဲ့ရသည်။

    အာဖဂန်၌ ဗြိတိန်၏ စစ်ဆင်ရေးမှာ ၂၀၀၁ ခုနှစ်တွင် စတင်ခဲ့ပြီး ၁၃ နှစ်တာ ကြာမြင့်ခဲ့ကာ ပြီးခဲ့သည့်နှစ်နှောင်းပိုင်းက ဗြိတိန်တပ်များအားလုံးမှာ အာဖဂန်မှ ရုပ်သိမ်းခဲ့သည်။

    Ref: BBC, News.sky.

  • အီရတ်စစ်ပွဲကို သတင်းအမှားဖြင့် ၀င်တိုက်ခဲ့သည်ဟု ဗြိတိန်ဝန်ကြီးချုပ်ဟောင်း ၀န်ခံ

    အီရတ်စစ်ပွဲကို သတင်းအမှားဖြင့် ၀င်တိုက်ခဲ့သည်ဟု ဗြိတိန်ဝန်ကြီးချုပ်ဟောင်း ၀န်ခံ

    အောက်တိုဘာ ၂၅၊ ၂၀၁၅
    M-Media

    – အီရတ်တွင် ဖျက်အားပြင်း ဓာတုလက်နက်များ ရှိသည်ဆိုသော ထောက်လှမ်းရေးသတင်းမှာ သတင်းအမှားသာဖြစ်သည်ဟု ဗြိတိန်ဝန်ကြီးချုပ်ဟောင်း တိုနီဘလဲက ၀န်ခံပြောကြားလိုက်ပြီး အသက်ပေါင်းများစွာ ဆုံးရှုံးခဲ့သည့် အီရတ်စစ်ပွဲ အမှားများအတွက်လည်း တောင်းပန်လိုက်သည်။

    “ထောက်လှမ်းရေးကရတဲ့ သတင်းဟာ မှားယွင်းတယ်ဆိုတာအတွက် ကျွန်တော် တောင်းပန်ပါတယ်။ အစီအစဉ်ဆွဲမှု အတွင်းမှာ မှားယွင်းမှုတွေနဲ့၊ အာဏာရှင်ဆက်ဒမ်ဟူစိန်ကို ဖြုတ်ချပြီးနောက်ပိုင်းမှာ ဘာတွေဖြစ်လာမလဲဆိုတာကို ကျွန်တော်တို့တွက်ချက်မှုမှာ တက်တက်စင်အောင် လွဲခဲ့တာတွေအတွက်လည်း ကျွန်တော် တောင်းပန်ပါတယ်” ဟု CNN Europe နှင့် အင်တာဗျူးတွင် တိုနီဘလဲက ပြောကြားခဲ့သည်။

    အဆိုပါ အင်တာဗျူးကို ယနေ့တွင် ဥရောတစ်လွှား၌ ထုတ်လွှင့်ပြသမည်ဖြစ်သည်။ ထို့ပြင် အမေရိကန်နှင့် ဗြိတိန်တို့၏ အီရတ်စစ်ပွဲမှာ IS အဖွဲ့ ပေါ်ထွက်လာမှု၏ “အဓိက အကြောင်းအရင်း” ဖြစ်သလားဟု မေးမြန်းရာတွင်လည်း ဘလဲက တစ်စိတ်တစ်ပိုင်း မှန်ကန်သည်ဟု ၀န်ခံခဲ့သည်။

    “၂၀၀၃ ခုနှစ်မှာ ဆက်ဒမ်ဟူစိန်ကို ဖြုတ်ချခဲ့တဲ့ ကျွန်တော်တို့ဟာ ဒီ ၂၀၁၅ က အခြေအနေတွေမှာ လုံးဝ တာဝန်မရှိဘူးလို့တော့ ပြောလို့မရပါဘူး”

    တိုနီဘလဲနှင့်ပတ်သက်၍ ပြောရေးဆိုခွင့်ရှိသူ အမျိုးသမီးကလည်း ဘလဲမှာ ထောက်လှမ်းရေး၏ အမှားလုပ်မှုနှင့် အစီအစဉ် မမှန်ကန်မှုများအတွက် အမြဲတမ်း တောင်းပန်ခဲ့ကြောင်း၊ သို့သော်လည်း ဆက်ဒမ်အား ဖြုတ်ချခြင်းမှာ မှားယွင်းမှုတစ်ခုဟု ၎င်းက မထင်ခဲ့ကြောင်း ပြောကြားခဲ့သည်။

    အီရတ်ကျူးကျော်စစ်အတွင်း ဗြိတိန်အစိုးရ၏ ပါဝင်ပတ်သက်မှုအား စုံးစမ်းရန် ဖွဲ့စည်းထားသော Chilcot အဖွဲ့မှာ အစီရင်ခံစာတစ်စောင် ထုတ်ပြန်ရန်ရှိနေပြီး ဘလဲ၏ ယခုတောင်းပန်မှုက အစီရင်ခံစာထွက်ပြီးနောက် ဖြစ်ပေါ်လာဖွယ်ရှိနေသည့် ဝေဖန်မှုများအတွက် ကြိုတင် ကာထားခြင်းဖြစ်သည်ဟု စကော့တလန် ပထမ၀န်ကြီးချုပ် နီကိုလာ စတာဂျီယန်က ပြောကြားခဲ့သည်။

    “ဘလဲရဲ့ ဝေ့လည်ကြောင်ပတ်ဇာတ်လမ်းက စပါပြီ။ ဒါပေမယ့် တိုင်းပြည်က အမှန်တရားကို စောင့်ဆိုင်းနေပါတယ်။ Chilcot စုံစမ်းရေးအဖွဲ့က အစီရင်ခံစာ နှောင့်နှေးနေတာကလည်း မသမာမှုပါပဲ” ဟု စတာဂျီယန်က ပြောကြားခဲ့သည်။

    အဆိုပါ စုံစမ်းရေးအဖွဲ့ကို လွန်ခဲ့သည့် ၆ နှစ်က စတင်ဖွဲ့စည်းခဲ့ခြင်းဖြစ်ပြီး တစ်နှစ်အတွင်း အပြီး ဆောင်ရွက်ပေးမည်ဟု ထိုစဉ်က ဗြိတိန်ဝန်ကြီးချုပ် ဂေါ်ဒွန်ဘရောင်းက အသေအချာ ပြောခဲ့သော်လည်း ယနေ့အချိန်အထိ အစီရင်ခံစာ ထွက်မလာသေးဘဲ နောက်ဆုံးအစီရင်ခံစာကို ထုတ်ပြန်ရန် ရက်အတိအကျကိုလည်း သတ်မှတ်ထားခြင်းမရှိချေ။

    ထိုကဲ့သို့ အစီရင်ခံစာ ထုတ်ပြန်မှု အလွန်အမင်း နောက်ကျနေခြင်းက တိုနီဘလဲအပါအ၀င် အီရတ်စစ်ပွဲအတွက် ဝေဖန်မှုများနှင့် ရင်ဆိုင်ရနိုင်သူများ အစီရင်ခံစာ ထွက်မလာခင် အမြင်လှအောင် လုပ်ဆောင်ရန် အခွင့်အရေး ရစေခဲ့သည်။

    စစ်ပွဲအတွင်း သေဆုံးသွားသော စစ်သားများ၏ မိသားစု ဆွေမျိုးများကမူ ထိုအစီရင်ခံစာထွက်မည့်ရက်ကို သတ်မှတ်ထုတ်ပြန်ခြင်း မရှိပါက တရားဥပဒေအရ တုန့်ပြန်သွားမည်ဟု ခြိမ်းခြောက်ထားသည်။

    အမေရိကန်၏ အီရတ်ကျူးကျော်စစ်တွင် ပါဝင်ရန် တိုနီဘလဲက ဆုံးဖြတ်ချက်ချသည့်အချိန်တွင် ပြည်ထဲရေးဝန်ကြီးအဖြစ် တာဝန်ထမ်းဆောင်ခဲ့သည့် လော့ဒ် ဘလန့်ကတ်က ဆက်ဒမ်အား ဖြုတ်ချအပြီး ဆောင်ရွက်မည့်ကိစ္စနှင့်ပတ်သက်၍ ဘလဲထံမှ ရေရေရာရာ မသိခဲ့ရဟု ဆိုသည်။

    “စစ်ဆင်ရေး ပြီးသွားတဲ့အခါ ဘာဖြစ်မလဲဆိုတာကို တိုနီက ဘာမှမပြောနိုင်ခဲ့ပါဘူး။ သူက ဒစ်ချေနီ (အမေရိကန် ဒုတိယသမ္မတ) နဲ့ ဒေါ်နယ်လ်ရမ်းစဖဲလ် (အမေရိကန် ကာကွယ်ရေးဝန်ကြီး) တို့ကို ယုံကြည်ဖို့ ဆုံးဖြတ်ခဲ့တာပါ” ဟု ယနေ့တွင် Dailymail သို့ ပြောကြားခဲ့သည်။

    “ပြန်ပြောင်းတွေးကြည့်တဲ့အခါ အစိုးရယန္တရားတစ်ခုလုံးကို ဖြုတ်ချခြင်းအားဖြင့် ဆက်ဒမ်ရဲ့ ဘာ့သ်ပါတီ သြဇာလွှမ်းမိုးမှုကို လုံးဝ ဖြိုဖျက်ဖို့ဆိုတဲ့အပေါ် သူတို့ ပါဝင်ခဲ့တာလို့ အခု ကျွန်တော်တို့ သိရှိရပါတယ်။ ဒါက တကယ်အလုပ်လုပ်နိုင်တဲ့ ဘယ်လိုအစိုးရမျိုးကိုမှ ဖွဲ့လို့မရတာ၊ ထိမ်းမနိုင်သိမ်းမရအခြေအနေမျိုးတွေ ဖြစ်လာတာဆီကိုပဲ ဦးတည်ခဲ့ပါတယ်”

    “တိုနီဘလဲကို ဓားစာခံလုပ်တာတော့ မဟုတ်ပါဘူး။ အမေရိကန်အပေါ်မှာ ကျွန်တော်တို့ဟာ ပိုကြီးများတဲ့ လွှမ်းမိုးမှု ရှိမယ်လို့ ယုံကြည်ထင်မှတ်ပြီး မှောက်မှားသွားတဲ့ ဒီကိစ္စအတွက် ကျွန်တော်တို့အားလုံးကို အပြစ်တင်ရမှာပါ”

    ထို့ပြင် ထိုစုံစမ်းစစ်ဆေးမှု၏ တွေ့ရှိချက်များနှင့် ပတ်သက်၍ ကနဦးအစီရင်ခံစာကို အလျင်အမြန် ထုတ်ပြန်ခြင်း မရှိပါက၊ အစီရင်ခံစာတစ်ခုလုံးမှာ ယုံကြည်၍မရဟူသော အခြေအနေအထိ ဖြစ်သွားနိုင်သည်ဟုလည်း ၎င်းက ထည့်သွင်းသတိပေးခဲ့သည်။

    Ref: Gurdian

  • တရုတ်သမ္မ၏ ဗြိတိန်ခရီးစဉ် ပြီးဆုံး

    တရုတ်သမ္မ၏ ဗြိတိန်ခရီးစဉ် ပြီးဆုံး

    အောက်တိုဘာ ၂၄၊ ၂၀၁၅
    M-Media

    china

    – တရုတ်သမ္မတ ဇီဂျင်ပင်း၏ ၄ ရက်တာ ဗြိတိန်ခရီးစဉ်မှာ ယမန်နေ့တွင် ပြီးဆုံးခဲ့ပြီး နှစ်နိုင်ငံ သဘောတူစာချုပ်များစွာ ချုပ်ဆိုနိုင်ခဲ့ကာ ဗြိတိန်ကိုလည်း ဥရောပသမဂ္ဂမှ မထွက်ရန် ဇီက တိုက်တွန်းခဲ့သည်။

    ထိုခရီးစဉ်အတွင်း နှစ်နိုင်ငံဆက်ဆံရေးကို ခိုင်မာအောင် ဆောင်ရွက်နိုင်ခဲ့ကာ ကုန်သွယ်ရေး စာချုပ်များအပါအ၀င် မိမိတို့နှစ်နိုင်ငံအကြား ကန်ဒေါ်လာ ၆၁.၆ ဘီလီယံဖိုး သဘောတူညီချက်များ ရရှိခဲ့သည်ဟု ၀န်ကြီးချုပ် ဒေးဗစ်ကင်မရွန်းက ပြောကြားခဲ့သည်။

    မန်ယူပရိတ်သတ်ဖြစ်သော်လည်း ဇီဂျင်ပင်းမှာ မန်စီးတီးကွင်းသို့ သွားရောက်လည်ပတ်ခဲ့ပြီး မန်စီးတီးတိုက်စစ်မှူး အဂူရို၊ ဒေးဗစ်ကင်မရွန်းတို့နှင့် Selfie တွဲရိုက်ခဲ့သည်။ ထို့ပြင် ဗြိတိန်ဘောလုံးပြတိုက်ကိုလည်း သွားရောက်ကြည့်ရှုခဲ့ သည်။ ဇီဂျင်ပင်း၏ အဆိုပါခရီးစဉ်အတွင်း လူ့အခွင့်အရေးနှင့် ပတ်သက်၍ ဆန္ဒပြမှုအချို့ ရှိခဲ့သည်။

    Ref: Channelnewsasia