မေ ၂၆၊ ၂၀၁၈
ယခုနှစ် ပရီးမီးယားလိဂ် ရွှေဖိနပ်ဆုနှင့်အတူ တွေ့ရသည့် မိုဟာမက် ဆာလာဟ် – ဒီနေ့ည ရီးယဲလ်မက်ဒရစ်နဲ့ကစားမယ့် ချိန်ပီယံလိဂ် ဗိုလ်လုပွဲမှာ မိုဟာမက် ဆာလာဟ်ဟာ လီဗာပူးလ်အသင်းရဲ့ အဓိက တိုက်စစ်မှူး ဖြစ်လာမှာပါ။
ပရီးမီးယားလိဂ်မှာ တစ်ရာသီ စံချိန်တင်သွင်းဂိုး ၃၂ ဂိုးသွင်းခဲ့ပြီး အသင်းနဲ့ ထူးခြားဆန်းကြယ်တဲ့ ပွဲဦးထွက်ရာသီကိုရရှိခဲ့တဲ့ သူဟာ ဒီနေ့ညဖိုင်နယ်မှာ ဂိုးသွင်းပေးခဲ့မယ်ဆိုရင်တော့ အခုနှစ် အကောင်းဆုံး ဘောလုံးသမားဆု Balon d’Or ကို ရရှိဖို့ အစောဆုံးရေပန်းစားသူတစ်ယောက် ဖြစ်လာမှာ ဖြစ်ပါတယ်။
ကလပ်အသင်းပြိုင်ပွဲရဲ့ အမြင့်ဆုံးအဆင့်မှာ သူ့ရဲ့သွင်းဂိုးတွေနဲ့ ရီးယဲလ်ကို ချေမှုန်းနိုင်ခဲ့မယ်ဆိုရင်လည်း ဘယ်သူမှ အံ့သြမှာ မဟုတ်တာ သေချာပါတယ်။ တကယ့်လည်း သူ့အတွက် အံ့သြစရာ မရှိပါဘူး။
ဒါပေမယ့် အသက် ၁၆ နှစ်အရွယ်မှာ ငိုကြီးချက်မ မဖြစ်ခဲ့ဘူးဆိုရင် ဆာလာဟ်တစ်ယောက် ဒီကနေ့လို ကမ္ဘာ့အကြောက်ရဆုံး တိုက်စစ်မှူးတစ်ယောက် ဖြစ်လာမှာ မဟုတ်ပါဘူး။
ဆာလာဟ်ဟာ အသက် ၁၁ နှစ်အရွယ်မှာ Al-Mokawloon အသင်းမှာ စတင်ကစားခဲ့ပါတယ်။ အသင်းရဲ့ အကယ်ဒမီအကြီးအကဲ ဟမ်ဒီ နူးဟ်က “သူ့ပါရမီက သူဘာလဲဆိုတာ ပြနေတာ” လို့ ပြောကြားခဲ့ပါတယ်။
ကိုင်ရိုမြောက်ပိုင်းက သူ့ရဲ့ဇာတီ နီဂရီဂ်မှာ ဆာလာဟ်ဟာ အဲဒီအချိန်ကတည်း ဘောလုံးစွမ်းရည်ကြောင့် နာမည်ကျော်နေပါပြီ။
“တော်တော်ငယ်ငယ်ကတည်းက ပါရမီကို ပြသနိုင်တာကြောင့် ရွာကလူတိုင်းဟာ သူ့အတွက် ကောင်းမွန်တဲ့အနာဂတ်တစ်ခုကို မျှော်လင့်ခဲ့ကြပါတယ်။ ရွာကလည်း သူ့ကြောင့်ပဲ ထင်ရှားခဲ့ပါတယ်” လို့ ဆာလာဟ်ရဲ့ ၀မ်းကွဲညီအစ်ကို ဟာမဒ် ဂါလီက ပြောကြားခဲ့ပါတယ်။
“သူဟာ သုညကနေ စခဲ့ရပြီး မိသားစုကလည်း တော်တော်ပံ့ပိုးပေးပါတယ်။ Al-Mokawloon မရောက်ခင်ကတည်းက ဥရောပမှာကစားဖို့ သူဟာ အမြဲတမ်း အိပ်မက် မက်ခဲ့တာပါ။ အင်္ဂလိပ်ပရီးမီးယားလိဂ်ကို ရောက်သွားပေမယ့် သူအကြိုက်ဆုံး ကစားသမားတွေက ဇီဒိန်းနဲ့ လူးဝစ် ဖီဂိုတို့ပါ”
Al-Mokawloon လူငယ်အသင်းမှာ နေရာတစ်နေရာရဖို့အတွက် ဆာလာဟ်ဟာ ခက်ခက်ခဲခဲ ကြိုးစားခဲ့ရပါတယ်။ ဆာလာဟ်ဟာ အစပိုင်းမှာ နောက်ခံဘယ်အစွန်လူအဖြစ် ကစားပြီး အီဂျစ်လက်ရွေးစင်အသင်း အောင်မြင်မှုရတဲ့ ၃-၅-၂ က စားကွက်မှာ တောင်ပံကစားသမားအဖြစ် ကစားပါတယ်။
နောက်ခံလူအဖြစ်ကစားတဲ့ အဲဒီအချိန်ကတည်းက ဆာလာဟ်ဟာ သွင်းဂိုးတွေကို ဆာလောင်ခဲ့တယ်ဆိုတာ Al-Mokawloon ရဲ့ ယူ-၁၆၊ ယူ-၁၇ နည်းပြ စအစ် အလ် ရှီရှီနီက ပွဲတစ်ပွဲမှာ သိရှိခဲ့ပါတယ်။
“တော်တော်ကောင်းတဲ့ ENPPI အသင်းနဲ့ အဝေးကွင်းမှာ ကျွန်တော်တို့ အရေးပါတဲ့ပွဲကို ကစားရတယ်။ ၄ ဂိုး ၀ ဆိုတဲ့ လက်ဖျားခါလောက်တဲ့ရလဒ်နဲ့ ကျွန်တော်တို့ နိုင်ခဲ့ပါတယ်။ ကျွန်တော်တို့အားလုံး အောင်ပွဲခံနေတဲ့အချိန်မှာ မိုဟာမက်က ဒီသမိုင်းဝင်နိုင်ပွဲမှာ ဂိုးမသွင်းရတဲ့အတွက် ငိုကြွေးခဲ့ပါတယ်”
“သူဟာ ဂုိုးသွင်းဖို့ ဘယ်လောက်တောင် ဆန္ဒပြင်းပြလဲဆိုတာကို ဒီအချက်ကြောင့် ကျွန်တော် သိသွားပါတယ်။ နောက်ခံဘယ်စွန်လူဆိုတဲ့ သူ့နေရာကနေ ပြိုင်ဘက်ရဲ့ဂိုးအထိ ရောက်ဖို့အတွက် သူဟာ ရုန်းကန်ကြိုးစားခဲ့ရတာပါ”
“ဒီကိစ္စဟာ မိုဟာမက် ဆာလာဟ်ရဲ့ ဘောလုံးသမားဘ၀မှာ အလှည့်အပြောင်းတစ်ခုဖြစ်တယ်လို့ ထင်ပါတယ်။ ဘာ့ကြောင့်လဲဆိုတော့ ပွဲအပြီးမှာ သူနဲ့ကျွန်တော် ဆွေးနွေးခဲ့ပြီး သူ့ရဲ့ မြန်ဆန်တဲ့ပြေးနှုန်း၊ ဂိုးဆာလောင်မှုတွေကို အသုံးချဖို့အတွက် နေရာပြောင်းပေးမယ်လို့ ပြောခဲ့တာကြောင့်ပါ။ မှန်ကန်တဲ့ ပြောင်းလဲမှု ဖြစ်ပါတယ်။ တိုက်စစ်မှူးနေရာရောက်တဲ့အခါ သူဟာ ယူ-၁၆ နဲ့ ယူ-၁၇ အသင်းတွေမှာ တစ်ရာသီကို ၃၅ ဂိုးအထိ သွင်းနိုင်ခဲ့ပါတယ်”
အဲဒီနောက်မှာတော့ ဆာလာဟ်ဟာ အသင်းကြီးမှာ ပါဝင်ကစားခွင့်ရခဲ့ပါတယ်။ အသင်းကြီးကို ‘ဇီဇို’ လို့ အမည်ပြောင်ရှိတဲ့ နည်းပြ မိုဟာမက် အဘ်ဒဲလ်အဇစ်က ကိုင်တွယ်တာပါ။ အဘ်ဒဲလ်အဇစ်ဟာ Al-Mokawloon ရဲ့ ယူ-၁၄ အသင်းကိုလည်း ကိုင်တွယ်ခဲ့ဖူးပြီး ဆာလာဟ်ရဲ့ စိတ်နှစ်မြှုပ်မှု၊ သင်ယူလိုစိတ်ကို အလွန် အထင်ကြီးခဲ့ပါတယ်။
“ဆာလာဟ်ဟာ သိပ်ပြီး စည်းကမ်းရှိတဲ့ ကစားသမားပါ။ လေ့ကျင့်ခန်းကို ဘယ်တော့မှနောက်မကျဘူး။ နည်းပြ မိုဟာမက် ရဒ်ဝမ်နဲ့ ကျွန်တော်တို့ဟာ သူရဲ့ပြေးအားကနေ အကောင်းဆုံးရလဒ် ရဖို့အတွက် သီးသန့်လေ့ကျင့်ခန်းအစီအစဉ်ကို ပြုလုပ်ပေးခဲ့ပါတယ်” လို့ ဇီဇိုက ပြောကြားခဲ့ပါတယ်။
ဆာလာဟ်ဟာ အစပိုင်းမှာ ဘောလုံးကို ခြေထဲမှာ တော်တော်ကြာကြာ ကိုင်ထားတတ်ပြီး ဒီအချက်ကို ပြင်ပေးနိုင်ခဲ့ကြောင်း၊ အသက်ငယ်ပေမယ့် ဘောလုံးရာသီတစ်ခုကို အောင်မြင်စွာ ဖြတ်သန်းခဲ့ကာ အသင်းရဲ့ အရေးပါတဲ့ ကစားသမားတစ်ဦး ဖြစ်လာကြောင်း ဇီဇိုက ထည့်သွင်းပြောဆိုခဲ့ပါတယ်။
“ကျွန်တော်ရယ် အသင်းခေါင်းဆောင် မိုဟာမက် အလ် အကွာဘာဝီရယ် သူနဲ့အတူထိုင်ပြီး အသင်းရဲ့ သူရဲကောင်းတစ်ယောက်ဖြစ်ဖို့ အချိန်ကျပြီလို့ သူ့ကို ပြောခဲ့ပါတယ်။ သူ့ရဲ့ ရို့ကျိုးမှုကို သိနေတဲ့အတွက် သူဘ၀မြင့်သွားမှာကို ကျွန်တော် မစိုးရိမ်ပါဘူး။ အဲဒီစကားဝိုင်းမှာပဲ ကျွန်တော်က ပြည်တွင်းနာမည်ကြီး Zamalek နဲ့ Al Ahly ကို ပြောင်းဖို့လောက်သာမဟုတ်ဘဲ ဥရောပမှာ ကစားဖို့အတွက် ရည်မှန်းချက် ကြီးကြီးမားမားထားဖို့ အကြံပေးခဲ့ပါတယ်”
ဘေဆယ်မှာခြေစွမ်းပြခဲ့ပေမယ့် မော်ရင်ဟိုရဲ့ချယ်ဆီးမှာ ဆာလာဟ်တစ်ယောက် ရုန်းကန်ခဲ့ရပါတယ်။ ဒါပေမယ့် စီးရီးအေမှာ ဖီအိုရင်တီးနား၊ ရိုးမားတို့နဲ့အတူ ကမ္ဘာ့စိတ်လှုပ်ရှားစရာအကောင်းဆုံး တောင်ပံ့ကစားသမားတစ်ဦးအဖြစ် ဂုဏ်သတင်းကျော်ဇော်ခဲ့ပါတယ်။
လီဗာပူးလ်ကိုအရောက်မှာတော့ သူဟာ နောက်တစ်ဆင့်ကို တက်လှမ်းနိုင်ခဲ့ပြီး ဆယ်ကျော်သက်ဘ၀က အံ့သြဖွယ် ဂိုးသွင်းနှုန်းကို ပြန်လည်ရရှိနေပြီ ဖြစ်ပါတယ်။
အခုနှစ်အတွင်း ဆုတံဆိပ်တွေ အများအပြား ရရှိထားပေမယ့် ဆာလာဟ်ဟာ ဘာမှ မပြောင်းလဲပါဘူး။ သူ့ရဲ့ ရို့ကျိုးမှု၊ ပါရမီတွေကြောင့် နီဂရီဂ်မှာ သူရဲကောင်းတစ်ယောက်အဖြစ် ရှိနေဆဲပဲလို့ ၀မ်းကွဲညီအစ်ကိုက ပြောပါတယ်။
“ဒီကလူတိုင်းက သူ့ကိုချစ်တယ်။ သူဟာ မိသားစုနဲ့ ဇာတိမြေကသူတွေကို ခင်တွယ်သူတစ်ယောက်လည်း ဖြစ်ပါတယ်။ သူတို့နဲ့ အမြဲတမ်းဆက်သွယ်နေပြီး ဘယ်သူ့အပေါ်မှာမှ မမောက်မာပါဘူး။ အရင်ကအတိုင်းပဲ ယဉ်ကျေးတယ်။ တစ်ဆင့်ပြီးတစ်ဆင့် သူက တွေးတယ်။ အဆင့်တစ်ခုကိုရောက်ပြီဆိုတာနဲ့ နောက်တစ်ဆင့် ထပ်တက်ရမယ်ဆိုတာကို သူ သိပါတယ်။ သူ့ရဲ့ရည်မှန်းချက်က အကန့်အသတ် မရှိပါဘူး” လို့ ဂါလီက ပြောပါတယ်။
နေရာပြောင်းပေးခဲ့ပြီး ကစားသမားဘ၀ တစ်ခုလုံးကို ပြောင်းလဲစေခဲ့တဲ့ နည်းပြ အလ် ရှီရှီနီအပေါ် အကြွေးတင်နေတဲ့ ဆာလာဟ်အတွက် ဒီနေ့ည ချန်ပီယံလိဂ်အောင်ပွဲဟာ တကယ့်ကို ထူးခြားတဲ့ စတင်မှုတစ်ခု ဖြစ်လာမှာ ဖြစ်ပါတယ်။
Ref: Goal
(
