News @ M-Media

Tag: Chinese Muslims

  • ဝီဂါမွတ်စလင်များအရေး စုံးစမ်းရန်အတွက် လွတ်လပ်သည့် အဖွဲ့တစ်ခု ဖွဲ့စည်းမည်

    ဝီဂါမွတ်စလင်များအရေး စုံးစမ်းရန်အတွက် လွတ်လပ်သည့် အဖွဲ့တစ်ခု ဖွဲ့စည်းမည်

    စက်တင်ဘာ ၊၇ ၂၀၂၀
    M-Media


    -တရုတ်နိုင်အနောက်ပိုင်း ရှင်ကျန်းပြည်နယ်က ၀ီဂါနဲ့ အခြားလူနည်းစုတွေ ဖိနှိပ်ညှင်းပမ်းခံနေရတာကို လွတ်လပ်တဲ့ စုံစမ်းစစ်ဆေးရေးအဖွဲ့တစ်ခုက ဖော်ထုတ်ပြီး တရုတ်အစိုးရကို အရေးယူနိုင်ဖို့ စီစဥ်နေပါတယ်။

    အစ္စလာမ်ဘာသာ၀င်တွေဖြစ်ကြတဲ့ ၀ီဂါနဲ့ အခြားလူနည်းစုတွေကို တရုတ်အစိုးရက အကျဥ်းစခန်းတွေမှာ ပိတ်လှောင်ပြီး ညှင်းပမ်းတာ၊ အဓမ္မလုပ်အားခိုင်းစေတာ၊ အမျိုးသမီးတွေကို မြုံအောင်လုပ်တာ စတဲ့ ဖိနှိပ်မှုတွေ ရှိတယ်လို့ နိုင်ငံတကာ သတင်းဌာနတွေ၊ လူ့အခွင့်အရေးအဖွဲ့တွေက ဖော်ထုတ်ခဲ့ကြပါတယ်။

    ဒီအထောက်အထားတွေကို ဖော်ထုတ်ပြီး ဥပဒေကြောင်းအရ လုပ်ဆောင်ဖို့ ကမ္ဘာ့၀ီဂါကွန်ဂရက်က တိုက်တွန်းခဲ့ပြီးတဲ့နောက်ပိုင်း မိမိတို့အနေနဲ့ လွတ်လပ်တဲ့ စုံစမ်းစစ်ဆေးရေးအဖွဲ့ Uighur Tribunal ဖွဲ့စည်း ဆောင်ရွက်သွားမယ်လို့ ဗြိတိန်က နာမည်ကျော်ရှေ့နေ ဆာ ဂျီယိုဖရီ နိုက်စ် ကျူစီက စက်တင်ဘာ ၃ ရက်နေ့မှာ ပြောကြားလိုက်ပါတယ်။

    တရုတ်နိုင်ငံဟာ Rome Statue ကို လက်မှတ်မထိုးထားတဲ့အတွက် နိုင်ငံတကာ ခုံသမာဓိရုံးနဲ့ အခြားနိုင်ငံတကာ အဖွဲ့အစည်းတွေဟာ တရုတ်နိုင်ငံအပေါ် တရားစီရင်ပိုင်ခွင့် မရှိပါဘူး။

    အခုဆောင်ရွက်မယ့် Uighur Tribunal ဟာလည်း တရုတ်အစိုးရရဲ့ ရာဇ၀တ်မှုတွေကို အပြည့်အ၀ စုံစမ်းစစ်ဆေးပြီး တာ၀န်ရှိသူတွေကို တရားစွဲဆိုနိုင်မှာ မဟုတ်ပေမယ့် ရက်စက်ကြမ်းကြုတ်မှုတွေကို နိုင်ငံတကာအသိုင်းအ၀ိုင်းက ပိုပြီး အလေးထားနိုင်စေဖို့ ရည်ရွယ်တာ ဖြစ်ပါတယ်။

    Ref: Forbes

  • ရှင်ကျန်းရှိ ဖျက်ဆီးခံဗလီနေရာများတွင် တရုတ်အစိုးရက အိမ်သာများဆောက်လုပ်

    ရှင်ကျန်းရှိ ဖျက်ဆီးခံဗလီနေရာများတွင် တရုတ်အစိုးရက အိမ်သာများဆောက်လုပ်

    ဩဂုတ် ၁၈၊ ၂၀၂၀
    M-Media

    ကွန်မြူနစ်ဝါဒဖြန့်ပိုစတာများနှင့် တွ​ေ့ရသည့် ရှင်ကျန်းမှဗလီတစ်ခု

    -​တရုတ်အစိုးရဟာ နိုင်ငံအနောက်ပိုင်း ရှင်ကျန်းပြည်နယ်မှာ ဝီဂါလူမျိုးတွေရဲ့ ဗလီဝတ်ကျောင်းတော်တွေကို ဖြိုဖျက်ကာ အများသုံးအိမ်သာတွေ ဆောက်လုပ်နေပြီး ဒါဟာ လူမျိုးစုရဲ့သမိုင်းကို ဖျောက်ဖျက်တာသာမက စော်ကားတာမျိုး ဖြစ်တယ်လို့ ဝေဖန်မှုတွေ ရှိလာပါတယ်။

    ရှင်ကျန်း အာဏာပိုင်တွေအနေနဲ့ ဝီဂါမွတ်စလင်တွေရဲ့ ၀တ်ပြုရာနေရာတွေကို ဖြိုချ ဖျက်ဆီးဖို့အတွက် တရုတ်အစိုးရက ၂၀၁၆ ခုနှစ်မှာ ညွှန်ကြားချက် ထုတ်ပြန်ခဲ့တာပါ။

    အခုအချိန်မှာတော့ ဖျက်ဆီးခံထားရတဲ့ ဗလီနေရာတွေမှာ အာဏာပိုင်တွေက အများသုံးအိမ်သာတွေ ဆောက်လုပ်လာပါတယ်။

    ရှင်ကျန်းပြည်နယ် အာတူရှ်မြို့ ဆွန်တာ့ဂ်ရွာက ‘တိုကူလ်’ ဗလီဟာ ၂၀၁၈ ခုနှစ်မှာ ဖြိုချ ဖျက်ဆီးခံခဲ့ရပြီး လက်ရှိ ဗလီနေရာမှာ အများသုံး အိမ်သာတွေ ဆောက်လုပ်ထားပါတယ်။

    ကျေးရွာတာ၀န်ရှိသူတွေက ရွာကအိမ်တိုင်းမှာ အိမ်သာတွေရှိကြပြီး ဒေသဟာ ကမ္ဘာလှည့်ခရီးသွားနေရာလည်း မဟုတ်တာကြောင့် အများသုံးအိမ်သာတွေ မလိုအပ်ကြောင်း၊ ဒါဟာ ဗလီဖြိုချမှုကို ဖုံးကွယ်ဖို့ဖြစ်ပြီး ၀ီဂါတွေကို စော်ကားတာဖြစ်ကြောင်း ပြောကြားခဲ့ပါတယ်။

    ဆွန်တာ့ဂ်ရွာက အခြား အဖျက်ဆီးခံ ‘အဇ်နာ’ ဗလီ နေရာမှာလည်း အာဏာပိုင်တွေက အရက်ဆိုင်ဖွင့်ထားပါတယ်။ ဟိုတန်မြို့က ဖျက်ဆီးခံ ဗလီနေရာမှာ အတွင်းခံစက်ရုံ တည်ဆောက်ထားပါတယ်။

    တရုတ်အစိုးရဟာ ပြီးခဲ့တဲ့ ၃ နှစ်အတွင်း ရှင်ကျန်းပြည်နယ်က ဗလီဝတ်ကျောင်းတော်ပေါင်း တစ်သောင်းကနေ တစ်သောင်းခွဲအထိ ဖြိုချဖျက်ဆီးခဲ့တယ်လို့ ဝီဂါလူ့အခွင့်အရေး စောင့်ကြည့်အဖွဲ့က ပြောပါတယ်။

    ရှင်ကျန်းပြည်နယ်က ၀ီဂါနဲ့ အခြား လူမျိုးစုငယ်တွေကို တရုတ်အစိုးရက ဖိနှိပ်ညှင်းပမ်းမှုတွေ လုပ်ဆောင်နေတယ်လို့ ကမ္ဘာ့မီဒီယာတွေက ပြီးခဲ့တဲ့နှစ်မှာ ကျယ်ကျယ်ပြန့်ပြန့် ဖော်ထုတ် တင်ပြခဲ့ကြပါတယ်။ သန်းနဲ့ချီတဲ့ ၀ီဂါတွေကိုလည်း တရုတ်အစိုးရက အကျဥ်းစခန်းတွေမှာ ထိန်းသိမ်းထားပါတယ်။

    တရုတ် ကွန်မြူနစ်အစိုးရက ဒီသတင်းတွေကို ငြင်းဆိုပါတယ်။

    Ref: Opindia

  • ဝီဂါဒေသဖြစ်သည့် ရှင်ကျန်းပြည်နယ်ကို လာကြည့်ရန် ကန်ကို တရုတ် ဖိတ်ခေါ်

    ဝီဂါဒေသဖြစ်သည့် ရှင်ကျန်းပြည်နယ်ကို လာကြည့်ရန် ကန်ကို တရုတ် ဖိတ်ခေါ်

    ဇူလိုင် ၁၆၊ ၂၀၂၀
    M-Media

    ရှင်ကျန်းပြည်နယ်မြို့တော် အွမ်ရူကီမှ မြင်ကွင်း

    -ရှန်ကျန်းပြည်နယ်မှာ လူ့အခွင့်အရေးချိုးဖောက်မှုတွေ ရှိ၊ မရှိ လာရောက်ကြည့်ရှုဖို့အတွက် အမေရိကန်နိုင်ငံခြားရေးဝန်ကြီး မိုက်ပွမ်ပီယိုကို ဖိတ်ခေါ်တယ်လို့ တရုတ်နိုင်ငံက ပြောကြားလိုက်ပါတယ်။

    တရုတ်နိုင်ငံအနောက်ပိုင်း ရှန်ကျန်းပြည်နယ်မှာ ဝီဂါနဲ့ အခြားလူမျိုးငယ် အနည်းဆုံး ၁ သန်းလောက်ကို တရုတ်အစိုးရက အကျဉ်းစခန်းတွေထဲ ထည့်ထားပြီး ဖိနှိပ်ညှင်းပမ်းမှုတွေ ရှိတယ်လို့ သတင်းတွေ ကျယ်ကျယ်ပြန့်ပြန့် ထွက်ပေါ်နေတာပါ။ တရုတ်ဖက်ကတော့ ဒါကို ငြင်းဆိုထားပါတယ်။

    တရုတ်နိုင်ငံခြားရေးဝန်ကြီးဌာနရဲ့ ဒီကနေ့ အကျဉ်းချုပ် သတင်းစာရှင်းလင်းပွဲမှာ ဝန်ကြီးဌာန ပြောရေးဆိုခွင့်ရှိသူ ဟွာချွမ်ယင်းက ရှင်ကျန်းပြည်နယ်မှာ ဝီဂါမွတ်စလင်တွေအပေါ် လူ့အခွင့်အရေး ချိုးဖောက်မှုတွေ မရှိဘဲ၊ ဒါတွေကို လာကြည့်ဖို့အတွက် ကန်နိုင်ငံခြားရေးဝန်ကြီး မိုက်ပွမ်ပီယိုကို ဖိတ်ခေါ်တယ်လို့ ပြောကြားခဲ့ပါတယ်။

    ဒါ့အပြင် တရုတ်အနေနဲ့ အမေရိကန်ရဲ့နေရာကို ယူဖို့ မကြိုးစားသလို၊ စိန်ခေါ်မှာလည်းမဟုတ်ကြောင်း အမေရိကန်အနေနဲ့ တရုတ်နဲ့ပတ်သက်တဲ့ ပေါ်လစီကို ဓမ္မဓိဌာန်ကျကျ ပြန်လည်သုံးသပ်ဖို့ တိုက်တွန်းကြောင်း ဟွာချွမ်ယင်းက ထည့်သွင်းပြောဆိုခဲ့ပါတယ်။

    ရှင်ကျန်းပြည်နယ်က လူ့အခွင့်အရေးချိုးဖောက်မှုတွေအတွက် တရုတ်ကွန်မြူနစ်ပါတီ ခေါင်းဆောင်တစ်ချို့ကို အမေရိကန်က ပိတ်ဆို့အရေးယူမှုတွေ လုပ်ဆောင်ထားသလို၊ ထိုင်ဝမ်ကိစ္စ၊ တောင်တရုတ်ပင်လယ်ကိစ္စတွေနဲ့ပတ်သက်ပြီးတော့လည်း တရုတ်နဲ့ အမေရိကန်တို့အကြား အခုသီတင်းပတ်တွေအတွင်း တင်းမာမှုတွေ မြင့်တက်နေတာ ဖြစ်ပါတယ်။

    Ref: Reuters

  • ဗုဒ္ဓဘာသာဝင်များနှင့် အစ္စလာမ်ဘာသာဝင်များကို ဖိနှိပ်သည့် တရုတ်ထိပ်တန်း တာဝန်ရှိသူများကို ကန်အရေးယူ

    ဗုဒ္ဓဘာသာဝင်များနှင့် အစ္စလာမ်ဘာသာဝင်များကို ဖိနှိပ်သည့် တရုတ်ထိပ်တန်း တာဝန်ရှိသူများကို ကန်အရေးယူ

    ဇူလိုင် ၁၀၊ ၂၀၂၀
    M-Media

    ကွန်မြူနစ်ပါတီ ပေါလစ်ဗျူရို အဖွဲ့ဝင် ချင်ချွမ်ဂို
    • နိုင်ငံအနောက်ပိုင်း ရှင်ကျန်းပြည်နယ်က ဝီဂါတွေနဲ့ အခြားလူမျိုးစုငယ်တွေကို ဖိနှိပ်ညှင်းပမ်းမှုမှာ အဓိကအခန်းကဏ္ဍကနေ ပါဝင်ခဲ့တဲ့ တရုတ်ကွန်မြူနစ်ပါတီ တာဝန်ရှိသူတွေကို အမေရိကန်အစိုးရက အင်္ဂါနေ့မှာ ထပ်မံ ပိတ်ဆို့အရေးယူလိုက်ပါတယ်။

    အရေးယူခံရသူတွေက ကွန်မြူနစ်ပါတီ ပေါလစ်ဗျူရို အဖွဲ့ဝင်တစ်ဦးဖြစ်တဲ့ ချင်ချွမ်ဂိုနဲ့ အခြား ကွန်မြူနစ်ပါတီ အကြီးတန်းတာဝန်ရှိသူ ၃ ဦး​ ဖြစ်ပါတယ်။

    ကမ္ဘာတစ်ဝှမ်းက လူ့အခွင့်အရေးချိုးဖောက်သူတွေကို ပစ်မှတ်ထားတဲ့ Global Magnitsky Act အက်ဥပဒေအရ အမေရိကန်အစိုးရက အခုလို ပိတ်ဆို့ အရေးယူခဲ့တာပါ။ ဥပဒေအရ အရေးယူခံရသူတွေရဲ့ အမေရိကန်မှာရှိတဲ့ ပိုင်ဆိုင်မှုတွေကို သိမ်းဆည်းတာ၊ ပြည်ဝင်ခွင့်ပိတ်တာတွေ လုပ်မှာအပြင်၊ ဒီလူတွေနဲ့ မဆက္ဆံဖို႔ အမေရိကန်နိုင်ငံသားတွေကို တားမြစ်မှာ ဖြစ်ပါတယ်။

    ချင်ချွမ်ဂိုဟာ ရှင်ကျန်းပြည်နယ် ကွန်မြူနစ်ပါတီရဲ့ အထွေထွေအတွင်းရေးမှူးဖြစ်ပြီး အမေရိကန်က အမည်ပျက်စာရင်းသွင်းတဲ့ ကွန်မြူနစ်ပါတီတာဝန်ရှိသူတွေထဲမှာ ရာထူးအကြီးဆုံး ဖြစ်ပါတယ်။ ရှန်ကျန်းပြည်နယ်ဟာ ဝီဂါမွတ်စလင်တွေနဲ့ အခြား လူနည်းစုတွေ ဖိနှိပ်ညှင်းပမ်းမှုကို အဓိကခံရတဲ့ ဒေသပါ။

    ဝီဂါနဲ့ အခြားလူမျိုးစု အနည်းဆုံး ၁ သန်းလောက်ကို တရုတ်အစိုးရက အကျဉ်းစခန်းတွေထဲမှာ ထိန်းသိမ်းထားပြီး ညှင်းပမ်းနေတယ်လို့ ကမ္ဘာ့မီဒီယာတွေ အဖွဲ့အစည်းတွေက ကျယ်ကျယ်ပြန့်ပြန့် ဖော်ထုတ်တင်ပြခဲ့ပါတယ်။

    “တရားလက်လွတ်ဖမ်းဆီးတာ၊ အဓမ္မ လုပ်အားခိုင်းစေတာ၊ ဘာသာရေးဖိနှိပ်တာ၊ အဓမ္မ သားကြောဖြတ်တာ၊ မြုံအောင်လုပ်တာ စတဲ့ ရှင်ကျန်းက လူမျိုးစုငယ်တွေအပေါ် တရုတ်ကွန်မြူနစ်ပါတီရဲ့ ညှင်းပမ်းနေတာတွေကို ကမ္ဘာကြီးက ဆန့်ကျင်ကြဖို့ အမေရိကန်က တိုက်တွန်းဆော်ဩပါတယ်” လို့ အိမ်ဖြူတော် တာဝန်ရှိသူတစ်ဦးက သတင်းစာရှင်းလင်းပွဲမှာ ပြောကြားခဲ့ပြီး ဒီအရေးယူမှုဟာ ‘နောက်နေတာ’ မဟုတ်ဘူးလို့ ဆိုပါတယ်။

    ရှင်ကျန်းကွန်မြူနစ်ပါတီ အထွေထွေအတွင်းရေးမှူးဟောင်း ကျိုဟိုင်လင်၊ ရှင်ကျန်း ပြည်သူ့လုံခြုံရေးဗျူရို ဒါရိုက်တာနဲ့ အထွေထွေအတွင်းရေးမှူး ဝမ်မင်ရှန်း၊ ဗျူရိုရဲ့ အထွေထွေအတွင်းရေးမှူးဟောင်း ဟိုလျိုးတို့လည်း အရေးယူခံရတဲ့စာရင်းမှာ ပါဝင်ပါတယ်။

    အမေရိကန်နိုင်ငံခြားရေးဝန်ကြီး မိုက်ပွမ်ပီယိုက ချမ်ချွမ်ဂို၊ ကျိုဟိုင်လင်းနဲ့ ဝမ်မင်ရှန်းတို့ကို ဗီဇာကန့်သတ္မႈ ထပ်လုပ်ခဲ့ပြီး သူတို့နဲ့ သူတို့ရဲ့ မိသားစုဝင်တွေ အမေရိကန်ဝင်ရောက်ခွင့်ကို တားဆီးခဲ့တယ်လို့ ပြောကြားခဲ့ပါတယ်။

    ချွမ်ချွန်ဂိုဟာ တိဘက်ဒေသကို ၂၀၁၁ ခုနှစ်ကနေ ၂၀၁၆ ခုနှစ်အထိ ၅ နှစ်တာ အုပ်ချုပ်မှုအတွင်း တိဘက်ပြည်သူတွေ၊ ဗုဒ္ဓဘာသာဘုန်းကြီးတွေအပေါ် ဖိနှိပ်ညှမ်းပမ်းမှုလုပ်တာ၊ တိဘက်က ကမ္ဘာ့အကြီးဆုံး ဘုန်းကြီးကျောင်းကို ဖြိုဖျက်တာ စတဲ့လုပ်ရပ်တွေ လုပ်ခဲ့တဲ့အတြက္ နာမည္ဆိုးနဲ႔ ေက်ာ္ၾကားသူ ဖြစ်ပါတယ်။

    ၂၀၁၆ ခုနှစ် ရှင်ကျန်းပြည်နယ်ကို တာဝန်ယူရတဲ့အချိန်မှာတော့ တိဘက်မှာ ၅ နှစ်တာ ဖိနှိပ်မှုစနစ်ကို တစ်နှစ်တည်းနဲ့ အကောင်အထည်ဖော်ခဲ့ပါတယ္။

    Ref: Aljazeera

  • ဝီဂါအမျိုးသမီးများ၏ ဆံပင်ဖြင့် ပြုလုပ်ထားသည့် ဆံပင်တုများကို အမေရိကန်ဖမ်းဆီး

    ဝီဂါအမျိုးသမီးများ၏ ဆံပင်ဖြင့် ပြုလုပ်ထားသည့် ဆံပင်တုများကို အမေရိကန်ဖမ်းဆီး

    ဇူလိုင် ၃၊ ၂၀၂၀
    M-Media

    -ရှင်ကျန်းပြည်နယ်က ဝီဂါမွတ်စလင်​အမျိုးသမီးတွေရဲ့ ဆံပင်ကို ဖြတ်ယူပြီး ဖန်တီးထားတယ်ဆိုတဲ့ သံသယနဲ့ တရုတ်ကဝင်လာတဲ့ ဆံပင်တုတွေကို အမေရိကန်အကောက်ခွန်ဌာနက ဖမ်းဆီးလိုက်ပါတယ်။

    ဗုဒ္ဓဟူးနေ့မှာ ဖမ်းဆီးလိုက်တာဖြစ်ပြီး ဆံပင်အတု ၁၃ တန်ရှိကာ ကန်ဒေါ်လာ ၈ သိန်းလောက် တန်ဖိုးရှိပါတယ်။

    “ဒီလိုပစ္စည်းတွေ ထုတ်လုပ်တာမျိုးဟာ အလွန်ဆိုးဝါးတဲ့ လူ့အခွင့်အရေး ချိုးဖောက်မှုကြီးပါ။ အမေရိကန်ရဲ့ ကုန်စည်ကွင်းဆက်မှာ တရားမဝင်တဲ့၊ လူမဆန်တဲ့ နည်းလမ်းတွေသုံးတာကို လုံး၀ သည်းမခံဘူးဆို အမေရိကန်နဲ့ စီးပွားရေးလုပ်နေတဲ့ လုပ်ငန်းတွေအားလုံးကို ဒီဖမ်းဆီးမှုက ရှင်းရှင်းလင်းလင်း သတင်းစကားပါးလိုက်တာ ဖြစ်ပါတယ်” လို့ အမေရိကန် အကောက်ခွန်နဲ့ နယ်စပ်လုံခြုံရေးဌာန လက်ထောက်ကော်မရှင်နာမင်းကြီး ဘရန်ဒါစမစ်က ပြောကြားခဲ့ပါတယ်။

    ဒါဟာ အခုနှစ်အတွင်း တရုတ်နိုင်ငံကတင်သွင်းတဲ့ ဆံပင်တုတွေကို အမေရိကန်အကောက်ခွန်ဌာနက ဒုတိယအကြိမ်မြောက် ဖမ်းဆီးမှုဖြစ်ပါတယ်။ ထုတ်လုပ်သူတွေဟာ လူ့အခွင့်အရေးချိုးဖောက်မှုတွေရှိတယ်ဆိုတဲ့ သံသယနဲ့ ဒီလိုဖမ်းဆီးတာဖြစ်ပါတယ်။

    အမေရိကန်က ဝီဂါအရေး တက်ကြွလှုပ်ရှားသူ ရူရှန် အဘတ်စ်က ဆံပင်တုသုံးသူတွေအနေနဲ့ မသုံးခင်မှာ ဒီပစ္စည်းတွေကို ဘယ်သူတွေက လုပ်ဆောင်လည်းဆိုတာ စဉ်စားသုံးသပ်ဖို့ တိုက်တွန်းခဲ့ပါတယ်။

    မေလက ဖမ်းဆီးမှုနဲ့ အခုတစ်ပတ်ဖမ်းဆီးမှုအတွင်း ဆံပင်အတုတွေကို တင်ပို့တဲ့ ကုမ္ပဏီဟာ တရုတ်နိုင်ငံ အနောက်ပိုင်း ရှင်ကျန်းဒေသက ဖြစ်ပါတယ်။

    ပြီးခဲ့တဲ့ ၄ နှစ်ကစလို့ တရုတ်အစိုးရဟာ ရှကျန်းပြည်နယ်က ဝီဂါမွတ်စလင်တွေနဲ့ အခြား လူနည်းစု အနည်းဆုံး ၁ သန်းလောက်ကို အကျဉ်းစခန်းတွေထဲမှာ ဖမ်းဆီးထိန်းသိမ်းထားပြီး ဖိနှိပ်ညှင်းပမ်းတာ၊ လုပ်အားခေါင်းပုံဖြတ်တာ၊ လိင်ပိုင်းဆိုင်ရာ စော်ကားတာတွေ လုပ်ဆောင်ခဲ့တယ်လို့ ကမ္ဘာ့မီဒီယာတွေက ကျယ်ကျယ်ပြန့်ပြန့် ဖော်ပြခဲ့ကြပါတယ်။

    တရုတ်အစိုးရက ဒီသတင်းတွေကို ငြင်းဆိုထားပါတယ်။

    Ref: The Guardian