နိုဝင်ဘာ ၃၀၊ ၂၀၁၃
M-Media
– ရီးယဲနောက်ခံလူ ရာမို့စ်မှာ နည်းပြအန်ဆယ်လော့တီ၊ အသင်းဥက္ကဌပီရက်ဇ်တို့နှင့် အဆင်မပြေဖြစ်နေသည်ဟု သတင်းများထွက်ပေါ်လာပြီးနောက် မန်စီးတီး အသင်း နှင့် ချယ်ဆီးအသင်းတို့က ရာမို့စ်အား ရာသီကုန်တွင်ခေါ်ယူရန်ပြင်ဆင်နေကြသည်ဟု သိရသည်။ ပြီးခဲ့သည့် ဗုဒ္ဓဟူးနေ့ညက ကစားခဲ့သည့် ဂါလာတာစာရေးနှင့် ချန်ပီယံလိဂ် ပွဲစဉ်တွင် ရာမို့စ်မှာ အနီကတ်ပြသခြင်းခံခဲ့ရပြီး ရီးယဲလ်မက်ဒရစ်ကစားသမားသက်တမ်းတစ်လျှောက် ၁၇ ကြိမ်မြောက် အနီကတ်ပြခံရခြင်းလည်းဖြစ်ကာ ထိုအနီကတ်နှင့်ပက်သက်၍ အန်ဆယ်လော့တီက ရာမို့စ်အား ဝေဖန်ခဲ့သည်။ မန်စီးတီးနည်းပြ ပယ်လီဂရီနှင့် ချယ်ဆီးနည်းပြ မော်ရင်ဟိုတို့မှာ နောက်ခံလူ တစ်ဦးအလိုရှိနေပြီး ယခင်က ၎င်းတို့နှစ်ဦစလုံးလက်တွဲခဲ့ဖူးသည့် ရာမို့စ်အား ခေါ်ယူရန် စိတ်ဝင်စားနေကြသည်။
– ချယ်ဆီးအသင်းမှ အဲဗာတန်အသင်းသို့ အငှားဖြင့် သွားရောက်ကစားနေသည့် လူငယ်တိုက်စစ်မှူး လူကာကူက ယခုနှစ်တွင် အဲဗာတန်အသင်းအနေဖြင့် ချန်ပီယံလိဂ် ၀င်ခွင့်ရခဲ့ပါက ချယ်ဆီးမှ ထွက်ခွာပြီး အဲဗာတန်အသင်းတွင်သာ ကစားတော့မည်ဟု ပြောဆိုလိုက်သည်။ လူကာကူမှာ ယမန်နှစ်ကလည်း ၀က်စ်ဘရွန်းအသင်းတွင် အငှားဖြင့် သွားရောက်ကစားခဲ့ရပြီး ယခုနှစ်ရာသီ အပြောင်းအရွှေ့နောက်ဆုံးရက်ရောက်မှ အဲဗာတန်သို့လည်း အငှားဖြင့် ရောက်ရှိခဲ့ခြင်းဖြစ်သည်။ ပွဲစဉ် ၁၂ ပွဲကစား ပြီးချိန် ဒုတိယနေရာမှ လီဗာပူးလ်အသင်းနှင့် ၃ မှတ်အကွာတွင်ရှိနေသည့် အဲဗာတန်အသင်းအတွက် လူကာကူမှာ ၇ ဂိုးသွင်းယူပေးထားသည်။
– အသင်း၏ ပိုင်ရှင်အသစ်မှာ လာမည့်ဆောင်းရာသီအပြောင်းအရွှေ့တွင် တိုက်စစ်မှုးတစ်ဦး ၀ယ်ယူရန် စောင့်ကြည့်နေသည်ဟု သတင်းများထွက်ပေါ်လာပြီးနောက်၊ အင်တာမီလန်အသင်း၏ တိုက်စစ်မှူး ရော်ဒရီဂို ပလာစီအိုက အသင်း၏ တိုက်စစ်မှာ အီတလီတွင် အကောင်းဆုံးဖြစ်နေပြီး တိုက်စစ်မှူးသစ် မလိုအပ်ဟု ပြောကြား လိုက်သည်။ အင်တာမီလန်အသင်းမှာ စီးရီးအေအမှတ်ပေးဇယားတွင် အဆင့် ၄ နေရာ၌ရှိနေပြီး ယခုလက်ရှိတွင် အခြားသော အသင်း ၁၉ သင်းထက် ပိုမို၍ ဂိုးသွင်း ယူထားနိုင်သော အသင်းဖြစ်သည်။
– ကွင်းလယ်လူဂျရတ်အနေဖြင့် အနာဂတ်တွင် နောက်ခံအလယ်လူနေရာတွင် ပြောင်းလဲကစားကာ ကစားသမားဘ၀အား ဆက်လက် ဖြတ်သန်းသွားနိုင်လိမ့်မည်ဟု လီဗာပူးလ်အသင်း၏ နည်းပြဖြစ်သူ ဘရန်ဒန် ရော်ဂျာက ပြောကြားလိုက်သည်။ အသက် ၃၃ နှစ်အရွယ်ရှိပြီဖြစ်သည့် ဂျရတ်မှာ လီဗာပူးလ်အသင်းတွင် ၁၉၉၈ ခုနှစ် နိုဝင်ဘာ ၂၉ ရက်နေ့ကမှစ၍ စတင်ကစားခဲ့ခြင်းဖြစ်ပြီး ချန်ပီယံလိဂ်ဖလား၊ FA ဖလားအပါအ၀င် ဆုဖလားပေါင်းများစွာကို ဆွတ်ခူးထားသူဖြစ်သည်။
– ဗုဒ္ဓဟူးနေ့က ကစားခဲ့သည့် ချန်ပီယံလိဂ်ပွဲစဉ်တွင် အသင်းအတွက် ဟက်ထရစ်သွင်းယူပေးခဲ့သည့် ဂျူဗင်တပ်စ်အသင်း၏ ချီလီကွင်းလယ်ကစားသမား အာဂူရို ဗီဒယ်လ်က အသင်းမှထွက်ခွာရန်မစဉ်းစားဟု ပြောကြားလိုက်သည်။ ဂျူဗင်တပ်စ်အသင်းတွင် ခြေစွမ်းပြနိုင်သောကြောင့် ဥရောပအသင်းကြီးများက မကြာသေးမီကစတင်ကာ ဗီဒယ်လ်အား ခေါ်ယူရန် ကြိုးပမ်းနေကြသည်။
– ၂၀၀၆ ကမ္ဘာ့ဖလားဗိုလ်ပွဲတွင် ပြင်သစ်အသင်းခေါင်းဆောင် ဇီဒိန်းအား ထုတ်ပယ်ရန် ဆုံးဖြတ်ခဲ့ခြင်းမှာ ခက်ခဲသော ဆုံးဖြတ်ချက်ဖြစ်ခဲ့သည်ဟု ထိုပွဲကို တာဝန်ယူ ကိုင်တွယ်ခဲ့သည့် ဒိုင်လူကြီး ဟိုရာစီယို အလီဇန်ဒိုက ပြောကြားလိုက်သည်။ အီတလီနှင့် ကစားခဲ့သည့် ထိုပွဲတွင် ပြင်သစ်ကွင်းလယ်လူ ဇီဒိန်းမှာ အီတလီနောက်ခံလူ မာတာရာဇီ၏ ရင်ဘတ်အား ဒုတိယပိုင်းနာကျင်အချိန်ပိုတွင် ခေါင်းဖြင့်တိုက်ခဲ့ခြင်းကြောင့် တိုက်ရိုက်အနီကဒ်ဖြင့် ထုတ်ပယ်ခြင်းခံခဲ့ရသည်။ ဇီဒိန်းမှာ ပွဲ၏ အရေးပါသော ကစားသမားဖြစ်ပြီး၊ ပြင်သစ်အသင်းခေါင်းဆောင်လည်းဖြစ်ကာ ကမ္ဘာ့အကောင်းဆုံး ဘောလုံးသမားတစ်ဦးဖြစ်သောကြောင့် ထုတ်ပယ်ရန် ခက်ခဲစွာ ဆုံးဖြတ်ခဲ့ရခြင်း ဖြစ်သည်ဟု အလီဇန်ဒိုကဆိုသည်။
– အင်္ဂလိပ်ဘောလုံးလောကတွင် လုပ်ပွဲကစားမှုများနှင့် ရင်ဆိုင်နေရသောကြောင့် လုပ်ပွဲကစားမှု လုံးအမြစ်မပြတ်မည်ကို ကြောက်ရွံ့မိသည်ဟု အာဆင်နယ်အသင်း၏ နည်းပြဖြစ်သူ အာဆင်ဝင်းဂါးက ယမန်နေ့တွင် ပြောကြားခဲ့သည်။ အမျိုးသား ရာဇ၀တ်မှုအေဂျင်ဆီ(NCA)မှ အင်္ဂလိပ်အောက်တန်းလိဂ်များတွင် လုပ်ပွဲများ ဖန်တီးသည် ဟု ယူဆသူများအား ဖမ်းဆီးခဲ့ပြီးနောက် ၀င်းဂါးက ထိုကဲ့သို့ပြောကြားလိုက်ခြင်းဖြစ်သည်။ စင်ကာပူအခြေစိုက် လောင်းကစားလုပ်ငန်းတစ်ခုမှ စင်ကာပူနိုင်ငံသားနှစ်ဦး အပါအ၀င် လုပ်ပွဲဖန်တီးသည်ဟု ယူဆရသူ စုစုပေါင်း ၇ ဦးကို အင်္ဂလန် ရဲတပ်ဖွဲ့က ဖမ်းဆီးထားပြီး စုံစမ်းစစ်ဆေးမှုများကို ဆက်လက်လုပ်ဆောင်နေသည်ဟု သိရ သည်။
– ၂၀၁၅ ခုနှစ် ကမ္ဘာ့ကြက်တောာင် ချန်ပီယံရှစ်ပြိုင်ပွဲအား ဂျကာတာတွင် ကျင်းပမည်ဟု အင်ဒိုနီးရှား အားကစားဆိုင်ရာ တာဝန်ရှိသည့်အဖွဲ့က ယမန်နေ့တွင် ပြောကြားလိုက်သည်။ ထိုကြောင့် ဆယ်ဆုနှစ် ၂ ခုအတွင်း ကမ္ဘာ့အဆင့်ပြိုင်ပွဲတစ်ခုအား အင်ဒိုနီးရှားနိုင်ငံတွင် ပြန်လည် ကျင်းပခြင်း ဖြစ်လာမည်ဖြစ်သည်။
