Tag: DailySportNews

မေ ၃၁၊ ၂၀၁၄
M-Media

– ခရစ္စတီယာနို ရော်နယ်ဒိုနှင့် လီယွန်နယ် မက်ဆီတို့အား ကမ္ဘာ့အကောင်းဆုံး ဘောလုံးသမားများအဖြစ် သတ်မှတ်ထားသော်လည်း လူးဝစ် ဆွာရက်ဇ်မှာ ၎င်းတို့ ၂ ဦးထက် ပိုကောင်းသည်ဟု ဥရုဂွေးအသင်းဖော် ခရစ္စတီယန် ရော်ဒရီဂက်ဇ်က ပြောကြားလိုက်သည်။

ဆွာရက်ဇ်မှာ ဒူးဒဏ်ရာကြောင့် မေလအစောပိုင်းက ခွဲစိတ်ကုသမှု ခံယူထားရပြီး ကမ္ဘာ့ဖလားပြိုင်ပွဲအမီ ပြန်လည်သက်သာရန် မသေချာသေးပေ။ ခရစ္စတီယန်ကမူ ဆွာရက်ဇ်မှာ ကမ္ဘာ့အကောင်းဆုံး ဘောလုံးသမားဖြစ်သည်ဟု ဆိုသည်။

“ကျွန်တော် သတိထားမိသလောက်တော့ ရော်နယ်ဒိုနဲ့ မက်ဆီဟာ ဆွာရက်ဇ်ထက် တစ်ဆင့်နိမ့်ပါတယ်။ သူဟာ ကလပ်အသင်း အတွက်ရော နိုင်ငံအသင်းအတွက်ပါ ကိုယ်စားပြု ကစားသူပါ။ မက်ဆီနဲ့ ရော်နယ်ဒိုကတော့ ကလပ်အသင်းမှာပဲကောင်းမွန်ပြီး နိုင်ငံအသင်းအတွက် အဲလောက်မကောင်းပါဘူး” ဟု Daily Mail သတင်းစာသို့ ပြောကြားခဲ့သည်။

ဆွာရက်ဇ်မှာ ၂၀၁၃-၁၄ ဘောလုံးရာသီတွင် လီဗာပူးလ်အသင်းအတွက် အကောင်းဆုံးခြေစွမ်းပြခဲ့ပြီး ပွဲပယ်ပြစ်ဒဏ်ကြောင့် ပွဲစဉ်အပြည့် မကစားခဲ့ရသော်လည်း ပရီးမီးယားလိဂ်တွင် ၃၁ ဂိုးအထိ သွင်းယူနိုင်ခဲ့သည်။

Ref : Goal

မေ ၂၄၊ ၂၀၁၄
M-Media

– ချယ်ဆီးအသင်း၏ အားထားရသည့် ဘရာဇီးနောက်ခံလူ ဒေဗစ်လူးဝစ်မှာ ပြင်သစ်လီဂူးချန်ပီယံ ပီအက်စ်ဂျီအသင်းသို့ ပြောင်းရွှေ့တော့မည်ဟု သိရသည်။

အသက် ၂၇ နှစ်အရွယ်ရှိ လူးဝစ်အား ပီအက်စ်ဂျီအသင်းက ပေါင် သန်း ၄၀ ကျော်ဖြင့်ခေါ်ယူရန် ချယ်ဆီးအသင်းနှင့် သဘောတူညီခဲ့ခြင်းဖြစ်ပြီး ၂ နှစ်စာချုပ် ချုပ်ဆိုမည်ဖြစ်သည်။ လူးဝစ်မှာ မော်ရင်ဟိုလက်ထက်တွင် တယ်ရီ၊ ကာဟေးလ်တို့၏နောက် တတိယကစားသမားဖြစ်သာ ရှိနေပြီး ပြီးခဲ့သည့် ရာသီက ပွဲထွက် ကစားသမားအဖြစ် ၁၅ ပွဲသာ ပါဝင်ခွင့်ရခဲ့သည်။

“၃ နှစ်ခွဲကြာ ကောင်းမွန်စွာလက်တွဲခွင်ရခဲ့တဲ့အတွက် ချယ်ဆီးအသင်းကို ကျွန်တော် ကျေးဇူးတင်ပါတယ်။ မိတ်ဆွေတွေအများကြီးရခဲ့ပြီး၊ ဖလားတွေလည်းရခဲ့ပါတယ်။ ဒီအမှတ်တရတွေဟာ ကျွန်တော်နဲ့ အတူ ထာဝရ ရှိနေမှာပါ” ဟု လူးဝစ်က ၎င်း၏ Facebook စာမျက်နှာတွင် ရေးသားခဲ့သည်။

ဘဏ္ဍာရေးညီမျှမှုစည်းမျဉ်းကို ချိုးဖောက်မှုကြောင့် ပီအက်စ်ဂျီအသင်းမှာ ယူအီးအက်ဖ်အေ၏ ပြစ်ဒဏ်ချမှတ်မှုကို ခံထားရသည်။ ချယ်ဆီးအသင်းမှာမူ ယခုနှစ် နွေရာသီ အပြောင်းအရွှေ့တွင် ပြောင်ရွှေ့ကြေး အများအပြားသုံးစွဲရန် ပြင်ဆင်ထားပြီး ထိပ်ဆုံးပစ်မှာ အက်သလက်တီကိုအသင်းတိုက်စစ်မှူး ဒီယေဂို ကော်စတာဖြစ်သည်။

Ref : Goal

မေ ၂၄၊ ၂၀၁၄
M-Media

– ယနေ့ည လစ္စဘွန်းတွင်ကစားမည့် ချန်ပီယံလိဂ်နောက်ဆုံးဗိုလ်လုပွဲတွင် ရီးယဲလ်အသင်းမှာ ၁၀ ကြိမ်မြောက် ဖလားကို ကိုင်မြှောက်နိုင်လိမ့်မည်ဟု ရီးယဲလ် အသင်း၏ ဂန္တ၀င်တိုက်စစ်မှူး ဒီစတီဖာနိုက ပြောကြားလိုက်သည်။

စပိန်ဘုရင့်ဖလားရရှိထားသည့် ရီးယဲလ်မှာ လာလီဂါဖလားရရှိခဲ့သည့် မြို့ခံပြိုင်ဘက် အက်သလက်တီကိုမက်ဒရစ် အသင်းနှင့် ယှဉ်ပြိုင်ကစားရမည်ဖြစ်ပြီး နှစ်သင်းစလုံးမှာ ယခုနှစ်ရာသီ ဒုတိယမြောက်ဖလားရရှိရန် ကြိုးစားရမည်ဖြစ်သည်။

“ပရိတ်သတ်တွေက အရေးပါပါလိမ့်မယ်။ ကျွန်တော်တို့ ခေတ်တုန်းကတော့ ဒီလိုကွင်းအကြီးတွေ မရှိသေးပါဘူး။ ကျွန်တော်တို့ ၁၀ ကြိမ်မြောက် ချန်ပီယံလိဂ် ဖလားကို ရမယ်လို့ မျှော်လင့်မိပါတယ်” ဟု ဒီစတီဖာနိုက ပြောကြားခဲ့သည်။

ချန်ပီယံလိဂ်ဖလားကို ၉ ကြိမ်တိုင်တိုင်ရရှိခဲ့သည့် ရီးယဲလ်မက်ဒရစ်မှာ ၁၂ နှစ်ကြာမှ ဗိုလ်လုပွဲကို ပြန်လည်တက်ရောက်နိုင်ခဲ့ခြင်းဖြစ်သည်။ အက်သလက်တီကို မက်ဒရစ်အသင်းမှာမူ အသင်း၏ သမိုင်းတွင် ၁၉၇၄ ခုနှစ်က တစ်ကြိမ်သာ ချန်ပီယံ ဗိုလ်လုပွဲကို တက်ရောက်နိုင်ခဲ့ပြီး နှစ်ပေါင်း ၄၀ ကြာမှ ဒုတိအကြိမ် ပြန်လည် တက်ရောက်နိုင်ခဲ့ခြင်းဖြစ်သည်။ ၎င်းတို့ နှစ်သင်းတွေ့ဆုံမှုမှာ ချန်ပီယံလိဂ်ဗိုလ်လုပွဲတွင် မြို့ခံပြိုင်ဘက်နှစ်သင်း ပထမဆုံး တွေ့ဆုံခြင်းလည်းဖြစ်သည်။

Ref : Goal