News @ M-Media

Tag: Bundesliga

  • မန်စီးတီးသို့ပြောင်းရွှေ့မည်ဆိုခြင်းကို ဂွါဒီယိုလာ ငြင်းဆို

    မန်စီးတီးသို့ပြောင်းရွှေ့မည်ဆိုခြင်းကို ဂွါဒီယိုလာ ငြင်းဆို

    ဧပြီ ၂၁၊ ၂၀၁၅
    M-Media

    guadiola

    – ရာသီကုန်တွင် မန်စီးတီးအသင်းသို့ ပြောင်းရွှေ့တော့မည်ဆိုသည့် သတင်းများကို ဂွာဒီယိုလာက ငြင်းပယ်လိုက်ပြီး လာမည့်နှစ်တွင်လည်း ဘိုင်ယန်၌ပင် ဆက်လက်ရှိနေမည်ဟု ပြောကြားလိုက်သည်။

    ဂွါဒီယိုလာ၏ လက်ရှိသက်တမ်းမှာ ၁ နှစ်သာ ကျန်ရှိတော့ပြီး သက်တမ်းတိုးရေးမှာလည်း ဖြစ်မလာသေးပေ။ ယခုနှစ်တွင် မျှော်လင့်သလောက် ဖြစ်မလာသည့် မန်စီးတီးအသင်းမှာ ၎င်းတို့၏နည်းပြ ပယ်လီဂရီနီ၏ နေရာတွင် ဂွါဒီယိုလာဖြင့် အစားထိုးရန် ပြင်ဆင်နေသည်ဟု သတင်းများ ထွက်ပေါ်နေသည်။

    “ကျွန်တော့်ရဲ့အနာဂတ်က ဗုဒ္ဓဟူးနေ့ လေ့ကျင်ခန်းဆင်းဖို့၊ ကြာသာပတေးနေ့ နားဖို့၊ သောကြာနေ့ လေ့ကျင့်ခန်းပြန်ဆင်းဖို့ စနေနေ့ ဟာသာဘာလင်နဲ့ကစားပြီး ဘွန်ဒစ်လီဂါကိုရဖို့ စတာတွေပဲဖြစ်ပါတယ်။ နောက်နှစ် ကျွန်တော် ဒီမှာပဲ ဆက်ရှိသွားမှာပါ။ ဒါဟာ ကျွန်တော့်ရဲ့ အနာဂတ်ပါ” ဟု ဂွာဒီယိုလာက သတင်းထောက်များအား ပြောကြားခဲ့သည်။

    ဘိုင်ယန်မှာ ပြီးခဲ့သည့်တစ်ပတ်က ချန်ပီယံလိဂ် ကွာတားဖိုင်နယ် ပထမကျော့ အဝေးကွင်းတွင် ပေါ်တိုအား ၃ ဂိုး ၁ ဂိုးဖြင့်ရှုံးနိမ့်ခဲ့ပြီး ယခုညတွင် အိမ်ကွင်း၌ ဒုတိယအကျော့အဖြစ် ကစားရမည်ဖြစ်သည်။

    Ref: Goal.com

  • ချန်ပီယံလိဂ် ပြဿနာကြောင့် ဘိုင်ယန်ဆေးအဖွဲ့အကြီးအကဲ ရာထူးမှ နှုတ်ထွက်

    ချန်ပီယံလိဂ် ပြဿနာကြောင့် ဘိုင်ယန်ဆေးအဖွဲ့အကြီးအကဲ ရာထူးမှ နှုတ်ထွက်

    ဧပြီ ၁၇၊ ၂၀၁၅
    M-Media

    byern

    – ချန်ပီယံလိဂ်တွင် ပေါ်တိုအား ရှုံးနိမ့်ခဲ့မှုအတွက် အပြစ်တင်ခံရမှုကြောင့် ဘိုင်ယန်မြူးနစ်ဆေးအဖွဲ့၏ အကြီးအကဲဖြစ်သူ ဟန်စ်-၀ီလ်ဟမ် မူလာ-၀ူလ်ဖာ့ဟ်မှာ ရာထူးမှ နှုတ်ထွက်သွားခဲ့သည်ဟု သိရသည်။

    ဘိုင်ယန်မြူးနစ်အသင်းမှာ မကြာသေးမီ သီတင်းပတ်များအတွင်း ဒဏ်ရာပြဿနာကို ဆိုးရွားစွာ ရင်ဆိုင်ခဲ့ရပြီး ယမန်နေ့ မနက်က ပေါ်တိုအသင်းအား ၃ ဂိုး ၁ ဂိုးဖြင့် ရှုံးနိမ့်ခဲ့သော ချန်ပီယံလိဂ် ကွာတားဖိုင်နယ် ပထမအကျော့တွင် အသင်း၏ အဓိက ကစားသမားများဖြစ်သော အာဂျန်ရော်ဘင်၊ ရီဘာရီ၊ ဒေးဗစ်အလ်ဘာ၊ မာတီနက်စ်ဇ်နှင့် မဲဟ်ဒီ ဘီနက်တီယာတို့ ဒဏ်ရာကြောင့် ပါဝင်နိုင်ခဲ့ခြင်း မရှိပေ။

    ဟိုလ်ဂါ ဘက်ဒ်စတူဘာနှင့် ဘက်စတီယန် ရှဝိုင်းစတိုင်ဂါတို့မှာလည်း ပြီးခဲ့သည့်လများအတွင်း ကာလရှည်ဒဏ်ရာများနှင့် ရုန်းကန်နေရပြီး စနေနေ့က ဖရန့်ဖတ်အသင်းနှင့် ဘွန်ဒစ်လီဂါပွဲတွင် အရန်စာရင်း၌ ကစားသမားသုံးဦးသာ ထားရှိနိုင်ခဲ့သည်။

    အသက် ၇၂ နှစ်အရွယ် ရှိပြီဖြစ်သည့် ၀ူလ်ဖာ့ဟ်က ပေါ်တိုအား ရှုံးနိမ့်ခဲ့သည့်ပွဲအတွက် မိမိတို့ဆေးအဖွဲ့ကို အပြစ်တင်ခဲ့သောကြောင့် ရာထူးမှ နှုတ်ထွက်ခြင်းဖြစ်သည်ဟု အတည်ပြုပြောဆိုခဲ့သည်။

    “ဘိုင်ယန်မြူးနစ်နဲ့ ပေါ်တိုတို့ရဲ့ ချန်ပီယံလိဂ်ပွဲအပြီးမှာ ဆေးအဖွဲ့ဟာ အရှုံးအတွက် မရှင်းမလင်းတဲ့ အကြောင်းကိစ္စတွေနဲ့ အပြစ်တင်ခံခဲ့ရပါတယ်။ ယုံကြည်မှုအတိုင်းအတာဟာ ပျက်ဆီးခဲ့ပါပြီ” ဟု ယမန်နေ့တွင် ထုတ်ပြန်သော ကြေညာချက်၌ ဖော်ပြထားသည်။

    အသင်းနည်းပြ ဂွာဒီယိုလာကလည်း ပေါ်တိုအသင်းအား ရှုံးနိမ့်ခဲ့ရမှုမှာ အသင်းရှိ ကစားသမားများ မလုံလောက်မှုကြောင့် ဖြစ်သည်ဟု ပြောကြားခဲ့သည်။ အသင်း၏ မီဒီယာဒါရိုက်တာဖြစ်သူ မားကက်စ် ဟော်ဝစ်က ၀ူလ်ဖာ့ဟ် နှုတ်ထွက်သည့် သတင်းအား အတည်ပြုခဲ့ပြီး အသင်းအနေဖြင့် အံအားသင့်ခဲ့ရသည်ဟု ပြောကြားခဲ့သည်။

    ၀ူလ်ဖာ့ဟ်မှာ ဘိုင်ယန်မြူးနစ်အသင်း ဆေးအဖွဲ့အကြီးအကဲအဖြစ် နှစ်ပေါင်း ၄၀ ကျော် တာဝန်ထမ်းဆောင်ခဲ့သူဖြစ်ပြီး ထိုနယ်ပယ်တွင် ထိပ်တန်းကျွမ်းကျင်သူတစ်ဦးလည်း ဖြစ်သည်။ ယခုနှုတ်ထွက်မှုတွင် ဆေးအဖွဲ့၌ တာဝန်ထမ်းဆောင်နေသော ၎င်း၏ သား ၃ ဦးဖြစ်သူ ကီလီယန်၊ ပီတာ ယူဘလက်ကာနှင့် လုသ်ဇ် ဟန်ဆဲလ်တို့လည်း တစ်ပါတည်း နှုတ်ထွက်သွားခဲ့သည်။

    ၀ူလ်ဖာ့ဟ်မှာ ဂျာမနီအသင်း၏ ဆေးအဖွဲ့အတွက်လည်း အလုပ်လုပ်ပေးနေသူဖြစ်ပြီး အပြေးသမား အူစိန်ဘော့ အပါအ၀င် နာမည်ကြီး အားကစာသမားအချို့မှာလည်း ၀ူလ်ဖာ့ဟ်၏ ကုသမှုကို ခံယူဖူးကြသည်။ ဘိုင်ယန်မြူးနစ်မှ နှုတ်ထွက်ခဲ့သော်လည်း ၀ူလ်ဖာ့ဟ်မှာ ဂျာမနီလက်ရွေးစင်အသင်းအတွက် ဆက်လက် တာဝန်ထမ်းဆောင်သွားမည် ဖြစ်သည်။

    Ref: Dailymail

  • ပင်နယ်တီကန်သွင်းချိန် အသင်းခေါင်းဆောင်လက်ပတ် ချွတ်ခဲ့တဲ့ နျူအာ

    ပင်နယ်တီကန်သွင်းချိန် အသင်းခေါင်းဆောင်လက်ပတ် ချွတ်ခဲ့တဲ့ နျူအာ

    ဧပြီ ၁၀၊ ၂၀၁၅
    M-Media

    neur

    – ဗုဒ္ဓဟူးနေ့က လေဗာကူဆင်နှင့်ပွဲ ပင်နယ်တီကန်ရာတွင် အသင်းခေါင်းဆောင်လက်ပတ်အား ချွတ်ပစ်လိုက်ခြင်းမှာ ဖိအားများ လျော့ပါးစေရန်ဖြစ်သည်ဟု ဘိုင်ယန်မြူးနစ်ဂိုသမား နျူအာက ပြောကြားလိုက်သည်။

    DFB-Pokal ကွာတားဖိုင်နယ်တွင် နှစ်သင်းစလုံးမှာ ပွဲချိန် ၁၂၀ ပြည့်သည်အထိ ဂိုးမသွင်းနိုင်ခဲ့သောကြောင့် ပင်နယ်တီကန်ရာ ဘိုင်ယန်က ၅ ဂိုး ၃ ဂိုးဖြင့် အနိုင်ရရှိကာ ဆီမီးဖိုင်နယ်သို့ တက်ရောက်နိုင်ခဲ့သည်။

    အသင်းခေါင်းဆောင် ဖိလစ်လမ်း လူစားလဲခံရပြီးနောက် အသင်းခေါင်းဆောင်အဖြစ် လွှဲပြောင်းတာဝန်ယူခဲ့ရသည့် နျူအာမှာ ပင်နယ်တီကန်သည့်အချိန်တွင် အသင်းခေါင်းဆောင်လက်ပတ်အား ချွတ်ပစ်ခဲ့သည်။

    ထိုလုပ်ရပ်အတွက် အံသြခဲ့ရသော်လည်း နျူအာကမူ ဖိအားမြင့်နေသည့် ပင်နယ်တီကန်သွင်းချိန်တွင် မိမိအပေါ် စိတ်ပိုင်းဆိုင်ရာ နောက်ထပ်ဖိအားများ မရှိစေရန် ချွတ်ပစ်ခဲ့ခြင်းဖြစ်သည်ဟု ပြန်လည်ဖြေရှင်းခဲ့သည်။

    “(ချွတ်လိုက်မှ) နေသာထိုင်သာရှိသွားပါတယ်။ ဒီလက်ပတ်ကိုဝတ်ထားတဲ့အခါ အမြဲတမ်း ဖိအားနည်းနည်းတော့ ရှိပါတယ်။ ပင်နယ်တီကန်တဲ့အချိန်မှာတော့ သက်တောင့်သက်သာဖြစ်အောင် တတ်နိုင်သမျှအားလုံး လုပ်ဖို့ လိုပါတယ်။ လေဗာကူဆင်ပွဲ အပါအ၀င် ပင်နယ်တီတိုင်းဟာ တော်တော်ကောင်းကောင်း ကန်သွင်းကြတာပါ။ ဘယ်အသင်းမဆို ပင်နယ်တီမှာ ရှုံးတာကို အခံရခက်ကြပါတယ်” ဟု နျူအာက ပွဲအပြီးတွင် DFB-Pokal ၀ဘ်ဆိုက်သို့ ပြောကြားခဲ့သည်။ထို့ပြင် အဓိက ကစားသမားများဖြစ်သည့် ရီဘာရီ၊ ရော်ဘင်တို့ မပါဝင်သော်လည်း ရလဒ်ကောင်းအောင်

    ဆောင်ရွက်နိုင်ခဲ့သည့် အသင်းကို နျူအာက ချီးကျူးခဲ့ပြီး၊ လက်ရှိဒဏ်ရာပြဿနာက အသင်းအား ရိုက်ခတ်မှုရှိမည်ဟုလည်း ပြောကြားခဲ့သည်။ဘိုင်ယန်မှာ DFB-Pokal ဆီမီးဖိုင်နယ်တွင် ဒေ့ါမွန်အသင်းနှင့် ကစားရမည်ဖြစ်သည်။

    Ref: Goal.com

  • ပြည်တွင်းရှုံးထွက်ဖလား ဟက်ထရစ်လိုချင်နေတဲ့ အလွန်ဆို

    ပြည်တွင်းရှုံးထွက်ဖလား ဟက်ထရစ်လိုချင်နေတဲ့ အလွန်ဆို

    ဧပြီ ၇၊ ၂၀၁၅
    M-Media

    xabialonso-cropped_1yo0kybpvhcs1qx21pbidnlyy

    – မိမိရရှိခဲ့သည့် ဆုတံဆိပ်များတွင် ဂျာမနီ၏ ရှုံးထွက်ဖလား ဆုတံဆိပ်ကို ထပ်မံထည့်သွင်းရန် မျှော်လင့်နေသည်ဟု ဘိုင်ယန်မြူးနစ်အသင်း၏ အားထားရသည့် ကွင်းလယ်သူ ဇာဗီအလွန်ဆိုက ပြောကြားလိုက်သည်။

    အလွန်ဆိုမှာ ၂၀၀၆ ခုနှစ်က လီဗာပူးလ်အသင်းနှင့် FA ဖလား ရရှိခဲ့ဖူးပြီး ရီးယဲလ်တွင်ကစားစဉ် ၂၀၁၁ ခုနှစ်နှင့် ၂၀၁၄ ခုနှစ်များ၌ စပိန်ဘုရင့်ဖလား ၂ ကြိမ် ရရှိဖူးသည်။ လက်ရှိအချိန်တွင် ဘိုင်ယန်မှာ ဂျာမန်ရှုံးထွက်ဖလားဖြစ်သည့် DFB- Pokal ဖလား ကွာတားဖိုင်နယ် ရောက်နေပြီး လေဗာကူဆင်နှင့် ကစားရမည်ဖြစ်သည်။ အလွန်ဆိုကမူ မတူညီသော နိုင်ငံသုံးနိုင်ငံမှ ရှုံးထွက်ဖလား ဟက်ထရစ်ရရှိရန် ရည်ရွယ်နေသည်။

    “(ပြည်တွင်း ရှုံးထွက်ဖလားကို) ကျွန်တော် အင်္ဂလန်နဲ့ စပိန်တို့မှာ ရခဲ့ဖူးပါတယ်။ ဒီမှာလည်း ကျွန်တော် ရချင်ပါတယ်။ လေဗာကူဆင်ဟာ အနိုင်ရဖို့ ခက်တဲ့အသင်းပါ။ သူတို့ဟာ အသင်းကောင်းတစ်သင်းဖြစ်ပြီး အမြဲတမ်း တိုက်စစ်ဆင်တတ်တဲ့ အသင်းပါ။ ကျွန်တော်တို့ ထိပ်တန်း စွမ်းဆောင်မှု လိုအပ်ပါတယ်။ ဖောင်ဖျက်ကစားရမှာပါပဲ” ဟု အလွန်ဆိုက သတင်းထောက်များအား ပြောကြားခဲ့သည်။

    တိုက်စစ်မှူး မူလာကမူ လေဗာကူဆင်မှာ မိမိတို့အသင်း အခက်တွေ့အောင် အဆုံးစွန်ဆုံး ဆောင်ရွက်သွားလိမ့်မည်ဟု သတိပေးခဲ့သည်။ သို့သော်လည်း မိမိတို့၏ လက်ရှိ မာကျောသည့် ခံစစ်ကစားပုံ အဆုံးသတ်ရန် အသင်းဖော်များအား စိန်ခေါ်ခဲ့သည်။

    “လေဗာကူဆင်ဟာ တော်တော်ကောင်းတဲ့အသင်းပါ။ ပြီးတော့ သူတို့ဟာ စတိုင်ကျကျ ကစားတတ်ပါတယ်။ အဲဒီကစားပုံမျိုးဟာ သူတို့ရဲ့ ပြိုင်ဘက်ကို သက်တောင့်သက်သာ ဖြစ်စေမှာ မဟုတ်ပါဘူး။ ဒါဟာ ရှုံးထွက်ဖလားပါ။ ဘာမဆိုဖြစ်သွားနိုင်ပါတယ်။ ဒါ့ကြောင့် ဒီအဆင့်ကိုဖြတ်သန်းဖို့ ကျွန်တော်တို့ဟာ ထိပ်တန်းစွမ်းဆောင်ရည်ရှိဖို့ လိုပါတယ်” ဟု မူလာက ထပ်လောင်းပြောကြားခဲ့သည်။

    Ref: Goal.com

  • မိမိမှာ ကမ္ဘာ့အကောင်းဆုံး နည်းပြမဟုတ်ဟု ဂွါဒီယိုလာပြောကြား

    မိမိမှာ ကမ္ဘာ့အကောင်းဆုံး နည်းပြမဟုတ်ဟု ဂွါဒီယိုလာပြောကြား

    ဧပြီ ၄၊ ၂၀၁၅
    M-Media

    pep-guardiola-fc-bayern-munchen_1sbue0t0eifck123hpr695skzc

    – မိမိမှာ ကမ္ဘာ့အကောင်းဆုံး နည်းပြတစ်ယောက်မဟုတ်ဘဲ ကစားပွဲနောက်ဆုံးတွင် ထူးခြားမှုကို လုပ်ဆောင်နိုင်သည်မှာ ကစားသမားများသာ ဖြစ်သည်ဟု ဘိုင်ယန်မြူးနစ်အသင်း နည်းပြဖြစ်သူ ဂွါဒီယိုလာက ပြောကြားခဲ့သည်။

    ဘာစီလိုနာတွင် အောင်မြင်ခဲ့မှုများ၊ လက်ရှိဘိုင်ယန်အသင်းတွင် အောင်မြင်နေမှုများနှင့် ကစားပွဲအတွင်း နည်းစနစ်ပိုင်းဆိုင်ရာ ပိုင်နိုင်မှုများကြောင့် ဂွာဒီယိုလာမှာ ကမ္ဘာ့အကောင်းဆုံးနည်းပြအဖြစ် သတ်မှတ်ခြင်း ခံခဲ့ရပြီး ၎င်းကမူ လက်မခံခဲ့ပေ။

    “ကျွန်တော်ဟာ ကမ္ဘာ့အကောင်းဆုံး နည်းပြ မဟုတ်ပါဘူး။ ကစားသမားတွေကိုကူညီဖို့ ကျွန်တော် ဒီမှာရှိနေတာပါ။ ကျွန်တော်ဟာ တော်တော်လေး လှုံ့ဆော်တတ်ပြီး ကစားသမားတွေအပေါ်မှာလည်း ယုံကြည်မှုအများကြီး ထားပါတယ်” ဟု သတင်းစာရှင်းလင်းပွဲတွင် ဂွါဒီယိုလာက ပြောကြားခဲ့သည်။

    လက်ရှိတွင် ဘိုင်ယန်မှာ ဖလား ၃ လုံးလမ်းကြောင်းပေါ်၌ ရှိနေပြီး ဂွာဒီယိုလာကမူ မိမိတို့မှာ အရေးပါသည့်အချိန်ကို ရောက်ရှိနေသည်ဟု ၀န်ခံခဲ့သည်။

    “ကျွန်တော်စရောက်ကတည်းက တော်တော်လေးခက်ခဲတဲ့ကာလကို အခု ကျွန်တော် ဖြတ်သန်းရတော့မှာပါ။ လာမယ့်လအနည်းငယ်ဟာ ကျွန်တော့်အတွက် ကြီးမားတဲ့ စိန်ခေါ်မှုကြီးပါ။ ဧပြီလက အဆုံးအဖြတ်ပေးမယ့်လ ဖြစ်ပြီး
    ပွဲတိုင်းက ဖိုင်နယ်ပွဲလိုပါပဲ။ အခုအချိန်ကစပြီး သူတို့ဆီက စွမ်းဆောင်ရည်ကို ပိုမိုတောင်းဆိုတဲ့အကြောင်း ကစားသမားတွေက သိကိုသိထားရပါတယ်။ ကျွန်တော်တို့ အနိုင်မရဘူးဆိုရင် အပြစ်တင်ခံရမှာက ကျွန်တော်တို့ပါပဲ” ဟု ဂွာဒီယိုလာက ထပ်လောင်းပြောကြားခဲ့သည်။

    Ref: Goal.com