နိုဝင်ဘာ-၁၅ ၂၀၁၃
M-Media
အီဗရာဟီမိုဗစ်မှာ ရော်နယ်ဒိုထက် ပိုကောင်းသည်ဟု ဆွီဒင် နည်းပြဆို
ဆွီဒင်အသင်း၏ နည်းပြဖြစ်သူ အဲရစ်ဟမ်ရန်က အသင်း၏ တိုက်စ်စမှူး ဇလာတန် အီဗရာဟီမိုဗစ်မှာ ယခုလက်ရှိတွင် ကမ္ဘာ့အကောင်းဆုံး ဘောလုံးသမားဖြစ်သည် ဟုပြောကြားလိုက်သည်။
ထို့ပြင် ရီးယဲလ်မက်ဒရစ်အသင်း၏ ပေါ်တူဂီ တိုက်စစ်မှူး ခရစ္စတီယာနို ရော်နယ်ဒိုထက် ပိုမိုကောင်းမွန်သည်ဟူ၍လည်း ဟမ်ရန်က ထည့်သွင်းပြောကြားခဲ့သည်။
“ကျွန်တော့်အတွက်တော့ ဇလာတန်ဟာ နံပါတ် ၁ ပါပဲ။ သူဟာ ကမ္ဘာ့အဆင့် ကစားသမားတစ်ဦးပါ။ ပြီးတော့ ကျွန်တော်တို့ ဆွီဒင်အသင်းရဲ့ အသင်းခေါင်း ဆောင်တစ်ဦးလည်းဖြစ်ပါတယ်။ သူဟာ အကောင်းဆုံးကစားသမားတစ်ဦးလို့ ကျွန်တော် ပြောချင်ပါတယ်” ဟု လစ္စဘွန်းတွင် ပြုလုပ်သည့် သတင်းစာ ရှင်းလင်းပွဲတွင် ပြောကြားခဲ့သည်။
ပေါ်တူဂီနှင့် ဆွီဒင်တို့မှာ ကမ္ဘာ့ဖလားခြေစစ်ပွဲ ပလေးအော့ဖ်ပွဲစဉ် ပထမကျော့ အဖြစ် ယနေ့တွင် လစ္စဘွန်း၌လည်းကောင်း၊ ဒုတိယအကျော့အဖြစ် လာမည့် အင်္ဂါနေ့တွင် စတော့ဟုမ်း၌လည်းကောင်း ယှဉ်ပြိုင်ကစားရမည်ဖြစ်သည်။
Ref:dailymail
——————————-
ဇစ်ကိုအား ခေါ်ယူရန် အာဆင်နယ်စဉ်းစားနေ
တိုက်စစ်မှူးစစ်စစ်အဖြစ် ဂျရူး တစ်ဦးတည်းသာရှိသည့် အာဆင်နယ်အသင်းမှာ အသင်း၏ တိုက်စစ်အား အားဖြည့်ရန် မန်စီးတီးအသင်း တိုက်စစ်မှူး ဇစ်ကိုအား ခေါ်ယူရန် စိတ်ဝင်စားနေသည်ဟု သိရသည်။
ယခုနှစ် မန်စီးတီးအသင်းတွင် ပုံမှန် ကစားခွင့် မရသည့်အတွက် မပျော်မရွှင် ဖြစ်နေသည်ဟု ဇစ်ကိုက ပြီးခဲ့သည့် သီတင်းပတ်က ၀န်ခံပြောကြားထားပြီး အာဆင်နယ်အသင်း၏ ဇန်န၀ါရီ ၀ယ်ယူမည့်ကစားသမား စာရင်းတွင် ထိပ်ဆုံးမှ ပါဝင်နေသည်။
ထို့ပြင် အာဆင်နယ်အသင်းမှာ ရီးယဲလ်မက်ဒရစ် အသင်း၏ တိုက်စစ်မှူး ကရင်မ် ဘန်ဇီမာကိုလည်း ခေါ်ယူရန်ဆက်သွယ်နေသည်ဟု သိရသည်။ အဆင်နယ်မှာ တိုက်စစ်ပိုင်းတွင် ဂျရူး တစ်ဦးတည်းကိုသာ အားထားနေရပြီး၊ ၎င်းအား ဖိအားများလျော့ကျရန် တိုက်စစ်မှူးတစ်ဦးအား လာမည့်ဇန်န၀ါရီ အပြောင်းအရွှေ့တွင် ခေါ်ယူရန် လိုအပ်နေသည်။
……………………………
အစိုးရအား သပိတ်မှောက်ရန်အစီအစဉ်အား ပြင်သစ်ကလပ်များ ရွှေ့ဆိုင်း
ဘောလုံးကစားသမားများအား အခွန်ငွေမြင့်မားစွာကောက်ယူမှုအစီအစဉ်နှင့် ပက်သက်၍ အစိုးရနှင့် ထပ်မံဆွေးနွေးရန် သဘောတူညီခဲ့ပြီးနောက် ဘောလုံးပွဲများ မကစားဘဲ သပိတ်မှောက်မည့် အစီအစဉ်အား ပြင်သစ်ဘောလုံး ကလပ်များ အစည်းအရုံး(UCPF) ရွှေ့ဆိုင်းလိုက်သည်ဟုသိရသည်။
ပြင်သစ်အစိုးရမှာ ပြင်သစ်နိုင်ငံအတွင်းတွင် ကစားနေသော တစ်နှစ်လုပ်ခ ယူရို ၁ သန်းနှင့် အထက်ရရှိသည့် ဘောလုံးသမားများအား ၀င်ငွေ၏ ၇၅ ရာခိုင်နှုန်းကို အခွန်ကောက်ရန် စီစဉ်ခဲ့သောကြောင့် ပြင်သစ်ထိပ်ဆုံး ဘောလုံးပြိုင်ပွဲနှစ်ခုရှိ ကလပ်အသင်းများက နိုဝင်ဘာ ၂၉ နေ့မှ ဒီဇင်ဘာ ၂ ရက်နေ့အထိ ကစားမည့် ပွဲများကို သပိတ်မှောက်ရန် မူလက စီစဉ်ခဲ့သည်။
နောက်ပိုင်းတွင် အစိုးရနှင့် ဘောလုံးကလပ်အသင်းများ အကြား ကြားဝင်စေ့စပ်ပေးမှုများကြောင့် ထိုသပိတ်မှောက်ရန် အစီအစဉ်အား ရွှေ့ဆိုင်းခဲ့ခြင်းဖြစ်သော်လည်း အခြေအနေထူးခြားမှုမရှိပါက သပိတ်မှောက်မှုအားဆက်လက် အကောင်အထည်ဖော်သွားမည်ဟု UCPF က သတိပေးခဲ့သည်။
“ကျွန်တော်တို့ဒီလာတာ ရာဇသံပေးဖို့လာတာမဟုတ်ပါဘူး။ ဆွေးနွေးဖို့လာတာပါ။ ဗုဒ္ဓဟူးနေ့ညက အစိုးရက ခန့်အပ်ထားတဲ့ ကြားဝင်စေ့စပ်သူတွေဆီကနေ အပြုသဘောဆောင်တဲ့ ဆွေးနွေးမှုတွေကို တွေ့ခဲ့ရပါတယ်။ ဒီလူတွေနဲ့ သူတို့ပြောတဲ့စကားတွေကို ယုံကြည်ဖို့ ကျွန်တော်တို့ ဆုံးဖြတ်ခဲ့ပါတယ်” ဟု UCPF ဥက္ကဌ ဂျိန်း ပီရီလူဗလ်က ပြောကြားခဲ့သည်။
……………………………….
ဘာစီလိုနာအသင်းနှင့် ပွဲဦးထွက်ကို ဘယ်တော့မှမမေ့ဟု မက်ဆီဆို
မနက်ဖြန်တွင် ဘာစီလိုနာအသင်းတွင် ကစားခဲ့သည့်သက်တမ်း ၁၀ နှစ်ပြည့်တော့မည်ဖြစ်သည့် တိုက်စစ်မှူး မက်ဆီက ဘာစီလိုနာ အသင်းကြီးတွင် ပထမဆုံးစတင်ကစားခဲ့ရသည့် ပွဲဦးထွက်ပွဲကို ဘယ်တော့မှမမေ့ဟု ပြောကြားလိုက်သည်။
မက်ဆီမှာ ၂၀၀၃ ခုနှစ် နိုဝင်ဘာ ၁၆ ရက်နေ့တွင်ကစားခဲ့သည့် ပေါ်တိုအသင်းနှင့် ခြေစမ်းပွဲတွင် ဘာစီလိုနာ အသင်းအတွက် ပထမဦးဆုံး ပါဝင် ကစားခွင့်ရခဲ့ပြီး၊ အသက် ၁၆ နှစ် အရွယ်သာရှိသေးသည့် ၎င်းအနေဖြင့် ထိုစဉ်က အိပ်မက်များ အမှန်တကယ်ဖြစ်လာသည်ဟု ခံစားခဲ့ရသည်ဟု ဆိုသည်။
“၂၀၀၃ခုနှစ် နိုဝင်ဘာ ၁၆ ရက်နေ့က ကျွန်တော့်အတွက် အရေးပါတဲ့ နေ့ရက်ပါပဲ။ ဘာ့ကြောင့်လဲဆိုတော့ ငယ်ငယ်လေးထဲက ကျွန်တော်မက်ခဲ့ရတဲ့ အိပ်မက် အကောင်အထည်ပေါ်လာလို့ပါ။ အဲဒီနေ့ဟာ ကျွန်တော့်အတွက် အရမ်းကို ပျော်စရာကောင်းတဲ့နေ့ပါပဲ” ဟု မက်ဆီက Barca TV ရုပ်သံသို့ ပြောကြားခဲ့သည်။
ထိုအချိန်မှစကာ တဖြည်းဖြည်းတိုးတက်လာခဲ့သည့် မက်ဆီက အောင်မြင်မှုများမှာ ၎င်းအားပြောင်းလဲစေခဲ့ခြင်းမရှိကြောင်း ထပ်လောင်း ပြောကြားခဲ့သည်။ အသက် ၂၆ နှစ်အရွယ်ရှိသည့် မက်ဆီမှာ ယခုအခါ တံကောက်ကြောဒဏ်ရာကြောင့် အနားယူနေရပြီး လာမည့်နှစ်တွင်မှ ပြန်လည်ကစားနိုင်ဖွယ်ရှိနေသည်။
…………………………………..
