Tag: famous_myanmar_muslim

ဦးစီဘူးကို အဘ – ပညာဝန် ဦးနော်ဒင် နှင့် အမိ – ဒေါ်ရဲမ တို့မှ ရခိုင်ပြည်နယ် စစ်တွေမြို့ သက္ကယ်ပြင်ရွာမ(ကမန်ရွာ)တွင် ၁၈၉၈ ခုနှစ်၌မွေးဖွားခဲ့သည်။ မွေးချင်း (၈) ယောက်အနက် အကြီးဆုံးဖြစ်သည်။ ဇနီးဖြစ်သူမှာ ဒေါ်ရွှေမြဦးဖြစ်သည်။ ဦးစီဘူးသည် ဗြိတိသျှ ကိုလိုနီအစိုးရ လက်ထက်ကပင် ရခိုင်တိုင်း စစ်တွေမြို့၌ စက်ရှင်တရားသူကြီးအဖြစ် တာဝန်ထမ်းဆောင်ခဲ့သည်။ ထို့နောက် ဦးစီဘူး သည် ရန်ကုန်မြို့သို့စက်ရှင်တရားသူကြီးအဖြစ် ပြောင်းရွှေ့တာဝန်ထမ်းဆောင်ခဲ့သည်။

၁၉၄၇ ခုနှစ် ဇူလိုင်လ ၁၉ ရက်နေ့တွင် ဗိုလ်ချုပ်အောင်ဆန်း နှင့်အာဇာနည် ခေါင်းဆောင် ကြီးများကို နယ်ချဲ့လက်ပါးစေတစ်စုက လုပ်ကြံသတ်ဖြတ်လိုက်သည့် နိုင်ငံတော်လုပ်ကြံကြီးတစ်ရပ် ပေါ်ပေါက်လာခဲ့သည်။ ၁၉၄၇ ခုနှစ် သြဂုတ်လ ၃၀ရက်နေ့တွင် ဘုရင်ခံက လုပ်ကြံမှုကို စစ်ဆေးစီရင်ရန် အထူးခုံရုံးဖွဲ့စည်းသည့်ဥပဒေကို ထုတ်ပြန်ခဲ့သည်။ ခုံရုံးတွင် နာယကနှင့် အဖွဲ့ဝင်နှစ်ဦး ပါဝင်ရမည်ဖြစ်သည်။ ထိုစဉ်က တရားလွှတ်တော် တရားဝန်ကြီးချုပ်ဖြစ်ခဲ့သော ဆာဘဦး ကအထူးခုံရုံးအတွက် နာယကနှင့် အဖွဲ့ဝင်များ ရွေးချယ်ပေးခဲ့ရ၏။ “ နာယကရွေးရတာကတော့ ခက်ခဲခြင်းမရှိခဲ့ပါ။

ဦးကျော်မြင့်ကို ထိုတာဝန်ပေးအပ်ရာ သူကလိုလိုချင်ချင်ပင် လက်ခံပါသည်။ အဖွဲ့ဝင်နှစ်ဦးကို ရွေးရာတွင်မူ မလွယ်ကူခဲ့ပါ။ တရားသူကြီးများသည် ရိုးသားရမည်၊ အရည်အချင်းပြည့်စုံရမည်၊ ကြံ့ခိုင်ရမည်၊ သူတို့ကို အစိုးရနှင့်ပြည်သူက လက်ခံနိုင်ရမည်။ ထိုအရည်အချင်းအားလုံးနှင့် ပြည့်စုံသော စက်ရှင်တရားသူကြီးများကို ရှာဖွေရတာမလွယ်ပါ။ အချို့မှာ ရိုးသား၍ အရည်အချင်း ပြည့်စုံကြပါ၏။ သို့ရာတွင် ကြံ့ခိုင်ခြင်းမရှိကြပါ။ အချို့ကိုမူ အစိုးရက သဘောမကျပါ။ နောက်ဆုံး၌ ဦးအောင်သာကျော်နှင့် ဦးစီဘူးကို ရွေးချယ်လိုက်ရပါသည်။ ’’ ဟု ဆာဘဦးက ‘ ကျွန်ုပ်၏မြန်မာပြည် ’ တွင်မှတ်တမ်းတင်ခဲ့လေသည်။ ဤမှတ်တမ်းအရ အထူးခုံရုံးအဖွဲ့ဝင် စက်ရှင် တရားသူကြီးများ၏ သီလ၊ သမာဓိ၊ ပညာ အရည်အချင်းတို့ကို သိမြင်နိုင်ပေသည်။   ဘုရင်ခံသည် အထူးခုံရုံးကို  ၁၉၄၇ ခုနှစ်၊ စက်တင်ဘာလ၂ဝ ရက်နေ့တွင် အမိန့်ထုတ်ပြန်၍ ဖွဲ့စည်းခဲ့သည်။ ထိုအထူးခုံရုံးတွင် တရားလွှတ်တော် တရားရေးဝန်ကြီး ဦးကျော်မြင့်က နာယကအဖြစ်ဆောင်ရွက်ပြီး ဦးစီဘူးနှင့် ဦးအောင်သာကျော်တို့က အဖွဲ့ဝင်များအဖြစ် ပါဝင်ဆောင်ရွက်ခဲ့ကြသည်။

ဦးစောနှင့် အပေါင်းအပါတို့ကို စစ်ဆေးရာတွင် အထူးခုံရုံးက မျှတမှန်ကန်စေရန် အထူးကြိုးပမ်းခဲ့လေသည်။ ငွေကြေးမတတ်နိုင်သော တရားခံများအတွက် အစိုးရစရိတ်ဖြင့် ရှေ့နေငှားရမ်းပေးခဲ့သည်။ အမှုစစ်ဆေးရာတွင် တစ်ဖက်သတ်မပြု။ အကျေအလည် ပြန်လှန် မေးမြန်းခွင့်၊ ပြောခွင့်၊ ဆိုခွင့် တို့ကိုပေးခဲ့သည်။ ဗိုလ်ချုပ်အောင်ဆန်းကဲ့သို့သော နိုင်ငံခေါင်းဆောင်ကို လုပ်ကြံသူများပါတကားဟု ကြိုတင်၍ စိတ်ပိုင်းဖြတ်ခြင်းမျိုးကို မပြုမိအောင် ကြိုးပမ်းသည်။ ထိုသို့စိတ်ပိုင်းဖြတ်ထားခြင်းမရှိကြောင်းကို အမျိုးမျိုးသောနည်းများဖြင့် ပြသ၍ ထင်ရှားစေခဲ့သည်။ တရားသူကြီးများ၏စိတ်တွင် ကြိုတင်စိတ်ပိုင်းဖြတ်ခြင်းနှင့် ဒေါသ လုံးဝကင်းရှင်းသည်ဟုကား တပ်အပ်သေချာစွာ မဆိုနိုင်။ သို့ရာတွင် ထိုဒေါသကို ဖယ်ရှားနိုင်သမျှဖယ်ရှား၍ ဥပဒေနှင့်အညီသာ မူခင်းကို တည်တည်ငြိမ်ငြိမ်  စစ်ဆေးခဲ့ကြသည်ကို ပြည်သူတို့မြင်ကြရလေသည်။ ၁၉၄၇ ခုနှစ် ဒီဇင်ဘာလ ၃ဝရက်နေ့ တွင် ဂဠုန်ဦးစောနှင့် အပေါင်းအပါတရားခံများအား ထိုက်သင့်သည့်ပြစ်ဒဏ်များ စီရင်ချမှတ်ခဲ့သည်။ နိုင်ငံတော်လုပ်ကြံမှု အထူးခုံးရုံးအဖွဲ့ဝင် တရားသူကြီးများအား နိုင်ငံတော်မှ သီရိပျံချီရွှေတံဆိပ်ဆုများကို အသီးသီး ချီးမြှင့်အပ်နှင်းခဲ့သည်။

ထိုနောက်ပိုင်း တစ်ဆက်တည်းတွင် ဦးစီဘူးသည် တရားလွှတ်တော်ချုပ် တရားရေးဝန်ကြီး အဖြစ် ဆက်လက်တာဝန် ထမ်းဆောင်ခဲ့သည်။ တရားရေးဝန်ကြီးအဖြစ်တာဝန်ထမ်းဆောင်စဉ် အသက် (၅၅) နှစ်အရွယ် ၁၉၅၃ခုနှစ်တွင် ရန်ကုန်မြို့၌ အလ္လာဟ်အရှင်မြတ်အမိန့်တော်ခံယူခဲ့လေသည်။ ဦးစီဘူးမှာ ဂဠုန်ဦးစော၏ မိတ်ဆွေလည်းဖြစ်သည်။ ဂဠုန်ဦးစောက ကြိုးစင်တက်ခါနီးတွင် ဦးစီဘူးအား “မင်းလုပ်ရပ်မှန်ပါတယ်” ဟု ပြောခဲ့ကြောင်း ဦးစီဘူး၏ဇနီးဖြစ်သူ အသက်ထင်ရှား ရှိစဉ်က နောင်လာ နောက်သားတို့ထံ ပြန်လည်ပြောပြခဲ့သည်။ နိုင်ငံတော်အစိုးရပေးအပ်သော တာဝန်များကို အမြင့်မားဆုံး ထမ်းဆောင်ခဲ့သော အစ္စလာမ်ဘာသာဝင် ကမန်တိုင်းရင်းသားတစ်ဦးဖြစ်သူ တရားလွှတ်တော်ချုပ် တရားရေး ဝန်ကြီး သီရိပျံချီ ဦိးစီဘူး၏ အတ္ထုပ္ပတ္တိကို ခေတ်ကြေးမြင်မဂ္ဂဇင်းတွင် ဂုဏ်ပြုဖော်ပြအပ်ပါသည်။

စာတည်းအဖွဲ့

ထုတ်နုတ်။  ။ မောင်ဆန္ဒ(လယ်ဝေး)၏ ကမန်မျိုးနွယ်စုသမိုင်း။
ဒေါက်တာမောင်မောင်၏ နိုင်ငံတော်လုပ်ကြံမှု (ပြည်ထောင်စုနှင့် ဦးစော)

” ခေတ်ကြေးမြင်မဂ္ဂဇင်း စာတည်းအဖွဲ့က သီရိပျံချီဦးစီဘူး၏ အတ္ထုပ္ပတ္တိကို ပြုစုထားခြင်းဖြစ်ပါသည်။ “

“ခေတ်ကြေးမြင် မဂ္ဂဇင်း မှကူးယူဖော်ပြပါသည်။ “

ဒုတိယ ဗိုလ်မှူးကြီး သူရလှဒင် (ကြည်း – ၅၉၁၈)

(၁၉၂၀-၁၉၈၈) ဒုတိယဗိုလ်မှူးကြီး သူရလှဒင်ကို ၁၉၂၀ခုနှစ်တွင် အဘဦးဘထွန်း၊ အမိ ဒေါ်မုန်းတို့မှ ပျဉ်းမနားမြို့တွင်ဖွားမြင်ခဲ့သည်။ ပျဉ်းမနားမြို့ ဘက်ပတစ်အထက်တန်း ကျောင်း တွင် တက္ကသိုလ်ဝင်တန်းအထိတက်ရောက်ပညာသင်ကြားခဲ့သည်။

၁၉၄၂ ခုနှစ်တွင် ရန်ကုန် ယုဒသန်ကောလိပ်မှ ဥပစာဝိဇ္ဇာတန်းကို အောင်မြင်ခဲ့သည်။

၁၉၄၅ ခုနှစ်တွင် ဒေါ်ခင်ရွှေနှင့်ထိမ်းမြားလက်ထပ်ခဲ့ပြီး သားသမီး(၅)ဦး ထွန်းကားခဲ့သည်။

၁၉၄၆ခုနှစ် ဧပြီလ(၁)ရက်နေ့တွင် ပျဉ်းမနားမြို့အမှတ်(၅) ဗမာ့ သေနတ်ကိုင် တပ်ရင်းသို့ ဝင် ရောက်ခဲ့ပြီး တပ်သားအဆင့်ဖြင့် စတင်အမှုထမ်းခဲ့သည်။ ၁၉၄၇ ခုနှစ်တွင် ဒုအရာခံဗိုလ်အဆင့်ဖြင့် မေမြို့တပ်မတော်ပညာရေးကျောင်း၌ တာဝန်ထမ်းဆောင်ခဲ့သည်။

၁၉၄၈ ခုနှစ်တွင် အရာခံဗိုလ်အဆင့်ဖြင့် တပ်မတော် ဗိုလ်သင်တန်းကျောင်း၌ ပညာရေးနည်းပြအဖြစ် ပြောင်းရွှေ့တာဝန်ထမ်းဆောင်ခဲ့ပြီး ပညာရေးနည်းပြ သင်တန်းတက်ရောက်ရန် စင်္ကာပူနိုင်ငံသို့ စေလွှတ်ခြင်းခံခဲ့ရသည်။

၁၉၅၀ ခုနှစ်တွင် ဗိုလ်သင်တန်းကျောင်းအပတ်စဉ် (၄) ဗိုလ်လောင်း သင်တန်းသို့တက်ရောက်ခဲ့ပြီး ပြန်တမ်းဝင်အရာရှိ ဒုဗိုလ်အဆင့်ဖြင့် ကယားတပ်ရင်း (၁)တွင် တာဝန်ပေးအပ်ခြင်းခံခဲ့ရသည်။

တပ်မတော်တွင် တာဝန် ထမ်းဆောင်နေစဉ် အတွင်း ၁၉၅၂ ခုနှစ်တွင် ရှမ်းပြည်နယ် မူဆယ်၊ မုန်းယု၊ ကြူကုတ် နယ်မြေများတွင် ကျူးကျော်သူ တရုတ်ဖြူများကို သတ္တိပြောင်မြောက်စွာ ရွပ်ရွပ်ချွံချွံ တိုက်ခိုက်ခဲ့သဖြင့် “သူရ” သတ္တိရွှေတံဆိပ်ကို နိုင်ငံတော်မှ ချီးမြှင့်ခြင်းခံခဲ့ရသည်။

၁၉၅၂ခုနှစ်မှ ၁၉၆၂ခုနှစ်အတွင်း လေ့ကျင့်ရေး(၁)၊ စစ်ထောက်ချုပ်ရုံး၊ သေနတ်ကိုင်တပ်ရင်း(၃)နှင့် ခြေလျင်တပ်ရင်း(၂၁) တို့တွင် အဆင့်ဆင့်ပြောင်းရွှေ့ တာဝန်ထမ်းဆောင်ခဲ့သည်။ ၁၉၆၂ ခုနှစ်တွင် အမှတ် (၁၀၇) ခြေမြန်တပ်ရင်း၌ ဒုတပ်ရင်းမှူး ရာထူးဖြင့် ပြောင်းရွှေ့တာဝန်ထမ်းဆောင်နေစဉ်အတွင်း ယာဘက်လက် အရိုးကျိုး ထိခိုက်ဒဏ်ရာရရှိခဲ့သည်။

တပ်မတော်မှ နိုင်ငံရေးတာဝန်ပြောင်းရွှေ့ပေးအပ် ခဲ့သဖြင့် ကချင်ပြည်နယ်မြစ်ကြီးနားမြို့ ၌ တိုင်းကြီးကြပ်ရေးကော်မတီ တိုင်းခွဲအမှတ် (၅) ဖွင့်လှစ်နိုင်ရန်အတွက် အတွင်းရေးမှူးတာဝန်ဖြင့် ၁၉၆၃ ခုနှစ်မှ ၁၉၆၅ ခုနှစ်ထိ တာဝန်ထမ်းဆောင်ခဲ့သည်။၁၉၆၅ ခုနှစ်တွင် တပ်မတော်မှပြန်လည်ခေါ်ယူချက်အရ တပ်ရင်းမှူး တာဝန်ဖြင့် ခြေလျင်တပ်ရင်း(၅၈)တွင် ၁၉၆၈ ခုနှစ်ထိ တာဝန်ထမ်းဆောင်ခဲ့သည်။

၁၉၆၈ခုနှစ်တွင် စစ်လက်နက်ပစ္စည်း ညွှန်ကြားရေးမှူးရုံး (စစ်ရုံးချုပ်)သို့ ဒု-ညွှန်ကြား ရေးမှူး အဖြစ် ပြောင်းရွှေ့တာဝန် ထမ်းဆောင် ခဲ့သည်။၁၉၇၀ခုနှစ်တွင် ပင်မစစ်လက်နက်ပစ္စည်းတပ်(အင်းတိုင်) သို့ တပ်မှူးကြီး အဖြစ် ပြောင်းရွှေ့တာဝန်ယူခဲ့ရပြီး ၁၉၇၉ခုနှစ်တွင် ကျန်းမာရေး အခြေအနေကြောင့် နိုင်ငံတော်သို့ တပ်မတော်မှအငြိမ်းစားယူခွင့်ပြုပါရန် လျှောက်ထားချက်အရ အငြိမ်းစားယူခွင့် ရရှိခဲ့ပါသည်။

နိုင်ငံတော်မှ ဒုတိယဗိုလ်မှူးကြီး သူရလှဒင်အား လွတ်လပ်ရေးတံဆိပ်၊ နိုင်ငံတော် စစ်မှုထမ်းကောင်းတံဆိပ်၊ “သူရ” သတ္တိရွှေတံဆိပ် တို့ကို ချီးမြှင့်အပ်နှင်းခဲ့သည်။ တပ်မတော်မှ အငြိမ်းစားယူပြီးနောက်တွင် ဘာသာရေး၊ လူမှုရေးဆိုင်ရာ ကိစ္စရပ်များကို တတ်အား သရွေ့ဆောင်ရွက်ခဲ့သည်။ ဒုတိယဗိုလ်မှူးကြီး သူရလှဒင် သည် ၁၉၈၈ ခုနှစ် ဇူလိုင်လ(၅)ရက်နေ့တွင် ရန်ကုန်မြို့နေအိမ်၌ ဆီးချိုရောဂါဖြင့် အလ္လာဟ် အရှင်မြတ် အမိန့်တော်ခံယူခဲ့သည်။

ဒုတိယဗိုလ်မှူးကြီး သူရလှဒင်သည် လေသံအေးအေးနှင့် မာန်မာနမရှိဘဲ စိတ် သဘောထားပြည့်ဝသူဟု သူ၏ မိတ်ဆွေများက ပြောစမှတ်ပြုကြသည်။ သမိုင်း ပညာရှင်ကြီး ဇေယျကျော်ထင်ဗိုလ်မှူးဘရှင်နှင့်လည်း ရင်းနှီးကျွမ်းဝင်သူဖြစ်သည်။ ဘာသာတရား ကိုင်းရှိုင်းသူလည်းဖြစ်သည်။

နိုင်ငံတော်နှင့်ပြည်သူလူထု အကျိုးကို စွမ်းစွမ်းတမံ သတ္တိပြောင်မြောက်စွာ ထမ်းဆောင်ခဲ့သော မြန်မာနိုင်ငံသား အစ္စလာမ်ဘာသာဝင် တစ်ဦးဖြစ်သည့် ဒုတိယ ဗိုလ်မှူးကြီး သူရလှဒင်၏ အတ္ထုပ္ပတ္တိကို ခေတ်ကြေးမြင်မဂ္ဂဇင်းတွင် ဂုဏ်ပြုဖော်ပြ အပ်ပါသည်။

” ခေတ်ကြေးမြင်မဂ္ဂဇင်း စာတည်းအဖွဲ့က ဒုတိယဗိုလ်မှူးကြီး သူရလှဒင်၏ အတ္ထုပ္ပတ္တိကို ၄င်း၏ သားဖြစ်သူနှင့် တွေ့ဆုံမေးမြန်း၍ ပြုစုထားခြင်းဖြစ်ပါသည်။ “

“ခေတ်ကြေးမြင် မဂ္ဂဇင်း(၂၀၁၄-၁၅)  မှကူးယူဖော်ပြပါသည်။ “