ဖေဖော်ဝါရီ ၂၆၊ ၂၀၁၄
M-Media
– ချန်ပီယံလိဂ် ၁၆ သင်းအဆင့် ရှုံးထွက်ပွဲစဉ် ပထမအကျော့ ၂ ပွဲကို ဒီတစ်ပတ်မှာ ကစားခဲ့ပြီး ဒေါ့မွန်အသင်း အနိုင်ရခဲ့ကာ မန်ယူအသင်းကတော့ ဂရိမြေမှာ ရှုံးပွဲတွေ့ခဲ့ပါတယ်။
မနေ့က ကစားခဲ့တဲ့ ဒေါ့မွန်နဲ့ ဇင်းနစ်တို့ရဲ့ပွဲမှာ လီဝန်ဒေါ့စကီးရဲ့ ခြေစွမ်းပြမှုနဲ့အတူ ဧည့်သည်ဒေါ့မွန်အသင်းက ၄ ဂိုး ၂ ဂိုးနဲ့ အနိုင်ရခဲ့ပါတယ်။ ပထမိုင်း ၅ မိနစ်မှာပဲ ဒေါ့မွန်တို့ ၂ ဂိုး ပြတ်ခဲ့ပြီး ကစားပုံကလည်း ဇင်းနစ်ထက် ပိုကောင်းခဲ့ပါတယ်။ ပထမပိုင်း မိနစ် ၃၀ အတွင်းမှာ ဦးဆောင်ဂိုးတွေ ထပ်ရဖို့ ဒေါ့မွန်က အခွင့်အရေး ရခဲ့ပေမယ့် အသုံးမချနိုင်ခဲ့ပါဘူး။
ဒုတိယပိုင်းမှာတော့ ဇင်းနစ်တို့ တင်ကစားလာခဲ့ပြီး တိုက်စစ်ပိုင်းကလည်း ဒေါ့မွန်ကို တောက်လျှောက် ဖိအားပေးနိုင်ခဲ့ကာ ၅၇ မိနစ်မှာ အိုလက်ရှာတော့ဗ်က ချေပဂိုး သွင်းပေးခဲ့ပါတယ်။ ဒါပေမယ့် ၄ မိနစ်အကြာမှာပဲ လီဝန်ဒေ့ါစကီးက ဒေါ့မွန် အတွက် တတိယဦးဆောင်ဂိုး သွင်းယူနိုင်ခဲ့ပါတယ်။ ချေပဂိုးရဖို့ ကြိုးစားလာတဲ့ အိမ်ရှင်တို့ ၆၉ မိနစ်မှာ ပင်နယ်တီကနေ ဒုတိယချေပဂိုး ထပ်ရခဲ့ပေမယ့် ၇၁ မိနစ်မှာ လီဝန်ဒေါ့စကီးက သူရဲ့ ဒုတိယမြောက်ဂိုးကို သွင်းယူပေးခဲ့တာကြောင့် ပွဲအပြီးမှာ ၄ ဂိုး ၂ ဂိုးနဲ့ အိမ်ရှင်ဇင်းနစ်တို့ ရှုံးနိမ့်ခဲ့ရပါတယ်။
ရာသီကုန်ရင် အသင်းကထွက်ခွာတော့မယ်လို့ ကြေညာထားတဲ့ လီဝန်ဒေါ့စကီးကို ပထမဦးစားပေး ကစားသမား အဖြစ် သုံးစွဲခဲ့တဲ့ ဒေါ့မွန်အသင်းနဲ့ ကြိုးကြိုးစားစားနဲ့ ရေကုန်ရေခန်း ကစားသွားခဲ့တဲ့ လီဝန်ဒေါ့စကီးတို့ရဲ့ ပရော်ဖက်ရှင်နယ် ပီသတဲ့ စိတ်ဓာတ်တွေကတော့ ချီးကျူးစရာပါပဲ။
ဒီနေ့မနက် ဂရိမြေမှာ ကစားခဲ့တဲ့ အိုလံပီယာကော့စ်နဲ့ မန်ယူတို့ပွဲမှာတော့ အိမ်ရှင်အသင်းက ၂ ဂိုး ဂိုးမရှိနဲ့ နိုင်ခဲ့ပါတယ်။ အိုလံပီယာကော့စ်ရဲ့ ကစားအားဟာ ချီးကျူးစရာကောင်းခဲ့ပြီး ဗန်ပါစီ ရူနီတို့နဲ့ လူစုံခဲ့တဲ့ မန်ယူတို့ အခက်တွေ့ခဲ့ပါတယ်။ ပရီးမီးယားလိဂ်မှာ တောင်လျှောက် ပါဝင်ခွင့်ရနေတဲ့ လူငယ်အလယ်တန်း ကစားသမား ဂျာနူဇေးကတော့ ဒီပွဲမှာ အရန်ခုံမှာပဲ ထိုင်ခဲ့ရပါတယ်။
အိုလံပီယာကော့စ်မှာတော့ အားထားရတဲ့ တိုက်စစ်မှူး ဆာဗီယိုလာ ပေါင်ဒဏ်ရာကြောင့် ပါဝင်ခွင့်မရခဲ့ဘဲ အသက် ၂၁ နှစ်အရွယ် နိုက်ဂျီးရီးယား ကစားသမား မီခေးလ် အိုလိုင်တန်က တိုက်စစ်ကို ဦးဆောင်ခဲ့ပါတယ်။
ပွဲအစမှာ အိုလံပီယာကော့စ်တို့ ကစားပုံကောင်းခဲ့ပြီး မန်ယူဂိုးပေါက်ကို ၂ ကြိမ်လောက် ခြိမ်းခြောက်နိုင်ခဲ့ပါတယ်။ နောက်ပိုင်းမှာ မန်ယူတို့အခွင့်အရေး အနည်းငယ်ရခဲ့ပေမယ့် အသုံးမချနိုင်ခဲ့ပါဘူး။ ရူနီရဲ့ ဖရီးကစ်ကန်ချက် အနည်းငယ်လွဲချော်ခဲ့တာ ဗန်ပါစီရဲ့ ကြိုးစားမှု အရာမထင်ခဲ့တာက ဒီပွဲအရှုံးကိုဖြစ်လာစေခဲ့တာပါ။
ပြည်တွင်းရှုံးထွက်ဖလားပြိုင်ပွဲ ၂ ခုမှာ ထွက်ခဲ့ရပြီး ပရီးမီယားလိဂ်မှာလည်း ချန်ပီယံ မျှော်လင့်ချက်မရှိတော့တဲ့ မန်ယူတို့ရဲ့ နောက်ဆုံးလက်ကျန် ချန်ပီယံလိဂ်ဖလား မျှော်လင့်ချင်ဟာေ၀၀ါးလာခဲ့ပြီး လာမယ့် ဒုတိယအကျော့မှာ ဖောင်ဖျက်ကစားရတော့မှာဖြစ်ပါတယ်။ ဖာဂူဆန်ရဲ့ နေရာကို ဆက်ခံခဲ့တဲ့ မိုယက်စ်ရဲ့ ပထမဆုံးရာသီမှာ ဖလားလက်မဲ့ ရာသီဖြစ်မလားဆိုတာကိုတော့ စောင့်ကြည်ရတော့မှာပါ။ အိမ်ရှင် အိုလံပီယာကော့စ်အတွက် ဂိုးတွေကိုတော့ ၃၈ မိနစ်နဲ့ ၅၅ မိနစ်တို့မှာ အလက်ဂျန်ဒရို ဒိုမင်ဂဇ်နဲ့ ဂျိုလ်းကမ်းဘဲလ်တို့က သွင်းယူပေးခဲ့တာပါ။
ဒီတစ်ပတ် ချန်ပီယံလိဂ်ရလဒ်များကတော့ အောက်ပါအတိုင်းဖြစ်ပါတယ်။
ဇင်းနစ် ၂-၄ ဒေါ့မွန်
အိုလံပီယာကော့စ် ၂-၀ မန်ယူ
