Tag: Eainwaaythu(KZ)

နိုဝင်ဘာ ၁၈ ၊ ၂၀၁၅
M-Media
.
လူ့အမြင်တွေ ကျဉ်းသထက် ကျဉ်းလာပြီး
လူ့အတ္တတွေ စည်းဝါးလွတ် ကျယ်လာတယ်။
x
ရလာဒ်အဖြစ်
ငြိမ်းချမ်းရေးက အကန့်အသတ်မဲ့ အကျဉ်းကျပြီး
အမုန်းတရားက နှစ်လရှည်ကြာ လွတ်မြောက်သွားလေရဲ့ ။
x
ပြန်လည်တည့်မတ်ရေး ခေါင်းစဉ်အောက်မှာ
မာသာထရီဇာနဲ့ ဟစ်တလာတို့
တစ်ယောက်မျက်နှာ တစ်ယောက်စေ့စေ့ကြည့်
နားလည်မှုတွေ အပြန်အလှန် ဝတ်မှုံကူးကြရင်း
အပြုံးကိုယ်စီ ပြိုင်တူပွင့်လိုက်ကြတယ်။
x
အပြုံးတွေရဲ့ 
ဆိုလိုရင်းကို အမည်မတပ်နိုင်ခင်မှာပဲ
ကမ္ဘာကြီး အမှောင်အတိ ကျသွားလေရဲ့ ။

——————
အိမ်ဝေးသူ (KZ)
——————

နိုဝင်ဘာ ၈ ၊ ၂၀၁၅
M-Media
အိမ်ဝေးသူ (KZ) ရေးသည်။

* လက်သန်းလေးတွေ အရောင်မတူကြဘူး
ဒါပေမယ့် သူတို့လေးတွေ တာဝန်ကျေကြတယ်။

* လက်သန်းလေးတွေ အရွယ်မတူကြဘူး
ဒါပေမယ့် သူတို့လေးတွေ တာဝန်ကျေကြတယ်။

* လက်သန်းလေးတွေ ပုံစံမတူကြဘူး
ဒါပေမယ့် သူတို့လေးတွေ တာဝန်ကျေကြတယ်။

* လက်သန်းလေးတွေမှာ လူမျိုး၊ ဘာသာ မရှိကြဘူး
ဒါပေမယ့် သူတို့လေးတွေ တာဝန်ကျေကြတယ်။

* လက်သန်းလေးတွေမှာ ဆင်းရဲ ချမ်းသာ မရှိဘူး
ဒါပေမယ့် သူတို့လေးတွေ တာဝန်ကျေကြတယ်။

* အရောင်စွန်းတဲ့ လက်သန်းလေးတွေနဲ့ အတူ
တာဝန်ကိုယ်စီ ကျေလွန်းတဲ့ လက်သန်းလေးတွေနဲ့ အတူ
လက်သန်းလေးတွေ နေတဲ့ တိုင်းပြည်ရဲ့
အနာဂတ်ဟာလည်း မျှော့်လင့်ခြင်းများနဲ့ ပြည့်လို့နေတယ်။

အိမ်ဝေးသူ (KZ)

ဧပြီ ၂၇ ၊ ၂၀၁၅
M-Media
အိမ်ဝေးသူ(KZ) ရေးသည်။

မင်းရဲ့ကျောပေါ်မှာ ကစားနေတဲ့ ကလေးငယ်လေး
ခုတော့ မင်းရဲ့ဝမ်းဗိုက်ထဲ ရောက်သွားရှာပြီ။
x
မင်းရဲ့  ကျောပေါ်မှာ မေတ္တာပို့နေတဲ့ အမေအိုကြီး
ခုတော့ မင်းရဲ့ဝမ်းဗိုက်ထဲ ရောက်ခဲ့ရရှာပြီ။
x
မင်းရဲ့ ကျောပေါ်မှာ ဝန်ထမ်းထားတဲ့ ကိုယ်ဝန်သည်လေး
ခုတော့ မင်းရဲ့ဝမ်းဗိုက်ထဲ ရောက်ခဲ့ရရှာပြီ။
x
မင်းရဲ့ကျောပေါ်မှာ ဆောက်ထားတဲ့ မူလတန်းကျောင်းလေး
ခုတော့ မင်းရဲ့ဝမ်းဗိုက်ထဲ ရောက်ခဲ့ရရှာပြီ။
x
မင်းရဲ့ကျောပေါ်မှာ တည်ထားတဲ့ ဘုရားဆောင်လေး
ခုတော့ မင်းရဲ့ဝမ်းဗိုက်ထဲ ရောက်ခဲ့ရရှာပြီ။
x
မင်းရဲ့ကျောပေါ်မှာ ရုန်းကန်နေတဲ့ ပစ္စုပန်တွေ
မင်းရဲ့ကျောပေါ်မှာ ငဲ့ကြည့်နေတဲ့ အတိတ်တွေ
မင်းရဲ့ကျောပေါ်မှာ ပြေးလွှားနေတဲ့ အနာဂတ်တွေ
ခုတော့လည်း အရာအားလုံးက မင်းအလိုကျပေါ့ကွယ်။
x
မင်းရဲ့ ဆာလောင်မှုအတွက် ဘဝတွေရင်းရတယ်။
မင်းရဲ့ အကြောတဆန့်အတွက် အသက်တွေပေးရတယ်။
ခုတော့လည်း
မင်းရဲ့ ကျောပေါ်မှာ စိုက်ထားတဲ့
“ကမ္ဘာမြေစိမ်းလန်းပါစေ”ဆိုတဲ့ ဆိုင်းဘုတ်လေး ကွယ်လွန်ခဲ့ပြီ။
ငါတို့ဘဝတွေနဲ့ အနာဂတ်ကိုယ်စီလည်း တိမ်းပါးခဲ့ကြရပါပြီ။
x
ဟေ့-ကမ္ဘာမြေ !
ငါတို့ ဘဝတွေ…မယိမ်းယိုင်စေဖို့
ကျေးဇူးပြုပြီး
မင်းရဲ့ကျောပြင်ကို ဖြေးဖြေးဆန့်ပေးစမ်းပါကွယ့်။

——————-
အိမ်ဝေးသူ(KZ)
——————-
(မှတ်ချက်)
ကျွန်တော်တို့ လူသားတွေရဲ့ ကိုယ်ကျင့်တရားဟာ ကျွန်တော်တို့ ကမ္ဘာမြေရဲ့
စိမ်းလန်းခြင်း၊ ဆုတ်ယုတ်ခြင်းပါပဲ။ ကျွန်တော်တို့ရဲ့ ကိုယ်ကျင့်တရားတွေနဲ့အတူ
မြေကမ္ဘာမှာ ဖြေသာလောက်တဲ့ လေညှင်းလေးတွေ တိုက်ခတ်နိုင်ပါစေလို့ ဆုမွန်
တောင်းခဲ့ပါတယ်။
x
(စာကြွင်း)
အစိုးရနဲ့ ပြည်သူ၊ တွဲလက်တွေတူညီလို့ အခက်အခဲတွေကို ဖြေရှင်းနိုင်ကြပါစေ။
နီပါလ်နိုင်ငံသားတွေရဲ့ ဘေးအန္တရာယ်အတွက် ကျွန်တော် ဝမ်းနည်းမိတာတော့
အမှန်ပါပဲ။ ဒါပေမယ့် အဲ့ဒီ့ငလျင်ဟာ ကျွန်တော်တို့တိုင်းပြည်မှာ မဖြစ်သွားတဲ့အတွက်
ဝမ်းသာမိတာလည်း အမှန်ပါပဲ။ ဘေးအန္တရာယ်တစ်ခုခုကျရင် ထိထိရောက်ရောက်
မလုပ်တဲ့ အစိုးရ၊ ပြည်ပအကူအညီရရင်လည်း ရတာကို အိတ်ထဲထည့်တတ်တဲ့
အစိုးရ။ ဒီအချက်တွေကို သတိထားမိရုံနဲ့ သူများနိုင်ငံမှာတော့ ငါတို့ နိုင်ငံထက်
ပိုပြီးမဆိုးလောက်ပါဘူးလေ ဆိုတဲ့အသိနဲ့ ဒီအဖြစ်အပျက်ကြီးက မြန်မာပြည်မှာ
ဖြစ်မသွားတာကိုပဲ ကျွန်တ်ာဝမ်းသာမိပါတယ်။

ဧပြီ ၁၁ ၊ ၂၀၁၅
M-Media
အိမ်ဝေးသူ(KZ) ရေးသည်။

ငါထိုးတဲ့လက်သီးက
ဘာသာတရား မရွေးဘူး။
ငါ့ခြေကန်ချက်တွေမှာလည်း
အမုန်းတရား မပါဘူး။
x
ရွှေတံဆိပ်ဆုက
ငါ့အတွက် မမြဲလည်း
ဖြောင့်မတ်မှုကတော့
ငါ့ဦးခေါင်းထက်မှာ
နေလို၊ လ,လို တည်တယ်။
x
ငါထိုးတယ်…ငါနိုင်တယ်။
ငါထိုးတယ်…ငါရှုံးတယ်။
အနိုင်အရှုံးလား…?
ငါ့အတွက် အဓိကမကျဘူး။
ယှဉ်ပြိုင်ခြင်းလား…?
ခါးရိုးချဉ်ဆီလို ငါတန်ဖိုးထားတယ်။
x
ပြိုင်ဘက်ရဲ့ ထိုးချက်က
ငါ့အရိုးတွေကို ရိုက်ချိုးပစ်နိုင်တယ်။
ငါ့ပြည်သူတွေရဲ့
ခွဲခြားဆက်ဆံခြင်းကတော့
ငါ့သည်းခြေကို အဆိပ်ခတ်နိုင်တယ်။
x
ဘာပဲဖြစ်ဖြစ်
တိုင်းပြည်ကိုကိုယ်စားပြုတဲ့ ထိုးပွဲတိုင်းမှာ
မြန်မာ့စိတ်ဓာတ်က
ငါ့သွေးကြောတွေထဲ စီးဆင်းတယ်။
x
မြန်မာ့အားကစား
ကမ္ဘာကိုမလွှမ်းနိုင်လည်း
မြန်မာ့စိတ်ဓာတ်ကို
ကမ္ဘာအဝှမ်း သြဘာညံစေချင်သူမို့
ဟေ့…သွေးချင်းတို့ရေ
ကျေးဇူးပြုပြီး
ငါ့…အားကစားစိတ်ဓာတ်ကို
ပြက်ရယ်မပြုကြပါနဲ့လားကွယ်

——————-
အိမ်ဝေးသူ(KZ)
——————-