Tag: Egypt

ဧပြီ ၉၊ ၂၀၂၁
M-Media

-ဖာရိုဘုရင်တွေရဲ့ ရွှေခေတ်ကာလလို့ တင်စားခံရတဲ့ လွန်ခဲ့တဲ့ နှစ်ပေါင်း ၃၀၀၀ ကျော်က ပျောက်ဆုံးမြို့တော်တစ်ခုကို အီဂျစ်မှာ ရှာတွေ့ခဲ့ပါတယ်။

နိုင်ငံတောင်ပိုင်း Luxor မြို့မှာတွေ့ခဲ့တဲ့ အဲဒီ ရှေးဟောင်းမြို့တော်ဟာ သဲတွေအောက်မှာ မြုပ်နေခဲ့တာပါ။ ဒီမြို့ကို တွေ့ရှိတာဟာ ဘီစီ ၁၃၃၄ လောက်က စိုးစံခဲ့တဲ့ နာမည်ကျော် ဖာရိုဘုရင် Tutankhamun ရဲ့ အုတ်ဂူကို ရှာတွေ့ပြီးနောက်ပိုင်း အရေးပါဆုံး တူးဖော်တွေ့ရှိမှုတစ်ခု ဖြစ်တယ်လို့ ပညာရှင်တွေက ပြောပါတယ်။

Luxor မြို့ကလည်း ဖာရိုဘုရင်များစိုးစံခဲ့ရာ ဒဏ္ဍာရှိချိုင့်ဝှမ်းဒေသလို့ နာမည်ကျော်ပါတယ်။

“အခုတွေ့တဲ့မြို့ဟာ နှစ်ပေါင်း ၃၀၀၀ အရင်က ရှိခဲ့တာပါ။ Amenhotep III ဘုရင်လက်ထက်က စတည်ခဲ့ပြီး Tutankhamun ဘုရင်နဲ့ Ay ဘုရင်တို့ ဆက်လက် အသုံးပြုခဲ့ပါတယ်”

အဲဒီမြို့မှာ လက်ဝတ်ရတနာတွေ၊ ပန်းအိုးတွေ၊ ဘုရင် Amenhotep III အမည် ရေထိုးထားတဲ့ မြေအုတ်တွေ၊ အခြားအသုံးအဆောင်တွေကိုလည်း တူးဖော်တွေ့ရှိခဲ့ပါတယ်။

သမိုင်းထဲကဒီမြို့ကို အရင်က နိုင်ငံရပ်ခြားပညာရှင် တော်တော်များများ ရှာဖွေခဲ့ပေမယ့် မတွေ့ခဲ့ပါဘူး။ အီဂျစ် ရှေးဟောင်းသုတေသနပညာရှင်တွေဟာ ၂၀၂၀ ခုနှစ် စက်တင်ဘာလောက်ကတည်းက တူးဖော်ခဲ့တာ ဖြစ်ပါတယ်။

မြို့ရဲ့ နံရံတွေ၊ အခန်းတွေ​ စသဖြင့် အဆောက်အဦးတွေဟာ အကောင်းအတိုင်း မူမပျက် တည်ရှိနေပါသေးတယ်။ ဖာရိုဘုရင် Amenhotep III ဟာ ယူဖရေးတီးမြစ်ကနေ ဆူဒန်အထိ ကျယ်ပျောတဲ့ အင်ပါယာကို နှစ်ပေါင်း ၄၀ လောက် အုပ်စိုးကာ ဘီစီ ၁၃၅၄ ခုနှစ်မှာ ကွယ်လွန်ခဲ့ပါတယ်။

သူစိုးစံခဲ့တဲ့ ရှေးဟောင်းမြို့ကို အခုလို ရှာဖွေတွေ့ရှိတာဟာ ရှေးဟောင်းအီဂျစ်အင်ပါယာ သာယာ၀ပြောဆုံးအချိန်က လူတွေရဲ့ ဘ၀တွေကို လေ့လာဖော်ထုတ်နိုင်မယ့် ရှားရှားပါးပါး အခွင့်အရေးတစ်ရပ်ကို ရရှိလိုက်တာဖြစ်တယ်လို့ ပညာရှင်တွေက ပြောကြားခဲ့ပါတယ်။

Ref: Aljazeera

မတ် ၄၊ ၂၀၂၁
M-Media

-ရှေးဟောင်းသမိုင်းဝင် မံမီရုပ်အလောင်း ၂၂ ခုကို အီဂျစ်က တစ်ခမ်းတစ်နားနဲ့ အမျိုးသားပြတိုက်ကို ရွှေ့ပြောင်းခဲ့ပါတယ်။

တိုက်ကို ရွှေ့ပြောင်းခဲ့ပါတယ်။

ဖာရိုဘုရင် ၁၈ ဦးနဲ့ ဘုရင်မ ၄ ဦးရဲ့ မံမီရုပ်အလောင်းတွေ ဖြစ်ပါတယ်။ မြို့တော်ကိုင်ရိုကို ဖြတ်ပြီး အမျိုးသားပြတိုက်သစ် National Museum of Egyptian Civilisation ကို ပို့ဆောင်ရာမှာ ဘုရင်တွေ သက်ရှိထင်ရှားရှိစဉ်က ပုံစံအတိုင်း အဆောင်အယောင် အခမ်းအနားကို အသုံးပြုတာပါ။

စနေနေ့က ဒီအခမ်းအနားတွက် ဒေါ်လာသန်းချီ ကုန်ကျခဲ့တယ်လို့ ဆိုပါတယ်။ လမ်းတစ်လျှောက်မှာ လူထောင်ပေါင်းများစွာ ကြည့်ရှုအားပေးခဲ့ကြပါတယ်။

အခမ်းအနားမှာ ပါဝင်ခဲ့တဲ့ မံမီရုပ်အလောင်းအများစုဟာ အီဂျစ်ကို ဘီစီ ၁၅၃၉ ခုနှစ်ကနေ ဘီစီ ၁၀၇၅ ခုနှစ်အထိ အုပ်စိုးခဲ့တဲ့ မင်းဆက်က ဖြစ်ပါတယ်။ နာမည်ကျော် ဖာရိုဘုရင်ဖြစ်တဲ့ ရမ်စီ ၂၊ အီဂျစ်သမိုင်းက တစ်ဦးတည်းသော ဖာရိုဘုရင်မ ဟတ်ရှပ်ဆုတို့ရဲ့ ရုပ်အလောင်းတွေလည်း ပါဝင်ပါတယ်။

နိုဝင်ဘာ ၂၃၊​၂၀၂၀

M-Media

ရင်သပ်ရှုမောစရာ မံမီရုပ်အလောင်းများ အီဂျစ်တွင် ထပ်တွေ့ (မြန်မာစာတမ်းထိုး)

Video Source – Daily Mail

အောက်တိုဘာ ၆၊ ၂၀၂၀
M-Media

-လွန်ခဲ့တဲ့ နှစ်ပေါင်း ၂၅၀၀ အရင်က စနစ်တကျ စီမံ မြှုပ်နှံထားခဲ့တဲ့ မံမီရုပ်အလောင်း ၅၉ ခုကို အီဂျစ်မှာ ထပ်မံတွေ့ရှိခဲ့ပြီး၊ နိုင်ငံရဲ့ ရှေးဟောင်းအမွေအနှစ်ကဏ္ဏမှာ အရေးပါတဲ့ ရှာဖွေတွေ့ရှိမှု ဖြစ်ပါတယ်။

ကိုင်ရိုမြို့တောင်ဖက်မှာရှိပြီး ယူနက်စကိုရဲ့ ကမ္ဘာ့အမွေအနှစ်စာရင်းထဲမှာပါ၀င်တဲ့ စက်ကာရာ ဂူသခ်ျိုင်းမှာ တွေ့ခဲ့တာပါ။ အဲဒီဂူသခ်ျိုင်းဟာ ရှေးဟောင်းအီဂျစ်မြို့ မန်ဖစ်နဲ့ ဆက်စပ်နေတာ ဖြစ်ပါတယ်။

မံမီရုပ်အလောင်းတွေဟာ ဘီစီ ၆ ရာစု၊ ၇ ရာစုလောက်က မြှုပ်နှံထားတာတွေဖြစ်ပြီးရောင်စုံစာလုံးတွေချယ်မှုံးထားတဲ့ ပိတ်တွေနဲ့ အလောင်းတွကိုထုတ်ကာ ခေါင်းတွေကိုလည်း စနစ်တကျ ပိတ်ထားပါတယ်။

မြေအောက် ပေ ၄၀ လောက်ရှိတဲ့နေရာကနေ လွန်ခဲ့တဲ့ ၃ ပတ်လောက်က မံမီ ၁၃ ခု စတင်တွေ့ရှိခဲ့ပြီး နောက်ထပ်လည်း မြေအောက်မှာ ထပ်ရှိအုံးမယ်လို့ ရှေးဟောင်းသမိုင်းပညာရှင်တွေက တွက်ဆထားပါတယ်။

ပြီးခဲ့တဲ့ နှစ်အနည်းငယ်အတွင်း ဆက်ကာရာရှေးဟောင်းသခ်ျိုင်းမှာ မံမီလုပ်ထားတဲ့ မြွေတွေ၊ ငှက်တွေနဲ့ အခြားတိရစ္ဆာန်တွေ အပါအ၀င် ရှေးဟောင်းသမိုင်း၀င်ပစ္စည်း တော်တော်များများကို တွေ့လာရပါတယ်။

အခုတွေ့ရှိခဲ့တဲ့ မံမီရုပ်အလောင်းတွေဟာ ၂၆ မင်းဆက်လက်ထက် ရှေးဟောင်း အီဂျစ်လူ့အဖွဲ့အစည်းက ဘုန်းကြီးတွေ၊ အစိုးရ ထိပ်တန်းအရာရှိတွေနဲ့ ထင်ရှားတဲ့ ပုဂ္ဂိုလ်တွေရဲ့ ရုပ်အလောင်းတွေ ဖြစ်တယ်ဆိုတာ လေ့လာမှုမှာ တွေ့ခဲ့ရကြောင်း အီဂျစ်ရှေးဟောင်းသုတေသနဌာန တာ၀န်ရှိသူတွက ပြောကြားခဲ့ပါတယ်။

ဒီမံမီရုပ်တွေကို ၂၀၂၁ ခုနှစ်မှာ ဖွင့်လှစ်ဖို့ စီစဥ်ထားတဲ့ အီဂျစ်ရဲ့ ရှေးဟောင်း သမိုင်းပြတိုက်သစ်မှာ ပြသဖို့ စီစဥ်ထားပါတယ်။ အဲဒီ ပြတိုက်သစ်မှာ အီဂျစ်နိုင်ငံသမိုင်းတစ်လျှောက်က ထောင်နဲ့ချီတဲ့ သမိုင်း၀င် ပစ္စည်းတွေကို ထားရှိပြသမှာ ဖြစ်ပါတယ်။

Ref: Aljazeera