News @ M-Media

Tag: Bundesliga

  • အောင်မြင်မှု၏တွန်းအားက မေတ္တာတရားဖြစ်သည်ဟု ဂွါဒီယိုလာဆို

    အောင်မြင်မှု၏တွန်းအားက မေတ္တာတရားဖြစ်သည်ဟု ဂွါဒီယိုလာဆို

    ဇွန် ၂၄၊ ၂၀၁၅
    M-Media

    byern

    – မိမိအား အောင်မြင်မှုဆီသို့ မောင်းနှင်သည့်အရာမှာ ဆုဖလားများ ဆွတ်ခူးခွင့် မဟုတ်ဘဲ ကစားသမားများနှင့် ပရိတ်သတ်များအား ချစ်မြတ်နိုးခြင်းပင်ဖြစ်သည်ဟု ဘိုင်ယန်မြူးနစ်နည်းပြ ဂွာဒီယိုလာက ပြောကြားခဲ့သည်။

    အသက် ၄၄ နှစ်အရွယ်ရှိ ဘာစီလိုနာနည်းပြဟောင်း ဂွါဒီယိုလာမှာ ချန်ပီယံလိဂ်ဖလားကို ၂ ကြိမ်တိုင်တိုင် ရရှိထားပြီး ၎င်း၏ ပထဆုံးနည်းပြဘ၀ ၆ နှစ်အတွင်းမှာပင် အမှတ်ပေးဖလား ၅ ကြိမ် ဆွတ်ခူးထားနိုင်သည်။

    သို့သော်လည်း ၎င်း၏ ခေါင်းဆောင်မှုကို ဖော်ထုတ်ရာတွင် ဂွါဒီယိုလာက မိမိနှင့် အလုပ်တွဲလုပ်သူများ၏ ချစ်ခြင်မေတ္တာကို ရရှိအောင်သာ ဆောင်ရွက်ပြီး ဆုဖလားများအနောက်ကို မလိုက်ဟု ပြောကြားခဲ့သည်။

    “ကျွန်တော့်ဘ၀မှာ ပြီးတော့ ကျွန်တော့်အလုပ်ကနေ ကျွန်တော်ဘာလိုချင်လဲဆိုတာ ခင်ဗျားသိချင်တယ်ဆိုရင် ချစ်ခြင်းမေတ္တာကိုပဲ ကျွန်တော်လိုချင်တာပါ။ ဘာမှ ထပ်ပြီး မရှာပါဘူး။ ဒါပဲ ကျွန်တော်လိုချင်တာပါ။ ဒါဟာ ခံစားမှုပါ။ တကယ်ပါ။ ကျွန်တော်ဟာ ဆုဖလားတွေကို မရှာဖွေပါဘူး” ဟု ဂွါဒီယိုလာက ပြောကြားခဲ့သည်။

    ထို့ပြင် တစ်ခါတစ်ရံတွင် ကစားသမားတစ်ဦးအတွက် ခံစားချက်ကို ဖော်ပြရသည်မှာ ခက်ခဲ့ပြီး အထူးသဖြင့် အသင်းမှထွက်ခွာသွားသည့်အချိန်တွင် ဖြစ်သည်ဟု ဆိုသည်။

    “ကစားသမားကို အသင်းကနေ လက်လွှတ်ပြီဆိုရင် သူတို့က ကျွန်တော်ဟာ သူတို့ကို မကြိုက်လို့ဆိုပြီး စိတ်ခုကြပါတယ်။ ဒါဟာ သူတို့ကို မနှစ်သက်လို့ မဟုတ်ဘဲ နည်းစနစ်ပိုင်းဆိုင်ရာ အကြောင်းအရင်းတွေအတွက် ချရတဲ့ဆုံးဖြတ်ချက်ဆိုပြီး သူတို့ မတွေးကြပါဘူး”

    ကစားသမားတစ်ဦးအား ဂရုတစ်စိုက်ရှိခြင်းအားဖြင့် ၎င်း၏ စွမ်းဆောင်ရည်ကို တိုးတက်စေနိုင်ကြောင်းကို ၎င်းကြုံတွေ့ခဲ့ရသည့် ထိပ်တန်းကစားသမားတစ်ဦးအကြောင်း ဥပမာပေးကာ ဂွာဒီယိုလာက ပြောပြခဲ့သည်။

    “သူနဲ့အတူ ကျွန်တော် ကော်ဖီဆိုင်ကိုသွားပြီး ကျွန်တော်တို့ ဘ၀အကြောင်း ပြောကြပါတယ်။ ဘောလုံးအကြောင်းမဟုတ်ပါဘူး။ နောက်ပွဲမှာ သူဟာ အသင်းရတဲ့ ဂိုး ၄ ဂိုးထဲက ၂ ဂိုးကို သွင်းယူနိုင်ခဲ့ပါတယ်။ တစ်ခုခုထူးခြားမှုကို သူ ခံစားခဲ့ရတယ်။ ဘာ့ကြောင့်လည်းဆိုတော့ သူဟာ မေတ္တာတရားကို ခံစားခဲ့ရလို့ပဲပေါ့”

    Ref: Goal

  • ဂွါဒီယိုလာက ဘိုင်ယန်ကိုတိုးတက်စေခဲ့သည်ဟု ရော်ဘင်ဆို

    ဂွါဒီယိုလာက ဘိုင်ယန်ကိုတိုးတက်စေခဲ့သည်ဟု ရော်ဘင်ဆို

    မေ ၂၁၊ ၂၀၁၅
    M-Media

    byern

    – လွန်ခဲ့သည့် ၂ နှစ် ဂွာဒီယိုလာ ရောက်ရှိလာပြီးနောက်ပိုင်း အသင်းမှာ တိုးတက်လာခဲ့သည်ဟု ဘိုင်ယန်မြူးနစ်အသင်း၏ ကွင်းလယ်လူ အာဂျန်ရော်ဘင်က ပြောကြားလိုက်သည်။

    ဂွါဒီယိုလာမှာ ယခုနှစ်တွင် အသင်းအား ဘွန်ဒစ်လီဂါချန်ပီယံဖြစ်အောင် စွမ်းဆောင်ပေးနိုင်ခဲ့သော်လည်း ချန်ပီယံလိဂ် ဆီမီးဖိုင်နယ်တွင် ထွက်ခဲ့ရမှုအတွက် ဝေဖန်မှုများ ခံနေရသည်။ ၎င်း၏ စာချုပ်မှာလည်း တစ်နှစ်သာ ကျန်ရှိတော့ပြီး ရော်ဘင်ကမူ ဂွါဒီယိုလာအား အသင်း၌ ဆက်လက်ရှိနေစေချင်သည်။

    “သူက စူပါနည်းပြတစ်ဦးဖြစ်ပြီး ကမ္ဘာ့အကောင်းဆုံး နည်းပြတွေထဲက တစ်ဦးလည်း ဖြစ်ပါတယ်။ သူဟာ ကျွန်တော်တို့ကို အသင်းတစ်သင်းလို ပိုပြီး တိုးတက်စေခဲ့ပါတယ်။ နောက်ထပ် ၂ နှစ် ၃ နှစ်လောက် သူနဲ့ ဆက်လက် အလုပ်လုပ်ရရင် ကျွန်တေ်ာပျော်မိမှာပါ။ လာမယ့်နှစ်မှာ ကျွန်တော်တို့ အောင်မြင်မှာပါ။ ကျွန်တော် ယုံကြည်နေပါတယ်” ဟု ရော်ဘင်က ပြောကြားခဲ့သည်။

    ထို့ပြင် ရော်ဘင်မှာ ဘိုင်ယန်တွင် နေရာပျောက်နေသည့် အလယ်တန်းလူ မာရီယို ဂေါ့ဇီကိုလည်း ထောက်ခံခဲ့သည်။

    “သူ ဒါကို ကျော်လွှာရမှာဖြစ်ပြီး တိုက်ပွဲဝင်သွားရမှာပါ။ သူဟာ ကစားသမားကောင်းတစ်ယောက်ဖြစ်ပြီး သူ့ရဲ့ ခေါင်းတိုက်ချက်ကလည်း နေရာမှန်မှာ ရှိပါတယ်။ သူ့မှာ အရည်အချင်းရှိပြီး ဒါကို လုပ်နိုင်ပါလိမ့်မယ်”

    Ref: Goal

  • ရှုံးထွက်ဖလားအတွက် အားလုံးလုပ်သွားမည်ဟု ၀ုလ်ဖ်ဘာ့ဂ်နည်းပြဆို

    ရှုံးထွက်ဖလားအတွက် အားလုံးလုပ်သွားမည်ဟု ၀ုလ်ဖ်ဘာ့ဂ်နည်းပြဆို

    ဧပြီ ၃၀၊ ၂၀၁၅
    M-Media

    1310762_heroa

    – DFB-Pokal ဖလား နောက်ဆုံးဗိုလ်လုပွဲတွင် ဒေ့ါမွန်အသင်းအား အနိုင်ရရေးအတွက် အရာအားလုံးကို လုပ်ဆောင်သွားမည်ဟု ၀ုလ်ဖ်ဘာ့ဂ်အသင်းနည်းပြ ဒီယက်တာ ဟက်ကင်းက ပြောကြားခဲ့သည်။

    ဘွန်ဒစ်လီဂါ ဒုတိယနေရာတွင်ရှိနေသည့် ၀ုလ်ဖ်ဘာ့ဂ်အသင်းမှာ ယမန်နေ့က ကစားခဲ့သည့် ဆီးမီးဖိုင်နယ်တွင် အာမီနီယာ ဘီလီဖဲလ်ဒ်အသင်းအား ၄ ဂိုးပြတ်ဖြင့် အနိုင်ရရှိခဲ့ပြီး နောက်ဆုံးဗိုလ်လုပွဲသို့ တက်ရောက်နိုင်ခဲ့ကာ ဘိုင်ယန်အား အနိုင်ကစားခဲ့သည့် ဒေ့ါမွန်အသင်းနှင့် တွေ့ဆုံရမည်ဖြစ်သည်။

    ဟက်ကင်းကမူ ယုံကြည်မှုရှိနေပြီး မိမိတို့မှာ ဒေါ့မွန်အသင်းအား ရင်ဆိုင်ရန် အသင့်ဖြစ်နေသည်ဟု ဆိုသည်။

    “ကျွန်တော်တို့ အထူး အာရုံစိုက်ထားပါတယ်။ ဒီနေ့ ကျွန်တော်တို့အသင်း ကောင်းခဲ့ပြီး ကျွန်တော်တို့ လိုချင်သလို ဖြစ်ခဲ့ပါတယ်။ ဖိုင်နယ်မှာ ဘာအသင်းနဲ့ ကစားရမယ်ဆိုတာကို ကျွန်တော်တို့ ဂရုမစိုက်ပါဘူး။ ဒါပေမယ့် စိတ်လှုပ်ရှားစရာကောင်းမယ်ဆိုတာကတော့ သေချာပါတယ်။ ဖလားကို အိမ်ပြန်သယ်သွားဖို့ ကျွန်တော်တို့ အားလုံးလုပ်သွားမှာပါ။ ဒါပေမယ့် ပထမဆုံးကတော့ ကျွန်တော်တို့ဟာ ချန်ပီယံလိဂ်ဝင်ခွင့် သေချာအောင် လုပ်ရမှာပါ” ဟု ဟက်ကင်း Sky သို့ပြောကြားခဲ့သည်။

    ၀ုလ်ဖ်ဘာ့ဂ်အသင်း၏ အားကစားဒါရိုက်တာဖြစ်သူ ကာလော့စ် အလ်လုဖ်ကလည်း မြို့တွင်းတွင် ဖလားအား ကိုင်မြှောက်ခွင့်ရခဲ့ပါက တစ်မြို့လုံး အောင်ပွဲခံသင့်သည်ဟုဆိုသည်။

    “ဒါဟာ အသင်းအတွက်၊ ကလပ်အတွက်၊ ၀ုလ်ဖ်ဘာ့ဂ်မြို့အတွက် ကြီးမားတဲ့ အချိန်အခါပါ။ ဒီလိုအောင်မြင်တာ (ဖိုင်နယ်ရောက်တာ) ဟာလည်း သိပ်ကိုကောင်းပါတယ်။ ဘာလင်မှာ ကစားမယ့်ပွဲမှာ ပရိတ်သတ် ၂၅၀၀၀၊ ၃၀၀၀၀ လောက် ရှိမယ်လို့ မှန်းထားပါတယ်။ ဒေါ့မွန်နဲ့ပွဲဟာ ပွဲကောင်းတစ်ပွဲ ဖြစ်မှာပါ”

    Ref: Goal

  • DFB-Pokal ဖလားမှ ထွက်ခဲ့ရခြင်းက ရှက်စရာမဟုတ်ဟု ဘိုင်ယန်နည်းပြ ပြော

    DFB-Pokal ဖလားမှ ထွက်ခဲ့ရခြင်းက ရှက်စရာမဟုတ်ဟု ဘိုင်ယန်နည်းပြ ပြော

    ဧပြီ ၂၉၊ ၂၀၁၅
    M-Media

    byern

    – DFB-Pokal ဖလား ဆီမီးဖိုင်နယ်တွင် ဒေ့ါမွန်အသင်းအား ရှုံးနိမ့်ကာ ထွက်ခဲ့ရခြင်းကို မိမိတို့အနေဖြင့် ရှက်ရွံ့မည်မဟုတ်ဘဲ အသင်းသားများကိုလည်း အပြစ်တင်သွားမည်မဟုတ်ဟု ဘိုင်ယန်မြူးနစ်နည်းပြ ဂွါဒီယိုလာက ပြောကြားလိုက်သည်။

    ယမန်နေ့က ကစားခဲ့သည့် အဆိုပါပွဲတွင် ဘိုင်ယန်မှာ လီဝန်ဒေ့ါစကီး၏ စောစောပိုင်းဂိုးဖြင့် ဦးဆာင်ခဲ့သော်လည်း ဒေ့ါမွန်က ၇၅ မိနစ်တွင် ချေပဂိုး ပြန်သွင်းခဲ့သောကြောင့် အချိန်ပို၊ ပင်နယ်တီအထိ ရောက်ရှိခဲ့သည်။ ပင်နယ်တီတွင် ဘိုင်ယန်မှာ ၄ လုံးအထိ မ၀င်ခဲ့ဘဲ ဒေ့ါမွန်က ၂ လုံးဝင်ခဲ့သောကြာင့် ဒေါ့မွန်မှာ နောက်ဆုံး ဗိုလ်လုပွဲသို့ တက်ရောက်သွားပြီဖြစ်သည်။

    “အသင်းအတွက် ကျွန်တော် ဂုဏ်ယူပါတယ်။ တကယ်တော့ ကစားသမားတွေအတွက် ဒီလိုမျိုး ဂုဏ်မယူခဲ့ဖူးပါဘူး။ ကျွန်တော်တို့ တော်တော်ကောင်းကောင်း ကစားခဲ့တယ်။ ဒီပွဲဟာ ကျွန်တော် ဘိုင်ယန်ကို ရောက်ပြီးကတည်းက ဒေါ့မွန်နဲ့ကစားရတဲ့ပွဲတွေထဲမှာ အကောင်းဆုံး ပွဲပါပဲ။ ဒါဟာ ဘာမှ ရှက်စရာမဟုတ်ပါဘူး။ ကျွန်တော်တို့ ဘောလုံးပွဲတစ်ပွဲကို ရှုံးခဲ့တယ်။ ရှက်ဖို့ဆိုရင်တော့ ဒီထက်ပိုဆိုးတာမျိုး လိုအပ်မှာပါ” ဟု ဂွါဒီယိုလာက ပွဲအပြီးတွင် Sky သို့ ပြောကြားခဲ့သည်။

    ထိုပွဲတွင် ဒဏ်ရာကြောင့် ၁ လကြာ အနားယူနေရသည့် အာဂျန်ရော်ဘင် ပြန်လည်ပါဝင်လာခဲ့သော်လည်း ပွဲပြီးကာနီ ၁၅ မိနစ်အလိုတွင် ပေါင်ဒဏ်ရာကြောင့် လူစားလဲခဲ့ရကာ လီဝန်ဒေါ့စကီးမှာလည်း ခေါင်းဒဏ်ရာကြောင့် လူစားလဲခဲ့ရသည်။

    ဘွန်ဒစ်လီဂါဖလားကို လောလောလတ်လတ် ရရှိထားသည့် ဘိုင်ယန်မှာ DFB-Pokal ဖလားမှ ထွက်ခွာခဲ့ရခြင်းကြောင့် ဖလားသုံးလုံးမျှော်လင့်ချက် ပျက်ပြယ်ခဲ့ရပြီဖြစ်သည်။

    Ref: Goal.com

  • ဘိုင်ယန်မြူးနစ် ၂၅ ကြိမ်မြောက် ဘွန်ဒစ်လီဂါချန်ပီယံဖြစ်ပြီ

    ဘိုင်ယန်မြူးနစ် ၂၅ ကြိမ်မြောက် ဘွန်ဒစ်လီဂါချန်ပီယံဖြစ်ပြီ

    ဧပြီ ၂၇၊ ၂၀၁၅
    M-Media

    beyar

    – ဒုတိယနေရာမှ ၀ုလ်ဖ်ဘတ်အသင်းက ယမန်နေ့တွင် မိုချန်ဂလာဘ်ကို ရှုံးနိမ့်သွားသောကြောင့် ဘိုင်ယန်မြူးနစ်အသင်းမှာ ဘွန်ဒစ်လီဂါဖလားကို ၂၅ ကြိမ်မြောက် ဆွတ်ခူးရရှိခဲ့သည်ဟု သိရသည်။

    ဘိုင်ယန်မှာ ဟာသာဘာလင်အား စနေနေ့က ၁ ဂိုး ဂိုးမရှိဖြင့် အနိုင်ရရှိခဲ့ပြီး ၀ုလ်ဖ်ဘတ်အသင်းက ရှုံးနိမ့်သွားကာ ကစားရန် ၄ ပွဲ ကျန်ရှိနေသော်လည်း ၁၅ မှတ် ဖြတ်ထားနိုင်သောကြောင့် ယခုကဲ့သို့ ချန်ပီယံဘွဲ့အား ဆွတ်ခူးခဲ့ခြင်းဖြစ်သည်။

    ထိုသို့ဆွတ်ခူးခြင်းမှာ ဂွါဒီယိုလာ ဘာစီလိုနာမှ ရောက်ရှိလာပြီးနောက် ၂ ရာသီစလုံး ဘွန်ဒစ်လီဂါကို ရယူနိုင်ခဲ့ခြင်းဖြစ်သည်။ ယခုနှစ် ဘွန်ဒစ်လီဂါတွင် ဘိုင်ယန်မှာ ပွဲစဉ် ၅ ပြီးကတည်းက ဇယားအား တောက်လျှောက် ဦးဆောင်လာခဲ့ခြင်းဖြစ်ပြီး ၃ ရာသီဆက်တိုက် ဘွန်ဒစ်လီဂါ ချန်ပီယံ ဖြစ်ခဲ့ခြင်းလည်း ဖြစ်သည်။

    ပြီးခဲ့သည့်နှစ်ကလည်း ဘိုင်ယန်မှာ ရာသီမကုန်ခင် ၇ ပွဲအလိုတွင် ဘွန်ဒစ်လီဂါဆုဖလားကို ရရှိခဲ့သည်။ လက်ရှိအချိန်တွင် ဘိုင်ယန်မှာ ပြည်တွင်း ရှုံးထွက်ဖလားနှင့် ချန်ပီယံလိဂ်တို့တွင် ဆီးမီးဖိုင်နယ်သို့ ရောက်ရှိနေကာ ဖလားသုံးလုံး လမ်းကြောင်းပေါ်တွင် ရှိနေသည်။

    Ref: Goal.com