ဒီဇင်ဘာ ၂၁၊ ၂၀၁၅
M-Media
– ဒီတစ်ပတ်ပရီးမီးယားလိဂ်မှာတော့ မော်ရင်ဟိုအလွန်ချယ်ဆီး နိုင်ပွဲပြန်ရခဲ့ပြီး၊ မန်ယူ၊ လီဗာပူးလ်တို့ ရှုံးနိမ့်ခဲ့ကာ ဇယားကိုတော့ လက်စတာက ဆက်လက်ဦးဆောင်နေပါတယ်။
ဆန်းဒါးလန်းနဲ့ပွဲမတိုင်ခင် နာရီပိုင်းအလိုမှာ ဂူစ်ဟစ်ဒင့်ကို ရာသီကုန်အထိ နည်းပြအဖြစ်ခန့်အပ်ခဲ့တဲ့ချယ်ဆီး ဒီပွဲကိုတော့ ယာယီနည်းပြတွေနဲ့သာ ကစားစေခဲ့ပါတယ်။ ပွဲအစ ၅ မိနစ်မှာပဲ အိုင်ဗန်နိုဗစ်က ဦးဆောင်ဂိုးသွင်းပေးခဲ့ပြီး ဒီဂိုးက ချယ်ဆီးကစားသမားတွေအတွက် ယုံကြည်မှုရှိစေခဲ့ရုံသာမက ပရိတ်သတ်တွေရဲ့ အားပေးမှုကိုလည်း တစ်ခဲနက် ရရှိခဲ့ပါတယ်။ ကစားပုံကောင်းခဲ့တဲ့အတွက် ၁၃ မိနစ်မှာ ဒုတိယဂိုးရခဲ့ပြီး ပက်ဒရိုက သွင်းယူပေးခဲ့တာ ဖြစ်ပါတယ်။ မိနစ် ၅၀ မှာတော့ အော်စကာရဲ့ ပင်နယ်တီနဲ့ တတိယဂိုး ရခဲ့ပြီး ၅၂ မိနစ်မှာ ဆန်းဒါးလန်းက တစ်ဂိုးပြန်ချေပနိုင်ခဲ့ပေမယ့် ရလဒ်ကိုတော့ ပြောင်းလဲနိုင်ခြင်းမရှိပါဘူး။
လက်စတာကလည်း အဝေးကွင်းမှာ အကြိတ်အနယ်ကစားခဲ့ရပြီး ပင်နယ်တီ ၂ လုံးနဲ့အတူ အဲဗာတန်ကို ၃ ဂိုး ၂ ဂိုးနဲ့ အနိုင်ယူကာ ဇယားထိပ်ကို ဆက်လက် ရယူထားနိုင်ခဲ့ပါတယ်။ လက်စတာအတွက် ဂိုးတွေကိုတော့ ရီယဒ် မဟ်ရက်ဇ်က ပင်နယ်တီကနေ ၂ ဂိုး အိုကာဇာကီက ၁ ဂိုး သွင်းယူပေးခဲ့တာဖြစ်ပါတယ်။
ပြီးခဲ့တစ်ပတ်က တန်းတက်ဘုန်းမောက်ကို ရှုံးခဲ့တဲ့မန်ယူ ဒီတစ်ပတ်မှာလည်း နော်ဝစ်ခ်ျကို ဦးဆောင်ဂိုးတွေပေးခဲ့ရပြီး ၂ ဂိုး ၁ ဂိုးနဲ့ ရှုံးနိမ့်ခဲ့ပါတယ်။ ဖိအားတွေရှိနေတဲ့ နည်းပြဗန်ဂါးလ်ကတော့ ကစားသမားတွေကို အပြစ်တင်ခဲ့ပြီး ယုံကြည်မှုမရှိဘူး၊ တစ်ယောက်နဲ့တစ်ယောက် အစေးကပ်မှုမရှိဘူးလို့ ပြောကြားခဲ့ပါတယ်။
လီဗာပူးလ်ကတော့ ၀က်ဖို့ဒ်ကို အမှားများစွာနဲ့ ၃ ဂိုးပြတ်ရှုံးနိမ့်ခဲ့ပါတယ်။ ၁၅ မိနစ်အတွင်း ၂ ဂိုးပေးလိုက်ရတာက လီဗာပူးလ်ကို အထိနာစေခဲ့တာဖြစ်ပြီး ကလော့ပ်ကတော့ အသင်းဟာ ဘယ်ဘက်ကမှ မကောင်းခဲ့ဘူးလို့ ပွဲအပြီးမှာ ပြောကြားခဲ့ပါတယ်။ ၀က်ဖို့ဒ်ရဲ့ ဒီအနိုင်ကြောင့် စတုတ္ထနေရာက စပါးနဲ့ တစ်မှတ်သာ ကွာဟပါတော့တယ်။
ချယ်ဆီး၊ မ
န်ယူတို့ကို ဆက်တိုက်အနိုင်ယူထားတဲ့ဘုန်းမောက် ဒီတစ်ပတ်မှာလည်း ၀က်စ်ဘရွန်းကို ၂ ဂိုး ၁ ဂိုးနဲ့ ထပ်နိုင်ခဲ့ပြီး ပြီးခဲ့တဲ့တစ်ပတ်မှာ နယူးကာဆယ်ကို ရှုံးကာ ၁၄ ပွဲဆက်တိုက် ရှုံးပွဲမရှိစံချိန် ကျိုးပျက်ခဲ့ရတဲ့ စပါးကတော့ ဆောက်သက်တမ်ကို ၂ ဂိုးပြတ်နဲ့ နိုင်ပွဲ ပြန်ရှာနိုင်ခဲ့ပါတယ်။
ဒုတိယနဲ့ တတိယနေရာက မန်းစီးတီးနဲ့ အာဆင်နယ်တို့ရဲ့ပွဲကိုတော့ ဒီနေ့ညမှာ ကစားမှာပါ။ ဒီတစ်ပတ်ပရီးမီးယားလိဂ် ရလဒ်များကတော့ အောက်ပါအတိုင်း ဖြစ်ပါတယ်။
ချယ်ဆီး ၃-၁ ဆန်းဒါးလန်း
အဲဗာတန် ၂-၃ လက်စတာ
မန်ယူ ၁-၂ နော်ဝစ်ခ်ျ
ဆောက်သက်တမ် ၀-၂ စပါး
စတုတ် ၁-၂ ခရစ္စတယ်ပဲလေ့စ်
ဝက်စ်ဘရွန်း ၁-၂ ဘုန်းမောက်
နယူးကာဆယ် ၁-၁ အက်စတွန်ဗီလာ
ဝက်ဖို့ဒ် ၃-၀ လီဗာပူးလ်
ဆွမ်ဆီး ၀-၀ ၀က်စ်ဟမ်း
