News @ M-Media

Tag: Egypt

  • မိုဟာမက် ဆာလာဟ်၏ ဘ၀အကြောင်းကို ဖခင်ဖြစ်သူ ဖွင့်ဟ

    မိုဟာမက် ဆာလာဟ်၏ ဘ၀အကြောင်းကို ဖခင်ဖြစ်သူ ဖွင့်ဟ

    မေ ၂၉၊ ၂၀၁၉
    M-Media

    -လီဗာပူးလ်အသင်းတိုက်စစ်မှူး မိုဟာမက် ဆာလာဟ်ဟာ ယို့ကျိုးနှိမ့်ချသူ၊ အလုပ်ကြိုးစားသူဖြစ်ပြီး ပရဟိတလုပ်ငန်းတွေကိုလည်း အားကြိုးမာန်တက်လုပ်ဆောင်နေတယ်လို့ ဖခင်ဖြစ်သူ ဆာလာဟ် ဂါလီက Arab News နဲ့ အင်တာဗျူးမှာ ပြောကြားခဲ့ပါတယ်။

    “မိုဟာမက်ဟာ သာမန်မိသားစုကနေပဲ ကြီးပြင်းလာတာဖြစ်ပြီး မွေးချင်း ၂ ယောက်ရှိပါတယ်။ မိသားစုမှာ ငွေရေးကြေးရေး အခက်အခဲကြောင့် တက္ကသိုလ်တစ်ခုခုကို မပို့နိုင်ခဲ့ဘူး”

    ဆာလာဟ်ဟာ အီဂျစ်နိုင်ငံမြောက်ပိုင်းက နဂ်ျရစ်ဂ်ျဆိုတဲ့ ရွာငယ်လေးမှာ မွေးဖွားကြီးပြင်းခဲ့တာဖြစ်ပြီး ငယ်ငယ်က ကိုင်ရိုမြို့မှာရှိတဲ့ Arab Contractors ကလပ်အသင်းမှာ ကစားဖို့အတွက် ၄ နာရီလောက် ရထားစီးလာရတာ ဖြစ်ပါတယ်။

    ဂါလီက ဆာလာဟ်ဟာ ရထားအကြာကြီးစီးရတဲ့အတွက် ညည်းညူတဲ့အခါ ကမ္ဘာပေါ်က ကျော်ကြားတဲ့ ကစားသမားတိုင်းဟာ ဒီလို ခက်ခဲတဲ့ အတွေ့အကြုံမျိုးကို ဖြတ်သန်းရလေ့ရှိတယ်လို့ သူက အားပေးခဲ့ကြောင်း ထည့်သွင်းပြောဆိုခဲ့ပါတယ်။

    “ကျွန်တော်က သားကို အမြဲတမ်း အကြံဉာဉ်ပေးတာ၊ ပံ့ပိုးကူညီတာတွေ လုပ်ဆောင်ပေးပါတယ်။ အထူးသဖြင့် အာရပ်နိုင်ငံတစ်ခုကနေ ဥရောပကို ပြောင်းရွှေ့သွားတဲ့အချိန်မှာ ပိုပြီးတော့ ပံ့ပိုးပေးဖြစ်ပါတယ်”

    မွေးဖွားကြီးပြီးခဲ့တဲ့နေရာနဲ့ ကွဲပြားတဲ့ ဒေသတစ်ခုကို ရောက်တဲ့အခါ နေသားကျဖို့ ကူညီဆောင်ရွက်ပေးခဲ့သလို ကွင်းအတွင်းက စွမ်းဆောင်ရည်တွေ တိုးတက်ဖို့၊ ရည်မှန်းချက်တွေ အောင်မြင်ဖို့လည်း ဆာလာဟ်ကို ဖခင်ဖြစ်သူက အားပေး တိုက်တွန်းခဲ့ပါတယ်။

    ဆာလာဟ်ဟာ မွေးရပ်မြေမှာ ပရဟိတလုပ်ငန်းတွေကို လုပ်ဆောင်နေပြီး လက်ရှိ Azhari Institute ဆိုတဲ့အမည်နဲ့ စာသင်ကျောင်းတစ်ခုကို ဆောက်လုပ်ပြီးစီးသွားပြီဖြစ်ကာ လာမယ့်ဇွန်လမှာ ဖွင့်လှစ်ဖို့ ရှိနေပါတယ်။ ဂါလီက စာသင်ကျောင်း တည်ဆောက်ပေးရေးဟာ ဆာလာဟ်ရဲ့ အိပ်မက်တွေထဲက တစ်ခုဖြစ်ပြီး မွေးရပ်မြေက ပြည်သူတွေကို ပညာရေးနဲ့ အလုပ်အကျွေးပြုချင်တာဖြစ်တယ်လို့ ပြောကြားခဲ့ပါတယ်။

    ဆာလာဟ်ဟာ Mohamed Salah Charity Foundation အမည်နဲ့ ပရဟိတအဖွဲ့တစ်ခုကို ထူထောင်ထားသလို၊ မွေးရပ် နဂ်ျရစ်ဂ်ျရွာမှာ အရေးပေါ် လူနာတင်ယာဉ်စနစ်ကိုလည်း ဖော်ဆောင်ပေးထားပါတယ်။

    ” Mohamed Salah Charity Foundation က ကျွန်တော်တို့ရွာနဲ့ ဘေးပတ်ဝန်းကျင်ရွာတွေက လူတွေကို ကူညီပေးနေပါတယ်။ လူငယ်ရေးရာဝန်ကြီးက အမည်နဲ့ ပြတိုက်တစ်ခု တည်ဆောက်ပေးမယ်လို့ ကျွန်တော်နဲ့ တွေ့တုန်းက ပြောကြားခဲ့ပြီး အဲဒီစကားအတွက် ကျွန်တော် တော်တော်လေး ဂုဏ်ယူ ပျော်ရွှင်မိပါတယ်။ ဘုရားသခင်ရဲ့ ကျေးဇူးတော်ကိုလည်း ချီးမွမ်းမိပါတယ်။ တီဗီမှာ ကျွန်တော့်သားကိုမြင်တိုင်း ကျွန်တော် ပျော်ပါတယ်” လို့ ဆာလာဟ် ဂါလီက အင်တာဗျူးမှာ ထည့်သွင်းပြောကြားခဲ့ပါတယ်။

    ကမ္ဘာကျော် Time မဂ္ဂဇင်းက ပြီးခဲ့တဲ့လမှာ ထုတ်ပြန်ခဲ့တဲ့ ၂၀၁၉ ခုနှစ်အတွင်း သြဇာအရှိဆုံး ပုဂ္ဂိုလ်များစာရင်းမှာ မိုဟာမက်ဆာလာဟ် ပါဝင်ခဲ့ပါတယ်။ ဆာလာဟ်ဟာ ပရီးမီးယားလိဂ် ရွှေဖိနပ်ဆု၊ တစ်နှစ်တာ အကောင်းဆုံးဆု၊ ဖီဖာရဲ့ Puskas ဆုအပြင် ဘောလုံးလောကမှာ ဆုပေါင်းများစွာ ဆွတ်ခူးထားသူလည်း ဖြစ်ပါတယ်။

    Ref: Arab News

  • ဂါဇာကမ်းမြှောင်တွင် အစ္စရေးနှင့် ပါလက်စတိုင်း လက်နက်ကိုင်အဖွဲ့တို့အကြား တိုက်ခိုက်မှုဖြစ်

    ဂါဇာကမ်းမြှောင်တွင် အစ္စရေးနှင့် ပါလက်စတိုင်း လက်နက်ကိုင်အဖွဲ့တို့အကြား တိုက်ခိုက်မှုဖြစ်

    အစ္စရေး၏ တိုက်ခိုက်မှုကြောင့် ပျက်ဆီးသွားသည့် ဂါဇာမှ လူနေအိမ်ယာ

    မေ ၅၊ ၂၀၁၉
    M-Media

    -ပါလက်စတိုင်း လက်နက်ကိုင်တပ်ဖွဲ့ ဟားမက်စ်နဲ့ အစ္စရေးတို့ရဲ့ ၂ ရက်တာ အပြန်အလှန် ပစ်ခတ်လိုက်မှုတွေဟာ အရှိန်မြင့်လာနေပြီး ဂါဇာကမ်းမြှောင်မှာ သေဆုံးသူ အရပ်သားအရေအတွက်လည်း မြင့်တက်လာပါတယ်။

    အစ္စရေး မီဒီယာတွေက ဂါဇာကမ်းမြှောင်က တိုက်ခိုက်ရေးသမားတွေဟာ ပြီးခဲ့တဲ့ ၂ ရက်အတွင်း ဒုံးကျည်ပေါင်း ၄၀၀ လောက် အစ္စရေးတောင်ပိုင်းကို ပစ်လွှတ်ခဲ့ပြီး ၂၅၀ ကို အစ္စရေးရဲ့ Iron Dome ဒုံးခွင်းစနစ်က ပစ်ချနိုင်ခဲ့တယ်လို့ ဖော်ပြပါတယ်။

    ဂါဇာမှာရှိတဲ့ အစိုးရပြန်ကြားရေးရုံးက အစ္စရေး တိုက်လေယာဉ်တွေဟာ လေကြောင်းတိုက်ခိုက်မှု အကြိမ် ၁၅၀ လောက် ပြုလုပ်ခဲ့ပြီး လူနေအဆောက်အဦးတွေ၊ ဗလီတွေ၊ ဈေးဆိုင်တွေနဲ့ မီဒီယာအဆောက်အဦးတွေအပါအ၀င် အရပ်ဖက်ပစ်မှတ် ၂၀၀ လောက်ကိုလည်း လက်နက်ကြီးတွေနဲ့ ပစ်ခတ်တိုက်ခိုက်ခဲ့တယ်လို့ ပြောပါတယ်။

    အစ္စရေးတိုက်လေယာဉ်တွေနဲ့ ရေတပ်သင်္ဘောတွေဟာ ဒီကနေ့မှာလည်း ဂါဇာကမ်းမြှောင်ကို တိုက်ခိုက်မှုတွေ ဆက်လက်လုပ်ဆောင်နေပါတယ်။ တိုက်ခိုက်မှုကြောင့် တနင်္ဂနွေနေ့မှာ သေဆုံးခဲ့တဲ့ ပါလက်စတိုင်းအရေအတွက်ဟာ အနည်းဆုံး ၅ ဦးရှိပြီး ကိုယ်ဝန်ဆောင်အမျိုးသမီး
    တစ်ဦးနဲ့ သူမရဲ့ အသက် ၁ နှစ်အရွယ် တူမတို့ ပါဝင်ပါတယ်။

    စနေနေ့ညက အစ္စရေးရဲ့ တိုက်ခိုက်မှုတွေကြောင့် အသက် ၂၂ နှစ် အရွယ် အီမဒ် နက်စ်အီရ်နဲ့ အသက် ၂၅ နှစ်အရွယ် ခါလစ် အဘူ ကာလီက်တို့ သေဆုံးခဲ့ပါတယ်။ အစ္စရေးကို တိုက်ခိုက်မှုလုပ်နေတဲ့ အစ္စလာမ့်မစ်ဂျီဟတ်အဖွဲ့က စနေနေ့မှာ သူတို့ တပ်ဖွဲ့ဝင် ၂ ဦးဖြစ်တဲ့ အသက် ၂၅ နှစ်အရွယ် မဟ်မူဒ် အီဆာနဲ့ အသက် ၂၃ နှစ်အရွယ် ဖောင်ဇီ ဘာဝါဒီတို့ သေဆုံးခဲ့တယ်လို့ ထုတ်ပြန်ခဲ့ပါတယ်။

    သောကြာနေ့ကလည်း အစ္စရေးရဲ့ တိုက်ခိုက်မှုကြောင့် ပါလက်စတိုင်း ၄ ဦး သေဆုံးခဲ့ပါတယ်။ အဲဒီအထဲက ၂ ဦးဟာ အစ္စရေးရဲ့ ကျူးကျော်သိမ်းပိုက်မှုကြောင့် အိုးအိမ်စွန့်ခွာခဲ့ရသူတွေ နေရပ်ပြန်ရေး ရည်ရွယ်တဲ့ Great March of Return ဆန္ဒပြမှုမှာ ပါဝင်တဲ့ အရပ်သားတွေဖြစ်ပြီး အခြား ၂ ဦးက ဟားမက်စ်အဖွဲ့ဝင်တွေ ဖြစ်ပါတယ်။

    ဂါဇာကပစ်လွှတ်တဲ့ ဒုံးကျည်ကြောင့် အစ္စရေးမှာ သေဆုံးသူအရေအတွက် ၃ ဦး ရှိနေပါတယ်။

    ဂါဇာကမ်းမြှောင်မှာရှိတဲ့ အကြမ်းဖက်သမားတွေကို အင်အားအကြီးအကျယ်သုံးပြီး တိုက်ခိုက်ဖို့အတွက် စစ်တပ်ကို အမိန့်ပေးထားတယ်လို့ အစ္စရေးဝန်ကြီးချုပ် နေတန်ယာဟုက ဒီကနေ့မှာ ပြောကြားခဲ့ပါတယ်။

    ဟားမက်စ်အဖွဲ့နဲ့ အစ္စလာမ့်မစ် ဂျီဟတ်အဖွဲ့တို့ ပေါင်းထားတဲ့ Joint Operations Room စစ်ဆင်ရေးအဖွဲ့က အစ္စရေးအနေနဲ့ ဂါဇာကို ကျူးကျော် တိုက်ခိုက်မှုတွေ ဆက်လုပ်နေရင် မိမိတို့ကလည်း ထပ်မံ လက်တုန့်ပြန်မယ်လို့ ပြောကြားခဲ့ပါတယ်။

    ကုလသမဂ္ဂရဲ့ အရှေ့အလယ်ပိုင်းဆိုင်ရာ အထူး ညှိနှိုင်းဆွေးနွေးရေးမှူး နီကိုလေး မာလ်ဒီနော့ဗ်က တိုက်ခိုက်မှုမှာ ပါဝင်သူအားလုံး တင်းမာမှုလျှော့ချပြီး ပြီးခဲ့တဲ့လအနည်းက ရခဲ့တဲ့ သဘောတူညီချက်အတိုင်း ဆက်သွားကြဖို့ ဒီကနေ့မှာ တိုက်တွန်းခဲ့ပါတယ်။

    ဟားမက်စ်အုပ်စိုးတဲ့ ဂါဇာကမ်းမြှောင်ကို အစ္စရေးနဲ့ အီဂျစ်တို့က ၂၀၀၇ ခုနှစ်ကနေစတင်ပြီး ပိတ်ဆို့ထားတာ ဖြစ်ပါတယ်။

    ၂၀၀၈ ခုနှစ် ဒီဇင်ဘာလကစလို့ အစ္စရေးဟာ ဂါဇာကို ၃ ကြိမ်တိုင်တိုင် အကြီးအကျယ် ကျူးကျော်တိုက်ခိုက်မှုတွေ ပြုလုပ်ခဲ့ပြီး ပါလက်စတိုင်းပြည်သူ ထောင်ချီ သေဆုံးကာ အခြေခံအဆောက်အဦး တော်တော်များများ ပျက်ဆီးခဲ့ပါတယ်။

    ကုလက အစ္စရေးနဲ့ အီဂျစ်တို့ရဲ့ ပိတ်ဆို့မှုတွေ၊ အစ္စရေးရဲ့ တိုက်ခိုက်ဖျက်ဆီးမှုတွေကြောင့် ဂါဇာဟာ ၂၀၂၀ ခုနှစ်ရောက်ရင် လူနေလို့မရတဲ့ နေရာတစ်ခု ဖြစ်လာမယ်လို့ သတိပေးထားပါတယ်။

    Ref: Aljazeera

  • အလွန်လှပသည့် ရှေးဟောင်း မံမီဂူဗိမာန်တစ်ခုကို အီဂျစ် ထုတ်ဖော်ပြသ

    အလွန်လှပသည့် ရှေးဟောင်း မံမီဂူဗိမာန်တစ်ခုကို အီဂျစ် ထုတ်ဖော်ပြသ

    ဧပြီ ၁၅၊ ၂၀၁၉
    M-Media

    – နှစ်ပေါင်း ၄ ထောင်ကျော်က မံမီရုပ်အလောင်းရှိပြီး အလွန်လှပစွာ ဆင်ယင်ချယ်သထားတဲ့ ရှေးဟောင်း ဂူဗိမာန်တစ်ခုကို အီဂျစ်နိုင်ငံက ပြီးခဲ့တဲ့တစ်ပတ်နှောင်းပိုင်းမှာ ထုတ်ဖော်ပြသလိုက်ပါတယ်။

    အဲဒီဂူဗိမာန်ကို ကိုင်ရိုမြို့တောင်ဖက် ရှေးဟောင်းသင်္ချီုင်းမှာ ပြီးခဲ့တဲ့လက တွေ့ရှိခဲ့တာဖြစ်ပြီး လွန်ခဲ့တဲ့ နှစ်ပေါင်း ၄၃၀၀ ခန့်က အုပ်စိုးခဲ့တဲ့ ‘ပဉ္စမမင်းဆက်’ လက်ထက်က ‘ခူဝီ’ ဆိုတဲ့ ဂုဏ်သရေရှိ လူတစ်ယောက်ကို မြှုပ်နှံထားတာ ဖြစ်ပါတယ်။ ဒီတွေ့ရှိမှုဟာ အီဂျစ်နိုင်ငံရဲ့ ရှေးဟောင်းသမိုင်းဝင်နေရာ တူးဖော်မှုမှာ အရေးပါတဲ့ တွေ့ရှိမှုလည်း ဖြစ်ပါတယ်။

    အင်္ဂလိပ်အက္ခရာ L ပုံစံရှိတဲ့ ဂူဗိမာန်ရဲ့ နံရံတွေမှာ အကောင်းအတိုင်းရှိနေတဲ့ နံရံဆေးရေးပန်းချီတွေ၊ ကျောက်ထွင်းရုပ်တုတွေကို တွေ့ရပြီး သူ့ခေတ်သူ့အခါက လူ့အဖွဲ့အစည်းရဲ့ ဟန်ပန်တွေကို ပုံဖော်ထားပါတယ်။ အဖြူရောင်ထုံးကျောက်တွေနဲ့ တည်ဆောက်ထားတဲ့ ဂူဗိမာန် ဖွင့်ပွဲအခမ်းအနားကို ကမ္ဘာတစ်ဝှမ်းက သံအမတ်တွေ၊ ရှေးဟောင်းသုတသ ပညာရှင်တွေနဲ့ ဂျာနယ်လစ်တွေ တက်ရောက်ခဲ့ပါတယ်။

    အီဂျစ် ရှေးဟောင်း သုတေသနအဖွဲ့ဟာ ‘ပဉ္စမ မင်းဆက်’ လက်ထက်က ဂူတော်တော်များများကို တူးဖော်နိုင်ခဲ့ပြီး ဖြစ်ပါတယ်။ မကြာသေးခင်ကပဲ မင်းဆက်က ၈ ယောက်ဘုရင် ‘ဂျက်ကာရီ အီဆီစစ်’ ရဲ့ မိဖုရား ‘စီတီဘိုး’ အတွက် ရည်ရွယ်ကာ နှမ်းဖက်ကျောက်တောင်မှာ ထွင်းထုထားတဲ့ ကျောက်တိုင်တစ်တိုင်ကို တွေ့ရှိခဲ့ပါတယ်။

    ၂၀၁၁ ခုနှစ် လူထုအုံကြွမှုနောက်ပိုင်း ကျဆင်းသွားတဲ့ ခရီးသွားလုပ်ငန်း ပြန်လည်ဦးမော့လာဖို့အတွက် အီဂျစ်ဟာ အခုနှစ်ပိုင်းအတွင်း ရှေးဟောင်းနေရာတွေကို တူးဖော်မှု ပိုမိုပြုလုပ်လာခဲ့ပါတယ်။

    Ref: Aarabiya

  • ဥရောပ-အာရပ်လိဂ် ပထမဆုံး ထိပ်သီးအစည်းအဝေး ကျင်းပ

    ဥရောပ-အာရပ်လိဂ် ပထမဆုံး ထိပ်သီးအစည်းအဝေး ကျင်းပ

    ဖေဖော်ဝါရီ ၂၅၊ ၂၀၁၉
    M-Media

    ထိပ်သီးအစည်းအဝေး မြင်ကွင်း

    – ဥရောပသမဂ္ဂနဲ့ အာရပ်လိဂ်အဖွဲ့က ခေါင်းဆောင်တွေရဲ့ ပထမဆုံး ထိပ်သီးအစည်းအဝေးကို အီဂျစ်နိုင်ငံမှာ မနေ့က စတင်ကျင်းပခဲ့ပြီး အကြမ်းဖက်ဝါဒ တိုက်ဖျက်ရေးနဲ့ တရားမ၀င် ပြောင်းရွှေ့အခြေချမှု တားဆီးရေးတို့မှာ ပူးပေါင်းဆောင်ရွက်ဖို့အတွက် သဘောတူခဲ့ကြပါတယ်။

    အပန်းဖြေမြို့ ရှမ် အလ်-ရှိခ်မှာ ကျင်းပတဲ့ အဲဒီ ထိပ်သီးအစည်းအဝေးဟာ ၂ ရက်တာ ကြာမြင့်မှာ ဖြစ်ပါတယ်။ အီဂျစ်သမ္မတ အဘ်ဒဲလ်-ဖာတာဟ် အလ်-စီစီက ဒီ ထိပ်သီးအစည်းအဝေးဟာ ဥရောပနဲ့ အာရပ် အဖွဲ့အစည်းနှစ်ခုအကြား သမိုင်းဝင် ပူးပေါင်းဆောင်ရွက်မှု ဖြစ်တယ်လို့ ပြောကြားခဲ့ပါတယ်။

    ခေါင်းဆောင်တွေဟာ ဆီးရီးယား၊ ယီမင်တို့က ပဋိပက္ခတွေ၊ ရပ်ဆိုင်းနေတဲ့ အရှေ့အလယ်ပိုင်း ငြိမ်းချမ်းရေး လုပ်ငန်းစဉ်တွေအကြောင်း၊ ကုန်သွယ်ရေး၊ လုံခြုံရေး၊ ရင်းနှီးမြှုပ်နှံမှု၊ စတဲ့ အကြောင်းအရာတွေကို ဆွေးနွေးသွားဖို့ ရှိနေပြီး ဥရောပကို ၀င်ရောက်လာတဲ့ ပြောင်းရွှေ့အခြေချသူတွေကိစ္စကို အဓိကထားမှာ ဖြစ်ပါတယ်။

    ဥရောပကော်မရှင် ဥက္ကဌ ဂျန်ကလူဒီ ဂျန်ကာက အစည်းအဝေးဟာ သတင်းစကားတစ်ခုပေးတာဖြစ်တယ်လို့ ပြောကြားခဲ့ပါတယ်။

    ဥရောပသမဂ္ဂရဲ့ နိုင်ငံခြားရေးဆိုင်ရာ အကြီးအကဲ ဖက်ဒရီကာ မိုဂ်ဟီရီနီက ထိပ်သီးအစည်းအဝေးဟာ မိတ်ဖက်ဖြစ်မှုကို ပိုမိုအားကောင်းစေဖို့ဖြစ်တယ်လို့ ပြောကြာခဲ့ပါတယ်။

    “စီးပွားရေးဆောင်ရွက်မှု၊ ပါလက်စတိုင်းကိစ္စမှာ နှစ်နိုင်ငံတည်ရှိရေးမူ ပြန်လည်ရှင်သန်ရေးလို အတူတွဲလုပ်ရမယ့် ကိစ္စတွေကို ပိုမို အာရုံစိုက် လုပ်ဆောင်ဖို့အတွက် ဒီအစည်းအဝေးက စီမံနိုင်လိမ့်မယ်လို့ ကျွန်မ မျှော်လင့်ပါတယ်”

    အီဂျစ်သမ္မတက အကြမ်းဖက်တွေ ငွေကြေးရလမ်းကို ဖြတ်တောက်ပစ်ရေး၊ အကြမ်းဖက်အဖွဲ့အစည်းတွေနဲ့ သူတို့ရဲ့ အတွေးအခေါ်အယူအဆတွေကို တိုက်ဖျက်ရေး ကျယ်ကျယ်ပြန့်ပြန့် စီမံကိန်းချ လုပ်ဆောင်ဖို့အတွက် တိုက်တွန်း ဆော်သြခဲ့ပါတယ်။

    အစည်းအဝေးကို ဂျာမနီ အဓိပတိ အန်ဂျလာ မာကဲလ်၊ ယူကေ၀န်ကြီးချုပ် ထရီဇာမေတို့၊ ဆော်ဒီဘုရင် ဆလ်မန်တို့အပါအ၀င် ဥရောပနဲ့ အာရပ်လိဂ်နိုင်ငံတွေက ခေါင်းဆောင်တွေ တက်ရောက်ခဲ့ကြပါတယ်။ ခေါင်းဆောင်တွေဟာ သီးခြားစီ တွေ့ဆုံဖို့လည်း ရှိနေပါတယ်။

    Ref: Arab News

  • ဧရာမ ခရစ်ယာန်ဘုရားကျောင်းသစ်တစ်ခု အီဂျစ်တွင် ဖွင့်လှစ်

    ဧရာမ ခရစ်ယာန်ဘုရားကျောင်းသစ်တစ်ခု အီဂျစ်တွင် ဖွင့်လှစ်

    ဇန်န၀ါရီ ၇၊ ၂၀၁၈
    M-Media

    အသစ်ဖွင့်လှစ်လိုက်သည့် Cathedral of the Nativity ဘုရားကျောင်း

    – အာရပ်ကမ္ဘာနဲ့ အရှေ့အလယ်ပိုင်းဒေသမှာ အကြီးဆုံးဖြစ်လာမယ့် ခရစ်ယာန်ဘုရားကျောင်းကို အီဂျစ်သမ္မတ အဘ်ဒဲလ် ဖာတာဟ် အလ်-စီစီက မနေ့မှာ ဖွင့်လှစ်ပေးခဲ့ပြီး နိုင်ငံရဲ့ သမိုင်းတွင်မယ့်နေ့ရက်လို့လည်း ပြောကြားလိုက်ပါတယ်။

    Cathedral of the Nativity လို့ အမည်ပေးထားတဲ့ အဲဒီ ကော့ပတစ် ခရစ်ယာန်ရားကျောင်းဟာ အီဂျစ်နိုင်ငံရဲ့ အုပ်ချုပ်ရေးမြို့တော်သစ်မှာ တည်ဆောက်ထားတာဖြစ်ပြီး အီဂျစ်နိုင်ငံက အစ္စလာမ်ဘာသာဝင်တွေနဲ့ ကော့ပတစ်ခရစ်ယာန် ဘာသာဝင်ရဲ့ ထည့်ဝင်ငွေလည်း ပါဝင်ပါတယ်။

    မနေ့က ကျရောက်တဲ့ ကော့ပတစ်ခရစ်ယာန်တွေရဲ့ ခရစ်စ္စမတ်နေ့ ၀တ်ပြုဆုတောင်းမှုကို အဲဒီဘုရားကျောင်းမှာ ပထမဆုံး ကျင်းပခဲ့ပြီး သမ္မတ အလ်-စီစီ တက်ရောက်ကာ ဘုရားကျောင်းကို ဖွင့်လှစ်ပေးခဲ့ပါတယ်။

    “ဒီအခမ်းအနားဟာ ကျွန်တော်တို့တိုင်းပြည်ရဲ့သမိုင်းမှာ အရေးပါတဲ့ကာလတစ်ခု ဖြစ်ပါတယ်။ ကျွန်တော်တို့ဟာ တစ်သွေးတစ်သားတည်းဖြစ်ပြီး အမြဲတမ်းလည်း ဒီအတိုင်းဖြစ်နေမှာပါ” လို့ အလ်-စီစီက နိုင်ငံအတွင်းမှာရှိနေတဲ့ မွတ်စလင်တွေနဲ့ ခရစ်ယာန်တွေကို ရည်ညွှန်းပြီး မိန့်ခွန်းမှာ ထည့်သွင်းပြောဆိုခဲ့ပါတယ်။

    အီဂျစ်နိုင်ငံရဲ့ သန်း ၁၀၀ နီးပါးသော လူဦးရေမှာ ခရစ်ယာန်ဘာသာဝင်ဦးရေဟာ ၁၀ ရာခိုင်နှုန်းလောက်ရှိပြီး ကော့ပတစ် ခရစ်ယာန်အသင်းတော်က အကြီးဆုံး ဖြစ်ပါတယ်။

    ကော့ပတစ်အသင်းတော်ရဲ့ ပုပ်ရဟန်းမင်းကြီး တာဝါဒရော့စ် ၂ က ကျေးဇူးတင်ကြောင်း ပြောကြားခဲ့ပါတယ်။

    “ဒီကနေ့မှာ ဘုရားသခင်ရဲ့ ကတိတော် ပြည့်မြောက်တာကို ကျွန်တော်တို့ တွေ့မြင်ရပါပြီ။ ဒီလို ကြီးကျယ်တဲ့ အခမ်းအနားကို ကျွန်တော်တို့က သက်သေခံနေပါတယ်”

    ဘုရားကျောင်းတည်ရှိရာ ခြံဝန်းဟာ ၆၃၀၀၀ စကွဲယားမီတာရှိပြီး ပန်းခြံ၊ ဂိုဏ်းအုပ်ဘုန်းတော်ကြီး သီတင်းသုံးရာ အဆောက်အဦး၊ ဧည့်ဆောင်၊ အစည်းအဝေးခန်းနဲ့ ရုံးခန်းတွေလည်း ပါဝင်မှာဖြစ်ကာ တစ်ကြိမ်ကို လူပေါင်း ၉၀၀၀ လောက် တစ်ပြိုင်တည်း ၀တ်ပြုဆုတောင်းနိုင်မှာ ဖြစ်ပါတယ်။

    ဘုရားကျောင်းပရ၀ုဏ်အတွင်း ကော့ပတစ် ဗိသုကာလက်ရာနဲ့ တည်ဆောက်ထားတဲ့ မီးပြတိုက်နှစ်ခုလည်း ပါဝင်ပြီး မီးပြတိုက်တွေရဲ့ ထိပ်ဆုံးမှာ ခေါင်းလောင်းတွေကိုလည်း တပ်ဆင်ထားပါတယ်။

    ဘုရားကျောင်းဖွင့်ပွဲအခမ်းအနားကို အရှေ့အလယ်ပိုင်းနိုင်ငံတွေက နိုင်ငံတွေနဲ့ မွတ်စလင်အဖွဲ့အစည်း၊ အာရပ်အဖွဲ့အစည်းတွေရဲ့ ခေါင်းဆောင်တွေ တက်ရောက်ခဲ့ကြပါတယ်။

    သမ္မတ အလ်-စီစီဟာ မြို့တော်သစ်က al-Fattah al-Aleem ဗလီဝတ်ကျောင်းတော်ကိုလည်း တက်ရောက်ဖွင့်လှစ်ပေးခဲ့ပါတယ်။

    အီဂျစ်က ထိပ်တန်း အစ္စလာမ့် ဓမ္မတက္ကသိုလ်ဖြစ်တဲ့ အလ်-အဇ်ဟာရ်က ရှေ့ဆောင်အီမာမ်ကြီးက ခရစ်ယာန်၊ ဂျူးတွေ အပါအ၀င် ဘယ်သူတွေရဲ့ ၀တ်ပြုရာနေရာကိုမဆို စောင့်ရှောက် ကာကွယ်ပေးဖို့ အစ္စလာမ်သာသနာက ဘာသာဝင်တွေကို တာဝန်ပေးထားတယ်လို့ ပြောကြားခဲ့ပါတယ်။

    Cathedral of the Nativity ဘုရားကျောင်းနဲ့ al-Fattah al-Aleem ဗလီဝတ်ကျောင်းတော်တို့တည်ရှိတဲ့ အုပ်ချုပ်ရေးမြို့တော်သစ် ဆောက်လုပ်မယ့် စီမံကိန်းကို ၂၀၁၅ ခုနှစ်မှာ အီဂျစ်က စတင်ခဲ့တာ ဖြစ်ပါတယ်။

    Ref: Reuters