မတ် ၁၃၊ ၂၀၁၄
M-Media
– ယနေ့နံနက်က ကစားခဲ့တဲ့ ချန်ပီယံလိဂ် ၁၆ အသင်းအဆင့် ဒုတိယအကျော့ ၂ ပွဲမှာတော့ ဘာစီလိုနာအသင်းက မန်စီးတီးအသင်းကို အနိုင်ရခဲ့ပြီး ပီအက်စ်ဂျီအသင်းကလည်း နောက်တစ်ဆင့်ကို အခက်အခဲမရှိ တက်ရောက် သွားနိုင်ခဲ့ပါတယ်။
ပထမအကျော့ အီတီဟတ်မှာ ၂ ဂိုး ဂိုးမရှိနဲ့ ရှုံးနိမ့်ခဲ့ရတဲ့အတွက် ဒီပွဲမှာ ၃ ဂိုးပြတ်နဲ့ အနိုင်ရဖို့လိုအပ်နေတဲ့ မန်စီးတီးတို့ လူစုံထုတ်ခဲ့ပေမယ့် လိုအပ်တဲ့ အနိုင်ဂိုးကိုတော့ ရရှိခဲ့ခြင်းမရှိပါဘူး။ လာလီဂါမှာ နောက်ပိုင်းပွဲစဉ်တွေ ရလဒ် မကောင်းတာကြောင့် ဖိအားတွေနဲ့ ရင်ဆိုင်နေရတဲ့ မာတီနိုကတော့ ဒီပွဲမှာ အကောင်းဆုံးပြင်ဆင်ခဲ့ပြီး တကယ်ကစားတဲ့အခါမှာလည်း မန်စီးတီးကို အသာရခဲ့ပါတယ်။
ပထမပိုင်းမှာ မန်စီးတီးတို့ ဂိုးသွင်းခွင့်ပိုရခဲ့ပေမယ့် ဂိုးအဖြစ်တော့ ပြောင်းလဲနိုင်ခြင်း မရှိခဲ့ပါဘူး။ နှစ်ဘက်စလုံးက နောက်တန်း ကစားသမားတွေ ဧရိယာအတွင်းမှာ ပြစ်ဒဏ်ဘော တစ်ကြိမ်စီကျူးလွန်ခဲ့ကြပေမယ့် ဒိုင်လူကြီးကတော့ ပင်နယ်တီအဖြစ် သတ်မှတ်ပေးခြင်း မရှိခဲ့ပါဘူး။ ဘာစီလိုနာကတော့ သူတို့ရဲ့ ပုံစံအတိုင်း ဘောလုံးပိုင်ဆိုင်မှုကိုအသားပေးကစားခဲ့ပြိး ၆၇ မိနစ်မှာ ဦးဆောင်ဂိုး ရခဲ့ပါတယ်။ ဟာနန်ဒက်ဇ်၊ ဖာဘရီဂတ်စ်တို့ရဲ့ တွဲလုံးကနေထွက်လာ ဘောလုံးကို အာဂျင်တိုင်း တိုက်စစ်မှူး မက်ဆီက ဧရိယာအတွင်းမှာ ထုံးစံအတိုင်း အသာအယာ အဆုံးသတ်ပေးခဲ့တာပါ။ ဒီဂိုးဟာ သူရဲ့ ချန်ပီယံလိဂ် ၈ ဂိုးမြောက်လည်းဖြစ်ပါတယ်။
ဦးဆောင်ဂိုးပေးလိုက်ရပြီးတဲ့နောက် မန်စီးတီးတို့ ချေပဂိုးရဖို့ ကြိုးစားခဲ့ပေမယ့် အရာမထင်ခဲ့ဘဲ ၇၇ မိနစ်မှာ နောက်ခံလူ ဇာဘလက်တာ နှစ်ဝါတစ်နီနဲ့ အထုတ်ခံခဲ့ရတာကလည်း မန်စီးတီးတို့အတွက်ထိုးနှက်ချက်တစ်ခုဖြစ်ခဲ့ပါတယ်။ ၈၈ မိနစ်မှာ မီလ်နာရဲ့ ထောင့်ကန်ဘောကတစ်ဆင့် ဇက်ကိုအပိတ်က ပြန်လျှံလာတဲ့ဘောလုံးကို နောက်ခံလူ ကွန်ပနီ ချေပဂိုးအဖြစ် သွင်းယူနိုင်ခဲ့ပါသေးတယ်။ ဒါပေမယ့် ဒုတိယပိုင်း နာကျင်အချိန်ပိုမှာ အင်နီယေစတာရဲ့ ဧရိယာအတွင်းက မွှေနှောက် ဖန်တီးမှုကနေ အဲလ်ဗက်စ်က အိမ်ရှင်တို့အတွက် အနိုင်ဂိုးသွင်းပေးခဲ့ပြီး နှစ်ကျော့ပေါင်းရလဒ် ၄ ဂိုး ၁ ဂိုးနဲ့ ဘာစီလိုနာကို ကွာတားဖိုင်နယ် ရောက်ရှိစေခဲ့ပါတယ်။ မန်စီးတီးတို့ကတော့ ကလပ်အသင်း သမိုင်းတစ်လျှောက် ပထမဆုံးအကြိမ် ချန်ပီယံလိဂ် ကွာတားဖိုင်နယ် တက်ရောက်ရေး သမိုင်းဝင်အိပ်မက် ပျက်ပြယ်ခဲ့ရပါပြီ။
ပြင်သစ်မြေက ပွဲစဉ်ဖြစ်တဲ့ ပီအက်စ်ဂျီနဲ့ လေဗာကူဆင်တို့ရဲ့ ပွဲမှာတော့ အိမ်ရှင်တို့ အခက်အခဲမရှိခဲ့ဘဲ နောက်တစ်ဆင့်ကို တက်ရောက်နိုင်ခဲ့ပါတယ်။ ပထမအကျော့ အိမ်ကွင်းမှာ ၄ ဂိုး ပြတ်နဲ့ ရှုံးနိမ့်ခဲ့ရတဲ့ လေဗာကူဆင်တို့ ပွဲအစ ၆ မိနစ်မှာ ဦးဆောင်ဂိုး သွင်းယူနိုင်ခဲ့ပေမယ့် ကစားပုံးကတော့ စွဲမက်ဖွယ်မဖြစ်ခဲ့ပါဘူး အချိန်ကြာလာတာနဲ့အမျှ အိမ်ရှင် ပီအက်စ်ဂျီတို့ကသာ ပွဲကိုစိုးမိုးထားပြီး ချေပဂိုးနဲ့ အနိုင်ဂိုးတွေကို သွင်းယူနိုင်ခဲ့ပါတယ်။ ပီအက်စ်ဂျီအသင်းဟာ ၂၀၁၂ ခုနှစ် နိုဝင်ဘာလကနေစပြီး အိမ်ကွင်းမှာ ကစားခဲ့တဲ့ ပြိုင်ပွဲအားလုံးမှာ ၁ ပွဲသာ ရှုံးပွဲရှိထားပါတယ်။ လေဗာကူဆင် တို့ကတော့ နောက်ပိုင်းပွဲချိန်တွေမှာ ထိုးဖောက်တိုက်စစ်ဆင်နိုင်ခဲ့ပေမယ့် ဂိုးတော့ ထပ်မံသွင်းယူနိုင်ခဲ့ခြင်းမရှိပါဘူး။ ပီအက်စ်ဂျီအသင်းအတွက် ဂိုးတွေကိုတော့ ၁၃ မိနစ်နဲ့ ၅၃ မိနစ်တို့မှာ မာကွင်ဟိုနဲ့ လာဗက်ဇ်ဇီတို့က သွင်းယူပေးခဲ့တာပါ။
ယနေ့နံနက် ချန်ပီယံလိဂ် ရလဒ်များကတော့ အောက်ပါအတိုင်းဖြစ်ပါတယ်။
ဘာစီလိုနာ ၂-၁ မန်စီးတီး (နှစ်ကျော့ပေါင်း ၄-၁ ဖြင့် ဘာစီလိုနာနောက်တစ်ဆင့်တက်)
ပီအက်စ်ဂျီ ၂-၁ လေဗာကူဆင် (နှစ်ကျော့ပေါင်း ၆-၁ ဖြင့် ပီအက်စ်ဂျီ နောက်တစ်ဆင့်တက်)
