Tag: EPL 2015-16

ဇန်န၀ါရီ ၂၉၊ ၂၀၁၆
M-Media

– ဆောက်သက်တမ်အား ရှုံးနိမ့်ခဲ့သည့်ပွဲအပြီးတွင် နှုတ်ထွက်ရန်အတွက် အသင်းဒုတိယ ဥက္ကဌအား ကမ်းလှမ်းခဲ့သည်ဆိုသော သတင်းကို မန်ယူနည်းပြ ဗန်ဂါးလ်က ငြင်းဆိုလိုက်ပြီး မိမိမှာ မည်သည့်အခါမှ နှုတ်ထွက်သွားမည်မဟုတ်ဟု ပြောကြားလိုက်သည်။

ပြီးခဲ့သည့်တစ်ပတ် စနေနေ့က ၁ ဂိုး ဂိုးမရှိဖြင့် ရှုံးနိမ့်ခဲ့သည့် အဆိုပါပွဲပြီးနောက် ဗန်ဂါးလ်မှာ မန်ယူအမှုဆောင် ဒုတိယဥက္ကဌ အဒ်ဝုဒ်ဝါ့ဒ်နှင့် တွေ့ဆုံကာ နှုတ်ထွက်ရန် ကမ်းလှမ်းခဲ့ကာ အသင်းမှ လက်မခံခဲ့ဟု သတင်းများ ကျယ်ကျယ်ပြန့်ပြန့် ထွက်ပေါ်ခဲ့သည်။

သို့သော်လည်း ဗန်ဂါးလ်မှာ ထိုသတင်းကို ယမန်နေ့က ငြင်းဆိုခဲ့ကာ အိုးထရက်ဖို့ဒ်တွင် ဆက်ရှိနေမည်ဟု ထပ်မံပြောကြားခဲ့သည်။

“ကျွန်တော် ဒါမျိုး မပြောခဲ့ဘူးဗျ။ ကျွန်တော်ဟာ အမြဲတမ်း တိုက်ပွဲဝင်နေတာပါ။ ဒီမှာ ၃ နှစ်စာချုပ် ချုပ်ဆိုထားတယ်။ ဒါက ကာလတစ်ခုပါ။ တစ်ပွဲတည်းမဟုတ်ပါဘူး။ အဆုံးအထိ ကျွန်တော် ဆက်လျှောက်ချင်ပါတယ်။ ကျွန်တော် ဒါမျိုးလုပ်ဖို့ ဆန္ဒမရှိဘူးဆိုရင် လွန်ခဲ့တဲ့ တစ်နှစ်ခွဲအရင်ကတည်းက ကျွန်တော် ဒီမှာ ၀င်ခဲ့မှာ မဟုတ်ပါဘူး” ဟု ဗန်ဂါးလ်က သတင်းထောက်များအား ပြောကြားခဲ့သည်။

ထို့ပြင် မိမိနည်းပြခဲ့သည့် အသင်းတိုင်းတွင် အမှုဆောင်များ၊ ပိုင်ရှင်များဖြင့် ရင်းရင်းနှီးနှီးဆက်ခဲ့ပြီး ၎င်းတို့အားလုံးက မိမိအား အမြဲတမ်း ထောက်ခံအားပေးခဲ့သည်ဟု ယုံကြည်ကြောင့် ထည့်သွင်းပြောကြားခဲ့သည်။

Ref: Goal

ဇန်န၀ါရီ ၂၆၊ ၂၀၁၆
M-Media

– ပြီးခဲ့သည့်သီတင်းပတ်အတွင်း နည်းပြ ဗန်ဂါးလ်က အသင်းမှထွက်ခွာရန် ကမ်းလှမ်းခဲ့သော်လည်း မန်ယူက လက်မခံခဲ့ဟု အင်္ဂလန်မီဒီယာများက ဖော်ပြခဲ့ကြသည်။

စနေနေ့က ဆောက်သက်တမ်အသင်းအား ၁ ဂိုး ဂိုးမရှိဖြင့် ရှုံးနိမ့်ခဲ့သောပွဲအပြီးတွင် အသင်း၏ ဒုတိယဥက္ကဌ အဒ် ၀ုဒ်ဝါ့ဒ်နှင့်တွေ့ဆုံကာ မိမိမှာ နှုတ်ထွက်ရန် အသင့်ရှိနေသည်ဟု ဗန်ဂါးလ်က ပြောကြားခဲ့ခြင်းဖြစ်သည်။ သို့သော်လည်း အသင်းအား ပြန်လည်နာလန်ထူလာစေရေး ဆောင်ရွက်ရန်သာ ၀ုဒ်ဝ့ါဒ်က ပြောကြားခဲ့သည်ဟု ဆိုသည်။

ပြီးခဲ့သည့်ဒီဇင်ဘာက စတုတ်အသင်းအား ၂ ဂိုးပြတ်ဖြင့် ရှုံးနိမ့်ခဲ့သည့်ပွဲအပြီးတွင် ရာထူးမှ ထုတ်ပယ်ခြင်းခံရမည်ကို ကြောက်ရွံ့နေလားဟု မေးမြန်းရာတွင် ဗန်ဂါးလ်က အသင်းမှ ထုတ်ပယ်စရာမလိုဘဲ၊ မိမိကိုယ်တိုင်နှုတ်ထွက်သွားမည်ဖြစ်ကြောင်း၊ သို့သော်လည်း အဒ် ၀ုဒ်ဝါ့ဒ်နှင့် ကိုယ်တိုင် စကားပြောဆိုရမည်ဖြစ်ကြောင်း ပြန်လည်ဖြေကြားခဲ့သည်။

ထိုပွဲပြီးနောက်မန်ယူမှာ ၅ ပွဲဆက်တိုက် ရှုံးပွဲမရှိခဲ့သည့်အတွက် ဗန်ဂါးလ်အပေါ် ဖိအားများ လျော့ကျခဲ့သော်လည်း ယခုတစ်ပတ် ဆောက်သက်တမ်အား ရှုံးနိမ့်ခဲ့သည့်ပွဲတွင် ပရိတ်သတ်များက ၎င်းအား လှောင်ပြောင်ခဲ့ကြသည်။ ၂၀၁၄ ခုနှစ်က ၃ နှစ်စာချုပ်ဖြင့် မန်ယူနည်းပြဖြစ်လာသည့် ဗန်ဂါလ်းက မန်ယူမှာ မိမိနည်းပြဘ၀ နောက်ဆုံးအသင်းဖြစ်မည်ဟု ပြောကြားခဲ့ဖူးသည်။

Ref : Goal