ဒီဇင်ဘာ ၆၊ ၂၀၁၆
M-Media
– တိုက်စစ်မှူး ဆန်းချက်ဇ်နှင့် ကွင်းလယ်လူ အိုဇေးလ်တို့၏ ကမ္ဘာအဆင့်ကို အသိအမှတ်ပြုကာ ဘဏ္ဍာရေး ခံစားခွင့်မျိုး မပေးပါက ၎င်းတို့နှစ်ဦးကို ဆုံးရှုံးမည့်အန္တရာယ် ရှိနေသည်ဟု အာဆင်နယ်တိုက်စစ်မှူးဟောင်း ဂျွန် ဟာ့တ်ဆန်က သတိပေးလိုက်သည်။
ယခုနှစ်အတွင် အသင်း၌ အကောင်းဆုံးခြေစွမ်းများကို ပြသနေသည့် ဆန်းချက်ဇ်နှင့် အိုဇေးလ်တို့၏ သက်တမ်းမှာ ၂၀၁၈ ခုနှစ်တွင် ကုန်ဆုံးမည်ဖြစ်ပြီး၊ လက်ရှိတွင် အသင်းက သက်တမ်းတိုးရန် ဆောင်ရွက်နေကာ ၎င်းတို့၏ လုပ်ခလစာကို အဆင့်တစ်ခုအထိရောက်အောင် တိုးပေးရမည့် အခြေအနေ ရှိနေသည်။
ဟာ့တ်ဆန်က ထိုကစားသမားနှစ်ဦးကို ထိုကဲ့သို့ မက်လုံးပေးရမည်ဖြစ်ပြီး သို့မဟုတ်ပါက ဆုံးရှုံးမည်ဟု ဆိုသည်။
“သူတို့ဟာ အကောင်းဆုံး အခြေအနေ ရှိနေပြီး အသင်းမှာလည်း ထိပ်တန်းနေရာ ရှိနေတယ်လို့ ပြောလို့ရပါတယ်။ ဒါပေမယ့် သူတို့ဟာ အခြားကလပ်တွေက ထိပ်တန်းကစားသမားတွေ ရရှိနေတဲ့ ခံစားခွင့်မျိုးကို လိုချင်နေကြပါတယ်။ ဒါမှအလုပ်ဖြစ်မှာဗျ။ သူတို့လိုချင်တာမပေးရင်၊ အခြားရတဲ့နေရာကို သူတို့ သွားပြီး ယူကြလိမ့်မယ်။ သူတို့နဲ့ ထိုက်တန်တယ်လို့ ထင်တာမျိုး ပေးကိုပေးရမှာပါ” ဟု ဟာ့တ်ဆန်က ပြောကြားခဲ့သည်။
မန်ယူကွင်းလယ်လူ ပေါ့ဘာမှာ တစ်ပတ်လုပ်ခ ပေါင် ၂၉၀၀၀၀ ရရှိနေပြီး ဆန်းချက်ဇ်နှင့် အိုဇေးလ်တို့ကလည်း ထိုပမာဏအတိုင်း ရရှိချင်သည်ဟု အင်္ဂလန်သတင်းစာတစ်စောင်ဖြစ်သော Evening Standard က ဖော်ပြခဲ့သည်။
Ref: Goal
