မတ် ၁၂၊ ၂၀၁၄
M-Media
– ယနေ့ညတွင်ကစားမည့် ဘာစီလိုနာအသင်းနှင့် ချန်ပီယံလိဂ်ပွဲစဉ်တွင် အနိုင်ရအောင်ဆောင်ရွက်နိုင်မည့် လက်နက်များ မိမိတို့တွင်ရှိသည်ဟု မန်စီးတီးအသင်း၏ လက်ထောက်နည်းပြ ရူဘန် ကော်စီလက်စ်က ဘာစီလိုနာအသင်းအား သတိပေးပြောကြားလိုက်သည်။
ချန်ပီယံလိဂ် ၁၆ သင်းအဆင့် ဒုတိယအကျော့မကစားခင် နူးကမ့်ကွင်း၌ ယမန်နေ့ကပြုလုပ်သော သတင်းစာရှင်းလင်းပွဲသို ရူဘန်တက်ရောက်ခဲ့ပြီး ထိုကဲ့သို့ ပြောကြားခဲ့ခြင်းဖြစ်သည်။ မန်စီးတီးနည်းပြ ပယ်လီဂရီနီမှာ ပထမအကျော့ အိမ်ကွင်း၌ ၂ ဂိုး ဂိုးမရှိဖြင့် ရှုံးနိမ့်ခဲ့သော ပွဲစဉ်တွင် ဒိုင်လူကြီးအား ဝေဖန်ခဲ့သောကြောင့် ၂ ပွဲပယ် ပြစ်ဒဏ်ခံခဲ့ရပြီး သတင်းစာ ရှင်းလင်းပွဲသို့ တက်ရောက်နိုင်ခြင်း မရှိပေ။
မန်စီးတီးအသင်းမှာ ပြီးခဲ့သည့် တနင်္ဂနွေနေ့ကလည်း ချန်ပီယံရှစ်အသင်းဖြစ်သည့် ၀ီဂန်အား ၂ ဂိုး ၁ ဂိုးဖြင့်ရှုံးနိမ့်ကာ FA ဖလားပြိုင်ပွဲမှ ထွက်ခဲ့ရပြီး၊ ဘာစီလိုနာနှင့် ချန်ပီယံလိဂ်ပွဲတွင် ရုန်းကန်ရဖွယ် ရှိနေသော်လည်း၊ မိမိတို့နောက်တစ်ဆင့်တက်ရောက်နိုင်ရေး မည်သည့် သံသယမှ မရှိဟု ရူဘန်ကဆိုသည်။
“ကျွန်တော်တို့ ဒီပွဲကို ကြိုးစားပြောင်းလဲရပါမယ်။ အဲဒီအတွက် ကျွန်တော်တို့မှာ လက်နက်တွေရှိပါတယ်။ ဒီလက်နက်နဲ့ပဲ ကျွန်တော်တို့ဟာ ကြိုးစားသွားမှာဖြစ်ပြီး၊ ရေကုန်ရေခန်း ရင်ဆိုင်သွားမှာပါ” ဟု ရူဘန်က သတင်းထောက်များအား ပြောကြားခဲ့သည်။
ထို့ပြင် FA ဖလားအရှုံးကို မေ့ပစ်ရန်နှင့် ဘာစီလိုနာအား အနိုင်ကစားကာ ချန်ပီယံလိဂ် ကွာတားဖိုင်နယ်ကို ပထမဆုံးအကြိမ်တက်ရောက်နိုင်ရန်အတွက် ကြိုးစားသွားကြရန် ကစားသမားများအား ၎င်းက တိုက်တွန်းပြောကြားခဲ့သည်။
