ဇွန် ၁၈၊ ၂၀၂၄
M-Media
-ဥရောပနိုင်ငံတွေက ၀က်သားတင်ပို့မှုကို အခွန်ကောက်ဖို့ တရုတ်နိုင်ငံက စီစဥ်နေပြီး၊ တရုတ်ထုတ်ကား တင်သွင်းမှုအပေါ် ဥရောပကော်မရှင်က အခွန်ကောက်တာကို တုန့်ပြန်လိုက်တာ ဖြစ်ပါတယ်။
ဥရောပနိုင်ငံတွေဟာ သူတို့တင်သွင်းတဲ့ အေးခဲ၀က်သား၊ လတ်ဆတ်၀က်သား အပါအ၀င် ၀က်သားနဲ့ သက်ဆိုင်တဲ့ ထုတ်ကုန်အားလုံးရဲ့ တင်သွင်းစျေးကို တရုတ်ပြည်တွင်းမှာ ထုတ်လုပ်ရောင်းချစျေးထက် လျော့နည်းအောင် တမင်လုပ်ထားတာသလားဆိုတာကို တရုတ်အာဏာပိုင်တွေက စုံစမ်းစစ်ဆေးနေတာ ဖြစ်ပါတယ်။
ဒီလို လုပ်ဆောင်ထားတာတွေ့ရင် တရုတ်က ၀က်သားတင်သွင်းမှုမှာ ‘စျေးကွက်ဖျက်အခွန်’ တပ်မှာ ဖြစ်ပါတယ်။
တရုတ်ရဲ့ ၀က်သားတင်သွင်းမှုတန်ဖိုးဟာ ၂၀၂၃ ခုနှစ်မှာ ကန်ဒေါ်လာ ၆ ဘီလီယံ ရှိခဲ့ပြီး အဒီအထဲက ထက်၀က်ဟာ ဥရောပနိုင်ငံတွေက ဖြစ်ပါတယ်။
စပိန်က တရုတ်ကို အဓိက ၀က်သားတင်ပို့တဲ့နိုင်ငံဖြစ်ပြီး ဒေါ်လာ ၁ ဘီလီယံ နီးပါးရှိပါတယ်။ နယ်သာလန်နဲ့ ဒိန်းမတ်တို့ရဲ့ ၀က်သားတင်သွင်းမှုက တစ်နှစ်ကို ဒေါ်လာ သန်း ၆၂၀ နဲ့ သန်း ၅၅၀ အသီးသီး ရှိပါတယ်။
ဥရောပကော်မရှင်ဟာ တရုတ်ကတင်သွင်းလာတဲ့ကားတွေကို ဇူလိုင်လကနေစပြီး ၃၈ ရာခိုင်နှုန်း အခွန်ကောက်ဖို့ စီစဥ်တာကို တရုတ်က ၀က်သားအခွန်နဲ့ ပြန်ပြီးတုန့်ပြန်လိုက်တာပါ။
တရုတ်ကားလုပ်ငန်း၊ အထူးသဖြင့် လျှပ်စစ်ကားကုမ္ပဏီတွေကို တရုတ်အစိုးရက ငွေကြေးထောက်ပံ့ကာ ဥရောပလုပ်ငန်းတွေ စျေးကွက်မှာ နေရာမရအောင် လုပ်ဆောင်နေတယ်လို့ ဥရောပကော်မရှင်က စွပ်စွဲကာ အခွန်တပ်တာ ဖြစ်ပါတယ်။
Ref: Reuters
