သြဂုတ် ၁၇၊ ၂၀၁၈
M-Media
ပိတ်ဆို့မှုများအတွက် အမေရိကန်ကို ကင်ဂျုံအွန် ဝေဖန်
==============
အမေရိကန်ရဲ့ ပိတ်ဆို့မှုတွေဟာ တောပုန်းဓားပြတွေလို ဆောင်ရွက်ချက်မျိုး ဖြစ်တယ်လို့ မြောက်ကိုရီးယားခေါင်းဆောင် ကင်ဂျုံအွန်က ဒီကနေ့မှာ ဝေဖန်ပြောကြားလိုက်ပါတယ်။ မြောက်ကိုရီးယား လုံးဝနျူဖျက်သိမ်းရေးအတွက် နိုင်ငံတကာအသိုင်းအ၀ိုင်းအနေနဲ့ ပိတ်ဆို့မှုတွေ ဆက်လုပ်ကြဖို့ အမေရိကန်က တိုက်တွန်းထားပြီး၊ ပိတ်ဆို့မှုတွေကို မလိုက်နာလို့ဆိုတဲ့ အကြောင်းပြချက်နဲ့ တရုတ်၊ ရုရှား ကုမ္ပဏီတွေအပေါ်မှာလည်း အမေရိကန်က ပြီးခဲ့တဲ့တစ်ပတ်မှာ အရေးယူမှုတွေ လုပ်ခဲ့ပါတယ်။ ကင်ဂျုံအွန်ကတော့ အမေရိကန်နဲ့ အပေါင်းအပါတွေဟာ ရန်လိုတဲ့အုပ်စုဖြစ်ပြီး မြောက်ကိုရီးယားပြည်သူတွေ မွန်းကျပ်အောင် လုပ်ဆောင်နေတယ်လို့ ဆိုပါတယ်။
အမေရိကန်နှင့် မဟာမိတ်များကို ပစ်မှတ်ထားကာ တရုတ်က စစ်ရေးလေ့ကျင့်
==================
တရုတ်နိုင်ငံဟာ သူတို့ရဲ့ ဗုံးကြဲလေယာဉ်တွေကို ပစိဖိတ်က အမေရိကန်နဲ့ မဟာမိတ်တွေရဲ့ ပစ်မှတ်တွေကို တိုက်ခိုက်တဲ့ပုံစံ လေ့ကျင့်နေတယ်လို့ အမေရိကန် ကာကွယ်ရေးဝန်ကြီးဌာန (ပင်တဂွန်) က မနေ့မှာ အောက်လွှတ်တော်ကို တင်သွင်းတဲ့ အစီရင်ခံစာမှာ ဖော်ပြထားပါတယ်။ တရုတ်ရဲ့ စစ်ရေး၊ စီးပွားရေးနဲ့ သံတမန်ရေးအင်အား ကြီးထွားလာမှု၊ နိုင်ငံတကာမှာ နေရာယူလာမှုနဲ့ ဒေသတွင်း လွှမ်းမိုးလာမှုတွေကိုလည်း အစီရင်ခံစာမှာ ဖော်ပြထားပါတယ်။ ၂၀၁၇ ခုနှစ် သြဂုတ်လမှာ တရုတ်ရဲ့ ဗုံးကြဲလေယာဉ်တွေဟာ ဂျပန်နိုင်ငံက အမေရိကန်တပ်ဖွဲ့တွေရှိတဲ့ ကျွန်းတစ်ချို့အနားမှာ ပျံသန်းမှုတွေ ပြုလုပ်ခဲ့ပြီး ပင်တဂွန်ကတော့ ဂူအမ်အပါအ၀င် ပစိဖိတ်သမုဒ္ဒရာ အနောက်ခြမ်းက မဟာမိတ်တပ်ဖွဲ့တွေ၊ စစ်စခန်းတွေကို တိုက်ခိုက်နိုင်စွမ်းရှိတယ် ဆိုတာကို တရုတ်က ပြသတာဖြစ်တယ် လို့ အစီရင်ခံစာမှာ ဖော်ပြထားပါတယ်။
အိန္ဒိယရေကြီးမှု ၁၀၀ ကျော်သေဆုံး
===========
အိန္ဒိယနိုင်ငံက ခရီးသွားတွေ စိတ်ဝင်စားတဲ့ ကီရာလာပြည်နယ်မှာ ရေကြီးရေလျှံမှုတွေကြောင့် သေဆုံးသူအရေအတွက်ဟာ ၁၀၆ ဦးအထိ ရှိလာပြီး၊ အိုးအိမ်ဆုံးရှုံးသူ အရေအတွက်က ၁ သိန်းခွဲလောက် ရှိနေတယ်လို့ အာဏာပိုင်တွေက ပြောပါတယ်။ ဒီရေကြီးမှုတွေဟာ ဆယ်စုနှစ်တွေအတွင်းမှာ အဆိုးရွားဆုံးဖြစ်ပြီး ပြည်နယ်တစ်ဝှမ်း ကယ်ဆယ်ရေးစခန်း ၁၃၃၁ ခု ဖွင့်လှစ်ထားရပါတယ်။ အပျက်အဆီးတွေထဲမှာ ပိတ်မိနေသူတွေလည်း ရှိနိုင်တဲ့အတွက် ကယ်ဆယ်ရေးလုပ်ငန်းတွေကို လုပ်ဆောင်နေပါတယ်။
Ref: CNA
