Tag: Ebola

အောက်တိုဘာ ၁၅ ၊ ၂၀၁၄
M-Media

– လိုက်ဘေးရီးယားနိုင်ငံတွင် အီဘိုလာ ဗိုင်းရပ်စ်ပိုး ကူးစက်ခံခဲ့ရသည့် ကုလသမဂ္ဂ ကျန်းမာရေး ၀န်ထမ်းတစ်ဦးမှာ ဂျာမနီရှိ ဆေးရုံတွင် သေဆုံးသွားခဲ့သည်ဟု သိရသည်။

အသက် ၅၆ နှစ်အရွယ်ရှိ အဆိုပါ ကျန်းမာရေး လုပ်သားမှာ လီအစ်ဇစ်ပ်မြို့ရှိ စိန့်ဂျော့ဆေးရုံတွင် ဆေး ကုသမှုများပြုလုပ်နေစဉ် ယမန်နေ့က သေဆုံးသွား ခဲ့ခြင်း ဖြစ်သည်ဟု အဆိုပါ ဆေးရုံမှ ပြောကြားခဲ့သည်။ သို့သော်လည်း သေဆုံးသွားသူ၏ အမည်နှင့် အသေးစိတ် အချက်အလက်များကို ထုတ်ပြန်ခဲ့ခြင်း မရှိချေ။

အဆိုပါ ကျန်းမာရေးဝန်ထန်းမှာ အီဘိုလာ ကူးစက်နေကြောင်း အောက်တိုဘာ ၆ ရက်နေ့တွင် တွေ့ရှိခဲ့ရပြီး အောက်တိုဘာ ၉ ရက်နေ့၌ စိန့်ဂျော့ဆေးရုံသို့ ရောက်ရှိ လာခြင်းဖြစ်သည်။ ဒေသတွင်းကျန်းမာရေး တာဝန်ရှိသူများကမူ ထိုဝန်ထမ်းမှာ ဆူဒန်ဒေါက်တာဖြစ်သည်ဟု ပြီးခဲ့သည့် တစ်ပတ်က ပြောကြားခဲ့သည်။

ယခုဖြစ်ရပ်မတိုင်မီ ဂျာမနီမှာ ဆီနီဂေါနှင့် ယူဂန်ဒါတို့မှာ အီဘိုလာ ရောဂါပိုးရှိသူ ၂ ဦးကို ကုသပေးခဲ့ပြီး ဟမ်းဘတ်၌ ကုသနေသည့် ဆီနီဂေါ ကျန်းမာရေး ၀န်ထမ်းမှာ အောက်တိုဘာ ၄ ရက်နေ့တွင် ဆေးရုံမှ ဆင်းသွားခဲ့သည်။ ယူဂန်ဒါမှ တစ်ဦးအား ယခုအချိန်အထိ ဖရန့်ဖတ်မြို့တွင် ဆက်လက်ကုပေးလျက်ရှိနေသည်။

အနောက်အာဖရိကမှ စတင်ပြန့်နှံ့ခဲ့သည့် အီဘိုလာကြောင့် သေဆုံးသူမှာ ၄ ထောင်ကျော်လာခဲ့ပြီး အမေရိကန်နှင့် စပိန်နိုင်ငံတို့တွင်လည်း ရောဂါကူးစက်သူများ ရှိနေသည်။

ref_ Agencies

အောက်တိုဘာ ၁၃ ၊ ၂၀၁၄
M-Media

– လွန်ခဲ့သည့် ၄ ရက်က အီဘိုလာကြောင့် အမေရိကန်တွင် သေဆုံးသွားခဲ့သူ သောမတ်စ် အဲရစ် ဒန်ကန်ကို ကုသပေးခဲ့သူများထဲမှ တစ်ဦးတွင် အီဘိုလာ ဗိုင်းရပ်စ်ပိုး တွေ့ရှိခဲ့ပြီး စပိန်နိုင်ငံတွင်လည်း အီဘိုလာကြောင့် စောင့်ကြည့်နေသူ ၁၅ ဦးခန့် ရှိလာခဲ့ပြီဟုသိရသည်။

Texas Health Presbyterian ဆေးရုံမှ ဒန်ကန်အား ကုသပေးခဲ့သူ ကျန်းမာရေး လုပ်သားတစ်ဦးမှာ အောက်တိုဘာ ၁၀ ရက်သောကြာနေ့က အဖျားတက်သည်ကို တွေ့ရှိခဲ့ရသောကြောင့် ကနဦး စစ်ဆေးမှုများ ပြုလုပ်ခဲ့ပြီး၊ အီဘိုလာတွေ့ရှိကြောင်း တက္ကဆက်ပြည်နယ် ကျန်းမာရေးဌနမှ အောက်တိုဘာ ၁၂ ရက်နေတွင် ထုတ်ပြန်သော ကြေညာချက်၌ ဖော်ပြထားသည်။

ထို့ပြင် ၎င်းအား သီးသန့်ခွဲထား၍ စမ်းသပ်စစ်ဆေးမှုများ ပြုလုပ်နေသည်ဟုလည်း ဖော်ပြထာားက အဆိုပါ ကျန်းမာရေုးလုပ်သား၏ အမည်နှင့် ရာထူးကို ဖော်ပြခဲ့ခြင်းမရှိပေ။ ထိုကဲ့သို့ ကူးစက်မှုအတွက် အမေရိကန် ရောဂါဘယ ထိန်းချုပ်ရေးနှင့် ကာကွယ်တားဆီးရေး ဌာနမှ အတည်ပြုခြင်း မရှိသေးပေ။

စပိန်တွင် အီဘိုလာကူးစက်နေသူ သူနာပြု ထရီဇာ ရိုမဲရိုး၏ အခြေအနေမှာ တိုးတက်လျက် ရှိနေသော်လည်း အီဘိုလာ လက္ခဏာ ရှိနေသူ ၃ အား ထပ်မံ စောင့်ကြည့်မှုများ ပြုလုပ်နေသည်ဟု မက်ဒရစ်မြို့ တာဝန်ရှိသူများက ပြောကြားခဲ့သည်။ ထို့ကြောင့် စပိန်တွင် အီဘိုလာ သံသယဖြင့် သီးသန့် ခွဲထားကာ စောင့်ကြည့်မှု ပြုလုပ်နေသည့် အရေအတွက်မှာ ၁၅ ယောက်အထိ ရှိလာပြီဖြစ်သည်။

အနောက်အာဖရိက နိုင်ငံများမှ အစပြုခဲ့သည့် အီဘိုလာကြောင့် သေဆုံးသူ ဦးရေမှာ ယခုအချိန်အထိ ၄ ထောင်ကျော် လာပြီဖြစ်သည်။ အမေရိကန်နှင့် ဥရောပနိုင်ငံ များတွင် အီဘိုလာ ကာကွယ်ရေး လုပ်ငန်းများကို တိုးမြှင့်လုပ်ဆောင်နေပြီး လေဆိပ်များတွင် ခရီးသည်များအား အနီးကပ်စောင့်ကြည့်မှုများ စတင်ပြုလုပ်လျက် ရှိနေသည်။

အောက်တိုဘာ ၁၁ ၊ ၂၀၁၄
M-Media

– စပိန်တွင် အီဘိုလာကူးစက်ခံနေရသူ သူနာပြု တစ်ဦး၏ အခြေအနေမှာ အသက်အန္တရာယ် စိုးရိမ်ရသည့် အနေအထားတွင်ရှိနေပြီး၊ မက်ဆီဒိုးနီးယားတွင်လည်း အီဘိုလာ ရောဂါ လက္ခဏာဖြင့် ဗြိတိန်နိုင်ငံသား တစ်ဦး သေဆုံးခဲ့သည်ဟု သိရသည်။

အသက် ၄၄ နှစ်အရွယ် စပိန်သူနာပြု ရိုမဲရိုမှာ အီဘိုလာ ကူးစက်သည့် လူနာ ၂ ဦးကို ပြုစုခဲ့ပြီးနောက်ပိုင်း ရောဂါပိုး ကူးစက်ခံခဲ့ရခြင်းဖြစ်ပြီး မက်ဒရစ်တွင် သီးသန့်ခွဲထားက ကုသမှုများ ပြုလုပ်နေသော်လည်း အခြေအနေ ဆိုးရွားနေသည်ဟု မက်ဒရစ်မြို့ အုပ်ချုပ်ရေးမှူးက ပါလီမန်တွင်ပြောကြားခဲ့သည်။

ခင်ပွန်း၊ လုပ်ဖော်ကိုင်ဖက်များ အပါအ၀င် ရိုမဲရိုနှင့် နီးစပ်သူ ၁၃ ယောက်ကို သီးသန့်ခွဲထားကာ စမ်းသပ် စစ်ဆေးမှုများ ပြုလုပ်နေပြီး အခြား လူ ၅၀ ကိုလည်း စပိန် ကျန်းမာရေး တာဝန်ရှိသူများက စောင့်ကြည့်လျက်ရှိနေသည်။

လန်ဒန်မြို့မှ အောက်တိုဘာ ၂ ရက်နေ့တွင် ရောက်ရှိလာပြီး မက်ဆီဒိုနီးယားနိုင်ငံ စကော့ပ်ဂျီရှိ ဟိုတယ်တစ်ခုတွင် တည်းခိုနေသည့် ဗြိတိန်နိုင်ငံသားတစ်ဦးမှာလည်း အီဘိုလာ ရောဂါလက္ခဏာများဖြစ်သည့် အဖျား၊ ပျို့အန်ခြင်းနှင့် ခန္ဓာကိုယ်တွင်း သွေးယိုစီးမှုများ ဖြစ်ပွားခဲ့ခြင်းကြောင့် အောက်တိုဘာ ၉ ရက်နေ့က ဆေးရုံသို့ ပို့ဆောင်ခဲ့ရပြီး နာရီအနည်းငယ်အကြာတွင် သေဆုံးခဲ့သည်ဟု မက်ဆီဒိုးနီးယား ကျန်းမာရေး တာဝန်ရှိသူများက ယနေ့တွင် ပြောကြားခဲ့သည်။

ထို့ပြင် ၎င်းတည်းခိုသည့် ဟိုတယ်အား ချိတ်ပိတ်လိုက်ပြီး အခြားဗြိတိန်နိုင်ငံသားတစ်ဦးနှင့် ဟိုတယ်ဝန်ထမ်းများအား စမ်းသပ်စစ်ဆေးမှုများ ပြုလုပ်လျက်ရှိနေသည်။

အီဘိုလာကြောင့် နောက်ဆုံးသေဆုံးခဲ့ရသည့် လူနာမှာ အမေရိကန်မှ သောမတ်စ် အဲရစ် ဒန်ကန်ဖြစ်ပြီး ၎င်းသေဆုံးပြီးနောက် အမေရိကန်အစိုးရက အတ္တလန်တာ၊ ချီကာဂို၊ နယူးဂျာစီ၊ နယူးယောက်နှင့် ၀ါရှင်တန်ရှိ အဓိကလေဆိပ်များတွင် စောင့်ကြည့်မှုများ ပိုမို ပြုလုပ်ရန် ဆောင်ရွက်ခဲ့သည်။

အင်္ဂလန်တွင်လည်း အီဘိုလာနှင့်ပတ်သက်၍ သတိပေးမှုများကို ပြုလုပ်ထားပြီး အဓိကလေဆိပ်များတွင် စောင့်ကြည့်မှုများ ပိုမိုဆောင်ရွက်နေသည်။

ref_ RT,AFP